📅 2025-yil 17-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 17 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 декабря 2025 г. · Постановления Президента
Официальный текст. Официальный документ. Редакционные примечания не включены.
📅 17 December 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
«Тошкент вилояти Зангиота туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш чора-тадбирлари тўғрисида
Электр энергиясини ишлаб чиқариш манбаларини диверсификациялаш, аҳолини ва иқтисодиёт тармоқларини энергия ресурслари билан барқарор таъминлаш мақсадида қарор қиламан:
I. Электр энергиясини сақлаш тизимини қуриш орқали энергетика хавфсизлигини таъминлаш
1. Тўғридан-тўғри музокаралар натижасида:
(а) «EAGLERISE DEVELOPMENT HK COMPANY LIMITED» (ХХР) компанияси (кейинги ўринларда — Инвестор) томонидан «Тошкент вилояти Зангиота туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳаси (кейинги ўринларда — Лойиҳа) доирасида «Mega Energy Power TECH» МЧЖ (кейинги ўринларда — Лойиҳа компанияси) таъсис этилгани;
(б) Инвестор, Лойиҳа компанияси ва Ўзбекистон Республикаси Ҳукумати номидан Инвестициялар, саноат ва савдо вазирлиги ўртасида 2025 йил 2 декабрда инвестиция шартномаси имзолангани ҳамда унга мувофиқ, Инвестор ва Лойиҳа компанияси Тошкент вилоятида 70 миллион АҚШ доллари миқдорида тўғридан-тўғри инвестиция жалб этган ҳолда қуввати 150 МВт (300 МВт соат) бўлган электр энергиясини сақлаш тизимини лойиҳалаштириши, молиялаштириши, қуриши ҳамда эксплуатация қилиши;
(в) 2025 йил 11 июнда Лойиҳа компанияси билан «Ўзэнергосотиш» АЖ ўртасида Электр энергиясини сақлаш хизмати бўйича битим ҳамда «Ўзбекистон миллий электр тармоқлари» АЖ ўртасида Тармоққа улаш тўғрисида битим (кейинги ўринларда — Битимлар) имзолаганлиги маълумот учун қабул қилинсин.
II. Мажбурият ва имтиёзлар
2. Белгилансинки, Битимларга мувофиқ:
(а) Лойиҳа компанияси ўз зиммасига электр энергиясини сақлаш тизими фойдаланишга кафолатланган тарзда тайёр туришини таъминлаш мажбуриятини олади;
(б) Лойиҳа компанияси Лойиҳа доирасида электр станциясини ягона электр энергияси тармоғига улаш учун электр узатиш тармоқлари ва подстанция қуради ҳамда ишга туширилгандан сўнг уларни «Ўзбекистон миллий электр тармоқлари» АЖга топширади. Бунда:
(i) Лойиҳа компаниясининг электр узатиш тармоқлари ва подстанция қуриш учун сарфлаган харажатлари электр энергиясини сақлаш хизмати тарифи таркибида кўзда тутилади;
(ii) электр узатиш тармоқлари ва подстанция «Ўзбекистон миллий электр тармоқлари» АЖга бепул топширилади, шунингдек, ушбу объектлар солиқ солиш объекти ҳисобланмайди;
(в) «Ўзэнергосотиш» АЖ ўн беш йил давомида электр энергиясини сақлаш тизимидан фойдаланганлик учун ҳамда Лойиҳа компанияси томонидан электр узатиш тармоқлари ва подстанция қуришга сарфланган харажатлар тўлиқ қоплангунига қадар ушбу харажатларни белгиланган тарифга қўшган ҳолда тўловни амалга ошириш мажбуриятини олади;
(г) электр энергиясини сақлаш тизимидан фойдаланганлик учун тўловлар чет эл валютасида деноминацияланган қатъий тариф бўйича миллий валютада амалга оширилади;
(д) Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 5,4 миллион АҚШ доллари миқдорида биринчи даражали банк кафолатини тақдим этади;
(ж) электр энергиясини сақлаш тизимини қуриш билан боғлиқ қурилиш ва ер ишларини бажариш, бино ва иншоотлар пойдеворларини лойиҳалаштириш нормалари ва қоидалари Битимларга мувофиқ халқаро стандартлар билан тартибга солинади.
3. Инвестициялар, саноат ва савдо вазирлиги, Энергетика вазирлиги ҳамда «Ўзэнергосотиш» АЖга Лойиҳа компанияси томонидан Лойиҳани амалга ошириш доирасида имзоланган битимлар бўйича мажбуриятлар бажарилмаган тақдирда, Лойиҳа компанияси ва Инвестор ҳуқуқини Инвестиция лойиҳасини молиялаштиришда иштирок этадиган бошқа кредиторларга тўғридан-тўғри ўтказиш ҳақида битимлар тузиш ҳуқуқи берилсин.
4. Қуйидагиларга:
(а) «Ўзбекистон миллий электр тармоқлари» АЖ ва «Ўзэнергосотиш» АЖга Лойиҳа компанияси билан биргаликда Битимларда белгиланган тартиб-таомилларга мувофиқ Лойиҳани амалга ошириш учун халқаро мустақил инжиниринг компанияси ва бошқа маслаҳатчиларни тўғридан-тўғри шартномалар тузган ҳолда жалб қилишга;
(б) «Ўзэнергосотиш» АЖга электр энергиясини сақлаш тизимидан фойдалангани учун уч ой мобайнида тўлов мажбурияти бажарилишининг таъминоти сифатида Лойиҳа компанияси фойдасига чет эл банкининг чет эл валютасида тасдиқланган тикланувчи аккредитивини очишга рухсат берилсин.
III. Лойиҳаларни амалга оширишни жадаллаштириш чора-тадбирлари
5. Лойиҳани амалга ошириш доирасида:
(а) Ўзбекистон Республикаси Ҳукумати номидан Инвестициялар, саноат ва савдо вазирлиги ҳамда Инвестор ва Лойиҳа компанияси ўртасида тузилган инвестиция шартномаси тасдиқлансин;
(б) тегишлича «Ўзэнергосотиш» АЖ, «Ўзбекистон миллий электр тармоқлари» АЖ ва Лойиҳа компанияси ўртасида тузилган Битимлар маъқуллансин.
6. Белгилансинки, Лойиҳа компаниясига барча солиқлар ва йиғимлар тўланган ҳолда Лойиҳани молиялаштириш доирасида:
(а) кредит олиш, чет эл валютасида маблағлар олиш ва улардан фойдаланиш (шу жумладан, чет эл валютасидаги кредит тушумлари) учун чет элдаги чет эл банкларида банк ҳисобварақларини очиш;
(б) Ўзбекистон Республикасидан ташқарида бўлган чет эл пудрат ташкилотлари, етказиб берувчилари ёки кредиторларига тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш ҳуқуқлари берилади.
7. Энергетика вазирлиги, Қишлоқ хўжалиги вазирлиги, Сув хўжалиги вазирлиги, Иқтисодиёт ва молия вазирлиги, Тошкент вилояти ҳокимлигининг Лойиҳани амалга ошириш учун ажратиладиган Тошкент вилояти Зангиота тумани ҳудудидаги иловага мувофиқ жами 4 гектар ер участкаларини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.
8. Тошкент вилояти ҳокимлиги:
(а) Энергетика вазирлиги, Қишлоқ хўжалиги вазирлиги, Иқтисодиёт ва молия вазирлиги Лойиҳа компанияси билан биргаликда, заруратга кўра, Лойиҳани амалга ошириш учун Тошкент вилояти Зангиота тумани ҳудудида электр тармоқларини ва электр энергетикаси инфратузилмаси қурилмаларини қуриш учун зарур ер участкаларини танлаб олсин ҳамда уларнинг чегараларига аниқлик киритиб, тегишлилиги бўйича оммавий сервитут белгилаш ва ер фонди тоифасини ўзгартириш юзасидан Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклифлар киритиш чораларини кўрсин;
(б) Лойиҳани амалга ошириш учун инвестиция шартномаси ва Битимларда кўрсатилган шартларга мос келадиган ер участкаларини Энергетика вазирлигига доимий фойдаланиш ҳуқуқи билан ажратсин. Бунда:
(i) Энергетика вазирлиги ўзига берилган тегишли ер участкалари Лойиҳа компаниясига электр энергиясини сақлаш тизимини қуриш ҳамда Лойиҳа компанияси ва «Ўзбекистон миллий электр тармоқлари» АЖга электр тармоқларини ва электр энергетикаси инфратузилмаси қурилмаларини қуриш учун Лойиҳани амалга ошириш муддатига тенг даврга ижарага берилишини таъминласин;
(ii) Лойиҳа компанияси уч ой муддатда ер участкалари олиб қўйилаётган ер эгалари, фойдаланувчилари ва ижарачиларига етказилган зарарларни, шунингдек, қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари амалга оширилишини таъминласин.
9. Лойиҳа компанияси ва «Ўзбекистон миллий электр тармоқлари» АЖ томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
10. Инвестор ва Лойиҳа компаниясининг буюртманомасига биноан Лойиҳани амалга ошириш доирасида:
(а) Ташқи ишлар вазирлиги — жалб қилинадиган чет эл мутахассислари ҳамда уларнинг оила аъзолари учун кириш визалари, зарур ҳолларда, Ислом Каримов номидаги Тошкент халқаро аэропортида белгиланган тартибда расмийлаштирилишини;
(б) Ички ишлар вазирлиги — жалб қилинадиган чет эл мутахассислари ҳамда уларнинг оила аъзоларига кўп марталик виза берилиши ва унинг муддати узайтирилишини, шунингдек, улар турган жойи бўйича рўйхатдан ўтказилиши ва унинг муддати узайтирилишини;
(в) Камбағалликни қисқартириш ва бандлик вазирлиги — чет эл фуқароларига Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
11. Ўзбекистон Республикаси Бош вазирининг ўринбосари — иқтисодиёт ва молия вазирига Ўзбекистон Республикаси Ҳукумати номидан «Ўзэнергосотиш» АЖнинг аккредитив очадиган чет эл банки олдидаги тўлов мажбуриятлари Осиё тараққиёт банки, Жаҳон банки ёки Европа тикланиш ва тараққиёт банки кафолати орқали бажарилган тақдирда, мазкур банк билан Ўзбекистон Республикаси Ҳукуматига мақбул шаклдаги ушбу банк харажатларини қоплаш тўғрисидаги битимни имзолаш ваколати берилсин.
IV. Қарор ижросини ташкил этиш, таъминлаш ва назорат
12. Инвестициялар, саноат ва савдо вазирлиги Экология ва иқлим ўзгариши миллий қўмитаси ҳамда Энергетика вазирлиги билан биргаликда Лойиҳа амалга оширилиши, шунингдек, томонлар ўртасидаги битимлар доирасидаги мажбуриятлар бажарилиши устидан доимий назорат ўрнатсин.
13. Адлия вазирлиги Лойиҳани амалга ошириш доирасида инвестиция шартномаси ҳамда унинг қоидаларига мувофиқ имзоланадиган битимлар юзасидан юридик хулосалар берсин.
14. Экология ва иқлим ўзгариши миллий қўмитаси лойиҳа ҳужжатлари белгиланган тартибда экологик экспертизадан ўтказилишини ва Лойиҳаларни амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
15. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
16. Қарор ижроси учун масъул вазирлик ва идоралар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 17 декабрдаги ПҚ-381-сон қарорига ИЛОВА
«Тошкент вилояти Зангиота туманида қуввати 150 МВт (300 МВт соат) бўлган электр энергиясини сақлаш тизимини қуриш» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказилаётган ер участкалари
Ҳудуд номи Ердан фойдаланувчи номи Контур рақами Жами ер майдони (гектар) Шундан: Фойдаланиш мақсади экин ерлар (гектар) яйлов ерлар (гектар) бошқа ерлар (гектар) Боғзор маҳалласи Захирадаги ерлар 4573 қ (161қ) 4,0 4,0 - - Электр энергиясини сақлаш тизимини қуриш Жами: 4,0 4,0 - -
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 17 декабрь,
ПҚ-381-сон
Oʻzbekiston Respublikasi Prezidentining
qarori
ROʻYXATI
“Toshkent viloyati Zangiota tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish chora-tadbirlari toʻgʻrisida
Elektr energiyasini ishlab chiqarish manbalarini diversifikatsiyalash, aholini va iqtisodiyot tarmoqlarini energiya resurslari bilan barqaror taʼminlash maqsadida qaror qilaman:
I. Elektr energiyasini saqlash tizimini qurish orqali energetika xavfsizligini taʼminlash
1. Toʻgʻridan-toʻgʻri muzokaralar natijasida:
(a) “EAGLERISE DEVELOPMENT HK COMPANY LIMITED” (XXR) kompaniyasi (keyingi oʻrinlarda — Investor) tomonidan “Toshkent viloyati Zangiota tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasi (keyingi oʻrinlarda — Loyiha) doirasida “Mega Energy Power TECH” MCHJ (keyingi oʻrinlarda — Loyiha kompaniyasi) taʼsis etilgani;
(b) Investor, Loyiha kompaniyasi va Oʻzbekiston Respublikasi Hukumati nomidan Investitsiyalar, sanoat va savdo vazirligi oʻrtasida 2025-yil 2-dekabrda investitsiya shartnomasi imzolangani hamda unga muvofiq, Investor va Loyiha kompaniyasi Toshkent viloyatida 70 million AQSH dollari miqdorida toʻgʻridan-toʻgʻri investitsiya jalb etgan holda quvvati 150 MVt (300 MVt soat) boʻlgan elektr energiyasini saqlash tizimini loyihalashtirishi, moliyalashtirishi, qurishi hamda ekspluatatsiya qilishi;
(v) 2025-yil 11-iyunda Loyiha kompaniyasi bilan “Oʻzenergosotish” AJ oʻrtasida Elektr energiyasini saqlash xizmati boʻyicha bitim hamda “Oʻzbekiston milliy elektr tarmoqlari” AJ oʻrtasida Tarmoqqa ulash toʻgʻrisida bitim (keyingi oʻrinlarda — Bitimlar) imzolaganligi maʼlumot uchun qabul qilinsin.
II. Majburiyat va imtiyozlar
2. Belgilansinki, Bitimlarga muvofiq:
(a) Loyiha kompaniyasi oʻz zimmasiga elektr energiyasini saqlash tizimi foydalanishga kafolatlangan tarzda tayyor turishini taʼminlash majburiyatini oladi;
(b) Loyiha kompaniyasi Loyiha doirasida elektr stansiyasini yagona elektr energiyasi tarmogʻiga ulash uchun elektr uzatish tarmoqlari va podstansiya quradi hamda ishga tushirilgandan soʻng ularni “Oʻzbekiston milliy elektr tarmoqlari” AJga topshiradi. Bunda:
(i) Loyiha kompaniyasining elektr uzatish tarmoqlari va podstansiya qurish uchun sarflagan xarajatlari elektr energiyasini saqlash xizmati tarifi tarkibida koʻzda tutiladi;
(ii) elektr uzatish tarmoqlari va podstansiya “Oʻzbekiston milliy elektr tarmoqlari” AJga bepul topshiriladi, shuningdek, ushbu obyektlar soliq solish obyekti hisoblanmaydi;
(v) “Oʻzenergosotish” AJ oʻn besh yil davomida elektr energiyasini saqlash tizimidan foydalanganlik uchun hamda Loyiha kompaniyasi tomonidan elektr uzatish tarmoqlari va podstansiya qurishga sarflangan xarajatlar toʻliq qoplanguniga qadar ushbu xarajatlarni belgilangan tarifga qoʻshgan holda toʻlovni amalga oshirish majburiyatini oladi;
(g) elektr energiyasini saqlash tizimidan foydalanganlik uchun toʻlovlar chet el valyutasida denominatsiyalangan qatʼiy tarif boʻyicha milliy valyutada amalga oshiriladi;
(d) Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 5,4 million AQSH dollari miqdorida birinchi darajali bank kafolatini taqdim etadi;
(j) elektr energiyasini saqlash tizimini qurish bilan bogʻliq qurilish va yer ishlarini bajarish, bino va inshootlar poydevorlarini loyihalashtirish normalari va qoidalari Bitimlarga muvofiq xalqaro standartlar bilan tartibga solinadi.
3. Investitsiyalar, sanoat va savdo vazirligi, Energetika vazirligi hamda “Oʻzenergosotish” AJga Loyiha kompaniyasi tomonidan Loyihani amalga oshirish doirasida imzolangan bitimlar boʻyicha majburiyatlar bajarilmagan taqdirda, Loyiha kompaniyasi va Investor huquqini Investitsiya loyihasini moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish haqida bitimlar tuzish huquqi berilsin.
4. Quyidagilarga:
(a) “Oʻzbekiston milliy elektr tarmoqlari” AJ va “Oʻzenergosotish” AJga Loyiha kompaniyasi bilan birgalikda Bitimlarda belgilangan tartib-taomillarga muvofiq Loyihani amalga oshirish uchun xalqaro mustaqil injiniring kompaniyasi va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
(b) “Oʻzenergosotish” AJga elektr energiyasini saqlash tizimidan foydalangani uchun uch oy mobaynida toʻlov majburiyati bajarilishining taʼminoti sifatida Loyiha kompaniyasi foydasiga chet el bankining chet el valyutasida tasdiqlangan tiklanuvchi akkreditivini ochishga ruxsat berilsin.
III. Loyihalarni amalga oshirishni jadallashtirish chora-tadbirlari
5. Loyihani amalga oshirish doirasida:
(a) Oʻzbekiston Respublikasi Hukumati nomidan Investitsiyalar, sanoat va savdo vazirligi hamda Investor va Loyiha kompaniyasi oʻrtasida tuzilgan investitsiya shartnomasi tasdiqlansin;
(b) tegishlicha “Oʻzenergosotish” AJ, “Oʻzbekiston milliy elektr tarmoqlari” AJ va Loyiha kompaniyasi oʻrtasida tuzilgan Bitimlar maʼqullansin.
6. Belgilansinki, Loyiha kompaniyasiga barcha soliqlar va yigʻimlar toʻlangan holda Loyihani moliyalashtirish doirasida:
(a) kredit olish, chet el valyutasida mablagʻlar olish va ulardan foydalanish (shu jumladan, chet el valyutasidagi kredit tushumlari) uchun chet eldagi chet el banklarida bank hisobvaraqlarini ochish;
(b) Oʻzbekiston Respublikasidan tashqarida boʻlgan chet el pudrat tashkilotlari, yetkazib beruvchilari yoki kreditorlariga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish huquqlari beriladi.
7. Energetika vazirligi, Qishloq xoʻjaligi vazirligi, Suv xoʻjaligi vazirligi, Iqtisodiyot va moliya vazirligi, Toshkent viloyati hokimligining Loyihani amalga oshirish uchun ajratiladigan Toshkent viloyati Zangiota tumani hududidagi ilovaga muvofiq jami 4 gektar yer uchastkalarini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.
8. Toshkent viloyati hokimligi:
(a) Energetika vazirligi, Qishloq xoʻjaligi vazirligi, Iqtisodiyot va moliya vazirligi Loyiha kompaniyasi bilan birgalikda, zaruratga koʻra, Loyihani amalga oshirish uchun Toshkent viloyati Zangiota tumani hududida elektr tarmoqlarini va elektr energetikasi infratuzilmasi qurilmalarini qurish uchun zarur yer uchastkalarini tanlab olsin hamda ularning chegaralariga aniqlik kiritib, tegishliligi boʻyicha ommaviy servitut belgilash va yer fondi toifasini oʻzgartirish yuzasidan Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga takliflar kiritish choralarini koʻrsin;
(b) Loyihani amalga oshirish uchun investitsiya shartnomasi va Bitimlarda koʻrsatilgan shartlarga mos keladigan yer uchastkalarini Energetika vazirligiga doimiy foydalanish huquqi bilan ajratsin. Bunda:
(i) Energetika vazirligi oʻziga berilgan tegishli yer uchastkalari Loyiha kompaniyasiga elektr energiyasini saqlash tizimini qurish hamda Loyiha kompaniyasi va “Oʻzbekiston milliy elektr tarmoqlari” AJga elektr tarmoqlarini va elektr energetikasi infratuzilmasi qurilmalarini qurish uchun Loyihani amalga oshirish muddatiga teng davrga ijaraga berilishini taʼminlasin;
(ii) Loyiha kompaniyasi uch oy muddatda yer uchastkalari olib qoʻyilayotgan yer egalari, foydalanuvchilari va ijarachilariga yetkazilgan zararlarni, shuningdek, qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari amalga oshirilishini taʼminlasin.
9. Loyiha kompaniyasi va “Oʻzbekiston milliy elektr tarmoqlari” AJ tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
10. Investor va Loyiha kompaniyasining buyurtmanomasiga binoan Loyihani amalga oshirish doirasida:
(a) Tashqi ishlar vazirligi — jalb qilinadigan chet el mutaxassislari hamda ularning oila aʼzolari uchun kirish vizalari, zarur hollarda, Islom Karimov nomidagi Toshkent xalqaro aeroportida belgilangan tartibda rasmiylashtirilishini;
(b) Ichki ishlar vazirligi — jalb qilinadigan chet el mutaxassislari hamda ularning oila aʼzolariga koʻp martalik viza berilishi va uning muddati uzaytirilishini, shuningdek, ular turgan joyi boʻyicha roʻyxatdan oʻtkazilishi va uning muddati uzaytirilishini;
(v) Kambagʻallikni qisqartirish va bandlik vazirligi — chet el fuqarolariga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
11. Oʻzbekiston Respublikasi Bosh vazirining oʻrinbosari — iqtisodiyot va moliya vaziriga Oʻzbekiston Respublikasi Hukumati nomidan “Oʻzenergosotish” AJning akkreditiv ochadigan chet el banki oldidagi toʻlov majburiyatlari Osiyo taraqqiyot banki, Jahon banki yoki Yevropa tiklanish va taraqqiyot banki kafolati orqali bajarilgan taqdirda, mazkur bank bilan Oʻzbekiston Respublikasi Hukumatiga maqbul shakldagi ushbu bank xarajatlarini qoplash toʻgʻrisidagi bitimni imzolash vakolati berilsin.
IV. Qaror ijrosini tashkil etish, taʼminlash va nazorat
12. Investitsiyalar, sanoat va savdo vazirligi Ekologiya va iqlim oʻzgarishi milliy qoʻmitasi hamda Energetika vazirligi bilan birgalikda Loyiha amalga oshirilishi, shuningdek, tomonlar oʻrtasidagi bitimlar doirasidagi majburiyatlar bajarilishi ustidan doimiy nazorat oʻrnatsin.
13. Adliya vazirligi Loyihani amalga oshirish doirasida investitsiya shartnomasi hamda uning qoidalariga muvofiq imzolanadigan bitimlar yuzasidan yuridik xulosalar bersin.
14. Ekologiya va iqlim oʻzgarishi milliy qoʻmitasi loyiha hujjatlari belgilangan tartibda ekologik ekspertizadan oʻtkazilishini va Loyihalarni amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
15. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
16. Qaror ijrosi uchun masʼul vazirlik va idoralar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 17-dekabrdagi PQ-381-son qaroriga ILOVA
“Toshkent viloyati Zangiota tumanida quvvati 150 MVt (300 MVt soat) boʻlgan elektr energiyasini saqlash tizimini qurish” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazilayotgan yer uchastkalari
Hudud nomi Yerdan foydalanuvchi nomi Kontur raqami Jami yer maydoni (gektar) Shundan: Foydalanish maqsadi ekin yerlar (gektar) yaylov yerlar (gektar) boshqa yerlar (gektar) Bogʻzor mahallasi Zaxiradagi yerlar 4573 q (161q) 4,0 4,0 - - Elektr energiyasini saqlash tizimini qurish Jami: 4,0 4,0 - -
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 17-dekabr,
PQ-381-son
Президента Республики Узбекистан
Постановление
О мерах по реализации Инвестиционного проекта «Строительство системы накопления электрической энергии мощностью 150 МВт (300 МВт/час) в Зангиатинском районе Ташкентской области»
В целях диверсификации источников производства электроэнергии, стабильного обеспечения населения и отраслей экономики энергоресурсами постановляю:
I. Обеспечение энергетической безопасности посредством строительства системы накопления электрической энергии
1. Принять к сведению, что в результате прямых переговоров:
(а) компанией «EAGLERISE DEVELOPMENT HK COMPANY LIMITED» (КНР) (далее — Инвестор) в рамках инвестиционного проекта «Строительство системы накопления электрической энергии мощностью 150 МВт (300 МВт/час) в Зангиатинском районе Ташкентской области» (далее — Проект) учреждено ООО «Mega Energy Power TECH» (далее — Проектная компания);
(б) между Инвестором, Проектной компанией и Правительством Республики Узбекистан в лице Министерства инвестиций, промышленности и торговли 2 декабря 2025 года подписан инвестиционный договор, в соответствии с которым Инвестор и Проектная компания осуществляют в Ташкентской области проектирование, финансирование, строительство и эксплуатацию системы накопления электрической энергии мощностью 150 МВт (300 МВт/час) с привлечением прямых инвестиций в размере 70 миллионов долларов США;
(в) 11 июня 2025 года Проектной компанией подписаны Соглашение по услугам накопления электроэнергии с АО «Узэнергосотиш», Соглашение по подключению к сетям — с АО «Национальные электрические сети Узбекистана» (далее — Соглашения).
II. Обязательства и льготы
2. Определить, что в соответствии с Соглашениями:
(а) Проектная компания принимает обязательство гарантированного обеспечения готовности к эксплуатации системы накопления электрической энергии;
(б) Проектная компания в рамках Проекта осуществляет строительство линий электропередач и подстанции для подключения электростанции к единой электроэнергетической сети, а также после их сдачи в эксплуатацию — передачу АО «Национальные электрические сети Узбекистана». При этом:
(i) расходы Проектной компании, затраченные на строительство линий электропередач и подстанции, предусматриваются в составе тарифа услуги накопления электроэнергии;
(ii) линии электропередач и подстанция передаются АО «Национальные электрические сети Узбекистана» на безвозмездной основе, а также данные объекты не являются объектами налогообложения;
(в) АО «Узэнергосотиш» принимает обязательство осуществления на протяжении пятнадцати лет уплаты расходов, затраченных на эксплуатацию системы накопления электроэнергии и строительство Проектной компанией линий электропередач и подстанции, с добавлением данных расходов к установленному тарифу до их полного погашения;
(г) платежи за эксплуатацию системы накопления электроэнергии осуществляются в национальной валюте по фиксированному тарифу, деноминированному в иностранной валюте;
(д) Проектная компания предоставляет гарантию первоклассного банка в размере 5,4 миллиона долларов США в качестве обеспечения надлежащего исполнения своих обязательств в период строительства;
(ж) нормы и правила строительства и выполнения земельных работ, связанных со строительством системы накопления электрической энергии, проектирования фундаментов зданий и сооружений регулируются международными стандартами в соответствии с Соглашениями.
3. Предоставить Министерству инвестиций, промышленности и торговли, Министерству энергетики и АО «Узэнергосотиш» право на заключение соглашений о прямой передаче прав Проектной компании и Инвестора другим кредиторам, принимающим участие в финансировании Проекта, в случае неисполнения Проектной компанией обязательств по соглашениям, подписанным в рамках реализации Проекта.
4. Разрешить:
(а) АО «Национальные электрические сети Узбекистана» и АО «Узэнергосотиш» привлекать совместно с Проектной компанией международную независимую инжиниринговую компанию и других консультантов для реализации Проекта в соответствии с процедурами, определенным в Соглашениях, с заключением прямых договоров;
(б) АО «Узэнергосотиш» в течение трех месяцев открывать подтвержденный в иностранной валюте возобновляемый аккредитив иностранного банка в пользу Проектной компании в качестве обеспечения исполнения обязательств по эксплуатации системы накопления электрической энергии.
III. Меры по ускорению реализации проектов
5. В рамках реализации Проекта:
(а) утвердить инвестиционный договор, заключенный между Правительством Республики Узбекистан в лице Министерства инвестиций, промышленности и торговли, Инвестором и Проектной компанией;
(б) одобрить Соглашения, заключенные соответственно между АО «Узэнергосотиш», АО «Национальные электрические сети Узбекистана» и Проектной компанией.
6. Определить, что Проектной компании после уплаты всех налогов и сборов предоставляются следующие права в пределах финансирования Проекта:
(а) открывать банковские счета в иностранных банках за рубежом для получения кредита, получения и использования денежных средств в иностранной валюте (включая кредитные поступления в иностранной валюте);
(б) напрямую осуществлять платежи иностранным подрядным организациям, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
7. Согласиться с предложением Министерства энергетики, Министерства сельского хозяйства, Министерства водного хозяйства, Министерства экономики и финансов, хокимията Ташкентской области о переводе земельных участков общей площадью 4 гектара на территории Зангиатинского района, выделенных для реализации Проекта, из категории земель сельскохозяйственного назначения в категорию земель промышленности, транспорта, связи, обороны и иного назначения согласно приложению * .
8. Хокимияту Ташкентской области:
(а) совместно с Министерством энергетики, Министерством сельского хозяйства, Министерством экономики и финансов и Проектной компанией при необходимости для реализации Проекта выбрать земельные участки на территории Зангиатинского района Ташкентской области, необходимые для строительства электросетей и сооружений электрической инфраструктуры, внести уточнения в их границы и представить Правительственной комиссии по рассмотрению вопросов изменения категорий земельного фонда земель сельскохозяйственного назначения и лесного фонда предложения по установлению публичного сервитута соответственно и изменению категорий земельного фонда;
(б) выделить Министерству энергетики земельные участки, соответствующие условиям, указанным в инвестиционном договоре и Соглашениях для реализации Проекта, с правом постоянного пользования. При этом:
(i) Министерству энергетики обеспечить передачу в аренду предоставленных ему соответствующих земельных участков Проектной компании для строительства системы накопления электрической энергии, а также Проектной компании и АО «Национальные электрические сети Узбекистана» для строительства электросетей и сооружений электроэнергетической инфраструктуры на период, равный сроку реализации Проекта;
(ii) Проектной компании в трехмесячный срок обеспечить осуществление компенсационных выплат по возмещению убытков, нанесенных владельцам, пользователям и арендаторам земель, земельные участки которых изымаются, а также потерь сельскохозяйственного и лесохозяйственного производства.
9. Приравнять размер арендной платы за земельные участки, осуществляемые Проектной компанией и АО «Национальные электрические сети Узбекистана», к размеру земельного налога.
10. По заявкам Инвестора и Проектной компании в рамках реализации Проекта обеспечить:
(а) Министерству иностранных дел — оформление в установленном порядке въездных виз привлекаемым зарубежным специалистам, а также членам их семей, при необходимости — в Международном аэропорту «Ташкент» имени Ислама Каримова;
(б) Министерству внутренних дел — выдачу и продление срока действия многоразовых виз, а также регистрацию по месту пребывания и ее продление привлекаемым зарубежным специалистам, а также членам их семей;
(в) Министерству занятости и сокращения бедности — выдачу (продление) в установленном порядке подтверждений на право осуществления трудовой деятельности на территории Республики Узбекистан иностранным гражданам.
11. Уполномочить заместителя Премьер-министра Республики Узбекистан — министра экономики и финансов подписывать от имени Правительства Республики Узбекистан соглашение с иностранным банком, открывающим аккредитив, о возмещении его расходов в форме, приемлемой для Правительства Республики Узбекистан, в случае исполнения платежных обязательств АО «Узэнергосотиш» перед данным банком под гарантию Азиатского банка развития, Всемирного банка или Европейского банка реконструкции и развития.
IV. Организация, обеспечение и контроль исполнения постановления
12. Министерству инвестиций, промышленности и торговли совместно с Национальным комитетом по экологии и изменению климата и Министерством энергетики установить постоянный контроль за реализацией Проекта, а также выполнением обязательств в рамках соглашений между сторонами.
13. Министерству юстиции выдать юридические заключения по соглашениям, подписанным в соответствии с инвестиционным договором и его положениями, в рамках реализации Проекта.
14. Национальному комитету по экологии и изменению климата обеспечить проведение экологической экспертизы проектной документации в установленном порядке и соблюдение природоохранного законодательства при реализации Проекта.
15. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
16. Осуществление координации деятельности министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
17 декабря 2025 г.,
№ ПП-381