📅 2025-yil 18-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 18 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 декабря 2025 г. · Постановления Президента
Официальный текст. Официальный документ. Редакционные примечания не включены.
📅 18 December 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
НАМУНАВИЙ ТУЗИЛМАСИ
РЎЙХАТИ
РЎЙХАТИ
Аҳолининг эҳтиёжманд қатламларига ҳудудларда комплекс ижтимоий ва реабилитация хизматларини кўрсатиш тизимини йўлга қўйиш чора-тадбирлари тўғрисида
Аҳоли эҳтиёжманд қатламларининг ижтимоий хизматлардан фойдаланиш имкониятларини кенгайтириш ҳамда уларнинг ижтимоийлашувини таъминлаш мақсадида қарор қиламан:
I. Мақсадлар
1. Қуйидагилар ушбу қарорни қабул қилишдан кўзланган асосий мақсадлар этиб белгилансин:
(а) ижтимоий ҳимояга муҳтож аҳоли учун уларни жамиятга интеграция қилишга қаратилган ижтимоий хизматларни жорий этиш;
(б) чекловларсиз ва жамият билан узвий боғланган ижтимоий хизмат кўрсатиш шаклларини жорий этиш орқали интернат шаклида хизмат кўрсатиш тизимини ноинституционаллаштириш жараёнларини жадаллаштириш;
(в) аҳолини ижтимоий ҳимоя қилишда нодавлат секторнинг улушини ошириш орқали ижтимоий ҳимояга муҳтож шахсларнинг ижтимоий хизматлардан фойдаланиш имкониятини кенгайтириш.
II. Ҳудудий ижтимоий хизматлар марказлари фаолиятини йўлга қўйиш
2. 2025 йилда Андижон ва Тошкент шаҳарларида тажриба тариқасида Ҳудудий ижтимоий хизматлар марказлари (кейинги ўринларда — ҳудудий марказлар) фаолияти йўлга қўйилганлиги маълумот учун қабул қилинсин.
3. Андижон шаҳри ва Тошкент шаҳри Шайхонтоҳур туманида ташкил этилган ҳудудий марказлар тажрибаси асосида 2026-2027 йиллар давомида босқичма-босқич 21 та ҳудудий марказ фаолияти йўлга қўйилсин.
4. Белгилансинки:
(а) ҳудудий марказлар Ўзбекистон Республикаси Президенти ҳузуридаги Ижтимоий ҳимоя миллий агентлигининг (кейинги ўринларда — Ижтимоий ҳимоя миллий агентлиги) Қорақалпоғистон Республикаси, вилоятлар ва Тошкент шаҳри бошқармалари тизимида давлат муассасаси сифатида ташкил этилади;
(б) ҳудудий марказлар фаолияти Ўзбекистон Республикаси Давлат бюджети ва Ижтимоий ҳимоя давлат жамғармаси маблағлари ҳамда қонунчиликда тақиқланмаган бошқа манбалар ҳисобидан молиялаштирилади;
(в) ҳудудий марказлар фаолияти учун зарур штат бирликлари Ижтимоий ҳимоя миллий агентлиги тизимидаги ташкилотларнинг мақбуллаштириладиган штатлари ҳисобидан шакллантирилади. Бунда Ижтимоий ҳимоя миллий агентлиги директорига Давлат бюджетидан Ижтимоий ҳимоя миллий агентлиги фаолияти учун ажратилган маблағлар ҳамда Ижтимоий ҳимоя давлат жамғармаси маблағлари ҳисобидан ҳудудий марказлар фаолияти учун зарур штат бирликларини жорий этиш ва молиялаштириш ҳуқуқи берилсин.
5. Қуйидагилар ҳудудий марказлар фаолиятининг асосий йўналишлари этиб белгилансин:
(а) аҳолининг ижтимоий ҳимояга муҳтож тоифалари, шу жумладан, ногиронлиги бўлган шахслар, ўзгалар парваришига муҳтож шахслар ва оғир ҳаётий вазиятдаги болаларга ижтимоий хизмат ва ёрдамлар кўрсатилишини ташкил этиш;
(б) ривожланишида нуқсони бўлган болаларни тўғри парваришлаш бўйича оила аъзолари ва парваришлаш билан банд бўлган бошқа шахсларнинг кўникмаларини мустаҳкамлаш;
(в) оғир ҳаётий вазиятдаги болаларнинг ижтимоий мослашувидаги муаммоларни ўрганиш орқали уларнинг жамиятга интеграциясини таъминлаш;
(г) психологик-педагогик, таълим ва бошқа ижтимоий хизматларни тақдим этиш.
6. Шундай тартиб ўрнатилсинки, унга мувофиқ:
(а) ҳудудий марказлар томонидан ижтимоий ҳимояга муҳтож аҳолига реабилитация, абилитация, физиотерапия ва даволаш-жисмоний тарбия, қараб туриш ва парваришлаш хизматлари кўрсатилади. Бунда мазкур хизматлар нодавлат ташкилотларни, шу жумладан, якка тартибдаги тадбиркорлар ҳамда ўзини ўзи банд қилган шахсларни жалб этиш орқали ҳам кўрсатилиши мумкин;
(б) қонунчилик ҳужжатларига мувофиқ ижтимоий хизматлардан имтиёзли шартларда (хизмат харажатларини ваучер асосида ёки компенсация шаклида қоплаш) фойдаланиш ҳуқуқига эга шахслар ҳудудий марказлар хизматларидан «Инсон» ижтимоий хизматлар марказларининг йўлланмаси асосида фойдаланади. Бунда ушбу шахсларга йўлланма «Инсон» ижтимоий хизматлар марказлари томонидан экстерриториал тамойил асосида расмийлаштириб берилади;
(в) ҳудудий марказларнинг хизматларидан фойдаланиш билан боғлиқ барча тартиб-таомиллар Ижтимоий ҳимоя миллий агентлигининг ахборот тизимлари орқали тўлиқ электрон шаклда амалга оширилади.
7. Қуйидагилар:
(а) Ҳудудий ижтимоий хизматлар марказларининг намунавий тузилмаси 1-иловага мувофиқ;
(б) Ҳудудий ижтимоий хизматлар марказларини жойлаштириш учун ажратиладиган вазирлик ва идоралар ҳамда Ижтимоий ҳимоя миллий агентлиги балансидаги ер участкалари ва бино-иншоотларнинг рўйхати 2 ва 2а-иловаларга мувофиқ тасдиқлансин.
III. Ташкилий чора-тадбирлар
8. Ҳудудий марказларни аҳолига ижтимоий хизматларни кўрсатиш учун зарур бино-иншоот ва инфратузилма билан таъминлаш мақсадида:
(а) Давлат активларини бошқариш агентлиги бир ой муддатда вазирлик ва идоралар билан биргаликда мазкур қарорга 2-иловага мувофиқ бино-иншоотларни Ижтимоий ҳимоя миллий агентлигининг ҳудудий бошқармаларига оператив бошқарув ҳуқуқи асосида ажратсин;
(б) Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари бир ой муддатда мазкур қарорга 2-иловага мувофиқ Ижтимоий ҳимоя миллий агентлиги фойдаланишида бўлмаган ер участкаларининг белгиланган тартибда захирага қайтарилишини ва қонунчилик ҳужжатларига мувофиқ Ижтимоий ҳимоя миллий агентлигининг ҳудудий бўлинмаларига доимий фойдаланиш ҳуқуқи асосида ажратилишини таъминласин.
9. Белгилансинки:
(а) ҳудудий марказларни қуриш, реконструкция қилиш ва таъмирлаш билан боғлиқ харажатлар Ижтимоий ҳимоя давлат жамғармаси ҳамда қонунчилик ҳужжатлари билан тақиқланмаган бошқа маблағлар ҳисобидан амалга оширилади;
(б) мазкур қарорга 2 ва 2а-иловаларда кўрсатилган бино-иншоотларда лойиҳалаш, қурилиш, таъмирлаш, реконструкция қилиш ва жиҳозлаш ишларини амалга ошириш бўйича тўғридан-тўғри шартномалар тузишга рухсат берилади.
10. Ижтимоий ҳимоя миллий агентлиги:
(а) 2026 йил 1 майга қадар:
(i) ҳудудий марказлар фаолиятини йўлга қўйиш бўйича дастур ҳамда уларнинг фаолиятига қўйиладиган талабларни;
(ii) 2027 — 2029 йилларда ҳудудий марказлар фаолиятини йўлга қўйишнинг мақсадли кўрсаткичларини назарда тутувчи норматив-ҳуқуқий ҳужжат лойиҳаси Ҳукуматга киритилишини таъминласин;
(б) 2026 йил якунига қадар Ижтимоий ҳимоя давлат жамғармаси маблағлари ҳисобидан «Ягона миллий ижтимоий ҳимоя» ахборот тизимида ҳудудий марказлар фаолиятини мониторинг қилиш имкониятини яратсин.
11. Иқтисодиёт ва молия вазирлиги Ижтимоий ҳимоя миллий агентлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда ҳудудий марказлар фаолияти йўлга қўйиладиган бино-иншоотларда қурилиш, таъмирлаш, реконструкция қилиш ва жиҳозлаш ишларини молиялаштириш бўйича таклифларни келгуси йилларга мўлжалланган Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурларига киритиб борсин.
IV. Қарор ижросини ташкил этиш, таъминлаш ва назорат
12. Ижтимоий ҳимоя миллий агентлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини самарали ташкил қилишга масъул ва шахсий жавобгар этиб Ўзбекистон Республикаси Президентининг ижтимоий ҳимоя бўйича маслаҳатчиси — Ижтимоий ҳимоя миллий агентлиги директори М.П. Оллоёров белгилансин.
14. Қарор ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 18 декабрдаги ПҚ-383-сон қарорига 1-ИЛОВА
Ҳудудий ижтимоий хизматлар марказларининг
Марказ директори Дастурларни мувофиқлаштирувчи мутахассис Бош ҳисобчи Бош юрисконсульт Комплекс реабилитация хизматлари бўлими * Кадрлар билан ишлаш бўйича етакчи мутахассис **
Ўзбекистон Республикаси Президентининг 2025 йил 18 декабрдаги ПҚ-383-сон қарорига 2-ИЛОВА
Ҳудудий ижтимоий хизматлар марказларини жойлаштириш учун ажратиладиган вазирлик ва идоралар балансидаги ер участкалари ва бино-иншоотларнинг
Т/р Туман (шаҳар) номи Манзили * Балансда сақловчи Қорақалпоғистон Республикаси 1. Нукус шаҳри Нукус шаҳри, «Алмазар» МФЙ, Куяшли кўчаси, 2-уй (Нукус шаҳри тиббиёт бирлашмасига қарашли жарроҳлик бўлими) Соғлиқни сақлаш вазирлиги Андижон вилояти 2. Шаҳрихон тумани Шаҳрихон тумани, «Мустақиллик» МФЙ, Муса Жалил кўчаси, 23-уй (Ёшлар ишлари бўлимининг собиқ биноси) Ёшлар ишлари агентлиги Навоий вилояти 3. Навоий шаҳри Навоий шаҳри, «Фаровон» МФЙ, Янги Навоий шаҳарчаси ҳудудидаги ер участкаси Навоий вилояти ҳокимлиги «Мустақиллик» МФЙ, Мирзо Улуғбек кўчаси, 21-уй манзилида жойлашган ер участкаси ва бино-иншоотлар ** Адлия вазирлиги Сирдарё вилояти 4. Гулистон шаҳри Гулистон шаҳар, «Бўстон» МФЙ, Гулистон шоҳкўчаси, 178-уй (Гулистон шаҳар 2-сон ихтисослаштирилган мактаб-интернатининг 12:10:43:01:01:00557, 12:10:43:01:01:00551, 12:10:43:01:01:00560 кадастр рақамлари остидаги бино-иншоотлари) Мактабгача ва мактаб таълими вазирлиги Сурхондарё вилояти 5. Термиз шаҳри Термиз шаҳри, С. Соҳибов кўчаси, 12-уй (Собиқ Термиз шаҳар 9-сонли айрим фанлар чуқур ўрганиладиган ихтисослаштирилган мактаби биноси) Мактабгача ва мактаб таълими вазирлиги 6. Сариосиё тумани Сариосиё тумани, Абдулла Қаҳҳор кўчаси, 130-уй (Сариосиё тумани 94-сон умумий ўрта таълим мактаби (собиқ 66-санатория мактаб интернати) биноларининг бир қисми ва ер участкаси: 19:10:41:02:05:00260, 19:10:41:02:05:00252 кадастр рақамлари остидаги бино-иншоотлар) Мактабгача ва мактаб таълими вазирлиги Тошкент вилояти 7. Чирчиқ шаҳри Чирчиқ шаҳри, Алишер Навоий кўчаси, 331-уй (Чирчиқ шаҳар собиқ 14-сонли Меҳрибонлик уйи) Мактабгача ва мактаб таълими вазирлиги 8. Бекобод тумани Бекобод тумани, «Олтин водий» МФЙ ҳудудида жойлашган ер участкаси Тошкент вилояти ҳокимлиги Хоразм вилояти 9. Урганч шаҳри Урганч шаҳри, «Гулзор» МФЙ, Ғ. Ғуломов кўчасида жойлашган ер участкаси Хоразм вилояти ҳокимлиги
Ўзбекистон Республикаси Президентининг 2025 йил 18 декабрдаги ПҚ-383-сон қарорига 2а-ИЛОВА
Ҳудудий ижтимоий хизматлар марказларини жойлаштириш учун ажратиладиган Ижтимоий ҳимоя миллий агентлиги балансидаги ер участкалари ва бино-иншоотларнинг
Т/р Туман (шаҳар) номи Манзили Бухоро вилояти 1. Бухоро шаҳри Бухоро шаҳри, «А. Дониш» МФЙ, Пиридастгир кўчаси, 1/1 уй Жиззах вилояти 2. Жиззах шаҳри Жиззах шаҳри, «Кимёгар» МФЙ, Тўмарис кўчаси, 85г-уйда жойлашган ер участкаси Қашқадарё вилояти 3. Китоб тумани Китоб тумани, «Мустақиллик» МФЙ, Истиқлол кўчаси, 34-уй Наманган вилояти 4. Наманган шаҳри Наманган шаҳри, Давлатобод тумани, 2-кичик туман «Тўқувчи» МФЙ, Ғарбий кўчаси, 2-а уй 5. Косонсой тумани Косонсой тумани, «Гулобод» МФЙ, Меъмор кўчаси, 148-уй Самарқанд вилояти 6. Самарқанд шаҳри Самарқанд шаҳри, Дахбед кўчаси, 41-уй Сурхондарё вилояти 7. Денов тумани Денов тумани, «Нурли манзил» МФЙ, Ш. Рашидов кўчаси, 318-уй манзилидаги ер участкаси Тошкент вилояти 8. Нурафшон шаҳри Нурафшон шаҳри, «Қумариқ» МФЙ ҳудудидаги ер участкаси Тошкент шаҳри 9. Тошкент шаҳри Тошкент шаҳри, Юнусобод тумани, 19-мавзе, Деҳқонобод кўчаси, 10 уй 9 1 . Тошкент шаҳри Тошкент шаҳри, Чилонзор тумани, Байналмилал кўчаси, 24-уй Фарғона вилояти 10. Қўқон шаҳри Қўқон шаҳри, Оқ уйлик кўчаси, 22-уй 11. Риштон тумани Риштон тумани, «Фаровонлик» МФЙ, Б. Рошидоний кўчаси, 276-а-уй
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 18 декабрь,
ПҚ-383-сон
Oʻzbekiston Respublikasi Prezidentining
qarori
NAMUNAVIY TUZILMASI
ROʻYXATI
ROʻYXATI
Aholining ehtiyojmand qatlamlariga hududlarda kompleks ijtimoiy va reabilitatsiya xizmatlarini koʻrsatish tizimini yoʻlga qoʻyish chora-tadbirlari toʻgʻrisida
Aholi ehtiyojmand qatlamlarining ijtimoiy xizmatlardan foydalanish imkoniyatlarini kengaytirish hamda ularning ijtimoiylashuvini taʼminlash maqsadida qaror qilaman:
I. Maqsadlar
1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:
(a) ijtimoiy himoyaga muhtoj aholi uchun ularni jamiyatga integratsiya qilishga qaratilgan ijtimoiy xizmatlarni joriy etish;
(b) cheklovlarsiz va jamiyat bilan uzviy bogʻlangan ijtimoiy xizmat koʻrsatish shakllarini joriy etish orqali internat shaklida xizmat koʻrsatish tizimini noinstitutsionallashtirish jarayonlarini jadallashtirish;
(v) aholini ijtimoiy himoya qilishda nodavlat sektorning ulushini oshirish orqali ijtimoiy himoyaga muhtoj shaxslarning ijtimoiy xizmatlardan foydalanish imkoniyatini kengaytirish.
II. Hududiy ijtimoiy xizmatlar markazlari faoliyatini yoʻlga qoʻyish
2. 2025-yilda Andijon va Toshkent shaharlarida tajriba tariqasida Hududiy ijtimoiy xizmatlar markazlari (keyingi oʻrinlarda — hududiy markazlar) faoliyati yoʻlga qoʻyilganligi maʼlumot uchun qabul qilinsin.
3. Andijon shahri va Toshkent shahri Shayxontohur tumanida tashkil etilgan hududiy markazlar tajribasi asosida 2026-2027-yillar davomida bosqichma-bosqich 21 ta hududiy markaz faoliyati yoʻlga qoʻyilsin.
4. Belgilansinki:
(a) hududiy markazlar Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Ijtimoiy himoya milliy agentligi) Qoraqalpogʻiston Respublikasi, viloyatlar va Toshkent shahri boshqarmalari tizimida davlat muassasasi sifatida tashkil etiladi;
(b) hududiy markazlar faoliyati Oʻzbekiston Respublikasi Davlat budjeti va Ijtimoiy himoya davlat jamgʻarmasi mablagʻlari hamda qonunchilikda taqiqlanmagan boshqa manbalar hisobidan moliyalashtiriladi;
(v) hududiy markazlar faoliyati uchun zarur shtat birliklari Ijtimoiy himoya milliy agentligi tizimidagi tashkilotlarning maqbullashtiriladigan shtatlari hisobidan shakllantiriladi. Bunda Ijtimoiy himoya milliy agentligi direktoriga Davlat budjetidan Ijtimoiy himoya milliy agentligi faoliyati uchun ajratilgan mablagʻlar hamda Ijtimoiy himoya davlat jamgʻarmasi mablagʻlari hisobidan hududiy markazlar faoliyati uchun zarur shtat birliklarini joriy etish va moliyalashtirish huquqi berilsin.
5. Quyidagilar hududiy markazlar faoliyatining asosiy yoʻnalishlari etib belgilansin:
(a) aholining ijtimoiy himoyaga muhtoj toifalari, shu jumladan, nogironligi boʻlgan shaxslar, oʻzgalar parvarishiga muhtoj shaxslar va ogʻir hayotiy vaziyatdagi bolalarga ijtimoiy xizmat va yordamlar koʻrsatilishini tashkil etish;
(b) rivojlanishida nuqsoni boʻlgan bolalarni toʻgʻri parvarishlash boʻyicha oila aʼzolari va parvarishlash bilan band boʻlgan boshqa shaxslarning koʻnikmalarini mustahkamlash;
(v) ogʻir hayotiy vaziyatdagi bolalarning ijtimoiy moslashuvidagi muammolarni oʻrganish orqali ularning jamiyatga integratsiyasini taʼminlash;
(g) psixologik-pedagogik, taʼlim va boshqa ijtimoiy xizmatlarni taqdim etish.
6. Shunday tartib oʻrnatilsinki, unga muvofiq:
(a) hududiy markazlar tomonidan ijtimoiy himoyaga muhtoj aholiga reabilitatsiya, abilitatsiya, fizioterapiya va davolash-jismoniy tarbiya, qarab turish va parvarishlash xizmatlari koʻrsatiladi. Bunda mazkur xizmatlar nodavlat tashkilotlarni, shu jumladan, yakka tartibdagi tadbirkorlar hamda oʻzini oʻzi band qilgan shaxslarni jalb etish orqali ham koʻrsatilishi mumkin;
(b) qonunchilik hujjatlariga muvofiq ijtimoiy xizmatlardan imtiyozli shartlarda (xizmat xarajatlarini vaucher asosida yoki kompensatsiya shaklida qoplash) foydalanish huquqiga ega shaxslar hududiy markazlar xizmatlaridan “Inson” ijtimoiy xizmatlar markazlarining yoʻllanmasi asosida foydalanadi. Bunda ushbu shaxslarga yoʻllanma “Inson” ijtimoiy xizmatlar markazlari tomonidan eksterritorial tamoyil asosida rasmiylashtirib beriladi;
(v) hududiy markazlarning xizmatlaridan foydalanish bilan bogʻliq barcha tartib-taomillar Ijtimoiy himoya milliy agentligining axborot tizimlari orqali toʻliq elektron shaklda amalga oshiriladi.
7. Quyidagilar:
(a) Hududiy ijtimoiy xizmatlar markazlarining namunaviy tuzilmasi 1-ilovaga muvofiq;
(b) Hududiy ijtimoiy xizmatlar markazlarini joylashtirish uchun ajratiladigan vazirlik va idoralar hamda Ijtimoiy himoya milliy agentligi balansidagi yer uchastkalari va bino-inshootlarning roʻyxati 2 va 2a-ilovalarga muvofiq tasdiqlansin.
III. Tashkiliy chora-tadbirlar
8. Hududiy markazlarni aholiga ijtimoiy xizmatlarni koʻrsatish uchun zarur bino-inshoot va infratuzilma bilan taʼminlash maqsadida:
(a) Davlat aktivlarini boshqarish agentligi bir oy muddatda vazirlik va idoralar bilan birgalikda mazkur qarorga 2-ilovaga muvofiq bino-inshootlarni Ijtimoiy himoya milliy agentligining hududiy boshqarmalariga operativ boshqaruv huquqi asosida ajratsin;
(b) Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bir oy muddatda mazkur qarorga 2-ilovaga muvofiq Ijtimoiy himoya milliy agentligi foydalanishida boʻlmagan yer uchastkalarining belgilangan tartibda zaxiraga qaytarilishini va qonunchilik hujjatlariga muvofiq Ijtimoiy himoya milliy agentligining hududiy boʻlinmalariga doimiy foydalanish huquqi asosida ajratilishini taʼminlasin.
9. Belgilansinki:
(a) hududiy markazlarni qurish, rekonstruksiya qilish va taʼmirlash bilan bogʻliq xarajatlar Ijtimoiy himoya davlat jamgʻarmasi hamda qonunchilik hujjatlari bilan taqiqlanmagan boshqa mablagʻlar hisobidan amalga oshiriladi;
(b) mazkur qarorga 2 va 2a-ilovalarda koʻrsatilgan bino-inshootlarda loyihalash, qurilish, taʼmirlash, rekonstruksiya qilish va jihozlash ishlarini amalga oshirish boʻyicha toʻgʻridan-toʻgʻri shartnomalar tuzishga ruxsat beriladi.
10. Ijtimoiy himoya milliy agentligi:
(a) 2026-yil 1-mayga qadar:
(i) hududiy markazlar faoliyatini yoʻlga qoʻyish boʻyicha dastur hamda ularning faoliyatiga qoʻyiladigan talablarni;
(ii) 2027 — 2029-yillarda hududiy markazlar faoliyatini yoʻlga qoʻyishning maqsadli koʻrsatkichlarini nazarda tutuvchi normativ-huquqiy hujjat loyihasi Hukumatga kiritilishini taʼminlasin;
(b) 2026-yil yakuniga qadar Ijtimoiy himoya davlat jamgʻarmasi mablagʻlari hisobidan “Yagona milliy ijtimoiy himoya” axborot tizimida hududiy markazlar faoliyatini monitoring qilish imkoniyatini yaratsin.
11. Iqtisodiyot va moliya vazirligi Ijtimoiy himoya milliy agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda hududiy markazlar faoliyati yoʻlga qoʻyiladigan bino-inshootlarda qurilish, taʼmirlash, rekonstruksiya qilish va jihozlash ishlarini moliyalashtirish boʻyicha takliflarni kelgusi yillarga moʻljallangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlariga kiritib borsin.
IV. Qaror ijrosini tashkil etish, taʼminlash va nazorat
12. Ijtimoiy himoya milliy agentligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori M.P. Olloyorov belgilansin.
14. Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 18-dekabrdagi PQ-383-son qaroriga 1-ILOVA
Hududiy ijtimoiy xizmatlar markazlarining
Markaz direktori Dasturlarni muvofiqlashtiruvchi mutaxassis Bosh hisobchi Bosh yuriskonsult Kompleks reabilitatsiya xizmatlari boʻlimi * Kadrlar bilan ishlash boʻyicha yetakchi mutaxassis **
Oʻzbekiston Respublikasi Prezidentining 2025-yil 18-dekabrdagi PQ-383-son qaroriga 2-ILOVA
Hududiy ijtimoiy xizmatlar markazlarini joylashtirish uchun ajratiladigan vazirlik va idoralar balansidagi yer uchastkalari va bino-inshootlarning
T/r Tuman (shahar) nomi Manzili * Balansda saqlovchi Qoraqalpogʻiston Respublikasi 1. Nukus shahri Nukus shahri, “Almazar” MFY, Kuyashli koʻchasi, 2-uy (Nukus shahri tibbiyot birlashmasiga qarashli jarrohlik boʻlimi) Sogʻliqni saqlash vazirligi Andijon viloyati 2. Shahrixon tumani Shahrixon tumani, “Mustaqillik” MFY, Musa Jalil koʻchasi, 23-uy (Yoshlar ishlari boʻlimining sobiq binosi) Yoshlar ishlari agentligi Navoiy viloyati 3. Navoiy shahri Navoiy shahri, “Farovon” MFY, Yangi Navoiy shaharchasi hududidagi yer uchastkasi Navoiy viloyati hokimligi “Mustaqillik” MFY, Mirzo Ulugʻbek koʻchasi, 21-uy manzilida joylashgan yer uchastkasi va bino-inshootlar ** Adliya vazirligi Sirdaryo viloyati 4. Guliston shahri Guliston shahar, “Boʻston” MFY, Guliston shohkoʻchasi, 178-uy (Guliston shahar 2-son ixtisoslashtirilgan maktab-internatining 12:10:43:01:01:00557, 12:10:43:01:01:00551, 12:10:43:01:01:00560 kadastr raqamlari ostidagi bino-inshootlari) Maktabgacha va maktab taʼlimi vazirligi Surxondaryo viloyati 5. Termiz shahri Termiz shahri, S. Sohibov koʻchasi, 12-uy (Sobiq Termiz shahar 9-sonli ayrim fanlar chuqur oʻrganiladigan ixtisoslashtirilgan maktabi binosi) Maktabgacha va maktab taʼlimi vazirligi 6. Sariosiyo tumani Sariosiyo tumani, Abdulla Qahhor koʻchasi, 130-uy (Sariosiyo tumani 94-son umumiy oʻrta taʼlim maktabi (sobiq 66-sanatoriya maktab internati) binolarining bir qismi va yer uchastkasi: 19:10:41:02:05:00260, 19:10:41:02:05:00252 kadastr raqamlari ostidagi bino-inshootlar) Maktabgacha va maktab taʼlimi vazirligi Toshkent viloyati 7. Chirchiq shahri Chirchiq shahri, Alisher Navoiy koʻchasi, 331-uy (Chirchiq shahar sobiq 14-sonli Mehribonlik uyi) Maktabgacha va maktab taʼlimi vazirligi 8. Bekobod tumani Bekobod tumani, “Oltin vodiy” MFY hududida joylashgan yer uchastkasi Toshkent viloyati hokimligi Xorazm viloyati 9. Urganch shahri Urganch shahri, “Gulzor” MFY, Gʻ. Gʻulomov koʻchasida joylashgan yer uchastkasi Xorazm viloyati hokimligi
Oʻzbekiston Respublikasi Prezidentining 2025-yil 18-dekabrdagi PQ-383-son qaroriga 2a-ILOVA
Hududiy ijtimoiy xizmatlar markazlarini joylashtirish uchun ajratiladigan Ijtimoiy himoya milliy agentligi balansidagi yer uchastkalari va bino-inshootlarning
T/r Tuman (shahar) nomi Manzili Buxoro viloyati 1. Buxoro shahri Buxoro shahri, “A. Donish” MFY, Piridastgir koʻchasi, 1/1 uy Jizzax viloyati 2. Jizzax shahri Jizzax shahri, “Kimyogar” MFY, Toʻmaris koʻchasi, 85g-uyda joylashgan yer uchastkasi Qashqadaryo viloyati 3. Kitob tumani Kitob tumani, “Mustaqillik” MFY, Istiqlol koʻchasi, 34-uy Namangan viloyati 4. Namangan shahri Namangan shahri, Davlatobod tumani, 2-kichik tuman “Toʻquvchi” MFY, Gʻarbiy koʻchasi, 2-a uy 5. Kosonsoy tumani Kosonsoy tumani, “Gulobod” MFY, Meʼmor koʻchasi, 148-uy Samarqand viloyati 6. Samarqand shahri Samarqand shahri, Daxbed koʻchasi, 41-uy Surxondaryo viloyati 7. Denov tumani Denov tumani, “Nurli manzil” MFY, Sh. Rashidov koʻchasi, 318-uy manzilidagi yer uchastkasi Toshkent viloyati 8. Nurafshon shahri Nurafshon shahri, “Qumariq” MFY hududidagi yer uchastkasi Toshkent shahri 9. Toshkent shahri Toshkent shahri, Yunusobod tumani, 19-mavze, Dehqonobod koʻchasi, 10 uy 9 1 . Toshkent shahri Toshkent shahri, Chilonzor tumani, Baynalmilal koʻchasi, 24-uy Fargʻona viloyati 10. Qoʻqon shahri Qoʻqon shahri, Oq uylik koʻchasi, 22-uy 11. Rishton tumani Rishton tumani, “Farovonlik” MFY, B. Roshidoniy koʻchasi, 276-a-uy
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 18-dekabr,
PQ-383-son
Президента Республики Узбекистан
Постановление
О мерах по налаживанию в регионах системы оказания комплексных социальных и реабилитационных услуг нуждающимся слоям населения
В целях расширения доступа нуждающихся слоев населения к социальным услугам и обеспечения их социализации постановляю:
I. Цели
1. Определить основными целями принятия настоящего постановления:
(а) внедрение для нуждающихся в социальной защите слоев населения социальных услуг, направленных на их интеграцию в общество;
(б) ускорение процессов деинституционализации системы оказания услуг в форме интерната путем внедрения форм оказания социальных услуг без ограничений и в тесной связи с обществом;
(в) расширение доступа к социальным услугам лиц, нуждающихся в социальной защите, посредством повышения доли негосударственного сектора в социальной защите населения.
II. Налаживание деятельности территориальных центров социальных услуг
2. Принять к сведению, что в 2025 году в городах Андижан и Ташкент в порядке эксперимента была налажена деятельность Территориальных центров социальных услуг (далее — территориальные центры).
3. На основе опыта территориальных центров, созданных в городе Андижане и Шайхантахурском районе города Ташкента, в течение 2026-2027 годов поэтапно наладить деятельность 21 территориальных центров.
4. Определить, что:
(а) территориальные центры организуются в системе управлений Республики Каракалпакстан, областей и города Ташкента Национального агентства социальной защиты при Президенте Республики Узбекистан (далее — Национальное агентство социальной защиты) в качестве государственного учреждения;
(б) деятельность территориальных центров финансируется за счет средств Государственного бюджета Республики Узбекистан и Государственного фонда социальной защиты, а также иных источников, не запрещенных законодательством;
(в) штатные единицы, необходимые для деятельности территориальных центров, формируются за счет оптимизируемых штатов организаций в системе Национального агентства социальной защиты. При этом предоставить директору Национального агентства социальной защиты право на введение и финансирование штатных единиц, необходимых для деятельности территориальных центров, за счет средств, выделенных Национальному агентству социальной защиты из Государственного бюджета, а также средств Государственного фонда социальной защиты.
5. Определить основными направлениями деятельности территориальных центров:
(а) организацию оказания социальных услуг и помощи нуждающимся в социальной защите категориям населения, в том числе лицам с инвалидностью, лицам, нуждающимся в постороннем уходе, и детям, оказавшимся в тяжелой жизненной ситуации;
(б) укрепление навыков членов семей и других лиц, занятых уходом за детьми с нарушениями развития, по правильному уходу за ними;
(в) обеспечение интеграции в общество детей, оказавшихся в тяжелой жизненной ситуации, путем изучения проблем в их социальной адаптации;
(г) предоставление психолого-педагогических, образовательных и других социальных услуг.
6. Установить порядок, в соответствии с которым:
(а) территориальные центры оказывают нуждающимся в социальной защите населения услуги реабилитации, абилитации, физиотерапии и лечебной физкультуры, присмотра и ухода. При этом данные услуги могут предоставляться также посредством привлечения негосударственных организаций, в том числе индивидуальных предпринимателей и самозанятых лиц;
(б) лица, имеющие право пользоваться социальными услугами на льготных условиях (покрытие расходов за услуги на основе ваучера или в форме компенсации) согласно актам законодательства, пользуются услугами территориальных центров на основании направления центров социальных услуг «Инсон». При этом направления данным лицам оформляются центрами социальных услуг «Инсон» на основе экстерриториального принципа;
(в) все процедуры, связанные с пользованием услуг территориальных центров, осуществляются посредством информационных систем Национального агентства социальной защиты полностью в электронной форме.
7. Утвердить:
(а) Типовую структуру территориальных центров социальных услуг согласно приложению № 1 * ;
(б) Перечень земельных участков, зданий и сооружений, выделяемых для размещения территориальных центров социальных услуг, которые находятся на балансе министерств и ведомств, а также Национального агентства социальной защиты, согласно приложениям №№ 2 и 2а * .
III. Организационные меры
8. В целях обеспечения территориальных центров зданиями, сооружениями и инфраструктурой, необходимыми для оказания социальных услуг населению:
(а) Агентству по управлению государственными активами в месячный срок совместно с министерствами и ведомствами выделить здания и сооружения согласно приложению № 2 * к настоящему постановлению территориальным управлениям Национального агентства социальной защиты на основе права оперативного управления;
(б) Совету Министров Республики Каракалпакстан, хокимиятам областей и города Ташкента в месячный срок обеспечить в установленном порядке возврат в резерв земельных участков, не находящихся в распоряжении Национального агентства социальной защиты согласно приложению № 2 * к настоящему постановлению, и выделение их согласно актам законодательства территориальным управлениям Национального агентства социальной защиты на основе права постоянного пользования.
9. Определить, что:
(а) расходы, связанные со строительством, реконструкцией и ремонтом территориальных центров, осуществляются за счет средств Государственного фонда социальной защиты и иных источников, не запрещенных актами законодательства;
(б) разрешается заключать прямые договора на осуществление работ по проектированию, строительству, ремонту, реконструкции и оснащению зданий и сооружений, указанных в приложениях №№ 2 и 2а * к настоящему постановлению.
10. Национальному агентству социальной защиты:
(а) в срок до 1 мая 2026 года обеспечить внесение в Правительство проекта нормативно-правового акта, предусматривающего:
(i) программу налаживания функционирования территориальных центров и требования, предъявляемые к их деятельности;
(ii) целевые показатели налаживания деятельности территориальных центров в 2027 — 2029 годах;
(б) до конца 2026 года за счет средств Государственного фонда социальной защиты создать в информационной системе «Единая национальная социальная защита» возможность проведения мониторинга деятельности региональных центров.
11. Министерству экономики и финансов совместно с Национальным агентством социальной защиты, а также Советом Министров Республики Каракалпакстан, хокимиятами областей и города Ташкента вносить предложения о финансировании работ по строительству, ремонту, реконструкции и оснащению зданий и сооружений, в которых налаживается деятельность территориальных центров, в программы развития социальной и производственной инфраструктуры Республики Узбекистан на последующие годы.
IV. Организация, обеспечение и контроль исполнения постановления
12. Национальному агентству социальной защиты совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Возложить на советника Президента Республики Узбекистан по социальной защите — директора Национального агентства социальной защиты М.П. Оллоёрова персональную ответственность за эффективную организацию исполнения настоящего постановления.
14. Контроль за исполнением настоящего постановления и осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 декабря 2025 г.,
№ ПП-383