UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Давлат хизматларини кўрсатишда талаб этиладиган ишончномаларни расмийлаштириш жараёнларига рақамли технологияларни жорий этиш чора-тадбирлари тўғрисида

Ўзбекистон Республикаси Президентининг «Давлат хизматларини кўрсатиш тизимини такомиллаштириш ҳамда соҳада бюрократик тартиботларни тубдан қисқартиришга доир қўшимча чора-тадбирлар тўғрисида» 2025 йил 8 сентябрдаги ПФ-157-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Давлат хизматларини кўрсатиш тизимини такомиллаштириш ҳамда соҳада бюрократик тартиботларни тубдан қисқартиришга доир қўшимча чора-тадбирлар тўғрисида» 2025 йил 8 сентябрдаги ПФ-157-сон Фармонига мувофиқ 2026 йил 1 январдан бошлаб қуйидагиларни назарда тутувчи «Vakolat.uz» платформасини (кейинги ўринларда — Платформа) ишга тушириш белгилангани маълумот учун қабул қилинсин:

давлат хизматларидан фойдаланиш ва давлат хизмати натижаларини олиш бўйича бошқа шахсларга ишончномаларни расмийлаштириш;

юридик шахслар томонидан расмийлаштирилган ишончномаларни ихтиёрий рўйхатдан ўтказиш;

барча турдаги ишончномаларнинг ҳақиқийлигини онлайн режимда текшириш;

Платформадан бепул фойдаланиш.

2. Электрон ишончномаларни расмийлаштириш, ўзгартириш ва бекор қилиш, шунингдек, ишончномаларнинг реестрини юритиш бўйича «Vakolat.uz» платформаси тўғрисидаги низом 1-иловага мувофиқ тасдиқлансин.

3. Белгилансинки:

а) Платформа орқали расмийлаштирилган ва унда қайд этилган ишончномалар:

давлат органлари ва ташкилотлари, шунингдек, ташкилий-ҳуқуқий шаклидан қатъи назар, барча ташкилотлар учун мажбурий тартибда тан олинади;

давлат органлари ва ташкилотлари томонидан ишончномаларнинг қоғоз шакли жисмоний ва юридик шахслардан талаб қилинмайди ҳамда «Рақамли ҳукумат» тизимининг идоралараро интеграциялашув платформаси орқали мустақил равишда олинади;

ишончли вакил орқали электрон давлат хизматларидан фойдаланиш учун мажбурий ҳисобланади;

б) «Нотариус» автоматлаштирилган ахборот тизимида расмийлаштирилган ишончномалар Платформада қайд этилади ва уларнинг Платформадаги электрон нусхалари Ўзбекистон Республикаси ҳудудида қоғоз шаклига тенглаштирилади.

4. Адлия вазирлиги:

а) Рақамли технологиялар вазирлиги билан биргаликда бир ой муддатда:

Платформани «Рақамли ҳукумат» тизимининг идоралараро интеграциялашув платформасига интеграция қилинишини;

Платформада электрон давлат хизматларидан фойдаланишда ишончномаларни электрон равишда текшириш имкониятини таъминласин;

б) икки ой муддатда:

«Нотариус» автоматлаштирилган ахборот тизими орқали расмийлаштирилган ишончномалар ҳақидаги маълумотларнинг Платформага юборилишини таъминласин;

Платформанинг мобиль иловасини ишга туширсин;

манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

5. Вазирлар Маҳкамасининг «Нотариуслар томонидан айрим нотариал ҳаракатларни амалга ошириш тартиби тўғрисидаги маъмурий регламентларни тасдиқлаш ҳақида» 2020 йил 18 ноябрдаги 726-сон қарорига 2-иловага мувофиқ ўзгартириш ва қўшимчалар киритилсин.

6. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.

Вазирлар Маҳкамасининг 2025 йил 25 декабрдаги 825-сон қарорига 1-ИЛОВА

Электрон ишончномаларни расмийлаштириш, ўзгартириш ва бекор қилиш, шунингдек, ишончномаларнинг реестрини юритиш бўйича «Vakolat.uz» платформаси тўғрисида

1-боб. Умумий қоидалар

1. Ушбу Низом жисмоний шахслар томонидан давлат хизматларидан фойдаланиш ва давлат хизмати натижаларини олиш учун ҳамда юридик шахслар томонидан ўз ихтиёрига кўра электрон ишончномаларни «Vakolat.uz» платформаси орқали расмийлаштириш, ўзгартириш, бекор қилиш ва ишончномаларнинг реестрини (кейинги ўринларда — Реестр) юритиш тартибини белгилайди.

2. Ушбу Низомда қуйидаги асосий тушунчалардан фойдаланилади:

«Vakolat.uz» платформаси (кейинги ўринларда — Платформа) — ишончномаларни электрон расмийлаштириш, ўзгартириш, бекор қилиш ва уларнинг реестрини юритишга мўлжалланган ахборот тизими;

электрон ишончнома (кейинги ўринларда — ишончнома) — жисмоний ва юридик шахслар томонидан «Vakolat.uz» платформаси орқали расмийлаштирилган ишончнома;

ишонч билдирувчи — ўз номидан муайян ҳаракатларни амалга ошириш ваколатини бошқа шахсга берувчи жисмоний ва юридик шахс;

ишончли вакил — ўзига ишончнома билан берилган ваколатлар доирасида иш олиб борувчи жисмоний ва юридик шахс.

3. Мазкур Низом қоидалари ишончнома асосида фойдаланиш мумкин бўлган давлат хизматларига нисбатан татбиқ этилади.

4. Платформа орқали расмийлаштирилган ишончномалар Ўзбекистон Республикаси ҳудудида нотариал тасдиқланган ишончномалар билан тенг юридик кучга эга бўлади.

5. Ўзбекистон Республикаси Адлия вазирлиги Платформа мулкдори ва оператори ҳисобланади.

6. Ишончномаларни расмийлаштириш ушбу Низомга 1-иловада келтирилган схемага мувофиқ амалга оширилади.

7. Ишончнома жисмоний ва юридик шахсларнинг хоҳишига кўра сўровномада кўрсатилган, бироқ 3 йилдан ошмаган муддатга берилади.

8. Платформада ишончномаларни расмийлаштириш, ўзгартириш ва бекор қилиш бепул амалга оширилади.

2-боб. Ишончномаларни расмийлаштириш тартиби

9. Ишонч билдирувчи ишончномани расмийлаштириш учун «Рақамли ҳукумат» тизимининг ягона идентификация тизими (OneID) орқали Платформада рўйхатдан ўтади ва ушбу Низомга 2-иловага мувофиқ сўровномани тўлдиради.

Давлат органлари ва ташкилотлари сўровномада кўрсатилган маълумот ва ҳужжатларни «Рақамли ҳукумат» тизими идоралараро интеграциялашув платформаси орқали тақдим этилишини таъминлайди.

10. Сўровнома электрон рақамли имзони ёки шахсни биометрик идентификация қилиш (Face ID) технологиясини мажбурий тартибда қўллаш орқали тасдиқланади.

11. Сўровнома тасдиқлангандан сўнг Платформа орқали ушбу Низомга 3-иловага мувофиқ ишончнома автоматик равишда шаклланади ва томонларга юборилади.

12. Жисмоний ва юридик шахс бўлган ишонч билдирувчи сўровномада ишончли вакилга ишончномада акс эттирилган ваколатларни амалга оширишни бошқа шахсга ўтказиш ҳуқуқини кўрсатиши мумкин.

3-боб. Ишончномаларни ўзгартириш ва бекор қилиш тартиби

13. Қуйидаги ҳолларда ишончнома ишонч билдирувчи томонидан ўзгартирилиши мумкин:

жисмоний шахснинг фамилияси, исми ва отасининг исми ўзгарганда;

юридик шахснинг номи ва ташкилий-ҳуқуқий шакли ўзгарганда;

жисмоний шахснинг биометрик паспорти (ID-карта) маълумотлари ўзгарганда;

ишончноманинг амал қилиш муддати узайтирилганда.

14. Ишончномани ўзгартириш ушбу Низомнинг 2-бобида белгиланган тартибда умумий асосларда амалга оширилади.

15. Ишончномадаги ваколатлар ҳамда ишонч билдирилган шахслар доираси кенгайтирилганда ёки қисқартирилганда, ишончнома мазкур Низомнинг 2-бобида белгиланган тартибда умумий асосларда янгидан расмийлаштирилади.

16. Қуйидаги ҳолларда ишончнома Платформа томонидан автоматик равишда бекор қилинади:

ишончноманинг муддати тугаганда;

жисмоний шахс вафот этганда;

юридик шахс тугатилганда.

Жисмоний шахснинг вафот этганлиги ва юридик шахс тугатилганлиги ҳақидаги маълумотлар «Рақамли ҳукумат» тизими идоралараро интеграциялашув платформаси орқали Ўзбекистон Республикаси Адлия вазирлиги томонидан реал вақт режимида тақдим этилади.

17. Ишонч билдирувчи истаган вақтда ишончномани бекор қилиши, ишончли вакил эса ундан воз кечиши мумкин.

4-боб. Ишончномалар реестрини юритиш тартиби

18. Реестр Ўзбекистон Республикаси Адлия вазирлиги томонидан юритилади ва унда қуйидаги маълумотлар қайд этилади:

юридик шахс учун — номи, ташкилий-ҳуқуқий шакли ва солиқ тўловчининг идентификация рақами (СТИР);

жисмоний шахс учун — фамилияси, исми, отасининг исми, биометрик паспорт (ID-карта) маълумотлари ва жисмоний шахснинг шахсий идентификация рақами (ЖШШИР);

ишончнома берилган сана ва уникал рақами;

ишончноманинг амал қилиш муддати;

ишончномада кўрсатилган ваколатлар;

ишончномада кўрсатилган ваколатларни бошқа шахсга бериш ҳуқуқи ҳақидаги маълумотлар;

ишончноманинг ўзгартирилганлиги ва бекор қилинганлиги тўғрисида маълумотлар.

Реестр электрон шаклда юритилади.

19. Реестр ишончномаларни уникал рақам орқали қидириш учун барча учун очиқ ҳисобланади.

20. «Нотариус» автоматлаштирилган ахборот тизимида расмийлаштирилган ишончномалар Реестрга автоматик равишда киритилади.

5-боб. Якунловчи қоидалар

21. Ишончномада кўрсатилган маълумотларнинг тўғрилиги учун ишонч билдирувчи жавобгар ҳисобланади.

22. Ушбу Низом талабларининг бузилишида айбдор бўлган шахслар қонунчилик ҳужжатларига мувофиқ жавоб беради.

Электрон ишончномаларни расмийлаштириш, ўзгартириш ва бекор қилиш, шунингдек, ишончномаларнинг реестрини юритиш бўйича «Vakolat.uz» платформаси тўғрисида низомга 1-ИЛОВА

«Vakolat.uz» платформаси орқали ишончномаларни расмийлаштириш

Босқичлар Субъектлар Тадбирлар Бажариш муддатлари 1-босқич Ишонч билдирувчи жисмоний ёки юридик шахс «Vakolat.uz» платформаси орқали сўровномани тўлдиради. Ўз хоҳишига кўра 2-босқич Ишонч билдирувчи жисмоний ёки юридик шахс Сўровномани тўлдирганидан сўнг у электрон рақамли имзо ёки шахсни биометрик идентификация қилиш (Face ID) технологияси орқали тасдиқлайди. Сўровномани тўлдирганидан сўнг дарҳол 3-босқич «Vakolat.uz» платформаси Ишончнома автоматик равишда шакллантирилади ва ишончнома томонларига юборилади. Реал вақт режимида

Электрон ишончномаларни расмийлаштириш, ўзгартириш ва бекор қилиш, шунингдек, ишончномаларнинг реестрини юритиш бўйича «Vakolat.uz» платформаси тўғрисида низомга 2-ИЛОВА

НАМУНА «Vakolat.uz» платформаси орқали ишончномаларни расмийлаштириш бўйича СЎРОВНОМА Ишонч билдирувчи тўғрисидаги маълумотлар I. Жисмоний шахс 1. Жисмоний шахснинг ЖШШИРи: 2. Жисмоний шахснинг Ф.И.О: Ички ишлар вазирлиги * 3. Жисмоний шахснинг паспорт (ID-карта) маълумотлари (серияси ва рақами): II. Юридик шахс 1. Юридик шахснинг СТИРи: 2. Юридик шахснинг номи ва ташкилий-ҳуқуқий шакли: Адлия вазирлиги 3. Юридик шахс раҳбарининг паспорт (ID-карта) маълумотлари (серияси ва рақами, ЖШШИР): Камбағалликни қисқартириш ва бандлик вазирлиги 4. Юридик шахс раҳбарининг Ф.И.О: Ишончли вакил тўғрисидаги маълумотлар I. Жисмоний шахс 1. Жисмоний шахснинг ЖШШИРи: ** 2. Жисмоний шахснинг Ф.И.О: Ички ишлар вазирлиги 3. Жисмоний шахснинг паспорт (ID-карта) маълумотлари (серияси ва рақами): II. Юридик шахс 1. Юридик шахснинг СТИРи: 2. Юридик шахснинг номи ва ташкилий-ҳуқуқий шакли: Адлия вазирлиги Қўшимча маълумотлар 3. Берилаётган ваколат: 4. Ишончноманинг муддати: 5. Ваколатларни бошқа шахсга ўтказиш (юридик шахс учун): 6. Юридик шахс филиалининг реестр рақами: Адлия вазирлиги 7. Юридик шахс филиалининг номи: 8. Юридик шахснинг транспорт воситаси ҳақидаги маълумотлар: Ички ишлар вазирлиги 9. Автотранспорт воситасини чегарадан олиб ўтиш:

Электрон ишончномаларни расмийлаштириш, ўзгартириш ва бекор қилиш, шунингдек, ишончномаларнинг реестрини юритиш бўйича «Vakolat.uz» платформаси тўғрисида низомга 3-ИЛОВА

НАМУНА Oʻzbekiston Respublikasi Adliya vazirligining “Vakolat.uz” elektron platformasi ISHONCHNOMA № 000000 ISHONCH BILDIRUVCHI ISHONCHLI VAKIL _______________________________________________________________ Jismoniy shaxsning F.I.O (yuridik shaxsning nomi va tashkiliy- huquqiy shakli) _______________________________________________________________ Jismoniy shaxsning F.I.O (yuridik shaxsning nomi va tashkiliy- huquqiy shakli) _______________________________________________________________ Jismoniy shaxsning JShShIR (yuridik shaxsning STIR) _______________________________________________________________ Jismoniy shaxsning JShShIR (yuridik shaxsning STIR) _______________________________________________________________ Jismoniy shaxsning (yuridik shaxs rahbarining) pasport (ID-karta) maʼlumotlari _______________________________________________________________ Jismoniy shaxsning pasport (ID-karta) maʼlumotlari _______________________________________________________________ Yuridik shaxs rahbarining F.I.O _______________________________________________________________ Yuridik shaxs filialining nomi _______________________________________________________________ Yuridik shaxs filialining reyestr raqami Avtotransport vositasi (avtotransport vositasiga ishonchnoma berilganda): ________________________________________________________________ Avtotransport vositasining rusumi va davlat raqami Berilgan vakolatlar: ____________________________________________ Ishonchnomaning muddati: ____________________________________________ Vakolatlarni boshqa shaxslarga oʻtkazish huquqi bilan (soʻrovnomada koʻrsatilganda) Avtotransport vositasini chegaradan olib oʻtish huquqi bilan (soʻrovnomada koʻrsatilganda) _________________________ (hujjat yaratilgan sana) QR-kod

Вазирлар Маҳкамасининг 2025 йил 25 декабрдаги 825-сон қарорига 2-ИЛОВА

Вазирлар Маҳкамасининг «Нотариуслар томонидан айрим нотариал ҳаракатларни амалга ошириш тартиби тўғрисидаги маъмурий регламентларни тасдиқлаш ҳақида» 2020 йил 18 ноябрдаги 726-сон қарорига киритилаётган ўзгартириш ва қўшимчалар

1. 1-илованинг 16-бандида :

қуйидаги мазмундаги учинчи хатбоши билан тўлдирилсин:

«Vakolat.uz» платформаси орқали расмийлаштирилган ишончномалар ҳақидаги маълумотлар Тизим орқали «Vakolat.uz» платформасида текширилади ва олинган маълумотнома Тизимда сақланади. Бунда ишончноманинг қоғоз шаклини тақдим қилиш талаб қилинмайди»;

учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин;

2. 2-илованинг 16-бандида :

қуйидаги мазмундаги учинчи хатбоши билан тўлдирилсин:

«Vakolat.uz» платформаси орқали расмийлаштирилган ишончномалар ҳақидаги маълумотлар Тизим орқали «Vakolat.uz» платформасида текширилади ва олинган маълумотнома Тизимда сақланади. Бунда ишончноманинг қоғоз шаклини тақдим қилиш талаб қилинмайди»;

учинчи ва тўртинчи хатбошлар тегишлича тўртинчи ва бешинчи хатбошилар деб ҳисоблансин;

3. 3-илованинг 16-бандида :

қуйидаги мазмундаги учинчи хатбоши билан тўлдирилсин:

«Vakolat.uz» платформаси орқали расмийлаштирилган ишончномалар ҳақидаги маълумотлар Тизим орқали «Vakolat.uz» платформасида текширилади ва олинган маълумотнома Тизимда сақланади. Бунда ишончноманинг қоғоз шаклини тақдим қилиш талаб қилинмайди»;

учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин;

4. 4-илованинг 16-бандида :

қуйидаги мазмундаги учинчи хатбоши билан тўлдирилсин:

«Vakolat.uz» платформаси орқали расмийлаштирилган ишончномалар ҳақидаги маълумотлар Тизим орқали «Vakolat.uz» платформасида текширилади ва олинган маълумотнома Тизимда сақланади. Бунда ишончноманинг қоғоз шаклини тақдим қилиш талаб қилинмайди»;

учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин;

5. 5-илованинг 17-бандида :

қуйидаги мазмундаги учинчи хатбоши билан тўлдирилсин:

«Vakolat.uz» платформаси орқали расмийлаштирилган ишончномалар ҳақидаги маълумотлар Тизим орқали «Vakolat.uz» платформасида текширилади ва олинган маълумотнома Тизимда сақланади. Бунда ишончноманинг қоғоз шаклини тақдим қилиш талаб қилинмайди»;

учинчи хатбоши тўртинчи хатбоши деб ҳисоблансин.

Ўзбекистон Республикасининг Бош вазири А. АРИПОВ

Тошкент ш.,

2025 йил 25 декабрь,

825-сон

(Қонунчилик маълумотлари миллий базаси, 26.12.2025 й., 09/25/825/1219-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Davlat xizmatlarini koʻrsatishda talab etiladigan ishonchnomalarni rasmiylashtirish jarayonlariga raqamli texnologiyalarni joriy etish chora-tadbirlari toʻgʻrisida

Oʻzbekiston Respublikasi Prezidentining “Davlat xizmatlarini koʻrsatish tizimini takomillashtirish hamda sohada byurokratik tartibotlarni tubdan qisqartirishga doir qoʻshimcha chora-tadbirlar toʻgʻrisida” 2025-yil 8-sentabrdagi PF-157-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Davlat xizmatlarini koʻrsatish tizimini takomillashtirish hamda sohada byurokratik tartibotlarni tubdan qisqartirishga doir qoʻshimcha chora-tadbirlar toʻgʻrisida” 2025-yil 8-sentabrdagi PF-157-son Farmoniga muvofiq 2026-yil 1-yanvardan boshlab quyidagilarni nazarda tutuvchi “Vakolat.uz” platformasini (keyingi oʻrinlarda — Platforma) ishga tushirish belgilangani maʼlumot uchun qabul qilinsin:

davlat xizmatlaridan foydalanish va davlat xizmati natijalarini olish boʻyicha boshqa shaxslarga ishonchnomalarni rasmiylashtirish;

yuridik shaxslar tomonidan rasmiylashtirilgan ishonchnomalarni ixtiyoriy roʻyxatdan oʻtkazish;

barcha turdagi ishonchnomalarning haqiqiyligini onlayn rejimda tekshirish;

Platformadan bepul foydalanish.

2. Elektron ishonchnomalarni rasmiylashtirish, oʻzgartirish va bekor qilish, shuningdek, ishonchnomalarning reyestrini yuritish boʻyicha “Vakolat.uz” platformasi toʻgʻrisidagi nizom 1-ilovaga muvofiq tasdiqlansin.

3. Belgilansinki:

a) Platforma orqali rasmiylashtirilgan va unda qayd etilgan ishonchnomalar:

davlat organlari va tashkilotlari, shuningdek, tashkiliy-huquqiy shaklidan qatʼi nazar, barcha tashkilotlar uchun majburiy tartibda tan olinadi;

davlat organlari va tashkilotlari tomonidan ishonchnomalarning qogʻoz shakli jismoniy va yuridik shaxslardan talab qilinmaydi hamda “Raqamli hukumat” tizimining idoralararo integratsiyalashuv platformasi orqali mustaqil ravishda olinadi;

ishonchli vakil orqali elektron davlat xizmatlaridan foydalanish uchun majburiy hisoblanadi;

b) “Notarius” avtomatlashtirilgan axborot tizimida rasmiylashtirilgan ishonchnomalar Platformada qayd etiladi va ularning Platformadagi elektron nusxalari Oʻzbekiston Respublikasi hududida qogʻoz shakliga tenglashtiriladi.

4. Adliya vazirligi:

a) Raqamli texnologiyalar vazirligi bilan birgalikda bir oy muddatda:

Platformani “Raqamli hukumat” tizimining idoralararo integratsiyalashuv platformasiga integratsiya qilinishini;

Platformada elektron davlat xizmatlaridan foydalanishda ishonchnomalarni elektron ravishda tekshirish imkoniyatini taʼminlasin;

b) ikki oy muddatda:

“Notarius” avtomatlashtirilgan axborot tizimi orqali rasmiylashtirilgan ishonchnomalar haqidagi maʼlumotlarning Platformaga yuborilishini taʼminlasin;

Platformaning mobil ilovasini ishga tushirsin;

manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

5. Vazirlar Mahkamasining “Notariuslar tomonidan ayrim notarial harakatlarni amalga oshirish tartibi toʻgʻrisidagi maʼmuriy reglamentlarni tasdiqlash haqida” 2020-yil 18-noyabrdagi 726-son qaroriga 2-ilovaga muvofiq oʻzgartirish va qoʻshimchalar kiritilsin.

6. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.

Vazirlar Mahkamasining 2025-yil 25-dekabrdagi 825-son qaroriga 1-ILOVA

Elektron ishonchnomalarni rasmiylashtirish, oʻzgartirish va bekor qilish, shuningdek, ishonchnomalarning reyestrini yuritish boʻyicha “Vakolat.uz” platformasi toʻgʻrisida

1-bob. Umumiy qoidalar

1. Ushbu Nizom jismoniy shaxslar tomonidan davlat xizmatlaridan foydalanish va davlat xizmati natijalarini olish uchun hamda yuridik shaxslar tomonidan oʻz ixtiyoriga koʻra elektron ishonchnomalarni “Vakolat.uz” platformasi orqali rasmiylashtirish, oʻzgartirish, bekor qilish va ishonchnomalarning reyestrini (keyingi oʻrinlarda — Reyestr) yuritish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

“Vakolat.uz” platformasi (keyingi oʻrinlarda — Platforma) — ishonchnomalarni elektron rasmiylashtirish, oʻzgartirish, bekor qilish va ularning reyestrini yuritishga moʻljallangan axborot tizimi;

elektron ishonchnoma (keyingi oʻrinlarda — ishonchnoma) — jismoniy va yuridik shaxslar tomonidan “Vakolat.uz” platformasi orqali rasmiylashtirilgan ishonchnoma;

ishonch bildiruvchi — oʻz nomidan muayyan harakatlarni amalga oshirish vakolatini boshqa shaxsga beruvchi jismoniy va yuridik shaxs;

ishonchli vakil — oʻziga ishonchnoma bilan berilgan vakolatlar doirasida ish olib boruvchi jismoniy va yuridik shaxs.

3. Mazkur Nizom qoidalari ishonchnoma asosida foydalanish mumkin boʻlgan davlat xizmatlariga nisbatan tatbiq etiladi.

4. Platforma orqali rasmiylashtirilgan ishonchnomalar Oʻzbekiston Respublikasi hududida notarial tasdiqlangan ishonchnomalar bilan teng yuridik kuchga ega boʻladi.

5. Oʻzbekiston Respublikasi Adliya vazirligi Platforma mulkdori va operatori hisoblanadi.

6. Ishonchnomalarni rasmiylashtirish ushbu Nizomga 1-ilovada keltirilgan sxemaga muvofiq amalga oshiriladi.

7. Ishonchnoma jismoniy va yuridik shaxslarning xohishiga koʻra soʻrovnomada koʻrsatilgan, biroq 3 yildan oshmagan muddatga beriladi.

8. Platformada ishonchnomalarni rasmiylashtirish, oʻzgartirish va bekor qilish bepul amalga oshiriladi.

2-bob. Ishonchnomalarni rasmiylashtirish tartibi

9. Ishonch bildiruvchi ishonchnomani rasmiylashtirish uchun “Raqamli hukumat” tizimining yagona identifikatsiya tizimi (OneID) orqali Platformada roʻyxatdan oʻtadi va ushbu Nizomga 2-ilovaga muvofiq soʻrovnomani toʻldiradi.

Davlat organlari va tashkilotlari soʻrovnomada koʻrsatilgan maʼlumot va hujjatlarni “Raqamli hukumat” tizimi idoralararo integratsiyalashuv platformasi orqali taqdim etilishini taʼminlaydi.

10. Soʻrovnoma elektron raqamli imzoni yoki shaxsni biometrik identifikatsiya qilish (Face ID) texnologiyasini majburiy tartibda qoʻllash orqali tasdiqlanadi.

11. Soʻrovnoma tasdiqlangandan soʻng Platforma orqali ushbu Nizomga 3-ilovaga muvofiq ishonchnoma avtomatik ravishda shakllanadi va tomonlarga yuboriladi.

12. Jismoniy va yuridik shaxs boʻlgan ishonch bildiruvchi soʻrovnomada ishonchli vakilga ishonchnomada aks ettirilgan vakolatlarni amalga oshirishni boshqa shaxsga oʻtkazish huquqini koʻrsatishi mumkin.

3-bob. Ishonchnomalarni oʻzgartirish va bekor qilish tartibi

13. Quyidagi hollarda ishonchnoma ishonch bildiruvchi tomonidan oʻzgartirilishi mumkin:

jismoniy shaxsning familiyasi, ismi va otasining ismi oʻzgarganda;

yuridik shaxsning nomi va tashkiliy-huquqiy shakli oʻzgarganda;

jismoniy shaxsning biometrik pasporti (ID-karta) maʼlumotlari oʻzgarganda;

ishonchnomaning amal qilish muddati uzaytirilganda.

14. Ishonchnomani oʻzgartirish ushbu Nizomning 2-bobida belgilangan tartibda umumiy asoslarda amalga oshiriladi.

15. Ishonchnomadagi vakolatlar hamda ishonch bildirilgan shaxslar doirasi kengaytirilganda yoki qisqartirilganda, ishonchnoma mazkur Nizomning 2-bobida belgilangan tartibda umumiy asoslarda yangidan rasmiylashtiriladi.

16. Quyidagi hollarda ishonchnoma Platforma tomonidan avtomatik ravishda bekor qilinadi:

ishonchnomaning muddati tugaganda;

jismoniy shaxs vafot etganda;

yuridik shaxs tugatilganda.

Jismoniy shaxsning vafot etganligi va yuridik shaxs tugatilganligi haqidagi maʼlumotlar “Raqamli hukumat” tizimi idoralararo integratsiyalashuv platformasi orqali Oʻzbekiston Respublikasi Adliya vazirligi tomonidan real vaqt rejimida taqdim etiladi.

17. Ishonch bildiruvchi istagan vaqtda ishonchnomani bekor qilishi, ishonchli vakil esa undan voz kechishi mumkin.

4-bob. Ishonchnomalar reyestrini yuritish tartibi

18. Reyestr Oʻzbekiston Respublikasi Adliya vazirligi tomonidan yuritiladi va unda quyidagi maʼlumotlar qayd etiladi:

yuridik shaxs uchun — nomi, tashkiliy-huquqiy shakli va soliq toʻlovchining identifikatsiya raqami (STIR);

jismoniy shaxs uchun — familiyasi, ismi, otasining ismi, biometrik pasport (ID-karta) maʼlumotlari va jismoniy shaxsning shaxsiy identifikatsiya raqami (JSHSHIR);

ishonchnoma berilgan sana va unikal raqami;

ishonchnomaning amal qilish muddati;

ishonchnomada koʻrsatilgan vakolatlar;

ishonchnomada koʻrsatilgan vakolatlarni boshqa shaxsga berish huquqi haqidagi maʼlumotlar;

ishonchnomaning oʻzgartirilganligi va bekor qilinganligi toʻgʻrisida maʼlumotlar.

Reyestr elektron shaklda yuritiladi.

19. Reyestr ishonchnomalarni unikal raqam orqali qidirish uchun barcha uchun ochiq hisoblanadi.

20. “Notarius” avtomatlashtirilgan axborot tizimida rasmiylashtirilgan ishonchnomalar Reyestrga avtomatik ravishda kiritiladi.

5-bob. Yakunlovchi qoidalar

21. Ishonchnomada koʻrsatilgan maʼlumotlarning toʻgʻriligi uchun ishonch bildiruvchi javobgar hisoblanadi.

22. Ushbu Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradi.

Elektron ishonchnomalarni rasmiylashtirish, oʻzgartirish va bekor qilish, shuningdek, ishonchnomalarning reyestrini yuritish boʻyicha “Vakolat.uz” platformasi toʻgʻrisida nizomga 1-ILOVA

“Vakolat.uz” platformasi orqali ishonchnomalarni rasmiylashtirish

Bosqichlar Subyektlar Tadbirlar Bajarish muddatlari 1-bosqich Ishonch bildiruvchi jismoniy yoki yuridik shaxs “Vakolat.uz” platformasi orqali soʻrovnomani toʻldiradi. Oʻz xohishiga koʻra 2-bosqich Ishonch bildiruvchi jismoniy yoki yuridik shaxs Soʻrovnomani toʻldirganidan soʻng u elektron raqamli imzo yoki shaxsni biometrik identifikatsiya qilish (Face ID) texnologiyasi orqali tasdiqlaydi. Soʻrovnomani toʻldirganidan soʻng darhol 3-bosqich “Vakolat.uz” platformasi Ishonchnoma avtomatik ravishda shakllantiriladi va ishonchnoma tomonlariga yuboriladi. Real vaqt rejimida

Elektron ishonchnomalarni rasmiylashtirish, oʻzgartirish va bekor qilish, shuningdek, ishonchnomalarning reyestrini yuritish boʻyicha “Vakolat.uz” platformasi toʻgʻrisida nizomga 2-ILOVA

NAMUNA “Vakolat.uz” platformasi orqali ishonchnomalarni rasmiylashtirish boʻyicha SOʻROVNOMA Ishonch bildiruvchi toʻgʻrisidagi maʼlumotlar I. Jismoniy shaxs 1. Jismoniy shaxsning JSHSHIRi: 2. Jismoniy shaxsning F.I.O: Ichki ishlar vazirligi * 3. Jismoniy shaxsning pasport (ID-karta) maʼlumotlari (seriyasi va raqami): II. Yuridik shaxs 1. Yuridik shaxsning STIRi: 2. Yuridik shaxsning nomi va tashkiliy-huquqiy shakli: Adliya vazirligi 3. Yuridik shaxs rahbarining pasport (ID-karta) maʼlumotlari (seriyasi va raqami, JSHSHIR): Kambagʻallikni qisqartirish va bandlik vazirligi 4. Yuridik shaxs rahbarining F.I.O: Ishonchli vakil toʻgʻrisidagi maʼlumotlar I. Jismoniy shaxs 1. Jismoniy shaxsning JSHSHIRi: ** 2. Jismoniy shaxsning F.I.O: Ichki ishlar vazirligi 3. Jismoniy shaxsning pasport (ID-karta) maʼlumotlari (seriyasi va raqami): II. Yuridik shaxs 1. Yuridik shaxsning STIRi: 2. Yuridik shaxsning nomi va tashkiliy-huquqiy shakli: Adliya vazirligi Qoʻshimcha maʼlumotlar 3. Berilayotgan vakolat: 4. Ishonchnomaning muddati: 5. Vakolatlarni boshqa shaxsga oʻtkazish (yuridik shaxs uchun): 6. Yuridik shaxs filialining reyestr raqami: Adliya vazirligi 7. Yuridik shaxs filialining nomi: 8. Yuridik shaxsning transport vositasi haqidagi maʼlumotlar: Ichki ishlar vazirligi 9. Avtotransport vositasini chegaradan olib oʻtish:

Elektron ishonchnomalarni rasmiylashtirish, oʻzgartirish va bekor qilish, shuningdek, ishonchnomalarning reyestrini yuritish boʻyicha “Vakolat.uz” platformasi toʻgʻrisida nizomga 3-ILOVA

NAMUNA Oʻzbekiston Respublikasi Adliya vazirligining “Vakolat.uz” elektron platformasi ISHONCHNOMA № 000000 ISHONCH BILDIRUVCHI ISHONCHLI VAKIL _______________________________________________________________ Jismoniy shaxsning F.I.O (yuridik shaxsning nomi va tashkiliy- huquqiy shakli) _______________________________________________________________ Jismoniy shaxsning F.I.O (yuridik shaxsning nomi va tashkiliy- huquqiy shakli) _______________________________________________________________ Jismoniy shaxsning JShShIR (yuridik shaxsning STIR) _______________________________________________________________ Jismoniy shaxsning JShShIR (yuridik shaxsning STIR) _______________________________________________________________ Jismoniy shaxsning (yuridik shaxs rahbarining) pasport (ID-karta) maʼlumotlari _______________________________________________________________ Jismoniy shaxsning pasport (ID-karta) maʼlumotlari _______________________________________________________________ Yuridik shaxs rahbarining F.I.O _______________________________________________________________ Yuridik shaxs filialining nomi _______________________________________________________________ Yuridik shaxs filialining reyestr raqami Avtotransport vositasi (avtotransport vositasiga ishonchnoma berilganda): ________________________________________________________________ Avtotransport vositasining rusumi va davlat raqami Berilgan vakolatlar: ____________________________________________ Ishonchnomaning muddati: ____________________________________________ Vakolatlarni boshqa shaxslarga oʻtkazish huquqi bilan (soʻrovnomada koʻrsatilganda) Avtotransport vositasini chegaradan olib oʻtish huquqi bilan (soʻrovnomada koʻrsatilganda) _________________________ (hujjat yaratilgan sana) QR-kod

Vazirlar Mahkamasining 2025-yil 25-dekabrdagi 825-son qaroriga 2-ILOVA

Vazirlar Mahkamasining “Notariuslar tomonidan ayrim notarial harakatlarni amalga oshirish tartibi toʻgʻrisidagi maʼmuriy reglamentlarni tasdiqlash haqida” 2020-yil 18-noyabrdagi 726-son qaroriga kiritilayotgan oʻzgartirish va qoʻshimchalar

1. 1-ilovaning 16-bandida :

quyidagi mazmundagi uchinchi xatboshi bilan toʻldirilsin:

“Vakolat.uz” platformasi orqali rasmiylashtirilgan ishonchnomalar haqidagi maʼlumotlar Tizim orqali “Vakolat.uz” platformasida tekshiriladi va olingan maʼlumotnoma Tizimda saqlanadi. Bunda ishonchnomaning qogʻoz shaklini taqdim qilish talab qilinmaydi”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

2. 2-ilovaning 16-bandida :

quyidagi mazmundagi uchinchi xatboshi bilan toʻldirilsin:

“Vakolat.uz” platformasi orqali rasmiylashtirilgan ishonchnomalar haqidagi maʼlumotlar Tizim orqali “Vakolat.uz” platformasida tekshiriladi va olingan maʼlumotnoma Tizimda saqlanadi. Bunda ishonchnomaning qogʻoz shaklini taqdim qilish talab qilinmaydi”;

uchinchi va toʻrtinchi xatboshlar tegishlicha toʻrtinchi va beshinchi xatboshilar deb hisoblansin;

3. 3-ilovaning 16-bandida :

quyidagi mazmundagi uchinchi xatboshi bilan toʻldirilsin:

“Vakolat.uz” platformasi orqali rasmiylashtirilgan ishonchnomalar haqidagi maʼlumotlar Tizim orqali “Vakolat.uz” platformasida tekshiriladi va olingan maʼlumotnoma Tizimda saqlanadi. Bunda ishonchnomaning qogʻoz shaklini taqdim qilish talab qilinmaydi”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

4. 4-ilovaning 16-bandida :

quyidagi mazmundagi uchinchi xatboshi bilan toʻldirilsin:

“Vakolat.uz” platformasi orqali rasmiylashtirilgan ishonchnomalar haqidagi maʼlumotlar Tizim orqali “Vakolat.uz” platformasida tekshiriladi va olingan maʼlumotnoma Tizimda saqlanadi. Bunda ishonchnomaning qogʻoz shaklini taqdim qilish talab qilinmaydi”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

5. 5-ilovaning 17-bandida :

quyidagi mazmundagi uchinchi xatboshi bilan toʻldirilsin:

“Vakolat.uz” platformasi orqali rasmiylashtirilgan ishonchnomalar haqidagi maʼlumotlar Tizim orqali “Vakolat.uz” platformasida tekshiriladi va olingan maʼlumotnoma Tizimda saqlanadi. Bunda ishonchnomaning qogʻoz shaklini taqdim qilish talab qilinmaydi”;

uchinchi xatboshi toʻrtinchi xatboshi deb hisoblansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 25-dekabr,

825-son

(Qonunchilik maʼlumotlari milliy bazasi, 26.12.2025-y., 09/25/825/1219-son)

lex.uz