📅 2025-yil 27-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 27 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 декабря 2025 г. · Постановления Президента
Официальный текст. Официальный документ. Редакционные примечания не включены.
📅 27 December 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
МАҚСАДЛИ КЎРСАТКИЧЛАРИ
РЎЙХАТИ
ДАСТУРИ
2030 йилга қадар темир йўл транспортида маҳаллий йўналишларда йўловчи ташиш кўрсаткичларини ошириш чора-тадбирлари тўғрисида
Йўловчиларни шаҳар атрофи, шаҳарлараро ва вилоятлараро йўналишларда темир йўл транспортида ташиш улушини ошириш, аҳолига хавфсиз транспорт хизматлари кўрсатилишини таъминлаш, республиканинг барча ҳудудларини юқори тезликда ҳаракатланувчи ва тезюрар электропоездлар қатнови билан қамраб олиш ҳамда темир йўл транспортида йўловчи ташиш фаолиятининг келгусидаги истиқболларини белгилаб бериш мақсадида қарор қиламан:
I. Мақсадлар ва истиқболли кўрсаткичлар
1. Мазкур қарорнинг асосий мақсади этиб 2030 йилгача темир йўл транспортида маҳаллий йўналишларда йиллик йўловчи ташиш кўрсаткичини 10,5 млн нафардан 23,5 млн нафарга, электропоездлар қатнови ташкил этилган йўналишлар сонини 40 тадан 53 тага етказиш белгилансин.
2. Қуйидагилар:
(а) 2026 — 2030 йилларда темир йўл транспортида йўловчи ташиш фаолиятини ривожлантиришнинг мақсадли кўрсаткичлари 1-иловага мувофиқ;
(б) 2026 — 2030 йилларда маҳаллий йўналишларда электропоездлар ҳаракати амалга ошириладиган йўналишлар рўйхати 2-иловага мувофиқ;
(в) 2026 — 2030 йилларда темир йўл транспортида йўловчи ташиш инфратузилмасини ривожлантириш ва ҳаракатдаги таркибни янгилаш дастури 3-иловага мувофиқ тасдиқлансин.
II. Темир йўл транспортида йўловчи ташиш инфратузилмасини яхшилаш
3. Қуйидагилар темир йўл транспортида йўловчи ташиш фаолиятини ривожлантириш бўйича Транспорт вазирлиги ва «Ўзбекистон темир йўллари» АЖнинг устувор вазифалари этиб белгилансин:
(а) мазкур қарорнинг 1 — 3-иловаларида белгиланган мақсадлар ва истиқболли кўрсаткичларга сўзсиз эришилиши, инфратузилмани ривожлантириш ва ҳаракатдаги таркибни янгилаш дастури бажарилишини таъминлаш;
(б) узунлиги 465 км бўлган ва электрлаштириш ишлари якунланган «Бухоро — Хива» темир йўл линияси орқали 2026 йилдан бошлаб Тошкент — Урганч — Хива йўналишида юқори тезликда ҳаракатланувчи электропоездлар қатновини ташкил этиш;
(в) узунлиги 196 км бўлган «Мискин — Нукус» темир йўлини электрлаштириш ишларини 2026 йил якунига қадар тугатиб, ушбу йўналишларда юқори тезликда ҳаракатланувчи электропоездлар қатновини ташкил этиш;
(г) Ангрен-Поп ҳамда Тошгузар — Бойсун — Қумқўрғон темир йўл участкаларини модернизация қилган ҳолда 2030 йилгача Андижон, Наманган, Фарғона ва Сурхондарё вилоятларига тезюрар электропоездлар қатновларини йўлга қўйиш;
(д) 2030 йилгача 6 та юқори тезликда ҳаракатланувчи, 8 та тезюрар ва 20 та замонавий электропоездлар, 2 та йўловчи тепловоз, 10 та электровоз, 200 та йўловчи вагонлари ва 50 та манёвр локомотивларини харид қилиш ҳисобига ҳаракат таркибини янгилаш. Бунда биринчи босқичда энергия самарадорлиги юқори бўлган замонавий ва паст полли 4 та тезюрар ва 10 та электропоездни харид қилиш ва қолган 4 та тезюрар ва 10 та электропоездни аҳолига қулайлиги юзасидан жамоатчилик фикрини ўрганган ҳолда харид қилиш.
4. Транспорт вазирлиги Ички ишлар вазирлиги, «Ўзбекистон темир йўллари» АЖ, «Тошкент метрополитени» ДУК ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда 2026 йил якунига қадар:
(а) Тошкент шаҳрига Тошкент агломерацияси ҳудудларидан кириб келадиган электропоездларни жамоат транспорти билан интеграция қилувчи транспорт боғламалари яратилишини, шу жумладан, камида 3 та метро бекатлари яқинида темир йўл бекатлари ишга туширилишини таъминласин;
(б) Нукус шаҳри ва вилоят марказларига кириб келувчи йўловчилар оқимини ўрганиб, шаҳар атрофи йўналишларида ҳаракатланувчи электропоездларни жамоат транспорти билан интеграция қилувчи транспорт боғламаларини ишга тушириш чораларини кўрсин;
(в) амалга оширилган ишлар юзасидан Ўзбекистон Республикаси Президенти Администрациясига ахборот киритсин.
5. «Ўзбекистон темир йўллари» АЖ Транспорт вазирлиги билан биргаликда 2026 йил 1 июлга қадар «Нурафшон — Пискент — Бўка — Янгиер йўналишида янги темир йўл линиясини қуриш» лойиҳасининг лойиҳани баҳолаш ҳужжатларини ишлаб чиқиб, қурилиш ишларини бошласин.
6. Транспорт вазирлиги «Ўзбекистон темир йўллари» АЖ, Иқтисодиёт ва молия вазирлиги, Инвестициялар, саноат ва савдо вазирлиги билан биргаликда уч ой муддатда хорижий консультантларни жалб қилган ҳолда темир йўл транспортида йўловчи ташиш фаолиятини ривожлантириш доирасидаги лойиҳаларни (жумладан, инфратузилмани ривожлантириш ва ҳаракатдаги таркибни янгилаш) молиялаштириш тизимини такомиллаштириш бўйича таклифларни ишлаб чиқиб, Вазирлар Маҳкамасига киритсин.
7. Транспорт вазирлиги Тошкент давлат транспорт университети билан биргаликда 2026 йил 1 июнга қадар республика ҳудудлари ўртасида йўловчи оқимини ўрганиб, темир йўл, ҳаво ва автомобиль транспортида йўловчи ташувларини ўзаро уйғунлаштирувчи комплекс ривожланиш стратегиясини, заруратга кўра, хорижий консультантларни жалб қилган ҳолда ишлаб чиқиб, амалиётга жорий этиш чораларини кўрсин.
8. Белгилансинки:
(а) ушбу қарорнинг 3-иловасидаги лойиҳалар, заруратга кўра, хорижий консультантларни жалб қилган ҳолда белгиланган тартибда ишлаб чиқилган лойиҳани баҳолаш ҳужжатларига мувофиқ амалга оширилади. Бунда лойиҳалар доирасида харид қилинадиган ҳаракат таркиблари, шунингдек, товар ва хизматлар бўйича шартномалар ўрнатилган тартибда «Лойиҳалар ва импорт контрактларини комплекс экспертиза қилиш маркази» ДУКда экспертизадан ўтказилади;
(б) Вазирлар Маҳкамасига лойиҳани баҳолаш ҳужжатлари натижаларига асосан ушбу қарорнинг 3-иловасидаги лойиҳалар рўйхатига Ўзбекистон Республикаси Президенти Администрацияси билан келишган ҳолда ўзгартириш киритиш ваколати берилсин.
9. «Ўзбекистон темир йўллари» АЖ 2026 йил якунига қадар:
(а) 2023-2024 йиллар учун ҳисоботларни молиявий ҳисоботнинг халқаро стандарти талаблари асосида ташқи аудитдан ўтказиш;
(б) халқаро капитал бозоридан давлат кафолатисиз маблағ жалб қилиш имкониятини яратиш мақсадида халқаро кредит рейтингини олиш;
(в) жамият ва тизим корхоналарида харидларни тартибга солишга қаратилган «Ғазначилик тўлови» тизимини жорий этиш;
(г) 2025 йил учун харид жараёнларини форензик аудитдан ўтказиш;
(д) юкларни ташишда вақтни тежаш ҳамда магистрал йўлнинг самарадорлигини янада ошириш мақсадида юк поездларининг йўналиш бўйича чекланган тезлигини 30 км/соатдан 50 км/соатга ошириш;
(ж) темир йўл чипталарини сотишда автоматлаштирилган ҳамда онлайн сотиш тизимига ўтишни тўлиқ якунлаш;
(з) жамият ва тизим корхоналари даромадларини ошириш, харажатларни мақбуллаштириш ва бошқарувни самарали йўлга қўйиш ҳамда хорижий тажриба асосида янги тариф методологиясини ишлаб чиқиш чораларини кўрсин.
10. Транспорт вазирлиги Иқтисодиёт ва молия вазирлиги, Ички ишлар вазирлиги, Автомобиль йўллари қўмитаси ва «Ўзбекистон темир йўллари» АЖ билан биргаликда мавжуд автомобиль ва темир йўл кесишмаларида янги йўл ўтказгичларни барпо этиш дастурини уч ой муддатда ишлаб чиқиб, тасдиқлаш учун Вазирлар Маҳкамасига киритсин. Бунда юқоридаги дастурда назарда тутиладиган тадбирларни ҳар йилги Ижтимоий ва ишлаб чиқариш инфратузилмасини ривожлантириш дастури доирасида, халқаро молия институтлари ва хорижий ҳукумат молия ташкилотлари маблағлари ҳамда қонунчиликда тақиқланмаган бошқа манбалар ҳисобидан молиялаштириш назарда тутилсин.
11. Транспорт вазирлиги «Ўзбекистон темир йўллари» АЖ билан биргаликда 2026 йил 1 майга қадар «Тошкент — Самарқанд йўналишида алоҳида ажратилган икки йўлли юқори тезликдаги темир йўл магистралини қуриш» лойиҳасининг лойиҳани баҳолаш ҳужжатларини хорижий консультантларни жалб қилган ҳолда ишлаб чиқиб, белгиланган тартибда Вазирлар Маҳкамасига киритсин.
12. Энергетика вазирлиги «Ўзбекистон темир йўллари» АЖ томонидан амалга оширилаётган лойиҳалар натижасида электр энергияси истеъмолига бўлган талабни қайта ҳисоб-китоб қилган ҳолда мунтазам равишда ташқи электр таъминоти учун электр узатиш тармоғи ва подстанцияларни модернизация қилиб бориш чораларини кўрсин.
13. «Ўзбекистон темир йўллари» АЖ 2026 йил якунига қадар «8 та тезюрар электропоездларни харид қилиш» лойиҳасини молиялаштириш манбаларига аниқлик киритган ҳолда мазкур лойиҳанинг лойиҳани баҳолаш ҳужжатларини ишлаб чиқиб, тасдиқлаш учун Вазирлар Маҳкамасига киритсин.
14. Транспорт вазирлиги Иқтисодиёт ва молия вазирлиги, «Ўзбекистон темир йўллари» АЖ билан биргаликда икки ой муддатда Тошкент, Самарқанд, Бухоро, Урганч, Навоий ва Қўқон шаҳарларида жойлашган темир йўл вокзаллари инфратузилмасини давлат-хусусий шериклик асосида ривожлантириш юзасидан норматив-ҳуқуқий ҳужжат лойиҳасини Вазирлар Маҳкамасига киритсин.
15. Давлат активларини бошқариш агентлиги бир ой муддатда «Тошкент йўловчи вагонларини қуриш ва таъмирлаш заводи» АЖнинг 90 фоиз акциялар пакетини ишончли бошқарувга бериш тўғрисидаги битимни кейинчалик босқичма-босқич хусусийлаштириш шарти билан 1 йилга узайтирсин.
III. Темир йўл транспорти ҳаракат таркибини янгилаш
16. «Ўзбекистон темир йўллари» АЖ ва унинг таркибидаги корхоналар томонидан локомотив паркини янгилаш мақсадида харид қилинадиган 2 та йўловчи тепловоз ва 10 та электровоз, шунингдек, «50 та манёвр локомотивларини харид қилиш» лойиҳасини амалга ошириш доирасида белгиланган тартибда шакллантириладиган рўйхат бўйича четдан олиб келинадиган, Ўзбекистон Республикасида ишлаб чиқарилмайдиган товарлар технологик ҳужжатлар бўйича етказиб бериш ва кафолат муддати якунлангунга қадар импорт божхона божидан озод этилсин ҳамда жамият таркибидаги корхоналарга қўшилган қиймат солиғини белгиланган тартибда 120 кунга кечиктириб тўлашга рухсат берилсин.
17. Мазкур қарорнинг 3-иловасида келтирилган лойиҳаларни амалга ошириш доирасида:
(а) Тикланиш ва тараққиёт жамғармаси 2026-2027 йилларда 10 йил муддатга 3 йиллик имтиёзли давр билан йиллик 5 фоиз ставкада «200 та йўловчи вагонлар таркибини янгилаш» лойиҳаси доирасида 143 млн АҚШ доллари миқдоридаги кредит маблағларини «Ўзбекистон темир йўллари» АЖ ва унинг таркибидаги корхоналар кафиллиги асосида «Ўзбекистон темир йўллари» АЖга ажратсин;
(б) Қорақалпоғистон Республикаси Вазирлар Кенгаши ва вилоятлар ҳокимликлари «Ўзбекистон темир йўллари» АЖ мурожаати келиб тушган вақтдан бошлаб бир ой муддатда тегишли ер участкалари уларни «Ўзбекистон темир йўллари» АЖ таркибидаги корхоналарга бепул ижарага бериш учун Давлат активларини бошқариш агентлигига доимий фойдаланиш ҳуқуқи асосида ажратилишини таъминласин. Бунда тегишли ер участкалари тоифаларини қишлоқ хўжалигига мўлжалланган ерлар тоифасидан тегишли тоифага ўзгартириш бўйича таклифлар Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига киритилсин;
(в) қурилиш ҳудудига тушган муҳандислик-коммуникация тармоқлари (электр, табиий газ, ичимлик суви ва оқова сув, алоқа, ерости ва ерусти ирригация тармоқлари) тегишли тармоқ ташкилотларининг ўз маблағлари ҳисобидан бошқа ҳудудларга кўчирилсин.
18. «Шовот — Қораўзак янги темир йўл линиясини қуриш» ва «Навоий — Бухоро электрлаштирилган иккинчи темир йўл линиясини қуриш» ҳамда «Поп ва Чуст туманларида Наманган эркин иқтисодий зонаси ҳудудига темир йўл линиясини қуриш» лойиҳалари доирасида ажратилган ер участкалари учун қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича тўловлар ундирилмайди ҳамда «Ўзбекистон темир йўллари» АЖ устав фондидаги давлат улушини ошириш орқали ҳисобга олинади.
IV. Қарор ижросини ташкил этиш, таъминлаш ва назорат
19. Ўзбекистон Республикаси Президентининг 2023 йил 10 октябрдаги «Ўзбекистон Республикаси темир йўл транспорти соҳасини тубдан ислоҳ қилиш чора-тадбирлари тўғрисида»ги ПҚ-329-сон қарорига 4-иловага мувофиқ ўзгартириш ва қўшимчалар киритилсин.
20. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари А.Ж. Раматов ҳамда транспорт вазири И.Р. Махкамов белгилансин.
21. Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 27 декабрдаги ПҚ-391-сон қарорига 1-ИЛОВА
2026 — 2030 йилларда темир йўл транспортида йўловчи ташиш фаолиятини ривожлантиришнинг
Т/р Асосий кўрсаткичлар Бирлик 2026 — 2030 йиллар Жумладан йиллар кесимида: 2026 йил 2027 йил 2028 йил 2029 йил 2030 йил 1. Ташиладиган йўловчилар сони млн йўловчи 85,6 12,0 13,1 16,1 20,9 23,5 2. Ташкил этиладиган янги йўналишлар та 13 1 1 3 8 3. Янги қуриладиган тўхташ бекатлари та 30 4 4 5 7 10 4. Юқори тезликда ҳаракатланувчи электропоездларни харид қилиш дона 6 6 5. Тезюрар электропоездларни харид қилиш дона 8 4 4 6. Шаҳар атрофида ҳаракатланувчи замонавий электропоездларни харид қилиш дона 20 5 6 9 7. Йўловчи ташиш вагонларини харид қилиш дона 200 40 40 40 40 40 8. Локомотивларни харид қилиш дона 50 10 10 10 10 10
Ўзбекистон Республикаси Президентининг 2025 йил 27 декабрдаги ПҚ-391-сон қарорига 2-ИЛОВА
2026 — 2030 йилларда маҳаллий йўналишларда электропоездлар ҳаракати амалга ошириладиган йўналишлар
Т/р Йўналишлар Янги электропоездлар сони Масофа (км) 2026 — 2030 йилларда жами ташилиши режалаштирилган йўловчи сони (минг йўловчи) жумладан, йиллар кесимида: 2026 йил 2027 йил 2028 йил 2029 йил 2030 йил Тошкент шаҳри ва Тошкент вилояти 1. Тошкент — Чирчиқ — Чиноркент 2 79 2 573 343 365 435 698 732 2. Тошкент — Байтқўрғон — Паркент * 1 60 909 124 124 171 239 251 3. Тошкент — Янгийўл — Чиноз — Сирдарё — Гулистон — Янгиер — Ховос — Бекобод 1 183 511 129 180 202 4. Тошкент — Нурафшон — Пискент — Бўка — Янгиер — Ховос — Бекобод * 1 154 414 414 5. Тошкент — Нурафшон — Оҳангарон — Ангрен * 2 116 518 239 279 6. Тошкент — Келес * 1 32 548 268 280 7. Тошкент — Янгийўл — Чиноз — Сирдарё — Гулистон 1 112 1 200 132 132 204 357 375 Наманган, Фарғона ва Андижон вилоятлари 8. Қўқон — Поп — Наманган — Андижон — Марғилон — Қўқон * 4 191 2 430 458 962 1 010 Жиззах, Самарқанд, Навоий, Бухоро ва Қашқадарё вилоятлари 9. Самарқанд — Ургут * 1 54,9 802 359 443 10. Навоий — Зарафшон — Учқудуқ ** 1 288 242 242 11. Самарқанд — Бухоро * 2 248,3 680 680 12. Самарқанд — Жиззах * 1 100 253 253 13. Самарқанд — Қарши — Шаҳрисабз * 2 257 250 250 14. Жиззах — Дўстлик — Айдар Арнасой кўли ** 1 98 110 110 Сурхондарё вилояти 15. Термиз — Қумқурғон — Бойсун — Дарбанд * 1 152 212 212 16. Термиз — Қумқўрғон — Сариосиё 2 147 2 162 115 115 609 639 684 Қорақалпоғистон Республикаси ва Хоразм вилояти 17. Урганч — Мискин — Тўрткўл — Беруний — Қораўзак — Нукус 1 276 783 62 62 115 240 304 18. Нукус — Шовот — Урганч — Хива ** 1 182 231 231
Ўзбекистон Республикаси Президентининг 2025 йил 27 декабрдаги ПҚ-391-сон қарорига 3-ИЛОВА
2026 — 2030 йилларда темир йўл транспортида йўловчи ташиш инфратузилмасини ривожлантириш ва ҳаракатдаги таркибни янгилаш
млн долл. Т/р Лойиҳа ташаббускорлари ва лойиҳа номи Лойиҳа қуввати Амалга ошириш муддати Лойиҳа умумий қиймати 2026 — 2030 йилларда маблағларни ўзлаштириш Ўз маблағлари Тикланиш ва тараққиёт жамғармаси маблағлари ЖАМИ 811,7 811,7 668,7 143 Ҳаракатдаги таркибни янгилаш лойиҳалари 1. Йўловчи вагонлар таркибини янгилаш 200 дона 2026 — 2030 йй. 143 143 143 2. «CRRC Dalian Co., Ltd.» компаниясидан маневр локомотивларни харид қилиш 50 дона 2026 — 2030 йй. 97,8 97,8 97,8 3. Электропоездлар харид қилиш 20 та электропоезд 2026 — 2030 йй. 313,3 313,3 313,3 4. «CRRC Zhuzhou Locomotive» компанияси билан тузилган шартнома доирасида қўшимча равишда 2 та йўловчи тепловози ва 10 та электровозларни харид қилиш 12 дона 2026 — 2030 йй. 62,0 62,0 62,0 Темир йўл транспортида йўловчи ташиш жараёнлари билан боғлиқ бўлган инфратузилмани ривожлантириш лойиҳалари 5. «Тўқимачи» бекатида электропоездларни техник кўрикдан ўтказиш депосини қуриш объект 2026 — 2028 йй. 11,0 11,0 11,0 6. «Чоштепа», «Шахристон» ва «Пушкин» метро бекатлари ёнида темир йўл тўхташ пунктларини қуриш объект 2026 й. 1,2 1,2 1,2 7. Ховос — Даштобод электрлаштирилган темир йўл линиясини қуриш 28 км 2026-2027 йй. 17,5 17,5 17,5 8. Қумқўрғон — Қудуқли темир йўл линиясини электрлаштириш 81 км 2026 — 2028 йй. 80,0 80,0 80,0 9. Ангрен — Поп темир йўл участкаларини модернизация қилиш 123 км 2028 — 2030йй. 15,0 15,0 15,0 10. Тошгузар — Бойсун — Қумқўрғон темир йўл участкасини модернизация қилиш 223 км 2028 — 2030 йй. 25,0 25,0 25,0 11. Дўстлик — Айдар Арнасой кўли темир йўлини қуриш 44,5 км 2026-2027 йй. 45 45 45 12. «Нурафшон — Пискент — Бўка — Янгиер йўналишида темир йўл линиясини қуриш» лойиҳасининг лойиҳани баҳолаш ҳужжатини ишлаб чиқиш 111 км 2026 й. 0,5 0,5 0,5 13. «Қарши — Бухоро темир йўл участкасини электрлаштириш» лойиҳасининг лойиҳани баҳолаш ҳужжатини ишлаб чиқиш. 159 км 2026 й. 0,4 0,4 0,4
Ўзбекистон Республикаси Президентининг 2025 йил 27 декабрдаги ПҚ-391-сон қарорига 4-ИЛОВА
Ўзбекистон Республикаси Президентининг 2023 йил 10 октябрдаги «Ўзбекистон Республикаси темир йўл транспорти соҳасини тубдан ислоҳ қилиш чора-тадбирлари тўғрисида»ги ПҚ-329-сон қарорига киритилаётган ўзгартириш ва қўшимчалар
1. 4-илова қуйидаги мазмундаги 9-позиция билан тўлдирилсин:
« 9. «Темир йўл ижтимоий хизматлар» МЧЖни молиявий соғломлаштириш, харажатларини мақбуллаштириш ҳамда замонавий бошқарув тизимини жорий этиш. 1. Жамият таркибидаги Марказий поликлиникани жамият таркибидаги Марказий клиник касалхона таркибига ўтказиш. 2026 йил январь-февраль «Ўзбекистон темир йўллари» АЖ 2. Бир-бирини такрорловчи штат бирликлари ва харажатларни мақбуллаштириш. 2026 йил январь-февраль » .
2. 8-илованинг 2-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 27 декабрь,
ПҚ-391-сон
Oʻzbekiston Respublikasi Prezidentining
qarori
MAQSADLI KOʻRSATKICHLARI
ROʻYXATI
DASTURI
2030-yilga qadar temir yoʻl transportida mahalliy yoʻnalishlarda yoʻlovchi tashish koʻrsatkichlarini oshirish chora-tadbirlari toʻgʻrisida
Yoʻlovchilarni shahar atrofi, shaharlararo va viloyatlararo yoʻnalishlarda temir yoʻl transportida tashish ulushini oshirish, aholiga xavfsiz transport xizmatlari koʻrsatilishini taʼminlash, respublikaning barcha hududlarini yuqori tezlikda harakatlanuvchi va tezyurar elektropoyezdlar qatnovi bilan qamrab olish hamda temir yoʻl transportida yoʻlovchi tashish faoliyatining kelgusidagi istiqbollarini belgilab berish maqsadida qaror qilaman:
I. Maqsadlar va istiqbolli koʻrsatkichlar
1. Mazkur qarorning asosiy maqsadi etib 2030-yilgacha temir yoʻl transportida mahalliy yoʻnalishlarda yillik yoʻlovchi tashish koʻrsatkichini 10,5 mln nafardan 23,5 mln nafarga, elektropoyezdlar qatnovi tashkil etilgan yoʻnalishlar sonini 40 tadan 53 taga yetkazish belgilansin.
2. Quyidagilar:
(a) 2026 — 2030-yillarda temir yoʻl transportida yoʻlovchi tashish faoliyatini rivojlantirishning maqsadli koʻrsatkichlari 1-ilovaga muvofiq;
(b) 2026 — 2030-yillarda mahalliy yoʻnalishlarda elektropoyezdlar harakati amalga oshiriladigan yoʻnalishlar roʻyxati 2-ilovaga muvofiq;
(v) 2026 — 2030-yillarda temir yoʻl transportida yoʻlovchi tashish infratuzilmasini rivojlantirish va harakatdagi tarkibni yangilash dasturi 3-ilovaga muvofiq tasdiqlansin.
II. Temir yoʻl transportida yoʻlovchi tashish infratuzilmasini yaxshilash
3. Quyidagilar temir yoʻl transportida yoʻlovchi tashish faoliyatini rivojlantirish boʻyicha Transport vazirligi va “Oʻzbekiston temir yoʻllari” AJning ustuvor vazifalari etib belgilansin:
(a) mazkur qarorning 1 — 3-ilovalarida belgilangan maqsadlar va istiqbolli koʻrsatkichlarga soʻzsiz erishilishi, infratuzilmani rivojlantirish va harakatdagi tarkibni yangilash dasturi bajarilishini taʼminlash;
(b) uzunligi 465 km boʻlgan va elektrlashtirish ishlari yakunlangan “Buxoro — Xiva” temir yoʻl liniyasi orqali 2026-yildan boshlab Toshkent — Urganch — Xiva yoʻnalishida yuqori tezlikda harakatlanuvchi elektropoyezdlar qatnovini tashkil etish;
(v) uzunligi 196 km boʻlgan “Miskin — Nukus” temir yoʻlini elektrlashtirish ishlarini 2026-yil yakuniga qadar tugatib, ushbu yoʻnalishlarda yuqori tezlikda harakatlanuvchi elektropoyezdlar qatnovini tashkil etish;
(g) Angren-Pop hamda Toshguzar — Boysun — Qumqoʻrgʻon temir yoʻl uchastkalarini modernizatsiya qilgan holda 2030-yilgacha Andijon, Namangan, Fargʻona va Surxondaryo viloyatlariga tezyurar elektropoyezdlar qatnovlarini yoʻlga qoʻyish;
(d) 2030-yilgacha 6 ta yuqori tezlikda harakatlanuvchi, 8 ta tezyurar va 20 ta zamonaviy elektropoyezdlar, 2 ta yoʻlovchi teplovoz, 10 ta elektrovoz, 200 ta yoʻlovchi vagonlari va 50 ta manyovr lokomotivlarini xarid qilish hisobiga harakat tarkibini yangilash. Bunda birinchi bosqichda energiya samaradorligi yuqori boʻlgan zamonaviy va past polli 4 ta tezyurar va 10 ta elektropoyezdni xarid qilish va qolgan 4 ta tezyurar va 10 ta elektropoyezdni aholiga qulayligi yuzasidan jamoatchilik fikrini oʻrgangan holda xarid qilish.
4. Transport vazirligi Ichki ishlar vazirligi, “Oʻzbekiston temir yoʻllari” AJ, “Toshkent metropoliteni” DUK hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda 2026-yil yakuniga qadar:
(a) Toshkent shahriga Toshkent aglomeratsiyasi hududlaridan kirib keladigan elektropoyezdlarni jamoat transporti bilan integratsiya qiluvchi transport bogʻlamalari yaratilishini, shu jumladan, kamida 3 ta metro bekatlari yaqinida temir yoʻl bekatlari ishga tushirilishini taʼminlasin;
(b) Nukus shahri va viloyat markazlariga kirib keluvchi yoʻlovchilar oqimini oʻrganib, shahar atrofi yoʻnalishlarida harakatlanuvchi elektropoyezdlarni jamoat transporti bilan integratsiya qiluvchi transport bogʻlamalarini ishga tushirish choralarini koʻrsin;
(v) amalga oshirilgan ishlar yuzasidan Oʻzbekiston Respublikasi Prezidenti Administratsiyasiga axborot kiritsin.
5. “Oʻzbekiston temir yoʻllari” AJ Transport vazirligi bilan birgalikda 2026-yil 1-iyulga qadar “Nurafshon — Piskent — Boʻka — Yangiyer yoʻnalishida yangi temir yoʻl liniyasini qurish” loyihasining loyihani baholash hujjatlarini ishlab chiqib, qurilish ishlarini boshlasin.
6. Transport vazirligi “Oʻzbekiston temir yoʻllari” AJ, Iqtisodiyot va moliya vazirligi, Investitsiyalar, sanoat va savdo vazirligi bilan birgalikda uch oy muddatda xorijiy konsultantlarni jalb qilgan holda temir yoʻl transportida yoʻlovchi tashish faoliyatini rivojlantirish doirasidagi loyihalarni (jumladan, infratuzilmani rivojlantirish va harakatdagi tarkibni yangilash) moliyalashtirish tizimini takomillashtirish boʻyicha takliflarni ishlab chiqib, Vazirlar Mahkamasiga kiritsin.
7. Transport vazirligi Toshkent davlat transport universiteti bilan birgalikda 2026-yil 1-iyunga qadar respublika hududlari oʻrtasida yoʻlovchi oqimini oʻrganib, temir yoʻl, havo va avtomobil transportida yoʻlovchi tashuvlarini oʻzaro uygʻunlashtiruvchi kompleks rivojlanish strategiyasini, zaruratga koʻra, xorijiy konsultantlarni jalb qilgan holda ishlab chiqib, amaliyotga joriy etish choralarini koʻrsin.
8. Belgilansinki:
(a) ushbu qarorning 3-ilovasidagi loyihalar, zaruratga koʻra, xorijiy konsultantlarni jalb qilgan holda belgilangan tartibda ishlab chiqilgan loyihani baholash hujjatlariga muvofiq amalga oshiriladi. Bunda loyihalar doirasida xarid qilinadigan harakat tarkiblari, shuningdek, tovar va xizmatlar boʻyicha shartnomalar oʻrnatilgan tartibda “Loyihalar va import kontraktlarini kompleks ekspertiza qilish markazi” DUKda ekspertizadan oʻtkaziladi;
(b) Vazirlar Mahkamasiga loyihani baholash hujjatlari natijalariga asosan ushbu qarorning 3-ilovasidagi loyihalar roʻyxatiga Oʻzbekiston Respublikasi Prezidenti Administratsiyasi bilan kelishgan holda oʻzgartirish kiritish vakolati berilsin.
9. “Oʻzbekiston temir yoʻllari” AJ 2026-yil yakuniga qadar:
(a) 2023-2024-yillar uchun hisobotlarni moliyaviy hisobotning xalqaro standarti talablari asosida tashqi auditdan oʻtkazish;
(b) xalqaro kapital bozoridan davlat kafolatisiz mablagʻ jalb qilish imkoniyatini yaratish maqsadida xalqaro kredit reytingini olish;
(v) jamiyat va tizim korxonalarida xaridlarni tartibga solishga qaratilgan “Gʻaznachilik toʻlovi” tizimini joriy etish;
(g) 2025-yil uchun xarid jarayonlarini forenzik auditdan oʻtkazish;
(d) yuklarni tashishda vaqtni tejash hamda magistral yoʻlning samaradorligini yanada oshirish maqsadida yuk poyezdlarining yoʻnalish boʻyicha cheklangan tezligini 30 km/soatdan 50 km/soatga oshirish;
(j) temir yoʻl chiptalarini sotishda avtomatlashtirilgan hamda onlayn sotish tizimiga oʻtishni toʻliq yakunlash;
(z) jamiyat va tizim korxonalari daromadlarini oshirish, xarajatlarni maqbullashtirish va boshqaruvni samarali yoʻlga qoʻyish hamda xorijiy tajriba asosida yangi tarif metodologiyasini ishlab chiqish choralarini koʻrsin.
10. Transport vazirligi Iqtisodiyot va moliya vazirligi, Ichki ishlar vazirligi, Avtomobil yoʻllari qoʻmitasi va “Oʻzbekiston temir yoʻllari” AJ bilan birgalikda mavjud avtomobil va temir yoʻl kesishmalarida yangi yoʻl oʻtkazgichlarni barpo etish dasturini uch oy muddatda ishlab chiqib, tasdiqlash uchun Vazirlar Mahkamasiga kiritsin. Bunda yuqoridagi dasturda nazarda tutiladigan tadbirlarni har yilgi Ijtimoiy va ishlab chiqarish infratuzilmasini rivojlantirish dasturi doirasida, xalqaro moliya institutlari va xorijiy hukumat moliya tashkilotlari mablagʻlari hamda qonunchilikda taqiqlanmagan boshqa manbalar hisobidan moliyalashtirish nazarda tutilsin.
11. Transport vazirligi “Oʻzbekiston temir yoʻllari” AJ bilan birgalikda 2026-yil 1-mayga qadar “Toshkent — Samarqand yoʻnalishida alohida ajratilgan ikki yoʻlli yuqori tezlikdagi temir yoʻl magistralini qurish” loyihasining loyihani baholash hujjatlarini xorijiy konsultantlarni jalb qilgan holda ishlab chiqib, belgilangan tartibda Vazirlar Mahkamasiga kiritsin.
12. Energetika vazirligi “Oʻzbekiston temir yoʻllari” AJ tomonidan amalga oshirilayotgan loyihalar natijasida elektr energiyasi isteʼmoliga boʻlgan talabni qayta hisob-kitob qilgan holda muntazam ravishda tashqi elektr taʼminoti uchun elektr uzatish tarmogʻi va podstansiyalarni modernizatsiya qilib borish choralarini koʻrsin.
13. “Oʻzbekiston temir yoʻllari” AJ 2026-yil yakuniga qadar “8 ta tezyurar elektropoyezdlarni xarid qilish” loyihasini moliyalashtirish manbalariga aniqlik kiritgan holda mazkur loyihaning loyihani baholash hujjatlarini ishlab chiqib, tasdiqlash uchun Vazirlar Mahkamasiga kiritsin.
14. Transport vazirligi Iqtisodiyot va moliya vazirligi, “Oʻzbekiston temir yoʻllari” AJ bilan birgalikda ikki oy muddatda Toshkent, Samarqand, Buxoro, Urganch, Navoiy va Qoʻqon shaharlarida joylashgan temir yoʻl vokzallari infratuzilmasini davlat-xususiy sheriklik asosida rivojlantirish yuzasidan normativ-huquqiy hujjat loyihasini Vazirlar Mahkamasiga kiritsin.
15. Davlat aktivlarini boshqarish agentligi bir oy muddatda “Toshkent yoʻlovchi vagonlarini qurish va taʼmirlash zavodi” AJning 90 foiz aksiyalar paketini ishonchli boshqaruvga berish toʻgʻrisidagi bitimni keyinchalik bosqichma-bosqich xususiylashtirish sharti bilan 1 yilga uzaytirsin.
III. Temir yoʻl transporti harakat tarkibini yangilash
16. “Oʻzbekiston temir yoʻllari” AJ va uning tarkibidagi korxonalar tomonidan lokomotiv parkini yangilash maqsadida xarid qilinadigan 2 ta yoʻlovchi teplovoz va 10 ta elektrovoz, shuningdek, “50 ta manyovr lokomotivlarini xarid qilish” loyihasini amalga oshirish doirasida belgilangan tartibda shakllantiriladigan roʻyxat boʻyicha chetdan olib kelinadigan, Oʻzbekiston Respublikasida ishlab chiqarilmaydigan tovarlar texnologik hujjatlar boʻyicha yetkazib berish va kafolat muddati yakunlangunga qadar import bojxona bojidan ozod etilsin hamda jamiyat tarkibidagi korxonalarga qoʻshilgan qiymat soligʻini belgilangan tartibda 120 kunga kechiktirib toʻlashga ruxsat berilsin.
17. Mazkur qarorning 3-ilovasida keltirilgan loyihalarni amalga oshirish doirasida:
(a) Tiklanish va taraqqiyot jamgʻarmasi 2026-2027-yillarda 10 yil muddatga 3 yillik imtiyozli davr bilan yillik 5 foiz stavkada “200 ta yoʻlovchi vagonlar tarkibini yangilash” loyihasi doirasida 143 mln AQSH dollari miqdoridagi kredit mablagʻlarini “Oʻzbekiston temir yoʻllari” AJ va uning tarkibidagi korxonalar kafilligi asosida “Oʻzbekiston temir yoʻllari” AJga ajratsin;
(b) Qoraqalpogʻiston Respublikasi Vazirlar Kengashi va viloyatlar hokimliklari “Oʻzbekiston temir yoʻllari” AJ murojaati kelib tushgan vaqtdan boshlab bir oy muddatda tegishli yer uchastkalari ularni “Oʻzbekiston temir yoʻllari” AJ tarkibidagi korxonalarga bepul ijaraga berish uchun Davlat aktivlarini boshqarish agentligiga doimiy foydalanish huquqi asosida ajratilishini taʼminlasin. Bunda tegishli yer uchastkalari toifalarini qishloq xoʻjaligiga moʻljallangan yerlar toifasidan tegishli toifaga oʻzgartirish boʻyicha takliflar Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga kiritilsin;
(v) qurilish hududiga tushgan muhandislik-kommunikatsiya tarmoqlari (elektr, tabiiy gaz, ichimlik suvi va oqova suv, aloqa, yerosti va yerusti irrigatsiya tarmoqlari) tegishli tarmoq tashkilotlarining oʻz mablagʻlari hisobidan boshqa hududlarga koʻchirilsin.
18. “Shovot — Qoraoʻzak yangi temir yoʻl liniyasini qurish” va “Navoiy — Buxoro elektrlashtirilgan ikkinchi temir yoʻl liniyasini qurish” hamda “Pop va Chust tumanlarida Namangan erkin iqtisodiy zonasi hududiga temir yoʻl liniyasini qurish” loyihalari doirasida ajratilgan yer uchastkalari uchun qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha toʻlovlar undirilmaydi hamda “Oʻzbekiston temir yoʻllari” AJ ustav fondidagi davlat ulushini oshirish orqali hisobga olinadi.
IV. Qaror ijrosini tashkil etish, taʼminlash va nazorat
19. Oʻzbekiston Respublikasi Prezidentining 2023-yil 10-oktabrdagi “Oʻzbekiston Respublikasi temir yoʻl transporti sohasini tubdan isloh qilish chora-tadbirlari toʻgʻrisida”gi PQ-329-son qaroriga 4-ilovaga muvofiq oʻzgartirish va qoʻshimchalar kiritilsin.
20. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari A.J. Ramatov hamda transport vaziri I.R. Maxkamov belgilansin.
21. Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 27-dekabrdagi PQ-391-son qaroriga 1-ILOVA
2026 — 2030-yillarda temir yoʻl transportida yoʻlovchi tashish faoliyatini rivojlantirishning
T/r Asosiy koʻrsatkichlar Birlik 2026 — 2030-yillar Jumladan yillar kesimida: 2026-yil 2027-yil 2028-yil 2029-yil 2030-yil 1. Tashiladigan yoʻlovchilar soni mln yoʻlovchi 85,6 12,0 13,1 16,1 20,9 23,5 2. Tashkil etiladigan yangi yoʻnalishlar ta 13 1 1 3 8 3. Yangi quriladigan toʻxtash bekatlari ta 30 4 4 5 7 10 4. Yuqori tezlikda harakatlanuvchi elektropoyezdlarni xarid qilish dona 6 6 5. Tezyurar elektropoyezdlarni xarid qilish dona 8 4 4 6. Shahar atrofida harakatlanuvchi zamonaviy elektropoyezdlarni xarid qilish dona 20 5 6 9 7. Yoʻlovchi tashish vagonlarini xarid qilish dona 200 40 40 40 40 40 8. Lokomotivlarni xarid qilish dona 50 10 10 10 10 10
Oʻzbekiston Respublikasi Prezidentining 2025-yil 27-dekabrdagi PQ-391-son qaroriga 2-ILOVA
2026 — 2030-yillarda mahalliy yoʻnalishlarda elektropoyezdlar harakati amalga oshiriladigan yoʻnalishlar
T/r Yoʻnalishlar Yangi elektropoyezdlar soni Masofa (km) 2026 — 2030-yillarda jami tashilishi rejalashtirilgan yoʻlovchi soni (ming yoʻlovchi) jumladan, yillar kesimida: 2026-yil 2027-yil 2028-yil 2029-yil 2030-yil Toshkent shahri va Toshkent viloyati 1. Toshkent — Chirchiq — Chinorkent 2 79 2 573 343 365 435 698 732 2. Toshkent — Baytqoʻrgʻon — Parkent * 1 60 909 124 124 171 239 251 3. Toshkent — Yangiyoʻl — Chinoz — Sirdaryo — Guliston — Yangiyer — Xovos — Bekobod 1 183 511 129 180 202 4. Toshkent — Nurafshon — Piskent — Boʻka — Yangiyer — Xovos — Bekobod * 1 154 414 414 5. Toshkent — Nurafshon — Ohangaron — Angren * 2 116 518 239 279 6. Toshkent — Keles * 1 32 548 268 280 7. Toshkent — Yangiyoʻl — Chinoz — Sirdaryo — Guliston 1 112 1 200 132 132 204 357 375 Namangan, Fargʻona va Andijon viloyatlari 8. Qoʻqon — Pop — Namangan — Andijon — Margʻilon — Qoʻqon * 4 191 2 430 458 962 1 010 Jizzax, Samarqand, Navoiy, Buxoro va Qashqadaryo viloyatlari 9. Samarqand — Urgut * 1 54,9 802 359 443 10. Navoiy — Zarafshon — Uchquduq ** 1 288 242 242 11. Samarqand — Buxoro * 2 248,3 680 680 12. Samarqand — Jizzax * 1 100 253 253 13. Samarqand — Qarshi — Shahrisabz * 2 257 250 250 14. Jizzax — Doʻstlik — Aydar Arnasoy koʻli ** 1 98 110 110 Surxondaryo viloyati 15. Termiz — Qumqurgʻon — Boysun — Darband * 1 152 212 212 16. Termiz — Qumqoʻrgʻon — Sariosiyo 2 147 2 162 115 115 609 639 684 Qoraqalpogʻiston Respublikasi va Xorazm viloyati 17. Urganch — Miskin — Toʻrtkoʻl — Beruniy — Qoraoʻzak — Nukus 1 276 783 62 62 115 240 304 18. Nukus — Shovot — Urganch — Xiva ** 1 182 231 231
Oʻzbekiston Respublikasi Prezidentining 2025-yil 27-dekabrdagi PQ-391-son qaroriga 3-ILOVA
2026 — 2030-yillarda temir yoʻl transportida yoʻlovchi tashish infratuzilmasini rivojlantirish va harakatdagi tarkibni yangilash
mln doll. T/r Loyiha tashabbuskorlari va loyiha nomi Loyiha quvvati Amalga oshirish muddati Loyiha umumiy qiymati 2026 — 2030-yillarda mablagʻlarni oʻzlashtirish Oʻz mablagʻlari Tiklanish va taraqqiyot jamgʻarmasi mablagʻlari JAMI 811,7 811,7 668,7 143 Harakatdagi tarkibni yangilash loyihalari 1. Yoʻlovchi vagonlar tarkibini yangilash 200 dona 2026 — 2030 yy. 143 143 143 2. “CRRC Dalian Co., Ltd.” kompaniyasidan manevr lokomotivlarni xarid qilish 50 dona 2026 — 2030 yy. 97,8 97,8 97,8 3. Elektropoyezdlar xarid qilish 20 ta elektropoyezd 2026 — 2030 yy. 313,3 313,3 313,3 4. “CRRC Zhuzhou Locomotive” kompaniyasi bilan tuzilgan shartnoma doirasida qoʻshimcha ravishda 2 ta yoʻlovchi teplovozi va 10 ta elektrovozlarni xarid qilish 12 dona 2026 — 2030 yy. 62,0 62,0 62,0 Temir yoʻl transportida yoʻlovchi tashish jarayonlari bilan bogʻliq boʻlgan infratuzilmani rivojlantirish loyihalari 5. “Toʻqimachi” bekatida elektropoyezdlarni texnik koʻrikdan oʻtkazish deposini qurish obyekt 2026 — 2028 yy. 11,0 11,0 11,0 6. “Choshtepa”, “Shaxriston” va “Pushkin” metro bekatlari yonida temir yoʻl toʻxtash punktlarini qurish obyekt 2026-y. 1,2 1,2 1,2 7. Xovos — Dashtobod elektrlashtirilgan temir yoʻl liniyasini qurish 28 km 2026-2027 yy. 17,5 17,5 17,5 8. Qumqoʻrgʻon — Quduqli temir yoʻl liniyasini elektrlashtirish 81 km 2026 — 2028 yy. 80,0 80,0 80,0 9. Angren — Pop temir yoʻl uchastkalarini modernizatsiya qilish 123 km 2028 — 2030yy. 15,0 15,0 15,0 10. Toshguzar — Boysun — Qumqoʻrgʻon temir yoʻl uchastkasini modernizatsiya qilish 223 km 2028 — 2030 yy. 25,0 25,0 25,0 11. Doʻstlik — Aydar Arnasoy koʻli temir yoʻlini qurish 44,5 km 2026-2027 yy. 45 45 45 12. “Nurafshon — Piskent — Boʻka — Yangiyer yoʻnalishida temir yoʻl liniyasini qurish” loyihasining loyihani baholash hujjatini ishlab chiqish 111 km 2026-y. 0,5 0,5 0,5 13. “Qarshi — Buxoro temir yoʻl uchastkasini elektrlashtirish” loyihasining loyihani baholash hujjatini ishlab chiqish. 159 km 2026-y. 0,4 0,4 0,4
Oʻzbekiston Respublikasi Prezidentining 2025-yil 27-dekabrdagi PQ-391-son qaroriga 4-ILOVA
Oʻzbekiston Respublikasi Prezidentining 2023-yil 10-oktabrdagi “Oʻzbekiston Respublikasi temir yoʻl transporti sohasini tubdan isloh qilish chora-tadbirlari toʻgʻrisida”gi PQ-329-son qaroriga kiritilayotgan oʻzgartirish va qoʻshimchalar
1. 4-ilova quyidagi mazmundagi 9-pozitsiya bilan toʻldirilsin:
“ 9. “Temir yoʻl ijtimoiy xizmatlar” MCHJni moliyaviy sogʻlomlashtirish, xarajatlarini maqbullashtirish hamda zamonaviy boshqaruv tizimini joriy etish. 1. Jamiyat tarkibidagi Markaziy poliklinikani jamiyat tarkibidagi Markaziy klinik kasalxona tarkibiga oʻtkazish. 2026-yil yanvar-fevral “Oʻzbekiston temir yoʻllari” AJ 2. Bir-birini takrorlovchi shtat birliklari va xarajatlarni maqbullashtirish. 2026-yil yanvar-fevral ” .
2. 8-ilovaning 2-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 27-dekabr,
PQ-391-son
Президента Республики Узбекистан
Постановление
О мерах повышения показателей перевозки пассажиров на железнодорожном транспорте по местным маршрутам до 2030 года
В целях увеличения доли перевозки пассажиров на железнодорожном транспорте по пригородным, междугородним и межобластным маршрутам, обеспечения предоставления населению безопасных транспортных услуг, охвата всех регионов республики сообщением высокоскоростных и скоростных электропоездов, а также определения последующих перспектив деятельности по перевозке пассажиров на железнодорожном транспорте постановляю:
I. Цели и перспективные показатели
1. Определить основной целью настоящего постановления увеличение годового показателя перевозки пассажиров на железнодорожном транспорте по местным маршрутам до 2030 года с 10,5 млн до 23,5 млн, а также доведение количества направлений, организованных по маршрутам электропоездов, с 40 до 53.
2. Утвердить:
(а) Целевые показатели развития деятельности по перевозке пассажиров на железнодорожном транспорте в 2026 — 2030 годах согласно приложению № 1 * ;
(б) Перечень маршрутов движения электропоездов по местным направлениям в 2026 — 2030 годах согласно приложению № 2 * ;
(в) Программу развития инфраструктуры перевозки пассажиров на железнодорожном транспорте и обновления подвижного состава в 2026 — 2030 годах согласно приложению № 3 * .
II. Улучшение инфраструктуры перевозки пассажиров на железнодорожном транспорте
3. Определить приоритетными задачами Министерства транспорта и АО «Узбекистон темир йуллари» в сфере развития деятельности по перевозке пассажиров на железнодорожном транспорте:
(а) обеспечение безусловного достижения целей и перспективных показателей, указанных в приложениях № 1 — 3 * к настоящему постановлению, выполнения программы развития инфраструктуры и обновления подвижного состава;
(б) организацию с 2026 года движения высокоскоростных электропоездов в направлении «Ташкент — Ургенч — Хива» по железнодорожной линии «Бухара — Хива» протяженностью 465 км, на которой завершены работы по электрификации;
(в) завершение работ по электрификации железной дороги «Мискин — Нукус» протяженностью 196 км и организацию движения высокоскоростных электропоездов в данных направлениях до конца 2026 года;
(г) модернизацию железнодорожных участков «Ангрен — Пап» и «Ташгузар — Байсун — Кумкурган» и налаживание до 2030 года движения скоростных электропоездов в Андижанскую, Наманганскую, Ферганскую и Сурхандарьинскую области;
(д) обновление подвижного состава за счет закупки до 2030 года 6 высокоскоростных, 8 скоростных и 20 современных электропоездов, 2 пассажирских тепловозов, 10 электровозов, 200 пассажирских вагонов и 50 маневровых локомотивов. При этом закупку на первом этапе современных 4 скоростных электропоездов с высокой энергоэффективностью и низким поддоном, 10 электропоездов, а также закупку остальных 4 скоростных и 10 электропоездов после изучения мнения общественности с точки зрения комфортности для населения.
4. Министерству транспорта совместно с Министерством внутренних дел, АО «Узбекистон темир йуллари», ГУП «Ташкентский метрополитен» и Советом Министров Республики Каракалпакстан, хокимиятами областей и города Ташкента до конца 2026 года:
(а) обеспечить создание транспортных узлов, служащих интеграции электропоездов, направляющихся в город Ташкент с территории Ташкентской агломерации, с общественным транспортом, в частности запуск железнодорожных станций вблизи не менее 3 станций метро;
(б) принять меры по изучению потока пассажиров, прибывающих в город Нукус и областные центры, запуску транспортных узлов, служащих интеграции электропоездов, движущихся по пригородным маршрутам, с общественным транспортом;
(в) внести в Администрацию Президента Республики Узбекистан информацию об осуществленной работе.
5. АО «Узбекистон темир йуллари» совместно с Министерством транспорта в срок до 1 июля 2026 года разработать оценочную документацию проекта «Строительство железнодорожной линии по маршруту «Нурафшон — Пскент — Бука — Янгиер» и начать строительство.
6. Министерству транспорта совместно с АО «Узбекистон темир йуллари», Министерством экономики и финансов, Министерством инвестиций, промышленности и торговли в трехмесячный срок разработать с привлечением зарубежных консультантов и внести в Кабинет Министров предложения по совершенствованию системы финансирования проектов в рамках развития деятельности по перевозке пассажиров на железнодорожном транспорте (в частности, развитие инфраструктуры и обновление подвижного состава).
7. Министерству транспорта совместно с Ташкентским государственным транспортным университетом в срок до 1 июня 2026 года, изучив пассажиропоток между регионами республики, разработать и принять меры по внедрению на практике стратегии взаимосвязанного комплексного развития пассажироперевозок на железнодорожном, воздушном и автомобильном транспорте, при необходимости с привлечением зарубежных консультантов.
8. Определить, что:
(а) проекты, приведенные в приложении № 3 * к настоящему постановлению, реализуются в соответствии с оценочной документацией проекта, разработанной при необходимости с привлечением зарубежных консультантов в установленном порядке. При этом экспертиза договоров по приобретаемым в рамках проектов подвижным составам, а также товарам и услугам в установленном порядке проводится в ГУП «Центр комплексной экспертизы проектов и импортных контрактов»;
(б) Кабинету Министров предоставить полномочие вносить изменения в перечень проектов в приложении № 3 * к настоящему постановлению на основании результатов оценочной документации проекта по согласованию с Администрацией Президента Республики Узбекистан.
9. АО «Узбекистон темир йуллари» до конца 2026 года принять меры по:
(а) проведению внешнего аудита отчетов за 2023-2024 годы на основе требований международного стандарта финансовой отчетности;
(б) получению рейтинга международного кредита в целях создания возможности привлечения средств с международного рынка капитала без государственной гарантии;
(в) внедрению системы «Казначейский платеж», направленной на регулирование закупок в обществе и на предприятиях системы;
(г) проведению форензик-аудита процессов закупки на 2025 год;
(д) увеличению с 30 км/час до 50 км/час ограниченной скорости по движению грузовых поездов в целях экономии времени при грузоперевозках и дальнейшего повышения эффективности магистрального пути;
(ж) полному завершению перехода на автоматизированную и онлайн-систему реализации железнодорожных билетов;
(з) повышению доходов и оптимизации расходов общества и предприятий системы, эффективному налаживанию управления, а также разработке новой тарифной методологии на основе зарубежного опыта.
10. Министерству транспорта совместно с Министерством экономики и финансов, Министерством внутренних дел, Комитетом по автомобильным дорогам и АО «Узбекистон темир йуллари» в трехмесячный срок разработать и внести в Кабинет Министров на утверждение программу строительства новых путепроводов на имеющихся автомобильных и железнодорожных переездах. При этом предусмотреть финансирование мер, указанных в данной программе, в рамках ежегодной Программы развития социальной и производственной инфраструктуры, за счет средств международных финансовых институтов и зарубежных правительственных финансовых организаций, а также иных источников, не запрещенных законодательством.
11. Министерству транспорта совместно с АО «Узбекистон темир йуллари» в срок до 1 мая 2026 года разработать с привлечением зарубежных консультантов и внести в Кабинет Министров в установленном порядке оценочную документацию проекта «Строительство отдельно выделенной двухполосной высокоскоростной железнодорожной магистрали в направлении «Ташкент — Самарканд».
12. Министерству энергетики принять меры по модернизации на регулярной основе сети электропередач и подстанций для внешнего электроснабжения с осуществлением перерасчета спроса на потребление электроэнергии в результате реализуемых АО «Узбекистон темир йуллари» проектов.
13. АО «Узбекистон темир йуллари» в срок до конца 2026 года разработать и внести в Кабинет Министров на утверждение оценочную документацию проекта с уточнением источников финансирования проекта «Осуществление закупки 8 скоростных электропоездов».
14. Министерству транспорта совместно с Министерством экономики и финансов, АО «Узбекистон темир йуллари» в двухмесячный срок внести в Кабинет Министров проект нормативно-правового акта по развитию на основе государственно-частного партнерства инфраструктуры железнодорожных вокзалов, расположенных в городах Ташкенте, Самарканде, Бухаре, Ургенче, Навои и Коканде.
15. Агентству по управлению государственными активами в месячный срок продлить сроком на 1 год соглашение о передаче в доверительное управление пакета 90 процентов акций, принадлежащих АО «Ташкентский завод по строительству и ремонту пассажирских вагонов», с условием последующей поэтапной приватизации.
III. Обновление подвижного состава железнодорожного транспорта
16. Освободить от импортной таможенной пошлины до истечения срока поставки по технологической документации и срока гарантии 2 пассажирских тепловоза и 10 электровозов, а также товары, ввозимые из-за рубежа по перечню, формируемому в установленном порядке в рамках реализации проекта «Осуществление закупки 50 маневровых локомотивов», не производимые в Республике Узбекистан, приобретаемые АО «Узбекистон темир йуллари» и предприятиями в его структуре в целях обновления локомотивного парка, а также разрешить предприятиям в структуре общества произвести уплату налога на добавленную стоимость в установленном порядке с отсрочкой на 120 дней.
17. В рамках реализации проектов, приведенных в приложении № 3 * к настоящему постановлению:
(а) Фонду реконструкции и развития выделить АО «Узбекистон темир йуллари» в 2026-2027 годах кредитные средства в размере 143 млн долларов США по ставке 5 процентов годовых на срок 10 лет, включая льготный период 3 года, в рамках проекта «Обновление состава 200 пассажирских вагонов» на основании поручительства АО «Узбекистон темир йуллари» и предприятий в его структуре;
(б) Совету Министров Республики Каракалпакстан и хокимиятам областей с момента поступления обращения АО «Узбекистон темир йуллари» обеспечить выделение в месячный срок соответствующих земельных участков Агентству по управлению государственными активами на основе права постоянного пользования для их передачи в безвозмездную аренду предприятиям в структуре АО «Узбекистон темир йуллари». При этом обеспечить внесение в Правительственную комиссию по рассмотрению вопросов изменения категорий земельного фонда земель сельскохозяйственного назначения и земель лесного фонда предложений по переводу соответствующих земельных участков из категории земель сельскохозяйственного назначения в соответствующую категорию;
(в) инженерно-коммуникационные сети (электрические сети, сети природного газа, питьевой воды и сточных вод, линии связи, подземные и наземные ирригационные сети), прилегающие к территории строительства, перенести на другие территории за счет собственных средств соответствующих отраслевых организаций.
18. За земельные участки, выделенные в рамках проектов «Строительство новой железнодорожной линии «Шават — Караузяк» и «Строительство второй электрифицированной железнодорожной линии «Навои — Бухара», а также «Строительство железнодорожной линии на территорию свободной экономической зоны «Наманган» в Папском и Чустском районах», платежи по возмещению потерь сельскохозяйственного и лесохозяйственного производства не взимаются и учитываются путем увеличения государственной доли в уставном фонде АО «Узбекистон темир йуллари».
IV. Организация, обеспечение и контроль исполнения постановления
19. Внести изменения и дополнения в постановление Президента Республики Узбекистан от 10 октября 2023 года № ПП-329 «О мерах по коренному реформированию сферы железнодорожного транспорта Республики Узбекистан» согласно приложению № 4 .
20. Возложить на заместителя Премьер-министра А.Ж. Раматова и министра транспорта И.Р. Махкамова персональную ответственность за эффективную организацию исполнения настоящего постановления.
21. Обсуждение хода исполнения настоящего постановления, осуществление координации и контроля за деятельностью организаций возложить на Премьер-министра Республики Узбекистан А.Н. Арипова.
ПРИЛОЖЕНИЕ № 4 к постановлению Президента Республики Узбекистан от 27 декабря 2025 года № ПП-391
Изменения и дополнения, вносимые в текст на государственном языке постановления Президента Республики Узбекистан от 10 октября 2023 года № ПП-329 «О мерах по коренному реформированию сферы железнодорожного транспорта Республики Узбекистан»
1. Приложение № 4 дополнить позицией 9 следующего содержания:
« 9. «Темир йўл ижтимоий хизматлар» МЧЖни молиявий соғломлаштириш, харажатларини мақбуллаштириш ҳамда замонавий бошқарув тизимини жорий этиш. 1. Жамият таркибидаги Марказий поликлиникани Марказий клиник касалхона таркибига ўтказиш. 2026 йил январь «Ўзбекистон темир йўллари» АЖ 2. Бир-бирини такрорловчи штат бирликлари ва харажатларни мақбуллаштириш. 2026 йил январь » .
2. Позицию 2 приложения № 8 исключить.
Президент Республики Узбекистан Ш. МИРЗИЁЕВ
г. Ташкент,
27 декабря 2025 г.,
№ ПП-391