📅 2025-yil 29-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 29 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2025 г. · Указы Президента
Официальный текст. Официальный документ. Редакционные примечания не включены.
📅 29 December 2025 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
Саноат лойиҳаларини молиявий қўллаб-қувватлаш ишларини изчил давом эттириш бўйича қўшимча чора-тадбирлар тўғрисида
Республика ҳудудида саноатни ривожлантириш, саноат лойиҳаларини молиявий қўллаб-қувватлаш ишларини изчил давом эттириш, ишлаб чиқариш қувватларини кенгайтириш ва қўшимча захираларни яратиш ҳамда Саноатни ривожлантириш жамғармаси маблағларидан самарали фойдаланиш мақсадида қарор қиламан:
I. Асосий мақсад
1. Ушбу Фармонни қабул қилишдан кўзланган асосий мақсад этиб саноат тармоқларида экспортбоп маҳсулотлар ишлаб чиқариш, соҳага замонавий технологияларни олиб кириш ва ишлаб чиқариш самарадорлигини оширишга кўмаклашиш ҳамда инвестиция лойиҳаларини, шу жумладан, саноат ипотекаси тизими орқали молиялаштириш учун Саноатни ривожлантириш жамғармасининг 185 миллион АҚШ доллари миқдоридаги қўшимча маблағларини шакллантириш белгилансин.
II. Саноатни ривожлантириш жамғармасига қўшимча молиявий ресурслар
2. Саноатни ривожлантириш жамғармасининг қўшимча маблағларини шакллантириш мақсадида:
(а) Тикланиш ва тараққиёт жамғармаси харажатлари мутаносиблигини таъминлаш учун Тикланиш ва тараққиёт жамғармаси маблағлари ҳисобидан очилган кредит линияларини мақбуллаштириш орқали 185 миллион АҚШ доллари миқдоридаги маблағларни саноат лойиҳаларини молиялаштириш учун 2026 йилда Саноатни ривожлантириш жамғармасига қайта тақсимлашга рухсат берилсин;
(б) мазкур молиявий ресурслар доирасида инвестиция лойиҳаларини молиялаштириш Ўзбекистон Республикаси Президентининг 2023 йил 18 декабрдаги «Саноатни ривожлантириш жамғармаси фаолиятини ташкил этиш тартиби тўғрисида»ги ПҚ-397-сон қарорида белгиланган тартибда амалга оширилиши инобатга олинсин.
III. Фармон ижросини ташкил этиш, таъминлаш ва назорат
3. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси:
(а) Саноатни ривожлантириш жамғармаси маблағларидан мақсадли ва самарали фойдаланилишини назорат қилсин ҳамда ҳар чоракда инвестиция лойиҳаларининг амалга оширилишини муҳокама қилиб борсин;
(б) Тикланиш ва тараққиёт жамғармасидан саноат тармоқлари учун ажратилган кредит линияларидан самарали фойдаланиш ҳолатини доимий таҳлил қилган ҳолда, зарур ҳолларда, уларни мақбуллаштириш ва мақбуллаштирилган маблағлар ҳисобидан Саноатни ривожлантириш жамғармаси орқали лойиҳаларни молиялаштириш юзасидан ҳар чоракда Ўзбекистон Республикаси Президенти Администрациясига таклифлар киритиб борсин.
4. Ўзбекистон Республикаси Президентининг айрим ҳужжатларига иловага мувофиқ ўзгартиришлар киритилсин.
5. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев белгилансин.
6. Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 29 декабрдаги ПФ-263-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2024 йил 3 майдаги «Пилла етиштириш ва ипакчилик соҳасида бозор механизмларини жорий қилишни жадаллаштириш бўйича қўшимча чора-тадбирлар тўғрисида»ги ПФ-72-сон Фармони 14-банди биринчи хатбошисидаги «30 миллион АҚШ доллари» сўзлари «15 миллион АҚШ доллари» сўзлари билан алмаштирилсин.
2. Ўзбекистон Республикаси Президентининг 2024 йил 18 июлдаги «Ўзбекистон Республикасида туризм инфратузилмасини яхшилаш ва хорижий туристлар оқимини янада оширишга қаратилган қўшимча чора-тадбирлар тўғрисида»ги ПФ-102-сон Фармони 1-банди «а» кичик бандининг биринчи хатбошисидаги «50 миллион АҚШ доллари» сўзлари «10 миллион АҚШ доллари» сўзлари билан алмаштирилсин.
3. Ўзбекистон Республикаси Президентининг 2024 йил 23 июлдаги «Заргарлик буюмларини ишлаб чиқариш соҳасини янада ривожлантириш ва уларнинг рақобатбардошлигини таъминлаш чора-тадбирлари тўғрисида»ги ПФ-104-сон Фармонида :
(а) 5-банди «а» кичик бандининг биринчи хатбошисидаги «100 миллион АҚШ доллари» сўзлари «20 миллион АҚШ доллари» сўзлари билан алмаштирилсин;
(б) 4-иловасининг 2-позицияси «Амалга ошириш механизми» устунидаги «100 миллион АҚШ доллари» сўзлари «20 миллион АҚШ доллари» сўзлари билан алмаштирилсин.
4. Ўзбекистон Республикаси Президентининг 2025 йил 28 январдаги «Фармацевтика тармоғини жадал ривожлантиришга оид қўшимча чора-тадбирлар тўғрисида»ги ПФ-13-сон Фармонининг 6-банди иккинчи хатбошисидаги «Тикланиш ва тараққиёт жамғармаси 50 миллион АҚШ доллари» сўзлари «Тикланиш ва тараққиёт жамғармаси 30 миллион АҚШ доллари» сўзлари билан алмаштирилсин.
5. Ўзбекистон Республикаси Президентининг 2024 йил 28 февралдаги «Хоразм вилоятида тадбиркорларга қулай шароитлар яратишга оид қўшимча чора-тадбирлар тўғрисида»ги ПҚ-89-сон қарорининг 1-банди биринчи хатбошисидаги «60 миллион АҚШ доллари» сўзлари «30 миллион АҚШ доллари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 29 декабрь,
ПФ- 263 -сон
OʻZBEKISTON RESPUBLIKASI PREZIDENTINING
FARMONI
Sanoat loyihalarini moliyaviy qoʻllab-quvvatlash ishlarini izchil davom ettirish boʻyicha qoʻshimcha chora-tadbirlar toʻgʻrisida
Respublika hududida sanoatni rivojlantirish, sanoat loyihalarini moliyaviy qoʻllab-quvvatlash ishlarini izchil davom ettirish, ishlab chiqarish quvvatlarini kengaytirish va qoʻshimcha zaxiralarni yaratish hamda Sanoatni rivojlantirish jamgʻarmasi mablagʻlaridan samarali foydalanish maqsadida qaror qilaman:
I. Asosiy maqsad
1. Ushbu Farmonni qabul qilishdan koʻzlangan asosiy maqsad etib sanoat tarmoqlarida eksportbop mahsulotlar ishlab chiqarish, sohaga zamonaviy texnologiyalarni olib kirish va ishlab chiqarish samaradorligini oshirishga koʻmaklashish hamda investitsiya loyihalarini, shu jumladan, sanoat ipotekasi tizimi orqali moliyalashtirish uchun Sanoatni rivojlantirish jamgʻarmasining 185 million AQSH dollari miqdoridagi qoʻshimcha mablagʻlarini shakllantirish belgilansin.
II. Sanoatni rivojlantirish jamgʻarmasiga qoʻshimcha moliyaviy resurslar
2. Sanoatni rivojlantirish jamgʻarmasining qoʻshimcha mablagʻlarini shakllantirish maqsadida:
(a) Tiklanish va taraqqiyot jamgʻarmasi xarajatlari mutanosibligini taʼminlash uchun Tiklanish va taraqqiyot jamgʻarmasi mablagʻlari hisobidan ochilgan kredit liniyalarini maqbullashtirish orqali 185 million AQSH dollari miqdoridagi mablagʻlarni sanoat loyihalarini moliyalashtirish uchun 2026-yilda Sanoatni rivojlantirish jamgʻarmasiga qayta taqsimlashga ruxsat berilsin;
(b) mazkur moliyaviy resurslar doirasida investitsiya loyihalarini moliyalashtirish Oʻzbekiston Respublikasi Prezidentining 2023-yil 18-dekabrdagi “Sanoatni rivojlantirish jamgʻarmasi faoliyatini tashkil etish tartibi toʻgʻrisida”gi PQ-397-son qarorida belgilangan tartibda amalga oshirilishi inobatga olinsin.
III. Farmon ijrosini tashkil etish, taʼminlash va nazorat
3. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi:
(a) Sanoatni rivojlantirish jamgʻarmasi mablagʻlaridan maqsadli va samarali foydalanilishini nazorat qilsin hamda har chorakda investitsiya loyihalarining amalga oshirilishini muhokama qilib borsin;
(b) Tiklanish va taraqqiyot jamgʻarmasidan sanoat tarmoqlari uchun ajratilgan kredit liniyalaridan samarali foydalanish holatini doimiy tahlil qilgan holda, zarur hollarda, ularni maqbullashtirish va maqbullashtirilgan mablagʻlar hisobidan Sanoatni rivojlantirish jamgʻarmasi orqali loyihalarni moliyalashtirish yuzasidan har chorakda Oʻzbekiston Respublikasi Prezidenti Administratsiyasiga takliflar kiritib borsin.
4. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.
5. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev belgilansin.
6. Farmon ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 29-dekabrdagi PF-263-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2024-yil 3-maydagi “Pilla yetishtirish va ipakchilik sohasida bozor mexanizmlarini joriy qilishni jadallashtirish boʻyicha qoʻshimcha chora-tadbirlar toʻgʻrisida”gi PF-72-son Farmoni 14-bandi birinchi xatboshisidagi “30 million AQSH dollari” soʻzlari “15 million AQSH dollari” soʻzlari bilan almashtirilsin.
2. Oʻzbekiston Respublikasi Prezidentining 2024-yil 18-iyuldagi “Oʻzbekiston Respublikasida turizm infratuzilmasini yaxshilash va xorijiy turistlar oqimini yanada oshirishga qaratilgan qoʻshimcha chora-tadbirlar toʻgʻrisida”gi PF-102-son Farmoni 1-bandi “a” kichik bandining birinchi xatboshisidagi “50 million AQSH dollari” soʻzlari “10 million AQSH dollari” soʻzlari bilan almashtirilsin.
3. Oʻzbekiston Respublikasi Prezidentining 2024-yil 23-iyuldagi “Zargarlik buyumlarini ishlab chiqarish sohasini yanada rivojlantirish va ularning raqobatbardoshligini taʼminlash chora-tadbirlari toʻgʻrisida”gi PF-104-son Farmonida :
(a) 5-bandi “a” kichik bandining birinchi xatboshisidagi “100 million AQSH dollari” soʻzlari “20 million AQSH dollari” soʻzlari bilan almashtirilsin;
(b) 4-ilovasining 2-pozitsiyasi “Amalga oshirish mexanizmi” ustunidagi “100 million AQSH dollari” soʻzlari “20 million AQSH dollari” soʻzlari bilan almashtirilsin.
4. Oʻzbekiston Respublikasi Prezidentining 2025-yil 28-yanvardagi “Farmatsevtika tarmogʻini jadal rivojlantirishga oid qoʻshimcha chora-tadbirlar toʻgʻrisida”gi PF-13-son Farmonining 6-bandi ikkinchi xatboshisidagi “Tiklanish va taraqqiyot jamgʻarmasi 50 million AQSH dollari” soʻzlari “Tiklanish va taraqqiyot jamgʻarmasi 30 million AQSH dollari” soʻzlari bilan almashtirilsin.
5. Oʻzbekiston Respublikasi Prezidentining 2024-yil 28-fevraldagi “Xorazm viloyatida tadbirkorlarga qulay sharoitlar yaratishga oid qoʻshimcha chora-tadbirlar toʻgʻrisida”gi PQ-89-son qarorining 1-bandi birinchi xatboshisidagi “60 million AQSH dollari” soʻzlari “30 million AQSH dollari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 29-dekabr,
PF- 263 -son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О дополнительных мерах последовательного продолжения работ по финансовой поддержке промышленных проектов
В целях развития промышленности, последовательного продолжения работ по финансовой поддержке промышленных проектов на территории республики, увеличению производственных мощностей и созданию дополнительных резервов, а также эффективному использованию средств Фонда развития промышленности постановляю:
I. Основная цель
1. Определить основной целью принятия настоящего Указа производство экспортоориентированной продукции в отраслях промышленности, внедрение современных технологий и содействие повышению эффективности производства в сфере, а также формирование дополнительных средств Фонда развития промышленности в размере 185 миллионов долларов США для финансирования инвестиционных проектов, в том числе посредством системы промышленной ипотеки.
II. Дополнительные финансовые ресурсы для Фонда развития промышленности
2. В целях формирования дополнительных средств Фонда развития промышленности:
(а) разрешить перераспределить в 2025-2026 годах для Фонда развития промышленности средства в размере 185 миллионов долларов США в целях финансирования промышленных проектов путем оптимизации кредитных линий, открытых за счет средств Фонда реконструкции и развития для обеспечения сбалансированности расходов Фонда реконструкции и развития;
(б) принять во внимание, что финансирование инвестиционных проектов в рамках вышеуказанных финансовых ресурсов производится в порядке, установленном постановлением Президента Республики Узбекистан от 18 декабря 2023 года № ПП-397 «О мерах по организации деятельности Фонда развития промышленности».
III. Организация, обеспечение и контроль исполнения Указа
3. Правительственной комиссии по вопросам привлечения инвестиций, развития промышленности и регулирования торговли:
(а) установить контроль за целевым и эффективным использованием средств Фонда развития промышленности, ежеквартально проводить обсуждение хода реализации инвестиционных проектов;
(б) регулярно проводить анализ состояния эффективности использования, при необходимости — оптимизировать кредитные линии, выделенные из Фонда реконструкции и развития для отраслей промышленности, ежеквартально вносить в Администрацию Президента Республики Узбекистан предложения о финансировании проектов за счет оптимизированных средств посредством Фонда развития промышленности.
4. Внести изменения в некоторые акты Президента Республики Узбекистан согласно приложению .
5. Возложить на заместителя Премьер-министра Ж.А. Ходжаева персональную ответственность за эффективную организацию исполнения настоящего Указа.
6. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 29 декабря 2025 года № УП-263
Изменения, вносимые в некоторые акты Президента Республики Узбекистан
1. В абзаце первом пункта 14 Указа Президента Республики Узбекистан от 3 мая 2024 года № УП-72 «О дополнительных мерах по ускорению внедрения рыночных механизмов в сфере выращивания шелкопряда и шелководства» слова «30 миллионов долларов США» заменить словами «15 миллионов долларов США».
2. В абзаце первом подпункта «а» пункта 1 Указа Президента Республики Узбекистан от 18 июля 2024 года № УП-102 «О дополнительных мерах по улучшению туристической инфраструктуры и дальнейшему увеличению потока иностранных туристов в Республику Узбекистан» слова «50 миллионов долларов США» заменить словами «10 миллионов долларов США».
3. В Указе Президента Республики Узбекистан от 23 июля 2024 года № УП-104 «О мерах по дальнейшему развитию сферы производства ювелирных изделий и обеспечению их конкурентоспособности»:
(а) в абзаце первом подпункта «а» пункта 5 слова «100 миллионов долларов США» заменить словами «20 миллионов долларов США»;
(б) в графе «Механизмы реализации» позиции 2 приложения № 4 слова «100 миллионов долларов США» заменить словами «20 миллионов долларов США».
4. В абзаце втором пункта 6 Указа Президента Республики Узбекистан от 28 января 2025 года № УП-13 «О дополнительных мерах по ускоренному развитию фармацевтической отрасли» слова «Фонд реконструкции и развития вносит в Инвестиционный фонд средства в размере 50 миллионов долларов США» заменить словами «Фонд реконструкции и развития вносит в Инвестиционный фонд средства в размере 30 миллионов долларов США».
5. В тексте на государственном языке абзаца первого пункта 1 постановления Президента Республики Узбекистан от 28 февраля 2024 года № ПП-89 «О дополнительных мерах по созданию благоприятных условий для предпринимателей Хорезмской области» слова «60 миллион АҚШ доллари» заменить словами «30 миллион АҚШ доллари».
Президент Республики Узбекистан Ш. МИРЗИЁЕВ
г. Ташкент,
29 декабря 2025 г.,
№ УП- 263