UzbekAI

Ўзбекистон Республикаси Президентининг

Фармони

ЧОРА-ТАДБИРЛАР РЕЖАСИ

РЎЙХАТИ

РЎЙХАТИ

НИЗОМ

БАҲОЛАШ МЕЗОНЛАРИ

БАҲОЛАШ МЕЗОНЛАРИ

ТУЗИЛМАСИ

РЕЙТИНГ БАҲОЛАШ ЙЎНАЛИШЛАРИ ВА ИНДИКАТОР КЎРСАТКИЧЛАРИ

СХЕМАСИ

Ўзбекистон Республикасида коррупциянинг олдини олиш ва унга қарши курашиш тизимини янада такомиллаштириш тўғрисида

Коррупциянинг олдини олиш ва унга қарши курашиш соҳасидаги давлат сиёсатини изчил давом эттириш, мамлакатимизнинг халқаро рейтинг ва индекслардаги позициясини янада яхшилаш ҳамда Ўзбекистон Республикаси Коррупцияга қарши курашиш агентлигининг фаолиятини янги босқичга кўтариш мақсадида қарор қиламан:

I. Устувор йўналишлар

1. Қуйидагилар коррупциянинг олдини олиш ва унга қарши курашиш соҳасидаги давлат сиёсатини сифат жиҳатидан янги босқичга кўтаришнинг 2030 йилгача бўлган устувор йўналишлари этиб белгилансин:

(а) давлат органлари ва ташкилотлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятлари (кейинги ўринларда — давлат органлари ва ташкилотлари)да коррупцияга қарши курашишнинг профессионал ва самарали тизимини ташкил этиш;

(б) коррупция оқибатлари билан курашишдан кўра коррупциявий омилларни барвақт аниқлаш ва превентив механизмларни жорий этиш орқали тизимли коррупциявий ҳолатларни олдини олиш;

(в) рақамли технологиялар, шу жумладан, сунъий интеллектни жорий қилишни ҳамда улардан самарали фойдаланишни кенгайтириш;

(г) давлат органлари ва ташкилотлари фаолиятида очиқлик сиёсатини изчил давом эттириш ва мунтазам такомиллаштириб бориш.

2. Коррупциянинг олдини олиш ва унга қарши курашиш соҳасидаги давлат сиёсатини амалга оширишнинг сифат жиҳатидан янги босқичга кўтаришга қаратилган чора-тадбирлар режаси 1-иловага мувофиқ тасдиқлансин.

II. Коррупция омилларини аниқлаш ва бартараф этиш самарадорлигини ошириш

3. Ўзбекистон Республикаси Коррупцияга қарши курашиш агентлигига (кейинги ўринларда — Агентлик) коррупцияга қарши курашиш соҳасида превентив механизмларни жорий этишга қаратилган қуйидаги қўшимча вазифалар юклатилсин:

(а) коррупцияни олдини олиш бўйича давлат органлари ва ташкилотларида ягона ҳуқуқни қўллаш амалиётини шакллантириш ҳамда услубий ёрдам кўрсатиб бориш;

(б) давлат органлари ва ташкилотларида коррупцияга қарши Миллий сертификатлаштириш менежмент тизимини жорий этиш;

(в) амалдаги норматив-ҳуқуқий ҳужжатларни коррупцияга қарши экспертизадан ўтказиш ва улардаги коррупциявий хавф-хатарларни бартараф қилиш борасидаги фаолиятни мувофиқлаштириш;

(г) давлат органлари ва ташкилотларининг коррупциявий хавф-хатар даражаси юқори бўлган вазифа ва функцияларини рақамлаштириш бўйича таклифлар ва минимал талабларни ишлаб чиқиш;

(д) «E-qaror» тизимида қабул қилинадиган ҳужжатларни эълон қилишда очиқликка оид қонунчиликка риоя этилишини назорат қилиш ва очиқликни таъминлаш бўйича таъсирчан чораларни қўллаш;

(ж) халқаро молия институтлари ва хорижий ҳукумат молия ташкилотлари маблағлари ҳисобидан молиялаштириладиган лойиҳалар бўйича қарорлар қабул қилишда коррупциявий омиллар, шу жумладан, манфаатлар тўқнашувини аниқлаш ҳамда олдини олиш.

4. Белгилансинки, давлат органлари ва ташкилотларидаги коррупцияга қарши ички назорат бўлинмаларининг фаолияти Агентлик билан узвий ҳамкорликда ташкил этилади. Бунда:

(а) коррупцияга қарши ички назорат бўлинмаларининг ўз зиммасига юклатилган вазифалар ва функцияларни амалга оширишга оид фаолияти Агентлик томонидан мувофиқлаштирилади;

(б) коррупцияга қарши ички назорат бўлинмалари ва улар ходимларининг вазифалари, функциялари ва жавобгарлиги Агентлик билан келишилган ҳолда иш берувчи томонидан тасдиқланади;

(в) коррупцияга қарши ички назорат бўлинмалари ходимлари зиммасига уларнинг вазифалари ва функциялари билан боғлиқ бўлмаган топшириқлар юклатилишига йўл қўйилмайди;

(г) коррупцияга қарши ички назорат бўлинмаларининг раҳбар ва ходимлари фаолиятига самарадорлик кўрсаткичлари (KPI) қўлланилмайди, бунда:

(i) самарадорлик кўрсаткичларидан (KPI) келиб чиқадиган устамалар тегишли лавозим учун белгиланган максимал миқдорда татбиқ этилади;

(ii) устамалар миқдорини пасайтириш масаласи Агентлик розилиги билан ҳал этилади;

(д) коррупцияга қарши ички назорат бўлинмаларининг ходимларини интизомий жавобгарликка тортиш Агентлик билан келишилган ҳолда амалга оширилади;

(ж) коррупцияга қарши ички назорат бўлинмалари ходимлари давлат органлари ва ташкилотларининг ўз маблағлари ҳисобидан Агентлик томонидан тасдиқланадиган режа-жадвалга асосан махсус ўқув курсларида ўқитилади.

5. Белгилансинки, коррупцияга қарши ички назорат бўлинмаларининг масъул лавозимларига нисбатан иш тажрибаси ва касбий компетенциясига доир қуйидаги минимал талаблар жорий этилади:

(а) юриспруденция, иқтисодиёт, молия, солиқ, аудит, тизимли таҳлил, менежмент ёки ахборот технологиялари мутахассисликлари бўйича олий маълумот;

(б) коррупцияга қарши ички назорат бўлинмаси бошлиғи лавозими учун мутахассислиги бўйича камида 4 йиллик, бошқарув ходимлари учун 3 йиллик иш стажи. Бунда комплаенс ва коррупцияга қарши курашиш йўналишидаги иш стажига устуворлик берилади;

(в) коррупцияга қарши курашиш соҳасида махсус ўқув курсларидан ўтганлик тўғрисида сертификатга эга бўлиш. Сертификатга эга бўлган мутахассислар Агентликда юритиладиган коррупцияга қарши ички назорат бўлинмаларига номзодлар захирасига киритилади.

6. 2026 йил 1 июлдан бошлаб давлат органлари ва ташкилотларида 2030 йилгача босқичма-босқич коррупцияга қарши Миллий сертификатлаштириш менежмент тизими жорий этилади. Бунда:

(а) ушбу тизим биринчи навбатда Коррупцияга қарши курашиш ишларининг самарадорлигини рейтинг баҳолаш тизими натижаларига кўра «қониқарсиз» деб баҳоланган давлат органлари ва ташкилотларида жорий этилади;

(б) давлат органлари ва ташкилотларида Миллий сертификатлаштириш менежмент тизимини жорий этиш Агентлик томонидан тасдиқланадиган режа-графикка мувофиқ босқичма-босқич амалга оширилади;

(в) Миллий сертификатлаштириш менежмент тизимининг белгиланган муддатларда жорий этилмаганлиги давлат органи ёки ташкилоти раҳбари ва ўринбосарларига тизим жорий этилгунга қадар бўлган муддатда барча рағбатлантириш тўловлари тўхтатиб турилишига сабаб бўлади.

7. Агентликка қуйидаги ҳуқуқлар берилсин:

(а) коррупциявий хавф-хатар ва ҳуқуқбузарлик даражаси юқори бўлган давлат органлари ва ташкилотларининг коррупцияга қарши ички назорат бўлинмалари тузилмасига қўшимча штат бирликларини кўпи билан 2 йил муддатга жорий этиш. Бунда:

(i) қўшимча штат бирликлари Агентлик директорининг тақдимномасига асосан ушбу ташкилотларнинг мавжуд штат бирликлари доирасида жорий этилади;

(ii) қўшимча штат бирликларига ходимларни лавозимга тайинлаш ва лавозимдан озод қилиш Агентлик томонидан амалга оширилади;

(б) давлат органлари ва ташкилотларида фаолияти хусусиятларига мос бўлган «комплаенс-назорат» тизимини йўлга қўйиш бўйича таклифлар ва ташаббусларни ишлаб чиқиш, соҳалар ва тармоқларда коррупцияга қарши курашиш тизимини ривожлантириш масалалари бўйича лойиҳа офисларини ташкил этиш. Бунда:

(i) лойиҳа офислари Агентлик директорининг буйруғига мувофиқ Агентлик ходимлари, давлат органлари ва ташкилотлари коррупцияга қарши ички назорат бўлинмалари ходимлари ҳамда эксперт ва мутахассислардан иборат таркибда тузилади;

(ii) Агентлик директорининг давлат органлари ва ташкилотлари ходимларини лойиҳа офисларига жалб қилиш ҳақидаги буйруғи бажарилиши мажбурий ҳисобланади;

(iii) давлат органлари ва ташкилотлари ходимлари лойиҳа офиси фаолиятига жалб этилган даврда уларнинг ойлик иш ҳақи ва бошқа барча қўшимча тўловлари сақлаб қолинади;

(iv) лойиҳа офиси фаолиятига жалб этилган давлат органлари ва ташкилотларининг ходимлари, эксперт ва мутахассисларга ўрганиш олиб борилаётган давлат органи ёки ташкилотининг бюджетдан ташқари жамғармаси ва қонунчиликда тақиқланмаган бошқа манбалар ҳисобидан қўшимча ҳақ тўланиши мумкин.

8. Агентлик амалдаги норматив-ҳуқуқий ҳужжатларни коррупцияга қарши экспертизадан ўтказиш ва улардаги коррупциявий хавф-хатарларни бартараф қилиш юзасидан давлат органлари ва ташкилотлари фаолиятини мувофиқлаштириш бўйича масъул орган этиб белгилансин. Бунда:

(а) давлат органлари ва ташкилотлари томонидан амалдаги норматив-ҳуқуқий ҳужжатларни коррупцияга қарши экспертизадан ўтказиш натижалари бўйича ҳужжатлар Агентликка тақдим этилади;

(б) 2027 йилдан бошлаб Агентлик таҳлиллар асосида амалдаги норматив-ҳуқуқий ҳужжатларни коррупцияга қарши экспертизадан ўтказишнинг давлат органлари учун мажбурий бўлган йиллик режа-графигини ҳар йили 1 апрелга қадар тасдиқлайди ва эълон қилади;

(в) йиллик режа-графиги ижроси натижалари ҳақидаги ахборот Агентлик томонидан Ўзбекистон Республикасининг Коррупцияга қарши курашиш бўйича миллий кенгашига ва Ўзбекистон Республикаси Президенти Администрациясига киритиб борилади.

III. Коррупцияга қарши курашиш бўйича яхлит тизимни ташкил этиш

9. Агентлик, ҳуқуқни муҳофаза қилувчи ва назорат органлари, илмий муассасалар, коррупцияга қарши ички назорат бўлинмалари ва фуқаролик жамияти институтларининг доимий ҳамкорлигига асосланган Коррупциянинг олдини олишнинг яхлит тизими (кейинги ўринларда — Коррупциянинг олдини олиш кластери) жорий этилсин.

10. Белгилансинки, Коррупциянинг олдини олиш кластери доирасида:

(а) ҳуқуқни муҳофаза қилувчи органлар Агентликни коррупцияга оид ҳуқуқбузарликлар юзасидан терговга қадар текширув, суриштирув ва дастлабки тергов жараёнида аниқланган коррупциявий омиллар ва юзага келиши мумкин бўлган хавф-хатарлар бўйича таҳлилий ва статистик маълумотлар билан таъминлайди;

(б) Агентликка Ҳисоб палатаси, Давлат молиявий назорати инспекцияси томонидан молиявий назорат ва аудитни амалга оширишда давлат харидлари, манфаатлар тўқнашуви, молиявий хавф-хатарлар юзасидан ўтказилган таҳлиллар ва ўрганиш натижалари билан ахборот тизими орқали танишишга рухсат берилади;

(в) 2-иловадаги илмий муассасалар коррупцияга қарши курашиш соҳасида илмий таҳлилларни қилади, Агентликнинг буюртмасига асосан илмий асосланган ечимларни ишлаб чиқади, малака ошириш дастурларини ташкиллаштиради;

(г) коррупцияга қарши ички назорат бўлинмалари тизимдаги коррупциявий ҳуқуқбузарликлар содир этилишининг ҳолати ва йўналишлари ҳақида маълумот ҳамда уларни бартараф этиш бўйича таклифларни ҳар чоракда Агентликка тақдим этиб боради;

(д) фуқаролик жамияти институтлари коррупцияга қарши курашиш бўйича жамоатчилик назорати, шу жумладан, жамоатчилик эшитуви ҳамда мониторинги, жамоатчилик фикрини ўрганишни амалга оширади.

11. Агентлик:

(а) тўпланган маълумотлар таҳлили асосида:

(i) коррупцияга қарши курашиш бўйича манзилли ва натижага йўналтирилган давлат сиёсатини, шу жумладан, соҳага оид стратегиялар, методология ва стандартларни ишлаб чиқилиши ва амалга оширилишини таъминлайди;

(ii) коррупциявий омиллар ва хавф-хатарларни тизимлаштириш мезонларини ишлаб чиқади ва гуруҳларга ажратади;

(iii) коррупциявий омиллар ва хавф-хатарларни бартараф қилиш механизмлари ва улар бўйича масъул ижрочиларни белгилаган ҳолда чора-тадбирлар дастурларини ишлаб чиқади;

(б) мамлакатда коррупция ҳолатини мониторинг қилади, коррупциявий омилларни аниқлаш бўйича манзилли таҳлиллар олиб боради;

(в) давлат органлари ва ташкилотларининг вазифаларидаги коррупциявий омиллар ҳамда тизимли муаммоларни аниқлаб, уларни рақамлаштириш ва бартараф қилиш бўйича Ўзбекистон Республикаси Президенти Администрациясига таклифлар киритиб боради;

(г) Коррупциянинг олдини олиш кластери иштирокчилари фаолиятини мувофиқлаштиради.

12. Коррупциянинг олдини олиш кластери иштирокчилари бўлган давлат органлари Коррупцияга қарши курашиш бўйича миллий кенгашга ҳар ярим йилда ўз фаолияти юзасидан ахборот киритиб борсин.

IV. Давлат бошқаруви соҳаси фаолиятини рақамлаштириш орқали коррупция хавф-хатарларни минималлаштириш

13. Қуйидаги имкониятларга эга «Рақамли комплаенс» ахборот дастурий комплекси (кейинги ўринларда — Дастурий комплекс) 2026 йил 1 июлдан бошлаб синов режимида ишга туширилсин:

(а) Коррупциянинг олдини олиш кластери иштирокчилари ўртасида тезкор маълумот алмашиш;

(б) давлат органлари ва ташкилотларининг ахборот тизимларини Дастурий комплекс билан интеграция қилиш орқали Агентлик фаолиятини ахборот жиҳатдан таъминлаш;

(в) Дастурий комплекснинг «E-Komplaens» модулини ишга тушириш орқали коррупцияга қарши ички назорат бўлинмалари фаолиятини тўлиқ рақамлаштириш;

(г) қуйидагиларни назарда тутувчи сунъий интеллект технологиялари:

(i) Дастурий комплекс ва бошқа ахборот ресурсларидаги маълумотлар таҳлили асосида коррупциявий хавфларни аниқлаш, уларнинг олдини олишга қаратилган ечимларни ишлаб чиқиш;

(ii) давлат харидларида оммавий офертага муносабат билдиришда аффилланганлик ва манфаатлар тўқнашуви мавжудлигини аниқлаш ва иштирокчиларнинг иштирокини автоматик чеклаш.

14. Дастурий маҳсулотлар ва ахборот технологиялари технологик паркига Дастурий комплексни жорий этиш бўйича ягона интегратор функцияси юклатилсин ва унинг асосий вазифалари этиб қуйидагилар белгилансин:

(а) Дастурий комплексни ишлаб чиқиш ва 2026 йил якунига қадар тўлиқ режимда ишга тушириш;

(б) Дастурий комплексни бошқа давлат органлари ва ташкилотлари ахборот тизимлари билан интеграциясини таъминлаш;

(в) Агентлик фаолиятида рақамлаштириш сиёсатини амалга ошириш ва стандартларни жорий этиш.

15. Рақамли технологиялар вазирлиги Рақамли технологияларни ривожлантириш жамғармаси маблағлари ҳисобидан Дастурий комплекс ишлаб чиқилишини таъминласин.

16. Белгилансинки, республика ва маҳаллий ижроия ҳокимияти органлари томонидан қабул қилинган ҳужжатларни «E-qaror» электрон тизимида асоссиз равишда эълон қилмаслик, давлат ҳокимияти ва бошқарув органлари фаолиятининг очиқлиги тўғрисидаги қонунчиликни бузиш деб ҳисобланади ҳамда тегишли жавобгарликка тортишга асос бўлади.

17. Ушбу Фармон билан юклатилаётган янги вазифалардан келиб чиқиб:

(а) Агентликнинг мавжуд штат бирликлари доирасида коррупциявий хавф-хатар даражаси юқори бўлган маъмурий тартиб-таомилларни рақамлаштириш, шу жумладан, давлат харидлари соҳасида коррупцияга қарши автоматлаштирилган назорат тизимини жорий этишга масъул бўлган «Хавф-таҳлил маркази» ташкил этилсин;

(б) Хавф-таҳлил марказига маълумотлар базасидан ва ахборот тизимларидан реал вақт режимида фойдаланишга рухсат бериш, шунингдек, Агентликнинг электрон сўровига мувофиқ маълумотлар тақдим этиш чораларини кўрадиган давлат органлари ва ташкилотларининг рўйхати 3-иловага мувофиқ тасдиқлансин.

V. Агентлик ва коррупцияга қарши ички назорат бўлинмалари фаолиятини қўллаб-қувватлаш чоралари

18. Белгилансинки:

(а) Агентликка унга юклатилган вазифаларни тўлиқ, сифатли ва самарали амалга ошириш билан боғлиқ маълумотларни тўлиқ ёки қисман тақдим этмаслик ёхуд нотўғри маълумотларни тақдим этиш, зарур ахборот тизимларини интеграция қилишга асоссиз қаршилик кўрсатиш Агентликнинг қонуний фаолиятига тўсқинлик қилиш деб баҳоланади;

(б) давлат органлари ва ташкилотлари марказий аппаратининг коррупцияга қарши ички назорат бўлинмаларига тизим ташкилотларига қонунбузилиш ҳолатларини олдини олиш бўйича кўриб чиқилиши мажбурий бўлган кўрсатма ва уларни бартараф этиш юзасидан тақдимномалар киритиш ҳуқуқи берилади.

19. Коррупциявий ҳуқуқбузарликлар ҳақида хабар берган шахсларни меҳнат қонунчилигининг бузилиши, шу жумладан, меҳнат фаолиятида таъқиб, тазйиқ ҳолатларидан ҳимоя қилиш мақсадида, Агентлик томонидан ҳимоя ордерини тақдим этиш амалиёти жорий қилинади.

20. 2026 йилдан бошлаб ҳар йили Давлат бюджети параметрларида алоҳида модда билан Жамғарма маблағларини шакллантириш учун камида 10 млрд сўм маблағ ажратилиши назарда тутилсин. Бунда маблағларнинг 10 млрд сўмдан ошадиган қисми Агентликнинг асосланган ҳисоб-китобларига мувофиқ ажратилади.

VI. Ташкилий чора-тадбирлар

21. Ўзбекистон Республикаси Коррупцияга қарши курашиш агентлиги тўғрисида низом 4-иловага мувофиқ тасдиқлансин.

22. Коррупциянинг олдини олиш ва унга қарши курашишга муносиб ҳисса қўшган давлат органлари ва ташкилотлари ходимлари, фуқаролик жамияти институтлари вакиллари ҳамда фаол фуқароларни рағбатлантириш мақсадида «Коррупцияга қарши курашишга қўшган ҳиссаси учун» кўкрак нишони таъсис этилсин.

Агентлик ҳар йили 9 декабрь — Халқаро коррупцияга қарши курашиш куни арафасида «Коррупцияга қарши курашишга қўшган ҳиссаси учун» кўкрак нишони билан тақдирлашни йўлга қўйсин.

23. Агентлик уч ой муддатда Агентлик гералдик белгиси — эмблемаси намунаси ва тавсифи ҳамда ундан фойдаланиш тартибини тасдиқласин.

VII. Фармон ижросини ташкил этиш, таъминлаш ва назорат

24. Ўзбекистон Республикаси Президентининг айрим ҳужжатларига 5-иловага мувофиқ ўзгартиш ва қўшимчалар киритилсин.

25. Мазкур Фармоннинг ижросини самарали ташкил қилишга масъул ва шахсий жавобгар этиб Коррупцияга қарши курашиш агентлиги директори А.Э. Бурханов белгилансин.

26. Фармон ижроси учун масъул идоралар фаолиятини мувофиқлаштириш ва назорат қилиш Ўзбекистон Республикаси Президенти Администрацияси Комплаенс хизмати бошлиғи Э.Т. Юлдашев зиммасига юклансин.

Ўзбекистон Республикаси Президентининг 2025 йил 30 декабрдаги ПФ-270-сон Фармонига 1-ИЛОВА

Коррупциянинг олдини олиш ва унга қарши курашиш соҳасидаги давлат сиёсатини амалга оширишни сифат жиҳатидан янги босқичга кўтаришга қаратилган

Т/р Чора-тадбирлар номи Амалга ошириш механизми Ижро муддати Молиялаштириш манбаи Масъул ижрочилар 1. Коррупцияга қарши курашиш бўйича Миллий сертификатлаштириш менежмент тизимини жорий этиш. 1. Коррупцияга қарши курашиш бўйича Миллий сертификатлаштириш менежмент тизимини ишлаб чиқиш ва тасдиқлаш чораларини кўриш. 2. Коррупцияга қарши курашиш бўйича Миллий сертификатлаштириш тартиби тўғрисидаги идоравий норматив-ҳуқуқий ҳужжат лойиҳасини ишлаб чиқиш ва тасдиқлаш. Бунда қуйидагилар назарда тутилади: (а) давлат органлари ва ташкилотларида коррупцияга қарши курашиш фаолиятини баҳолаш ва сертификатлаш тартиби; (б) сертификатнинг амал қилишини тўхтатиб туриш ва бекор қилиш асослари ҳамда тартиби; (в) белгиланган муддатларда сертификат олинмаганлиги, сертификат амал қилиши тўхтатиб турилганлиги ва бекор қилинганлиги оқибатида давлат органлари ёки ташкилотлари раҳбарига тизим жорий этилгунга қадар бўлган муддатда барча рағбатлантириш тўловларини тўхтатиб туриш тартиби. 2026 йил апрель Ижрочилар маблағлари Коррупцияга қарши курашиш агентлиги, Ўзбекистон техник жиҳатдан тартибга солиш агентлиги, Иқтисодиёт ва молия вазирлиги 2. Коррупцияни олдини олишнинг яхлит тизимини самарали ташкил этиш. 1. Коррупцияни олдини олиш кластери иштирокчиларининг ўзаро ҳамкорлик тартибини белгиловчи қўшма қарор лойиҳасини ишлаб чиқиш ва тасдиқлаш. 2026 йил март Талаб этилмайди Коррупцияга қарши курашиш агентлиги, Бош прокуратура, Ҳисоб палатаси, манфаатдор вазирлик ва идоралар 2. Мониторинг қилиш ва маълумотларни тақдим этишни таъминловчи ягона электрон платформани ишга тушириш. 2026 йил июнь Ижрочилар маблағлари 3. «E-qaror» тизимида қабул қилинадиган ҳужжатларни эълон қилишда очиқликка оид қонунчиликка риоя этилиши устидан назорат қилишни такомиллаштириш. Агентликка Маҳаллий ижро этувчи ҳокимият органларининг қарорларини ишлаб чиқиш, келишиш ва рўйхатдан ўтказишнинг ягона электрон — «E-qaror» тизимида қабул қилинадиган ҳужжатлар билан тўсиқсиз танишиш ва мониторинг олиб бориш имкониятини яратиш. 2026 йил январь Талаб этилмайди Адлия вазирлиги, Коррупцияга қарши курашиш агентлиги 4. Давлат органлари ва ташкилотларидаги коррупцияга қарши ички назорат бўлинмаларининг фаолиятини Агентлик билан узвий ҳамкорликда ташкил этиш чораларини кўриш. Қуйидагиларни назарда тутувчи норматив-ҳуқуқий ҳужжат лойиҳасини ишлаб чиқиш ва белгиланган тартибда Вазирлар Маҳкамасига киритиш: (а) коррупцияга қарши ички назорат бўлинмалари ўз зиммасига юклатилган вазифалар ва функцияларни амалга оширишда Агентликка бўйсуниши ва унинг олдида ҳисобдор бўлиши; (б) коррупцияга қарши ички назорат бўлинмалари ходимлари зиммасига уларнинг вазифалари ва функцияларидан келиб чиқмайдиган топшириқлар юклатилишига йўл қўйилмаслиги; (в) коррупцияга қарши ички назорат бўлинмаларининг раҳбар ва ходимлари фаолиятига нисбатан самарадорлик кўрсаткичлари (KPI) қўлланилмаслиги; (г) самарадорлик кўрсаткичларидан (KPI) келиб чиқувчи устамалар тегишли лавозим учун назарда тутилган максимал миқдорда татбиқ этилиши, устамалар миқдорини пасайтириш масаласи Агентлик розилиги билан ҳал этилиши; (д) коррупцияга қарши ички назорат бўлинмаларининг ходимларини интизомий жавобгарликка тортиш Агентлик билан келишилган ҳолда амалга оширилиши; (ж) коррупцияга қарши ички назорат бўлинмалари ходимлари давлат органлари ва ташкилотларининг ўз маблағлари ҳисобидан Агентлик томонидан тасдиқланадиган режа-жадвалга асосан махсус ўқув курсларида ўқитилиши. 2026 йил март Талаб этилмайди Коррупцияга қарши курашиш агентлиги 5. «Рақамли комплаенс» ахборот дастурий комплексини ишга тушириш. Қуйидагиларни назарда тутувчи «Рақамли комплаенс» ахборот дастурий комплексини ишга тушириш: (а) Коррупцияга қарши курашиш кластери иштирокчилари ўртасида тезкор маълумот алмашиш; (б) давлат органлари ва ташкилотларининг ахборот тизимларини «Рақамли комплаенс» ахборот дастурий комплекси билан интеграция қилиш орқали Агентлик фаолиятини ахборот жиҳатидан таъминлаш; (в) «Рақамли комплаенс» ахборот дастурий комплексининг «E-Komplaens» модулини ишга тушириш орқали коррупцияга қарши ички назорат бўлинмаларини тўлиқ рақамлаштириш; (г) коррупцияни олдини олиш фаолиятига қуйидаги имкониятларга эга сунъий интеллект технологияларини жорий этиш: (i) «Рақамли комплаенс» ахборот дастурий комплекси ва бошқа ахборот ресурсларидаги маълумотларнинг тизимли таҳлили асосида коррупциявий хавфларни аниқлаш, коррупциянинг олдини олишга қаратилган ечимларни ишлаб чиқиш; (ii) давлат харидларида оммавий офертага муносабат билдиришда аффилланганлик ва манфаатлар тўқнашуви мавжудлигини аниқлаш ва иштирокчиларнинг иштирокини автоматик чеклаш. 2026 йил июнь Рақамли технологияларни ривожлантириш жамғармаси маблағлари Коррупцияга қарши курашиш агентлиги, «UZI N FOCOM» МЧЖ, манфаатдор вазирлик ва идоралар 6. Халқаро молия институтлари ва хорижий ҳукумат молия ташкилотлари маблағлари ҳисобидан молиялаштириладиган лойиҳаларни амалга оширишда коррупция хавф-хатарларининг олдини олиш. Қуйидагиларни назарда тутувчи норматив-ҳуқуқий ҳужжат лойиҳасини ишлаб чиқиш: (а) баҳолаш гуруҳларининг, шу жумладан, баҳолаш жараёни давомидаги ҳисоботларни ҳамда шартномаларни тузиш тўғрисидаги қарорларни қонунчилик талабларига риоя этилганлиги ва иштирокчилар томонидан тақдим этилган ҳужжатларда ишончсизлик ёки сохталик белгилари мавжудлиги нуқтаи назаридан Агентлик томонидан текшириш; (б) қонунбузилиш ҳолатлари ёки қалбакилаштириш белгилари аниқланганда, тегишли вазирлик ва идораларга тендер жараёни ёки шартномани амалга ошириш (молиялаштириш)ни тўхтатиб туриш ҳақида Агентлик томонидан тақдимнома киритиш; (в) тендер жараёнини давом эттириш тўғрисидаги қарорларни Вазирлар Маҳкамасининг қарорига мувофиқ қабул қилиш. 2026 йил апрель Талаб этилмайди Коррупцияга қарши курашиш агентлиги, Иқтисодиёт ва молия вазирлиги, Бош прокуратура 7. Коррупцияга оид ҳуқуқбузарлик ҳақида хабар берган ёки коррупцияга қарши курашишга бошқа тарзда кўмаклашган шахсларни рағбатлантириш тартибини такомиллаштириш. Қуйидагиларни назарда тутувчи норматив-ҳуқуқий ҳужжат лойиҳасини ишлаб чиқиш: (а) Жанубий Кореянинг «Clean Portal» («Шаффоф портал») платформасининг тажрибаси асосида «E-Anticor.uz» дастурини такомиллаштириш орқали коррупция билан боғлиқ ҳуқуқбузарлик ҳақида хабар берган ёки коррупцияга қарши курашишга бошқа тарзда кўмаклашган шахсларни рағбатлантириш тизимини рақамлаштириш; (б) Агентликни рағбатлантириш масалаларини мувофиқлаштириш бўйича ваколатли орган сифатида белгилаш; (в) рағбатлантириш тизимини Жамоатчилик назоратини ривожлантириш жамғармаси орқали ташкил этиш. 2026 йил июнь Давлат бюджети маблағлари Коррупцияга қарши курашиш агентлиги, Рақамли технологиялар вазирлиги, Бош прокуратура, Ички ишлар вазирлиги, Давлат хавфсизлик хизмати, Иқтисодиёт ва молия вазирлиги 8. Коррупцияга қарши курашиш агентлигининг тақдимномаларини кўриб чиқмаганлик учун маъмурий жавобгарлик чораларини белгилаш. 1. Агентликнинг тақдимномаларини кўриб чиқмаганлик, шу жумладан, ўз вақтида ёки тўлиқ кўриб чиқмаганлик учун маъмурий жавобгарлик белгилашни назарда тутувчи қонун лойиҳасини ишлаб чиқиш. 2. Қонун лойиҳасини манфаатдор вазирлик ва идоралар билан келишиш. 3. Қонун лойиҳасини кўриб чиқиш учун Ўзбекистон Республикаси Президенти Администрациясига киритиш. 2026 йил март Талаб этилмайди Коррупцияга қарши курашиш агентлиги 9. Коррупцияга қарши ички назорат бўлинмаларининг суд ва ҳуқуқни муҳофаза қилувчи органлар билан ҳамкорлик қилиш, шунингдек, коррупция билан боғлиқ ҳуқуқбузарликлар ҳақида хабар беришнинг ички каналларини юритиш тартибини белгилаш. Коррупцияга қарши ички назорат бўлинмаларининг суд ва ҳуқуқни муҳофаза қилувчи органлар билан ҳамкорлик қилиш, шунингдек, коррупция билан боғлиқ ҳуқуқбузарликлар ҳақида хабар беришнинг ички каналларини юритиш тартибини белгиловчи идоравий норматив-ҳуқуқий ҳужжат лойиҳасини қабул қилиш ва давлат рўйхатидан ўтказиш. 2026 йил апрель Талаб этилмайди Коррупцияга қарши курашиш агентлиги, Бош прокуратура, Давлат хавфсизлик хизмати, Олий суд, Ички ишлар вазирлиги, Адлия вазирлиги 10. Давлат органида меҳнат шартномаси тугатилган ёки хизматдан бўшатилган ходимни икки йил ичида ўзи бевосита ёки билвосита назоратни амалга оширган ташкилотларга ишга қабул қилишда коррупцияга қарши ички назорат тузилмасидан хулоса олишнинг мезонларини белгилаш. Қуйидагиларни назарда тутувчи идоравий норматив-ҳуқуқий ҳужжат лойиҳаси ни қабул қилиш ва давлат рўйхатидан ўтказиш: (а) коррупцияга қарши ички назорат тузилмаси томонидан хулоса бериш асослари ва тартиби; (б) хулосанинг намунавий шакли; (в) хулоса натижаси бўйича кўриладиган чора-тадбирлар; (г) хулоса бўйича шикоят бериш тартиби. 2026 йил май Талаб этилмайди Коррупцияга қарши курашиш агентлиги, Ҳисоб палатаси, Адлия вазирлиги 11. Коррупцияга қарши ички назорат бўлинмаларининг манфаатлар тўқнашувини олдини олишдаги ваколатларини кенгайтириш. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари коррупцияга қарши ички назорат бўлинмаларига манфаатлар тўқнашуви тўғрисидаги қонунчилик талабларини бажармаганлик учун маъмурий баённома расмийлаштириш ваколатини бериш бўйича Ўзбекистон Республикасининг «Маъмурий жавобгарлик тўғрисидаги кодексига ўзгартиш ва қўшимчалар киритиш тўғрисида»ги қонун лойиҳасини ишлаб чиқиш ва Вазирлар Маҳкамасига киритиш. 2026 йил март Талаб этилмайди Коррупцияга қарши курашиш агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 12. Коррупциявий ҳуқуқбузарликлар ҳақида хабар берган шахсларни ҳимоя қилиш тартибини такомиллаштириш. Коррупциявий ҳуқуқбузарликлар ҳақида хабар берган шахсларга қонунга хилоф таъқиб, тазйиқ ва меҳнат қонунчилигининг бошқача тартибда бузилиши ҳолатларидан ҳимоя қилишни назарда тутувчи норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. Бунда коррупциявий ҳуқуқбузарликлар ҳақида хабар берган шахсларга қонунга хилоф таъқиб, тазйиқ, шунингдек, ноқонуний интизомий жавобгарлик чораларини қўллаш, ишдан бўшатиш каби ҳолатлардан ҳимоя ордери бериш ва бошқа шаклдаги ҳимоя чоралари назарда тутилади. 2026 йил май Талаб этилмайди Коррупцияга қарши курашиш агентлиги, Бош прокуратура, Адлия вазирлиги 13. Инвестиция лойиҳалари доирасида ажратиладиган маблағларнинг мақсадли ишлатилиши жараёнида очиқлик ва ошкораликни таъминлаш. Ижтимоий соҳани ривожлантиришга қаратилган инвестиция лойиҳаларини амалга оширишда маблағлар сарфланишида очиқликни таъминлаш механизми сифатида маҳалла ва жамоатчилик фаоллари иштирокида Ташаббускор гуруҳларни шакллантириш амалиётини жорий этиш. 2026 йилдан бошлаб Талаб этилмайди Инвестициялар, саноат ва савдо вазирлиги, Иқтисодиёт ва молия вазирлиги, Коррупцияга қарши курашиш агентлиги, манфаатдор вазирлик ва идоралар 14. Коррупцияга қарши курашиш ҳудудий кенгашлари фаолиятини такомиллаштириш. Коррупцияга қарши курашиш ҳудудий кенгашлари ишини юритиш учун Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари котибиятларига мавжуд штатлар доирасида бир нафардан ходим (жами 14 нафар) ажратиш. 2026 йил май Талаб этилмайди Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Коррупцияга қарши курашиш агентлиги 15. 2025 — 2027 йилларда давлат харидлари тизимини такомиллаштириш ва ривожлантириш стратегияси доирасида манзилли чораларни кўриш. 1. Давлат харидлари устидан назорат қилувчи идораларнинг функцияларини ва ваколат доирасини аниқ белгилаш. 2. Ягона ахборот тизимида харид қатнашчилари таклифларини баҳолаш ҳамда давлат харидлари устидан назорат қилишда сунъий интеллект технологияларидан фойдаланишни жорий қилиш. 3. Давлат харидлари устидан назорат қилиш жараёнларини мувофиқлаштириш учун аниқланган қонунбузилиш ҳолатлари бўйича маълумот алмашинувини автоматлаштириш ва натижаларни ягона реестрда қайд этиш. 2026 йил декабрь Талаб этилмайди Иқтисодиёт ва молия вазирлиги, Ҳисоб палатаси, Бош прокуратура, Коррупцияга қарши курашиш агентлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси 16. «Коррупцияга қарши курашишга қўшган ҳиссаси учун» кўкрак нишонини таъсис этиш. «Коррупцияга қарши курашишга қўшган ҳиссаси учун» кўкрак нишони тўғрисидаги низомни тасдиқлашни назарда тутувчи идоравий ҳужжат лойиҳасини ишлаб чиқиш. 2026 йил март Ижрочилар маблағлари Коррупцияга қарши курашиш агентлиги, Бош прокуратура, Ички ишлар вазирлиги 17. Коррупцияга қарши курашиш халқаро академияси (IACA)га қўшилиш. Коррупцияга қарши курашиш халқаро академияси (IACA)га Ўзбекистон Республикасининг қўшилиши чораларини кўриш. 2026 йил август Талаб этилмайди Коррупцияга қарши курашиш агентлиги, Ташқи ишлар вазирлиги 18. БМТ Коррупцияга қарши конвенцияси, халқаро ташкилотлар томонидан Ўзбекистонга билдирилган тавсиялар ҳамда бошқа халқаро стандартларнинг бажарилишини мониторинг қилиш бўйича электрон платформани ишга тушириш. Электрон платформа доирасида: БМТ Коррупцияга қарши конвенцияси талаблари бажарилишини мониторинг қилиш имкониятини яратиш; халқаро ташкилотлар томонидан Ўзбекистонга берилган тавсиялар, ҳисоботлар ва бошқа маълумотларни жойлаштириш; фуқаролик жамияти институтлари ҳамда кенг жамоатчилик томонидан тайёрланган Ўзбекистон бўйича мониторинг ҳисоботларини платформага жойлаштириш имкониятини яратиш; платформани маълумотлар билан тўлдириш юзасидан идоралараро ишчи гуруҳини шакллантириш; маълумотларни доимий янгилаб бориш механизмларини ишлаб чиқиш. 2026 йил июнь Ижрочилар маблағлари, халқаро молия институтларининг грант маблағлари Коррупцияга қарши курашиш агентлиги, Рақамли технологиялар вазирлиги 19. Жамоатчилик назоратини ривожлантириш жамғармаси маблағларини шакллантиришнинг манбаларини кенгайтириш. Жамоатчилик назоратини ривожлантириш жамғармаси маблағларини шакллантириш манбаларини, шу жумладан, Агентлик ташаббуси билан ҳуқуқни муҳофаза қилувчи идораларга юборилган материаллар асосида ундириладиган маблағлар, шунингдек Агентлик томонидан тузилган маъмурий ҳуқуқбузарлик тўғрисидаги баённомалар асосида ундириладиган маъмурий жарималар ҳисобидан кенгайтиришни назарда тутувчи норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. 2026 йил апрель Талаб этилмайди Коррупцияга қарши курашиш агентлиги, Иқтисодиёт ва молия вазирлиги 20. Агентлик ходимларининг малакаси, билими ва кўникмаларини баҳолаш орқали лавозимига мувофиқлигини аниқлаш ҳамда ходимлар таркибини қайта шакллантириш бўйича тегишли қарорлар қабул қилиш. Ташкилий чора-тадбирларни амалга ошириш. 2026 январь — март Талаб этилмайди Коррупцияга қарши курашиш агентлиги

Ўзбекистон Республикаси Президентининг 2025 йил 30 декабрдаги ПФ-270-сон Фармонига 2-ИЛОВА

Коррупциянинг олдини олиш кластери доирасида фаолият юритадиган илмий муассасалар

1. Ўзбекистон Республикаси Ҳуқуқни муҳофаза қилиш академияси

2. Тошкент давлат юридик университети

3. Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти

4. Ўзбекистон Республикаси Криминология тадқиқот институти

Ўзбекистон Республикаси Президентининг 2025 йил 30 декабрдаги ПФ-270-сон Фармонига 3-ИЛОВА

Хавф-таҳлил марказига маълумотлар базасидан ва ахборот тизимларидан реал вақт режимида фойдаланишга рухсат бериш, шунингдек, Агентликнинг электрон сўровига мувофиқ маълумотлар тақдим этиш чораларини кўрадиган давлат органлари ва ташкилотларининг

I. Хавф-таҳлил маркази томонидан маълумотлар базасидан ва ахборот тизимларидан реал вақт режимида фойдаланиш рухсат этиладиган ташкилотлар:

1. Ҳисоб палатаси

2. Бошқарув самарадорлиги агентлиги

3. Иқтисодиёт ва молия вазирлиги

4. Инвестициялар, саноат ва савдо вазирлиги

5. Камбағалликни қисқартириш ва бандлик вазирлиги

6. Қишлоқ хўжалиги вазирлиги ҳамда унинг тизим ташкилотлари

7. Сув хўжалиги вазирлиги ҳамда унинг тизим ташкилотлари

8. Қурилиш ва уй-жой коммунал хўжалиги вазирлиги

9. Экология ва иқлим ўзгариши миллий қўмитаси ҳамда унинг тизим ташкилотлари

10. Транспорт вазирлиги

11. Энергетика вазирлиги

12. Тоғ-кон саноати ва геология вазирлиги

13. Рақамли технологиялар вазирлиги

14. Соғлиқни сақлаш вазирлиги

15. Мактабгача ва мактаб таълими вазирлиги

16. Олий таълим, фан ва инновациялар вазирлиги

17. Спорт вазирлиги

18. Маданият вазирлиги

19. Адлия вазирлиги

20. Рақобатни ривожлантириш ва истеъмолчилар ҳуқуқларини ҳимоя қилиш қўмитаси

21. Давлат активларини бошқариш агентлиги

22. Ёшлар ишлари агентлиги

23. Ўзбекистон техник жиҳатдан тартибга солиш агентлиги

24. Энергетика бозорини ривожлантириш ва тартибга солиш агентлиги

25. Электр энергияси, нефть маҳсулотлари ва газдан фойдаланишни назорат қилиш инспекцияси

26. Миграция агентлиги

27. Агросаноат мажмуи устидан назорат қилиш инспекцияси

28. Солиқ қўмитаси

29. Энергия самарадорлиги миллий агентлиги

30. Қурилиш ва уй-жой коммунал хўжалиги соҳасида назорат қилиш инспекцияси

31. Енгил саноатни ривожлантириш агентлиги

32. Ички ишлар вазирлиги

33. Божхона қўмитаси

34. Ғазначилик хизмати қўмитаси

35. Миллий статистика қўмитаси

36. Кадастр агентлиги

37. Иқтисодий жиноятларга қарши курашиш департаменти

38. Мажбурий ижро бюроси

II. Хавф-таҳлил марказининг электрон сўровига мувофиқ маълумотлар базаси билан ўзаро ахборот алмашувини йўлга қўядиган ташкилотлар:

39. Марказий банк (оффлайн шаклда маълумот тақдим этилади)

40. Барча тижорат банклари (оффлайн шаклда маълумот тақдим этилади)

41. «Навоий КМК» АЖ

42. «Олмалиқ КМК» АЖ

43. «Ўзбекнефтгаз» АЖ

44. «Ўзтрансгаз» АЖ

45. «Ҳудудгазтаъминот» АЖ

46. «UzGasTrade» АЖ

47. «Муборакнефтгазмонтаж» АЖ

48. «Бухоро НҚИЗ» МЧЖ

49. «Ҳудудий электр тармоқлари» АЖ

50. «Рақамли трансформация маркази» МЧЖ

51. «Ўзбекистон миллий электр тармоқлари» АЖ

52. «Иссиқлик электр станциялари» АЖ

53. «Ангрен ИЭС» АЖ

54. «Янги Ангрен ИЭС» АЖ

55. «Навоийуран» ДК

56. «Навоий КМК» жамғармаси» ДМ

57. «Ўзбекистон республика товар-хом ашё биржаси» АЖ

58. «Ўзбекистон республика валюта биржаси» АЖ

59. «Республика кўп тармоқли агросаноат биржаси» АЖ

60. «Тошкент» республика фонд биржаси» АЖ

61. «Электрон онлайн-аукционларни ташкил этиш маркази» АЖ

62. «Қимматли қоғозлар марказий депозитарийси» ДУК

63. «Ўзбекистон темир йўллари» АЖ

64. «Uzbekistan airways» АЖ

65. «Uzbekistan airports» АЖ

66. «Ўзавтосаноат» АЖ

67. «Ўзкимёсаноат» АЖ

68. «Навоийазот» АЖ

69. «Фарғонаазот» АЖ

70. «Ўздонмаҳсулот» АК

71. «Ўзбектелеком» АК

72. «Ўзметкомбинат» АЖ

73. «Ўзбекгидроэнерго» АЖ

74. «Ўзагросервис» АЖ

75. «Ўзагролизинг» АЖ

76. «Ўзагросуғурта» АЖ

77. «Ўзбекинвест» ЭИСК» АЖ

78. «Ўзсувтаъминот» АЖ

79. «Тошшаҳартрансхизмат» АЖ

80. Ўзбекистон Республикасининг консолидациялашган бюджети таркибига кирадиган давлат мақсадли жамғармалари

81. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

82. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги «Ягона буюртмачи хизмати» инжиниринг компаниялари

Ўзбекистон Республикаси Президентининг 2025 йил 30 декабрдаги ПФ-270-сон Фармонига 4-ИЛОВА

Ўзбекистон Республикаси Коррупцияга қарши курашиш агентлиги тўғрисида

1. Умумий қоидалар

1. Ушбу Низом Ўзбекистон Республикаси Коррупцияга қарши курашиш агентлигининг (кейинги ўринларда — Агентлик) мақоми, асосий вазифалари, функциялари, ҳуқуқ ва мажбуриятлари, фаолиятининг ташкилий асосларини белгилаб беради.

2. Агентлик коррупциянинг олдини олиш ва унга қарши курашиш соҳасида масъул бўлган махсус ваколатли миллий даражадаги давлат органи ҳисобланади.

3. Агентлик ўз фаолиятини қонунийлик, холислик, ҳисобдорлик, очиқлик ва шаффофлик принциплари асосида бошқа давлат органлари, ташкилотлар ва уларнинг мансабдор шахсларидан мустақил равишда амалга оширади.

4. Агентлик Ўзбекистон Республикаси Президентига бўйсунади ва Ўзбекистон Республикаси Олий Мажлиси палаталари олдида ҳисобдордир.

5. Агентлик ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармон, қарор ва фармойишларига, ушбу Низомга ва бошқа қонунчилик ҳужжатларига амал қилади.

6. Агентликнинг ўз ваколатлари доирасида қабул қилган қарор ва буйруқлари барча давлат органлари ва ташкилотлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятлари, уларнинг мансабдор шахслари, шунингдек, юридик ва жисмоний шахслар томонидан бажарилиши мажбурий ҳисобланади.

7. Агентлик юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга ва бланкларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, банк ҳисобварақларига, шу жумладан, чет эл валютасидаги банк ҳисобварақларига эга бўлади.

8. Агентликнинг расмий номланиши:

(а) давлат тилида тўлиқ номи — Ўзбекистон Республикаси Коррупцияга қарши курашиш агентлиги, қисқартирилган номи — Коррупцияга қарши курашиш агентлиги;

(б) инглиз тилида тўлиқ номи — The Anti-corruption agency of the Republic of Uzbekistan, қисқартирилган номи — Anti-corruption agency;

(в) рус тилида тўлиқ номи — Агентство по противодействию коррупции Республики Узбекистан, қисқартирилган номи — Агентство по противодействию коррупции.

9. Агентликнинг жойлашган манзили (почта манзили): 100070, Тошкент шаҳри Ш.Руставели кўчаси 8А-уй.

2. Агентликнинг асосий вазифалари ва функциялари

10. Қуйидагилар Агентликнинг асосий вазифалари ҳисобланади:

(а) коррупциянинг олдини олиш ва унга қарши курашиш соҳасида давлат сиёсатини шакллантириш ва амалга ошириш;

(б) мамлакатда коррупция ҳолатини тизимли таҳлил қилиш, коррупциянинг олдини олиш ва унга қарши курашиш тизимини такомиллаштириш бўйича таклифлар ишлаб чиқиш;

(в) давлат органлари ва ташкилотларининг коррупциянинг олдини олиш ва унга қарши курашиш соҳасидаги фаолиятини мувофиқлаштириш;

(г) давлат органлари ва ташкилотларида коррупциянинг олдини олиш ва унга қарши курашишнинг замонавий ва таъсирчан воситаларини жорий этиш;

(д) норматив-ҳуқуқий ҳужжатларнинг коррупцияга қарши экспертизаси самарадорлигини таъминлаш;

(ж) коррупциянинг олдини олиш ва унга қарши курашиш бўйича аҳолининг ҳуқуқий онги ва ҳуқуқий маданиятини оширишга қаратилган комплекс дастурларни ишлаб чиқиш ва амалга ошириш;

(з) давлат хизматчиларининг даромад ва мол-мулкини декларация қилиш тизими жорий этилиши ва самарали ишлашини ташкил этиш;

(и) давлат хизматига ҳалоллик стандарти ҳамда манфаатлар тўқнашувини олдини олиш ва ҳал этиш стандартларини жорий этишга кўмаклашиш, шунингдек, уларга риоя этилиши устидан назоратни амалга ошириш;

(к) давлат органлари ва ташкилотлари фаолиятининг очиқлигини таъминлаш соҳасини мувофиқлаштириш ва доимий мониторинг қилиш;

(л) Ўзбекистон Республикасининг коррупцияга қарши курашиш бўйича миллий кенгаши ва унинг ҳудудий кенгашлари фаолиятини самарали ташкил этиш;

(м) коррупциянинг олдини олиш ва унга қарши курашиш соҳасида халқаро ҳамкорликни ривожлантириш.

11. Агентлик ўз зиммасига юкланган вазифаларга мувофиқ қуйидаги функцияларни амалга оширади:

(а) коррупциянинг олдини олиш ва унга қарши курашиш соҳасида давлат сиёсатини шакллантириш ва амалга ошириш соҳасида:

(i) илғор тажрибаларни ҳисобга олган ҳолда коррупциянинг олдини олиш ва унга қарши курашиш соҳасидаги давлат сиёсатининг устувор йўналишларини ишлаб чиқади;

(ii) коррупцияга қарши курашиш бўйича стратегия ва давлат дастурларини, шунингдек, ҳудудий ва тармоқ дастурларини ишлаб чиқади, амалга оширишни ташкил этади ва ижросини мониторинг қилиб боради;

(iii) коррупциянинг олдини олиш ва унга қарши курашиш бўйича норматив-ҳуқуқий ҳужжатлар ва бошқа ҳужжатларнинг лойиҳаларини ишлаб чиқади ҳамда уларни белгиланган тартибда кўриб чиқиш учун ваколатли органларга киритади;

(iv) ҳар йили оммавий ахборот воситалари орқали эълон қилиниши лозим бўлган Ўзбекистон Республикасида коррупцияга қарши курашиш тўғрисида миллий маърузани тайёрлайди ҳамда уни кўриб чиқиш учун Ўзбекистон Республикаси Президенти ва Ўзбекистон Республикаси Олий Мажлиси палаталарига киритади;

(v) халқаро стандартларни ва илғор хорижий амалиётни жорий этиш бўйича таклифларни ишлаб чиқади ҳамда амалга оширади;

(vi) коррупциянинг олдини олиш ва унга қарши курашиш самарадорлигини ошириш, қонунчиликни такомиллаштириш бўйича таклифлар ишлаб чиқади;

(б) мамлакатда коррупция ҳолатини тизимли таҳлил қилиш, коррупциянинг олдини олиш ва унга қарши курашиш тизимини такомиллаштириш бўйича таклифлар ишлаб чиқиш соҳасида:

(i) коррупцияга оид хавф-хатарлар юқори бўлган соҳаларни, коррупцияга оид ҳуқуқбузарликлар содир этилишининг сабаб ва шарт-шароитларини аниқлаш бўйича ўрганишлар ўтказади, шу жумладан, социологик, илмий ва бошқа тадқиқотлар ўтказилишини ташкиллаштиради;

(ii) коррупция ҳолатини ўрганиш бўйича тадбиркорлар ва аҳоли ўртасида сўровлар, шу жумладан, аноним сўровлар ўтказади;

(iii) коррупцияга оид ҳуқуқбузарликлар содир этилишининг сабаб ва шарт-шароитларини бартараф этиш ҳамда коррупцияга қарши курашиш чора-тадбирлар самарадорлигини ошириш бўйича амалий чора-тадбирлар ишлаб чиқади ва амалга оширилишини таъминлайди;

(в) давлат органлари ва ташкилотларининг коррупциянинг олдини олиш ва унга қарши курашиш соҳасидаги фаолиятини мувофиқлаштириш соҳасида:

(i) коррупцияга қарши курашиш бўйича идоралараро ҳамкорлик механизмларини шакллантиради ва амалга оширилишини таъминлайди;

(ii) давлат органлари ва ташкилотлари томонидан коррупциянинг олдини олиш ва унга қарши курашиш билан боғлиқ вазифалар ижро қилинмаган тақдирда уларнинг мансабдор шахсларини жавобгарликка тортиш бўйича Ўзбекистон Республикаси Президенти Администрацияси ва Вазирлар Маҳкамасига таклифлар киритади;

(iii) давлат органлари ва ташкилотларида коррупцияга қарши ички назорат тизими («комплаенс-назорат») жорий этилиши ва самарали фаолият юритишини ташкил этади;

(iv) давлат органлари ва ташкилотларининг коррупцияга қарши ички назорат бўлинмалари фаолиятини мувофиқлаштиради ва услубий жиҳатдан таъминлайди, ушбу бўлинма ходимларини стажировкага юбориш ва аттестациядан ўтказиш, ўқитиш ва малакасини ошириш ҳамда сертификациялаш ишларини ташкил этади;

(v) давлат органлари ва ташкилотларида коррупцияга оид ҳуқуқбузарликлар ҳақидаги мурожаатларни кўриб чиқиш ҳолатини ўрганади;

(vi) коррупция ҳолатларига доир ахборотларни қонун ҳужжатларида белгиланган тартибда оммавий ахборот воситаларига тақдим этади;

(г) давлат органлари ва ташкилотларида коррупциянинг олдини олиш ва унга қарши курашишнинг замонавий ва таъсирчан воситаларини жорий этиш соҳасида:

(i) замонавий усуллар ҳамда ахборот-коммуникация технологияларидан фойдаланган ҳолда коррупцияга қарши курашишнинг самарали ва халқаро стандартларга асосланган воситаларини жорий этиш бўйича таклифлар тайёрлайди;

(ii) коррупциявий хавф-хатарларни баҳолаш ва бартараф этишда ижобий натижаларга эришган давлат органлари ва ташкилотларининг тажрибасини кенг оммалаштиради;

(iii) давлат органлари ва ташкилотлари фаолиятида коррупцияга оид хавф-хатарларни баҳолайди ва уларни бартараф этиш бўйича таклифларни ишлаб чиқади;

(iv) давлат органлари ва ташкилотларида коррупцияга қарши курашиш ишларининг самарадорлигини баҳолайди ва рейтингини эълон қилади;

(v) фуқаролик жамияти институтлари билан биргаликда ҳудудлар, иқтисодиёт тармоқлари ва бошқа соҳалардаги коррупция даражасини баҳолайдиган коррупцияни қабул қилиш Миллий индексини тузишни ташкил этади;

(д) норматив-ҳуқуқий ҳужжатларнинг коррупцияга қарши экспертизаси самарадорлигини таъминлаш соҳасида:

(i) норматив-ҳуқуқий ҳужжатларни коррупцияга қарши экспертизадан ўтказади;

(ii) давлат органлари ва ташкилотларига норматив-ҳуқуқий ҳужжатларни коррупцияга қарши экспертизасини ўтказиш бўйича методологик кўмак кўрсатади;

(iii) норматив-ҳуқуқий ҳужжатларда коррупцияга қарши экспертизаси тизимининг самарадорлигини таҳлил қилади ҳамда уларни такомиллаштириш бўйича таклифлар ишлаб чиқади;

(iv) 2027 йилдан бошлаб:

норматив-ҳуқуқий ҳужжатларнинг коррупцияга қарши экспертизасини ўтказиш бўйича экспертлар реестрини юритади;

амалдаги норматив-ҳуқуқий ҳужжатларни коррупцияга қарши экспертизадан ўтказиш бўйича давлат органлари ва ташкилотларининг фаолиятини таҳлил қилади ва мониторингини амалга оширади;

ҳуқуқни қўллаш амалиётидаги коррупциявий хавф-хатарлар таҳлили асосида амалдаги норматив-ҳуқуқий ҳужжатларни коррупцияга қарши экспертизадан ўтказишнинг йиллик режа-графигини ҳар йили 1 апрелга қадар тасдиқлайди ва эълон қилади, шунингдек, унинг ижроси юзасидан Коррупцияга қарши курашиш бўйича миллий кенгашга ва Ўзбекистон Республикаси Президенти Администрациясига ахборот киритиб боради;

экспертиза натижалари бўйича аниқланган коррупцияни келтириб чиқарувчи омилларни бартараф этишга қаратилган тегишли таклиф ишлаб чиқиш юзасидан давлат органлари ва ташкилотларига кўрсатма киритиб боради;

(ж) коррупциянинг олдини олиш ва унга қарши курашиш бўйича аҳолининг ҳуқуқий онги ва ҳуқуқий маданиятини оширишга қаратилган комплекс дастурларни ишлаб чиқиш ва амалга ошириш соҳасида:

(i) фуқароларнинг ҳуқуқий онги, ҳуқуқий маданияти ва коррупцияга қарши муросасиз муносабатини шакллантиришга ва ошириб боришга қаратилган чора-тадбирларни ишлаб чиқади ва амалга оширади;

(ii) коррупциянинг олдини олишга қаратилган тадбирларга фуқаролик жамияти институтлари вакилларини фаол жалб этади ҳамда уларнинг давлат органлари ва ташкилотлари билан биргаликда самарали фаолият олиб боришига кўмаклашади;

(iii) коррупциянинг олдини олиш, унга қарши курашиш ва жамиятда коррупцияга нисбатан муросасиз муносабатни шакллантириш бўйича ижтимоий шериклик дастурларини шакллантиради ҳамда амалга оширади;

(iv) коррупциянинг олдини олиш ва унга қарши курашиш масалаларига оид материаллар, медиа контентлар ва ахборотлар тайёрланиши ҳамда тарқатилишини ташкил этади;

(v) халқаро ва маҳаллий экспертлар иштирокида фуқаролик жамияти институтлари вакиллари учун семинар, тренинг ва бошқа тадбирларни ташкил қилади;

(vi) коррупцияга қарши курашиш виртуал академиясида ёшлар, фуқаролик жамияти институтлари вакиллари учун махсус курслар ишлаб чиқилишига, мазкур аудиториянинг жалб этилишига кўмаклашади;

(vii) коррупцияга қарши курашиш бўйича давлат сиёсати, коррупциявий хавф-хатарлар ва тадқиқот натижаларини инобатга олиб, янги ўқув модулларини жорий этиш бўйича таклифлар киритади;

(з) давлат хизматчиларининг даромад ва мол-мулкини декларация қилиш тизими жорий этилиши ва самарали ишлашини ташкил этиш соҳасида:

(i) давлат хизматчиларининг даромадлари ва мол-мулкини мажбурий декларациялаш тизимини босқичма-босқич жорий этиш бўйича чора-тадбирларни ишлаб чиқади ва амалга оширади;

(ii) давлат хизматчиларининг даромадлари ва мол-мулки бўйича декларацияларининг ҳаққонийлигини ва ишончлилигини текширади;

(iii) қонунчиликда белгиланган тартибда давлат хизматчиларининг даромадлари ва мол-мулкини декларация қилиш натижалари тўғрисида жамоатчиликни хабардор қилади;

(и) давлат хизматига ҳалоллик стандарти ҳамда манфаатлар тўқнашувини олдини олиш ва ҳал этиш стандартларини жорий этишга кўмаклашиш, шунингдек, уларга риоя этилиши устидан назоратни амалга ошириш соҳасида:

(i) коррупцияга қарши курашиш бўйича ўқитилиши лозим бўлган давлат хизматчилари контингентини шакллантиради;

(ii) давлат хизматчиларининг коррупцияга қарши курашиш борасидаги билимларини доимий ошириб бориш бўйича ҳамкорликда ўқув курсларини ташкиллаштиради;

(iii) давлат фуқаролик хизматчилари ўртасида юқори касбий этика, коррупцияга нисбатан муросасиз муносабатни шакллантириш бўйича комплекс режа ва дастурлар ишлаб чиқилишини ҳамда амалга оширилишини таъминлайди;

(iv) манфаатлар тўқнашувини олдини олиш ва ҳал этиш стандартларини жорий этишга қаратилган таъсирчан чораларни кўради, шунингдек, уларга риоя этилиши устидан назоратни амалга оширади;

(v) манфаатлар тўқнашуви билан боғлиқ ахборотни ва материалларни давлат органлари ва ташкилотларидан сўраб олади ва ўрганади;

(vi) манфаатлар тўқнашуви билан боғлиқ ҳолатлар аниқланганда, битимни бекор қилиш, қарорни ҳамда бошқа ҳужжатни ўзгартириш ёки бекор қилиш тўғрисида давлат органлари ва ташкилотларига тақдимнома киритади ёхуд уларни ҳақиқий эмас деб топиш ҳақида судга даъво киритади;

(vii) манфаатлар тўқнашувини ҳисобга олиш реестрининг, мавжуд манфаатлар тўқнашуви тўғрисидаги хабарноманинг ҳамда эҳтимолий манфаатлар тўқнашуви тўғрисидаги декларациянинг намунавий шаклларини тасдиқлайди;

(viii) манфаатлар тўқнашуви натижасида фуқароларнинг, ташкилотларнинг, жамиятнинг ёки давлатнинг манфаатларига етказилган зарарнинг ўрни тўлиқ қопланишига эришилиши устидан назоратни амалга оширади;

(ix) манфаатлар тўқнашуви тўғрисидаги қонунчилик талабларига риоя этмаганлик билан боғлиқ маъмурий ҳуқуқбузарлик ҳақида баённомани тузади ва уни кўриб чиқиш учун судга юборади;

(к) давлат органлари ва ташкилотлари фаолиятининг очиқлигини таъминлаш соҳасини мувофиқлаштириш ва доимий мониторинг қилиш соҳасида:

(i) давлат органлари ва ташкилотлари фаолиятининг очиқлигини таъминлаш соҳасини мувофиқлаштиради ва доимий мониторинг қилиб боради;

(ii) очиқ маълумотлар сифатида жойлаштирилиши керак бўлган ижтимоий аҳамиятга молик маълумотлар рўйхатини такомиллаштириб ва янгилаб бориш, шунингдек, очиқликни таъминлаш соҳасидаги қонунчилик ва уларда назарда тутилган механизмларни такомиллаштириш бўйича таклифлар ишлаб чиқади ҳамда уларни амалга оширишга кўмаклашади;

(iii) «Очиқлик индекси»ни баҳолаш индикатор ва мезонларида кўрсатилган маълумотларни ўз вақтида очиқлаб бориш ва белгиланган талаблар ижро этилишини ўрганади, даврий баҳолаб боради ҳамда давлат идораларининг бу борадаги фаолиятини яхшилашга кўмаклашади;

(iv) нодавлат нотижорат ташкилотлари, фуқаролик жамиятининг бошқа институтларининг давлат органлари ва ташкилотлари фаолияти очиқлигини таъминлашга қаратилган лойиҳаларини ҳамда бу борада ўтказиладиган тадқиқотларини ва ижтимоий сўровларини молиялаштирилади;

(v) давлат органлари ва ташкилотлари фаолиятининг очиқлигини таъминлаш соҳасини жойига чиққан ҳолда ўрганади ва аниқланган қонунбузилиши ҳолатлари юзасидан ҳуқуқий таъсир чоралари қўллайди;

(vi) давлат органлари ва ташкилотларидаги ишонч телефонларининг (Call-марказ) ҳамда уларнинг расмий веб-сайтларида эълон қилинган телефон рақамларининг доимий равишда ишчи ҳолатдалиги, маълумотлар алмашинуви самарадорлиги, қайта алоқанинг мавжудлиги, шу жумладан, тезкорлиги ва белгиланган муддатларда амалга оширилиши даражасини «Қайта алоқанинг сирли мижози» тадбирини ўтказиш орқали текширади;

(л) Ўзбекистон Республикасининг коррупцияга қарши курашиш миллий кенгаши ва унинг ҳудудий кенгашлари фаолиятини самарали ташкил этиш соҳасида:

(i) Миллий кенгаш йиғилишлари, кун тартиби ҳамда дастурларини ишлаб чиқиш ва уларда белгиланган масалалар юзасидан ташкилий чораларни амалга оширади;

(ii) Миллий кенгаш томонидан кўриб чиқиладиган масалалар юзасидан вазифа ва топшириқларни ишлаб чиқиш борасида таклиф беради;

(iii) Миллий кенгаш томонидан белгиланган вазифа ва топшириқларнинг самарали ижро этилишини таъминлаш юзасидан ташкилий чораларни амалга оширади;

(iv) Ўзбекистон Республикаси Олий Мажлиси палаталарининг коррупцияга қарши курашишга масъул бўлган қўмиталари, Қорақалпоғистон Республикаси Жўқорғи Кенгесининг тегишли қўмитаси, халқ депутатлари вилоятлар ҳамда Тошкент шаҳар, туман ва шаҳар Кенгашларининг коррупцияга қарши курашиш комиссиялари билан ҳамкорлик қилади;

(м) коррупциянинг олдини олиш ва унга қарши курашиш соҳасида халқаро ҳамкорликни ривожлантириш соҳасида:

(i) мамлакатнинг имижини мустаҳкамлаш ва унинг халқаро рейтинглардаги ўрнини ошириш бўйича тизимли чора-тадбирларни амалга оширади;

(ii) коррупцияга қарши курашиш соҳасида Ўзбекистон Республикаси қонунчилигининг умумэътироф этилган халқаро меъёрлар ва стандартларга мувофиқлигини ўрганади, шунингдек, уларни миллий қонунчиликка имплементация қилиш бўйича таклифлар тайёрлайди;

(iii) коррупцияга қарши курашиш соҳасида хорижий давлатларнинг ваколатли органлари, халқаро ва минтақавий ташкилотлар билан ўзаро ҳамкорликни йўлга қўяди ва ахборот алмашинувини амалга оширади;

(iv) БМТнинг Коррупцияга қарши конвенцияси ва Ўзбекистон Республикасининг коррупцияга қарши курашиш соҳасидаги бошқа халқаро шартномалари қоидаларининг бажарилиши билан боғлиқ чора-тадбирларни амалга ошириш ҳамда ушбу йўналишдаги фаолиятни мувофиқлаштириш бўйича Ўзбекистон Республикаси миллий координатори вазифасини бажаради;

(v) Агентлик ваколатига кирадиган масалалар бўйича халқаро ҳамкорликни йўлга қўяди ва хорижий давлатларнинг ваколатли органлари ҳамда халқаро ташкилотлар билан самарали ҳамкорлик шаклларини ривожлантиради;

(vi) коррупцияга қарши курашиш соҳасидаги ислоҳотларни жадаллаштириш мақсадида халқаро ҳамкорлар билан қўшма лойиҳаларни амалга оширади;

(vii) хорижий экспертлар ва халқаро ҳамкорлар иштирокида коррупциянинг олдини олиш соҳасида тадқиқот ва таҳлил ишларини ташкил этади;

(viii) Иқтисодий ҳамкорлик ва тараққиёт ташкилотининг Шарқий Европа ва Марказий Осиё мамлакатлари учун коррупцияга қарши курашиш бўйича тармоғининг Истанбул ҳаракатлар дастури доирасидаги ишлар ҳамда ишлаб чиқилган тавсияларнинг амалга оширилишини ташкиллаштиради.

Агентлик қонунчилик ҳужжатларида белгиланган бошқа функцияларни ҳам амалга ошириши мумкин.

3. Агентликнинг ҳуқуқлари

12. Агентлик коррупциянинг олдини олиш ва унга қарши курашиш бўйича зиммасига юклатилган вазифаларни бажаришда қуйидаги ҳуқуқларга эга:

(а) бюджет маблағларининг сарфланиши, давлат активларининг реализация қилиниши, давлат харидлари, инвестиция лойиҳаларининг амалга оширилиши ва давлат дастурлари бажарилиши билан боғлиқ материалларни талаб қилиш, олиш ва ўрганиш;

(б) ўз ваколатига тааллуқли масалалар юзасидан ўрнатилган тартибда норматив-ҳуқуқий ҳужжатлар қабул қилиш;

(в) Ўзбекистон Республикаси Президенти, Вазирлар Маҳкамаси ва бошқа давлат органлари кўриб чиқиши учун қонунчиликни ва ҳуқуқни қўллаш амалиётини такомиллаштириш масалалари ҳамда ўзига юклатилган вазифа ва функциялар бўйича таклифлар киритиш;

(г) жисмоний ва юридик шахсларнинг коррупция масалалари бўйича мурожаатларини кўриб чиқиш ҳамда уларнинг бузилган ҳуқуқларини тиклаш ва қонуний манфаатларини ҳимоя қилиш бўйича чоралар кўриш;

(д) ўрганиш ва бошқа тадбирлар натижалари бўйича тўпланган материалларни фаолиятида коррупцияга оид ҳуқуқбузарлик аломатлари бўлган шахсларга нисбатан қонунга мувофиқ чоралар кўриш, жумладан, жиноят ишларини қўзғатиш учун ҳуқуқни муҳофаза қилувчи ва бошқа давлат органларига тақдим этиш;

(ж) тадқиқотлар ўтказиш ҳамда таҳлилий материаллар тайёрлаш бўйича қўшма ишчи гуруҳларини тузиш;

(з) коррупция фактлари тўғрисидаги хабарларни текшириш натижалари бўйича қабул қилинган қарор тўғрисида маълумотни талаб қилиб олиш;

(и) ижро ҳокимияти ва хўжалик бошқаруви органлари ҳамда уларнинг мансабдор шахслари қарорларида коррупция белгилари аниқланган ҳолларда уларнинг ижросини тўхтатиш ёки бекор қилиш тўғрисида кўриб чиқилиши мажбурий бўлган тақдимномаларни киритиш;

(к) давлат органлари, ташкилотлари ва уларнинг мансабдор шахсларига кўриб чиқилиши мажбурий бўлган коррупцияга оид ҳуқуқбузарликка йўл қўймаслик тўғрисида огоҳлантиришлар ҳамда коррупцияни келтириб чиқарувчи сабаб ва шарт-шароитларни бартараф этиш чораларини кўриш тўғрисида тақдимномалар киритиш;

(л) фуқароларнинг коррупцияга оид мурожаатлари ва маълумотлар юзасидан тегишли давлат органларида текширишлар ўтказиш;

(м) ўзига юклатилган вазифаларни тезкор ва ўз вақтида бажариш мақсадида вазирлик ва идораларнинг маълумотлар базаси, рўйхати ва бошқа кўринишдаги ахборот тизимларидан фойдаланиш;

(н) давлат хизматчиларининг даромадлари ва мол-мулкларини декларациялаш қоидаларини бузган шахсларга нисбатан қонуний чора қўллаш ёки бошқа тегишли чораларни қўллаш учун материалларни ваколатли органларга юбориш;

(о) коррупциянинг сабаб ва шарт-шароитларини, коррупция ҳолатини ўрганиш ҳамда таҳлил қилиш мақсадида давлат органлари ва ташкилотлари, ҳуқуқни муҳофаза қилувчи органлар, ушлаб турилганларни ва қамоққа олинганларни сақлаш жойлари, жазони ижро этиш муассасаларига монеликсиз кириш ва ҳужжатлар билан танишиш;

(п) Ўзбекистон Республикасининг обрўсига салбий таъсир кўрсатадиган ҳамда давлат ва жамиятнинг ҳаётий муҳим манфаатларига жиддий зарар етказадиган коррупцияга оид ҳуқуқбузарликлар юзасидан қонуний таъсир чоралари кўрилишини ташкиллаштириш;

(р) ўз ваколатлари доирасида судларга кўриб чиқиш учун даъво аризалар (ариза, шикоят) киритиш;

(с) давлат органлари ва ташкилотларининг очиқликка оид қонунчилик ҳужжатларида кўрсатилган талабларни мунтазам равишда бузаётган айбдор мансабдор шахсларини жавобгарликка тортиш бўйича Ўзбекистон Республикаси Президенти Администрацияси ва Вазирлар Маҳкамасига таклифлар киритиб бориш.

Агентлик қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

13. Агентликнинг огоҳлантириш, тақдимнома ва мурожаатлари ўн кун ичида кўриб чиқилиши ва натижалари юзасидан ёзма ахборот берилиши шарт.

4. Агентлик раҳбарларининг асосий функционал мажбуриятлари

14. Агентлик зиммасига юклатилган вазифаларга мувофиқ унинг раҳбарлари қуйидаги функционал мажбуриятларни бажаради:

(а) Агентлик директори:

(i) Агентлик фаолиятига раҳбарликни амалга оширади ва Агентлик зиммасига юклатилган вазифаларнинг бажарилиши учун шахсан жавоб беради;

(ii) Коррупцияга қарши курашиш бўйича миллий кенгаш мажлисларида иштирок этади ва Миллий кенгаш томонидан қабул қилинган қарорларнинг ижроси таъминланишига масъул ҳисобланади;

(iii) давлат органлари, жамоат ташкилотлари ва халқаро ташкилотлар билан муносабатларда Агентлик номидан иш кўради;

(iv) Агентликнинг ходимларини лавозимга тайинлайди ва лавозимидан озод қилади;

(v) Агентлик директори ўринбосарлари ва ходимлари ўртасида вазифаларни тақсимлайди, шунингдек, ўринбосарлари ва Агентликнинг бошқа мансабдор шахслари ваколатларини ҳамда шахсий жавобгарлик даражасини белгилайди;

(vi) Агентлик ҳамда давлат органлари ва ташкилотларидаги коррупцияга қарши ички назорат бўлинмаларининг ходимларини Ўзбекистон Республикаси давлат мукофотларига тавсия этади;

(vii) буйруқ, қарор ва кўрсатмалар чиқаради ҳамда Агентликнинг таркибий тузилмалари тўғрисида низомларни, шунингдек, Агентлик фаолияти юзасидан бошқа ҳужжатларни тасдиқлайди;

(viii) Агентликнинг харажатлар сметасини ва белгиланган штатлар сони доирасида штатлар жадвалини тасдиқлайди;

(ix) ижро интизомига, шунингдек, жисмоний ва юридик шахсларнинг мурожаатларини қонун ҳужжатларига мувофиқ кўриб чиқиш муддатлари ва тартибига қатъий риоя этилишини таъминлайди;

(x) Агентлик директори қонун ҳужжатларига мувофиқ бошқа ваколатларни ҳам амалга ошириши мумкин.

Агентлик директори бўлмаган вақтда унинг ваколатлари директорнинг биринчи ўринбосари томонидан, у бўлмаган вақтда эса директорнинг бошқа ўринбосарларидан бири томонидан амалга оширилади;

(б) директорнинг ўринбосарлари:

(i) Агентликнинг зиммасига юклатилган вазифалар бўйича соҳа ва йўналишларни бошқаради;

(ii) коррупцияга қарши курашиш ва унинг олдини олиш соҳасидаги норматив-ҳуқуқий ҳужжатлар ва бошқа ҳужжатларнинг лойиҳаларини экспертизадан ўтказиш ва сифатли тайёрлашни ташкил этиш масалалари бўйича Ўзбекистон Республикаси Президенти Администрацияси ҳамда Вазирлар Маҳкамасининг тегишли бўлинмалари билан ўзаро ҳамкорлик қилади;

(iii) Агентлик директорининг топшириқларига биноан коррупцияга қарши курашиш ва унинг олдини олиш соҳасига оид дастурий ҳужжатларнинг бажарилишини мувофиқлаштиради;

(iv) ўзлари мутасаддилик қилаётган Агентлик таркибий бўлинмаларида кадрлар захирасини шакллантириш бўйича ишларни тизимли асосда ташкиллаштиради;

(v) Агентлик директори вақтинча бўлмаганида унинг вазифаларини бажаради;

(vi) қонун ҳужжатлари ва Агентлик директорининг қарорларига мувофиқ бошқа функционал мажбуриятларни бажаради.

5. Агентлик фаолиятини ташкил этиш

15. Агентликнинг ташкилий тузилмаси ва бошқарув ходимларининг чекланган сони Ўзбекистон Республикаси Президенти томонидан тасдиқланади.

16. Агентлик директори бошқарув ходимларнинг белгиланган чекланган сони ва меҳнатга ҳақ тўлаш фонди доирасида Агентликнинг тузилмасига ўзгартиришлар киритиши мумкин.

17. Агентликка Ўзбекистон Республикаси Олий Мажлиси Сенати томонидан сайланадиган ва лавозимидан озод этиладиган директор раҳбарлик қилади.

18. Агентлик директори лавозимига номзод Ўзбекистон Республикаси Олий Мажлиси Сенатига Ўзбекистон Республикаси Президенти томонидан тақдим этилади.

19. Агентлик директори ўринбосарлари Агентлик директори тақдимномасига кўра Ўзбекистон Республикаси Президенти томонидан лавозимга тайинланади ва лавозимидан озод этилади.

20. Агентлик фаолиятининг очиқлиги ва шаффофлигини таъминлаш, шунингдек, коррупцияга қарши курашишда жамоатчиликни кенг жалб қилиш мақсадида Агентлик ҳузурида жамоатчилик кенгаши тузилади. Агентлик ҳузуридаги жамоатчилик кенгашининг таркиби Агентлик директори томонидан тасдиқланади.

21. Агентликка ходимларни ишга қабул қилиш Агентлик директори томонидан белгиланган тартибга мувофиқ танлов асосида амалга оширилади.

22. Агентлик директори ва унинг ўринбосарларига хизмат гувоҳномаси Ўзбекистон Республикаси Президенти Администрацияси томонидан, бошқа ходимларга Агентлик директори томонидан берилади. Агентлик ходимларининг хизмат гувоҳномаси шакли Агентлик директори томонидан тасдиқланади.

23. Ходимлар Ўзбекистон Республикаси Президенти ҳужжатида назарда тутилган ҳолларда Агентликдаги иш фаолияти даврида аттестациядан ўтказилади.

24. Агентлик ходимларига илгари ишлаган жойида кўп йиллик меҳнати учун берилган устамалар ва қўшимча ҳақ, ҳарбий ва махсус унвонлар (мартаба ва малака даражалари, дипломатик даражалар ва бошқалар) сақланиб қолади.

25. Агентликда ишлаган вақт ҳарбий ва махсус унвонларни (мартаба ва малака даражалари, дипломатик даражалар ва бошқалар) олиш учун зарур бўлган иш стажига киритилади.

26. Агентликка лавозимга тайинланган (юборилган) ҳуқуқни муҳофаза қилувчи органлар ходимлари ўз мажбуриятларини бажариш даврида пул таъминоти сақланмаган ҳолда тегишли ҳуқуқни муҳофаза қилувчи органлар кадрларининг амалдаги захирасига тўғридан-тўғри киритилади.

27. Агентлик ходимлари меҳнат фаолиятини тўхтатганларидан сўнг уларга аввалги иш жойи бўйича эгаллаган ёки унга тенг бўлган лавозим бериш кафолатлари таъминланади.

6. Агентликнинг давлат органлари ва ташкилотлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорлиги

28. Агентлик ўз вазифалари ва функцияларини амалга оширишда давлат органлари ва ташкилотлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорлик қилади.

29. Агентликнинг фаолиятига Ўзбекистон Республикаси Президенти Администрациясининг тегишли таркибий бўлинмалари томонидан мутасаддилик қилинади.

7. Агентлик фаолияти самарадорлиги ва натижадорлигини баҳолаш мезонлари ва иш индикаторлари

30. Агентлик фаолияти самарадорлиги ва натижадорлигини баҳолаш Ўзбекистон Республикаси Президенти томонидан тасдиқланадиган Агентлик фаолияти самарадорлиги ва натижадорлигини баҳолаш мезонлари ва иш индикаторларига асосланади.

31. Агентлик фаолияти самарадорлиги ва натижадорлигини баҳолаш якунлари бўйича:

(а) Агентлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

(б) Агентлик фаолиятида аниқланган камчиликларни бартараф этиш ва унинг фаолиятини янада такомиллаштириш чора-тадбирлари кўрилади.

8. Агентлик фаолиятини молиялаштириш ва моддий-техник таъминлаш, унинг ходимлари меҳнатига ҳақ тўлаш ва моддий рағбатлантириш

32. Қуйидагилар Агентлик фаолиятини молиялаштириш манбалари ҳисобланади:

(а) Ўзбекистон Республикаси Давлат бюджети маблағлари;

(б) Жамоатчилик назоратини ривожлантириш жамғармаси маблағлари;

(в) вақтинча бўш маблағларни тижорат банкларининг депозитларига жойлаштиришдан олинган даромадлар;

(г) қонунчилик ҳужжатлари билан тақиқланмаган бошқа манбалар.

33. Ҳар йили Ўзбекистон Республикасининг Давлат бюджети параметрларида алоҳида модда билан Агентлик фаолиятини молиялаштириш учун зарур маблағлар назарда тутилади.

34. Агентлик ўз ваколатларини амалга ошириши учун зарур моддий-техника воситалари ва бошқа асбоб-ускуналар билан таъминланади.

35. Агентликни моддий-техник жиҳатдан таъминлаш харажатларини молиялаштириш, шунингдек, унинг ходимлари меҳнатига ҳақ тўлаш, моддий рағбатлантириш ва ижтимоий ҳимоя қилиш Ўзбекистон Республикаси Давлат бюджети, бюджетдан ташқари жамғарма манбалари ва қонунчилик ҳужжатларида тақиқланмаган бошқа манбалар ҳисобига амалга оширилади.

36. Агентлик ходимларининг иш ҳақи лавозим маоши, мукофотлар, қўшимча ҳақлар, устамалардан ва қонунчилик ҳужжатларида назарда тутилган бошқа тўловлардан иборат.

37. Хизмат вазифасини сидқидилдан ва самарали бажариб келаётган Агентликнинг юқори малакали, ташаббускор ходимларига юқори малакаси учун Агентлик директори томонидан Жамоатчилик назоратини ривожлантириш жамғармаси маблағлари ҳисобидан шахсий устамалар белгиланиши мумкин.

9. Агентликнинг ҳисобдорлиги

38. Агентлик директори ўз фаолияти тўғрисида Ўзбекистон Республикаси Президентига ва Олий Мажлиси палаталарига мунтазам равишда ҳисобот беради.

39. Ўзбекистон Республикаси Президенти Администрациясининг тегишли таркибий бўлинмаси Агентликка юкланган вазифалар самарали бажарилиши бўйича улар фаолияти устидан мунтазам мониторинг олиб боради, Агентлик фаолияти самарадорлигига холисона баҳо беради.

10. Якунловчи қоида

40. Агентликни қайта ташкил этиш ва тугатиш қонун ҳужжатларида белгиланган тартибда амалга оширилади.

Ўзбекистон Республикаси Президентининг 2025 йил 30 декабрдаги ПФ-270-сон Фармонига 5-ИЛОВА

Ўзбекистон Республикаси Президентининг айрим ҳужжатларига киритилаётган ўзгартиш ва қўшимчалар

1. Ўзбекистон Республикаси Президентининг 2020 йил 29 июндаги «Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида»ги ПФ-6013-сон Фармони 2-банди қуйидаги мазмундаги ўн тўққизинчи хатбоши билан тўлдирилсин:

«давлат хизматчилари ахлоқ қоидаларига зид хатти-ҳаракатлар қилишининг олдини олишга қаратилган ишларни мувофиқлаштириш».

2. Ўзбекистон Республикаси Президентининг 2022 йил 14 июндаги «Давлат органлари ва ташкилотлари фаолиятининг очиқлик даражасини ошириш ва баҳолаш тизимини жорий этиш чора-тадбирлари тўғрисида»ги ПФ-154-сон Фармонида :

(а) 11-банд қуйидаги мазмундаги тўртинчи хатбоши билан тўлдирилсин:

«Белгилансинки, давлат органлари ва ташкилотлари Очиқлик индексини баҳолаш мезонлари ва индикаторларида белгиланган талаблар ижросига оид маълумотларни (ҳужжатларни) Ягона идоралараро ахборот тизимига (платформа) жойлаштириб бориши шарт».

(б) 1-иловада :

(i) 36-банд қуйидаги таҳрирда баён қилинсин:

«36. Баҳолаш индикаторлари бўйича баллар қуйидагича тақсимланади:

биринчи индикатор — максимал 20 балл;

иккинчи индикатор — максимал 20 балл;

учинчи индикатор — максимал 16 балл;

тўртинчи индикатор — максимал 6 балл;

бешинчи индикатор — максимал 8 балл;

олтинчи индикатор — максимал 11 балл;

еттинчи индикатор — максимал 15 балл;

саккизинчи индикатор — максимал 4 балл»;

(ii) 1-илова қуйидаги таҳрирда баён қилинсин:

«Давлат органлари ва ташкилотлари фаолиятининг очиқлигини мониторинг қилиш ва баҳолаш бўйича методикага 1-ИЛОВА

Давлат органлари ва ташкилотларида очиқликни таъминлашга масъул бўлган ходимлар фаолиятининг самарадорлигини

Т/р Баҳолаш мезонлари Баллар Тўпланган балл 1 2 3 4 Матбуот анжуманлари, брифинглар, пресс-турлар, тақдимотлар ҳамда бошқа тадбирлар (тадбирлар) сони 1. 6 ва ундан ортиқ тадбир 20 5 та тадбир 18 4 та тадбир 16 3 та тадбир 14 2 ва ундан кам тадбир 0 Ижтимоий тармоқларда онлайн трансляциялар сони 2. 6 ва ундан ортиқ онлайн трансляция 20 5 та онлайн трансляция 18 4 та онлайн трансляция 16 3 та онлайн трансляция 14 2 ва ундан кам онлайн трансляция 0 Матбуот анжуманлари, брифинглар ва бошқа тадбирларда раҳбарларнинг иштироки 3. раҳбар иштирок этса 20 раҳбарнинг биринчи ўринбосари иштирок этса 18 раҳбарнинг ўринбосари иштирок этса 16 раҳбарлар иштирок этмаса 0 Ахборотни етказиб бериш шакли (ҳар ойда камида бир марта) 4. инфографика тарзида 20 фото, видео шаклида 18 матн шаклида 16 ахборот эълон қилинмаса 0 Ахборотнинг қамрови 5. радио, телевидение, газета, ижтимоий тармоқлар, мессенжерлар ва веб-сайтда эълон қилиниши 20 фақат ижтимоий тармоқлар, мессенжерлар ва веб-сайтда эълон қилиниши 18 фақат радио, телевидение ва газетада эълон қилиниши 16 радио, телевидение, газета, ижтимоий тармоқлар, мессенжерлар ёки веб-сайтда эълон қилиниши 14 ахборот эълон қилинмаса 0 Соҳага оид муаммоларни ёритиш 6. биринчи манба сифатида ёритиш 20 эълон қилинган танқидий материалга муносабат билдириш 15 биринчи манба сифатида ёритмаса ёки эълон қилинган танқидий материалга муносабат билдирмаса 0 Танқидий материалларга муносабат билдиришнинг тезкорлиги 7. танқидий материал эълон қилинган вақтдан бошлаб 5 соат ичида 20 танқидий материал эълон қилинган вақтдан бошлаб 12 соат ичида 18 танқидий материал эълон қилинган вақтдан бошлаб 24 соат ичида 14 танқидий материал эълон қилинган вақтдан бошлаб 24 соатдан кейин 0 Тадбирлар ҳақидаги ахборотларнинг расмий веб-сайт, мессенжер ва ижтимоий тармоқларда эълон қилиниши тезкорлиги 8. тадбир якунлангандан кейин 1 соат ичида 20 тадбир якунлангандан кейин 5 соат ичида 18 тадбир якунлангандан кейин 12 соат ичида 14 тадбир якунлангандан кейин 12 соатдан кейин 0 Раҳбар ёки ахборот хизмати раҳбарининг муайян ахборот воқелиги муносабати билан расмий баёнот бериши 9. видео форматида 20 матн шаклида 15 баёнот берилмаса 0 Хорижий оммавий ахборот воситаларида материаллар эълон қилиниши 10. ташкилот фаолияти ҳақида хорижий оммавий ахборот воситаларида материаллар эълон қилинса 20 ташкилот фаолияти ҳақида хорижий оммавий ахборот воситаларида материаллар эълон қилинмаса 0 Мезонлар сони 10 та Умумий балл 200 Индикатор бўйича балларни ҳисоблаш тартиби: Ж = У 10

Бунда:

У — давлат органи ёки ташкилотининг матбуот котиби томонидан жорий баҳолаш даврида барча мезонлар бўйича тўпланган умумий балларнинг йиғиндиси;

10 — ахборот хизмати раҳбарининг фаолияти самарадорлигини баҳолаш мезонлари сони ( жорий баҳолаш даврида тўпланган баллар баҳолаш мезонлари сонига бўлинади );

Ж — жами ҳисобланган балл ( жорий баҳолаш даврида тўпланган баллар баҳолаш мезонлари сонига бўлинганида ҳосил бўлган балл).

(iii) 2-иловада :

«Ўз кучини йўқотган норматив-ҳуқуқий ҳужжатлар тўғрисидаги маълумотларнинг эълон қилиниши», «Тасдиқланган дастурлар тўғрисидаги маълумотларнинг эълон қилиниши», «Долзарб мавзуларга оид маълумотлар тўпламининг алоҳида бўлимга тизимлаштирилиши» ва «Янги маълумотлар билан интерактив усулда танишиш имкони мавжудлиги» бўлимлари чиқариб ташлансин;

22-позициянинг биринчи хатбошисида «Баҳолаш мезонлари» устуни қуйидаги таҳрирда баён этилсин:

«имконияти чекланган шахсларга расмий веб-сайтдан фойдаланиш учун ташкил этилган хизматлар (веб-сайтдаги матнни товуш жўрлигида бериш имконияти, кўриш қобилияти заифлашган шахсларни қўллаб-қувватлаш, стандарт рангларни муайян фойдаланувчи кўрадиган рангларга ўзгартириш имконини берадиган рангли созламалардан фойдаланиш, шрифт ва интерфейс элементларини масштаблаш) мавжуд бўлса»;

«Кўриш қобилияти чекланган шахслар учун веб-сайтдан фойдаланиш қулайлиги» бўлими чиқариб ташлансин;

«Мезонлар сони» ва «Индикаторлар бўйича умумий балл» позицияларининг «Баллар» устунидаги «25» рақами тегишинча «20» рақами билан алмаштирилсин;

(iv) 3-иловада :

1-позиция қуйидаги таҳрирда баён этилсин:

« 1. ҳар йили ўз фаолиятига оид ҳисоботларни расмий веб-сайтда эълон қилиб, уларни кенг жамоатчилик иштирокида муҳокама қилиш талабларига тўлиқ риоя қилинса 1 ҳисоботлар, уларни муҳокама жойи ва вақтини эълон қилиш ҳамда кенг жамоатчилик иштирокида муҳокама қилиш учун матбуот анжуманларини ўтказиш тартиби ва муддатларига риоя қилинмаса 0,5 ҳисоботлар эълон қилинмаса ва матбуот анжуманлари ўтказилмаса 0 » ;

«Ҳисоботларни кенг жамоатчилик иштирокида муҳокама қилиш жойи ва вақти ҳақидаги маълумотларни эълон қилиш», «Ҳисоботларни кенг жамоатчилик иштирокида муҳокама қилиш ҳолати» бўлимлари чиқариб ташлансин;

4-позициянинг биринчи хатбошиси «Баҳолаш мезонлари» устунидаги «иш режалари» сўзларидан кейин «(бизнес режа)» сўзлари билан тўлдирилсин;

14-позициянинг биринчи хатбошиси «Баҳолаш мезонлари» устунидаги «харид комиссияси» сўзлари «комиссия» сўзи билан алмаштирилсин;

«Очиқлик соҳасини такомиллаштириш бўйича ишлаб чиқилган таклифлар тўғрисидаги маълумотларнинг эълон қилиниши», «Очиқлик соҳасидаги шикоятларни кўриб чиқиш тартиби тўғрисидаги маълумотларнинг эълон қилиниши», «Очиқликни таъминлаш соҳасида қабул қилинган қонунчилик ҳужжатлари тўғрисидаги маълумотларнинг эълон қилиниши» бўлимлари чиқариб ташлансин;

«Мезонлар сони» ва «Индикатор бўйича умумий балл*» позицияларининг «Баллар» устунидаги «21» рақами тегишинча «16» рақами билан алмаштирилсин.

(v) 5-иловада:

«Очиқ маълумотлар асосида ишлаб чиқилган мобил иловалар сони» бўлими чиқариб ташлансин;

«Мезонлар сони» позициянинг «Баллар» устунидаги «5» рақами «10 та» сўзлари билан алмаштирилсин;

«Умумий балл» позициянинг «Баллар» устунидаги «10*» рақами «8*» рақами билан алмаштирилсин.

(vi) 6-илова қуйидаги таҳрирда баён этилсин:

«Давлат органлари ва ташкилотлари фаолиятининг очиқлигини мониторинг қилиш ва баҳолаш бўйича методикага 6-ИЛОВА

Оммавий коммуникация технологияларининг жорий қилинишини

Т/р Баҳолаш мезонлари Баллар Тўпланган балл 1 2 3 4 Қайта алоқанинг ташкил этилганлиги 1. «Ишонч телефонлари» (Call-марказлар) орқали қайта алоқа ташкил этилиб, доимий фаолият юритиши таъминланса 2 қайта алоқа йўлга қўйилмаган бўлса 0 Оператор билан боғланиш учун уринишлар сони 2. биринчи қўнғироқда муваффақиятли боғланиш имкони мавжуд бўлса 2 иккинчи қўнғироқда муваффақиятли боғланиш имкони мавжуд бўлса 1 боғланиш имкони мавжуд бўлмаса 0 Оператор билан боғланиш учун сарфланган вақт 3. 240-300 сониягача муваффақиятли боғланиш имкони мавжуд бўлса 2 301-420 сониягача муваффақиятли боғланиш имкони мавжуд бўлса 1 421 ва ундан ортиқ сонияда боғланиш имкони мавжуд бўлса 0 Мурожаат йўллашнинг интерактив усуллари ташкил этилганлиги 4. мурожаатни тўғридан-тўғри веб-сайт ёки унинг мобил версияси орқали юбориш, кўриб чиқиш жараёнини реал вақт режимида кузатиб бориш, шахснинг идентификация маълумотлари асосида жавоб олиш, кўриб чиқиш натижаларига нисбатан муносабат билдириш ва баҳолаш имконияти мавжуд бўлса 2 мурожаатни йўллаш ва кўриб чиқишнинг интерактив усуллари қисман жорий этилган бўлса 1 мурожаат йўллашнинг имкони мавжуд бўлмаса 0 Фойдаланувчилар билан коммуникация тармоғи орқали мулоқот қилиш тизими йўлга қўйилганлиги 5. фойдаланувчилар билан коммуникация тармоғи орқали мулоқот қилиш учун махсус дастурий таъминот ва унинг мобил иловаси мавжуд бўлса 2 махсус дастурий таъминот ва унинг мобил иловаси ишчи ҳолатда бўлмаса 1 махсус дастурий таъминот ва унинг мобил иловаси мавжуд бўлмаса 0 Раҳбар билан бевосита мулоқот қилиш тизимининг ташкил этилганлиги 6. шахсан раҳбар билан мулоқот қилиш ва мурожаат йўллаш тизими ташкил этилган бўлса 1 раҳбар ўринбосарлари билан мулоқот қилиш ва мурожаат йўллаш тизими ташкил этилган бўлса 0,5 мулоқот қилиш ёки мурожаат йўллаш тизими йўлга қўйилмаган бўлса 0 Мезонлар сони 6 та Умумий балл 11

Бунда: Ж = У 4

У — давлат органи ёки ташкилотнинг баҳолаш йили давомида бутун давр учун тўплаган умумий балларининг йиғиндиси;

4 — баҳолаш мезонларида кўрсатилган талабларни баҳолаш йилининг ҳар чоракдаги йиғиндиси (бутун давр учун тўплаган баллар баҳолаш амалга ошириладиган даврига бўлинади);

Ж — жами ҳисобланган балл (бутун давр учун тўплаган баллар баҳолаш ўтказиладиган даврларга бўлинганида ҳосил бўлган балл)».

(vi) 7-иловада :

7-позициянинг «Баллар» устунидаги «2» ва «1» рақамлари тегишинча «1» ва «0,5» рақамлари билан алмаштирилсин;

«Умумий балл» позициянинг «Баллар» устунидаги «16*» рақами «15*» рақами билан алмаштирилсин;

(vii) 8-иловада :

1 — 4-позицияларнинг «Баллар» устунидаги «2» ва «1» рақамлари тегишинча «1» ва «0,5» рақамлари билан алмаштирилсин;

«Умумий балл» позициянинг «Баллар» устунидаги «8» рақами «4» рақами билан алмаштирилсин;

(viii) 9-илованинг «1-босқич» позицияси «Тадбирлар» устунидаги «Интернет ресурсларига» сўзлари «Интернет ресурслари ва Ягона идоралараро ахборот тизимига (платформа)» сўзлари билан алмаштирилсин.

3. Ўзбекистон Республикаси Президентининг 2020 йил 29 июндаги ПҚ-4761-сон қарори билан тасдиқланган Ўзбекистон Республикаси Коррупцияга қарши курашиш агентлиги тузилмаси қуйидаги таҳрирда баён этилсин:

«Ўзбекистон Республикаси Коррупцияга қарши курашиш агентлиги

Директор Директорнинг биринчи ўринбосари Директор ўринбосари Директор ўринбосари Ташкилий-назорат, ижро ва таҳлил бўлими 3 «Комплаенс-назорат» тизимини жорий этиш ва ички назорат бўлинмалари фаолиятини тартибга солиш бошқармаси 9 Давлат органлари ва бошқа ташкилотларда коррупциявий омилларни таҳлил ва мониторинг қилиш бошқармаси 4 Халқаро ҳамкорлик ва рейтинглар билан ишлаш бўлими 3 Кадрлар бўлими 2 Жамоатчилик, ёшлар ва нодавлат нотижорат ташкилотлари билан ишлаш бўлими 2 Шахсий хавфсизлик бўлими 2 Давлат органлари ва ташкилотларнинг Коррупцияга қарши ички назорат бўлинмаси Давлат харидларида коррупциявий омилларни таҳлил ва мониторинг қилиш бўлими 3 Ахборот хизмати раҳбари — давлат тили бўйича маслаҳатчи 1 Мурожаатлар билан ишлаш ва хабар берувчиларни ҳимоя қилиш бўлими 2 Давлат хизматчиларининг даромадлари ва мол-мулкини декларация қилиш ҳамда манфаатлар тўқнашувини олдини олиш бўлими 2 Давлат органларида ташкилотлари фаолияти очиқлигини таъминлаш бошқармаси 4 Бухгалтерия 1 Call-марказ Биринчи бўлим 1 Хавф-таҳлил маркази 3 Ишлар бошқармаси 2 Одоб-ахлоқ комиссиялари билан ишлаш бўлими 2

4. Ўзбекистон Республикаси Президентининг 2021 йил 22 октябрдаги «Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказишни янада такомиллаштириш чора-тадбирлари тўғрисида»ги ПҚ-5263-сон қарорининг 11-банди қуйидаги мазмундаги бешинчи хатбоши билан тўлдирилсин:

«2027 йилдан бошлаб давлат органлари ва ташкилотлари юридик хизмат ходимларининг коррупцияга қарши экспертизадан ўтказиш фаолиятини баҳолаш норматив-ҳуқуқий ҳужжат лойиҳаларига нисбатан Адлия вазирлиги томонидан, амалдаги норматив-ҳуқуқий ҳужжатларга нисбатан Коррупцияга қарши курашиш агентлиги томонидан мустақил амалга оширилади».

5. Ўзбекистон Республикаси Президентининг 2021 йил 7 декабрдаги «Ўзбекистон Республикаси Коррупцияга қарши курашиш агентлиги фаолиятини янада такомиллаштириш бўйича қўшимча чора-тадбирлар тўғрисида»ги ПҚ-34-сон қарорида :

(а) 2-бандда :

(i) қуйидаги мазмундаги олтинчи ва еттинчи хатбошилар билан тўлдирилсин:

«Агентлик ҳамда давлат органлари ва ташкилотларининг коррупцияга қарши ички назорат бўлинмалари ташаббуси билан ҳуқуқни муҳофаза қилувчи идораларга юборилган материаллар асосида Жиноят кодексининг 167-моддаси бўйича давлат фойдасига ундирилган моддий зарар ва жарималар суммасининг 5 фоизи;

Агентлик томонидан тузилган маъмурий ҳуқуқбузарлик тўғрисидаги баённомалар асосида суд тартибида ундириладиган маъмурий жарималарнинг 95 фоизи»;

(ii) олтинчи хатбоши саккизинчи хатбоши деб ҳисоблансин;

(б) 1-илованинг 4-бандида :

(i) қуйидаги мазмундаги бешинчи-олтинчи хатбошилар билан тўлдирилсин;

«Агентлик ҳамда давлат органлари ва ташкилотларининг коррупцияга қарши ички назорат бўлинмалари ташаббуси билан ҳуқуқни муҳофаза қилувчи идораларга юборилган материаллар асосида Жиноят кодексининг 167-моддаси бўйича давлат фойдасига ундирилган моддий зарар ва жарималар суммасининг 5 фоизи;

Агентлик томонидан тузилган маъмурий ҳуқуқбузарлик тўғрисидаги баённомалар асосида суд тартибида ундириладиган маъмурий жарималарнинг 95 фоизи»;

(ii) бешинчи хатбоши еттинчи хатбоши деб ҳисоблансин.

6. Ўзбекистон Республикаси Президентининг 2022 йил 12 январдаги «Коррупцияга қарши курашиш ишларининг самарадорлигини рейтинг баҳолаш тизимини жорий этиш чора-тадбирлари тўғрисида»ги ПҚ-81-сон қарорида :

(а) 1-банднинг биринчи хатбошисидаги «маҳаллий давлат ҳокимияти органларида» сўзлари «маҳаллий давлат ҳокимияти органлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятларида» сўзлари билан алмаштирилсин.

(б) 2-иловада :

(i) 1-банд қуйидаги таҳрирда баён этилсин:

«1. Мазкур Низом барча давлат органлари ва ташкилотлари, шу жумладан, маҳаллий давлат ҳокимияти органлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятларида (кейинги ўринларда — давлат ташкилотлари) коррупцияга қарши курашиш ишларининг самарадорлигини рейтинг баҳолаш (кейинги ўринларда — рейтинг баҳолаш) тартибини белгилайди.

Давлат муассасалари фаолиятига оид маълумотлар ушбу банднинг биринчи хатбошисида келтирилган давлат ташкилотлари томонидан мувофиқлаштириб борилади»;

(ii) 7-банд қуйидаги таҳрирда баён этилсин:

«7. Рейтинг баҳолаш йўналишлари бўйича баллар қуйидагича тақсимланади:

биринчи йўналиш — максимал 42 балл;

иккинчи йўналиш — максимал 25 балл;

учинчи йўналиш — максимал 10 балл;

тўртинчи йўналиш — максимал 15 балл;

бешинчи йўналиш — максимал 8 балл»;

(iii) 11-банднинг биринчи хатбошисидаги «ҳар чоракда (10 апрель, 10 июль ва 10 октябрга қадар) чораклик» сўзлари «ҳар ярим йилда (биринчи ярим йилликда 10 июлга қадар) ярим йиллик» сўзлари билан алмаштирилсин;

(iv) 17-банднинг биринчи хатбошисидаги «иборат бўлган» сўзлари «кам бўлмаган тоқ сондан иборат таркибда» сўзлари билан алмаштирилсин;

(v) 18-банднинг учинчи хатбошисидаги «3 киши» сўзлари «учдан бир қисми» сўзлари билан алмаштирилсин;

(vi) 1-илованинг матни қуйидаги таҳрирда баён этилсин:

«Давлат ташкилотларида коррупцияга қарши курашиш ишларининг самарадорлигини

Биринчи йўналиш Давлат ташкилотларида коррупцияга қарши курашиш бўйича механизм ва ҳуқуқий асосларнинг яратилгани ва амалиётга татбиқ этилгани (жами — 42 балл) Индикаторлар Баллар Асос* 1.1. Коррупцияга қарши курашиш бўйича ички идоравий ҳужжатларнинг ишлаб чиқилгани ва ўз вақтида янгилаб борилиши 1.1.1. Давлат органлари ва ташкилотлари, шу жумладан, маҳаллий давлат ҳокимияти органлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятлари (кейинги ўринларда — давлат ташкилотлари)да коррупцияга қарши курашиш бўйича қуйидаги ички идоравий ҳужжатларнинг мавжудлиги, сифатли тўлдирилгани ва заруратга қараб янгиланиб борилиши: коррупцияга қарши курашиш сиёсати; одоб-ахлоқ қоидалари; коррупциявий хавф-хатарларни баҳолаш услубиёти; манфаатлар тўқнашувини бошқариш бўйича низом; алоқа каналлари орқали коррупциявий хатти-ҳаракатлар тўғрисида келиб тушган хабарларни қабул қилиш ва кўриб чиқиш регламенти; ходимларнинг коррупцияга қарши курашиш соҳасида ўқитилишини ташкил қилиш бўйича йўриқнома; контрагентларни текширишга оид йўриқнома; ишга қабул қилинаётган номзодларни текшириш бўйича йўриқнома; коррупцияга қарши курашиш самарадорлигини мониторинг ва назорат қилиш услубиёти; коррупцияга қарши курашиш тизимининг ҳолати ҳақидаги ҳисоботни шакллантириш ва тақдим этиш регламенти; коррупциявий хатти-ҳаракатлар ва одоб-ахлоқ қоидаларини бузиш ҳолатлари устидан хизмат текширувлари ўтказиш бўйича регламент; давлат харидларини ўтказиш тўғрисидаги низом; совғани тасарруф этиш тўғрисидаги низом; коррупция ҳолатлари ҳақида хабар бериш механизми, хабар берган ходимларни рағбатлантириш, уларнинг таъқибга олинмаслиги кафолатлари регламенти; ротация қилиш тартиби. Изоҳ. Мазкур тўпламдаги ҳамма ҳужжатлар қабул қилинган, сифатли тўлдирилгани ва заруратга қараб янгиланган бўлса, ТБ, 11 — 14 таси қабул қилинган, сифатли тўлдирилгани ва заруратга қараб янгиланган бўлса, АБ, 7 — 10 таси қабул қилинган, сифатли тўлдирилгани ва заруратга қараб янгиланган бўлса, ҚБ, 0 — 6 таси қабул қилинган, сифатли тўлдирилгани ва заруратга қараб янгиланган бўлса, Б устунига «х» белгиси қўйилади. Мазкур ҳужжатлар ягона ёки бир нечта буйруқ (қарор) билан тасдиқланиши мумкин. ТБ 3 балл АБ 2 балл ҚБ 1 балл Б 0 балл Тасдиқланган ҳужжатларнинг электрон шакли илова қилинади 1.2. Коррупцияга қарши курашиш бўйича ички идоравий механизмларнинг жорий этилгани 1.2.1. Коррупция ҳақида хабар беришга мўлжалланган алоқа каналлари 1.2.1.1. Коррупция ҳақида хабар беришга мўлжалланган камида 4 та алоқа канали (масалан, расмий веб-сайт, ижтимоий тармоқлардаги саҳифа, ишонч телефони, электрон манзил)нинг ташкил этилгани, ишчи ҳолатдалиги ва коррупция фактларига доир мурожаатларни кўриб чиқиш натижалари ҳақидаги йиллик ҳисоботнинг ўз расмий веб-сайтида жойлаштирилгани. Изоҳ. Алоқа каналлари тўлиқ, ишчи ҳолатда бўлса ва йиллик ҳисобот ўз расмий веб-сайтида жойлаштирилган бўлса ТБ, аксинча бўлса, Б устунига «х» белгиси қўйилади. Коррупцияга қарши курашиш агентлиги (кейинги ўринларда — Агентлик) томонидан ҳисобот даврида ўтказилган «Қайта алоқанинг сирли мижози» тадбири натижасида тақдимнома киритилган бўлса, 0 балл қўйилади. Ҳисобот даврида коррупцияга оид мурожаатлар келиб тушмаган бўлса, бу ҳақда тасдиқланган (мурожаатлар билан ишлашга масъул бўлинма раҳбари ва коррупцияга қарши ички назорат тузилмаси раҳбари томонидан имзоланиши ва ташкилот муҳри билан тасдиқланиши) маълумот ўз расмий веб-сайтига жойлаштирилади. ТБ 1 балл Б 0 балл Давлат ташкилотининг расмий веб-сайтидаги маълумотлар ҳаволаси илова қилинади. 1.2.2. Кадрларга оид масалаларда коррупцияга қарши курашиш тизимининг жорий этилиши 1.2.2.1. Давлат ташкилотининг расмий веб-сайтида бўш (вакант) иш ўринлари, коррупция хавфи юқори бўлган лавозимлардаги ходимларнинг ротацияси тўғрисидаги эълонлар ва ахборотларнинг мавжудлиги. Изоҳ. Коррупция хавфи юқори бўлган лавозимлардаги ходимларнинг ротацияси тўғрисидаги ахборотлар ҳамда ҳисобот даври давомида ўсиб борувчи тартибда бўш (вакант) иш ўринлари тўғрисидаги эълонларнинг жойлаштирилган санаси кўрсатилган ҳолда ўз расмий веб-сайтида тўлиқ ва муддатида жойлаштирилган бўлса, ТБ, тўлиқ ёки муддатида жойлаштирилмаган бўлса, Б устунига «х» белгиси қўйилади. Бўш (вакант) иш ўринлари тўғрисидаги эълонлар: давлат фуқаролик хизмати татбиқ қилинадиган давлат органлари ва ташкилотлари томонидан вакант лавозим вужудга келгандан сўнг 15 иш кунида; бошқа ташкилотлар томонидан танлов тадбирлари ўтказилишидан камида бир ой олдин ташкилотнинг расмий веб-сайтида жойлаштирилган бўлса, муддатида жойлаштирилган деб баҳоланади. Ҳисобот даврида бўш (вакант) иш ўринлари ва коррупцияга хавфи юқори бўлган лавозимлар мавжуд бўлмаса, 3 балл қўйилади. ТБ 3 балл Б 0 балл Давлат ташкилотининг расмий веб-сайтидаги маълумотлар ҳаволаси илова қилинади 1.2.3. Давлат ташкилотларида манфаатлар тўқнашувини ҳал қилишнинг ташкилий-ҳуқуқий асосларини такомиллаштириш, уларга риоя этилиши юзасидан мониторинг ўтказилишини таъминлаш 1.2.3.1. Ишга қабул қилинаётган номзодлар устидан ўтказилган текширувлар. Изоҳ. Ҳисобот даврида 100 фоиз номзодлар текширилган бўлса, ТБ, 70 — 99 фоизи текширилган бўлса АБ, 30 — 69 фоизи текширилган бўлса, ҚБ, 0 — 29 фоизи текширилган бўлса, Б устунига «х» белгиси қўйилади. ТБ 3 балл АБ 2 балл ҚБ 1 балл Б 0 балл Ишга қабул қилинаётган номзодларни текшириш реестри илова қилинади 1.2.3.2. Манфаатлар тўқнашуви аниқланган ҳолатлар ва уларни тартибга солиш бўйича кўрилган чоралар. Изоҳ. Мазкур индикатор бўйича баллар манфаатлар тўқнашуви аниқланган ҳолатлар ва улар бўйича кўрилган чораларнинг етарлилигидан (тўғрилиги) келиб чиқиб, Агентлик томонидан 0 — 5 балл оралиғида белгиланади. Агар манфаатлар тўқнашуви ҳолатлари мавжуд бўлмаса ва бу ваколатли давлат органлари томонидан «E-Anticor.uz» электрон платформаси орқали ўз тасдиғини топган бўлса, 5 балл қўйилади. Ҳисобот даврида ваколатли давлат органлари томонидан аниқланган манфаатлар тўқнашуви билан боғлиқ ҳолатлар бўйича таъсир кўрсатиш чоралари қўлланган ёки тақдимномалар киритилган бўлса, 0 балл қўйилади. 0 — 5 балл Манфаатлар тўқнашувини ҳисобга олиш реестри, одоб-ахлоқ комиссияси йиғилиши баённомалари нусхалари илова қилинади 1.2.3.3. Контрагентлар устидан ўтказилган текширувлар. Изоҳ. Ҳисобот даврида 100 фоиз контрагентлар текширилган бўлса, ТБ, 70 — 99 фоизи текширилган бўлса, АБ, 30 — 69 фоизи текширилган бўлса, ҚБ, 0 — 29 фоизи текширилган бўлса, Б устунига «х» белгиси қўйилади. Ҳисобот даврида давлат назорати органлари томонидан давлат харидларида манфаатлар тўқнашуви (аффилланганлик) ҳолатлари бўйича таъсир кўрсатиш чоралари қўлланган ёки тақдимномалар киритилган бўлса, лозим даражада текширув ўтказилмаган деб ҳисобланади ҳамда Б устунига «х» белгиси қўйилади. ТБ 3 балл АБ 2 балл ҚБ 1 балл Б 0 балл Ҳисобот даврида тузилган хўжалик шартномалари тўғрисида маълумот, контрагентларни текшириш реестри, текширувлар натижалари бўйича ижобий ва салбий хулосалар нусхаси илова қилинади 1.2.3.4. Давлат ташкилотида совғани қабул қилиш, тасарруф этиш тартибининг амалга оширилганлиги. Изоҳ: Давлат ташкилотида ҳисобот даврида ходимга тақдим этилган совғаларни тасарруф этиш масаласи тўлиқ ҳал этилган ва бу ҳақда ўз расмий веб-сайтида совғалар реестри жойлаштирилган бўлса, ТБ, аксинча бўлса, Б устунига «х» белгиси қўйилади. Ҳисобот даврида ходимлар томонидан қабул қилинган совғалар мавжуд бўлмаса ва бу ҳақда тасдиқланган маълумот ўз расмий веб-сайтига жойлаштирилган бўлса, ТБ устунига «х» белгиси қўйилади. ТБ 1 балл Б 0 балл Давлат ташкилотининг расмий веб-сайтидаги маълумотлар ҳаволаси илова қилинади 1.2.4. Давлат ташкилотлари фаолиятида коррупциянинг олдини олишга доир тадбирларнинг амалга оширилиши юзасидан ушбу ташкилот томонидан кўрилаётган чора-тадбирлар самарадорлигини баҳолаган ҳолда мунтазам равишда мониторинг ўтказиш 1.2.4.1. Коррупцияга қарши курашиш тизимининг ҳолати ҳақидаги ҳисоботларнинг мавжудлиги ва сифатли тўлдирилгани. Изоҳ. Ҳар чорак якуни бўйича кейинги ойнинг биринчи ўн кунлигида Агентликка ҳисоботлар тақдим этиб келинган ва сифатли тўлдирилган бўлса, ТБ, учта чорак якуни бўйича белгиланган муддатда тақдим этилган ва сифатли тўлдирилган бўлса, ҚБ, камида учта чорак якуни бўйича белгиланган муддатда тақдим этилмаган ёки сифатли тўлдирилмаган бўлса, Б устунига «х» белгиси қўйилади. Ҳар чорак якуни бўйича кейинги ойнинг биринчи ўн кунлигида тақдим этилмаган бўлса, баҳолаш жараёнларида ҳисобот тақдим этилмаган деб қаралади. ТБ 3 балл ҚБ 1 балл Б 0 балл Коррупцияга қарши курашиш тизимининг амал қилиши ҳақида умумий ҳисобот ҳамда коррупцияга қарши давлат дастурида назарда тутилган чора-тадбирларнинг ижроси ҳақидаги ҳисобот илова қилинади 1.2.4.2. Коррупцияга қарши тартиб-таомилларнинг самарадорлигини мониторинг ва назорат қилиш бўйича режадаги тадбирларнинг бажарилгани. Изоҳ. Мазкур индикатор бўйича баллар режанинг белгиланган муддатларда тасдиқланганлиги, улардаги тадбирларнинг сифатли ва ўз вақтида бажарилганидан келиб чиқиб, 0 — 5 балл оралиғида белгиланади. Ташкилот раҳбари томонидан ҳисобот даври учун ҳар йили январь ойида тасдиқланган режа асосида қуйидаги йўналишлар бўйича чора-тадбирлар амалга оширилади. Мониторинг тадбирлари йўналиши: идоравий коррупцияга қарши курашиш тизимининг актуаллиги ва унинг қонунчилик талаблари, шу жумладан халқаро стандартлар талабларига мувофиқлиги мониторинги — доимий равишда; ОАВда ташкилот ходимларининг коррупциявий хатти-ҳаракатлари тўғрисидаги ахборот мавжудлиги мониторинги — доимий равишда; ташкилот ходимларининг коррупцияга қарши тамойиллар ва талаблар тўғрисида хабардорлиги мониторинги — ярим йилда 1 марта; Назорат тадбирлари йўналиши: коррупцияга қарши курашиш дастурлари, «йўл хариталари» ижроси устидан назорат — ҳар чоракда; коррупцияга қарши талаблар ва тартиб-таомилларга риоя этилиши устидан назорат — ҳар чоракда. Бунда: Т/р Кўрилган чора Балл 1. Барчаси тўлиқ амалга оширилган бўлса 5 балл 2. Режа белгиланган муддатда тасдиқланган, мониторинг ва назорат тадбирлари ўз вақтида (тўлиқ) ўтказилган, лекин юқоридаги йўналишлар бўйича чора-тадбирларнинг сифатли бажарилишида қисман камчиликларга йўл қўйилган бўлса 3 балл 3. Режа кечиктириб тасдиқланган ёки муддатида тасдиқланган бўлиб, мониторинг ва назорат тадбирлари ўз вақтида ўтказилмаган ёхуд юқоридаги йўналишлар бўйича 2 ва ундан ортиқ чора-тадбирлар сифатли бажарилмаган бўлса 1 балл 4. Режа тасдиқланмаган ёки мониторинг ва назорат тадбирлари тўлиқ ўтказилмаган бўлса 0 балл 0 — 5 балл Режа (ташкилотнинг барча жараёнларини, мониторинг ва назорат қилинадиган даври ва текширув муддатларини ўз ичига олган), коррупцияга қарши тартиб-таомилларнинг самарадорлигини мониторинг ва назорат қилиш журнали ва унинг ижросини тасдиқловчи ҳужжатлар илова қилинади 1.2.4.3. Давлат ташкилоти томонидан молиявий маблағлардан (бюджет, бюджетдан ташқари ва ўз маблағлари) фойдаланиш устидан ички назорат тадбирларининг ўтказилиши ва самарадорлиги. Назорат тадбирлари: ҳисобот даврида камида 2 марта ўтказилиши; ташкилотнинг марказий аппарати томонидан ўтказилиши; бюджетдан ажратиладиган маблағлар, бюджетдан ташқари жамғармалари маблағлари, ўз маблағларидан фойдаланиш билан боғлиқ назорат тадбирлари инобатга олинади. Изоҳ. Мазкур индикатор бўйича баллар Агентлик томонидан, давлат ташкилоти фаолиятида ўз маблағларидан мақсадли фойдаланиш бўйича режа ва режадан ташқари назорат тадбирлари (коррупцияга қарши қабул қилинган ички тартиб-қоидалар ва қонунчилик ҳужжатлари бузилиши) ўтказилгани, уларнинг натижасида аниқланган ҳолатлар (қоидабузарлик тури ва етказилган зарар суммаси), олди олинган ва ундирилган маблағлар (зарар суммалари) ҳамда улар бўйича кўрилган коррупциянинг олдини олиш чораларидан келиб чиқиб, 0 — 5 балл оралиғида белгиланади. Назорат тадбирлари камида 2 марта ўтказилган ҳамда аниқланган ҳолатлар бўйича коррупциянинг олдини олиш чора-тадбирлари тасдиқланиб, улар бўйича вазифалар тўлиқ амалга оширилган бўлса, ТБ, назорат тадбирлари камида 2 марта ўтказилган ҳамда аниқланган ҳолатлар бўйича чора-тадбирлар тасдиқланиб, қисман амалга оширилган бўлса АБ, назорат тадбирлари камида 2 марта ўтказилган ҳамда аниқланган ҳолатлар бўйича чора-тадбирлар тасдиқланиб, амалга оширилмаган бўлса ёки чора-тадбирлар тасдиқланмаган бўлса, ҚБ, назорат тадбирлари камида 2 марта ўтказилмаган ёки назорат тадбирларида ташқи органлар томонидан жиддий молиявий қонунбузарликлар аниқланган бўлса, 0 балл қўйилади. Назорат тадбирлари камида 2 марта ўтказилиб, ҳолатлар аниқланмаган ҳамда ташқи органлар томонидан назорат тадбирлари (текшириш, ўрганиш, мониторинг ва бошқа тадбирлар) ўтказилиб, молиявий қонунбузарлик ҳолатлари аниқланмаганлиги ўз тасдиғини топган бўлса, 4 балл қўйилади. ТБ 5 балл АБ 2 балл ҚБ 1 балл Б 0 балл Назорат тадбирлари натижаси бўйича маълумот (аниқланган ҳолат, ҳар бир ҳолат бўйича қоидабузарлик тури ва етказилган зарар суммаси, олди олинган ва ундирилган зарар суммалари алоҳида кўрсатилади), назорат тадбирлари далолатномалари, аниқланган ҳолатларнинг олдини олиш бўйича тасдиқланган чора-тадбирлар ҳамда уларни амалга оширилганини тасдиқловчи ҳужжатлар илова қилинади 1.2.4.4. Давлат ташкилоти фаолиятида коррупцияга оид жиноятларнинг сабабларини ва уни содир этилишига имкон берган шарт-шароитларни, шу жумладан, маиший коррупцияни бартараф этиш чораларининг кўрилгани. Изоҳ. Агентлик, ҳуқуқни муҳофаза қилувчи органларнинг тақдимномалари, суд органларининг хусусий ажримлар бўйича коррупцияга оид жиноятларнинг сабабларини ва унинг содир этилишига имкон берган шарт-шароитларни бартараф қилиш бўйича таҳлилий маълумот мавжуд бўлса ва улар бўйича зарур чоралар тўлиқ кўрилган бўлса, ТБ, таҳлилий маълумот мавжуд бўлмаса ёки чоралар тўлиқ кўрилмаган бўлса, Б устунига «х» белгиси қўйилади. Агар ҳисобот даврида тақдимномалар, хусусий ажримлар келиб тушмаган бўлса, 1 балл қўйилади. ТБ 2 балл Б 0 балл Давлат ташкилоти фаолиятида коррупцияга оид жиноятларнинг сабабларини ва унинг содир этилишига имкон берган шарт-шароитларни бартараф қилиш бўйича таклифларни ўз ичига олган таҳлилий маълумот ва улар бўйича кўрилган чораларни тасдиқловчи ҳужжатлар илова қилинади 1.2.4.5. Давлат ташкилотида коррупцияга оид жиноятлар ва маъмурий ҳуқуқбузарлик аломатлари мавжуд ҳолатларни аниқлаш кўрсаткичи. Изоҳ. Қуйидаги формула орқали аниқланади: А / (А+Б) *100 Бунда А — давлат ташкилоти томонидан аниқланиб, тегишли ташкилотларга юборилган ҳолатлар сони, Б — бошқа ташкилотларнинг маълумотлари асосида аниқланган ҳолатлар сони. Агар бошқа ташкилотлар томонидан ҳолатлар аниқланмаган бўлса, 3 балл берилади. Давлат ташкилоти томонидан аниқланган ҳолатларнинг бошқа ташкилотлар томонидан аниқланган ҳолатлар сонига нисбати 100 фоиз бўлса, ТБ, 70-99 фоиз бўлса, АБ, 30-69 фоиз бўлса, ҚБ, 0-29 фоиз бўлса, Б устунига «х» белгиси қўйилади. ТБ 3 балл АБ 2 балл ҚБ 1 балл Б 0 балл Давлат ташкилоти томонидан ва бошқа ташкилотларнинг маълумотлари асосида аниқланган коррупцияга оид жиноят ва маъмурий ҳуқуқбузарликлар аломатлари мавжуд ҳолатлар сони ва тегишли ташкилотларга юборилган асос ҳужжатлар тўғрисида маълумот, хизмат текширувлари реестри нусхаси илова қилинади 1.2.4.6. Коррупцияга қарши курашишга оид одоб-ахлоқ қоидалари бузилиш ҳолатларининг давлат ташкилоти томонидан аниқланиш кўрсаткичи. Изоҳ. Қуйидаги формула орқали аниқланади: А / (А+Б) *100 Бунда А — давлат ташкилоти томонидан аниқланиб, интизомий жазога тортилган ҳолатлар сони, Б — бошқа ташкилотларнинг маълумотлари асосида аниқланиб, интизомий жазога тортилган ҳолатлар сони. Агар бошқа ташкилотлар томонидан ҳолатлар аниқланмаган бўлса, 3 балл берилади. Давлат ташкилоти томонидан аниқланиб, интизомий жазога тортилган ҳолатларнинг бошқа ташкилотлар томонидан аниқланиб, интизомий жазога тортилган ҳолатлар сонига нисбати 100 фоиз бўлса, ТБ, 70-99 фоиз бўлса, АБ, 30-69 фоиз бўлса, ҚБ, 0-29 фоиз бўлса, Б устунига «х» белгиси қўйилади. Одоб-ахлоқ қоидалари бузилиши интизомий қилмиш аниқланган санадан эмас, балки интизомий жазо қўлланиши тасдиқланган санадан бошлаб татбиқ этилади. ТБ 3 балл АБ 2 балл ҚБ 1 балл Б 0 балл Давлат ташкилотида коррупцияга қарши курашишга оид интизомий жазо чоралари қўлланган ҳолатлар (давлат ташкилоти ва бошқа ташкилотларнинг маълумотлари асосида аниқланган ҳолатлар кесимида) сони ва интизомий жазо чоралари қўлланган ходимлар тўғрисида кадрлар бўлими томонидан тасдиқланган маълумот, хизмат текширувлари реестри нусхаси илова қилинади 1.2.4.7. Коррупцияга қарши курашиш соҳасидаги давлат ташкилоти фаолиятининг самарадорлигини ўрганиш мақсадида ходимлар ўртасида аноним сўровномалар ўтказилгани ва натижалари коррупцияга қарши идоравий режаларда акс эттирилгани. Ташкилот ўз фаолиятининг самарадорлигини баҳолаш учун ходимлар ўртасида ҳар йили камида бир маротаба қуйидаги йўналишлар бўйича аноним сўровнома ўтказиши лозим: коррупциянинг олдини олишга қаратилган механизмларнинг самарадорлиги; ташкилот раҳбарларининг коррупцияга қарши муросасиз муносабатини кўрсатувчи хатти-ҳаракатлари ва иродасининг мавжудлиги; аҳоли ва давлат хизматчиларининг коррупцияга қарши ҳуқуқий онги ва ҳуқуқий маданиятини юксалтиришга қаратилган тадбирларнинг самарадорлиги; коррупция ҳақида хабар берган ходимларни ҳимоя қилиш кафолати етарлилиги. Изоҳ. Сўровнома барча йўналишлар бўйича ўтказилиб, унинг натижалари коррупцияга қарши идоравий режаларда акс эттирилган ва ҳисобот ўз расмий веб-сайтида мавжуд бўлса, ТБ, барча йўналишлар бўйича ўтказилмаган ёки коррупцияга қарши идоравий режаларда акс эттирилмаган ёхуд ҳисобот ўз расмий веб-сайтида мавжуд бўлмаса, Б устунига «х» белгиси қўйилади. ТБ 2 балл Б 0 балл Сўровнома натижалари акс эттирилган коррупцияга қарши идоравий режалар, расмий веб-сайтидаги ҳисобот ҳаволаси илова қилинади Иккинчи йўналиш Коррупциявий хавф-хатарларни аниқлаш, баҳолаш ва уларни камайтириш бўйича тадбирларнинг амалга оширилгани (жами — 25 балл) Индикаторлар Баллар 2.1. Давлат ташкилотининг функция ва вазифаларида коррупциявий хавф-хатарларни аниқлаш бўйича баҳолаш ўтказилганлиги. Изоҳ. Кўрилган чоралардан келиб чиқиб, қуйидаги 3 та босқичда баҳоланади: 1. Биринчи босқич қуйидаги устувор чоралар бўйича амалга оширилган ишлардан келиб чиқиб, 0 — 6 балл оралиғида баҳоланади: вазифа ва функциялар билан боғлиқ юзага келиши мумкин бўлган коррупциявий хавф-хатар даражаси холис баҳолангани; барча вазифа ва функциялар тўлиқ қамраб олингани; коррупциявий хавф-хатарларни бартараф этиш бўйича чоралар сифатли (аниқ ва манзилли) белгилангани. Бунда Т/р Кўрилган чора Балл 1. Барчаси амалга оширилган бўлса 6 балл 2. Вазифа ва функциялар билан боғлиқ юзага келиши мумкин бўлган коррупциявий хавф-хатар даражаси холис баҳоланган, барча вазифа ва функциялар тўлиқ қамраб олинган, лекин коррупциявий хавф-хатарларни бартараф этиш бўйича чоралар сифатли (аниқ ва манзилли) белгиланмаган бўлса 4 балл 3. Барча вазифа ва функциялар тўлиқ қамраб олинган, коррупциявий хавф-хатарларни бартараф этиш бўйича чоралар сифатли (аниқ ва манзилли) белгиланган бўлса, лекин вазифа ва функциялар билан боғлиқ юзага келиши мумкин бўлган коррупциявий хавф-хатар даражаси холис баҳоланмаган бўлса 3 балл 4. Вазифа ва функциялар билан боғлиқ юзага келиши мумкин бўлган коррупциявий хавф-хатар даражаси холис баҳоланган, коррупциявий хавф-хатарларни бартараф этиш бўйича чоралар сифатли (аниқ ва манзилли) белгиланган, лекин барча вазифа ва функциялар тўлиқ қамраб олинмаган бўлса 2 балл 5. 1 таси бўйича тўлиқ амалга оширилган ёки Агентликнинг огоҳлантириш /тақдимномаси киритилгандан сўнг юқоридаги мезонлар бўйича тўлиқ ёки қисман амалга оширилган бўлса 1 балл 6. Амалга оширилмаган бўлса 0 балл 2. Иккинчи босқич қуйидаги чоралар бўйича амалга оширилган ишлардан келиб чиқиб, 0 — 3 балл оралиғида баҳоланади: вазифа ва функциялар билан боғлиқ юзага келиши мумкин бўлган коррупциявий хавф-хатарнинг тавсифи тўлиқ ва аниқ ёритилгани; функцияларни (жараёнларни) амалга оширишга оид лавозимлар ва тартибга солувчи механизмлар тўлиқ акс эттирилгани; коррупциявий хавф-хатарни бартараф этиш чораларини амалга оширишга масъул ижрочилар тўлиқ қамраб олингани ва муддатлари аниқ белгилангани. Бунда чораларнинг барчаси тўлиқ амалга оширилган бўлса, 3 балл, 2 таси амалга оширилган бўлса, 2 балл, 1 таси амалга оширилган бўлса, 1 балл, амалга оширилмаган бўлса, 0 балл қўйилади. 3. Учинчи босқичда давлат ташкилотининг коррупциявий хавф-хатари юқори бўлган лавозимлари рўйхати сифатли ва тўлиқ шакллантирилган бўлса, 1 балл, сифатли ва тўлиқ бўлмаса 0 балл қўйилади. 0 — 10 балл Давлат ташкилотининг умумлаштирилган коррупциявий хавф-хатарлар харитаси, давлат ташкилотининг коррупциявий хавф-хатари юқори бўлган лавозимлари рўйхати илова қилинади 2.2. Аниқланган коррупциявий хавф-хатарларни камайтириш бўйича кўрилган чоралар. Изоҳ. Мазкур индикатор бўйича баллар аниқланган хавф-хатар ва минималлаштириш учун кўрилган чоралар табиатидан келиб чиқиб, Агентлик томонидан 0 — 15 балл оралиғида белгиланади. 0 — 15 балл Давлат ташкилотининг коррупцияга қарши курашиш бўйича дастури ва унинг бандлари ижросини тасдиқловчи ҳужжатлар илова қилинади Учинчи йўналиш Давлат ташкилотлари раҳбарларининг коррупцияга қарши муросасиз муносабатини кўрсатувчи хатти-ҳаракатларининг мавжудлиги (жами — 10 балл) 3.1. Давлат ташкилоти раҳбарининг ходимлар ва жамоатчилик учун коррупцияга қарши курашишга оид мурожаатининг мавжудлиги, ҳайъат йиғилишлари ва бошқа йиғилишларда коррупцияга қарши курашиш ҳолатларининг ярим йилда камида 1 марта танқидий кўриб чиқилгани. Изоҳ. Мавжуд бўлса, ТБ, мавжуд бўлмаса, Б устунига «х» белгиси қўйилади. ТБ 2 балл Б 0 балл Давлат ташкилотининг расмий веб-сайтида мурожаат эълон қилинган манба ҳаволаси, тегишли ҳайъат йиғилишлари ва бошқа йиғилишлар баённомаси илова қилинади 3.2. Коррупцияга қарши курашиш бўйича қонунчиликда белгиланган минимал мезонлар асосида ички назорат тузилмаси (ёки масъул лавозими) ташкил этилгани, унинг мустақиллиги, зарур ресурслар билан таъминлангани. Изоҳ. Мазкур индикатор бўйича баллар Агентлик томонидан, коррупцияга қарши курашиш бўйича ички назорат тузилмалари (ёки масъул лавозимлари) орасида электрон платформада тўлдириладиган чек-лист натижаларидан келиб чиқиб, 0 — 6 балл оралиғида белгиланади. Баллар қуйидагича тақсимланади: 1. Минимал мезонларга асосан ташкилотнинг марказий аппарати, ҳудудий бўлинмалари ва таркибий ташкилотларида коррупцияга қарши ички назорат тузилмалари (ёки масъул лавозимлари) тўлиқ ташкил этилган бўлса, 4 балл, қисман ташкил этилган бўлса 2 балл, ташкил этилмаган бўлса 0 балл. 2. Минимал мезонлар асосида тўлиқ ташкил этилиб, мустақиллиги (бевосита ташкилотнинг биринчи раҳбарига (кузатув кенгашига) бўйсунуви ва ҳисобдорлиги, функционал жиҳатдан бошқа тузилмаларга боғлиқ эмас) тўлиқ таъминланган бўлса, 1 балл, акс ҳолда 0 балл. 3. Минимал мезонлар асосида тўлиқ ташкил этилиб, зарур ресурслар (техник, ташкилий ва инсоний ресурслар) билан тўлиқ таъминланган бўлса, 1 балл, акс ҳолда 0 балл. 0 — 6 балл Электрон платформада чек-лист тўлдирилади 3.3. Давлат ташкилоти раҳбари ва уларнинг ўринбосарларининг коррупцияга мойил соҳаларни такомиллаштириш, ҳалолликни тарғиб қилиш, манфаатдор томонлар билан мулоқотни йўлга қўйишдаги шахсий фаоллиги. Давлат ташкилоти раҳбарияти (раҳбар ва ўринбосарлар) томонидан қуйидаги шаклларда шахсий иштирок ва етакчилик фаолияти амалга оширилган бўлиши лозим: коррупцияга мойил жараёнлар бўйича ишчи гуруҳ (комиссия) ташкил этилиши ва бевосита раҳбарлик қилиш; ички ходимлар билан ҳалоллик, одоб-ахлоқ қоидалари, манфаатлар тўқнашуви ва коррупциянинг олдини олиш масалалари юзасидан мунтазам учрашувлар ўтказилиши; ташқи манфаатдор томонлар (ОАВ, жамоатчилик, ННТ) билан очиқ мулоқот ташкил этилиши; коррупция ҳақида хабар беришни тарғиб қилиниши ва хабар берган ходимларнинг рағбатлантирилиши; коррупцияга қарши ташвиқот ишларининг (веб-сайтдаги эълонлар, мақолалар ва бошқалар) олиб борилиши. Изоҳ. Камида тўрт шаклда амалга оширилган ва бу фаолият далиллар билан тасдиқланган бўлса, ТБ, уч ёки икки шаклда амалга оширилган ва бу фаолият далиллар билан тасдиқланган бўлса, АБ, икки шаклдан кам бўлса, Б устунига «х» белгиси қўйилади. ТБ 2 балл АБ 1 балл Б 0 балл Тасдиқловчи ҳужжатлар илова қилинади Тўртинчи йўналиш Ходимларнинг коррупцияга қарши курашишга оид ички тартиб-таомиллардан хабардорлиги ҳамда ушбу соҳада билим ва кўникмаларини ошириш бўйича тадбирларнинг амалга оширилгани (жами — 15 балл) 4.1. Ходимларнинг коррупцияга қарши курашиш бўйича ички тартиб-таомиллардан хабардорлиги 4.1.1. Ходимларнинг коррупцияга қарши курашиш бўйича ички идоравий ҳужжатлар ва коррупцияга қарши шартлар билан меҳнат шартномасида танишганлик ҳолати. Изоҳ. Барча ходимлар таништирилган бўлса, ТБ, 70 — 99 фоизи таништирилган бўлса, АБ, 30 — 69 фоизи таништирилган бўлса, ҚБ, 0 — 29 фоизи таништирилган бўлса, Б устунига «х» белгиси қўйилади. ТБ 5 балл АБ 2 балл ҚБ 1 балл Б 0 балл Коррупцияга қарши ички идоравий ҳужжатлар ва коррупцияга қарши шартлар билан меҳнат шартномасида танишганини имзоси билан тасдиқлаган ходимлар рўйхати илова қилинади** 4.2. Ходимларнинг коррупцияга қарши курашиш соҳасида билим ва кўникмаларини оширишга қаратилган тадбирларнинг амалга оширилгани 4.2.1. Ҳисобот йилида ходимларнинг коррупцияга қарши курашиш бўйича махсус ўқув курсларида ўқитилгани. Изоҳ. Барча ходимлар, коррупцияга қарши ички назорат тузилмалари ва коррупциявий хавф-хатарлар юқори бўлган лавозимларда фаолият кўрсатувчи ходимлар тўлиқ ўқитилиб, махсус ўқув курсини муваффақиятли тамомлаган ходимлар 100 фоиз бўлса, ТБ, 80 — 99 фоиз бўлса, АБ, 40 — 79 фоиз бўлса, ҚБ, 0 — 39 фоиз бўлса, Б устунига «х» белгиси қўйилади. Бунда ҳар уч йилда камида бир марта малакаси оширилиши лозим бўлган давлат хизмати лавозимларида фаолият кўрсатувчи ходимлар сони Агентлик ҳамда Ҳуқуқни муҳофаза қилиш академияси билан тасдиқланган йиллик ўқитиш режа-графиги асосида махсус ўқув курсини муваффақиятли тамомлаган ходимлар улушидан келиб чиқиб ҳисобланади. ТБ 3 балл АБ 2 балл ҚБ 1 балл Б 0 балл Ҳисобот йилида махсус ўқув курсини муваффақиятли тугатган ходимларнинг кадрлар бўлими томонидан тасдиқланган рўйхати (ходимлар Ф.И.О., уларнинг лавозими ва бўлинмалари, ўқитилган санаси, сертификат рақами) жадвал шаклида илова қилинади 4.2.2. Ишга янги қабул қилинган ходимларнинг коррупцияга қарши курашиш бўйича махсус ўқув курсида ўқитилгани. Изоҳ. Ишга қабул қилинган ходимлар тўлиқ ўқитилган бўлса, ТБ, тўлиқ бўлмаса, Б устунига «х» белгиси қўйилади. ТБ 2 балл Б 0 балл Ишга янги қабул қилинган ходимларнинг коррупцияга қарши курашиш бўйича махсус ўқув курсида ўқитилгани тўғрисида кадрлар бўлими томонидан тасдиқланган рўйхат (ходимларнинг Ф.И.О., уларнинг лавозими, бўлинмалари, ишга қабул қилинган ва ўқитилган санаси, сертификат рақами) жадвал шаклида илова қилинади 4.2.3. Коррупцияга қарши курашиш масалалари бўйича тренинглар ўтказиш: барча ходимлар учун; коррупциявий хавф юқори даражада бўлган функцияларни бажарувчи бўлинмалар учун. Изоҳ: ходимларнинг 70 — 100 фоизи ўқитилган бўлса, ТБ, 50 — 69 фоизи ўқитилган бўлса, АБ, 30 — 49 фоизи ўқитилган бўлса, ҚБ, 0 — 29 фоизи ўқитилган бўлса, Б устунига «х» белгиси қўйилади. ТБ 5 балл АБ 3 балл ҚБ 2 балл Б 0 балл Кадрлар бўлими томонидан тасдиқланган ўқитиш турлари, шакллари, ўқитилган ходимлар сони ҳамда уларнинг лавозими ва бўлинмалари рўйхати жадвал шаклида ва уларни тасдиқловчи баённомалар илова қилинади Бешинчи йўналиш Коррупцияга қарши курашиш бўйича тегишли соҳа ёки тармоқ кесимида аҳолининг ҳуқуқий онги ва ҳуқуқий маданиятини юксалтириш, ушбу иллатга нисбатан муросасиз муносабатни шакллантиришга қаратилган тарғибот тадбирларининг самарадорлиги (жами — 8 балл) 5.1. Коррупцияга қарши курашиш мавзусида ташкил этилган тадбирлар сони ва уларнинг қамров даражаси. Изоҳ. Мазкур индикаторда олдинги ҳисобот йилидаги кўрсаткичлар сони таққосланади. Бунда ўтказилган тадбирлар сони ва қамров даражасида (иштирокчилар сони) ижобий фарқ бўлса ёки ўзгариш бўлмаса, ТБ, тадбирлар сони ёки қамров даражасида (иштирокчилар сони) камайиш бўлса, Б устунига «х» белгиси қўйилади. Бунда давлат хизматчилари учун ташкил этилган тадбирлар (семинар, тренинг, йиғилиш ва бошқалар) бу индикаторга киритилмайди. ТБ 2 балл Б 0 балл Статистик маълумотлар, тадбир баённомалари, расмий веб-сайтидаги ҳаволалари илова қилинади 5.2. Коррупциянинг олдини олишга қаратилган кўргазмали ахборот материаллари (видеоролик, инфографика ва бошқалар) ва методик қўлланмалар ишлаб чиқилгани. Давлат ташкилоти томонидан ўз фаолияти доирасида: рақамлаштириш, инсон омилини камайтириш, очиқ давлат хизматлари, манфаатлар тўқнашувининг олдини олиш ва коррупцияни профилактика қилишга оид йўналишларда; видеоролик, инфографика, электрон брошюра, плакат, методик қўлланма каби кўргазмали материаллар ишлаб чиқилган ва янгиланган бўлиши; улар ташкилот расмий веб-сайтида махсус рукн остида жойлаштирилган бўлиши лозим. Изоҳ. Мазкур индикаторда олдинги ҳисобот йилидаги кўрсаткичлар сони таққосланади. Бунда ишлаб чиқилган материаллар сонида ижобий фарқ бўлса ёки ўзгариш бўлмаса ҳамда улар тўлиқ ташкилотнинг ўз расмий веб-сайтида жойлаштирилган бўлса, ТБ, материаллар сони ўзгармаган, лекин сайтга тўлиқ жойлаштирилмаган бўлса, АБ, тарқатилган материаллар сонида камайиш бўлса ёки ўз расмий веб-сайтида жойлаштирилмаган бўлса, Б устунига «х» белгиси қўйилади. Ҳар бир материал: номи, мавзуси, санаси, аудиторияси, файл нусхаси ёки ҳавола билан ҳужжатлаштирилади. Баҳолашда «фаолиятга оидлик» ва «ахборот яроқлилиги» мезонлари ҳам ҳисобга олинади. Агар ташкилот фаолиятида фақат ички ходимларга мўлжалланган материаллар мавжуд бўлса — улар ҳисобга олинмайди. ТБ 2 балл АБ 1 балл Б 0 балл Статистик маълумотлар, ҳар бир материал бўйича ҳужжатлар, давлат ташкилотининг расмий веб-сайтидаги материаллар ҳаволаси илова қилинади 5.3. Аҳоли ва кенг жамоатчилик фикрини ўрганиш орқали давлат ташкилотининг коррупцияга қарши курашиш самарадорлигини баҳолаш мақсадида сўровнома ўтказилгани ва натижалари бўйича таклифлар ишлаб чиқилгани. Давлат ташкилоти томонидан ҳар йили икки марта (ярим йиллик асосда) қуйидаги йўналишлар бўйича сўровнома ўтказилиши лозим: ташкилот фаолиятида коррупция хавфи бўйича жамоатчилик фикри; аҳолининг ишонч даражаси; хабар бериш имконияти, ходимларнинг одоб-ахлоқ даражаси, хизматлар сифати; коррупциянинг олдини олиш чоралари самарадорлиги бўйича таклифларни ишлаб чиқиш. Изоҳ. Ҳар ярим йилда камида бир марта сўровнома ўтказилиб, натижалари бўйича таклифлар ишлаб чиқилган, ҳисобот эса ўз расмий веб-сайтида жойлаштирилган бўлса, ТБ, ҳар ярим йилда бир марта ўтказилмаган ёки таклифлар ишлаб чиқилмаган ёхуд унинг натижалари бўйича ҳисобот ўз расмий веб-сайтида жойлаштирилмаган бўлса, Б устунига «х» белгиси қўйилади. ТБ 2 балл Б 0 балл Сўровнома натижалари бўйича таклифларни ўз ичига олган ҳисоботнинг ўз расмий веб-сайтидаги ҳаволаси илова қилинади 5.4. Жамиятда коррупцияга нисбатан муросасиз муносабатни шакллантириш соҳасида нодавлат нотижорат ташкилотлари ва фуқаролик жамиятининг бошқа институтлари билан ижтимоий шериклик доирасидаги ҳамкорлигининг мавжудлиги. Изоҳ. Мавжуд бўлса, ТБ, мавжуд бўлмаса, Б устунига «х» белгиси қўйилади. ТБ 2 балл Б 0 балл Маълумотлар ва материаллар ҳаволаси илова қилинади

(vii) 2-илованинг матни қуйидаги таҳрирда баён этилсин:

«Коррупцияга қарши курашиш ишларининг самарадорлигини рейтинг баҳолашни амалга ошириш

Босқичлар Масъуллар Амалга ошириладиган тадбирлар Муддатлар 1-босқич Коррупцияга қарши курашиш агентлиги (Агентлик) 1. Рейтинг баҳолашдан ўтказиладиган давлат органлари ва ташкилотлари, шу жумладан, маҳаллий давлат ҳокимияти органлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятлари (кейинги ўринларда — давлат ташкилотлари) рўйхатини тузади. 2. Рўйхатга киритилган давлат ташкилотларига «E-Anticor.uz» электрон платформаси орқали тегишли маълумотларни киритиш тўғрисида хат киритади. Ҳар йили 5 январга қадар 2-босқич Давлат ташкилотлари «E-Anticor.uz» электрон платформаси орқали Коррупцияга қарши курашиш ишларининг самарадорлигини рейтинг баҳолаш йўналишлари ва индикатор кўрсаткичлари жадвалини тўлдириш орқали маълумот киритиб боради. Ҳар ярим йилликда (10 июлга қадар) 3-босқич Агентлик 1. Давлат ташкилотлари томонидан «E-Anticor.uz» электрон платформасига киритилган маълумотларни таҳлил қилиб боради. 2. Якуний рейтинг баҳолаш натижаларига кўра коррупцияга қарши курашиш самарадорлиги «қониқарсиз» деб топилиши мумкин бўлган давлат органларига тавсиялар киритади, уларга услубий жиҳатдан кўмаклашади. Мунтазам равишда 4-босқич Давлат ташкилотлари «E-Anticor.uz» электрон платформаси орқали йиллик (олдинги йилнинг 1 январидан баҳоланиш ўтказилаётган йилнинг 1 январига қадар) маълумотларни киритади. Ҳар йили 10 январдан кечиктирмасдан 5-босқич Агентлик Йиллик маълумотлар киритилгандан кейин танлов асосида тегишли давлат ташкилотлари маълумотларининг ҳаққонийлигини ўрганади. Ҳар йили 1 февралга қадар 6-босқич Агентлик Шакллантирилган дастлабки рейтинг баҳолаш натижаларини Рейтинг баҳолашни мустақил амалга оширувчи экспертлар гуруҳи (кейинги ўринларда — Экспертлар гуруҳи)га тақдим этади. Ҳар йили 5 февралга қадар 7-босқич Экспертлар гуруҳи Агентлик томонидан шакллантирилган дастлабки рейтинг баҳолаш натижаларини кўриб чиқади ва қуйидагилардан бирини Агентликка тақдим этади: дастлабки рейтинг баҳолаш натижаларини ўзгаришсиз қолдириш ёки қисман ўзгартириш ҳақида хулоса; муқобил рейтинг баҳолаш натижалари. Ҳар йили 15 февралга қадар 8-босқич Агентлик 1. Экспертлар гуруҳи хулосаси (ёки муқобил рейтинг баҳолаш натижаси)ни пухта таҳлил қилади ва унга кўра дастлабки рейтингни ўзгартириш ёки ўзгартирмаслик ҳақида қарор қабул қилади. 2. Ҳар бир давлат ташкилотига унинг рейтинг баҳолаш натижаси ҳақидаги маълумотни юборади. Ҳар йили 20 февралга қадар Давлат ташкилотлари 3. Давлат ташкилотлари ўз рейтинг баҳолаш натижаларини кўриб чиқади, таклиф ва эътирозларини Агентликка юборади. Ҳар йили 25 февралга қадар 4. Агентлик давлат ташкилотлари томонидан тақдим этилган таклиф ва эътирозларни пухта таҳлил қилади ва рейтинг баҳолашни ўзгартириш ёки ўзгартирмаслик ҳақида қарор қабул қилади. Ҳар йили 1 мартга қадар 9-босқич Агентлик Якуний рейтинг натижаларини Коррупцияга қарши курашиш бўйича миллий кенгашга киритади ҳамда ўз расмий веб-сайти ва оммавий ахборот воситалари орқали эълон қилади. Ҳар йили 1 март 10-босқич Агентлик 1. Рейтинг баҳолаш натижаларига кўра коррупцияга қарши курашиш самарадорлиги «қониқарли» деб топилган давлат ташкилотларига самарадорликни янада ошириш бўйича тавсиялар киритади. Ҳар йили 15 мартга қадар Давлат ташкилотлари 2. Агентлик томонидан киритилган тавсиялар ижроси бўйича маълумотларни «E-Anticor.uz» электрон платформасига киритиб боради. Белгиланган муддатларда 11-босқич Давлат ташкилотлари Агентлик 1. Коррупцияга қарши курашиш самарадорлиги «қониқарсиз» деб топилган давлат ташкилотлари коррупцияга қарши курашиш самарадорлигини оширишга қаратилган чора-тадбирлар дастурини ишлаб чиқади ва уни Агентлик билан келишилган ҳолда тасдиқлайди. Ҳар йили 20 мартга қадар 2. Тасдиқланган чора-тадбирлар дастурини амалга ошириш чораларини кўради. Белгиланган муддатларда » .

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 30 декабрь,

ПФ-270-сон

(Қонунчилик маълумотлари миллий базаси, 30.12.2025 й., 06/25/270/1252-сон)

lex.uz

Oʻzbekiston Respublikasi Prezidentining

Farmoni

CHORA-TADBIRLAR REJASI

ROʻYXATI

ROʻYXATI

NIZOM

BAHOLASH MEZONLARI

BAHOLASH MEZONLARI

TUZILMASI

REYTING BAHOLASH YOʻNALISHLARI VA INDIKATOR KOʻRSATKICHLARI

SXEMASI

Oʻzbekiston Respublikasida korrupsiyaning oldini olish va unga qarshi kurashish tizimini yanada takomillashtirish toʻgʻrisida

Korrupsiyaning oldini olish va unga qarshi kurashish sohasidagi davlat siyosatini izchil davom ettirish, mamlakatimizning xalqaro reyting va indekslardagi pozitsiyasini yanada yaxshilash hamda Oʻzbekiston Respublikasi Korrupsiyaga qarshi kurashish agentligining faoliyatini yangi bosqichga koʻtarish maqsadida qaror qilaman:

I. Ustuvor yoʻnalishlar

1. Quyidagilar korrupsiyaning oldini olish va unga qarshi kurashish sohasidagi davlat siyosatini sifat jihatidan yangi bosqichga koʻtarishning 2030-yilgacha boʻlgan ustuvor yoʻnalishlari etib belgilansin:

(a) davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlari (keyingi oʻrinlarda — davlat organlari va tashkilotlari)da korrupsiyaga qarshi kurashishning professional va samarali tizimini tashkil etish;

(b) korrupsiya oqibatlari bilan kurashishdan koʻra korrupsiyaviy omillarni barvaqt aniqlash va preventiv mexanizmlarni joriy etish orqali tizimli korrupsiyaviy holatlarni oldini olish;

(v) raqamli texnologiyalar, shu jumladan, sunʼiy intellektni joriy qilishni hamda ulardan samarali foydalanishni kengaytirish;

(g) davlat organlari va tashkilotlari faoliyatida ochiqlik siyosatini izchil davom ettirish va muntazam takomillashtirib borish.

2. Korrupsiyaning oldini olish va unga qarshi kurashish sohasidagi davlat siyosatini amalga oshirishning sifat jihatidan yangi bosqichga koʻtarishga qaratilgan chora-tadbirlar rejasi 1-ilovaga muvofiq tasdiqlansin.

II. Korrupsiya omillarini aniqlash va bartaraf etish samaradorligini oshirish

3. Oʻzbekiston Respublikasi Korrupsiyaga qarshi kurashish agentligiga (keyingi oʻrinlarda — Agentlik) korrupsiyaga qarshi kurashish sohasida preventiv mexanizmlarni joriy etishga qaratilgan quyidagi qoʻshimcha vazifalar yuklatilsin:

(a) korrupsiyani oldini olish boʻyicha davlat organlari va tashkilotlarida yagona huquqni qoʻllash amaliyotini shakllantirish hamda uslubiy yordam koʻrsatib borish;

(b) davlat organlari va tashkilotlarida korrupsiyaga qarshi Milliy sertifikatlashtirish menejment tizimini joriy etish;

(v) amaldagi normativ-huquqiy hujjatlarni korrupsiyaga qarshi ekspertizadan oʻtkazish va ulardagi korrupsiyaviy xavf-xatarlarni bartaraf qilish borasidagi faoliyatni muvofiqlashtirish;

(g) davlat organlari va tashkilotlarining korrupsiyaviy xavf-xatar darajasi yuqori boʻlgan vazifa va funksiyalarini raqamlashtirish boʻyicha takliflar va minimal talablarni ishlab chiqish;

(d) “E-qaror” tizimida qabul qilinadigan hujjatlarni eʼlon qilishda ochiqlikka oid qonunchilikka rioya etilishini nazorat qilish va ochiqlikni taʼminlash boʻyicha taʼsirchan choralarni qoʻllash;

(j) xalqaro moliya institutlari va xorijiy hukumat moliya tashkilotlari mablagʻlari hisobidan moliyalashtiriladigan loyihalar boʻyicha qarorlar qabul qilishda korrupsiyaviy omillar, shu jumladan, manfaatlar toʻqnashuvini aniqlash hamda oldini olish.

4. Belgilansinki, davlat organlari va tashkilotlaridagi korrupsiyaga qarshi ichki nazorat boʻlinmalarining faoliyati Agentlik bilan uzviy hamkorlikda tashkil etiladi. Bunda:

(a) korrupsiyaga qarshi ichki nazorat boʻlinmalarining oʻz zimmasiga yuklatilgan vazifalar va funksiyalarni amalga oshirishga oid faoliyati Agentlik tomonidan muvofiqlashtiriladi;

(b) korrupsiyaga qarshi ichki nazorat boʻlinmalari va ular xodimlarining vazifalari, funksiyalari va javobgarligi Agentlik bilan kelishilgan holda ish beruvchi tomonidan tasdiqlanadi;

(v) korrupsiyaga qarshi ichki nazorat boʻlinmalari xodimlari zimmasiga ularning vazifalari va funksiyalari bilan bogʻliq boʻlmagan topshiriqlar yuklatilishiga yoʻl qoʻyilmaydi;

(g) korrupsiyaga qarshi ichki nazorat boʻlinmalarining rahbar va xodimlari faoliyatiga samaradorlik koʻrsatkichlari (KPI) qoʻllanilmaydi, bunda:

(i) samaradorlik koʻrsatkichlaridan (KPI) kelib chiqadigan ustamalar tegishli lavozim uchun belgilangan maksimal miqdorda tatbiq etiladi;

(ii) ustamalar miqdorini pasaytirish masalasi Agentlik roziligi bilan hal etiladi;

(d) korrupsiyaga qarshi ichki nazorat boʻlinmalarining xodimlarini intizomiy javobgarlikka tortish Agentlik bilan kelishilgan holda amalga oshiriladi;

(j) korrupsiyaga qarshi ichki nazorat boʻlinmalari xodimlari davlat organlari va tashkilotlarining oʻz mablagʻlari hisobidan Agentlik tomonidan tasdiqlanadigan reja-jadvalga asosan maxsus oʻquv kurslarida oʻqitiladi.

5. Belgilansinki, korrupsiyaga qarshi ichki nazorat boʻlinmalarining masʼul lavozimlariga nisbatan ish tajribasi va kasbiy kompetensiyasiga doir quyidagi minimal talablar joriy etiladi:

(a) yurisprudensiya, iqtisodiyot, moliya, soliq, audit, tizimli tahlil, menejment yoki axborot texnologiyalari mutaxassisliklari boʻyicha oliy maʼlumot;

(b) korrupsiyaga qarshi ichki nazorat boʻlinmasi boshligʻi lavozimi uchun mutaxassisligi boʻyicha kamida 4 yillik, boshqaruv xodimlari uchun 3 yillik ish staji. Bunda komplayens va korrupsiyaga qarshi kurashish yoʻnalishidagi ish stajiga ustuvorlik beriladi;

(v) korrupsiyaga qarshi kurashish sohasida maxsus oʻquv kurslaridan oʻtganlik toʻgʻrisida sertifikatga ega boʻlish. Sertifikatga ega boʻlgan mutaxassislar Agentlikda yuritiladigan korrupsiyaga qarshi ichki nazorat boʻlinmalariga nomzodlar zaxirasiga kiritiladi.

6. 2026-yil 1-iyuldan boshlab davlat organlari va tashkilotlarida 2030-yilgacha bosqichma-bosqich korrupsiyaga qarshi Milliy sertifikatlashtirish menejment tizimi joriy etiladi. Bunda:

(a) ushbu tizim birinchi navbatda Korrupsiyaga qarshi kurashish ishlarining samaradorligini reyting baholash tizimi natijalariga koʻra “qoniqarsiz” deb baholangan davlat organlari va tashkilotlarida joriy etiladi;

(b) davlat organlari va tashkilotlarida Milliy sertifikatlashtirish menejment tizimini joriy etish Agentlik tomonidan tasdiqlanadigan reja-grafikka muvofiq bosqichma-bosqich amalga oshiriladi;

(v) Milliy sertifikatlashtirish menejment tizimining belgilangan muddatlarda joriy etilmaganligi davlat organi yoki tashkiloti rahbari va oʻrinbosarlariga tizim joriy etilgunga qadar boʻlgan muddatda barcha ragʻbatlantirish toʻlovlari toʻxtatib turilishiga sabab boʻladi.

7. Agentlikka quyidagi huquqlar berilsin:

(a) korrupsiyaviy xavf-xatar va huquqbuzarlik darajasi yuqori boʻlgan davlat organlari va tashkilotlarining korrupsiyaga qarshi ichki nazorat boʻlinmalari tuzilmasiga qoʻshimcha shtat birliklarini koʻpi bilan 2 yil muddatga joriy etish. Bunda:

(i) qoʻshimcha shtat birliklari Agentlik direktorining taqdimnomasiga asosan ushbu tashkilotlarning mavjud shtat birliklari doirasida joriy etiladi;

(ii) qoʻshimcha shtat birliklariga xodimlarni lavozimga tayinlash va lavozimdan ozod qilish Agentlik tomonidan amalga oshiriladi;

(b) davlat organlari va tashkilotlarida faoliyati xususiyatlariga mos boʻlgan “komplayens-nazorat” tizimini yoʻlga qoʻyish boʻyicha takliflar va tashabbuslarni ishlab chiqish, sohalar va tarmoqlarda korrupsiyaga qarshi kurashish tizimini rivojlantirish masalalari boʻyicha loyiha ofislarini tashkil etish. Bunda:

(i) loyiha ofislari Agentlik direktorining buyrugʻiga muvofiq Agentlik xodimlari, davlat organlari va tashkilotlari korrupsiyaga qarshi ichki nazorat boʻlinmalari xodimlari hamda ekspert va mutaxassislardan iborat tarkibda tuziladi;

(ii) Agentlik direktorining davlat organlari va tashkilotlari xodimlarini loyiha ofislariga jalb qilish haqidagi buyrugʻi bajarilishi majburiy hisoblanadi;

(iii) davlat organlari va tashkilotlari xodimlari loyiha ofisi faoliyatiga jalb etilgan davrda ularning oylik ish haqi va boshqa barcha qoʻshimcha toʻlovlari saqlab qolinadi;

(iv) loyiha ofisi faoliyatiga jalb etilgan davlat organlari va tashkilotlarining xodimlari, ekspert va mutaxassislarga oʻrganish olib borilayotgan davlat organi yoki tashkilotining budjetdan tashqari jamgʻarmasi va qonunchilikda taqiqlanmagan boshqa manbalar hisobidan qoʻshimcha haq toʻlanishi mumkin.

8. Agentlik amaldagi normativ-huquqiy hujjatlarni korrupsiyaga qarshi ekspertizadan oʻtkazish va ulardagi korrupsiyaviy xavf-xatarlarni bartaraf qilish yuzasidan davlat organlari va tashkilotlari faoliyatini muvofiqlashtirish boʻyicha masʼul organ etib belgilansin. Bunda:

(a) davlat organlari va tashkilotlari tomonidan amaldagi normativ-huquqiy hujjatlarni korrupsiyaga qarshi ekspertizadan oʻtkazish natijalari boʻyicha hujjatlar Agentlikka taqdim etiladi;

(b) 2027-yildan boshlab Agentlik tahlillar asosida amaldagi normativ-huquqiy hujjatlarni korrupsiyaga qarshi ekspertizadan oʻtkazishning davlat organlari uchun majburiy boʻlgan yillik reja-grafigini har yili 1-aprelga qadar tasdiqlaydi va eʼlon qiladi;

(v) yillik reja-grafigi ijrosi natijalari haqidagi axborot Agentlik tomonidan Oʻzbekiston Respublikasining Korrupsiyaga qarshi kurashish boʻyicha milliy kengashiga va Oʻzbekiston Respublikasi Prezidenti Administratsiyasiga kiritib boriladi.

III. Korrupsiyaga qarshi kurashish boʻyicha yaxlit tizimni tashkil etish

9. Agentlik, huquqni muhofaza qiluvchi va nazorat organlari, ilmiy muassasalar, korrupsiyaga qarshi ichki nazorat boʻlinmalari va fuqarolik jamiyati institutlarining doimiy hamkorligiga asoslangan Korrupsiyaning oldini olishning yaxlit tizimi (keyingi oʻrinlarda — Korrupsiyaning oldini olish klasteri) joriy etilsin.

10. Belgilansinki, Korrupsiyaning oldini olish klasteri doirasida:

(a) huquqni muhofaza qiluvchi organlar Agentlikni korrupsiyaga oid huquqbuzarliklar yuzasidan tergovga qadar tekshiruv, surishtiruv va dastlabki tergov jarayonida aniqlangan korrupsiyaviy omillar va yuzaga kelishi mumkin boʻlgan xavf-xatarlar boʻyicha tahliliy va statistik maʼlumotlar bilan taʼminlaydi;

(b) Agentlikka Hisob palatasi, Davlat moliyaviy nazorati inspeksiyasi tomonidan moliyaviy nazorat va auditni amalga oshirishda davlat xaridlari, manfaatlar toʻqnashuvi, moliyaviy xavf-xatarlar yuzasidan oʻtkazilgan tahlillar va oʻrganish natijalari bilan axborot tizimi orqali tanishishga ruxsat beriladi;

(v) 2-ilovadagi ilmiy muassasalar korrupsiyaga qarshi kurashish sohasida ilmiy tahlillarni qiladi, Agentlikning buyurtmasiga asosan ilmiy asoslangan yechimlarni ishlab chiqadi, malaka oshirish dasturlarini tashkillashtiradi;

(g) korrupsiyaga qarshi ichki nazorat boʻlinmalari tizimdagi korrupsiyaviy huquqbuzarliklar sodir etilishining holati va yoʻnalishlari haqida maʼlumot hamda ularni bartaraf etish boʻyicha takliflarni har chorakda Agentlikka taqdim etib boradi;

(d) fuqarolik jamiyati institutlari korrupsiyaga qarshi kurashish boʻyicha jamoatchilik nazorati, shu jumladan, jamoatchilik eshituvi hamda monitoringi, jamoatchilik fikrini oʻrganishni amalga oshiradi.

11. Agentlik:

(a) toʻplangan maʼlumotlar tahlili asosida:

(i) korrupsiyaga qarshi kurashish boʻyicha manzilli va natijaga yoʻnaltirilgan davlat siyosatini, shu jumladan, sohaga oid strategiyalar, metodologiya va standartlarni ishlab chiqilishi va amalga oshirilishini taʼminlaydi;

(ii) korrupsiyaviy omillar va xavf-xatarlarni tizimlashtirish mezonlarini ishlab chiqadi va guruhlarga ajratadi;

(iii) korrupsiyaviy omillar va xavf-xatarlarni bartaraf qilish mexanizmlari va ular boʻyicha masʼul ijrochilarni belgilagan holda chora-tadbirlar dasturlarini ishlab chiqadi;

(b) mamlakatda korrupsiya holatini monitoring qiladi, korrupsiyaviy omillarni aniqlash boʻyicha manzilli tahlillar olib boradi;

(v) davlat organlari va tashkilotlarining vazifalaridagi korrupsiyaviy omillar hamda tizimli muammolarni aniqlab, ularni raqamlashtirish va bartaraf qilish boʻyicha Oʻzbekiston Respublikasi Prezidenti Administratsiyasiga takliflar kiritib boradi;

(g) Korrupsiyaning oldini olish klasteri ishtirokchilari faoliyatini muvofiqlashtiradi.

12. Korrupsiyaning oldini olish klasteri ishtirokchilari boʻlgan davlat organlari Korrupsiyaga qarshi kurashish boʻyicha milliy kengashga har yarim yilda oʻz faoliyati yuzasidan axborot kiritib borsin.

IV. Davlat boshqaruvi sohasi faoliyatini raqamlashtirish orqali korrupsiya xavf-xatarlarni minimallashtirish

13. Quyidagi imkoniyatlarga ega “Raqamli komplayens” axborot dasturiy kompleksi (keyingi oʻrinlarda — Dasturiy kompleks) 2026-yil 1-iyuldan boshlab sinov rejimida ishga tushirilsin:

(a) Korrupsiyaning oldini olish klasteri ishtirokchilari oʻrtasida tezkor maʼlumot almashish;

(b) davlat organlari va tashkilotlarining axborot tizimlarini Dasturiy kompleks bilan integratsiya qilish orqali Agentlik faoliyatini axborot jihatdan taʼminlash;

(v) Dasturiy kompleksning “E-Komplaens” modulini ishga tushirish orqali korrupsiyaga qarshi ichki nazorat boʻlinmalari faoliyatini toʻliq raqamlashtirish;

(g) quyidagilarni nazarda tutuvchi sunʼiy intellekt texnologiyalari:

(i) Dasturiy kompleks va boshqa axborot resurslaridagi maʼlumotlar tahlili asosida korrupsiyaviy xavflarni aniqlash, ularning oldini olishga qaratilgan yechimlarni ishlab chiqish;

(ii) davlat xaridlarida ommaviy ofertaga munosabat bildirishda affillanganlik va manfaatlar toʻqnashuvi mavjudligini aniqlash va ishtirokchilarning ishtirokini avtomatik cheklash.

14. Dasturiy mahsulotlar va axborot texnologiyalari texnologik parkiga Dasturiy kompleksni joriy etish boʻyicha yagona integrator funksiyasi yuklatilsin va uning asosiy vazifalari etib quyidagilar belgilansin:

(a) Dasturiy kompleksni ishlab chiqish va 2026-yil yakuniga qadar toʻliq rejimda ishga tushirish;

(b) Dasturiy kompleksni boshqa davlat organlari va tashkilotlari axborot tizimlari bilan integratsiyasini taʼminlash;

(v) Agentlik faoliyatida raqamlashtirish siyosatini amalga oshirish va standartlarni joriy etish.

15. Raqamli texnologiyalar vazirligi Raqamli texnologiyalarni rivojlantirish jamgʻarmasi mablagʻlari hisobidan Dasturiy kompleks ishlab chiqilishini taʼminlasin.

16. Belgilansinki, respublika va mahalliy ijroiya hokimiyati organlari tomonidan qabul qilingan hujjatlarni “E-qaror” elektron tizimida asossiz ravishda eʼlon qilmaslik, davlat hokimiyati va boshqaruv organlari faoliyatining ochiqligi toʻgʻrisidagi qonunchilikni buzish deb hisoblanadi hamda tegishli javobgarlikka tortishga asos boʻladi.

17. Ushbu Farmon bilan yuklatilayotgan yangi vazifalardan kelib chiqib:

(a) Agentlikning mavjud shtat birliklari doirasida korrupsiyaviy xavf-xatar darajasi yuqori boʻlgan maʼmuriy tartib-taomillarni raqamlashtirish, shu jumladan, davlat xaridlari sohasida korrupsiyaga qarshi avtomatlashtirilgan nazorat tizimini joriy etishga masʼul boʻlgan “Xavf-tahlil markazi” tashkil etilsin;

(b) Xavf-tahlil markaziga maʼlumotlar bazasidan va axborot tizimlaridan real vaqt rejimida foydalanishga ruxsat berish, shuningdek, Agentlikning elektron soʻroviga muvofiq maʼlumotlar taqdim etish choralarini koʻradigan davlat organlari va tashkilotlarining roʻyxati 3-ilovaga muvofiq tasdiqlansin.

V. Agentlik va korrupsiyaga qarshi ichki nazorat boʻlinmalari faoliyatini qoʻllab-quvvatlash choralari

18. Belgilansinki:

(a) Agentlikka unga yuklatilgan vazifalarni toʻliq, sifatli va samarali amalga oshirish bilan bogʻliq maʼlumotlarni toʻliq yoki qisman taqdim etmaslik yoxud notoʻgʻri maʼlumotlarni taqdim etish, zarur axborot tizimlarini integratsiya qilishga asossiz qarshilik koʻrsatish Agentlikning qonuniy faoliyatiga toʻsqinlik qilish deb baholanadi;

(b) davlat organlari va tashkilotlari markaziy apparatining korrupsiyaga qarshi ichki nazorat boʻlinmalariga tizim tashkilotlariga qonunbuzilish holatlarini oldini olish boʻyicha koʻrib chiqilishi majburiy boʻlgan koʻrsatma va ularni bartaraf etish yuzasidan taqdimnomalar kiritish huquqi beriladi.

19. Korrupsiyaviy huquqbuzarliklar haqida xabar bergan shaxslarni mehnat qonunchiligining buzilishi, shu jumladan, mehnat faoliyatida taʼqib, tazyiq holatlaridan himoya qilish maqsadida, Agentlik tomonidan himoya orderini taqdim etish amaliyoti joriy qilinadi.

20. 2026-yildan boshlab har yili Davlat budjeti parametrlarida alohida modda bilan Jamgʻarma mablagʻlarini shakllantirish uchun kamida 10 mlrd soʻm mablagʻ ajratilishi nazarda tutilsin. Bunda mablagʻlarning 10 mlrd soʻmdan oshadigan qismi Agentlikning asoslangan hisob-kitoblariga muvofiq ajratiladi.

VI. Tashkiliy chora-tadbirlar

21. Oʻzbekiston Respublikasi Korrupsiyaga qarshi kurashish agentligi toʻgʻrisida nizom 4-ilovaga muvofiq tasdiqlansin.

22. Korrupsiyaning oldini olish va unga qarshi kurashishga munosib hissa qoʻshgan davlat organlari va tashkilotlari xodimlari, fuqarolik jamiyati institutlari vakillari hamda faol fuqarolarni ragʻbatlantirish maqsadida “Korrupsiyaga qarshi kurashishga qoʻshgan hissasi uchun” koʻkrak nishoni taʼsis etilsin.

Agentlik har yili 9-dekabr — Xalqaro korrupsiyaga qarshi kurashish kuni arafasida “Korrupsiyaga qarshi kurashishga qoʻshgan hissasi uchun” koʻkrak nishoni bilan taqdirlashni yoʻlga qoʻysin.

23. Agentlik uch oy muddatda Agentlik geraldik belgisi — emblemasi namunasi va tavsifi hamda undan foydalanish tartibini tasdiqlasin.

VII. Farmon ijrosini tashkil etish, taʼminlash va nazorat

24. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartish va qoʻshimchalar kiritilsin.

25. Mazkur Farmonning ijrosini samarali tashkil qilishga masʼul va shaxsiy javobgar etib Korrupsiyaga qarshi kurashish agentligi direktori A.E. Burxanov belgilansin.

26. Farmon ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti Administratsiyasi Komplayens xizmati boshligʻi E.T. Yuldashev zimmasiga yuklansin.

Oʻzbekiston Respublikasi Prezidentining 2025-yil 30-dekabrdagi PF-270-son Farmoniga 1-ILOVA

Korrupsiyaning oldini olish va unga qarshi kurashish sohasidagi davlat siyosatini amalga oshirishni sifat jihatidan yangi bosqichga koʻtarishga qaratilgan

T/r Chora-tadbirlar nomi Amalga oshirish mexanizmi Ijro muddati Moliyalashtirish manbai Masʼul ijrochilar 1. Korrupsiyaga qarshi kurashish boʻyicha Milliy sertifikatlashtirish menejment tizimini joriy etish. 1. Korrupsiyaga qarshi kurashish boʻyicha Milliy sertifikatlashtirish menejment tizimini ishlab chiqish va tasdiqlash choralarini koʻrish. 2. Korrupsiyaga qarshi kurashish boʻyicha Milliy sertifikatlashtirish tartibi toʻgʻrisidagi idoraviy normativ-huquqiy hujjat loyihasini ishlab chiqish va tasdiqlash. Bunda quyidagilar nazarda tutiladi: (a) davlat organlari va tashkilotlarida korrupsiyaga qarshi kurashish faoliyatini baholash va sertifikatlash tartibi; (b) sertifikatning amal qilishini toʻxtatib turish va bekor qilish asoslari hamda tartibi; (v) belgilangan muddatlarda sertifikat olinmaganligi, sertifikat amal qilishi toʻxtatib turilganligi va bekor qilinganligi oqibatida davlat organlari yoki tashkilotlari rahbariga tizim joriy etilgunga qadar boʻlgan muddatda barcha ragʻbatlantirish toʻlovlarini toʻxtatib turish tartibi. 2026-yil aprel Ijrochilar mablagʻlari Korrupsiyaga qarshi kurashish agentligi, Oʻzbekiston texnik jihatdan tartibga solish agentligi, Iqtisodiyot va moliya vazirligi 2. Korrupsiyani oldini olishning yaxlit tizimini samarali tashkil etish. 1. Korrupsiyani oldini olish klasteri ishtirokchilarining oʻzaro hamkorlik tartibini belgilovchi qoʻshma qaror loyihasini ishlab chiqish va tasdiqlash. 2026-yil mart Talab etilmaydi Korrupsiyaga qarshi kurashish agentligi, Bosh prokuratura, Hisob palatasi, manfaatdor vazirlik va idoralar 2. Monitoring qilish va maʼlumotlarni taqdim etishni taʼminlovchi yagona elektron platformani ishga tushirish. 2026-yil iyun Ijrochilar mablagʻlari 3. “E-qaror” tizimida qabul qilinadigan hujjatlarni eʼlon qilishda ochiqlikka oid qonunchilikka rioya etilishi ustidan nazorat qilishni takomillashtirish. Agentlikka Mahalliy ijro etuvchi hokimiyat organlarining qarorlarini ishlab chiqish, kelishish va roʻyxatdan oʻtkazishning yagona elektron — “E-qaror” tizimida qabul qilinadigan hujjatlar bilan toʻsiqsiz tanishish va monitoring olib borish imkoniyatini yaratish. 2026-yil yanvar Talab etilmaydi Adliya vazirligi, Korrupsiyaga qarshi kurashish agentligi 4. Davlat organlari va tashkilotlaridagi korrupsiyaga qarshi ichki nazorat boʻlinmalarining faoliyatini Agentlik bilan uzviy hamkorlikda tashkil etish choralarini koʻrish. Quyidagilarni nazarda tutuvchi normativ-huquqiy hujjat loyihasini ishlab chiqish va belgilangan tartibda Vazirlar Mahkamasiga kiritish: (a) korrupsiyaga qarshi ichki nazorat boʻlinmalari oʻz zimmasiga yuklatilgan vazifalar va funksiyalarni amalga oshirishda Agentlikka boʻysunishi va uning oldida hisobdor boʻlishi; (b) korrupsiyaga qarshi ichki nazorat boʻlinmalari xodimlari zimmasiga ularning vazifalari va funksiyalaridan kelib chiqmaydigan topshiriqlar yuklatilishiga yoʻl qoʻyilmasligi; (v) korrupsiyaga qarshi ichki nazorat boʻlinmalarining rahbar va xodimlari faoliyatiga nisbatan samaradorlik koʻrsatkichlari (KPI) qoʻllanilmasligi; (g) samaradorlik koʻrsatkichlaridan (KPI) kelib chiquvchi ustamalar tegishli lavozim uchun nazarda tutilgan maksimal miqdorda tatbiq etilishi, ustamalar miqdorini pasaytirish masalasi Agentlik roziligi bilan hal etilishi; (d) korrupsiyaga qarshi ichki nazorat boʻlinmalarining xodimlarini intizomiy javobgarlikka tortish Agentlik bilan kelishilgan holda amalga oshirilishi; (j) korrupsiyaga qarshi ichki nazorat boʻlinmalari xodimlari davlat organlari va tashkilotlarining oʻz mablagʻlari hisobidan Agentlik tomonidan tasdiqlanadigan reja-jadvalga asosan maxsus oʻquv kurslarida oʻqitilishi. 2026-yil mart Talab etilmaydi Korrupsiyaga qarshi kurashish agentligi 5. “Raqamli komplayens” axborot dasturiy kompleksini ishga tushirish. Quyidagilarni nazarda tutuvchi “Raqamli komplayens” axborot dasturiy kompleksini ishga tushirish: (a) Korrupsiyaga qarshi kurashish klasteri ishtirokchilari oʻrtasida tezkor maʼlumot almashish; (b) davlat organlari va tashkilotlarining axborot tizimlarini “Raqamli komplayens” axborot dasturiy kompleksi bilan integratsiya qilish orqali Agentlik faoliyatini axborot jihatidan taʼminlash; (v) “Raqamli komplayens” axborot dasturiy kompleksining “E-Komplaens” modulini ishga tushirish orqali korrupsiyaga qarshi ichki nazorat boʻlinmalarini toʻliq raqamlashtirish; (g) korrupsiyani oldini olish faoliyatiga quyidagi imkoniyatlarga ega sunʼiy intellekt texnologiyalarini joriy etish: (i) “Raqamli komplayens” axborot dasturiy kompleksi va boshqa axborot resurslaridagi maʼlumotlarning tizimli tahlili asosida korrupsiyaviy xavflarni aniqlash, korrupsiyaning oldini olishga qaratilgan yechimlarni ishlab chiqish; (ii) davlat xaridlarida ommaviy ofertaga munosabat bildirishda affillanganlik va manfaatlar toʻqnashuvi mavjudligini aniqlash va ishtirokchilarning ishtirokini avtomatik cheklash. 2026-yil iyun Raqamli texnologiyalarni rivojlantirish jamgʻarmasi mablagʻlari Korrupsiyaga qarshi kurashish agentligi, “UZI N FOCOM” MCHJ, manfaatdor vazirlik va idoralar 6. Xalqaro moliya institutlari va xorijiy hukumat moliya tashkilotlari mablagʻlari hisobidan moliyalashtiriladigan loyihalarni amalga oshirishda korrupsiya xavf-xatarlarining oldini olish. Quyidagilarni nazarda tutuvchi normativ-huquqiy hujjat loyihasini ishlab chiqish: (a) baholash guruhlarining, shu jumladan, baholash jarayoni davomidagi hisobotlarni hamda shartnomalarni tuzish toʻgʻrisidagi qarorlarni qonunchilik talablariga rioya etilganligi va ishtirokchilar tomonidan taqdim etilgan hujjatlarda ishonchsizlik yoki soxtalik belgilari mavjudligi nuqtai nazaridan Agentlik tomonidan tekshirish; (b) qonunbuzilish holatlari yoki qalbakilashtirish belgilari aniqlanganda, tegishli vazirlik va idoralarga tender jarayoni yoki shartnomani amalga oshirish (moliyalashtirish)ni toʻxtatib turish haqida Agentlik tomonidan taqdimnoma kiritish; (v) tender jarayonini davom ettirish toʻgʻrisidagi qarorlarni Vazirlar Mahkamasining qaroriga muvofiq qabul qilish. 2026-yil aprel Talab etilmaydi Korrupsiyaga qarshi kurashish agentligi, Iqtisodiyot va moliya vazirligi, Bosh prokuratura 7. Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda koʻmaklashgan shaxslarni ragʻbatlantirish tartibini takomillashtirish. Quyidagilarni nazarda tutuvchi normativ-huquqiy hujjat loyihasini ishlab chiqish: (a) Janubiy Koreyaning “Clean Portal” (“Shaffof portal”) platformasining tajribasi asosida “E-Anticor.uz” dasturini takomillashtirish orqali korrupsiya bilan bogʻliq huquqbuzarlik haqida xabar bergan yoki korrupsiyaga qarshi kurashishga boshqa tarzda koʻmaklashgan shaxslarni ragʻbatlantirish tizimini raqamlashtirish; (b) Agentlikni ragʻbatlantirish masalalarini muvofiqlashtirish boʻyicha vakolatli organ sifatida belgilash; (v) ragʻbatlantirish tizimini Jamoatchilik nazoratini rivojlantirish jamgʻarmasi orqali tashkil etish. 2026-yil iyun Davlat budjeti mablagʻlari Korrupsiyaga qarshi kurashish agentligi, Raqamli texnologiyalar vazirligi, Bosh prokuratura, Ichki ishlar vazirligi, Davlat xavfsizlik xizmati, Iqtisodiyot va moliya vazirligi 8. Korrupsiyaga qarshi kurashish agentligining taqdimnomalarini koʻrib chiqmaganlik uchun maʼmuriy javobgarlik choralarini belgilash. 1. Agentlikning taqdimnomalarini koʻrib chiqmaganlik, shu jumladan, oʻz vaqtida yoki toʻliq koʻrib chiqmaganlik uchun maʼmuriy javobgarlik belgilashni nazarda tutuvchi qonun loyihasini ishlab chiqish. 2. Qonun loyihasini manfaatdor vazirlik va idoralar bilan kelishish. 3. Qonun loyihasini koʻrib chiqish uchun Oʻzbekiston Respublikasi Prezidenti Administratsiyasiga kiritish. 2026-yil mart Talab etilmaydi Korrupsiyaga qarshi kurashish agentligi 9. Korrupsiyaga qarshi ichki nazorat boʻlinmalarining sud va huquqni muhofaza qiluvchi organlar bilan hamkorlik qilish, shuningdek, korrupsiya bilan bogʻliq huquqbuzarliklar haqida xabar berishning ichki kanallarini yuritish tartibini belgilash. Korrupsiyaga qarshi ichki nazorat boʻlinmalarining sud va huquqni muhofaza qiluvchi organlar bilan hamkorlik qilish, shuningdek, korrupsiya bilan bogʻliq huquqbuzarliklar haqida xabar berishning ichki kanallarini yuritish tartibini belgilovchi idoraviy normativ-huquqiy hujjat loyihasini qabul qilish va davlat roʻyxatidan oʻtkazish. 2026-yil aprel Talab etilmaydi Korrupsiyaga qarshi kurashish agentligi, Bosh prokuratura, Davlat xavfsizlik xizmati, Oliy sud, Ichki ishlar vazirligi, Adliya vazirligi 10. Davlat organida mehnat shartnomasi tugatilgan yoki xizmatdan boʻshatilgan xodimni ikki yil ichida oʻzi bevosita yoki bilvosita nazoratni amalga oshirgan tashkilotlarga ishga qabul qilishda korrupsiyaga qarshi ichki nazorat tuzilmasidan xulosa olishning mezonlarini belgilash. Quyidagilarni nazarda tutuvchi idoraviy normativ-huquqiy hujjat loyihasi ni qabul qilish va davlat roʻyxatidan oʻtkazish: (a) korrupsiyaga qarshi ichki nazorat tuzilmasi tomonidan xulosa berish asoslari va tartibi; (b) xulosaning namunaviy shakli; (v) xulosa natijasi boʻyicha koʻriladigan chora-tadbirlar; (g) xulosa boʻyicha shikoyat berish tartibi. 2026-yil may Talab etilmaydi Korrupsiyaga qarshi kurashish agentligi, Hisob palatasi, Adliya vazirligi 11. Korrupsiyaga qarshi ichki nazorat boʻlinmalarining manfaatlar toʻqnashuvini oldini olishdagi vakolatlarini kengaytirish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari korrupsiyaga qarshi ichki nazorat boʻlinmalariga manfaatlar toʻqnashuvi toʻgʻrisidagi qonunchilik talablarini bajarmaganlik uchun maʼmuriy bayonnoma rasmiylashtirish vakolatini berish boʻyicha Oʻzbekiston Respublikasining “Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish toʻgʻrisida”gi qonun loyihasini ishlab chiqish va Vazirlar Mahkamasiga kiritish. 2026-yil mart Talab etilmaydi Korrupsiyaga qarshi kurashish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 12. Korrupsiyaviy huquqbuzarliklar haqida xabar bergan shaxslarni himoya qilish tartibini takomillashtirish. Korrupsiyaviy huquqbuzarliklar haqida xabar bergan shaxslarga qonunga xilof taʼqib, tazyiq va mehnat qonunchiligining boshqacha tartibda buzilishi holatlaridan himoya qilishni nazarda tutuvchi normativ-huquqiy hujjat loyihasini ishlab chiqish va Vazirlar Mahkamasiga kiritish. Bunda korrupsiyaviy huquqbuzarliklar haqida xabar bergan shaxslarga qonunga xilof taʼqib, tazyiq, shuningdek, noqonuniy intizomiy javobgarlik choralarini qoʻllash, ishdan boʻshatish kabi holatlardan himoya orderi berish va boshqa shakldagi himoya choralari nazarda tutiladi. 2026-yil may Talab etilmaydi Korrupsiyaga qarshi kurashish agentligi, Bosh prokuratura, Adliya vazirligi 13. Investitsiya loyihalari doirasida ajratiladigan mablagʻlarning maqsadli ishlatilishi jarayonida ochiqlik va oshkoralikni taʼminlash. Ijtimoiy sohani rivojlantirishga qaratilgan investitsiya loyihalarini amalga oshirishda mablagʻlar sarflanishida ochiqlikni taʼminlash mexanizmi sifatida mahalla va jamoatchilik faollari ishtirokida Tashabbuskor guruhlarni shakllantirish amaliyotini joriy etish. 2026-yildan boshlab Talab etilmaydi Investitsiyalar, sanoat va savdo vazirligi, Iqtisodiyot va moliya vazirligi, Korrupsiyaga qarshi kurashish agentligi, manfaatdor vazirlik va idoralar 14. Korrupsiyaga qarshi kurashish hududiy kengashlari faoliyatini takomillashtirish. Korrupsiyaga qarshi kurashish hududiy kengashlari ishini yuritish uchun Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlari kotibiyatlariga mavjud shtatlar doirasida bir nafardan xodim (jami 14 nafar) ajratish. 2026-yil may Talab etilmaydi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Korrupsiyaga qarshi kurashish agentligi 15. 2025 — 2027-yillarda davlat xaridlari tizimini takomillashtirish va rivojlantirish strategiyasi doirasida manzilli choralarni koʻrish. 1. Davlat xaridlari ustidan nazorat qiluvchi idoralarning funksiyalarini va vakolat doirasini aniq belgilash. 2. Yagona axborot tizimida xarid qatnashchilari takliflarini baholash hamda davlat xaridlari ustidan nazorat qilishda sunʼiy intellekt texnologiyalaridan foydalanishni joriy qilish. 3. Davlat xaridlari ustidan nazorat qilish jarayonlarini muvofiqlashtirish uchun aniqlangan qonunbuzilish holatlari boʻyicha maʼlumot almashinuvini avtomatlashtirish va natijalarni yagona reyestrda qayd etish. 2026-yil dekabr Talab etilmaydi Iqtisodiyot va moliya vazirligi, Hisob palatasi, Bosh prokuratura, Korrupsiyaga qarshi kurashish agentligi, Raqobatni rivojlantirish va isteʼmolchilar huquqlarini himoya qilish qoʻmitasi 16. “Korrupsiyaga qarshi kurashishga qoʻshgan hissasi uchun” koʻkrak nishonini taʼsis etish. “Korrupsiyaga qarshi kurashishga qoʻshgan hissasi uchun” koʻkrak nishoni toʻgʻrisidagi nizomni tasdiqlashni nazarda tutuvchi idoraviy hujjat loyihasini ishlab chiqish. 2026-yil mart Ijrochilar mablagʻlari Korrupsiyaga qarshi kurashish agentligi, Bosh prokuratura, Ichki ishlar vazirligi 17. Korrupsiyaga qarshi kurashish xalqaro akademiyasi (IACA)ga qoʻshilish. Korrupsiyaga qarshi kurashish xalqaro akademiyasi (IACA)ga Oʻzbekiston Respublikasining qoʻshilishi choralarini koʻrish. 2026-yil avgust Talab etilmaydi Korrupsiyaga qarshi kurashish agentligi, Tashqi ishlar vazirligi 18. BMT Korrupsiyaga qarshi konvensiyasi, xalqaro tashkilotlar tomonidan Oʻzbekistonga bildirilgan tavsiyalar hamda boshqa xalqaro standartlarning bajarilishini monitoring qilish boʻyicha elektron platformani ishga tushirish. Elektron platforma doirasida: BMT Korrupsiyaga qarshi konvensiyasi talablari bajarilishini monitoring qilish imkoniyatini yaratish; xalqaro tashkilotlar tomonidan Oʻzbekistonga berilgan tavsiyalar, hisobotlar va boshqa maʼlumotlarni joylashtirish; fuqarolik jamiyati institutlari hamda keng jamoatchilik tomonidan tayyorlangan Oʻzbekiston boʻyicha monitoring hisobotlarini platformaga joylashtirish imkoniyatini yaratish; platformani maʼlumotlar bilan toʻldirish yuzasidan idoralararo ishchi guruhini shakllantirish; maʼlumotlarni doimiy yangilab borish mexanizmlarini ishlab chiqish. 2026-yil iyun Ijrochilar mablagʻlari, xalqaro moliya institutlarining grant mablagʻlari Korrupsiyaga qarshi kurashish agentligi, Raqamli texnologiyalar vazirligi 19. Jamoatchilik nazoratini rivojlantirish jamgʻarmasi mablagʻlarini shakllantirishning manbalarini kengaytirish. Jamoatchilik nazoratini rivojlantirish jamgʻarmasi mablagʻlarini shakllantirish manbalarini, shu jumladan, Agentlik tashabbusi bilan huquqni muhofaza qiluvchi idoralarga yuborilgan materiallar asosida undiriladigan mablagʻlar, shuningdek Agentlik tomonidan tuzilgan maʼmuriy huquqbuzarlik toʻgʻrisidagi bayonnomalar asosida undiriladigan maʼmuriy jarimalar hisobidan kengaytirishni nazarda tutuvchi normativ-huquqiy hujjat loyihasini ishlab chiqish va Vazirlar Mahkamasiga kiritish. 2026-yil aprel Talab etilmaydi Korrupsiyaga qarshi kurashish agentligi, Iqtisodiyot va moliya vazirligi 20. Agentlik xodimlarining malakasi, bilimi va koʻnikmalarini baholash orqali lavozimiga muvofiqligini aniqlash hamda xodimlar tarkibini qayta shakllantirish boʻyicha tegishli qarorlar qabul qilish. Tashkiliy chora-tadbirlarni amalga oshirish. 2026 yanvar — mart Talab etilmaydi Korrupsiyaga qarshi kurashish agentligi

Oʻzbekiston Respublikasi Prezidentining 2025-yil 30-dekabrdagi PF-270-son Farmoniga 2-ILOVA

Korrupsiyaning oldini olish klasteri doirasida faoliyat yuritadigan ilmiy muassasalar

1. Oʻzbekiston Respublikasi Huquqni muhofaza qilish akademiyasi

2. Toshkent davlat yuridik universiteti

3. Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti

4. Oʻzbekiston Respublikasi Kriminologiya tadqiqot instituti

Oʻzbekiston Respublikasi Prezidentining 2025-yil 30-dekabrdagi PF-270-son Farmoniga 3-ILOVA

Xavf-tahlil markaziga maʼlumotlar bazasidan va axborot tizimlaridan real vaqt rejimida foydalanishga ruxsat berish, shuningdek, Agentlikning elektron soʻroviga muvofiq maʼlumotlar taqdim etish choralarini koʻradigan davlat organlari va tashkilotlarining

I. Xavf-tahlil markazi tomonidan maʼlumotlar bazasidan va axborot tizimlaridan real vaqt rejimida foydalanish ruxsat etiladigan tashkilotlar:

1. Hisob palatasi

2. Boshqaruv samaradorligi agentligi

3. Iqtisodiyot va moliya vazirligi

4. Investitsiyalar, sanoat va savdo vazirligi

5. Kambagʻallikni qisqartirish va bandlik vazirligi

6. Qishloq xoʻjaligi vazirligi hamda uning tizim tashkilotlari

7. Suv xoʻjaligi vazirligi hamda uning tizim tashkilotlari

8. Qurilish va uy-joy kommunal xoʻjaligi vazirligi

9. Ekologiya va iqlim oʻzgarishi milliy qoʻmitasi hamda uning tizim tashkilotlari

10. Transport vazirligi

11. Energetika vazirligi

12. Togʻ-kon sanoati va geologiya vazirligi

13. Raqamli texnologiyalar vazirligi

14. Sogʻliqni saqlash vazirligi

15. Maktabgacha va maktab taʼlimi vazirligi

16. Oliy taʼlim, fan va innovatsiyalar vazirligi

17. Sport vazirligi

18. Madaniyat vazirligi

19. Adliya vazirligi

20. Raqobatni rivojlantirish va isteʼmolchilar huquqlarini himoya qilish qoʻmitasi

21. Davlat aktivlarini boshqarish agentligi

22. Yoshlar ishlari agentligi

23. Oʻzbekiston texnik jihatdan tartibga solish agentligi

24. Energetika bozorini rivojlantirish va tartibga solish agentligi

25. Elektr energiyasi, neft mahsulotlari va gazdan foydalanishni nazorat qilish inspeksiyasi

26. Migratsiya agentligi

27. Agrosanoat majmui ustidan nazorat qilish inspeksiyasi

28. Soliq qoʻmitasi

29. Energiya samaradorligi milliy agentligi

30. Qurilish va uy-joy kommunal xoʻjaligi sohasida nazorat qilish inspeksiyasi

31. Yengil sanoatni rivojlantirish agentligi

32. Ichki ishlar vazirligi

33. Bojxona qoʻmitasi

34. Gʻaznachilik xizmati qoʻmitasi

35. Milliy statistika qoʻmitasi

36. Kadastr agentligi

37. Iqtisodiy jinoyatlarga qarshi kurashish departamenti

38. Majburiy ijro byurosi

II. Xavf-tahlil markazining elektron soʻroviga muvofiq maʼlumotlar bazasi bilan oʻzaro axborot almashuvini yoʻlga qoʻyadigan tashkilotlar:

39. Markaziy bank (offlayn shaklda maʼlumot taqdim etiladi)

40. Barcha tijorat banklari (offlayn shaklda maʼlumot taqdim etiladi)

41. “Navoiy KMK” AJ

42. “Olmaliq KMK” AJ

43. “Oʻzbekneftgaz” AJ

44. “Oʻztransgaz” AJ

45. “Hududgaztaʼminot” AJ

46. “UzGasTrade” AJ

47. “Muborakneftgazmontaj” AJ

48. “Buxoro NQIZ” MCHJ

49. “Hududiy elektr tarmoqlari” AJ

50. “Raqamli transformatsiya markazi” MCHJ

51. “Oʻzbekiston milliy elektr tarmoqlari” AJ

52. “Issiqlik elektr stansiyalari” AJ

53. “Angren IES” AJ

54. “Yangi Angren IES” AJ

55. “Navoiyuran” DK

56. “Navoiy KMK” jamgʻarmasi” DM

57. “Oʻzbekiston respublika tovar-xom ashyo birjasi” AJ

58. “Oʻzbekiston respublika valyuta birjasi” AJ

59. “Respublika koʻp tarmoqli agrosanoat birjasi” AJ

60. “Toshkent” respublika fond birjasi” AJ

61. “Elektron onlayn-auksionlarni tashkil etish markazi” AJ

62. “Qimmatli qogʻozlar markaziy depozitariysi” DUK

63. “Oʻzbekiston temir yoʻllari” AJ

64. “Uzbekistan airways” AJ

65. “Uzbekistan airports” AJ

66. “Oʻzavtosanoat” AJ

67. “Oʻzkimyosanoat” AJ

68. “Navoiyazot” AJ

69. “Fargʻonaazot” AJ

70. “Oʻzdonmahsulot” AK

71. “Oʻzbektelekom” AK

72. “Oʻzmetkombinat” AJ

73. “Oʻzbekgidroenergo” AJ

74. “Oʻzagroservis” AJ

75. “Oʻzagrolizing” AJ

76. “Oʻzagrosugʻurta” AJ

77. “Oʻzbekinvest” EISK” AJ

78. “Oʻzsuvtaʼminot” AJ

79. “Toshshahartransxizmat” AJ

80. Oʻzbekiston Respublikasining konsolidatsiyalashgan budjeti tarkibiga kiradigan davlat maqsadli jamgʻarmalari

81. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

82. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyalari

Oʻzbekiston Respublikasi Prezidentining 2025-yil 30-dekabrdagi PF-270-son Farmoniga 4-ILOVA

Oʻzbekiston Respublikasi Korrupsiyaga qarshi kurashish agentligi toʻgʻrisida

1. Umumiy qoidalar

1. Ushbu Nizom Oʻzbekiston Respublikasi Korrupsiyaga qarshi kurashish agentligining (keyingi oʻrinlarda — Agentlik) maqomi, asosiy vazifalari, funksiyalari, huquq va majburiyatlari, faoliyatining tashkiliy asoslarini belgilab beradi.

2. Agentlik korrupsiyaning oldini olish va unga qarshi kurashish sohasida masʼul boʻlgan maxsus vakolatli milliy darajadagi davlat organi hisoblanadi.

3. Agentlik oʻz faoliyatini qonuniylik, xolislik, hisobdorlik, ochiqlik va shaffoflik prinsiplari asosida boshqa davlat organlari, tashkilotlar va ularning mansabdor shaxslaridan mustaqil ravishda amalga oshiradi.

4. Agentlik Oʻzbekiston Respublikasi Prezidentiga boʻysunadi va Oʻzbekiston Respublikasi Oliy Majlisi palatalari oldida hisobdordir.

5. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmon, qaror va farmoyishlariga, ushbu Nizomga va boshqa qonunchilik hujjatlariga amal qiladi.

6. Agentlikning oʻz vakolatlari doirasida qabul qilgan qaror va buyruqlari barcha davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlari, ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

7. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga va blanklarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, bank hisobvaraqlariga, shu jumladan, chet el valyutasidagi bank hisobvaraqlariga ega boʻladi.

8. Agentlikning rasmiy nomlanishi:

(a) davlat tilida toʻliq nomi — Oʻzbekiston Respublikasi Korrupsiyaga qarshi kurashish agentligi, qisqartirilgan nomi — Korrupsiyaga qarshi kurashish agentligi;

(b) ingliz tilida toʻliq nomi — The Anti-corruption agency of the Republic of Uzbekistan, qisqartirilgan nomi — Anti-corruption agency;

(v) rus tilida toʻliq nomi — Agentstvo po protivodeystviyu korrupsii Respubliki Uzbekistan, qisqartirilgan nomi — Agentstvo po protivodeystviyu korrupsii.

9. Agentlikning joylashgan manzili (pochta manzili): 100070, Toshkent shahri Sh.Rustaveli koʻchasi 8A-uy.

2. Agentlikning asosiy vazifalari va funksiyalari

10. Quyidagilar Agentlikning asosiy vazifalari hisoblanadi:

(a) korrupsiyaning oldini olish va unga qarshi kurashish sohasida davlat siyosatini shakllantirish va amalga oshirish;

(b) mamlakatda korrupsiya holatini tizimli tahlil qilish, korrupsiyaning oldini olish va unga qarshi kurashish tizimini takomillashtirish boʻyicha takliflar ishlab chiqish;

(v) davlat organlari va tashkilotlarining korrupsiyaning oldini olish va unga qarshi kurashish sohasidagi faoliyatini muvofiqlashtirish;

(g) davlat organlari va tashkilotlarida korrupsiyaning oldini olish va unga qarshi kurashishning zamonaviy va taʼsirchan vositalarini joriy etish;

(d) normativ-huquqiy hujjatlarning korrupsiyaga qarshi ekspertizasi samaradorligini taʼminlash;

(j) korrupsiyaning oldini olish va unga qarshi kurashish boʻyicha aholining huquqiy ongi va huquqiy madaniyatini oshirishga qaratilgan kompleks dasturlarni ishlab chiqish va amalga oshirish;

(z) davlat xizmatchilarining daromad va mol-mulkini deklaratsiya qilish tizimi joriy etilishi va samarali ishlashini tashkil etish;

(i) davlat xizmatiga halollik standarti hamda manfaatlar toʻqnashuvini oldini olish va hal etish standartlarini joriy etishga koʻmaklashish, shuningdek, ularga rioya etilishi ustidan nazoratni amalga oshirish;

(k) davlat organlari va tashkilotlari faoliyatining ochiqligini taʼminlash sohasini muvofiqlashtirish va doimiy monitoring qilish;

(l) Oʻzbekiston Respublikasining korrupsiyaga qarshi kurashish boʻyicha milliy kengashi va uning hududiy kengashlari faoliyatini samarali tashkil etish;

(m) korrupsiyaning oldini olish va unga qarshi kurashish sohasida xalqaro hamkorlikni rivojlantirish.

11. Agentlik oʻz zimmasiga yuklangan vazifalarga muvofiq quyidagi funksiyalarni amalga oshiradi:

(a) korrupsiyaning oldini olish va unga qarshi kurashish sohasida davlat siyosatini shakllantirish va amalga oshirish sohasida:

(i) ilgʻor tajribalarni hisobga olgan holda korrupsiyaning oldini olish va unga qarshi kurashish sohasidagi davlat siyosatining ustuvor yoʻnalishlarini ishlab chiqadi;

(ii) korrupsiyaga qarshi kurashish boʻyicha strategiya va davlat dasturlarini, shuningdek, hududiy va tarmoq dasturlarini ishlab chiqadi, amalga oshirishni tashkil etadi va ijrosini monitoring qilib boradi;

(iii) korrupsiyaning oldini olish va unga qarshi kurashish boʻyicha normativ-huquqiy hujjatlar va boshqa hujjatlarning loyihalarini ishlab chiqadi hamda ularni belgilangan tartibda koʻrib chiqish uchun vakolatli organlarga kiritadi;

(iv) har yili ommaviy axborot vositalari orqali eʼlon qilinishi lozim boʻlgan Oʻzbekiston Respublikasida korrupsiyaga qarshi kurashish toʻgʻrisida milliy maʼruzani tayyorlaydi hamda uni koʻrib chiqish uchun Oʻzbekiston Respublikasi Prezidenti va Oʻzbekiston Respublikasi Oliy Majlisi palatalariga kiritadi;

(v) xalqaro standartlarni va ilgʻor xorijiy amaliyotni joriy etish boʻyicha takliflarni ishlab chiqadi hamda amalga oshiradi;

(vi) korrupsiyaning oldini olish va unga qarshi kurashish samaradorligini oshirish, qonunchilikni takomillashtirish boʻyicha takliflar ishlab chiqadi;

(b) mamlakatda korrupsiya holatini tizimli tahlil qilish, korrupsiyaning oldini olish va unga qarshi kurashish tizimini takomillashtirish boʻyicha takliflar ishlab chiqish sohasida:

(i) korrupsiyaga oid xavf-xatarlar yuqori boʻlgan sohalarni, korrupsiyaga oid huquqbuzarliklar sodir etilishining sabab va shart-sharoitlarini aniqlash boʻyicha oʻrganishlar oʻtkazadi, shu jumladan, sotsiologik, ilmiy va boshqa tadqiqotlar oʻtkazilishini tashkillashtiradi;

(ii) korrupsiya holatini oʻrganish boʻyicha tadbirkorlar va aholi oʻrtasida soʻrovlar, shu jumladan, anonim soʻrovlar oʻtkazadi;

(iii) korrupsiyaga oid huquqbuzarliklar sodir etilishining sabab va shart-sharoitlarini bartaraf etish hamda korrupsiyaga qarshi kurashish chora-tadbirlar samaradorligini oshirish boʻyicha amaliy chora-tadbirlar ishlab chiqadi va amalga oshirilishini taʼminlaydi;

(v) davlat organlari va tashkilotlarining korrupsiyaning oldini olish va unga qarshi kurashish sohasidagi faoliyatini muvofiqlashtirish sohasida:

(i) korrupsiyaga qarshi kurashish boʻyicha idoralararo hamkorlik mexanizmlarini shakllantiradi va amalga oshirilishini taʼminlaydi;

(ii) davlat organlari va tashkilotlari tomonidan korrupsiyaning oldini olish va unga qarshi kurashish bilan bogʻliq vazifalar ijro qilinmagan taqdirda ularning mansabdor shaxslarini javobgarlikka tortish boʻyicha Oʻzbekiston Respublikasi Prezidenti Administratsiyasi va Vazirlar Mahkamasiga takliflar kiritadi;

(iii) davlat organlari va tashkilotlarida korrupsiyaga qarshi ichki nazorat tizimi (“komplayens-nazorat”) joriy etilishi va samarali faoliyat yuritishini tashkil etadi;

(iv) davlat organlari va tashkilotlarining korrupsiyaga qarshi ichki nazorat boʻlinmalari faoliyatini muvofiqlashtiradi va uslubiy jihatdan taʼminlaydi, ushbu boʻlinma xodimlarini stajirovkaga yuborish va attestatsiyadan oʻtkazish, oʻqitish va malakasini oshirish hamda sertifikatsiyalash ishlarini tashkil etadi;

(v) davlat organlari va tashkilotlarida korrupsiyaga oid huquqbuzarliklar haqidagi murojaatlarni koʻrib chiqish holatini oʻrganadi;

(vi) korrupsiya holatlariga doir axborotlarni qonun hujjatlarida belgilangan tartibda ommaviy axborot vositalariga taqdim etadi;

(g) davlat organlari va tashkilotlarida korrupsiyaning oldini olish va unga qarshi kurashishning zamonaviy va taʼsirchan vositalarini joriy etish sohasida:

(i) zamonaviy usullar hamda axborot-kommunikatsiya texnologiyalaridan foydalangan holda korrupsiyaga qarshi kurashishning samarali va xalqaro standartlarga asoslangan vositalarini joriy etish boʻyicha takliflar tayyorlaydi;

(ii) korrupsiyaviy xavf-xatarlarni baholash va bartaraf etishda ijobiy natijalarga erishgan davlat organlari va tashkilotlarining tajribasini keng ommalashtiradi;

(iii) davlat organlari va tashkilotlari faoliyatida korrupsiyaga oid xavf-xatarlarni baholaydi va ularni bartaraf etish boʻyicha takliflarni ishlab chiqadi;

(iv) davlat organlari va tashkilotlarida korrupsiyaga qarshi kurashish ishlarining samaradorligini baholaydi va reytingini eʼlon qiladi;

(v) fuqarolik jamiyati institutlari bilan birgalikda hududlar, iqtisodiyot tarmoqlari va boshqa sohalardagi korrupsiya darajasini baholaydigan korrupsiyani qabul qilish Milliy indeksini tuzishni tashkil etadi;

(d) normativ-huquqiy hujjatlarning korrupsiyaga qarshi ekspertizasi samaradorligini taʼminlash sohasida:

(i) normativ-huquqiy hujjatlarni korrupsiyaga qarshi ekspertizadan oʻtkazadi;

(ii) davlat organlari va tashkilotlariga normativ-huquqiy hujjatlarni korrupsiyaga qarshi ekspertizasini oʻtkazish boʻyicha metodologik koʻmak koʻrsatadi;

(iii) normativ-huquqiy hujjatlarda korrupsiyaga qarshi ekspertizasi tizimining samaradorligini tahlil qiladi hamda ularni takomillashtirish boʻyicha takliflar ishlab chiqadi;

(iv) 2027-yildan boshlab:

normativ-huquqiy hujjatlarning korrupsiyaga qarshi ekspertizasini oʻtkazish boʻyicha ekspertlar reyestrini yuritadi;

amaldagi normativ-huquqiy hujjatlarni korrupsiyaga qarshi ekspertizadan oʻtkazish boʻyicha davlat organlari va tashkilotlarining faoliyatini tahlil qiladi va monitoringini amalga oshiradi;

huquqni qoʻllash amaliyotidagi korrupsiyaviy xavf-xatarlar tahlili asosida amaldagi normativ-huquqiy hujjatlarni korrupsiyaga qarshi ekspertizadan oʻtkazishning yillik reja-grafigini har yili 1-aprelga qadar tasdiqlaydi va eʼlon qiladi, shuningdek, uning ijrosi yuzasidan Korrupsiyaga qarshi kurashish boʻyicha milliy kengashga va Oʻzbekiston Respublikasi Prezidenti Administratsiyasiga axborot kiritib boradi;

ekspertiza natijalari boʻyicha aniqlangan korrupsiyani keltirib chiqaruvchi omillarni bartaraf etishga qaratilgan tegishli taklif ishlab chiqish yuzasidan davlat organlari va tashkilotlariga koʻrsatma kiritib boradi;

(j) korrupsiyaning oldini olish va unga qarshi kurashish boʻyicha aholining huquqiy ongi va huquqiy madaniyatini oshirishga qaratilgan kompleks dasturlarni ishlab chiqish va amalga oshirish sohasida:

(i) fuqarolarning huquqiy ongi, huquqiy madaniyati va korrupsiyaga qarshi murosasiz munosabatini shakllantirishga va oshirib borishga qaratilgan chora-tadbirlarni ishlab chiqadi va amalga oshiradi;

(ii) korrupsiyaning oldini olishga qaratilgan tadbirlarga fuqarolik jamiyati institutlari vakillarini faol jalb etadi hamda ularning davlat organlari va tashkilotlari bilan birgalikda samarali faoliyat olib borishiga koʻmaklashadi;

(iii) korrupsiyaning oldini olish, unga qarshi kurashish va jamiyatda korrupsiyaga nisbatan murosasiz munosabatni shakllantirish boʻyicha ijtimoiy sheriklik dasturlarini shakllantiradi hamda amalga oshiradi;

(iv) korrupsiyaning oldini olish va unga qarshi kurashish masalalariga oid materiallar, media kontentlar va axborotlar tayyorlanishi hamda tarqatilishini tashkil etadi;

(v) xalqaro va mahalliy ekspertlar ishtirokida fuqarolik jamiyati institutlari vakillari uchun seminar, trening va boshqa tadbirlarni tashkil qiladi;

(vi) korrupsiyaga qarshi kurashish virtual akademiyasida yoshlar, fuqarolik jamiyati institutlari vakillari uchun maxsus kurslar ishlab chiqilishiga, mazkur auditoriyaning jalb etilishiga koʻmaklashadi;

(vii) korrupsiyaga qarshi kurashish boʻyicha davlat siyosati, korrupsiyaviy xavf-xatarlar va tadqiqot natijalarini inobatga olib, yangi oʻquv modullarini joriy etish boʻyicha takliflar kiritadi;

(z) davlat xizmatchilarining daromad va mol-mulkini deklaratsiya qilish tizimi joriy etilishi va samarali ishlashini tashkil etish sohasida:

(i) davlat xizmatchilarining daromadlari va mol-mulkini majburiy deklaratsiyalash tizimini bosqichma-bosqich joriy etish boʻyicha chora-tadbirlarni ishlab chiqadi va amalga oshiradi;

(ii) davlat xizmatchilarining daromadlari va mol-mulki boʻyicha deklaratsiyalarining haqqoniyligini va ishonchliligini tekshiradi;

(iii) qonunchilikda belgilangan tartibda davlat xizmatchilarining daromadlari va mol-mulkini deklaratsiya qilish natijalari toʻgʻrisida jamoatchilikni xabardor qiladi;

(i) davlat xizmatiga halollik standarti hamda manfaatlar toʻqnashuvini oldini olish va hal etish standartlarini joriy etishga koʻmaklashish, shuningdek, ularga rioya etilishi ustidan nazoratni amalga oshirish sohasida:

(i) korrupsiyaga qarshi kurashish boʻyicha oʻqitilishi lozim boʻlgan davlat xizmatchilari kontingentini shakllantiradi;

(ii) davlat xizmatchilarining korrupsiyaga qarshi kurashish borasidagi bilimlarini doimiy oshirib borish boʻyicha hamkorlikda oʻquv kurslarini tashkillashtiradi;

(iii) davlat fuqarolik xizmatchilari oʻrtasida yuqori kasbiy etika, korrupsiyaga nisbatan murosasiz munosabatni shakllantirish boʻyicha kompleks reja va dasturlar ishlab chiqilishini hamda amalga oshirilishini taʼminlaydi;

(iv) manfaatlar toʻqnashuvini oldini olish va hal etish standartlarini joriy etishga qaratilgan taʼsirchan choralarni koʻradi, shuningdek, ularga rioya etilishi ustidan nazoratni amalga oshiradi;

(v) manfaatlar toʻqnashuvi bilan bogʻliq axborotni va materiallarni davlat organlari va tashkilotlaridan soʻrab oladi va oʻrganadi;

(vi) manfaatlar toʻqnashuvi bilan bogʻliq holatlar aniqlanganda, bitimni bekor qilish, qarorni hamda boshqa hujjatni oʻzgartirish yoki bekor qilish toʻgʻrisida davlat organlari va tashkilotlariga taqdimnoma kiritadi yoxud ularni haqiqiy emas deb topish haqida sudga daʼvo kiritadi;

(vii) manfaatlar toʻqnashuvini hisobga olish reyestrining, mavjud manfaatlar toʻqnashuvi toʻgʻrisidagi xabarnomaning hamda ehtimoliy manfaatlar toʻqnashuvi toʻgʻrisidagi deklaratsiyaning namunaviy shakllarini tasdiqlaydi;

(viii) manfaatlar toʻqnashuvi natijasida fuqarolarning, tashkilotlarning, jamiyatning yoki davlatning manfaatlariga yetkazilgan zararning oʻrni toʻliq qoplanishiga erishilishi ustidan nazoratni amalga oshiradi;

(ix) manfaatlar toʻqnashuvi toʻgʻrisidagi qonunchilik talablariga rioya etmaganlik bilan bogʻliq maʼmuriy huquqbuzarlik haqida bayonnomani tuzadi va uni koʻrib chiqish uchun sudga yuboradi;

(k) davlat organlari va tashkilotlari faoliyatining ochiqligini taʼminlash sohasini muvofiqlashtirish va doimiy monitoring qilish sohasida:

(i) davlat organlari va tashkilotlari faoliyatining ochiqligini taʼminlash sohasini muvofiqlashtiradi va doimiy monitoring qilib boradi;

(ii) ochiq maʼlumotlar sifatida joylashtirilishi kerak boʻlgan ijtimoiy ahamiyatga molik maʼlumotlar roʻyxatini takomillashtirib va yangilab borish, shuningdek, ochiqlikni taʼminlash sohasidagi qonunchilik va ularda nazarda tutilgan mexanizmlarni takomillashtirish boʻyicha takliflar ishlab chiqadi hamda ularni amalga oshirishga koʻmaklashadi;

(iii) “Ochiqlik indeksi”ni baholash indikator va mezonlarida koʻrsatilgan maʼlumotlarni oʻz vaqtida ochiqlab borish va belgilangan talablar ijro etilishini oʻrganadi, davriy baholab boradi hamda davlat idoralarining bu boradagi faoliyatini yaxshilashga koʻmaklashadi;

(iv) nodavlat notijorat tashkilotlari, fuqarolik jamiyatining boshqa institutlarining davlat organlari va tashkilotlari faoliyati ochiqligini taʼminlashga qaratilgan loyihalarini hamda bu borada oʻtkaziladigan tadqiqotlarini va ijtimoiy soʻrovlarini moliyalashtiriladi;

(v) davlat organlari va tashkilotlari faoliyatining ochiqligini taʼminlash sohasini joyiga chiqqan holda oʻrganadi va aniqlangan qonunbuzilishi holatlari yuzasidan huquqiy taʼsir choralari qoʻllaydi;

(vi) davlat organlari va tashkilotlaridagi ishonch telefonlarining (Call-markaz) hamda ularning rasmiy veb-saytlarida eʼlon qilingan telefon raqamlarining doimiy ravishda ishchi holatdaligi, maʼlumotlar almashinuvi samaradorligi, qayta aloqaning mavjudligi, shu jumladan, tezkorligi va belgilangan muddatlarda amalga oshirilishi darajasini “Qayta aloqaning sirli mijozi” tadbirini oʻtkazish orqali tekshiradi;

(l) Oʻzbekiston Respublikasining korrupsiyaga qarshi kurashish milliy kengashi va uning hududiy kengashlari faoliyatini samarali tashkil etish sohasida:

(i) Milliy kengash yigʻilishlari, kun tartibi hamda dasturlarini ishlab chiqish va ularda belgilangan masalalar yuzasidan tashkiliy choralarni amalga oshiradi;

(ii) Milliy kengash tomonidan koʻrib chiqiladigan masalalar yuzasidan vazifa va topshiriqlarni ishlab chiqish borasida taklif beradi;

(iii) Milliy kengash tomonidan belgilangan vazifa va topshiriqlarning samarali ijro etilishini taʼminlash yuzasidan tashkiliy choralarni amalga oshiradi;

(iv) Oʻzbekiston Respublikasi Oliy Majlisi palatalarining korrupsiyaga qarshi kurashishga masʼul boʻlgan qoʻmitalari, Qoraqalpogʻiston Respublikasi Joʻqorgʻi Kengesining tegishli qoʻmitasi, xalq deputatlari viloyatlar hamda Toshkent shahar, tuman va shahar Kengashlarining korrupsiyaga qarshi kurashish komissiyalari bilan hamkorlik qiladi;

(m) korrupsiyaning oldini olish va unga qarshi kurashish sohasida xalqaro hamkorlikni rivojlantirish sohasida:

(i) mamlakatning imijini mustahkamlash va uning xalqaro reytinglardagi oʻrnini oshirish boʻyicha tizimli chora-tadbirlarni amalga oshiradi;

(ii) korrupsiyaga qarshi kurashish sohasida Oʻzbekiston Respublikasi qonunchiligining umumeʼtirof etilgan xalqaro meʼyorlar va standartlarga muvofiqligini oʻrganadi, shuningdek, ularni milliy qonunchilikka implementatsiya qilish boʻyicha takliflar tayyorlaydi;

(iii) korrupsiyaga qarshi kurashish sohasida xorijiy davlatlarning vakolatli organlari, xalqaro va mintaqaviy tashkilotlar bilan oʻzaro hamkorlikni yoʻlga qoʻyadi va axborot almashinuvini amalga oshiradi;

(iv) BMTning Korrupsiyaga qarshi konvensiyasi va Oʻzbekiston Respublikasining korrupsiyaga qarshi kurashish sohasidagi boshqa xalqaro shartnomalari qoidalarining bajarilishi bilan bogʻliq chora-tadbirlarni amalga oshirish hamda ushbu yoʻnalishdagi faoliyatni muvofiqlashtirish boʻyicha Oʻzbekiston Respublikasi milliy koordinatori vazifasini bajaradi;

(v) Agentlik vakolatiga kiradigan masalalar boʻyicha xalqaro hamkorlikni yoʻlga qoʻyadi va xorijiy davlatlarning vakolatli organlari hamda xalqaro tashkilotlar bilan samarali hamkorlik shakllarini rivojlantiradi;

(vi) korrupsiyaga qarshi kurashish sohasidagi islohotlarni jadallashtirish maqsadida xalqaro hamkorlar bilan qoʻshma loyihalarni amalga oshiradi;

(vii) xorijiy ekspertlar va xalqaro hamkorlar ishtirokida korrupsiyaning oldini olish sohasida tadqiqot va tahlil ishlarini tashkil etadi;

(viii) Iqtisodiy hamkorlik va taraqqiyot tashkilotining Sharqiy Yevropa va Markaziy Osiyo mamlakatlari uchun korrupsiyaga qarshi kurashish boʻyicha tarmogʻining Istanbul harakatlar dasturi doirasidagi ishlar hamda ishlab chiqilgan tavsiyalarning amalga oshirilishini tashkillashtiradi.

Agentlik qonunchilik hujjatlarida belgilangan boshqa funksiyalarni ham amalga oshirishi mumkin.

3. Agentlikning huquqlari

12. Agentlik korrupsiyaning oldini olish va unga qarshi kurashish boʻyicha zimmasiga yuklatilgan vazifalarni bajarishda quyidagi huquqlarga ega:

(a) budjet mablagʻlarining sarflanishi, davlat aktivlarining realizatsiya qilinishi, davlat xaridlari, investitsiya loyihalarining amalga oshirilishi va davlat dasturlari bajarilishi bilan bogʻliq materiallarni talab qilish, olish va oʻrganish;

(b) oʻz vakolatiga taalluqli masalalar yuzasidan oʻrnatilgan tartibda normativ-huquqiy hujjatlar qabul qilish;

(v) Oʻzbekiston Respublikasi Prezidenti, Vazirlar Mahkamasi va boshqa davlat organlari koʻrib chiqishi uchun qonunchilikni va huquqni qoʻllash amaliyotini takomillashtirish masalalari hamda oʻziga yuklatilgan vazifa va funksiyalar boʻyicha takliflar kiritish;

(g) jismoniy va yuridik shaxslarning korrupsiya masalalari boʻyicha murojaatlarini koʻrib chiqish hamda ularning buzilgan huquqlarini tiklash va qonuniy manfaatlarini himoya qilish boʻyicha choralar koʻrish;

(d) oʻrganish va boshqa tadbirlar natijalari boʻyicha toʻplangan materiallarni faoliyatida korrupsiyaga oid huquqbuzarlik alomatlari boʻlgan shaxslarga nisbatan qonunga muvofiq choralar koʻrish, jumladan, jinoyat ishlarini qoʻzgʻatish uchun huquqni muhofaza qiluvchi va boshqa davlat organlariga taqdim etish;

(j) tadqiqotlar oʻtkazish hamda tahliliy materiallar tayyorlash boʻyicha qoʻshma ishchi guruhlarini tuzish;

(z) korrupsiya faktlari toʻgʻrisidagi xabarlarni tekshirish natijalari boʻyicha qabul qilingan qaror toʻgʻrisida maʼlumotni talab qilib olish;

(i) ijro hokimiyati va xoʻjalik boshqaruvi organlari hamda ularning mansabdor shaxslari qarorlarida korrupsiya belgilari aniqlangan hollarda ularning ijrosini toʻxtatish yoki bekor qilish toʻgʻrisida koʻrib chiqilishi majburiy boʻlgan taqdimnomalarni kiritish;

(k) davlat organlari, tashkilotlari va ularning mansabdor shaxslariga koʻrib chiqilishi majburiy boʻlgan korrupsiyaga oid huquqbuzarlikka yoʻl qoʻymaslik toʻgʻrisida ogohlantirishlar hamda korrupsiyani keltirib chiqaruvchi sabab va shart-sharoitlarni bartaraf etish choralarini koʻrish toʻgʻrisida taqdimnomalar kiritish;

(l) fuqarolarning korrupsiyaga oid murojaatlari va maʼlumotlar yuzasidan tegishli davlat organlarida tekshirishlar oʻtkazish;

(m) oʻziga yuklatilgan vazifalarni tezkor va oʻz vaqtida bajarish maqsadida vazirlik va idoralarning maʼlumotlar bazasi, roʻyxati va boshqa koʻrinishdagi axborot tizimlaridan foydalanish;

(n) davlat xizmatchilarining daromadlari va mol-mulklarini deklaratsiyalash qoidalarini buzgan shaxslarga nisbatan qonuniy chora qoʻllash yoki boshqa tegishli choralarni qoʻllash uchun materiallarni vakolatli organlarga yuborish;

(o) korrupsiyaning sabab va shart-sharoitlarini, korrupsiya holatini oʻrganish hamda tahlil qilish maqsadida davlat organlari va tashkilotlari, huquqni muhofaza qiluvchi organlar, ushlab turilganlarni va qamoqqa olinganlarni saqlash joylari, jazoni ijro etish muassasalariga moneliksiz kirish va hujjatlar bilan tanishish;

(p) Oʻzbekiston Respublikasining obroʻsiga salbiy taʼsir koʻrsatadigan hamda davlat va jamiyatning hayotiy muhim manfaatlariga jiddiy zarar yetkazadigan korrupsiyaga oid huquqbuzarliklar yuzasidan qonuniy taʼsir choralari koʻrilishini tashkillashtirish;

(r) oʻz vakolatlari doirasida sudlarga koʻrib chiqish uchun daʼvo arizalar (ariza, shikoyat) kiritish;

(s) davlat organlari va tashkilotlarining ochiqlikka oid qonunchilik hujjatlarida koʻrsatilgan talablarni muntazam ravishda buzayotgan aybdor mansabdor shaxslarini javobgarlikka tortish boʻyicha Oʻzbekiston Respublikasi Prezidenti Administratsiyasi va Vazirlar Mahkamasiga takliflar kiritib borish.

Agentlik qonunchilik hujjatlariga muvofiq boshqa huquqlarga ham ega boʻlishi mumkin.

13. Agentlikning ogohlantirish, taqdimnoma va murojaatlari oʻn kun ichida koʻrib chiqilishi va natijalari yuzasidan yozma axborot berilishi shart.

4. Agentlik rahbarlarining asosiy funksional majburiyatlari

14. Agentlik zimmasiga yuklatilgan vazifalarga muvofiq uning rahbarlari quyidagi funksional majburiyatlarni bajaradi:

(a) Agentlik direktori:

(i) Agentlik faoliyatiga rahbarlikni amalga oshiradi va Agentlik zimmasiga yuklatilgan vazifalarning bajarilishi uchun shaxsan javob beradi;

(ii) Korrupsiyaga qarshi kurashish boʻyicha milliy kengash majlislarida ishtirok etadi va Milliy kengash tomonidan qabul qilingan qarorlarning ijrosi taʼminlanishiga masʼul hisoblanadi;

(iii) davlat organlari, jamoat tashkilotlari va xalqaro tashkilotlar bilan munosabatlarda Agentlik nomidan ish koʻradi;

(iv) Agentlikning xodimlarini lavozimga tayinlaydi va lavozimidan ozod qiladi;

(v) Agentlik direktori oʻrinbosarlari va xodimlari oʻrtasida vazifalarni taqsimlaydi, shuningdek, oʻrinbosarlari va Agentlikning boshqa mansabdor shaxslari vakolatlarini hamda shaxsiy javobgarlik darajasini belgilaydi;

(vi) Agentlik hamda davlat organlari va tashkilotlaridagi korrupsiyaga qarshi ichki nazorat boʻlinmalarining xodimlarini Oʻzbekiston Respublikasi davlat mukofotlariga tavsiya etadi;

(vii) buyruq, qaror va koʻrsatmalar chiqaradi hamda Agentlikning tarkibiy tuzilmalari toʻgʻrisida nizomlarni, shuningdek, Agentlik faoliyati yuzasidan boshqa hujjatlarni tasdiqlaydi;

(viii) Agentlikning xarajatlar smetasini va belgilangan shtatlar soni doirasida shtatlar jadvalini tasdiqlaydi;

(ix) ijro intizomiga, shuningdek, jismoniy va yuridik shaxslarning murojaatlarini qonun hujjatlariga muvofiq koʻrib chiqish muddatlari va tartibiga qatʼiy rioya etilishini taʼminlaydi;

(x) Agentlik direktori qonun hujjatlariga muvofiq boshqa vakolatlarni ham amalga oshirishi mumkin.

Agentlik direktori boʻlmagan vaqtda uning vakolatlari direktorning birinchi oʻrinbosari tomonidan, u boʻlmagan vaqtda esa direktorning boshqa oʻrinbosarlaridan biri tomonidan amalga oshiriladi;

(b) direktorning oʻrinbosarlari:

(i) Agentlikning zimmasiga yuklatilgan vazifalar boʻyicha soha va yoʻnalishlarni boshqaradi;

(ii) korrupsiyaga qarshi kurashish va uning oldini olish sohasidagi normativ-huquqiy hujjatlar va boshqa hujjatlarning loyihalarini ekspertizadan oʻtkazish va sifatli tayyorlashni tashkil etish masalalari boʻyicha Oʻzbekiston Respublikasi Prezidenti Administratsiyasi hamda Vazirlar Mahkamasining tegishli boʻlinmalari bilan oʻzaro hamkorlik qiladi;

(iii) Agentlik direktorining topshiriqlariga binoan korrupsiyaga qarshi kurashish va uning oldini olish sohasiga oid dasturiy hujjatlarning bajarilishini muvofiqlashtiradi;

(iv) oʻzlari mutasaddilik qilayotgan Agentlik tarkibiy boʻlinmalarida kadrlar zaxirasini shakllantirish boʻyicha ishlarni tizimli asosda tashkillashtiradi;

(v) Agentlik direktori vaqtincha boʻlmaganida uning vazifalarini bajaradi;

(vi) qonun hujjatlari va Agentlik direktorining qarorlariga muvofiq boshqa funksional majburiyatlarni bajaradi.

5. Agentlik faoliyatini tashkil etish

15. Agentlikning tashkiliy tuzilmasi va boshqaruv xodimlarining cheklangan soni Oʻzbekiston Respublikasi Prezidenti tomonidan tasdiqlanadi.

16. Agentlik direktori boshqaruv xodimlarning belgilangan cheklangan soni va mehnatga haq toʻlash fondi doirasida Agentlikning tuzilmasiga oʻzgartirishlar kiritishi mumkin.

17. Agentlikka Oʻzbekiston Respublikasi Oliy Majlisi Senati tomonidan saylanadigan va lavozimidan ozod etiladigan direktor rahbarlik qiladi.

18. Agentlik direktori lavozimiga nomzod Oʻzbekiston Respublikasi Oliy Majlisi Senatiga Oʻzbekiston Respublikasi Prezidenti tomonidan taqdim etiladi.

19. Agentlik direktori oʻrinbosarlari Agentlik direktori taqdimnomasiga koʻra Oʻzbekiston Respublikasi Prezidenti tomonidan lavozimga tayinlanadi va lavozimidan ozod etiladi.

20. Agentlik faoliyatining ochiqligi va shaffofligini taʼminlash, shuningdek, korrupsiyaga qarshi kurashishda jamoatchilikni keng jalb qilish maqsadida Agentlik huzurida jamoatchilik kengashi tuziladi. Agentlik huzuridagi jamoatchilik kengashining tarkibi Agentlik direktori tomonidan tasdiqlanadi.

21. Agentlikka xodimlarni ishga qabul qilish Agentlik direktori tomonidan belgilangan tartibga muvofiq tanlov asosida amalga oshiriladi.

22. Agentlik direktori va uning oʻrinbosarlariga xizmat guvohnomasi Oʻzbekiston Respublikasi Prezidenti Administratsiyasi tomonidan, boshqa xodimlarga Agentlik direktori tomonidan beriladi. Agentlik xodimlarining xizmat guvohnomasi shakli Agentlik direktori tomonidan tasdiqlanadi.

23. Xodimlar Oʻzbekiston Respublikasi Prezidenti hujjatida nazarda tutilgan hollarda Agentlikdagi ish faoliyati davrida attestatsiyadan oʻtkaziladi.

24. Agentlik xodimlariga ilgari ishlagan joyida koʻp yillik mehnati uchun berilgan ustamalar va qoʻshimcha haq, harbiy va maxsus unvonlar (martaba va malaka darajalari, diplomatik darajalar va boshqalar) saqlanib qoladi.

25. Agentlikda ishlagan vaqt harbiy va maxsus unvonlarni (martaba va malaka darajalari, diplomatik darajalar va boshqalar) olish uchun zarur boʻlgan ish stajiga kiritiladi.

26. Agentlikka lavozimga tayinlangan (yuborilgan) huquqni muhofaza qiluvchi organlar xodimlari oʻz majburiyatlarini bajarish davrida pul taʼminoti saqlanmagan holda tegishli huquqni muhofaza qiluvchi organlar kadrlarining amaldagi zaxirasiga toʻgʻridan-toʻgʻri kiritiladi.

27. Agentlik xodimlari mehnat faoliyatini toʻxtatganlaridan soʻng ularga avvalgi ish joyi boʻyicha egallagan yoki unga teng boʻlgan lavozim berish kafolatlari taʼminlanadi.

6. Agentlikning davlat organlari va tashkilotlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorligi

28. Agentlik oʻz vazifalari va funksiyalarini amalga oshirishda davlat organlari va tashkilotlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.

29. Agentlikning faoliyatiga Oʻzbekiston Respublikasi Prezidenti Administratsiyasining tegishli tarkibiy boʻlinmalari tomonidan mutasaddilik qilinadi.

7. Agentlik faoliyati samaradorligi va natijadorligini baholash mezonlari va ish indikatorlari

30. Agentlik faoliyati samaradorligi va natijadorligini baholash Oʻzbekiston Respublikasi Prezidenti tomonidan tasdiqlanadigan Agentlik faoliyati samaradorligi va natijadorligini baholash mezonlari va ish indikatorlariga asoslanadi.

31. Agentlik faoliyati samaradorligi va natijadorligini baholash yakunlari boʻyicha:

(a) Agentlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

(b) Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

8. Agentlik faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish

32. Quyidagilar Agentlik faoliyatini moliyalashtirish manbalari hisoblanadi:

(a) Oʻzbekiston Respublikasi Davlat budjeti mablagʻlari;

(b) Jamoatchilik nazoratini rivojlantirish jamgʻarmasi mablagʻlari;

(v) vaqtincha boʻsh mablagʻlarni tijorat banklarining depozitlariga joylashtirishdan olingan daromadlar;

(g) qonunchilik hujjatlari bilan taqiqlanmagan boshqa manbalar.

33. Har yili Oʻzbekiston Respublikasining Davlat budjeti parametrlarida alohida modda bilan Agentlik faoliyatini moliyalashtirish uchun zarur mablagʻlar nazarda tutiladi.

34. Agentlik oʻz vakolatlarini amalga oshirishi uchun zarur moddiy-texnika vositalari va boshqa asbob-uskunalar bilan taʼminlanadi.

35. Agentlikni moddiy-texnik jihatdan taʼminlash xarajatlarini moliyalashtirish, shuningdek, uning xodimlari mehnatiga haq toʻlash, moddiy ragʻbatlantirish va ijtimoiy himoya qilish Oʻzbekiston Respublikasi Davlat budjeti, budjetdan tashqari jamgʻarma manbalari va qonunchilik hujjatlarida taqiqlanmagan boshqa manbalar hisobiga amalga oshiriladi.

36. Agentlik xodimlarining ish haqi lavozim maoshi, mukofotlar, qoʻshimcha haqlar, ustamalardan va qonunchilik hujjatlarida nazarda tutilgan boshqa toʻlovlardan iborat.

37. Xizmat vazifasini sidqidildan va samarali bajarib kelayotgan Agentlikning yuqori malakali, tashabbuskor xodimlariga yuqori malakasi uchun Agentlik direktori tomonidan Jamoatchilik nazoratini rivojlantirish jamgʻarmasi mablagʻlari hisobidan shaxsiy ustamalar belgilanishi mumkin.

9. Agentlikning hisobdorligi

38. Agentlik direktori oʻz faoliyati toʻgʻrisida Oʻzbekiston Respublikasi Prezidentiga va Oliy Majlisi palatalariga muntazam ravishda hisobot beradi.

39. Oʻzbekiston Respublikasi Prezidenti Administratsiyasining tegishli tarkibiy boʻlinmasi Agentlikka yuklangan vazifalar samarali bajarilishi boʻyicha ular faoliyati ustidan muntazam monitoring olib boradi, Agentlik faoliyati samaradorligiga xolisona baho beradi.

10. Yakunlovchi qoida

40. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

Oʻzbekiston Respublikasi Prezidentining 2025-yil 30-dekabrdagi PF-270-son Farmoniga 5-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartish va qoʻshimchalar

1. Oʻzbekiston Respublikasi Prezidentining 2020-yil 29-iyundagi “Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida”gi PF-6013-son Farmoni 2-bandi quyidagi mazmundagi oʻn toʻqqizinchi xatboshi bilan toʻldirilsin:

“davlat xizmatchilari axloq qoidalariga zid xatti-harakatlar qilishining oldini olishga qaratilgan ishlarni muvofiqlashtirish”.

2. Oʻzbekiston Respublikasi Prezidentining 2022-yil 14-iyundagi “Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari toʻgʻrisida”gi PF-154-son Farmonida :

(a) 11-band quyidagi mazmundagi toʻrtinchi xatboshi bilan toʻldirilsin:

“Belgilansinki, davlat organlari va tashkilotlari Ochiqlik indeksini baholash mezonlari va indikatorlarida belgilangan talablar ijrosiga oid maʼlumotlarni (hujjatlarni) Yagona idoralararo axborot tizimiga (platforma) joylashtirib borishi shart”.

(b) 1-ilovada :

(i) 36-band quyidagi tahrirda bayon qilinsin:

“36. Baholash indikatorlari boʻyicha ballar quyidagicha taqsimlanadi:

birinchi indikator — maksimal 20 ball;

ikkinchi indikator — maksimal 20 ball;

uchinchi indikator — maksimal 16 ball;

toʻrtinchi indikator — maksimal 6 ball;

beshinchi indikator — maksimal 8 ball;

oltinchi indikator — maksimal 11 ball;

yettinchi indikator — maksimal 15 ball;

sakkizinchi indikator — maksimal 4 ball”;

(ii) 1-ilova quyidagi tahrirda bayon qilinsin:

“Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 1-ILOVA

Davlat organlari va tashkilotlarida ochiqlikni taʼminlashga masʼul boʻlgan xodimlar faoliyatining samaradorligini

T/r Baholash mezonlari Ballar Toʻplangan ball 1 2 3 4 Matbuot anjumanlari, brifinglar, press-turlar, taqdimotlar hamda boshqa tadbirlar (tadbirlar) soni 1. 6 va undan ortiq tadbir 20 5 ta tadbir 18 4 ta tadbir 16 3 ta tadbir 14 2 va undan kam tadbir 0 Ijtimoiy tarmoqlarda onlayn translyatsiyalar soni 2. 6 va undan ortiq onlayn translyatsiya 20 5 ta onlayn translyatsiya 18 4 ta onlayn translyatsiya 16 3 ta onlayn translyatsiya 14 2 va undan kam onlayn translyatsiya 0 Matbuot anjumanlari, brifinglar va boshqa tadbirlarda rahbarlarning ishtiroki 3. rahbar ishtirok etsa 20 rahbarning birinchi oʻrinbosari ishtirok etsa 18 rahbarning oʻrinbosari ishtirok etsa 16 rahbarlar ishtirok etmasa 0 Axborotni yetkazib berish shakli (har oyda kamida bir marta) 4. infografika tarzida 20 foto, video shaklida 18 matn shaklida 16 axborot eʼlon qilinmasa 0 Axborotning qamrovi 5. radio, televideniye, gazeta, ijtimoiy tarmoqlar, messenjerlar va veb-saytda eʼlon qilinishi 20 faqat ijtimoiy tarmoqlar, messenjerlar va veb-saytda eʼlon qilinishi 18 faqat radio, televideniye va gazetada eʼlon qilinishi 16 radio, televideniye, gazeta, ijtimoiy tarmoqlar, messenjerlar yoki veb-saytda eʼlon qilinishi 14 axborot eʼlon qilinmasa 0 Sohaga oid muammolarni yoritish 6. birinchi manba sifatida yoritish 20 eʼlon qilingan tanqidiy materialga munosabat bildirish 15 birinchi manba sifatida yoritmasa yoki eʼlon qilingan tanqidiy materialga munosabat bildirmasa 0 Tanqidiy materiallarga munosabat bildirishning tezkorligi 7. tanqidiy material eʼlon qilingan vaqtdan boshlab 5 soat ichida 20 tanqidiy material eʼlon qilingan vaqtdan boshlab 12 soat ichida 18 tanqidiy material eʼlon qilingan vaqtdan boshlab 24 soat ichida 14 tanqidiy material eʼlon qilingan vaqtdan boshlab 24 soatdan keyin 0 Tadbirlar haqidagi axborotlarning rasmiy veb-sayt, messenjer va ijtimoiy tarmoqlarda eʼlon qilinishi tezkorligi 8. tadbir yakunlangandan keyin 1 soat ichida 20 tadbir yakunlangandan keyin 5 soat ichida 18 tadbir yakunlangandan keyin 12 soat ichida 14 tadbir yakunlangandan keyin 12 soatdan keyin 0 Rahbar yoki axborot xizmati rahbarining muayyan axborot voqeligi munosabati bilan rasmiy bayonot berishi 9. video formatida 20 matn shaklida 15 bayonot berilmasa 0 Xorijiy ommaviy axborot vositalarida materiallar eʼlon qilinishi 10. tashkilot faoliyati haqida xorijiy ommaviy axborot vositalarida materiallar eʼlon qilinsa 20 tashkilot faoliyati haqida xorijiy ommaviy axborot vositalarida materiallar eʼlon qilinmasa 0 Mezonlar soni 10 ta Umumiy ball 200 Indikator boʻyicha ballarni hisoblash tartibi: J = U 10

Bunda:

U — davlat organi yoki tashkilotining matbuot kotibi tomonidan joriy baholash davrida barcha mezonlar boʻyicha toʻplangan umumiy ballarning yigʻindisi;

10 — axborot xizmati rahbarining faoliyati samaradorligini baholash mezonlari soni ( joriy baholash davrida toʻplangan ballar baholash mezonlari soniga boʻlinadi );

J — jami hisoblangan ball ( joriy baholash davrida toʻplangan ballar baholash mezonlari soniga boʻlinganida hosil boʻlgan ball).

(iii) 2-ilovada :

“Oʻz kuchini yoʻqotgan normativ-huquqiy hujjatlar toʻgʻrisidagi maʼlumotlarning eʼlon qilinishi”, “Tasdiqlangan dasturlar toʻgʻrisidagi maʼlumotlarning eʼlon qilinishi”, “Dolzarb mavzularga oid maʼlumotlar toʻplamining alohida boʻlimga tizimlashtirilishi” va “Yangi maʼlumotlar bilan interaktiv usulda tanishish imkoni mavjudligi” boʻlimlari chiqarib tashlansin;

22-pozitsiyaning birinchi xatboshisida “Baholash mezonlari” ustuni quyidagi tahrirda bayon etilsin:

“imkoniyati cheklangan shaxslarga rasmiy veb-saytdan foydalanish uchun tashkil etilgan xizmatlar (veb-saytdagi matnni tovush joʻrligida berish imkoniyati, koʻrish qobiliyati zaiflashgan shaxslarni qoʻllab-quvvatlash, standart ranglarni muayyan foydalanuvchi koʻradigan ranglarga oʻzgartirish imkonini beradigan rangli sozlamalardan foydalanish, shrift va interfeys elementlarini masshtablash) mavjud boʻlsa”;

“Koʻrish qobiliyati cheklangan shaxslar uchun veb-saytdan foydalanish qulayligi” boʻlimi chiqarib tashlansin;

“Mezonlar soni” va “Indikatorlar boʻyicha umumiy ball” pozitsiyalarining “Ballar” ustunidagi “25” raqami tegishincha “20” raqami bilan almashtirilsin;

(iv) 3-ilovada :

1-pozitsiya quyidagi tahrirda bayon etilsin:

“ 1. har yili oʻz faoliyatiga oid hisobotlarni rasmiy veb-saytda eʼlon qilib, ularni keng jamoatchilik ishtirokida muhokama qilish talablariga toʻliq rioya qilinsa 1 hisobotlar, ularni muhokama joyi va vaqtini eʼlon qilish hamda keng jamoatchilik ishtirokida muhokama qilish uchun matbuot anjumanlarini oʻtkazish tartibi va muddatlariga rioya qilinmasa 0,5 hisobotlar eʼlon qilinmasa va matbuot anjumanlari oʻtkazilmasa 0 ” ;

“Hisobotlarni keng jamoatchilik ishtirokida muhokama qilish joyi va vaqti haqidagi maʼlumotlarni eʼlon qilish”, “Hisobotlarni keng jamoatchilik ishtirokida muhokama qilish holati” boʻlimlari chiqarib tashlansin;

4-pozitsiyaning birinchi xatboshisi “Baholash mezonlari” ustunidagi “ish rejalari” soʻzlaridan keyin “(biznes reja)” soʻzlari bilan toʻldirilsin;

14-pozitsiyaning birinchi xatboshisi “Baholash mezonlari” ustunidagi “xarid komissiyasi” soʻzlari “komissiya” soʻzi bilan almashtirilsin;

“Ochiqlik sohasini takomillashtirish boʻyicha ishlab chiqilgan takliflar toʻgʻrisidagi maʼlumotlarning eʼlon qilinishi”, “Ochiqlik sohasidagi shikoyatlarni koʻrib chiqish tartibi toʻgʻrisidagi maʼlumotlarning eʼlon qilinishi”, “Ochiqlikni taʼminlash sohasida qabul qilingan qonunchilik hujjatlari toʻgʻrisidagi maʼlumotlarning eʼlon qilinishi” boʻlimlari chiqarib tashlansin;

“Mezonlar soni” va “Indikator boʻyicha umumiy ball*” pozitsiyalarining “Ballar” ustunidagi “21” raqami tegishincha “16” raqami bilan almashtirilsin.

(v) 5-ilovada:

“Ochiq maʼlumotlar asosida ishlab chiqilgan mobil ilovalar soni” boʻlimi chiqarib tashlansin;

“Mezonlar soni” pozitsiyaning “Ballar” ustunidagi “5” raqami “10 ta” soʻzlari bilan almashtirilsin;

“Umumiy ball” pozitsiyaning “Ballar” ustunidagi “10*” raqami “8*” raqami bilan almashtirilsin.

(vi) 6-ilova quyidagi tahrirda bayon etilsin:

“Davlat organlari va tashkilotlari faoliyatining ochiqligini monitoring qilish va baholash boʻyicha metodikaga 6-ILOVA

Ommaviy kommunikatsiya texnologiyalarining joriy qilinishini

T/r Baholash mezonlari Ballar Toʻplangan ball 1 2 3 4 Qayta aloqaning tashkil etilganligi 1. “Ishonch telefonlari” (Call-markazlar) orqali qayta aloqa tashkil etilib, doimiy faoliyat yuritishi taʼminlansa 2 qayta aloqa yoʻlga qoʻyilmagan boʻlsa 0 Operator bilan bogʻlanish uchun urinishlar soni 2. birinchi qoʻngʻiroqda muvaffaqiyatli bogʻlanish imkoni mavjud boʻlsa 2 ikkinchi qoʻngʻiroqda muvaffaqiyatli bogʻlanish imkoni mavjud boʻlsa 1 bogʻlanish imkoni mavjud boʻlmasa 0 Operator bilan bogʻlanish uchun sarflangan vaqt 3. 240-300 soniyagacha muvaffaqiyatli bogʻlanish imkoni mavjud boʻlsa 2 301-420 soniyagacha muvaffaqiyatli bogʻlanish imkoni mavjud boʻlsa 1 421 va undan ortiq soniyada bogʻlanish imkoni mavjud boʻlsa 0 Murojaat yoʻllashning interaktiv usullari tashkil etilganligi 4. murojaatni toʻgʻridan-toʻgʻri veb-sayt yoki uning mobil versiyasi orqali yuborish, koʻrib chiqish jarayonini real vaqt rejimida kuzatib borish, shaxsning identifikatsiya maʼlumotlari asosida javob olish, koʻrib chiqish natijalariga nisbatan munosabat bildirish va baholash imkoniyati mavjud boʻlsa 2 murojaatni yoʻllash va koʻrib chiqishning interaktiv usullari qisman joriy etilgan boʻlsa 1 murojaat yoʻllashning imkoni mavjud boʻlmasa 0 Foydalanuvchilar bilan kommunikatsiya tarmogʻi orqali muloqot qilish tizimi yoʻlga qoʻyilganligi 5. foydalanuvchilar bilan kommunikatsiya tarmogʻi orqali muloqot qilish uchun maxsus dasturiy taʼminot va uning mobil ilovasi mavjud boʻlsa 2 maxsus dasturiy taʼminot va uning mobil ilovasi ishchi holatda boʻlmasa 1 maxsus dasturiy taʼminot va uning mobil ilovasi mavjud boʻlmasa 0 Rahbar bilan bevosita muloqot qilish tizimining tashkil etilganligi 6. shaxsan rahbar bilan muloqot qilish va murojaat yoʻllash tizimi tashkil etilgan boʻlsa 1 rahbar oʻrinbosarlari bilan muloqot qilish va murojaat yoʻllash tizimi tashkil etilgan boʻlsa 0,5 muloqot qilish yoki murojaat yoʻllash tizimi yoʻlga qoʻyilmagan boʻlsa 0 Mezonlar soni 6 ta Umumiy ball 11

Bunda: J = U 4

U — davlat organi yoki tashkilotning baholash yili davomida butun davr uchun toʻplagan umumiy ballarining yigʻindisi;

4 — baholash mezonlarida koʻrsatilgan talablarni baholash yilining har chorakdagi yigʻindisi (butun davr uchun toʻplagan ballar baholash amalga oshiriladigan davriga boʻlinadi);

J — jami hisoblangan ball (butun davr uchun toʻplagan ballar baholash oʻtkaziladigan davrlarga boʻlinganida hosil boʻlgan ball)”.

(vi) 7-ilovada :

7-pozitsiyaning “Ballar” ustunidagi “2” va “1” raqamlari tegishincha “1” va “0,5” raqamlari bilan almashtirilsin;

“Umumiy ball” pozitsiyaning “Ballar” ustunidagi “16*” raqami “15*” raqami bilan almashtirilsin;

(vii) 8-ilovada :

1 — 4-pozitsiyalarning “Ballar” ustunidagi “2” va “1” raqamlari tegishincha “1” va “0,5” raqamlari bilan almashtirilsin;

“Umumiy ball” pozitsiyaning “Ballar” ustunidagi “8” raqami “4” raqami bilan almashtirilsin;

(viii) 9-ilovaning “1-bosqich” pozitsiyasi “Tadbirlar” ustunidagi “Internet resurslariga” soʻzlari “Internet resurslari va Yagona idoralararo axborot tizimiga (platforma)” soʻzlari bilan almashtirilsin.

3. Oʻzbekiston Respublikasi Prezidentining 2020-yil 29-iyundagi PQ-4761-son qarori bilan tasdiqlangan Oʻzbekiston Respublikasi Korrupsiyaga qarshi kurashish agentligi tuzilmasi quyidagi tahrirda bayon etilsin:

“Oʻzbekiston Respublikasi Korrupsiyaga qarshi kurashish agentligi

Direktor Direktorning birinchi oʻrinbosari Direktor oʻrinbosari Direktor oʻrinbosari Tashkiliy-nazorat, ijro va tahlil boʻlimi 3 “Komplayens-nazorat” tizimini joriy etish va ichki nazorat boʻlinmalari faoliyatini tartibga solish boshqarmasi 9 Davlat organlari va boshqa tashkilotlarda korrupsiyaviy omillarni tahlil va monitoring qilish boshqarmasi 4 Xalqaro hamkorlik va reytinglar bilan ishlash boʻlimi 3 Kadrlar boʻlimi 2 Jamoatchilik, yoshlar va nodavlat notijorat tashkilotlari bilan ishlash boʻlimi 2 Shaxsiy xavfsizlik boʻlimi 2 Davlat organlari va tashkilotlarning Korrupsiyaga qarshi ichki nazorat boʻlinmasi Davlat xaridlarida korrupsiyaviy omillarni tahlil va monitoring qilish boʻlimi 3 Axborot xizmati rahbari — davlat tili boʻyicha maslahatchi 1 Murojaatlar bilan ishlash va xabar beruvchilarni himoya qilish boʻlimi 2 Davlat xizmatchilarining daromadlari va mol-mulkini deklaratsiya qilish hamda manfaatlar toʻqnashuvini oldini olish boʻlimi 2 Davlat organlarida tashkilotlari faoliyati ochiqligini taʼminlash boshqarmasi 4 Buxgalteriya 1 Call-markaz Birinchi boʻlim 1 Xavf-tahlil markazi 3 Ishlar boshqarmasi 2 Odob-axloq komissiyalari bilan ishlash boʻlimi 2

4. Oʻzbekiston Respublikasi Prezidentining 2021-yil 22-oktabrdagi “Normativ-huquqiy hujjatlar va ularning loyihalarini korrupsiyaga qarshi ekspertizadan oʻtkazishni yanada takomillashtirish chora-tadbirlari toʻgʻrisida”gi PQ-5263-son qarorining 11-bandi quyidagi mazmundagi beshinchi xatboshi bilan toʻldirilsin:

“2027-yildan boshlab davlat organlari va tashkilotlari yuridik xizmat xodimlarining korrupsiyaga qarshi ekspertizadan oʻtkazish faoliyatini baholash normativ-huquqiy hujjat loyihalariga nisbatan Adliya vazirligi tomonidan, amaldagi normativ-huquqiy hujjatlarga nisbatan Korrupsiyaga qarshi kurashish agentligi tomonidan mustaqil amalga oshiriladi”.

5. Oʻzbekiston Respublikasi Prezidentining 2021-yil 7-dekabrdagi “Oʻzbekiston Respublikasi Korrupsiyaga qarshi kurashish agentligi faoliyatini yanada takomillashtirish boʻyicha qoʻshimcha chora-tadbirlar toʻgʻrisida”gi PQ-34-son qarorida :

(a) 2-bandda :

(i) quyidagi mazmundagi oltinchi va yettinchi xatboshilar bilan toʻldirilsin:

“Agentlik hamda davlat organlari va tashkilotlarining korrupsiyaga qarshi ichki nazorat boʻlinmalari tashabbusi bilan huquqni muhofaza qiluvchi idoralarga yuborilgan materiallar asosida Jinoyat kodeksining 167-moddasi boʻyicha davlat foydasiga undirilgan moddiy zarar va jarimalar summasining 5 foizi;

Agentlik tomonidan tuzilgan maʼmuriy huquqbuzarlik toʻgʻrisidagi bayonnomalar asosida sud tartibida undiriladigan maʼmuriy jarimalarning 95 foizi”;

(ii) oltinchi xatboshi sakkizinchi xatboshi deb hisoblansin;

(b) 1-ilovaning 4-bandida :

(i) quyidagi mazmundagi beshinchi-oltinchi xatboshilar bilan toʻldirilsin;

“Agentlik hamda davlat organlari va tashkilotlarining korrupsiyaga qarshi ichki nazorat boʻlinmalari tashabbusi bilan huquqni muhofaza qiluvchi idoralarga yuborilgan materiallar asosida Jinoyat kodeksining 167-moddasi boʻyicha davlat foydasiga undirilgan moddiy zarar va jarimalar summasining 5 foizi;

Agentlik tomonidan tuzilgan maʼmuriy huquqbuzarlik toʻgʻrisidagi bayonnomalar asosida sud tartibida undiriladigan maʼmuriy jarimalarning 95 foizi”;

(ii) beshinchi xatboshi yettinchi xatboshi deb hisoblansin.

6. Oʻzbekiston Respublikasi Prezidentining 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida”gi PQ-81-son qarorida :

(a) 1-bandning birinchi xatboshisidagi “mahalliy davlat hokimiyati organlarida” soʻzlari “mahalliy davlat hokimiyati organlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlarida” soʻzlari bilan almashtirilsin.

(b) 2-ilovada :

(i) 1-band quyidagi tahrirda bayon etilsin:

“1. Mazkur Nizom barcha davlat organlari va tashkilotlari, shu jumladan, mahalliy davlat hokimiyati organlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlarida (keyingi oʻrinlarda — davlat tashkilotlari) korrupsiyaga qarshi kurashish ishlarining samaradorligini reyting baholash (keyingi oʻrinlarda — reyting baholash) tartibini belgilaydi.

Davlat muassasalari faoliyatiga oid maʼlumotlar ushbu bandning birinchi xatboshisida keltirilgan davlat tashkilotlari tomonidan muvofiqlashtirib boriladi”;

(ii) 7-band quyidagi tahrirda bayon etilsin:

“7. Reyting baholash yoʻnalishlari boʻyicha ballar quyidagicha taqsimlanadi:

birinchi yoʻnalish — maksimal 42 ball;

ikkinchi yoʻnalish — maksimal 25 ball;

uchinchi yoʻnalish — maksimal 10 ball;

toʻrtinchi yoʻnalish — maksimal 15 ball;

beshinchi yoʻnalish — maksimal 8 ball”;

(iii) 11-bandning birinchi xatboshisidagi “har chorakda (10-aprel, 10-iyul va 10-oktabrga qadar) choraklik” soʻzlari “har yarim yilda (birinchi yarim yillikda 10-iyulga qadar) yarim yillik” soʻzlari bilan almashtirilsin;

(iv) 17-bandning birinchi xatboshisidagi “iborat boʻlgan” soʻzlari “kam boʻlmagan toq sondan iborat tarkibda” soʻzlari bilan almashtirilsin;

(v) 18-bandning uchinchi xatboshisidagi “3 kishi” soʻzlari “uchdan bir qismi” soʻzlari bilan almashtirilsin;

(vi) 1-ilovaning matni quyidagi tahrirda bayon etilsin:

“Davlat tashkilotlarida korrupsiyaga qarshi kurashish ishlarining samaradorligini

Birinchi yoʻnalish Davlat tashkilotlarida korrupsiyaga qarshi kurashish boʻyicha mexanizm va huquqiy asoslarning yaratilgani va amaliyotga tatbiq etilgani (jami — 42 ball) Indikatorlar Ballar Asos* 1.1. Korrupsiyaga qarshi kurashish boʻyicha ichki idoraviy hujjatlarning ishlab chiqilgani va oʻz vaqtida yangilab borilishi 1.1.1. Davlat organlari va tashkilotlari, shu jumladan, mahalliy davlat hokimiyati organlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlari (keyingi oʻrinlarda — davlat tashkilotlari)da korrupsiyaga qarshi kurashish boʻyicha quyidagi ichki idoraviy hujjatlarning mavjudligi, sifatli toʻldirilgani va zaruratga qarab yangilanib borilishi: korrupsiyaga qarshi kurashish siyosati; odob-axloq qoidalari; korrupsiyaviy xavf-xatarlarni baholash uslubiyoti; manfaatlar toʻqnashuvini boshqarish boʻyicha nizom; aloqa kanallari orqali korrupsiyaviy xatti-harakatlar toʻgʻrisida kelib tushgan xabarlarni qabul qilish va koʻrib chiqish reglamenti; xodimlarning korrupsiyaga qarshi kurashish sohasida oʻqitilishini tashkil qilish boʻyicha yoʻriqnoma; kontragentlarni tekshirishga oid yoʻriqnoma; ishga qabul qilinayotgan nomzodlarni tekshirish boʻyicha yoʻriqnoma; korrupsiyaga qarshi kurashish samaradorligini monitoring va nazorat qilish uslubiyoti; korrupsiyaga qarshi kurashish tizimining holati haqidagi hisobotni shakllantirish va taqdim etish reglamenti; korrupsiyaviy xatti-harakatlar va odob-axloq qoidalarini buzish holatlari ustidan xizmat tekshiruvlari oʻtkazish boʻyicha reglament; davlat xaridlarini oʻtkazish toʻgʻrisidagi nizom; sovgʻani tasarruf etish toʻgʻrisidagi nizom; korrupsiya holatlari haqida xabar berish mexanizmi, xabar bergan xodimlarni ragʻbatlantirish, ularning taʼqibga olinmasligi kafolatlari reglamenti; rotatsiya qilish tartibi. Izoh. Mazkur toʻplamdagi hamma hujjatlar qabul qilingan, sifatli toʻldirilgani va zaruratga qarab yangilangan boʻlsa, TB, 11 — 14 tasi qabul qilingan, sifatli toʻldirilgani va zaruratga qarab yangilangan boʻlsa, AB, 7 — 10 tasi qabul qilingan, sifatli toʻldirilgani va zaruratga qarab yangilangan boʻlsa, QB, 0 — 6 tasi qabul qilingan, sifatli toʻldirilgani va zaruratga qarab yangilangan boʻlsa, B ustuniga “x” belgisi qoʻyiladi. Mazkur hujjatlar yagona yoki bir nechta buyruq (qaror) bilan tasdiqlanishi mumkin. TB 3 ball AB 2 ball QB 1 ball B 0 ball Tasdiqlangan hujjatlarning elektron shakli ilova qilinadi 1.2. Korrupsiyaga qarshi kurashish boʻyicha ichki idoraviy mexanizmlarning joriy etilgani 1.2.1. Korrupsiya haqida xabar berishga moʻljallangan aloqa kanallari 1.2.1.1. Korrupsiya haqida xabar berishga moʻljallangan kamida 4 ta aloqa kanali (masalan, rasmiy veb-sayt, ijtimoiy tarmoqlardagi sahifa, ishonch telefoni, elektron manzil)ning tashkil etilgani, ishchi holatdaligi va korrupsiya faktlariga doir murojaatlarni koʻrib chiqish natijalari haqidagi yillik hisobotning oʻz rasmiy veb-saytida joylashtirilgani. Izoh. Aloqa kanallari toʻliq, ishchi holatda boʻlsa va yillik hisobot oʻz rasmiy veb-saytida joylashtirilgan boʻlsa TB, aksincha boʻlsa, B ustuniga “x” belgisi qoʻyiladi. Korrupsiyaga qarshi kurashish agentligi (keyingi oʻrinlarda — Agentlik) tomonidan hisobot davrida oʻtkazilgan “Qayta aloqaning sirli mijozi” tadbiri natijasida taqdimnoma kiritilgan boʻlsa, 0 ball qoʻyiladi. Hisobot davrida korrupsiyaga oid murojaatlar kelib tushmagan boʻlsa, bu haqda tasdiqlangan (murojaatlar bilan ishlashga masʼul boʻlinma rahbari va korrupsiyaga qarshi ichki nazorat tuzilmasi rahbari tomonidan imzolanishi va tashkilot muhri bilan tasdiqlanishi) maʼlumot oʻz rasmiy veb-saytiga joylashtiriladi. TB 1 ball B 0 ball Davlat tashkilotining rasmiy veb-saytidagi maʼlumotlar havolasi ilova qilinadi. 1.2.2. Kadrlarga oid masalalarda korrupsiyaga qarshi kurashish tizimining joriy etilishi 1.2.2.1. Davlat tashkilotining rasmiy veb-saytida boʻsh (vakant) ish oʻrinlari, korrupsiya xavfi yuqori boʻlgan lavozimlardagi xodimlarning rotatsiyasi toʻgʻrisidagi eʼlonlar va axborotlarning mavjudligi. Izoh. Korrupsiya xavfi yuqori boʻlgan lavozimlardagi xodimlarning rotatsiyasi toʻgʻrisidagi axborotlar hamda hisobot davri davomida oʻsib boruvchi tartibda boʻsh (vakant) ish oʻrinlari toʻgʻrisidagi eʼlonlarning joylashtirilgan sanasi koʻrsatilgan holda oʻz rasmiy veb-saytida toʻliq va muddatida joylashtirilgan boʻlsa, TB, toʻliq yoki muddatida joylashtirilmagan boʻlsa, B ustuniga “x” belgisi qoʻyiladi. Boʻsh (vakant) ish oʻrinlari toʻgʻrisidagi eʼlonlar: davlat fuqarolik xizmati tatbiq qilinadigan davlat organlari va tashkilotlari tomonidan vakant lavozim vujudga kelgandan soʻng 15 ish kunida; boshqa tashkilotlar tomonidan tanlov tadbirlari oʻtkazilishidan kamida bir oy oldin tashkilotning rasmiy veb-saytida joylashtirilgan boʻlsa, muddatida joylashtirilgan deb baholanadi. Hisobot davrida boʻsh (vakant) ish oʻrinlari va korrupsiyaga xavfi yuqori boʻlgan lavozimlar mavjud boʻlmasa, 3 ball qoʻyiladi. TB 3 ball B 0 ball Davlat tashkilotining rasmiy veb-saytidagi maʼlumotlar havolasi ilova qilinadi 1.2.3. Davlat tashkilotlarida manfaatlar toʻqnashuvini hal qilishning tashkiliy-huquqiy asoslarini takomillashtirish, ularga rioya etilishi yuzasidan monitoring oʻtkazilishini taʼminlash 1.2.3.1. Ishga qabul qilinayotgan nomzodlar ustidan oʻtkazilgan tekshiruvlar. Izoh. Hisobot davrida 100 foiz nomzodlar tekshirilgan boʻlsa, TB, 70 — 99 foizi tekshirilgan boʻlsa AB, 30 — 69 foizi tekshirilgan boʻlsa, QB, 0 — 29 foizi tekshirilgan boʻlsa, B ustuniga “x” belgisi qoʻyiladi. TB 3 ball AB 2 ball QB 1 ball B 0 ball Ishga qabul qilinayotgan nomzodlarni tekshirish reyestri ilova qilinadi 1.2.3.2. Manfaatlar toʻqnashuvi aniqlangan holatlar va ularni tartibga solish boʻyicha koʻrilgan choralar. Izoh. Mazkur indikator boʻyicha ballar manfaatlar toʻqnashuvi aniqlangan holatlar va ular boʻyicha koʻrilgan choralarning yetarliligidan (toʻgʻriligi) kelib chiqib, Agentlik tomonidan 0 — 5 ball oraligʻida belgilanadi. Agar manfaatlar toʻqnashuvi holatlari mavjud boʻlmasa va bu vakolatli davlat organlari tomonidan “E-Anticor.uz” elektron platformasi orqali oʻz tasdigʻini topgan boʻlsa, 5 ball qoʻyiladi. Hisobot davrida vakolatli davlat organlari tomonidan aniqlangan manfaatlar toʻqnashuvi bilan bogʻliq holatlar boʻyicha taʼsir koʻrsatish choralari qoʻllangan yoki taqdimnomalar kiritilgan boʻlsa, 0 ball qoʻyiladi. 0 — 5 ball Manfaatlar toʻqnashuvini hisobga olish reyestri, odob-axloq komissiyasi yigʻilishi bayonnomalari nusxalari ilova qilinadi 1.2.3.3. Kontragentlar ustidan oʻtkazilgan tekshiruvlar. Izoh. Hisobot davrida 100 foiz kontragentlar tekshirilgan boʻlsa, TB, 70 — 99 foizi tekshirilgan boʻlsa, AB, 30 — 69 foizi tekshirilgan boʻlsa, QB, 0 — 29 foizi tekshirilgan boʻlsa, B ustuniga “x” belgisi qoʻyiladi. Hisobot davrida davlat nazorati organlari tomonidan davlat xaridlarida manfaatlar toʻqnashuvi (affillanganlik) holatlari boʻyicha taʼsir koʻrsatish choralari qoʻllangan yoki taqdimnomalar kiritilgan boʻlsa, lozim darajada tekshiruv oʻtkazilmagan deb hisoblanadi hamda B ustuniga “x” belgisi qoʻyiladi. TB 3 ball AB 2 ball QB 1 ball B 0 ball Hisobot davrida tuzilgan xoʻjalik shartnomalari toʻgʻrisida maʼlumot, kontragentlarni tekshirish reyestri, tekshiruvlar natijalari boʻyicha ijobiy va salbiy xulosalar nusxasi ilova qilinadi 1.2.3.4. Davlat tashkilotida sovgʻani qabul qilish, tasarruf etish tartibining amalga oshirilganligi. Izoh: Davlat tashkilotida hisobot davrida xodimga taqdim etilgan sovgʻalarni tasarruf etish masalasi toʻliq hal etilgan va bu haqda oʻz rasmiy veb-saytida sovgʻalar reyestri joylashtirilgan boʻlsa, TB, aksincha boʻlsa, B ustuniga “x” belgisi qoʻyiladi. Hisobot davrida xodimlar tomonidan qabul qilingan sovgʻalar mavjud boʻlmasa va bu haqda tasdiqlangan maʼlumot oʻz rasmiy veb-saytiga joylashtirilgan boʻlsa, TB ustuniga “x” belgisi qoʻyiladi. TB 1 ball B 0 ball Davlat tashkilotining rasmiy veb-saytidagi maʼlumotlar havolasi ilova qilinadi 1.2.4. Davlat tashkilotlari faoliyatida korrupsiyaning oldini olishga doir tadbirlarning amalga oshirilishi yuzasidan ushbu tashkilot tomonidan koʻrilayotgan chora-tadbirlar samaradorligini baholagan holda muntazam ravishda monitoring oʻtkazish 1.2.4.1. Korrupsiyaga qarshi kurashish tizimining holati haqidagi hisobotlarning mavjudligi va sifatli toʻldirilgani. Izoh. Har chorak yakuni boʻyicha keyingi oyning birinchi oʻn kunligida Agentlikka hisobotlar taqdim etib kelingan va sifatli toʻldirilgan boʻlsa, TB, uchta chorak yakuni boʻyicha belgilangan muddatda taqdim etilgan va sifatli toʻldirilgan boʻlsa, QB, kamida uchta chorak yakuni boʻyicha belgilangan muddatda taqdim etilmagan yoki sifatli toʻldirilmagan boʻlsa, B ustuniga “x” belgisi qoʻyiladi. Har chorak yakuni boʻyicha keyingi oyning birinchi oʻn kunligida taqdim etilmagan boʻlsa, baholash jarayonlarida hisobot taqdim etilmagan deb qaraladi. TB 3 ball QB 1 ball B 0 ball Korrupsiyaga qarshi kurashish tizimining amal qilishi haqida umumiy hisobot hamda korrupsiyaga qarshi davlat dasturida nazarda tutilgan chora-tadbirlarning ijrosi haqidagi hisobot ilova qilinadi 1.2.4.2. Korrupsiyaga qarshi tartib-taomillarning samaradorligini monitoring va nazorat qilish boʻyicha rejadagi tadbirlarning bajarilgani. Izoh. Mazkur indikator boʻyicha ballar rejaning belgilangan muddatlarda tasdiqlanganligi, ulardagi tadbirlarning sifatli va oʻz vaqtida bajarilganidan kelib chiqib, 0 — 5 ball oraligʻida belgilanadi. Tashkilot rahbari tomonidan hisobot davri uchun har yili yanvar oyida tasdiqlangan reja asosida quyidagi yoʻnalishlar boʻyicha chora-tadbirlar amalga oshiriladi. Monitoring tadbirlari yoʻnalishi: idoraviy korrupsiyaga qarshi kurashish tizimining aktualligi va uning qonunchilik talablari, shu jumladan xalqaro standartlar talablariga muvofiqligi monitoringi — doimiy ravishda; OAVda tashkilot xodimlarining korrupsiyaviy xatti-harakatlari toʻgʻrisidagi axborot mavjudligi monitoringi — doimiy ravishda; tashkilot xodimlarining korrupsiyaga qarshi tamoyillar va talablar toʻgʻrisida xabardorligi monitoringi — yarim yilda 1-marta; Nazorat tadbirlari yoʻnalishi: korrupsiyaga qarshi kurashish dasturlari, “yoʻl xaritalari” ijrosi ustidan nazorat — har chorakda; korrupsiyaga qarshi talablar va tartib-taomillarga rioya etilishi ustidan nazorat — har chorakda. Bunda: T/r Koʻrilgan chora Ball 1. Barchasi toʻliq amalga oshirilgan boʻlsa 5 ball 2. Reja belgilangan muddatda tasdiqlangan, monitoring va nazorat tadbirlari oʻz vaqtida (toʻliq) oʻtkazilgan, lekin yuqoridagi yoʻnalishlar boʻyicha chora-tadbirlarning sifatli bajarilishida qisman kamchiliklarga yoʻl qoʻyilgan boʻlsa 3 ball 3. Reja kechiktirib tasdiqlangan yoki muddatida tasdiqlangan boʻlib, monitoring va nazorat tadbirlari oʻz vaqtida oʻtkazilmagan yoxud yuqoridagi yoʻnalishlar boʻyicha 2 va undan ortiq chora-tadbirlar sifatli bajarilmagan boʻlsa 1 ball 4. Reja tasdiqlanmagan yoki monitoring va nazorat tadbirlari toʻliq oʻtkazilmagan boʻlsa 0 ball 0 — 5 ball Reja (tashkilotning barcha jarayonlarini, monitoring va nazorat qilinadigan davri va tekshiruv muddatlarini oʻz ichiga olgan), korrupsiyaga qarshi tartib-taomillarning samaradorligini monitoring va nazorat qilish jurnali va uning ijrosini tasdiqlovchi hujjatlar ilova qilinadi 1.2.4.3. Davlat tashkiloti tomonidan moliyaviy mablagʻlardan (budjet, budjetdan tashqari va oʻz mablagʻlari) foydalanish ustidan ichki nazorat tadbirlarining oʻtkazilishi va samaradorligi. Nazorat tadbirlari: hisobot davrida kamida 2-marta oʻtkazilishi; tashkilotning markaziy apparati tomonidan oʻtkazilishi; budjetdan ajratiladigan mablagʻlar, budjetdan tashqari jamgʻarmalari mablagʻlari, oʻz mablagʻlaridan foydalanish bilan bogʻliq nazorat tadbirlari inobatga olinadi. Izoh. Mazkur indikator boʻyicha ballar Agentlik tomonidan, davlat tashkiloti faoliyatida oʻz mablagʻlaridan maqsadli foydalanish boʻyicha reja va rejadan tashqari nazorat tadbirlari (korrupsiyaga qarshi qabul qilingan ichki tartib-qoidalar va qonunchilik hujjatlari buzilishi) oʻtkazilgani, ularning natijasida aniqlangan holatlar (qoidabuzarlik turi va yetkazilgan zarar summasi), oldi olingan va undirilgan mablagʻlar (zarar summalari) hamda ular boʻyicha koʻrilgan korrupsiyaning oldini olish choralaridan kelib chiqib, 0 — 5 ball oraligʻida belgilanadi. Nazorat tadbirlari kamida 2-marta oʻtkazilgan hamda aniqlangan holatlar boʻyicha korrupsiyaning oldini olish chora-tadbirlari tasdiqlanib, ular boʻyicha vazifalar toʻliq amalga oshirilgan boʻlsa, TB, nazorat tadbirlari kamida 2-marta oʻtkazilgan hamda aniqlangan holatlar boʻyicha chora-tadbirlar tasdiqlanib, qisman amalga oshirilgan boʻlsa AB, nazorat tadbirlari kamida 2-marta oʻtkazilgan hamda aniqlangan holatlar boʻyicha chora-tadbirlar tasdiqlanib, amalga oshirilmagan boʻlsa yoki chora-tadbirlar tasdiqlanmagan boʻlsa, QB, nazorat tadbirlari kamida 2-marta oʻtkazilmagan yoki nazorat tadbirlarida tashqi organlar tomonidan jiddiy moliyaviy qonunbuzarliklar aniqlangan boʻlsa, 0 ball qoʻyiladi. Nazorat tadbirlari kamida 2-marta oʻtkazilib, holatlar aniqlanmagan hamda tashqi organlar tomonidan nazorat tadbirlari (tekshirish, oʻrganish, monitoring va boshqa tadbirlar) oʻtkazilib, moliyaviy qonunbuzarlik holatlari aniqlanmaganligi oʻz tasdigʻini topgan boʻlsa, 4 ball qoʻyiladi. TB 5 ball AB 2 ball QB 1 ball B 0 ball Nazorat tadbirlari natijasi boʻyicha maʼlumot (aniqlangan holat, har bir holat boʻyicha qoidabuzarlik turi va yetkazilgan zarar summasi, oldi olingan va undirilgan zarar summalari alohida koʻrsatiladi), nazorat tadbirlari dalolatnomalari, aniqlangan holatlarning oldini olish boʻyicha tasdiqlangan chora-tadbirlar hamda ularni amalga oshirilganini tasdiqlovchi hujjatlar ilova qilinadi 1.2.4.4. Davlat tashkiloti faoliyatida korrupsiyaga oid jinoyatlarning sabablarini va uni sodir etilishiga imkon bergan shart-sharoitlarni, shu jumladan, maishiy korrupsiyani bartaraf etish choralarining koʻrilgani. Izoh. Agentlik, huquqni muhofaza qiluvchi organlarning taqdimnomalari, sud organlarining xususiy ajrimlar boʻyicha korrupsiyaga oid jinoyatlarning sabablarini va uning sodir etilishiga imkon bergan shart-sharoitlarni bartaraf qilish boʻyicha tahliliy maʼlumot mavjud boʻlsa va ular boʻyicha zarur choralar toʻliq koʻrilgan boʻlsa, TB, tahliliy maʼlumot mavjud boʻlmasa yoki choralar toʻliq koʻrilmagan boʻlsa, B ustuniga “x” belgisi qoʻyiladi. Agar hisobot davrida taqdimnomalar, xususiy ajrimlar kelib tushmagan boʻlsa, 1 ball qoʻyiladi. TB 2 ball B 0 ball Davlat tashkiloti faoliyatida korrupsiyaga oid jinoyatlarning sabablarini va uning sodir etilishiga imkon bergan shart-sharoitlarni bartaraf qilish boʻyicha takliflarni oʻz ichiga olgan tahliliy maʼlumot va ular boʻyicha koʻrilgan choralarni tasdiqlovchi hujjatlar ilova qilinadi 1.2.4.5. Davlat tashkilotida korrupsiyaga oid jinoyatlar va maʼmuriy huquqbuzarlik alomatlari mavjud holatlarni aniqlash koʻrsatkichi. Izoh. Quyidagi formula orqali aniqlanadi: A / (A+B) *100 Bunda A — davlat tashkiloti tomonidan aniqlanib, tegishli tashkilotlarga yuborilgan holatlar soni, B — boshqa tashkilotlarning maʼlumotlari asosida aniqlangan holatlar soni. Agar boshqa tashkilotlar tomonidan holatlar aniqlanmagan boʻlsa, 3 ball beriladi. Davlat tashkiloti tomonidan aniqlangan holatlarning boshqa tashkilotlar tomonidan aniqlangan holatlar soniga nisbati 100 foiz boʻlsa, TB, 70-99 foiz boʻlsa, AB, 30-69 foiz boʻlsa, QB, 0-29 foiz boʻlsa, B ustuniga “x” belgisi qoʻyiladi. TB 3 ball AB 2 ball QB 1 ball B 0 ball Davlat tashkiloti tomonidan va boshqa tashkilotlarning maʼlumotlari asosida aniqlangan korrupsiyaga oid jinoyat va maʼmuriy huquqbuzarliklar alomatlari mavjud holatlar soni va tegishli tashkilotlarga yuborilgan asos hujjatlar toʻgʻrisida maʼlumot, xizmat tekshiruvlari reyestri nusxasi ilova qilinadi 1.2.4.6. Korrupsiyaga qarshi kurashishga oid odob-axloq qoidalari buzilish holatlarining davlat tashkiloti tomonidan aniqlanish koʻrsatkichi. Izoh. Quyidagi formula orqali aniqlanadi: A / (A+B) *100 Bunda A — davlat tashkiloti tomonidan aniqlanib, intizomiy jazoga tortilgan holatlar soni, B — boshqa tashkilotlarning maʼlumotlari asosida aniqlanib, intizomiy jazoga tortilgan holatlar soni. Agar boshqa tashkilotlar tomonidan holatlar aniqlanmagan boʻlsa, 3 ball beriladi. Davlat tashkiloti tomonidan aniqlanib, intizomiy jazoga tortilgan holatlarning boshqa tashkilotlar tomonidan aniqlanib, intizomiy jazoga tortilgan holatlar soniga nisbati 100 foiz boʻlsa, TB, 70-99 foiz boʻlsa, AB, 30-69 foiz boʻlsa, QB, 0-29 foiz boʻlsa, B ustuniga “x” belgisi qoʻyiladi. Odob-axloq qoidalari buzilishi intizomiy qilmish aniqlangan sanadan emas, balki intizomiy jazo qoʻllanishi tasdiqlangan sanadan boshlab tatbiq etiladi. TB 3 ball AB 2 ball QB 1 ball B 0 ball Davlat tashkilotida korrupsiyaga qarshi kurashishga oid intizomiy jazo choralari qoʻllangan holatlar (davlat tashkiloti va boshqa tashkilotlarning maʼlumotlari asosida aniqlangan holatlar kesimida) soni va intizomiy jazo choralari qoʻllangan xodimlar toʻgʻrisida kadrlar boʻlimi tomonidan tasdiqlangan maʼlumot, xizmat tekshiruvlari reyestri nusxasi ilova qilinadi 1.2.4.7. Korrupsiyaga qarshi kurashish sohasidagi davlat tashkiloti faoliyatining samaradorligini oʻrganish maqsadida xodimlar oʻrtasida anonim soʻrovnomalar oʻtkazilgani va natijalari korrupsiyaga qarshi idoraviy rejalarda aks ettirilgani. Tashkilot oʻz faoliyatining samaradorligini baholash uchun xodimlar oʻrtasida har yili kamida bir marotaba quyidagi yoʻnalishlar boʻyicha anonim soʻrovnoma oʻtkazishi lozim: korrupsiyaning oldini olishga qaratilgan mexanizmlarning samaradorligi; tashkilot rahbarlarining korrupsiyaga qarshi murosasiz munosabatini koʻrsatuvchi xatti-harakatlari va irodasining mavjudligi; aholi va davlat xizmatchilarining korrupsiyaga qarshi huquqiy ongi va huquqiy madaniyatini yuksaltirishga qaratilgan tadbirlarning samaradorligi; korrupsiya haqida xabar bergan xodimlarni himoya qilish kafolati yetarliligi. Izoh. Soʻrovnoma barcha yoʻnalishlar boʻyicha oʻtkazilib, uning natijalari korrupsiyaga qarshi idoraviy rejalarda aks ettirilgan va hisobot oʻz rasmiy veb-saytida mavjud boʻlsa, TB, barcha yoʻnalishlar boʻyicha oʻtkazilmagan yoki korrupsiyaga qarshi idoraviy rejalarda aks ettirilmagan yoxud hisobot oʻz rasmiy veb-saytida mavjud boʻlmasa, B ustuniga “x” belgisi qoʻyiladi. TB 2 ball B 0 ball Soʻrovnoma natijalari aks ettirilgan korrupsiyaga qarshi idoraviy rejalar, rasmiy veb-saytidagi hisobot havolasi ilova qilinadi Ikkinchi yoʻnalish Korrupsiyaviy xavf-xatarlarni aniqlash, baholash va ularni kamaytirish boʻyicha tadbirlarning amalga oshirilgani (jami — 25 ball) Indikatorlar Ballar 2.1. Davlat tashkilotining funksiya va vazifalarida korrupsiyaviy xavf-xatarlarni aniqlash boʻyicha baholash oʻtkazilganligi. Izoh. Koʻrilgan choralardan kelib chiqib, quyidagi 3 ta bosqichda baholanadi: 1. Birinchi bosqich quyidagi ustuvor choralar boʻyicha amalga oshirilgan ishlardan kelib chiqib, 0 — 6 ball oraligʻida baholanadi: vazifa va funksiyalar bilan bogʻliq yuzaga kelishi mumkin boʻlgan korrupsiyaviy xavf-xatar darajasi xolis baholangani; barcha vazifa va funksiyalar toʻliq qamrab olingani; korrupsiyaviy xavf-xatarlarni bartaraf etish boʻyicha choralar sifatli (aniq va manzilli) belgilangani. Bunda T/r Koʻrilgan chora Ball 1. Barchasi amalga oshirilgan boʻlsa 6 ball 2. Vazifa va funksiyalar bilan bogʻliq yuzaga kelishi mumkin boʻlgan korrupsiyaviy xavf-xatar darajasi xolis baholangan, barcha vazifa va funksiyalar toʻliq qamrab olingan, lekin korrupsiyaviy xavf-xatarlarni bartaraf etish boʻyicha choralar sifatli (aniq va manzilli) belgilanmagan boʻlsa 4 ball 3. Barcha vazifa va funksiyalar toʻliq qamrab olingan, korrupsiyaviy xavf-xatarlarni bartaraf etish boʻyicha choralar sifatli (aniq va manzilli) belgilangan boʻlsa, lekin vazifa va funksiyalar bilan bogʻliq yuzaga kelishi mumkin boʻlgan korrupsiyaviy xavf-xatar darajasi xolis baholanmagan boʻlsa 3 ball 4. Vazifa va funksiyalar bilan bogʻliq yuzaga kelishi mumkin boʻlgan korrupsiyaviy xavf-xatar darajasi xolis baholangan, korrupsiyaviy xavf-xatarlarni bartaraf etish boʻyicha choralar sifatli (aniq va manzilli) belgilangan, lekin barcha vazifa va funksiyalar toʻliq qamrab olinmagan boʻlsa 2 ball 5. 1 tasi boʻyicha toʻliq amalga oshirilgan yoki Agentlikning ogohlantirish /taqdimnomasi kiritilgandan soʻng yuqoridagi mezonlar boʻyicha toʻliq yoki qisman amalga oshirilgan boʻlsa 1 ball 6. Amalga oshirilmagan boʻlsa 0 ball 2. Ikkinchi bosqich quyidagi choralar boʻyicha amalga oshirilgan ishlardan kelib chiqib, 0 — 3 ball oraligʻida baholanadi: vazifa va funksiyalar bilan bogʻliq yuzaga kelishi mumkin boʻlgan korrupsiyaviy xavf-xatarning tavsifi toʻliq va aniq yoritilgani; funksiyalarni (jarayonlarni) amalga oshirishga oid lavozimlar va tartibga soluvchi mexanizmlar toʻliq aks ettirilgani; korrupsiyaviy xavf-xatarni bartaraf etish choralarini amalga oshirishga masʼul ijrochilar toʻliq qamrab olingani va muddatlari aniq belgilangani. Bunda choralarning barchasi toʻliq amalga oshirilgan boʻlsa, 3 ball, 2 tasi amalga oshirilgan boʻlsa, 2 ball, 1 tasi amalga oshirilgan boʻlsa, 1 ball, amalga oshirilmagan boʻlsa, 0 ball qoʻyiladi. 3. Uchinchi bosqichda davlat tashkilotining korrupsiyaviy xavf-xatari yuqori boʻlgan lavozimlari roʻyxati sifatli va toʻliq shakllantirilgan boʻlsa, 1 ball, sifatli va toʻliq boʻlmasa 0 ball qoʻyiladi. 0 — 10 ball Davlat tashkilotining umumlashtirilgan korrupsiyaviy xavf-xatarlar xaritasi, davlat tashkilotining korrupsiyaviy xavf-xatari yuqori boʻlgan lavozimlari roʻyxati ilova qilinadi 2.2. Aniqlangan korrupsiyaviy xavf-xatarlarni kamaytirish boʻyicha koʻrilgan choralar. Izoh. Mazkur indikator boʻyicha ballar aniqlangan xavf-xatar va minimallashtirish uchun koʻrilgan choralar tabiatidan kelib chiqib, Agentlik tomonidan 0 — 15 ball oraligʻida belgilanadi. 0 — 15 ball Davlat tashkilotining korrupsiyaga qarshi kurashish boʻyicha dasturi va uning bandlari ijrosini tasdiqlovchi hujjatlar ilova qilinadi Uchinchi yoʻnalish Davlat tashkilotlari rahbarlarining korrupsiyaga qarshi murosasiz munosabatini koʻrsatuvchi xatti-harakatlarining mavjudligi (jami — 10 ball) 3.1. Davlat tashkiloti rahbarining xodimlar va jamoatchilik uchun korrupsiyaga qarshi kurashishga oid murojaatining mavjudligi, hayʼat yigʻilishlari va boshqa yigʻilishlarda korrupsiyaga qarshi kurashish holatlarining yarim yilda kamida 1-marta tanqidiy koʻrib chiqilgani. Izoh. Mavjud boʻlsa, TB, mavjud boʻlmasa, B ustuniga “x” belgisi qoʻyiladi. TB 2 ball B 0 ball Davlat tashkilotining rasmiy veb-saytida murojaat eʼlon qilingan manba havolasi, tegishli hayʼat yigʻilishlari va boshqa yigʻilishlar bayonnomasi ilova qilinadi 3.2. Korrupsiyaga qarshi kurashish boʻyicha qonunchilikda belgilangan minimal mezonlar asosida ichki nazorat tuzilmasi (yoki masʼul lavozimi) tashkil etilgani, uning mustaqilligi, zarur resurslar bilan taʼminlangani. Izoh. Mazkur indikator boʻyicha ballar Agentlik tomonidan, korrupsiyaga qarshi kurashish boʻyicha ichki nazorat tuzilmalari (yoki masʼul lavozimlari) orasida elektron platformada toʻldiriladigan chek-list natijalaridan kelib chiqib, 0 — 6 ball oraligʻida belgilanadi. Ballar quyidagicha taqsimlanadi: 1. Minimal mezonlarga asosan tashkilotning markaziy apparati, hududiy boʻlinmalari va tarkibiy tashkilotlarida korrupsiyaga qarshi ichki nazorat tuzilmalari (yoki masʼul lavozimlari) toʻliq tashkil etilgan boʻlsa, 4 ball, qisman tashkil etilgan boʻlsa 2 ball, tashkil etilmagan boʻlsa 0 ball. 2. Minimal mezonlar asosida toʻliq tashkil etilib, mustaqilligi (bevosita tashkilotning birinchi rahbariga (kuzatuv kengashiga) boʻysunuvi va hisobdorligi, funksional jihatdan boshqa tuzilmalarga bogʻliq emas) toʻliq taʼminlangan boʻlsa, 1 ball, aks holda 0 ball. 3. Minimal mezonlar asosida toʻliq tashkil etilib, zarur resurslar (texnik, tashkiliy va insoniy resurslar) bilan toʻliq taʼminlangan boʻlsa, 1 ball, aks holda 0 ball. 0 — 6 ball Elektron platformada chek-list toʻldiriladi 3.3. Davlat tashkiloti rahbari va ularning oʻrinbosarlarining korrupsiyaga moyil sohalarni takomillashtirish, halollikni targʻib qilish, manfaatdor tomonlar bilan muloqotni yoʻlga qoʻyishdagi shaxsiy faolligi. Davlat tashkiloti rahbariyati (rahbar va oʻrinbosarlar) tomonidan quyidagi shakllarda shaxsiy ishtirok va yetakchilik faoliyati amalga oshirilgan boʻlishi lozim: korrupsiyaga moyil jarayonlar boʻyicha ishchi guruh (komissiya) tashkil etilishi va bevosita rahbarlik qilish; ichki xodimlar bilan halollik, odob-axloq qoidalari, manfaatlar toʻqnashuvi va korrupsiyaning oldini olish masalalari yuzasidan muntazam uchrashuvlar oʻtkazilishi; tashqi manfaatdor tomonlar (OAV, jamoatchilik, NNT) bilan ochiq muloqot tashkil etilishi; korrupsiya haqida xabar berishni targʻib qilinishi va xabar bergan xodimlarning ragʻbatlantirilishi; korrupsiyaga qarshi tashviqot ishlarining (veb-saytdagi eʼlonlar, maqolalar va boshqalar) olib borilishi. Izoh. Kamida toʻrt shaklda amalga oshirilgan va bu faoliyat dalillar bilan tasdiqlangan boʻlsa, TB, uch yoki ikki shaklda amalga oshirilgan va bu faoliyat dalillar bilan tasdiqlangan boʻlsa, AB, ikki shakldan kam boʻlsa, B ustuniga “x” belgisi qoʻyiladi. TB 2 ball AB 1 ball B 0 ball Tasdiqlovchi hujjatlar ilova qilinadi Toʻrtinchi yoʻnalish Xodimlarning korrupsiyaga qarshi kurashishga oid ichki tartib-taomillardan xabardorligi hamda ushbu sohada bilim va koʻnikmalarini oshirish boʻyicha tadbirlarning amalga oshirilgani (jami — 15 ball) 4.1. Xodimlarning korrupsiyaga qarshi kurashish boʻyicha ichki tartib-taomillardan xabardorligi 4.1.1. Xodimlarning korrupsiyaga qarshi kurashish boʻyicha ichki idoraviy hujjatlar va korrupsiyaga qarshi shartlar bilan mehnat shartnomasida tanishganlik holati. Izoh. Barcha xodimlar tanishtirilgan boʻlsa, TB, 70 — 99 foizi tanishtirilgan boʻlsa, AB, 30 — 69 foizi tanishtirilgan boʻlsa, QB, 0 — 29 foizi tanishtirilgan boʻlsa, B ustuniga “x” belgisi qoʻyiladi. TB 5 ball AB 2 ball QB 1 ball B 0 ball Korrupsiyaga qarshi ichki idoraviy hujjatlar va korrupsiyaga qarshi shartlar bilan mehnat shartnomasida tanishganini imzosi bilan tasdiqlagan xodimlar roʻyxati ilova qilinadi** 4.2. Xodimlarning korrupsiyaga qarshi kurashish sohasida bilim va koʻnikmalarini oshirishga qaratilgan tadbirlarning amalga oshirilgani 4.2.1. Hisobot yilida xodimlarning korrupsiyaga qarshi kurashish boʻyicha maxsus oʻquv kurslarida oʻqitilgani. Izoh. Barcha xodimlar, korrupsiyaga qarshi ichki nazorat tuzilmalari va korrupsiyaviy xavf-xatarlar yuqori boʻlgan lavozimlarda faoliyat koʻrsatuvchi xodimlar toʻliq oʻqitilib, maxsus oʻquv kursini muvaffaqiyatli tamomlagan xodimlar 100 foiz boʻlsa, TB, 80 — 99 foiz boʻlsa, AB, 40 — 79 foiz boʻlsa, QB, 0 — 39 foiz boʻlsa, B ustuniga “x” belgisi qoʻyiladi. Bunda har uch yilda kamida bir marta malakasi oshirilishi lozim boʻlgan davlat xizmati lavozimlarida faoliyat koʻrsatuvchi xodimlar soni Agentlik hamda Huquqni muhofaza qilish akademiyasi bilan tasdiqlangan yillik oʻqitish reja-grafigi asosida maxsus oʻquv kursini muvaffaqiyatli tamomlagan xodimlar ulushidan kelib chiqib hisoblanadi. TB 3 ball AB 2 ball QB 1 ball B 0 ball Hisobot yilida maxsus oʻquv kursini muvaffaqiyatli tugatgan xodimlarning kadrlar boʻlimi tomonidan tasdiqlangan roʻyxati (xodimlar F.I.O., ularning lavozimi va boʻlinmalari, oʻqitilgan sanasi, sertifikat raqami) jadval shaklida ilova qilinadi 4.2.2. Ishga yangi qabul qilingan xodimlarning korrupsiyaga qarshi kurashish boʻyicha maxsus oʻquv kursida oʻqitilgani. Izoh. Ishga qabul qilingan xodimlar toʻliq oʻqitilgan boʻlsa, TB, toʻliq boʻlmasa, B ustuniga “x” belgisi qoʻyiladi. TB 2 ball B 0 ball Ishga yangi qabul qilingan xodimlarning korrupsiyaga qarshi kurashish boʻyicha maxsus oʻquv kursida oʻqitilgani toʻgʻrisida kadrlar boʻlimi tomonidan tasdiqlangan roʻyxat (xodimlarning F.I.O., ularning lavozimi, boʻlinmalari, ishga qabul qilingan va oʻqitilgan sanasi, sertifikat raqami) jadval shaklida ilova qilinadi 4.2.3. Korrupsiyaga qarshi kurashish masalalari boʻyicha treninglar oʻtkazish: barcha xodimlar uchun; korrupsiyaviy xavf yuqori darajada boʻlgan funksiyalarni bajaruvchi boʻlinmalar uchun. Izoh: xodimlarning 70 — 100 foizi oʻqitilgan boʻlsa, TB, 50 — 69 foizi oʻqitilgan boʻlsa, AB, 30 — 49 foizi oʻqitilgan boʻlsa, QB, 0 — 29 foizi oʻqitilgan boʻlsa, B ustuniga “x” belgisi qoʻyiladi. TB 5 ball AB 3 ball QB 2 ball B 0 ball Kadrlar boʻlimi tomonidan tasdiqlangan oʻqitish turlari, shakllari, oʻqitilgan xodimlar soni hamda ularning lavozimi va boʻlinmalari roʻyxati jadval shaklida va ularni tasdiqlovchi bayonnomalar ilova qilinadi Beshinchi yoʻnalish Korrupsiyaga qarshi kurashish boʻyicha tegishli soha yoki tarmoq kesimida aholining huquqiy ongi va huquqiy madaniyatini yuksaltirish, ushbu illatga nisbatan murosasiz munosabatni shakllantirishga qaratilgan targʻibot tadbirlarining samaradorligi (jami — 8 ball) 5.1. Korrupsiyaga qarshi kurashish mavzusida tashkil etilgan tadbirlar soni va ularning qamrov darajasi. Izoh. Mazkur indikatorda oldingi hisobot yilidagi koʻrsatkichlar soni taqqoslanadi. Bunda oʻtkazilgan tadbirlar soni va qamrov darajasida (ishtirokchilar soni) ijobiy farq boʻlsa yoki oʻzgarish boʻlmasa, TB, tadbirlar soni yoki qamrov darajasida (ishtirokchilar soni) kamayish boʻlsa, B ustuniga “x” belgisi qoʻyiladi. Bunda davlat xizmatchilari uchun tashkil etilgan tadbirlar (seminar, trening, yigʻilish va boshqalar) bu indikatorga kiritilmaydi. TB 2 ball B 0 ball Statistik maʼlumotlar, tadbir bayonnomalari, rasmiy veb-saytidagi havolalari ilova qilinadi 5.2. Korrupsiyaning oldini olishga qaratilgan koʻrgazmali axborot materiallari (videorolik, infografika va boshqalar) va metodik qoʻllanmalar ishlab chiqilgani. Davlat tashkiloti tomonidan oʻz faoliyati doirasida: raqamlashtirish, inson omilini kamaytirish, ochiq davlat xizmatlari, manfaatlar toʻqnashuvining oldini olish va korrupsiyani profilaktika qilishga oid yoʻnalishlarda; videorolik, infografika, elektron broshyura, plakat, metodik qoʻllanma kabi koʻrgazmali materiallar ishlab chiqilgan va yangilangan boʻlishi; ular tashkilot rasmiy veb-saytida maxsus rukn ostida joylashtirilgan boʻlishi lozim. Izoh. Mazkur indikatorda oldingi hisobot yilidagi koʻrsatkichlar soni taqqoslanadi. Bunda ishlab chiqilgan materiallar sonida ijobiy farq boʻlsa yoki oʻzgarish boʻlmasa hamda ular toʻliq tashkilotning oʻz rasmiy veb-saytida joylashtirilgan boʻlsa, TB, materiallar soni oʻzgarmagan, lekin saytga toʻliq joylashtirilmagan boʻlsa, AB, tarqatilgan materiallar sonida kamayish boʻlsa yoki oʻz rasmiy veb-saytida joylashtirilmagan boʻlsa, B ustuniga “x” belgisi qoʻyiladi. Har bir material: nomi, mavzusi, sanasi, auditoriyasi, fayl nusxasi yoki havola bilan hujjatlashtiriladi. Baholashda “faoliyatga oidlik” va “axborot yaroqliligi” mezonlari ham hisobga olinadi. Agar tashkilot faoliyatida faqat ichki xodimlarga moʻljallangan materiallar mavjud boʻlsa — ular hisobga olinmaydi. TB 2 ball AB 1 ball B 0 ball Statistik maʼlumotlar, har bir material boʻyicha hujjatlar, davlat tashkilotining rasmiy veb-saytidagi materiallar havolasi ilova qilinadi 5.3. Aholi va keng jamoatchilik fikrini oʻrganish orqali davlat tashkilotining korrupsiyaga qarshi kurashish samaradorligini baholash maqsadida soʻrovnoma oʻtkazilgani va natijalari boʻyicha takliflar ishlab chiqilgani. Davlat tashkiloti tomonidan har yili ikki marta (yarim yillik asosda) quyidagi yoʻnalishlar boʻyicha soʻrovnoma oʻtkazilishi lozim: tashkilot faoliyatida korrupsiya xavfi boʻyicha jamoatchilik fikri; aholining ishonch darajasi; xabar berish imkoniyati, xodimlarning odob-axloq darajasi, xizmatlar sifati; korrupsiyaning oldini olish choralari samaradorligi boʻyicha takliflarni ishlab chiqish. Izoh. Har yarim yilda kamida bir marta soʻrovnoma oʻtkazilib, natijalari boʻyicha takliflar ishlab chiqilgan, hisobot esa oʻz rasmiy veb-saytida joylashtirilgan boʻlsa, TB, har yarim yilda bir marta oʻtkazilmagan yoki takliflar ishlab chiqilmagan yoxud uning natijalari boʻyicha hisobot oʻz rasmiy veb-saytida joylashtirilmagan boʻlsa, B ustuniga “x” belgisi qoʻyiladi. TB 2 ball B 0 ball Soʻrovnoma natijalari boʻyicha takliflarni oʻz ichiga olgan hisobotning oʻz rasmiy veb-saytidagi havolasi ilova qilinadi 5.4. Jamiyatda korrupsiyaga nisbatan murosasiz munosabatni shakllantirish sohasida nodavlat notijorat tashkilotlari va fuqarolik jamiyatining boshqa institutlari bilan ijtimoiy sheriklik doirasidagi hamkorligining mavjudligi. Izoh. Mavjud boʻlsa, TB, mavjud boʻlmasa, B ustuniga “x” belgisi qoʻyiladi. TB 2 ball B 0 ball Maʼlumotlar va materiallar havolasi ilova qilinadi

(vii) 2-ilovaning matni quyidagi tahrirda bayon etilsin:

“Korrupsiyaga qarshi kurashish ishlarining samaradorligini reyting baholashni amalga oshirish

Bosqichlar Masʼullar Amalga oshiriladigan tadbirlar Muddatlar 1-bosqich Korrupsiyaga qarshi kurashish agentligi (Agentlik) 1. Reyting baholashdan oʻtkaziladigan davlat organlari va tashkilotlari, shu jumladan, mahalliy davlat hokimiyati organlari, ustav fondida (ustav kapitalida) davlat ulushi 50 foiz va undan ortiq boʻlgan xoʻjalik jamiyatlari (keyingi oʻrinlarda — davlat tashkilotlari) roʻyxatini tuzadi. 2. Roʻyxatga kiritilgan davlat tashkilotlariga “E-Anticor.uz” elektron platformasi orqali tegishli maʼlumotlarni kiritish toʻgʻrisida xat kiritadi. Har yili 5-yanvarga qadar 2-bosqich Davlat tashkilotlari “E-Anticor.uz” elektron platformasi orqali Korrupsiyaga qarshi kurashish ishlarining samaradorligini reyting baholash yoʻnalishlari va indikator koʻrsatkichlari jadvalini toʻldirish orqali maʼlumot kiritib boradi. Har yarim yillikda (10-iyulga qadar) 3-bosqich Agentlik 1. Davlat tashkilotlari tomonidan “E-Anticor.uz” elektron platformasiga kiritilgan maʼlumotlarni tahlil qilib boradi. 2. Yakuniy reyting baholash natijalariga koʻra korrupsiyaga qarshi kurashish samaradorligi “qoniqarsiz” deb topilishi mumkin boʻlgan davlat organlariga tavsiyalar kiritadi, ularga uslubiy jihatdan koʻmaklashadi. Muntazam ravishda 4-bosqich Davlat tashkilotlari “E-Anticor.uz” elektron platformasi orqali yillik (oldingi yilning 1-yanvaridan baholanish oʻtkazilayotgan yilning 1-yanvariga qadar) maʼlumotlarni kiritadi. Har yili 10-yanvardan kechiktirmasdan 5-bosqich Agentlik Yillik maʼlumotlar kiritilgandan keyin tanlov asosida tegishli davlat tashkilotlari maʼlumotlarining haqqoniyligini oʻrganadi. Har yili 1-fevralga qadar 6-bosqich Agentlik Shakllantirilgan dastlabki reyting baholash natijalarini Reyting baholashni mustaqil amalga oshiruvchi ekspertlar guruhi (keyingi oʻrinlarda — Ekspertlar guruhi)ga taqdim etadi. Har yili 5-fevralga qadar 7-bosqich Ekspertlar guruhi Agentlik tomonidan shakllantirilgan dastlabki reyting baholash natijalarini koʻrib chiqadi va quyidagilardan birini Agentlikka taqdim etadi: dastlabki reyting baholash natijalarini oʻzgarishsiz qoldirish yoki qisman oʻzgartirish haqida xulosa; muqobil reyting baholash natijalari. Har yili 15-fevralga qadar 8-bosqich Agentlik 1. Ekspertlar guruhi xulosasi (yoki muqobil reyting baholash natijasi)ni puxta tahlil qiladi va unga koʻra dastlabki reytingni oʻzgartirish yoki oʻzgartirmaslik haqida qaror qabul qiladi. 2. Har bir davlat tashkilotiga uning reyting baholash natijasi haqidagi maʼlumotni yuboradi. Har yili 20-fevralga qadar Davlat tashkilotlari 3. Davlat tashkilotlari oʻz reyting baholash natijalarini koʻrib chiqadi, taklif va eʼtirozlarini Agentlikka yuboradi. Har yili 25-fevralga qadar 4. Agentlik davlat tashkilotlari tomonidan taqdim etilgan taklif va eʼtirozlarni puxta tahlil qiladi va reyting baholashni oʻzgartirish yoki oʻzgartirmaslik haqida qaror qabul qiladi. Har yili 1-martga qadar 9-bosqich Agentlik Yakuniy reyting natijalarini Korrupsiyaga qarshi kurashish boʻyicha milliy kengashga kiritadi hamda oʻz rasmiy veb-sayti va ommaviy axborot vositalari orqali eʼlon qiladi. Har yili 1-mart 10-bosqich Agentlik 1. Reyting baholash natijalariga koʻra korrupsiyaga qarshi kurashish samaradorligi “qoniqarli” deb topilgan davlat tashkilotlariga samaradorlikni yanada oshirish boʻyicha tavsiyalar kiritadi. Har yili 15-martga qadar Davlat tashkilotlari 2. Agentlik tomonidan kiritilgan tavsiyalar ijrosi boʻyicha maʼlumotlarni “E-Anticor.uz” elektron platformasiga kiritib boradi. Belgilangan muddatlarda 11-bosqich Davlat tashkilotlari Agentlik 1. Korrupsiyaga qarshi kurashish samaradorligi “qoniqarsiz” deb topilgan davlat tashkilotlari korrupsiyaga qarshi kurashish samaradorligini oshirishga qaratilgan chora-tadbirlar dasturini ishlab chiqadi va uni Agentlik bilan kelishilgan holda tasdiqlaydi. Har yili 20-martga qadar 2. Tasdiqlangan chora-tadbirlar dasturini amalga oshirish choralarini koʻradi. Belgilangan muddatlarda ” .

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 30-dekabr,

PF-270-son

(Qonunchilik maʼlumotlari milliy bazasi, 30.12.2025-y., 06/25/270/1252-son)

lex.uz

Президента Республики Узбекистан

Указ

О дальнейшем совершенствовании системы предупреждения и противодействия коррупции в Республике Узбекистан

В целях последовательного продолжения государственной политики в сфере предупреждения и противодействия коррупции, дальнейшего улучшения позиций нашей страны в международных рейтингах и индексах, а также поднятия на новый уровень деятельности Агентства по противодействию коррупции Республики Узбекистан постановляю:

I. Основные направления

1. Определить приоритетными направлениями поднятия на качественно новый уровень государственной политики в сфере предупреждения и противодействия коррупции до 2030 года:

(а) создание профессиональной и эффективной системы противодействия коррупции в государственных органах и организациях, хозяйственных обществах, в уставном фонде (уставном капитале) которых государственная доля составляет 50 процентов и более (далее — государственные органы и организации);

(б) предупреждение системных коррупционных случаев путем раннего определения коррупциогенных факторов и внедрения превентивных механизмов вместо борьбы с последствиями коррупции;

(в) расширение внедрения и эффективного использования цифровых технологий, в том числе искусственного интеллекта;

(г) последовательное продолжение и регулярное совершенствование политики открытости в деятельности государственных органов и организаций.

2. Утвердить План мер по поднятию на качественно новый уровень реализации государственной политики в сфере предупреждения и противодействия коррупции согласно приложению № 1 * .

II. Повышение эффективности выявления и устранения коррупциогенных факторов

3. Возложить на Агентство по противодействию коррупции Республики Узбекистан (далее — Агентство) следующие дополнительные задачи по внедрению превентивных механизмов в сфере противодействия коррупции:

(а) формирование единой правоприменительной практики и оказание методической помощи в предупреждении коррупции в государственных органах и организациях;

(б) внедрение Национальной системы сертификации менеджмента противодействия коррупции в государственных органах и организациях;

(в) координацию деятельности по проведению антикоррупционной экспертизы и устранению коррупционных рисков в действующих нормативно-правовых актах;

(г) разработку предложений и минимальных требований по цифровизации задач и функций с высоким уровнем коррупционных рисков государственных органов и организаций;

(д) применение действенных мер по контролю соблюдения законодательства в сфере открытости и обеспечению открытости при опубликовании принимаемых актов в системе «E-qaror»;

(ж) выявление и предупреждение коррупциогенных факторов, в том числе конфликта интересов при принятии решений по проектам, финансируемым за счет средств международных финансовых институтов и зарубежных правительственных финансовых организаций.

4. Установить, что деятельность подразделений внутреннего антикоррупционного контроля государственных органов и организаций организовывается в тесном взаимодействии с Агентством. При этом:

(а) деятельность подразделений внутреннего антикоррупционного контроля по осуществлению возложенных на них задач и функций координируется Агентством;

(б) задачи, функции и ответственность подразделений внутреннего антикоррупционного контроля и их работников утверждаются работодателями по согласованию с Агентством;

(в) возложение на работников подразделений внутреннего антикоррупционного контроля поручений, не связанных с их задачами и функциями, не допускается;

(г) показатели эффективности (KPI) на деятельность руководителей и работников подразделений внутреннего антикоррупционного контроля не распространяются, при этом:

(i) надбавки, связанные с показателями эффективности (KPI), применяются в максимальном размере, установленном для соответствующей должности;

(ii) вопрос уменьшения размера надбавок решается по согласованию с Агентством;

(д) привлечение к дисциплинарной ответственности работников подразделений внутреннего антикоррупционного контроля осуществляется по согласованию с Агентством;

(ж) обучение работников подразделений внутреннего антикоррупционного контроля на специальных учебных курсах ведется на основании плана-графика, утверждаемого Агентством, за счет собственных средств государственных органов и организаций.

5. Определить, что в отношении ответственных должностей подразделений внутреннего антикоррупционного контроля внедряются следующие минимальные требования по опыту работы и профессиональной компетенции, в частности наличию:

(а) высшего образования по специальностям юриспруденция, экономика, финансы, налоги, аудит, системный анализ, менеджмент или информационные технологии;

(б) стажа работы на должности начальника подразделения внутреннего антикоррупционного контроля не менее 4 лет, должности управленческого персонала — 3 лет. При этом приоритет отдается стажу работы в направлении комплаенса и противодействия коррупции;

(в) сертификата о прохождении специальных учебных курсов в сфере противодействия коррупции. Специалисты, имеющие сертификат, включаются в ведущийся Агентством резерв кандидатов в подразделения внутреннего антикоррупционного контроля.

6. Внедрить с 1 июля 2026 года поэтапно до 2030 года Национальную систему сертификации менеджмента противодействия коррупции в государственных органах и организациях. При этом:

(а) данная система внедряется в первую очередь в государственных органах и организациях, которые по результатам Системы рейтинговой оценки эффективности работ по противодействию коррупции получили оценку «неудовлетворительно»;

(б) Национальная система сертификации менеджмента противодействия коррупции внедряется в государственных органах и организациях поэтапно в соответствии с планом-графиком, утверждаемым Агентством;

(в) невнедрение Национальной системы сертификации менеджмента противодействия коррупции в установленные сроки является основанием для приостановления всех стимулирующих выплат руководителям и заместителям руководителей государственных органов или организаций в период до внедрения этой системы.

7. Предоставить Агентству следующие права на:

(а) введение дополнительных штатных единиц в структуру подразделения внутреннего антикоррупционного контроля государственных органов и организаций с высоким уровнем коррупционных рисков и правонарушений на срок не более 2 лет. При этом:

(i) дополнительные штатные единицы вводятся на основании представления директора Агентства в рамках действующих штатных единиц данных организаций;

(ii) назначение на должности по дополнительным штатным единицам и освобождение от должности работников осуществляются Агентством;

(б) создание проектных офисов в государственных органах и организациях по вопросам разработки предложений и инициатив о внедрении системы «комплаенс-контроля», соответствующей специфике их деятельности, развития системы противодействия коррупции в сферах и отраслях. При этом:

(i) проектные офисы создаются в составе из работников Агентства, подразделений внутреннего антикоррупционного контроля государственных органов и организаций, а также экспертов и специалистов в соответствии с приказом директора Агентства;

(ii) приказ директора Агентства о привлечении работников государственных органов и организаций к деятельности проектных офисов является обязательным для исполнения;

(iii) в период привлечения работников государственных органов и организаций к деятельности проектных офисов за ними сохраняются их месячная заработная плата и все другие дополнительные выплаты;

(iv) работникам государственных органов и организаций, экспертам и специалистам, привлеченным к деятельности проектных офисов, может выплачиваться доплата за счет внебюджетного фонда государственного органа или организации, в которых проводится проверка, а также иных источников, не запрещенных законодательством.

8. Определить Агентство ответственным органом за координацию деятельности государственных органов и организаций по проведению антикоррупционной экспертизы и устранению коррупционных рисков в действующих нормативно-правовых актах. При этом:

(а) государственные органы и организации представляют в Агентство документы о результатах проведения антикоррупционной экспертизы действующих нормативно-правовых актов;

(б) Агентство начиная с 2027 года ежегодно в срок до 1 апреля утверждает и публикует обязательный для государственных органов годовой план-график проведения антикоррупционной экспертизы действующих нормативно-правовых актов на основе анализа;

(в) Агентство регулярно вносит в Национальный совет Республики Узбекистан по противодействию коррупции и Администрацию Президента Республики Узбекистан информацию о результатах исполнения годового плана-графика.

III. Создание единой системы противодействия коррупции

9. Внедрить Единую систему противодействия коррупции (далее — Кластер противодействия коррупции), основанную на непрерывном взаимодействии Агентства, правоохранительных и контролирующих органов, научных учреждений, подразделений внутреннего антикоррупционного контроля и институтов гражданского общества.

10. Установить, что в рамках Кластера противодействия коррупции:

(а) правоохранительные органы обеспечивают Агентство аналитической и статистической информацией по коррупциогенным факторам и возможным рискам, выявленным в процессе доследственной проверки, дознания и предварительного следствия по коррупционным правонарушениям;

(б) Агентству разрешается знакомиться с результатами анализа и изучений по государственным закупкам, конфликту интересов, финансовым рискам при осуществлении финансового контроля и аудита Счетной палатой и Инспекцией государственного финансового контроля;

(в) научные учреждения, указанные в приложении № 2 * , проводят научный анализ в сфере противодействия коррупции, по заказам Агентства — разрабатывают научно обоснованные решения и программы повышения квалификации;

(г) подразделения внутреннего антикоррупционного контроля ежеквартально представляют в Агентство информацию о состоянии и направлениях совершаемых коррупционных правонарушений, а также предложения по их устранению;

(д) институты гражданского общества осуществляют общественный контроль, в том числе общественные слушания и мониторинг в сфере противодействия коррупции, а также изучение общественного мнения.

11. Агентство:

(а) на основе анализа собранной информации:

(i) обеспечивает разработку и реализацию адресной и направленной на результат государственной политики в сфере противодействия коррупции, в том числе отраслевых стратегий, методологий и стандартов;

(ii) разрабатывает и группирует критерии систематизации коррупциогенных факторов и рисков;

(iii) разрабатывает программы мер устранения коррупциогенных факторов и рисков посредством определения их механизмов и ответственных исполнителей;

(б) ведет мониторинг состояния коррупции в стране, проводит адресный анализ на определение коррупциогенных факторов;

(в) выявляет коррупциогенные факторы и системные проблемы в задачах государственных органов и организаций и вносит в Администрацию Президента Республики Узбекистан предложения по их цифровизации и устранению;

(г) координирует деятельность участников Кластера противодействия коррупции.

12. Государственным органам, являющимся участниками Кластера противодействия коррупции, каждые полгода вносить информацию о своей деятельности в Национальный совет Республики Узбекистан по противодействию коррупции.

IV. Минимизация коррупционных рисков путем цифровизации деятельности в сфере государственного управления

13. Запустить с 1 июля 2026 года в тестовом режиме информационно-программный комплекс «Цифровой комплаенс» (далее — Программный комплекс), обладающий:

(а) возможностью оперативного обмена данными между участниками Кластера противодействия коррупции;

(б) возможностью информационного обеспечения деятельности Агентства путем осуществления интеграции информационных систем государственных органов и организаций с Программным комплексом;

(в) возможностью полной цифровизации деятельности подразделений внутреннего антикоррупционного контроля путем запуска модуля «E-Komplaens» Программного комплекса;

(г) технологиями искусственного интеллекта, предоставляющими возможность:

(i) разработки подходов, направленных на выявление и предупреждение коррупционных рисков путем анализа данных Программного комплекса и других информационных ресурсов;

(ii) выявления наличия афиллированности и конфликта интересов в реагировании на публичную оферту при осуществлении государственных закупок, а также автоматического ограничения участия участников.

14. Возложить на Технологический парк программных продуктов и информационных технологий функцию Единого интегратора по внедрению Программного комплекса и определить его основными задачами:

(а) разработку и запуск до конца 2026 года Программного комплекса в полном режиме;

(б) обеспечение интеграции Программного комплекса с информационными системами других государственных органов и организаций;

(в) осуществление политики цифровизации деятельности Агентства и внедрение стандартов.

15. Министерству цифровых технологий обеспечить разработку Программного комплекса за счет средств Фонда развития цифровых технологий.

16. Определить, что безосновательное неопубликование актов, принятых республиканскими и местными органами исполнительной власти, в электронной системе «E-qaror» расценивается как нарушение законодательства об открытости деятельности органов государственной власти и управления и является основанием для привлечения к соответствующей ответственности.

17. Исходя из новых задач, возлагаемых настоящим Указом:

(а) образовать в рамках действующих штатных единиц Агентства Центр риск-анализа, ответственный за цифровизацию административных процедур с высоким уровнем коррупционных рисков, в том числе внедрение автоматизированной системы антикоррупционного контроля в сфере государственных закупок;

(б) утвердить Перечень государственных органов и организаций, принимающих меры по предоставлению Центру риск-анализа разрешения доступа к своим базам данных и информационным системам в режиме реального времени, а также информации по электронному запросу Агентства, согласно приложению № 3 * .

V. Меры поддержки деятельности Агентства и подразделений внутреннего антикоррупционного контроля

18. Установить, что:

(а) полное или частичное непредставление данных либо представление Агентству недостоверных данных, связанных с полным, качественным и эффективным выполнением возложенных на него задач, а также безосновательное сопротивление осуществлению интеграции необходимых информационных систем расцениваются как воспрепятствование законной деятельности Агентства;

(б) подразделениям внутреннего антикоррупционного контроля центрального аппарата государственных органов и организаций предоставляется право на внесение в организации системы обязательных для рассмотрения предписаний о предотвращении случаев нарушения закона и представлений об их устранении.

19. В целях защиты лиц, сообщивших о коррупционных правонарушениях, от нарушения трудового законодательства, в том числе случаев их преследования и притеснения при осуществлении трудовой деятельности, внедряется практика предоставления Агентством охранного ордера.

20. Ежегодно начиная с 2026 года предусматривать в параметрах Государственного бюджета отдельной статьей выделение не менее 10 миллиардов сумов для формирования средств Фонда. При этом часть средств, превышающая 10 миллиардов сумов, выделяется в соответствии с обоснованными расчетами Агентства.

VI. Организационные меры

21. Утвердить Положение об Агентстве по противодействию коррупции Республики Узбекистан согласно приложению № 4 * .

22. В целях стимулирования работников государственных органов и организаций, представителей институтов гражданского общества и активных граждан, внесших достойный вклад в дело предупреждения и противодействия коррупции, учредить нагрудный знак «Коррупцияга қарши курашишга қўшган ҳиссаси учун» («За внесенный вклад в противодействие коррупции»).

Агентству внедрить практику ежегодного награждения нагрудным знаком «Коррупцияга қарши курашишга қўшган ҳиссаси учун» («За внесенный вклад в противодействие коррупции») в преддверии 9 декабря — Международного дня борьбы с коррупцией.

23. Агентству в трехмесячный срок утвердить геральдический знак Агентства — образец и описание эмблемы, а также порядок его использования.

VII. Организация, обеспечение и контроль исполнения Указа

24. Внести изменения и дополнения в некоторые акты Президента Республики Узбекистан согласно приложению № 5 * .

25. Возложить на директора Агентства по противодействию коррупции А.Э. Бурханова персональную ответственность за эффективную организацию исполнения настоящего Указа.

26. Осуществление координации и контроля за деятельностью ведомств, ответственных за исполнение настоящего Указа, возложить на начальника Службы комплаенса Администрации Президента Республики Узбекистан Э.Т. Юлдашева.

Президент Республики Узбекистан Ш. МИРЗИЁЕВ

г. Ташкент,

30 декабря 2025 г.,

№ УП-270

(Национальная база данных законодательства, 30.12.2025 г., № 06/25/270/1252)

lex.uz