UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

НИЗОМ

РЎЙХАТИ

СХЕМАСИ

НАМУНАСИ

ТУЗИЛМАСИ

ТАРКИБИ

чора-тадбирлар режаси

Стратегик режалаштириш ва ривожланиш тизимини янгича ёндашувлар асосида ташкил этиш ва самарали йўлга қўйиш чора-тадбирлари тўғрисида

Ўзбекистон Республикаси Президентининг 2025 йил 30 октябрдаги «Стратегик режалаштириш ва ривожланиш тизимини жорий этиш бўйича ташкилий чора-тадбирлар тўғрисида»ги ПФ-201-сон Фармони ижросини таъминлаш ҳамда Стратегик ривожланиш ва ислоҳотлар агентлиги фаолиятини янада самарали ташкил этиш мақсадида қарор қиламан:

I. Стратегик режалаштириш ва ривожланиш тизимини йўлга қўйиш чора-тадбирлари

1. Стратегик режалаштиришни ташкил этиш, стратегик режалаштириш ҳужжатларини ишлаб чиқиш, мувофиқлаштириш ва амалга оширилишини мониторинг қилиш тартиби тўғрисидаги низом 1-иловага мувофиқ тасдиқлансин.

2. Шундай тартиб ўрнатилсинки, унга мувофиқ стратегик режалаштириш ҳужжатларининг самарадорлик кўрсаткичларини мониторинг қилиш Стратегик режалаштириш ва ривожланишнинг рақамли платформаси (dashboard) (кейинги ўринларда — Рақамли платформа) орқали амалга оширилади. Бунда:

(а) мақсадли кўрсаткичларга масъул бўлган давлат органлари ва ташкилотлари томонидан ҳар бир самарадорлик кўрсаткичига эришиш бўйича ҳақиқий маълумотлар, натижалар ва тасдиқловчи ҳужжатлар доимий равишда киритиб борилади;

(б) миллий даражадаги кенг қамровли стратегик режалаштириш ҳужжатларининг асосий самарадорлик кўрсаткичлари бўйича давлат органлари рейтинги тузилади ва Бошқарув самарадорлиги агентлиги томонидан Давлат органлари фаоллигининг миллий рейтингини шакллантиришда инобатга олинади;

(в) соҳа, тармоқ, ҳудудларни ривожлантириш билан боғлиқ дастурларни (чора-тадбирлар, «йўл хариталари», режалар ва бошқалар) назарда тутувчи норматив-ҳуқуқий ҳужжатлар лойиҳаларидаги маблағ ажратилишини талаб қиладиган масалалар вазирлик ва идоралар томонидан Рақамли платформанинг тегишли модулидаги маълумотларга боғлаш орқали асослантирилади;

(г) Рақамли платформада соҳа, тармоқ, ҳудудларни ривожлантириш билан боғлиқ дастурларни назарда тутувчи норматив-ҳуқуқий ҳужжатлар лойиҳаларидаги маблағ ажратилишини талаб қиладиган масалалар асослантирилмаган лойиҳа Иқтисодиёт ва молия вазирлиги томонидан келишилмайди.

II. Стратегик ривожланишга қаратилган ташаббусларни янгича ёндашувлар асосида ишлаб чиқиш ва амалга ошириш

3. Белгилаб қўйилсинки, Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги (кейинги ўринларда — Агентлик) томонидан ҳудудларни ривожлантириш бўйича таклиф ва ташаббусларни ишлаб чиқиш аҳоли, тадбиркорлик субъектлари ва жамоатчилик вакиллари иштирокини таъминлаган ҳолда маҳаллий ижро этувчи ҳокимият органларида тузилган «Ислоҳотлар штаблари» билан яқин ҳамкорликда қуйидаги йўналишларда амалга оширилади:

(а) ҳар бир ҳудуднинг табиий, иқтисодий ва инсон ресурсларига кўра ихтисослашувини белгилаш;

(б) ҳар бир ҳудуд учун ишончли ва тўлиқ маълумотлар асосида соҳа ва тармоқлар кесимида ривожланиш стратегияларини ишлаб чиқиш;

(в) иқтисодий номутаносибликларни камайтириш, бунда оғир тоифадаги туман ва шаҳарлар учун алоҳида солиқ, молиявий ва инфратузилмавий имкониятлар яратиш бўйича таклифлар ишлаб чиқиш;

(г) ҳудудлараро ҳамкорлик ва кооперацияни ривожлантириш, йирик шаҳарлар ва атрофидаги ҳудудлар ўртасида иқтисодий ва инфратузилмавий алоқаларни кучайтириш;

(д) ҳудудларда бошқарувни тўлиқ рақамлаштириш, шу жумладан, геоахборот тизимлари (GIS), очиқ маълумотлар платформалари ва интерактив онлайн кузатув воситаларини жорий қилиш.

4. Шундай тартиб ўрнатилсинки, унга мувофиқ:

(а) республиканинг хориждаги дипломатик ваколатхоналари ҳар ойда тегишли давлатларнинг илғор тажрибаси ва амалиёти тўғрисидаги батафсил маълумотни Агентликка тақдим этиб боради;

(б) Агентлик дипломатик ваколатхоналар томонидан тақдим этиладиган маълумотлар ҳамда халқаро ташкилотлар ва молия институтлари, консалтинг компаниялар, хорижий илмий-тадқиқот ва экспертлик муассасалари ҳамда мутахассисларнинг ахборот ва ҳисоботлари асосида маълумотлар базасини шакллантиради;

(в) маълумотлар базаси асосида Агентлик тегишли лойиҳа офислари ҳамда таҳлилий ва тадқиқот тузилмалари билан биргаликда таклиф ва ташаббуслар бўйича ахборот-таҳлилий маълумотномани Ўзбекистон Республикаси Президенти Администрациясига мунтазам киритиб боради.

III. Ташкилий чора-тадбирлар

5. Стратегик режалаштириш соҳасида Агентликка юклатилаётган қўшимча вазифалардан келиб чиқиб, 2026 йил 1 январдан бошлаб мазкур қарорнинг 2-иловасига мувофиқ вазирлик ва идораларнинг стратегик режалаштириш бўйича таркибий бўлинмалари штат бирликларини мақбуллаштириш ҳисобига Агентликка қўшимча 10 та бошқарув ходими штат бирлиги ажратилсин ва талаб этиладиган қўшимча харажатлар Агентликка 2026 йилда ажратилган маблағлар доирасида амалга оширилсин.

6. Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги тузилмаси 3-иловага мувофиқ тасдиқлансин.

7. Агентлик:

(а) Иқтисодиёт ва молия вазирлиги, Адлия вазирлиги, таҳлилий ва тадқиқот тузилмалари, фуқаролик жамияти институтлари, бошқа вазирлик ва идоралар вакиллари ҳамда маҳаллий ва чет эллик экспертларни жалб этган ҳолда 2026 йил 1 декабрга қадар илғор хорижий тажриба асосида мамлакатнинг узоқ муддатга мўлжалланган миллий мақсадларини белгиловчи концепция ва бошқа стратегик режалаштириш ҳужжатлари лойиҳаларини ишлаб чиқсин. Бунда узоқ муддатга мўлжалланган ривожланиш стратегиялари чуқур ўрганилиши ҳамда аҳоли ўртасида сўровномалар ўтказиш орқали янги ташаббуслар ишлаб чиқилиши инобатга олинсин;

(б) Ҳисоб палатаси билан биргаликда бир ой муддатда давлат органлари ва ташкилотлари томонидан хорижий консультант ва экспертларни ўз маблағлари ёки бюджет маблағлари ҳисобидан жалб қилиш ишларини янада такомиллаштиришни назарда тутувчи Ўзбекистон Республикаси Президентининг қарори лойиҳасини киритсин.

8. Агентлик ва унинг тузилмасидаги лойиҳа офислари беғараз фойдаланиш ҳуқуқи асосида Тошкент шаҳри Ислом Каримов кўчаси 43-уйдаги Ўзбекистон Республикаси Президенти Администрациясининг биносига жойлаштирилсин.

9. Вазирлик ва идораларнинг стратегик режалаштириш бўйича таркибий бўлинмалари, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ахборот-таҳлил гуруҳлари фаолиятининг асосий йўналишлари ва уни йўлга қўйишнинг бошқа ташкилий масалалари 4-иловадаги тартиб-таомилларга мувофиқ белгилансин.

10. Белгилаб қўйилсинки, 2026 йилдан бошлаб ҳар йили ижтимоий-иқтисодий, технологик, гуманитар, экологик ва бошқа соҳалардаги долзарб муаммолар ҳамда замонавий чақириқларга бағишлаб таҳлил марказлари ва илмий-тадқиқот муассасалари иштирокида Тошкент глобал тараққиёт форумини ўтказиб бориш амалиёти жорий қилинади.

11. Тошкент глобал тараққиёт форумига тайёргарлик кўриш ва уни ўтказиш бўйича ташкилий қўмита 5-иловага мувофиқ таркибда тузилсин.

12. Стратегик режалаштириш ва ривожланиш тизимини йўлга қўйиш бўйича чора-тадбирлар режаси 6-иловага мувофиқ тасдиқлансин.

IV. Қарор ижросини ташкил этиш, таъминлаш ва назорат

13. Агентлик Адлия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни киритсин.

14. Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси С.У. Умурзаков зиммасига юклансин.

Ўзбекистон Республикаси Президентининг 2025 йил 29 декабрдаги ПҚ-394-сон қарорига 1-ИЛОВА

Стратегик режалаштиришни ташкил этиш, стратегик режалаштириш ҳужжатларини ишлаб чиқиш, мувофиқлаштириш ва амалга оширилишини мониторинг қилиш тартиби тўғрисида

1-боб. Умумий қоидалар

1. Мазкур Низом Ўзбекистон Республикасида стратегик режалаштириш ҳужжатлари, уларнинг иерархияси ва ўзаро нисбатини, вазирликлар, идоралар ва маҳаллий ижро этувчи ҳокимият органлари томонидан стратегик режалаштириш ҳужжатларини ягона, комплекс ва тизимли ёндашув асосида ишлаб чиқиш, ҳисобот бериш ва амалга оширилишини мониторинг қилиш ва ҳисоботларни ўрганиш, стратегик режалаштириш ҳужжатининг бажарилишини баҳолаш, шунингдек, мазкур жараёнларни ташкил қилишни мувофиқлаштириш тартибини белгилайди.

2. Ушбу Низомда қуйидаги асосий тушунчалардан фойдаланилади:

стратегик режалаштириш — давлат органлари, вазирликлар, идоралар ва маҳаллий ижро этувчи ҳокимият органлари томонидан мамлакатни ижтимоий-иқтисодий ривожлантиришнинг устувор йўналишлари, мақсад ва вазифалари, самарадорлик кўрсаткичларини белгилашга, шу жумладан, уларга эришиш ва жамиятнинг барқарор ривожланишини таъминлаш учун зарур бўлган принциплар, мақсадлар ва ҳаракатларни белгилаш ҳамда стратегик режалаштириш ҳужжати сифатида қабул қилишга қаратилган жараён;

стратегик режалаштириш ҳужжатлари — қонунчиликка мувофиқ қабул қилинган, давлат кўрсатмалари сифатида стратегик режалаштиришни амалга оширишга қаратилган ҳуқуқий нормалар ва зарур ташкилий чораларни белгилайдиган, ўзгартирадиган ёки бекор қиладиган расмий ҳужжат;

стратегик режалаштириш ҳужжатини тайёрлаш ва қабул қилиш — стратегик режалаштириш ҳужжатлари лойиҳаларини ташаббус қилиш, режалаштириш, тайёрлаш, экспертизадан ўтказиш, келишиш, қабул қилиш, эълон қилиш, уларнинг ижросини ташкил этишни қамраб оладиган жараён;

стратегик режалаштириш ҳужжатининг амалга оширилишини мониторинг қилиш ва ҳисобот бериш — қабул қилинган стратегик режалаштириш ҳужжатининг самарали бажарилишини таъминлаш мақсадида режалаштирилган чора-тадбирларнинг амалга оширилиши ва унга мутаносиб ҳолатда бўлаётган ўзгаришлар мунтазам мониторинг қилиниб, натижалари бўйича ҳисобот тайёрланадиган ва ҳисоботлар ўрганиб бориладиган жараён;

стратегик режалаштириш ҳужжатининг бажарилишини баҳолаш — белгиланган мақсадли кўрсаткичларга эришиш даражаси ва динамикасини, уларга эришиш жараёнида ресурслардан фойдаланиш самарадорлигини, қўйилган мақсадларнинг стратегик аҳамияти ҳамда улар орқали эришилган натижаларнинг самарадорлигини таҳлил қилиш, шунингдек, баҳолаш натижалари асосида ҳисобот тайёрлаш ва заруратга кўра режалаштирилган тадбирларга тузатишлар киритиладиган жараён;

самарадорлик кўрсаткичлари — стратегик режалаштириш ҳужжатида белгиланган мақсадларга эришиш даражасини аниқлаш учун ишлатиладиган ўлчовли индикатор бўлиб, стратегик мақсадларнинг бажарилиши, аниқ вазифаларнинг амалга оширилиши ва чора-тадбирларнинг ижроси даражасини баҳолаб, мақсадларга эришилганлиги ёки эришилмаганлигини ҳамда амалга оширилган тадбирлар доирасида қандай натижалар қўлга киритилганини аниқлаш учун хизмат қилади;

бевосита фаолият натижаси (output) кўрсаткичлари — стратегик режалаштириш ҳужжати доирасида амалга оширилган чора-тадбирлар ва фойдаланилган ресурсларнинг бевосита ва аниқ натижаларини ўлчайдиган кўрсаткич;

натижа (outcome) кўрсаткичлари — стратегик режалаштириш ҳужжати доирасидаги фаолият натижасида юзага келган қисқа ва ўрта муддатли таъсирларни ифодаловчи ҳамда амалга оширилган чора-тадбирлар, ҳаракатлар туфайли юзага келган ўзгаришларни акс эттирувчи кўрсаткич;

таъсир (impact) кўрсаткичлари — стратегик режалаштириш ҳужжатини амалга ошириш доирасида эришиладиган натижаларнинг узоқ муддатли ва барқарор таъсирини акс эттирувчи ўлчовли кўрсаткич.

3. Стратегик режалаштиришнинг асосий принциплари қуйидагилардан иборат:

инсон манфаатларини таъминлаш ва аҳоли турмуш даражасини ошириш принципи — стратегик режалаштириш ҳужжатларини ишлаб чиқиш жараёнининг асосий устувор мақсади бўлиб, стратегик режалаштириш ҳужжатларининг ишлаб чиқилишида инсон манфаатлари, халқ фаровонлиги ва аҳолининг турмуш тарзини яхшилашга қаратилган вазифалар акс эттирилиши ҳамда фуқароларнинг стратегик режалаштириш ҳужжатларини шакллантириш, амалга ошириш ва натижаларини баҳолашда фаол иштирок этишини назарда тутади;

мувофиқлик (уйғунлик) принципи — стратегик режалаштириш ҳужжатида уни қабул қилиш зарурати етарлича асосланган бўлиши, стратегик режалаштириш ҳужжатлари иерархиясига риоя этган ҳолда юқори даражадаги стратегик режалаштириш ҳужжатларида белгиланган устувор йўналишлар, мақсад ва вазифаларни амалга оширишга қаратилган бўлиши, тармоқ/соҳа ва ҳудудий стратегиялар билан мувофиқликни таъминлаши ҳамда уларнинг мақсад ва вазифалари жиҳатидан бир-бирини тўлдириши, ўзаро мос келиши ва зиддиятга йўл қўймаслиги лозимлигини белгилайди;

иқтисодий самарадорлик принципи — стратегик режалаштириш ҳужжатларида давлат сиёсати сифатида чора-тадбирларни амалга оширишдан келиб чиқадиган фойда қилинган харажатларни оқлаши лозимлиги уларни танлашда ҳисобга олинишини назарда тутади;

молиявий барқарорлик принципи — стратегик режалаштириш ҳужжатлари бюджетлаштириш жараёни билан синхрон ҳолда етарли молиявий ресурсларга боғлиқ ишлаб чиқилиши, ундаги мақсад ва вазифалар, самарадорлик кўрсаткичлари ва чора-тадбирлар молиявий, иқтисодий, моддий-техник ва инсон ресурсларини инобатга олган ҳолда белгиланиши лозимлигини назарда тутади;

ҳисобдорлик принципи — барча стратегик режалаштириш ҳужжатларида уларни амалга ошириш, мониторинг қилиш ва ҳисобот бериш учун масъул (ташкилот ёки шахслар) белгиланганлигини назарда тутади;

шаффофлик принципи — стратегик режалаштириш ҳужжатларини ишлаб чиқиш ва унинг амалга оширилиши бўйича мониторингини олиб боришда кенг жамоатчилик ва экспертларни жалб қилган ҳолда шаффоф жараённи (давлат сирлари, тижорат сири ва қонун билан муҳофаза қилинадиган сир бўлган бошқа ҳужжатлар бундан мустасно) таъминлашни назарда тутади;

узлуксиз режалаштириш принципи — режалаштириш, мониторинг ва самарадорликни баҳолаш жараёнларида ҳар бир янги стратегик режалаштириш ҳужжати олдинги стратегик режалаштириш ҳужжатларига ва амалга оширилган давлат сиёсатининг самарадорлигини баҳолаш натижаларига асосланганлигини белгилайди;

мазмунга қўйилган муҳим талабларнинг тўлиқлиги принципи — стратегик режалаштириш ҳужжатлари мазмунида мазкур Низом ва бошқа қонунчилик ҳужжатларида белгиланган барча масалалар ва механизмларнинг қамраб олиниши зарурлиги белгилайди.

4. Давлат органлари фаолиятининг мақсадли кўрсаткичлари ва индикаторлари биринчи навбатда стратегик режалаштириш ҳужжатларида белгиланган самарадорлик кўрсаткичлардан келиб чиққан ҳолда шакллантирилади.

5. Стратегик режалаштириш ҳужжатини ишлаб чиқиш, маълумотларни тўплаш, унинг амалга оширилишини мониторинг қилиш ва геохаритада акс эттириш, ҳисобот тайёрлаш, ҳисоботни ўрганиш ва баҳолаш, стратегик режалаштириш ҳужжатларига тузатишлар киритиш тегишли вазирлик ва идоралар томонидан Стратегик режалаштириш ва ривожланишнинг рақамли платформаси (dashboard) (кейинги ўринларда — Рақамли платформа) орқали амалга оширилади.

6. Рақамли платформанинг таркибий модуллари, унинг функцияларини таъминлашда давлат органлари ва ташкилотларининг вазифалари рўйхати мазкур низомнинг 1-иловасига мувофиқ белгиланади.

Рақамли платформадан фойдаланиш учун ҳар бир вазирлик ва идорага Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги (кейинги ўринларда — Агентлик) томонидан алоҳида логин ва пароль берилади.

Вазирлик ва идора раҳбари Рақамли платформадан фойдаланиш ва тегишли маълумотларни киритиб бориш учун масъул бўлган ходимларни белгилайди ва уларнинг ҳисобини юритади.

7. Рақамли платформада:

стратегик режалаштириш ҳужжатлари мақсадларига масъул бўлган республика ижро этувчи ҳокимият органлари, маҳаллий ижро этувчи ҳокимият органлари ва хўжалик бирлашмалари томонидан ҳар бир самарадорлик кўрсаткичи, шу жумладан, бевосита фаолият натижаси (output), натижа (outcome) ва таъсир (impact) кўрсаткичларига эришиш бўйича ҳақиқий маълумотларни тасдиқловчи ҳужжатлар доимий равишда киритиб борилади;

давлат органлари томонидан мамлакат миқёсида тармоқларни ривожлантиришда талаб этиладиган давлат маблағлари юзасидан демография, атроф-муҳит, иқлим ўзгариши, миграция, урбанизация ва бошқа омиллар билан боғлиқ аниқлик киритилади;

маълумотлар стратегик режалаштириш ва давлат инвестицияларини бошқаришнинг ягона ахборот экотизимини шакллантириш мақсадида барча тегишли давлат органлари ва ташкилотларининг ахборот тизимлари ва ресурслари билан «Электрон ҳукумат» тизими доирасида интеграция қилиш орқали, шунингдек, кенг жамоатчиликни жалб қилган ҳолда тўпланади;

«Ўзбекистон — 2030» стратегияси ва кейинги стратегик режалаштириш ҳужжатларида белгиланган мақсадлар, вазифалар ва асосий самарадорлик кўрсаткичлари Рақамли платформада геоахборот шаклида визуал акс эттирилади ҳамда давлат инвестицияларининг мақсадли сарфланиши мониторинг қилинади ва баҳоланади;

ривожланиш билан боғлиқ дастурлар (чора-тадбирлар, «йўл хариталари», режалар ва бошқалар) назарда тутувчи норматив-ҳуқуқий ҳужжатлар лойиҳаларидаги (шу жумладан, стратегик режалаштириш ҳужжатлари лойиҳаларидаги) маблағ ажратилишини талаб қиладиган масалалар Рақамли платформанинг «Геопортал» модулидаги маълумотларга боғлаш орқали асослантирилади ҳамда мазкур жараёнда лойиҳа ташаббускорига асослантириш учун зарур бўлган бошқа вазирлик ва идоралардаги маълумотлар Агентлик сўровига асосан Рақамли платформага киритиш орқали тақдим этилиши шарт бўлиб ҳисобланади;

миллий даражадаги кенг қамровли стратегик режалаштириш ҳужжатларининг асосий самарадорлик кўрсаткичлари бўйича давлат органлари рейтинги шакллантирилади ва Бошқарув самарадорлиги агентлиги томонидан Давлат органлари фаоллигининг миллий рейтингини шакллантиришда инобатга олинади;

вазирлик ва идоралар томонидан Рақамли платформанинг «Геопортал» модулига жойлаштириладиган барча маълумотлар, уларнинг метамаълумотлари, атрибутлар рўйхати, формат, янгиланиш даврийлиги ва ахборот тузилмаси Стратегик ривожланиш ва ислоҳотлар агентлиги билан келишилган ҳолда тасдиқланади.

8. Рақамли платформа ва унинг техник топшириғини ишлаб чиқиш, ишга тушириш, техник хизмат кўрсатиш ва қўллаб-қувватлаш, такомиллаштириш билан боғлиқ харажатлар Мувофиқлаштирувчи кенгаш ҳузуридаги Тадқиқотларни қўллаб-қувватлаш жамғармаси, Стратегик ривожланиш ва ислоҳотлар агентлигини қўллаб-қувватлаш жамғармаси маблағлари, шунингдек, қонунчилик ҳужжатларида тақиқланмаган бюджетдан ташқари бошқа манбалар ҳисобидан қоплаб борилади.

9. Рақамли платформани «Электрон ҳукумат» тизимининг маълумотларни қайта ишлаш марказига жойлаштириш ва сақлаш бепул асосда амалга оширилади.

Агентлик Рақамли платформанинг ягона ишлаб чиқувчиси ва оператори бўлиб ҳисобланади.

2-боб. Стратегик режалаштириш босқичлари ва субъектлари, стратегик режалаштириш ҳужжатларининг иерархияси

10. Стратегик режалаштириш ҳужжатлари лойиҳаларини режалаштириш, ташаббус қилиш, тайёрлаш, экспертизадан ўтказиш, келишиш, қабул қилиш, эълон қилиш, уларнинг ижросини ташкил этиш мазкур Низом ҳамда қонунчилик ҳужжатларида норматив-ҳуқуқий ҳужжатларни режалаштириш, ташаббус қилиш, тайёрлаш, экспертизадан ўтказиш, келишиш, қабул қилиш, эълон қилиш, уларнинг ижросини ташкил этишга оид белгиланган қоидаларга мувофиқ амалга оширилади.

11. Стратегик режалаштириш жараёнлари қуйидаги 4 босқичдан иборат:

биринчи босқичда жорий вазият таҳлили асосида стратегик режалаштириш ҳужжати лойиҳаси тайёрланади ва қабул қилинади;

иккинчи босқичда стратегик режалаштириш ҳужжатида белгиланган тадбирлар амалга оширилади;

учинчи босқичда стратегик режалаштириш ҳужжатининг амалга оширилиши мониторинг қилинади, ҳисобот берилади ва ҳисоботлар ўрганилади;

тўртинчи босқичда стратегик режалаштириш ҳужжатининг бажарилиши самарадорлиги баҳоланади.

12. Ўзбекистон Республикаси Президенти ҳузуридаги Стратегик режалаштириш ва ривожланиш бўйича мувофиқлаштирувчи кенгаш (кейинги ўринларда — Мувофиқлаштирувчи кенгаш) вазирлик ва идоралар, маҳаллий ижро этувчи ҳокимият органлари, шунингдек, давлат таҳлилий марказлари ва илмий-тадқиқот муассасаларининг стратегик режалаштириш ва ривожланиш соҳасидаги фаолиятини мувофиқлаштириш учун масъул бўлган идоралараро коллегиал орган ҳисобланади ва қуйидаги вазифаларни бажаради:

ижтимоий-иқтисодий, ижтимоий-сиёсий, технологик, гуманитар, экологик ва бошқа соҳалардаги долзарб муаммолар ҳамда чақириқларни таҳлил қилиш, уларни ҳал этиш бўйича таклифлар ишлаб чиқиш, шунингдек, мамлакатни стратегик ривожлантириш бўйича ғоя ва ташаббусларни шакллантириш;

«Ўзбекистон — 2030» стратегияси , концепциялар, стратегиялар ва дастурлар («йўл хариталари», чора-тадбирлар режалари) билан мувофиқлигини таъминлаш нуқтаи назаридан стратегик ташаббусларни ишлаб чиқиш ва экспертизадан ўтказишни мувофиқлаштириш;

концепциялар, стратегиялар ва дастурларнинг («йўл хариталари», чора-тадбирлар режалари) «Ўзбекистон — 2030» стратегияси мақсадлари билан тўлиқ боғлиқлиги ва уйғунлигини таъминлаш, шунингдек, уларнинг амалга оширилиши самарадорлигини мониторинг қилиш ва баҳолаш;

жамият ва давлат ҳаётининг турли соҳалари кесимида мамлакат ривожланишини узоқ муддатли режалаштириш бўйича фаолиятни ташкил этиш.

13. Стратегик режалаштириш субъектлари ҳисобланадиган вазирлик ва идоралар (миллий даражадаги, республика даражасидаги (вазирликлар, алоҳида мақомга эга мустақил республика ижро этувчи ҳокимият органлари) ва ҳудудий даражадаги давлат органлари ва ташкилотлари) рўйхати Мувофиқлаштирувчи кенгаш томонидан белгиланади.

14. Агентлик стратегик режалаштириш ва ривожланиш тизимини ташкил этиш, уни самарали жорий қилишга қаратилган аниқ механизмларни ишлаб чиқиш, шунингдек, стратегик режалаштириш ҳужжатлари лойиҳаларини тайёрлашни тартибга солиш бўйича ваколатли давлат орган ҳисобланади ҳамда унинг бу борадаги асосий вазифалари қуйидагилардан иборат:

стратегик режалаштириш ҳужжатлари лойиҳаларини ишлаб чиқишда вазирликлар ва идораларни услубий қўллаб-қувватлаш, стратегик режалаштириш тизими бўйича тавсиялар ва услубий кўрсатмалар тайёрлаш;

илғор халқаро тажриба ва давлат сиёсатининг устувор йўналишларини ҳисобга олган ҳолда стратегик режалаштириш ва ривожланиш тизимини такомиллаштириш бўйича таклифлар ишлаб чиқиш;

вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг стратегик режалаштириш ва ривожланиш ҳужжатларини қонунчилик ҳужжатлари талаблари ва иерархияга мувофиқ ишлаб чиқиш, амалга ошириш ва ижросини мониторинг қилиш соҳасидаги фаолиятини мувофиқлаштириш;

стратегик режалаштириш ҳужжатларини амалга ошириш бўйича тақдим этилган ҳисоботларни текшириш йўли билан хулоса бериш ва уларнинг бажарилишини назорат қилиш;

стратегик режалаштириш ҳужжатларининг мақсадларига эришилишини мониторинг қилиш.

15. Вазирлик, идоралар ва маҳаллий ижро этувчи ҳокимият органлари стратегик режалаштириш ҳужжатларини ишлаб чиқиш, амалга ошириш ва мониторинг қилиш жараёнлари вазирлик ва идораларнинг стратегик режалаштириш бўйича таркибий бўлинмалари ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ахборот-таҳлил гуруҳлари (кейинги ўринларда — Таркибий бўлинмалар) томонидан мувофиқлаштирилади ва улар билан мажбурий тартибда келишилади.

Таркибий бўлинмаларнинг стратегик режалаштириш ҳужжатларини ишлаб чиқиш, амалга ошириш ва мониторинг қилиш жараёнларини мувофиқлаштириш борасидаги асосий вазифалари этиб қуйидагилар белгиланади:

стратегик режалаштириш ҳужжатлари лойиҳалари иерархия ва қонунчилик ҳужжатлари талаблари асосида ишлаб чиқилаётганлигини текшириш;

стратегик режалаштириш ҳужжатлари лойиҳаларини ишлаб чиқишда стратегик режалаштиришнинг асосий принциплари ва талабларига мувофиқлигини таъминлаш;

стратегик режалаштириш ҳужжатларининг амалга оширилиши мониторинг қилинишини мувофиқлаштириш, тайёрланган ҳисоботларни дастлабки тарзда ўрганиш ҳамда Агентликка тақдим этиб бориш;

ҳисобот натижалари асосида стратегик режалаштириш ҳужжатларига ўзгартириш ёки қўшимчалар киритиш бўйича таклифлар тайёрлаш;

стратегик режалаштириш ҳужжатлари ва ҳисоботлар тўғрисидаги ахборотларни тизимли равишда сақлаш.

Таркибий бўлинмалар вазирлик ва идораларнинг стратегик режалаштириш ҳужжати ҳисобланмайдиган стратегияси ва иш режаларининг ишлаб чиқилишини мувофиқлаштириш ҳамда уларнинг ижросини назорат қилиш функцияларини ҳам амалга оширади.

16. Стратегик режалаштириш ҳужжатларининг иерархияси қуйидагича белгиланади:

а) биринчи даражали стратегик режалаштириш ҳужжатлари мамлакатни, унинг ҳудудларини ижтимоий-иқтисодий, ижтимоий-сиёсий ривожлантиришда давлат сиёсатини шакллантириш ва амалга ошириш билан боғлиқ устувор йўналишларни, бошқарувнинг концептуал ёндашувларини белгиловчи концепциялар шаклида қабул қилинади. Бунда концепция мувофиқлаштириш, ресурслар билан таъминлаш ва уларни амалга ошириш самарадорлигини баҳолашнинг умумий механизмларини ўз ичига олган муайян стратегияларни ишлаб чиқиш учун асос бўлиб ҳисобланади;

б) иккинчи даражали стратегик режалаштириш ҳужжатлари ўрта ва узоқ муддатли истиқболда мамлакат, ҳудуд, тармоқ ёки давлат ва жамият ҳаётининг бошқа соҳасини ривожлантиришнинг мақсади, вазифалари, мақсадли кўрсаткичларига эришишга қаратилган ҳамда уларни амалга оширишнинг аниқ белгиланган механизмлари ва ресурсларини ўз ичига олган стратегиялар шаклида қабул қилинади ва қуйидаги кетма-кетликка риоя қилинади:

«Ўзбекистон — 2030» стратегияси ҳамда кейинги йиллар учун қабул қилинадиган мамлакатни кенг қамровли ривожлантириш стратегиялари;

барқарор ривожланиш соҳасидаги кенг қамровли миллий мақсад ва вазифалар;

республика ҳудудини ривожлантиришни режалаштириш бош схемаси, Қорақалпоғистон Республикаси ва вилоятлар ҳудудларини ривожлантиришни режалаштириш схемалари, агломерацияларни ривожлантириш стратегияси;

Ўзбекистон Республикасининг халқаро шартномалардан ва халқаро ташкилотларга аъзоликдан келиб чиқадиган мажбуриятлари;

тармоқ, соҳа ва (ёки) ҳудудларни ривожлантириш стратегиялари;

Ўзбекистон Республикасининг фискал стратегияси;

в) учинчи даражали стратегик режалаштириш ҳужжатлари биринчи ва иккинчи даражали стратегик режалаштириш ҳужжатларининг мақсад ва вазифаларига эришишга қаратилган ўзаро боғлиқ батафсил чора-тадбирлар мажмуини белгиловчи дастурлар («йўл хариталари», чора-тадбирлар режалари) шаклида қабул қилинади ва қуйидагилардан иборат:

«Ўзбекистон — 2030» стратегияси ҳамда кейинги йиллар учун қабул қилинадиган мамлакатни ривожлантириш стратегияларини амалга ошириш тадбирлари ва механизмлари тизимини белгилайдиган Давлат дастурлари;

бир ёки бир нечта ҳудуд, тармоқ ёки соҳани ривожлантириш стратегияларини амалга оширишга қаратилган чора-тадбирлар ва механизмлар тизимини белгилайдиган давлат дастурлари, ижтимоий ва ишлаб чиқариш инфратузилмани ривожлантириш дастурлари, «йўл хариталари» ёки чора-тадбирлар режалари.

17. Биринчи даражали стратегик режалаштириш ҳужжатлари 7 йилдан ортиқ муддатга ишлаб чиқилади ва қоида тариқасида Ўзбекистон Республикаси қонунлари билан тасдиқланади.

Иккинчи даражали стратегик режалаштириш ҳужжатлари 4 йилдан 7 йилгача бўлган муддатга ишлаб чиқилади ва Ўзбекистон Республикаси Президентининг ҳужжатлари билан тасдиқланади. Бунда «Ўзбекистон — 2030» стратегияси ва бошқа шу каби кенг қамровли стратегик режалаштириш ҳужжатлари нисбати бўйича муайян ёки бир неча соҳа, тармоқ ёки ҳудуд бўйича стратегик режалаштириш ҳужжатларидан юқори бўлиб ҳисобланади.

Учинчи даражали стратегик режалаштириш ҳужжатлари 1 йилдан 3 йилгача бўлган муддатга ишлаб чиқилади ва қуйидаги тартибда тасдиқланади:

«Ўзбекистон — 2030» стратегияси ва бошқа шу каби кенг қамровли стратегик режалаштириш ҳужжатларини амалга ошириш бўйича Ўзбекистон Республикаси Президентининг ҳужжатлари;

иккинчи даражали бошқа стратегик режалаштириш ҳужжатларини амалга ошириш бўйича Вазирлар Маҳкамасининг қарорлари қабул қилинади.

3-боб. Стратегик режалаштириш ҳужжатини ишлаб чиқиш тартиби

18. Стратегик режалаштириш ҳужжатлари лойиҳаларини қабул қилиш норматив-ҳуқуқий ҳужжатларни режалаштириш, ташаббус қилиш, тайёрлаш, экспертизадан ўтказиш, келишиш, қабул қилиш, эълон қилиш, уларнинг ижросини ташкил этишга оид қонунчилик ҳужжатларида белгиланган қоидаларга ҳамда мазкур Низомнинг 2-иловасидаги схемага мувофиқ амалга оширилади.

19. Стратегик режалаштириш ҳужжатининг лойиҳасини тайёрлашда қонунчилик ҳужжатларида норматив-ҳуқуқий ҳужжатларнинг лойиҳасини тайёрлашда амалга оширилиши лозим бўлган чора-тадбирлар билан бир қаторда, стратегик режалаштириш ҳужжати лойиҳасини тайёрловчи ташкилот (кейинги ўринларда — Ишлаб чиқувчи) томонидан қуйидаги қўшимча тадбирлар амалга оширилади:

стратегик режалаштириш ҳужжат лойиҳасини ишлаб чиқишда Ишлаб чиқувчи томонидан келишувга кўра таркибига Агентлик, Ўзбекистон Республикаси Президенти Администрацияси, Вазирлар Маҳкамаси, Иқтисодиёт ва молия вазирлигининг, тегишли вазирлик ва идораларнинг масъул ходимлари, шунингдек, илмий тадқиқот институтлари, таҳлил марказлари ва нодавлат нотижорат ташкилотлар вакиллари, хорижий консультант ва экспертлар ҳамда Таркибий бўлинмалар вакиллари киритилган ишчи гуруҳи тузилади ва бу ҳақида мазкур вазирлик ва идоранинг расмий веб-сайтида ва ижтимоий тармоқларда эълон берилади;

стратегик режалаштириш ҳужжатлари ишчи гуруҳ тайёрлаган лойиҳа тегишли материаллар билан биргаликда мазкур Низомнинг 3-иловасидаги Стратегик режалаштириш ҳужжати лойиҳасининг белгиланган талабларга мувофиқ ишлаб чиқилганлигини ўрганиш бўйича назорат варақасига асосан дастлабки сифат текширувидан ўтказиш учун Агентликка юборилади;

ҳуқуқий экспертиза якунлари бўйича стратегик режалаштириш ҳужжатлари лойиҳасини якуний сифат текширувидан ўтказиш учун Агентликка юборилади;

Агентликнинг дастлабки ва якуний сифат текшируви хулосасига мувофиқ стратегик режалаштириш ҳужжати лойиҳаси қайта ишланади ҳамда лойиҳа сифат текшируви бўйича Агентликнинг ижобий хулосасидан кейин келишиш учун бошқа ташкилотларга юборилади ёки тегишли ваколатли органга киритилади.

20. Биринчи ва иккинчи даражали стратегик режалаштириш ҳужжатини ишлаб чиқишда Ишчи гуруҳ томонидан қонунчилик ҳужжатларида норматив-ҳуқуқий ҳужжатларнинг лойиҳасини тайёрлашда амалга оширилиши лозим бўлган чора-тадбирлар билан бир қаторда қуйидагилар амалга оширилади:

мавжуд муаммолар ва уларнинг асосий сабаблари аниқлаштирилади, ички ва ташқи омилларни баҳолаш ҳамда илгари амалга оширилган ислоҳотлар, қабул қилинган стратегиялар ва бошқа ҳужжатларнинг таҳлили самарадорлиги натижаларига (шу жумладан, мониторинг ва баҳолаш ҳисоботларига) асосланган ҳолда ишларнинг жорий ҳолати таҳлили амалга оширилади;

ижтимоий-иқтисодий ривожланишда устувор мақсадлар ва мавжуд ресурсларга мувофиқ долзарблиги, аҳамияти ёки ҳажмига кўра ҳал қилиниши керак бўлган муаммолар танлаб олинади;

тегишли соҳадаги таҳдид ва кутилмалар таҳлил қилинади, ички ва ташқи омиллар инобатга олинган ҳолда прогноз ва сценарийлаштириш амалга оширилади;

танлаб олинган ва ҳал этилиши лозим деб топилган муаммолар бўйича жорий ҳолатдаги вазиятдан келиб чиқиб, эришилиши кўзланаётган натижалар ва амалга оширилиши лозим бўлган ишлар аниқлаштирилади;

аниқланган муаммолар ва уларнинг сабабларидан келиб чиққан ҳолда стратегик режалаштириш ҳужжатининг асосий мақсад ва вазифалари белгиланади ва шакллантирилади;

кўзланган мақсадларга эришиш даражасини ўлчаш усуллари ва самарадорлик даражасини акс эттирувчи натижа (outcome) ва таъсир (impact) кўрсаткичлари белгилаб олинади;

иккинчи даражали стратегик режалаштириш ҳужжати лойиҳасини ишлаб чиқишда белгиланган мақсадларга эришишни таъминлайдиган механизмлар ва вазифаларни амалга ошириш бўйича аниқ чора-тадбирлар (усул ва воситалар), бажариш муддатлари, талаб этиладиган инсон ва молиявий ресурслар, молиялаштириш манбалари, ижро учун масъул вазирлик ва идоралар (мансабдор шахслар), самарадорликнинг бевосита фаолият натижаси (output), натижа (outcome) ва таъсир (impact) кўрсаткичлари акс эттириладиган режа тайёрланади;

иккинчи даражали стратегик режалаштириш ҳужжати лойиҳасини ишлаб чиқишда режалаштирилган тадбирларни (ислоҳотларни) амалга ошириш ва кутилаётган ўзгаришларга эришиш учун зарур бўлган молиявий харажатлар ҳисоб-китоб қилинади ва молиялаштириш манбалари аниқлаштирилади;

иккинчи даражали стратегик режалаштириш ҳужжати лойиҳасини ишлаб чиқишда мониторинг ва ҳисобот бериш механизми белгиланади, бунда маълумотларни тўплаш, таҳлил қилиш, назорат қилиш ва ҳисобот учун масъуллар, шунингдек, мониторинг даврийлиги ва муддатлари ҳамда умумлашган ҳисоботни тайёрлаш учун масъуллар аниқ кўрсатилади;

иккинчи даражали стратегик режалаштириш ҳужжати лойиҳасини ишлаб чиқишда стратегик режалаштириш ҳужжатларини баҳолаш механизми ва муддатлари белгиланади.

21. Биринчи даражали стратегик режалаштириш ҳужжатлари лойиҳаларининг:

а) мазмуни стратегик режалаштиришнинг асосий принципларига мос бўлиши ва қуйидаги талабларга жавоб бериши лозим:

стратегик режалаштириш ҳужжатлари иерархияга мувофиқ ишлаб чиқилиши, ўзаро зид бўлмаслиги ва заруриятга кўра бир-бирини тўлдириши;

концептуал ғоя, мақсад ва вазифаларни амалга ошириш имконияти мавжуд бўлиши;

мақсад ва вазифалар, самарадорлик кўрсаткичлари ва чора-тадбирларни мониторинг қилиш механизмлари белгиланган бўлиши;

б) тузилмасида қуйидагилар алоҳида боб сифатида кўрсатилиши керак:

жорий ҳолат таҳлили;

концептуал ғоя, мақсад ва вазифалар;

тамойиллар ва ёндашувлар;

асосий йўналишлар;

кутилаётган натижалар;

мониторинг ва ҳисобот бериш механизмлари.

22. Иккинчи даражали стратегик режалаштириш ҳужжатлари лойиҳаларининг:

а) мазмуни стратегик режалаштиришнинг асосий принципларига мос бўлиши ва қуйидаги талабларга жавоб бериши лозим:

стратегик режалаштириш ҳужжатлари иерархияга мувофиқ ишлаб чиқилиши, ўзаро зид бўлмаслиги ва заруриятга кўра бир-бирини тўлдириши;

мақсад ва вазифаларни, самарадорлик кўрсаткичлари ва чора-тадбирларни ҳамда уларнинг қийматини баҳолаган ҳолда амалга ошириш имконияти мавжудлиги;

стратегик режалаштириш ҳужжатининг ўзида тўғридан-тўғри амалга ошириш механизмлари белгиланганлиги;

ҳар бир мақсад ва вазифаларнинг ўлчаш имконияти мавжуд бўлган самарадорлик кўрсаткичлари белгиланганлиги;

чора-тадбирлар белгиланган мақсад ва вазифалар, самарадорлик кўрсаткичларга эришишга қаратилганлиги;

чора-тадбирларни амалга ошириш учун реал муддатлар белгиланганлиги;

мақсад ва вазифалар ҳамда чора-тадбирлар молиявий, моддий-техник, инсон ва бошқа ресурслар билан таъминланганлиги;

мақсад ва вазифалар, самарадорлик кўрсаткичлар ва чора-тадбирларни мониторинг қилиш ва баҳолаш механизмлари белгиланганлиги;

б) тузилмасида қуйидагилар алоҳида боб сифатида кўрсатилиши керак:

жорий ҳолат таҳлили;

мақсад ва вазифалар, самарадорлик кўрсаткичлари;

стратегик режалаштириш ҳужжатини амалга ошириш бўйича чора-тадбирлар режаси;

стратегик режалаштириш ҳужжатини амалга оширишдан кутилаётган натижалар;

мониторинг ва ҳисобот бериш механизмлари;

баҳолаш механизмлари;

в) чора-тадбирлар режаси боби мазкур Низомнинг 4-иловасидаги намунага мувофиқ шаклда ишлаб чиқилади ва унда қуйидагилар акс эттирилади:

таъсир (impact) ва натижа (outcome) кўрсаткичларининг ўлчов бирлиги, ҳисоблаш формуласи, бошланғич кўрсаткич, йиллар кесимида оралиқ кўрсаткичлар, якуний кўрсаткич, маълумотлар манбаси ва уни тақдим этилишига масъул бўлган вазирлик/идора, маълумотларни тақдим этиш даврийлиги;

бевосита фаолият натижаси (output) кўрсаткичи бўйича чора-тадбир номи, мазкур чора-тадбирни амалга ошириш натижаси, ўлчов бирлиги, бошланғич кўрсаткич, якуний кўрсаткич, молиялаштириш ҳажми ва унинг манбаси, чора-тадбир ижросига масъул ташкилот/идора, ижро этилганлигини аниқлаштириш бўйича маълумотлар манбаси ва уни тақдим этилишига масъул бўлган вазирлик/идора, бажариш муддати.

г) миллий даражадаги кенг қамровли стратегик режалаштириш ҳужжатлари доирасига кирувчи лойиҳаларда жорий ҳолат таҳлили ва чора-тадбирлар режасининг акс эттирилиши талаб қилинмайди.

23. Учинчи даражали стратегик режалаштириш ҳужжатлари лойиҳалари иккинчи даражали стратегик режалаштириш ҳужжатларида назарда тутилган чора-тадбирлар учун белгиланган жадвал шаклида ишлаб чиқилади.

Бунда амалга оширилаётган стратегия доирасида ҳар бир мақсад, ушбу мақсадга эришишга қаратилган вазифалар, уларни амалга ошириш бўйича батафсил чора-тадбирлар ҳамда мазкур чора-тадбирларнинг бевосита фаолият натижасини ифодаловчи кўрсаткичлар (output) ўзаро тааллуқлилигига мувофиқ равишда кетма-кетликда акс эттирилади.

24. Стратегик режалаштириш ҳужжати лойиҳасини тайёрлашда мониторинг қилиш ва ҳисобот бериш бобида қуйидагилар акс эттирилади:

маълумотларни йиғиш, уларнинг тўғрилиги ва ҳаққонийлигини ўрганиш, ҳисобот бериш учун масъул ташкилот(лар), шунингдек, бир нечта ташкилот бўлганда умумлашган ҳисоботни тақдим этиш учун масъул ташкилот;

ҳисобот бериш ва мониторингни амалга оширишнинг даврийлиги ва муддатлари.

Бунда бевосита фаолият натижаси кўрсаткичлари (output) бўйича ҳисобот камида ҳар ой ёки ҳар чоракда, натижа кўрсаткичлари (outcome) бўйича ҳисобот камида ҳар чорак ёки ярим йилда, таъсир кўрсаткичлари (impact) бўйича ҳисобот камида ҳар йилда бир марта топширилиши белгиланиши керак.

25. Стратегик режалаштириш ҳужжатлари лойиҳаларини ишлаб чиқиш жараёнида Агентликдан ташқари қуйидаги вазирлик ва идоралар билан мажбурий тартибда келишилади:

а) Иқтисодиёт ва молия вазирлиги билан:

соҳаларга режалаштирилаётган маблағларнинг иқтисодий параметрлари билан мувофиқлиги;

тегишли ҳудуд, тармоқ ва соҳадаги иқтисодий таҳдид ва кутилмалар, прогноз ва турли сценарийлар асосида таҳлилнинг амалга оширилганлиги;

самарадорлик кўрсаткичларига эришиш бўйича аниқ чора-тадбирларни амалга ошириш билан боғлиқ барча харажатлар тўлиқ ва тўғри баҳоланганлиги, молиялаштириш манбаларининг аниқ белгиланганлиги ҳамда барқарор ривожланиш мақсадлари билан уйғунлиги масалалари;

лойиҳа стратегик режалаштиришнинг иқтисодий самарадорлик принципига мувофиқ ишлаб чиқилганлиги;

б) Ўзбекистон Республикаси Президенти ҳузуридаги Стратегик ва минтақалараро тадқиқотлар институти билан Ўзбекистон Республикасининг ички хавфсизлиги, барқарор тараққиётини таъминлашнинг долзарб масалалари ҳамда минтақа, халқаро ва глобал хавфсизликнинг бугунги тенденцияларининг стратегик мақсадларни амалга оширишга бўлган таъсирини таҳлил қилиш орқали прогноз ва сценарийлар ишлаб чиқилганлиги;

в) Ўзбекистон Республикаси Экология ва иқлим ўзгариши миллий қўмитаси билан мақсад ва вазифалар ҳамда самарадорлик кўрсаткичларига эришиш бўйича аниқ чора-тадбирлар атроф-муҳитни муҳофаза қилиш соҳасида давлат сиёсатининг устувор йўналишларига мувофиқлиги ҳамда атроф-муҳит ва экологик ҳолатга таъсири масалалари.

26. Ҳуқуқий экспертиза якунлари бўйича Адлия вазирлигининг тавсиялари асосида лойиҳа Агентликка якуний сифат текшируви хулосасини олиш учун юборилади.

Агентликнинг лойиҳа бўйича якуний сифат текшируви хулосасида назарда тутилган масалалар инобатга олинмаган тақдирда стратегик режалаштириш ҳужжати лойиҳаси Ўзбекистон Республикаси Президенти Администрацияси ёки Вазирлар Маҳкамасига киритилмайди.

4-боб. Стратегик режалаштириш ҳужжатининг амалга оширилиши бўйича ҳисобот тайёрлаш, ҳисоботни ўрганиш ва мониторинг қилиш ҳамда баҳолаш тартиби

27. Стратегик режалаштириш ҳужжатининг амалга оширилиши бўйича ҳисобот тайёрлаш, ҳисоботни ўрганиш ва мониторинг қилиш ҳамда баҳолаш қуйидаги принциплар асосида амалга оширилади:

қонунийлик — стратегик режалаштириш ҳужжатининг амалга оширилишини мониторинг қилиш ва баҳолашни қонунчиликда белгиланган талабларга мувофиқ амалга ошириш;

бетарафлик — мониторинг ва баҳолаш фаолиятини амалга оширувчи вазирлик ва идоралар ходимлари ўз ваколат ва вазифаларини ҳар қандай давлат органлари, ташкилотлар ва мансабдор шахслардан қатъи назар, фақат қонунга бўйсунган ҳолда амалга ошириши;

холислик — мониторинг қилиш ва баҳолашни субъектив фикрларнинг таъсир қилишига йўл қўймаган ҳолда амалга ошириш;

очиқлик ва шаффофлик — мониторинг ва баҳолаш фаолияти ҳақидаги маълумот ва ахборотлардан тўлиқ, ўз вақтида, эркин ва бепул фойдаланиш имкониятини таъминлаган ҳолда, уларни белгиланган ахборот ресурсларига жойлаштириш;

махфийликни таъминлаш — давлат сирлари ёки қонун билан қўриқланадиган бошқа сирдан иборат, шунингдек, ошкор этилиши натижасида шахснинг ҳуқуқлари ва қонуний манфаатларига, жамият ёхуд давлат манфаатларига зарар етказиши мумкин бўлган ахборотни эълон қилишда қонунчиликда белгиланган чекловларга риоя қилиш;

ишончлилик — стратегик режалаштириш ҳужжатининг амалга оширилишини мониторинг қилиш ёки баҳолаш учун тегишли вазирлик ва идора томонидан тақдим қилинган маълумотларнинг ишончлилигини тасдиқловчи қўшимча материалларнинг талаб қилиб олиниши, уларнинг ҳаққонийлигига шубҳа пайдо бўлган тақдирда мустақил манбалар орқали ўрганишнинг амалга оширилиши.

28. Стратегик режалаштириш ҳужжатидаги бевосита фаолият натижаси (output), натижа (outcome) ва таъсир (impact) кўрсаткичлари «Ijro.gov.uz» ижро интизоми идоралараро ягона электрон тизимига тегишли муддатлар ўрнатилган ҳолда назоратга олинади. Бунда ҳар бир самарадорлик кўрсаткичининг топшириғи тегишли стратегик режалаштириш ҳужжати бўйича умумлаштирилган ҳисоботни тақдим этишга масъул бўлган ташкилотнинг розилиги билан назоратдан ечилиши мумкин.

29. Стратегик режалаштириш ҳужжатининг амалга оширилишини мониторинг қилиш ва ҳисобот беришда тегишли ҳужжат ёки ундаги муайян мақсадни амалга ошириш жараёнида юзага келган муаммолар аниқланади ва уларни ҳал этиш бўйича тавсия ва кўрсатмалар ишлаб чиқилади.

Масъул ижрочиларнинг Рақамли платформага киритган маълумотларини таҳлил қилиш (шу жумладан, ижро интизоми идоралараро ягона электрон тизимини интеграция қилиш) орқали стратегик режалаштириш ҳужжатида белгиланган муддатларда ва умумлашган ҳисобот учун масъул давлат органи ёки ташкилоти томонидан ҳисобот тайёрланади ҳамда стратегик режалаштириш ҳужжатининг бевосита фаолият натижаси (output) ва натижа (outcome) кўрсаткичлари бўйича дастлабки мониторинг амалга оширилади ҳамда Рақамли платформага юкланади.

30. Агентлик томонидан ҳисобот ва дастлабки мониторинг ҳужжатларига асосан стратегик режалаштириш ҳужжатининг бевосита фаолият натижаси (output) ва натижа (outcome) кўрсаткичларига эришиш даражаси тўлиқ мониторинг ўтказиш орқали ўрганилади ҳамда топшириқларни тўлиқ бажармаган, кечиктириб бажарган ёки умуман ижросини таъминламаган раҳбар ва ходимларга нисбатан интизомий жавобгарлик чораларини қўллаш масалалари юзасидан Мувофиқлаштирувчи кенгашга умумлаштирилган ахборот киритилади.

Мувофиқлаштирувчи кенгаш томонидан заруратга кўра Ўзбекистон Республикаси Президент Администрацияси ёки Вазирлар Маҳкамасига айбдор шахсларга нисбатан чоралар кўриш бўйича таклифлар киритилади.

31. Стратегик режалаштириш ҳужжатининг амалга оширилишини баҳолашда стратегиянинг мақсадлари ёки ундаги муайян мақсадларга эришилганлик даражаси, ривожланиш динамикаси ва самарадорлиги, таъсири ва барқарорлигига мазкур ҳужжатда белгиланган муддатлардан келиб чиқиб баҳо берилади.

32. Баҳолаш Агентлик томонидан стратегик режалаштириш ҳужжати якунлангунга қадар оралиқ баҳолашдан (заруратга кўра) ҳамда стратегик режалаштириш ҳужжати якунлангандан сўнг якуний баҳолашдан ўтказилади.

Оралиқ ва якуний баҳолаш тартиби, муддатлари ва баҳолаш учун Агентлик билан бир қаторда қўшимча масъул ташкилот(лар), уларнинг вазифалари, шунингдек, баҳолаш билан боғлиқ харажатларни молиялаштириш манбалари тегишли стратегик режалаштириш ҳужжатида белгилаб қўйилади.

33. Стратегик режалаштириш ҳужжатида белгиланган баҳолаш муддатларида, заруратга кўра ҳисобот ва бошқа маълумотлар баҳоловчи ташкилот сўровига кўра ижро учун масъул вазирлик ва идора томонидан тақдим этилиши шарт.

34. Оралиқ баҳолашда стратегик режалаштириш ҳужжатининг ёки ундаги муайян мақсадларга эришилаётганлик даражаси, ривожланиш самарадорлиги, таъсири ва барқарорлигига баҳо берилади ҳамда муайян мақсадларни ўзгартириш, бекор қилиш ёки уларга эришиш механизмларини такомиллаштириш, самарадорлик кўрсаткичларига ўзгартиришлар киритиш бўйича таклифлар ишлаб чиқилади.

Оралиқ баҳолаш натижаларига асосан аниқланган камчиликлар бўйича чора-тадбирларни амалга ошириш усул ва воситаларига тегишли ўзгартиришлар киритиш бўйича таклифлар, шунингдек, топшириқларни тўлиқ бажармаган, кечиктириб бажарган ёки умуман ижросини таъминламаган раҳбар ва ходимларга нисбатан интизомий жавобгарлик чораларини қўллаш масалалари юзасидан Мувофиқлаштирувчи кенгашга умумий ахборот киритилади.

Мувофиқлаштирувчи кенгаш томонидан заруратга кўра Ўзбекистон Республикаси Президент Администрацияси ёки Вазирлар Маҳкамасига тегишли стратегик режалаштириш ҳужжатига ўзгартириш ва қўшимчалар киритиш ҳамда айбдор шахсларга нисбатан чоралар кўриш бўйича таклифлар киритилади.

35. Якуний баҳолашда стратегик режалаштириш ҳужжатида белгиланган мақсадларга эришилганлик даражаси, ривожланиш самарадорлиги, таъсири ва барқарорлигига баҳо берилади ҳамда келгусидаги муайян стратегик режалаштириш ҳужжатлари бўйича таклифлар ишлаб чиқилади.

Якуний баҳолаш натижаларига асосан ишлаб чиқилган таклифлар Мувофиқлаштирувчи кенгаш муҳокамасига киритилади.

36. Оралиқ ёки якуний баҳолашга масъул ташкилот вакиллари зарур ҳолларда, бошқа манфаатдор вазирлик ва идоралар вакилларини жалб қилган ҳолда баҳолаш жараёнида тақдим этилган маълумотларнинг ҳаққонийлигини уч кун ичида жойига чиқиб ўрганиши мумкин.

Ўрганиш натижасида маълумотлар нотўғрилиги аниқланса, бу ҳақда камчилик аниқланган тегишли вазирлик ва идоралар раҳбарлари камчилик аниқланган кундан эътиборан бир кун ичида огоҳлантирилади ҳамда баҳолаш хулосасида уларга нисбатан тегишли чоралар кўриш юзасидан таклифлар берилади.

5-боб. Якунловчи қоидалар

37. Мазкур Низомга ўзгартириш ва қўшимчалар қонунчилик ҳужжатларида белгиланган тартибда киритилади. Бунда қонунчиликда белгиланган тартибда ўзгартириш ва қўшимчалар киритилгунга қадар, Агентликнинг асослантирилган таклифига кўра Мувофиқлаштирувчи кенгаш томонидан мазкур Низом предмети доирасидаги масалаларни тартибга солувчи қоидалардан бошқача ёки қўшимча тартиб-қоидалар белгиланиши, шу жумладан, давлат органлари, вазирлик, идоралар ва маҳаллий ижро этувчи ҳокимият органларига қўшимча вазифа ва функциялар юклатилиши мумкин.

38. Вазирлик ва идоралар томонидан Рақамли платформага киритилган маълумотларнинг ҳаққонийлигига тегишли вазирлик ва идоралар раҳбарлари масъул ҳисобланади.

Стратегик режалаштиришни ташкил этиш, стратегик режалаштириш ҳужжатларини ишлаб чиқиш, мувофиқлаштириш ва амалга оширилишини мониторинг қилиш тартиби тўғрисидаги низомга 1-ИЛОВА

Стратегик режалаштириш ва ривожланишнинг рақамли платформаси (dashboard)нинг таркибий модуллари, унинг функцияларини таъминлашда давлат органлари ва ташкилотларининг вазифалари

Т/р Модул номи Асосий вазифалар (функциялар) Масъуллар (вазирлик, идора ва бошқалар) Муддатлар 1. «Маъмурий бошқарув панели» Рақамли платформа маъмурлари ва фойдаланувчиларини рўйхатга олиш, уларнинг фойдаланиши ва маълумот олиш учун рухсат даражасини ўрнатиш Стратегик ривожланиш ва ислоҳотлар агентлиги, вазирлик ва идоралар Вазирлик ва идоралар сўровига кўра 2. «Геопортал» Стратегик режалаштириш ҳужжатини ишлаб чиқишда, мониторингини амалга оширишда, ҳисобот ва баҳолашда фойдаланиш учун барча вазирлик ва идораларнинг ахборот тизимлари маълумотларини ягона геопортал орқали юритиш (маълумотларнинг юкланиши, янгиланиши, таҳлил қилиниши ва мониторинг қилинишининг марказлаштирилган тизимда таъминланиши) Стратегик ривожланиш ва ислоҳотлар агентлиги, Рақамли технологиялар вазирлиги, ахборот тизимларига эга бўлган вазирлик ва идоралар Мунтазам равишда «Стратегик режалаштириш ҳужжатларининг самарадорлик кўрсаткичларини ишлаб чиқишни методологик қўллаб-қувватлаш ва маълумотларни мувофиқлаштириш» кичик модули Вазирлик ва идоралар томонидан Геопорталга жойлаштириладиган барча маълумотлар, уларнинг метамаълумотлари, атрибутлар рўйхати, формат, янгиланиш даврийлиги ва ахборот тузилмасини Стратегик ривожланиш ва ислоҳотлар агентлиги билан келишиш ва тасдиқлаш ; маълумотларни стандартлаштириш, ягона норматив ва техник талаблар асосида юритиш; келишилган ва тақдим этилган маълумотларга асосланган ҳолда самарадорлик кўрсаткичларини (KPI) шакллантириш. Стратегик ривожланиш ва ислоҳотлар агентлиги, Рақамли технологиялар вазирлиги, вазирлик ва идоралар Мунтазам равишда «Лойиҳаларни асослантириш» кичик модули Ривожланиш билан боғлиқ дастурларни (чора-тадбирлар, «йўл хариталари», режалар ва бошқалар) назарда тутувчи норматив-ҳуқуқий ҳужжатлар лойиҳаларидаги (шу жумладан, стратегик режалаштириш ҳужжатлари лойиҳаларидаги) маблағ ажратилишини талаб қиладиган масалаларни мазкур модулдаги маълумотларга боғлаш орқали асослантириш (норматив-ҳуқуқий ҳужжатлар лойиҳалари келишиш учун юборилгунга қадар) Лойиҳа ташаббускори бўлган вазирлик ёки идора Лойиҳани ишлаб чиқиш бўйича белгиланган муддат доирасида «Асослантирилган лойиҳаларни тасдиқлаш» кичик модули Ривожланиш билан боғлиқ дастурларни (чора-тадбирлар, «йўл хариталари», режалар ва бошқалар) назарда тутувчи норматив-ҳуқуқий ҳужжатлар лойиҳаларидаги (шу жумладан, стратегик режалаштириш ҳужжатлари лойиҳаларидаги) маблағ ажратилишини талаб қиладиган масалаларни мазкур модулдаги маълумотларга боғлаш орқали асослантирилганлигини тасдиқлаш Стратегик ривожланиш ва ислоҳотлар агентлиги Маълумотлар келиб тушгандан бошлаб 3 иш куни ичида 3. «Молиялаштириш манбаларини тасдиқлаш» Ривожланиш билан боғлиқ дастурларни (чора-тадбирлар, «йўл хариталари», режалар ва бошқалар) назарда тутувчи норматив-ҳуқуқий ҳужжатлар лойиҳаларидаги (шу жумладан, стратегик режалаштириш ҳужжатлари лойиҳаларидаги) маблағ ажратилишини талаб қиладиган масалалар бўйича молиялаштириш манбаларини аниқлаштириш (бюджет, инвестиция лойиҳалари, грантлар ва бошқа манбалар) ҳамда тасдиқлаш Иқтисодиёт ва молия вазирлиги, Инвестициялар, саноат ва савдо вазирлиги Лойиҳани ишлаб чиқиш бўйича белгиланган муддат доирасида 4. «Стратегик режалаштириш ҳужжатларининг лойиҳалари» Биринчи ва иккинчи даражали стратегик режалаштириш ҳужжатлари лойиҳаларини шакллантириш, дастлабки ва якуний сифат текширувидан ўтказиш Лойиҳа ташаббускори бўлган вазирлик ёки идора, Стратегик ривожланиш ва ислоҳотлар агентлиги Лойиҳани ишлаб чиқиш бўйича белгиланган муддат доирасида 5. «Стратегик режалаштириш ҳужжатларининг асосий самарадорлик кўрсаткичларини (KPI) шакллантириш» Қабул қилинган стратегик режалаштириш ҳужжатларининг кўрсаткичларини реал вақтда кузатиш учун базага киритиш Стратегик ривожланиш ва ислоҳотлар агентлиги (биринчи ва иккинчи даражали стратегик режалаштириш ҳужжатлари бўйича), вазирлик ва идора (мониторингига масъул бўлган учинчи даражали стратегик режалаштириш ҳужжатлари бўйича) Ҳужжат қабул қилингандан сўнг 3 иш куни ичида 6. «Мониторинг, ҳисобот ва оралиқ баҳолаш» Қабул қилинган стратегик режалаштириш ҳужжатларининг кўрсаткичлари бўйича мониторинг ва ҳисоботларни тасдиқлаш, натижаларни геопорталда акс эттириш Мониторинг, ҳисобот ва оралиқ баҳолаш учун масъул ташкилотлар Ҳужжатда белгиланган муддатларда 7. «Давлат органлари рейтинги» Миллий даражадаги кенг қамровли стратегик режалаштириш ҳужжатларининг асосий самарадорлик кўрсаткичлари бўйича давлат органлари рейтингини шакллантириш Стратегик ривожланиш ва ислоҳотлар агентлиги, Бошқарув самарадорлиги агентлиги Ҳар йил якунлари бўйича 8. «Якуний баҳолаш (Impact)» Стратегик режалаштириш ҳужжатида белгиланган мақсадларга эришилганлик даражаси, ривожланиш самарадорлиги, таъсири ва барқарорлигига баҳо бериш Якуний баҳолаш учун масъул ташкилот Ҳужжатда белгиланган муддатларда 9. «Масофавий назорат» Рақамли платформани интеграция қилиш орқали стратегик режалаштириш ҳужжатининг амалга оширилиши бўйича ҳисоботдаги тегишли маълумотни ижро интизоми идоралараро ягона электрон тизимида акс эттириш Ҳисоб палатаси, Адлия вазирлиги Мунтазам равишда 10. «Жамоатчилик назорати» Кенг жамоатчиликни жалб этиш ва жамоатчилик назорати воситалари орқали маълумотларнинг ҳаққонийлигини баҳолаш «Юксалиш» ҳаракати, «Тараққиёт стратегияси» маркази ва бошқа нодавлат нотижорат ташкилотлар, кенг аҳоли қатлами Мунтазам равишда 11. «Маълумотлар интеграцияси» Барча вазирлик ва идораларнинг ахборот тизимлари маълумотларини «Электрон ҳукумат» орқали ягона экотизимга улаш Рақамли технологиялар вазирлиги, Стратегик ривожланиш ва ислоҳотлар агентлиги Мунтазам равишда

Стратегик режалаштиришни ташкил этиш, стратегик режалаштириш ҳужжатларини ишлаб чиқиш, мувофиқлаштириш ва амалга оширилишини мониторинг қилиш тартиби тўғрисидаги низомга 2-ИЛОВА

Стратегик режалаштириш ҳужжатлари лойиҳаларини келишиш тартиби

Босқичлар Субъектлар Чора-тадбирлар Бажариш муддати 1-босқич Масъул вазирлик ва идора Ҳужжат лойиҳасини ишлаб чиқиш бўйича ишчи гуруҳ тузиш ва бу ҳақида расмий веб-сайтида эълон бериш Ишчи гуруҳини тузиш бўйича қабул қилинган ички ҳужжатларда белгиланган муддатларда 2-босқич Ишчи гуруҳ Стратегик режалаштириш ҳужжатининг лойиҳасини ишлаб чиқиш ва тегишли вазирлик ёки идоранинг масъул таркибий бўлинмалари билан келишиш Лойиҳани ишлаб чиқиш бўйича қабул қилинган ички ҳужжатларда белгиланган муддатларда 3-босқич Масъул вазирлик ва идора Жамоатчилик билан маслаҳатлашувлар ўтказиш, бунда эксперт сўровлари, фокус гуруҳлар ва мутахассис фикрлари орқали асосий муаммолар ва ечимларга эътибор қаратиш ҳамда таҳлил қилиш Лойиҳани ишлаб чиқиш бўйича қабул қилинган ички ҳужжатларда белгиланган муддатларда 4-босқич Масъул вазирлик ва идора Лойиҳада белгиланган маблағ ажратилишини талаб қиладиган масалаларни Стратегик режалаштириш ва ривожланишнинг рақамли платформаси (dashboard) «Геопортал» модулидаги маълумотларга боғлаш орқали асослантириш ва молиялаштириш манбаларини киритиш Лойиҳани ишлаб чиқиш бўйича қабул қилинган ички ҳужжатларда белгиланган муддатларда 5-босқич Стратегик ривожланиш ва ислоҳотлар агентлиги Лойиҳада белгиланган маблағ ажратилишини талаб қиладиган масалаларни Стратегик режалаштириш ва ривожланишнинг рақамли платформаси (dashboard) «Геопортал» модулидаги маълумотларга боғлаш орқали асослантирилганлигини тасдиқлаш 5 иш кунида 6-босқич Иқтисодиёт ва молия вазирлиги, Инвестициялар, саноат ва савдо вазирлиги Лойиҳада белгиланган тадбирларни (ислоҳотларни) амалга ошириш ва кутилаётган ўзгаришларга эришиш учун зарур бўлган молиявий харажатлар ва молиялаштириш манбаларини Стратегик режалаштириш ва ривожланишнинг рақамли платформаси (dashboard) орқали тасдиқлаш 5 иш кунида 7-босқич Масъул вазирлик ва идора Дастлабки сифат текширувидан ўтказиш мақсадида лойиҳани Стратегик ривожланиш ва ислоҳотлар агентлигига юбориш Лойиҳани ишлаб чиқиш бўйича қабул қилинган ички ҳужжатларда белгиланган муддатларда 8-босқич Стратегик ривожланиш ва ислоҳотлар агентлиги Лойиҳани қонунчилик ҳужжатларида белгиланган тартибда дастлабки сифат текширувидан ўтказиш, заруратга кўра мазкур жараёнга илмий-тадқиқот ва таҳлил тузилмаларини жалб этиш ҳамда инобатга олиниши мажбурий бўлган хулоса бериш Лойиҳа келиб тушган кундан бошлаб 10 иш кунида 9-босқич Масъул вазирлик ва идора Дастлабки сифат текшируви хулосасига асосан лойиҳага тегишли ўзгартириш киритиш ҳамда қонунчилик ҳужжатларида норматив-ҳуқуқий ҳужжатлар лойиҳаларини ишлаб чиқиш ва келишиш бўйича белгиланган тартиб-қоидаларга мувофиқ зарур босқичларни (лойиҳани келишиш, тартибга солиш таъсирини баҳолаш, кенг жамоатчилик муҳокамасидан ўтказиш, Адлия вазирлигида ҳуқуқий экспертизадан ўтказиш ва бошқалар) амалга ошириш Лойиҳа Агентликдан қайтганидан сўнг 3 иш кунида 10-босқич Масъул вазирлик ва идора Адлия вазирлигининг ҳуқуқий экспертизаси хулосаси олингандан сўнг якуний сифат текширувидан ўтказиш учун лойиҳани Стратегик ривожланиш ва ислоҳотлар агентлигига киритиш Адлия вазирлиги хулосаси олинганидан сўнг 5 иш куни ичида 11-босқич Стратегик ривожланиш ва ислоҳотлар агентлиги Лойиҳани қонунчилик ҳужжатларида белгиланган тартибда якуний сифат текширувидан ўтказиш, заруратга кўра мазкур жараёнга илмий-тадқиқот ва таҳлил тузилмаларини жалб этиш ҳамда инобатга олиниши мажбурий бўлган хулоса бериш 3 иш кунида 12-босқич Масъул вазирлик ва идора Стратегик режалаштириш ҳужжати лойиҳасини Ўзбекистон Республикаси Президенти Администрацияси ёки Вазирлар Маҳкамасига киритиш Қонунчилик ҳужжатларида белгиланган муддатларда

Стратегик режалаштиришни ташкил этиш, стратегик режалаштириш ҳужжатларини ишлаб чиқиш, мувофиқлаштириш ва амалга оширилишини мониторинг қилиш тартиби тўғрисидаги низомга 3-ИЛОВА

Стратегик режалаштириш ҳужжатлари лойиҳасининг белгиланган талабларга мувофиқ ишлаб чиқилганлигини ўрганиш бўйича назорат варақаси

а) Биринчи даражали стратегик режалаштириш ҳужжатлари бўйича:

1. Стратегик режалаштириш ҳужжати лойиҳасининг номи Амал қилиш муддати (Стратегик режалаштириш ҳужжати лойиҳасининг сифати бўйича умумий шарҳлар ва тавсиялар) Т/р Ҳужжат мазмуни ва тузилишига қўйиладиган талаблар Баҳолаш шакли Ҳа Йўқ 2. Стратегик режалаштириш ҳужжати лойиҳасининг иерархияга мувофиқлиги 2.1. Лойиҳанинг бошқа 1-даражали стратегик режалаштириш ҳужжатларига мувофиқлиги (Изоҳ/Таклиф/Тавсия: Концепция лойиҳасининг амалдаги 1-даражали стратегик режалаштириш ҳужжатларида белгиланган устувор мақсадлар ва вазифалар билан уйғунлиги) 2.2. Лойиҳанинг амалдаги 2-даражали стратегик режалаштириш ҳужжатларига мувофиқлиги ва уларни шакллантиришдаги роли (Изоҳ/Таклиф/Тавсия: Концепция лойиҳасида амалдаги мамлакат, тармоқ, соҳа ва ҳудудий стратегиялар билан зиддиятлар мавжуд ёки мавжуд эмаслиги, шунингдек, улар билан ўзаро уйғунлашган таъсирни таъминлаш имкониятлари ҳамда келгуси йилларга мўлжалланган 2-даражали стратегик режалаштириш ҳужжатларини ишлаб чиқиш учун яратилган методологик ва стратегик асослар баён этилгани) 2.3. Лойиҳанинг амалдаги 3-даражали стратегик режалаштириш ҳужжатларига мувофиқлиги ва уларни шакллантиришдаги аҳамияти (Изоҳ/Таклиф/Тавсия: «Ўзбекистон — 2030» стратегиясини амалга ошириш чора-тадбирлари, механизмлари тизими ҳамда келгуси йилларга мўлжалланган давлат дастурларини ишлаб чиқиш учун яратилган методологик ва стратегик асослар баён этилгани) 3. Стратегик режалаштириш ҳужжати лойиҳасининг белгиланган минимал талабларга мувофиқлиги 3.1. Мавжуд вазият ва муаммоларни таҳлил қилиш 3.1.1. Таянч атамалар ва тушунчалар таърифларининг мавжудлиги (Изоҳ/Таклиф/Тавсия:) 3.1.2. Жорий ҳолат таҳлили тўлиқ, асосланган ва ишончли статистик маълумотлар ҳамда фактларга таянган ҳолда баён этилгани (Изоҳ/Таклиф/Тавсия:) 3.1.3. Лойиҳада жорий тизимда мавжуд муаммолар, хавф-хатарлар ва тўсиқлар очиб берилгани (Тизимли муаммолар, институционал чекловлар, ташқи ва ички хавф-хатарлар ва амалга оширишдаги потенциал тўсиқлар объектив ва тўлиқ аниқлангани баҳоланади) (Изоҳ/Таклиф/Тавсия:) 3.1.4. Муаммолар, хавф-хатарлар ва тўсиқларни келтириб чиқарган сабаблар ва омиллар ўрганилгани (Изоҳ/Таклиф/Тавсия:) 3.1.5. Ташқи муҳит (ижтимоий, сиёсий, технологик, халқаро ва бошқалар) ҳисобга олингани (Изоҳ/Таклиф/Тавсия:) 3.1.6. Таҳлил асосида концепцияни қабул қилишнинг зарурати асослантирилгани (Изоҳ/Таклиф/Тавсия:) 3.2. Концептуал ғоя, мақсадлар ва вазифалар бўйича 3.2.1. Муаммолар ва концептуал ғоя ўртасидаги боғлиқлик мантиқан тўғри баён этилгани (Изоҳ/Таклиф/Тавсия:) 3.2.2. Концептуал (асосий) ғоя ва унинг фалсафий мазмуни аниқ ифодалангани (Изоҳ/Таклиф/Тавсия:) 3.2.3. Концептуал ғоя қисқа, аниқ ва равшан баён этилгани ҳамда жамиятни муайян тараққиёт сари йўналтиришга қаратилгани (Изоҳ/Таклиф/Тавсия:) 3.2.4. Лойиҳанинг асосий мақсад ва вазифалари эълон қилинган қарашларга ҳамда халқаро мажбуриятларга мослиги (Изоҳ/Таклиф/Тавсия:) 3.2.5. Лойиҳанинг вазифалари мақсадга босқичма-босқич эришишни таъминлашга ҳамда фаолиятнинг устувор йўналишларини белгилашга қаратилгани (Изоҳ/Таклиф/Тавсия:) 3.3. Принциплар, ёндашувлар ва асосий йўналишлар 3.3.1. Принципларни шакллантиришда жамият ва давлатнинг энг муҳим қадриятлари инобатга олингани ва акс эттирилгани (Изоҳ/Таклиф/Тавсия:) 3.3.2. Принципларнинг концептуал ғоя, мақсад ва вазифаларга мувофиқлиги (Изоҳ/Таклиф/Тавсия:) 3.3.3. Принципларнинг тушунарли баён этилгани ва амалда қўллаш имконияти мавжудлиги (Изоҳ/Таклиф/Тавсия:) 3.3.4. Концепцияни амалга оширишнинг асосий йўналишлари белгилангани (Изоҳ/Таклиф/Тавсия:) 3.3.5. Кутилаётган таъсирлар ва амалга оширишнинг умумий йўналишлари тавсифи мавжудлиги (Изоҳ/Таклиф/Тавсия:) 3.3.6. Йўналишларни жорий этишда мантиқий асосланган кетма-кетлик ва босқичма-босқичлик таъминлангани (Изоҳ/Таклиф/Тавсия:) 3.4. Кутилаётган натижалар 3.4.1. Лойиҳанинг амалга оширилиши натижасида кутилаётган натижалар ифода этилгани (Изоҳ/Таклиф/Тавсия:) 3.5. Мониторинг ва ҳисобот бериш 3.5.1. Концепция ижроси бўйича ҳисобот бериш, умумлаштирилган ҳисоботларни тайёрлаш ва мониторинг учун масъул ташкилотларнинг белгилангани (Изоҳ/Таклиф/Тавсия:) 3.5.2. Ҳисобот бериш ва мониторинг муддатлари ва даврийлиги белгилангани (Изоҳ/Таклиф/Тавсия:) 3.5.3. Ҳисобот бериш шакллари кўрсатилгани (Изоҳ/Таклиф/Тавсия:)

б) Иккинчи даражали стратегик режалаштириш ҳужжатлари бўйича:

1. Стратегик режалаштириш ҳужжати лойиҳасининг номи Амал қилиш муддати (Стратегик режалаштириш ҳужжати лойиҳасининг сифатига умумий шарҳлар, режалаштириш тамойиллари ва цикли бўйича асосий тавсиялар) Т/р Ҳужжат мазмуни ва тузилишига қўйиладиган талаблар Баҳолаш шакли Ҳа Йўқ 2. Стратегик режалаштириш ҳужжати лойиҳасининг иерархияга мувофиқлиги 2.1. 1-даражали стратегик режалаштириш ҳужжатларига мувофиқлиги (Изоҳ/Таклиф/Тавсия: стратегик режалаштириш ҳужжати лойиҳасида 1-даражали стратегик режалаштириш ҳужжатларининг мақсад ва вазифаларига эришишга қандай ҳисса қўшиши очиб берилади) 2.2. 2-даражали стратегик режалаштириш ҳужжатларига мувофиқлиги (Изоҳ/Таклиф/Тавсия: бошқа 2-даражали стратегиялар билан зиддиятлар, шунингдек, улар билан бирлаштирилган таъсир мавжудлиги ёки мавжуд эмаслиги очиб берилади) 2.3. 3-даражали ҳужжатларга, хусусан, «Ўзбекистон — 2030» стратегиясини амалга ошириш чора-тадбирлари ва механизмлари тизимини ва мамлакатни кейинги йилларга мўлжалланган ривожлантириш стратегиясини белгиловчи давлат дастурларига мувофиқлиги (Изоҳ/Таклиф/Тавсия:) 3. Стратегик режалаштириш ҳужжати лойиҳасининг белгиланган минимал талабларга мувофиқлиги 3.1. Мавжуд вазият ва муаммоларни таҳлил қилиш 3.1.1. Жорий ҳолат таҳлили тўлиқ, асосланган ва ишончли статистик маълумотлар ҳамда фактларга таянган ҳолда баён этилгани (Изоҳ/Таклиф/Тавсия:) 3.1.2. Лойиҳада жорий тизимда мавжуд муаммолар очиб берилгани (Изоҳ/Таклиф/Тавсия:) 3.1.3. Муаммоларни келтириб чиқарган сабаблар ва омиллар ўрганилгани (Изоҳ/Таклиф/Тавсия:) 3.1.4. Муаммоларни бартараф этиш бўйича лойиҳани ишлаб чиқишдан олдинги даврда кўрилган чора-тадбирлар таҳлилининг мавжудлиги (Изоҳ/Таклиф/Тавсия:) 3.1.5. Муаммоларнинг хавфлилик даражаси ва улардан келиб чиқиши мумкин бўлган оқибатлар ўрганилгани (Изоҳ/Таклиф/Тавсия:) 3.2. Устувор йўналишлар, мақсадлар ва вазифалар бўйича 3.2.1. Танланган устувор йўналишлар, мақсадлар ва вазифалар мавжуд вазиятни таҳлил қилиш жараёнида аниқланган муаммоларни бартараф этишга қаратилгани (Изоҳ/Таклиф/Тавсия:) 3.2.2. Танланган устувор йўналишлар, мақсадлар ва вазифалар стратегик режалаштириш ҳужжатларида белгиланган талабларга, шунингдек, амалдаги давлат сиёсатининг мақсад ва вазифаларига мос келиши (Изоҳ/Таклиф/Тавсия:) 3.2.3. Ҳар бир танланган устувор йўналишлар, мақсадлар ва вазифалар ҳар бир даражадаги самарадорлик кўрсаткичларига эгалиги (Изоҳ/Таклиф/Тавсия:) 3.3. Самарадорлик кўрсаткичлари бўйича 3.3.1. Стратегик мақсаднинг таъсир (impact) кўрсаткичига эгалиги (Изоҳ/Таклиф/Тавсия:) 3.3.2. Ҳар бир аниқ вазифа камида битта аниқ натижа (outcome) кўрсаткичига эгалиги (Изоҳ/Таклиф/Тавсия:) 3.3.3. Таъсир (impact) кўрсаткичлари ва натижа (outcome) кўрсаткичларининг аниқ, ўлчанадиган бўлиши ва мақсадларга эришиш учун мослиги (Изоҳ/Таклиф/Тавсия:) 3.3.4. Ҳар бир самарадорлик кўрсаткичи учун амалдаги, оралиқ ва якуний кўрсаткичлар мавжудлиги (Изоҳ/Таклиф/Тавсия:) 3.4. Устувор йўналишлар, мақсадлар ва вазифаларни амалга оширишга қаратилган ҳаракатлар (чора-тадбирлар)ни режалаштириш бўйича 3.4.1. Ҳаракатлар (чора-тадбирлар) режаларида кўрсатилган тадбирларнинг лойиҳада кўрсатилган устувор йўналишлар, мақсадлар ва вазифаларга мувофиқлиги (Изоҳ/Таклиф/Тавсия:) 3.4.2. Тадбирларни амалга оширишга масъул ижрочининг белгилангани (Изоҳ/Таклиф/Тавсия:) 3.4.3. Тадбирларни амалга ошириш бўйича аниқ муддат белгилангани (Изоҳ/Таклиф/Тавсия:) 3.4.4. Ҳар бир чора-тадбир (фаолият) учун самарадорлик кўрсаткичлари (бевосита фаолият натижаси (output) ишлаб чиқилгани (Изоҳ/Таклиф/Тавсия:) 3.4.5. Натижа (outcome) кўрсаткичлари ва аниқ вазифалар билан боғлиқ бўлган бевосита фаолият натижаси (output) кўрсаткичлари ўртасида аниқ мантиқий боғлиқлик мавжудлиги (Изоҳ/Таклиф/Тавсия:) 3.4.6. Ҳар бир фаолият (тадбир) учун зарур маблағлар ва молиялаштириш манбалари кўрсатилгани (Изоҳ/Таклиф/Тавсия:) 3.5. Стратегик режалаштириш ҳужжати лойиҳасини тайёрлашдаги молиявий ҳисоб-китоблар бўйича 3.5.1. Молиялаштириш миқдори ва манбаларининг кўрсатилгани (Изоҳ/Таклиф/Тавсия:) 3.5.2. Молиялаштиришда ресурсларнинг тақсимлангани (Изоҳ/Таклиф/Тавсия:) 3.5.3. Молиялаштириш жараёнида хорижий инвестицияларни жалб қилиш имконияти ўрганилгани (Изоҳ/Таклиф/Тавсия:) 3.5.4. Молиялаштириш жараёнида давлат-хусусий шериклик имкониятлари ўрганилгани (Изоҳ/Таклиф/Тавсия:) 3.5.5. Молиялаштириш жараёнларининг шаффофлигини таъминлашга қаратилган чоралар мавжудлиги (Изоҳ/Таклиф/Тавсия:) 3.6. Стратегик режалаштириш ҳужжати лойиҳасида мониторинг ва ҳисобот механизмларининг назарда тутилганлиги бўйича 3.6.1. Лойиҳада самарадорлик кўрсаткичларининг амалга оширилиши ва ижросини мувофиқлаштириш, уларни таҳлил қилиш учун зарур маълумотлар, ушбу маълумотларни тўплаш механизмлари кўрсатилгани (Изоҳ/Таклиф/Тавсия:) 3.6.2. Ҳужжат ижроси бўйича ҳисобот бериш, умумлаштирилган ҳисоботларни тайёрлаш ва мониторинг учун масъул ташкилотларнинг белгилангани (Изоҳ/Таклиф/Тавсия:) 3.6.3. Ҳисобот бериш муддатлари ва даврийлиги белгилангани (Изоҳ/Таклиф/Тавсия:) 3.6.4. Ҳисобот бериш шакллари кўрсатилгани (Изоҳ/Таклиф/Тавсия:) 3.7. Баҳолаш бўйича 3.7.1. Лойиҳада натижаларни баҳолаш механизмлари назарда тутилгани (Изоҳ/Таклиф/Тавсия:) 3.7.2. Баҳолаш ташқи ташкилот (мустақил баҳоловчи) томонидан амалга оширилса, молиялаштириш миқдори ва манбалари кўрсатилгани (Изоҳ/Таклиф/Тавсия:) 3.7.3. Лойиҳада натижаларни баҳолаш ва ҳисобдорликни таъминлаш жараёнларини рақамлаштириш чоралари кўрилгани (Изоҳ/Таклиф/Тавсия:)

в) Учинчи даражали стратегик режалаштириш ҳужжатлари бўйича:

1. Стратегик режалаштириш ҳужжати лойиҳасининг номи Амал қилиш муддати (Стратегик режалаштириш ҳужжати лойиҳасининг сифатига умумий шарҳлар ва тавсиялар) Т/р Ҳужжат мазмуни ва тузилишига қўйиладиган талаблар Баҳолаш шакли Ҳа Йўқ 2. Стратегик режалаштириш ҳужжатининг иерархияга мувофиқлиги 2.1. 1-даражали стратегик режалаштириш ҳужжатларига мувофиқлиги (Изоҳ/Таклиф/Тавсия:) (стратегик режалаштириш ҳужжати лойиҳасида 1-даражали стратегик режалаштириш ҳужжатларининг мақсадлар ва вазифаларига эришишга қандай ҳисса қўшиши очиб берилади) 2.2. 2-даражали стратегик режалаштириш ҳужжатларига мувофиқлиги (Изоҳ/Таклиф/Тавсия:) (бошқа 2-даражали стратегиялар билан зиддиятлар, шунингдек, улар билан бирлаштирилган таъсир мавжудлиги ёки мавжуд эмаслиги очиб берилади) 2.3. 3-даражали ҳужжатларга, хусусан, «Ўзбекистон — 2030» стратегиясини амалга ошириш чора-тадбирлари ва механизмлари тизимини ва мамлакатни кейинги йилларга мўлжалланган ривожлантириш стратегиясини белгиловчи давлат дастурларига мувофиқлиги (Изоҳ/Таклиф/Тавсия:) 3. Стратегик режалаштириш ҳужжати лойиҳасининг белгиланган минимал талабларга мувофиқлиги 3.1. Чора-тадбирларни режалаштириш бўйича 3.1.1. 2-даражали стратегик режалаштириш ҳужжатларидаги мақсад ва вазифалар, уларга тегишли самарадорлик кўрсаткичларининг кўрсатилгани (Изоҳ/Таклиф/Тавсия:) 3.1.2. 2-даражали стратегик режалаштириш ҳужжатларидаги чора-тадбирларнинг батафсил ёритиб берилганлиги (Изоҳ/Таклиф/Тавсия:) 3.1.3. Тадбирларни амалга оширишга масъул ижрочининг белгилангани (Изоҳ/Таклиф/Тавсия:) 3.1.4. Тадбирларни амалга ошириш бўйича аниқ муддатнинг белгилангани (Изоҳ/Таклиф/Тавсия:) 3.1.5. Ҳар бир чора-тадбир (фаолият) учун самарадорлик кўрсаткичлари мавжудлиги (Изоҳ/Таклиф/Тавсия:) 3.1.6. Ҳар бир чора-тадбир учун зарур маблағлар ва молиялаштириш манбалари кўрсатилгани (Изоҳ/Таклиф/Тавсия:) 3.2. Стратегик режалаштириш ҳужжатлари лойиҳаси мониторинги ва ҳисоботи бўйича 3.2.1. Лойиҳада самарадорлик кўрсаткичларининг амалга оширилиши ва ижросини мувофиқлаштириш, уларни таҳлил қилиш учун зарур маълумотлар, ушбу маълумотларни тўплаш механизмлари кўрсатилгани (Изоҳ/Таклиф/Тавсия:) 3.2.2. Ҳужжат ижроси бўйича ҳисобот бериш, умумлаштирилган ҳисоботларни тайёрлаш ва мониторинг учун масъул ташкилотларнинг белгилангани (Изоҳ/Таклиф/Тавсия:) 3.2.3. Ҳисобот бериш муддатлари ва даврийлиги белгилангани (Изоҳ/Таклиф/Тавсия:) 3.2.4. Ҳисобот бериш шакллари кўрсатилгани (Изоҳ/Таклиф/Тавсия:)

Стратегик режалаштиришни ташкил этиш, стратегик режалаштириш ҳужжатларини ишлаб чиқиш, мувофиқлаштириш ва амалга оширилишини мониторинг қилиш тартиби тўғрисидаги низомга 4-ИЛОВА

Стратегик режалаштириш ҳужжатини амалга ошириш бўйича чора-тадбирлар режаси

«Ўзбекистон — 2030» стратегиясининг мақсади ва самарадорлик кўрсаткичи: Стратегик режалаштириш ҳужжатининг умумлашган ҳисоботи учун масъул ташкилот: Стратегик режалаштириш ҳужжатининг мақсади: Стратегик режалаштириш ҳужжатининг таъсир (impact) кўрсаткичи Ўлчов бирлиги Ҳисоблаш формуласи Амалдаги кўрсаткич (энг охирги долзарб кўрсаткич) Оралиқ кўрсаткичлар (йиллар кесимида) Стратегик режалаштириш ҳужжати ни амалга ошириш якунидаги мақсадли кўрсаткич Маълумот манбаси ва тақдим этишга масъул ташкилот Маълумот тақдим этиш даврийлиги Стратегик режалаштириш ҳужжатининг вазифаси Стратегик режалаштириш ҳужжатининг натижа (outcome) кўрсаткичи Ўлчов бирлиги Ҳисоблаш формуласи Амалдаги кўрсаткич (энг охирги долзарб кўрсаткич) Оралиқ кўрсаткичлар (йиллар кесимида) Стратегик режалаштириш ҳужжати ни амалга ошириш якунидаги мақсадли кўрсаткич Маълумот манбаси ва тақдим этишга масъул ташкилот Маълумот тақдим этиш даврийлиги Чора-тадбирлар ва б евосита фаолият натижаси кўрсаткичлари (output) Чора-тадбирлар номи Мазкур чора-тадбирни амалга оширишнинг бевосита фаолият натижаси кўрсаткичи (output) Ўлчов бирлиги Амалдаги кўрсаткич (энг охирги долзарб кўрсаткич) Якуний кўрсаткич Молиялаштириш ҳажми ва манбаси Чора-тадбирлар ижросига масъул ташкилот/идора Маълумот манбаси ва тақдим этишга масъул ташкилот Бажариш муддати

Ўзбекистон Республикаси Президентининг 2025 йил 29 декабрдаги ПҚ-394-сон қарорига 2-ИЛОВА

Вазирлик ва идораларнинг стратегик режалаштириш бўйича таркибий бўлинмалари штат бирликларини мақбуллаштириш ҳисобига Стратегик ривожланиш ва ислоҳотлар агентлигига ажратилаётган штат бирликлари сони

Т/р Вазирлик ва идора номи Агентликка ўтказиладиган штат бирликлари сони 1. Инвестициялар, саноат ва савдо вазирлиги 5 2. Қишлоқ хўжалиги вазирлиги 1 3. Камбағалликни қисқартириш ва бандлик вазирлиги 1 4. Қурилиш ва уй-жой коммунал хўжалиги вазирлиги 1 5. Олий таълим, фан ва инновациялар вазирлиги 1 6. Солиқ қўмитаси 1 Жами 10

Ўзбекистон Республикаси Президентининг 2025 йил 29 декабрдаги ПҚ-394-сон қарорига 3-ИЛОВА

Ўзбекистон Республикаси Президенти ҳузуридаги Стратегик ривожланиш ва ислоҳотлар агентлигининг

Ўзбекистон Республикаси Президенти ҳузуридаги Стратегик режалаштириш ва ривожланиш бўйича мувофиқлаштирувчи кенгаш Директор Маслаҳатчи Директорнинг биринчи ўринбосари Директор ўринбосари Директор ўринбосари Стратегик режалаштириш тизимини мувофиқлаштириш шўъбаси Соҳа ва тармоқларни стратегик режалаштириш ва ривожлантириш шўъбаси Ҳудудларни стратегик режалаштириш ва ривожлантириш шўъбаси Илғор хорижий тажриба, илмий-тадқиқот ва амалиёт натижаларини ўрганиш шўъбаси Ислоҳотлар самарадорлигини мониторинг қилиш ва баҳолаш шўъбаси Ахборот-таҳлил ва ташкилий масалалар шўъбаси кадрлар билан ишлаш гуруҳи Таҳлил ва тадқиқотлар шўъбаси Стратегик ривожланиш бўйича вазифалар ижросини назорат қилиш шўъбаси Хорижий экспертлар, консультант ва маслаҳатчиларни жалб этиш жараёнларини мувофиқлаштириш шўъбаси Мувофиқлаштирувчи кенгаш фаолиятини ташкил қилиш шўъбаси Молия-хўжалик шўъбаси Бош бухгалтер моддий таъминот ва хўжалик ишлари гуруҳи Меъёрий-ҳуқуқий ҳужжатлар лойиҳаларини экспертиза қилиш шўъбаси Халқаро ҳамкорликни ривожлантириш бўйича лойиҳа офислари Тармоқларни ривожлантириш бўйича лойиҳа офислари Ҳудудларни ривожлантириш бўйича лойиҳа офислари Комплаенс хизмати Биринчи бўлим Жамоатчилик билан алоқалар шўъбаси

Ўзбекистон Республикаси Президентининг 2025 йил 29 декабрдаги ПҚ-394-сон қарорига 4-ИЛОВА

Вазирлик ва идораларнинг стратегик режалаштириш бўйича таркибий бўлинмалари, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ахборот-таҳлил гуруҳлари фаолиятининг асосий йўналишлари ва уни йўлга қўйишнинг бошқа ташкилий масалаларига оид тартиб-таомиллар

1. Вазирлик ва идораларнинг стратегик режалаштириш бўйича таркибий бўлинмалари ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ахборот-таҳлил гуруҳлари (кейинги ўринларда — Таркибий бўлинмалар) тегишли ташкилотга юклатилган вазифаларнинг самарали бажарилишини таъминлашга йўналтирилган стратегик режалаштириш тизимини ташкил этиш, унинг ҳужжатларини ишлаб чиқиш, мувофиқлаштириш ва амалга оширилишини мониторинг қилишга масъул ҳисобланади.

Мазкур тартиб-таомиллар татбиқ этиладиган вазирлик ва идоралар (миллий даражадаги, республика даражасидаги (вазирликлар, алоҳида мақомга эга мустақил республика ижро этувчи ҳокимият органлари) ва ҳудудий даражадаги давлат органлари ва ташкилотлари) рўйхати Ўзбекистон Республикаси Президенти ҳузуридаги Стратегик режалаштириш ва ривожланиш бўйича мувофиқлаштирувчи кенгаш (кейинги ўринларда — Мувофиқлаштирувчи кенгаш) томонидан тасдиқланади.

2. Вазирликлар ҳамда алоҳида мақомга эга мустақил республика ижро этувчи ҳокимият органларида Таркибий бўлинмалар Стратегик режалаштириш ва ахборот-таҳлил бўлинмаси (департаменти, бошқармаси, бўлими) этиб ташкил этилади ҳамда мустақил бўлинма сифатида бевосита ташкилотнинг биринчи раҳбарига бўйсунади.

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларида стратегик режалаштириш фаолиятини ташкил этиш ва мувофиқлаштиришга уларнинг тузилмасидаги ахборот-таҳлил гуруҳлари масъул ҳисобланади.

3. Қуйидагилар Таркибий бўлинмалар фаолиятининг асосий йўналишлари ва вазифалари этиб белгиланади:

тегишинча вазирлик ва идора, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларида стратегик режалаштириш тизимининг жорий қилиниши ва амалга оширилишини ҳамда уларнинг ахборот-таҳлилий фаолиятини мувофиқлаштириш;

вазирлик ва идора, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан стратегик режалаштириш ҳужжатлари лойиҳаларини ишлаб чиқишда уларнинг стратегик режалаштиришнинг асосий принциплари ва талабларига, шу жумладан, стратегик режалаштириш ҳужжатлари иерархиясига мувофиқлигини таъминлаш;

стратегик режалаштириш ҳужжатлари ижросини мониторинг қилиш ва ҳисоботлар тайёрлаш жараёнларини мувофиқлаштириш, тайёрланган ҳисоботларни ўрганиб бориш;

стратегик режалаштириш ҳужжатлари ижросини мониторинг қилиш натижалари асосида уларнинг мақсад ва вазифаларига зарур тузатишлар киритиш ҳамда ҳужжатларни янгилаш бўйича таклифлар ишлаб чиқиш;

«Ўзбекистон — 2030» стратегиясида тегишли ташкилот масъул бўлган мақсадларга эришиш ҳолатини доимий баҳолаб бориш, самарадорлик кўрсаткичлари бўйича натижаларни таҳлил қилиш, жорий ҳолатдан келиб чиққан ҳолда мавжуд муаммоларни аниқлаш ва уларни бартараф этишга қаратилган асосланган таклифларни шакллантириш;

соҳавий устувор йўналишлар, мақсадли кўрсаткичлар ва кутилаётган натижаларни инобатга олган ҳолда «Ўзбекистон — 2030» стратегиясини амалга оширишга оид қабул қилинадиган ҳар йилги давлат дастурлари лойиҳаларига киритилиши зарур бўлган ташаббуслар юзасидан асосланган таклифлар тайёрлаш;

тегишли вазирлик ва идора, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан таркибий ислоҳотларни самарали амалга ошириш учун малакали хорижий консультант ва экспертларни, шу жумладан, халқаро молия институтлари ва хорижий ҳукумат молия ташкилотларини ҳамда консалтинг компанияларни ўз маблағлари ёки бюджет маблағлари, грантлар ва бошқа манбалар ҳисобидан жалб этиш ишларини ташкиллаштириш ва мувофиқлаштириш;

аҳоли манфаатларини таъминлашга қаратилган устувор ташаббуслар, соҳавий муаммолар ва истиқболдаги мақсадлар асосида Ўзбекистон Республикаси Президентининг Олий Мажлис ва Ўзбекистон халқига йўлланадиган Мурожаатнома лойиҳасига киритиш учун тегишли таклифларни шакллантириб бориш;

стратегик режалаштириш ҳужжатлари ва ҳисоботларни тизимли равишда сақлаш.

4. Вазирлик ва идоралардаги Таркибий бўлинмаларга:

вазирлик ва идораларнинг уч йилга мўлжалланган иш режаларини стратегик мақсадлар ҳамда молиявий имкониятларга мувофиқлигини таъминлаган ҳолда ишлаб чиқиш ва уларнинг амалга оширилишини назорат қилиш;

ҳудудларни ривожлантириш бўйича стратегик режалаштириш ҳужжатларини ишлаб чиқишда иштирок этиш ҳамда Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги (кейинги ўринларда — Агентлик)да дастлабки сифат текширувидан ўтказишда таклиф ва мулоҳазаларини билдириш вазифалари ҳам юклатилади.

5. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларидаги Таркибий бўлинмаларга:

тегишли ҳудудни ривожлантириш бўйича кўп йиллик стратегик режалаштириш ҳужжатларини ишлаб чиқиш, уларнинг амалга оширилишини мониторинг қилиш ва ҳисобот тайёрланишини мувофиқлаштириш;

туман (шаҳар)ларни ривожлантириш бўйича уч йилга мўлжалланган комплекс дастурлар ишлаб чиқилишини мувофиқлаштириш;

соҳа ёки тармоқларни ривожлантириш бўйича стратегик режалаштириш ҳужжатларини ишлаб чиқишда иштирок этиш ва Агентликда дастлабки сифат текширувидан ўтказишда таклиф ва мулоҳазалар билдириш вазифалари ҳам юклатилади.

6. Вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан Таркибий бўлинмаларга уларнинг фаолият йўналишларига кирмайдиган топшириқларни бериш, қонунчилик ҳужжатларида назарда тутилмаган вазифа ва функцияларни юклатишга, шунингдек, уларнинг зиммасидаги вазифа ва функцияларни ҳамда ваколати доирасига кирувчи масалаларни тўлиқ ёки қисман бошқа таркибий тузилмаларга, лойиҳа офисларига ўтказишга йўл қўйилмайди.

Бунда вазирлар, алоҳида мақомга эга мустақил республика ижро этувчи ҳокимият органлари раҳбарлари ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг фаолиятини стратегик вазифаларни ҳал этишга йўналтириш ҳамда кунлик (жорий) иш юкламасини мақбуллаштириш мақсадида улар фаолиятини ҳуқуқий, ташкилий-техник, ахборот-таҳлил, назорат ва протокол жиҳатдан таъминлайдиган раҳбар котибияти ёки ижро аппарати таркибий бўлинма ташкил қилиниши мумкин.

7. Таркибий бўлинмалар фаолиятини тартибга солувчи, уларнинг вазифа ва функциялари, ҳуқуқ ва мажбуриятларини белгилаб берадиган намунавий низом Мувофиқлаштирувчи кенгаш томонидан тасдиқланади.

8. Таркибий бўлинмалар ходимлари лавозимларини эгаллаш учун камида 5 йиллик иш стажига эга бўлган ва хорижий тилларда эркин сўзлаша оладиган номзодларга устуворлик берилади, шунингдек, номзодлардан қуйидаги йўналишларда билим ва кўникмаларга эга бўлиш талаб этилади:

таҳлил ва прогнозлаштириш — соҳавий ривожланиш тенденцияларини таҳлил қилиш ва баҳолаш, сценарий ҳисоб-китобларини амалга ошириш, эҳтимолий хавф-хатарларни аниқлаш ва баҳолаш;

ахборот-таҳлилий маълумотномалар тайёрлаш — аниқ ва мантиқий асосланган таҳлилий маълумотлар, хулосалар ва таклифлар ишлаб чиқиш, стратегик режалаштириш ва стратегик ислоҳотларни назарда тутувчи норматив-ҳуқуқий ҳужжатлар лойиҳаларига оид ахборот-таҳлилий маълумотларни тайёрлаш;

замонавий таҳлил инструментларидан фойдаланиш — «SWOT», «PESTEL», «GAP» ва бошқа таҳлил инструментларидан фойдаланган ҳолда вазиятни тизимли таҳлил қилиш, муаммолар ва имкониятларни аниқлаш;

таҳлилий маълумотлар билан ишлаш, рақамли инструментлардан фойдаланиш — Электрон ҳукуматнинг марказий маълумотлар базалари, расмий статистика маълумотлари базалари, вазирлик ва идораларнинг маъмурий маълумотлари ва бошқа маълумотлар базалари билан ишлаш;

хорижий тажриба ва халқаро рейтинглар методологиясини билиш — соҳавий ва глобал тенденцияларни ўрганиш, тегишли рейтинглар ва индекслар бўйича таҳлил тайёрлаш.

9. Таркибий бўлинмалар раҳбарлари:

стратегик режалаштириш бўйича раҳбарнинг маслаҳатчиси мақомига эга бўлади ҳамда тўғридан-тўғри тегишли вазирлик ва идора раҳбарига, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларига бўйсунади;

меҳнатга ҳақ тўлаш ва тиббий хизмат кўрсатиш шартларига кўра тегишли давлат органи ва ташкилоти раҳбарининг ўринбосарига тенглаштирилади;

Мувофиқлаштирувчи кенгаш томонидан белгиланган тартибда Агентлик билан келишилган ҳолда лавозимга тайинланади ва лавозимидан озод этилади;

ҳар уч йилда Мувофиқлаштирувчи кенгаш томонидан белгиланган тартибда Агентликда аттестациядан ўтказилади.

10. Вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг бюджетдан ташқари маблағлари ҳисобидан Таркибий бўлинмалар ходимлари йилига камида бир марта Давлат сиёсати ва бошқаруви академиясида стратегик режалаштириш ва ривожланиш, таҳлил ва натижадорликни бошқариш бўйича махсус ўқув курсларида ўқитилади.

11. Таркибий бўлинмалар қуйидаги ҳуқуқларга эга:

тегишли вазирлик ва идора, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, шунингдек, уларнинг тизимига кирадиган тузилмаларнинг мансабдор шахсларидан ўзига юкланган вазифалар ва функцияларни бажариш учун зарур бўлган ҳужжатлар, статистик маълумотлар ва ахборотларни олиш;

раҳбарият томонидан стратегик режалаштириш масалаларга тегишли йиғилишлар, кенгашлар ва мажлисларни ўтказиш таклифини киритиш ҳамда бу каби йиғилишларда иштирок этиш;

раҳбарият топшириғига кўра ёки тегишли тузилма раҳбарининг розилиги билан уларнинг ходимларини стратегик режалаштириш ҳужжатлари ва стратегик ислоҳотларни назарда тутувчи норматив-ҳуқуқий ҳужжатлар лойиҳаларини тайёрлаш учун, шунингдек, стратегик режалаштириш ишларини амалга ошириш билан боғлиқ бошқа тадбирларга жалб қилиш;

вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари тизимига кирадиган тузилмаларда Таркибий бўлинма ваколатига кирадиган масалалар бўйича қонунчилик ҳужжатларига риоя қилиниши масалаларини ўрганиш;

вазирлик ва идоранинг, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг, шунингдек, уларнинг тизимига кирадиган тузилмаларнинг стратегик режалаштириш масалалар бўйича қонунчилик ҳужжатлари бажарилишини таъминламаётган ёхуд уларни бузаётган раҳбарлари ва ходимларини жавобгарликка тортиш ҳақида раҳбариятга таклифлар киритиш.

12. Вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг бошқа таркибий бўлинмалари томонидан ишлаб чиқилган стратегик режалаштириш ҳужжатлари ва стратегик ислоҳотларни назарда тутувчи норматив-ҳуқуқий ҳужжатлар лойиҳалари Таркибий бўлинмалар билан мажбурий тартибда келишилади.

13. Вазирликлар ҳамда алоҳида мақомга эга мустақил республика ижро этувчи ҳокимият органлари, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг Таркибий бўлинмалари ходимлари лавозимига биринчи марта тайинланган шахслар Давлат сиёсати ва бошқаруви академиясида тегишли ташкилотнинг бюджетдан ташқари маблағлари ҳисобидан малака оширади ва Агентликда стажировка ўтайди.

Бунда малака ошириш ва стажировка ўташ тартиби Мувофиқлаштирувчи кенгаш томонидан белгиланади.

14. Таркибий бўлинмаларнинг ходимлари бўйича маълумотлар Стратегик режалаштириш ва ривожланишнинг рақамли платформасига (dashboard) Бошқарув самарадорлиги агентлигининг «hrm.gov.uz» платформасини интеграция қилиш орқали Агентликка бепул асосда тақдим этилади.

15. Вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида ҳар йил якунлари бўйича Таркибий бўлинмаларнинг тегишли ташкилот фаолиятида стратегик режалаштириш ва уни амалга ошириш ҳолати тўғрисидаги ҳисоботи эшитилади.

16. Мувофиқлаштирувчи кенгашга ташаббускорлик кўрсатиб, хизмат вазифаларини намунали ва сифатли бажарган Таркибий бўлинмалар ва Агентлик ходимларини тегишли ташкилот ёки идора ходимларини моддий рағбатлантириш махсус фонди ёки бюджетдан ташқари маблағлари, шунингдек, Мувофиқлаштирувчи кенгаш ҳузуридаги Тадқиқотларни қўллаб-қувватлаш жамғармаси, Стратегик ривожланиш ва ислоҳотлар агентлигини қўллаб-қувватлаш жамғармаси маблағлари ҳамда қонунчилик ҳужжатларида тақиқланмаган бошқа манбалар ҳисобидан икки ойлик иш ҳақи фонди миқдорига рағбатлантириш ёки лавозим маошининг (рағбатлантириш коэффициентини инобатга олган ҳолда) 50 фоизидан ошмаган миқдорларда устама тайинлаш ҳақида қарор қабул қилиш ҳуқуқи берилади.

Ўзбекистон Республикаси Президентининг 2025 йил 29 декабрдаги ПҚ-394-сон қарорига 5-ИЛОВА

Тошкент глобал тараққиёт форумига тайёргарлик кўриш ва уни ўтказиш бўйича ташкилий қўмита

1. С.У. Умурзаков — Ўзбекистон Республикаси Президентининг стратегик ривожланиш бўйича маслаҳатчиси, Ташкилий қўмита раҳбари 2. С.И. Хамидов — Ўзбекистон Республикаси Президентининг стратегик ривожланиш бўйича маслаҳатчиси ўринбосари 3. Э.Т. Арипов — Стратегик ва минтақалараро тадқиқотлар институти директори 4. Б.Б. Рахматов — Стратегик ривожланиш ва ислоҳотлар агентлиги директори 5. У.Ш. Хусаинов — Бошқарув самарадорлиги агентлиги директори в.б. 6. М.Х. Рахманкулов — Қонунчилик ва ҳуқуқий сиёсат институти директори 7. Ш.Х. Шерматов — рақамли технологиялар вазири 8. Б.И. Аълоев — ташқи ишлар вазирининг биринчи ўринбосари 9. А.Т. Раҳматуллаев — ички ишлар вазирининг биринчи ўринбосари 10. Б.Р. Маматкаримов — энергетика вазирининг биринчи ўринбосари 11. М.А. Омаров — транспорт вазирининг биринчи ўринбосари 12. И.И. Норқулов — иқтисодиёт ва молия вазирининг биринчи ўринбосари 13. Ш.Б. Умурзаков — Тошкент шаҳар ҳокими 14. С.Ё. Маликов — «ИнтерФорум» ДУК директори

Ўзбекистон Республикаси Президентининг 2025 йил 29 декабрдаги ПҚ-394-сон қарорига 6-ИЛОВА

Стратегик режалаштириш ва ривожланиш тизимини йўлга қўйиш бўйича

Т/р Чора-тадбир номи Амалга ошириш механизми Ижро муддати Масъуллар 1. 2017 — 2025 йиллар давомида вазирлик ва идоралар ташаббуси асосида ижтимоий-иқтисодий йўналишларда қабул қилинган концепция ва стратегияларни қайта кўриб чиқиш. 1. Норматив-ҳуқуқий ҳужжатларни хатловдан ўтказиш орқали 2017 — 2025 йилларда қабул қилинган концепция ва стратегиялар рўйхатини шакллантириш ва Стратегик ривожланиш ва ислоҳотлар агентлигига киритиш. 2026 йил январь Адлия вазирлиги 2. Ўзбекистон Республикаси Президенти ҳузуридаги Стратегик режалаштириш ва ривожланиш бўйича мувофиқлаштирувчи кенгашнинг (кейинги ўринларда — Мувофиқлаштирувчи кенгаш) қарорига асосан 2017 — 2025 йилларда қабул қилинган концепция ва стратегияларни фаолият йўналишидан келиб чиқиб, вазирлик ва идоралар кесимида тақсимлаш. 2026 йил февраль Мувофиқлаштирувчи кенгаш 3. Вазирлик ва идоралар томонидан: ўз соҳалари бўйича қабул қилинган концепция ва стратегияларнинг долзарблиги, мақсадли кўрсаткичларнинг замонавий таҳдид ва вазифаларга мослиги ҳамда мазкур қарор талабларига мувофиқлигини баҳолаш ҳамда унинг натижаларини Стратегик ривожланиш ва ислоҳотлар агентлигига киритиш; Стратегик ривожланиш ва ислоҳотлар агентлиги хулосаси асосида концепция ва стратегияга ўзгартириш ва қўшимчалар киритиш бўйича тегишли қонунчилик ҳужжатлари лойиҳаларини белгиланган тартибда Вазирлар Маҳкамасига киритиш. 2026 йил февраль-март Вазирлик ва идоралар 4. Баҳолаш натижаларини к ўриб чиқиш асосида концепция ва стратегияларга ўзгартириш ва қўшимчалар к иритиш ёки уларни бекор қилиш бўйича зарур чораларни амалга ошириш. 2026 йил давомида Вазирлар Маҳкамаси, вазирлик ва идоралар 2. Стратегик режалаштириш тизимини жорий қилиш бўйича вазирлик ва идораларни услубий таъминлаш. 1. Стратегик режалаштириш ҳужжати лойиҳасини ишлаб чиқиш, к елишиш, амалга оширилишини мониторинг қилиш ва баҳолаш бўйича услубий қўлланма ишлаб чиқиш. 2026 йил январь Стратегик ривожланиш ва ислоҳотлар агентлиги Иқтисодиёт ва молия вазирлиги, Стратегик ривожланиш ва ислоҳотлар агентлиги 2. «Ўзбекистон — 2030» стратегиясида белгиланган мақсадли кўрсаткичлар ва натижага йўналтирилган дастурий бюджетлаштириш талабларига мувофиқ, республика ижро этувчи ҳокимият органларининг 3 йилга мўлжалланган иш режаларини ишлаб чиқиш бўйича услубий қўлланма яратиш. 2026 йил февраль 3. Замонавий ва инновацион ечимларни жорий этган ҳолда стратегик режалаштириш ва ривожланиш тизимини рақамлаштириш. 1. Стратегик режалаштириш ҳужжатларини ишлаб чиқиш, маълумотларни тўплаш, асосий самарадорлик к ўрсаткичларини мониторинг қилиш ва геохаритада акс эттириш, муаммоларни аниқлаш, прогнозли таҳлил ўтказиш ва стратегик режалаштириш ҳужжатларига тузатишлар киритиш бўйича Стратегик режалаштириш ва ривожланишнинг рақамли платформаси (dashboard) (кейинги ўринларда — Рақамли платформа)ни ишлаб чиқиш. 2026 йил май Стратегик ривожланиш ва ислоҳотлар агентлиги 2. Мувофиқлаштирувчи к енгаш ҳузуридаги Тадқиқотларни қўллаб-қувватлаш жамғармаси, Стратегик ривожланиш ва ислоҳотлар агентлигини қўллаб-қувватлаш жамғармаси маблағлари, шунингден, қонунчилик ҳужжатларида тақиқланмаган бошқа манбалар ҳисобидан Рақамли платформа ва унинг техник топшириғини ишлаб чиқиш ҳамда ишга тушириш, техник хизмат кўрсатиш ва қўллаб-қувватлаш, такомиллаштириш билан боғлиқ харажатларни қоплаб бориш. Доимий Стратегик ривожланиш ва ислоҳотлар агентлиги 3. Ахборот хавфсизлиги тамойилларини ҳисобга олган ҳолда Рақамли платформада жойлаштириладиган маълумотларни тақдим этиш ва базага киритиш тартибини тасдиқлаш бўйича Мувофиқлаштирувчи кенгаш қарорини қабул қилиш. 2026 йил март Стратегик ривожланиш ва ислоҳотлар агентлиги, Рақамли технологиялар вазирлиги, вазирлик ва идоралар 4. Рақамли платформани «Электрон ҳукумат» тизимининг маълумотларни қайта ишлаш марказига жойлаштириш. 2026 йил апрель Рақамли технологиялар вазирлиги, Стратегик ривожланиш ва ислоҳотлар агентлиги 5. Рақамли платформанинг «Геопортал» ва «Молиялаштириш манбаларини тасдиқлаш» модуллари функцияларини 2026 йилдан бошлаб Тошкент шаҳри ва вилоятида ижтимоий инфратузилмани режалаштириш ва бошқаришнинг янги механизмларини жорий этиш бўйича пилот дастури сифатида йўлга қўйиш ҳамда 2027 йилдан барча соҳалар кесимида республика бўйича тўлиқ татбиқ этиш. 2026-2027 йиллар давомида Стратегик ривожланиш ва ислоҳотлар агентлиги 6. Рақамли платформанинг «Геопортал» модулида жамланадиган вазирлик ва идоралардаги мавжуд тизимлар ва маълумотлар (маълумотлар аттрибутлари, метамаълумотлар, фойдаланиладиган ахборотномалар), шунингдек, уларнинг функционал вазифаларидан келиб чиқиб йиғиладиган (шу жумладан, мавжуд бўлмаган ахборот тизимлари бўйича) бошқа маълумотлар рўйхатини шакллантириш мақсадида тегишли ташкилотлар вакилларидан иборат ишчи гуруҳ тузиш ва қуйидагиларни амалга ошириш: мавжуд ахборот тизимлари ва маълумотлар инвентаризацияси; маълумотларнинг тўлиқлиги, аниқлиги, янгиланиш даврийлиги ва техник сифатини баҳолаш; бир-бирини такрорловчи, қайтарилувчи, турли форматлардаги маълумотларни аниқлаш; ягона ахборотнома (маълумотнома) тизимини шакллантириш, бир хил шаклга келтирилиши керак бўлган ягона идентификаторлар, умумий атрибутлар, кодлар ва таснифларни белгилаш ҳамда вазирликлар билан келишилган ҳолда ягона миллий долзарб ахборотномалар рўйхатини ишлаб чиқиш; маълумотларни йиғиш ва юритиш тартибини белгилаш, шу жумладан, маълумотларни йиғиш, янгилаш ва алмашишнинг ягона регламентини ишлаб чиқиш ҳамда техник талаблар ва методологияни белгилаш; маълумотлар стандартларини жорий этиш, метамаълумотлар, ягона норматив ва техник талаблар асосида маълумотларни юритиш бўйича стандартлар ишлаб чиқиш; ҳар бир вазирликка тегишли маълумотлар тоифасини таснифлаш ва уларни юритишни белгилаш, келишувлар асосида маълумотларни бир хил тарзда такдим этиш тартибини белгилаш; маълумотлар экотизимини шакллантириш, маълумотларни қайта ишлаш жараёнини такомиллаштириш, талаб этиладиган янги маълумотлар турларини шакллантириш бўйича тавсиялар ишлаб чиқиш. 2026 йил давомида Стратегик ривожланиш ва ислоҳотлар агентлиги, Рақамли технологиялар вазирлиги, вазирлик ва идоралар 4. Амалдаги стратегияларни танқидий таҳлил қилган ҳолда, мамлакатнинг узоқ муддатга мўлжалланган стратегик режалаштириш ҳужжатларининг ишлаб чиқилишини мувофиқлаштириш. Фуқаролик жамияти институтлари, тахлилий ва тадқиқот тузилмалари, вазирлик ва идоралар вакиллари ҳамда маҳаллий ва хорижий экспертларни жалб этган ҳолда Бирлашган Араб Амирликлари, Хитой ва бошқа давлатлар тажрибасидан кенг фойдаланган ҳолда мамлакатнинг узоқ муддатга мўлжалланган миллий мақсадларни белгиловчи концепция ва бошқа стратегик режалаштириш ҳужжатлари лойиҳаларини ишлаб чиқиш . 2026 йил декабрь Стратегик ривожланиш ва ислоҳотлар агентлиги, Иқтисодиёт ва молия вазирлиги, Адлия вазирлиги, Қонунчилик ва ҳуқуқий сиёсат институти 5. Хорижий илғор тажрибани ўрганишда давлат органлари ва ташкилотлари ўртасида ҳамкорлик механизмларини жорий этиш. Республиканинг хориждаги дипломатик ваколатхоналари томонидан тегишли давлатларнинг илғор тажрибаси ва амалиёти тўғрисидаги маълумотларни Стратегик ривожланиш ва ислоҳотлар агентлигига тандим этиб бориш тартибини назарда тутувчи Мувофиқлаштирувчи кенгаш қарори лойиҳасини киритиш. 2026 йил февраль Стратегик ривожланиш ва ислоҳотлар агентлиги, Ташқи ишлар вазирлиги 6. Стратегик режалаштириш ва ривожланиш тизимининг ташкилий-тузилмавий ва кадрлар масалаларини ҳал этиш. 1. Стратегик ривожланиш ва ислоҳотлар агентлигида соҳалар ва тармоқларни ривожлантириш, ҳудудий ривожланиш ва халқаро ҳамкорлик масалалари бўйича лойиҳа офисларини ташкил этиш юзасидан қуйидагиларни назарда тутувчи Мувофиқлаштирувчи кенгаш қарорини қабул қилиш: лойиҳа офисларининг фаолият муддати; лойиҳа офисларига жалб этиладиган мутахассислар сони; лойиҳа офисларининг вазифалари ва функциялари, самарадорлигини баҳолаш бўйича мақсадли кўрсаткичлар (KPI ); лойиҳа офислари ходимлари томонидан бажарилган ишларни (хизматлар) қабул қилиш, ҳақ тўлаш ва молиялаштириш тартиби ҳамда миқдорлари. 2026 йил январь Мувофиқлаштирувчи кенгаш 2. Лойиҳа офисларини юқори малакали ва муайян тажрибага эга, юклатилган вазифаларни самарали бажара оладиган мутахассислар билан тўлдириб бориш, шу жумладан, вазирлик ва идоралар, маҳаллий ижро этувчи ҳокимият органлари, давлат таҳлилий марказлари ва илмий-тадқиқот муассасаларининг масъул ходимларини асосий ишдан ажралмаган ҳолда фуқаролик-ҳуқуқий шартнома асосида жалб этиб бориш. Доимий Стратегик ривожланиш ва ислоҳотлар агентлиги 7. «Стратегик таҳлил аълочиси» кўкрак нишонини жорий этиш. «Стратегик таҳлил аълочиси» кўкрак нишони тўғрисидаги низомни ишлаб чиқиш ва тасдиқлаш учун Вазирлар Маҳкамасига киритиш. 2026 йил март Стратегик ривожланиш ва ислоҳотлар агентлиги 8. Стратегик режалаштириш ва ривожланиш тизимини жорий қилиш билан боғлиқ вазифаларнинг самарали бажарилишини таъминлаш мақсадида Стратегик ривожланиш ва ислоҳотлар агентлигининг моддий-техник базасини мустаҳкамлаш. 1. Стратегик ривожланиш ва ислоҳотлар агентлиги ва унинг тузилмасидаги лойихд офисларини беғараз фойдаланиш ҳуқуқи асосида Тошкент шаҳри, Ислом Каримов нўчаси, 43-уйдаги Ўзбекистон Республикаси Президенти Администрациясининг биносига жойлаштириш. 2. Стратегик ривожланиш ва ислоҳотлар агентликнинг янги юклатилган вазифаларини самарали бажарилишини таъминлаш учун моддий-техника жиҳозларига бўлган эҳтиёжини аниқлаш ва зарур компьютер техникаси ва сервер қурилмалари (алоқа тармоқлари, ахборот тизимлари, маълумотлар базаси ва ахборот ресурсларини ташкил этиш), канцелярия воситалари, бошқа оргтехнина жиҳозлари ҳамда автотранспорт воситаларини бюджет ва бюджетдан ташқари маблағлар ҳисобидан харид қилиш (ажратиш). 3. Стратегик ривожланиш ва ислоҳотлар агентлигига олтита автотранспорт воситасини, шу жумладан, директор, директор ўринбосарлари ва маслаҳатчисига шахсан бириитириладиган ва битта навбатчи енгил автотранспорт воситасини сақлаш бўйича лимит ажратиш ҳамда аутсорсинг орқали хизмат сафарлари ва хорижий меҳмонлар ташрифлари учун битта микроавтобус (минивен)ни жалб қилиб бориш чораларини нўриш. Бунда, Стратегик ривожланиш ва ислоҳотлар агентлигига тегишли хизмат автотранспорт воситаларига Вазирлар Маҳкамаси томонидан белгиланган йиллии километр масофа лимити татбиқ этилмайди. 2026 йил февраль Стратегик ривожланиш ва ислоҳотлар агентлиги, Иқтисодиёт ва молия вазирлиги, Ўзбекистон Республикаси Президенти Администрациясининг Транспорт қисми 9. Таҳлил ва илмий-тадқиқот соҳаларида халқаро ҳамкорлинни йўлга қўйиш, шу жумладан, хорижий «ақл марказлари» ва етакчи тадқиқот муассасалари билан ўзаро манфаатли алоқаларни ўрнатиш. 1. Ҳар йилги Тошкент глобал тараққиёт форумини ташкил этиш, молиялаштириш ва ўтказиш тартиби бўйича Мувофиқлаштирувчи кенгаш қарорини қабул қилиш. 2026 йил март Мувофиқлаштирувчи кенгаш, Стратегик ривожланиш ва исл оҳотлар агентлиги, давлат таҳл илий марназлари ва илмий тадқиқот муасса салари 2. Ижтимоий-иқтисодий, технологик, гуманитар, экологик ва бошқа соҳалардаги долзарб муаммолар ҳамда чақириқларга бағишланган таҳлилий марказлар ва илмий-тадқиқот муассасаларининг Тошкент глобал тараққиёт форумини ўтказиш. 2026 йилдан бошлаб ҳар йили

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 29 декабрь,

ПҚ- 394 -сон

(Қонунчилик маълумотлари миллий базаси, 30.12.2025 й., 07/25/394/1249-сон)

lex.uz

OʻZBEKISTON RESPUBLIKASI PREZIDENTINING

QARORI

NIZOM

ROʻYXATI

SXEMASI

NAMUNASI

TUZILMASI

TARKIBI

chora-tadbirlar rejasi

Strategik rejalashtirish va rivojlanish tizimini yangicha yondashuvlar asosida tashkil etish va samarali yoʻlga qoʻyish chora-tadbirlari toʻgʻrisida

Oʻzbekiston Respublikasi Prezidentining 2025-yil 30-oktabrdagi “Strategik rejalashtirish va rivojlanish tizimini joriy etish boʻyicha tashkiliy chora-tadbirlar toʻgʻrisida”gi PF-201-son Farmoni ijrosini taʼminlash hamda Strategik rivojlanish va islohotlar agentligi faoliyatini yanada samarali tashkil etish maqsadida qaror qilaman:

I. Strategik rejalashtirish va rivojlanish tizimini yoʻlga qoʻyish chora-tadbirlari

1. Strategik rejalashtirishni tashkil etish, strategik rejalashtirish hujjatlarini ishlab chiqish, muvofiqlashtirish va amalga oshirilishini monitoring qilish tartibi toʻgʻrisidagi nizom 1-ilovaga muvofiq tasdiqlansin.

2. Shunday tartib oʻrnatilsinki, unga muvofiq strategik rejalashtirish hujjatlarining samaradorlik koʻrsatkichlarini monitoring qilish Strategik rejalashtirish va rivojlanishning raqamli platformasi (dashboard) (keyingi oʻrinlarda — Raqamli platforma) orqali amalga oshiriladi. Bunda:

(a) maqsadli koʻrsatkichlarga masʼul boʻlgan davlat organlari va tashkilotlari tomonidan har bir samaradorlik koʻrsatkichiga erishish boʻyicha haqiqiy maʼlumotlar, natijalar va tasdiqlovchi hujjatlar doimiy ravishda kiritib boriladi;

(b) milliy darajadagi keng qamrovli strategik rejalashtirish hujjatlarining asosiy samaradorlik koʻrsatkichlari boʻyicha davlat organlari reytingi tuziladi va Boshqaruv samaradorligi agentligi tomonidan Davlat organlari faolligining milliy reytingini shakllantirishda inobatga olinadi;

(v) soha, tarmoq, hududlarni rivojlantirish bilan bogʻliq dasturlarni (chora-tadbirlar, “yoʻl xaritalari”, rejalar va boshqalar) nazarda tutuvchi normativ-huquqiy hujjatlar loyihalaridagi mablagʻ ajratilishini talab qiladigan masalalar vazirlik va idoralar tomonidan Raqamli platformaning tegishli modulidagi maʼlumotlarga bogʻlash orqali asoslantiriladi;

(g) Raqamli platformada soha, tarmoq, hududlarni rivojlantirish bilan bogʻliq dasturlarni nazarda tutuvchi normativ-huquqiy hujjatlar loyihalaridagi mablagʻ ajratilishini talab qiladigan masalalar asoslantirilmagan loyiha Iqtisodiyot va moliya vazirligi tomonidan kelishilmaydi.

II. Strategik rivojlanishga qaratilgan tashabbuslarni yangicha yondashuvlar asosida ishlab chiqish va amalga oshirish

3. Belgilab qoʻyilsinki, Oʻzbekiston Respublikasi Prezidenti huzuridagi Strategik rivojlanish va islohotlar agentligi (keyingi oʻrinlarda — Agentlik) tomonidan hududlarni rivojlantirish boʻyicha taklif va tashabbuslarni ishlab chiqish aholi, tadbirkorlik subyektlari va jamoatchilik vakillari ishtirokini taʼminlagan holda mahalliy ijro etuvchi hokimiyat organlarida tuzilgan “Islohotlar shtablari” bilan yaqin hamkorlikda quyidagi yoʻnalishlarda amalga oshiriladi:

(a) har bir hududning tabiiy, iqtisodiy va inson resurslariga koʻra ixtisoslashuvini belgilash;

(b) har bir hudud uchun ishonchli va toʻliq maʼlumotlar asosida soha va tarmoqlar kesimida rivojlanish strategiyalarini ishlab chiqish;

(v) iqtisodiy nomutanosibliklarni kamaytirish, bunda ogʻir toifadagi tuman va shaharlar uchun alohida soliq, moliyaviy va infratuzilmaviy imkoniyatlar yaratish boʻyicha takliflar ishlab chiqish;

(g) hududlararo hamkorlik va kooperatsiyani rivojlantirish, yirik shaharlar va atrofidagi hududlar oʻrtasida iqtisodiy va infratuzilmaviy aloqalarni kuchaytirish;

(d) hududlarda boshqaruvni toʻliq raqamlashtirish, shu jumladan, geoaxborot tizimlari (GIS), ochiq maʼlumotlar platformalari va interaktiv onlayn kuzatuv vositalarini joriy qilish.

4. Shunday tartib oʻrnatilsinki, unga muvofiq:

(a) respublikaning xorijdagi diplomatik vakolatxonalari har oyda tegishli davlatlarning ilgʻor tajribasi va amaliyoti toʻgʻrisidagi batafsil maʼlumotni Agentlikka taqdim etib boradi;

(b) Agentlik diplomatik vakolatxonalar tomonidan taqdim etiladigan maʼlumotlar hamda xalqaro tashkilotlar va moliya institutlari, konsalting kompaniyalar, xorijiy ilmiy-tadqiqot va ekspertlik muassasalari hamda mutaxassislarning axborot va hisobotlari asosida maʼlumotlar bazasini shakllantiradi;

(v) maʼlumotlar bazasi asosida Agentlik tegishli loyiha ofislari hamda tahliliy va tadqiqot tuzilmalari bilan birgalikda taklif va tashabbuslar boʻyicha axborot-tahliliy maʼlumotnomani Oʻzbekiston Respublikasi Prezidenti Administratsiyasiga muntazam kiritib boradi.

III. Tashkiliy chora-tadbirlar

5. Strategik rejalashtirish sohasida Agentlikka yuklatilayotgan qoʻshimcha vazifalardan kelib chiqib, 2026-yil 1-yanvardan boshlab mazkur qarorning 2-ilovasiga muvofiq vazirlik va idoralarning strategik rejalashtirish boʻyicha tarkibiy boʻlinmalari shtat birliklarini maqbullashtirish hisobiga Agentlikka qoʻshimcha 10 ta boshqaruv xodimi shtat birligi ajratilsin va talab etiladigan qoʻshimcha xarajatlar Agentlikka 2026-yilda ajratilgan mablagʻlar doirasida amalga oshirilsin.

6. Oʻzbekiston Respublikasi Prezidenti huzuridagi Strategik rivojlanish va islohotlar agentligi tuzilmasi 3-ilovaga muvofiq tasdiqlansin.

7. Agentlik:

(a) Iqtisodiyot va moliya vazirligi, Adliya vazirligi, tahliliy va tadqiqot tuzilmalari, fuqarolik jamiyati institutlari, boshqa vazirlik va idoralar vakillari hamda mahalliy va chet ellik ekspertlarni jalb etgan holda 2026-yil 1-dekabrga qadar ilgʻor xorijiy tajriba asosida mamlakatning uzoq muddatga moʻljallangan milliy maqsadlarini belgilovchi konsepsiya va boshqa strategik rejalashtirish hujjatlari loyihalarini ishlab chiqsin. Bunda uzoq muddatga moʻljallangan rivojlanish strategiyalari chuqur oʻrganilishi hamda aholi oʻrtasida soʻrovnomalar oʻtkazish orqali yangi tashabbuslar ishlab chiqilishi inobatga olinsin;

(b) Hisob palatasi bilan birgalikda bir oy muddatda davlat organlari va tashkilotlari tomonidan xorijiy konsultant va ekspertlarni oʻz mablagʻlari yoki budjet mablagʻlari hisobidan jalb qilish ishlarini yanada takomillashtirishni nazarda tutuvchi Oʻzbekiston Respublikasi Prezidentining qarori loyihasini kiritsin.

8. Agentlik va uning tuzilmasidagi loyiha ofislari begʻaraz foydalanish huquqi asosida Toshkent shahri Islom Karimov koʻchasi 43-uydagi Oʻzbekiston Respublikasi Prezidenti Administratsiyasining binosiga joylashtirilsin.

9. Vazirlik va idoralarning strategik rejalashtirish boʻyicha tarkibiy boʻlinmalari, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining axborot-tahlil guruhlari faoliyatining asosiy yoʻnalishlari va uni yoʻlga qoʻyishning boshqa tashkiliy masalalari 4-ilovadagi tartib-taomillarga muvofiq belgilansin.

10. Belgilab qoʻyilsinki, 2026-yildan boshlab har yili ijtimoiy-iqtisodiy, texnologik, gumanitar, ekologik va boshqa sohalardagi dolzarb muammolar hamda zamonaviy chaqiriqlarga bagʻishlab tahlil markazlari va ilmiy-tadqiqot muassasalari ishtirokida Toshkent global taraqqiyot forumini oʻtkazib borish amaliyoti joriy qilinadi.

11. Toshkent global taraqqiyot forumiga tayyorgarlik koʻrish va uni oʻtkazish boʻyicha tashkiliy qoʻmita 5-ilovaga muvofiq tarkibda tuzilsin.

12. Strategik rejalashtirish va rivojlanish tizimini yoʻlga qoʻyish boʻyicha chora-tadbirlar rejasi 6-ilovaga muvofiq tasdiqlansin.

IV. Qaror ijrosini tashkil etish, taʼminlash va nazorat

13. Agentlik Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni kiritsin.

14. Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi S.U. Umurzakov zimmasiga yuklansin.

Oʻzbekiston Respublikasi Prezidentining 2025-yil 29-dekabrdagi PQ-394-son qaroriga 1-ILOVA

Strategik rejalashtirishni tashkil etish, strategik rejalashtirish hujjatlarini ishlab chiqish, muvofiqlashtirish va amalga oshirilishini monitoring qilish tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasida strategik rejalashtirish hujjatlari, ularning iyerarxiyasi va oʻzaro nisbatini, vazirliklar, idoralar va mahalliy ijro etuvchi hokimiyat organlari tomonidan strategik rejalashtirish hujjatlarini yagona, kompleks va tizimli yondashuv asosida ishlab chiqish, hisobot berish va amalga oshirilishini monitoring qilish va hisobotlarni oʻrganish, strategik rejalashtirish hujjatining bajarilishini baholash, shuningdek, mazkur jarayonlarni tashkil qilishni muvofiqlashtirish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

strategik rejalashtirish — davlat organlari, vazirliklar, idoralar va mahalliy ijro etuvchi hokimiyat organlari tomonidan mamlakatni ijtimoiy-iqtisodiy rivojlantirishning ustuvor yoʻnalishlari, maqsad va vazifalari, samaradorlik koʻrsatkichlarini belgilashga, shu jumladan, ularga erishish va jamiyatning barqaror rivojlanishini taʼminlash uchun zarur boʻlgan prinsiplar, maqsadlar va harakatlarni belgilash hamda strategik rejalashtirish hujjati sifatida qabul qilishga qaratilgan jarayon;

strategik rejalashtirish hujjatlari — qonunchilikka muvofiq qabul qilingan, davlat koʻrsatmalari sifatida strategik rejalashtirishni amalga oshirishga qaratilgan huquqiy normalar va zarur tashkiliy choralarni belgilaydigan, oʻzgartiradigan yoki bekor qiladigan rasmiy hujjat;

strategik rejalashtirish hujjatini tayyorlash va qabul qilish — strategik rejalashtirish hujjatlari loyihalarini tashabbus qilish, rejalashtirish, tayyorlash, ekspertizadan oʻtkazish, kelishish, qabul qilish, eʼlon qilish, ularning ijrosini tashkil etishni qamrab oladigan jarayon;

strategik rejalashtirish hujjatining amalga oshirilishini monitoring qilish va hisobot berish — qabul qilingan strategik rejalashtirish hujjatining samarali bajarilishini taʼminlash maqsadida rejalashtirilgan chora-tadbirlarning amalga oshirilishi va unga mutanosib holatda boʻlayotgan oʻzgarishlar muntazam monitoring qilinib, natijalari boʻyicha hisobot tayyorlanadigan va hisobotlar oʻrganib boriladigan jarayon;

strategik rejalashtirish hujjatining bajarilishini baholash — belgilangan maqsadli koʻrsatkichlarga erishish darajasi va dinamikasini, ularga erishish jarayonida resurslardan foydalanish samaradorligini, qoʻyilgan maqsadlarning strategik ahamiyati hamda ular orqali erishilgan natijalarning samaradorligini tahlil qilish, shuningdek, baholash natijalari asosida hisobot tayyorlash va zaruratga koʻra rejalashtirilgan tadbirlarga tuzatishlar kiritiladigan jarayon;

samaradorlik koʻrsatkichlari — strategik rejalashtirish hujjatida belgilangan maqsadlarga erishish darajasini aniqlash uchun ishlatiladigan oʻlchovli indikator boʻlib, strategik maqsadlarning bajarilishi, aniq vazifalarning amalga oshirilishi va chora-tadbirlarning ijrosi darajasini baholab, maqsadlarga erishilganligi yoki erishilmaganligini hamda amalga oshirilgan tadbirlar doirasida qanday natijalar qoʻlga kiritilganini aniqlash uchun xizmat qiladi;

bevosita faoliyat natijasi (output) koʻrsatkichlari — strategik rejalashtirish hujjati doirasida amalga oshirilgan chora-tadbirlar va foydalanilgan resurslarning bevosita va aniq natijalarini oʻlchaydigan koʻrsatkich;

natija (outcome) koʻrsatkichlari — strategik rejalashtirish hujjati doirasidagi faoliyat natijasida yuzaga kelgan qisqa va oʻrta muddatli taʼsirlarni ifodalovchi hamda amalga oshirilgan chora-tadbirlar, harakatlar tufayli yuzaga kelgan oʻzgarishlarni aks ettiruvchi koʻrsatkich;

taʼsir (impact) koʻrsatkichlari — strategik rejalashtirish hujjatini amalga oshirish doirasida erishiladigan natijalarning uzoq muddatli va barqaror taʼsirini aks ettiruvchi oʻlchovli koʻrsatkich.

3. Strategik rejalashtirishning asosiy prinsiplari quyidagilardan iborat:

inson manfaatlarini taʼminlash va aholi turmush darajasini oshirish prinsipi — strategik rejalashtirish hujjatlarini ishlab chiqish jarayonining asosiy ustuvor maqsadi boʻlib, strategik rejalashtirish hujjatlarining ishlab chiqilishida inson manfaatlari, xalq farovonligi va aholining turmush tarzini yaxshilashga qaratilgan vazifalar aks ettirilishi hamda fuqarolarning strategik rejalashtirish hujjatlarini shakllantirish, amalga oshirish va natijalarini baholashda faol ishtirok etishini nazarda tutadi;

muvofiqlik (uygʻunlik) prinsipi — strategik rejalashtirish hujjatida uni qabul qilish zarurati yetarlicha asoslangan boʻlishi, strategik rejalashtirish hujjatlari iyerarxiyasiga rioya etgan holda yuqori darajadagi strategik rejalashtirish hujjatlarida belgilangan ustuvor yoʻnalishlar, maqsad va vazifalarni amalga oshirishga qaratilgan boʻlishi, tarmoq/soha va hududiy strategiyalar bilan muvofiqlikni taʼminlashi hamda ularning maqsad va vazifalari jihatidan bir-birini toʻldirishi, oʻzaro mos kelishi va ziddiyatga yoʻl qoʻymasligi lozimligini belgilaydi;

iqtisodiy samaradorlik prinsipi — strategik rejalashtirish hujjatlarida davlat siyosati sifatida chora-tadbirlarni amalga oshirishdan kelib chiqadigan foyda qilingan xarajatlarni oqlashi lozimligi ularni tanlashda hisobga olinishini nazarda tutadi;

moliyaviy barqarorlik prinsipi — strategik rejalashtirish hujjatlari budjetlashtirish jarayoni bilan sinxron holda yetarli moliyaviy resurslarga bogʻliq ishlab chiqilishi, undagi maqsad va vazifalar, samaradorlik koʻrsatkichlari va chora-tadbirlar moliyaviy, iqtisodiy, moddiy-texnik va inson resurslarini inobatga olgan holda belgilanishi lozimligini nazarda tutadi;

hisobdorlik prinsipi — barcha strategik rejalashtirish hujjatlarida ularni amalga oshirish, monitoring qilish va hisobot berish uchun masʼul (tashkilot yoki shaxslar) belgilanganligini nazarda tutadi;

shaffoflik prinsipi — strategik rejalashtirish hujjatlarini ishlab chiqish va uning amalga oshirilishi boʻyicha monitoringini olib borishda keng jamoatchilik va ekspertlarni jalb qilgan holda shaffof jarayonni (davlat sirlari, tijorat siri va qonun bilan muhofaza qilinadigan sir boʻlgan boshqa hujjatlar bundan mustasno) taʼminlashni nazarda tutadi;

uzluksiz rejalashtirish prinsipi — rejalashtirish, monitoring va samaradorlikni baholash jarayonlarida har bir yangi strategik rejalashtirish hujjati oldingi strategik rejalashtirish hujjatlariga va amalga oshirilgan davlat siyosatining samaradorligini baholash natijalariga asoslanganligini belgilaydi;

mazmunga qoʻyilgan muhim talablarning toʻliqligi prinsipi — strategik rejalashtirish hujjatlari mazmunida mazkur Nizom va boshqa qonunchilik hujjatlarida belgilangan barcha masalalar va mexanizmlarning qamrab olinishi zarurligi belgilaydi.

4. Davlat organlari faoliyatining maqsadli koʻrsatkichlari va indikatorlari birinchi navbatda strategik rejalashtirish hujjatlarida belgilangan samaradorlik koʻrsatkichlardan kelib chiqqan holda shakllantiriladi.

5. Strategik rejalashtirish hujjatini ishlab chiqish, maʼlumotlarni toʻplash, uning amalga oshirilishini monitoring qilish va geoxaritada aks ettirish, hisobot tayyorlash, hisobotni oʻrganish va baholash, strategik rejalashtirish hujjatlariga tuzatishlar kiritish tegishli vazirlik va idoralar tomonidan Strategik rejalashtirish va rivojlanishning raqamli platformasi (dashboard) (keyingi oʻrinlarda — Raqamli platforma) orqali amalga oshiriladi.

6. Raqamli platformaning tarkibiy modullari, uning funksiyalarini taʼminlashda davlat organlari va tashkilotlarining vazifalari roʻyxati mazkur nizomning 1-ilovasiga muvofiq belgilanadi.

Raqamli platformadan foydalanish uchun har bir vazirlik va idoraga Oʻzbekiston Respublikasi Prezidenti huzuridagi Strategik rivojlanish va islohotlar agentligi (keyingi oʻrinlarda — Agentlik) tomonidan alohida login va parol beriladi.

Vazirlik va idora rahbari Raqamli platformadan foydalanish va tegishli maʼlumotlarni kiritib borish uchun masʼul boʻlgan xodimlarni belgilaydi va ularning hisobini yuritadi.

7. Raqamli platformada:

strategik rejalashtirish hujjatlari maqsadlariga masʼul boʻlgan respublika ijro etuvchi hokimiyat organlari, mahalliy ijro etuvchi hokimiyat organlari va xoʻjalik birlashmalari tomonidan har bir samaradorlik koʻrsatkichi, shu jumladan, bevosita faoliyat natijasi (output), natija (outcome) va taʼsir (impact) koʻrsatkichlariga erishish boʻyicha haqiqiy maʼlumotlarni tasdiqlovchi hujjatlar doimiy ravishda kiritib boriladi;

davlat organlari tomonidan mamlakat miqyosida tarmoqlarni rivojlantirishda talab etiladigan davlat mablagʻlari yuzasidan demografiya, atrof-muhit, iqlim oʻzgarishi, migratsiya, urbanizatsiya va boshqa omillar bilan bogʻliq aniqlik kiritiladi;

maʼlumotlar strategik rejalashtirish va davlat investitsiyalarini boshqarishning yagona axborot ekotizimini shakllantirish maqsadida barcha tegishli davlat organlari va tashkilotlarining axborot tizimlari va resurslari bilan “Elektron hukumat” tizimi doirasida integratsiya qilish orqali, shuningdek, keng jamoatchilikni jalb qilgan holda toʻplanadi;

“Oʻzbekiston — 2030” strategiyasi va keyingi strategik rejalashtirish hujjatlarida belgilangan maqsadlar, vazifalar va asosiy samaradorlik koʻrsatkichlari Raqamli platformada geoaxborot shaklida vizual aks ettiriladi hamda davlat investitsiyalarining maqsadli sarflanishi monitoring qilinadi va baholanadi;

rivojlanish bilan bogʻliq dasturlar (chora-tadbirlar, “yoʻl xaritalari”, rejalar va boshqalar) nazarda tutuvchi normativ-huquqiy hujjatlar loyihalaridagi (shu jumladan, strategik rejalashtirish hujjatlari loyihalaridagi) mablagʻ ajratilishini talab qiladigan masalalar Raqamli platformaning “Geoportal” modulidagi maʼlumotlarga bogʻlash orqali asoslantiriladi hamda mazkur jarayonda loyiha tashabbuskoriga asoslantirish uchun zarur boʻlgan boshqa vazirlik va idoralardagi maʼlumotlar Agentlik soʻroviga asosan Raqamli platformaga kiritish orqali taqdim etilishi shart boʻlib hisoblanadi;

milliy darajadagi keng qamrovli strategik rejalashtirish hujjatlarining asosiy samaradorlik koʻrsatkichlari boʻyicha davlat organlari reytingi shakllantiriladi va Boshqaruv samaradorligi agentligi tomonidan Davlat organlari faolligining milliy reytingini shakllantirishda inobatga olinadi;

vazirlik va idoralar tomonidan Raqamli platformaning “Geoportal” moduliga joylashtiriladigan barcha maʼlumotlar, ularning metamaʼlumotlari, atributlar roʻyxati, format, yangilanish davriyligi va axborot tuzilmasi Strategik rivojlanish va islohotlar agentligi bilan kelishilgan holda tasdiqlanadi.

8. Raqamli platforma va uning texnik topshirigʻini ishlab chiqish, ishga tushirish, texnik xizmat koʻrsatish va qoʻllab-quvvatlash, takomillashtirish bilan bogʻliq xarajatlar Muvofiqlashtiruvchi kengash huzuridagi Tadqiqotlarni qoʻllab-quvvatlash jamgʻarmasi, Strategik rivojlanish va islohotlar agentligini qoʻllab-quvvatlash jamgʻarmasi mablagʻlari, shuningdek, qonunchilik hujjatlarida taqiqlanmagan budjetdan tashqari boshqa manbalar hisobidan qoplab boriladi.

9. Raqamli platformani “Elektron hukumat” tizimining maʼlumotlarni qayta ishlash markaziga joylashtirish va saqlash bepul asosda amalga oshiriladi.

Agentlik Raqamli platformaning yagona ishlab chiquvchisi va operatori boʻlib hisoblanadi.

2-bob. Strategik rejalashtirish bosqichlari va subyektlari, strategik rejalashtirish hujjatlarining iyerarxiyasi

10. Strategik rejalashtirish hujjatlari loyihalarini rejalashtirish, tashabbus qilish, tayyorlash, ekspertizadan oʻtkazish, kelishish, qabul qilish, eʼlon qilish, ularning ijrosini tashkil etish mazkur Nizom hamda qonunchilik hujjatlarida normativ-huquqiy hujjatlarni rejalashtirish, tashabbus qilish, tayyorlash, ekspertizadan oʻtkazish, kelishish, qabul qilish, eʼlon qilish, ularning ijrosini tashkil etishga oid belgilangan qoidalarga muvofiq amalga oshiriladi.

11. Strategik rejalashtirish jarayonlari quyidagi 4 bosqichdan iborat:

birinchi bosqichda joriy vaziyat tahlili asosida strategik rejalashtirish hujjati loyihasi tayyorlanadi va qabul qilinadi;

ikkinchi bosqichda strategik rejalashtirish hujjatida belgilangan tadbirlar amalga oshiriladi;

uchinchi bosqichda strategik rejalashtirish hujjatining amalga oshirilishi monitoring qilinadi, hisobot beriladi va hisobotlar oʻrganiladi;

toʻrtinchi bosqichda strategik rejalashtirish hujjatining bajarilishi samaradorligi baholanadi.

12. Oʻzbekiston Respublikasi Prezidenti huzuridagi Strategik rejalashtirish va rivojlanish boʻyicha muvofiqlashtiruvchi kengash (keyingi oʻrinlarda — Muvofiqlashtiruvchi kengash) vazirlik va idoralar, mahalliy ijro etuvchi hokimiyat organlari, shuningdek, davlat tahliliy markazlari va ilmiy-tadqiqot muassasalarining strategik rejalashtirish va rivojlanish sohasidagi faoliyatini muvofiqlashtirish uchun masʼul boʻlgan idoralararo kollegial organ hisoblanadi va quyidagi vazifalarni bajaradi:

ijtimoiy-iqtisodiy, ijtimoiy-siyosiy, texnologik, gumanitar, ekologik va boshqa sohalardagi dolzarb muammolar hamda chaqiriqlarni tahlil qilish, ularni hal etish boʻyicha takliflar ishlab chiqish, shuningdek, mamlakatni strategik rivojlantirish boʻyicha gʻoya va tashabbuslarni shakllantirish;

“Oʻzbekiston — 2030” strategiyasi , konsepsiyalar, strategiyalar va dasturlar (“yoʻl xaritalari”, chora-tadbirlar rejalari) bilan muvofiqligini taʼminlash nuqtai nazaridan strategik tashabbuslarni ishlab chiqish va ekspertizadan oʻtkazishni muvofiqlashtirish;

konsepsiyalar, strategiyalar va dasturlarning (“yoʻl xaritalari”, chora-tadbirlar rejalari) “Oʻzbekiston — 2030” strategiyasi maqsadlari bilan toʻliq bogʻliqligi va uygʻunligini taʼminlash, shuningdek, ularning amalga oshirilishi samaradorligini monitoring qilish va baholash;

jamiyat va davlat hayotining turli sohalari kesimida mamlakat rivojlanishini uzoq muddatli rejalashtirish boʻyicha faoliyatni tashkil etish.

13. Strategik rejalashtirish subyektlari hisoblanadigan vazirlik va idoralar (milliy darajadagi, respublika darajasidagi (vazirliklar, alohida maqomga ega mustaqil respublika ijro etuvchi hokimiyat organlari) va hududiy darajadagi davlat organlari va tashkilotlari) roʻyxati Muvofiqlashtiruvchi kengash tomonidan belgilanadi.

14. Agentlik strategik rejalashtirish va rivojlanish tizimini tashkil etish, uni samarali joriy qilishga qaratilgan aniq mexanizmlarni ishlab chiqish, shuningdek, strategik rejalashtirish hujjatlari loyihalarini tayyorlashni tartibga solish boʻyicha vakolatli davlat organ hisoblanadi hamda uning bu boradagi asosiy vazifalari quyidagilardan iborat:

strategik rejalashtirish hujjatlari loyihalarini ishlab chiqishda vazirliklar va idoralarni uslubiy qoʻllab-quvvatlash, strategik rejalashtirish tizimi boʻyicha tavsiyalar va uslubiy koʻrsatmalar tayyorlash;

ilgʻor xalqaro tajriba va davlat siyosatining ustuvor yoʻnalishlarini hisobga olgan holda strategik rejalashtirish va rivojlanish tizimini takomillashtirish boʻyicha takliflar ishlab chiqish;

vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining strategik rejalashtirish va rivojlanish hujjatlarini qonunchilik hujjatlari talablari va iyerarxiyaga muvofiq ishlab chiqish, amalga oshirish va ijrosini monitoring qilish sohasidagi faoliyatini muvofiqlashtirish;

strategik rejalashtirish hujjatlarini amalga oshirish boʻyicha taqdim etilgan hisobotlarni tekshirish yoʻli bilan xulosa berish va ularning bajarilishini nazorat qilish;

strategik rejalashtirish hujjatlarining maqsadlariga erishilishini monitoring qilish.

15. Vazirlik, idoralar va mahalliy ijro etuvchi hokimiyat organlari strategik rejalashtirish hujjatlarini ishlab chiqish, amalga oshirish va monitoring qilish jarayonlari vazirlik va idoralarning strategik rejalashtirish boʻyicha tarkibiy boʻlinmalari hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining axborot-tahlil guruhlari (keyingi oʻrinlarda — Tarkibiy boʻlinmalar) tomonidan muvofiqlashtiriladi va ular bilan majburiy tartibda kelishiladi.

Tarkibiy boʻlinmalarning strategik rejalashtirish hujjatlarini ishlab chiqish, amalga oshirish va monitoring qilish jarayonlarini muvofiqlashtirish borasidagi asosiy vazifalari etib quyidagilar belgilanadi:

strategik rejalashtirish hujjatlari loyihalari iyerarxiya va qonunchilik hujjatlari talablari asosida ishlab chiqilayotganligini tekshirish;

strategik rejalashtirish hujjatlari loyihalarini ishlab chiqishda strategik rejalashtirishning asosiy prinsiplari va talablariga muvofiqligini taʼminlash;

strategik rejalashtirish hujjatlarining amalga oshirilishi monitoring qilinishini muvofiqlashtirish, tayyorlangan hisobotlarni dastlabki tarzda oʻrganish hamda Agentlikka taqdim etib borish;

hisobot natijalari asosida strategik rejalashtirish hujjatlariga oʻzgartirish yoki qoʻshimchalar kiritish boʻyicha takliflar tayyorlash;

strategik rejalashtirish hujjatlari va hisobotlar toʻgʻrisidagi axborotlarni tizimli ravishda saqlash.

Tarkibiy boʻlinmalar vazirlik va idoralarning strategik rejalashtirish hujjati hisoblanmaydigan strategiyasi va ish rejalarining ishlab chiqilishini muvofiqlashtirish hamda ularning ijrosini nazorat qilish funksiyalarini ham amalga oshiradi.

16. Strategik rejalashtirish hujjatlarining iyerarxiyasi quyidagicha belgilanadi:

a) birinchi darajali strategik rejalashtirish hujjatlari mamlakatni, uning hududlarini ijtimoiy-iqtisodiy, ijtimoiy-siyosiy rivojlantirishda davlat siyosatini shakllantirish va amalga oshirish bilan bogʻliq ustuvor yoʻnalishlarni, boshqaruvning konseptual yondashuvlarini belgilovchi konsepsiyalar shaklida qabul qilinadi. Bunda konsepsiya muvofiqlashtirish, resurslar bilan taʼminlash va ularni amalga oshirish samaradorligini baholashning umumiy mexanizmlarini oʻz ichiga olgan muayyan strategiyalarni ishlab chiqish uchun asos boʻlib hisoblanadi;

b) ikkinchi darajali strategik rejalashtirish hujjatlari oʻrta va uzoq muddatli istiqbolda mamlakat, hudud, tarmoq yoki davlat va jamiyat hayotining boshqa sohasini rivojlantirishning maqsadi, vazifalari, maqsadli koʻrsatkichlariga erishishga qaratilgan hamda ularni amalga oshirishning aniq belgilangan mexanizmlari va resurslarini oʻz ichiga olgan strategiyalar shaklida qabul qilinadi va quyidagi ketma-ketlikka rioya qilinadi:

“Oʻzbekiston — 2030” strategiyasi hamda keyingi yillar uchun qabul qilinadigan mamlakatni keng qamrovli rivojlantirish strategiyalari;

barqaror rivojlanish sohasidagi keng qamrovli milliy maqsad va vazifalar;

respublika hududini rivojlantirishni rejalashtirish bosh sxemasi, Qoraqalpogʻiston Respublikasi va viloyatlar hududlarini rivojlantirishni rejalashtirish sxemalari, aglomeratsiyalarni rivojlantirish strategiyasi;

Oʻzbekiston Respublikasining xalqaro shartnomalardan va xalqaro tashkilotlarga aʼzolikdan kelib chiqadigan majburiyatlari;

tarmoq, soha va (yoki) hududlarni rivojlantirish strategiyalari;

Oʻzbekiston Respublikasining fiskal strategiyasi;

v) uchinchi darajali strategik rejalashtirish hujjatlari birinchi va ikkinchi darajali strategik rejalashtirish hujjatlarining maqsad va vazifalariga erishishga qaratilgan oʻzaro bogʻliq batafsil chora-tadbirlar majmuini belgilovchi dasturlar (“yoʻl xaritalari”, chora-tadbirlar rejalari) shaklida qabul qilinadi va quyidagilardan iborat:

“Oʻzbekiston — 2030” strategiyasi hamda keyingi yillar uchun qabul qilinadigan mamlakatni rivojlantirish strategiyalarini amalga oshirish tadbirlari va mexanizmlari tizimini belgilaydigan Davlat dasturlari;

bir yoki bir nechta hudud, tarmoq yoki sohani rivojlantirish strategiyalarini amalga oshirishga qaratilgan chora-tadbirlar va mexanizmlar tizimini belgilaydigan davlat dasturlari, ijtimoiy va ishlab chiqarish infratuzilmani rivojlantirish dasturlari, “yoʻl xaritalari” yoki chora-tadbirlar rejalari.

17. Birinchi darajali strategik rejalashtirish hujjatlari 7 yildan ortiq muddatga ishlab chiqiladi va qoida tariqasida Oʻzbekiston Respublikasi qonunlari bilan tasdiqlanadi.

Ikkinchi darajali strategik rejalashtirish hujjatlari 4 yildan 7 yilgacha boʻlgan muddatga ishlab chiqiladi va Oʻzbekiston Respublikasi Prezidentining hujjatlari bilan tasdiqlanadi. Bunda “Oʻzbekiston — 2030” strategiyasi va boshqa shu kabi keng qamrovli strategik rejalashtirish hujjatlari nisbati boʻyicha muayyan yoki bir necha soha, tarmoq yoki hudud boʻyicha strategik rejalashtirish hujjatlaridan yuqori boʻlib hisoblanadi.

Uchinchi darajali strategik rejalashtirish hujjatlari 1 yildan 3 yilgacha boʻlgan muddatga ishlab chiqiladi va quyidagi tartibda tasdiqlanadi:

“Oʻzbekiston — 2030” strategiyasi va boshqa shu kabi keng qamrovli strategik rejalashtirish hujjatlarini amalga oshirish boʻyicha Oʻzbekiston Respublikasi Prezidentining hujjatlari;

ikkinchi darajali boshqa strategik rejalashtirish hujjatlarini amalga oshirish boʻyicha Vazirlar Mahkamasining qarorlari qabul qilinadi.

3-bob. Strategik rejalashtirish hujjatini ishlab chiqish tartibi

18. Strategik rejalashtirish hujjatlari loyihalarini qabul qilish normativ-huquqiy hujjatlarni rejalashtirish, tashabbus qilish, tayyorlash, ekspertizadan oʻtkazish, kelishish, qabul qilish, eʼlon qilish, ularning ijrosini tashkil etishga oid qonunchilik hujjatlarida belgilangan qoidalarga hamda mazkur Nizomning 2-ilovasidagi sxemaga muvofiq amalga oshiriladi.

19. Strategik rejalashtirish hujjatining loyihasini tayyorlashda qonunchilik hujjatlarida normativ-huquqiy hujjatlarning loyihasini tayyorlashda amalga oshirilishi lozim boʻlgan chora-tadbirlar bilan bir qatorda, strategik rejalashtirish hujjati loyihasini tayyorlovchi tashkilot (keyingi oʻrinlarda — Ishlab chiquvchi) tomonidan quyidagi qoʻshimcha tadbirlar amalga oshiriladi:

strategik rejalashtirish hujjat loyihasini ishlab chiqishda Ishlab chiquvchi tomonidan kelishuvga koʻra tarkibiga Agentlik, Oʻzbekiston Respublikasi Prezidenti Administratsiyasi, Vazirlar Mahkamasi, Iqtisodiyot va moliya vazirligining, tegishli vazirlik va idoralarning masʼul xodimlari, shuningdek, ilmiy tadqiqot institutlari, tahlil markazlari va nodavlat notijorat tashkilotlar vakillari, xorijiy konsultant va ekspertlar hamda Tarkibiy boʻlinmalar vakillari kiritilgan ishchi guruhi tuziladi va bu haqida mazkur vazirlik va idoraning rasmiy veb-saytida va ijtimoiy tarmoqlarda eʼlon beriladi;

strategik rejalashtirish hujjatlari ishchi guruh tayyorlagan loyiha tegishli materiallar bilan birgalikda mazkur Nizomning 3-ilovasidagi Strategik rejalashtirish hujjati loyihasining belgilangan talablarga muvofiq ishlab chiqilganligini oʻrganish boʻyicha nazorat varaqasiga asosan dastlabki sifat tekshiruvidan oʻtkazish uchun Agentlikka yuboriladi;

huquqiy ekspertiza yakunlari boʻyicha strategik rejalashtirish hujjatlari loyihasini yakuniy sifat tekshiruvidan oʻtkazish uchun Agentlikka yuboriladi;

Agentlikning dastlabki va yakuniy sifat tekshiruvi xulosasiga muvofiq strategik rejalashtirish hujjati loyihasi qayta ishlanadi hamda loyiha sifat tekshiruvi boʻyicha Agentlikning ijobiy xulosasidan keyin kelishish uchun boshqa tashkilotlarga yuboriladi yoki tegishli vakolatli organga kiritiladi.

20. Birinchi va ikkinchi darajali strategik rejalashtirish hujjatini ishlab chiqishda Ishchi guruh tomonidan qonunchilik hujjatlarida normativ-huquqiy hujjatlarning loyihasini tayyorlashda amalga oshirilishi lozim boʻlgan chora-tadbirlar bilan bir qatorda quyidagilar amalga oshiriladi:

mavjud muammolar va ularning asosiy sabablari aniqlashtiriladi, ichki va tashqi omillarni baholash hamda ilgari amalga oshirilgan islohotlar, qabul qilingan strategiyalar va boshqa hujjatlarning tahlili samaradorligi natijalariga (shu jumladan, monitoring va baholash hisobotlariga) asoslangan holda ishlarning joriy holati tahlili amalga oshiriladi;

ijtimoiy-iqtisodiy rivojlanishda ustuvor maqsadlar va mavjud resurslarga muvofiq dolzarbligi, ahamiyati yoki hajmiga koʻra hal qilinishi kerak boʻlgan muammolar tanlab olinadi;

tegishli sohadagi tahdid va kutilmalar tahlil qilinadi, ichki va tashqi omillar inobatga olingan holda prognoz va ssenariylashtirish amalga oshiriladi;

tanlab olingan va hal etilishi lozim deb topilgan muammolar boʻyicha joriy holatdagi vaziyatdan kelib chiqib, erishilishi koʻzlanayotgan natijalar va amalga oshirilishi lozim boʻlgan ishlar aniqlashtiriladi;

aniqlangan muammolar va ularning sabablaridan kelib chiqqan holda strategik rejalashtirish hujjatining asosiy maqsad va vazifalari belgilanadi va shakllantiriladi;

koʻzlangan maqsadlarga erishish darajasini oʻlchash usullari va samaradorlik darajasini aks ettiruvchi natija (outcome) va taʼsir (impact) koʻrsatkichlari belgilab olinadi;

ikkinchi darajali strategik rejalashtirish hujjati loyihasini ishlab chiqishda belgilangan maqsadlarga erishishni taʼminlaydigan mexanizmlar va vazifalarni amalga oshirish boʻyicha aniq chora-tadbirlar (usul va vositalar), bajarish muddatlari, talab etiladigan inson va moliyaviy resurslar, moliyalashtirish manbalari, ijro uchun masʼul vazirlik va idoralar (mansabdor shaxslar), samaradorlikning bevosita faoliyat natijasi (output), natija (outcome) va taʼsir (impact) koʻrsatkichlari aks ettiriladigan reja tayyorlanadi;

ikkinchi darajali strategik rejalashtirish hujjati loyihasini ishlab chiqishda rejalashtirilgan tadbirlarni (islohotlarni) amalga oshirish va kutilayotgan oʻzgarishlarga erishish uchun zarur boʻlgan moliyaviy xarajatlar hisob-kitob qilinadi va moliyalashtirish manbalari aniqlashtiriladi;

ikkinchi darajali strategik rejalashtirish hujjati loyihasini ishlab chiqishda monitoring va hisobot berish mexanizmi belgilanadi, bunda maʼlumotlarni toʻplash, tahlil qilish, nazorat qilish va hisobot uchun masʼullar, shuningdek, monitoring davriyligi va muddatlari hamda umumlashgan hisobotni tayyorlash uchun masʼullar aniq koʻrsatiladi;

ikkinchi darajali strategik rejalashtirish hujjati loyihasini ishlab chiqishda strategik rejalashtirish hujjatlarini baholash mexanizmi va muddatlari belgilanadi.

21. Birinchi darajali strategik rejalashtirish hujjatlari loyihalarining:

a) mazmuni strategik rejalashtirishning asosiy prinsiplariga mos boʻlishi va quyidagi talablarga javob berishi lozim:

strategik rejalashtirish hujjatlari iyerarxiyaga muvofiq ishlab chiqilishi, oʻzaro zid boʻlmasligi va zaruriyatga koʻra bir-birini toʻldirishi;

konseptual gʻoya, maqsad va vazifalarni amalga oshirish imkoniyati mavjud boʻlishi;

maqsad va vazifalar, samaradorlik koʻrsatkichlari va chora-tadbirlarni monitoring qilish mexanizmlari belgilangan boʻlishi;

b) tuzilmasida quyidagilar alohida bob sifatida koʻrsatilishi kerak:

joriy holat tahlili;

konseptual gʻoya, maqsad va vazifalar;

tamoyillar va yondashuvlar;

asosiy yoʻnalishlar;

kutilayotgan natijalar;

monitoring va hisobot berish mexanizmlari.

22. Ikkinchi darajali strategik rejalashtirish hujjatlari loyihalarining:

a) mazmuni strategik rejalashtirishning asosiy prinsiplariga mos boʻlishi va quyidagi talablarga javob berishi lozim:

strategik rejalashtirish hujjatlari iyerarxiyaga muvofiq ishlab chiqilishi, oʻzaro zid boʻlmasligi va zaruriyatga koʻra bir-birini toʻldirishi;

maqsad va vazifalarni, samaradorlik koʻrsatkichlari va chora-tadbirlarni hamda ularning qiymatini baholagan holda amalga oshirish imkoniyati mavjudligi;

strategik rejalashtirish hujjatining oʻzida toʻgʻridan-toʻgʻri amalga oshirish mexanizmlari belgilanganligi;

har bir maqsad va vazifalarning oʻlchash imkoniyati mavjud boʻlgan samaradorlik koʻrsatkichlari belgilanganligi;

chora-tadbirlar belgilangan maqsad va vazifalar, samaradorlik koʻrsatkichlarga erishishga qaratilganligi;

chora-tadbirlarni amalga oshirish uchun real muddatlar belgilanganligi;

maqsad va vazifalar hamda chora-tadbirlar moliyaviy, moddiy-texnik, inson va boshqa resurslar bilan taʼminlanganligi;

maqsad va vazifalar, samaradorlik koʻrsatkichlar va chora-tadbirlarni monitoring qilish va baholash mexanizmlari belgilanganligi;

b) tuzilmasida quyidagilar alohida bob sifatida koʻrsatilishi kerak:

joriy holat tahlili;

maqsad va vazifalar, samaradorlik koʻrsatkichlari;

strategik rejalashtirish hujjatini amalga oshirish boʻyicha chora-tadbirlar rejasi;

strategik rejalashtirish hujjatini amalga oshirishdan kutilayotgan natijalar;

monitoring va hisobot berish mexanizmlari;

baholash mexanizmlari;

v) chora-tadbirlar rejasi bobi mazkur Nizomning 4-ilovasidagi namunaga muvofiq shaklda ishlab chiqiladi va unda quyidagilar aks ettiriladi:

taʼsir (impact) va natija (outcome) koʻrsatkichlarining oʻlchov birligi, hisoblash formulasi, boshlangʻich koʻrsatkich, yillar kesimida oraliq koʻrsatkichlar, yakuniy koʻrsatkich, maʼlumotlar manbasi va uni taqdim etilishiga masʼul boʻlgan vazirlik/idora, maʼlumotlarni taqdim etish davriyligi;

bevosita faoliyat natijasi (output) koʻrsatkichi boʻyicha chora-tadbir nomi, mazkur chora-tadbirni amalga oshirish natijasi, oʻlchov birligi, boshlangʻich koʻrsatkich, yakuniy koʻrsatkich, moliyalashtirish hajmi va uning manbasi, chora-tadbir ijrosiga masʼul tashkilot/idora, ijro etilganligini aniqlashtirish boʻyicha maʼlumotlar manbasi va uni taqdim etilishiga masʼul boʻlgan vazirlik/idora, bajarish muddati.

g) milliy darajadagi keng qamrovli strategik rejalashtirish hujjatlari doirasiga kiruvchi loyihalarda joriy holat tahlili va chora-tadbirlar rejasining aks ettirilishi talab qilinmaydi.

23. Uchinchi darajali strategik rejalashtirish hujjatlari loyihalari ikkinchi darajali strategik rejalashtirish hujjatlarida nazarda tutilgan chora-tadbirlar uchun belgilangan jadval shaklida ishlab chiqiladi.

Bunda amalga oshirilayotgan strategiya doirasida har bir maqsad, ushbu maqsadga erishishga qaratilgan vazifalar, ularni amalga oshirish boʻyicha batafsil chora-tadbirlar hamda mazkur chora-tadbirlarning bevosita faoliyat natijasini ifodalovchi koʻrsatkichlar (output) oʻzaro taalluqliligiga muvofiq ravishda ketma-ketlikda aks ettiriladi.

24. Strategik rejalashtirish hujjati loyihasini tayyorlashda monitoring qilish va hisobot berish bobida quyidagilar aks ettiriladi:

maʼlumotlarni yigʻish, ularning toʻgʻriligi va haqqoniyligini oʻrganish, hisobot berish uchun masʼul tashkilot(lar), shuningdek, bir nechta tashkilot boʻlganda umumlashgan hisobotni taqdim etish uchun masʼul tashkilot;

hisobot berish va monitoringni amalga oshirishning davriyligi va muddatlari.

Bunda bevosita faoliyat natijasi koʻrsatkichlari (output) boʻyicha hisobot kamida har oy yoki har chorakda, natija koʻrsatkichlari (outcome) boʻyicha hisobot kamida har chorak yoki yarim yilda, taʼsir koʻrsatkichlari (impact) boʻyicha hisobot kamida har yilda bir marta topshirilishi belgilanishi kerak.

25. Strategik rejalashtirish hujjatlari loyihalarini ishlab chiqish jarayonida Agentlikdan tashqari quyidagi vazirlik va idoralar bilan majburiy tartibda kelishiladi:

a) Iqtisodiyot va moliya vazirligi bilan:

sohalarga rejalashtirilayotgan mablagʻlarning iqtisodiy parametrlari bilan muvofiqligi;

tegishli hudud, tarmoq va sohadagi iqtisodiy tahdid va kutilmalar, prognoz va turli ssenariylar asosida tahlilning amalga oshirilganligi;

samaradorlik koʻrsatkichlariga erishish boʻyicha aniq chora-tadbirlarni amalga oshirish bilan bogʻliq barcha xarajatlar toʻliq va toʻgʻri baholanganligi, moliyalashtirish manbalarining aniq belgilanganligi hamda barqaror rivojlanish maqsadlari bilan uygʻunligi masalalari;

loyiha strategik rejalashtirishning iqtisodiy samaradorlik prinsipiga muvofiq ishlab chiqilganligi;

b) Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti bilan Oʻzbekiston Respublikasining ichki xavfsizligi, barqaror taraqqiyotini taʼminlashning dolzarb masalalari hamda mintaqa, xalqaro va global xavfsizlikning bugungi tendensiyalarining strategik maqsadlarni amalga oshirishga boʻlgan taʼsirini tahlil qilish orqali prognoz va ssenariylar ishlab chiqilganligi;

v) Oʻzbekiston Respublikasi Ekologiya va iqlim oʻzgarishi milliy qoʻmitasi bilan maqsad va vazifalar hamda samaradorlik koʻrsatkichlariga erishish boʻyicha aniq chora-tadbirlar atrof-muhitni muhofaza qilish sohasida davlat siyosatining ustuvor yoʻnalishlariga muvofiqligi hamda atrof-muhit va ekologik holatga taʼsiri masalalari.

26. Huquqiy ekspertiza yakunlari boʻyicha Adliya vazirligining tavsiyalari asosida loyiha Agentlikka yakuniy sifat tekshiruvi xulosasini olish uchun yuboriladi.

Agentlikning loyiha boʻyicha yakuniy sifat tekshiruvi xulosasida nazarda tutilgan masalalar inobatga olinmagan taqdirda strategik rejalashtirish hujjati loyihasi Oʻzbekiston Respublikasi Prezidenti Administratsiyasi yoki Vazirlar Mahkamasiga kiritilmaydi.

4-bob. Strategik rejalashtirish hujjatining amalga oshirilishi boʻyicha hisobot tayyorlash, hisobotni oʻrganish va monitoring qilish hamda baholash tartibi

27. Strategik rejalashtirish hujjatining amalga oshirilishi boʻyicha hisobot tayyorlash, hisobotni oʻrganish va monitoring qilish hamda baholash quyidagi prinsiplar asosida amalga oshiriladi:

qonuniylik — strategik rejalashtirish hujjatining amalga oshirilishini monitoring qilish va baholashni qonunchilikda belgilangan talablarga muvofiq amalga oshirish;

betaraflik — monitoring va baholash faoliyatini amalga oshiruvchi vazirlik va idoralar xodimlari oʻz vakolat va vazifalarini har qanday davlat organlari, tashkilotlar va mansabdor shaxslardan qatʼi nazar, faqat qonunga boʻysungan holda amalga oshirishi;

xolislik — monitoring qilish va baholashni subyektiv fikrlarning taʼsir qilishiga yoʻl qoʻymagan holda amalga oshirish;

ochiqlik va shaffoflik — monitoring va baholash faoliyati haqidagi maʼlumot va axborotlardan toʻliq, oʻz vaqtida, erkin va bepul foydalanish imkoniyatini taʼminlagan holda, ularni belgilangan axborot resurslariga joylashtirish;

maxfiylikni taʼminlash — davlat sirlari yoki qonun bilan qoʻriqlanadigan boshqa sirdan iborat, shuningdek, oshkor etilishi natijasida shaxsning huquqlari va qonuniy manfaatlariga, jamiyat yoxud davlat manfaatlariga zarar yetkazishi mumkin boʻlgan axborotni eʼlon qilishda qonunchilikda belgilangan cheklovlarga rioya qilish;

ishonchlilik — strategik rejalashtirish hujjatining amalga oshirilishini monitoring qilish yoki baholash uchun tegishli vazirlik va idora tomonidan taqdim qilingan maʼlumotlarning ishonchliligini tasdiqlovchi qoʻshimcha materiallarning talab qilib olinishi, ularning haqqoniyligiga shubha paydo boʻlgan taqdirda mustaqil manbalar orqali oʻrganishning amalga oshirilishi.

28. Strategik rejalashtirish hujjatidagi bevosita faoliyat natijasi (output), natija (outcome) va taʼsir (impact) koʻrsatkichlari “Ijro.gov.uz” ijro intizomi idoralararo yagona elektron tizimiga tegishli muddatlar oʻrnatilgan holda nazoratga olinadi. Bunda har bir samaradorlik koʻrsatkichining topshirigʻi tegishli strategik rejalashtirish hujjati boʻyicha umumlashtirilgan hisobotni taqdim etishga masʼul boʻlgan tashkilotning roziligi bilan nazoratdan yechilishi mumkin.

29. Strategik rejalashtirish hujjatining amalga oshirilishini monitoring qilish va hisobot berishda tegishli hujjat yoki undagi muayyan maqsadni amalga oshirish jarayonida yuzaga kelgan muammolar aniqlanadi va ularni hal etish boʻyicha tavsiya va koʻrsatmalar ishlab chiqiladi.

Masʼul ijrochilarning Raqamli platformaga kiritgan maʼlumotlarini tahlil qilish (shu jumladan, ijro intizomi idoralararo yagona elektron tizimini integratsiya qilish) orqali strategik rejalashtirish hujjatida belgilangan muddatlarda va umumlashgan hisobot uchun masʼul davlat organi yoki tashkiloti tomonidan hisobot tayyorlanadi hamda strategik rejalashtirish hujjatining bevosita faoliyat natijasi (output) va natija (outcome) koʻrsatkichlari boʻyicha dastlabki monitoring amalga oshiriladi hamda Raqamli platformaga yuklanadi.

30. Agentlik tomonidan hisobot va dastlabki monitoring hujjatlariga asosan strategik rejalashtirish hujjatining bevosita faoliyat natijasi (output) va natija (outcome) koʻrsatkichlariga erishish darajasi toʻliq monitoring oʻtkazish orqali oʻrganiladi hamda topshiriqlarni toʻliq bajarmagan, kechiktirib bajargan yoki umuman ijrosini taʼminlamagan rahbar va xodimlarga nisbatan intizomiy javobgarlik choralarini qoʻllash masalalari yuzasidan Muvofiqlashtiruvchi kengashga umumlashtirilgan axborot kiritiladi.

Muvofiqlashtiruvchi kengash tomonidan zaruratga koʻra Oʻzbekiston Respublikasi Prezident Administratsiyasi yoki Vazirlar Mahkamasiga aybdor shaxslarga nisbatan choralar koʻrish boʻyicha takliflar kiritiladi.

31. Strategik rejalashtirish hujjatining amalga oshirilishini baholashda strategiyaning maqsadlari yoki undagi muayyan maqsadlarga erishilganlik darajasi, rivojlanish dinamikasi va samaradorligi, taʼsiri va barqarorligiga mazkur hujjatda belgilangan muddatlardan kelib chiqib baho beriladi.

32. Baholash Agentlik tomonidan strategik rejalashtirish hujjati yakunlangunga qadar oraliq baholashdan (zaruratga koʻra) hamda strategik rejalashtirish hujjati yakunlangandan soʻng yakuniy baholashdan oʻtkaziladi.

Oraliq va yakuniy baholash tartibi, muddatlari va baholash uchun Agentlik bilan bir qatorda qoʻshimcha masʼul tashkilot(lar), ularning vazifalari, shuningdek, baholash bilan bogʻliq xarajatlarni moliyalashtirish manbalari tegishli strategik rejalashtirish hujjatida belgilab qoʻyiladi.

33. Strategik rejalashtirish hujjatida belgilangan baholash muddatlarida, zaruratga koʻra hisobot va boshqa maʼlumotlar baholovchi tashkilot soʻroviga koʻra ijro uchun masʼul vazirlik va idora tomonidan taqdim etilishi shart.

34. Oraliq baholashda strategik rejalashtirish hujjatining yoki undagi muayyan maqsadlarga erishilayotganlik darajasi, rivojlanish samaradorligi, taʼsiri va barqarorligiga baho beriladi hamda muayyan maqsadlarni oʻzgartirish, bekor qilish yoki ularga erishish mexanizmlarini takomillashtirish, samaradorlik koʻrsatkichlariga oʻzgartirishlar kiritish boʻyicha takliflar ishlab chiqiladi.

Oraliq baholash natijalariga asosan aniqlangan kamchiliklar boʻyicha chora-tadbirlarni amalga oshirish usul va vositalariga tegishli oʻzgartirishlar kiritish boʻyicha takliflar, shuningdek, topshiriqlarni toʻliq bajarmagan, kechiktirib bajargan yoki umuman ijrosini taʼminlamagan rahbar va xodimlarga nisbatan intizomiy javobgarlik choralarini qoʻllash masalalari yuzasidan Muvofiqlashtiruvchi kengashga umumiy axborot kiritiladi.

Muvofiqlashtiruvchi kengash tomonidan zaruratga koʻra Oʻzbekiston Respublikasi Prezident Administratsiyasi yoki Vazirlar Mahkamasiga tegishli strategik rejalashtirish hujjatiga oʻzgartirish va qoʻshimchalar kiritish hamda aybdor shaxslarga nisbatan choralar koʻrish boʻyicha takliflar kiritiladi.

35. Yakuniy baholashda strategik rejalashtirish hujjatida belgilangan maqsadlarga erishilganlik darajasi, rivojlanish samaradorligi, taʼsiri va barqarorligiga baho beriladi hamda kelgusidagi muayyan strategik rejalashtirish hujjatlari boʻyicha takliflar ishlab chiqiladi.

Yakuniy baholash natijalariga asosan ishlab chiqilgan takliflar Muvofiqlashtiruvchi kengash muhokamasiga kiritiladi.

36. Oraliq yoki yakuniy baholashga masʼul tashkilot vakillari zarur hollarda, boshqa manfaatdor vazirlik va idoralar vakillarini jalb qilgan holda baholash jarayonida taqdim etilgan maʼlumotlarning haqqoniyligini uch kun ichida joyiga chiqib oʻrganishi mumkin.

Oʻrganish natijasida maʼlumotlar notoʻgʻriligi aniqlansa, bu haqda kamchilik aniqlangan tegishli vazirlik va idoralar rahbarlari kamchilik aniqlangan kundan eʼtiboran bir kun ichida ogohlantiriladi hamda baholash xulosasida ularga nisbatan tegishli choralar koʻrish yuzasidan takliflar beriladi.

5-bob. Yakunlovchi qoidalar

37. Mazkur Nizomga oʻzgartirish va qoʻshimchalar qonunchilik hujjatlarida belgilangan tartibda kiritiladi. Bunda qonunchilikda belgilangan tartibda oʻzgartirish va qoʻshimchalar kiritilgunga qadar, Agentlikning asoslantirilgan taklifiga koʻra Muvofiqlashtiruvchi kengash tomonidan mazkur Nizom predmeti doirasidagi masalalarni tartibga soluvchi qoidalardan boshqacha yoki qoʻshimcha tartib-qoidalar belgilanishi, shu jumladan, davlat organlari, vazirlik, idoralar va mahalliy ijro etuvchi hokimiyat organlariga qoʻshimcha vazifa va funksiyalar yuklatilishi mumkin.

38. Vazirlik va idoralar tomonidan Raqamli platformaga kiritilgan maʼlumotlarning haqqoniyligiga tegishli vazirlik va idoralar rahbarlari masʼul hisoblanadi.

Strategik rejalashtirishni tashkil etish, strategik rejalashtirish hujjatlarini ishlab chiqish, muvofiqlashtirish va amalga oshirilishini monitoring qilish tartibi toʻgʻrisidagi nizomga 1-ILOVA

Strategik rejalashtirish va rivojlanishning raqamli platformasi (dashboard)ning tarkibiy modullari, uning funksiyalarini taʼminlashda davlat organlari va tashkilotlarining vazifalari

T/r Modul nomi Asosiy vazifalar (funksiyalar) Masʼullar (vazirlik, idora va boshqalar) Muddatlar 1. “Maʼmuriy boshqaruv paneli” Raqamli platforma maʼmurlari va foydalanuvchilarini roʻyxatga olish, ularning foydalanishi va maʼlumot olish uchun ruxsat darajasini oʻrnatish Strategik rivojlanish va islohotlar agentligi, vazirlik va idoralar Vazirlik va idoralar soʻroviga koʻra 2. “Geoportal” Strategik rejalashtirish hujjatini ishlab chiqishda, monitoringini amalga oshirishda, hisobot va baholashda foydalanish uchun barcha vazirlik va idoralarning axborot tizimlari maʼlumotlarini yagona geoportal orqali yuritish (maʼlumotlarning yuklanishi, yangilanishi, tahlil qilinishi va monitoring qilinishining markazlashtirilgan tizimda taʼminlanishi) Strategik rivojlanish va islohotlar agentligi, Raqamli texnologiyalar vazirligi, axborot tizimlariga ega boʻlgan vazirlik va idoralar Muntazam ravishda “Strategik rejalashtirish hujjatlarining samaradorlik koʻrsatkichlarini ishlab chiqishni metodologik qoʻllab-quvvatlash va maʼlumotlarni muvofiqlashtirish” kichik moduli Vazirlik va idoralar tomonidan Geoportalga joylashtiriladigan barcha maʼlumotlar, ularning metamaʼlumotlari, atributlar roʻyxati, format, yangilanish davriyligi va axborot tuzilmasini Strategik rivojlanish va islohotlar agentligi bilan kelishish va tasdiqlash ; maʼlumotlarni standartlashtirish, yagona normativ va texnik talablar asosida yuritish; kelishilgan va taqdim etilgan maʼlumotlarga asoslangan holda samaradorlik koʻrsatkichlarini (KPI) shakllantirish. Strategik rivojlanish va islohotlar agentligi, Raqamli texnologiyalar vazirligi, vazirlik va idoralar Muntazam ravishda “Loyihalarni asoslantirish” kichik moduli Rivojlanish bilan bogʻliq dasturlarni (chora-tadbirlar, “yoʻl xaritalari”, rejalar va boshqalar) nazarda tutuvchi normativ-huquqiy hujjatlar loyihalaridagi (shu jumladan, strategik rejalashtirish hujjatlari loyihalaridagi) mablagʻ ajratilishini talab qiladigan masalalarni mazkur moduldagi maʼlumotlarga bogʻlash orqali asoslantirish (normativ-huquqiy hujjatlar loyihalari kelishish uchun yuborilgunga qadar) Loyiha tashabbuskori boʻlgan vazirlik yoki idora Loyihani ishlab chiqish boʻyicha belgilangan muddat doirasida “Asoslantirilgan loyihalarni tasdiqlash” kichik moduli Rivojlanish bilan bogʻliq dasturlarni (chora-tadbirlar, “yoʻl xaritalari”, rejalar va boshqalar) nazarda tutuvchi normativ-huquqiy hujjatlar loyihalaridagi (shu jumladan, strategik rejalashtirish hujjatlari loyihalaridagi) mablagʻ ajratilishini talab qiladigan masalalarni mazkur moduldagi maʼlumotlarga bogʻlash orqali asoslantirilganligini tasdiqlash Strategik rivojlanish va islohotlar agentligi Maʼlumotlar kelib tushgandan boshlab 3 ish kuni ichida 3. “Moliyalashtirish manbalarini tasdiqlash” Rivojlanish bilan bogʻliq dasturlarni (chora-tadbirlar, “yoʻl xaritalari”, rejalar va boshqalar) nazarda tutuvchi normativ-huquqiy hujjatlar loyihalaridagi (shu jumladan, strategik rejalashtirish hujjatlari loyihalaridagi) mablagʻ ajratilishini talab qiladigan masalalar boʻyicha moliyalashtirish manbalarini aniqlashtirish (budjet, investitsiya loyihalari, grantlar va boshqa manbalar) hamda tasdiqlash Iqtisodiyot va moliya vazirligi, Investitsiyalar, sanoat va savdo vazirligi Loyihani ishlab chiqish boʻyicha belgilangan muddat doirasida 4. “Strategik rejalashtirish hujjatlarining loyihalari” Birinchi va ikkinchi darajali strategik rejalashtirish hujjatlari loyihalarini shakllantirish, dastlabki va yakuniy sifat tekshiruvidan oʻtkazish Loyiha tashabbuskori boʻlgan vazirlik yoki idora, Strategik rivojlanish va islohotlar agentligi Loyihani ishlab chiqish boʻyicha belgilangan muddat doirasida 5. “Strategik rejalashtirish hujjatlarining asosiy samaradorlik koʻrsatkichlarini (KPI) shakllantirish” Qabul qilingan strategik rejalashtirish hujjatlarining koʻrsatkichlarini real vaqtda kuzatish uchun bazaga kiritish Strategik rivojlanish va islohotlar agentligi (birinchi va ikkinchi darajali strategik rejalashtirish hujjatlari boʻyicha), vazirlik va idora (monitoringiga masʼul boʻlgan uchinchi darajali strategik rejalashtirish hujjatlari boʻyicha) Hujjat qabul qilingandan soʻng 3 ish kuni ichida 6. “Monitoring, hisobot va oraliq baholash” Qabul qilingan strategik rejalashtirish hujjatlarining koʻrsatkichlari boʻyicha monitoring va hisobotlarni tasdiqlash, natijalarni geoportalda aks ettirish Monitoring, hisobot va oraliq baholash uchun masʼul tashkilotlar Hujjatda belgilangan muddatlarda 7. “Davlat organlari reytingi” Milliy darajadagi keng qamrovli strategik rejalashtirish hujjatlarining asosiy samaradorlik koʻrsatkichlari boʻyicha davlat organlari reytingini shakllantirish Strategik rivojlanish va islohotlar agentligi, Boshqaruv samaradorligi agentligi Har yil yakunlari boʻyicha 8. “Yakuniy baholash (Impact)” Strategik rejalashtirish hujjatida belgilangan maqsadlarga erishilganlik darajasi, rivojlanish samaradorligi, taʼsiri va barqarorligiga baho berish Yakuniy baholash uchun masʼul tashkilot Hujjatda belgilangan muddatlarda 9. “Masofaviy nazorat” Raqamli platformani integratsiya qilish orqali strategik rejalashtirish hujjatining amalga oshirilishi boʻyicha hisobotdagi tegishli maʼlumotni ijro intizomi idoralararo yagona elektron tizimida aks ettirish Hisob palatasi, Adliya vazirligi Muntazam ravishda 10. “Jamoatchilik nazorati” Keng jamoatchilikni jalb etish va jamoatchilik nazorati vositalari orqali maʼlumotlarning haqqoniyligini baholash “Yuksalish” harakati, “Taraqqiyot strategiyasi” markazi va boshqa nodavlat notijorat tashkilotlar, keng aholi qatlami Muntazam ravishda 11. “Maʼlumotlar integratsiyasi” Barcha vazirlik va idoralarning axborot tizimlari maʼlumotlarini “Elektron hukumat” orqali yagona ekotizimga ulash Raqamli texnologiyalar vazirligi, Strategik rivojlanish va islohotlar agentligi Muntazam ravishda

Strategik rejalashtirishni tashkil etish, strategik rejalashtirish hujjatlarini ishlab chiqish, muvofiqlashtirish va amalga oshirilishini monitoring qilish tartibi toʻgʻrisidagi nizomga 2-ILOVA

Strategik rejalashtirish hujjatlari loyihalarini kelishish tartibi

Bosqichlar Subyektlar Chora-tadbirlar Bajarish muddati 1-bosqich Masʼul vazirlik va idora Hujjat loyihasini ishlab chiqish boʻyicha ishchi guruh tuzish va bu haqida rasmiy veb-saytida eʼlon berish Ishchi guruhini tuzish boʻyicha qabul qilingan ichki hujjatlarda belgilangan muddatlarda 2-bosqich Ishchi guruh Strategik rejalashtirish hujjatining loyihasini ishlab chiqish va tegishli vazirlik yoki idoraning masʼul tarkibiy boʻlinmalari bilan kelishish Loyihani ishlab chiqish boʻyicha qabul qilingan ichki hujjatlarda belgilangan muddatlarda 3-bosqich Masʼul vazirlik va idora Jamoatchilik bilan maslahatlashuvlar oʻtkazish, bunda ekspert soʻrovlari, fokus guruhlar va mutaxassis fikrlari orqali asosiy muammolar va yechimlarga eʼtibor qaratish hamda tahlil qilish Loyihani ishlab chiqish boʻyicha qabul qilingan ichki hujjatlarda belgilangan muddatlarda 4-bosqich Masʼul vazirlik va idora Loyihada belgilangan mablagʻ ajratilishini talab qiladigan masalalarni Strategik rejalashtirish va rivojlanishning raqamli platformasi (dashboard) “Geoportal” modulidagi maʼlumotlarga bogʻlash orqali asoslantirish va moliyalashtirish manbalarini kiritish Loyihani ishlab chiqish boʻyicha qabul qilingan ichki hujjatlarda belgilangan muddatlarda 5-bosqich Strategik rivojlanish va islohotlar agentligi Loyihada belgilangan mablagʻ ajratilishini talab qiladigan masalalarni Strategik rejalashtirish va rivojlanishning raqamli platformasi (dashboard) “Geoportal” modulidagi maʼlumotlarga bogʻlash orqali asoslantirilganligini tasdiqlash 5 ish kunida 6-bosqich Iqtisodiyot va moliya vazirligi, Investitsiyalar, sanoat va savdo vazirligi Loyihada belgilangan tadbirlarni (islohotlarni) amalga oshirish va kutilayotgan oʻzgarishlarga erishish uchun zarur boʻlgan moliyaviy xarajatlar va moliyalashtirish manbalarini Strategik rejalashtirish va rivojlanishning raqamli platformasi (dashboard) orqali tasdiqlash 5 ish kunida 7-bosqich Masʼul vazirlik va idora Dastlabki sifat tekshiruvidan oʻtkazish maqsadida loyihani Strategik rivojlanish va islohotlar agentligiga yuborish Loyihani ishlab chiqish boʻyicha qabul qilingan ichki hujjatlarda belgilangan muddatlarda 8-bosqich Strategik rivojlanish va islohotlar agentligi Loyihani qonunchilik hujjatlarida belgilangan tartibda dastlabki sifat tekshiruvidan oʻtkazish, zaruratga koʻra mazkur jarayonga ilmiy-tadqiqot va tahlil tuzilmalarini jalb etish hamda inobatga olinishi majburiy boʻlgan xulosa berish Loyiha kelib tushgan kundan boshlab 10 ish kunida 9-bosqich Masʼul vazirlik va idora Dastlabki sifat tekshiruvi xulosasiga asosan loyihaga tegishli oʻzgartirish kiritish hamda qonunchilik hujjatlarida normativ-huquqiy hujjatlar loyihalarini ishlab chiqish va kelishish boʻyicha belgilangan tartib-qoidalarga muvofiq zarur bosqichlarni (loyihani kelishish, tartibga solish taʼsirini baholash, keng jamoatchilik muhokamasidan oʻtkazish, Adliya vazirligida huquqiy ekspertizadan oʻtkazish va boshqalar) amalga oshirish Loyiha Agentlikdan qaytganidan soʻng 3 ish kunida 10-bosqich Masʼul vazirlik va idora Adliya vazirligining huquqiy ekspertizasi xulosasi olingandan soʻng yakuniy sifat tekshiruvidan oʻtkazish uchun loyihani Strategik rivojlanish va islohotlar agentligiga kiritish Adliya vazirligi xulosasi olinganidan soʻng 5 ish kuni ichida 11-bosqich Strategik rivojlanish va islohotlar agentligi Loyihani qonunchilik hujjatlarida belgilangan tartibda yakuniy sifat tekshiruvidan oʻtkazish, zaruratga koʻra mazkur jarayonga ilmiy-tadqiqot va tahlil tuzilmalarini jalb etish hamda inobatga olinishi majburiy boʻlgan xulosa berish 3 ish kunida 12-bosqich Masʼul vazirlik va idora Strategik rejalashtirish hujjati loyihasini Oʻzbekiston Respublikasi Prezidenti Administratsiyasi yoki Vazirlar Mahkamasiga kiritish Qonunchilik hujjatlarida belgilangan muddatlarda

Strategik rejalashtirishni tashkil etish, strategik rejalashtirish hujjatlarini ishlab chiqish, muvofiqlashtirish va amalga oshirilishini monitoring qilish tartibi toʻgʻrisidagi nizomga 3-ILOVA

Strategik rejalashtirish hujjatlari loyihasining belgilangan talablarga muvofiq ishlab chiqilganligini oʻrganish boʻyicha nazorat varaqasi

a) Birinchi darajali strategik rejalashtirish hujjatlari boʻyicha:

1. Strategik rejalashtirish hujjati loyihasining nomi Amal qilish muddati (Strategik rejalashtirish hujjati loyihasining sifati boʻyicha umumiy sharhlar va tavsiyalar) T/r Hujjat mazmuni va tuzilishiga qoʻyiladigan talablar Baholash shakli Ha Yoʻq 2. Strategik rejalashtirish hujjati loyihasining iyerarxiyaga muvofiqligi 2.1. Loyihaning boshqa 1-darajali strategik rejalashtirish hujjatlariga muvofiqligi (Izoh/Taklif/Tavsiya: Konsepsiya loyihasining amaldagi 1-darajali strategik rejalashtirish hujjatlarida belgilangan ustuvor maqsadlar va vazifalar bilan uygʻunligi) 2.2. Loyihaning amaldagi 2-darajali strategik rejalashtirish hujjatlariga muvofiqligi va ularni shakllantirishdagi roli (Izoh/Taklif/Tavsiya: Konsepsiya loyihasida amaldagi mamlakat, tarmoq, soha va hududiy strategiyalar bilan ziddiyatlar mavjud yoki mavjud emasligi, shuningdek, ular bilan oʻzaro uygʻunlashgan taʼsirni taʼminlash imkoniyatlari hamda kelgusi yillarga moʻljallangan 2-darajali strategik rejalashtirish hujjatlarini ishlab chiqish uchun yaratilgan metodologik va strategik asoslar bayon etilgani) 2.3. Loyihaning amaldagi 3-darajali strategik rejalashtirish hujjatlariga muvofiqligi va ularni shakllantirishdagi ahamiyati (Izoh/Taklif/Tavsiya: “Oʻzbekiston — 2030” strategiyasini amalga oshirish chora-tadbirlari, mexanizmlari tizimi hamda kelgusi yillarga moʻljallangan davlat dasturlarini ishlab chiqish uchun yaratilgan metodologik va strategik asoslar bayon etilgani) 3. Strategik rejalashtirish hujjati loyihasining belgilangan minimal talablarga muvofiqligi 3.1. Mavjud vaziyat va muammolarni tahlil qilish 3.1.1. Tayanch atamalar va tushunchalar taʼriflarining mavjudligi (Izoh/Taklif/Tavsiya:) 3.1.2. Joriy holat tahlili toʻliq, asoslangan va ishonchli statistik maʼlumotlar hamda faktlarga tayangan holda bayon etilgani (Izoh/Taklif/Tavsiya:) 3.1.3. Loyihada joriy tizimda mavjud muammolar, xavf-xatarlar va toʻsiqlar ochib berilgani (Tizimli muammolar, institutsional cheklovlar, tashqi va ichki xavf-xatarlar va amalga oshirishdagi potensial toʻsiqlar obyektiv va toʻliq aniqlangani baholanadi) (Izoh/Taklif/Tavsiya:) 3.1.4. Muammolar, xavf-xatarlar va toʻsiqlarni keltirib chiqargan sabablar va omillar oʻrganilgani (Izoh/Taklif/Tavsiya:) 3.1.5. Tashqi muhit (ijtimoiy, siyosiy, texnologik, xalqaro va boshqalar) hisobga olingani (Izoh/Taklif/Tavsiya:) 3.1.6. Tahlil asosida konsepsiyani qabul qilishning zarurati asoslantirilgani (Izoh/Taklif/Tavsiya:) 3.2. Konseptual gʻoya, maqsadlar va vazifalar boʻyicha 3.2.1. Muammolar va konseptual gʻoya oʻrtasidagi bogʻliqlik mantiqan toʻgʻri bayon etilgani (Izoh/Taklif/Tavsiya:) 3.2.2. Konseptual (asosiy) gʻoya va uning falsafiy mazmuni aniq ifodalangani (Izoh/Taklif/Tavsiya:) 3.2.3. Konseptual gʻoya qisqa, aniq va ravshan bayon etilgani hamda jamiyatni muayyan taraqqiyot sari yoʻnaltirishga qaratilgani (Izoh/Taklif/Tavsiya:) 3.2.4. Loyihaning asosiy maqsad va vazifalari eʼlon qilingan qarashlarga hamda xalqaro majburiyatlarga mosligi (Izoh/Taklif/Tavsiya:) 3.2.5. Loyihaning vazifalari maqsadga bosqichma-bosqich erishishni taʼminlashga hamda faoliyatning ustuvor yoʻnalishlarini belgilashga qaratilgani (Izoh/Taklif/Tavsiya:) 3.3. Prinsiplar, yondashuvlar va asosiy yoʻnalishlar 3.3.1. Prinsiplarni shakllantirishda jamiyat va davlatning eng muhim qadriyatlari inobatga olingani va aks ettirilgani (Izoh/Taklif/Tavsiya:) 3.3.2. Prinsiplarning konseptual gʻoya, maqsad va vazifalarga muvofiqligi (Izoh/Taklif/Tavsiya:) 3.3.3. Prinsiplarning tushunarli bayon etilgani va amalda qoʻllash imkoniyati mavjudligi (Izoh/Taklif/Tavsiya:) 3.3.4. Konsepsiyani amalga oshirishning asosiy yoʻnalishlari belgilangani (Izoh/Taklif/Tavsiya:) 3.3.5. Kutilayotgan taʼsirlar va amalga oshirishning umumiy yoʻnalishlari tavsifi mavjudligi (Izoh/Taklif/Tavsiya:) 3.3.6. Yoʻnalishlarni joriy etishda mantiqiy asoslangan ketma-ketlik va bosqichma-bosqichlik taʼminlangani (Izoh/Taklif/Tavsiya:) 3.4. Kutilayotgan natijalar 3.4.1. Loyihaning amalga oshirilishi natijasida kutilayotgan natijalar ifoda etilgani (Izoh/Taklif/Tavsiya:) 3.5. Monitoring va hisobot berish 3.5.1. Konsepsiya ijrosi boʻyicha hisobot berish, umumlashtirilgan hisobotlarni tayyorlash va monitoring uchun masʼul tashkilotlarning belgilangani (Izoh/Taklif/Tavsiya:) 3.5.2. Hisobot berish va monitoring muddatlari va davriyligi belgilangani (Izoh/Taklif/Tavsiya:) 3.5.3. Hisobot berish shakllari koʻrsatilgani (Izoh/Taklif/Tavsiya:)

b) Ikkinchi darajali strategik rejalashtirish hujjatlari boʻyicha:

1. Strategik rejalashtirish hujjati loyihasining nomi Amal qilish muddati (Strategik rejalashtirish hujjati loyihasining sifatiga umumiy sharhlar, rejalashtirish tamoyillari va sikli boʻyicha asosiy tavsiyalar) T/r Hujjat mazmuni va tuzilishiga qoʻyiladigan talablar Baholash shakli Ha Yoʻq 2. Strategik rejalashtirish hujjati loyihasining iyerarxiyaga muvofiqligi 2.1. 1-darajali strategik rejalashtirish hujjatlariga muvofiqligi (Izoh/Taklif/Tavsiya: strategik rejalashtirish hujjati loyihasida 1-darajali strategik rejalashtirish hujjatlarining maqsad va vazifalariga erishishga qanday hissa qoʻshishi ochib beriladi) 2.2. 2-darajali strategik rejalashtirish hujjatlariga muvofiqligi (Izoh/Taklif/Tavsiya: boshqa 2-darajali strategiyalar bilan ziddiyatlar, shuningdek, ular bilan birlashtirilgan taʼsir mavjudligi yoki mavjud emasligi ochib beriladi) 2.3. 3-darajali hujjatlarga, xususan, “Oʻzbekiston — 2030” strategiyasini amalga oshirish chora-tadbirlari va mexanizmlari tizimini va mamlakatni keyingi yillarga moʻljallangan rivojlantirish strategiyasini belgilovchi davlat dasturlariga muvofiqligi (Izoh/Taklif/Tavsiya:) 3. Strategik rejalashtirish hujjati loyihasining belgilangan minimal talablarga muvofiqligi 3.1. Mavjud vaziyat va muammolarni tahlil qilish 3.1.1. Joriy holat tahlili toʻliq, asoslangan va ishonchli statistik maʼlumotlar hamda faktlarga tayangan holda bayon etilgani (Izoh/Taklif/Tavsiya:) 3.1.2. Loyihada joriy tizimda mavjud muammolar ochib berilgani (Izoh/Taklif/Tavsiya:) 3.1.3. Muammolarni keltirib chiqargan sabablar va omillar oʻrganilgani (Izoh/Taklif/Tavsiya:) 3.1.4. Muammolarni bartaraf etish boʻyicha loyihani ishlab chiqishdan oldingi davrda koʻrilgan chora-tadbirlar tahlilining mavjudligi (Izoh/Taklif/Tavsiya:) 3.1.5. Muammolarning xavflilik darajasi va ulardan kelib chiqishi mumkin boʻlgan oqibatlar oʻrganilgani (Izoh/Taklif/Tavsiya:) 3.2. Ustuvor yoʻnalishlar, maqsadlar va vazifalar boʻyicha 3.2.1. Tanlangan ustuvor yoʻnalishlar, maqsadlar va vazifalar mavjud vaziyatni tahlil qilish jarayonida aniqlangan muammolarni bartaraf etishga qaratilgani (Izoh/Taklif/Tavsiya:) 3.2.2. Tanlangan ustuvor yoʻnalishlar, maqsadlar va vazifalar strategik rejalashtirish hujjatlarida belgilangan talablarga, shuningdek, amaldagi davlat siyosatining maqsad va vazifalariga mos kelishi (Izoh/Taklif/Tavsiya:) 3.2.3. Har bir tanlangan ustuvor yoʻnalishlar, maqsadlar va vazifalar har bir darajadagi samaradorlik koʻrsatkichlariga egaligi (Izoh/Taklif/Tavsiya:) 3.3. Samaradorlik koʻrsatkichlari boʻyicha 3.3.1. Strategik maqsadning taʼsir (impact) koʻrsatkichiga egaligi (Izoh/Taklif/Tavsiya:) 3.3.2. Har bir aniq vazifa kamida bitta aniq natija (outcome) koʻrsatkichiga egaligi (Izoh/Taklif/Tavsiya:) 3.3.3. Taʼsir (impact) koʻrsatkichlari va natija (outcome) koʻrsatkichlarining aniq, oʻlchanadigan boʻlishi va maqsadlarga erishish uchun mosligi (Izoh/Taklif/Tavsiya:) 3.3.4. Har bir samaradorlik koʻrsatkichi uchun amaldagi, oraliq va yakuniy koʻrsatkichlar mavjudligi (Izoh/Taklif/Tavsiya:) 3.4. Ustuvor yoʻnalishlar, maqsadlar va vazifalarni amalga oshirishga qaratilgan harakatlar (chora-tadbirlar)ni rejalashtirish boʻyicha 3.4.1. Harakatlar (chora-tadbirlar) rejalarida koʻrsatilgan tadbirlarning loyihada koʻrsatilgan ustuvor yoʻnalishlar, maqsadlar va vazifalarga muvofiqligi (Izoh/Taklif/Tavsiya:) 3.4.2. Tadbirlarni amalga oshirishga masʼul ijrochining belgilangani (Izoh/Taklif/Tavsiya:) 3.4.3. Tadbirlarni amalga oshirish boʻyicha aniq muddat belgilangani (Izoh/Taklif/Tavsiya:) 3.4.4. Har bir chora-tadbir (faoliyat) uchun samaradorlik koʻrsatkichlari (bevosita faoliyat natijasi (output) ishlab chiqilgani (Izoh/Taklif/Tavsiya:) 3.4.5. Natija (outcome) koʻrsatkichlari va aniq vazifalar bilan bogʻliq boʻlgan bevosita faoliyat natijasi (output) koʻrsatkichlari oʻrtasida aniq mantiqiy bogʻliqlik mavjudligi (Izoh/Taklif/Tavsiya:) 3.4.6. Har bir faoliyat (tadbir) uchun zarur mablagʻlar va moliyalashtirish manbalari koʻrsatilgani (Izoh/Taklif/Tavsiya:) 3.5. Strategik rejalashtirish hujjati loyihasini tayyorlashdagi moliyaviy hisob-kitoblar boʻyicha 3.5.1. Moliyalashtirish miqdori va manbalarining koʻrsatilgani (Izoh/Taklif/Tavsiya:) 3.5.2. Moliyalashtirishda resurslarning taqsimlangani (Izoh/Taklif/Tavsiya:) 3.5.3. Moliyalashtirish jarayonida xorijiy investitsiyalarni jalb qilish imkoniyati oʻrganilgani (Izoh/Taklif/Tavsiya:) 3.5.4. Moliyalashtirish jarayonida davlat-xususiy sheriklik imkoniyatlari oʻrganilgani (Izoh/Taklif/Tavsiya:) 3.5.5. Moliyalashtirish jarayonlarining shaffofligini taʼminlashga qaratilgan choralar mavjudligi (Izoh/Taklif/Tavsiya:) 3.6. Strategik rejalashtirish hujjati loyihasida monitoring va hisobot mexanizmlarining nazarda tutilganligi boʻyicha 3.6.1. Loyihada samaradorlik koʻrsatkichlarining amalga oshirilishi va ijrosini muvofiqlashtirish, ularni tahlil qilish uchun zarur maʼlumotlar, ushbu maʼlumotlarni toʻplash mexanizmlari koʻrsatilgani (Izoh/Taklif/Tavsiya:) 3.6.2. Hujjat ijrosi boʻyicha hisobot berish, umumlashtirilgan hisobotlarni tayyorlash va monitoring uchun masʼul tashkilotlarning belgilangani (Izoh/Taklif/Tavsiya:) 3.6.3. Hisobot berish muddatlari va davriyligi belgilangani (Izoh/Taklif/Tavsiya:) 3.6.4. Hisobot berish shakllari koʻrsatilgani (Izoh/Taklif/Tavsiya:) 3.7. Baholash boʻyicha 3.7.1. Loyihada natijalarni baholash mexanizmlari nazarda tutilgani (Izoh/Taklif/Tavsiya:) 3.7.2. Baholash tashqi tashkilot (mustaqil baholovchi) tomonidan amalga oshirilsa, moliyalashtirish miqdori va manbalari koʻrsatilgani (Izoh/Taklif/Tavsiya:) 3.7.3. Loyihada natijalarni baholash va hisobdorlikni taʼminlash jarayonlarini raqamlashtirish choralari koʻrilgani (Izoh/Taklif/Tavsiya:)

v) Uchinchi darajali strategik rejalashtirish hujjatlari boʻyicha:

1. Strategik rejalashtirish hujjati loyihasining nomi Amal qilish muddati (Strategik rejalashtirish hujjati loyihasining sifatiga umumiy sharhlar va tavsiyalar) T/r Hujjat mazmuni va tuzilishiga qoʻyiladigan talablar Baholash shakli Ha Yoʻq 2. Strategik rejalashtirish hujjatining iyerarxiyaga muvofiqligi 2.1. 1-darajali strategik rejalashtirish hujjatlariga muvofiqligi (Izoh/Taklif/Tavsiya:) (strategik rejalashtirish hujjati loyihasida 1-darajali strategik rejalashtirish hujjatlarining maqsadlar va vazifalariga erishishga qanday hissa qoʻshishi ochib beriladi) 2.2. 2-darajali strategik rejalashtirish hujjatlariga muvofiqligi (Izoh/Taklif/Tavsiya:) (boshqa 2-darajali strategiyalar bilan ziddiyatlar, shuningdek, ular bilan birlashtirilgan taʼsir mavjudligi yoki mavjud emasligi ochib beriladi) 2.3. 3-darajali hujjatlarga, xususan, “Oʻzbekiston — 2030” strategiyasini amalga oshirish chora-tadbirlari va mexanizmlari tizimini va mamlakatni keyingi yillarga moʻljallangan rivojlantirish strategiyasini belgilovchi davlat dasturlariga muvofiqligi (Izoh/Taklif/Tavsiya:) 3. Strategik rejalashtirish hujjati loyihasining belgilangan minimal talablarga muvofiqligi 3.1. Chora-tadbirlarni rejalashtirish boʻyicha 3.1.1. 2-darajali strategik rejalashtirish hujjatlaridagi maqsad va vazifalar, ularga tegishli samaradorlik koʻrsatkichlarining koʻrsatilgani (Izoh/Taklif/Tavsiya:) 3.1.2. 2-darajali strategik rejalashtirish hujjatlaridagi chora-tadbirlarning batafsil yoritib berilganligi (Izoh/Taklif/Tavsiya:) 3.1.3. Tadbirlarni amalga oshirishga masʼul ijrochining belgilangani (Izoh/Taklif/Tavsiya:) 3.1.4. Tadbirlarni amalga oshirish boʻyicha aniq muddatning belgilangani (Izoh/Taklif/Tavsiya:) 3.1.5. Har bir chora-tadbir (faoliyat) uchun samaradorlik koʻrsatkichlari mavjudligi (Izoh/Taklif/Tavsiya:) 3.1.6. Har bir chora-tadbir uchun zarur mablagʻlar va moliyalashtirish manbalari koʻrsatilgani (Izoh/Taklif/Tavsiya:) 3.2. Strategik rejalashtirish hujjatlari loyihasi monitoringi va hisoboti boʻyicha 3.2.1. Loyihada samaradorlik koʻrsatkichlarining amalga oshirilishi va ijrosini muvofiqlashtirish, ularni tahlil qilish uchun zarur maʼlumotlar, ushbu maʼlumotlarni toʻplash mexanizmlari koʻrsatilgani (Izoh/Taklif/Tavsiya:) 3.2.2. Hujjat ijrosi boʻyicha hisobot berish, umumlashtirilgan hisobotlarni tayyorlash va monitoring uchun masʼul tashkilotlarning belgilangani (Izoh/Taklif/Tavsiya:) 3.2.3. Hisobot berish muddatlari va davriyligi belgilangani (Izoh/Taklif/Tavsiya:) 3.2.4. Hisobot berish shakllari koʻrsatilgani (Izoh/Taklif/Tavsiya:)

Strategik rejalashtirishni tashkil etish, strategik rejalashtirish hujjatlarini ishlab chiqish, muvofiqlashtirish va amalga oshirilishini monitoring qilish tartibi toʻgʻrisidagi nizomga 4-ILOVA

Strategik rejalashtirish hujjatini amalga oshirish boʻyicha chora-tadbirlar rejasi

“Oʻzbekiston — 2030” strategiyasining maqsadi va samaradorlik koʻrsatkichi: Strategik rejalashtirish hujjatining umumlashgan hisoboti uchun masʼul tashkilot: Strategik rejalashtirish hujjatining maqsadi: Strategik rejalashtirish hujjatining taʼsir (impact) koʻrsatkichi Oʻlchov birligi Hisoblash formulasi Amaldagi koʻrsatkich (eng oxirgi dolzarb koʻrsatkich) Oraliq koʻrsatkichlar (yillar kesimida) Strategik rejalashtirish hujjati ni amalga oshirish yakunidagi maqsadli koʻrsatkich Maʼlumot manbasi va taqdim etishga masʼul tashkilot Maʼlumot taqdim etish davriyligi Strategik rejalashtirish hujjatining vazifasi Strategik rejalashtirish hujjatining natija (outcome) koʻrsatkichi Oʻlchov birligi Hisoblash formulasi Amaldagi koʻrsatkich (eng oxirgi dolzarb koʻrsatkich) Oraliq koʻrsatkichlar (yillar kesimida) Strategik rejalashtirish hujjati ni amalga oshirish yakunidagi maqsadli koʻrsatkich Maʼlumot manbasi va taqdim etishga masʼul tashkilot Maʼlumot taqdim etish davriyligi Chora-tadbirlar va b yevosita faoliyat natijasi koʻrsatkichlari (output) Chora-tadbirlar nomi Mazkur chora-tadbirni amalga oshirishning bevosita faoliyat natijasi koʻrsatkichi (output) Oʻlchov birligi Amaldagi koʻrsatkich (eng oxirgi dolzarb koʻrsatkich) Yakuniy koʻrsatkich Moliyalashtirish hajmi va manbasi Chora-tadbirlar ijrosiga masʼul tashkilot/idora Maʼlumot manbasi va taqdim etishga masʼul tashkilot Bajarish muddati

Oʻzbekiston Respublikasi Prezidentining 2025-yil 29-dekabrdagi PQ-394-son qaroriga 2-ILOVA

Vazirlik va idoralarning strategik rejalashtirish boʻyicha tarkibiy boʻlinmalari shtat birliklarini maqbullashtirish hisobiga Strategik rivojlanish va islohotlar agentligiga ajratilayotgan shtat birliklari soni

T/r Vazirlik va idora nomi Agentlikka oʻtkaziladigan shtat birliklari soni 1. Investitsiyalar, sanoat va savdo vazirligi 5 2. Qishloq xoʻjaligi vazirligi 1 3. Kambagʻallikni qisqartirish va bandlik vazirligi 1 4. Qurilish va uy-joy kommunal xoʻjaligi vazirligi 1 5. Oliy taʼlim, fan va innovatsiyalar vazirligi 1 6. Soliq qoʻmitasi 1 Jami 10

Oʻzbekiston Respublikasi Prezidentining 2025-yil 29-dekabrdagi PQ-394-son qaroriga 3-ILOVA

Oʻzbekiston Respublikasi Prezidenti huzuridagi Strategik rivojlanish va islohotlar agentligining

Oʻzbekiston Respublikasi Prezidenti huzuridagi Strategik rejalashtirish va rivojlanish boʻyicha muvofiqlashtiruvchi kengash Direktor Maslahatchi Direktorning birinchi oʻrinbosari Direktor oʻrinbosari Direktor oʻrinbosari Strategik rejalashtirish tizimini muvofiqlashtirish shoʻbasi Soha va tarmoqlarni strategik rejalashtirish va rivojlantirish shoʻbasi Hududlarni strategik rejalashtirish va rivojlantirish shoʻbasi Ilgʻor xorijiy tajriba, ilmiy-tadqiqot va amaliyot natijalarini oʻrganish shoʻbasi Islohotlar samaradorligini monitoring qilish va baholash shoʻbasi Axborot-tahlil va tashkiliy masalalar shoʻbasi kadrlar bilan ishlash guruhi Tahlil va tadqiqotlar shoʻbasi Strategik rivojlanish boʻyicha vazifalar ijrosini nazorat qilish shoʻbasi Xorijiy ekspertlar, konsultant va maslahatchilarni jalb etish jarayonlarini muvofiqlashtirish shoʻbasi Muvofiqlashtiruvchi kengash faoliyatini tashkil qilish shoʻbasi Moliya-xoʻjalik shoʻbasi Bosh buxgalter moddiy taʼminot va xoʻjalik ishlari guruhi Meʼyoriy-huquqiy hujjatlar loyihalarini ekspertiza qilish shoʻbasi Xalqaro hamkorlikni rivojlantirish boʻyicha loyiha ofislari Tarmoqlarni rivojlantirish boʻyicha loyiha ofislari Hududlarni rivojlantirish boʻyicha loyiha ofislari Komplayens xizmati Birinchi boʻlim Jamoatchilik bilan aloqalar shoʻbasi

Oʻzbekiston Respublikasi Prezidentining 2025-yil 29-dekabrdagi PQ-394-son qaroriga 4-ILOVA

Vazirlik va idoralarning strategik rejalashtirish boʻyicha tarkibiy boʻlinmalari, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining axborot-tahlil guruhlari faoliyatining asosiy yoʻnalishlari va uni yoʻlga qoʻyishning boshqa tashkiliy masalalariga oid tartib-taomillar

1. Vazirlik va idoralarning strategik rejalashtirish boʻyicha tarkibiy boʻlinmalari hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining axborot-tahlil guruhlari (keyingi oʻrinlarda — Tarkibiy boʻlinmalar) tegishli tashkilotga yuklatilgan vazifalarning samarali bajarilishini taʼminlashga yoʻnaltirilgan strategik rejalashtirish tizimini tashkil etish, uning hujjatlarini ishlab chiqish, muvofiqlashtirish va amalga oshirilishini monitoring qilishga masʼul hisoblanadi.

Mazkur tartib-taomillar tatbiq etiladigan vazirlik va idoralar (milliy darajadagi, respublika darajasidagi (vazirliklar, alohida maqomga ega mustaqil respublika ijro etuvchi hokimiyat organlari) va hududiy darajadagi davlat organlari va tashkilotlari) roʻyxati Oʻzbekiston Respublikasi Prezidenti huzuridagi Strategik rejalashtirish va rivojlanish boʻyicha muvofiqlashtiruvchi kengash (keyingi oʻrinlarda — Muvofiqlashtiruvchi kengash) tomonidan tasdiqlanadi.

2. Vazirliklar hamda alohida maqomga ega mustaqil respublika ijro etuvchi hokimiyat organlarida Tarkibiy boʻlinmalar Strategik rejalashtirish va axborot-tahlil boʻlinmasi (departamenti, boshqarmasi, boʻlimi) etib tashkil etiladi hamda mustaqil boʻlinma sifatida bevosita tashkilotning birinchi rahbariga boʻysunadi.

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarida strategik rejalashtirish faoliyatini tashkil etish va muvofiqlashtirishga ularning tuzilmasidagi axborot-tahlil guruhlari masʼul hisoblanadi.

3. Quyidagilar Tarkibiy boʻlinmalar faoliyatining asosiy yoʻnalishlari va vazifalari etib belgilanadi:

tegishincha vazirlik va idora, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarida strategik rejalashtirish tizimining joriy qilinishi va amalga oshirilishini hamda ularning axborot-tahliliy faoliyatini muvofiqlashtirish;

vazirlik va idora, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan strategik rejalashtirish hujjatlari loyihalarini ishlab chiqishda ularning strategik rejalashtirishning asosiy prinsiplari va talablariga, shu jumladan, strategik rejalashtirish hujjatlari iyerarxiyasiga muvofiqligini taʼminlash;

strategik rejalashtirish hujjatlari ijrosini monitoring qilish va hisobotlar tayyorlash jarayonlarini muvofiqlashtirish, tayyorlangan hisobotlarni oʻrganib borish;

strategik rejalashtirish hujjatlari ijrosini monitoring qilish natijalari asosida ularning maqsad va vazifalariga zarur tuzatishlar kiritish hamda hujjatlarni yangilash boʻyicha takliflar ishlab chiqish;

“Oʻzbekiston — 2030” strategiyasida tegishli tashkilot masʼul boʻlgan maqsadlarga erishish holatini doimiy baholab borish, samaradorlik koʻrsatkichlari boʻyicha natijalarni tahlil qilish, joriy holatdan kelib chiqqan holda mavjud muammolarni aniqlash va ularni bartaraf etishga qaratilgan asoslangan takliflarni shakllantirish;

sohaviy ustuvor yoʻnalishlar, maqsadli koʻrsatkichlar va kutilayotgan natijalarni inobatga olgan holda “Oʻzbekiston — 2030” strategiyasini amalga oshirishga oid qabul qilinadigan har yilgi davlat dasturlari loyihalariga kiritilishi zarur boʻlgan tashabbuslar yuzasidan asoslangan takliflar tayyorlash;

tegishli vazirlik va idora, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan tarkibiy islohotlarni samarali amalga oshirish uchun malakali xorijiy konsultant va ekspertlarni, shu jumladan, xalqaro moliya institutlari va xorijiy hukumat moliya tashkilotlarini hamda konsalting kompaniyalarni oʻz mablagʻlari yoki budjet mablagʻlari, grantlar va boshqa manbalar hisobidan jalb etish ishlarini tashkillashtirish va muvofiqlashtirish;

aholi manfaatlarini taʼminlashga qaratilgan ustuvor tashabbuslar, sohaviy muammolar va istiqboldagi maqsadlar asosida Oʻzbekiston Respublikasi Prezidentining Oliy Majlis va Oʻzbekiston xalqiga yoʻllanadigan Murojaatnoma loyihasiga kiritish uchun tegishli takliflarni shakllantirib borish;

strategik rejalashtirish hujjatlari va hisobotlarni tizimli ravishda saqlash.

4. Vazirlik va idoralardagi Tarkibiy boʻlinmalarga:

vazirlik va idoralarning uch yilga moʻljallangan ish rejalarini strategik maqsadlar hamda moliyaviy imkoniyatlarga muvofiqligini taʼminlagan holda ishlab chiqish va ularning amalga oshirilishini nazorat qilish;

hududlarni rivojlantirish boʻyicha strategik rejalashtirish hujjatlarini ishlab chiqishda ishtirok etish hamda Oʻzbekiston Respublikasi Prezidenti huzuridagi Strategik rivojlanish va islohotlar agentligi (keyingi oʻrinlarda — Agentlik)da dastlabki sifat tekshiruvidan oʻtkazishda taklif va mulohazalarini bildirish vazifalari ham yuklatiladi.

5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklaridagi Tarkibiy boʻlinmalarga:

tegishli hududni rivojlantirish boʻyicha koʻp yillik strategik rejalashtirish hujjatlarini ishlab chiqish, ularning amalga oshirilishini monitoring qilish va hisobot tayyorlanishini muvofiqlashtirish;

tuman (shahar)larni rivojlantirish boʻyicha uch yilga moʻljallangan kompleks dasturlar ishlab chiqilishini muvofiqlashtirish;

soha yoki tarmoqlarni rivojlantirish boʻyicha strategik rejalashtirish hujjatlarini ishlab chiqishda ishtirok etish va Agentlikda dastlabki sifat tekshiruvidan oʻtkazishda taklif va mulohazalar bildirish vazifalari ham yuklatiladi.

6. Vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan Tarkibiy boʻlinmalarga ularning faoliyat yoʻnalishlariga kirmaydigan topshiriqlarni berish, qonunchilik hujjatlarida nazarda tutilmagan vazifa va funksiyalarni yuklatishga, shuningdek, ularning zimmasidagi vazifa va funksiyalarni hamda vakolati doirasiga kiruvchi masalalarni toʻliq yoki qisman boshqa tarkibiy tuzilmalarga, loyiha ofislariga oʻtkazishga yoʻl qoʻyilmaydi.

Bunda vazirlar, alohida maqomga ega mustaqil respublika ijro etuvchi hokimiyat organlari rahbarlari hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining faoliyatini strategik vazifalarni hal etishga yoʻnaltirish hamda kunlik (joriy) ish yuklamasini maqbullashtirish maqsadida ular faoliyatini huquqiy, tashkiliy-texnik, axborot-tahlil, nazorat va protokol jihatdan taʼminlaydigan rahbar kotibiyati yoki ijro apparati tarkibiy boʻlinma tashkil qilinishi mumkin.

7. Tarkibiy boʻlinmalar faoliyatini tartibga soluvchi, ularning vazifa va funksiyalari, huquq va majburiyatlarini belgilab beradigan namunaviy nizom Muvofiqlashtiruvchi kengash tomonidan tasdiqlanadi.

8. Tarkibiy boʻlinmalar xodimlari lavozimlarini egallash uchun kamida 5 yillik ish stajiga ega boʻlgan va xorijiy tillarda erkin soʻzlasha oladigan nomzodlarga ustuvorlik beriladi, shuningdek, nomzodlardan quyidagi yoʻnalishlarda bilim va koʻnikmalarga ega boʻlish talab etiladi:

tahlil va prognozlashtirish — sohaviy rivojlanish tendensiyalarini tahlil qilish va baholash, ssenariy hisob-kitoblarini amalga oshirish, ehtimoliy xavf-xatarlarni aniqlash va baholash;

axborot-tahliliy maʼlumotnomalar tayyorlash — aniq va mantiqiy asoslangan tahliliy maʼlumotlar, xulosalar va takliflar ishlab chiqish, strategik rejalashtirish va strategik islohotlarni nazarda tutuvchi normativ-huquqiy hujjatlar loyihalariga oid axborot-tahliliy maʼlumotlarni tayyorlash;

zamonaviy tahlil instrumentlaridan foydalanish — “SWOT”, “PESTEL”, “GAP” va boshqa tahlil instrumentlaridan foydalangan holda vaziyatni tizimli tahlil qilish, muammolar va imkoniyatlarni aniqlash;

tahliliy maʼlumotlar bilan ishlash, raqamli instrumentlardan foydalanish — Elektron hukumatning markaziy maʼlumotlar bazalari, rasmiy statistika maʼlumotlari bazalari, vazirlik va idoralarning maʼmuriy maʼlumotlari va boshqa maʼlumotlar bazalari bilan ishlash;

xorijiy tajriba va xalqaro reytinglar metodologiyasini bilish — sohaviy va global tendensiyalarni oʻrganish, tegishli reytinglar va indekslar boʻyicha tahlil tayyorlash.

9. Tarkibiy boʻlinmalar rahbarlari:

strategik rejalashtirish boʻyicha rahbarning maslahatchisi maqomiga ega boʻladi hamda toʻgʻridan-toʻgʻri tegishli vazirlik va idora rahbariga, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga boʻysunadi;

mehnatga haq toʻlash va tibbiy xizmat koʻrsatish shartlariga koʻra tegishli davlat organi va tashkiloti rahbarining oʻrinbosariga tenglashtiriladi;

Muvofiqlashtiruvchi kengash tomonidan belgilangan tartibda Agentlik bilan kelishilgan holda lavozimga tayinlanadi va lavozimidan ozod etiladi;

har uch yilda Muvofiqlashtiruvchi kengash tomonidan belgilangan tartibda Agentlikda attestatsiyadan oʻtkaziladi.

10. Vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining budjetdan tashqari mablagʻlari hisobidan Tarkibiy boʻlinmalar xodimlari yiliga kamida bir marta Davlat siyosati va boshqaruvi akademiyasida strategik rejalashtirish va rivojlanish, tahlil va natijadorlikni boshqarish boʻyicha maxsus oʻquv kurslarida oʻqitiladi.

11. Tarkibiy boʻlinmalar quyidagi huquqlarga ega:

tegishli vazirlik va idora, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, shuningdek, ularning tizimiga kiradigan tuzilmalarning mansabdor shaxslaridan oʻziga yuklangan vazifalar va funksiyalarni bajarish uchun zarur boʻlgan hujjatlar, statistik maʼlumotlar va axborotlarni olish;

rahbariyat tomonidan strategik rejalashtirish masalalarga tegishli yigʻilishlar, kengashlar va majlislarni oʻtkazish taklifini kiritish hamda bu kabi yigʻilishlarda ishtirok etish;

rahbariyat topshirigʻiga koʻra yoki tegishli tuzilma rahbarining roziligi bilan ularning xodimlarini strategik rejalashtirish hujjatlari va strategik islohotlarni nazarda tutuvchi normativ-huquqiy hujjatlar loyihalarini tayyorlash uchun, shuningdek, strategik rejalashtirish ishlarini amalga oshirish bilan bogʻliq boshqa tadbirlarga jalb qilish;

vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tizimiga kiradigan tuzilmalarda Tarkibiy boʻlinma vakolatiga kiradigan masalalar boʻyicha qonunchilik hujjatlariga rioya qilinishi masalalarini oʻrganish;

vazirlik va idoraning, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining, shuningdek, ularning tizimiga kiradigan tuzilmalarning strategik rejalashtirish masalalar boʻyicha qonunchilik hujjatlari bajarilishini taʼminlamayotgan yoxud ularni buzayotgan rahbarlari va xodimlarini javobgarlikka tortish haqida rahbariyatga takliflar kiritish.

12. Vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining boshqa tarkibiy boʻlinmalari tomonidan ishlab chiqilgan strategik rejalashtirish hujjatlari va strategik islohotlarni nazarda tutuvchi normativ-huquqiy hujjatlar loyihalari Tarkibiy boʻlinmalar bilan majburiy tartibda kelishiladi.

13. Vazirliklar hamda alohida maqomga ega mustaqil respublika ijro etuvchi hokimiyat organlari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining Tarkibiy boʻlinmalari xodimlari lavozimiga birinchi marta tayinlangan shaxslar Davlat siyosati va boshqaruvi akademiyasida tegishli tashkilotning budjetdan tashqari mablagʻlari hisobidan malaka oshiradi va Agentlikda stajirovka oʻtaydi.

Bunda malaka oshirish va stajirovka oʻtash tartibi Muvofiqlashtiruvchi kengash tomonidan belgilanadi.

14. Tarkibiy boʻlinmalarning xodimlari boʻyicha maʼlumotlar Strategik rejalashtirish va rivojlanishning raqamli platformasiga (dashboard) Boshqaruv samaradorligi agentligining “hrm.gov.uz” platformasini integratsiya qilish orqali Agentlikka bepul asosda taqdim etiladi.

15. Vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida har yil yakunlari boʻyicha Tarkibiy boʻlinmalarning tegishli tashkilot faoliyatida strategik rejalashtirish va uni amalga oshirish holati toʻgʻrisidagi hisoboti eshitiladi.

16. Muvofiqlashtiruvchi kengashga tashabbuskorlik koʻrsatib, xizmat vazifalarini namunali va sifatli bajargan Tarkibiy boʻlinmalar va Agentlik xodimlarini tegishli tashkilot yoki idora xodimlarini moddiy ragʻbatlantirish maxsus fondi yoki budjetdan tashqari mablagʻlari, shuningdek, Muvofiqlashtiruvchi kengash huzuridagi Tadqiqotlarni qoʻllab-quvvatlash jamgʻarmasi, Strategik rivojlanish va islohotlar agentligini qoʻllab-quvvatlash jamgʻarmasi mablagʻlari hamda qonunchilik hujjatlarida taqiqlanmagan boshqa manbalar hisobidan ikki oylik ish haqi fondi miqdoriga ragʻbatlantirish yoki lavozim maoshining (ragʻbatlantirish koeffitsiyentini inobatga olgan holda) 50 foizidan oshmagan miqdorlarda ustama tayinlash haqida qaror qabul qilish huquqi beriladi.

Oʻzbekiston Respublikasi Prezidentining 2025-yil 29-dekabrdagi PQ-394-son qaroriga 5-ILOVA

Toshkent global taraqqiyot forumiga tayyorgarlik koʻrish va uni oʻtkazish boʻyicha tashkiliy qoʻmita

1. S.U. Umurzakov — Oʻzbekiston Respublikasi Prezidentining strategik rivojlanish boʻyicha maslahatchisi, Tashkiliy qoʻmita rahbari 2. S.I. Xamidov — Oʻzbekiston Respublikasi Prezidentining strategik rivojlanish boʻyicha maslahatchisi oʻrinbosari 3. E.T. Aripov — Strategik va mintaqalararo tadqiqotlar instituti direktori 4. B.B. Raxmatov — Strategik rivojlanish va islohotlar agentligi direktori 5. U.Sh. Xusainov — Boshqaruv samaradorligi agentligi direktori v.b. 6. M.X. Raxmankulov — Qonunchilik va huquqiy siyosat instituti direktori 7. Sh.X. Shermatov — raqamli texnologiyalar vaziri 8. B.I. Aʼloyev — tashqi ishlar vazirining birinchi oʻrinbosari 9. A.T. Rahmatullayev — ichki ishlar vazirining birinchi oʻrinbosari 10. B.R. Mamatkarimov — energetika vazirining birinchi oʻrinbosari 11. M.A. Omarov — transport vazirining birinchi oʻrinbosari 12. I.I. Norqulov — iqtisodiyot va moliya vazirining birinchi oʻrinbosari 13. Sh.B. Umurzakov — Toshkent shahar hokimi 14. S.Yo. Malikov — “InterForum” DUK direktori

Oʻzbekiston Respublikasi Prezidentining 2025-yil 29-dekabrdagi PQ-394-son qaroriga 6-ILOVA

Strategik rejalashtirish va rivojlanish tizimini yoʻlga qoʻyish boʻyicha

T/r Chora-tadbir nomi Amalga oshirish mexanizmi Ijro muddati Masʼullar 1. 2017 — 2025-yillar davomida vazirlik va idoralar tashabbusi asosida ijtimoiy-iqtisodiy yoʻnalishlarda qabul qilingan konsepsiya va strategiyalarni qayta koʻrib chiqish. 1. Normativ-huquqiy hujjatlarni xatlovdan oʻtkazish orqali 2017 — 2025-yillarda qabul qilingan konsepsiya va strategiyalar roʻyxatini shakllantirish va Strategik rivojlanish va islohotlar agentligiga kiritish. 2026-yil yanvar Adliya vazirligi 2. Oʻzbekiston Respublikasi Prezidenti huzuridagi Strategik rejalashtirish va rivojlanish boʻyicha muvofiqlashtiruvchi kengashning (keyingi oʻrinlarda — Muvofiqlashtiruvchi kengash) qaroriga asosan 2017 — 2025 yillarda qabul qilingan konsepsiya va strategiyalarni faoliyat yoʻnalishidan kelib chiqib, vazirlik va idoralar kesimida taqsimlash. 2026-yil fevral Muvofiqlashtiruvchi kengash 3. Vazirlik va idoralar tomonidan: oʻz sohalari boʻyicha qabul qilingan konsepsiya va strategiyalarning dolzarbligi, maqsadli koʻrsatkichlarning zamonaviy tahdid va vazifalarga mosligi hamda mazkur qaror talablariga muvofiqligini baholash hamda uning natijalarini Strategik rivojlanish va islohotlar agentligiga kiritish; Strategik rivojlanish va islohotlar agentligi xulosasi asosida konsepsiya va strategiyaga oʻzgartirish va qoʻshimchalar kiritish boʻyicha tegishli qonunchilik hujjatlari loyihalarini belgilangan tartibda Vazirlar Mahkamasiga kiritish. 2026-yil fevral-mart Vazirlik va idoralar 4. Baholash natijalarini k oʻrib chiqish asosida konsepsiya va strategiyalarga oʻzgartirish va qoʻshimchalar k iritish yoki ularni bekor qilish boʻyicha zarur choralarni amalga oshirish. 2026-yil davomida Vazirlar Mahkamasi, vazirlik va idoralar 2. Strategik rejalashtirish tizimini joriy qilish boʻyicha vazirlik va idoralarni uslubiy taʼminlash. 1. Strategik rejalashtirish hujjati loyihasini ishlab chiqish, k yelishish, amalga oshirilishini monitoring qilish va baholash boʻyicha uslubiy qoʻllanma ishlab chiqish. 2026-yil yanvar Strategik rivojlanish va islohotlar agentligi Iqtisodiyot va moliya vazirligi, Strategik rivojlanish va islohotlar agentligi 2. “Oʻzbekiston — 2030” strategiyasida belgilangan maqsadli koʻrsatkichlar va natijaga yoʻnaltirilgan dasturiy budjetlashtirish talablariga muvofiq, respublika ijro etuvchi hokimiyat organlarining 3 yilga moʻljallangan ish rejalarini ishlab chiqish boʻyicha uslubiy qoʻllanma yaratish. 2026 yil fevral 3. Zamonaviy va innovatsion yechimlarni joriy etgan holda strategik rejalashtirish va rivojlanish tizimini raqamlashtirish. 1. Strategik rejalashtirish hujjatlarini ishlab chiqish, maʼlumotlarni toʻplash, asosiy samaradorlik k oʻrsatkichlarini monitoring qilish va geoxaritada aks ettirish, muammolarni aniqlash, prognozli tahlil oʻtkazish va strategik rejalashtirish hujjatlariga tuzatishlar kiritish boʻyicha Strategik rejalashtirish va rivojlanishning raqamli platformasi (dashboard) (keyingi oʻrinlarda — Raqamli platforma)ni ishlab chiqish. 2026 yil may Strategik rivojlanish va islohotlar agentligi 2. Muvofiqlashtiruvchi k yengash huzuridagi Tadqiqotlarni qoʻllab-quvvatlash jamgʻarmasi, Strategik rivojlanish va islohotlar agentligini qoʻllab-quvvatlash jamgʻarmasi mablagʻlari, shuningden, qonunchilik hujjatlarida taqiqlanmagan boshqa manbalar hisobidan Raqamli platforma va uning texnik topshirigʻini ishlab chiqish hamda ishga tushirish, texnik xizmat koʻrsatish va qoʻllab-quvvatlash, takomillashtirish bilan bogʻliq xarajatlarni qoplab borish. Doimiy Strategik rivojlanish va islohotlar agentligi 3. Axborot xavfsizligi tamoyillarini hisobga olgan holda Raqamli platformada joylashtiriladigan maʼlumotlarni taqdim etish va bazaga kiritish tartibini tasdiqlash boʻyicha Muvofiqlashtiruvchi kengash qarorini qabul qilish. 2026-yil mart Strategik rivojlanish va islohotlar agentligi, Raqamli texnologiyalar vazirligi, vazirlik va idoralar 4. Raqamli platformani “Elektron hukumat” tizimining maʼlumotlarni qayta ishlash markaziga joylashtirish. 2026-yil aprel Raqamli texnologiyalar vazirligi, Strategik rivojlanish va islohotlar agentligi 5. Raqamli platformaning “Geoportal” va “Moliyalashtirish manbalarini tasdiqlash” modullari funksiyalarini 2026-yildan boshlab Toshkent shahri va viloyatida ijtimoiy infratuzilmani rejalashtirish va boshqarishning yangi mexanizmlarini joriy etish boʻyicha pilot dasturi sifatida yoʻlga qoʻyish hamda 2027-yildan barcha sohalar kesimida respublika boʻyicha toʻliq tatbiq etish. 2026-2027-yillar davomida Strategik rivojlanish va islohotlar agentligi 6. Raqamli platformaning “Geoportal” modulida jamlanadigan vazirlik va idoralardagi mavjud tizimlar va maʼlumotlar (maʼlumotlar attributlari, metamaʼlumotlar, foydalaniladigan axborotnomalar), shuningdek, ularning funksional vazifalaridan kelib chiqib yigʻiladigan (shu jumladan, mavjud boʻlmagan axborot tizimlari boʻyicha) boshqa maʼlumotlar roʻyxatini shakllantirish maqsadida tegishli tashkilotlar vakillaridan iborat ishchi guruh tuzish va quyidagilarni amalga oshirish: mavjud axborot tizimlari va maʼlumotlar inventarizatsiyasi; maʼlumotlarning toʻliqligi, aniqligi, yangilanish davriyligi va texnik sifatini baholash; bir-birini takrorlovchi, qaytariluvchi, turli formatlardagi maʼlumotlarni aniqlash; yagona axborotnoma (maʼlumotnoma) tizimini shakllantirish, bir xil shaklga keltirilishi kerak boʻlgan yagona identifikatorlar, umumiy atributlar, kodlar va tasniflarni belgilash hamda vazirliklar bilan kelishilgan holda yagona milliy dolzarb axborotnomalar roʻyxatini ishlab chiqish; maʼlumotlarni yigʻish va yuritish tartibini belgilash, shu jumladan, maʼlumotlarni yigʻish, yangilash va almashishning yagona reglamentini ishlab chiqish hamda texnik talablar va metodologiyani belgilash; maʼlumotlar standartlarini joriy etish, metamaʼlumotlar, yagona normativ va texnik talablar asosida maʼlumotlarni yuritish boʻyicha standartlar ishlab chiqish; har bir vazirlikka tegishli maʼlumotlar toifasini tasniflash va ularni yuritishni belgilash, kelishuvlar asosida maʼlumotlarni bir xil tarzda takdim etish tartibini belgilash; maʼlumotlar ekotizimini shakllantirish, maʼlumotlarni qayta ishlash jarayonini takomillashtirish, talab etiladigan yangi maʼlumotlar turlarini shakllantirish boʻyicha tavsiyalar ishlab chiqish. 2026-yil davomida Strategik rivojlanish va islohotlar agentligi, Raqamli texnologiyalar vazirligi, vazirlik va idoralar 4. Amaldagi strategiyalarni tanqidiy tahlil qilgan holda, mamlakatning uzoq muddatga moʻljallangan strategik rejalashtirish hujjatlarining ishlab chiqilishini muvofiqlashtirish. Fuqarolik jamiyati institutlari, taxliliy va tadqiqot tuzilmalari, vazirlik va idoralar vakillari hamda mahalliy va xorijiy ekspertlarni jalb etgan holda Birlashgan Arab Amirliklari, Xitoy va boshqa davlatlar tajribasidan keng foydalangan holda mamlakatning uzoq muddatga moʻljallangan milliy maqsadlarni belgilovchi konsepsiya va boshqa strategik rejalashtirish hujjatlari loyihalarini ishlab chiqish . 2026-yil dekabr Strategik rivojlanish va islohotlar agentligi, Iqtisodiyot va moliya vazirligi, Adliya vazirligi, Qonunchilik va huquqiy siyosat instituti 5. Xorijiy ilgʻor tajribani oʻrganishda davlat organlari va tashkilotlari oʻrtasida hamkorlik mexanizmlarini joriy etish. Respublikaning xorijdagi diplomatik vakolatxonalari tomonidan tegishli davlatlarning ilgʻor tajribasi va amaliyoti toʻgʻrisidagi maʼlumotlarni Strategik rivojlanish va islohotlar agentligiga tandim etib borish tartibini nazarda tutuvchi Muvofiqlashtiruvchi kengash qarori loyihasini kiritish. 2026-yil fevral Strategik rivojlanish va islohotlar agentligi, Tashqi ishlar vazirligi 6. Strategik rejalashtirish va rivojlanish tizimining tashkiliy-tuzilmaviy va kadrlar masalalarini hal etish. 1. Strategik rivojlanish va islohotlar agentligida sohalar va tarmoqlarni rivojlantirish, hududiy rivojlanish va xalqaro hamkorlik masalalari boʻyicha loyiha ofislarini tashkil etish yuzasidan quyidagilarni nazarda tutuvchi Muvofiqlashtiruvchi kengash qarorini qabul qilish: loyiha ofislarining faoliyat muddati; loyiha ofislariga jalb etiladigan mutaxassislar soni; loyiha ofislarining vazifalari va funksiyalari, samaradorligini baholash boʻyicha maqsadli koʻrsatkichlar (KPI ); loyiha ofislari xodimlari tomonidan bajarilgan ishlarni (xizmatlar) qabul qilish, haq toʻlash va moliyalashtirish tartibi hamda miqdorlari. 2026-yil yanvar Muvofiqlashtiruvchi kengash 2. Loyiha ofislarini yuqori malakali va muayyan tajribaga ega, yuklatilgan vazifalarni samarali bajara oladigan mutaxassislar bilan toʻldirib borish, shu jumladan, vazirlik va idoralar, mahalliy ijro etuvchi hokimiyat organlari, davlat tahliliy markazlari va ilmiy-tadqiqot muassasalarining masʼul xodimlarini asosiy ishdan ajralmagan holda fuqarolik-huquqiy shartnoma asosida jalb etib borish. Doimiy Strategik rivojlanish va islohotlar agentligi 7. “Strategik tahlil aʼlochisi” koʻkrak nishonini joriy etish. “Strategik tahlil aʼlochisi” koʻkrak nishoni toʻgʻrisidagi nizomni ishlab chiqish va tasdiqlash uchun Vazirlar Mahkamasiga kiritish. 2026-yil mart Strategik rivojlanish va islohotlar agentligi 8. Strategik rejalashtirish va rivojlanish tizimini joriy qilish bilan bogʻliq vazifalarning samarali bajarilishini taʼminlash maqsadida Strategik rivojlanish va islohotlar agentligining moddiy-texnik bazasini mustahkamlash. 1. Strategik rivojlanish va islohotlar agentligi va uning tuzilmasidagi loyixd ofislarini begʻaraz foydalanish huquqi asosida Toshkent shahri, Islom Karimov noʻchasi, 43-uydagi Oʻzbekiston Respublikasi Prezidenti Administratsiyasining binosiga joylashtirish. 2. Strategik rivojlanish va islohotlar agentlikning yangi yuklatilgan vazifalarini samarali bajarilishini taʼminlash uchun moddiy-texnika jihozlariga boʻlgan ehtiyojini aniqlash va zarur kompyuter texnikasi va server qurilmalari (aloqa tarmoqlari, axborot tizimlari, maʼlumotlar bazasi va axborot resurslarini tashkil etish), kanselyariya vositalari, boshqa orgtexnina jihozlari hamda avtotransport vositalarini budjet va budjetdan tashqari mablagʻlar hisobidan xarid qilish (ajratish). 3. Strategik rivojlanish va islohotlar agentligiga oltita avtotransport vositasini, shu jumladan, direktor, direktor oʻrinbosarlari va maslahatchisiga shaxsan biriitiriladigan va bitta navbatchi yengil avtotransport vositasini saqlash boʻyicha limit ajratish hamda autsorsing orqali xizmat safarlari va xorijiy mehmonlar tashriflari uchun bitta mikroavtobus (miniven)ni jalb qilib borish choralarini noʻrish. Bunda, Strategik rivojlanish va islohotlar agentligiga tegishli xizmat avtotransport vositalariga Vazirlar Mahkamasi tomonidan belgilangan yillii kilometr masofa limiti tatbiq etilmaydi. 2026-yil fevral Strategik rivojlanish va islohotlar agentligi, Iqtisodiyot va moliya vazirligi, Oʻzbekiston Respublikasi Prezidenti Administratsiyasining Transport qismi 9. Tahlil va ilmiy-tadqiqot sohalarida xalqaro hamkorlinni yoʻlga qoʻyish, shu jumladan, xorijiy “aql markazlari” va yetakchi tadqiqot muassasalari bilan oʻzaro manfaatli aloqalarni oʻrnatish. 1. Har yilgi Toshkent global taraqqiyot forumini tashkil etish, moliyalashtirish va oʻtkazish tartibi boʻyicha Muvofiqlashtiruvchi kengash qarorini qabul qilish. 2026-yil mart Muvofiqlashtiruvchi kengash, Strategik rivojlanish va isl ohotlar agentligi, davlat tahl iliy marnazlari va ilmiy tadqiqot muassa salari 2. Ijtimoiy-iqtisodiy, texnologik, gumanitar, ekologik va boshqa sohalardagi dolzarb muammolar hamda chaqiriqlarga bagʻishlangan tahliliy markazlar va ilmiy-tadqiqot muassasalarining Toshkent global taraqqiyot forumini oʻtkazish. 2026-yildan boshlab har yili

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 29-dekabr,

PQ- 394 -son

(Qonunchilik maʼlumotlari milliy bazasi, 30.12.2025-y., 07/25/394/1249-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О мерах по организации и эффективному внедрению системы стратегического планирования и развития на основе новых подходов

Во исполнение Указа Президента Республики Узбекистан от 30 октября 2025 года № УП-201 «Об организационных мерах по внедрению системы стратегического планирования и развития», а также в целях дальнейшей эффективной организации деятельности Агентства стратегического развития и реформ постановляю:

I. Меры по налаживанию системы стратегического планирования и развития

1. Утвердить Положение о порядке организации стратегического планирования, разработки, координации и мониторинга реализации документов стратегического планирования согласно приложению № 1 * .

2. Установить порядок, в соответствии с которым мониторинг показателей эффективности документов стратегического планирования осуществляется посредством Цифровой платформы стратегического планирования и развития (dashboard) (далее — Цифровая платформа). При этом:

(а) государственными органами и организациями, ответственными за целевые показатели, на постоянной основе вносятся фактические данные, результаты и подтверждающие документы по достижению каждого показателя эффективности;

(б) составляется рейтинг государственных органов по основным показателям эффективности документов широкомасштабного стратегического планирования на национальном уровне, который учитывается Агентством эффективности управления при формировании Национального рейтинга активности государственных органов;

(в) вопросы, требующие выделения средств в проектах нормативно-правовых актов, предусматривающих программы (меры, «дорожные карты», планы и другие), связанные с развитием сфер, отраслей, регионов, обосновываются министерствами и ведомствами посредством привязки к сведениям соответствующего модуля Цифровой платформы;

(г) проект, в котором не обоснован вопрос выделения средств в проектах нормативно-правовых актов, предусматривающих программы, связанные с развитием сфер, отраслей, регионов, на Цифровой платформе, не согласовывается Министерством экономики и финансов.

II. Разработка и реализация инициатив, направленных на стратегическое развитие, на основе новых подходов

3. Установить, что Агентством стратегического развития и реформ при Президенте Республики Узбекистан (далее — Агентство) разработка предложений и инициатив по развитию регионов осуществляется в тесном взаимодействии со «Штабами реформ», образованным в органах исполнительной власти на местах, с обеспечением участия населения, субъектов предпринимательства и представителей общественности по следующим направлениям:

(а) определение специализации каждого региона по природным, экономическим и человеческим ресурсам;

(б) разработка стратегий развития в разрезе сфер и отраслей на основе достоверных и полных данных для каждого региона;

(в) сокращение экономических диспропорций, разработка предложений по созданию отдельных налоговых, финансовых и инфраструктурных возможностей для районов и городов, находящихся в сложной категории;

(г) развитие межрегионального сотрудничества и кооперации, укрепление экономических и инфраструктурных связей между крупными городами и прилегающими территориями;

(д) полная цифровизация управления в регионах, в том числе внедрение геоинформационных систем (GIS), платформ открытых данных и инструментов интерактивного онлайн-наблюдения.

4. Установить порядок, в соответствии с которым:

(а) дипломатические представительства республики за рубежом ежемесячно представляют в Агентство подробную информацию о передовом опыте и практике соответствующих государств;

(б) Агентство формирует базу данных на основе представляемых дипломатическими представительствами сведений, а также информации и отчетов международных организаций и финансовых институтов, консалтинговых компаний, зарубежных научно-исследовательских и экспертных учреждений и специалистов;

(в) на основе базы данных Агентство совместно с соответствующими проектными офисами, аналитическими и исследовательскими структурами регулярно вносит в Администрацию Президента Республики Узбекистан информационно-аналитическую справку по предложениям и инициативам.

III. Организационные меры

5. Исходя из дополнительных задач, возлагаемых на Агентство в сфере стратегического планирования, выделить с 1 января 2026 года Агентству дополнительно 10 штатных единиц управленческого персонала за счет оптимизации штатных единиц структурных подразделений по стратегическому планированию министерств и ведомств согласно приложению № 2 * к настоящему постановлению и необходимые дополнительные расходы произвести в рамках средств, выделенных Агентству на 2026 год.

6. Утвердить структуру Агентства стратегического развития и реформ при Президенте Республики Узбекистан согласно приложению № 3 * .

7. Агентству:

(а) с привлечением представителей Министерства экономики и финансов, Министерства юстиции, аналитических и исследовательских структур, институтов гражданского общества, других министерств и ведомств, а также отечественных и зарубежных экспертов в срок до 1 декабря 2026 года на основе передового зарубежного опыта разработать проекты концепции и других документов стратегического планирования, определяющих долгосрочные национальные цели страны. При этом принять во внимание глубокое изучение долгосрочных стратегий развития и разработку новых инициатив путем проведения опросов среди населения;

(б) совместно со Счетной палатой в месячный срок внести проект постановления Президента Республики Узбекистан, предусматривающий дальнейшее совершенствование работы по привлечению зарубежных консультантов и экспертов государственными органами и организациями за счет собственных или бюджетных средств.

8. Разместить Агентство и проектные офисы в его структуре в здании Администрации Президента Республики Узбекистан по адресу: город Ташкент, улица Ислама Каримова, 43 на основе права безвозмездного пользования.

9. Определить основные направления деятельности структурных подразделений по стратегическому планированию министерств и ведомств, а также информационно-аналитических групп Совета Министров Республики Каракалпакстан, хокимиятов областей и города Ташкента и другие организационные вопросы ее налаживания в соответствии с процедурами согласно приложению № 4 * .

10. Установить, что начиная с 2026 года внедряется практика ежегодного проведения Ташкентского глобального форума развития с участием аналитических центров и научно-исследовательских учреждений, посвященного актуальным проблемам и современным вызовам в социально-экономической, технологической, гуманитарной, экологической и других сферах.

11. Образовать организационный комитет по подготовке и проведению Ташкентского глобального форума развития и утвердить его состав согласно приложению № 5 * .

12. Утвердить План мероприятий по налаживанию системы стратегического планирования и развития согласно приложению № 6 * .

IV. Организация, обеспечение и контроль исполнения постановления

13. Агентству совместно с Министерством юстиции в двухмесячный срок внести предложения об изменениях и дополнениях в акты законодательства, вытекающих из настоящего постановления.

14. Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова и советника Президента Республики Узбекистан С.У. Умурзакова.

Президент Республики Узбекистан Ш. МИРЗИЁЕВ

г. Ташкент,

29 декабря 2025 г.,

№ ПП- 394

(Национальная база данных законодательства, 30.12.2025 г., № 07/25/394/1249)

lex.uz