UzbekAI

Ўзбекистон Республикаси Спорт Вазирининг

буйруғи

Ўзбекистон Республикасида тренерлик фаолияти тўғрисидаги низомни тасдиқлаш тўғрисидаги буйруққа ўзгартириш ва қўшимчалар киритиш ҳақида

Ўзбекистон Республикасининг «Жисмоний тарбия ва спорт тўғрисида»ги Қонуни ва Ўзбекистон Республикаси Вазирлар Маҳкамасининг 2025 йил 7 августдаги 500-сон «Жисмоний тарбия-спорт ташкилотларининг тренер-ўқитувчилари ва йўриқчи-услубчилари ҳамда спорт ҳакамларига малака тоифаларини бериш тизимини такомиллаштириш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси маданият ва спорт ишлари вазирининг 2011 йил 9 июндаги 484-сон «Ўзбекистон Республикасида Тренерлик фаолияти тўғрисидаги низомни тасдиқлаш тўғрисида»ги буйруғига (рўйхат рақами 2247, 2011 йил 22 июль) (Ўзбекистон Республикаси қонун ҳужжатлари тўплами, 2011 й., 30-сон, 318-модда) иловага мувофиқ ўзгартириш ва қўшимчалар киритилсин.

2. Мазкур буйруқ Ўзбекистон Республикаси Олий таълим, фан ва инновациялар вазирлиги, Мактабгача ва мактаб таълими вазирлиги, Камбағалликни қисқартириш ва бандлик вазирлиги ҳамда Ўзбекистон Касаба уюшмалари Федерацияси билан келишилган.

3. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси спорт вазирининг 2025 йил 23 декабрдаги 11-мҳ-сон буйруғига ИЛОВА

Ўзбекистон Республикасида тренерлик фаолияти тўғрисидаги низомни тасдиқлаш тўғрисидаги буйруққа киритилаётган ўзгартириш ва қўшимчалар

1. Буйруқнинг муқаддимаси қуйидаги таҳрирда баён этилсин:

«Ўзбекистон Республикасининг «Жисмоний тарбия ва спорт тўғрисида»ги Қонуни ва Ўзбекистон Республикаси Вазирлар Маҳкамасининг 2025 йил 7 августдаги 500-сон «Жисмоний тарбия-спорт ташкилотларининг тренер-ўқитувчилари ва йўриқчи-услубчилари ҳамда спорт ҳакамларига малака тоифаларини бериш тизимини такомиллаштириш чора-тадбирлари тўғрисида»ги қарорига мувофиқ буюраман:».

2. Низомда :

1) 1-бобнинг номидаги «I.» рақами «1-боб.» деган сўзлар билан алмаштирилсин;

2) 2-бандда :

учинчи хатбоши қуйидаги таҳририда баён этилсин:

« спорт тури — жисмоний тарбия ва спорт соҳасидаги фаолият тури бўлиб, у инсоннинг спорт мусобақаларига ўзига хос тарзда тайёргарлик кўриши билан ажралиб туради, спорт мусобақаларини ўтказиш ва уларда иштирок этишга доир талаблар, тартиб ва шартлар белгиланадиган қоидаларга, низомга (регламентга) эга бўлади;»;

тўртинчи хатбоши қуйидаги таҳририда баён этилсин:

« спорт федерацияси (уюшмаси) — бир ёки бир нечта спорт турини ривожлантириш, оммалаштириш, шунингдек спорт тадбирларини ўтказишни ташкил этиш ҳамда спортчиларни — Ўзбекистон Республикасининг спорт терма жамоалари аъзоларини спортнинг тегишли тури бўйича тайёрлаш учун аъзолик асосида ташкил этилган ва давлат рўйхатидан ўтказилган нодавлат нотижорат ташкилоти;»;

бешинчи хатбоши қуйидаги таҳририда баён этилсин:

« тренер — тренерлик фаолияти билан шуғулланиш учун малака сертификатига эга бўлган ҳамда ўқув-машқ, оммавий жисмоний тарбия тадбирларини ўтказишни, шунингдек спорт натижаларига эришиш учун беллашув фаолиятига раҳбарликни амалга оширувчи жисмоний шахс;»;

саккизинчи хатбоши чиқариб ташлансин;

3) 3-банд қуйидаги мазмундаги хатбоши билан тўлдирилсин:

«малака ошириш муддати ўтган (ёки малака оширишдан ўтмаган) тренер-ўқитувчиларга меҳнат фаолиятини давом эттириш.»;

4) 2-бобнинг номидаги «II.» рақами «2-боб.» деган сўзлар билан алмаштирилсин;

5) 7-банд қуйидаги мазмундаги еттинчи — тўққизинчи хатбошилар билан тўлдирилсин:

«ўқув гуруҳларини танлаш ва тўлдириш;

ўқувчи-спортчилар тиббий кўрикдан ва диспансер кўригидан ўз вақтида ўтишини назорат қилиш;

ўқувчи-спортчилар учун уларнинг индивидуал хусусиятларини ҳисобга олган ҳолда ўқув-машқ режаларини ишлаб чиқиш.»;

6) 9-банд ўз кучини йўқотган деб топилсин;

7) 14-банддаги «катта ёшдагилар, ёшлар (юниорлар), ўсмирлар ва болалар спорт» деган сўзлар «кичик ўсмирлар, ўсмирлар, ёшлар, U-23 ва катталар» деган сўзлар билан алмаштирилсин;

8) 15-бандда :

иккинчи хатбошидаги «профессионал» деган сўз «касбий» деган сўз билан алмаштирилсин;

тўртинчи ва бешинчи хатбошилар чиқариб ташлансин;

олтинчи хатбоши — бешинчи хатбоши деб ҳисоблансин.

9) 16-банддаги «иттифоқлар, ассоциациялар» деган сўзлар «уюшмалар» деган сўз билан алмаштирилсин;

10) 17-банднинг учинчи хатбошисидаги «шаҳар, кўнгилли» деган сўзлар «туман (шаҳар)» деган сўзлар билан алмаштирилсин;

11) 19-бандда :

иккинчи хатбошидаги «профессионал» деган сўз «касбий» деган сўз билан алмаштирилсин;

учинчи хатбоши чиқариб ташлансин;

тўртинчи хатбоши учинчи хатбоши деб ҳисоблансин;

12) 3-бобдаги «III.»рақами «3-боб.» деган сўзлар билан алмаштирилсин;

13) 22-банднинг иккинчи — бешинчи хатбошилари қуйидаги таҳрирда баён этилсин:

«халқаро тоифали тренер;

олий тоифали тренер;

биринчи тоифали тренер;

иккинчи тоифали тренер.»;

14) 23-банд қуйидаги таҳрирда баён этилсин:

«23. Тренер-ўқитувчиларга иккинчи, биринчи ва олий малака тоифаларини бериш улар томонидан тайёрланган спортчиларнинг спорт мусобақаларида эришган натижаси Ўзбекистон Республикасининг спорт терма жамоаларини шакллантириш ва спорт захирасини тайёрлашда қўшган ҳиссаси бўйича Ўзбекистон Республикаси Вазирлар Маҳкамасининг 2025 йил 7 августдаги 500-сон қарори билан тасдиқланган Жисмоний тарбия-спорт ташкилотларининг тренер-ўқитувчилари ва йўриқчи-услубчиларига малака тоифаларини бериш тартиби тўғрисидаги низом асосида берилади.»;

15) 25-банддаги «иттифоқлар, ассоциациялар» деган сўзлар «уюшмалар» деган сўз билан алмаштирилсин;

16) 4-бобнинг номидаги «IV.» деган рақам «4-боб.» деган сўзлар билан алмаштирилсин;

17) 5-бобнинг номидаги «V.»деган рақам «5-боб.» деган сўзлар билан алмаштирилсин.

Вазир А. ИКРАМОВ

Олий таълим, фан ва инновациялар вазири К. ШАРИПОВ

Камбағалликни қисқартириш ва бандлик вазири Б. ЗАХИДОВ

Мактабгача ва мактаб таълими вазири Э. КАРИМОВА

Ўзбекистон Касаба уюшмалари Федерацияси Раиси К. РАФИКОВ

Тошкент ш.,

2025 йил 23 декабрь,

2025 йил 13 декабрь

2025 йил 4 декабрь

2025 йил 27 ноябрь

11-мҳ-сон

(Қонунчилик маълумотлари миллий базаси, 05.01.2026 й., 10/26/2247-3/0009-сон)

lex.uz

Oʻzbekiston Respublikasi Sport Vazirining

buyrugʻi

Oʻzbekiston Respublikasida trenerlik faoliyati toʻgʻrisidagi nizomni tasdiqlash toʻgʻrisidagi buyruqqa oʻzgartirish va qoʻshimchalar kiritish haqida

Oʻzbekiston Respublikasining “Jismoniy tarbiya va sport toʻgʻrisida”gi Qonuni va Oʻzbekiston Respublikasi Vazirlar Mahkamasining 2025-yil 7-avgustdagi 500-son “Jismoniy tarbiya-sport tashkilotlarining trener-oʻqituvchilari va yoʻriqchi-uslubchilari hamda sport hakamlariga malaka toifalarini berish tizimini takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi madaniyat va sport ishlari vazirining 2011-yil 9-iyundagi 484-son “Oʻzbekiston Respublikasida Trenerlik faoliyati toʻgʻrisidagi nizomni tasdiqlash toʻgʻrisida”gi buyrugʻiga (roʻyxat raqami 2247, 2011-yil 22-iyul) (Oʻzbekiston Respublikasi qonun hujjatlari toʻplami, 2011-y., 30-son, 318-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Kambagʻallikni qisqartirish va bandlik vazirligi hamda Oʻzbekiston Kasaba uyushmalari Federatsiyasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi sport vazirining 2025-yil 23-dekabrdagi 11-mh-son buyrugʻiga ILOVA

Oʻzbekiston Respublikasida trenerlik faoliyati toʻgʻrisidagi nizomni tasdiqlash toʻgʻrisidagi buyruqqa kiritilayotgan oʻzgartirish va qoʻshimchalar

1. Buyruqning muqaddimasi quyidagi tahrirda bayon etilsin:

“Oʻzbekiston Respublikasining “Jismoniy tarbiya va sport toʻgʻrisida”gi Qonuni va Oʻzbekiston Respublikasi Vazirlar Mahkamasining 2025-yil 7-avgustdagi 500-son “Jismoniy tarbiya-sport tashkilotlarining trener-oʻqituvchilari va yoʻriqchi-uslubchilari hamda sport hakamlariga malaka toifalarini berish tizimini takomillashtirish chora-tadbirlari toʻgʻrisida”gi qaroriga muvofiq buyuraman:”.

2. Nizomda :

1) 1-bobning nomidagi “I.” raqami “1-bob.” degan soʻzlar bilan almashtirilsin;

2) 2-bandda :

uchinchi xatboshi quyidagi tahririda bayon etilsin:

“ sport turi — jismoniy tarbiya va sport sohasidagi faoliyat turi boʻlib, u insonning sport musobaqalariga oʻziga xos tarzda tayyorgarlik koʻrishi bilan ajralib turadi, sport musobaqalarini oʻtkazish va ularda ishtirok etishga doir talablar, tartib va shartlar belgilanadigan qoidalarga, nizomga (reglamentga) ega boʻladi;”;

toʻrtinchi xatboshi quyidagi tahririda bayon etilsin:

“ sport federatsiyasi (uyushmasi) — bir yoki bir nechta sport turini rivojlantirish, ommalashtirish, shuningdek sport tadbirlarini oʻtkazishni tashkil etish hamda sportchilarni — Oʻzbekiston Respublikasining sport terma jamoalari aʼzolarini sportning tegishli turi boʻyicha tayyorlash uchun aʼzolik asosida tashkil etilgan va davlat roʻyxatidan oʻtkazilgan nodavlat notijorat tashkiloti;”;

beshinchi xatboshi quyidagi tahririda bayon etilsin:

“ trener — trenerlik faoliyati bilan shugʻullanish uchun malaka sertifikatiga ega boʻlgan hamda oʻquv-mashq, ommaviy jismoniy tarbiya tadbirlarini oʻtkazishni, shuningdek sport natijalariga erishish uchun bellashuv faoliyatiga rahbarlikni amalga oshiruvchi jismoniy shaxs;”;

sakkizinchi xatboshi chiqarib tashlansin;

3) 3-band quyidagi mazmundagi xatboshi bilan toʻldirilsin:

“malaka oshirish muddati oʻtgan (yoki malaka oshirishdan oʻtmagan) trener-oʻqituvchilarga mehnat faoliyatini davom ettirish.”;

4) 2-bobning nomidagi “II.” raqami “2-bob.” degan soʻzlar bilan almashtirilsin;

5) 7-band quyidagi mazmundagi yettinchi — toʻqqizinchi xatboshilar bilan toʻldirilsin:

“oʻquv guruhlarini tanlash va toʻldirish;

oʻquvchi-sportchilar tibbiy koʻrikdan va dispanser koʻrigidan oʻz vaqtida oʻtishini nazorat qilish;

oʻquvchi-sportchilar uchun ularning individual xususiyatlarini hisobga olgan holda oʻquv-mashq rejalarini ishlab chiqish.”;

6) 9-band oʻz kuchini yoʻqotgan deb topilsin;

7) 14-banddagi “katta yoshdagilar, yoshlar (yuniorlar), oʻsmirlar va bolalar sport” degan soʻzlar “kichik oʻsmirlar, oʻsmirlar, yoshlar, U-23 va kattalar” degan soʻzlar bilan almashtirilsin;

8) 15-bandda :

ikkinchi xatboshidagi “professional” degan soʻz “kasbiy” degan soʻz bilan almashtirilsin;

toʻrtinchi va beshinchi xatboshilar chiqarib tashlansin;

oltinchi xatboshi — beshinchi xatboshi deb hisoblansin.

9) 16-banddagi “ittifoqlar, assotsiatsiyalar” degan soʻzlar “uyushmalar” degan soʻz bilan almashtirilsin;

10) 17-bandning uchinchi xatboshisidagi “shahar, koʻngilli” degan soʻzlar “tuman (shahar)” degan soʻzlar bilan almashtirilsin;

11) 19-bandda :

ikkinchi xatboshidagi “professional” degan soʻz “kasbiy” degan soʻz bilan almashtirilsin;

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin;

12) 3-bobdagi “III.”raqami “3-bob.” degan soʻzlar bilan almashtirilsin;

13) 22-bandning ikkinchi — beshinchi xatboshilari quyidagi tahrirda bayon etilsin:

“xalqaro toifali trener;

oliy toifali trener;

birinchi toifali trener;

ikkinchi toifali trener.”;

14) 23-band quyidagi tahrirda bayon etilsin:

“23. Trener-oʻqituvchilarga ikkinchi, birinchi va oliy malaka toifalarini berish ular tomonidan tayyorlangan sportchilarning sport musobaqalarida erishgan natijasi Oʻzbekiston Respublikasining sport terma jamoalarini shakllantirish va sport zaxirasini tayyorlashda qoʻshgan hissasi boʻyicha Oʻzbekiston Respublikasi Vazirlar Mahkamasining 2025-yil 7-avgustdagi 500-son qarori bilan tasdiqlangan Jismoniy tarbiya-sport tashkilotlarining trener-oʻqituvchilari va yoʻriqchi-uslubchilariga malaka toifalarini berish tartibi toʻgʻrisidagi nizom asosida beriladi.”;

15) 25-banddagi “ittifoqlar, assotsiatsiyalar” degan soʻzlar “uyushmalar” degan soʻz bilan almashtirilsin;

16) 4-bobning nomidagi “IV.” degan raqam “4-bob.” degan soʻzlar bilan almashtirilsin;

17) 5-bobning nomidagi “V.”degan raqam “5-bob.” degan soʻzlar bilan almashtirilsin.

Vazir A. IKRAMOV

Oliy taʼlim, fan va innovatsiyalar vaziri K. SHARIPOV

Kambagʻallikni qisqartirish va bandlik vaziri B. ZAXIDOV

Maktabgacha va maktab taʼlimi vaziri E. KARIMOVA

Oʻzbekiston Kasaba uyushmalari Federatsiyasi Raisi K. RAFIKOV

Toshkent sh.,

2025-yil 23-dekabr,

2025-yil 13-dekabr

2025-yil 4-dekabr

2025-yil 27-noyabr

11-mh-son

(Qonunchilik maʼlumotlari milliy bazasi, 05.01.2026-y., 10/26/2247-3/0009-son)

lex.uz