UzbekAI

Ўзбекистон Республикаси Марказий Банки бошқарувининг

қарори

Тўлов тизими операторлари ва тўлов ташкилотлари фаолиятини лицензиялаш тартиби тўғрисидаги низомга ўзгартириш ва қўшимчалар киритиш ҳақида

Ўзбекистон Республикасининг « Ўзбекистон Республикасининг Марказий банки тўғрисида »ги ҳамда « Киберхавфсизликни таъминлаш соҳасидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида »ги қонунларга мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2023 йил 18 апрелдаги 8/3-сон қарори (рўйхат рақами 3431, 2023 йил 5 май) (Қонунчилик маълумотлари миллий базаси, 10.05.2023-й., 10/23/3431/0265-сон) билан тасдиқланган Тўлов тизими операторлари ва тўлов ташкилотлари фаолиятини лицензиялаш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Савдо-саноат палатаси ва Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили билан келишилган.

3. Мазкур қарор расмий эълон қилинган кундан эътиборан кучга киради.

Келишилди:

Ўзбекистон Республикаси Марказий банки бошқарувининг 2025 йил 25 декабрдаги 35/16-сон қарорига ИЛОВА

Тўлов тизими операторлари ва тўлов ташкилотлари фаолиятини лицензиялаш тартиби тўғрисидаги низомга киритилаётган ўзгартириш ва қўшимчалар

1. 7-бобнинг номи қуйидаги таҳрирда баён этилсин:

«7-боб. Тўлов тизими оператори ва тўлов ташкилотига қўйиладиган ташкилий, техник, ахборот хавфсизлиги ва киберхавфсизликни таъминлаш, шубҳали (фрод) операцияларга қарши чоралар кўриш ҳамда фаолиятнинг узлуксизлигига доир талаблар».

2. 17-бандда :

учинчи хатбоши «таваккалчиликларни бошқариш тизимларининг самарали ишлаши» деган сўзлардан кейин «, шунингдек ахборот хавфсизлиги ва киберхавфсизликни таъминлаш ҳамда шубҳали (фрод) операцияларга қарши чоралар кўриш» деган сўзлар билан тўлдирилсин;

саккизинчи хатбоши «ахборот хавфсизлиги» деган сўзлардан кейин «ва киберхавфсизликни таъминлаш, шубҳали (фрод) операцияларга қарши чоралар кўриш» деган сўзлар билан тўлдирилсин.

3. 18-банд қуйидаги таҳрирда баён этилсин:

«18. Тўлов тизими оператори ва тўлов ташкилоти ахборот тизимларининг ахборот хавфсизлиги ва киберхавфсизлигини таъминлаши ҳамда ахборот хавфсизлиги сиёсатини ишлаб чиқиши шарт.».

4. 19-бандда :

биринчи хатбоши қуйидаги таҳрирда баён этилсин:

«19. Тўлов тизими оператори ва тўлов ташкилоти ахборот тизимларини «Тўлов тизимлари операторлари ва тўлов хизматларини етказиб берувчиларнинг тўлов тизимларида ахборот хавфсизлиги ва киберхавфсизликни таъминлаш ҳамда рақамли технологиялар воситасида содир этиладиган ҳуқуқбузарликларни олдини олиш чораларини кўриш тўғрисида»ги низомга (рўйхат рақами 3513, 21.05.2024 йил) мувофиқ ташкил этиши зарур.»;

тўртинчи хатбоши чиқариб ташлансин;

бешинчи — еттинчи хатбошилар тегишли равишда тўртинчи — олтинчи хатбошилар деб ҳисоблансин.

5. 23-банднинг тўққизинчи хатбошиси қуйидаги таҳрирда баён этилсин:

«хавфсизлик сиёсати ҳақидаги, шу жумладан таваккалчиликларни батафсил баҳолашни ўз ичига олган ҳужжат, шунингдек ахборот хавфсизлигини ва киберхавфсизликни ҳамда тўлов хизматидан фойдаланувчиларнинг ҳимоя қилинишини таъминлаш учун таваккалчиликларни, шу жумладан фирибгарлик ҳамда конфиденциал ва шахсга доир маълумотлардан қонунга зид равишда фойдаланиш хавфларини камайтириш бўйича кўриладиган чораларнинг тавсифи».

6. 49-банднинг саккизинчи хатбошиси қуйидаги таҳрирда баён этилсин:

«тўлов тизимининг узлуксиз ишлашига, шунингдек ахборот хавфсизлигини ва киберхавфсизликни таъминлашга таъсир кўрсатувчи қоидабузарликлар Марказий банкнинг биринчи кўрсатмаси юборилган кундан эътиборан уч ой мобайнида тўлов тизимининг оператори томонидан бартараф этилмаганда;»;

Раис Т. ИШМЕТОВ

Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ўринбосари Ж. УРУНОВ

Савдо-саноат палатаси раиси Д. ВАХАБОВ

Тошкент ш.,

2025 йил 25 декабрь,

2025 йил 17 ноябрь

35/16 -сон

(Қонунчилик маълумотлари миллий базаси, 06.01.2026 й., 10/26/3431-2/0016-сон)

lex.uz

Oʻzbekiston Respublikasi Markaziy Banki boshqaruvining

qarori

Toʻlov tizimi operatorlari va toʻlov tashkilotlari faoliyatini litsenziyalash tartibi toʻgʻrisidagi nizomga oʻzgartirish va qoʻshimchalar kiritish haqida

Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi hamda “ Kiberxavfsizlikni taʼminlash sohasidagi qonunchilik takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida ”gi qonunlarga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2023-yil 18-apreldagi 8/3-son qarori (roʻyxat raqami 3431, 2023-yil 5-may) (Qonunchilik maʼlumotlari milliy bazasi, 10.05.2023-y., 10/23/3431/0265-son) bilan tasdiqlangan Toʻlov tizimi operatorlari va toʻlov tashkilotlari faoliyatini litsenziyalash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Savdo-sanoat palatasi va Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi Markaziy banki boshqaruvining 2025-yil 25-dekabrdagi 35/16-son qaroriga ILOVA

Toʻlov tizimi operatorlari va toʻlov tashkilotlari faoliyatini litsenziyalash tartibi toʻgʻrisidagi nizomga kiritilayotgan oʻzgartirish va qoʻshimchalar

1. 7-bobning nomi quyidagi tahrirda bayon etilsin:

“7-bob. Toʻlov tizimi operatori va toʻlov tashkilotiga qoʻyiladigan tashkiliy, texnik, axborot xavfsizligi va kiberxavfsizlikni taʼminlash, shubhali (frod) operatsiyalarga qarshi choralar koʻrish hamda faoliyatning uzluksizligiga doir talablar”.

2. 17-bandda :

uchinchi xatboshi “tavakkalchiliklarni boshqarish tizimlarining samarali ishlashi” degan soʻzlardan keyin “, shuningdek axborot xavfsizligi va kiberxavfsizlikni taʼminlash hamda shubhali (frod) operatsiyalarga qarshi choralar koʻrish” degan soʻzlar bilan toʻldirilsin;

sakkizinchi xatboshi “axborot xavfsizligi” degan soʻzlardan keyin “va kiberxavfsizlikni taʼminlash, shubhali (frod) operatsiyalarga qarshi choralar koʻrish” degan soʻzlar bilan toʻldirilsin.

3. 18-band quyidagi tahrirda bayon etilsin:

“18. Toʻlov tizimi operatori va toʻlov tashkiloti axborot tizimlarining axborot xavfsizligi va kiberxavfsizligini taʼminlashi hamda axborot xavfsizligi siyosatini ishlab chiqishi shart.”.

4. 19-bandda :

birinchi xatboshi quyidagi tahrirda bayon etilsin:

“19. Toʻlov tizimi operatori va toʻlov tashkiloti axborot tizimlarini “Toʻlov tizimlari operatorlari va toʻlov xizmatlarini yetkazib beruvchilarning toʻlov tizimlarida axborot xavfsizligi va kiberxavfsizlikni taʼminlash hamda raqamli texnologiyalar vositasida sodir etiladigan huquqbuzarliklarni oldini olish choralarini koʻrish toʻgʻrisida”gi nizomga (roʻyxat raqami 3513, 21.05.2024-yil) muvofiq tashkil etishi zarur.”;

toʻrtinchi xatboshi chiqarib tashlansin;

beshinchi — yettinchi xatboshilar tegishli ravishda toʻrtinchi — oltinchi xatboshilar deb hisoblansin.

5. 23-bandning toʻqqizinchi xatboshisi quyidagi tahrirda bayon etilsin:

“xavfsizlik siyosati haqidagi, shu jumladan tavakkalchiliklarni batafsil baholashni oʻz ichiga olgan hujjat, shuningdek axborot xavfsizligini va kiberxavfsizlikni hamda toʻlov xizmatidan foydalanuvchilarning himoya qilinishini taʼminlash uchun tavakkalchiliklarni, shu jumladan firibgarlik hamda konfidensial va shaxsga doir maʼlumotlardan qonunga zid ravishda foydalanish xavflarini kamaytirish boʻyicha koʻriladigan choralarning tavsifi”.

6. 49-bandning sakkizinchi xatboshisi quyidagi tahrirda bayon etilsin:

“toʻlov tizimining uzluksiz ishlashiga, shuningdek axborot xavfsizligini va kiberxavfsizlikni taʼminlashga taʼsir koʻrsatuvchi qoidabuzarliklar Markaziy bankning birinchi koʻrsatmasi yuborilgan kundan eʼtiboran uch oy mobaynida toʻlov tizimining operatori tomonidan bartaraf etilmaganda;”;

Rais T. ISHMETOV

Tadbirkorlik subyektlarining huquqlari va qonuniy manfaatlarini himoya qilish boʻyicha vakil oʻrinbosari J. URUNOV

Savdo-sanoat palatasi raisi D. VAXABOV

Toshkent sh.,

2025-yil 25-dekabr,

2025-yil 17-noyabr

35/16 -son

(Qonunchilik maʼlumotlari milliy bazasi, 06.01.2026-y., 10/26/3431-2/0016-son)

lex.uz