📅 2026-yil 7-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 7 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 января 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 7 January 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
ҚАРОРИ
Иссиқхона хўжаликларини ривожлантириш ва фаолияти самарадорлигини оширишга доир қўшимча чора-тадбирлар тўғрисида
Ўзбекистон Республикаси Президентининг «Иссиқхона хўжаликлари фаолияти самарадорлигини ошириш ва экспорт ҳажмини кўпайтиришга доир қўшимча чора-тадбирлар тўғрисида» 2025 йил 8 октябрдаги ПФ-181-сон Фармони ижросини таъминлаш, шунингдек, иссиқхона хўжаликларини ривожлантириш ва фаолияти самарадорлигини оширишга қаратилган дастурни ишлаб чиқиш ишларини мувофиқлаштириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Иссиқхона хўжаликлари фаолияти самарадорлигини ошириш ва экспорт ҳажмини кўпайтиришга доир қўшимча чора-тадбирлар тўғрисида» 2025 йил 8 октябрдаги ПФ-181-сон Фармонига мувофиқ:
халқаро консалтинг компанияларини жалб қилган ҳолда Иссиқхона хўжаликларини ривожлантириш ва фаолияти самарадорлигини оширишга қаратилган дастурни ишлаб чиқиш ва бунда самарали бошқарув тизимини йўлга қўйишга масъул ташкилот таъсис этиш белгилангани;
Иссиқхона хўжаликларини ривожлантириш ва фаолияти самарадорлигини оширишга қаратилган дастурни ишлаб чиқиш ишларини мувофиқлаштириш мақсадида Ўзбекистон Республикаси Президентининг «Республика ижро этувчи ҳокимият органларининг фаолиятига рақамлаштиришни кенг жорий этиш ҳисобига бошқарув штат бирликлари сонини мақбуллаштириш чора-тадбирлари тўғрисида» 2025 йил 4 октябрдаги ПФ-178-сон Фармони билан Қишлоқ хўжалиги вазирлиги тизимидаги ташкилотлардан қисқартирилган штат бирликлари ҳисобидан Вазирлар Маҳкамаси ҳузурида 6 та штат бирлигидан иборат лойиҳа офиси ташкил этиш белгилангани маълумот учун қабул қилинсин.
2. Иссиқхона хўжаликларини ривожлантириш ва фаолияти самарадорлигини оширишга қаратилган дастурни ишлаб чиқиш ишларини мувофиқлаштириш бўйича лойиҳа офиси (кейинги ўринларда — Лойиҳа офиси) ходимларининг чекланган сони ҳамда меҳнатга ҳақ тўлаш миқдори иловага мувофиқ тасдиқлансин.
3. Белгилаб қўйилсинки:
Лойиҳа офиси Вазирлар Маҳкамаси ҳузурида алоҳида юридик шахс сифатида ташкил этилади;
Лойиҳа офиси раҳбари ва ходимлари белгиланган тартибда Вазирлар Маҳкамаси томонидан лавозимга тайинланади ва лавозимидан озод этилади;
Лойиҳа офиси ўз фаолиятида Вазирлар Маҳкамасининг Инвестициялар, экспорт, савдо, қишлоқ ва сув хўжалиги масалалари котибиятига ҳисобдор бўлади.
4. Қуйидагилар Лойиҳа офисининг асосий вазифалари этиб белгилансин:
Иссиқхона хўжаликларини ривожлантириш ва фаолияти самарадорлигини оширишга қаратилган дастурга (кейинги ўринларда — Дастур) қўйиладиган талаблар ва техник шартларни белгилаш ҳамда Дастурни ишлаб чиқишни ташкил этиш ва мувофиқлаштириш;
халқаро ташкилотлар ва молия институтлари, шунингдек, халқаро баҳолаш ташкилотлари ва консалтинг компанияларининг иссиқхона хўжаликларини ривожлантириш ва фаолияти самарадорлигини ошириш бўйича берган тавсияларини умумлаштириш, таҳлил қилиш ҳамда мақбул ташаббусларни амалиётга жорий этишни таъминлаш;
иссиқхона хўжаликларини ривожлантириш ва фаолияти самарадорлигини ошириш масалаларини институционал таҳлил қилиш ва ислоҳотларнинг асосий йўналишларини белгилаш.
5. Лойиҳа офиси фаолиятини молиялаштириш манбалари этиб қуйидагилар белгилансин:
Ўзбекистон Республикаси Давлат бюджети маблағлари;
юридик ва жисмоний шахсларнинг, шу жумладан, норезидентларнинг ҳомийлик хайриялари;
халқаро молия институтлари ва хорижий ҳукумат молия ташкилотларининг грантлари ҳамда техник кўмаклари;
қонунчилик ҳужжатлари билан тақиқланмаган бошқа манбалар.
Лойиҳа офисини сақлаш харажатлари Ўзбекистон Республикаси республика бюджетидан Вазирлар Маҳкамасига ажратилган маблағлар доирасида молиялаштирилади.
Ўзбекистон Республикаси Иқтисодиёт ва молия вазирлиги заруратга кўра Лойиҳа офисини сақлаш харажатлари учун ҳисоб-китобларга асосан қўшимча маблағ ажратилишини таъминласин.
6. Ўзбекистон Республикаси Қишлоқ хўжалиги вазирлиги Иқтисодиёт ва молия вазирлиги билан биргаликда икки ҳафта муддатда:
Лойиҳа офиси тўғрисидаги низомни, штатлар жадвалини ва харажатлар сметасини ишлаб чиқсин ҳамда тасдиқлаш учун белгиланган тартибда Вазирлар Маҳкамасига киритилишини таъминласин;
Лойиҳа офиси раҳбар ва мутахассис лавозимларига номзодлар бўйича Вазирлар Маҳкамасига таклифлар киритсин.
7. Лойиҳа офиси Ўзбекистон Республикаси Қишлоқ хўжалиги вазирлигининг Тошкент вилояти Қибрай тумани Университет кўчаси 2-уй манзилидаги биносида текин фойдаланиш ҳуқуқи асосида жойлаштирилсин.
Лойиҳа офиси фаолиятини йўлга қўйиш учун талаб этиладиган офис жиҳозлари ҳамда компьютер техникалари Қишлоқ хўжалиги вазирлигининг бюджетдан ташқари жамғармаси маблағлари ҳисобидан харид қилиниши белгилаб қўйилсин.
8. Белгилансинки, Дастур тасдиқланиб, иссиқхона хўжаликларини ривожлантириш ва фаолияти самарадорлигини ошириш йўналишида самарали бошқарув тизимини йўлга қўйиш учун масъул ташкилот белгилангандан сўнг Лойиҳа офиси белгиланган тартибда тугатилади.
9. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Ж.А. Ходжаев зиммасига юклансин.
Вазирлар Маҳкамасининг 2026 йил 7 январдаги 2-сон қарорига ИЛОВА
Иссиқхона хўжаликларини ривожлантириш ва фаолияти самарадорлигини оширишга қаратилган дастурни ишлаб чиқиш ишларини мувофиқлаштириш бўйича лойиҳа офиси ходимларининг чекланган сони ҳамда меҳнатга ҳақ тўлаш миқдори
Лавозимлар номи Штат бирликлари сони Меҳнатга ҳақ тўлашнинг энг кам миқдорига нисбатан коэффициент * Лойиҳа офиси раҳбари 1 25 Иқтисодчи-бухгалтер 1 21 Бош мутахассис 2 21 Етакчи мутахассис 2 20
Ўзбекистон Республикасининг Бош вазири А. АРИПОВ
Тошкент ш.,
2026 йил 7 январь,
2-сон
Oʻzbekiston Respublikasi Vazirlar Mahkamasining
QARORI
Issiqxona xoʻjaliklarini rivojlantirish va faoliyati samaradorligini oshirishga doir qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Issiqxona xoʻjaliklari faoliyati samaradorligini oshirish va eksport hajmini koʻpaytirishga doir qoʻshimcha chora-tadbirlar toʻgʻrisida” 2025-yil 8-oktabrdagi PF-181-son Farmoni ijrosini taʼminlash, shuningdek, issiqxona xoʻjaliklarini rivojlantirish va faoliyati samaradorligini oshirishga qaratilgan dasturni ishlab chiqish ishlarini muvofiqlashtirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Issiqxona xoʻjaliklari faoliyati samaradorligini oshirish va eksport hajmini koʻpaytirishga doir qoʻshimcha chora-tadbirlar toʻgʻrisida” 2025-yil 8-oktabrdagi PF-181-son Farmoniga muvofiq:
xalqaro konsalting kompaniyalarini jalb qilgan holda Issiqxona xoʻjaliklarini rivojlantirish va faoliyati samaradorligini oshirishga qaratilgan dasturni ishlab chiqish va bunda samarali boshqaruv tizimini yoʻlga qoʻyishga masʼul tashkilot taʼsis etish belgilangani;
Issiqxona xoʻjaliklarini rivojlantirish va faoliyati samaradorligini oshirishga qaratilgan dasturni ishlab chiqish ishlarini muvofiqlashtirish maqsadida Oʻzbekiston Respublikasi Prezidentining “Respublika ijro etuvchi hokimiyat organlarining faoliyatiga raqamlashtirishni keng joriy etish hisobiga boshqaruv shtat birliklari sonini maqbullashtirish chora-tadbirlari toʻgʻrisida” 2025-yil 4-oktabrdagi PF-178-son Farmoni bilan Qishloq xoʻjaligi vazirligi tizimidagi tashkilotlardan qisqartirilgan shtat birliklari hisobidan Vazirlar Mahkamasi huzurida 6 ta shtat birligidan iborat loyiha ofisi tashkil etish belgilangani maʼlumot uchun qabul qilinsin.
2. Issiqxona xoʻjaliklarini rivojlantirish va faoliyati samaradorligini oshirishga qaratilgan dasturni ishlab chiqish ishlarini muvofiqlashtirish boʻyicha loyiha ofisi (keyingi oʻrinlarda — Loyiha ofisi) xodimlarining cheklangan soni hamda mehnatga haq toʻlash miqdori ilovaga muvofiq tasdiqlansin.
3. Belgilab qoʻyilsinki:
Loyiha ofisi Vazirlar Mahkamasi huzurida alohida yuridik shaxs sifatida tashkil etiladi;
Loyiha ofisi rahbari va xodimlari belgilangan tartibda Vazirlar Mahkamasi tomonidan lavozimga tayinlanadi va lavozimidan ozod etiladi;
Loyiha ofisi oʻz faoliyatida Vazirlar Mahkamasining Investitsiyalar, eksport, savdo, qishloq va suv xoʻjaligi masalalari kotibiyatiga hisobdor boʻladi.
4. Quyidagilar Loyiha ofisining asosiy vazifalari etib belgilansin:
Issiqxona xoʻjaliklarini rivojlantirish va faoliyati samaradorligini oshirishga qaratilgan dasturga (keyingi oʻrinlarda — Dastur) qoʻyiladigan talablar va texnik shartlarni belgilash hamda Dasturni ishlab chiqishni tashkil etish va muvofiqlashtirish;
xalqaro tashkilotlar va moliya institutlari, shuningdek, xalqaro baholash tashkilotlari va konsalting kompaniyalarining issiqxona xoʻjaliklarini rivojlantirish va faoliyati samaradorligini oshirish boʻyicha bergan tavsiyalarini umumlashtirish, tahlil qilish hamda maqbul tashabbuslarni amaliyotga joriy etishni taʼminlash;
issiqxona xoʻjaliklarini rivojlantirish va faoliyati samaradorligini oshirish masalalarini institutsional tahlil qilish va islohotlarning asosiy yoʻnalishlarini belgilash.
5. Loyiha ofisi faoliyatini moliyalashtirish manbalari etib quyidagilar belgilansin:
Oʻzbekiston Respublikasi Davlat budjeti mablagʻlari;
yuridik va jismoniy shaxslarning, shu jumladan, norezidentlarning homiylik xayriyalari;
xalqaro moliya institutlari va xorijiy hukumat moliya tashkilotlarining grantlari hamda texnik koʻmaklari;
qonunchilik hujjatlari bilan taqiqlanmagan boshqa manbalar.
Loyiha ofisini saqlash xarajatlari Oʻzbekiston Respublikasi respublika budjetidan Vazirlar Mahkamasiga ajratilgan mablagʻlar doirasida moliyalashtiriladi.
Oʻzbekiston Respublikasi Iqtisodiyot va moliya vazirligi zaruratga koʻra Loyiha ofisini saqlash xarajatlari uchun hisob-kitoblarga asosan qoʻshimcha mablagʻ ajratilishini taʼminlasin.
6. Oʻzbekiston Respublikasi Qishloq xoʻjaligi vazirligi Iqtisodiyot va moliya vazirligi bilan birgalikda ikki hafta muddatda:
Loyiha ofisi toʻgʻrisidagi nizomni, shtatlar jadvalini va xarajatlar smetasini ishlab chiqsin hamda tasdiqlash uchun belgilangan tartibda Vazirlar Mahkamasiga kiritilishini taʼminlasin;
Loyiha ofisi rahbar va mutaxassis lavozimlariga nomzodlar boʻyicha Vazirlar Mahkamasiga takliflar kiritsin.
7. Loyiha ofisi Oʻzbekiston Respublikasi Qishloq xoʻjaligi vazirligining Toshkent viloyati Qibray tumani Universitet koʻchasi 2-uy manzilidagi binosida tekin foydalanish huquqi asosida joylashtirilsin.
Loyiha ofisi faoliyatini yoʻlga qoʻyish uchun talab etiladigan ofis jihozlari hamda kompyuter texnikalari Qishloq xoʻjaligi vazirligining budjetdan tashqari jamgʻarmasi mablagʻlari hisobidan xarid qilinishi belgilab qoʻyilsin.
8. Belgilansinki, Dastur tasdiqlanib, issiqxona xoʻjaliklarini rivojlantirish va faoliyati samaradorligini oshirish yoʻnalishida samarali boshqaruv tizimini yoʻlga qoʻyish uchun masʼul tashkilot belgilangandan soʻng Loyiha ofisi belgilangan tartibda tugatiladi.
9. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va J.A. Xodjayev zimmasiga yuklansin.
Vazirlar Mahkamasining 2026-yil 7-yanvardagi 2-son qaroriga ILOVA
Issiqxona xoʻjaliklarini rivojlantirish va faoliyati samaradorligini oshirishga qaratilgan dasturni ishlab chiqish ishlarini muvofiqlashtirish boʻyicha loyiha ofisi xodimlarining cheklangan soni hamda mehnatga haq toʻlash miqdori
Lavozimlar nomi Shtat birliklari soni Mehnatga haq toʻlashning eng kam miqdoriga nisbatan koeffitsiyent * Loyiha ofisi rahbari 1 25 Iqtisodchi-buxgalter 1 21 Bosh mutaxassis 2 21 Yetakchi mutaxassis 2 20
Oʻzbekiston Respublikasining Bosh vaziri A. ARIPOV
Toshkent sh.,
2026-yil 7-yanvar,
2-son