📅 2025-yil 24-dekabr · Vazirlik va idoralar hujjatlari · Sogʻliqni saqlash vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 24 декабрь · Вазирлик ва идоралар ҳужжатлари · Соғлиқни сақлаш вазири
Расмий матн. Расмий ҳужжат. Таҳририй изоҳлар киритилмаган.
📅 24 декабря 2025 г. · Документы министерств и ведомств · Министр здравоохранения
Официальный текст. Официальный документ. Редакционные примечания не включены.
📅 24 December 2025 · Ministry and agency documents · Sogʻliqni saqlash vaziri
Official text. Official document. Editorial notes are not included.
Ўзбекистон Республикаси Соғлиқни сақлаш вазирининг
буйруғи
РЎЙХАТИ
Саломатлиги хавфсизлик камари тақиш имконини бермайдиган касалликлар рўйхатини тасдиқлаш ҳақида
Ўзбекистон Республикаси Вазирлар Маҳкамасининг 2022 йил 12 апрелдаги 172-сон «Йўл ҳаракати қоидаларини тасдиқлаш тўғрисида»ги қарорига мувофиқ буюраман:
1. Саломатлиги хавфсизлик камари тақиш имконини бермайдиган касалликлар рўйхати иловага мувофиқ тасдиқлансин.
2. Мазкур буйруқ Ўзбекистон Республикаси Ички ишлар вазирлиги билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Соғлиқни сақлаш вазирининг 2025 йил 24 декабрдаги 29-сон буйруғига ИЛОВА
Саломатлиги хавфсизлик камари тақиш имконини бермайдиган касалликлар
Т/р Касалликлар номи 1. Ўмров ва тўш суяги синиши * 2. Елка камари синиши * 3. Қовурғалар синиши * 4. Чап ўмров суяги чиқиши туфайли ўтказилган операциялар * 5. Чап ўмров суягининг сохта бўғими синиши * 6. Умуртқа поғонасининг компрессион синиши * 7. Ўпканинг сурункали обструктив касалликлари (IV босқич) 8. Бронхиал астма (IV босқич) 9. Ўпканинг интерстициал зарарланиши (фиброз ва бошқалар) 10. Ўпканинг бир қисми ёки бутун қисмининг (чап ёки ўнг) олиб ташланиши (лобектомия, пневмонектомия) ** 11. Сурункали юрак етишмовчилигининг III босқичи ва декомпенсация босқичи 12. Оғир юрак-қон томир касалликлари (ўтказилган инфарктлар, ишемия ва бошқалар) 13. III даражали (морбид) семизлик (Тананинг масса индекси ≥ 40) 14. Паст бўйлик (нанизм) 150 сантиметрдан паст ** 15. Қўл ёки елка ҳаракатини чекловчи неврологик касалликлар 16. Тананинг кўкрак қисмида жойлашган оғир аллергик ёки дерматологик касалликларнинг оғир шакллари (экзема, псориаз ва бошқалар) 17. Ўмров, курак, елка, тўш суяклари ва қовурғаларда ички ва ташқи имплантларнинг мавжудлиги 18. Кўкрак қафаси ва қорин бўшлиғида ўтказилган очиқ турдаги операциялар 19. Стомалар мавжуд бўлиши 20. Кўкрак қафаси соҳасидаги йирик ҳосилалар (ўсма)
Саломатлиги хавфсизлик камари тақиш имконини бермайдиган касалликлар рўйхатига ИЛОВА
Саломатлиги хавфсизлик камари тақиш имконини бермайдиган касалликлар бўйича ТИББИЙ МАЪЛУМОТНОМА ШАКЛИ ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ 1. Маълумотнома берувчи ташкилот номи - 2. Фамилияси, исми, отасининг исми - 3. Жисмоний шахснинг шахсий идентификация рақами - 4. Туғилган санаси 5. Яшаш жойи - 6. Маълумотнома рақами - 7. Маълумотноманинг амал қилиш муддати 2 ой 4 ой 6 ой 1 йил доимий 8. Маълумотнома тасдиқланган сана 20___ йил «___» ________________________ QR-код сканер қилинганда, ушбу ҳужжатнинг нусхаси Ўзбекистон Республикаси Соғлиқни сақлаш вазирлигининг расмий ахборот ресурсидан https://ssv.uz генерация қилинади. Бошқа ахборот ресурсларидан шакллантирилган ҳужжат Ўзбекистон Республикаси Соғлиқни сақлаш вазирлигига тегишли эмас.
Вазир А. ХУДАЯРОВ
Ички ишлар вазири А. ТАШПУЛАТОВ
Тошкент ш.,
2025 йил 24 декабрь,
2025 йил 12 декабрь
29-сон
Oʻzbekiston Respublikasi Sogʻliqni saqlash vazirining
buyrugʻi
ROʻYXATI
Salomatligi xavfsizlik kamari taqish imkonini bermaydigan kasalliklar roʻyxatini tasdiqlash haqida
Oʻzbekiston Respublikasi Vazirlar Mahkamasining 2022-yil 12-apreldagi 172-son “Yoʻl harakati qoidalarini tasdiqlash toʻgʻrisida”gi qaroriga muvofiq buyuraman:
1. Salomatligi xavfsizlik kamari taqish imkonini bermaydigan kasalliklar roʻyxati ilovaga muvofiq tasdiqlansin.
2. Mazkur buyruq Oʻzbekiston Respublikasi Ichki ishlar vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Sogʻliqni saqlash vazirining 2025-yil 24-dekabrdagi 29-son buyrugʻiga ILOVA
Salomatligi xavfsizlik kamari taqish imkonini bermaydigan kasalliklar
T/r Kasalliklar nomi 1. Oʻmrov va toʻsh suyagi sinishi * 2. Yelka kamari sinishi * 3. Qovurgʻalar sinishi * 4. Chap oʻmrov suyagi chiqishi tufayli oʻtkazilgan operatsiyalar * 5. Chap oʻmrov suyagining soxta boʻgʻimi sinishi * 6. Umurtqa pogʻonasining kompression sinishi * 7. Oʻpkaning surunkali obstruktiv kasalliklari (IV bosqich) 8. Bronxial astma (IV bosqich) 9. Oʻpkaning interstitsial zararlanishi (fibroz va boshqalar) 10. Oʻpkaning bir qismi yoki butun qismining (chap yoki oʻng) olib tashlanishi (lobektomiya, pnevmonektomiya) ** 11. Surunkali yurak yetishmovchiligining III bosqichi va dekompensatsiya bosqichi 12. Ogʻir yurak-qon tomir kasalliklari (oʻtkazilgan infarktlar, ishemiya va boshqalar) 13. III darajali (morbid) semizlik (Tananing massa indeksi ≥ 40) 14. Past boʻylik (nanizm) 150 santimetrdan past ** 15. Qoʻl yoki yelka harakatini cheklovchi nevrologik kasalliklar 16. Tananing koʻkrak qismida joylashgan ogʻir allergik yoki dermatologik kasalliklarning ogʻir shakllari (ekzema, psoriaz va boshqalar) 17. Oʻmrov, kurak, yelka, toʻsh suyaklari va qovurgʻalarda ichki va tashqi implantlarning mavjudligi 18. Koʻkrak qafasi va qorin boʻshligʻida oʻtkazilgan ochiq turdagi operatsiyalar 19. Stomalar mavjud boʻlishi 20. Koʻkrak qafasi sohasidagi yirik hosilalar (oʻsma)
Salomatligi xavfsizlik kamari taqish imkonini bermaydigan kasalliklar roʻyxatiga ILOVA
Salomatligi xavfsizlik kamari taqish imkonini bermaydigan kasalliklar boʻyicha TIBBIY MAʼLUMOTNOMA SHAKLI OʻZBEKISTON RESPUBLIKASI SOGʻLIQNI SAQLASH VAZIRLIGI 1. Maʼlumotnoma beruvchi tashkilot nomi - 2. Familiyasi, ismi, otasining ismi - 3. Jismoniy shaxsning shaxsiy identifikatsiya raqami - 4. Tugʻilgan sanasi 5. Yashash joyi - 6. Maʼlumotnoma raqami - 7. Maʼlumotnomaning amal qilish muddati 2 oy 4 oy 6 oy 1 yil doimiy 8. Maʼlumotnoma tasdiqlangan sana 20___ yil “___” ________________________ QR-kod skaner qilinganda, ushbu hujjatning nusxasi Oʻzbekiston Respublikasi Sogʻliqni saqlash vazirligining rasmiy axborot resursidan https://ssv.uz generatsiya qilinadi. Boshqa axborot resurslaridan shakllantirilgan hujjat Oʻzbekiston Respublikasi Sogʻliqni saqlash vazirligiga tegishli emas.
Vazir A. XUDAYAROV
Ichki ishlar vaziri A. TASHPULATOV
Toshkent sh.,
2025-yil 24-dekabr,
2025-yil 12-dekabr
29-son