📅 2026-yil 19-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 19 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 января 2026 г. · Постановления Президента
Официальный текст. Официальный документ. Редакционные примечания не включены.
📅 19 January 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
«ЙЎЛ ХАРИТАСИ»
РЎЙХАТИ
Ички ишлар органларининг миграция ва персоналлаштириш соҳасидаги фаолиятини рақамлаштириш орқали сифат жиҳатидан янги босқичга кўтариш чора-тадбирлари тўғрисида
Ўзбекистон Республикаси Президентининг 2025 йил 11 мартдаги «Ўзбекистон Республикасида шахсга доир маълумотларни ҳимоялаш фаолиятини янада такомиллаштириш бўйича чора-тадбирлар тўғрисида»ги ПФ-45-сон Фармони ижросини таъминлаш ҳамда миграция ва персоналлаштириш соҳасида бошқарув тизимини такомиллаштириш, сунъий интеллект имкониятларидан кенг фойдаланиш орқали аҳолига тезкор ва сифатли хизмат кўрсатиш ҳамда соҳада рақамлаштириш жараёнларини изчил давом эттириш мақсадида қарор қиламан:
I. Устувор йўналишлар
1. Қуйидагилар миграция ва персоналлаштириш соҳасида давлат сиёсатининг устувор йўналишлари этиб белгилансин:
(а) ички ишлар органлари миграция ва персоналлаштириш бўлинмаларини босқичма-босқич тезкорлик ва шаффофлик тамойиллари асосида аҳолига янада қулай ва сифатли хизмат кўрсатувчи «сервис бўлинмалар»га айлантириш;
(б) миграция ва персоналлаштириш соҳасида республика — вилоят — туман (шаҳар) бўлинмалар фаолиятини ташкил этишни сифат жиҳатидан янги босқичга кўтариш ва улар самарадорлигини ошириш;
(в) миграция ва персоналлаштириш соҳасида кўрсатиладиган давлат хизматларини рақамлаштириш;
(г) шахсга доир маълумотларнинг тўғрилиги ва ишончлилигини таъминлаш;
(д) соҳага замонавий ахборот-коммуникация технологияларини кенг жорий этиш орқали мавжуд ахборот тизимларида ахборот хавфсизлиги ва киберхавфсизликни таъминлаш.
II. Ташкилий чора-тадбирлар
2. Қуйидагилар:
(а) Ўзбекистон Республикаси Ички ишлар вазирлиги ҳузуридаги Миграция ва персоналлаштириш департаменти (кейинги ўринларда — Департамент) тўғрисидаги низом 1-иловага мувофиқ;
(б) Ички ишлар органларининг миграция ва персоналлаштириш соҳасидаги фаолиятини сифат жиҳатидан янги босқичга олиб чиқиш бўйича «йўл харитаси» 2-иловага мувофиқ тасдиқлансин.
3. Белгилансинки, 2026 йил 1 майдан бошлаб эксперимент тариқасида Тошкент, Самарқанд ва Фарғона вилоятлари ҳамда Қорақалпоғистон Республикасида биттадан туман (шаҳар) ички ишлар органлари миграция ва персоналлаштириш бўлинмаларида ўзига ўзи хизмат кўрсатиш имконияти яратилган, сунъий интеллект асосида фаолият юритадиган «Ақлли» миграция шохобчалари (Smart migration stations) ташкил этилсин. Бунда:
(а) дастлабки босқичда «Ақлли» миграция шохобчаларида 3-иловада келтирилган давлат хизматлари кўрсатилади;
(б) Ички ишлар вазирлиги томонидан ўзига ўзи кўрсатиладиган хизматлар турлари кенгайтириб борилади.
4. Ички ишлар вазирлиги (А.А. Ташпулатов) 2027 йил 1 майга қадар эксперимент натижасидан келиб чиқиб, «Ақлли» миграция шохобчаларини республиканинг бошқа ҳудудларида, шунингдек, савдо ва кўнгилочар марказлар, туристик ҳудудларда ҳам ташкил этиш бўйича Вазирлар Маҳкамасига таклиф киритсин.
III. Аҳолига қулайликлар яратиш
5. Ички ишлар вазирлиги, Рақамли технологиялар вазирлиги, Солиқ қўмитаси ҳамда Камбағалликни қисқартириш ва бандлик вазирлигининг қуйидаги таклифлари маъқуллансин:
(а) 2026 йил 1 майдан бошлаб Департамент ва унинг ҳудудий бошқармаларига Ўзбекистонга электрон кириш визаси асосида кириб келган чет эл фуқаролари ва фуқаролиги бўлмаган шахсларнинг электрон визаларининг амал қилиш муддатини бир маротаба 30 кунгача узайтириш ҳуқуқини бериш;
(б) чет эл фуқароларига Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномани расмийлаштириш ваколатини Департамент ва унинг ҳудудий бошқармаларига ҳам бериш;
(в) ҳудудий ички ишлар органлари раҳбарларига чет эл фуқаролари таълим олаётган муассасалар ёки меҳнат фаолияти билан шуғулланаётган корхона ва ташкилотларда виза муддатини узайтириш, турган жойи бўйича рўйхатдан ўтказиш учун корхона, муассаса ва ташкилотлар маблағлари ҳисобидан шартнома асосида миграция бўлинмасига шаҳодатланган қўшимча штат бирликларини киритиш ҳуқуқини бериш;
(г) 2026 йил 1 сентябрдан бошлаб талабалар ётоқхонасига жойлашиш бўйича шартнома тузиш билан бир вақтда талабаларни турган жойи бўйича рўйхатга олишнинг композит тартибини жорий этиш;
(д) 2026 йил 1 февралдан бошлаб жисмоний шахсларга идентификацияловчи ID карталар биринчи маротаба расмийлаштирилганда унинг чипига киритиладиган электрон рақамли имзо сертификатини бепул бериш ҳамда фуқарони «Электрон ҳукумат» тизими фойдаланувчиларини идентификациялаш ягона ахборот тизимида автоматик тарзда бепул рўйхатдан ўтказиш.
IV. Миграция ва персоналлаштириш соҳасини рақамлаштириш
6. Департамент жисмоний шахсларнинг қуйидаги марказий маълумотлар базаларини шакллантириш ва доимий янгилаб бориш бўйича ваколатли орган ҳисобланади:
(а) чет эл фуқаролари ва фуқаролиги бўлмаган шахсларнинг, шунингдек, Ўзбекистон Республикаси фуқароларининг яшаш ва турган жойи бўйича рўйхатга олинган манзили тўғрисидаги маълумотлар;
(б) идентификацияловчи ID карта серияси, рақами, берилган жойи ҳамда берилган санаси ва тугаш санаси тўғрисидаги маълумотлар;
(в) Ўзбекистон Республикаси фуқаролиги тўғрисидаги маълумотлар;
(г) Ўзбекистон Республикаси фуқаролари, Ўзбекистон Республикасида доимий яшовчи чет эл фуқаролари ва фуқаролиги бўлмаган шахслар тўғрисидаги маълумотлар;
(д) Ўзбекистон Республикасига таклиф қилинган чет эл фуқаролари ва фуқаролиги бўлмаган шахслар ҳақидаги, шунингдек, уларнинг виза муддати узайтирилганлиги тўғрисидаги маълумотлар.
7. Ички ишлар вазирлиги (А.А. Ташпулатов) 2026 йил 1 августга қадар сунъий интеллект технологиялари асосида:
(а) миграция ва персоналлаштириш соҳасига оид электрон давлат хизматларини кўрсатиш, онлайн ҳуқуқий маслаҳат бериш, юкламаси кам бўлган миграция бўлинмалари ҳақида маълумот олиш имконини берувчи «Паспорт-виза» автоматлаштирилган ахборот тизими мажмуасининг «Passport-visa» мобил иловасини ишлаб чиқсин.
Бунда мазкур мобил илова орқали кўрсатилиши кўзда тутилган миграция ва персоналлаштириш соҳасига оид электрон давлат хизматлари дастлаб Ягона интерактив давлат хизматлари порталида йўлга қўйилади;
(б) чет эл фуқаролари ва фуқаролиги бўлмаган шахслар томонидан Ўзбекистонда бўлиш қоидаларига риоя этилишини «Хавфсиз шаҳар» тизими орқали аниқлаш ва мониторинг қилиш имкониятини яратсин;
(в) миграция ва персоналлаштириш соҳасида бошқа шахснинг розилиги талаб этиладиган давлат хизматларини кўрсатишда уларнинг шахсини «Паспорт-виза» автоматлаштирилган ахборот тизими мажмуасининг «Face-ID» модули орқали масофадан туриб аниқлаш ва розилигини олиш имконини берувчи «E-Rozilik» платформасини ишга туширсин.
8. Белгилансинки, 2026 йил 1 сентябрдан бошлаб қуйидаги давлат хизматларини Ягона интерактив давлат хизматлари портали ва давлат хизматлари марказлари орқали кўрсатиш имконияти яратилади:
(а) хорижда истиқомат қилаётган ватандошлар ва уларнинг оила аъзоларини Ўзбекистон Республикасига таклиф қилиш;
(б) фуқаролиги бўлмаган шахсларнинг биометрик ҳаракатланиш ҳужжатларини расмийлаштириш учун ариза юбориш;
(в) мулкдор ёки турган жойи бўйича рўйхатга олинган Ўзбекистон Республикаси фуқаросининг мурожаати асосида унинг турган жойи бўйича рўйхатга олинганлигини бекор қилиш учун ариза юбориш.
9. Ички ишлар вазирлиги Рақамли технологиялар вазирлиги билан биргаликда 2026 йил якунига қадар шахсга доир маълумотлар доимий янгиланиши ва хавфсизлигини таъминлаш, давлат хизматлари сонини ошириш ҳамда такрорланувчи маълумотларни бирлаштириш орқали ахборот ресурсларидан фойдаланиш қулайлигини ошириш мақсадида Персоналлаштириш марказининг маълумотлар базалари ва дастурий таъминотларини Ички ишлар вазирлигининг «Паспорт-виза» автоматлаштирилган ахборот тизими мажмуасига бирлаштирсин. Бунда:
(а) шахсга доир маълумотлар жамланган «Ягона рақамли миграция» платформаси яратилади (Digital migration platform);
(б) «Паспорт-виза» автоматлаштирилган ахборот тизими мажмуасини такомиллаштириш, қўллаб-қувватлаш, Департамент ва унинг қуйи тизимлари учун сервер, компьютер ва бошқа қурилмаларни харид қилиш билан боғлиқ харажатлар Ички ишлар вазирлиги ҳамда Персоналлаштириш марказининг бюджетдан ташқари маблағлари ҳисобидан амалга оширилади.
V. Қарор ижросини ташкил этиш, таъминлаш ва назорат
10. Ички ишлар вазирлиги (З.К. Курбанов) Департаментнинг ахборот технологиялари ва телекоммуникация инфратузилмаларини ривожлантириш ҳамда техник қўллаб-қувватлаш, шунингдек, барча ахборот тизимлари, дастурий таъминотлар ва маълумотлар базаларида ахборот хавфсизлигини таъминлаш чораларини кўрсин.
11. Ички ишлар вазирлиги (А.А. Ташпулатов) уч ой муддатда:
(а) миграция ва персоналлаштириш бўлинмаларига чет эл фуқаролари ва фуқаролиги бўлмаган шахсларнинг Ўзбекистонда ноқонуний меҳнат фаолияти билан шуғуллангани учун маъмурий чора кўриш ваколатини беришни назарда тутувчи қонун лойиҳасини ишлаб чиқсин;
(б) қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Ўзбекистон Республикаси Президентининг айрим қарорларига 4-иловага мувофиқ ўзгартириш ва қўшимчалар киритилсин.
13. Мазкур қарорнинг ижросини самарали ташкил қилишга масъул ва шахсий жавобгар этиб Ўзбекистон Республикаси ички ишлар вазири А.А. Ташпулатов белгилансин.
14. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси департамент бошлиғи Д.Б. Кадиров зиммасига юклансин.
Ўзбекистон Республикаси Президентининг 2026 йил 19 январдаги ПҚ-14-сон қарорига 2-ИЛОВА
Ички ишлар органларининг миграция ва персоналлаштириш соҳасидаги фаолиятини сифат жиҳатидан янги босқичга олиб чиқиш бўйича
Т/р Чора-тадбирлар номи Амалга ошириш механизми Молиялаштириш манбаси Бажариш муддати Масъул орган I. Норматив-ҳуқуқий ҳужжатларни ишлаб чиқиш йўналишида 1. Миграция ва персоналлаштириш департаменти (кейинги ўринларда — Департамент) ва унинг ҳудудий бўлинмаларига Ўзбекистон Республикасининг «Шахсга доир маълумотлар тўғрисида»ги Қонуни талабларини бузган шахсларга нисбатан маъмурий баённома расмийлаштириш ваколатини бериш. 1. Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш бўйича қонун лойиҳасини ишлаб чиқиш. 2. Қонун лойиҳасини вазирлик ва идоралар билан келишиш. 3. Қонун лойиҳасини Вазирлар Маҳкамасига киритиш. Маблағ талаб этилмайди 2026 йил май Ички ишлар вазирлиги (Ташпулатов) , Адлия вазирлиги (Ташкулов), манфаатдор вазирлик ва идоралар 2. Департамент ва унинг ҳудудий бошқармаларига чет эл фуқаролари ва фуқаролиги бўлмаган шахсларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномани расмийлаштириш ваколатини бериш. 1. Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунига ўзгартириш ва қўшимчалар киритиш тўғрисидаги қонун лойиҳасини ишлаб чиқиш. 2. Қонун лойиҳасини вазирлик ва идоралар билан келишиш. 3. Қонун лойиҳасини Вазирлар Маҳкамасига киритиш. Маблағ талаб этилмайди 2026 йил май Ички ишлар вазирлиги (Ташпулатов) , Камбағалликни қисқартириш ва бандлик вазирлиги (Захидов), манфаатдор вазирлик ва идоралар 3. Чет эл фуқаролари ва фуқаролиги бўлмаган шахсларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномани бериш бўйича электрон мурожаатларни кўриб чиқиш тартибига ўзгартириш киритиш. Бунда мазкур хизматни Камбағалликни қисқартириш ва бандлик вазирлиги билан бир вақтда Ички ишлар вазирлигига бериш ҳамда пул тушумлари тақсимотини қайта кўриб чиқиш. 1. Вазирлар Маҳкамасининг 2022 йил 22 февралдаги «Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомни тасдиқлаш ҳақида»ги 86-сон қарорига ўзгартириш ва қўшимчалар киритиш тўғрисидаги норматив-ҳуқуқий ҳужжат лойиҳасини ишлаб чиқиш. 2. Қарор лойиҳасини белгиланган тартибда вазирлик ва идоралар билан келишиш. 3. Қарор лойиҳасини Вазирлар Маҳкамасига киритиш. Маблағ талаб этилмайди 2026 йил сентябрь Ички ишлар вазирлиги (Ташпулатов) , Камбағалликни қисқартириш ва бандлик вазирлиги (Захидов), манфаатдор вазирлик ва идоралар 4. Ички ишлар органларига чет эл фуқаролари ва фуқаролиги бўлмаган шахсларни улар томонидан Ўзбекистон Республикаси ҳудудида қонунга хилоф равишда меҳнат фаолиятини амалга оширганлик учун маъмурий жавобгарликка тортиш ҳуқуқини бериш. 1. Ўзбекистон Республикасининг Маъмурий жавобгарлик тўғрисидаги кодексига ўзгартириш ва қўшимчалар киритиш бўйича Қонун лойиҳасини ишлаб чиқиш. 2. Қонун лойиҳасини вазирлик ва идоралар билан келишиш. 3. Қонун лойиҳасини Вазирлар Маҳкамасига киритиш. Маблағ талаб этилмайди 2026 йил май Ички ишлар вазирлиги (Ташпулатов) , Адлия вазирлиги (Ташкулов), манфаатдор вазирлик ва идоралар 5. Хорижда истиқомат қилаётган ватандошлар ва уларнинг оила аъзоларини Ўзбекистон Республикасига таклиф қилишни расмийлаштириш учун Ягона интерактив давлат хизматлари портали (кейинги ўринларда — ЯИДХП) орқали мурожаат қилиш бўйича давлат хизматини кўрсатишнинг маъмурий регламентини ишлаб чиқиш. 1. Норматив-ҳуқуқий ҳужжат лойиҳасини ишлаб чиқиш. 2. Норматив-ҳуқуқий ҳужжат лойиҳасини белгиланган тартибда вазирлик ва идоралар билан келишиш. 3. Норматив-ҳуқуқий ҳужжат лойиҳасини Вазирлар Маҳкамасига киритиш. Маблағ талаб этилмайди 2026 йил июнь Ички ишлар вазирлиги (Ташпулатов) , Адлия вазирлиги (Ташкулов) , Давлат хавфсизлик хизмати (Курбанов), Ташқи ишлар вазирлиги (Саидов) 6. Фуқаролиги бўлмаган шахснинг биометрик ҳаракатланиш ҳужжатини расмийлаштириш учун ЯИДХП орқали мурожаат қилиш бўйича давлат хизматини кўрсатишнинг маъмурий регламентини ишлаб чиқиш. 1. Норматив-ҳуқуқий ҳужжат лойиҳасини ишлаб чиқиш. 2. Норматив-ҳуқуқий ҳужжат лойиҳасини белгиланган тартибда вазирлик ва идоралар билан келишиш. 3. Норматив-ҳуқуқий ҳужжат лойиҳасини Вазирлар Маҳкамасига киритиш. Маблағ талаб этилмайди 2026 йил май Ички ишлар вазирлиги (Ташпулатов) , Адлия вазирлиги (Ташкулов) , Рақамли технологиялар вазирлиги (Шерматов), Давлат хавфсизлик хизмати (Курбанов) 7. Департамент ва унинг ҳудудий бошқармаларига Ўзбекистонга электрон кириш визаси асосида кириб келган чет эл фуқаролари ва фуқаролиги бўлмаган шахсларнинг электрон визаларининг амал қилиш муддатини бир марта 30 кунгача муддатга узайтириш ҳуқуқини бериш. 1. Норматив-ҳуқуқий ҳужжат лойиҳасини ишлаб чиқиш. 2. Норматив-ҳуқуқий ҳужжат лойиҳасини белгиланган тартибда вазирлик ва идоралар билан келишиш. 3. Норматив-ҳуқуқий ҳужжат лойиҳасини Вазирлар Маҳкамасига киритиш. Маблағ талаб этилмайди 2026 йил август Ички ишлар вазирлиги (Ташпулатов) , Адлия вазирлиги (Ташкулов) , Ташқи ишлар вазирлиги (Саидов), Давлат хавфсизлик хизмати (Курбанов) 8. Талаба ётоқхонага жойлашиш бўйича мурожаат қилганда таълим муассасаси ва ариза берувчи ўртасида шартнома тузиш жараёнида ЯИДХП орқали композит тарзда ўша ернинг ўзига турган жойи бўйича рўйхатга олиш тартибини жорий этиш. 1. Норматив-ҳуқуқий ҳужжат лойиҳасини ишлаб чиқиш. 2. Норматив-ҳуқуқий ҳужжат лойиҳасини белгиланган тартибда вазирлик ва идоралар билан келишиш. 3. Норматив-ҳуқуқий ҳужжат лойиҳасини Вазирлар Маҳкамасига киритиш. Маблағ талаб этилмайди 2026 йил май Ички ишлар вазирлиги (Ташпулатов) , Адлия вазирлиги (Ташкулов) , Солиқ қўмитаси (Пулатов), Олий таълим, фан ва инновациялар вазирлиги (Шарипов) 9. Чет эл фуқаролари ва фуқаролиги бўлмаган шахслар тўғрисидаги маълумотларнинг идоралараро электрон алмашинувини йўлга қўйиш. 1. Республикамизга кириши тақиқланган чет эл фуқаролари ва фуқаролиги бўлмаган шахслар тўғрисидаги маълумотларни юритиш ва Чегара қўшинларига электрон тарзда юбориш тизимини жорий этиш юзасидан тегишли идоравий ҳужжат лойиҳасини ишлаб чиқиш. 2. Идоравий ҳужжат лойиҳасини белгиланган тартибда вазирлик ва идоралар билан келишиш. 3. Идоравий ҳужжат лойиҳасини тасдиқлаш. Маблағ талаб этилмайди 2026 йил июль Ички ишлар вазирлиги (Ташпулатов) , Давлат хавфсизлик хизмати (Курбанов), Ташқи ишлар вазирлиги (Саидов) II. Амалий чора-тадбирлар йўналишида 10. Ўзбекистон Республикаси ҳудудида паспорт тизими ва бўлиш қоидаларини бузган шахсларни Face-ID тизимлари орқали аниқлаш амалиётини йўлга қўйиш мақсадида Департамент ахборот тизимини «Хавфсиз шаҳар» платформаси билан интеграция қилиш. 1. Департаментнинг ахборот тизимини «Хавфсиз шаҳар» платформасига интеграция қилиш бўйича технологик йўриқнома ишлаб чиқиш. Маблағ талаб этилмайди 2026 йил март Ички ишлар вазирлиги (Ташпулатов) 2. Технологик йўриқнома асосида тизимларни интеграция қилиш. 2026 йил май 3. Ўзбекистон Республикаси ҳудудида паспорт тизими ва бўлиш қоидаларини бузган шахсларни Face-ID тизимлари орқали аниқлаш ва ушлаш тартибини ишлаб чиқиб тасдиқлаш. 2026 йил июнь 4. Ўзбекистон Республикаси ҳудудида паспорт тизими ва бўлиш қоидаларини бузган шахсларни Face-ID тизимлари орқали аниқлаш ва ушлаш тизимини 2026 йил 1 августга қадар ишга тушириш. 2026 йил июль 11. Ички ишлар органларида миграция ва персоналлаштириш соҳасида кўрсатиладиган давлат хизматларини ягона иловага бирлаштирган ҳолда «PASSPORT-VISA» мобил иловасини яратиш. 1. Мобил илова ва унинг модуллари ҳамда ишлаш тартиблари юзасидан ички регламентни ишлаб чиқиш. ИИВнинг бюджетдан ташқари маблағлари 2026 йил февраль Ички ишлар вазирлиги (Ташпулатов) , Рақамли технологиялар вазирлиги (Шерматов) 2. Мобил илованинг техник топшириғини ишлаб чиқиш. 2026 йил май 3. Техник топшириқ лойиҳасини тегишли экспертизадан ўтказиш. 2026 йил июнь 4. Мобил иловани ишлаб чиқиш ва 2026 йил 1 августдан ишга тушириш. 2026 йил июль 12. Миграция ва персоналлаштириш соҳасидаги давлат хизматлари белгиланган муддатларда кўрсатилиши ҳамда ташқи тизимлар билан маълумот алмашиш бўйича веб-хизматларни назорат қилиш мақсадида «Паспорт-виза» тизими доирасида «Ягона мониторинг» модулини жорий этиш. 1. Департамент ва унинг ҳудудий бошқармаларида давлат хизматлари кўрсатилишини назорат қилиб бориш мақсадида «Ягона мониторинг» модулини жорий этиш. 2. Ягона мониторинг тизими учун зарурий техник қурилмалар билан жиҳозлаш. 3. Д астурий таъминот учун техник топшириқ ишлаб чиқиш. 4. Техник экспертизадан ўтказиш. 5. «Ягона мониторинг» модулини жорий этиш. Ички ишлар вазирлиги, Персоналлаштириш марказининг бюджетдан ташқари маблағлари 2026 йил август Ички ишлар вазирлиги (Ташпулатов) , Рақамли технологиялар вазирлиги (Шерматов) 13. Департаментнинг ҳудудий бошқарма, бўлим (бўлинма)лари биноларини мукаммал таъмирлаш. 1. Департаментнинг ҳудудий бошқарма, бўлим (бўлинма)лари бинолари ҳолатини тафтишдан ўтказиш. Ички ишлар вазирлигининг бюджетдан ташқари маблағлари, маҳаллий бюджет маблағлари ҳамда қонунчиликда тақиқланмаган бошқа манбалар 2026 йил май Ички ишлар вазирлиги (Ташпулатов) , Иқтисодиёт ва молия вазирлиги (Норқулов), Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 2. Миграция ва персоналлаштириш бўлинмаларининг таъмирталаб бинолари рўйхатини шакллантириб, таъмирлаш муддатлари белгиланган ҳолда режа ишлаб чиқиш ва тасдиқлаш. 2026 — 2028 йиллар 3. Биноларни мукаммал таъмирлаш ва фойдаланишга топшириш. Алоҳида режага мувофиқ 14. Ички ишлар вазирлиги Рақамли технологиялар вазирлиги билан биргаликда 2026 йил якунига қадар шахсга доир маълумотлар доимий янгиланишини таъминлаш мақсадида Персоналлаштириш марказининг маълумотлар базалари ва дастурий таъминотларини ИИВнинг «Паспорт-виза» автоматлаштирилган ахборот тизимлари мажмуасига бирлаштиришни амалга ошириш. 1. Персоналлаштириш маркази ҳамда Департамент биносида жойлашган маълумотлар базалари, техника, дастурий таъминот ва бошқаларни хатловдан ўтказиш. 2. Хатлов асосида босқичма-босқич бажарилиши лозим бўлган вазифалар юзасидан «йўл харитаси»ни ишлаб чиқиш ва тасдиқлаш. Ички ишлар вазирлиги, Персоналлаштириш марказининг бюджетдан ташқари маблағлари 2026 йил декабрь Ички ишлар вазирлиги (Ташпулатов) , Рақамли технологиялар вазирлиги (Шерматов) 15. Шахсга доир маълумотлар жамланган «Ягона рақамли миграция» платформасини яратиш (Digital migration platform). 1. Платформа ва унинг модуллари ҳамда ишлаш тартиблари юзасидан ички регламентни ишлаб чиқиш. 2. Платформанинг техник топшириғини ишлаб чиқиш. 3. Техник топшириқ лойиҳасини тегишли экспертизадан ўтказиш. 4. Платформа ни ишлаб чиқиш ва 2027 йил 1 январдан ишга тушириш. Ички ишлар вазирлиги, Персоналлаштириш марказининг бюджетдан ташқари маблағлари 2026 йил декабрь Ички ишлар вазирлиги (Ташпулатов) , Рақамли технологиялар вазирлиги (Шерматов) 16. Талаба ётоқхонага жойлашиш бўйича мурожаат қилганда таълим муассасаси ва ариза берувчи ўртасида шартнома тузиш жараёнида ЯИДХП орқали композит тарзда ўша ернинг ўзига турган жойи бўйича рўйхатга олиш учун Олий таълим , фан ва инновациялар вазирлиги, Солиқ қўмитасининг ахборот тизимларини ИИВ ахборот тизимига интеграция қилиш. 1. Олий таълим , фан ва инновациялар вазирлиги, Солиқ қўмитасининг ахборот тизимларини Департаментнинг ахборот тизимига ўзаро интеграция қилиш бўйича техник топшириқни ишлаб чиқиш. Маблағ талаб этилмайди 2026 йил май Ички ишлар вазирлиги (Ташпулатов) , Рақамли технологиялар вазирлиги (Шерматов), Солиқ қўмитаси (Пулатов), Олий таълим, фан ва инновациялар вазирлиги (Шарипов) 2. Техник топшириқ лойиҳасини тегишли экспертизадан ўтказиш. 2026 йил июль 3. Ахборот тизимларини интеграция қилиш ва 2026 йил 1 сентябрдан ЯИДХП орқали ишга тушириш. 2026 йил август 17. Фуқаронинг турар жойда рўйхатдан ўтказилганини бекор қилиш ёки рўйхатга олинганликни тиклаш бўйича суд қарорларини ички ишлар органларига фақат электрон шаклда юбориш. 1. Олий суднинг ахборот тизимини Департаментнинг ахборот тизимига ўзаро интеграция қилиш бўйича техник топшириқни ишлаб чиқиш. Маблағ талаб этилмайди 2026 йил май Ички ишлар вазирлиги (Ташпулатов) , Рақамли технологиялар вазирлиги (Шерматов) , Олий суд (Исламов) 2. Техник топшириқ лойиҳасини тегишли экспертизадан ўтказиш. 2026 йил июль 3. Ахборот тизимларини интеграция қилиш ва 2026 йил 1 сентябрдан йўлга қўйиш. 2026 йил август
Ўзбекистон Республикаси Президентининг 2026 йил 19 январдаги ПҚ-14-сон қарорига 3-ИЛОВА
«Ақлли» миграция шохобчалари орқали ўз-ўзига кўрсатиладиган хизматлар
Т/р Кўрсатиладиган хизматлар номи Шохобчада расмийлаштириладиган хизматлар 1. Ўзбекистон Республикаси фуқаросига идентификацияловчи ID картасини расмийлаштириб бериш ва идентификацияловчи ID картасини алмаштириш. 2. Ўзбекистон Республикасида мулкдорни ўз уйига яшаш ва турган жойи бўйича рўйхатга олиш. 3. Мулкдор томонидан фуқароларни яшаш жойи бўйича рўйхатдан чиқариш. 4. Ўзининг яшаш жойи бўйича рўйхатдан ўтказилганликни ўзи бекор қилиш. 5. Ўзбекистон Республикаси фуқароларини турган жойи бўйича рўйхатга олиш. 6. Яшаш жойи бўйича маълумотнома бериш. 7. Яшаш жойида рўйхатдан ўтиб яшовчилар тўғрисида маълумотнома бериш. 8. Судланганлик ҳақида маълумотнома бериш. Ариза юбориш 9. Ўзбекистон Республикаси фуқаросининг хорижга чиқиш биометрик паспортини олиш учун ариза юбориш. 10. Фуқаролиги бўлмаган шахснинг биометрик ҳаракатланиш ҳужжатини расмийлаштириш учун ариза юбориш. 11. Чет эл фуқаролари ва фуқаролиги бўлмаган шахсларни, хорижда истиқомат қилаётган ватандошлар ва уларнинг оила аъзоларини Ўзбекистон Республикасига таклиф қилиш бўйича ариза юбориш. 12. Чет эл фуқаролари ва фуқаролиги бўлмаган шахсларни яшаш жойи бўйича рўйхатга олишга ариза юбориш. 13. Ўзбекистон Республикаси фуқаролигига мансуб эмаслик тўғрисида ариза юбориш. 14. Чет эл фуқаролари ва фуқаролиги бўлмаган шахсларнинг виза муддатларини узайтиришга ариза юбориш.
Ўзбекистон Республикаси Президентининг 2026 йил 19 январдаги ПҚ-14-сон қарорига 4-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 11 июлдаги «Ички ишлар органларининг миграция жараёнлари ва фуқароликни расмийлаштириш соҳасидаги фаолиятини тубдан такомиллаштириш чора-тадбирлари тўғрисида»ги ПҚ-3126-сон қарори ўз кучини йўқотган деб ҳисоблансин.
2. Ўзбекистон Республикаси Президентининг 2018 йил 13 апрелдаги «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги ПҚ-3666-сон қарорида :
(а) 1-банднинг йигирма еттинчи хатбошиси чиқариб ташлансин;
(б) 1-иловада :
8-бандда :
бешинчи хатбоши чиқариб ташлансин;
олтинчи — ўн бешинчи хатбошилар тегишинча бешинчи — ўн тўртинчи хатбошилар деб ҳисоблансин;
9-банднинг йигирма еттинчи хатбошиси чиқариб ташлансин;
11-банднинг 51-кичик банди ўз кучини йўқотган деб ҳисоблансин.
3. Ўзбекистон Республикаси Президентининг 2018 йил 4 июлдаги «Ўзбекистон Республикасига хорижий фуқароларнинг кириши тартибини оптималлаштиришга доир қўшимча чора-тадбирлар тўғрисида»ги ПҚ-3836-сон қарорининг 9-банди тўртинчи хатбошисидаги «миграция ва фуқароликни расмийлаштириш бўлинмалари» сўзлари «миграция ва персоналлаштириш бўлинмалари» сўзлари билан алмаштирилсин.
4. Ўзбекистон Республикаси Президентининг 2018 йил 26 декабрдаги «Ўзбекистон Республикаси фуқаросининг хорижга чиқиш биометрик паспортини расмийлаштириш ва бериш тизимини яратиш ҳамда Ўзбекистон Республикаси биометрик паспорт тизимини модернизация қилишга доир қўшимча чора-тадбирлар тўғрисида»ги ПҚ-4079-сон қарорида :
(а) 14-банд қуйидаги таҳрирда баён этилсин:
«14. Ўзбекистон Республикаси Ички ишлар вазирлигига «Хорижга чиқиш паспорти» тизимини яратиш ва Ўзбекистон Республикаси биометрик паспорт тизимини модернизация қилиш лойиҳаси доирасида жалб этиладиган хорижий мутахассисларга, давлат божлари ундирилмаган ҳолда кўп марталик визаларни белгиланган тартибда расмийлаштириш, бериш ва муддатини узайтириш, шунингдек, вақтинчалик рўйхатга қўйиш, яшаш жойида ҳисобга олиш ва унинг муддатини узайтиришга рухсат берилсин»;
(б) 1-иловада :
2-банднинг ўн бешинчи хатбошисидаги «Адлия вазирлиги ҳузуридаги Персоналлаштириш агентлигига (кейинги ўринларда — Персоналлаштириш агентлиги)» ва «миграция ва фуқароликни расмийлаштириш» сўзлари тегишлича «Ички ишлар вазирлиги ҳузуридаги Миграция ва персоналлаштириш департаментига (кейинги ўринларда — Миграция ва персоналлаштириш департаменти)» ва «миграция ва персоналлаштириш» сўзлари билан алмаштирилсин;
8-банднинг иккинчи хатбошисидаги «Персоналлаштириш агентлигида» сўзлари «Миграция ва персоналлаштириш департаментида» сўзлари билан алмаштирилсин;
15-банднинг иккинчи хатбошисидаги «миграция ва фуқароликни расмийлаштириш» сўзлари «миграция ва персоналлаштириш» сўзлари билан алмаштирилсин;
29-бандда :
«а» ва «б» кичик бандларнинг иккинчи хатбошиларидаги «Адлия вазирлиги ҳузуридаги Персоналлаштириш агентлигининг» сўзлари «Ички ишлар вазирлиги ҳузуридаги Миграция ва персоналлаштириш департаментининг» сўзлари билан алмаштирилсин;
«в» кичик бандда :
биринчи хатбошидаги «миграция ва фуқароликни расмийлаштириш» сўзлари «миграция ва персоналлаштириш» сўзлари билан алмаштирилсин;
иккинчи хатбошидаги «Адлия вазирлиги ҳузуридаги Персоналлаштириш агентлигининг» сўзлари «Ички ишлар вазирлиги ҳузуридаги Миграция ва персоналлаштириш департаментининг» сўзлари билан алмаштирилсин;
30-бандда :
биринчи хатбошидаги «Ички ишлар вазирлиги, Давлат хавфсизлик хизмати органлари ва Персоналлаштириш агентлигига» сўзлари «Ички ишлар вазирлиги ва Давлат хавфсизлик хизмати органларига» сўзлари билан алмаштирилсин;
тўртинчи хатбошидаги «Персоналлаштириш агентлигига» сўзлари «Миграция ва персоналлаштириш департаментига» сўзлари билан алмаштирилсин;
37-банддаги «Персоналлаштириш агентлигига» сўзлари «Миграция ва персоналлаштириш департаментига» сўзлари билан алмаштирилсин;
38-банднинг иккинчи хатбошисидаги «Персоналлаштириш агентлигининг» сўзлари «Миграция ва персоналлаштириш департаментининг» сўзлари билан алмаштирилсин;
39-банднинг биринчи хатбошисидаги «Персоналлаштириш агентлиги» сўзлари «Миграция ва персоналлаштириш департаментининг Персоналлаштириш маркази» сўзлари билан алмаштирилсин;
40 3 -банднинг иккинчи хатбошисидаги «Персоналлаштириш агентлиги» сўзлари «Миграция ва персоналлаштириш департаменти» сўзлари билан алмаштирилсин;
56 ва 58-бандлардаги «миграция бўлинмасига» сўзлари «миграция ва персоналлаштириш бўлинмасига» сўзлари билан алмаштирилсин;
57-банднинг учинчи хатбошисидаги «миграция бўлинмалари» сўзлари «миграция ва персоналлаштириш бўлинмалари» сўзлари билан алмаштирилсин;
61-банддаги «Миграция ва фуқароликни расмийлаштириш бўлинмалари» сўзлари «Миграция ва персоналлаштириш бўлинмалари» сўзлари билан алмаштирилсин.
5. Ўзбекистон Республикаси Президентининг 2019 йил 29 майдаги «Тошкент вилоятида ҳуқуқбузарликлар профилактикаси ва жиноятчиликка қарши курашиш соҳасида ички ишлар органлари куч ва воситаларини бошқаришнинг сифат жиҳатдан янги тизимини жорий этиш тўғрисида»ги ПҚ-4343-сон қарорининг 5-банди бешинчи хатбошисидаги «миграция ва фуқароликни расмийлаштириш» сўзлари «миграция ва персоналлаштириш» сўзлари билан алмаштирилсин.
6. Ўзбекистон Республикаси Президентининг 2020 йил 22 июндаги ПҚ-4756-сон қарори билан тасдиқланган Ўзбекистон Республикасининг халқаро шартномалар ва халқаро ташкилотларга аъзолик бўйича мажбуриятларни бажаришга масъул давлат органлари ва бошқа ташкилотлар рўйхатининг 32-позицияси «Тўловчилар номи» устунидаги «Адлия вазирлиги ҳузуридаги Персоналлаштириш агентлиги» сўзлари «Ички ишлар вазирлиги ҳузуридаги Миграция ва персоналлаштириш департаменти» сўзлари билан алмаштирилсин.
7. Ўзбекистон Республикаси Президентининг 2024 йил 20 ноябрдаги ПҚ-397-сон қарори билан тасдиқланган «Ватандош» гувоҳномаси ва «Ватандош» картасини расмийлаштириш, бериш ҳамда бекор қилиш тартиби тўғрисидаги низомда :
(а) 10-банддаги «Ички ишлар вазирлиги Миграция ва фуқароликни расмийлаштириш бош бошқармаси» ва «(кейинги ўринларда — МваФРБ)» сўзлари тегишинча «Ички ишлар вазирлиги ҳузуридаги Миграция ва персоналлаштириш департаменти» ва «(кейинги ўринларда — МваПБ)» сўзлари билан алмаштирилсин;
(б) 16 — 18-бандлардаги «МваФРБ» қисқартмаси «МваПБ» қисқартмаси билан алмаштирилсин;
(в) 2-иловада :
1-босқич «Чора-тадбирлар» устунидаги «Миграция ва фуқароликни расмийлаштириш бош бошқармаси» ва «(кейинги ўринларда — МваФРБ)» сўзлари «Миграция ва персоналлаштириш департаменти» ва «(кейинги ўринларда — МваПБ)» сўзлари билан алмаштирилсин.
2 ва 3-босқич «Субъектлар» устунидаги «МваФРБ» қисқартмаси «МваПБ» қисқартмаси билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 19 январь,
ПҚ-14-сон
OʻZBEKISTON RESPUBLIKASI PREZIDENTINING
QARORI
“YOʻL XARITASI”
ROʻYXATI
Ichki ishlar organlarining migratsiya va personallashtirish sohasidagi faoliyatini raqamlashtirish orqali sifat jihatidan yangi bosqichga koʻtarish chora-tadbirlari toʻgʻrisida
Oʻzbekiston Respublikasi Prezidentining 2025-yil 11-martdagi “Oʻzbekiston Respublikasida shaxsga doir maʼlumotlarni himoyalash faoliyatini yanada takomillashtirish boʻyicha chora-tadbirlar toʻgʻrisida”gi PF-45-son Farmoni ijrosini taʼminlash hamda migratsiya va personallashtirish sohasida boshqaruv tizimini takomillashtirish, sunʼiy intellekt imkoniyatlaridan keng foydalanish orqali aholiga tezkor va sifatli xizmat koʻrsatish hamda sohada raqamlashtirish jarayonlarini izchil davom ettirish maqsadida qaror qilaman:
I. Ustuvor yoʻnalishlar
1. Quyidagilar migratsiya va personallashtirish sohasida davlat siyosatining ustuvor yoʻnalishlari etib belgilansin:
(a) ichki ishlar organlari migratsiya va personallashtirish boʻlinmalarini bosqichma-bosqich tezkorlik va shaffoflik tamoyillari asosida aholiga yanada qulay va sifatli xizmat koʻrsatuvchi “servis boʻlinmalar”ga aylantirish;
(b) migratsiya va personallashtirish sohasida respublika — viloyat — tuman (shahar) boʻlinmalar faoliyatini tashkil etishni sifat jihatidan yangi bosqichga koʻtarish va ular samaradorligini oshirish;
(v) migratsiya va personallashtirish sohasida koʻrsatiladigan davlat xizmatlarini raqamlashtirish;
(g) shaxsga doir maʼlumotlarning toʻgʻriligi va ishonchliligini taʼminlash;
(d) sohaga zamonaviy axborot-kommunikatsiya texnologiyalarini keng joriy etish orqali mavjud axborot tizimlarida axborot xavfsizligi va kiberxavfsizlikni taʼminlash.
II. Tashkiliy chora-tadbirlar
2. Quyidagilar:
(a) Oʻzbekiston Respublikasi Ichki ishlar vazirligi huzuridagi Migratsiya va personallashtirish departamenti (keyingi oʻrinlarda — Departament) toʻgʻrisidagi nizom 1-ilovaga muvofiq;
(b) Ichki ishlar organlarining migratsiya va personallashtirish sohasidagi faoliyatini sifat jihatidan yangi bosqichga olib chiqish boʻyicha “yoʻl xaritasi” 2-ilovaga muvofiq tasdiqlansin.
3. Belgilansinki, 2026-yil 1-maydan boshlab eksperiment tariqasida Toshkent, Samarqand va Fargʻona viloyatlari hamda Qoraqalpogʻiston Respublikasida bittadan tuman (shahar) ichki ishlar organlari migratsiya va personallashtirish boʻlinmalarida oʻziga oʻzi xizmat koʻrsatish imkoniyati yaratilgan, sunʼiy intellekt asosida faoliyat yuritadigan “Aqlli” migratsiya shoxobchalari (Smart migration stations) tashkil etilsin. Bunda:
(a) dastlabki bosqichda “Aqlli” migratsiya shoxobchalarida 3-ilovada keltirilgan davlat xizmatlari koʻrsatiladi;
(b) Ichki ishlar vazirligi tomonidan oʻziga oʻzi koʻrsatiladigan xizmatlar turlari kengaytirib boriladi.
4. Ichki ishlar vazirligi (A.A. Tashpulatov) 2027-yil 1-mayga qadar eksperiment natijasidan kelib chiqib, “Aqlli” migratsiya shoxobchalarini respublikaning boshqa hududlarida, shuningdek, savdo va koʻngilochar markazlar, turistik hududlarda ham tashkil etish boʻyicha Vazirlar Mahkamasiga taklif kiritsin.
III. Aholiga qulayliklar yaratish
5. Ichki ishlar vazirligi, Raqamli texnologiyalar vazirligi, Soliq qoʻmitasi hamda Kambagʻallikni qisqartirish va bandlik vazirligining quyidagi takliflari maʼqullansin:
(a) 2026-yil 1-maydan boshlab Departament va uning hududiy boshqarmalariga Oʻzbekistonga elektron kirish vizasi asosida kirib kelgan chet el fuqarolari va fuqaroligi boʻlmagan shaxslarning elektron vizalarining amal qilish muddatini bir marotaba 30 kungacha uzaytirish huquqini berish;
(b) chet el fuqarolariga Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomani rasmiylashtirish vakolatini Departament va uning hududiy boshqarmalariga ham berish;
(v) hududiy ichki ishlar organlari rahbarlariga chet el fuqarolari taʼlim olayotgan muassasalar yoki mehnat faoliyati bilan shugʻullanayotgan korxona va tashkilotlarda viza muddatini uzaytirish, turgan joyi boʻyicha roʻyxatdan oʻtkazish uchun korxona, muassasa va tashkilotlar mablagʻlari hisobidan shartnoma asosida migratsiya boʻlinmasiga shahodatlangan qoʻshimcha shtat birliklarini kiritish huquqini berish;
(g) 2026-yil 1-sentabrdan boshlab talabalar yotoqxonasiga joylashish boʻyicha shartnoma tuzish bilan bir vaqtda talabalarni turgan joyi boʻyicha roʻyxatga olishning kompozit tartibini joriy etish;
(d) 2026-yil 1-fevraldan boshlab jismoniy shaxslarga identifikatsiyalovchi ID kartalar birinchi marotaba rasmiylashtirilganda uning chipiga kiritiladigan elektron raqamli imzo sertifikatini bepul berish hamda fuqaroni “Elektron hukumat” tizimi foydalanuvchilarini identifikatsiyalash yagona axborot tizimida avtomatik tarzda bepul roʻyxatdan oʻtkazish.
IV. Migratsiya va personallashtirish sohasini raqamlashtirish
6. Departament jismoniy shaxslarning quyidagi markaziy maʼlumotlar bazalarini shakllantirish va doimiy yangilab borish boʻyicha vakolatli organ hisoblanadi:
(a) chet el fuqarolari va fuqaroligi boʻlmagan shaxslarning, shuningdek, Oʻzbekiston Respublikasi fuqarolarining yashash va turgan joyi boʻyicha roʻyxatga olingan manzili toʻgʻrisidagi maʼlumotlar;
(b) identifikatsiyalovchi ID karta seriyasi, raqami, berilgan joyi hamda berilgan sanasi va tugash sanasi toʻgʻrisidagi maʼlumotlar;
(v) Oʻzbekiston Respublikasi fuqaroligi toʻgʻrisidagi maʼlumotlar;
(g) Oʻzbekiston Respublikasi fuqarolari, Oʻzbekiston Respublikasida doimiy yashovchi chet el fuqarolari va fuqaroligi boʻlmagan shaxslar toʻgʻrisidagi maʼlumotlar;
(d) Oʻzbekiston Respublikasiga taklif qilingan chet el fuqarolari va fuqaroligi boʻlmagan shaxslar haqidagi, shuningdek, ularning viza muddati uzaytirilganligi toʻgʻrisidagi maʼlumotlar.
7. Ichki ishlar vazirligi (A.A. Tashpulatov) 2026-yil 1-avgustga qadar sunʼiy intellekt texnologiyalari asosida:
(a) migratsiya va personallashtirish sohasiga oid elektron davlat xizmatlarini koʻrsatish, onlayn huquqiy maslahat berish, yuklamasi kam boʻlgan migratsiya boʻlinmalari haqida maʼlumot olish imkonini beruvchi “Pasport-viza” avtomatlashtirilgan axborot tizimi majmuasining “Passport-visa” mobil ilovasini ishlab chiqsin.
Bunda mazkur mobil ilova orqali koʻrsatilishi koʻzda tutilgan migratsiya va personallashtirish sohasiga oid elektron davlat xizmatlari dastlab Yagona interaktiv davlat xizmatlari portalida yoʻlga qoʻyiladi;
(b) chet el fuqarolari va fuqaroligi boʻlmagan shaxslar tomonidan Oʻzbekistonda boʻlish qoidalariga rioya etilishini “Xavfsiz shahar” tizimi orqali aniqlash va monitoring qilish imkoniyatini yaratsin;
(v) migratsiya va personallashtirish sohasida boshqa shaxsning roziligi talab etiladigan davlat xizmatlarini koʻrsatishda ularning shaxsini “Pasport-viza” avtomatlashtirilgan axborot tizimi majmuasining “Face-ID” moduli orqali masofadan turib aniqlash va roziligini olish imkonini beruvchi “E-Rozilik” platformasini ishga tushirsin.
8. Belgilansinki, 2026-yil 1-sentabrdan boshlab quyidagi davlat xizmatlarini Yagona interaktiv davlat xizmatlari portali va davlat xizmatlari markazlari orqali koʻrsatish imkoniyati yaratiladi:
(a) xorijda istiqomat qilayotgan vatandoshlar va ularning oila aʼzolarini Oʻzbekiston Respublikasiga taklif qilish;
(b) fuqaroligi boʻlmagan shaxslarning biometrik harakatlanish hujjatlarini rasmiylashtirish uchun ariza yuborish;
(v) mulkdor yoki turgan joyi boʻyicha roʻyxatga olingan Oʻzbekiston Respublikasi fuqarosining murojaati asosida uning turgan joyi boʻyicha roʻyxatga olinganligini bekor qilish uchun ariza yuborish.
9. Ichki ishlar vazirligi Raqamli texnologiyalar vazirligi bilan birgalikda 2026-yil yakuniga qadar shaxsga doir maʼlumotlar doimiy yangilanishi va xavfsizligini taʼminlash, davlat xizmatlari sonini oshirish hamda takrorlanuvchi maʼlumotlarni birlashtirish orqali axborot resurslaridan foydalanish qulayligini oshirish maqsadida Personallashtirish markazining maʼlumotlar bazalari va dasturiy taʼminotlarini Ichki ishlar vazirligining “Pasport-viza” avtomatlashtirilgan axborot tizimi majmuasiga birlashtirsin. Bunda:
(a) shaxsga doir maʼlumotlar jamlangan “Yagona raqamli migratsiya” platformasi yaratiladi (Digital migration platform);
(b) “Pasport-viza” avtomatlashtirilgan axborot tizimi majmuasini takomillashtirish, qoʻllab-quvvatlash, Departament va uning quyi tizimlari uchun server, kompyuter va boshqa qurilmalarni xarid qilish bilan bogʻliq xarajatlar Ichki ishlar vazirligi hamda Personallashtirish markazining budjetdan tashqari mablagʻlari hisobidan amalga oshiriladi.
V. Qaror ijrosini tashkil etish, taʼminlash va nazorat
10. Ichki ishlar vazirligi (Z.K. Kurbanov) Departamentning axborot texnologiyalari va telekommunikatsiya infratuzilmalarini rivojlantirish hamda texnik qoʻllab-quvvatlash, shuningdek, barcha axborot tizimlari, dasturiy taʼminotlar va maʼlumotlar bazalarida axborot xavfsizligini taʼminlash choralarini koʻrsin.
11. Ichki ishlar vazirligi (A.A. Tashpulatov) uch oy muddatda:
(a) migratsiya va personallashtirish boʻlinmalariga chet el fuqarolari va fuqaroligi boʻlmagan shaxslarning Oʻzbekistonda noqonuniy mehnat faoliyati bilan shugʻullangani uchun maʼmuriy chora koʻrish vakolatini berishni nazarda tutuvchi qonun loyihasini ishlab chiqsin;
(b) qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirish va qoʻshimchalar kiritilsin.
13. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi ichki ishlar vaziri A.A. Tashpulatov belgilansin.
14. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departament boshligʻi D.B. Kadirov zimmasiga yuklansin.
Oʻzbekiston Respublikasi Prezidentining 2026-yil 19-yanvardagi PQ-14-son qaroriga 2-ILOVA
Ichki ishlar organlarining migratsiya va personallashtirish sohasidagi faoliyatini sifat jihatidan yangi bosqichga olib chiqish boʻyicha
T/r Chora-tadbirlar nomi Amalga oshirish mexanizmi Moliyalashtirish manbasi Bajarish muddati Masʼul organ I. Normativ-huquqiy hujjatlarni ishlab chiqish yoʻnalishida 1. Migratsiya va personallashtirish departamenti (keyingi oʻrinlarda — Departament) va uning hududiy boʻlinmalariga Oʻzbekiston Respublikasining “Shaxsga doir maʼlumotlar toʻgʻrisida”gi Qonuni talablarini buzgan shaxslarga nisbatan maʼmuriy bayonnoma rasmiylashtirish vakolatini berish. 1. Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish boʻyicha qonun loyihasini ishlab chiqish. 2. Qonun loyihasini vazirlik va idoralar bilan kelishish. 3. Qonun loyihasini Vazirlar Mahkamasiga kiritish. Mablagʻ talab etilmaydi 2026-yil may Ichki ishlar vazirligi (Tashpulatov) , Adliya vazirligi (Tashkulov), manfaatdor vazirlik va idoralar 2. Departament va uning hududiy boshqarmalariga chet el fuqarolari va fuqaroligi boʻlmagan shaxslarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomani rasmiylashtirish vakolatini berish. 1. Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga oʻzgartirish va qoʻshimchalar kiritish toʻgʻrisidagi qonun loyihasini ishlab chiqish. 2. Qonun loyihasini vazirlik va idoralar bilan kelishish. 3. Qonun loyihasini Vazirlar Mahkamasiga kiritish. Mablagʻ talab etilmaydi 2026-yil may Ichki ishlar vazirligi (Tashpulatov) , Kambagʻallikni qisqartirish va bandlik vazirligi (Zaxidov), manfaatdor vazirlik va idoralar 3. Chet el fuqarolari va fuqaroligi boʻlmagan shaxslarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomani berish boʻyicha elektron murojaatlarni koʻrib chiqish tartibiga oʻzgartirish kiritish. Bunda mazkur xizmatni Kambagʻallikni qisqartirish va bandlik vazirligi bilan bir vaqtda Ichki ishlar vazirligiga berish hamda pul tushumlari taqsimotini qayta koʻrib chiqish. 1. Vazirlar Mahkamasining 2022-yil 22-fevraldagi “Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomni tasdiqlash haqida”gi 86-son qaroriga oʻzgartirish va qoʻshimchalar kiritish toʻgʻrisidagi normativ-huquqiy hujjat loyihasini ishlab chiqish. 2. Qaror loyihasini belgilangan tartibda vazirlik va idoralar bilan kelishish. 3. Qaror loyihasini Vazirlar Mahkamasiga kiritish. Mablagʻ talab etilmaydi 2026-yil sentabr Ichki ishlar vazirligi (Tashpulatov) , Kambagʻallikni qisqartirish va bandlik vazirligi (Zaxidov), manfaatdor vazirlik va idoralar 4. Ichki ishlar organlariga chet el fuqarolari va fuqaroligi boʻlmagan shaxslarni ular tomonidan Oʻzbekiston Respublikasi hududida qonunga xilof ravishda mehnat faoliyatini amalga oshirganlik uchun maʼmuriy javobgarlikka tortish huquqini berish. 1. Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish boʻyicha Qonun loyihasini ishlab chiqish. 2. Qonun loyihasini vazirlik va idoralar bilan kelishish. 3. Qonun loyihasini Vazirlar Mahkamasiga kiritish. Mablagʻ talab etilmaydi 2026-yil may Ichki ishlar vazirligi (Tashpulatov) , Adliya vazirligi (Tashkulov), manfaatdor vazirlik va idoralar 5. Xorijda istiqomat qilayotgan vatandoshlar va ularning oila aʼzolarini Oʻzbekiston Respublikasiga taklif qilishni rasmiylashtirish uchun Yagona interaktiv davlat xizmatlari portali (keyingi oʻrinlarda — YIDXP) orqali murojaat qilish boʻyicha davlat xizmatini koʻrsatishning maʼmuriy reglamentini ishlab chiqish. 1. Normativ-huquqiy hujjat loyihasini ishlab chiqish. 2. Normativ-huquqiy hujjat loyihasini belgilangan tartibda vazirlik va idoralar bilan kelishish. 3. Normativ-huquqiy hujjat loyihasini Vazirlar Mahkamasiga kiritish. Mablagʻ talab etilmaydi 2026-yil iyun Ichki ishlar vazirligi (Tashpulatov) , Adliya vazirligi (Tashkulov) , Davlat xavfsizlik xizmati (Kurbanov), Tashqi ishlar vazirligi (Saidov) 6. Fuqaroligi boʻlmagan shaxsning biometrik harakatlanish hujjatini rasmiylashtirish uchun YIDXP orqali murojaat qilish boʻyicha davlat xizmatini koʻrsatishning maʼmuriy reglamentini ishlab chiqish. 1. Normativ-huquqiy hujjat loyihasini ishlab chiqish. 2. Normativ-huquqiy hujjat loyihasini belgilangan tartibda vazirlik va idoralar bilan kelishish. 3. Normativ-huquqiy hujjat loyihasini Vazirlar Mahkamasiga kiritish. Mablagʻ talab etilmaydi 2026-yil may Ichki ishlar vazirligi (Tashpulatov) , Adliya vazirligi (Tashkulov) , Raqamli texnologiyalar vazirligi (Shermatov), Davlat xavfsizlik xizmati (Kurbanov) 7. Departament va uning hududiy boshqarmalariga Oʻzbekistonga elektron kirish vizasi asosida kirib kelgan chet el fuqarolari va fuqaroligi boʻlmagan shaxslarning elektron vizalarining amal qilish muddatini bir marta 30 kungacha muddatga uzaytirish huquqini berish. 1. Normativ-huquqiy hujjat loyihasini ishlab chiqish. 2. Normativ-huquqiy hujjat loyihasini belgilangan tartibda vazirlik va idoralar bilan kelishish. 3. Normativ-huquqiy hujjat loyihasini Vazirlar Mahkamasiga kiritish. Mablagʻ talab etilmaydi 2026-yil avgust Ichki ishlar vazirligi (Tashpulatov) , Adliya vazirligi (Tashkulov) , Tashqi ishlar vazirligi (Saidov), Davlat xavfsizlik xizmati (Kurbanov) 8. Talaba yotoqxonaga joylashish boʻyicha murojaat qilganda taʼlim muassasasi va ariza beruvchi oʻrtasida shartnoma tuzish jarayonida YIDXP orqali kompozit tarzda oʻsha yerning oʻziga turgan joyi boʻyicha roʻyxatga olish tartibini joriy etish. 1. Normativ-huquqiy hujjat loyihasini ishlab chiqish. 2. Normativ-huquqiy hujjat loyihasini belgilangan tartibda vazirlik va idoralar bilan kelishish. 3. Normativ-huquqiy hujjat loyihasini Vazirlar Mahkamasiga kiritish. Mablagʻ talab etilmaydi 2026-yil may Ichki ishlar vazirligi (Tashpulatov) , Adliya vazirligi (Tashkulov) , Soliq qoʻmitasi (Pulatov), Oliy taʼlim, fan va innovatsiyalar vazirligi (Sharipov) 9. Chet el fuqarolari va fuqaroligi boʻlmagan shaxslar toʻgʻrisidagi maʼlumotlarning idoralararo elektron almashinuvini yoʻlga qoʻyish. 1. Respublikamizga kirishi taqiqlangan chet el fuqarolari va fuqaroligi boʻlmagan shaxslar toʻgʻrisidagi maʼlumotlarni yuritish va Chegara qoʻshinlariga elektron tarzda yuborish tizimini joriy etish yuzasidan tegishli idoraviy hujjat loyihasini ishlab chiqish. 2. Idoraviy hujjat loyihasini belgilangan tartibda vazirlik va idoralar bilan kelishish. 3. Idoraviy hujjat loyihasini tasdiqlash. Mablagʻ talab etilmaydi 2026-yil iyul Ichki ishlar vazirligi (Tashpulatov) , Davlat xavfsizlik xizmati (Kurbanov), Tashqi ishlar vazirligi (Saidov) II. Amaliy chora-tadbirlar yoʻnalishida 10. Oʻzbekiston Respublikasi hududida pasport tizimi va boʻlish qoidalarini buzgan shaxslarni Face-ID tizimlari orqali aniqlash amaliyotini yoʻlga qoʻyish maqsadida Departament axborot tizimini “Xavfsiz shahar” platformasi bilan integratsiya qilish. 1. Departamentning axborot tizimini “Xavfsiz shahar” platformasiga integratsiya qilish boʻyicha texnologik yoʻriqnoma ishlab chiqish. Mablagʻ talab etilmaydi 2026-yil mart Ichki ishlar vazirligi (Tashpulatov) 2. Texnologik yoʻriqnoma asosida tizimlarni integratsiya qilish. 2026-yil may 3. Oʻzbekiston Respublikasi hududida pasport tizimi va boʻlish qoidalarini buzgan shaxslarni Face-ID tizimlari orqali aniqlash va ushlash tartibini ishlab chiqib tasdiqlash. 2026-yil iyun 4. Oʻzbekiston Respublikasi hududida pasport tizimi va boʻlish qoidalarini buzgan shaxslarni Face-ID tizimlari orqali aniqlash va ushlash tizimini 2026-yil 1-avgustga qadar ishga tushirish. 2026-yil iyul 11. Ichki ishlar organlarida migratsiya va personallashtirish sohasida koʻrsatiladigan davlat xizmatlarini yagona ilovaga birlashtirgan holda “PASSPORT-VISA” mobil ilovasini yaratish. 1. Mobil ilova va uning modullari hamda ishlash tartiblari yuzasidan ichki reglamentni ishlab chiqish. IIVning budjetdan tashqari mablagʻlari 2026-yil fevral Ichki ishlar vazirligi (Tashpulatov) , Raqamli texnologiyalar vazirligi (Shermatov) 2. Mobil ilovaning texnik topshirigʻini ishlab chiqish. 2026-yil may 3. Texnik topshiriq loyihasini tegishli ekspertizadan oʻtkazish. 2026-yil iyun 4. Mobil ilovani ishlab chiqish va 2026-yil 1-avgustdan ishga tushirish. 2026-yil iyul 12. Migratsiya va personallashtirish sohasidagi davlat xizmatlari belgilangan muddatlarda koʻrsatilishi hamda tashqi tizimlar bilan maʼlumot almashish boʻyicha veb-xizmatlarni nazorat qilish maqsadida “Pasport-viza” tizimi doirasida “Yagona monitoring” modulini joriy etish. 1. Departament va uning hududiy boshqarmalarida davlat xizmatlari koʻrsatilishini nazorat qilib borish maqsadida “Yagona monitoring” modulini joriy etish. 2. Yagona monitoring tizimi uchun zaruriy texnik qurilmalar bilan jihozlash. 3. D asturiy taʼminot uchun texnik topshiriq ishlab chiqish. 4. Texnik ekspertizadan oʻtkazish. 5. “Yagona monitoring” modulini joriy etish. Ichki ishlar vazirligi, Personallashtirish markazining budjetdan tashqari mablagʻlari 2026-yil avgust Ichki ishlar vazirligi (Tashpulatov) , Raqamli texnologiyalar vazirligi (Shermatov) 13. Departamentning hududiy boshqarma, boʻlim (boʻlinma)lari binolarini mukammal taʼmirlash. 1. Departamentning hududiy boshqarma, boʻlim (boʻlinma)lari binolari holatini taftishdan oʻtkazish. Ichki ishlar vazirligining budjetdan tashqari mablagʻlari, mahalliy budjet mablagʻlari hamda qonunchilikda taqiqlanmagan boshqa manbalar 2026-yil may Ichki ishlar vazirligi (Tashpulatov) , Iqtisodiyot va moliya vazirligi (Norqulov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2. Migratsiya va personallashtirish boʻlinmalarining taʼmirtalab binolari roʻyxatini shakllantirib, taʼmirlash muddatlari belgilangan holda reja ishlab chiqish va tasdiqlash. 2026 — 2028-yillar 3. Binolarni mukammal taʼmirlash va foydalanishga topshirish. Alohida rejaga muvofiq 14. Ichki ishlar vazirligi Raqamli texnologiyalar vazirligi bilan birgalikda 2026-yil yakuniga qadar shaxsga doir maʼlumotlar doimiy yangilanishini taʼminlash maqsadida Personallashtirish markazining maʼlumotlar bazalari va dasturiy taʼminotlarini IIVning “Pasport-viza” avtomatlashtirilgan axborot tizimlari majmuasiga birlashtirishni amalga oshirish. 1. Personallashtirish markazi hamda Departament binosida joylashgan maʼlumotlar bazalari, texnika, dasturiy taʼminot va boshqalarni xatlovdan oʻtkazish. 2. Xatlov asosida bosqichma-bosqich bajarilishi lozim boʻlgan vazifalar yuzasidan “yoʻl xaritasi”ni ishlab chiqish va tasdiqlash. Ichki ishlar vazirligi, Personallashtirish markazining budjetdan tashqari mablagʻlari 2026-yil dekabr Ichki ishlar vazirligi (Tashpulatov) , Raqamli texnologiyalar vazirligi (Shermatov) 15. Shaxsga doir maʼlumotlar jamlangan “Yagona raqamli migratsiya” platformasini yaratish (Digital migration platform). 1. Platforma va uning modullari hamda ishlash tartiblari yuzasidan ichki reglamentni ishlab chiqish. 2. Platformaning texnik topshirigʻini ishlab chiqish. 3. Texnik topshiriq loyihasini tegishli ekspertizadan oʻtkazish. 4. Platforma ni ishlab chiqish va 2027-yil 1-yanvardan ishga tushirish. Ichki ishlar vazirligi, Personallashtirish markazining budjetdan tashqari mablagʻlari 2026-yil dekabr Ichki ishlar vazirligi (Tashpulatov) , Raqamli texnologiyalar vazirligi (Shermatov) 16. Talaba yotoqxonaga joylashish boʻyicha murojaat qilganda taʼlim muassasasi va ariza beruvchi oʻrtasida shartnoma tuzish jarayonida YIDXP orqali kompozit tarzda oʻsha yerning oʻziga turgan joyi boʻyicha roʻyxatga olish uchun Oliy taʼlim , fan va innovatsiyalar vazirligi, Soliq qoʻmitasining axborot tizimlarini IIV axborot tizimiga integratsiya qilish. 1. Oliy taʼlim , fan va innovatsiyalar vazirligi, Soliq qoʻmitasining axborot tizimlarini Departamentning axborot tizimiga oʻzaro integratsiya qilish boʻyicha texnik topshiriqni ishlab chiqish. Mablagʻ talab etilmaydi 2026-yil may Ichki ishlar vazirligi (Tashpulatov) , Raqamli texnologiyalar vazirligi (Shermatov), Soliq qoʻmitasi (Pulatov), Oliy taʼlim, fan va innovatsiyalar vazirligi (Sharipov) 2. Texnik topshiriq loyihasini tegishli ekspertizadan oʻtkazish. 2026-yil iyul 3. Axborot tizimlarini integratsiya qilish va 2026-yil 1-sentabrdan YIDXP orqali ishga tushirish. 2026-yil avgust 17. Fuqaroning turar joyda roʻyxatdan oʻtkazilganini bekor qilish yoki roʻyxatga olinganlikni tiklash boʻyicha sud qarorlarini ichki ishlar organlariga faqat elektron shaklda yuborish. 1. Oliy sudning axborot tizimini Departamentning axborot tizimiga oʻzaro integratsiya qilish boʻyicha texnik topshiriqni ishlab chiqish. Mablagʻ talab etilmaydi 2026-yil may Ichki ishlar vazirligi (Tashpulatov) , Raqamli texnologiyalar vazirligi (Shermatov) , Oliy sud (Islamov) 2. Texnik topshiriq loyihasini tegishli ekspertizadan oʻtkazish. 2026-yil iyul 3. Axborot tizimlarini integratsiya qilish va 2026-yil 1-sentabrdan yoʻlga qoʻyish. 2026-yil avgust
Oʻzbekiston Respublikasi Prezidentining 2026-yil 19-yanvardagi PQ-14-son qaroriga 3-ILOVA
“Aqlli” migratsiya shoxobchalari orqali oʻz-oʻziga koʻrsatiladigan xizmatlar
T/r Koʻrsatiladigan xizmatlar nomi Shoxobchada rasmiylashtiriladigan xizmatlar 1. Oʻzbekiston Respublikasi fuqarosiga identifikatsiyalovchi ID kartasini rasmiylashtirib berish va identifikatsiyalovchi ID kartasini almashtirish. 2. Oʻzbekiston Respublikasida mulkdorni oʻz uyiga yashash va turgan joyi boʻyicha roʻyxatga olish. 3. Mulkdor tomonidan fuqarolarni yashash joyi boʻyicha roʻyxatdan chiqarish. 4. Oʻzining yashash joyi boʻyicha roʻyxatdan oʻtkazilganlikni oʻzi bekor qilish. 5. Oʻzbekiston Respublikasi fuqarolarini turgan joyi boʻyicha roʻyxatga olish. 6. Yashash joyi boʻyicha maʼlumotnoma berish. 7. Yashash joyida roʻyxatdan oʻtib yashovchilar toʻgʻrisida maʼlumotnoma berish. 8. Sudlanganlik haqida maʼlumotnoma berish. Ariza yuborish 9. Oʻzbekiston Respublikasi fuqarosining xorijga chiqish biometrik pasportini olish uchun ariza yuborish. 10. Fuqaroligi boʻlmagan shaxsning biometrik harakatlanish hujjatini rasmiylashtirish uchun ariza yuborish. 11. Chet el fuqarolari va fuqaroligi boʻlmagan shaxslarni, xorijda istiqomat qilayotgan vatandoshlar va ularning oila aʼzolarini Oʻzbekiston Respublikasiga taklif qilish boʻyicha ariza yuborish. 12. Chet el fuqarolari va fuqaroligi boʻlmagan shaxslarni yashash joyi boʻyicha roʻyxatga olishga ariza yuborish. 13. Oʻzbekiston Respublikasi fuqaroligiga mansub emaslik toʻgʻrisida ariza yuborish. 14. Chet el fuqarolari va fuqaroligi boʻlmagan shaxslarning viza muddatlarini uzaytirishga ariza yuborish.
Oʻzbekiston Respublikasi Prezidentining 2026-yil 19-yanvardagi PQ-14-son qaroriga 4-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 11-iyuldagi “Ichki ishlar organlarining migratsiya jarayonlari va fuqarolikni rasmiylashtirish sohasidagi faoliyatini tubdan takomillashtirish chora-tadbirlari toʻgʻrisida”gi PQ-3126-son qarori oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2018-yil 13-apreldagi “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi PQ-3666-son qarorida :
(a) 1-bandning yigirma yettinchi xatboshisi chiqarib tashlansin;
(b) 1-ilovada :
8-bandda :
beshinchi xatboshi chiqarib tashlansin;
oltinchi — oʻn beshinchi xatboshilar tegishincha beshinchi — oʻn toʻrtinchi xatboshilar deb hisoblansin;
9-bandning yigirma yettinchi xatboshisi chiqarib tashlansin;
11-bandning 51-kichik bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2018-yil 4-iyuldagi “Oʻzbekiston Respublikasiga xorijiy fuqarolarning kirishi tartibini optimallashtirishga doir qoʻshimcha chora-tadbirlar toʻgʻrisida”gi PQ-3836-son qarorining 9-bandi toʻrtinchi xatboshisidagi “migratsiya va fuqarolikni rasmiylashtirish boʻlinmalari” soʻzlari “migratsiya va personallashtirish boʻlinmalari” soʻzlari bilan almashtirilsin.
4. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʻzbekiston Respublikasi biometrik pasport tizimini modernizatsiya qilishga doir qoʻshimcha chora-tadbirlar toʻgʻrisida”gi PQ-4079-son qarorida :
(a) 14-band quyidagi tahrirda bayon etilsin:
“14. Oʻzbekiston Respublikasi Ichki ishlar vazirligiga “Xorijga chiqish pasporti” tizimini yaratish va Oʻzbekiston Respublikasi biometrik pasport tizimini modernizatsiya qilish loyihasi doirasida jalb etiladigan xorijiy mutaxassislarga, davlat bojlari undirilmagan holda koʻp martalik vizalarni belgilangan tartibda rasmiylashtirish, berish va muddatini uzaytirish, shuningdek, vaqtinchalik roʻyxatga qoʻyish, yashash joyida hisobga olish va uning muddatini uzaytirishga ruxsat berilsin”;
(b) 1-ilovada :
2-bandning oʻn beshinchi xatboshisidagi “Adliya vazirligi huzuridagi Personallashtirish agentligiga (keyingi oʻrinlarda — Personallashtirish agentligi)” va “migratsiya va fuqarolikni rasmiylashtirish” soʻzlari tegishlicha “Ichki ishlar vazirligi huzuridagi Migratsiya va personallashtirish departamentiga (keyingi oʻrinlarda — Migratsiya va personallashtirish departamenti)” va “migratsiya va personallashtirish” soʻzlari bilan almashtirilsin;
8-bandning ikkinchi xatboshisidagi “Personallashtirish agentligida” soʻzlari “Migratsiya va personallashtirish departamentida” soʻzlari bilan almashtirilsin;
15-bandning ikkinchi xatboshisidagi “migratsiya va fuqarolikni rasmiylashtirish” soʻzlari “migratsiya va personallashtirish” soʻzlari bilan almashtirilsin;
29-bandda :
“a” va “b” kichik bandlarning ikkinchi xatboshilaridagi “Adliya vazirligi huzuridagi Personallashtirish agentligining” soʻzlari “Ichki ishlar vazirligi huzuridagi Migratsiya va personallashtirish departamentining” soʻzlari bilan almashtirilsin;
“v” kichik bandda :
birinchi xatboshidagi “migratsiya va fuqarolikni rasmiylashtirish” soʻzlari “migratsiya va personallashtirish” soʻzlari bilan almashtirilsin;
ikkinchi xatboshidagi “Adliya vazirligi huzuridagi Personallashtirish agentligining” soʻzlari “Ichki ishlar vazirligi huzuridagi Migratsiya va personallashtirish departamentining” soʻzlari bilan almashtirilsin;
30-bandda :
birinchi xatboshidagi “Ichki ishlar vazirligi, Davlat xavfsizlik xizmati organlari va Personallashtirish agentligiga” soʻzlari “Ichki ishlar vazirligi va Davlat xavfsizlik xizmati organlariga” soʻzlari bilan almashtirilsin;
toʻrtinchi xatboshidagi “Personallashtirish agentligiga” soʻzlari “Migratsiya va personallashtirish departamentiga” soʻzlari bilan almashtirilsin;
37-banddagi “Personallashtirish agentligiga” soʻzlari “Migratsiya va personallashtirish departamentiga” soʻzlari bilan almashtirilsin;
38-bandning ikkinchi xatboshisidagi “Personallashtirish agentligining” soʻzlari “Migratsiya va personallashtirish departamentining” soʻzlari bilan almashtirilsin;
39-bandning birinchi xatboshisidagi “Personallashtirish agentligi” soʻzlari “Migratsiya va personallashtirish departamentining Personallashtirish markazi” soʻzlari bilan almashtirilsin;
40 3 -bandning ikkinchi xatboshisidagi “Personallashtirish agentligi” soʻzlari “Migratsiya va personallashtirish departamenti” soʻzlari bilan almashtirilsin;
56 va 58-bandlardagi “migratsiya boʻlinmasiga” soʻzlari “migratsiya va personallashtirish boʻlinmasiga” soʻzlari bilan almashtirilsin;
57-bandning uchinchi xatboshisidagi “migratsiya boʻlinmalari” soʻzlari “migratsiya va personallashtirish boʻlinmalari” soʻzlari bilan almashtirilsin;
61-banddagi “Migratsiya va fuqarolikni rasmiylashtirish boʻlinmalari” soʻzlari “Migratsiya va personallashtirish boʻlinmalari” soʻzlari bilan almashtirilsin.
5. Oʻzbekiston Respublikasi Prezidentining 2019-yil 29-maydagi “Toshkent viloyatida huquqbuzarliklar profilaktikasi va jinoyatchilikka qarshi kurashish sohasida ichki ishlar organlari kuch va vositalarini boshqarishning sifat jihatdan yangi tizimini joriy etish toʻgʻrisida”gi PQ-4343-son qarorining 5-bandi beshinchi xatboshisidagi “migratsiya va fuqarolikni rasmiylashtirish” soʻzlari “migratsiya va personallashtirish” soʻzlari bilan almashtirilsin.
6. Oʻzbekiston Respublikasi Prezidentining 2020-yil 22-iyundagi PQ-4756-son qarori bilan tasdiqlangan Oʻzbekiston Respublikasining xalqaro shartnomalar va xalqaro tashkilotlarga aʼzolik boʻyicha majburiyatlarni bajarishga masʼul davlat organlari va boshqa tashkilotlar roʻyxatining 32-pozitsiyasi “Toʻlovchilar nomi” ustunidagi “Adliya vazirligi huzuridagi Personallashtirish agentligi” soʻzlari “Ichki ishlar vazirligi huzuridagi Migratsiya va personallashtirish departamenti” soʻzlari bilan almashtirilsin.
7. Oʻzbekiston Respublikasi Prezidentining 2024-yil 20-noyabrdagi PQ-397-son qarori bilan tasdiqlangan “Vatandosh” guvohnomasi va “Vatandosh” kartasini rasmiylashtirish, berish hamda bekor qilish tartibi toʻgʻrisidagi nizomda :
(a) 10-banddagi “Ichki ishlar vazirligi Migratsiya va fuqarolikni rasmiylashtirish bosh boshqarmasi” va “(keyingi oʻrinlarda — MvaFRB)” soʻzlari tegishincha “Ichki ishlar vazirligi huzuridagi Migratsiya va personallashtirish departamenti” va “(keyingi oʻrinlarda — MvaPB)” soʻzlari bilan almashtirilsin;
(b) 16 — 18-bandlardagi “MvaFRB” qisqartmasi “MvaPB” qisqartmasi bilan almashtirilsin;
(v) 2-ilovada :
1-bosqich “Chora-tadbirlar” ustunidagi “Migratsiya va fuqarolikni rasmiylashtirish bosh boshqarmasi” va “(keyingi oʻrinlarda — MvaFRB)” soʻzlari “Migratsiya va personallashtirish departamenti” va “(keyingi oʻrinlarda — MvaPB)” soʻzlari bilan almashtirilsin.
2 va 3-bosqich “Subyektlar” ustunidagi “MvaFRB” qisqartmasi “MvaPB” qisqartmasi bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 19-yanvar,
PQ-14-son
Президента Республики Узбекистан
Постановление
О мерах по поднятию на качественно новый уровень деятельности органов внутренних дел в сфере миграции и персонализации путем ее цифровизации
В целях обеспечения исполнения Указа Президента Республики Узбекистан от 11 марта 2025 года № УП-45 «О мерах по дальнейшему совершенствованию деятельности по защите персональных данных в Республике Узбекистан», совершенствования системы управления в сфере миграции и персонализации, оперативного и качественного оказания услуг населению путем широкого использования возможностей искусственного интеллекта, а также последовательного продолжения процессов цифровизации в данной сфере постановляю:
I. Приоритетные направления
1. Определить приоритетными направлениями государственной политики в сфере миграции и персонализации:
(а) поэтапную трансформацию подразделений миграции и персонализации органов внутренних дел в «сервисные подразделения», предоставляющие населению более доступные и качественные услуги на основе принципов оперативности и прозрачности;
(б) поднятие на качественно новый уровень организации, а также повышение эффективности деятельности республиканских — областных — районных (городских) подразделений в сфере миграции и персонализации;
(в) цифровизацию оказываемых государственных услуг в сфере миграции и персонализации;
(г) обеспечение достоверности и надежности персональных данных;
(д) обеспечение информационной безопасности и кибербезопасности в действующих информационных системах путем широкого внедрения современных информационно-коммуникационных технологий в сферу.
II. Организационные меры
2. Утвердить:
(а) Положение о Департаменте миграции и персонализации при Министерстве внутренних дел Республики Узбекистан (далее — Департамент) согласно приложению № 1 * ;
(б) «Дорожную карту» по поднятию на качественно новый уровень деятельности органов внутренних дел в сфере миграции и персонализации согласно приложению № 2 * .
3. Установить, что начиная с 1 мая 2026 года в порядке эксперимента в подразделениях миграции и персонализации органов внутренних дел по одному из районов (городов) Ташкентской, Самаркандской и Ферганской областей, а также Республики Каракалпакстан создается «умный» пункт миграции (Smart migration stations), функционирующий на основе технологий искусственного интеллекта, в котором создана возможность самообслуживания. При этом:
(а) на начальном этапе в «умных» пунктах миграции предоставляются государственные услуги, приведенные в приложении № 3 * ;
(б) Министерством внутренних дел виды услуг самообслуживания будут расширяться.
4. Министерству внутренних дел (А.А. Ташпулатов) в срок до 1 мая 2027 года исходя из результатов эксперимента внести в Кабинет Министров предложение о создании «умных» пунктов миграции и в других регионах, а также торговых и развлекательных центрах, туристских зонах республики.
III. Создание удобств для населения
5. Одобрить следующие предложения Министерства внутренних дел, Министерства цифровых технологий, Налогового комитета, а также Министерства занятости и сокращения бедности о:
(а) предоставлении начиная с 1 мая 2026 года Департаменту и его территориальным управлениям права на продление один раз на срок до 30 дней срока действия электронной визы иностранных граждан и лиц без гражданства, въехавших в Узбекистан на основании электронной въездной визы;
(б) предоставлении полномочия оформления иностранным гражданам подтверждения на право осуществления трудовой деятельности на территории Республики Узбекистан также Департаменту и его территориальным управлениям;
(в) предоставлении руководителям территориальных органов внутренних дел права на введение дополнительных аттестованных штатных единиц в структуру подразделения миграции в целях продления срока действия виз, регистрации по месту пребывания иностранных граждан в учреждениях, в которых они обучаются, либо на предприятиях и в организациях, в которых они осуществляют трудовую деятельность, на договорной основе за счет средств предприятий, учреждений и организаций;
(г) внедрении начиная с 1 сентября 2026 года композитного порядка регистрации студентов по месту проживания одновременно с заключением договора по их размещению в студенческом общежитии;
(д) выдаче начиная с 1 февраля 2026 года физическим лицам сертификата электронной цифровой подписи, вводимой в чип идентификационной ID-карты при ее первичном оформлении, на безвозмездной основе, а также автоматической бесплатной регистрации гражданина в Единой информационной системе идентификации пользователей системы «Электронное правительство».
IV. Цифровизация сферы миграции и персонализации
6. Департамент является уполномоченным органом по формированию и постоянному обновлению следующих центральных баз данных по физическим лицам:
(а) сведений об адресе регистрации по месту проживания и пребывания иностранных граждан и лиц без гражданства, а также граждан Республики Узбекистан;
(б) сведений о серии, номере, месте выдачи, дате выдачи и дате истечения срока действия идентификационной ID-карты;
(в) сведений о гражданстве Республики Узбекистан;
(г) сведений о гражданах Республики Узбекистан, иностранных гражданах и лицах без гражданства, постоянно проживающих в Республике Узбекистан;
(д) сведений о приглашенных в Республику Узбекистан иностранных гражданах и лицах без гражданства, а также продлении срока их визы.
7. Министерству внутренних дел (А.А. Ташпулатов) в срок до 1 августа 2026 года на основе технологий искусственного интеллекта:
(а) разработать мобильное приложение «Passport-visa» комплекса автоматизированной информационной системы «Паспорт-виза», предоставляющее возможность оказания электронных государственных услуг, предоставления правовых онлайн-консультаций в сфере миграции и персонализации, получения информации о подразделениях миграции с низким объемом нагрузки.
При этом электронные государственные услуги в сфере миграции и персонализации, предоставление которых предусматривается в данном мобильном приложении, на начальном этапе будут оказываться посредством Единого портала интерактивных государственных услуг;
(б) создать возможность выявления и мониторинга соблюдения иностранными гражданами и лицами без гражданства правил пребывания в Узбекистане посредством системы «Безопасный город»;
(в) запустить платформу «E-Rozilik», предоставляющую возможность дистанционного установления личности и получения согласия при оказании государственных услуг в сфере миграции и персонализации, требующих согласия другого лица, посредством модуля «Face-ID» комплекса автоматизированных информационных систем «Паспорт-виза».
8. Установить, что начиная с 1 сентября 2026 года создается возможность оказания следующих видов государственных услуг посредством Единого портала интерактивных государственных услуг и центров государственных услуг:
(а) приглашение соотечественников, проживающих за рубежом, и членов их семьи в Республику Узбекистан;
(б) направление заявления на оформление биометрических проездных документов лиц без гражданства;
(в) направление заявления об аннулировании регистрации по месту пребывания на основании обращения собственника или зарегистрированного по месту пребывания гражданина Республики Узбекистан.
9. Министерству внутренних дел совместно с Министерством цифровых технологий в срок до конца 2026 года осуществить интеграцию баз данных и программных обеспечений Центра персонализации с комплексом автоматизированной информационной системы «Паспорт-виза» Министерства внутренних дел в целях обеспечения постоянного обновления и безопасности персональных данных, увеличения количества государственных услуг и повышения доступности информационных ресурсов путем объединения дублирующих друг друга сведений. При этом:
(а) создается платформа «Единая цифровая миграция», на которой аккумулируются персональные данные (Digital migration platform);
(б) расходы, связанные с совершенствованием и поддержкой комплекса автоматизированной информационной системы «Паспорт-виза», а также приобретением серверов, компьютеров и иных устройств для Департамента и его нижестоящих подразделений, осуществляются за счет внебюджетных средств Министерства внутренних дел и Центра персонализации.
V. Организация, обеспечение и контроль исполнения постановления
10. Министерству внутренних дел (З.К. Курбанов) принять меры по развитию и технической поддержке инфраструктур информационных технологий и телекоммуникаций, а также обеспечению информационной безопасности во всех информационных системах, программных обеспечениях и базах данных Департамента.
11. Министерству внутренних дел (А.А. Ташпулатов) в трехмесячный срок:
(а) разработать проект закона, предусматривающий предоставление подразделениям миграции и персонализации полномочия принятия административных мер за занятие незаконной трудовой деятельностью в Узбекистане в отношении иностранных граждан и лиц без гражданства;
(б) внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Внести изменения и дополнения в некоторые постановления Президента Республики Узбекистан согласно приложению № 4 .
13. Возложить на министра внутренних дел Республики Узбекистан А.А. Ташпулатова персональную ответственность за эффективную организацию исполнения настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и начальника Департамента Администрации Президента Республики Узбекистан Д.Б. Кадирова.
ПРИЛОЖЕНИЕ № 4 к постановлению Президента Республики Узбекистан от 19 января 2026 года № ПП-14
Изменения и дополнения, вносимые в некоторые постановления Президента Республики Узбекистан
1. Постановление Президента Республики Узбекистан от 11 июля 2017 года № ПП-3126 «О мерах по коренному совершенствованию деятельности органов внутренних дел в сфере миграционных процессов и оформления гражданства» признать утратившим силу.
2. В постановлении Президента Республики Узбекистан от 13 апреля 2018 года № ПП-3666 «Об организационных мерах по дальнейшему совершенствованию деятельности Министерства юстиции Республики Узбекистан»:
(а) абзац двадцать седьмой пункта 1 исключить;
(б) в приложении № 1 :
в пункте 8 :
абзац пятый исключить;
абзацы шестой — пятнадцатый считать соответственно абзацами пятым — четырнадцатым;
абзац двадцать седьмой пункта 9 исключить;
подпункт 51 пункта 11 признать утратившим силу.
3. В абзаце четвертом пункта 9 постановления Президента Республики Узбекистан от 4 июля 2018 года № ПП-3836 «О дальнейших мерах по оптимизации порядка въезда иностранных граждан в Республику Узбекистан» слова «подразделениями миграции и оформления гражданства» заменить словами «подразделениями миграции и персонализации».
4. В тексте на государственном языке постановления Президента Республики Узбекистан от 26 декабря 2018 года № ПП-4079 «О дальнейших мерах по созданию системы оформления и выдачи биометрического паспорта гражданина Республики Узбекистан для выезда за границу и модернизации биометрической паспортной системы Республики Узбекистан»:
(а) пункт 14 изложить в следующей редакции:
«14. Ўзбекистон Республикаси Ички ишлар вазирлигига «Хорижга чиқиш паспорти» тизимини яратиш ва Ўзбекистон Республикаси биометрик паспорт тизимини модернизация қилиш лойиҳаси доирасида жалб этиладиган хорижий мутахассисларга, давлат божлари ундирилмаган ҳолда кўп марталик визаларни белгиланган тартибда расмийлаштириш, бериш ва муддатини узайтириш, шунингдек, вақтинчалик рўйхатга қўйиш, яшаш жойида ҳисобга олиш ва унинг муддатини узайтиришга рухсат берилсин»;
(б) в приложении № 1 :
в абзаце пятнадцатом пункта 2 слова «Адлия вазирлиги ҳузуридаги Персоналлаштириш агентлигига (кейинги ўринларда — Персоналлаштириш агентлиги)» и «миграция ва фуқароликни расмийлаштириш» заменить соответственно словами «Ички ишлар вазирлиги ҳузуридаги Миграция ва персоналлаштириш департаментига (кейинги ўринларда — Миграция ва персоналлаштириш департаменти)» и «миграция ва персоналлаштириш»;
в абзаце втором пункта 8 слова «Персоналлаштириш агентлигида» заменить словами «Миграция ва персоналлаштириш департаментида»;
в абзаце втором пункта 15 слова «миграция ва фуқароликни расмийлаштириш» заменить словами «миграция ва персоналлаштириш»;
в пунке 29 :
в абзаце втором подпунктов «а» и «б» слова «Адлия вазирлиги ҳузуридаги Персоналлаштириш агентлигининг» заменить словами «Ички ишлар вазирлиги ҳузуридаги Миграция ва персоналлаштириш департаментининг»;
в подпункте «в» :
в абзаце первом слова «миграция ва фуқароликни расмийлаштириш» заменить словами «миграция ва персоналлаштириш»;
в абзаце втором слова «Адлия вазирлиги ҳузуридаги Персоналлаштириш агентлигининг» заменить словами «Ички ишлар вазирлиги ҳузуридаги Миграция ва персоналлаштириш департаментининг»;
в пункте 30 :
в абзаце первом слова «Ички ишлар вазирлиги, Давлат хавфсизлик хизмати органлари ва Персоналлаштириш агентлигига» заменить словами «Ички ишлар вазирлиги ва Давлат хавфсизлик хизмати органларига»;
в абзаце четвертом слова «Персоналлаштириш агентлигига» заменить словами «Миграция ва персоналлаштириш департаментига»;
в пункте 37 слова «Персоналлаштириш агентлигига» заменить словами «Миграция ва персоналлаштириш департаментига»;
в абзаце втором пункта 38 слова «Персоналлаштириш агентлигининг» заменить словами «Миграция ва персоналлаштириш департаментининг»;
в абзаце первом пункта 39 слова «Персоналлаштириш агентлиги» заменить словами «Миграция ва персоналлаштириш департаментининг Персоналлаштириш маркази»;
в абзаце втором пункта 40 3 слова «Персоналлаштириш агентлиги» заменить словами «Миграция ва персоналлаштириш департаменти»;
в пунктах 56 и 58 слова «миграция бўлинмасига» заменить словами «миграция ва персоналлаштириш бўлинмасига»;
в абзаце третьем пункта 57 слова «миграция бўлинмалари» заменить словами «миграция ва персоналлаштириш бўлинмалари»;
в пункте 61 слова «Миграция ва фуқароликни расмийлаштириш бўлинмалари» заменить словами «Миграция ва персоналлаштириш бўлинмалари».
5. В абзаце пятом пункта 5 постановления Президента Республики Узбекистан от 29 мая 2019 года № ПП-4343 «О внедрении качественно новой системы управления силами и средствами органов внутренних дел в сфере профилактики правонарушений и борьбы с преступностью в Ташкентской области» слова «миграции и оформления гражданства» заменить словами «миграции и персонализации».
6. В графе «Наименование плательщиков» позиции 32 Перечня государственных органов и других организаций, ответственных за выполнение обязательств по международным договорам и членству Республики Узбекистан в международных организациях, утвержденного постановлением Президента Республики Узбекистан от 22 июня 2020 года № ПП-4756, слова «Агентство персонализации при Министерстве юстиции» заменить словами «Департамент миграции и персонализации при Министерстве внутренних дел».
7. В Положении о порядке оформления, выдачи и аннулирования удостоверения «Ватандош» и карты «Ватандош», утвержденном постановлением Президента Республики Узбекистан от 20 ноября 2024 года № ПП-397:
(а) в пункте 10 слова «Главным управлением миграции и оформления гражданства Министерства внутренних дел» и «(далее — ГУМиОГ)» заменить словами «Департаментом миграции и персонализации при Министерстве внутренних дел» и «(далее — ДМиП)»;
(б) в пунктах 16 — 18 сокращение «ГУМиОГ» заменить сокращением «ДМиП»;
(в) в приложении № 2 :
в графе «Мероприятия» 1-го этапа слова «Главное управление миграции и оформления гражданства» и «(далее — ГУМиОГ» заменить соответственно словами «Департамент миграции и персонализации» и «(далее — ДМиП)»;
в графе «Субъекты» 2-го и 3-го этапов сокращение «ГУМиОГ» заменить сокращением «ДМиП».
Президент Республики Узбекистан Ш. МИРЗИЁЕВ
г. Ташкент,
19 января 2026 г.,
№ ПП-14