📅 2026-yil 13-yanvar · Vazirlik va idoralar hujjatlari · Vazirlar mahkamasi huzuridagi oʻzbekiston texnik jihatdan tartibga solish agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 13 январь · Вазирлик ва идоралар ҳужжатлари · Вазирлар маҳкамаси ҳузуридаги ўзбекистон техник жиҳатдан тартибга солиш агентлиги директори
Расмий матн. Расмий ҳужжат. Таҳририй изоҳлар киритилмаган.
📅 13 января 2026 г. · Документы министерств и ведомств · Директор Узбекского агентства по техническому регулированию при Кабинете Министров
Официальный текст. Официальный документ. Редакционные примечания не включены.
📅 13 January 2026 · Ministry and agency documents · Vazirlar mahkamasi huzuridagi oʻzbekiston texnik jihatdan tartibga solish agentligi direktori
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ ЎЗБЕКИСТОН ТЕХНИК ЖИҲАТДАН ТАРТИБГА СОЛИШ АГЕНТЛИГИ ДИРЕКТОРИНИНГ
БУЙРУҒИ
НИЗОМ
Аккредитация тўғрисидаги гувоҳнома бланкаларини рўйхатга олиш ва сақлаш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2025 йил 8 сентябрдаги ПФ-161-сон «Ислоҳотларни ҳуқуқий жиҳатдан таъминлаш самарадорлигини ошириш ҳамда ижтимоий муносабатларни тартибга солишда вазирлик ва идораларнинг масъулияти ва ташаббускорлигини кучайтириш чора-тадбирлари тўғрисида»ги Фармони ҳамда Ўзбекистон Республикаси Вазирлар Маҳкамасининг 2019 йил 24 апрелдаги 349-сон «Мувофиқликни баҳолаш органларини аккредитациядан ўтказиш соҳасидаги ишларни такомиллаштиришга доир қўшимча чора-тадбирлар тўғрисида»ги қарорига мувофиқ буюраман:
1. Аккредитация тўғрисидаги гувоҳнома бланкаларини рўйхатга олиш ва сақлаш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директорининг 2026 йил 13 январдаги 137-сон буйруғига ИЛОВА
Аккредитация тўғрисидаги гувоҳнома бланкаларини рўйхатга олиш ва сақлаш тартиби тўғрисидаги
Мазкур Низом аккредитация тўғрисидаги гувоҳнома бланкаларини рўйхатга олиш ва сақлаш тартибини белгилайди.
1-боб. Умумий қоидалар
1. Аккредитация тўғрисидаги гувоҳнома бланкалари (бундан буён матнда гувоҳнома бланкаси деб юритилади) қатъий ҳисобда турувчи бланкалар ҳисобланади ва уларни рўйхатга олиш ва сақлаш «Ўзбекистон аккредитация маркази» давлат муассасаси (бундан буён матнда Марказ деб юритилади) томонидан амалга оширилади.
2. Мазкур Низомда қуйидаги асосий тушунчалар қўлланилади:
аккредитация комиссияси — баҳоловчилар, жалб қилинадиган техник экспертлар, шу жумладан баҳолашда иштирок этмаган халқаро экспертлардан иборат Марказ ҳузурида ташкил этиладиган комиссия бўлиб, аккредитация ва даврий баҳолаш бўйича ишлар натижаларини кўриб чиқиш ҳамда тегишли қарорларни қабул қилиш унинг асосий вазифаси ҳисобланади;
аккредитация тўғрисидаги гувоҳнома (бундан буён матнда гувоҳнома деб юритилади) — аккредитация қилинган субъектнинг аккредитациянинг белгиланган соҳасидаги ишларни бажаришга ваколатлилигини тасдиқловчи ҳужжатдир;
аккредитация учун ариза берувчи (бундан буён матнда аккредитация объекти деб юритилади) — аккредитация учун ариза берган мувофиқликни баҳолаш органи ва метрология хизмати;
аккредитация қилинган субъект (бундан буён матнда аккредитация субъекти деб юритилади) — миллий аккредитация тизимида аккредитация қилинган мувофиқликни баҳолаш органи ва метрология хизмати;
Миллий аккредитация тизими реестри — аккредитация қилинган субъектлар тўғрисидаги, шунингдек гувоҳномаларнинг жорий мақоми ҳақидаги расмий ахборот базасидир.
3. Аккредитация объектларини аккредитациядан ўтказиш Ўзбекистон Республикаси Вазирлар Маҳкамасининг 2019 йил 24 апрелдаги 349-сон қарори билан тасдиқланган Мувофиқликни баҳолаш органларини аккредитациядан ўтказиш тартиби тўғрисидаги низомга мувофиқ амалга оширилади.
4. Аккредитация комиссияси томонидан гувоҳнома бериш бўйича ижобий қарор қабул қилинса, Марказ ва аккредитация объекти ўртасида аккредитациядан кейинги шартнома тузилади ҳамда гувоҳнома шартнома тузилган кундан бошлаб учиш куни мобайнида Марказда сақланадиган гувоҳнома бланкаларидан фойдаланган ҳолда расмийлаштирилади.
2-боб. Гувоҳнома бланкаларини рўйхатга олиш ва сақлаш
5. Гувоҳнома бланкаларини рўйхатга олиш ва сақлаш Марказ директорининг буйруғига асосан масъул ходим (бундан буён матнда масъул ходим деб юритилади) томонидан амалга оширилади.
6. Масъул ходим гувоҳнома бланкалари учун ишлатиладиган махсус қоғозни Марказнинг тегишли бўлимидан қабул қилади.
Бунда Марказнинг тегишли бўлими ва масъул ходим ўртасида гувоҳнома бланкаларининг тўлиқлилиги, бутлиги ва уларга шикаст етмаганлиги бўйича топшириш ва қабул қилиш далолатномаси (бундан буён матнда далолатнома деб юритилади) икки нусхада тузилади.
Далолатноманинг биринчи нусхаси масъул ходимга берилади, иккинчи нусхаси эса Марказнинг тегишли бўлимида сақланади.
Марказнинг тегишли бўлимидан гувоҳнома бланкалари қабул қилинган куннинг ўзида масъул ходим томонидан рақамланиши (орқа томонига махсус олти хонали тартиб рақамли муҳр билан) лозим.
7. Масъул ходим гувоҳнома бланкаларидан мақсадли фойдаланилаётганлиги бўйича ҳар ойда Марказ директорига ёзма шаклда ҳисобот беради, бунда масъул ходим ҳар бир гувоҳнома бланкаларидан мақсадли фойдаланиш бўйича жавобгар ҳисобланади.
8. Аккредитация субъектига берилган гувоҳнома бланкаларини назорат қилиш мақсадида масъул ходим томонидан олиш-назорат қилиш варақлари юритилади.
Бунда олиш-назорат қилиш варақлари икки нусхада тўлдирилади ва улардан биттаси гувоҳнома бланкаларини ҳисобга олиш журналига имзо чекилган ҳолда масъул ходимда сақланади, иккинчиси масъул ходим томонидан молия-иқтисод бўлимига топширилади.
Олиш-назорат қилиш варағининг юқоридаги чап бурчагида варақ берилган сана, Марказ директорининг имзоси қўйилади.
9. Гувоҳнома бланкалари уларнинг йўқолишидан ҳимоялаш мақсадида сейфларда ёхуд ёнмайдиган жавонларда ёки Марказнинг махсус жиҳозланган хоналарида сақланиши керак.
10. Масъул ходим томонидан расмийлаштирилган гувоҳнома аккредитация субъектига берилган куннинг ўзида Марказнинг расмий веб-сайтида юритиладиган Миллий аккредитация тизими реестрига электрон кўринишда жойлаштирилади.
11. Гувоҳномаларни расмийлаштириш жараёнида ёки иш фаолиятда шикастланган ва фойдаланишга яроқсиз ҳолатга келган гувоҳнома бланкалари масъул ходимнинг билдиргисига асосан ҳар йили далолатнома асосида ҳисобдан чиқарилади ва махсус майдалаш аппаратидан фойдаланган ҳолда йўқ қилинади.
3-боб. Якуний қоида
12. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб беради.
Директор в.в.б Т. МАШАНПИН
Тошкент ш.,
2026 йил 13 январь,
137-сон
OʻZBEKISTON RESPUBLIKASI VAZIRLAR MAHKAMASI HUZURIDAGI OʻZBEKISTON TEXNIK JIHATDAN TARTIBGA SOLISH AGENTLIGI DIREKTORINING
BUYRUGʻI
NIZOM
Akkreditatsiya toʻgʻrisidagi guvohnoma blankalarini roʻyxatga olish va saqlash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2025-yil 8-sentabrdagi PF-161-son “Islohotlarni huquqiy jihatdan taʼminlash samaradorligini oshirish hamda ijtimoiy munosabatlarni tartibga solishda vazirlik va idoralarning masʼuliyati va tashabbuskorligini kuchaytirish chora-tadbirlari toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2019-yil 24-apreldagi 349-son “Muvofiqlikni baholash organlarini akkreditatsiyadan oʻtkazish sohasidagi ishlarni takomillashtirishga doir qoʻshimcha chora-tadbirlar toʻgʻrisida”gi qaroriga muvofiq buyuraman:
1. Akkreditatsiya toʻgʻrisidagi guvohnoma blankalarini roʻyxatga olish va saqlash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi direktorining 2026-yil 13-yanvardagi 137-son buyrugʻiga ILOVA
Akkreditatsiya toʻgʻrisidagi guvohnoma blankalarini roʻyxatga olish va saqlash tartibi toʻgʻrisidagi
Mazkur Nizom akkreditatsiya toʻgʻrisidagi guvohnoma blankalarini roʻyxatga olish va saqlash tartibini belgilaydi.
1-bob. Umumiy qoidalar
1. Akkreditatsiya toʻgʻrisidagi guvohnoma blankalari (bundan buyon matnda guvohnoma blankasi deb yuritiladi) qatʼiy hisobda turuvchi blankalar hisoblanadi va ularni roʻyxatga olish va saqlash “Oʻzbekiston akkreditatsiya markazi” davlat muassasasi (bundan buyon matnda Markaz deb yuritiladi) tomonidan amalga oshiriladi.
2. Mazkur Nizomda quyidagi asosiy tushunchalar qoʻllaniladi:
akkreditatsiya komissiyasi — baholovchilar, jalb qilinadigan texnik ekspertlar, shu jumladan baholashda ishtirok etmagan xalqaro ekspertlardan iborat Markaz huzurida tashkil etiladigan komissiya boʻlib, akkreditatsiya va davriy baholash boʻyicha ishlar natijalarini koʻrib chiqish hamda tegishli qarorlarni qabul qilish uning asosiy vazifasi hisoblanadi;
akkreditatsiya toʻgʻrisidagi guvohnoma (bundan buyon matnda guvohnoma deb yuritiladi) — akkreditatsiya qilingan subyektning akkreditatsiyaning belgilangan sohasidagi ishlarni bajarishga vakolatliligini tasdiqlovchi hujjatdir;
akkreditatsiya uchun ariza beruvchi (bundan buyon matnda akkreditatsiya obyekti deb yuritiladi) — akkreditatsiya uchun ariza bergan muvofiqlikni baholash organi va metrologiya xizmati;
akkreditatsiya qilingan subyekt (bundan buyon matnda akkreditatsiya subyekti deb yuritiladi) — milliy akkreditatsiya tizimida akkreditatsiya qilingan muvofiqlikni baholash organi va metrologiya xizmati;
Milliy akkreditatsiya tizimi reyestri — akkreditatsiya qilingan subyektlar toʻgʻrisidagi, shuningdek guvohnomalarning joriy maqomi haqidagi rasmiy axborot bazasidir.
3. Akkreditatsiya obyektlarini akkreditatsiyadan oʻtkazish Oʻzbekiston Respublikasi Vazirlar Mahkamasining 2019-yil 24-apreldagi 349-son qarori bilan tasdiqlangan Muvofiqlikni baholash organlarini akkreditatsiyadan oʻtkazish tartibi toʻgʻrisidagi nizomga muvofiq amalga oshiriladi.
4. Akkreditatsiya komissiyasi tomonidan guvohnoma berish boʻyicha ijobiy qaror qabul qilinsa, Markaz va akkreditatsiya obyekti oʻrtasida akkreditatsiyadan keyingi shartnoma tuziladi hamda guvohnoma shartnoma tuzilgan kundan boshlab uchish kuni mobaynida Markazda saqlanadigan guvohnoma blankalaridan foydalangan holda rasmiylashtiriladi.
2-bob. Guvohnoma blankalarini roʻyxatga olish va saqlash
5. Guvohnoma blankalarini roʻyxatga olish va saqlash Markaz direktorining buyrugʻiga asosan masʼul xodim (bundan buyon matnda masʼul xodim deb yuritiladi) tomonidan amalga oshiriladi.
6. Masʼul xodim guvohnoma blankalari uchun ishlatiladigan maxsus qogʻozni Markazning tegishli boʻlimidan qabul qiladi.
Bunda Markazning tegishli boʻlimi va masʼul xodim oʻrtasida guvohnoma blankalarining toʻliqliligi, butligi va ularga shikast yetmaganligi boʻyicha topshirish va qabul qilish dalolatnomasi (bundan buyon matnda dalolatnoma deb yuritiladi) ikki nusxada tuziladi.
Dalolatnomaning birinchi nusxasi masʼul xodimga beriladi, ikkinchi nusxasi esa Markazning tegishli boʻlimida saqlanadi.
Markazning tegishli boʻlimidan guvohnoma blankalari qabul qilingan kunning oʻzida masʼul xodim tomonidan raqamlanishi (orqa tomoniga maxsus olti xonali tartib raqamli muhr bilan) lozim.
7. Masʼul xodim guvohnoma blankalaridan maqsadli foydalanilayotganligi boʻyicha har oyda Markaz direktoriga yozma shaklda hisobot beradi, bunda masʼul xodim har bir guvohnoma blankalaridan maqsadli foydalanish boʻyicha javobgar hisoblanadi.
8. Akkreditatsiya subyektiga berilgan guvohnoma blankalarini nazorat qilish maqsadida masʼul xodim tomonidan olish-nazorat qilish varaqlari yuritiladi.
Bunda olish-nazorat qilish varaqlari ikki nusxada toʻldiriladi va ulardan bittasi guvohnoma blankalarini hisobga olish jurnaliga imzo chekilgan holda masʼul xodimda saqlanadi, ikkinchisi masʼul xodim tomonidan moliya-iqtisod boʻlimiga topshiriladi.
Olish-nazorat qilish varagʻining yuqoridagi chap burchagida varaq berilgan sana, Markaz direktorining imzosi qoʻyiladi.
9. Guvohnoma blankalari ularning yoʻqolishidan himoyalash maqsadida seyflarda yoxud yonmaydigan javonlarda yoki Markazning maxsus jihozlangan xonalarida saqlanishi kerak.
10. Masʼul xodim tomonidan rasmiylashtirilgan guvohnoma akkreditatsiya subyektiga berilgan kunning oʻzida Markazning rasmiy veb-saytida yuritiladigan Milliy akkreditatsiya tizimi reyestriga elektron koʻrinishda joylashtiriladi.
11. Guvohnomalarni rasmiylashtirish jarayonida yoki ish faoliyatda shikastlangan va foydalanishga yaroqsiz holatga kelgan guvohnoma blankalari masʼul xodimning bildirgisiga asosan har yili dalolatnoma asosida hisobdan chiqariladi va maxsus maydalash apparatidan foydalangan holda yoʻq qilinadi.
3-bob. Yakuniy qoida
12. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradi.
Direktor v.v.b T. MASHANPIN
Toshkent sh.,
2026-yil 13-yanvar,
137-son