📅 2026-yil 19-yanvar · Vazirlik va idoralar hujjatlari · Madaniy meros agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 19 январь · Вазирлик ва идоралар ҳужжатлари · Маданий мерос агентлиги директори
Расмий матн. Расмий ҳужжат. Таҳририй изоҳлар киритилмаган.
📅 19 января 2026 г. · Документы министерств и ведомств · Директор агентства культурного наследия
Официальный текст. Официальный документ. Редакционные примечания не включены.
📅 19 January 2026 · Ministry and agency documents · Madaniy meros agentligi direktori
Official text. Official document. Editorial notes are not included.
ЎЗБЕКИСТОН РЕСПУБЛИКАСИ МАДАНИЙ МЕРОС АГЕНТЛИГИ ДИРЕКТОРИНИНГ
БУЙРУҒИ
НИЗОМ
Моддий маданий мерос объектларининг қўриқланадиган тегра лойиҳасининг нусхасини бошқа шахсларга тақдим этиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2025 йил 8 сентябрдаги ПФ-161-сон «Ислоҳотларни ҳуқуқий жиҳатдан таъминлаш самарадорлигини ошириш ҳамда ижтимоий муносабатларни тартибга солишда вазирлик ва идораларнинг масъулияти ва ташаббускорлигини кучайтириш чора-тадбирлари тўғрисида»ги Фармони ҳамда Вазирлар Маҳкамасининг 2019 йил 30 мартдаги 265-сон «Моддий маданий мерос объектларини муҳофаза қилиш ва улардан фойдаланишга оид айрим норматив-ҳуқуқий ҳужжатларни тасдиқлаш тўғрисида»ги қарорига мувофиқ буюраман:
1. Моддий маданий мерос объектларининг қўриқланадиган тегра лойиҳасининг нусхасини бошқа шахсларга тақдим этиш тартиби тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Қурилиш ва уй-жой коммунал хўжалиги вазирлиги, Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги ҳамда Маданият ва санъатни ривожлантириш жамғармаси билан келишилган.
3. Ушбу буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Маданий мерос агентлиги директорининг 2026 йил 19 январдаги 1-сон буйруғига ИЛОВА
Моддий маданий мерос объектларининг қўриқланадиган тегра лойиҳасининг нусхасини бошқа шахсларга тақдим этиш тартиби тўғрисидаги
Мазкур Низом моддий маданий мерос объектларининг қўриқланадиган тегра лойиҳасининг нусхасини бошқа шахсларга тақдим этиш тартибини белгилайди.
1-боб. Умумий қоидалар
1. Ушбу Низомда қуйидаги асосий тушунчалар қўлланилади:
объект — моддий маданий мерос объектлари давлат кадастрига киритилган ёки тарихий-маданий қимматга эга эканлиги аниқланган бино, иншоотлар, ер участкалари ва бошқа кўчмас мулк объектлари;
махсус ваколатли орган — Ўзбекистон Республикаси Маданий мерос агентлиги ва унинг ҳудудий бошқармалари;
қўриқланадиган тегра — муҳофаза тегралари, иморатлар қуриш ва хўжалик фаолиятини тартибга солиш тегралари ҳамда қўриқланадиган табиий ландшафт теграларини ўз ичига олади;
қўриқланадиган тегра лойиҳаси — моддий маданий мерос объектини муҳофаза қилиш мақсадида белгиланган ҳудудларнинг чегаралари, теграларнинг турлари ва фойдаланиш шартларини белгиловчи лойиҳа ҳужжати.
2. Қўриқланадиган тегра лойиҳасининг нусхаси махсус ваколатли орган томонидан жисмоний ва юридик шахсларга уларнинг аризасига ҳамда давлат органларига уларнинг сўров хатига асосан бепул тақдим этилади.
2-боб. Қўриқланадиган тегра лойиҳасининг нусхасини бошқа шахсларга тақдим этиш тартиби
3. Қўриқланадиган тегра лойиҳасининг нусхаси қуйидаги ҳолларда тақдим этилади:
қурилиш, реконструкция, реставрация ва консервация ишларини амалга оширишда — ишчи ҳужжат сифатида фойдаланиш учун;
буюртмачилар томонидан моддий маданий мерос объектининг қўриқланадиган тегра ҳудудида қурилиш, реконструкция ёки бошқа шаҳарсозлик фаолиятини амалга ошириш режалаштираётган — лойиҳа ҳужжатларини ишлаб чиқиш ва келишишда фойдаланиш учун;
давлат органлари томонидан — ўз фаолиятини амалга оширишда фойдаланиш учун.
4. Жисмоний ва юридик шахслар ҳамда давлат органлари қўриқланадиган тегра лойиҳасининг нусхасини олиш учун махсус ваколатли органга ёзма ёки электрон шаклда мурожаат қилади.
Жисмоний ва юридик шахсларнинг аризасида (давлат органларининг сўров хатида) қуйидаги маълумотлар кўрсатилиши керак:
қўриқланадиган тегра лойиҳасининг нусхасини олиш мақсади;
қўриқланадиган тегра лойиҳасининг нусхаси талаб қилинаётган объектнинг номи ва жойлашуви.
5. Махсус ваколатли орган жисмоний ва юридик шахсларнинг аризаси ёки давлат органининг сўров хати келиб тушган кундан бошлаб уч иш куни ичида ариза ёки сўров хатини ушбу Низом талабларига мувофиқ кўриб чиқади ҳамда қўриқланадиган тегра лойиҳасининг нусхасини тақдим қилиш ёки асослантирилган ҳолда тақдим қилишни рад этиш тўғрисида қарор қабул қилади.
Махсус ваколатли орган қарор қабул қилган куннинг ўзида жисмоний ва юридик шахсларни ёки давлат органини ариза ёки сўров хатини кўриб чиқиш натижалари ҳақида хабардор қилади.
6. Қўриқланадиган тегра лойиҳасининг нусхасини тақдим этиш қуйидаги ҳолларда рад этилади:
қўриқланадиган тегра лойиҳаси таркибида давлат сирлари жумласига киритиладиган маълумотлар, шу жумладан махфий хариталар, координаталар ёки бошқа объект тавсифлари мавжуд бўлган ҳолда ариза берувчининг давлат сирларидан фойдаланишга доир рухсатномаси мавжуд бўлмаса;
қўриқланадиган тегра лойиҳаси нусхасини тақдим этиш маданий мерос объектининг бутлигини хавф остига қўйиши мумкин бўлса;
сўров хати ёки аризада қўриқланадиган тегра нусхаларини олишдан мақсад аниқ кўрсатилмаган бўлса;
Бошқа асосларга кўра қўриқланадиган тегра лойиҳаси нусхаларини тақдим этишни рад этишга йўл қўйилмайди.
3-боб. Нусхаси тақдим этилган қўриқланадиган тегра лойиҳаларининг ҳисобини юритиш тартиби
7. Қўриқланадиган тегра лойиҳасининг нусхасини тақдим этиш бўйича маълумотлар (нусхалар сони, тақдим этиш санаси ва мақсади, нусха тақдим этилган шахс) рўйхатга олиш китобида қайд этилиши шарт.
Рўйхатга олиш китоби муҳрланган ҳолда махсус ваколатли органнинг масъул ходими томонидан ҳар бир йил учун алоҳида юритилади ва сақланади.
8. Қўриқланадиган тегра лойиҳаси нусхаси, шунингдек, қўриқланадиган тегра лойиҳасини бериш билан боғлиқ ҳужжатлар махсус ваколатли органнинг архивида доимий (муддатсиз) сақланади.
4-боб. Якуний қоида
9. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.
Директор Б. АБДИКАРИМОВ
Қурилиш ва уй-жой коммунал хўжалиги вазири Ш. ХИДОЯТОВ
Маданият ва санъатни ривожлантириш жамғармаси р аиси Г. УМЕРОВА
Кадастр агентлиги директор ўринбосари М. МИРМАКСУДОВ
Тошкент ш.,
2026 йил 19 январь,
2026 йил 9 январь
2026 йил 8 январь
2026 йил 6 январь
1-сон
OʻZBEKISTON RESPUBLIKASI MADANIY MEROS AGENTLIGI DIREKTORINING
BUYRUGʻI
NIZOM
Moddiy madaniy meros obyektlarining qoʻriqlanadigan tegra loyihasining nusxasini boshqa shaxslarga taqdim etish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2025-yil 8-sentabrdagi PF-161-son “Islohotlarni huquqiy jihatdan taʼminlash samaradorligini oshirish hamda ijtimoiy munosabatlarni tartibga solishda vazirlik va idoralarning masʼuliyati va tashabbuskorligini kuchaytirish chora-tadbirlari toʻgʻrisida”gi Farmoni hamda Vazirlar Mahkamasining 2019-yil 30-martdagi 265-son “Moddiy madaniy meros obyektlarini muhofaza qilish va ulardan foydalanishga oid ayrim normativ-huquqiy hujjatlarni tasdiqlash toʻgʻrisida”gi qaroriga muvofiq buyuraman:
1. Moddiy madaniy meros obyektlarining qoʻriqlanadigan tegra loyihasining nusxasini boshqa shaxslarga taqdim etish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq Oʻzbekiston Respublikasi Qurilish va uy-joy kommunal xoʻjaligi vazirligi, Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi hamda Madaniyat va sanʼatni rivojlantirish jamgʻarmasi bilan kelishilgan.
3. Ushbu buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Madaniy meros agentligi direktorining 2026-yil 19-yanvardagi 1-son buyrugʻiga ILOVA
Moddiy madaniy meros obyektlarining qoʻriqlanadigan tegra loyihasining nusxasini boshqa shaxslarga taqdim etish tartibi toʻgʻrisidagi
Mazkur Nizom moddiy madaniy meros obyektlarining qoʻriqlanadigan tegra loyihasining nusxasini boshqa shaxslarga taqdim etish tartibini belgilaydi.
1-bob. Umumiy qoidalar
1. Ushbu Nizomda quyidagi asosiy tushunchalar qoʻllaniladi:
obyekt — moddiy madaniy meros obyektlari davlat kadastriga kiritilgan yoki tarixiy-madaniy qimmatga ega ekanligi aniqlangan bino, inshootlar, yer uchastkalari va boshqa koʻchmas mulk obyektlari;
maxsus vakolatli organ — Oʻzbekiston Respublikasi Madaniy meros agentligi va uning hududiy boshqarmalari;
qoʻriqlanadigan tegra — muhofaza tegralari, imoratlar qurish va xoʻjalik faoliyatini tartibga solish tegralari hamda qoʻriqlanadigan tabiiy landshaft tegralarini oʻz ichiga oladi;
qoʻriqlanadigan tegra loyihasi — moddiy madaniy meros obyektini muhofaza qilish maqsadida belgilangan hududlarning chegaralari, tegralarning turlari va foydalanish shartlarini belgilovchi loyiha hujjati.
2. Qoʻriqlanadigan tegra loyihasining nusxasi maxsus vakolatli organ tomonidan jismoniy va yuridik shaxslarga ularning arizasiga hamda davlat organlariga ularning soʻrov xatiga asosan bepul taqdim etiladi.
2-bob. Qoʻriqlanadigan tegra loyihasining nusxasini boshqa shaxslarga taqdim etish tartibi
3. Qoʻriqlanadigan tegra loyihasining nusxasi quyidagi hollarda taqdim etiladi:
qurilish, rekonstruksiya, restavratsiya va konservatsiya ishlarini amalga oshirishda — ishchi hujjat sifatida foydalanish uchun;
buyurtmachilar tomonidan moddiy madaniy meros obyektining qoʻriqlanadigan tegra hududida qurilish, rekonstruksiya yoki boshqa shaharsozlik faoliyatini amalga oshirish rejalashtirayotgan — loyiha hujjatlarini ishlab chiqish va kelishishda foydalanish uchun;
davlat organlari tomonidan — oʻz faoliyatini amalga oshirishda foydalanish uchun.
4. Jismoniy va yuridik shaxslar hamda davlat organlari qoʻriqlanadigan tegra loyihasining nusxasini olish uchun maxsus vakolatli organga yozma yoki elektron shaklda murojaat qiladi.
Jismoniy va yuridik shaxslarning arizasida (davlat organlarining soʻrov xatida) quyidagi maʼlumotlar koʻrsatilishi kerak:
qoʻriqlanadigan tegra loyihasining nusxasini olish maqsadi;
qoʻriqlanadigan tegra loyihasining nusxasi talab qilinayotgan obyektning nomi va joylashuvi.
5. Maxsus vakolatli organ jismoniy va yuridik shaxslarning arizasi yoki davlat organining soʻrov xati kelib tushgan kundan boshlab uch ish kuni ichida ariza yoki soʻrov xatini ushbu Nizom talablariga muvofiq koʻrib chiqadi hamda qoʻriqlanadigan tegra loyihasining nusxasini taqdim qilish yoki asoslantirilgan holda taqdim qilishni rad etish toʻgʻrisida qaror qabul qiladi.
Maxsus vakolatli organ qaror qabul qilgan kunning oʻzida jismoniy va yuridik shaxslarni yoki davlat organini ariza yoki soʻrov xatini koʻrib chiqish natijalari haqida xabardor qiladi.
6. Qoʻriqlanadigan tegra loyihasining nusxasini taqdim etish quyidagi hollarda rad etiladi:
qoʻriqlanadigan tegra loyihasi tarkibida davlat sirlari jumlasiga kiritiladigan maʼlumotlar, shu jumladan maxfiy xaritalar, koordinatalar yoki boshqa obyekt tavsiflari mavjud boʻlgan holda ariza beruvchining davlat sirlaridan foydalanishga doir ruxsatnomasi mavjud boʻlmasa;
qoʻriqlanadigan tegra loyihasi nusxasini taqdim etish madaniy meros obyektining butligini xavf ostiga qoʻyishi mumkin boʻlsa;
soʻrov xati yoki arizada qoʻriqlanadigan tegra nusxalarini olishdan maqsad aniq koʻrsatilmagan boʻlsa;
Boshqa asoslarga koʻra qoʻriqlanadigan tegra loyihasi nusxalarini taqdim etishni rad etishga yoʻl qoʻyilmaydi.
3-bob. Nusxasi taqdim etilgan qoʻriqlanadigan tegra loyihalarining hisobini yuritish tartibi
7. Qoʻriqlanadigan tegra loyihasining nusxasini taqdim etish boʻyicha maʼlumotlar (nusxalar soni, taqdim etish sanasi va maqsadi, nusxa taqdim etilgan shaxs) roʻyxatga olish kitobida qayd etilishi shart.
Roʻyxatga olish kitobi muhrlangan holda maxsus vakolatli organning masʼul xodimi tomonidan har bir yil uchun alohida yuritiladi va saqlanadi.
8. Qoʻriqlanadigan tegra loyihasi nusxasi, shuningdek, qoʻriqlanadigan tegra loyihasini berish bilan bogʻliq hujjatlar maxsus vakolatli organning arxivida doimiy (muddatsiz) saqlanadi.
4-bob. Yakuniy qoida
9. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.
Direktor B. ABDIKARIMOV
Qurilish va uy-joy kommunal xoʻjaligi vaziri Sh. XIDOYATOV
Madaniyat va sanʼatni rivojlantirish jamgʻarmasi r aisi G. UMEROVA
Kadastr agentligi direktor oʻrinbosari M. MIRMAKSUDOV
Toshkent sh.,
2026-yil 19-yanvar,
2026-yil 9-yanvar
2026-yil 8-yanvar
2026-yil 6-yanvar
1-son