📅 2026-yil 30-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 30 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 января 2026 г. · Постановления Президента
Официальный текст. Официальный документ. Редакционные примечания не включены.
📅 30 January 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
РЎЙХАТИ
СТРАТЕГИК МАҚСАДЛАР
Жиззах вилоятида саноат ва қишлоқ хўжалиги бошқарувини такомиллаштиришга оид қўшимча чора-тадбирлар тўғрисида
Жиззах вилоятида саноат ва қишлоқ хўжалиги соҳаларига инвестицияларни жалб қилиш, ушбу йўналишда кенг кўламли ислоҳотларни янада жадаллаштириш, ҳудудда саноат ва қишлоқ хўжалиги соҳаларининг иқтисодий салоҳиятини янада юксалтириш ҳамда белгиланган вазифалар ижросини таъминлашда маҳаллий ижро ҳокимияти органлари раҳбарларининг масъулиятини янада ошириш мақсадида қарор қиламан:
1. Жиззах вилояти ҳокимининг ўринбосари — вилоят инвестициялар, саноат ва савдо бошқармаси бошлиғи лавозими тугатилсин. Бунда Жиззах вилояти инвестициялар, саноат ва савдо бошқармасида мавжуд штат бирликлари доирасида бошқарма бошлиғи лавозими сақлаб қолинади.
2. Жиззах вилояти ҳокимлиги тузилмасининг умумий штат бирликлари доирасида:
(а) ҳокимнинг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосари;
(б) ҳокимнинг дашт ва чўл ҳудудларида саноатни ривожлантириш, инвестиция ва савдо масалалари бўйича ўринбосари лавозимлари киритилсин.
3. Қуйидагилар Жиззах вилояти ҳокимлиги тузилмасига киритилаётган ҳоким ўринбосарларининг асосий вазифалари этиб белгилансин:
(а) ҳокимнинг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосарининг:
(i) тоғли ҳудудларда фойдали қазилма захирасига эга ер участкаларини аниқлаш ва зарур инфратузилмани яратиш, тоғ-кон саноати йўналишидаги инвестиция лойиҳаларини амалга ошириш;
(ii) тоғ ва яйлов ҳудудларининг саноат, ишлаб чиқариш, туризм, экспорт бўйича салоҳиятини ошириш, маҳаллий ва хорижий инвестицияларни жалб қилиш;
(iii) яйлов ҳудудларида қишлоқ хўжалигига мос келадиган «ўсиш нуқталари»ни аниқлаш, чорвачилик, боғдорчилик, асаларичилик соҳаларини ривожлантириш ҳамда экспортбоп ўсимликлар етиштиришни йўлга қўйиш;
(iv) тоғли ҳудудлар ва яйловларни муҳофаза қилиш, деградацияга учраган яйловларни қайта тиклаш ва глобал иқлим ўзгаришларига мослашувчан экотизимни яратиш;
(б) ҳокимнинг дашт ва чўл ҳудудларида саноатни ривожлантириш, инвестиция ва савдо масалалари бўйича ўринбосарининг:
(i) дашт ҳудудларида янги имкониятларни аниқлаш, зарур инфратузилмани яратиш орқали вилоят саноатидаги ва ялпи ишлаб чиқаришга қўшадиган улушини ошириш;
(ii) чўл ҳудудларда ерости сув захираларини аниқлаш, улардан самарали фойдаланишни йўлга қўйиш орқали қишлоқ хўжалигини ривожлантириш;
(iii) дашт ва чўл ҳудудларида экологик инфратузилмани барпо этиш, чанг бўронларининг олдини олишга қаратилган «яшил белбоғлар»ни ташкил этиш ҳамда қайта тикланувчи энергия манбаларидан кенг фойдаланиш мақсадида қуёш панеллари фермалари ва шамол генерациясини оммалаштириш;
(iv) дашт ва чўл ҳудудларидан фойдаланиш самарадорлигини ошириш орқали ҳудудларда чорвачилик, қуёнчилик, туячиликни ривожлантириш бўйича истиқболли лойиҳаларни амалга ошириш.
4. 2026 йилдан бошлаб янги киритилаётган вилоят ҳокими ўринбосарларининг фаолияти самарадорлигини баҳолашда натижага йўналтирилган бошқарув тизими тажриба-синов тариқасида жорий этилади. Бунда:
(а) уларга самарадорликнинг энг муҳим кўрсаткичларини (кейинги ўринларда — KPI кўрсаткичлари) белгилашда тегишли ҳудудларда саноатни ривожлантириш ва инвестицияларни жалб қилиш бўйича стратегик кўрсаткичлар ва мақсадли индикаторлар кўзда тутилади;
(б) фаолият самарадорлигини баҳолаш бўйича KPI кўрсаткичлари таснифланади (стратегик, ҳудуд ва туман), уларнинг ўзаро мутаносиблиги таъминланган ҳолда ишлаб чиқилади;
(в) уларнинг фаолияти самарадорлиги KPI кўрсаткичлари бўйича амалга оширилган чора-тадбирлар натижасида белгиланган мақсадларга эришганлик даражаси ва натижадорлиги билан баҳоланади;
(г) KPI кўрсаткичларига эришиш бўйича «йўл хариталари» натижага йўналтирилган бошқарувга асосланган чора-тадбирлардан иборат бўлади;
(д) KPI кўрсаткичларига эришиш натижаси ҳар чорак ва йил якуни бўйича «samaradorlik.gov.uz» электрон платформасида баҳоланади.
5. Ўзбекистон Республикаси Президенти ҳузуридаги Бошқарув самарадорлиги агентлиги Жиззах вилояти ҳокимлигида жорий қилинган тажриба-синовнинг ижобий натижаларини бошқа ҳокимликларда ҳам жорий қилиш юзасидан 2026 йил декабрь ойига қадар Ўзбекистон Республикаси Президенти Администрациясига таклиф киритсин.
6. Қуйидагилар:
(а) Жиззах вилояти ҳокимлиги тузилмасига киритилаётган ҳоким ўринбосарларига бириктирилган ҳудудлар рўйхати 1-иловага мувофиқ;
(б) Жиззах вилоятининг тоғ, яйлов, дашт ва чўл ҳудудларини ривожлантириш бўйича стратегик мақсадлар 2-иловага мувофиқ тасдиқлансин.
7. Жиззах вилояти ҳокимлиги бир ҳафта муддатда мазкур қарор талабларидан келиб чиққан ҳолда Жиззах вилояти ҳокимининг тегишли ўринбосарлари функционал вазифалари ва уларнинг котибиятлари тўғрисидаги низомларни тасдиқласин.
8. Ўзбекистон Республикаси Президенти ҳузуридаги Бошқарув самарадорлиги агентлиги Жиззах вилояти ҳокимлиги билан биргаликда икки ой муддатда Жиззах вилояти ҳокимлиги тузилмасига киритилаётган ҳоким ўринбосарларининг мазкур қарорнинг 3-бандида назарда тутилган вазифаларидан ҳамда ушбу қарорга 2-иловада белгиланган стратегик мақсадлардан келиб чиққан ҳолда уларнинг KPI кўрсаткичларини ишлаб чиқсин ва Вазирлар Маҳкамасига тасдиқлаш учун киритсин.
9. Мазкур қарор ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев ва Ўзбекистон Республикаси Президенти ҳузуридаги Бошқарув самарадорлиги агентлиги директори вазифасини бажарувчи У.Ш. Хусаинов белгилансин.
10. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 30 январдаги ПҚ-34-сон қарорига 1-ИЛОВА
Жиззах вилояти ҳокимлиги тузилмасига киритилаётган ҳоким ўринбосарларига бириктирилган ҳудудлар
Т/р Вилоят ҳокимининг ўринбосарлари Бириктирилган ҳудудлар 1. Вилоят ҳокимининг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосари Бахмал тумани Зомин тумани Фориш тумани Ғаллаорол тумани Янгиобод тумани 2. Вилоят ҳокимининг дашт ва чўл ҳудудларида саноатни ривожлантириш, инвестиция ва савдо масалалари бўйича ўринбосари Арнасой тумани Дўстлик тумани Зафаробод тумани Зарбдор тумани Мирзачўл тумани Пахтакор тумани Шароф Рашидов тумани Жиззах шаҳри
Ўзбекистон Республикаси Президентининг 2026 йил 30 январдаги ПҚ-34-сон қарорига 2-ИЛОВА
Жиззах вилоятининг тоғ, яйлов, дашт ва чўл ҳудудларини ривожлантириш бўйича
Т/р Вилоят ҳокими ўринбосари Туман ҳокими ўринбосари Масъул туман (шаҳар) ҳокими ўринбосари Масъул давлат органлари ҳудудий бўлинмалари Стратегик мақсадлар Ўлчов бирлиги (фоиз) Индикаторлар Ўлчов бирлиги (фоиз) Субиндикаторлар Ўлчов бирлиги (фоиз) 2026 йил режаси Ҳокимнинг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосари (Бахмал, Зомин, Фориш, Ғаллаорол, Янгиобод туманлари) 1. Тоғли ҳудудлар ва яйловларда инвестицион муҳитни яхшилаш 18 Инвестицияларни жалб қилиш 50 Тўғридан-тўғри хорижий инвестицияларни жалб қилиш (млн доллар) 40 594,2 Туман ҳокимининг инвестициялар ва ташқи савдо масалалари бўйича ўринбосари Туман инвестиция бўлими Аҳоли жон бошига тўғридан-тўғри хорижий инвестициялар (минг сўм) 40 10 653 Ҳудудий лойиҳаларни амалга ошириш (сони) 20 146 Махсус иқтисодий ва саноат зоналарини ривожлантириш 50 Махсус иқтисодий ва саноат зоналарида ишга туширилган лойиҳалар (сони) 25 10 Туман ҳокимининг инвестициялар ва ташқи савдо масалалари бўйича ўринбосари Туман инвестиция бўлими Махсус иқтисодий ва саноат зоналарида ишлаб чиқариш ҳажми (млрд сўм) 25 11250 Махсус иқтисодий ва саноат зоналарида бўш ер майдони (га, регрессив) 25 23 Махсус иқтисодий ва саноат зоналарида ишчилар сони (нафар) 25 135 2. Тоғли ҳудудлар ва яйловларда табиий минерал ресурслардан фойдаланиш самарадорлигини ошириш 20 Фойдали қазилмалар ишлаб чиқаришни ривожлантириш 100 Фойдаланилаётган конлар сони (та) 50 8 Туман ҳокимининг қурилиш, тўсиқларсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича ўринбосари Фойдаланилмаётган конлар сони (та, регрессив) 50 15 3. Тоғли ҳудудларнинг ўзига хос саноат ва экспорт салоҳиятини ошириш 20 Қайта тикланувчи энергия манбалари қурилмалари ни (ҚТЭМҚ) ўрнатиш 40 Янги ўрнатилган энергия манбалари қурилмалари (қуёш панеллари, шамол генераторлари ва микроГЭС) қуввати (МВт) 100 438 Туман ҳокимининг қурилиш, тўсиқларсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича ўринбосари Туман қурилиш ва уй-жой коммунал хўжалиги бўлими Экспорт ҳажмини ошириш 60 Экспорт қилинган саноат маҳсулотлар ҳажми (млн доллар) 50 87,4 Туман ҳокимининг инвестициялар ва ташқи савдо масалалари бўйича ўринбосари Туман инвестиция бўлими Экспорт қилинган мева-сабзавот маҳсулотлар ҳажми (млн доллар) 50 109,5 4. Тоғли ҳудудлар ва яйловларда қишлоқ хўжалигини ривожлантириш 18 Боғдорчилик маҳсулотларини етиштириш 25 Янги боғлар ташкил этиш (га) 40 2 162,6 Туман ҳокимининг қишлоқ ва сув хўжалиги масалалари бўйича ўринбосари Туман қишлоқ хўжалиги бўлими Эскирган ва самарасиз боғларни янгилаш (га) 800 650 Боғдорчилик маҳсулотларининг ҳажми (млрд сўм) 40 662,8 Чорвачилик маҳсулотлари ишлаб чиқариш ҳажмини ошириш 25 Чорвачилик маҳсулотлари ҳажми (млрд сўм) 25 1600 Чорвачиликка ихтисослашган янги хўжаликлар ташкил этиш (сони) 25 12 Йирик шохли қорамоллар бош сони (минг бош) 25 600,6 Қўй ва эчкилар бош сони (минг бош) 25 1 889,1 Асаларичиликни ривожлантириш 20 Асал ишлаб чиқариш ҳажми (тонна) 50 810,5 Асал ишлаб чиқарувчи хўжаликлар сони (та) 50 31 Сув ресурсларидан фойдаланиш самарадорлигини ошириш 30 Томчилатиб суғориш жорий қилинган яйловлар (га) 100 670 5. Тоғли ҳудудлар ва яйловларда туризм инфратузилмасини ташкил қилиш 24 Жамоавий ва индивидуал жойлаштириш воситаларини ривожлантириш 60 Меҳмонхона ва шунга ўхшаш жойлаштириш воситалари (сони) 10 9 Туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Вилоят туризм бошқармаси Меҳмонхона ва шунга ўхшаш жойлаштириш воситаларида жойлаштирилган шахслар (нафар) 15 602 100 Санатория-курорт муассасалари (сони) 10 1 Санатория-курорт муассасаларида жойлаштирилган шахслар (нафар) 15 212 650 Дам олиш ташкилотлари ва туристик базалар (сони) 10 2 Дам олиш ташкилотлари ва туристик базаларда хизмат кўрсатилган шахслар (нафар) 15 9 170 Индивидуал жойлаштириш воситалари (меҳмон уйлари, дала ҳовли, ўтов лагери) сони 10 35 Умумий овқатланиш ва хизмат кўрсатиш шохобчалари (сони) 15 53 Туман иқтисодиёт ва молия бўлими Асосий туристик ресурсларни ривожлантириш 40 Махсус тоғ инфратузилмаларини ташкил қилиш (дор йўллари, кўприк, км) 100 2 Туман ҳокимининг қурилиш, тўсиқларсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича ўринбосари Туман қурилиш ва уй-жой коммунал хўжалиги бўлими Ҳокимнинг дашт ва чўл ҳудудларида саноатни ривожлантириш, инвестиция ва савдо масалалари бўйича ўринбосари (Арнасой, Дўстлик, Зарбдор, Зафаробод, Мирзачўл, Пахтакор, Шароф Рашидов туманлари ва Жиззах шаҳри) 1. Дашт ва чўл ҳудудларида инвестицион муҳитни яхшилаш 20 Инвестицияларни жалб қилиш 40 Тўғридан-тўғри хорижий инвестицияларни жалб қилиш (млн доллар) 40 766,5 Туман ҳокимининг инвестициялар ва ташқи савдо масалалари бўйича ўринбосари Туман инвестиция бўлими Аҳоли жон бошига тўғридан-тўғри хорижий инвестициялар (минг сўм) 40 12100 Ишлаб чиқилган лойиҳалар (сони) 20 253 Махсус иқтисодий ва саноат зоналарини ривожлантириш 30 Махсус иқтисодий ва саноат зоналарида ишга туширилган лойиҳалар (сони) 25 18 Туман ҳокимининг инвестициялар ва ташқи савдо масалалари бўйича ўринбосари Туман инвестиция бўлими Махсус иқтисодий ва саноат зоналарида ишлаб чиқариш ҳажми (млрд сўм) 25 5100 Махсус иқтисодий ва саноат зоналарида бўш ер майдони (га, регрессив) 25 15 Махсус иқтисодий ва саноат зоналарида ишчилар сони (нафар) 25 6 925 2. Дашт ва чўл ҳудудларида ресурслардан самарали фойдаланиш 15 Сув таъминотини яхшилаш 100 Суғориш тармоқларини ўтказиш (км) 50 132 Туман ҳокимининг қишлоқ ва сув хўжалиги масалалари бўйича ўринбосари Туман қишлоқ хўжалиги бўлими Томчилатиб суғориш жорий қилинган майдонлар (га) 50 6000 3. Дашт ва чўл ҳудудларининг саноат ва савдо салоҳиятини ошириш 20 Қайта тикланувчи энергия манбалари қурилмаларини (ҚТЭМҚ) ўрнатиш 25 Янги ўрнатилган энергия манбалари қурилмалари (қуёш панеллари, шамол генераторлари) қуввати (МВт) 100 14,5 Туман ҳокимининг қурилиш, тўсиқларсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича ўринбосари Туман қурилиш ва уй-жой коммунал хўжалиги бўлими Саноат маҳсулотлари ишлаб чиқариш 35 Аҳоли жон бошига саноат маҳсулотлари ишлаб чиқариш ҳажми (минг сўм) 100 19348 Туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Туман иқтисодиёт ва молия бўлими Экспорт ҳажмини ошириш 40 Экспорт қилинган маҳсулотлар ҳажми (млн доллар) 100 211,1 Туман ҳокимининг инвестициялар ва ташқи савдо масалалари бўйича ўринбосари Туман инвестиция бўлими 4. Дашт ва чўл ҳудудларида чорвачиликни ривожлантириш 15 Чорвачилик маҳсулотлари ишлаб чиқариш ҳажмини ошириш 100 Чорвачилик маҳсулотлари ҳажми (млрд сўм) 25 1200 Туман ҳокимининг қишлоқ ва сув хўжалиги масалалари бўйича ўринбосари Туман қишлоқ хўжалиги бўлими Чорвачиликка ихтисослашган (қуён, туя в.б.) хўжаликлар ташкил этиш (сони) 25 23 Йирик шохли қорамоллар бош сони (минг бош) 25 422,4 Қўй ва эчкилар бош сони (минг бош) 25 680,9 5. Дашт ва чўл ҳудудларида туризм инфратузилмасини ташкил қилиш 10 Жамоавий ва индивидуал жойлаштириш воситаларини ривожлантириш 60 Меҳмонхона ва шунга ўхшаш жойлаштириш воситалари (сони) 15 8 Туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Вилоят туризм бошқармаси Меҳмонхона ва шунга ўхшаш жойлаштириш воситаларида жойлаштирилган шахслар (нафар) 20 186 340 Дам олиш ташкилотлари ва туристик базалар (сони) 15 2 Дам олиш ташкилотлари ва туристик базаларда хизмат кўрсатилган шахслар (нафар) 20 14 550 Индивидуал жойлаштириш воситалари (меҳмон уйлари, ўтов лагери) сони 15 34 Умумий овқатланиш ва хизмат кўрсатиш шохобчалари (сони) 15 77 Туман иқтисодиёт ва молия бўлими Асосий туристик ресурсларни ривожлантириш 40 Махсус чўл инфратузилмаларини (сафари, экотуризм объектлари) ташкил қилиш (сони) 100 1 Туман ҳокимининг қурилиш, тўсиқларсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича ўринбосари Туман қурилиш ва уй-жой коммунал хўжалиги бўлими 6. Дашт ва чўл ҳудудларида экологик инфратузилмани барпо этиш 20 Чанг бўронларининг олдини олиш мақсадида «яшил белбоғлар» ташкил этиш 50 Қишлоқ хўжалиги ерларида иҳотазорлар барпо қилиш (га) 50 167 Туман ҳокимининг қишлоқ ва сув хўжалиги масалалари бўйича ўринбосари Туман қишлоқ хўжалиги бўлими Янтоқ, саксовул, изен ва бошқа чўл ўтлари экилган майдон (га) 50 188 Тупроқ эрозиясини камайтириш 50 Тупроқ шўрланишини камайтириш (га) 50 242 Тупроқлардаги гумус миқдорини ошириш (га) 50 3 195
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 30 январь,
ПҚ- 34 -сон
OʻZBEKISTON RESPUBLIKASI PREZIDENTINING
QARORI
ROʻYXATI
STRATEGIK MAQSADLAR
Jizzax viloyatida sanoat va qishloq xoʻjaligi boshqaruvini takomillashtirishga oid qoʻshimcha chora-tadbirlar toʻgʻrisida
Jizzax viloyatida sanoat va qishloq xoʻjaligi sohalariga investitsiyalarni jalb qilish, ushbu yoʻnalishda keng koʻlamli islohotlarni yanada jadallashtirish, hududda sanoat va qishloq xoʻjaligi sohalarining iqtisodiy salohiyatini yanada yuksaltirish hamda belgilangan vazifalar ijrosini taʼminlashda mahalliy ijro hokimiyati organlari rahbarlarining masʼuliyatini yanada oshirish maqsadida qaror qilaman:
1. Jizzax viloyati hokimining oʻrinbosari — viloyat investitsiyalar, sanoat va savdo boshqarmasi boshligʻi lavozimi tugatilsin. Bunda Jizzax viloyati investitsiyalar, sanoat va savdo boshqarmasida mavjud shtat birliklari doirasida boshqarma boshligʻi lavozimi saqlab qolinadi.
2. Jizzax viloyati hokimligi tuzilmasining umumiy shtat birliklari doirasida:
(a) hokimning togʻli hududlar va yaylovlarni rivojlantirish, investitsiya va savdo masalalari boʻyicha oʻrinbosari;
(b) hokimning dasht va choʻl hududlarida sanoatni rivojlantirish, investitsiya va savdo masalalari boʻyicha oʻrinbosari lavozimlari kiritilsin.
3. Quyidagilar Jizzax viloyati hokimligi tuzilmasiga kiritilayotgan hokim oʻrinbosarlarining asosiy vazifalari etib belgilansin:
(a) hokimning togʻli hududlar va yaylovlarni rivojlantirish, investitsiya va savdo masalalari boʻyicha oʻrinbosarining:
(i) togʻli hududlarda foydali qazilma zaxirasiga ega yer uchastkalarini aniqlash va zarur infratuzilmani yaratish, togʻ-kon sanoati yoʻnalishidagi investitsiya loyihalarini amalga oshirish;
(ii) togʻ va yaylov hududlarining sanoat, ishlab chiqarish, turizm, eksport boʻyicha salohiyatini oshirish, mahalliy va xorijiy investitsiyalarni jalb qilish;
(iii) yaylov hududlarida qishloq xoʻjaligiga mos keladigan “oʻsish nuqtalari”ni aniqlash, chorvachilik, bogʻdorchilik, asalarichilik sohalarini rivojlantirish hamda eksportbop oʻsimliklar yetishtirishni yoʻlga qoʻyish;
(iv) togʻli hududlar va yaylovlarni muhofaza qilish, degradatsiyaga uchragan yaylovlarni qayta tiklash va global iqlim oʻzgarishlariga moslashuvchan ekotizimni yaratish;
(b) hokimning dasht va choʻl hududlarida sanoatni rivojlantirish, investitsiya va savdo masalalari boʻyicha oʻrinbosarining:
(i) dasht hududlarida yangi imkoniyatlarni aniqlash, zarur infratuzilmani yaratish orqali viloyat sanoatidagi va yalpi ishlab chiqarishga qoʻshadigan ulushini oshirish;
(ii) choʻl hududlarda yerosti suv zaxiralarini aniqlash, ulardan samarali foydalanishni yoʻlga qoʻyish orqali qishloq xoʻjaligini rivojlantirish;
(iii) dasht va choʻl hududlarida ekologik infratuzilmani barpo etish, chang boʻronlarining oldini olishga qaratilgan “yashil belbogʻlar”ni tashkil etish hamda qayta tiklanuvchi energiya manbalaridan keng foydalanish maqsadida quyosh panellari fermalari va shamol generatsiyasini ommalashtirish;
(iv) dasht va choʻl hududlaridan foydalanish samaradorligini oshirish orqali hududlarda chorvachilik, quyonchilik, tuyachilikni rivojlantirish boʻyicha istiqbolli loyihalarni amalga oshirish.
4. 2026-yildan boshlab yangi kiritilayotgan viloyat hokimi oʻrinbosarlarining faoliyati samaradorligini baholashda natijaga yoʻnaltirilgan boshqaruv tizimi tajriba-sinov tariqasida joriy etiladi. Bunda:
(a) ularga samaradorlikning eng muhim koʻrsatkichlarini (keyingi oʻrinlarda — KPI koʻrsatkichlari) belgilashda tegishli hududlarda sanoatni rivojlantirish va investitsiyalarni jalb qilish boʻyicha strategik koʻrsatkichlar va maqsadli indikatorlar koʻzda tutiladi;
(b) faoliyat samaradorligini baholash boʻyicha KPI koʻrsatkichlari tasniflanadi (strategik, hudud va tuman), ularning oʻzaro mutanosibligi taʼminlangan holda ishlab chiqiladi;
(v) ularning faoliyati samaradorligi KPI koʻrsatkichlari boʻyicha amalga oshirilgan chora-tadbirlar natijasida belgilangan maqsadlarga erishganlik darajasi va natijadorligi bilan baholanadi;
(g) KPI koʻrsatkichlariga erishish boʻyicha “yoʻl xaritalari” natijaga yoʻnaltirilgan boshqaruvga asoslangan chora-tadbirlardan iborat boʻladi;
(d) KPI koʻrsatkichlariga erishish natijasi har chorak va yil yakuni boʻyicha “samaradorlik.gov.uz” elektron platformasida baholanadi.
5. Oʻzbekiston Respublikasi Prezidenti huzuridagi Boshqaruv samaradorligi agentligi Jizzax viloyati hokimligida joriy qilingan tajriba-sinovning ijobiy natijalarini boshqa hokimliklarda ham joriy qilish yuzasidan 2026-yil dekabr oyiga qadar Oʻzbekiston Respublikasi Prezidenti Administratsiyasiga taklif kiritsin.
6. Quyidagilar:
(a) Jizzax viloyati hokimligi tuzilmasiga kiritilayotgan hokim oʻrinbosarlariga biriktirilgan hududlar roʻyxati 1-ilovaga muvofiq;
(b) Jizzax viloyatining togʻ, yaylov, dasht va choʻl hududlarini rivojlantirish boʻyicha strategik maqsadlar 2-ilovaga muvofiq tasdiqlansin.
7. Jizzax viloyati hokimligi bir hafta muddatda mazkur qaror talablaridan kelib chiqqan holda Jizzax viloyati hokimining tegishli oʻrinbosarlari funksional vazifalari va ularning kotibiyatlari toʻgʻrisidagi nizomlarni tasdiqlasin.
8. Oʻzbekiston Respublikasi Prezidenti huzuridagi Boshqaruv samaradorligi agentligi Jizzax viloyati hokimligi bilan birgalikda ikki oy muddatda Jizzax viloyati hokimligi tuzilmasiga kiritilayotgan hokim oʻrinbosarlarining mazkur qarorning 3-bandida nazarda tutilgan vazifalaridan hamda ushbu qarorga 2-ilovada belgilangan strategik maqsadlardan kelib chiqqan holda ularning KPI koʻrsatkichlarini ishlab chiqsin va Vazirlar Mahkamasiga tasdiqlash uchun kiritsin.
9. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev va Oʻzbekiston Respublikasi Prezidenti huzuridagi Boshqaruv samaradorligi agentligi direktori vazifasini bajaruvchi U.Sh. Xusainov belgilansin.
10. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 30-yanvardagi PQ-34-son qaroriga 1-ILOVA
Jizzax viloyati hokimligi tuzilmasiga kiritilayotgan hokim oʻrinbosarlariga biriktirilgan hududlar
T/r Viloyat hokimining oʻrinbosarlari Biriktirilgan hududlar 1. Viloyat hokimining togʻli hududlar va yaylovlarni rivojlantirish, investitsiya va savdo masalalari boʻyicha oʻrinbosari Baxmal tumani Zomin tumani Forish tumani Gʻallaorol tumani Yangiobod tumani 2. Viloyat hokimining dasht va choʻl hududlarida sanoatni rivojlantirish, investitsiya va savdo masalalari boʻyicha oʻrinbosari Arnasoy tumani Doʻstlik tumani Zafarobod tumani Zarbdor tumani Mirzachoʻl tumani Paxtakor tumani Sharof Rashidov tumani Jizzax shahri
Oʻzbekiston Respublikasi Prezidentining 2026-yil 30-yanvardagi PQ-34-son qaroriga 2-ILOVA
Jizzax viloyatining togʻ, yaylov, dasht va choʻl hududlarini rivojlantirish boʻyicha
T/r Viloyat hokimi oʻrinbosari Tuman hokimi oʻrinbosari Masʼul tuman (shahar) hokimi oʻrinbosari Masʼul davlat organlari hududiy boʻlinmalari Strategik maqsadlar Oʻlchov birligi (foiz) Indikatorlar Oʻlchov birligi (foiz) Subindikatorlar Oʻlchov birligi (foiz) 2026-yil rejasi Hokimning togʻli hududlar va yaylovlarni rivojlantirish, investitsiya va savdo masalalari boʻyicha oʻrinbosari (Baxmal, Zomin, Forish, Gʻallaorol, Yangiobod tumanlari) 1. Togʻli hududlar va yaylovlarda investitsion muhitni yaxshilash 18 Investitsiyalarni jalb qilish 50 Toʻgʻridan-toʻgʻri xorijiy investitsiyalarni jalb qilish (mln dollar) 40 594,2 Tuman hokimining investitsiyalar va tashqi savdo masalalari boʻyicha oʻrinbosari Tuman investitsiya boʻlimi Aholi jon boshiga toʻgʻridan-toʻgʻri xorijiy investitsiyalar (ming soʻm) 40 10 653 Hududiy loyihalarni amalga oshirish (soni) 20 146 Maxsus iqtisodiy va sanoat zonalarini rivojlantirish 50 Maxsus iqtisodiy va sanoat zonalarida ishga tushirilgan loyihalar (soni) 25 10 Tuman hokimining investitsiyalar va tashqi savdo masalalari boʻyicha oʻrinbosari Tuman investitsiya boʻlimi Maxsus iqtisodiy va sanoat zonalarida ishlab chiqarish hajmi (mlrd soʻm) 25 11250 Maxsus iqtisodiy va sanoat zonalarida boʻsh yer maydoni (ga, regressiv) 25 23 Maxsus iqtisodiy va sanoat zonalarida ishchilar soni (nafar) 25 135 2. Togʻli hududlar va yaylovlarda tabiiy mineral resurslardan foydalanish samaradorligini oshirish 20 Foydali qazilmalar ishlab chiqarishni rivojlantirish 100 Foydalanilayotgan konlar soni (ta) 50 8 Tuman hokimining qurilish, toʻsiqlarsiz muhit yaratish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha oʻrinbosari Foydalanilmayotgan konlar soni (ta, regressiv) 50 15 3. Togʻli hududlarning oʻziga xos sanoat va eksport salohiyatini oshirish 20 Qayta tiklanuvchi energiya manbalari qurilmalari ni (QTEMQ) oʻrnatish 40 Yangi oʻrnatilgan energiya manbalari qurilmalari (quyosh panellari, shamol generatorlari va mikroGES) quvvati (MVt) 100 438 Tuman hokimining qurilish, toʻsiqlarsiz muhit yaratish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha oʻrinbosari Tuman qurilish va uy-joy kommunal xoʻjaligi boʻlimi Eksport hajmini oshirish 60 Eksport qilingan sanoat mahsulotlar hajmi (mln dollar) 50 87,4 Tuman hokimining investitsiyalar va tashqi savdo masalalari boʻyicha oʻrinbosari Tuman investitsiya boʻlimi Eksport qilingan meva-sabzavot mahsulotlar hajmi (mln dollar) 50 109,5 4. Togʻli hududlar va yaylovlarda qishloq xoʻjaligini rivojlantirish 18 Bogʻdorchilik mahsulotlarini yetishtirish 25 Yangi bogʻlar tashkil etish (ga) 40 2 162,6 Tuman hokimining qishloq va suv xoʻjaligi masalalari boʻyicha oʻrinbosari Tuman qishloq xoʻjaligi boʻlimi Eskirgan va samarasiz bogʻlarni yangilash (ga) 800 650 Bogʻdorchilik mahsulotlarining hajmi (mlrd soʻm) 40 662,8 Chorvachilik mahsulotlari ishlab chiqarish hajmini oshirish 25 Chorvachilik mahsulotlari hajmi (mlrd soʻm) 25 1600 Chorvachilikka ixtisoslashgan yangi xoʻjaliklar tashkil etish (soni) 25 12 Yirik shoxli qoramollar bosh soni (ming bosh) 25 600,6 Qoʻy va echkilar bosh soni (ming bosh) 25 1 889,1 Asalarichilikni rivojlantirish 20 Asal ishlab chiqarish hajmi (tonna) 50 810,5 Asal ishlab chiqaruvchi xoʻjaliklar soni (ta) 50 31 Suv resurslaridan foydalanish samaradorligini oshirish 30 Tomchilatib sugʻorish joriy qilingan yaylovlar (ga) 100 670 5. Togʻli hududlar va yaylovlarda turizm infratuzilmasini tashkil qilish 24 Jamoaviy va individual joylashtirish vositalarini rivojlantirish 60 Mehmonxona va shunga oʻxshash joylashtirish vositalari (soni) 10 9 Tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Viloyat turizm boshqarmasi Mehmonxona va shunga oʻxshash joylashtirish vositalarida joylashtirilgan shaxslar (nafar) 15 602 100 Sanatoriya-kurort muassasalari (soni) 10 1 Sanatoriya-kurort muassasalarida joylashtirilgan shaxslar (nafar) 15 212 650 Dam olish tashkilotlari va turistik bazalar (soni) 10 2 Dam olish tashkilotlari va turistik bazalarda xizmat koʻrsatilgan shaxslar (nafar) 15 9 170 Individual joylashtirish vositalari (mehmon uylari, dala hovli, oʻtov lageri) soni 10 35 Umumiy ovqatlanish va xizmat koʻrsatish shoxobchalari (soni) 15 53 Tuman iqtisodiyot va moliya boʻlimi Asosiy turistik resurslarni rivojlantirish 40 Maxsus togʻ infratuzilmalarini tashkil qilish (dor yoʻllari, koʻprik, km) 100 2 Tuman hokimining qurilish, toʻsiqlarsiz muhit yaratish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha oʻrinbosari Tuman qurilish va uy-joy kommunal xoʻjaligi boʻlimi Hokimning dasht va choʻl hududlarida sanoatni rivojlantirish, investitsiya va savdo masalalari boʻyicha oʻrinbosari (Arnasoy, Doʻstlik, Zarbdor, Zafarobod, Mirzachoʻl, Paxtakor, Sharof Rashidov tumanlari va Jizzax shahri) 1. Dasht va choʻl hududlarida investitsion muhitni yaxshilash 20 Investitsiyalarni jalb qilish 40 Toʻgʻridan-toʻgʻri xorijiy investitsiyalarni jalb qilish (mln dollar) 40 766,5 Tuman hokimining investitsiyalar va tashqi savdo masalalari boʻyicha oʻrinbosari Tuman investitsiya boʻlimi Aholi jon boshiga toʻgʻridan-toʻgʻri xorijiy investitsiyalar (ming soʻm) 40 12100 Ishlab chiqilgan loyihalar (soni) 20 253 Maxsus iqtisodiy va sanoat zonalarini rivojlantirish 30 Maxsus iqtisodiy va sanoat zonalarida ishga tushirilgan loyihalar (soni) 25 18 Tuman hokimining investitsiyalar va tashqi savdo masalalari boʻyicha oʻrinbosari Tuman investitsiya boʻlimi Maxsus iqtisodiy va sanoat zonalarida ishlab chiqarish hajmi (mlrd soʻm) 25 5100 Maxsus iqtisodiy va sanoat zonalarida boʻsh yer maydoni (ga, regressiv) 25 15 Maxsus iqtisodiy va sanoat zonalarida ishchilar soni (nafar) 25 6 925 2. Dasht va choʻl hududlarida resurslardan samarali foydalanish 15 Suv taʼminotini yaxshilash 100 Sugʻorish tarmoqlarini oʻtkazish (km) 50 132 Tuman hokimining qishloq va suv xoʻjaligi masalalari boʻyicha oʻrinbosari Tuman qishloq xoʻjaligi boʻlimi Tomchilatib sugʻorish joriy qilingan maydonlar (ga) 50 6000 3. Dasht va choʻl hududlarining sanoat va savdo salohiyatini oshirish 20 Qayta tiklanuvchi energiya manbalari qurilmalarini (QTEMQ) oʻrnatish 25 Yangi oʻrnatilgan energiya manbalari qurilmalari (quyosh panellari, shamol generatorlari) quvvati (MVt) 100 14,5 Tuman hokimining qurilish, toʻsiqlarsiz muhit yaratish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha oʻrinbosari Tuman qurilish va uy-joy kommunal xoʻjaligi boʻlimi Sanoat mahsulotlari ishlab chiqarish 35 Aholi jon boshiga sanoat mahsulotlari ishlab chiqarish hajmi (ming soʻm) 100 19348 Tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Tuman iqtisodiyot va moliya boʻlimi Eksport hajmini oshirish 40 Eksport qilingan mahsulotlar hajmi (mln dollar) 100 211,1 Tuman hokimining investitsiyalar va tashqi savdo masalalari boʻyicha oʻrinbosari Tuman investitsiya boʻlimi 4. Dasht va choʻl hududlarida chorvachilikni rivojlantirish 15 Chorvachilik mahsulotlari ishlab chiqarish hajmini oshirish 100 Chorvachilik mahsulotlari hajmi (mlrd soʻm) 25 1200 Tuman hokimining qishloq va suv xoʻjaligi masalalari boʻyicha oʻrinbosari Tuman qishloq xoʻjaligi boʻlimi Chorvachilikka ixtisoslashgan (quyon, tuya v.b.) xoʻjaliklar tashkil etish (soni) 25 23 Yirik shoxli qoramollar bosh soni (ming bosh) 25 422,4 Qoʻy va echkilar bosh soni (ming bosh) 25 680,9 5. Dasht va choʻl hududlarida turizm infratuzilmasini tashkil qilish 10 Jamoaviy va individual joylashtirish vositalarini rivojlantirish 60 Mehmonxona va shunga oʻxshash joylashtirish vositalari (soni) 15 8 Tuman hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari Viloyat turizm boshqarmasi Mehmonxona va shunga oʻxshash joylashtirish vositalarida joylashtirilgan shaxslar (nafar) 20 186 340 Dam olish tashkilotlari va turistik bazalar (soni) 15 2 Dam olish tashkilotlari va turistik bazalarda xizmat koʻrsatilgan shaxslar (nafar) 20 14 550 Individual joylashtirish vositalari (mehmon uylari, oʻtov lageri) soni 15 34 Umumiy ovqatlanish va xizmat koʻrsatish shoxobchalari (soni) 15 77 Tuman iqtisodiyot va moliya boʻlimi Asosiy turistik resurslarni rivojlantirish 40 Maxsus choʻl infratuzilmalarini (safari, ekoturizm obyektlari) tashkil qilish (soni) 100 1 Tuman hokimining qurilish, toʻsiqlarsiz muhit yaratish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha oʻrinbosari Tuman qurilish va uy-joy kommunal xoʻjaligi boʻlimi 6. Dasht va choʻl hududlarida ekologik infratuzilmani barpo etish 20 Chang boʻronlarining oldini olish maqsadida “yashil belbogʻlar” tashkil etish 50 Qishloq xoʻjaligi yerlarida ihotazorlar barpo qilish (ga) 50 167 Tuman hokimining qishloq va suv xoʻjaligi masalalari boʻyicha oʻrinbosari Tuman qishloq xoʻjaligi boʻlimi Yantoq, saksovul, izen va boshqa choʻl oʻtlari ekilgan maydon (ga) 50 188 Tuproq eroziyasini kamaytirish 50 Tuproq shoʻrlanishini kamaytirish (ga) 50 242 Tuproqlardagi gumus miqdorini oshirish (ga) 50 3 195
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 30-yanvar,
PQ- 34 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О дополнительных мерах по совершенствованию промышленного и сельскохозяйственного управления в Джизакской области
В целях привлечения инвестиций в сферы промышленности и сельского хозяйства Джизакской области, дальнейшего ускорения широкомасштабных реформ в этом направлении, наибольшего роста экономического потенциала отраслей промышленности и сельского хозяйства в регионе, а также усиления ответственности руководителей органов исполнительной власти на местах в обеспечении исполнения намеченных задач постановляю:
1. Упразднить должность заместителя хокима Джизакской области — начальника областного управления инвестиций, промышленности и торговли. При этом в рамках имеющихся штатных единиц в Джизакском областном управлении инвестиций, промышленности и торговли сохраняется должность начальника управления.
2. В рамках общих штатных единиц структуры хокимията Джизакской области ввести должности:
(а) заместителя хокима по вопросам развития горных территорий и пастбищ, инвестиций и торговли;
(б) заместителя хокима по вопросам развития промышленности на степных и пустынных территориях, инвестиций и торговли.
3. Определить основными задачами заместителей хокима, должности которых вводятся в структуру хокимията Джизакской области:
(а) заместителя хокима по вопросам развития горных территорий и пастбищ, инвестиций и торговли:
(i) выявление на горных территориях земельных участков с запасами полезных ископаемых и создание необходимой инфраструктуры, реализацию инвестиционных проектов в направлении горнодобывающей промышленности;
(ii) повышение потенциала горных и пастбищных территорий в сфере промышленности, производства, туризма, экспорта, привлечение отечественных и зарубежных инвестиций;
(iii) выявление на пастбищных территориях «точек роста», соответствующих сельскому хозяйству, развитие таких отраслей, как животноводство, садоводство, пчеловодство, а также налаживание выращивания экспортоориентированных растений;
(iv) охрану горных территорий и пастбищ, восстановление подвергшихся деградации пастбищ и создание экосистемы, адаптированной к глобальным изменениям климата;
(б) заместителя хокима по вопросам развития промышленности на степных и пустынных территориях, инвестиций и торговли:
(i) повышение доли в промышленности области и валовом производстве путем выявления новых возможностей на степных территориях, создания необходимой инфраструктуры;
(ii) развитие сельского хозяйства путем выявления подземных водных запасов на пустынных территориях, налаживания их эффективного использования;
(iii) создание экологической инфраструктуры на степной и пустынной территориях, организацию «зеленых поясов», направленных на предотвращение пыльных бурь, а также популяризацию ферм солнечных панелей и генерацию ветра в целях широкого использования возобновляемых источников энергии;
(iv) реализацию перспективных проектов по развитию животноводства, кролиководства, верблюдоводства на степных и пустынных территориях путем повышения эффективности использования данных территорий.
4. Начиная с 2026 года в оценке эффективности деятельности вводимых новых должностей заместителей хокима области в порядке эксперимента внедряется ориентированная на результат система управления. При этом:
(а) для определения им ключевых показателей эффективности (далее — показатели KPI) предусматриваются стратегические показатели и целевые индикаторы по развитию промышленности и привлечению инвестиций на соответствующих территориях;
(б) показатели KPI классифицируются по оценке эффективности деятельности (стратегические, регион и район), они разрабатываются с обеспечением соразмерности;
(в) эффективность их деятельности оценивается по результативности и уровню достижения целей, определенных в результате мер, осуществленных по показателям KPI;
(г) «дорожные карты» по достижению показателей KPI состоят из мер, основанных на управлении, ориентированном на результат;
(д) результат достижения показателей KPI оценивается по итогам каждого квартала и года на электронной платформе «samaradorlik.gov.uz».
5. Агентству эффективности управления при Президенте Республики Узбекистан внести в Администрацию Президента Республики Узбекистан до декабря 2026 года предложение о внедрении также в других хокимиятах положительных результатов эксперимента, введенного в хокимияте Джизакской области.
6. Утвердить:
(а) Перечень территорий, прикрепленных к заместителям хокима, вводимым в структуру хокимията Джизакской области, согласно приложению № 1 * ;
(б) Стратегические цели по развитию горных, пастбищных, степных и пустынных территорий Джизакской области согласно приложению № 2 * .
7. Хокимияту Джизакской области в недельный срок исходя из требований настоящего постановления утвердить функциональные обязанности соответствующих заместителей хокима Джизакской области и положения об их секретариатах.
8. Агентству эффективности управления при Президенте Республики Узбекистан совместно с хокимиятом Джизакской области в двухмесячный срок разработать и внести на утверждение в Кабинет Министров показатели KPI заместителей хокима, вводимых в структуру хокимията Джизакской области, исходя из задач, предусмотренных в пункте 3 настоящего постановления, а также стратегических целей, определенных в приложении № 2 * к настоящему постановлению.
9. Возложить на заместителя Премьер-министра Ж.А. Ходжаева и исполняющего обязанности директора Агентства эффективности управления при Президенте Республики Узбекистан У.Ш. Хусаинова персональную ответственность за эффективную организацию исполнения настоящего постановления.
10. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
30 января 2026 г.,
№ ПП- 34