UzbekAI

Ўзбекистон Республикаси Президентининг

қарори

Халқаро шартномани тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ қарор қиламан:

1. 2025 йил 17 июль куни Қобул шаҳрида имзоланган Ўзбекистон Республикаси Транспорт вазирлиги, Афғонистон Жамоат ишлари вазирлиги ва Покистон Темир йўллари вазирлиги ўртасида Найбободдан Харлачига қадар янги темир йўл қурилиши учун техник-иқтисодий асосларни биргаликда ишлаб чиқиш тўғрисидаги ҳукуматлараро ҳадли битим тасдиқлансин.

2. Транспорт вазирлиги ушбу халқаро шартномани амалга ошириш учун масъул бўлган ваколатли орган этиб белгилансин.

3. Ташқи ишлар вазирлиги мазкур халқаро шартноманинг кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги ҳамда уни амалга ошириш учун масъул бўлган ваколатли орган тўғрисида Афғонистон ва Покистон томонларига тегишли билдиришнома юборсин.

4. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин белгиланган тартибда унинг қоидалари амалга оширилиши устидан назоратни таъминласин.

5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 4 февраль,

ПҚ-41-сон

(Қонунчилик маълумотлари миллий базаси, 05.02.2026 й., 07/26/41/0111-сон)

lex.uz

Oʻzbekiston Respublikasi Prezidentining

qarori

Xalqaro shartnomani tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq qaror qilaman:

1. 2025-yil 17-iyul kuni Qobul shahrida imzolangan Oʻzbekiston Respublikasi Transport vazirligi, Afgʻoniston Jamoat ishlari vazirligi va Pokiston Temir yoʻllari vazirligi oʻrtasida Nayboboddan Xarlachiga qadar yangi temir yoʻl qurilishi uchun texnik-iqtisodiy asoslarni birgalikda ishlab chiqish toʻgʻrisidagi hukumatlararo hadli bitim tasdiqlansin.

2. Transport vazirligi ushbu xalqaro shartnomani amalga oshirish uchun masʼul boʻlgan vakolatli organ etib belgilansin.

3. Tashqi ishlar vazirligi mazkur xalqaro shartnomaning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organ toʻgʻrisida Afgʻoniston va Pokiston tomonlariga tegishli bildirishnoma yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin belgilangan tartibda uning qoidalari amalga oshirilishi ustidan nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 4-fevral,

PQ-41-son

(Qonunchilik maʼlumotlari milliy bazasi, 05.02.2026-y., 07/26/41/0111-son)

lex.uz

Президента Республики Узбекистан

Постановление

Об утверждении международного договора

В соответствии со статьей 22 Закона Республики Узбекистан «О международных договорах Республики Узбекистан» постановляю:

1. Утвердить Межправительственное рамочное соглашение между Министерством транспорта Республики Узбекистан, Министерством общественных работ Афганистана и Министерством железных дорог Пакистана о совместной разработке технико-экономического обоснования строительства новой железной дороги от Найбабада до Харлачи, подписанное 17 июля 2025 года в городе Кабуле.

2. Определить Министерство транспорта компетентным органом, ответственным за реализацию данного международного договора.

3. Министерству иностранных дел направить афганской и пакистанской сторонам соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора, а также о компетентном органе, ответственном за его реализацию.

4. Кабинету Министров и руководителям соответствующих министерств и ведомств после вступления в силу указанного международного договора в установленном порядке обеспечить контроль за выполнением его положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

4 февраля 2026 г.,

№ ПП-41

(Национальная база данных законодательства, 05.02.2026 г., № 07/26/41/0111)

lex.uz