UzbekAI

Ўзбекистон Республикаси Президентининг

Фармони

АСОСИЙ ЙЎНАЛИШЛАРИ

РЎЙХАТИ

Маҳаллий ишлаб чиқариш ва саноат кооперациясини янги тизим асосида ривожлантириш бўйича биринчи навбатдаги чора-тадбирлар тўғрисида

Маҳаллий маҳсулотлар ишлаб чиқарилишини кенгайтириш, саноат тармоқлари ва аҳоли истеъмоли учун зарур бўлган маҳсулотларни ўзлаштириш ҳамда ишлаб чиқариш ҳажмларини кўпайтиришда бозор механизмларини кенг жорий қилиш, маҳаллий тадбиркорлик субъектлари ва йирик корхоналар ўртасида саноат кооперациясини тизимли кенгайтириш, давлат харидларида маҳаллий маҳсулотлар харидини рағбатлантириш ҳамда қўллаб-қувватлашни такомиллаштириш мақсадида қарор қиламан:

I. Мақсадлар

1. Қуйидагилар ушбу Фармоннинг асосий мақсадлари этиб белгилансин:

(а) саноат кооперацияси ва давлат харидлари соҳасида ягона бошқарувни жорий этиш орқали яхлит ва мувофиқлаштирилган давлат сиёсати юритилишини йўлга қўйиш;

(б) мамлакатда юқори технологияли ва рақобатбардош маҳсулотлар ишлаб чиқаришга йўналтирилган қўшилган қиймат занжирларини яратиш, ўзлаштириш тавсия этиладиган рақобатбардош маҳсулотларни аниқлаш;

(в) тармоқ корхоналари томонидан бутловчи буюмлар, хомашё ва материаллар ишлаб чиқарилишини ўзлаштириш орқали иқтисодиёт тармоқларининг ташқи омилларга боғлиқлигини камайтириш;

(г) йирик корхоналарнинг ишлаб чиқариш занжирларига кичик ва ўрта бизнес субъектларини кенг жалб қилиш;

(д) маҳаллий маҳсулотлар ишлаб чиқаришни кенгайтириш ҳисобига маҳсулот таннархини пасайтириш;

(ж) маҳаллий ишлаб чиқаришнинг глобал етказиб бериш занжирларига интеграциялашувини таъминлаш;

(з) ишлаб чиқариш қувватларини технологик янгилаш ва халқаро сифат стандартларини жорий этишга хизмат қилувчи инновацион ечимларни ўзлаштириш;

(и) иқтисодиёт тармоқларида маҳаллий маҳсулотлар ишлаб чиқаришни кенгайтириш ва саноат кооперацияси соҳасидаги малакали кадрларни тайёрлаш, қайта тайёрлаш ва уларнинг малакасини ошириш бўйича тизимли ишларни ташкил этиш.

II. Янги бошқарув тизимини яратиш

2. Қуйидагилар:

(а) Саноат кооперацияси ва давлат харидлари агентлиги (кейинги ўринларда — Агентлик);

(б) Саноат кооперацияси ва давлат харидлари агентлиги бошқарув кенгаши (кейинги ўринларда — Кенгаш) ташкил этилсин.

3. Иқтисодиёт ва молия вазирлигининг давлат харидлари соҳасидаги вазифалари, функциялари ва ваколатлари Агентликка ўтказилсин.

4. Қуйидагилар:

(а) Саноат кооперацияси ва давлат харидлари агентлиги фаолиятининг асосий йўналишлари 1-иловага мувофиқ;

(б) Саноат кооперацияси ва давлат харидлари агентлиги тузилмасига ўтказиладиган ташкилотлар рўйхати 2-иловага мувофиқ;

(в) Саноат кооперацияси ва давлат харидлари агентлиги бошқарув кенгашининг таркиби 3-иловага мувофиқ тасдиқлансин.

III. Дастурий чора-тадбирлар

5. Тармоқлар эҳтиёжи ҳамда хорижий тажриба таҳлили асосида, ўрта ва узоқ муддатда маҳаллий маҳсулотлар ишлаб чиқаришни кенгайтириш ва саноат кооперациясини ривожлантириш дастурларини (кейинги ўринларда — Дастурлар) ишлаб чиқиб, тасдиқлаш амалиёти йўлга қўйилсин. Бунда:

(а) Дастурлар қуйидагилар кесимида шакллантирилади:

(i) драйвер соҳалар (фармацевтика, электротехника, электроника ва робототехника, автомобилсозлик, қурилиш материаллари, газ ва нефть кимёси, енгил саноат, озиқ-овқат саноати);

(ii) юқори инвестиция салоҳиятига эга базавий тармоқлар (энергетика, тоғ-кон саноати, кимё);

(iii) ҳудудлар;

(iv) Кенгаш қарори билан белгиланадиган бошқа соҳалар;

(б) Дастурлар тармоқ ва ҳудудлар томонидан шакллантирилиб, Агентлик билан келишилади ва Кенгаш томонидан тасдиқланади;

(в) Агентлик Дастурларни шакллантириш ва амалга оширишни мувофиқлаштиради ҳамда тармоқ ва ҳудудларга услубий ва амалий жиҳатдан кўмаклашади.

6. Агентлик соҳа ва тармоқларга масъул вазирлик, идора ва ташкилотлар билан биргаликда 2026 йил 1 июлдан бошлаб Дастурларнинг ишлаб чиқилиши ва Кенгашга киритиб борилишини ташкил этсин.

IV. Янги инструментлар

7. Шундай тартиб ўрнатилсинки, унга мувофиқ 2026 йил 1 июлдан бошлаб:

(а) Агентлик республика ва минтақа бозорини таҳлил қилиб, миллий иқтисодиётга қўшиладиган қиймат занжирларини оширишга хизмат қилувчи ўзлаштириш тавсия этиладиган рақобатбардош маҳсулотлар рўйхатини соҳалар кесимида босқичма-босқич шакллантиради ва эълон қилиб боради;

(б) ўзлаштириш тавсия этиладиган рақобатбардош маҳсулотлар рўйхатига киритилган маҳсулотларни ўзлаштирган тадбиркорлик субъектлари билан ўрнатилган тартибда кафолатли харид шартномалари тузилади ҳамда улар Дастурларга киритилади;

(в) Агентлик томонидан масъул вазирлик ва идоралар, тармоқ ва ҳудудлар билан биргаликда давлат иштирокидаги ва давлат томонидан қўллаб-қувватлаш чоралари қўлланиладиган йирик ва аҳамиятли инвестиция лойиҳалари бўйича миллий иқтисодиётга қўшиладиган қийматни қуйидаги мезонлар асосида комплекс баҳолаш амалиёти йўлга қўйилади:

(i) саноат кооперацияси ва қўшилган қиймат занжирларини ривожлантиришга киритиладиган ҳисса;

(ii) яратиладиган қўшилган қиймат ва унинг иқтисодий самараси;

(iii) маҳаллий кадрларни жалб қилиш кўрсаткичи, уларни тайёрлаш, қайта тайёрлаш ва уларнинг малакасини ошириш режаси;

(iv) кўрсатилаётган хизматлар ва инфратузилмага таъсир;

(v) технологиялар, инновациялар ва илмий-тадқиқот фаолиятини ривожлантириш;

(г) йирик ва аҳамиятли инвестиция лойиҳаларини амалга ошириш бўйича ҳужжатларда (инвестиция битимлари, маҳсулот тақсимотига оид битим, давлат-хусусий шериклик тўғрисидаги битим ва бошқалар) давлат томонидан қўллаб-қувватлаш чоралари ҳамда кафолатлар билан бирга мазкур банднинг «в» кичик бандида белгиланган мезонлар бўйича кўрсаткичлар назарда тутилади;

(д) Агентлик:

(i) маҳаллий ва хорижий корхоналарнинг давлат харидларида иштирок этиш имкониятларини кенгайтириш учун «етказиб берувчиларни ривожлантириш» тамойили (vendor development) асосида қўшилган қиймат яратишга қаратилган саноат кооперацияси лойиҳаларини амалга оширишни ташкил этади;

(ii) хорижий ҳуқуқ эгалари билан ҳамкорлик ўрнатиб, уларнинг ишлаб чиқариш технологиялари трансфери, бренд, товар белгилари ва хизмат кўрсатиш белгиларини маҳаллий тадбиркорлик субъектларига беришга кўмаклашади;

(iii) янги маҳсулотни ишлаб чиқаришни йўлга қўйган тадбиркорлик субъектларига мувофиқликни баҳолашдан ўтказиш, лицензиялаш, рухсат бериш, хабардор қилиш, санитария ва бошқа тартиб-таомиллардан ўтишга кўмаклашади;

(ж) Агентлик ва унинг ҳудудлардаги лойиҳа офислари белгиланган вазифаларнинг самарали бажарилиши учун Қорақалпоғистон Республикаси Вазирлар Кенгаши Раиси ўринбосари — Қорақалпоғистон Республикаси инвестициялар, саноат ва савдо вазири, вилоятлар ва Тошкент шаҳри ҳокимларининг ўринбосарлари — вилоятлар ва Тошкент шаҳар инвестициялар, саноат ва савдо бошқармалари бошлиқлари билан ҳамкорликда ишларни амалга оширади;

(з) Агентлик директори Жаҳон савдо ташкилоти билан ишлаш бўйича идоралараро комиссия ҳамда Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясининг доимий аъзоси ҳисобланади;

(и) Тадбиркорлик субъектларининг барқарорлик рейтингини шакллантиришда маҳсулотларни ишлаб чиқаришда яратилган қўшилган қиймат улуши қўшимча балл берувчи кўрсаткичларга киритилади;

(к) Дастурларга киритилган лойиҳалар доирасида ишлаб чиқариш технологик жараёнида фойдаланиладиган, республикада ўхшаши ишлаб чиқарилмайдиган, тасдиқланган рўйхат бўйича импорт қилинадиган хомашё ва бутловчи буюмлар 3 йил муддатга божхона божидан озод этилади.

V. Маҳаллий ишлаб чиқарувчиларнинг рақобатбардошлигини ошириш

8. Йирик корхоналарнинг ишлаб чиқариш занжирларига кичик ва ўрта бизнес субъектларини жалб қилиш ва маҳаллий маҳсулотлар ишлаб чиқаришни кенгайтириш лойиҳаларини молиялаштириш мақсадида Агентлик ҳузурида юридик шахс мақомига эга бўлмаган Саноат кооперациясини ривожлантириш давлат мақсадли жамғармаси (кейинги ўринларда — Жамғарма) ташкил этилсин.

9. Шундай тартиб ўрнатилсинки, унга мувофиқ 2026 йил 1 июлдан бошлаб Жамғарма маблағлари ҳисобидан:

(а) Дастурлар доирасида:

(i) тадбиркорлик субъектларининг лойиҳаларини молиялаштириш учун тижорат банклари орқали хорижий валютада йиллик 6 фоиз (жумладан, банк маржаси — 2 фоиз), миллий валютада йиллик 12 фоиз (жумладан, банк маржаси — 2 фоиз) ставкада 10 йил муддатгача, шу жумладан, 2 йиллик имтиёзли давр билан битта лойиҳа учун 10 миллион АҚШ долларигача кредит маблағлари ажратилади;

(ii) янги турдаги юқори технологик маҳсулотлар ишлаб чиқариш ва мавжуд қувватларни кенгайтиришга қаратилган лойиҳалар ҳамда айланма маблағларни тўлдиришга тижорат банклари орқали хорижий валютада йиллик 6 фоиз (жумладан, банк маржаси — 2 фоиз), миллий валютада йиллик 12 фоиз (жумладан, банк маржаси — 2 фоиз) ставкада 1 йилгача муддатга битта лойиҳа учун 2 миллион АҚШ долларигача кредит маблағлари ажратилади;

(б) тадбиркорлик субъектларининг хорижий ҳуқуқ эгаларидан ишлаб чиқариш технологиялари трансфери, бренд, товар белгилари ва хизмат кўрсатиш белгиларидан фойдаланиш ҳуқуқини олиш билан боғлиқ харажатларининг 30 фоизигача, бироқ 1 миллион АҚШ долларидан кўп бўлмаган миқдорда субсидиялар ажратилади;

(в) саноат стартаплари — янги турдаги юқори технологик маҳсулотларни ишлаб чиқиб, амалиётга жорий этиш билан боғлиқ харажатларнинг 50 фоизигача, бироқ 10 миллиард сўмдан кўп бўлмаган миқдорда ҳар йили энг яхши 10 тагача лойиҳаларга танлов асосида субсидиялар ажратилади.

10. Мазкур Фармоннинг 9-бандида назарда тутилган инструментларни молиялаштириш учун Жамғармага 2026 йилда Тикланиш ва тараққиёт жамғармасидан 50 миллион АҚШ доллари эквиваленти миқдоридаги маблағлар йўналтирилсин.

VI. Давлат харидларининг самарадорлигини ошириш

11. Шундай тартиб ўрнатилсинки, унга мувофиқ 2027 йил 1 январдан бошлаб:

(а) кичик ва ўрта тадбиркорлик субъектларининг давлат харидларидаги иштирокини кенгайтириш мақсадида давлат харидларида харид предметини технологик занжирлар, функционал босқичлар ва иш турлари кесимида алоҳида лотларга бўлиш амалиёти жорий этилади. Бунда:

(i) харид предметини битта лотга бирлаштириш фақат иқтисодий самарадорлик, технологик узвийлик ёки эксплуатация хавфсизлиги билан боғлиқ асослар мавжуд бўлгандагина йўл қўйилади;

(ii) мазкур тартиб маҳаллий ва хорижий иштирокчиларга тенг ва очиқ шартларда қўлланилади;

(б) объектларни қуриш, реконструкция қилиш ва модернизация қилиш бўйича давлат харидлари ҳамда қиймати 1 миллиард сўмдан юқори бўлган бошқа давлат харидлари, шунингдек, эксплуатация муддати 3 йилдан ортиқ бўлган харид предмети бўйича таклифларни баҳолаш умумий эгалик қилиш қиймати (TCO) усулини қўллаган ҳолда амалга оширилади;

(в) корпоратив харидлар доирасида:

(i) харидлар соҳасидаги мутахассис сифатида фаолият юритишга фақат «профессионал харидор» сертификати мавжуд бўлган тақдирда йўл қўйилади;

(ii) корпоратив буюртмачиларнинг харид комиссиялари таркибида камида бир нафар «профессионал харидор» сертификатига эга мутахассис бўлиши шарт;

(iii) харидлар соҳасидаги мутахассисларни ўқитиш ва сертификатлаштириш халқаро сертификатлаштириш ташкилотларининг (CIPS, IFPSM, ITC MLS-SCM, WorldCC ва бошқалар) аккредитациясидан ўтган ўқув дастурлари асосида амалга оширилади;

(iv) сертификатланган мутахассисларнинг ягона электрон реестри Агентлик томонидан шакллантирилади ва у давлат харидлари махсус ахборот портали билан интеграция қилинади;

(г) корпоратив буюртмачиларда «профессионал харидор» сертификатига эга мутахассислар мавжуд бўлмаган тақдирда, 2028 йил 1 январдан бошлаб улар давлат харидларида иштирок этиши тақиқланади;

(д) Кенгаш «профессионал харидор» сертификатига эга мутахассислар мавжуд бўлиши талабини бюджет буюртмачиларига татбиқ этиш муддати ва уларнинг рўйхатини ҳамда ушбу талаб татбиқ этиладиган корпоратив буюртмачилар тоифаларини белгилайди.

12. Белгилансинки:

(а) 2026 йил 1 июлдан бошлаб воситачи-брокер ва (ёки) дилерларга ишлаб чиқарувчилар билан шартнома тузиш орқали улар томонидан ишлаб чиқарилган маҳсулотларни давлат харидларида сотиш ҳуқуқи берилади;

(б) 2026 йил 1 апрелдан бошлаб бюджет буюртмачиларининг давлат харидлари доирасида чет эллик етказиб берувчилар билан бир қаторда маҳаллий ишлаб чиқарувчилар иштирок этганда уларга нисбатан таклиф этилган энг паст импорт товарларининг нархидан қуйидаги миқдорларда нарх преференцияси берилади:

(i) учта ва ундан ортиқ маҳаллий ишлаб чиқарувчи иштирок этган тақдирда ўн беш фоиз;

(ii) иккита маҳаллий ишлаб чиқарувчи иштирок этган тақдирда ўн икки фоиз;

(iii) битта маҳаллий ишлаб чиқарувчи иштирок этган тақдирда саккиз фоиз миқдорида;

(в) 2026 йил 1 октябрдан бошлаб, бюджет буюртмачиларининг давлат харидлари доирасида маҳаллий хизмат (иш)ларга нисбатан таклиф этилган энг паст импорт хизмат (иш)лар нархидан 15 фоиз миқдорида преференция қўлланилади.

13. 2026 йил 1 сентябрдан бошлаб давлат харидлари махсус ахборот порталида харид қилиш тартиб-таомиллари иштирокчисининг фаолиятини идоралараро ахборот алмашинуви орқали автоматик тарзда баҳолаш имконини берувчи электрон-скоринг тизими ишга туширилсин. Бунда электрон-скоринг тизими воситасида:

(а) иштирокчиларнинг давлат харидларидаги «юқори», «ўрта», «паст» ва «энг паст» ишончлилик даражалари берилади;

(б) қуйидаги рағбатлантириш чоралари кўрилади:

(i) «юқори» ишончлилик даражасига эга иштирокчилар учун закалат тўлаш талаб этилмайди;

(ii) энг яхши таклифларни танлаш ва тендер савдоларида иштирокчилар томонидан тақдим этилган таклифларга ишончлилик даражасига мутаносиб равишда қўшимча балл берилади;

(iii) давлат харидларида янги рўйхатдан ўтган иштирокчиларга умумий шартларда давлат харидларида иштирок этиш имконияти берилади;

(iv) давлат харидлари соҳасида «энг фаол тадбиркор» танловида давлат харидларидаги ишончлилик даражаси «юқори» бўлган давлат харидлари иштирокчиларининг номзодлари қўллаб-қувватланади;

(в) давлат харидларидаги ишончлилик даражаси «паст» ва «энг паст» бўлган иштирокчиларнинг:

(i) харид қилиш тартиб-таомилларида иштирок этишига рухсат этиладиган давлат харидларининг юқори қийматига нисбатан меъёрлар белгиланади;

(ii) бепул онлайн ўқув курслари орқали малакасини ошириш амалиёти йўлга қўйилади.

VII. Кадрлар сиёсати

14. Агентлик Олий таълим, фан ва инновациялар вазирлиги, Бошқарув самарадорлиги агентлиги ва «Эл-юрт умиди» жамғармаси билан биргаликда йирик ва аҳамиятли инвестиция лойиҳалари доирасида маҳаллий мутахассисларни жалб қилиш режаси, корхоналарнинг талаби ва буюртманомаларига асосан:

(а) маҳаллий ва хорижий таълим ташкилотларида мутахассисларни тайёрлаш ва қайта тайёрлаш;

(б) технологияли ускуна ва жиҳозлар ишлаб чиқариш заводларида мутахассисларнинг малакасини оширишни тизимли равишда йўлга қўйсин.

15. Саноат кооперациясини ривожлантириш, янги рақобатбардош маҳсулотларни ўзлаштиришда бевосита қатнашганлиги учун вазирлик, хўжалик бирлашмалари ва ташкилотларнинг бошқарув, муҳандис-техник ва бошқа ходимларини йиллик бир марта тўланадиган мукофотлар тарзида моддий рағбатлантириш тизими жорий этилсин. Бунда:

(а) ишлаб чиқариши ўзлаштирилган маҳсулот турларини харид қилишга йўналтирилган йиллик маблағлар суммаси (охирги амалга оширилган шартномага мувофиқ) ва мос ҳажмдаги ўзлаштирилган маҳсулот турларининг харид суммаси ўртасидаги ижобий фарқнинг (иқтисод қилинган маблағ) 20 фоизи бир марта тўланадиган мукофотларни тўлаш манбаи ҳисобланади;

(б) кўрсатилган ижобий фарқнинг тўртдан бир қисми корхона раҳбарига тўлаб берилади, тўртдан уч қисмини ходимлар ўртасида тақсимлаш корхона раҳбари томонидан мустақил равишда, ҳар бир ходимнинг лойиҳани амалга оширишдаги шахсий ҳиссасини ҳисобга олган ҳолда амалга оширилади.

VIII. Фармон ижросини ташкил этиш, таъминлаш ва назорат

16. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 4-иловага мувофиқ ўзгартиришлар ва қўшимча киритилсин.

17. Мазкур Фармон ижросини самарали ташкил қилишга масъул ва шахсий жавобгар этиб Саноат кооперацияси ва давлат харидлари агентлиги директори белгилансин.

18. Фармоннинг ижросини назорат қилиш Ўзбекистон Республикаси Президентининг маслаҳатчиси О.А. Хакимов зиммасига юклансин.

Ўзбекистон Республикаси Президентининг 2026 йил 4 февралдаги ПФ-17-сон Фармонига 1-ИЛОВА

Саноат кооперацияси ва давлат харидлари агентлиги фаолиятининг

1. Маҳаллий ишлаб чиқаришни кенгайтириш ва саноат кооперациясини ривожлантириш ҳамда давлат харидлари соҳасида ягона давлат сиёсатини юритиш.

2. Соҳа ва тармоқларда хусусий сектор билан кооперация алоқаларини кенгайтириш, саноат маҳсулотларини ишлаб чиқариш ва хизматларни кўрсатиш жараёнига замонавий технологияларни жорий қилиш орқали маҳаллий маҳсулотлар ишлаб чиқаришни жадал ривожлантириш.

3. Давлат бошқаруви ва маҳаллий ижро ҳокимияти органлари, бирлашмалар ва йирик корхоналар раҳбарларининг маҳаллий маҳсулотлар ишлаб чиқаришни кенгайтириш ва саноат кооперациясини ривожлантириш, шу жумладан, кафолатли харид шартномаларини тузиш бўйича фаолиятини мувофиқлаштириш.

4. Иқтисодиётнинг барча тармоқларида асосий фаолият турлари ва инвестиция лойиҳалари бўйича давлат харидларида миллий иқтисодиётга қўшиладиган қийматни баҳолаш бўйича таклифлар тайёрлаш.

5. Асосий маҳсулот ва хизматлар турлари бўйича импортга қарамликни камайтириш ҳамда валюта маблағларидан самарали фойдаланиш чораларини кўриш.

6. Маҳаллий ва хорижий экспертларни жалб этган ҳолда тармоқ ва ҳудудларда маҳаллий маҳсулотлар ишлаб чиқаришни кенгайтириш ва саноат кооперациясини ривожлантириш, йирик инвестиция лойиҳалари ва давлат харидларида маҳаллий маҳсулотлар иштирокини кенгайтириш бўйича таклифлар ишлаб чиқиш.

7. Лойиҳа ва инжиниринг хизматлари, илмий-тадқиқот ва тажриба-конструкторлик ишларининг ўзаро боғлиқ тизимини ривожлантириш, замонавий технологияларни трансфер қилиш, инновацияларни ва рақамли технологияларни жорий этиш ҳамда мавжудларини такомиллаштириш бўйича илғор маҳаллий ва хорижий «R&D» марказлари билан ҳамкорликни йўлга қўйиш.

8. Тармоқ ва ҳудудларда маҳаллий маҳсулотлар ишлаб чиқаришни кенгайтириш ва саноат кооперациясини ривожлантириш бўйича амалга оширилаётган ишларни таҳлил қилган ҳолда уларнинг самарадорлигини баҳолаш, тизимли муаммоларни аниқлаш ва уларни бартараф этиш чораларини кўриш.

9. Давлат иштирокидаги йирик ва аҳамиятли инвестиция лойиҳаларида миллий иқтисодиётга қўшиладиган қийматни баҳолаш натижалари қўлланилишини доимий мониторинг қилиш.

10. Маҳаллий маҳсулотлар ишлаб чиқаришни кенгайтириш ва саноат кооперациясини ривожлантириш дастурларини ишлаб чиқишни ташкил қилиш.

11. Давлат харидлари соҳасида бюджет маблағларидан оқилона фойдаланишни таъминлашга қаратилган ягона тизим яратиш.

12. Давлат секторидаги харажатларнинг натижадорлигини доимий мониторинг қилиш ва иқтисодий жиҳатдан асослантирилганлигини баҳолашнинг замонавий усулларини жорий этиш.

13. Давлат харидларини амалга оширишда рақобат муҳитини ривожлантириш ва маҳаллий ишлаб чиқарувчилар учун кенг имкониятлар яратиш.

14. Давлат харажатлари соҳасида рақамли технологияларни жорий этиш ва маълумотларни таҳлил қилиш орқали назорат жараёнларида инсон омилини камайтириш.

Ўзбекистон Республикаси Президентининг 2026 йил 4 февралдаги ПФ-17-сон Фармонига 2-ИЛОВА

Саноат кооперацияси ва давлат харидлари агентлиги тузилмасига ўтказиладиган ташкилотлар

1. «Лойиҳалар ва импорт контрактларини комплекс экспертиза қилиш маркази» ДМ * .

2. «Ўзбекэкспертиза» АЖ.

3. «Рақамли трансформация маркази» МЧЖ.

Ўзбекистон Республикаси Президентининг 2026 йил 4 февралдаги ПФ-17-сон Фармонига 3-ИЛОВА

Саноат кооперацияси ва давлат харидлари агентлиги бошқарув кенгашининг таркиби

О.А. Хакимов — Ўзбекистон Республикаси Президенти маслаҳатчиси, Кенгаш раиси Ж.А. Қўчқоров — Бош вазир ўринбосари, Кенгаш раиси ўринбосари Ж.А. Ходжаев — Бош вазир ўринбосари, Кенгаш раиси ўринбосари Лавозими бўйича — Саноат кооперацияси ва давлат харидлари агентлиги директори Б.Ф. Исламов — тоғ-кон саноати ва геология вазири Ж.Т. Мирзамаҳмудов — энергетика вазири Х.С. Тўрахўжаев — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси А.Р. Жуманазаров — Ўзбекистон техник жиҳатдан тартибга солиш агентлиги директори Д.А. Вахабов — Савдо-саноат палатаси раиси Лавозими бўйича — Саноат кооперацияси ва давлат харидлари агентлиги директори ўринбосари, Кенгаш котиби

Ўзбекистон Республикаси Президентининг 2026 йил 4 февралдаги ПФ-17-сон Фармонига 4-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартиришлар ва қўшимча

1. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонига 1-иловада :

(а) «1. Иқтисодиёт ва молия вазирлиги» бўлимида «Иқтисодиёт ва молия вазирлиги» позициясининг «Жами бошқарув штат бирликлари сони» устунидаги «5 618» ва «Давлат бюджети ҳисобидан» устунидаги «5 583» рақамлари тегишлича «5 585» ва «5 550» рақамлари билан алмаштирилсин;

(б) «2. Инвестициялар, саноат ва савдо вазирлиги» бўлимида «Инвестициялар, саноат ва савдо вазирлиги» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «963» рақами «946» рақами билан алмаштирилсин.

2. Ўзбекистон Республикаси Президентининг 2019 йил 24 январдаги «Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси фаолиятини ташкил этиш тўғрисида»ги ПҚ-4126-сон қарорининг 6-бандида :

(а) тўққизинчи хатбоши чиқариб ташлансин;

(б) ўнинчи — ўн тўртинчи хатбошилар тегишлича тўққизинчи — ўн учинчи хатбошилар деб ҳисоблансин;

(в) тўққизинчи хатбошидаги «0,02» рақами «0,04» рақами билан алмаштирилсин.

3. Вазирлар Маҳкамасининг 2004 йил 31 майдаги «Товар хом ашё биржалари фаолиятини такомиллаштиришга доир қўшимча чора-тадбирлар тўғрисида»ги 251-сон қарори 8-бандининг бешинчи , олтинчи ва еттинчи хатбошилари қуйидаги таҳрирда баён этилсин:

«Ўзбекистон Республикаси Иқтисодиёт ва молия вазирлигининг бюджетдан ташқари жамғармасига — 0,05 фоиз;

Ўзбекистон Республикаси Саноат кооперацияси ва давлат харидлари агентлигининг бюджетдан ташқари жамғармасига — 0,01 фоиз;

Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг бюджетдан ташқари жамғармасига — 0,04 фоиз».

4. Вазирлар Маҳкамасининг 2025 йил 21 майдаги «Бюджет ташкилотлари харажатларини молиялаштириш ва бюджетдан ташқари жамғармаларни шакллантириш тартибини янада такомиллаштириш тўғрисида»ги 325-сон қарорига 2-иловада :

(а) 16-позицияда:

(i) еттинчи қатор чиқариб ташлансин;

(ii) «Ўзбекистон республика товар-хом ашё биржаси» АЖ хизматларига воситачилик йиғими» қаторидаги «0.02» рақами «0.04» рақами билан алмаштирилсин;

(б) 17-позициянинг «Ўзбекистон республика товар-хом ашё биржаси» АЖ хизматларига воситачилик йиғими» қаторидаги «0.08» рақами «0.05» рақами билан алмаштирилсин;

(в) қуйидаги мазмундаги 50-позиция билан тўлдирилсин:

« 50. Ўзбекистон Республикаси Саноат кооперацияси ва давлат харидлари агентлиги Давлат харидлари бўйича махсус ахборот портали оператори — «Ўзбекистон республика товар-хом ашё биржаси» АЖнинг давлат харидлари тизимидаги хизматларни кўрсатиш учун олинадиган комиссия йиғимларидан тушган маблағ 20 «Ўзбекистон республика товар-хом ашё биржаси» АЖ хизматларига воситачилик йиғими 0.01 » .

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 4 февраль,

ПФ-17-сон

(Қонунчилик маълумотлари миллий базаси, 07.02.2026 й., 06/26/17/0117-сон)

lex.uz

Oʻzbekiston Respublikasi Prezidentining

Farmoni

ASOSIY YOʻNALISHLARI

ROʻYXATI

Mahalliy ishlab chiqarish va sanoat kooperatsiyasini yangi tizim asosida rivojlantirish boʻyicha birinchi navbatdagi chora-tadbirlar toʻgʻrisida

Mahalliy mahsulotlar ishlab chiqarilishini kengaytirish, sanoat tarmoqlari va aholi isteʼmoli uchun zarur boʻlgan mahsulotlarni oʻzlashtirish hamda ishlab chiqarish hajmlarini koʻpaytirishda bozor mexanizmlarini keng joriy qilish, mahalliy tadbirkorlik subyektlari va yirik korxonalar oʻrtasida sanoat kooperatsiyasini tizimli kengaytirish, davlat xaridlarida mahalliy mahsulotlar xaridini ragʻbatlantirish hamda qoʻllab-quvvatlashni takomillashtirish maqsadida qaror qilaman:

I. Maqsadlar

1. Quyidagilar ushbu Farmonning asosiy maqsadlari etib belgilansin:

(a) sanoat kooperatsiyasi va davlat xaridlari sohasida yagona boshqaruvni joriy etish orqali yaxlit va muvofiqlashtirilgan davlat siyosati yuritilishini yoʻlga qoʻyish;

(b) mamlakatda yuqori texnologiyali va raqobatbardosh mahsulotlar ishlab chiqarishga yoʻnaltirilgan qoʻshilgan qiymat zanjirlarini yaratish, oʻzlashtirish tavsiya etiladigan raqobatbardosh mahsulotlarni aniqlash;

(v) tarmoq korxonalari tomonidan butlovchi buyumlar, xomashyo va materiallar ishlab chiqarilishini oʻzlashtirish orqali iqtisodiyot tarmoqlarining tashqi omillarga bogʻliqligini kamaytirish;

(g) yirik korxonalarning ishlab chiqarish zanjirlariga kichik va oʻrta biznes subyektlarini keng jalb qilish;

(d) mahalliy mahsulotlar ishlab chiqarishni kengaytirish hisobiga mahsulot tannarxini pasaytirish;

(j) mahalliy ishlab chiqarishning global yetkazib berish zanjirlariga integratsiyalashuvini taʼminlash;

(z) ishlab chiqarish quvvatlarini texnologik yangilash va xalqaro sifat standartlarini joriy etishga xizmat qiluvchi innovatsion yechimlarni oʻzlashtirish;

(i) iqtisodiyot tarmoqlarida mahalliy mahsulotlar ishlab chiqarishni kengaytirish va sanoat kooperatsiyasi sohasidagi malakali kadrlarni tayyorlash, qayta tayyorlash va ularning malakasini oshirish boʻyicha tizimli ishlarni tashkil etish.

II. Yangi boshqaruv tizimini yaratish

2. Quyidagilar:

(a) Sanoat kooperatsiyasi va davlat xaridlari agentligi (keyingi oʻrinlarda — Agentlik);

(b) Sanoat kooperatsiyasi va davlat xaridlari agentligi boshqaruv kengashi (keyingi oʻrinlarda — Kengash) tashkil etilsin.

3. Iqtisodiyot va moliya vazirligining davlat xaridlari sohasidagi vazifalari, funksiyalari va vakolatlari Agentlikka oʻtkazilsin.

4. Quyidagilar:

(a) Sanoat kooperatsiyasi va davlat xaridlari agentligi faoliyatining asosiy yoʻnalishlari 1-ilovaga muvofiq;

(b) Sanoat kooperatsiyasi va davlat xaridlari agentligi tuzilmasiga oʻtkaziladigan tashkilotlar roʻyxati 2-ilovaga muvofiq;

(v) Sanoat kooperatsiyasi va davlat xaridlari agentligi boshqaruv kengashining tarkibi 3-ilovaga muvofiq tasdiqlansin.

III. Dasturiy chora-tadbirlar

5. Tarmoqlar ehtiyoji hamda xorijiy tajriba tahlili asosida, oʻrta va uzoq muddatda mahalliy mahsulotlar ishlab chiqarishni kengaytirish va sanoat kooperatsiyasini rivojlantirish dasturlarini (keyingi oʻrinlarda — Dasturlar) ishlab chiqib, tasdiqlash amaliyoti yoʻlga qoʻyilsin. Bunda:

(a) Dasturlar quyidagilar kesimida shakllantiriladi:

(i) drayver sohalar (farmatsevtika, elektrotexnika, elektronika va robototexnika, avtomobilsozlik, qurilish materiallari, gaz va neft kimyosi, yengil sanoat, oziq-ovqat sanoati);

(ii) yuqori investitsiya salohiyatiga ega bazaviy tarmoqlar (energetika, togʻ-kon sanoati, kimyo);

(iii) hududlar;

(iv) Kengash qarori bilan belgilanadigan boshqa sohalar;

(b) Dasturlar tarmoq va hududlar tomonidan shakllantirilib, Agentlik bilan kelishiladi va Kengash tomonidan tasdiqlanadi;

(v) Agentlik Dasturlarni shakllantirish va amalga oshirishni muvofiqlashtiradi hamda tarmoq va hududlarga uslubiy va amaliy jihatdan koʻmaklashadi.

6. Agentlik soha va tarmoqlarga masʼul vazirlik, idora va tashkilotlar bilan birgalikda 2026-yil 1-iyuldan boshlab Dasturlarning ishlab chiqilishi va Kengashga kiritib borilishini tashkil etsin.

IV. Yangi instrumentlar

7. Shunday tartib oʻrnatilsinki, unga muvofiq 2026-yil 1-iyuldan boshlab:

(a) Agentlik respublika va mintaqa bozorini tahlil qilib, milliy iqtisodiyotga qoʻshiladigan qiymat zanjirlarini oshirishga xizmat qiluvchi oʻzlashtirish tavsiya etiladigan raqobatbardosh mahsulotlar roʻyxatini sohalar kesimida bosqichma-bosqich shakllantiradi va eʼlon qilib boradi;

(b) oʻzlashtirish tavsiya etiladigan raqobatbardosh mahsulotlar roʻyxatiga kiritilgan mahsulotlarni oʻzlashtirgan tadbirkorlik subyektlari bilan oʻrnatilgan tartibda kafolatli xarid shartnomalari tuziladi hamda ular Dasturlarga kiritiladi;

(v) Agentlik tomonidan masʼul vazirlik va idoralar, tarmoq va hududlar bilan birgalikda davlat ishtirokidagi va davlat tomonidan qoʻllab-quvvatlash choralari qoʻllaniladigan yirik va ahamiyatli investitsiya loyihalari boʻyicha milliy iqtisodiyotga qoʻshiladigan qiymatni quyidagi mezonlar asosida kompleks baholash amaliyoti yoʻlga qoʻyiladi:

(i) sanoat kooperatsiyasi va qoʻshilgan qiymat zanjirlarini rivojlantirishga kiritiladigan hissa;

(ii) yaratiladigan qoʻshilgan qiymat va uning iqtisodiy samarasi;

(iii) mahalliy kadrlarni jalb qilish koʻrsatkichi, ularni tayyorlash, qayta tayyorlash va ularning malakasini oshirish rejasi;

(iv) koʻrsatilayotgan xizmatlar va infratuzilmaga taʼsir;

(v) texnologiyalar, innovatsiyalar va ilmiy-tadqiqot faoliyatini rivojlantirish;

(g) yirik va ahamiyatli investitsiya loyihalarini amalga oshirish boʻyicha hujjatlarda (investitsiya bitimlari, mahsulot taqsimotiga oid bitim, davlat-xususiy sheriklik toʻgʻrisidagi bitim va boshqalar) davlat tomonidan qoʻllab-quvvatlash choralari hamda kafolatlar bilan birga mazkur bandning “v” kichik bandida belgilangan mezonlar boʻyicha koʻrsatkichlar nazarda tutiladi;

(d) Agentlik:

(i) mahalliy va xorijiy korxonalarning davlat xaridlarida ishtirok etish imkoniyatlarini kengaytirish uchun “yetkazib beruvchilarni rivojlantirish” tamoyili (vendor development) asosida qoʻshilgan qiymat yaratishga qaratilgan sanoat kooperatsiyasi loyihalarini amalga oshirishni tashkil etadi;

(ii) xorijiy huquq egalari bilan hamkorlik oʻrnatib, ularning ishlab chiqarish texnologiyalari transferi, brend, tovar belgilari va xizmat koʻrsatish belgilarini mahalliy tadbirkorlik subyektlariga berishga koʻmaklashadi;

(iii) yangi mahsulotni ishlab chiqarishni yoʻlga qoʻygan tadbirkorlik subyektlariga muvofiqlikni baholashdan oʻtkazish, litsenziyalash, ruxsat berish, xabardor qilish, sanitariya va boshqa tartib-taomillardan oʻtishga koʻmaklashadi;

(j) Agentlik va uning hududlardagi loyiha ofislari belgilangan vazifalarning samarali bajarilishi uchun Qoraqalpogʻiston Respublikasi Vazirlar Kengashi Raisi oʻrinbosari — Qoraqalpogʻiston Respublikasi investitsiyalar, sanoat va savdo vaziri, viloyatlar va Toshkent shahri hokimlarining oʻrinbosarlari — viloyatlar va Toshkent shahar investitsiyalar, sanoat va savdo boshqarmalari boshliqlari bilan hamkorlikda ishlarni amalga oshiradi;

(z) Agentlik direktori Jahon savdo tashkiloti bilan ishlash boʻyicha idoralararo komissiya hamda Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasining doimiy aʼzosi hisoblanadi;

(i) Tadbirkorlik subyektlarining barqarorlik reytingini shakllantirishda mahsulotlarni ishlab chiqarishda yaratilgan qoʻshilgan qiymat ulushi qoʻshimcha ball beruvchi koʻrsatkichlarga kiritiladi;

(k) Dasturlarga kiritilgan loyihalar doirasida ishlab chiqarish texnologik jarayonida foydalaniladigan, respublikada oʻxshashi ishlab chiqarilmaydigan, tasdiqlangan roʻyxat boʻyicha import qilinadigan xomashyo va butlovchi buyumlar 3 yil muddatga bojxona bojidan ozod etiladi.

V. Mahalliy ishlab chiqaruvchilarning raqobatbardoshligini oshirish

8. Yirik korxonalarning ishlab chiqarish zanjirlariga kichik va oʻrta biznes subyektlarini jalb qilish va mahalliy mahsulotlar ishlab chiqarishni kengaytirish loyihalarini moliyalashtirish maqsadida Agentlik huzurida yuridik shaxs maqomiga ega boʻlmagan Sanoat kooperatsiyasini rivojlantirish davlat maqsadli jamgʻarmasi (keyingi oʻrinlarda — Jamgʻarma) tashkil etilsin.

9. Shunday tartib oʻrnatilsinki, unga muvofiq 2026-yil 1-iyuldan boshlab Jamgʻarma mablagʻlari hisobidan:

(a) Dasturlar doirasida:

(i) tadbirkorlik subyektlarining loyihalarini moliyalashtirish uchun tijorat banklari orqali xorijiy valyutada yillik 6 foiz (jumladan, bank marjasi — 2 foiz), milliy valyutada yillik 12 foiz (jumladan, bank marjasi — 2 foiz) stavkada 10 yil muddatgacha, shu jumladan, 2 yillik imtiyozli davr bilan bitta loyiha uchun 10 million AQSH dollarigacha kredit mablagʻlari ajratiladi;

(ii) yangi turdagi yuqori texnologik mahsulotlar ishlab chiqarish va mavjud quvvatlarni kengaytirishga qaratilgan loyihalar hamda aylanma mablagʻlarni toʻldirishga tijorat banklari orqali xorijiy valyutada yillik 6 foiz (jumladan, bank marjasi — 2 foiz), milliy valyutada yillik 12 foiz (jumladan, bank marjasi — 2 foiz) stavkada 1 yilgacha muddatga bitta loyiha uchun 2 million AQSH dollarigacha kredit mablagʻlari ajratiladi;

(b) tadbirkorlik subyektlarining xorijiy huquq egalaridan ishlab chiqarish texnologiyalari transferi, brend, tovar belgilari va xizmat koʻrsatish belgilaridan foydalanish huquqini olish bilan bogʻliq xarajatlarining 30 foizigacha, biroq 1 million AQSH dollaridan koʻp boʻlmagan miqdorda subsidiyalar ajratiladi;

(v) sanoat startaplari — yangi turdagi yuqori texnologik mahsulotlarni ishlab chiqib, amaliyotga joriy etish bilan bogʻliq xarajatlarning 50 foizigacha, biroq 10 milliard soʻmdan koʻp boʻlmagan miqdorda har yili eng yaxshi 10 tagacha loyihalarga tanlov asosida subsidiyalar ajratiladi.

10. Mazkur Farmonning 9-bandida nazarda tutilgan instrumentlarni moliyalashtirish uchun Jamgʻarmaga 2026-yilda Tiklanish va taraqqiyot jamgʻarmasidan 50 million AQSH dollari ekvivalenti miqdoridagi mablagʻlar yoʻnaltirilsin.

VI. Davlat xaridlarining samaradorligini oshirish

11. Shunday tartib oʻrnatilsinki, unga muvofiq 2027-yil 1-yanvardan boshlab:

(a) kichik va oʻrta tadbirkorlik subyektlarining davlat xaridlaridagi ishtirokini kengaytirish maqsadida davlat xaridlarida xarid predmetini texnologik zanjirlar, funksional bosqichlar va ish turlari kesimida alohida lotlarga boʻlish amaliyoti joriy etiladi. Bunda:

(i) xarid predmetini bitta lotga birlashtirish faqat iqtisodiy samaradorlik, texnologik uzviylik yoki ekspluatatsiya xavfsizligi bilan bogʻliq asoslar mavjud boʻlgandagina yoʻl qoʻyiladi;

(ii) mazkur tartib mahalliy va xorijiy ishtirokchilarga teng va ochiq shartlarda qoʻllaniladi;

(b) obyektlarni qurish, rekonstruksiya qilish va modernizatsiya qilish boʻyicha davlat xaridlari hamda qiymati 1 milliard soʻmdan yuqori boʻlgan boshqa davlat xaridlari, shuningdek, ekspluatatsiya muddati 3 yildan ortiq boʻlgan xarid predmeti boʻyicha takliflarni baholash umumiy egalik qilish qiymati (TCO) usulini qoʻllagan holda amalga oshiriladi;

(v) korporativ xaridlar doirasida:

(i) xaridlar sohasidagi mutaxassis sifatida faoliyat yuritishga faqat “professional xaridor” sertifikati mavjud boʻlgan taqdirda yoʻl qoʻyiladi;

(ii) korporativ buyurtmachilarning xarid komissiyalari tarkibida kamida bir nafar “professional xaridor” sertifikatiga ega mutaxassis boʻlishi shart;

(iii) xaridlar sohasidagi mutaxassislarni oʻqitish va sertifikatlashtirish xalqaro sertifikatlashtirish tashkilotlarining (CIPS, IFPSM, ITC MLS-SCM, WorldCC va boshqalar) akkreditatsiyasidan oʻtgan oʻquv dasturlari asosida amalga oshiriladi;

(iv) sertifikatlangan mutaxassislarning yagona elektron reyestri Agentlik tomonidan shakllantiriladi va u davlat xaridlari maxsus axborot portali bilan integratsiya qilinadi;

(g) korporativ buyurtmachilarda “professional xaridor” sertifikatiga ega mutaxassislar mavjud boʻlmagan taqdirda, 2028-yil 1-yanvardan boshlab ular davlat xaridlarida ishtirok etishi taqiqlanadi;

(d) Kengash “professional xaridor” sertifikatiga ega mutaxassislar mavjud boʻlishi talabini budjet buyurtmachilariga tatbiq etish muddati va ularning roʻyxatini hamda ushbu talab tatbiq etiladigan korporativ buyurtmachilar toifalarini belgilaydi.

12. Belgilansinki:

(a) 2026-yil 1-iyuldan boshlab vositachi-broker va (yoki) dilerlarga ishlab chiqaruvchilar bilan shartnoma tuzish orqali ular tomonidan ishlab chiqarilgan mahsulotlarni davlat xaridlarida sotish huquqi beriladi;

(b) 2026-yil 1-apreldan boshlab budjet buyurtmachilarining davlat xaridlari doirasida chet ellik yetkazib beruvchilar bilan bir qatorda mahalliy ishlab chiqaruvchilar ishtirok etganda ularga nisbatan taklif etilgan eng past import tovarlarining narxidan quyidagi miqdorlarda narx preferensiyasi beriladi:

(i) uchta va undan ortiq mahalliy ishlab chiqaruvchi ishtirok etgan taqdirda oʻn besh foiz;

(ii) ikkita mahalliy ishlab chiqaruvchi ishtirok etgan taqdirda oʻn ikki foiz;

(iii) bitta mahalliy ishlab chiqaruvchi ishtirok etgan taqdirda sakkiz foiz miqdorida;

(v) 2026-yil 1-oktabrdan boshlab, budjet buyurtmachilarining davlat xaridlari doirasida mahalliy xizmat (ish)larga nisbatan taklif etilgan eng past import xizmat (ish)lar narxidan 15 foiz miqdorida preferensiya qoʻllaniladi.

13. 2026-yil 1-sentabrdan boshlab davlat xaridlari maxsus axborot portalida xarid qilish tartib-taomillari ishtirokchisining faoliyatini idoralararo axborot almashinuvi orqali avtomatik tarzda baholash imkonini beruvchi elektron-skoring tizimi ishga tushirilsin. Bunda elektron-skoring tizimi vositasida:

(a) ishtirokchilarning davlat xaridlaridagi “yuqori”, “oʻrta”, “past” va “eng past” ishonchlilik darajalari beriladi;

(b) quyidagi ragʻbatlantirish choralari koʻriladi:

(i) “yuqori” ishonchlilik darajasiga ega ishtirokchilar uchun zakalat toʻlash talab etilmaydi;

(ii) eng yaxshi takliflarni tanlash va tender savdolarida ishtirokchilar tomonidan taqdim etilgan takliflarga ishonchlilik darajasiga mutanosib ravishda qoʻshimcha ball beriladi;

(iii) davlat xaridlarida yangi roʻyxatdan oʻtgan ishtirokchilarga umumiy shartlarda davlat xaridlarida ishtirok etish imkoniyati beriladi;

(iv) davlat xaridlari sohasida “eng faol tadbirkor” tanlovida davlat xaridlaridagi ishonchlilik darajasi “yuqori” boʻlgan davlat xaridlari ishtirokchilarining nomzodlari qoʻllab-quvvatlanadi;

(v) davlat xaridlaridagi ishonchlilik darajasi “past” va “eng past” boʻlgan ishtirokchilarning:

(i) xarid qilish tartib-taomillarida ishtirok etishiga ruxsat etiladigan davlat xaridlarining yuqori qiymatiga nisbatan meʼyorlar belgilanadi;

(ii) bepul onlayn oʻquv kurslari orqali malakasini oshirish amaliyoti yoʻlga qoʻyiladi.

VII. Kadrlar siyosati

14. Agentlik Oliy taʼlim, fan va innovatsiyalar vazirligi, Boshqaruv samaradorligi agentligi va “El-yurt umidi” jamgʻarmasi bilan birgalikda yirik va ahamiyatli investitsiya loyihalari doirasida mahalliy mutaxassislarni jalb qilish rejasi, korxonalarning talabi va buyurtmanomalariga asosan:

(a) mahalliy va xorijiy taʼlim tashkilotlarida mutaxassislarni tayyorlash va qayta tayyorlash;

(b) texnologiyali uskuna va jihozlar ishlab chiqarish zavodlarida mutaxassislarning malakasini oshirishni tizimli ravishda yoʻlga qoʻysin.

15. Sanoat kooperatsiyasini rivojlantirish, yangi raqobatbardosh mahsulotlarni oʻzlashtirishda bevosita qatnashganligi uchun vazirlik, xoʻjalik birlashmalari va tashkilotlarning boshqaruv, muhandis-texnik va boshqa xodimlarini yillik bir marta toʻlanadigan mukofotlar tarzida moddiy ragʻbatlantirish tizimi joriy etilsin. Bunda:

(a) ishlab chiqarishi oʻzlashtirilgan mahsulot turlarini xarid qilishga yoʻnaltirilgan yillik mablagʻlar summasi (oxirgi amalga oshirilgan shartnomaga muvofiq) va mos hajmdagi oʻzlashtirilgan mahsulot turlarining xarid summasi oʻrtasidagi ijobiy farqning (iqtisod qilingan mablagʻ) 20 foizi bir marta toʻlanadigan mukofotlarni toʻlash manbai hisoblanadi;

(b) koʻrsatilgan ijobiy farqning toʻrtdan bir qismi korxona rahbariga toʻlab beriladi, toʻrtdan uch qismini xodimlar oʻrtasida taqsimlash korxona rahbari tomonidan mustaqil ravishda, har bir xodimning loyihani amalga oshirishdagi shaxsiy hissasini hisobga olgan holda amalga oshiriladi.

VIII. Farmon ijrosini tashkil etish, taʼminlash va nazorat

16. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 4-ilovaga muvofiq oʻzgartirishlar va qoʻshimcha kiritilsin.

17. Mazkur Farmon ijrosini samarali tashkil qilishga masʼul va shaxsiy javobgar etib Sanoat kooperatsiyasi va davlat xaridlari agentligi direktori belgilansin.

18. Farmonning ijrosini nazorat qilish Oʻzbekiston Respublikasi Prezidentining maslahatchisi O.A. Xakimov zimmasiga yuklansin.

Oʻzbekiston Respublikasi Prezidentining 2026-yil 4-fevraldagi PF-17-son Farmoniga 1-ILOVA

Sanoat kooperatsiyasi va davlat xaridlari agentligi faoliyatining

1. Mahalliy ishlab chiqarishni kengaytirish va sanoat kooperatsiyasini rivojlantirish hamda davlat xaridlari sohasida yagona davlat siyosatini yuritish.

2. Soha va tarmoqlarda xususiy sektor bilan kooperatsiya aloqalarini kengaytirish, sanoat mahsulotlarini ishlab chiqarish va xizmatlarni koʻrsatish jarayoniga zamonaviy texnologiyalarni joriy qilish orqali mahalliy mahsulotlar ishlab chiqarishni jadal rivojlantirish.

3. Davlat boshqaruvi va mahalliy ijro hokimiyati organlari, birlashmalar va yirik korxonalar rahbarlarining mahalliy mahsulotlar ishlab chiqarishni kengaytirish va sanoat kooperatsiyasini rivojlantirish, shu jumladan, kafolatli xarid shartnomalarini tuzish boʻyicha faoliyatini muvofiqlashtirish.

4. Iqtisodiyotning barcha tarmoqlarida asosiy faoliyat turlari va investitsiya loyihalari boʻyicha davlat xaridlarida milliy iqtisodiyotga qoʻshiladigan qiymatni baholash boʻyicha takliflar tayyorlash.

5. Asosiy mahsulot va xizmatlar turlari boʻyicha importga qaramlikni kamaytirish hamda valyuta mablagʻlaridan samarali foydalanish choralarini koʻrish.

6. Mahalliy va xorijiy ekspertlarni jalb etgan holda tarmoq va hududlarda mahalliy mahsulotlar ishlab chiqarishni kengaytirish va sanoat kooperatsiyasini rivojlantirish, yirik investitsiya loyihalari va davlat xaridlarida mahalliy mahsulotlar ishtirokini kengaytirish boʻyicha takliflar ishlab chiqish.

7. Loyiha va injiniring xizmatlari, ilmiy-tadqiqot va tajriba-konstruktorlik ishlarining oʻzaro bogʻliq tizimini rivojlantirish, zamonaviy texnologiyalarni transfer qilish, innovatsiyalarni va raqamli texnologiyalarni joriy etish hamda mavjudlarini takomillashtirish boʻyicha ilgʻor mahalliy va xorijiy “R&D” markazlari bilan hamkorlikni yoʻlga qoʻyish.

8. Tarmoq va hududlarda mahalliy mahsulotlar ishlab chiqarishni kengaytirish va sanoat kooperatsiyasini rivojlantirish boʻyicha amalga oshirilayotgan ishlarni tahlil qilgan holda ularning samaradorligini baholash, tizimli muammolarni aniqlash va ularni bartaraf etish choralarini koʻrish.

9. Davlat ishtirokidagi yirik va ahamiyatli investitsiya loyihalarida milliy iqtisodiyotga qoʻshiladigan qiymatni baholash natijalari qoʻllanilishini doimiy monitoring qilish.

10. Mahalliy mahsulotlar ishlab chiqarishni kengaytirish va sanoat kooperatsiyasini rivojlantirish dasturlarini ishlab chiqishni tashkil qilish.

11. Davlat xaridlari sohasida budjet mablagʻlaridan oqilona foydalanishni taʼminlashga qaratilgan yagona tizim yaratish.

12. Davlat sektoridagi xarajatlarning natijadorligini doimiy monitoring qilish va iqtisodiy jihatdan asoslantirilganligini baholashning zamonaviy usullarini joriy etish.

13. Davlat xaridlarini amalga oshirishda raqobat muhitini rivojlantirish va mahalliy ishlab chiqaruvchilar uchun keng imkoniyatlar yaratish.

14. Davlat xarajatlari sohasida raqamli texnologiyalarni joriy etish va maʼlumotlarni tahlil qilish orqali nazorat jarayonlarida inson omilini kamaytirish.

Oʻzbekiston Respublikasi Prezidentining 2026-yil 4-fevraldagi PF-17-son Farmoniga 2-ILOVA

Sanoat kooperatsiyasi va davlat xaridlari agentligi tuzilmasiga oʻtkaziladigan tashkilotlar

1. “Loyihalar va import kontraktlarini kompleks ekspertiza qilish markazi” DM * .

2. “Oʻzbekekspertiza” AJ.

3. “Raqamli transformatsiya markazi” MCHJ.

Oʻzbekiston Respublikasi Prezidentining 2026-yil 4-fevraldagi PF-17-son Farmoniga 3-ILOVA

Sanoat kooperatsiyasi va davlat xaridlari agentligi boshqaruv kengashining tarkibi

O.A. Xakimov — Oʻzbekiston Respublikasi Prezidenti maslahatchisi, Kengash raisi J.A. Qoʻchqorov — Bosh vazir oʻrinbosari, Kengash raisi oʻrinbosari J.A. Xodjayev — Bosh vazir oʻrinbosari, Kengash raisi oʻrinbosari Lavozimi boʻyicha — Sanoat kooperatsiyasi va davlat xaridlari agentligi direktori B.F. Islamov — togʻ-kon sanoati va geologiya vaziri J.T. Mirzamahmudov — energetika vaziri X.S. Toʻraxoʻjayev — Raqobatni rivojlantirish va isteʼmolchilar huquqlarini himoya qilish qoʻmitasi raisi A.R. Jumanazarov — Oʻzbekiston texnik jihatdan tartibga solish agentligi direktori D.A. Vaxabov — Savdo-sanoat palatasi raisi Lavozimi boʻyicha — Sanoat kooperatsiyasi va davlat xaridlari agentligi direktori oʻrinbosari, Kengash kotibi

Oʻzbekiston Respublikasi Prezidentining 2026-yil 4-fevraldagi PF-17-son Farmoniga 4-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirishlar va qoʻshimcha

1. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovada :

(a) “1. Iqtisodiyot va moliya vazirligi” boʻlimida “Iqtisodiyot va moliya vazirligi” pozitsiyasining “Jami boshqaruv shtat birliklari soni” ustunidagi “5 618” va “Davlat budjeti hisobidan” ustunidagi “5 583” raqamlari tegishlicha “5 585” va “5 550” raqamlari bilan almashtirilsin;

(b) “2. Investitsiyalar, sanoat va savdo vazirligi” boʻlimida “Investitsiyalar, sanoat va savdo vazirligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “963” raqami “946” raqami bilan almashtirilsin.

2. Oʻzbekiston Respublikasi Prezidentining 2019-yil 24-yanvardagi “Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi faoliyatini tashkil etish toʻgʻrisida”gi PQ-4126-son qarorining 6-bandida :

(a) toʻqqizinchi xatboshi chiqarib tashlansin;

(b) oʻninchi — oʻn toʻrtinchi xatboshilar tegishlicha toʻqqizinchi — oʻn uchinchi xatboshilar deb hisoblansin;

(v) toʻqqizinchi xatboshidagi “0,02” raqami “0,04” raqami bilan almashtirilsin.

3. Vazirlar Mahkamasining 2004-yil 31-maydagi “Tovar xom ashyo birjalari faoliyatini takomillashtirishga doir qoʻshimcha chora-tadbirlar toʻgʻrisida”gi 251-son qarori 8-bandining beshinchi , oltinchi va yettinchi xatboshilari quyidagi tahrirda bayon etilsin:

“Oʻzbekiston Respublikasi Iqtisodiyot va moliya vazirligining budjetdan tashqari jamgʻarmasiga — 0,05 foiz;

Oʻzbekiston Respublikasi Sanoat kooperatsiyasi va davlat xaridlari agentligining budjetdan tashqari jamgʻarmasiga — 0,01 foiz;

Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasining budjetdan tashqari jamgʻarmasiga — 0,04 foiz”.

4. Vazirlar Mahkamasining 2025-yil 21-maydagi “Budjet tashkilotlari xarajatlarini moliyalashtirish va budjetdan tashqari jamgʻarmalarni shakllantirish tartibini yanada takomillashtirish toʻgʻrisida”gi 325-son qaroriga 2-ilovada :

(a) 16-pozitsiyada:

(i) yettinchi qator chiqarib tashlansin;

(ii) “Oʻzbekiston respublika tovar-xom ashyo birjasi” AJ xizmatlariga vositachilik yigʻimi” qatoridagi “0.02” raqami “0.04” raqami bilan almashtirilsin;

(b) 17-pozitsiyaning “Oʻzbekiston respublika tovar-xom ashyo birjasi” AJ xizmatlariga vositachilik yigʻimi” qatoridagi “0.08” raqami “0.05” raqami bilan almashtirilsin;

(v) quyidagi mazmundagi 50-pozitsiya bilan toʻldirilsin:

“ 50. Oʻzbekiston Respublikasi Sanoat kooperatsiyasi va davlat xaridlari agentligi Davlat xaridlari boʻyicha maxsus axborot portali operatori — “Oʻzbekiston respublika tovar-xom ashyo birjasi” AJning davlat xaridlari tizimidagi xizmatlarni koʻrsatish uchun olinadigan komissiya yigʻimlaridan tushgan mablagʻ 20 “Oʻzbekiston respublika tovar-xom ashyo birjasi” AJ xizmatlariga vositachilik yigʻimi 0.01 ” .

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 4-fevral,

PF-17-son

(Qonunchilik maʼlumotlari milliy bazasi, 07.02.2026-y., 06/26/17/0117-son)

lex.uz

Президента Республики Узбекистан

Указ

О первоочередных мерах по развитию отечественного производства и промышленной кооперации на основе новой системы

В целях расширения производства отечественной продукции, широкого внедрения рыночных механизмов в освоение и увеличение объемов производства продукции, необходимой для отраслей промышленности и потребления населения, расширения промышленной кооперации между отечественными субъектами предпринимательства и крупными предприятиями на системной основе, стимулирования и совершенствования поддержки приобретения отечественной продукции в государственных закупках постановляю:

I. Цели

1. Определить основными целями настоящего Указа:

(а) налаживание осуществления единой и скоординированной государственной политики в сфере промышленной кооперации и государственных закупок путем внедрения единого управления в данном направлении;

(б) создание цепочек добавленной стоимости, направленных на производство высокотехнологичной и конкурентоспособной продукции в стране, выявление рекомендованной к освоению конкурентоспособной продукции;

(в) сокращение зависимости отраслей экономики от внешних факторов путем освоения производства комплектующих изделий, сырья и материалов отраслевыми предприятиями;

(г) широкое вовлечение субъектов малого и среднего бизнеса в производственные цепочки крупных предприятий;

(д) снижение себестоимости продукции путем расширения производства отечественной продукции;

(ж) обеспечение интеграции отечественного производства в глобальные цепочки поставок;

(з) освоение инновационных подходов, способствующих технологическому обновлению производственных мощностей и внедрению международных стандартов качества;

(и) организацию системной работы по повышению квалификации, подготовке и переподготовке квалифицированных кадров в сфере расширения производства отечественной продукции в отраслях экономики и промышленной кооперации.

II. Внедрение новой системы управления

2. Образовать:

(а) Агентство по промышленной кооперации и государственным закупкам (далее — Агентство);

(б) Управляющий совет Агентства по промышленной кооперации и государственным закупкам (далее — Совет).

3. Передать Агентству задачи, функции и полномочия Министерства экономики и финансов в сфере государственных закупок.

4. Утвердить:

(а) Основные направления деятельности Агентства по промышленной кооперации и государственным закупкам согласно приложению № 1 * ;

(б) Перечень организаций, передаваемых в структуру Агентства по промышленной кооперации и государственным закупкам, согласно приложению № 2 * ;

(в) Состав Управляющего совета Агентства по промышленной кооперации и государственным закупкам согласно приложению № 3 * .

III. Программные меры

5. Внедрить практику разработки и утверждения программ расширения производства отечественной продукции и развития промышленной кооперации на среднесрочную и долгосрочную перспективы (далее — Программы) на основе анализа потребности отраслей и зарубежного опыта. При этом:

(а) Программы формируются в разрезе:

(i) драйверных сфер (фармацевтика, электротехника, электроника и робототехника, автомобилестроение, строительные материалы, газо- и нефтехимия, легкая промышленность, пищевая промышленность);

(ii) базовых отраслей, обладающих высоким инвестиционным потенциалом (энергетика, горнодобывающая промышленность, химия);

(iii) регионов;

(iv) иных сфер, определяемых по решению Совета;

(б) Программы формируются отраслями и регионами, согласовываются с Агентством и утверждаются Советом;

(в) Агентство координирует формирование и реализацию Программ, оказывает методическое и практическое содействие отраслям и регионам.

6. Агентству совместно с ответственными за сферы и отрасли министерствами, ведомствами и организациями начиная с 1 июля 2026 года организовать разработку и внесение Программ в Совет.

IV. Новые инструменты

7. Установить порядок, в соответствии с которым начиная с 1 июля 2026 года:

(а) Агентство проводит анализ рынков республики и региона, поэтапно формирует в разрезе сфер и публикует перечень рекомендованной к освоению конкурентоспособной продукции, способствующей прибавлению цепочек добавленной стоимости в национальную экономику;

(б) с субъектами предпринимательства, освоившими продукцию, включенную в перечень рекомендованной к освоению конкурентоспособной продукции, заключаются договора гарантированной закупки в установленном порядке, а также они включаются в Программы;

(в) Агентство совместно с ответственными министерствами и ведомствами, отраслями и регионами внедряет практику комплексной оценки добавленной стоимости в национальную экономику по крупным и значимым инвестиционным проектам с государственным участием и по которым применяются меры государственной поддержки на основе следующих критериев:

(i) вклад, вносимый в развитие промышленной кооперации и цепочек добавленной стоимости;

(ii) создаваемая добавленная стоимость и ее экономическая эффективность;

(iii) показатель привлечения отечественных кадров, план их подготовки, переподготовки и повышения квалификации;

(iv) влияние на оказываемые услуги и инфраструктуру;

(v) развитие технологий, инноваций и научно-исследовательской деятельности;

(г) в документах по реализации крупных и значимых инвестиционных проектов (инвестиционных соглашениях, соглашениях о разделе продукции, соглашениях о государственно-частном партнерстве и прочих) наряду с мерами государственной поддержки и гарантиями предусматриваются показатели по критериям, установленным подпунктом «в» настоящего пункта;

(д) Агентство:

(i) организует реализацию проектов промышленной кооперации, направленных на создание добавленной стоимости на основе принципа «развитие поставщиков» (vendor development), для расширения возможностей участия отечественных и зарубежных предприятий в государственных закупках;

(ii) устанавливает сотрудничество с зарубежными правообладателями, оказывает содействие в трансфере их производственных технологий, передаче их брендов, товарных знаков и знаков обслуживания отечественным субъектам предпринимательства;

(iii) оказывает содействие субъектам предпринимательства, наладившим производство новой продукции, в прохождении процедур оценки соответствия, лицензионных, разрешительных, уведомительных, санитарных и прочих процедур;

(ж) Агентство и его проектные офисы в регионах проводят работу по эффективному выполнению установленных задач во взаимодействии с заместителем Председателя Совета Министров Республики Каракалпакстан — министром инвестиций, промышленности и торговли Республики Каракалпакстан, заместителями хокимов областей и города Ташкента — начальниками управлений инвестиций, промышленности и торговли областей и города Ташкента;

(з) директор Агентства является постоянным членом Межведомственной комиссии по работе со Всемирной торговой организацией и Правительственной комиссии по вопросам привлечения инвестиций, развития промышленности и регулирования торговли;

(и) при формировании Рейтинга устойчивости субъектов предпринимательства вклад созданной добавленной стоимости в производство продукции включается в показатели, предоставляющие дополнительные баллы;

(к) в рамках проектов, включенных в Программы, сырье и комплектующие изделия, применяемые в производственных технологических процессах, аналоги которых не производятся в республике, импортируемые по утвержденному перечню, освобождаются от таможенной пошлины сроком на 3 года.

V. Повышение конкурентоспособности отечественных производителей

8. В целях финансирования проектов по вовлечению субъектов малого и среднего бизнеса в производственные цепочки крупных предприятий и расширению производства отечественной продукции образовать при Агентстве Государственный целевой фонд развития промышленной кооперации (далее — Фонд) без статуса юридического лица.

9. Установить порядок, в соответствии с которым начиная с 1 июля 2026 года за счет средств Фонда:

(а) в рамках Программ выделяются кредитные средства для:

(i) финансирования проектов субъектов предпринимательства через коммерческие банки в размере до 10 миллионов долларов США на один проект на срок до 10 лет, включая льготный период 2 года, по ставке 6 процентов годовых (включая маржу банка — 2 процента) — в иностранной валюте, по ставке 12 процентов годовых (включая маржу банка — 2 процента) — в национальной валюте;

(ii) проектов, направленных на производство новых видов высокотехнологичной продукции и расширение действующих мощностей, а также пополнения оборотных средств через коммерческие банки в размере до 2 миллионов долларов США на один проект на срок до 1 года, по ставке 6 процентов годовых (включая маржу банка — 2 процента) — в иностранной валюте, по ставке 12 процентов годовых (включая маржу банка — 2 процента) — в национальной валюте;

(б) выделяются субсидии в размере до 30 процентов расходов, но не свыше 1 миллиона долларов США, связанных с трансфером производственных технологий, получением субъектами предпринимательства от зарубежных правообладателей прав на использование брендов, товарных знаков и знаков обслуживания;

(в) на конкурсной основе выделяются субсидии до 50 процентов расходов, но не свыше 10 миллиардов сумов, связанных с разработкой и внедрением на практике промышленных стартапов — до 10 лучших проектов новых видов высокотехнологичной продукции ежегодно.

10. В целях финансирования инструментов, предусмотренных пунктом 9 настоящего Указа, в 2026 году направить Фонду из Фонда реконструкции и развития средства в эквиваленте 50 миллионов долларов США.

VI. Повышение эффективности государственных закупок

11. Установить порядок, в соответствии с которым начиная с 1 января 2027 года:

(а) в целях расширения участия субъектов малого и среднего бизнеса в государственных закупках внедряется практика разделения предмета закупок в государственных закупках на отдельные лоты в разрезе технологических цепочек, функциональных этапов и видов работ. При этом:

(i) объединение предмета закупок в один лот допускается исключительно при наличии оснований, связанных с экономической эффективностью, технологической последовательностью либо эксплуатационной безопасностью;

(ii) настоящий порядок применяется к отечественным и зарубежным участникам на равных и прозрачных условиях;

(б) государственные закупки по строительству, реконструкции и модернизации объектов и другие государственные закупки стоимостью более 1 миллиарда сумов, а также оценка предложений предмета закупок со сроком эксплуатации, превышающим 3 года, осуществляются с применением метода стоимости совокупного владения (TCO);

(в) в рамках корпоративных закупок:

(i) ведение деятельности в качестве специалиста в сфере закупок допускается только при наличии сертификата «профессиональный закупщик»;

(ii) включение в состав закупочных комиссий корпоративных заказчиков не менее одного специалиста, имеющего сертификат «профессиональный закупщик», является обязательным;

(iii) обучение и сертификация специалистов в сфере закупок осуществляются на основе учебных программ, прошедших аккредитацию международных сертификационных организаций (CIPS, IFPSM, ITC MLS-SCM, WorldCC и прочие);

(iv) Агентством формируется единый электронный реестр сертифицированных специалистов и осуществляется его интеграция со специальным информационным порталом по государственным закупкам;

(г) начиная с 1 января 2028 года в случае отсутствия у корпоративных заказчиков специалистов, имеющих сертификат «профессиональный закупщик», их участие в государственных закупках запрещается;

(д) Совет устанавливает срок применения к бюджетным заказчикам требования наличия специалиста, имеющего сертификат «профессиональный закупщик», и их перечень, а также категории корпоративных заказчиков, на которые распространяется данное требование.

12. Определить, что:

(а) начиная с 1 июля 2026 года посредникам-брокерам и (или) дилерам предоставляется право на реализацию продукции производителей в государственных закупках путем заключения с ними договора;

(б) начиная с 1 апреля 2026 года в случае участия отечественных производителей наряду с зарубежными поставщиками в рамках государственных закупок бюджетных заказчиков к предложенной им минимальной цене импортных товаров применяется ценовая преференция в следующих размерах:

(i) 15 процентов — в случае участия трех и более отечественных производителей;

(ii) 12 процентов — в случае участия двух отечественных производителей;

(iii) 8 процентов — в случае участия одного отечественного производителя;

(в) начиная с 1 октября 2026 года в рамках государственных закупок бюджетных заказчиков на отечественные услуги (работы) применяется ценовая преференция в размере 15 процентов предложенной минимальной цены импортных услуг (работ).

13. Запустить с 1 сентября 2026 года на специальном информационном портале по государственным закупкам электронную скоринговую систему, предоставляющую возможность автоматической оценки деятельности участников закупочных процедур путем межведомственного обмена данными. При этом посредством электронной скоринговой системы:

(а) участникам государственных закупок присваиваются уровни надежности «высокий», «средний», «низкий» и «очень низкий»;

(б) осуществляются следующие меры стимулирования:

(i) для участников, которым присвоен уровень надежности «высокий», выплата задатка не требуется;

(ii) предложениям участников по отбору наилучших предложений и тендерным торгам предоставляются дополнительные баллы соразмерно их уровню надежности;

(iii) новым зарегистрированным участникам государственных закупок предоставляется возможность участия в государственных закупках на общих условиях;

(iv) в конкурсе «Самый активный предприниматель» в сфере государственных закупок поддерживаются кандидатуры участников государственных закупок, которым присвоен уровень надежности «высокий» в государственных закупках;

(в) для участников государственных закупок, которым присвоены уровни надежности «низкий» и «очень низкий»:

(i) устанавливаются нормы на предельную стоимость государственных закупок, разрешенной для участия в закупочных процедурах;

(ii) внедряется практика повышения квалификации на бесплатных онлайн-учебных курсах.

VII. Кадровая политика

14. Агентству совместно с Министерством высшего образования, науки и инноваций, Агентством эффективности управления и Фондом «Эл-юрт умиди» в рамках крупных и значимых инвестиционных проектов внедрить на системной основе в соответствии с планом привлечения отечественных специалистов, а также требованиями и заказами предприятий:

(а) подготовку и переподготовку специалистов в отечественных и зарубежных образовательных организациях;

(б) повышение квалификации специалистов на заводах по производству технологического оборудования и устройств.

15. Внедрить систему материального стимулирования работников управленческого, инженерно-технического персонала и других работников министерств, хозяйственных объединений и организаций за непосредственное участие в развитии промышленной кооперации, освоении новых видов конкурентоспособной продукции в форме премии, выплачиваемой один раз в год. При этом:

(а) источником выплаты единовременной премии является 20 процентов положительной разницы (сэкономленных средств) между годовой суммой средств (в соответствии с последним реализованным договором), направленных на закуп видов продукции освоенного производства, и закупочной суммой соразмерно освоенным видам продукции;

(б) одна четвертая часть указанной положительной разницы выплачивается руководителю предприятия, три четверти распределяются среди работников руководителем предприятия самостоятельно с учетом личного вклада каждого работника в реализацию проекта.

VIII. Организация, обеспечение и контроль исполнения Указа

16. Внести изменения и дополнение в некоторые акты Президента Республики Узбекистан и Правительства Республики Узбекистан согласно приложению № 4 .

17. Возложить на директора Агентства по промышленной кооперации и государственным закупкам персональную ответственность за эффективную организацию исполнения настоящего Указа.

18. Контроль за исполнением настоящего Указа возложить на советника Президента Республики Узбекистан О.А. Хакимова.

ПРИЛОЖЕНИЕ № 4 к Указу Президента Республики Узбекистан от 4 февраля 2026 года № УП-17

Изменения и дополнение, вносимые в некоторые акты Президента Республики Узбекистан и Правительства Республики Узбекистан

1. В приложении № 1 к Указу Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:

(а) в позиции «Министерство экономики и финансов» раздела «1. Министерство экономики и финансов» цифру «5 618» в графе «Общее количество управленческих штатных единиц» и цифру «5 583» в графе «за счет Государственного бюджета» заменить соответственно цифрами «5 585» и «5 550»;

(б) в графах «Общее количество управленческих штатных единиц» и «за счет Государственного бюджета» позиции «Министерство инвестиций, промышленности и торговли» раздела «1. Министерство инвестиций, промышленности и торговли» цифру «963» заменить цифрой «946»;

2. В пункте 6 постановления Президента Республики Узбекистан от 24 января 2019 года № ПП-4126 «Об организации деятельности Комитета по развитию конкуренции и защите прав потребителей Республики Узбекистан»:

(а) абзац девятый исключить;

(б) абзацы десятый — четырнадцатый заменить соответственно абзацами девятой — тринадцатой;

(в) в абзаце девятом цифру «0,02» заменить цифрой «0,04».

3. Абзацы пятый , шестой и седьмой пункта 8 постановления Кабинета Министров от 31 мая 2004 года № 251 «О дополнительных мерах по совершенствованию деятельности товарно-сырьевых бирж» изложить в следующей редакции:

«во внебюджетный фонд Министерства экономики и финансов Республики Узбекистан — 0,05 процента;

во внебюджетный фонд Агентства по промышленной кооперации и государственным закупкам Республики Узбекистан — 0,01 процента;

во внебюджетный фонд Комитета по развитию конкуренции и защите прав потребителей Республики Узбекистан — 0,04 процента».

4. В тексте на государственном языке приложения № 2 к постановлению Кабинета Министров от 21 мая 2005 года № 325 «О дальнейшем совершенствовании порядка финансирования расходов бюджетных организаций и формирования внебюджетных фондов»:

(а) в позиции 16:

(i) строку седьмую исключить;

(ii) в строке «Ўзбекистон республика товар-хом ашё биржаси» АЖ хизматларига воситачилик йиғими» цифру «0.02» заменить цифрой «0.04»;

(б) в строке «Ўзбекистон республика товар-хом ашё биржаси» АЖ хизматларига воситачилик йиғими» позиции 17 цифру «0.08» заменить цифрой «0.05»;

(в) дополнить позицией 50 следующего содержания:

« 50. Ўзбекистон Республикаси Саноат кооперацияси ва давлат харидлари агентлиги Давлат харидлари бўйича махсус ахборот портали оператори — «Ўзбекистон республика товар-хом ашё биржаси» АЖнинг давлат харидлари тизимидаги хизматларни кўрсатиш учун олинадиган комиссия йиғимларидан тушган маблағ 20 «Ўзбекистон республика товар-хом ашё биржаси» АЖ хизматларига воситачилик йиғими 0.01 » .

Президент Республики Узбекистан Ш. МИРЗИЁЕВ

г. Ташкент,

4 февраля 2026 г.,

№ УП-17

(Национальная база данных законодательства, 07.02.2026 г., № 06/26/17/0117)

lex.uz