UzbekAI

Ўзбекистон Республикаси Президентининг

қарори

Навоий халқаро аэропорти фаолияти самарадорлигини ошириш чора-тадбирлари тўғрисида

Навоий халқаро аэропортини ҳаво, темир йўл ва ерусти транспорти йўналишларини бирлаштирувчи халқаро мультимодал логистика хабига айлантириш орқали экспорт ва транзит салоҳиятини ошириш, шунингдек, маҳаллий ва хорижий авиаташувчилар учун қулай шароитларни яратиш мақсадида қарор қиламан:

I. Мақсадли кўрсаткичлар

1. Қуйидагилар Навоий халқаро аэропортида лойиҳавий бошқарув тамойилларини жорий этиш натижасида эришиладиган асосий мақсадли кўрсаткичлар этиб белгилансин:

(а) 2030 йилга келиб:

(i) аэропортда амалга оширилаётган парвозлар сонини 2,3 баробарга ошириб, йилига 7 мингтага етказиш;

(ii) йўловчи ташиш ҳажмини йилига 150 минг нафарга ҳамда юк ташиш ҳажмини 45 минг тоннага етказиш;

(б) 2026 йилда Бирлашган Араб Амирликлари, Туркия ва Хитойдан почта-курьерлик ва тижорат юкларини етказиб бериш бўйича авиақатновлар сонини ҳафтасига 3 тага етказиш;

(в) аэропорт ҳудудида:

(i) 2028 йил якунига қадар ҳаво кемаларига техник хизмат кўрсатиш, таъмирлаш ва бўяш бўйича алоҳида марказ ташкил этиш;

(ii) амалдаги ёнилғи-мойлаш материаллари омбори ва юк терминали инфратузилмасини модернизация қилиш ҳамда мавжуд қувватлардан тўлиқ фойдаланишга эришилгандан сўнг, талабдан келиб чиққан ҳолда сиғими 10 минг тоннали резервуарларни ҳамда 16 минг метр квадратли янги юк терминалини барпо қилиш.

II. Навоий халқаро аэропортини бошқариш тизимини такомиллаштириш

2. Транспорт вазирлигининг «Навоий халқаро аэропорти» МЧЖни «Uzbekistan Airports» АЖнинг марказлашган оператив бошқариш тизимидан ажратган ҳолда унинг фаолиятига лойиҳавий бошқарув тамойилларини жорий этиш тўғрисидаги таклифи маъқуллансин.

Ўзбекистон Республикаси Президенти Администрацияси Транспорт ва логистикани комплекс ривожлантириш лойиҳа офиси «Навоий халқаро аэропорти» МЧЖнинг директори лавозимига авиация менежменти соҳасида етарли тажрибага эга бўлган номзоднинг тайинланишини таъминласин.

3. «Навоий халқаро аэропорти» МЧЖ ижро этувчи органига қуйидагиларни мустақил равишда амалга ошириш ҳуқуқи берилсин:

(а) ўз даромадлари ҳисобидан авиация хизматлари экспортини оширишга қаратилган қўшимча хизматлар турларини кенгайтириш (ёнилғи-мойлаш материалларини сақлаш, ҳаво кемаларига техник хизмат кўрсатиш, таъмирлаш ва бўяшни ташкил қилиш);

(б) йўловчи ва юк ташиш, транзит ва техник қўниш, ҳаво кемаларига техник хизмат кўрсатиш, уларни таъмирлаш ва бўяш бўйича маҳаллий ва хорижий авиакомпаниялар билан тўғридан-тўғри музокаралар ўтказиш ва шартномалар тузиш;

(в) ҳаво кемаларига авиаёнилғи қуйиш ва хорижий авиаташувчилар томонидан олиб келинган авиаёнилғини сақлаш бўйича жаҳон авиация бозори конъюнктурасига мос тарифларни белгилаш;

(г) ҳаво кемаларига ерда хизмат кўрсатиш, шу жумладан, уларга техник ва тижорат хизматлари бўйича рақобатбардош тариф сиёсатини юритиш;

(д) аэропорт фаолиятидан олинадиган соф фойдани инфратузилмани янада ривожлантириш ҳамда кўрсатиладиган хизматлар тури ва ҳажмини кенгайтиришга қаратилган мақсадларда мустақил тасарруф этиш;

(ж) хорижий авиакомпанияларга авиақатновларни бажариш учун Навоий халқаро аэропортида рухсат берилган 5 ва 7-ҳаво эркинлигини тарғиб қилиш ҳисобига авиакомпаниялар сонини кўпайтириш.

4. Иқтисодиёт ва молия вазирлиги бир ҳафта муддатда «Uzbekistan Airports» АЖ ва «Навоий халқаро аэропорти» МЧЖ ўртасидаги аэропортни бошқариш ҳақидаги шартноманинг бекор қилиниши ва ички ҳужжатларга тегишли ўзгартириш ва қўшимчалар киритилишини таъминласин.

5. «Навоий халқаро аэропорти» МЧЖни ривожлантиришнинг устувор йўналишлари иловага мувофиқ тасдиқлансин.

6. Белгилансинки:

(а) «Навоий халқаро аэропорти» МЧЖ 2029 йил 1 январга қадар молиявий зарар кўрган тақдирда, ушбу маблағ «Uzbekistan Airports» АЖнинг давлат улуши бўйича бюджетга тўланадиган дивидендлари ҳисобидан қоплаб борилади. Бунда ушбу маблағлар айланма маблағлар сифатида эътироф этилмайди ва иқтисодий жиҳатдан ўзини оқлайдиган бепул товар берилишига тенглаштирилади;

(б) «Навоий халқаро аэропорти» МЧЖ томонидан ҳаво кемаларига ерда хизмат кўрсатиш, аэропорт, тижорат ва логистика хизматларини кўрсатишдан тушадиган барча тушумлар «Навоий халқаро аэропорти» МЧЖнинг ҳисоб рақамларига тўғридан-тўғри ўтказилади.

7. «Uzbekistan Airports» АЖ бир ой муддатда:

(а) «Навоий халқаро аэропорти» МЧЖ фаолияти билан боғлиқ шартномалар ва ҳисоб-китобларнинг «Навоий халқаро аэропорти» МЧЖга ўтказилишини таъминласин;

(б) авиакомпаниялар, агентлар ҳамда халқаро ҳисоб-китоб тизимларини (IATA ва бошқалар) Навоий халқаро аэропорти билан тўғридан-тўғри ҳисоб-китобларга ўтганлиги тўғрисида хабардор қилсин.

8. Транспорт вазирлиги ҳамда Божхона қўмитасининг «Навоий халқаро аэропорти» МЧЖ ҳудудида:

(а) илғор хорижий тажриба асосида эркин иқтисодий зона ҳамда «порто франко» режими асосида фаолият юритувчи эркин божхона зонасини (кейинги ўринларда — «порто франко» эркин божхона зонаси);

(б) халқаро автотранспорт воситалари (TIR) учун замонавий тўхташ жойи ва сервис инфратузилмасини (кейинги ўринларда — TIR Park Navoi Airport) ташкил этиш тўғрисидаги таклифлари маъқуллансин.

9. Белгилансинки, «порто франко» эркин божхона зонасида имтиёзлар асосида товарларни бож тўламасдан киритиш, сақлаш ва қайта ишлаш, импорт-экспорт операциялари, ижара, трейдинг, ишлаб чиқариш, консалтинг, молия-аудит, брокерлик, банк, турли хил маиший, кетринг, логистика, форвардинг-экспедиторлик, тракинг, ҳаво кемаларига техник ва ерусти хизматларини кўрсатиш ҳамда лизинг операциялари хизматларини кўрсатиш ва ушбу турдаги хизматлар билан шуғулланувчи компаниялар ташкил этилишига рухсат берилсин. Бунда юқорида қайд этилган хизматларни кўрсатиш ва компания фаолиятини йўлга қўйиш Навоий халқаро аэропорти эркин иқтисодий зонаси дирекцияси томонидан амалга оширилади.

10. Белгилаб қўйилсинки:

(а) «порто франко» эркин божхона зонаси ҳудудида халқаро ҳуқуқий ва техник меъёрларга мувофиқ барча хорижий ҳаво кемалари ва уларнинг алоҳида агрегатларини таъмирлаш учун зарур бўлган авиатехника эҳтиёт қисмлари эркин алмаштирилади;

(б) «порто франко» эркин божхона зонасига четдан келтириладиган авиатехника эҳтиёт қисмларига, истисно тариқасида, миллий сертификатлар ва рухсат этиш хусусиятига эга ҳужжатлар талаб этилмайди;

(в) таъмирлаш мақсадида «порто франко» эркин божхона зонасига олиб кириладиган ҳаво кемаларининг (шу жумладан, уларнинг қисм ва агрегатлари) кириб-чиқишида божхона назорати уларни тегишли божхона режимларига расмийлаштирган ҳолда амалга оширилади;

(г) «порто франко» эркин божхона зонаси фаолият кўрсатишини таъминлаш учун фойдаланиладиган маҳаллий товарлар божхона режими остига жойлаштирилмайди;

(д) халқаро ҳуқуқий ва техник меъёрларга мувофиқ «порто франко» эркин божхона зонаси божхона режимига жойлаштирилган авиатехника эҳтиёт қисмлари билан чакана савдо операцияларини, истисно тариқасида, амалга оширишга рухсат берилади;

(ж) «порто франко» эркин божхона зонаси ҳудудида маҳаллий авиакомпанияларнинг ҳаво кемаларини ҳамда уларнинг қисм ва агрегатларини таъмирлаш учун зарур бўлган четдан келтирилган авиатехника эҳтиёт қисмларидан зона чегарасидан ташқарига чиқмаган ҳолда харид қилиниб, «эркин муомалага чиқариш» божхона режимига расмийлаштирилган ҳолда фойдаланилади;

(з) «порто франко» эркин божхона зонаси ҳудудига товарларни олиб кириш, олиб чиқиш, ҳаво кемаларини таъмирлашда фойдаланиш, уларни тегишли режимларга расмийлаштириш, ушбу товарлар ва хизматлар учун валюта операцияларини амалга оширишга Вазирлар Маҳкамасининг 2021 йил 21 октябрдаги 652-сон қарорида белгиланган тартиб татбиқ қилинади.

(и) «Навоий халқаро аэропорти» МЧЖнинг логистика жозибадорлиги ва курьерлик жўнатмалари ҳажмини ошириш мақсадида 2028 йил якунига қадар Навоий халқаро аэропортида халқаро курьерлик жўнатмаларини божхона расмийлаштирувидан ўтказганлик учун божхона йиғими базавий ҳисоблаш миқдорининг бир фоизи миқдорида қўлланади.

11. Навоий вилояти ҳокимлиги:

(а) мазкур қарорнинг 8-бандига асосан TIR Park Navoi Airport фаолиятини ташкил этиш учун ишлаб чиқиладиган лойиҳа-смета ҳужжатларига мувофиқ «Навоий халқаро аэропорти» МЧЖга туташ ҳудуддан зарур ер участкалари ер эгалари ва ижарачиларининг ер участкасига бўлган ҳуқуқлари бекор қилинган ҳолда Кармана тумани ҳокимлиги тасарруфида бўш турган ер участкалари сифатида ҳисобга олинишини ҳамда ер фонди тоифасини ўзгартириш масаласи Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига киритилишини;

(б) ер участкалари эгалари, ижарачилари ва мулкдорларига етказиладиган зарарлар, шу жумладан, бой берилган фойда ҳамда қишлоқ хўжалиги ва ўрмон хўжалиги ишлаб чиқариши нобудгарчиликларининг ўрни белгиланган тартибда қопланишини;

(в) Кармана тумани ҳокимлиги тасарруфига қайтарилган ва бўш турган ер участкаси сифатида ҳисобга олинган ер участкалари уларнинг ер фонди тоифаси ўзгартирилганидан сўнг Давлат активларини бошқариш агентлигига доимий фойдаланиш ҳуқуқи асосида ажратилишини таъминласин.

12. Транспорт вазирлиги бир ой муддатда «Навоий халқаро аэропорти» МЧЖда «TIR Park Navoi Airport» лойиҳаси ташкил этилаётганлиги тўғрисидаги маълумотларни халқаро транспорт-логистика ва авиация ташкилотларининг маълумотлар базаларида рўйхатдан ўтказиш ҳамда хабардор қилиш чораларини кўрсин.

13. «Навоий халқаро аэропорти» МЧЖга «таклиф сўрови» ўтказиш ҳақидаги эълонни давлат харидлари электрон тизимига жойлаштирмасдан ҳамда жамоатчилик муҳокамасидан ўтказмасдан «таклиф сўрови» харид қилиш тартиб-таомили асосида салоҳиятли етказиб берувчиларнинг таклифларини ва (ёки) оферталарини ўрганиб, авиаёнилғини, музлашга қарши суюқликларни, ҳаво кемаларига хизмат кўрсатувчи махсус техника ва уларга техник сервис кўрсатиш ва таъмирлаш билан боғлиқ эҳтиёт қисмларни харид қилишга рухсат берилсин. Бунда «Навоий халқаро аэропорти» МЧЖ 2029 йил 1 январга қадар ҳаво кемаларига хизмат кўрсатувчи махсус техника ва уларга техник сервис кўрсатиш ва таъмирлаш билан боғлиқ эҳтиёт қисмларни импорт қилишда божхона божидан озод қилинади.

14. «Ўзбекистон темир йўллари» АЖ доимий равишда «Навоий халқаро аэропорти» МЧЖнинг юклари устувор равишда ташилишини таъминлаб борсин.

15. Давлат активларини бошқариш агентлиги тасарруфидаги Навоий халқаро аэропорти ҳудудида жойлашган «Silk Road palace» меҳмонхонаси «Навоий халқаро аэропорти» МЧЖнинг тасарруфига ўтказилсин.

16. Фуқаро авиацияси агентлиги:

(а) «Навоий халқаро аэропорти» МЧЖнинг авиақатновларни (транзит, юк ва йўловчи) амалга ошириш бўйича сўровномаларини;

(б) авиакомпанияларнинг авиақатновларни бажариш учун ҳаво кенгликларининг барча турларидан фойдаланиш бўйича буюртмаларини тезлаштирилган тартибда кўриб чиқиб, рухсатномалар тақдим этилишини таъминласин.

17. Ташқи ишлар вазирлиги «Навоий халқаро аэропорти» МЧЖ сўровномаларига биноан хорижий мутахассислар ротациясини таъминлаш мақсадида уларга тезкор тартибда кириш визалари расмийлаштирилишини таъминласин.

18. Ўзбекистон Республикаси Президенти Администрациясининг Транспорт ва логистикани комплекс ривожлантириш лойиҳа офиси аэропорт фаолияти самарадорлигини мониторинг қилиб борсин.

19. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 9 февралдаги ПҚ-50-сон қарорига ИЛОВА

«Навоий халқаро аэропорти» МЧЖни ривожлантиришнинг устувор йўналишлари

1. 2026 йил 1 апрелга қадар илғор тажриба асосида ишлаб чиқариш индикаторлари камида икки карра оширилишини назарда тутувчи «Навоий халқаро аэропорти» МЧЖни ривожлантириш бўйича бизнес-режани ишлаб чиқиш ва уни Ўзбекистон Республикаси Президенти Администрацияси Транспорт ва логистикани комплекс ривожлантириш лойиҳа офисига тақдим этиш ҳамда унинг транспорт вазири томонидан тасдиқланиши, бунда:

тижорат авиацияси ва ноавиацион фаолият кўрсаткичларини 50 фоизга ошириш;

25 тадан ортиқ авиакомпанияларнинг доимий парвозлари амалга оширилишини таъминлаш ва уларнинг умумий сонини (техник қўниш, юк ва йўловчи ташиш) йилига 1000 тагача етказиш;

20 минг тоннадан ортиқ юкни қайта ишлаш назарда тутилсин.

2. Жорий операцион жараёнларни рақамлаштириш ва рақобатбардошликни оширишга қаратилган оператив қарорлар қабул қилиш мақсадида аэропорт фаолиятига сунъий интеллект технологияларини жорий этиш.

3. Янги авиакомпанияларни жалб қилиш ва жаҳон стандартларига мувофиқ ҳаво кемаларига ерда хизмат кўрсатишнинг барча турларини таъминлаш.

4. Бирлашган Араб Амирликлари, Туркия ва Хитойдан почта-курьерлик ва тижорат юкларини етказиб бериш бўйича авиаташувчилар билан шартномалар тузиш ва уларнинг авиақатновлари сонини ҳафтасига 3 тага етказиш.

5. «Навоий халқаро аэропорти» МЧЖ бажариладиган парвозлар экипажларининг ротациясини амалга ошириш мақсадида «Silk Road palace» меҳмонхонаси жозибадорлигини оширишга қаратилган таъмирлаш ишларини олиб бориш.

6. «Навоий халқаро аэропорти» МЧЖга аэропортни ривожлантириш учун инвестиция ва бошқа маблағларни жалб қилиш.

7. Ўзбекистон Республикаси Туризм қўмитаси билан ҳамкорликда туристик ва зиёрат авиақатновларини ташкил қилиш.

8. Амалдаги ёнилғи-мойлаш материаллари омбори инфратузилмасини модернизация қилиш ва қўшимча 10 минг тоннали омбор барпо этиш.

9. Қўшимча юк терминаллари ва юкларни сақлаш ҳамда қайта ишлов бериш майдонларини барпо этиш.

10. Ҳаво кемаларини таъмирлаш ва бўяш ишларини амалга ошириш мақсадида янги ангар барпо этиш.

11. Халқаро аэропорт ҳудудида «порто франко» (эркин порт) режими асосида фаолият юритувчи махсус божхона-логистика майдонини ташкил этиш.

12. Аэропортдаги мавжуд шароитлар ва яратилган қулайликларни марказий саноат майдончаларида намойиш этиш, ташқи бозорларда фаол реклама кампаниясини олиб бориш, ТИАCА, «Air Cargo Europe», «Air Cargo Asia», «Роутес» каби кўргазмалар ва халқаро анжуманларда иштирок этиш.

13. Навоий халқаро аэропорти божхона постида халқаро почта ва курьерлик жўнатмаларига ишлов бериш инфратузилмаси ва технологик жараёнларини замонавий талабларга мослаштириш ҳамда ўтказувчанлик қобилиятини ошириш мақсадида модернизация қилиш.

14. Малакали кадрлар таркибини шакллантириш, уларнинг мақсадли касбий тайёргарлигини таъминлаш, шу жумладан, халқаро стандартлар ва илғор технологияларни ўзлаштириши учун чет элларда ўқиш ва амалиёт ўташларини ташкил этиш.

15. Мавжуд аэровокзални йўловчилар ўтказувчанлик қобилиятини ошириш, хизмат кўрсатиш сифатини яхшилаш ҳамда хавфсизлик ва хизмат кўрсатишнинг замонавий стандартларини жорий этиш жиҳатидан модернизация қилиш, шу жумладан, технологиялар, муҳандислик тизимлари ва сервис инфратузилмасини янгилаш.

16. Навоий халқаро аэропортини хорижий авиакомпаниялар билан стандартлаштирилган, хавфсиз ва тезкор ўзаро ҳисоб-китобларни таъминлайдиган ИАТА халқаро платформаларига улаш масалаларини кўриб чиқиб, ҳал қилиш.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 9 февраль,

ПҚ- 50 -сон

(Қонунчилик маълумотлари миллий базаси, 09.02.2026 й., 07/26/50/0122-сон)

lex.uz

Oʻzbekiston Respublikasi Prezidentining

qarori

Navoiy xalqaro aeroporti faoliyati samaradorligini oshirish chora-tadbirlari toʻgʻrisida

Navoiy xalqaro aeroportini havo, temir yoʻl va yerusti transporti yoʻnalishlarini birlashtiruvchi xalqaro multimodal logistika xabiga aylantirish orqali eksport va tranzit salohiyatini oshirish, shuningdek, mahalliy va xorijiy aviatashuvchilar uchun qulay sharoitlarni yaratish maqsadida qaror qilaman:

I. Maqsadli koʻrsatkichlar

1. Quyidagilar Navoiy xalqaro aeroportida loyihaviy boshqaruv tamoyillarini joriy etish natijasida erishiladigan asosiy maqsadli koʻrsatkichlar etib belgilansin:

(a) 2030-yilga kelib:

(i) aeroportda amalga oshirilayotgan parvozlar sonini 2,3 barobarga oshirib, yiliga 7 mingtaga yetkazish;

(ii) yoʻlovchi tashish hajmini yiliga 150 ming nafarga hamda yuk tashish hajmini 45 ming tonnaga yetkazish;

(b) 2026-yilda Birlashgan Arab Amirliklari, Turkiya va Xitoydan pochta-kuryerlik va tijorat yuklarini yetkazib berish boʻyicha aviaqatnovlar sonini haftasiga 3 taga yetkazish;

(v) aeroport hududida:

(i) 2028-yil yakuniga qadar havo kemalariga texnik xizmat koʻrsatish, taʼmirlash va boʻyash boʻyicha alohida markaz tashkil etish;

(ii) amaldagi yonilgʻi-moylash materiallari ombori va yuk terminali infratuzilmasini modernizatsiya qilish hamda mavjud quvvatlardan toʻliq foydalanishga erishilgandan soʻng, talabdan kelib chiqqan holda sigʻimi 10 ming tonnali rezervuarlarni hamda 16 ming metr kvadratli yangi yuk terminalini barpo qilish.

II. Navoiy xalqaro aeroportini boshqarish tizimini takomillashtirish

2. Transport vazirligining “Navoiy xalqaro aeroporti” MCHJni “Uzbekistan Airports” AJning markazlashgan operativ boshqarish tizimidan ajratgan holda uning faoliyatiga loyihaviy boshqaruv tamoyillarini joriy etish toʻgʻrisidagi taklifi maʼqullansin.

Oʻzbekiston Respublikasi Prezidenti Administratsiyasi Transport va logistikani kompleks rivojlantirish loyiha ofisi “Navoiy xalqaro aeroporti” MCHJning direktori lavozimiga aviatsiya menejmenti sohasida yetarli tajribaga ega boʻlgan nomzodning tayinlanishini taʼminlasin.

3. “Navoiy xalqaro aeroporti” MCHJ ijro etuvchi organiga quyidagilarni mustaqil ravishda amalga oshirish huquqi berilsin:

(a) oʻz daromadlari hisobidan aviatsiya xizmatlari eksportini oshirishga qaratilgan qoʻshimcha xizmatlar turlarini kengaytirish (yonilgʻi-moylash materiallarini saqlash, havo kemalariga texnik xizmat koʻrsatish, taʼmirlash va boʻyashni tashkil qilish);

(b) yoʻlovchi va yuk tashish, tranzit va texnik qoʻnish, havo kemalariga texnik xizmat koʻrsatish, ularni taʼmirlash va boʻyash boʻyicha mahalliy va xorijiy aviakompaniyalar bilan toʻgʻridan-toʻgʻri muzokaralar oʻtkazish va shartnomalar tuzish;

(v) havo kemalariga aviayonilgʻi quyish va xorijiy aviatashuvchilar tomonidan olib kelingan aviayonilgʻini saqlash boʻyicha jahon aviatsiya bozori konyunkturasiga mos tariflarni belgilash;

(g) havo kemalariga yerda xizmat koʻrsatish, shu jumladan, ularga texnik va tijorat xizmatlari boʻyicha raqobatbardosh tarif siyosatini yuritish;

(d) aeroport faoliyatidan olinadigan sof foydani infratuzilmani yanada rivojlantirish hamda koʻrsatiladigan xizmatlar turi va hajmini kengaytirishga qaratilgan maqsadlarda mustaqil tasarruf etish;

(j) xorijiy aviakompaniyalarga aviaqatnovlarni bajarish uchun Navoiy xalqaro aeroportida ruxsat berilgan 5 va 7-havo erkinligini targʻib qilish hisobiga aviakompaniyalar sonini koʻpaytirish.

4. Iqtisodiyot va moliya vazirligi bir hafta muddatda “Uzbekistan Airports” AJ va “Navoiy xalqaro aeroporti” MCHJ oʻrtasidagi aeroportni boshqarish haqidagi shartnomaning bekor qilinishi va ichki hujjatlarga tegishli oʻzgartirish va qoʻshimchalar kiritilishini taʼminlasin.

5. “Navoiy xalqaro aeroporti” MCHJni rivojlantirishning ustuvor yoʻnalishlari ilovaga muvofiq tasdiqlansin.

6. Belgilansinki:

(a) “Navoiy xalqaro aeroporti” MCHJ 2029-yil 1-yanvarga qadar moliyaviy zarar koʻrgan taqdirda, ushbu mablagʻ “Uzbekistan Airports” AJning davlat ulushi boʻyicha budjetga toʻlanadigan dividendlari hisobidan qoplab boriladi. Bunda ushbu mablagʻlar aylanma mablagʻlar sifatida eʼtirof etilmaydi va iqtisodiy jihatdan oʻzini oqlaydigan bepul tovar berilishiga tenglashtiriladi;

(b) “Navoiy xalqaro aeroporti” MCHJ tomonidan havo kemalariga yerda xizmat koʻrsatish, aeroport, tijorat va logistika xizmatlarini koʻrsatishdan tushadigan barcha tushumlar “Navoiy xalqaro aeroporti” MCHJning hisob raqamlariga toʻgʻridan-toʻgʻri oʻtkaziladi.

7. “Uzbekistan Airports” AJ bir oy muddatda:

(a) “Navoiy xalqaro aeroporti” MCHJ faoliyati bilan bogʻliq shartnomalar va hisob-kitoblarning “Navoiy xalqaro aeroporti” MCHJga oʻtkazilishini taʼminlasin;

(b) aviakompaniyalar, agentlar hamda xalqaro hisob-kitob tizimlarini (IATA va boshqalar) Navoiy xalqaro aeroporti bilan toʻgʻridan-toʻgʻri hisob-kitoblarga oʻtganligi toʻgʻrisida xabardor qilsin.

8. Transport vazirligi hamda Bojxona qoʻmitasining “Navoiy xalqaro aeroporti” MCHJ hududida:

(a) ilgʻor xorijiy tajriba asosida erkin iqtisodiy zona hamda “porto franko” rejimi asosida faoliyat yurituvchi erkin bojxona zonasini (keyingi oʻrinlarda — “porto franko” erkin bojxona zonasi);

(b) xalqaro avtotransport vositalari (TIR) uchun zamonaviy toʻxtash joyi va servis infratuzilmasini (keyingi oʻrinlarda — TIR Park Navoi Airport) tashkil etish toʻgʻrisidagi takliflari maʼqullansin.

9. Belgilansinki, “porto franko” erkin bojxona zonasida imtiyozlar asosida tovarlarni boj toʻlamasdan kiritish, saqlash va qayta ishlash, import-eksport operatsiyalari, ijara, treyding, ishlab chiqarish, konsalting, moliya-audit, brokerlik, bank, turli xil maishiy, ketring, logistika, forvarding-ekspeditorlik, traking, havo kemalariga texnik va yerusti xizmatlarini koʻrsatish hamda lizing operatsiyalari xizmatlarini koʻrsatish va ushbu turdagi xizmatlar bilan shugʻullanuvchi kompaniyalar tashkil etilishiga ruxsat berilsin. Bunda yuqorida qayd etilgan xizmatlarni koʻrsatish va kompaniya faoliyatini yoʻlga qoʻyish Navoiy xalqaro aeroporti erkin iqtisodiy zonasi direksiyasi tomonidan amalga oshiriladi.

10. Belgilab qoʻyilsinki:

(a) “porto franko” erkin bojxona zonasi hududida xalqaro huquqiy va texnik meʼyorlarga muvofiq barcha xorijiy havo kemalari va ularning alohida agregatlarini taʼmirlash uchun zarur boʻlgan aviatexnika ehtiyot qismlari erkin almashtiriladi;

(b) “porto franko” erkin bojxona zonasiga chetdan keltiriladigan aviatexnika ehtiyot qismlariga, istisno tariqasida, milliy sertifikatlar va ruxsat etish xususiyatiga ega hujjatlar talab etilmaydi;

(v) taʼmirlash maqsadida “porto franko” erkin bojxona zonasiga olib kiriladigan havo kemalarining (shu jumladan, ularning qism va agregatlari) kirib-chiqishida bojxona nazorati ularni tegishli bojxona rejimlariga rasmiylashtirgan holda amalga oshiriladi;

(g) “porto franko” erkin bojxona zonasi faoliyat koʻrsatishini taʼminlash uchun foydalaniladigan mahalliy tovarlar bojxona rejimi ostiga joylashtirilmaydi;

(d) xalqaro huquqiy va texnik meʼyorlarga muvofiq “porto franko” erkin bojxona zonasi bojxona rejimiga joylashtirilgan aviatexnika ehtiyot qismlari bilan chakana savdo operatsiyalarini, istisno tariqasida, amalga oshirishga ruxsat beriladi;

(j) “porto franko” erkin bojxona zonasi hududida mahalliy aviakompaniyalarning havo kemalarini hamda ularning qism va agregatlarini taʼmirlash uchun zarur boʻlgan chetdan keltirilgan aviatexnika ehtiyot qismlaridan zona chegarasidan tashqariga chiqmagan holda xarid qilinib, “erkin muomalaga chiqarish” bojxona rejimiga rasmiylashtirilgan holda foydalaniladi;

(z) “porto franko” erkin bojxona zonasi hududiga tovarlarni olib kirish, olib chiqish, havo kemalarini taʼmirlashda foydalanish, ularni tegishli rejimlarga rasmiylashtirish, ushbu tovarlar va xizmatlar uchun valyuta operatsiyalarini amalga oshirishga Vazirlar Mahkamasining 2021-yil 21-oktabrdagi 652-son qarorida belgilangan tartib tatbiq qilinadi.

(i) “Navoiy xalqaro aeroporti” MCHJning logistika jozibadorligi va kuryerlik joʻnatmalari hajmini oshirish maqsadida 2028-yil yakuniga qadar Navoiy xalqaro aeroportida xalqaro kuryerlik joʻnatmalarini bojxona rasmiylashtiruvidan oʻtkazganlik uchun bojxona yigʻimi bazaviy hisoblash miqdorining bir foizi miqdorida qoʻllanadi.

11. Navoiy viloyati hokimligi:

(a) mazkur qarorning 8-bandiga asosan TIR Park Navoi Airport faoliyatini tashkil etish uchun ishlab chiqiladigan loyiha-smeta hujjatlariga muvofiq “Navoiy xalqaro aeroporti” MCHJga tutash hududdan zarur yer uchastkalari yer egalari va ijarachilarining yer uchastkasiga boʻlgan huquqlari bekor qilingan holda Karmana tumani hokimligi tasarrufida boʻsh turgan yer uchastkalari sifatida hisobga olinishini hamda yer fondi toifasini oʻzgartirish masalasi Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga kiritilishini;

(b) yer uchastkalari egalari, ijarachilari va mulkdorlariga yetkaziladigan zararlar, shu jumladan, boy berilgan foyda hamda qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrni belgilangan tartibda qoplanishini;

(v) Karmana tumani hokimligi tasarrufiga qaytarilgan va boʻsh turgan yer uchastkasi sifatida hisobga olingan yer uchastkalari ularning yer fondi toifasi oʻzgartirilganidan soʻng Davlat aktivlarini boshqarish agentligiga doimiy foydalanish huquqi asosida ajratilishini taʼminlasin.

12. Transport vazirligi bir oy muddatda “Navoiy xalqaro aeroporti” MCHJda “TIR Park Navoi Airport” loyihasi tashkil etilayotganligi toʻgʻrisidagi maʼlumotlarni xalqaro transport-logistika va aviatsiya tashkilotlarining maʼlumotlar bazalarida roʻyxatdan oʻtkazish hamda xabardor qilish choralarini koʻrsin.

13. “Navoiy xalqaro aeroporti” MCHJga “taklif soʻrovi” oʻtkazish haqidagi eʼlonni davlat xaridlari elektron tizimiga joylashtirmasdan hamda jamoatchilik muhokamasidan oʻtkazmasdan “taklif soʻrovi” xarid qilish tartib-taomili asosida salohiyatli yetkazib beruvchilarning takliflarini va (yoki) ofertalarini oʻrganib, aviayonilgʻini, muzlashga qarshi suyuqliklarni, havo kemalariga xizmat koʻrsatuvchi maxsus texnika va ularga texnik servis koʻrsatish va taʼmirlash bilan bogʻliq ehtiyot qismlarni xarid qilishga ruxsat berilsin. Bunda “Navoiy xalqaro aeroporti” MCHJ 2029-yil 1-yanvarga qadar havo kemalariga xizmat koʻrsatuvchi maxsus texnika va ularga texnik servis koʻrsatish va taʼmirlash bilan bogʻliq ehtiyot qismlarni import qilishda bojxona bojidan ozod qilinadi.

14. “Oʻzbekiston temir yoʻllari” AJ doimiy ravishda “Navoiy xalqaro aeroporti” MCHJning yuklari ustuvor ravishda tashilishini taʼminlab borsin.

15. Davlat aktivlarini boshqarish agentligi tasarrufidagi Navoiy xalqaro aeroporti hududida joylashgan “Silk Road palace” mehmonxonasi “Navoiy xalqaro aeroporti” MCHJning tasarrufiga oʻtkazilsin.

16. Fuqaro aviatsiyasi agentligi:

(a) “Navoiy xalqaro aeroporti” MCHJning aviaqatnovlarni (tranzit, yuk va yoʻlovchi) amalga oshirish boʻyicha soʻrovnomalarini;

(b) aviakompaniyalarning aviaqatnovlarni bajarish uchun havo kengliklarining barcha turlaridan foydalanish boʻyicha buyurtmalarini tezlashtirilgan tartibda koʻrib chiqib, ruxsatnomalar taqdim etilishini taʼminlasin.

17. Tashqi ishlar vazirligi “Navoiy xalqaro aeroporti” MCHJ soʻrovnomalariga binoan xorijiy mutaxassislar rotatsiyasini taʼminlash maqsadida ularga tezkor tartibda kirish vizalari rasmiylashtirilishini taʼminlasin.

18. Oʻzbekiston Respublikasi Prezidenti Administratsiyasining Transport va logistikani kompleks rivojlantirish loyiha ofisi aeroport faoliyati samaradorligini monitoring qilib borsin.

19. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 9-fevraldagi PQ-50-son qaroriga ILOVA

“Navoiy xalqaro aeroporti” MCHJni rivojlantirishning ustuvor yoʻnalishlari

1. 2026-yil 1-aprelga qadar ilgʻor tajriba asosida ishlab chiqarish indikatorlari kamida ikki karra oshirilishini nazarda tutuvchi “Navoiy xalqaro aeroporti” MCHJni rivojlantirish boʻyicha biznes-rejani ishlab chiqish va uni Oʻzbekiston Respublikasi Prezidenti Administratsiyasi Transport va logistikani kompleks rivojlantirish loyiha ofisiga taqdim etish hamda uning transport vaziri tomonidan tasdiqlanishi, bunda:

tijorat aviatsiyasi va noaviatsion faoliyat koʻrsatkichlarini 50 foizga oshirish;

25 tadan ortiq aviakompaniyalarning doimiy parvozlari amalga oshirilishini taʼminlash va ularning umumiy sonini (texnik qoʻnish, yuk va yoʻlovchi tashish) yiliga 1000 tagacha yetkazish;

20 ming tonnadan ortiq yukni qayta ishlash nazarda tutilsin.

2. Joriy operatsion jarayonlarni raqamlashtirish va raqobatbardoshlikni oshirishga qaratilgan operativ qarorlar qabul qilish maqsadida aeroport faoliyatiga sunʼiy intellekt texnologiyalarini joriy etish.

3. Yangi aviakompaniyalarni jalb qilish va jahon standartlariga muvofiq havo kemalariga yerda xizmat koʻrsatishning barcha turlarini taʼminlash.

4. Birlashgan Arab Amirliklari, Turkiya va Xitoydan pochta-kuryerlik va tijorat yuklarini yetkazib berish boʻyicha aviatashuvchilar bilan shartnomalar tuzish va ularning aviaqatnovlari sonini haftasiga 3 taga yetkazish.

5. “Navoiy xalqaro aeroporti” MCHJ bajariladigan parvozlar ekipajlarining rotatsiyasini amalga oshirish maqsadida “Silk Road palace” mehmonxonasi jozibadorligini oshirishga qaratilgan taʼmirlash ishlarini olib borish.

6. “Navoiy xalqaro aeroporti” MCHJga aeroportni rivojlantirish uchun investitsiya va boshqa mablagʻlarni jalb qilish.

7. Oʻzbekiston Respublikasi Turizm qoʻmitasi bilan hamkorlikda turistik va ziyorat aviaqatnovlarini tashkil qilish.

8. Amaldagi yonilgʻi-moylash materiallari ombori infratuzilmasini modernizatsiya qilish va qoʻshimcha 10 ming tonnali ombor barpo etish.

9. Qoʻshimcha yuk terminallari va yuklarni saqlash hamda qayta ishlov berish maydonlarini barpo etish.

10. Havo kemalarini taʼmirlash va boʻyash ishlarini amalga oshirish maqsadida yangi angar barpo etish.

11. Xalqaro aeroport hududida “porto franko” (erkin port) rejimi asosida faoliyat yurituvchi maxsus bojxona-logistika maydonini tashkil etish.

12. Aeroportdagi mavjud sharoitlar va yaratilgan qulayliklarni markaziy sanoat maydonchalarida namoyish etish, tashqi bozorlarda faol reklama kampaniyasini olib borish, TIACA, “Air Cargo Europe”, “Air Cargo Asia”, “Routes” kabi koʻrgazmalar va xalqaro anjumanlarda ishtirok etish.

13. Navoiy xalqaro aeroporti bojxona postida xalqaro pochta va kuryerlik joʻnatmalariga ishlov berish infratuzilmasi va texnologik jarayonlarini zamonaviy talablarga moslashtirish hamda oʻtkazuvchanlik qobiliyatini oshirish maqsadida modernizatsiya qilish.

14. Malakali kadrlar tarkibini shakllantirish, ularning maqsadli kasbiy tayyorgarligini taʼminlash, shu jumladan, xalqaro standartlar va ilgʻor texnologiyalarni oʻzlashtirishi uchun chet ellarda oʻqish va amaliyot oʻtashlarini tashkil etish.

15. Mavjud aerovokzalni yoʻlovchilar oʻtkazuvchanlik qobiliyatini oshirish, xizmat koʻrsatish sifatini yaxshilash hamda xavfsizlik va xizmat koʻrsatishning zamonaviy standartlarini joriy etish jihatidan modernizatsiya qilish, shu jumladan, texnologiyalar, muhandislik tizimlari va servis infratuzilmasini yangilash.

16. Navoiy xalqaro aeroportini xorijiy aviakompaniyalar bilan standartlashtirilgan, xavfsiz va tezkor oʻzaro hisob-kitoblarni taʼminlaydigan IATA xalqaro platformalariga ulash masalalarini koʻrib chiqib, hal qilish.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 9-fevral,

PQ- 50 -son

(Qonunchilik maʼlumotlari milliy bazasi, 09.02.2026-y., 07/26/50/0122-son)

lex.uz

Президента Республики Узбекистан

Постановление

О мерах повышения эффективности деятельности международного аэропорта «Навои»

В целях повышения экспортного и транзитного потенциала путем превращения международного аэропорта «Навои» в международный мультимодальный логистический хаб, объединяющий воздушные, железнодорожные и наземные транспортные сообщения, а также создания благоприятных условий для отечественных и зарубежных авиаперевозчиков постановляю:

I. Целевые показатели

1. Определить основными целевыми показателями, достигаемыми в результате внедрения принципов проектного управления в международном аэропорту «Навои»:

(а) к 2030 году:

(i) увеличение в 2,3 раза количества полетов, осуществляемых в аэропорту, доведение их до 7 тысяч в год;

(ii) доведение объема пассажиропотока до 150 тысяч и объема грузоперевозок до 45 тысяч тонн в год;

(б) доведение в 2026 году количества авиарейсов до 3 в неделю по доставке почтово-курьерских и коммерческих грузов из Объединенных Арабских Эмиратов, Турции и Китая;

(в) на территории аэропорта:

(i) организацию до конца 2028 года отдельного центра по техническому обслуживанию, ремонту и покраске воздушных судов;

(ii) модернизацию действующего склада горюче-смазочных материалов и инфраструктуры грузового терминала, а также строительство резервуаров вместимостью 10 тысяч тонн и нового грузового терминала в 16 тысяч квадратных метров после достижения полного задействования имеющихся мощностей, исходя из спроса.

II. Совершенствование системы управления международным аэропортом «Навои»

2. Одобрить предложение Министерства транспорта о внедрении принципов проектного управления в деятельность международного аэропорта «Навои» с отчуждением ООО «Международный аэропорт «Навои» от централизованной системы оперативного управления АО «Uzbekistan Airports».

Проектному офису комплексного развития транспорта и логистики Администрации Президента Республики Узбекистан обеспечить назначение на должность директора ООО «Международный аэропорт «Навои» кандидата, обладающего достаточным опытом в сфере авиационного менеджмента.

3. Исполнительному органу ООО «Международный аэропорт «Навои» предоставить право на осуществление в самостоятельном порядке:

(а) расширения видов дополнительных услуг (хранение горюче-смазочных материалов, организация технического обслуживания, ремонта и покраски воздушных судов), направленных на повышение экспорта услуг авиации за счет собственных доходов;

(б) проведения прямых переговоров и заключения договоров с отечественными и зарубежными авиакомпаниями по пассажирским и грузовым перевозкам, транзитной и технической посадке, техническому обслуживанию воздушных судов, их ремонту и покраске;

(в) определения тарифов, соответствующих рыночной конъюнктуре мировой авиации, по заливке авиатоплива в воздушные суда и хранению авиатоплива, ввезенных зарубежными авиаперевозчиками;

(г) ведения конкурентоспособной тарифной политики по наземному обслуживанию, а также оказанию технических и коммерческих услуг воздушным судам;

(д) самостоятельного распоряжения чистой прибылью, получаемой от деятельности аэропорта, в целях дальнейшего развития инфраструктуры, расширения видов и объемов оказываемых услуг;

(ж) увеличения количества авиакомпаний за счет пропаганды «пятой и седьмой свобод воздуха», разрешенных в международном аэропорту «Навои» для выполнения авиарейсов зарубежными авиакомпаниями.

4. Министерству экономики и финансов в недельный срок обеспечить аннулирование договора об управлении аэропортом между АО «Uzbekistan Airports» и ООО «Международный аэропорт «Навои» и внесение соответствующих изменений и дополнений во внутреннюю документацию.

5. Утвердить приоритетные направления развития ООО «Международный аэропорт «Навои» согласно приложению * .

6. Определить, что:

(а) в случае финансовой несостоятельности, которую ООО «Международный аэропорт «Навои» понесет до 1 января 2029 года, данная сумма покрывается за счет дивидендов, отчисляемых в бюджет по государственной доле АО «Uzbekistan Airports». При этом данные средства не признаются в качестве оборотных средств и приравниваются к предоставлению экономически оправдывающего себя бесплатного товара;

(б) все поступления от услуг, оказываемых со стороны ООО «Международный аэропорт «Навои» по наземному обслуживанию воздушных судов, аэропортовым, коммерческим и логистическим услугам, перечисляются напрямую на расчетные счета ООО «Международный аэропорт «Навои».

7. АО «Uzbekistan Airports» в месячный срок:

(а) обеспечить перевод ООО «Международный аэропорт «Навои» договоров и расчетов, связанных с деятельностью ООО «Международный аэропорт «Навои»;

(б) уведомить авиакомпании, агентов и международные расчетные системы (IATA и другие) о переходе Международного аэропорта «Навои» на прямые расчеты.

8. Одобрить предложения Министерства транспорта и Таможенного комитета о создании на территории ООО «Международный аэропорт «Навои»:

(а) свободной экономической зоны на основе передового зарубежного опыта и свободной таможенной зоны, действующей на основе режима «порто-франко» (далее — свободная таможенная зона «порто-франко»);

(б) современной стоянки для международных автотранспортных средств (TIR) и сервисной инфраструктуры (далее — «TIR Park Navoi Airport»).

9. Определить, что в свободной таможенной зоне «порто-франко» разрешается создание компаний, занимающихся ввозом, хранением и переработкой товаров без уплаты пошлины на основе льгот, осуществлением импортно-экспортных операций, оказанием услуг аренды, трейдинга, производства, консалтинговых, финансово-аудиторских, брокерских, банковских, различных бытовых, кетринговых, логистических, форвардингово-экспедиторских, тракинговых услуг, техническим и наземным обслуживанием воздушных судов, а также оказанием услуг лизинговых операций и данными видами услуг. При этом оказание вышеуказанных услуг и налаживание деятельности компании осуществляются Дирекцией свободной экономической зоны «Международный аэропорт «Навои».

10. Определить, что:

(а) на территории свободной таможенной зоны «порто-франко» согласно международным правовым и техническим нормам осуществляется свободная замена авиатехнических запасных частей, необходимых для ремонта всех зарубежных воздушных судов и их отдельных агрегатов;

(б) на авиатехнические запасные части, ввозимые извне в свободную таможенную зону «порто-франко», в порядке исключения, национальные сертификаты и документы разрешительного характера не требуются;

(в) таможенный контроль при входе-выходе воздушных судов (в том числе их частей и агрегатов) в свободную таможенную зону «порто-франко» с целью ремонта осуществляется с их оформлением в соответствующих таможенных режимах;

(г) отечественные товары, используемые для обеспечения функционирования свободной таможенной зоны «порто-франко», не размещаются под таможенный режим;

(д) в порядке исключения разрешается осуществление операций розничной торговли с авиатехническими запасными частями, размещенными в таможенный режим в свободной таможенной зоне «порто-франко» согласно международным правовым и техническим нормам;

(ж) авиатехнические запасные части, ввезенные из-за рубежа и необходимые для ремонта воздушных судов отечественных авиакомпаний, их частей и агрегатов, на территорию свободной таможенной зоны «порто-франко», закупаются не выходя за пределы зоны и используются с оформлением в таможенном режиме «выпуск в свободное обращение»;

(з) на осуществление ввоза, вывоза товаров на территории свободной таможенной зоны «порто-франко», использование их в ремонте воздушных судов, оформление в соответствующих режимах, проведение валютных операций за данные товары и услуги внедряется порядок, определенный постановлением Кабинета Министров от 21 октября 2021 года № 652.

и) в целях повышения логистической привлекательности ООО «Международный аэропорт Навои» и увеличения объемов курьерских отправлений до конца 2028 года таможенный сбор за таможенное оформление международных курьерских отправлений в международном аэропорту Навои применяется в размере одного процента базовой расчетной величины.

11. Хокимияту Навоийской области обеспечить:

(а) отмену прав на земельный участок владельцев и арендаторов необходимых земельных участков на территории, прилегающей к ООО «Международный аэропорт «Навои» согласно проектно-сметной документации, разрабатываемой для организации деятельности «TIR Park Navoi Airport» на основании пункта 8 настоящего постановления, их учета в качестве пустующих земельных участков, находящихся в ведении хокимията Карманинского района, а также внесение вопроса об изменении категории земельного фонда в Правительственную комиссию по вопросам изменения категорий земельного фонда земель сельскохозяйственного назначения и лесного фонда;

(б) возмещение убытков, причиняемых землевладельцам, арендаторам и собственникам земельных участков, включая упущенную выгоду, а также потерь сельскохозяйственного и лесохозяйственного производства в установленном порядке;

(в) выделение земельных участков, возвращенных в ведение хокимията Карманинского района, поставленных на учет в качестве пустующего земельного участка, после изменения категории их земельного фонда, на основе права постоянного пользования Агентству по управлению государственными активами.

12. Министерству транспорта в месячный срок принять меры по регистрации данных об организации в ООО «Международный аэропорт «Навои» проекта «TIR Park Navoi Airport» в базах данных международных транспортно-логистических и авиационных организаций, а также по их уведомлению.

13. Разрешить ООО «Международный аэропорт «Навои» без размещения объявления о проведении «запроса предложений» в электронной системе государственных закупок, а также без проведения общественных обсуждений, изучив предложения и (или) оферты потенциальных поставщиков на основе закупочных процедур «запроса предложений», закупать авиатопливо, противообледенительную жидкость, специальную технику по обслуживанию воздушных судов, а также запасные части, связанные с их техническим сервисным обслуживанием и ремонтом. При этом ООО «Международный аэропорт «Навои» до 1 января 2029 года освобождается от таможенной пошлины при импорте специальной техники по обслуживанию воздушных судов, запасных частей, связанных с их техническим сервисным обслуживанием и ремонтом.

14. АО «Узбекистон темир йуллари» обеспечивать на постоянной основе перевозку грузов ООО «Международный аэропорт «Навои» в приоритетном порядке.

15. Гостиницу «Silk Road palace», находящуюся в ведении Агентства по управлению государственными активами и расположенную на территории международного аэропорта «Навои», передать в ведение ООО «Международный аэропорт «Навои».

16. Агентству гражданской авиации обеспечить рассмотрение в ускоренном порядке и предоставление разрешений:

(а) по запросам ООО «Международный аэропорт «Навои» об осуществлении авиарейсов (транзитных, грузовых и пассажирских);

(б) по заявкам авиакомпаний на пользование всеми видами воздушных пространств для выполнения авиарейсов.

17. Министерству иностранных дел в соответствии с запросами ООО «Международный аэропорт «Навои» обеспечить оформление въездных виз зарубежным специалистам в ускоренном порядке в целях обеспечения их ротации.

18. Проектному офису комплексного развития транспорта и логистики Администрации Президента Республики Узбекистан осуществлять мониторинг эффективности деятельности аэропорта.

19. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

9 февраля 2026 г.,

№ ПП- 50

(Национальная база данных законодательства, 09.02.2026 г., № 07/26/50/0122)

lex.uz