📅 2026-yil 9-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 9 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 февраля 2026 г. · Постановления Президента
Официальный текст. Официальный документ. Редакционные примечания не включены.
📅 9 February 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Оғир» маҳаллаларда кичик қуёш электр станцияларини барпо этиш орқали камбағал оилаларни қўллаб-қувватлашнинг қўшимча чора-тадбирлари тўғрисида
Ўзбекистон Республикаси Президентининг 2026 йил 5 февралдаги «2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида»ги ПҚ-49-сон қарори ижросини таъминлаш, шу жумладан, мазкур қарор доирасида камбағаллик даражаси юқори бўлган 903 та маҳаллада кичик қуёш электр станцияларини барпо этиш орқали камбағал оилаларни барқарор даромад билан таъминлаш мақсадида қарор қиламан:
1. Энергетика вазирлиги Энергия самарадорлиги миллий агентлиги билан биргаликда «оғир» маҳаллаларга даромад келтирадиган актив сифатида 300 — 500 кВт соат қувватдаги кичик қуёш электр станцияларини ишга тушириши ҳамда мазкур лойиҳани молиялаштириш учун Тикланиш ва тараққиёт жамғармаси томонидан 110 миллион АҚШ доллари миқдорида маблағ ажратилиши маълумот учун қабул қилинсин.
2. Тикланиш ва тараққиёт жамғармасидан ажратиладиган маблағларнинг ҳисоби Энергетика вазирлигининг алоҳида ғазна ҳисобварағида юритилсин.
3. Энергетика вазирлиги Камбағалликни қисқартириш ва бандлик вазирлиги, Иқтисодиёт ва молия вазирлиги ҳамда бошқа манфаатдор вазирлик ва идоралар билан биргаликда бир ой муддатда қуйидагиларни назарда тутувчи Ўзбекистон Республикаси Президенти қарори лойиҳасини киритсин:
(а) кичик қуёш электр станцияларини барпо этиш ишларини қонунчиликда белгиланган тартибда лойиҳалаштириш, давлат экспертизасидан ўтказиш, тендер асосида пудрат ташкилотини аниқлаш ҳамда қурилиш-монтаж ишларини ташкил этиш;
(б) кичик қуёш электр станцияларини фойдаланишга қабул қилиш ҳамда бошқариш;
(в) кичик қуёш электр станцияларидан ишлаб чиқарилган электр энергиясини сотишдан тушган маблағларни тақсимлаш.
4. Қорақалпоғистон Республикаси Вазирлар Кенгаши ва вилоятлар ҳокимликлари бир ой муддатда камбағаллик даражаси юқори бўлган маҳаллаларда кичик қуёш электр станцияларини қуриш учун зарур бўлган ер участкаларини Энергетика вазирлигининг талабномасига мувофиқ доимий фойдаланиш ҳуқуқи асосида Энергетика вазирлигига белгиланган тартибда ажратсин. Бунда ер участкаларини ажратиш билан боғлиқ материалларни ишлаб чиқиш ва экологик экспертиза хулосаларини тақдим этиш Кадастр агентлиги ва Экология ва иқлим ўзгариши миллий қўмитаси томонидан бепул тарзда амалга оширилсин.
5. Энергетика вазирлиги Иқтисодиёт ва молия вазирлиги билан биргаликда 2026 йил якунига қадар маҳаллаларда кичик қуёш электр станцияларини барпо этиш бўйича амалга оширилган ишларни қайта ҳисоб-китоб қилиб, талаб этиладиган қўшимча маблағлар бўйича Вазирлар Маҳкамасига таклиф киритсин.
6. Қарор ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов, Қорақалпоғистон Республикаси Вазирлар Кенгаши Раиси ва вилоятлар ҳокимлари белгилансин.
7. Мазкур қарор ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 9 февраль,
ПҚ- 51 -сон
Oʻzbekiston Respublikasi Prezidentining
qarori
“Ogʻir” mahallalarda kichik quyosh elektr stansiyalarini barpo etish orqali kambagʻal oilalarni qoʻllab-quvvatlashning qoʻshimcha chora-tadbirlari toʻgʻrisida
Oʻzbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish oʻrinlarini yaratish hamda kambagʻallikni qisqartirish chora-tadbirlari toʻgʻrisida”gi PQ-49-son qarori ijrosini taʼminlash, shu jumladan, mazkur qaror doirasida kambagʻallik darajasi yuqori boʻlgan 903 ta mahallada kichik quyosh elektr stansiyalarini barpo etish orqali kambagʻal oilalarni barqaror daromad bilan taʼminlash maqsadida qaror qilaman:
1. Energetika vazirligi Energiya samaradorligi milliy agentligi bilan birgalikda “ogʻir” mahallalarga daromad keltiradigan aktiv sifatida 300 — 500 kVt soat quvvatdagi kichik quyosh elektr stansiyalarini ishga tushirishi hamda mazkur loyihani moliyalashtirish uchun Tiklanish va taraqqiyot jamgʻarmasi tomonidan 110 million AQSH dollari miqdorida mablagʻ ajratilishi maʼlumot uchun qabul qilinsin.
2. Tiklanish va taraqqiyot jamgʻarmasidan ajratiladigan mablagʻlarning hisobi Energetika vazirligining alohida gʻazna hisobvaragʻida yuritilsin.
3. Energetika vazirligi Kambagʻallikni qisqartirish va bandlik vazirligi, Iqtisodiyot va moliya vazirligi hamda boshqa manfaatdor vazirlik va idoralar bilan birgalikda bir oy muddatda quyidagilarni nazarda tutuvchi Oʻzbekiston Respublikasi Prezidenti qarori loyihasini kiritsin:
(a) kichik quyosh elektr stansiyalarini barpo etish ishlarini qonunchilikda belgilangan tartibda loyihalashtirish, davlat ekspertizasidan oʻtkazish, tender asosida pudrat tashkilotini aniqlash hamda qurilish-montaj ishlarini tashkil etish;
(b) kichik quyosh elektr stansiyalarini foydalanishga qabul qilish hamda boshqarish;
(v) kichik quyosh elektr stansiyalaridan ishlab chiqarilgan elektr energiyasini sotishdan tushgan mablagʻlarni taqsimlash.
4. Qoraqalpogʻiston Respublikasi Vazirlar Kengashi va viloyatlar hokimliklari bir oy muddatda kambagʻallik darajasi yuqori boʻlgan mahallalarda kichik quyosh elektr stansiyalarini qurish uchun zarur boʻlgan yer uchastkalarini Energetika vazirligining talabnomasiga muvofiq doimiy foydalanish huquqi asosida Energetika vazirligiga belgilangan tartibda ajratsin. Bunda yer uchastkalarini ajratish bilan bogʻliq materiallarni ishlab chiqish va ekologik ekspertiza xulosalarini taqdim etish Kadastr agentligi va Ekologiya va iqlim oʻzgarishi milliy qoʻmitasi tomonidan bepul tarzda amalga oshirilsin.
5. Energetika vazirligi Iqtisodiyot va moliya vazirligi bilan birgalikda 2026-yil yakuniga qadar mahallalarda kichik quyosh elektr stansiyalarini barpo etish boʻyicha amalga oshirilgan ishlarni qayta hisob-kitob qilib, talab etiladigan qoʻshimcha mablagʻlar boʻyicha Vazirlar Mahkamasiga taklif kiritsin.
6. Qaror ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov, Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.
7. Mazkur qaror ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 9-fevral,
PQ- 51 -son
Президента Республики Узбекистан
Постановление
О дополнительных мерах поддержки бедных семей путем строительства малых солнечных электростанций в «трудных» махаллях
В целях обеспечения исполнения постановления Президента Республики Узбекистан от 5 февраля 2026 года № ПП-49 «О мерах по увеличению доходов населения, созданию стабильных рабочих мест и сокращению бедности путем развития регионов на основе новых подходов в 2026 году», в том числе обеспечения бедных семей стабильным доходом путем строительства малых солнечных электростанций в 903 махаллях с высоким уровнем бедности в рамках данного постановления постановляю:
1. Принять к сведению ввод в эксплуатацию малых солнечных электростанций мощностью 300 — 500 кВт/час в «трудных» махаллях в качестве актива, приносящего доход, Министерством энергетики совместно с Национальным агентством по энергоэффективности и выделение Фондом реконструкции и развития средств в размере 110 миллионов долларов США на финансирование данного проекта.
2. Вести учет средств, выделяемых Фондом реконструкции и развития, на отдельном казначейском счете Министерства энергетики.
3. Министерству энергетики совместно с Министерством занятости и сокращения бедности, Министерством экономики и финансов, а также другими заинтересованными министерствами и ведомствами в месячный срок внести проект постановления Президента Республики Узбекистан, предусматривающий:
(а) проектирование, государственную экспертизу, определение подрядных организаций по строительству малых солнечных электростанций на основе тендера, а также организацию строительно-монтажных работ в порядке, установленном законодательством;
(б) прием в эксплуатацию малых солнечных электростанций и управление ими;
(в) распределение средств, поступающих от реализации электроэнергии, выработанной малыми солнечными электростанциями.
4. Совету Министров Республики Каракалпакстан и хокимиятам областей в месячный срок по заявкам Министерства энергетики выделить в установленном порядке Министерству энергетики земельные участки, необходимые для строительства малых солнечных электростанций в махаллях с высоким уровнем бедности, на основе права постоянного пользования. При этом Агентству по кадастру и Национальному комитету по экологии и изменению климата предоставить заключения экологической экспертизы и осуществить разработку материалов, связанных с выделением земельных участков, на безвозмездной основе.
5. Министерству энергетики совместно с Министерством экономики и финансов в срок до конца 2026 года провести перерасчет проведенных работ по строительству малых солнечных электростанций в махаллях и внести предложение о требуемых дополнительных средствах в Кабинет Министров.
6. Возложить на министра энергетики Ж.Т. Мирзамахмудова, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего постановления.
7. Контроль за исполнением настоящего постановления возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
9 февраля 2026 г.,
№ ПП- 51