UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

ТАРКИБИ

АСОСИЙ ВАЗИФАЛАРИ

МОЛИЯЛАШТИРИШ МАНБАЛАРИ

РЎЙХАТИ

ДАСТУРИ

Креатив иқтисодиётни ривожлантириш чора-тадбирлари тўғрисида

Креатив индустрия соҳаларини қўллаб-қувватлаш ва Ўзбекистон Республикасининг «Креатив иқтисодиёт тўғрисида»ги Қонуни ижросини таъминлаш мақсадида қарор қиламан:

I. Асосий мақсадлар

1. Қуйидагилар 2030 йилга қадар креатив иқтисодиётни ривожлантиришнинг асосий мақсадли кўрсаткичлари этиб белгилансин:

(а) креатив иқтисодиётнинг ялпи ички маҳсулотдаги улушини 5 фоизга — 145 триллион сўмга етказиш;

(б) креатив индустрия маҳсулотлари ва хизматлари экспортини 1 миллиард АҚШ долларидан ошириш;

(в) соҳада амалга оширилаётган лойиҳалар доирасида иш ўринларини 500 мингтага етказиш.

II. Креатив иқтисодиётни ривожлантириш бўйича ташкилий ва амалий чора-тадбирлар

2. Креатив иқтисодиётни ривожлантириш бўйича республика кенгаши 1-иловага мувофиқ таркибда тузилсин ва унинг асосий вазифалари 2-иловага мувофиқ тасдиқлансин.

3. Маданият ва санъатни ривожлантириш жамғармаси (кейинги ўринларда — Жамғарма)га тегишли Тошкент шаҳри Шайхонтоҳур тумани Форобий кўчасида жойлашган бино ва иншоотлар ҳамда ҳудуд негизида 2026-2027 йилларда биринчи босқичда қуйидагилардан иборат Креатив индустрия парки (кейинги ўринларда — Креатив парк) инфратузилмалари давлат-хусусий шериклик асосида ташкил этилсин:

(а) сайр этиш, дам олиш ва ҳордиқ чиқариш, арт-объект ва монументал санъат асарлари ҳудудларидан иборат яшил боғ;

(б) рақамли дизайн ва дастурлаш йўналишида нуфузли халқаро мактаб;

(в) бук-кафе, спорт ва воркаут майдончалари, меҳмонхона;

(г) бадиий ижодкорлар павильони, креатив устахоналар, экологик офис хоналари ва коворкинг маркази;

(д) кино ва видеомаҳсулотларни ишлаб чиқариш зоналари ҳамда овоз ёзиш студиялари;

(ж) Жамғарма билан келишилган ҳолда ижодкорлар ва креатив компаниялар учун замонавий экологик макон — Креатив индустриялар кампуси. Бунда Креатив парк ҳудуди хавфсизлик, инклюзивлик ва экологик тозалик талабларига жавоб берган ҳолда 24/7 режимида фаолият юритадиган очиқ жамоат макони сифатида ташкил этилади.

4. Креатив индустрия парки дирекцияси (кейинги ўринларда — Дирекция) фаолияти 3-иловадаги манбалар ҳисобидан молиялаштирилиши белгилансин.

5. Белгилансинки, Дирекция:

(а) шартнома асосида Креатив парк резидентлари ва бошқа хўжалик юритувчи субъектларга ишлаб чиқариш майдонлари, офислар, ўқув хоналари, конференц-заллар, аудиториялар ва бошқа хоналарни ижарага беради;

(б) мазкур қарорнинг 4-иловасидаги ҳудудларда креатив индустрия кластерларини ташкил қилиш учун уларни ижарага беради. Бунда Креатив парк резидентлари учун аукцион савдоларига қўйиладиган ижара ҳақи суммасининг бошланғич баҳоси 50 фоизга пасайтирилади.

III. Қарор ижросини ташкил этиш, таъминлаш ва назорат

6. Креатив иқтисодиётни ривожлантириш бўйича 2026-2027 йилларга мўлжалланган чора-тадбирлар дастури 5-иловага мувофиқ тасдиқлансин.

7. Ўзбекистон Республикаси Президентининг 2017 йил 16 октябрдаги «Ўзбекистон Республикаси Президенти Администрацияси ҳузурида Маданият ва санъатни ривожлантириш жамғармасини ташкил этиш тўғрисида»ги ПҚ-3325-сон қарори 4-бандининг тўртинчи хатбошиси қуйидаги таҳрирда баён этилсин:

«Жамғарма томонидан амалга ошириладиган лойиҳаларда чет эллик контрагентларни солиқлар ва тўловлардан 2030 йил 1 январга қадар бўлган даврда озод қилиш».

8. Мазкур қарорнинг ижросини самарали ташкил қилишга масъул ва шахсан жавобгар этиб Маданият ва санъатни ривожлантириш жамғармаси раиси Г.О. Умерова белгилансин.

9. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 16 февралдаги ПҚ-64-сон қарорига 1-ИЛОВА

Креатив иқтисодиётни ривожлантириш бўйича республика кенгаши

1. Г.О. Умерова — Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи, Маданият ва санъатни ривожлантириш жамғармаси раиси, Кенгаш раиси 2. Ш.Х. Шерматов — рақамли технологиялар вазири 3. О.А. Назарбеков — маданият вазири 4. А.Д. Ташкулов — адлия вазири 5. Б.С. Ҳамраев — Миллий статистика қўмитаси раиси 6. Ф.Ж. Пулатов — Солиқ қўмитаси раиси 7. И.И. Норқулов — иқтисодиёт ва молия вазирининг биринчи ўринбосари 8. Д.А. Вахабов — Савдо-саноат палатаси раиси 9. Ж.О. Аҳмедов — Болалар контентини ривожлантириш маркази раҳбари 10. Ф.Д. Усманов — Миллий кинематографияни ривожлантириш маркази директори 11. Х.Р. Салихов — Креатив индустрия парки дирекцияси директори 12. Келишув асосида * — креатив индустрия соҳаларидаги етакчи тадбиркор 13. Келишув асосида * — креатив индустрия соҳаларидаги халқаро эксперт 14. Келишув асосида * — креатив индустрия соҳаларидаги маҳаллий эксперт 15. А.А. Маннопов — Маданият ва санъатни ривожлантириш жамғармаси раисининг биринчи ўринбосари, Кенгаш котиби

Ўзбекистон Республикаси Президентининг 2026 йил 16 февралдаги ПҚ-64-сон қарорига 2-ИЛОВА

Креатив иқтисодиётни ривожлантириш бўйича республика кенгашининг

1. Креатив иқтисодиётни ривожлантириш ва креатив индустрия соҳаларини қўллаб-қувватлаш юзасидан таклифлар ишлаб чиқиш.

2. Креатив индустрия соҳаларидаги иқтисодий фаолият турларини белгилаш бўйича таклифлар ишлаб чиқиш.

3. Креатив индустриянинг истиқболли йўналишлари ва «ўсиш нуқталари»ни аниқлаш.

4. Креатив индустрия парки фаолиятини такомиллаштириш юзасидан тавсиялар ишлаб чиқиш ҳамда уларнинг фаолияти тўғрисидаги ахборотни эшитиш.

5. Креатив индустрия соҳаларида инвестицияларни жалб қилиш, экспорт салоҳиятини ошириш ва халқаро бозорларга чиқиш чораларини кўриш.

6. Креатив индустрия соҳаларида адолатли монетизация механизмларини такомиллаштириш ҳамда шу орқали интеллектуал мулк, шу жумладан, муаллифлик ҳуқуқларини ҳимоя қилиш юзасидан таклифлар ишлаб чиқиш.

7. Креатив индустрия соҳасида кадрлар тайёрлаш, қайта тайёрлаш ва улар малакасини ошириш тизимини такомиллаштириш юзасидан тавсиялар бериш.

8. Креатив индустрия соҳасида давлат органлари, хусусий сектор ва нодавлат ташкилотлар ўртасида самарали ҳамкорликни таъминлашга қаратилган чора-тадбирларни мувофиқлаштириш.

9. Республика ва маҳаллий ижро этувчи ҳокимият органлари ҳамда бошқа ташкилотларнинг мансабдор шахсларининг креатив иқтисодиёт соҳаларига тааллуқли масалалар юзасидан ахборотларини эшитиш ҳамда тегишли қарор қабул қилиш.

Ўзбекистон Республикаси Президентининг 2026 йил 16 февралдаги ПҚ-64-сон қарорига 3-ИЛОВА

Креатив индустрия парки дирекцияси фаолиятини

1. Креатив индустрия парки резидентлари томонидан тўланадиган аъзолик бадаллари.

2. Давлат бюджетидан Маданият ва санъатни ривожлантириш жамғармаси орқали ажратиладиган маблағлар.

3. Маданият ва санъатни ривожлантириш жамғармасининг ўз ҳисобидан ажратиладиган, шу жумладан, Креатив индустрия парки ҳудудида жойлашган давлат шеригига тегишли бўлган бино ва иншоотларни ижарага беришдан тушадиган маблағлар.

4. Товарларни (ишларни, хизматларни) яратиш ва реализация қилиш ҳамда бошқа фаолият турларидан олинадиган даромадлар.

5. Субсидиялар, грантлар ва ижтимоий буюртмалар.

6. Юридик ва жисмоний шахсларнинг ҳомийлик хайриялари.

7. Қонунчилик ҳужжатларида тақиқланмаган бошқа манбалар.

Ўзбекистон Республикаси Президентининг 2026 йил 16 февралдаги ПҚ-64-сон қарорига 4-ИЛОВА

Креатив индустрия кластерлари ташкил этиладиган ҳудудлар

Т/р Ҳудудлар номи Жойлашган шаҳар 1. Регистон майдони (Улуғбек, Шердор, Тиллакори мадрасалари) Самарқанд шаҳри 2. Халқаро замонавий санъат биенналеси доирасида қамраб олинган ҳудуд * Бухоро шаҳри 3. Ичан-қалъа мажмуаси Хива шаҳри

Ўзбекистон Республикаси Президентининг 2026 йил 16 февралдаги ПҚ-64-сон қарорига 5-ИЛОВА

Креатив иқтисодиётни ривожлантириш бўйича 2026-2027 йилларга мўлжалланган чора-тадбирлар

Т/р Чора-тадбирлар Ижро муддати Масъул ижрочилар 1. Қуйидагиларнинг тасдиқланишини назарда тутувчи Вазирлар Маҳкамаси қарори лойиҳасини киритиш: Креатив иқтисодиётни ривожлантириш бўйича республика кенгаши тўғрисидаги низом; Креатив индустрия паркини тузиш ва унинг фаолиятини ташкил этиш тўғрисида низом; Креатив индустрия соҳаларидаги иқтисодий фаолият турлари рўйхати. 2026 йил февраль Маданият ва санъатни ривожлантириш жамғармаси, Иқтисодиёт ва молия вазирлиги, Миллий статистика қўмитаси, Солиқ қўмитаси 2. Миллий статистика қўмитаси таркибида амалдаги штат бирликлари доирасида 4 та штат бирлигидан иборат креатив иқтисодиёт ҳисобини юритувчи алоҳида тузилма ташкил этиш. 2026 йил март Миллий статистика қўмитаси, Маданият ва санъатни ривожлантириш жамғармаси, Иқтисодиёт ва молия вазирлиги Креатив маҳсулотлар ҳажмининг мамлакат ялпи ички маҳсулотдаги улушини ҳисоблашнинг замонавий механизмларини жорий этиш. 2026 йил июль 3. Креатив маҳсулотлар юзасидан молиявий ва статистик ҳисоботларни мобил илова орқали соддалаштирилган тартибда электрон тақдим этиш тизимини яратиш. 2026 йил апрель Солиқ қўмитаси, Миллий статистика қўмитаси, Рақамли технологиялар вазирлиги, Маданият ва санъатни ривожлантириш жамғармаси 4. Тошкент шаҳри Шайхонтоҳур тумани Форобий кўчасида жойлашган бўш турган тегишли бино-иншоотларни креатив индустрия парки барпо этиш учун Маданият ва санъатни ривожлантириш жамғармасига оператив бошқарув ҳуқуқи асосида беғараз ўтказишни якунлаш ва кадастр ҳужжатларини давлат рўйхатидан ўтказиш. 2026 йил февраль Кадастр агентлиги, Давлат активларини бошқариш агентлиги, Соғлиқни сақлаш вазирлиги, Тошкент шаҳри ҳокимлиги, Маданият ва санъатни ривожлантириш жамғармаси 5. Тошкент шаҳри Шайхонтоҳур тумани Форобий кўчасида ташкил этиладиган креатив индустрия паркини муҳандислик-коммуникация тармоқлари (электр, газ, сув, иссиқлик, канализация ҳамда йўллар)га уланишини таъминлаш. Бино-иншоотлар қурилиши якуни билан Тошкент шаҳри ҳокимлиги, Энергетика вазирлиги, Қурилиш ва уй-жой коммунал хўжалиги вазирлиги, Транспорт вазирлиги, Автомобиль йўллари қўмитаси, тегишли вазирлик ва идоралар 6. Буюртмачи, лойиҳа ва пудрат ташкилотларига белгиланган тартибда шакллантириладиган рўйхатлар бўйича олиб кириладиган ва Ўзбекистон Республикасида ишлаб чиқарилмайдиган креатив маҳсулотларни ишлаб чиқариш учун зарур хомашёлар ва асбоб-ускуналарни божхона божидан уч йил муддатга озод этишни назарда тутувчи норматив-ҳуқуқий ҳужжат лойиҳасини Вазирлар Маҳкамасига киритиш. 2026 йил июнь Маданият ва санъатни ривожлантириш жамғармаси, Иқтисодиёт ва молия вазирлиги, Инвестициялар, саноат ва савдо вазирлиги, Божхона қўмитаси 7. Креатив индустрия паркини янада кенгайтириш ва замонавий форматда ташкил этиш бўйича Янги Тошкент ҳудудидан ер майдони ажратиш ва уни барпо этишни молиялаштириш манбаларини назарда тутувчи тегишли норматив-ҳуқуқий ҳужжат лойиҳасини ишлаб чиқиш ва киритиш. 2026 йил апрель Вазирлар Маҳкамаси, Давлат активларини бошқариш агентлиги, Тошкент шаҳри ҳокимлиги, Адлия вазирлиги, Қурилиш ва уй-жой коммунал хўжалиги вазирлиги, Кадастр агентлиги, Маданият ва санъатни ривожлантириш жамғармаси, Янги Тошкент шаҳрини барпо этиш дирекцияси 8. Креатив индустрия парки дирекцияси резиденти мақомини олган юридик ва жисмоний шахслар тўғрисидаги маълумотларнинг электрон ахборот алмашинувини йўлга қўйиш мақсадида: Маданият ва санъатни ривожлантириш жамғармаси, Солиқ қўмитаси, Миллий статистика қўмитаси, Рақамли технологиялар вазирлиги, Адлия вазирлиги Креатив индустрия парки дирекциясининг ахборотлар базасини яратиш; 2026 йил август Креатив индустрия паркининг ахборотлар базасини давлат органлари ва идораларининг ахборот базалари билан ўзаро интеграция қилиш. 2026 йил декабрь 9. Креатив иқтисодиёт соҳасида интеллектуал мулк объектларини ҳимоя қилиш ва уларни тижоратлаштиришни такомиллаштириш бўйича таклифлар ишлаб чиқиш. 2026 йил декабрь Креатив индустрия парки дирекцияси, Маданият вазирлиги, Адлия вазирлиги 10. Креатив индустрия парки резидентлари томонидан ишлаб чиқарилган креатив маҳсулотлар бўйича давлат харидларини амалга ошириш учун давлат харидлари электрон тизимларида алоҳида бўлим ташкил этиш. 2026 йил декабрь Иқтисодиёт ва молия вазирлиги, Маданият ва санъатни ривожлантириш жамғармаси, Креатив индустрия парки дирекцияси 11. Нукус шаҳрининг «Истиқлол» маданият ва истироҳат боғи, унинг ҳудудидаги павильон ва ангарни реконструкция қилиш, шунингдек, болалар кутубхонаси биносини барпо этишни лойиҳалаштириш ва қурилиш-монтаж ишларини амалга ошириш ҳамда ушбу ҳудудни креатив парк сифатида ташкил этишни молиялаштириш манбаларини белгилаш юзасидан таклиф киритиш. 2026 йил март Иқтисодиёт ва молия вазирлиги, Қурилиш ва уй-жой коммунал хўжалиги вазирлиги, Маданият ва санъатни ривожлантириш жамғармаси, Қорақалпоғистон Республикаси Вазирлар Кенгаши 12. Креатив индустрия парки резидентлари ҳамда улар томонидан ишлаб чиқариладиган креатив маҳсулотлар давлат харидларида иштирок этиши учун уларнинг реестрини шакллантириш, креатив индустрия паркининг расмий веб-сайтидаги ҳамда реестрдаги маълумотларни мунтазам янгилаб бориш. 2026 йил майдан бошлаб доимий Маданият ва санъатни ривожлантириш жамғармаси, Креатив индустрия парки дирекцияси

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 16 февраль,

ПҚ- 64 -сон

(Қонунчилик маълумотлари миллий базаси, 17.02.2026 й., 07/26/64/0147-сон)

lex.uz

OʻZBEKISTON RESPUBLIKASI PREZIDENTINING

QARORI

TARKIBI

ASOSIY VAZIFALARI

MOLIYALASHTIRISH MANBALARI

ROʻYXATI

DASTURI

Kreativ iqtisodiyotni rivojlantirish chora-tadbirlari toʻgʻrisida

Kreativ industriya sohalarini qoʻllab-quvvatlash va Oʻzbekiston Respublikasining “Kreativ iqtisodiyot toʻgʻrisida”gi Qonuni ijrosini taʼminlash maqsadida qaror qilaman:

I. Asosiy maqsadlar

1. Quyidagilar 2030-yilga qadar kreativ iqtisodiyotni rivojlantirishning asosiy maqsadli koʻrsatkichlari etib belgilansin:

(a) kreativ iqtisodiyotning yalpi ichki mahsulotdagi ulushini 5 foizga — 145 trillion soʻmga yetkazish;

(b) kreativ industriya mahsulotlari va xizmatlari eksportini 1 milliard AQSH dollaridan oshirish;

(v) sohada amalga oshirilayotgan loyihalar doirasida ish oʻrinlarini 500 mingtaga yetkazish.

II. Kreativ iqtisodiyotni rivojlantirish boʻyicha tashkiliy va amaliy chora-tadbirlar

2. Kreativ iqtisodiyotni rivojlantirish boʻyicha respublika kengashi 1-ilovaga muvofiq tarkibda tuzilsin va uning asosiy vazifalari 2-ilovaga muvofiq tasdiqlansin.

3. Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma)ga tegishli Toshkent shahri Shayxontohur tumani Forobiy koʻchasida joylashgan bino va inshootlar hamda hudud negizida 2026-2027-yillarda birinchi bosqichda quyidagilardan iborat Kreativ industriya parki (keyingi oʻrinlarda — Kreativ park) infratuzilmalari davlat-xususiy sheriklik asosida tashkil etilsin:

(a) sayr etish, dam olish va hordiq chiqarish, art-obyekt va monumental sanʼat asarlari hududlaridan iborat yashil bogʻ;

(b) raqamli dizayn va dasturlash yoʻnalishida nufuzli xalqaro maktab;

(v) buk-kafe, sport va vorkaut maydonchalari, mehmonxona;

(g) badiiy ijodkorlar pavilyoni, kreativ ustaxonalar, ekologik ofis xonalari va kovorking markazi;

(d) kino va videomahsulotlarni ishlab chiqarish zonalari hamda ovoz yozish studiyalari;

(j) Jamgʻarma bilan kelishilgan holda ijodkorlar va kreativ kompaniyalar uchun zamonaviy ekologik makon — Kreativ industriyalar kampusi. Bunda Kreativ park hududi xavfsizlik, inklyuzivlik va ekologik tozalik talablariga javob bergan holda 24/7 rejimida faoliyat yuritadigan ochiq jamoat makoni sifatida tashkil etiladi.

4. Kreativ industriya parki direksiyasi (keyingi oʻrinlarda — Direksiya) faoliyati 3-ilovadagi manbalar hisobidan moliyalashtirilishi belgilansin.

5. Belgilansinki, Direksiya:

(a) shartnoma asosida Kreativ park rezidentlari va boshqa xoʻjalik yurituvchi subyektlarga ishlab chiqarish maydonlari, ofislar, oʻquv xonalari, konferens-zallar, auditoriyalar va boshqa xonalarni ijaraga beradi;

(b) mazkur qarorning 4-ilovasidagi hududlarda kreativ industriya klasterlarini tashkil qilish uchun ularni ijaraga beradi. Bunda Kreativ park rezidentlari uchun auksion savdolariga qoʻyiladigan ijara haqi summasining boshlangʻich bahosi 50 foizga pasaytiriladi.

III. Qaror ijrosini tashkil etish, taʼminlash va nazorat

6. Kreativ iqtisodiyotni rivojlantirish boʻyicha 2026-2027-yillarga moʻljallangan chora-tadbirlar dasturi 5-ilovaga muvofiq tasdiqlansin.

7. Oʻzbekiston Respublikasi Prezidentining 2017-yil 16-oktabrdagi “Oʻzbekiston Respublikasi Prezidenti Administratsiyasi huzurida Madaniyat va sanʼatni rivojlantirish jamgʻarmasini tashkil etish toʻgʻrisida”gi PQ-3325-son qarori 4-bandining toʻrtinchi xatboshisi quyidagi tahrirda bayon etilsin:

“Jamgʻarma tomonidan amalga oshiriladigan loyihalarda chet ellik kontragentlarni soliqlar va toʻlovlardan 2030-yil 1-yanvarga qadar boʻlgan davrda ozod qilish”.

8. Mazkur qarorning ijrosini samarali tashkil qilishga masʼul va shaxsan javobgar etib Madaniyat va sanʼatni rivojlantirish jamgʻarmasi raisi G.O. Umerova belgilansin.

9. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 16-fevraldagi PQ-64-son qaroriga 1-ILOVA

Kreativ iqtisodiyotni rivojlantirish boʻyicha respublika kengashi

1. G.O. Umerova — Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi, Madaniyat va sanʼatni rivojlantirish jamgʻarmasi raisi, Kengash raisi 2. Sh.X. Shermatov — raqamli texnologiyalar vaziri 3. O.A. Nazarbekov — madaniyat vaziri 4. A.D. Tashkulov — adliya vaziri 5. B.S. Hamrayev — Milliy statistika qoʻmitasi raisi 6. F.J. Pulatov — Soliq qoʻmitasi raisi 7. I.I. Norqulov — iqtisodiyot va moliya vazirining birinchi oʻrinbosari 8. D.A. Vaxabov — Savdo-sanoat palatasi raisi 9. J.O. Ahmedov — Bolalar kontentini rivojlantirish markazi rahbari 10. F.D. Usmanov — Milliy kinematografiyani rivojlantirish markazi direktori 11. X.R. Salixov — Kreativ industriya parki direksiyasi direktori 12. Kelishuv asosida * — kreativ industriya sohalaridagi yetakchi tadbirkor 13. Kelishuv asosida * — kreativ industriya sohalaridagi xalqaro ekspert 14. Kelishuv asosida * — kreativ industriya sohalaridagi mahalliy ekspert 15. A.A. Mannopov — Madaniyat va sanʼatni rivojlantirish jamgʻarmasi raisining birinchi oʻrinbosari, Kengash kotibi

Oʻzbekiston Respublikasi Prezidentining 2026-yil 16-fevraldagi PQ-64-son qaroriga 2-ILOVA

Kreativ iqtisodiyotni rivojlantirish boʻyicha respublika kengashining

1. Kreativ iqtisodiyotni rivojlantirish va kreativ industriya sohalarini qoʻllab-quvvatlash yuzasidan takliflar ishlab chiqish.

2. Kreativ industriya sohalaridagi iqtisodiy faoliyat turlarini belgilash boʻyicha takliflar ishlab chiqish.

3. Kreativ industriyaning istiqbolli yoʻnalishlari va “oʻsish nuqtalari”ni aniqlash.

4. Kreativ industriya parki faoliyatini takomillashtirish yuzasidan tavsiyalar ishlab chiqish hamda ularning faoliyati toʻgʻrisidagi axborotni eshitish.

5. Kreativ industriya sohalarida investitsiyalarni jalb qilish, eksport salohiyatini oshirish va xalqaro bozorlarga chiqish choralarini koʻrish.

6. Kreativ industriya sohalarida adolatli monetizatsiya mexanizmlarini takomillashtirish hamda shu orqali intellektual mulk, shu jumladan, mualliflik huquqlarini himoya qilish yuzasidan takliflar ishlab chiqish.

7. Kreativ industriya sohasida kadrlar tayyorlash, qayta tayyorlash va ular malakasini oshirish tizimini takomillashtirish yuzasidan tavsiyalar berish.

8. Kreativ industriya sohasida davlat organlari, xususiy sektor va nodavlat tashkilotlar oʻrtasida samarali hamkorlikni taʼminlashga qaratilgan chora-tadbirlarni muvofiqlashtirish.

9. Respublika va mahalliy ijro etuvchi hokimiyat organlari hamda boshqa tashkilotlarning mansabdor shaxslarining kreativ iqtisodiyot sohalariga taalluqli masalalar yuzasidan axborotlarini eshitish hamda tegishli qaror qabul qilish.

Oʻzbekiston Respublikasi Prezidentining 2026-yil 16-fevraldagi PQ-64-son qaroriga 3-ILOVA

Kreativ industriya parki direksiyasi faoliyatini

1. Kreativ industriya parki rezidentlari tomonidan toʻlanadigan aʼzolik badallari.

2. Davlat budjetidan Madaniyat va sanʼatni rivojlantirish jamgʻarmasi orqali ajratiladigan mablagʻlar.

3. Madaniyat va sanʼatni rivojlantirish jamgʻarmasining oʻz hisobidan ajratiladigan, shu jumladan, Kreativ industriya parki hududida joylashgan davlat sherigiga tegishli boʻlgan bino va inshootlarni ijaraga berishdan tushadigan mablagʻlar.

4. Tovarlarni (ishlarni, xizmatlarni) yaratish va realizatsiya qilish hamda boshqa faoliyat turlaridan olinadigan daromadlar.

5. Subsidiyalar, grantlar va ijtimoiy buyurtmalar.

6. Yuridik va jismoniy shaxslarning homiylik xayriyalari.

7. Qonunchilik hujjatlarida taqiqlanmagan boshqa manbalar.

Oʻzbekiston Respublikasi Prezidentining 2026-yil 16-fevraldagi PQ-64-son qaroriga 4-ILOVA

Kreativ industriya klasterlari tashkil etiladigan hududlar

T/r Hududlar nomi Joylashgan shahar 1. Registon maydoni (Ulugʻbek, Sherdor, Tillakori madrasalari) Samarqand shahri 2. Xalqaro zamonaviy sanʼat biyennalesi doirasida qamrab olingan hudud * Buxoro shahri 3. Ichan-qalʼa majmuasi Xiva shahri

Oʻzbekiston Respublikasi Prezidentining 2026-yil 16-fevraldagi PQ-64-son qaroriga 5-ILOVA

Kreativ iqtisodiyotni rivojlantirish boʻyicha 2026-2027-yillarga moʻljallangan chora-tadbirlar

T/r Chora-tadbirlar Ijro muddati Masʼul ijrochilar 1. Quyidagilarning tasdiqlanishini nazarda tutuvchi Vazirlar Mahkamasi qarori loyihasini kiritish: Kreativ iqtisodiyotni rivojlantirish boʻyicha respublika kengashi toʻgʻrisidagi nizom; Kreativ industriya parkini tuzish va uning faoliyatini tashkil etish toʻgʻrisida nizom; Kreativ industriya sohalaridagi iqtisodiy faoliyat turlari roʻyxati. 2026-yil fevral Madaniyat va sanʼatni rivojlantirish jamgʻarmasi, Iqtisodiyot va moliya vazirligi, Milliy statistika qoʻmitasi, Soliq qoʻmitasi 2. Milliy statistika qoʻmitasi tarkibida amaldagi shtat birliklari doirasida 4 ta shtat birligidan iborat kreativ iqtisodiyot hisobini yurituvchi alohida tuzilma tashkil etish. 2026-yil mart Milliy statistika qoʻmitasi, Madaniyat va sanʼatni rivojlantirish jamgʻarmasi, Iqtisodiyot va moliya vazirligi Kreativ mahsulotlar hajmining mamlakat yalpi ichki mahsulotdagi ulushini hisoblashning zamonaviy mexanizmlarini joriy etish. 2026-yil iyul 3. Kreativ mahsulotlar yuzasidan moliyaviy va statistik hisobotlarni mobil ilova orqali soddalashtirilgan tartibda elektron taqdim etish tizimini yaratish. 2026-yil aprel Soliq qoʻmitasi, Milliy statistika qoʻmitasi, Raqamli texnologiyalar vazirligi, Madaniyat va sanʼatni rivojlantirish jamgʻarmasi 4. Toshkent shahri Shayxontohur tumani Forobiy koʻchasida joylashgan boʻsh turgan tegishli bino-inshootlarni kreativ industriya parki barpo etish uchun Madaniyat va sanʼatni rivojlantirish jamgʻarmasiga operativ boshqaruv huquqi asosida begʻaraz oʻtkazishni yakunlash va kadastr hujjatlarini davlat roʻyxatidan oʻtkazish. 2026-yil fevral Kadastr agentligi, Davlat aktivlarini boshqarish agentligi, Sogʻliqni saqlash vazirligi, Toshkent shahri hokimligi, Madaniyat va sanʼatni rivojlantirish jamgʻarmasi 5. Toshkent shahri Shayxontohur tumani Forobiy koʻchasida tashkil etiladigan kreativ industriya parkini muhandislik-kommunikatsiya tarmoqlari (elektr, gaz, suv, issiqlik, kanalizatsiya hamda yoʻllar)ga ulanishini taʼminlash. Bino-inshootlar qurilishi yakuni bilan Toshkent shahri hokimligi, Energetika vazirligi, Qurilish va uy-joy kommunal xoʻjaligi vazirligi, Transport vazirligi, Avtomobil yoʻllari qoʻmitasi, tegishli vazirlik va idoralar 6. Buyurtmachi, loyiha va pudrat tashkilotlariga belgilangan tartibda shakllantiriladigan roʻyxatlar boʻyicha olib kiriladigan va Oʻzbekiston Respublikasida ishlab chiqarilmaydigan kreativ mahsulotlarni ishlab chiqarish uchun zarur xomashyolar va asbob-uskunalarni bojxona bojidan uch yil muddatga ozod etishni nazarda tutuvchi normativ-huquqiy hujjat loyihasini Vazirlar Mahkamasiga kiritish. 2026-yil iyun Madaniyat va sanʼatni rivojlantirish jamgʻarmasi, Iqtisodiyot va moliya vazirligi, Investitsiyalar, sanoat va savdo vazirligi, Bojxona qoʻmitasi 7. Kreativ industriya parkini yanada kengaytirish va zamonaviy formatda tashkil etish boʻyicha Yangi Toshkent hududidan yer maydoni ajratish va uni barpo etishni moliyalashtirish manbalarini nazarda tutuvchi tegishli normativ-huquqiy hujjat loyihasini ishlab chiqish va kiritish. 2026-yil aprel Vazirlar Mahkamasi, Davlat aktivlarini boshqarish agentligi, Toshkent shahri hokimligi, Adliya vazirligi, Qurilish va uy-joy kommunal xoʻjaligi vazirligi, Kadastr agentligi, Madaniyat va sanʼatni rivojlantirish jamgʻarmasi, Yangi Toshkent shahrini barpo etish direksiyasi 8. Kreativ industriya parki direksiyasi rezidenti maqomini olgan yuridik va jismoniy shaxslar toʻgʻrisidagi maʼlumotlarning elektron axborot almashinuvini yoʻlga qoʻyish maqsadida: Madaniyat va sanʼatni rivojlantirish jamgʻarmasi, Soliq qoʻmitasi, Milliy statistika qoʻmitasi, Raqamli texnologiyalar vazirligi, Adliya vazirligi Kreativ industriya parki direksiyasining axborotlar bazasini yaratish; 2026-yil avgust Kreativ industriya parkining axborotlar bazasini davlat organlari va idoralarining axborot bazalari bilan oʻzaro integratsiya qilish. 2026-yil dekabr 9. Kreativ iqtisodiyot sohasida intellektual mulk obyektlarini himoya qilish va ularni tijoratlashtirishni takomillashtirish boʻyicha takliflar ishlab chiqish. 2026-yil dekabr Kreativ industriya parki direksiyasi, Madaniyat vazirligi, Adliya vazirligi 10. Kreativ industriya parki rezidentlari tomonidan ishlab chiqarilgan kreativ mahsulotlar boʻyicha davlat xaridlarini amalga oshirish uchun davlat xaridlari elektron tizimlarida alohida boʻlim tashkil etish. 2026-yil dekabr Iqtisodiyot va moliya vazirligi, Madaniyat va sanʼatni rivojlantirish jamgʻarmasi, Kreativ industriya parki direksiyasi 11. Nukus shahrining “Istiqlol” madaniyat va istirohat bogʻi, uning hududidagi pavilyon va angarni rekonstruksiya qilish, shuningdek, bolalar kutubxonasi binosini barpo etishni loyihalashtirish va qurilish-montaj ishlarini amalga oshirish hamda ushbu hududni kreativ park sifatida tashkil etishni moliyalashtirish manbalarini belgilash yuzasidan taklif kiritish. 2026-yil mart Iqtisodiyot va moliya vazirligi, Qurilish va uy-joy kommunal xoʻjaligi vazirligi, Madaniyat va sanʼatni rivojlantirish jamgʻarmasi, Qoraqalpogʻiston Respublikasi Vazirlar Kengashi 12. Kreativ industriya parki rezidentlari hamda ular tomonidan ishlab chiqariladigan kreativ mahsulotlar davlat xaridlarida ishtirok etishi uchun ularning reyestrini shakllantirish, kreativ industriya parkining rasmiy veb-saytidagi hamda reyestrdagi maʼlumotlarni muntazam yangilab borish. 2026-yil maydan boshlab doimiy Madaniyat va sanʼatni rivojlantirish jamgʻarmasi, Kreativ industriya parki direksiyasi

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 16-fevral,

PQ- 64 -son

(Qonunchilik maʼlumotlari milliy bazasi, 17.02.2026-y., 07/26/64/0147-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О мерах по развитию креативной экономики

В целях поддержки сфер креативной индустрии и обеспечения исполнения Закона Республики Узбекистан «О креативной экономике» постановляю:

I. Основные цели

1. Определить основными целевыми показателями развития креативной экономики до 2030 года:

(а) доведение доли креативной экономики в валовом внутреннем продукте до 5 процентов — до 145 трлн сумов;

(б) увеличение экспорта продукции и услуг креативной индустрии свыше 1 млрд долларов США;

(в) доведение количества рабочих мест в рамках реализуемых в сфере проектов до 500 тысяч.

II. Организационные и практические меры по развитию креативной экономики

2. Образовать Республиканский совет по развитию креативной экономики в составе согласно приложению № 1 * и утвердить его основные задачи согласно приложению № 2 * .

3. Создать на базе зданий и сооружений, а также прилегающей территории, расположенных по улице Фараби Шайхантахурского района города Ташкента, принадлежащих Фонду развития культуры и искусства (далее — Фонд), в 2026-2027 годах на первом этапе на основе государственно-частного партнерства инфраструктуру Парка креативной индустрии (далее — Креативный парк), состоящую из:

(а) зеленого парка, включающего территории для прогулок, отдыха и проведения досуга, арт-объектов и произведений монументального искусства;

(б) престижной международной школы по направлению цифрового дизайна и программирования;

(в) бук-кафе, спортивных и воркаут-площадок, гостиницы;

(г) павильона художественных творцов, креативных мастерских, экологичных офисных помещений и коворкинг-центра;

(д) зон производства кино и видеопродукции, а также студий звукозаписи;

(ж) по согласованию с Фондом — современного экологичного пространства для творческих деятелей и креативных компаний — Кампуса креативных индустрий. При этом территория Креативного парка создается в качестве открытого общественного пространства, функционирующего в режиме 24/7, отвечающего требованиям безопасности, инклюзивности и экологической чистоты.

4. Установить, что деятельность Дирекции Парка креативной индустрии (далее — Дирекция) финансируется за счет источников, предусмотренных приложением № 3 * .

5. Определить, что Дирекция:

(а) предоставляет в аренду резидентам Креативного парка и другим хозяйствующим субъектам производственные площади, офисы, учебные классы, конференц-залы, аудитории и другие помещения на основе договора;

(б) предоставляет в аренду территории, предусмотренные приложением № 4 * к настоящему постановлению, для создания кластеров креативной индустрии. При этом начальная цена суммы арендной платы, выставляемой на аукционные торги для резидентов Креативного парка, понижается на 50 процентов.

III. Организация, обеспечение и контроль исполнения постановления

6. Утвердить Программу мер по развитию креативной экономики на 2026-2027 годы согласно приложению № 5 * .

7. Абзац четвертый пункта 4 постановления Президента Республики Узбекистан от 16 октября 2017 года № ПП-3325 «О создании Фонда развития культуры и искусства при Администрации Президента Республики Узбекистан» изложить в следующей редакции:

«освобождение иностранных контрагентов от налогов и платежей по проектам, реализуемым Фондом, в период до 1 января 2030 года».

8. Возложить на председателя Фонда развития культуры и искусства Г.О. Умерову персональную ответственность за эффективную организацию исполнения настоящего постановления.

9. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

16 февраля 2026 г.,

№ ПП- 64

(Национальная база данных законодательства, 17.02.2026 г., № 07/26/64/0147)

lex.uz