📅 2026-yil 17-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 17 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 февраля 2026 г. · Постановления Президента
Официальный текст. Официальный документ. Редакционные примечания не включены.
📅 17 February 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
ҚАРОРИ
Муборак Рамазон ойида эҳтиёжманд аҳолини давлат томонидан ижтимоий қўллаб-қувватлаш чоралари тўғрисида
Халқимиз учун эзгулик, бирдамлик, олижаноблик ва шукроналик тимсоли бўлган қутлуғ Рамазон ойини муносиб ўтказиш ҳамда аҳолининг эҳтиёжманд қатламини давлат томонидан қўшимча қўллаб-қувватлаш мақсадида қарор қиламан:
I. Давлат томонидан қўллаб-қувватлаш
1. Ўзбекистон мусулмонлари идораси, Ижтимоий ҳимоя миллий агентлиги (кейинги ўринларда — Агентлик) ҳамда «Вақф» хайрия жамоат фондининг 2026 йилдаги Рамазон ойи муносабати билан аҳолининг эҳтиёжманд қатламини ижтимоий-иқтисодий жиҳатдан қўллаб-қувватлашга қаратилган таклифига розилик берилсин. Бунда:
(а) Ижтимоий реестрнинг «давлат таъминотидаги оила» тоифасидаги оилалар, ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг реестридаги фуқаролар, шунингдек, етим ва ота-она қарамоғидан маҳрум бўлган болалар яшаётган оилаларга 1 миллион сўмдан бир марталик моддий ёрдам кўрсатилади;
(б) Ижтимоий реестрнинг «камбағал оила» тоифасидаги ҳамда «маҳалла еттилиги» томонидан шакллантирилган қўшимча рўйхатдаги эҳтиёжманд оилаларга 500 минг сўмдан бир марталик моддий ёрдам кўрсатилади;
(в) Ижтимоий реестрдаги оилаларнинг 6 минг нафар бемор аъзоларининг даволаниши ва жарроҳлик амалиётини ўтказиш билан боғлиқ харажатлари қоплаб берилади.
II. Молиявий ресурслар
2. Белгилансинки, мазкур қарорнинг 1-бандида назарда тутилган тадбирлар учун Иқтисодиёт ва молия вазирлиги ва Агентлик томонидан «Вақф» хайрия жамоат фондига ажратиладиган 800 миллиард сўм миқдоридаги маблағлар ҳисобидан молиялаштирилади.
Бунда мазкур қарорнинг 1-банди «а» ва «б» кичик бандиларига мувофиқ бериладиган молиявий ёрдамлар Ўзбекистон Республикаси Солиқ кодексига асосан жисмоний шахслардан олинадиган даромад солиғини ҳисоблашда жами даромад таркибига киритилмайди.
III. Қарор ижросини ташкил этиш, таъминлаш ва назорат
3. Агентлик ва Ўзбекистон маҳаллалари уюшмаси билан биргаликда беш кун муддатда мазкур қарорнинг 1-бандида назарда тутилган моддий ёрдамлар ажратиладиган оилаларнинг электрон рўйхатини (кейинги ўринларда — Рўйхат) шакллантирсин ҳамда «Вақф» хайрия жамоат фондига тақдим этсин.
Бунда мазкур қарор 1-бандининг «б» кичик бандига мувофиқ «маҳалла еттилиги» томонидан шакллантирилган қўшимча эҳтиёжманд оилалар рўйхати туман (шаҳар) ҳокимлари томонидан тасдиқланади ва унга киритилган эҳтиёжманд оилалар сони ушбу туман (шаҳар)даги Ижтимоий реестрга киритилган «давлат таъминотидаги оила» тоифасидаги оилалар умумий сонининг 20 фоизидан ошмаслиги лозим.
4. Соғлиқни сақлаш вазирлиги:
(а) «Давлат ахборот тизимларини яратиш ва қўллаб-қувватлаш бўйича ягона интегратор — «UZINFOCOM» МЧЖ билан биргаликда 2026 йил 1 мартга қадар мазкур қарорга мувофиқ даволанадиган ёки жарроҳлик амалиёти ўтказиладиган беморларни тиббиёт ташкилотларига йўллаш бўйича ахборот модулини ишга туширсин;
(б) даволаниш ёки жарроҳлик амалиётига муҳтож Ижтимоий реестрдаги оилаларнинг аъзоларини ахборот модулига киритган ҳолда тегишли тиббиёт ташкилотига йўлланиши ва даволанишини ташкил қилсин;
(в) даволанган ёки жарроҳлик амалиёти ўтказилган Ижтимоий реестрдаги оилаларнинг аъзолари, уларга кўрсатилган хизматлар тўғрисидаги маълумотларни ва тиббиёт ташкилотларига тўланиши лозим бўлган маблағлар ҳисоб-китобини «Вақф» хайрия жамоат фондига тақдим этиб борсин.
5. «Вақф» хайрия жамоат фонди:
(а) 2026 йил 1 мартга қадар АТ «Халқ банки» ва Агентлик билан биргаликда Рўйхат асосида оилаларнинг ижтимоий карта ёки банк пластик карталарига бир марталик моддий ёрдамни ўтказсин;
(б) даволанган ёки жарроҳлик амалиёти ўтказилган Ижтимоий реестрдаги оилаларнинг аъзолари ва уларга кўрсатилган хизматлар учун зарур маблағларни Давлат тиббий суғуртаси жамғармасининг маълумотлари асосида тегишли тиббиёт ташкилотларига ўтказиб борсин.
6. Ўзбекистон Миллий ахборот агентлиги Ўзбекистон Миллий телерадиокомпанияси билан биргаликда ушбу қарорнинг оммавий ахборот воситалари, интернет ва ижтимоий тармоқларда кенг ёритилишини ташкил қилсин.
7. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров ҳамда Ўзбекистон Республикаси Президентининг маслаҳатчиси — Ижтимоий ҳимоя миллий агентлиги директори М.П. Оллоёров белгилансин.
8. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 17 февраль,
ПҚ-67-сон
Oʻzbekiston Respublikasi Prezidentining
QARORI
Muborak Ramazon oyida ehtiyojmand aholini davlat tomonidan ijtimoiy qoʻllab-quvvatlash choralari toʻgʻrisida
Xalqimiz uchun ezgulik, birdamlik, olijanoblik va shukronalik timsoli boʻlgan qutlugʻ Ramazon oyini munosib oʻtkazish hamda aholining ehtiyojmand qatlamini davlat tomonidan qoʻshimcha qoʻllab-quvvatlash maqsadida qaror qilaman:
I. Davlat tomonidan qoʻllab-quvvatlash
1. Oʻzbekiston musulmonlari idorasi, Ijtimoiy himoya milliy agentligi (keyingi oʻrinlarda — Agentlik) hamda “Vaqf” xayriya jamoat fondining 2026-yildagi Ramazon oyi munosabati bilan aholining ehtiyojmand qatlamini ijtimoiy-iqtisodiy jihatdan qoʻllab-quvvatlashga qaratilgan taklifiga rozilik berilsin. Bunda:
(a) Ijtimoiy reyestrning “davlat taʼminotidagi oila” toifasidagi oilalar, oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning reyestridagi fuqarolar, shuningdek, yetim va ota-ona qaramogʻidan mahrum boʻlgan bolalar yashayotgan oilalarga 1 million soʻmdan bir martalik moddiy yordam koʻrsatiladi;
(b) Ijtimoiy reyestrning “kambagʻal oila” toifasidagi hamda “mahalla yettiligi” tomonidan shakllantirilgan qoʻshimcha roʻyxatdagi ehtiyojmand oilalarga 500 ming soʻmdan bir martalik moddiy yordam koʻrsatiladi;
(v) Ijtimoiy reyestrdagi oilalarning 6 ming nafar bemor aʼzolarining davolanishi va jarrohlik amaliyotini oʻtkazish bilan bogʻliq xarajatlari qoplab beriladi.
II. Moliyaviy resurslar
2. Belgilansinki, mazkur qarorning 1-bandida nazarda tutilgan tadbirlar uchun Iqtisodiyot va moliya vazirligi va Agentlik tomonidan “Vaqf” xayriya jamoat fondiga ajratiladigan 800 milliard soʻm miqdoridagi mablagʻlar hisobidan moliyalashtiriladi.
Bunda mazkur qarorning 1-bandi “a” va “b” kichik bandilariga muvofiq beriladigan moliyaviy yordamlar Oʻzbekiston Respublikasi Soliq kodeksiga asosan jismoniy shaxslardan olinadigan daromad soligʻini hisoblashda jami daromad tarkibiga kiritilmaydi.
III. Qaror ijrosini tashkil etish, taʼminlash va nazorat
3. Agentlik va Oʻzbekiston mahallalari uyushmasi bilan birgalikda besh kun muddatda mazkur qarorning 1-bandida nazarda tutilgan moddiy yordamlar ajratiladigan oilalarning elektron roʻyxatini (keyingi oʻrinlarda — Roʻyxat) shakllantirsin hamda “Vaqf” xayriya jamoat fondiga taqdim etsin.
Bunda mazkur qaror 1-bandining “b” kichik bandiga muvofiq “mahalla yettiligi” tomonidan shakllantirilgan qoʻshimcha ehtiyojmand oilalar roʻyxati tuman (shahar) hokimlari tomonidan tasdiqlanadi va unga kiritilgan ehtiyojmand oilalar soni ushbu tuman (shahar)dagi Ijtimoiy reyestrga kiritilgan “davlat taʼminotidagi oila” toifasidagi oilalar umumiy sonining 20 foizidan oshmasligi lozim.
4. Sogʻliqni saqlash vazirligi:
(a) “Davlat axborot tizimlarini yaratish va qoʻllab-quvvatlash boʻyicha yagona integrator — “UZINFOCOM” MCHJ bilan birgalikda 2026-yil 1-martga qadar mazkur qarorga muvofiq davolanadigan yoki jarrohlik amaliyoti oʻtkaziladigan bemorlarni tibbiyot tashkilotlariga yoʻllash boʻyicha axborot modulini ishga tushirsin;
(b) davolanish yoki jarrohlik amaliyotiga muhtoj Ijtimoiy reyestrdagi oilalarning aʼzolarini axborot moduliga kiritgan holda tegishli tibbiyot tashkilotiga yoʻllanishi va davolanishini tashkil qilsin;
(v) davolangan yoki jarrohlik amaliyoti oʻtkazilgan Ijtimoiy reyestrdagi oilalarning aʼzolari, ularga koʻrsatilgan xizmatlar toʻgʻrisidagi maʼlumotlarni va tibbiyot tashkilotlariga toʻlanishi lozim boʻlgan mablagʻlar hisob-kitobini “Vaqf” xayriya jamoat fondiga taqdim etib borsin.
5. “Vaqf” xayriya jamoat fondi:
(a) 2026-yil 1-martga qadar AT “Xalq banki” va Agentlik bilan birgalikda Roʻyxat asosida oilalarning ijtimoiy karta yoki bank plastik kartalariga bir martalik moddiy yordamni oʻtkazsin;
(b) davolangan yoki jarrohlik amaliyoti oʻtkazilgan Ijtimoiy reyestrdagi oilalarning aʼzolari va ularga koʻrsatilgan xizmatlar uchun zarur mablagʻlarni Davlat tibbiy sugʻurtasi jamgʻarmasining maʼlumotlari asosida tegishli tibbiyot tashkilotlariga oʻtkazib borsin.
6. Oʻzbekiston Milliy axborot agentligi Oʻzbekiston Milliy teleradiokompaniyasi bilan birgalikda ushbu qarorning ommaviy axborot vositalari, internet va ijtimoiy tarmoqlarda keng yoritilishini tashkil qilsin.
7. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov hamda Oʻzbekiston Respublikasi Prezidentining maslahatchisi — Ijtimoiy himoya milliy agentligi direktori M.P. Olloyorov belgilansin.
8. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 17-fevral,
PQ-67-son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах государственной социальной поддержки нуждающихся слоев населения в священный месяц Рамазан
В целях достойного проведения священного месяца Рамазан — символа добра, единства, благородства и чувства благодарения для нашего народа, а также дополнительной государственной поддержки нуждающихся слоев населения постановляю:
I. Государственная поддержка
1. Согласиться с предложением Управления мусульман Узбекистана, Национального агентства социальной защиты (далее — Агентство) и общественного благотворительного фонда «Вакф», направленным на социально-экономическую поддержку нуждающихся слоев населения в связи с месяцем Рамазан 2026 года. При этом:
(а) семьям в Социальном реестре в категории «семья, находящаяся на государственном обеспечении», гражданам в Реестре одиноких и одиноко проживающих престарелых и лиц с инвалидностью, нуждающихся в постороннем уходе, а также семьям, в которых проживают сироты и дети, оставшиеся без попечения родителей, будет предоставлена единовременная материальная помощь по 1 миллиону сумов;
(б) нуждающимся семьям, включенным в Социальный реестр, в категории «бедная семья», а также нуждающимся семьям в сформированном «махаллинской семеркой» дополнительном списке будет предоставлена единовременная материальная помощь по 500 тысяч сумов;
(в) 6 тысячам больных членов семей, включенных в Социальный реестр, будут покрыты расходы, связанные с лечением и проведением хирургической операции.
II. Финансовые ресурсы
2. Установить, что, мероприятия, предусмотренные в пункте 1 настоящего постановления, финансируются за счет средств на сумму 800 миллиардов сумов, выделяемых общественному благотворительному фонду «Вакф» Министерством экономики и финансов и Агентством.
При этом, финансовая помощь, предоставляемая согласно подпунктам «а» и «б» пункта 1 настоящего постановления, не включается в состав совокупного дохода при исчислении налога на доходы физических лиц на основании Налогового кодекса Республики Узбекистан.
III. Организация, обеспечение и контроль исполнения постановления
3. Агентству и Ассоциацией махаллей Узбекистана в пятидневный срок сформировать и представить общественному благотворительному фонду «Вакф» электронный список семей, которым выделяется материальная помощь, предусмотренная пунктом 1 настоящего постановления (далее — Список).
При этом дополнительный список нуждающихся семей, сформированный «махаллинской семеркой» согласно подпункту «б» пункта 1 настоящего постановления, утверждается хокимами районов (городов) и количество включенных в него нуждающихся семей не должно превышать 20 процентов от общего количества семей, включенных в Социальный реестр в данном районе (городе), в категории «семья, находящаяся на государственном обеспечении».
4. Министерству здравоохранения:
(а) совместно с ООО «Единый интегратор по созданию и поддержке государственных информационных систем «UZINFOCOM» в срок до 1 марта 2026 года согласно настоящему постановлению запустить информационный модуль по направлению больных в медицинские организации для лечения или проведения хирургической операции;
(б) организовать направление в медицинские организации и проведение лечения членов семей, включенных в Социальный реестр, которые нуждаются в лечении или хирургической операции, с внесением их в информационный модуль;
(в) вносить в общественный благотворительный фонд «Вакф» сведения о членах семей, включенных в Социальный реестр, члены которых прошли лечение или которым проведена хирургическая операция, об оказанных им услугах, а также расчеты средств, подлежащих выплате соответствующим медицинским организациям.
5. Общественному благотворительному фонду «Вакф»:
(а) в срок до 1 марта 2026 года совместно с АК «Халк банки» и Агентством перевести единовременную материальную помощь на социальную карту или на банковские пластиковые карты семей на основе Списка;
(б) необходимые средства для членов семей, включенных в Социальный реестр, за проведенное лечение или хирургическую операцию и оказанные им услуги перечислять соответствующим медицинским организациям на основе данных Фонда государственного медицинского страхования.
6. Национальному информационному агентству Узбекистана совместно с Национальной телерадиокомпанией Узбекистана организовать широкое освещение настоящего постановления в средствах массовой информации, интернете и социальных сетях.
7. Возложить на заместителя Премьер-министра Д.А. Кучкарова и советника Президента Республики Узбекистан — директора Национального агентства социальной защиты М.П. Оллоёрова персональную ответственность за эффективную организацию исполнения настоящего постановления.
8. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
17 февраля 2026 г.,
№ ПП-67