UzbekAI

Ўзбекистон Республикаси Соғлиқни сақлаш вазирининг

буйруғи

Ўзбекистон Республикаси соғлиқни сақлаш муассасаларида туғилганлик ҳақидаги тиббий маълумотнома, перинатал ўлим ва ўлим ҳақидаги тиббий гувоҳномаларни бериш тартиби тўғрисидаги йўриқноманинг 9-бандига ўзгартириш киритиш ҳақида

Ўзбекистон Республикасининг Оила кодекси ва Ўзбекистон Республикаси Президентининг 2024 йил 25 декабрдаги ПҚ-455-сон «Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси соғлиқни сақлаш вазирининг 2010 йил 27 февралдаги 56-сон буйруғи (рўйхат рақами 2089, 2010 йил 23 март) (Ўзбекистон Республикаси қонун ҳужжатлари тўплами, 2010 й., 12-сон, 87-модда) билан тасдиқланган Ўзбекистон Республикаси соғлиқни сақлаш муассасаларида туғилганлик ҳақидаги тиббий маълумотнома, перинатал ўлим ва ўлим ҳақидаги тиббий гувоҳномаларни бериш тартиби тўғрисидаги йўриқноманинг 9-банди қуйидаги таҳрирда баён этилсин:

«9. Туғилганлик ҳақидаги тиббий маълумотнома туғруқ содир бўлган тиббий муассасалар томонидан барча тирик туғилган болаларга берилади. Тирик туғилганлик мезонларидан (нафас, юрак уриши, киндик пульсацияси, мускулларнинг беихтиёрий қисқариши) бири мавжуд бўлса ҳам бола тирик туғилган ҳисобланади. Бунда, онанинг ҳомиладорлик муддати 22 ҳафта ва ундан ортиқ, боланинг бўйи 25 см ва ундан ортиқ, вазни 500 грамм ва ундан ортиқ бўлиши ёки онанинг ҳомиладорлик муддати 22 ҳафтадан кам, боланинг бўйи 25 смдан паст, вазни 500 граммдан кам бўлганда ушбу бола 168 соат давомида шифокор кузатувида бўлиши зарур.

Туғилганлик ҳақидаги тиббий маълумотнома ушбу тиббий муассаса шифокори, бир нафар шифокор ишлайдиган ёки тиббий муассасада шифокор бўлмаган (меҳнат таътили, касаллик туфайли ва бошқа сабаблар) ҳолларда туғруқни қабул қилган фельдшер ёки акушер томонидан берилади.».

2. Мазкур буйруқ Ўзбекистон Республикаси Миллий статистика қўмитаси билан келишилган.

3. Ушбу буйруқ расмий эълон қилинган кундан эътиборан кучга киради.

Келишилди:

Вазир А. ХУДАЯРОВ

Ўзбекистон Республикаси Миллий статистика қўмитаси раиси Б. ҲАМРАЕВ

Тошкент ш.,

2026 йил 5 февраль,

2026 йил 21 январь

1 -сон

(Қонунчилик маълумотлари миллий базаси, 23.02.2026 й., № 10/26/2089-2/0166)

Oʻzbekiston Respublikasi Sogʻliqni saqlash vazirining

buyrugʻi

Oʻzbekiston Respublikasi sogʻliqni saqlash muassasalarida tugʻilganlik haqidagi tibbiy maʼlumotnoma, perinatal oʻlim va oʻlim haqidagi tibbiy guvohnomalarni berish tartibi toʻgʻrisidagi yoʻriqnomaning 9-bandiga oʻzgartirish kiritish haqida

Oʻzbekiston Respublikasining Oila kodeksi va Oʻzbekiston Respublikasi Prezidentining 2024-yil 25-dekabrdagi PQ-455-son “Oʻzbekiston Respublikasining “2025-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2010-yil 27-fevraldagi 56-son buyrugʻi (roʻyxat raqami 2089, 2010-yil 23-mart) (Oʻzbekiston Respublikasi qonun hujjatlari toʻplami, 2010-y., 12-son, 87-modda) bilan tasdiqlangan Oʻzbekiston Respublikasi sogʻliqni saqlash muassasalarida tugʻilganlik haqidagi tibbiy maʼlumotnoma, perinatal oʻlim va oʻlim haqidagi tibbiy guvohnomalarni berish tartibi toʻgʻrisidagi yoʻriqnomaning 9-bandi quyidagi tahrirda bayon etilsin:

“9. Tugʻilganlik haqidagi tibbiy maʼlumotnoma tugʻruq sodir boʻlgan tibbiy muassasalar tomonidan barcha tirik tugʻilgan bolalarga beriladi. Tirik tugʻilganlik mezonlaridan (nafas, yurak urishi, kindik pulsatsiyasi, muskullarning beixtiyoriy qisqarishi) biri mavjud boʻlsa ham bola tirik tugʻilgan hisoblanadi. Bunda, onaning homiladorlik muddati 22 hafta va undan ortiq, bolaning boʻyi 25 sm va undan ortiq, vazni 500 gramm va undan ortiq boʻlishi yoki onaning homiladorlik muddati 22 haftadan kam, bolaning boʻyi 25 smdan past, vazni 500 grammdan kam boʻlganda ushbu bola 168 soat davomida shifokor kuzatuvida boʻlishi zarur.

Tugʻilganlik haqidagi tibbiy maʼlumotnoma ushbu tibbiy muassasa shifokori, bir nafar shifokor ishlaydigan yoki tibbiy muassasada shifokor boʻlmagan (mehnat taʼtili, kasallik tufayli va boshqa sabablar) hollarda tugʻruqni qabul qilgan feldsher yoki akusher tomonidan beriladi.”.

2. Mazkur buyruq Oʻzbekiston Respublikasi Milliy statistika qoʻmitasi bilan kelishilgan.

3. Ushbu buyruq rasmiy eʼlon qilingan kundan eʼtiboran kuchga kiradi.

Kelishildi:

Vazir А. XUDAYAROV

Oʻzbekiston Respublikasi Milliy statistika qoʻmitasi raisi B. HAMRAYEV

Toshkent sh.,

2026-yil 5-fevral,

2026-yil 21-yanvar

1 -son

(Qonunchilik maʼlumotlari milliy bazasi, 23.02.2026 y., № 10/26/2089-2/0166)