📅 2026-yil 11-fevral · Vazirlik va idoralar hujjatlari · Vazirlar Mahkamasi huzuridagi Migratsiya agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 11 февраль · Вазирлик ва идоралар ҳужжатлари · Вазирлар Маҳкамаси ҳузуридаги Миграция агентлиги директори
Расмий матн. Расмий ҳужжат. Таҳририй изоҳлар киритилмаган.
📅 11 февраля 2026 г. · Документы министерств и ведомств · Директор Агентства Миграции при Кабинете Министров
Официальный текст. Официальный документ. Редакционные примечания не включены.
📅 11 February 2026 · Ministry and agency documents · Vazirlar Mahkamasi huzuridagi Migratsiya agentligi direktori
Official text. Official document. Editorial notes are not included.
Ўзбекистон Республикаси Вазирлар Маҳкамаси ҳузуридаги Миграция агентлиги директорининг
буйруғи
Хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг ихтиёрий рўйхатдан ўтиш тартиби тўғрисидаги низомга ўзгартиришлар киритиш ҳақида
Ўзбекистон Республикаси Президентининг 2024 йил 17 октябрдаги ПФ-162-сон «Миграция жараёнларини бошқариш тизимини ислоҳ қилиш бўйича биринчи навбатдаги чора-тадбирлар тўғрисида»ги Фармони , Ўзбекистон Республикаси Вазирлар Маҳкамасининг 2023 йил 27 февралдаги 83-сон « Узоқ муддатга хорижга чиқиб кетган ва қайтиб келган шахсларнинг ҳисобини юритиш соҳасидаги идоралараро ҳамкорликни янада такомиллаштириш чора-тадбирлари тўғрисида »ги ҳамда 2025 йил 22 апрелдаги 252-сон « Ўзбекистон Республикаси фуқароларини хорижда ташкиллаштирилган тартибда ишга жойлаштириш тизимини янада такомиллаштириш чора-тадбирлари тўғрисида »ги қарорларига мувофиқ буюраман:
1. Ўзбекистон Республикаси бандлик ва меҳнат муносабатлари вазирининг 2018 йил 10 августдаги 21-Б-сон буйруғи (рўйхат рақами 3070, 2018 йил 27 сентябрь) (Қонун ҳужжатлари маълумотлари миллий базаси, 28.09.2018 й., 10/18/3070/1971-сон) билан тасдиқланган Хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг ихтиёрий рўйхатдан ўтиш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Вазирлар Маҳкамаси ҳузуридаги Миграция агентлиги директорининг 2026 йил 11 февралдаги 2-сон буйруғига ИЛОВА
Хусусий меҳнат шартномалари бўйича меҳнат фаолиятини амалга ошириш учун хорижга кетаётган, шунингдек хорижда меҳнат фаолиятини амалга ошираётган фуқароларнинг ихтиёрий рўйхатдан ўтиш тартиби тўғрисидаги низомга киритилаётган ўзгартиришлар
1. 1-банд қуйидаги таҳрирда баён этилсин:
«1. Фуқароларнинг рўйхатдан ўтиши ихтиёрий бўлиб, бепул асосда ва электрон шаклда амалга оширилади.».
2. 2-банд ўз кучини йўқотган деб топилсин.
3. 3-банд қуйидаги таҳрирда баён этилсин:
«3. Фуқаро Ўзбекистон Республикаси Вазирлар Маҳкамаси ҳузуридаги Миграция агентлигининг «Хорижда иш» меҳнат миграцияси электрон дастурий мажмуаси (бундан буён матнда электрон дастурий мажмуа деб юритилади) орқали рўйхатдан ўтади.».
4. 4-банддаги «Сайтда» деган сўз «Электрон дастурий мажмуада» деган сўзлар билан алмаштирилсин.
5. 9 — 11-бандлар ўз кучини йўқотган деб топилсин.
6. 12 — 14-бандлар қуйидаги таҳрирда баён этилсин:
«12. Фуқаро томонидан мазкур Низомнинг 8-бандида назарда тутилган маълумотлар киритилгандан сўнг Гувоҳнома электрон дастурий мажмуада автоматик равишда шакллантирилади ҳамда унинг электрон шакли Фуқарога тақдим этилади.
Гувоҳноманинг амал қилиш муддати Фуқаронинг хорижий давлатда меҳнат фаолиятини амалга ошириш бўйича тузилган шартномаси муддатига мос равишда белгиланади.
13. Ўзбекистон Республикаси Солиқ кодексининг 408-моддасига мувофиқ меҳнат шартномаси асосида чет элда ёлланиб ишлаётган Ўзбекистон Республикаси фуқаролари йилига базавий ҳисоблаш миқдорининг камида бир баравари миқдорида ижтимоий солиқ тўлаганда тўловлар амалга оширилган даврлар меҳнат стажини ҳисоблаб чиқариш учун асос бўлиб хизмат қилади.
14. Ўзбекистон Республикаси Президентининг 2018 йил 5 мартдаги ПҚ-3584-сон «Вақтинчалик меҳнат фаолиятини олиб бориш учун республика ҳудудидан транспорт орқали чет элга жўнаб кетиш вақтида Ўзбекистон Республикаси фуқароларининг хавфсизлигини таъминлаш чора-тадбирлари тўғрисида»ги қарорига мувофиқ электрон дастурий мажмуа орқали рўйхатдан ўтган вақтинчалик меҳнат фаолиятини амалга ошириш учун хорижга кетаётган фуқароларга «Ўзбекистон темир йўллари» АЖ томонидан плацкарт ва умумий вагонларга темир йўл чипталарининг нархларига 20 фоиз чегирмалар тақдим этилади.».
7. 15-банд ўз кучини йўқотган деб топилсин.
Директор Б. МУСАЕВ
Тошкент ш.,
2026 йил 11 февраль,
2 -сон
Oʻzbekiston Respublikasi Vazirlar Mahkamasi huzuridagi Migratsiya agentligi direktorining
buyrugʻi
Xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning ixtiyoriy roʻyxatdan oʻtish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasi Prezidentining 2024-yil 17-oktabrdagi PF-162-son “Migratsiya jarayonlarini boshqarish tizimini isloh qilish boʻyicha birinchi navbatdagi chora-tadbirlar toʻgʻrisida”gi Farmoni , Оʻzbekiston Respublikasi Vazirlar Mahkamasining 2023-yil 27-fevraldagi 83-son “ Uzoq muddatga xorijga chiqib ketgan va qaytib kelgan shaxslarning hisobini yuritish sohasidagi idoralararo hamkorlikni yanada takomillashtirish chora-tadbirlari toʻgʻrisida ”gi hamda 2025-yil 22-apreldagi 252-son “ Oʻzbekiston Respublikasi fuqarolarini xorijda tashkillashtirilgan tartibda ishga joylashtirish tizimini yanada takomillashtirish chora-tadbirlari toʻgʻrisida ”gi qarorlariga muvofiq buyuraman:
1. Oʻzbekiston Respublikasi bandlik va mehnat munosabatlari vazirining 2018-yil 10-avgustdagi 21-B-son buyrugʻi (roʻyxat raqami 3070, 2018-yil 27-sentabr) (Qonun hujjatlari maʼlumotlari milliy bazasi, 28.09.2018-y., 10/18/3070/1971-son) bilan tasdiqlangan Xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning ixtiyoriy roʻyxatdan oʻtish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Vazirlar Mahkamasi huzuridagi Migratsiya agentligi direktorining 2026-yil 11-fevraldagi 2-son buyrugʻiga ILOVA
Xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan, shuningdek xorijda mehnat faoliyatini amalga oshirayotgan fuqarolarning ixtiyoriy roʻyxatdan oʻtish tartibi toʻgʻrisidagi nizomga kiritilayotgan oʻzgartirishlar
1. 1-band quyidagi tahrirda bayon etilsin:
“1. Fuqarolarning roʻyxatdan oʻtishi ixtiyoriy boʻlib, bepul asosda va elektron shaklda amalga oshiriladi.”.
2. 2-band oʻz kuchini yoʻqotgan deb topilsin.
3. 3-band quyidagi tahrirda bayon etilsin:
“3. Fuqaro Oʻzbekiston Respublikasi Vazirlar Mahkamasi huzuridagi Migratsiya agentligining “Xorijda ish” mehnat migratsiyasi elektron dasturiy majmuasi (bundan buyon matnda elektron dasturiy majmua deb yuritiladi) orqali roʻyxatdan oʻtadi.”.
4. 4-banddagi “Saytda” degan soʻz “Elektron dasturiy majmuada” degan soʻzlar bilan almashtirilsin.
5. 9 — 11-bandlar oʻz kuchini yoʻqotgan deb topilsin.
6. 12 — 14-bandlar quyidagi tahrirda bayon etilsin:
“12. Fuqaro tomonidan mazkur Nizomning 8-bandida nazarda tutilgan maʼlumotlar kiritilgandan soʻng Guvohnoma elektron dasturiy majmuada avtomatik ravishda shakllantiriladi hamda uning elektron shakli Fuqaroga taqdim etiladi.
Guvohnomaning amal qilish muddati Fuqaroning xorijiy davlatda mehnat faoliyatini amalga oshirish boʻyicha tuzilgan shartnomasi muddatiga mos ravishda belgilanadi.
13. Oʻzbekiston Respublikasi Soliq kodeksining 408-moddasiga muvofiq mehnat shartnomasi asosida chet elda yollanib ishlayotgan Oʻzbekiston Respublikasi fuqarolari yiliga bazaviy hisoblash miqdorining kamida bir baravari miqdorida ijtimoiy soliq toʻlaganda toʻlovlar amalga oshirilgan davrlar mehnat stajini hisoblab chiqarish uchun asos boʻlib xizmat qiladi.
14. Oʻzbekiston Respublikasi Prezidentining 2018-yil 5-martdagi PQ-3584-son “Vaqtinchalik mehnat faoliyatini olib borish uchun respublika hududidan transport orqali chet elga joʻnab ketish vaqtida Oʻzbekiston Respublikasi fuqarolarining xavfsizligini taʼminlash chora-tadbirlari toʻgʻrisida”gi qaroriga muvofiq elektron dasturiy majmua orqali roʻyxatdan oʻtgan vaqtinchalik mehnat faoliyatini amalga oshirish uchun xorijga ketayotgan fuqarolarga “Oʻzbekiston temir yoʻllari” AJ tomonidan platskart va umumiy vagonlarga temir yoʻl chiptalarining narxlariga 20 foiz chegirmalar taqdim etiladi.”.
7. 15-band oʻz kuchini yoʻqotgan deb topilsin.
Direktor B. MUSAYEV
Toshkent sh.,
2026-yil 11-fevral,
2 -son