UzbekAI

Ўзбекистон Республикаси Вазирлар Маҳкамасининг

қарори

НИЗОМ

МАЪМУРИЙ РЕГЛАМЕНТИ

СХЕМАСИ

СЎРОВНОМА

ГУВОҲНОМА

ХАБАРНОМА

НИЗОМ

МАЪМУРИЙ РЕГЛАМЕНТИ

СХЕМАСИ

СЎРОВНОМА

НИЗОМ

ДАЛОЛАТНОМА

БАҲОЛАШ БЮЛЛЕТЕНИ

ЙИҒМА БАҲОЛАШ БЮЛЛЕТЕНИ

РЎЙХАТИ

Нодавлат суд-экспертиза соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Давлат хизматларини кўрсатиш тизимини такомиллаштириш ҳамда соҳада бюрократик тартиботларни тубдан қисқартиришга доир қўшимча чора-тадбирлар тўғрисида» 2025 йил 8 сентябрдаги ПФ-157-сон Фармони ҳамда «Суд-экспертлик фаолиятини янада такомиллаштириш ва соҳага замонавий технологияларни кенг жорий этиш чора-тадбирлари тўғрисида» 2025 йил 8 сентябрдаги ПҚ-270-сон қарори ижросини таъминлаш мақсадида Вазирлар Маҳкамаси қарор қилади:

1. Қуйидагилар:

а) Ўзбекистон Республикаси Президентининг «Суд-экспертлик фаолиятини янада такомиллаштириш ва соҳага замонавий технологияларни кенг жорий этиш чора-тадбирлари тўғрисида» 2025 йил 8 сентябрдаги ПҚ-270-сон қарорига мувофиқ:

нодавлат суд-экспертиза ташкилотлари нотижорат ташкилот сифатида фаолият кўрсатиши;

нодавлат суд экспертларига якка тартибда суд-экспертлик бюроси шаклида фаолият юритиш ҳуқуқи берилгани;

нодавлат суд экспертларининг касбий ва амалий тайёргарлик даражасини аниқлаш ҳамда уларнинг ноқонуний ҳаракатлари билан боғлиқ ҳолатларнинг адолатли ва холис кўриб чиқилишини таъминлаш мақсадида Адлия вазирлиги ҳузурида Эксперт-малака комиссияси фаолиятини йўлга қўйиш;

б) Ўзбекистон Республикаси Президентининг «Давлат хизматларини кўрсатиш тизимини такомиллаштириш ҳамда соҳада бюрократик тартиботларни тубдан қисқартиришга доир қўшимча чора-тадбирлар тўғрисида» 2025 йил 8 сентябрдаги ПФ-157-сон Фармонига мувофиқ суд эксперти сифатида нодавлат суд-экспертиза ташкилотларида фаолият юритаётган суд экспертларининг касбий лаёқатини тасдиқловчи сертификатни олган шахслар Давлат хизматлари марказлари ва Ўзбекистон Республикаси Ягона интерактив давлат хизматлари портали орқали ягона реестрга киритилиши белгилангани маълумот учун қабул қилинсин.

2. Қуйидагилар:

Нодавлат суд-экспертиза ташкилотлари фаолиятини ташкил этиш тартиби тўғрисидаги низом 1-иловага мувофиқ;

Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг маъмурий регламенти 2-иловага мувофиқ;

Нодавлат суд эксперти бўлиш истагини билдирган шахсларни қайта тайёрлаш, нодавлат суд экспертларининг малакаси ва ҳуқуқий билимини ошириш ҳамда уларни қўшимча экспертиза турлари бўйича қайта тайёрлаш тартиби тўғрисидаги низом 3-иловага мувофиқ;

Нодавлат суд экспертларини Суд эксперти сифатида касбий лаёқатни тасдиқловчи сертификат олган шахсларнинг ягона реестрига киритиш бўйича давлат хизматини кўрсатишнинг маъмурий регламенти 4-иловага мувофиқ;

Ўзбекистон Республикаси Адлия вазирлиги ҳузуридаги Эксперт-малака комиссияси тўғрисидаги низом 5-иловага мувофиқ тасдиқлансин.

3. Адлия вазирлиги Рақамли технологиялар вазирлиги билан биргаликда бир ой муддатда:

ушбу қарор билан тасдиқланаётган маъмурий регламентлар бўйича давлат хизматлари Ўзбекистон Республикаси Ягона интерактив давлат хизматлари портали орқали жорий этилишини таъминласин;

Ўзбекистон Республикаси Ягона интерактив давлат хизматлари порталида давлат хизматларини кўрсатишнинг ҳар бир босқичида мурожаатлар кўриб чиқилишини кузатиб бориш тартибини жорий этсин.

4. Ўзбекистон Республикаси Ҳукуматининг 6-иловага мувофиқ айрим қарорлари ўз кучини йўқотган деб ҳисоблансин.

5. Адлия вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

6. Ушбу қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.

Вазирлар Маҳкамасининг 2026 йил 20 февралдаги 73-сон қарорига 1-ИЛОВА

Нодавлат суд-экспертиза ташкилотлари фаолиятини ташкил этиш тартиби тўғрисида

1-боб. Умумий қоидалар

1. Ушбу Низом нодавлат суд-экспертиза ташкилотлари фаолиятини ташкил этиш тартибини белгилайди.

Нодавлат нотижорат ташкилотлари тўғрисидаги қонунчилик ҳужжатларида назарда тутилган қоидалар нодавлат суд-экспертиза ташкилотлари фаолиятига нисбатан татбиқ этилмайди.

2. Нодавлат суд-экспертиза ташкилотлари шартнома асосида фуқаролик, иқтисодий, маъмурий суд ишлари ва маъмурий ҳуқуқбузарлик тўғрисидаги ишлар бўйича суд экспертизасини ҳамда жисмоний ва юридик шахсларнинг мурожаатлари юзасидан тадқиқотлар ўтказишга ихтисослаштирилган нотижорат ташкилот ҳисобланади.

3. Нодавлат суд-экспертиза ташкилоти суд-экспертлик фаолиятини амалга ошириш учун таъсис этилган, штатида бир хил ёки турли хил суд экспертизаси йўналиши бўйича суд экспертлари (суд эксперти) бўлган ҳамда юридик шахс шаклида бўлган ташкилотдир.

Нодавлат суд-экспертиза ташкилоти раҳбари сифатида фақат суд эксперти фаолият юритади.

Суд эксперти фақат битта нодавлат суд-экспертиза ташкилотининг муассиси (иштирокчиси) бўлиши мумкин.

4. Нодавлат суд-экспертиза ташкилоти суд-экспертлик фаолиятини якка тартибда амалга ошириш учун суд-экспертлик бюроси шаклида ташкил этилиши мумкин.

5. Нодавлат суд-экспертиза ташкилотлари суд экспертизасини ўтказишда давлат суд-экспертиза муассасалари каби функцияларни амалга оширади, улар каби ҳуқуққа эга бўлади, мажбуриятларни бажаради ва жавобгар ҳисобланади.

6. Нодавлат суд-экспертиза ташкилотларининг фирма номида уларнинг нодавлат суд-экспертиза ташкилоти, шу жумладан, суд-экспертлик бюроси эканлиги кўрсатилиши шарт.

2-боб. Нодавлат суд-экспертиза ташкилотлари томонидан суд экспертизасини амалга ошириш

7. Нодавлат суд-экспертиза ташкилотлари Ўзбекистон Республикаси Президентининг 2019 йил 17 январдаги ПҚ-4125-сон қарори билан тасдиқланган Нодавлат суд-экспертиза ташкилотлари томонидан ўтказилишига рухсат берилган суд экспертизалари турларининг рўйхатида кўрсатилган суд экспертизаларини ўтказишга ҳақли.

Нодавлат суд-экспертиза ташкилотлари суд экспертизасини ўтказишда Вазирлар Маҳкамасининг 2023 йил 21 февралдаги 73-сон қарори билан тасдиқланган Суд экспертизаси тадқиқотларини ўтказиш тартиби тўғрисидаги намунавий низомга амал қилади.

Нодавлат суд-экспертиза ташкилоти раҳбари экспертиза тайинловчи органлар билан электрон ҳужжатлар алмашинувини таъминлашга мўлжалланган «E-ekspertiza» электрон ахборот тизимидан нодавлат суд экспертларини фойдаланиши учун тегишли шароитлар яратилишини таъминлаши шарт.

8. Нодавлат суд-экспертиза ташкилотлари юридик ва жисмоний шахсларнинг мурожаатлари асосида рухсат этилган суд экспертизаси турлари бўйича шартномага мувофиқ тадқиқотлар ўтказиши мумкин. Тадқиқот натижалари бўйича эксперт фикри берилади.

9. Нодавлат суд-экспертиза ташкилотлари ўзининг мол-мулкка эгалик қилиш, ундан фойдаланиш ёхуд уни тасарруф этиш ҳуқуқи асосидаги бинога, тегишли суд экспертизасини хавфсиз ўтказиш имконини берадиган ва стандартлар талабларига мос бўлган ҳамда ҳар бир экспертиза турида фойдаланишга доир жиҳозларга қўйиладиган минимал талабларда кўрсатилган моддий-техник базага эга бўлиши лозим.

Бунда нодавлат суд-экспертиза ташкилотлари зарур ускунага эга бўлмаган тақдирда, шундай ускунага эга бўлган давлат суд-экспертиза муассасалари билан ҳақ эвазига шартнома асосида фойдаланишга рухсат этилади.

Нодавлат суд-экспертиза ташкилотлари томонидан суд-экспертлик фаолиятини турар жойда амалга ошириш тақиқланади.

10. Нодавлат суд-экспертиза ташкилотларида суд экспертизаси шартномага мувофиқ пулли асосда ўтказилади.

Нодавлат суд-экспертиза ташкилотлари ўтказадиган суд экспертизаси нархлари улар томонидан мустақил тасдиқланадиган прейскурант асосида белгиланади.

11. Нодавлат суд-экспертиза ташкилотлари томонидан суд экспертизалари ўтказилгани учун тўлов суд экспертизасини тайинлаган орган (шахс) томонидан қонунчилик ҳужжатларига мувофиқ тўланади. Экспертизани ўтказиш бўйича шартномага кўра тўлов амалга оширилмагани текшириш объектлари ва иш материалларини экспертиза ўтказмасдан қайтариш учун асос ҳисобланади.

12. Суд экспертизасини тайинлаган орган нодавлат суд-экспертиза ташкилотлари томонидан ўтказилган суд экспертизаси хулосасига қўшилмаган тақдирда, қайта суд экспертизасини фақат давлат суд-экспертиза муассасаси ўтказади.

13. Нодавлат суд-экспертиза ташкилотлари республиканинг барча ҳудудларидан, шунингдек, хорижий мамлакатлардан олинган буюртмалар асосида суд экспертизаси ва тадқиқотини ўтказиш ҳуқуқига эга.

14. Нодавлат суд-экспертиза ташкилотлари суд экспертизасини ўтказишда тегишли давлат суд-экспертиза муассасаларининг илмий кенгашлари томонидан маъқулланган илмий-методик қўлланмаларга, шунингдек, мустақил тарзда ишлаб чиқилган ва давлат суд-экспертиза муассасаларида синовдан ўтган методикаларга риоя қилиши лозим.

15. Суд эксперти лавозимдан бўшатилганда, вафот этганда ёки белгиланган тартибда қасддан жиноят содир этишда айбдор деб топилганда ёхуд қонунчилик ҳужжатларига мувофиқ суд экспертизасини ўтказишга тўсқинлик қилувчи бошқа ҳолатлар юзага келганда, унинг юритувида бўлган суд-экспертиза иши нодавлат суд-экспертиза ташкилоти раҳбари томонидан бошқа малакали суд экспертига топширилиши мумкин. Бу тўғрисида суд экспертизасини тайинлаган органга дарҳол хабар берилади.

Суд-экспертиза ишини бошқа малакали суд экспертига топшириш имконияти бўлмаганда, нодавлат суд-экспертиза ташкилоти раҳбари уч иш кунида текшириш объектлари ва иш материалларини суд экспертизасини тайинлаган органга қайтаради. Бунда нодавлат суд-экспертиза ташкилоти амалга оширилган тўловни шартномага мувофиқ қайтариб беради.

16. Нодавлат суд-экспертиза ташкилотлари томонидан экспертизани тайинлаган орган (шахс) билан келишмасдан бошқа шахсларни экспертиза ўтказиш учун жалб қилишга йўл қўйилмайди.

3-боб. Нодавлат суд-экспертиза ташкилотларининг суд экспертларига қўйиладиган талаблар

17. Нодавлат суд-экспертиза ташкилотлари раҳбар ёрдамчиси, шунингдек, суд-экспертлик фаолиятини ташкил этиш билан боғлиқ бошқа ходимларга эга бўлиши мумкин.

Нодавлат суд-экспертиза ташкилотларининг суд экспертлари давлат экспертиза муассасаларида асосий ёки ўриндошлик асосида фаолият юритиши мумкин эмас.

18. Нодавлат суд-экспертиза ташкилотларида олий маълумотга эга бўлган шахслар суд эксперти лавозимини эгаллаши мумкин.

19. Белгиланган тартибда муомалага лаёқатсиз ёки муомала лаёқати чекланган деб топилган, қасддан содир этган жиноятлари учун судланганлик ҳолати тугалланмаган ёки судлангани олиб ташланмаган шахс суд эксперти сифатида жалб этилиши мумкин эмас.

20. Нодавлат суд-экспертиза ташкилотлари раҳбари ва суд экспертлари ҳар икки йилда малакаси ва ҳуқуқий билимларини оширишлари лозим.

21. Нодавлат суд-экспертиза ташкилотларининг суд эксперти томонидан қонунчиликда белгиланган тартибда суд эксперти сертификатини олмасдан туриб ёки ҳар икки йилда малакаси ва ҳуқуқий билимини оширмасдан суд экспертизаси ўтказилишига йўл қўйилмайди.

22. Суд эксперти сертификатини олгандан кейин узлуксиз равишда беш йил давомида ўз ихтисослиги бўйича суд-экспертлик фаолиятини юритмаган шахс фақат қайта тайёрлаш курсларидан такроран муваффақиятли ўтгандан кейин суд экспертизасини ўтказишга ҳақли.

4-боб. Якунловчи қоида

23. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Вазирлар Маҳкамасининг 2026 йил 20 февралдаги 73-сон қарорига 2-ИЛОВА

Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг

1-боб. Умумий қоидалар

1. Ушбу Регламент Ўзбекистон Республикаси ҳудудида фаолият кўрсатадиган нодавлат суд-экспертиза ташкилотларини нотижорат ташкилот сифатида ҳамда юридик шахс шаклида давлат рўйхатидан (қайта рўйхатдан) ўтказиш бўйича давлат хизматини кўрсатиш тартибини белгилайди.

2. Нодавлат суд-экспертиза ташкилотлари Давлат хизматлари марказлари (кейинги ўринларда — Марказ) томонидан Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими (кейинги ўринларда — Тизим) орқали давлат рўйхатидан (қайта рўйхатдан) ўтказилади.

Нодавлат суд-экспертиза ташкилотларининг фирма номида унинг нодавлат суд-экспертиза ташкилоти, шу жумладан, суд-экспертлик фаолиятини якка тартибда амалга ошириш учун ташкил этилган суд-экспертлик бюроси эканлиги кўрсатилиши шарт.

3. Нодавлат суд-экспертиза ташкилотлари ушбу Регламентга 1-иловадаги схемага мувофиқ давлат рўйхатидан (қайта рўйхатдан) ўтказилади.

2-боб. Нодавлат суд-экспертиза ташкилотларини давлат рўйхатидан (қайта рўйхатдан) ўтказиш

4. Нодавлат суд-экспертиза ташкилотлари муассиси ёки унинг вакили (кейинги ўринларда — ариза берувчи) нодавлат суд-экспертиза ташкилотларини давлат рўйхатидан (қайта рўйхатдан) ўтказиш учун Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қилади ҳамда ушбу Регламентга 2-иловага мувофиқ шаклдаги сўровномани электрон равишда тўлдиради.

Бунда ариза берувчи нодавлат суд-экспертиза ташкилотини давлат рўйхатидан ўтказиш учун ўзининг ваколатлилигини тасдиқловчи ҳужжатни илова қилади.

5. Ариза берувчи сўровномани шакллантиришни исталган босқичда тўхтатиш ҳуқуқига эга.

6. Ариза берувчи томонидан нодавлат суд-экспертиза ташкилотининг номи лотин алифбосида танланади ва унинг бошқа юридик шахсларнинг номлари билан адаштириб юбориш даражасида бир хил ёки уларга ўхшашлиги ЯИДХП орқали Тизим томонидан автоматик тарзда текширилади.

7. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани идентификация қилишнинг замонавий воситалари билан тасдиқлайди.

8. Ариза берувчи томонидан сўровномага қуйидаги ҳужжатлар электрон шаклда (pdf форматда) илова қилинади:

нодавлат суд-экспертиза ташкилотини ташкил этиш, уларнинг муассислари ҳақидаги, уларнинг уставларини тасдиқлаш тўғрисидаги маълумотларни ўз ичига олган таъсис йиғилишининг давлат тилидаги баёни;

давлат тилидаги белгиланган тартибда тасдиқланган таъсис шартномаси ва устав, суд-экспертлик бюроси учун фақат устав;

ариза берувчининг ваколатлилигини тасдиқловчи ҳужжат;

нодавлат суд-экспертиза ташкилоти бўлинганда ёки унинг таркибидан бир ёки бир неча юридик шахс ажралиб чиққанда, қайта ташкил қилинаётган нодавлат суд-экспертиза ташкилотининг барча кредиторлар ва қарздорлар олдидаги барча мажбуриятлар бўйича, шу жумладан, тарафлар ўртасидаги даъволашаётган мажбуриятлар юзасидан ҳуқуқий ворисликни ўз ичига олган тақсимлаш баланси. Бунда таъсис шартномаси ва (ёки) устав қабул қилингани тўғрисидаги таъсис йиғилиши (конференцияси) баёни нодавлат суд-экспертиза ташкилоти муассислари томонидан ЯИДХП орқали электрон равишда ҳам тасдиқланиши мумкин;

ҳар бир суд-экспертиза турлари бўйича уларни моддий-техник база билан жиҳозлашга қўйиладиган минимал талаблар асосида жиҳозланиш режаси (харид қилинадиган ёки фойдаланиши йўлга қўйиладиган ускуналар рўйхати).

9. Нодавлат суд-экспертиза ташкилотларини давлат рўйхатидан (қайта рўйхатдан) ўтказиш учун тўлов ундирилмайди.

10. Ариза берувчи мазкур Регламентнинг 8-бандида назарда тутилган ҳужжатларни ЯИДХП орқали электрон равишда юборади.

Марказ ҳужжатлар келиб тушган санадан бошлаб 4 иш куни давомида уларнинг қонунчилик ҳужжатларига мувофиқлиги жиҳатидан кўриб чиқади ҳамда кўриб чиқиш натижалари бўйича нодавлат суд-экспертиза ташкилотларини давлат рўйхатидан (қайта рўйхатдан) ўтказиш ҳақида ёки мазкур Регламентнинг 12-бандида белгиланган ҳолатлар мавжуд бўлганда давлат рўйхатидан (қайта рўйхатдан) ўтказишни рад қилиш ҳақида қарор қабул қилади.

11. Агар тақдим қилинган ҳужжатлар мазкур Регламент талабларига мувофиқ бўлса, Марказ ходими қуйидагиларни амалга оширади:

Тадбиркорлик субъектлари бўлмаган айрим юридик шахсларнинг давлат реестрига автоматик тарзда тегишли ёзувлар киритиш орқали давлат рўйхатидан (қайта рўйхатдан) ўтказади;

давлат рўйхатидан ўтказилган нодавлат суд-экспертиза ташкилотларини Тизим воситасида автоматик тарзда давлат солиқ хизмати ва статистика органларида давлат ҳисобига қўяди;

мазкур Регламентга 3-иловага мувофиқ QR-код (матрик штрихли код) қўйилган нодавлат суд-экспертиза ташкилотларини давлат рўйхатидан (қайта рўйхатдан) ўтказиш ҳақидаги гувоҳномани шакллантиради;

нодавлат суд-экспертиза ташкилотлари давлат рўйхатидан (қайта рўйхатдан) ўтказилгани ҳақидаги гувоҳномани, унинг белгиланган тартибда тасдиқланган таъсис ҳужжатларини ариза берувчининг ЯИДХПдаги шахсий кабинетига юборади.

12. Нодавлат суд-экспертиза ташкилотларини давлат рўйхатидан (қайта рўйхатдан) ўтказишни рад этиш учун қуйидагилар асос бўлади:

ушбу Регламентнинг 8-бандида кўрсатилган ҳужжатлар тўлиқ тақдим этилмагани;

қонун ва таъсис ҳужжатлари билан ваколат берилмаган орган томонидан таъсис ҳужжатларини тасдиқлаш (хулосага келиш), уларга ўзгартириш ва (ёки) қўшимчалар киритиш тўғрисида қарор қабул қилингани;

агар рўйхатдан ўтказиш учун тақдим этилган таъсис ҳужжатларида (низомларда) ҳақиқий бўлмаган ёки нотўғри маълумотлар аниқланган бўлса.

Нодавлат суд-экспертиза ташкилотларини давлат рўйхатидан (қайта рўйхатдан) ўтказишни бошқа асосларга, шу жумладан, мақсадга мувофиқ эмаслиги сабабларига кўра рад этишга йўл қўйилмайди.

13. Давлат рўйхатидан (қайта рўйхатдан) ўтказишга тўсқинлик қилувчи ҳолатлар мавжуд бўлганда, Марказ ходими мазкур Регламентга 4-иловага мувофиқ нодавлат суд-экспертиза ташкилотларини давлат рўйхатидан (қайта рўйхатдан) ўтказишни рад этиш ҳақида қарор қабул қилингани тўғрисидаги хабарномани расмийлаштиради ҳамда ариза берувчининг ЯИДХПдаги шахсий кабинетига юборади.

14. Нодавлат суд-экспертиза ташкилотларини давлат рўйхатидан (қайта рўйхатдан) ўтказиш рад этилган тақдирда, ариза берувчи бу ҳақида хабарномани олган вақтдан бошлаб 5 иш куни ичида тегишли камчиликларни бартараф қилган ҳолда қайта мурожаат қилиш ҳуқуқига эга.

Бунда нодавлат суд-экспертиза ташкилотлари мазкур бобда белгиланган тартибда давлат рўйхатидан (қайта рўйхатдан) ўтказилади.

Ариза берувчи томонидан ушбу банднинг биринчи хатбошисида белгиланган муддатдан кейин берилган сўровномалар янги берилган ҳисобланади.

15. Ўзбекистон Республикаси ҳудудида фаолият кўрсатаётган нодавлат суд-экспертиза ташкилотлари қайта ташкил этилганда ёхуд таъсис ҳужжатларига бошқача тарзда ўзгартириш ва қўшимчалар киритилганда, шунингдек, нодавлат суд-экспертиза ташкилотларининг аъзолари таркибида ўзгаришлар юз берганда, улар ўн кун муддатда Марказга қайта рўйхатдан ўтиш учун мурожаат қилишлари шарт.

Таъсис ҳужжатларига ўзгартириш ва (ёки) қўшимчалар таъсис ҳужжатларни янги таҳрирда қабул қилиш орқали киритилади.

16. Нодавлат суд-экспертиза ташкилотларини қайта рўйхатдан ўтказиш, шунингдек, уларни қайта ташкил этиш бўйича мурожаатлар ушбу бобда назарда тутилган тартибда ва муддатларда кўриб чиқилади.

3-боб. Якунловчи қоидалар

17. Нодавлат суд-экспертиза ташкилотлари почта манзили ва раҳбари ўзгарган тақдирда, бу ҳақида Марказни ўн кундан кечиктирмай ўзининг ЯИДХПдаги шахсий кабинети орқали хабардор қилади.

Марказ нодавлат суд-экспертиза ташкилотларининг почта манзили ва раҳбари ўзгаргани ҳақида хабарнома олган вақтдан бошлаб бир иш соати ичида Тадбиркорлик субъектлари бўлмаган айрим юридик шахсларнинг давлат реестрига тегишли ёзувни киритади ва бу тўғрисида давлат солиқ хизмати ва статистика органларини хабардор қилади.

18. Ариза берувчи Марказга тақдим этилган маълумотларнинг тўғрилиги, аниқлиги, бузиб кўрсатилгани, шунингдек, таъсис ҳужжатларининг қонунчилик ҳужжатларига мувофиқлиги учун жавоб беради.

19. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг маъмурий регламентига 1-ИЛОВА

Нодавлат суд-экспертиза ташкилотларини давлат рўйхатидан (қайта рўйхатдан) ўтказиш

Босқичлар Субъектлар Тадбирлар Бажариш муддатлари 1-босқич Ариза берувчи Нодавлат суд-экспертиза ташкилотларини давлат рўйхатидан (қайта рўйхатдан) ўтказиш учун Давлат хизматлари марказларига (кейинги ўринларда — Марказ) Ягона интерактив давлат хизматлари портали орқали мурожаат қилади. Хоҳишига кўра 2-босқич Марказ Тақдим қилинган ҳужжатлар мазкур Регламент талабларига мувофиқ бўлганда, нодавлат суд-экспертиза ташкилотларини давлат рўйхатидан (қайта рўйхатдан) ўтказади. Тақдим қилинган ҳужжатлар мазкур Регламент талабларига номувофиқ бўлганда давлат рўйхатидан (қайта рўйхатдан) ўтказишни рад қилади ва бу ҳақида ариза берувчини хабардор қилади. Сўровнома келиб тушгач, 4 иш куни мобайнида 3-босқич Ариза берувчи Нодавлат суд-экспертиза ташкилотини давлат рўйхатидан (қайта рўйхатдан) ўтказиш рад этилган тақдирда, тегишли камчиликларни бартараф қилган ҳолда қайта мурожаат қилади. Хабарнома олган вақтдан бошлаб 5 иш куни мобайнида 4-босқич Марказ Нодавлат суд-экспертиза ташкилотлари давлат рўйхатидан (қайта рўйхатдан) ўтказилгани ҳақидаги гувоҳномани, унинг белгиланган тартибда тасдиқланган таъсис ҳужжатларини ариза берувчининг Ягона интерактив давлат хизматлари порталидаги шахсий кабинетига юборади. Давлат рўйхатидан ўтказиш тўғрисида қарор қабул қилингандан сўнг реал вақт режимида

Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг маъмурий регламентига 2-ИЛОВА

Нодавлат суд-экспертиза ташкилотларини давлат рўйхатидан (қайта рўйхатдан) ўтказиш бўйича

I. Ариза берувчи жисмоний шахс тўғрисида маълумот: 1. Ф.И.О.: 2. ЖШШИР: 3. Ариза берувчининг нодавлат суд-экспертиза ташкилотларига алоқадорлиги: II. Нодавлат суд-экспертиза ташкилотлари тўғрисида маълумот: 1. Нодавлат суд-экспертиза ташкилотининг номи (тўлиқ ва қисқартирилган (мавжуд бўлса)): 2. Нодавлат суд-экспертиза ташкилотларининг ташкилий шакли: Нодавлат суд-экспертиза ташкилотлари Суд-экспертлик бюроси 3. Нодавлат суд-экспертиза ташкилотларининг почта манзили: 4. Боғланиш учун телефон рақами: 5. Электрон почта манзили, веб-сайти манзили (агар мавжуд бўлса): III. Илова қилинадиган ҳужжатлар: 1. Давлат тилидаги таъсис йиғилишининг баёни. 2. Давлат тилидаги таъсис шартномаси ва устав, суд-экспертлик бюроси учун фақат устав. 3. нодавлат суд-экспертиза ташкилоти бўлинганда ёки унинг таркибидан бир ёки бир неча юридик шахс ажралиб чиққанида, қайта ташкил қилинаётган нодавлат суд-экспертиза ташкилотининг барча кредиторлар ва қарздорлар олдидаги барча мажбуриятлар бўйича, шу жумладан, тарафлар ўртасидаги даъволашаётган мажбуриятлар юзасидан ҳуқуқий ворисликни ўз ичига олган тақсимлаш баланси. 4. Ариза берувчининг ваколатлилигини тасдиқловчи ҳужжат. Изоҳ: сўровномага тақдим этиладиган ҳужжатлар аслига мувофиқ PDF форматда илова қилинади. Сўровнома тўлдириш сабаби: янги рўйхатдан ўтиш қайта рўйхатдан ўтиш

Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг маъмурий регламентига 3-ИЛОВА

Нодавлат суд-экспертиза ташкилотларини давлат рўйхатидан ўтказиш ҳақида

Oʻzbekiston Respublikasi Davlat gerbi tasviri Nodavlat sud-ekspertiza tashkilotlarining davlat roʻyxatidan oʻtkazilgani toʻgʻrisida GUVO H NOMA Roʻyxatdan oʻtkazilgan sana va raqam Nodavlat sud-ekspertiza tashkilotining nomi: Tashkiliy shakli: STIR: Guvohnomani bergan roʻyxatdan oʻtkazuvchi organ nomi: ________________________________________________ QR-kod ________________________________________________ ________________________________________________ ______________________________

Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг маъмурий регламентига 4-ИЛОВА

Нодавлат суд-экспертиза ташкилотларини давлат рўйхатидан (қайта рўйхатдан) ўтказишни рад этиш ҳақида

Электрон ҳужжатнинг идентификация рақами Ўзбекистон Республикаси Давлат герби тасвири _________________________________________________________________ қонунчилик ҳужжатларида (Марказнинг номи) белгиланган тартибда ва муддатларда Сизнинг 20____ йил «_____» _________________даги ______________________________________________________ (йил, кун, ой) ____________________-сон сўровномангизни кўриб чиқиб, ________________________________________________________ рад этилганлигини маълум қилади. ____________ (давлат рўйхатидан ўтказиш, қайта рўйхатдан ўтказиш) Рад этиш асослари: 1. 2. 3. Ахборот тариқасида маълум қилинадики, Нодавлат суд-экспертиза ташкилотларини давлат рўйхатидан ўтказиш бўйича давлат хизматини кўрсатишнинг маъмурий регламенти 14-бандига асосан ариза берувчи давлат рўйхатидан (қайта рўйхатдан) ўтказишни рад этиш асосларини бартараф этган ҳолда, 5 иш куни мобайнида нодавлат суд-экспертиза ташкилотларини давлат рўйхатидан (қайта рўйхатдан) ўтказиш учун қайта мурожаат қилиш ҳуқуқига эга. Мазкур муддатдан кейин берилган мурожаатлар янги берилган ҳисобланади. _________________________ _____________________ (масъул шахснинг лавозими) (Ф.И.О) QR-код

Вазирлар Маҳкамасининг 2026 йил 20 февралдаги 73-сон қарорига 3-ИЛОВА

1-боб. Умумий қоидалар

1. Ушбу Низом нодавлат суд эксперти бўлиш истагини билдирган шахсларни қайта тайёрлаш, нодавлат суд экспертларининг малакаси ва ҳуқуқий билимини ошириш ҳамда уларни қўшимча экспертиза турлари бўйича қайта тайёрлаш тартибини белгилайди.

2. Ушбу Низомда қуйидаги асосий тушунчалардан фойдаланилади:

малака ошириш — нодавлат суд экспертининг мазкур Низомда белгиланган муддатларда ва тартибда амалий билимлари, кўникма ва малакаларини кенгайтириш ва мустаҳкамлаш мақсадида малака ошириш курсларида касбий билим ва кўникмаларини ошириши;

нодавлат суд эксперти — нодавлат суд-экспертиза ташкилотларида суд экспертизасини ўтказувчи суд эксперти;

тингловчи — суд-экспертиза соҳасида қайта тайёрлаш, нодавлат суд экспертларининг малакаси ва ҳуқуқий билимини ошириш курсларига қабул қилинган шахс;

қайта тайёрлаш — олий маълумотга эга бўлган шахсларни нодавлат суд-экспертиза ташкилотларида суд эксперти сифатида фаолият юритиши учун зарур билим ва малакага эга бўлиши учун касбга қайта тайёрлаш;

ҳуқуқий билимини ошириш — нодавлат суд эксперти сифатида фаолият юритиш учун лозим бўлган ҳуқуқий билимларни эгаллаш ва амалиётда қўллай олиш кўникмаларини шакллантириш.

3. Нодавлат суд экспертлари Ўзбекистон Республикаси Президентининг 2019 йил 17 январдаги ПҚ-4125-сон қарори билан тасдиқланган Нодавлат суд-экспертиза ташкилотларининг суд экспертлари учун қайта тайёрлаш ва малака ошириш курслари ташкил этиладиган давлат муассасаларининг рўйхатида кўрсатилган муассасалар (кейинги ўринларда — давлат муассасалари) томонидан ушбу рўйхатда белгиланган экспертиза турлари бўйича қайта тайёрланади ҳамда уларнинг малакаси оширилади.

Нодавлат суд экспертларининг ҳуқуқий билими Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида оширилади.

Суд экспертларини қайта тайёрлаш ва малакасини ошириш бўйича ўқув курсларининг амалий қисми Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси маркази базасида ташкил этилиши мумкин.

Давлат муассасалари қайта тайёрлашдан ва малака оширишдан ўтган шахслар ҳақидаги маълумотларни уч кун ичида ёзма равишда Ўзбекистон Республикаси Адлия вазирлигига тақдим қилади.

Тақдим қилинган маълумотда нодавлат суд экспертининг фамилияси, исми, отасининг исми, берилган ҳуқуқий ва малака оширгани бўйича берилган сертификат рақами ҳамда санаси кўрсатилади.

2-боб. Тингловчиларни қайта тайёрлаш

4. Нодавлат суд эксперти бўлиш истагини билдирган шахсларни қайта тайёрлашнинг мақсади — суд экспертизалари муайян тури бўйича назарий билим, амалий кўникма ва малакани шакллантириш, талабгорни нодавлат суд эксперти сифатида фаолият юритишга тайёрлашдан иборат.

Нодавлат суд эксперти бўлиш истагини билдирган шахсларни қайта тайёрлаш суд экспертларини қайта тайёрлашга қўйиладиган талаблар асосида ташкил қилинади.

5. Қуйидагилар нодавлат суд эксперти бўлиш истагини билдирган шахсларни қайта тайёрлашнинг вазифалари ҳисобланади:

тингловчиларни суд экспертизаси бўйича мамлакатдаги ва хорижий давлатлардаги мавжуд илмий ахборот ресурслари, илмий ва ўқув адабиётлари билан таништириш;

тингловчиларда суд экспертизаларининг муайян тури бўйича замонавий фан ва технологияга мувофиқ бўлган, илмий асосланган методикаларни амалда қўллаш кўникмаларини шакллантириш;

тингловчиларни муайян суд экспертизасининг шаклланиш босқичлари, замонавий суд экспертизасининг сўнгги ютуқлари ва имкониятлари ҳақида долзарб ахборот билан таъминлаш;

суд-экспертлик фаолиятида зарур бўлган кўникмаларни етарлича шакллантириш учун лозим бўлган амалий машғулотларни ўтказиш;

тингловчиларда мустақил равишда суд экспертизасини ўтказиш ва суд экспертиза хулосасини расмийлаштириш учун зарур бўлган малакани шакллантириш.

6. Нодавлат суд эксперти бўлиш истагини билдирган шахсларни қайта тайёрлаш ихтиёрийлик асосида суд экспертизасининг муайян тури бўйича касбий фаолият билан шуғулланиш истагини билдирган талабгорлар учун ташкил этилади.

7. Қайта тайёрлаш жараёнлари қуйидагиларни ўз ичига олади:

давлат муассасалари ва нодавлат суд экспертининг ихтисослиги юзасидан давлат суд-экспертиза муассасалари базасида ўқитиш;

масофавий таълим.

8. Давлат муассасалари ва нодавлат суд экспертининг ихтисослиги юзасидан давлат суд-экспертиза муассасалари базасида ўқитишда ўқув курси бошлангунга қадар таълимни ташкил этиш ва мувофиқлаштириш бўйича дастур тасдиқланади. Ушбу дастур суд экспертиза қонунчилиги ва соҳага оид ўзгаришларни инобатга олган ҳолда янгиланиб борилади.

Ишлаб чиқилган дастурлар асосида ўқув режаси ва ўқув амалиёт дастурлари ишлаб чиқилади. Бунда таълим жараёнининг 40 (қирқ) фоизи назарий, 60 (олтмиш) фоизи амалий қисмга ажратилади.

Тингловчиларга таълим жараёнининг назарий қисми тегишли давлат муассасасида, амалий қисми тегишли давлат суд-экспертиза муассасасида ташкил этилади.

9. Давлат суд-экспертиза муассасаси раҳбарининг буйруғи асосида тингловчиларга амалий тажрибага эга амалиёт раҳбари бириктирилади.

Бунда бириктирилган амалиёт раҳбарига меҳнат ва фуқаролик қонунчилигига мувофиқ унинг меҳнатига тегишли қўшимча ҳақ тўланиши инобатга олинади.

Амалиёт раҳбарининг фаолияти давлат суд-экспертиза муассасаси томонидан назорат қилинади ва бириктирилган тингловчиларни тўлиқ ва сифатли тайёрлашга масъул ҳисобланади.

10. Давлат муассасаларида ўқитиш 1+3, 2+2 ёки 3+1 схемалари бўйича (тегишли равишда 25, 50 ёки 75 фоиз — мустақил равишда билим орттириш, 75, 50 ёки 25 фоиз — бевосита давлат муассасаларида) масофадан қайта тайёрлаш ёки манфаатдор ташкилотлар базасида якка тартибдаги топшириқларни бажариш шаклида ташкил этилиши мумкин.

Ўқитишнинг бундай шакллари ахборот узатишнинг замонавий ахборот-коммуникация воситалари мавжуд бўлган тақдирда қўлланилади.

Масофавий таълим тегишли соҳа мутахассисларининг касбий эҳтиёжларидан келиб чиққан ҳолда ишлаб чиқилган ва масофадан ўқитишга мўлжалланган махсус таълим дастурлари орқали онлайн ҳамда офлайн тарзда амалга оширилади.

11. Нодавлат суд эксперти шартномага мувофиқ пулли асосда қайта тайёрланади.

Давлат муассасалари ва нодавлат суд экспертининг ихтисослиги юзасидан давлат суд-экспертиза муассасалари базасида қайта тайёрлашда шартноманинг тўлов миқдори улар томонидан ҳар бир тингловчининг қайта тайёрлаш билан боғлиқ харажатлар миқдори инобатга олинган ҳолда белгиланади.

12. Суд экспертизасининг муайян тури бўйича суд эксперти сифатида камида беш йиллик иш стажига эга бўлган шахслар ҳамда давлат суд-экспертиза муассасаларида суд эксперти сифатида сўнгги икки йил давомида узлуксиз ишлаб келаётган шахслар қайта тайёрлашдан ўтмасдан якуний имтиҳон топширишга ҳақли.

Нодавлат суд эксперти сертификатини олгандан кейин узлуксиз равишда беш йил давомида ўз ихтисослиги бўйича суд-экспертлик фаолиятини кўрсатмаган шахс фақат қайта тайёрлаш курсларидан такроран муваффақиятли ўтгандан кейин суд экспертизасини ўтказишга ҳақли.

13. Давлат муассасаларида суд экспертлари ўқув дастурлари ва режалари асосида қайта тайёрланади.

14. Нодавлат суд-экспертиза ташкилотларининг раҳбари суд экспертларининг ўз вақтида малакаси ва ҳуқуқий билимларини ошириш учун масъул ҳисобланади.

3-боб. Суд экспертларини қайта тайёрлаш ўқув курсларига қабул қилиш

15. Қайта тайёрлаш ўқув курсига қабул қилишни ташкил этиш учун ҳар йили давлат муассасаси раҳбарининг буйруғи билан тоқ сондан иборат қабул комиссияси (кейинги ўринларда — қабул комиссия) ташкил этилади. Ушбу қабул комиссияси календарь йил давомида фаолият юритади.

16. Қабул комиссияси таркибига давлат муассасаси раҳбари, тегишли соҳа бўйича тажрибали суд экспертлари ҳамда давлат муассасаси бўйсунадиган вазирлик ёки идора вакиллари киради. Давлат муассасаси раҳбари комиссия раиси ҳисобланади. Комиссия аъзолари ичидан унинг котиби тайинланади.

Комиссия унинг учдан икки қисми аъзолари ҳозир бўлганда, ваколатли ҳисобланади. Комиссия мажлисларида котиб томонидан мажлис баённомаси юритилади.

17. Тингловчиларни қайта тайёрлаш ўқув курслари, қоида тариқасида, йилига икки марта сентябрь ва март ойларида ташкил этилади.

18. Қайта тайёрлаш ўқув курсларига талабгорлардан ҳужжат қабул қилиш ўқув курси бошланишидан икки ой олдин бошланади ва ўқув курси бошланишига бир ой қолганда тўхтатилади.

19. Талабгорлар ўқув курсига суҳбат шаклида қабул қилинади ва қабул ўқув курси бошланишидан бир ой олдин бошланади.

20. Қайта тайёрлаш ўқув курси ташкил этилиши, ўқув курсларининг тегишли суд-экспертлик ихтисосликлари бўйича давомийлиги, тўлов миқдори, ҳужжатлар қабул қилинадиган ва суҳбат ўтказиладиган жой тўғрисида давлат муассасасининг веб-сайтида ҳамда оммавий ахборот воситаларида эълон берилади.

21. Талабгор тегишли давлат муассасасининг расмий веб-сайти орқали ёки бевосита давлат муассасаси раҳбари номига ариза билан мурожаат қилади. Аризада талабгорнинг муассасада таълим бериладиган тиллардан бирида таълим олиш ва имтиҳон топширишни истаги кўрсатилади.

Қуйидаги ҳужжатлар давлат муассасаси томонидан тегишли давлат органлари ва ташкилотлардан мустақил равишда, шу жумладан, «Электрон ҳукумат» тизими идоралараро интеграциялашув платформаси орқали сўраб олинади:

идентификацияловчи ID-картаси (паспорт) маълумотлари;

шахснинг рақамли фотосурати;

маълумоти тўғрисидаги диплом маълумотлари;

меҳнат дафтарчаси маълумотлари;

экспертлик фаолияти ва турини тасдиқловчи бошқа ҳужжат маълумотлари.

22. Қабул комиссияси котиби томонидан ҳар бир талабгор учун ҳужжатлар йиғмажилди шакллантирилади ва қабул комиссиясига кўриб чиқиш учун киритилади.

23. Суҳбат талабгорнинг умумий дунёқараши ва касбга қизиқиши, соҳа бўйича билимларини синовдан ўтказиш мақсадида қабул комиссияси томонидан ўзбек ёки бошқа тилларда ўтказилади.

24. Суҳбат натижаси бўйича ўқишга тавсия этилган талабгорга икки нусхада қайта тайёрлаш ўқув курсида ўқиш тўғрисидаги шартномани имзолаш таклиф этилади.

25. Қайта тайёрлаш тўғрисидаги шартномани имзолаган ва тўловни амалга оширган талабгорлар қайта тайёрлаш ўқув курсларига давлат муассасаси раҳбарининг буйруғи билан қабул қилинади.

4-боб. Тингловчиларни қайта тайёрлаш ўқув курсларини ташкил қилиш

26. Суд экспертларини қайта тайёрлаш ўқув курсларида ўқув машғулотлари маъруза, семинар, амалий машғулот, шунингдек, интерфаол ўқитиш шаклларида (амалий, лаборатория, кейс-стади, тренинг, дебат) ташкил қилинади.

Таълим жараёни ўзбек ёки бошқа тилларда амалга оширилади.

Шартнома тузган талабгорлар сонидан келиб чиқиб, қоида тариқасида, ўн нафардан йигирма нафаргача тингловчидан иборат академик гуруҳлар шакллантирилади.

Масофадан ўқитиш усуллари асосидаги курсларда тингловчиларнинг ўзлаштириш кўрсаткичлари онлайн шаклида қайд этиб борилади ва курсларни тўлиқ ўзлаштирган тингловчиларга бевосита қайта тайёрлаш, малака ва ҳуқуқий билимини ошириш бўйича таълим муассасаларида ўтказиладиган онлайн тест синовларида иштирок этишга рухсат берилади.

Электрон портфолио кўрсаткичлари ва онлайн тест синовлари натижалари асосида тингловчиларга малакавий ишини (рефератни) ҳимоя қилишга рухсат берилади.

27. Ўқув жараёнининг давомийлиги ўқув режасига мувофиқ белгиланади. Ўқув жараёни ҳафтасига кўпи билан 36 академик соат ҳажмида амалга оширилади. Ўқув юкламасининг умумий ҳажми суд экспертларини қайта тайёрлашга қўйиладиган талаблардан келиб чиққан ҳолда фанлар блоклари бўйича тақсимланади.

Маъруза, семинар ва амалий машғулотнинг ўқув соатлари миқдори қайта тайёрлаш курсининг давомийлигидан келиб чиқиб белгиланади. Бунда маъруза ва семинар ўқув юкламасининг 40 фоизидан ошмаслиги лозим.

28. Суд экспертларини қайта тайёрлаш суд экспертиза турларига боғлиқ равишда камида олти ойдан (24 ҳафта) кам бўлмаган муддатда ташкил этилади.

29. Ўқув курсининг барча турдаги аудитория машғулотларининг давомийлиги — 80 дақиқа (икки академик соат) этиб белгиланади. Ўқув машғулотлари орасида танаффус эълон қилинади.

30. Ўқув курсининг ҳар бир модуль ёки бўлим якунида тингловчи танланган мавзу бўйича малакавий ишини (рефератни) ҳимоя қилади ва малакавий иши (реферат) ҳажми, ҳимоя қилиш, тақриздан ўтказиш тартиби ўқув дастурида белгиланади.

31. Амалий машғулотларда дастур асосида тингловчилар тегишли суд-экспертлик фаолияти бўйича тадқиқотлар ва текширувларни мустақил тарзда ўтказади ҳамда уларнинг натижаси бўйича зарур ҳужжатларни расмийлаштириш кўникмаларини эгаллайди.

32. Жорий, оралиқ ва якуний назорат, амалий машғулотлар натижаларини қайд қилиш, тингловчилар давоматини юритиш учун тегишли журнал юритилади.

33. Тингловчилар ўқув жараёнидан қуйидаги ҳолатларда давлат муассасаси раҳбарининг буйруғи билан четлаштирилади:

давлат муассасасининг ички тартиб-қоидаларини бузганлик учун;

узрли сабабларсиз 24 академик соатдан кўп ўқув машғулотларини қолдирганлик учун;

ўз аризасига асосан;

суд томонидан озодликдан маҳрум этилгани муносабати билан;

вафот этганлиги сабабли.

5-боб. Тингловчилар билимини баҳолаш

34. Ўқув курсида тингловчиларнинг билими ва амалий кўникмалари рейтинг тизими асосида баҳоланади.

Тингловчилар томонидан ўқув дастурларини ўзлаштириш даражаси жорий, оралиқ ва якуний назорат орқали аниқланади.

Якуний назорат ўқиш даврида олинган назарий билимлар ва амалий кўникмаларни аниқлаш мақсадида тест ҳамда суҳбат шаклида ўтказилади.

Жорий, оралиқ ва якуний назорат ўтказиш жараёнида тингловчига норматив-ҳуқуқий ҳужжатлардан, махсус адабиётлардан, алоқа воситаларидан, шунингдек, бошқа манбалардан фойдаланиш, бошқа талабгорлар (тингловчилар) билан гаплашиш тақиқланади.

35. Ёзма ва амалий имтиҳон саволлари ўқув жараёнида ўзлаштирилган назарий билимлар ва амалий кўникмаларни синовдан ўтказиш учун ўқув жараёнида ўтилган мавзулар ва материаллар асосида тузилади.

36. Қайта тайёрлаш курсини тамомлаган, якуний назоратларни муваффақиятли топширган тингловчиларга мазкур Низомга 2-иловада белгиланган намунадаги диплом берилади.

37. Жорий, оралиқ ва якуний назорат кўрсаткичларидан норози бўлган тингловчи уч кун ичида давлат муассасаси раҳбари номига апелляция шикояти билан мурожаат қилишга ҳақли.

Апелляция шикоятини кўриб чиқиш учун давлат муассасаси раҳбари буйруғи билан тоқ сондан иборат апелляция комиссияси ташкил этилади. Қабул комиссияси аъзоларининг кўпи билан ярми апелляция комиссияси таркибига кириши мумкин.

Шикоят апелляция комиссияси томонидан тингловчи иштирокида уч кун ичида кўриб чиқилади ҳамда тингловчининг жорий, оралиқ ва якуний назорат кўрсаткичларига ўзгартириш киритиш ёки ўзгартириш киритмаслик тўғрисида қарор қабул қилинади. Комиссия қарори унинг барча аъзолари томонидан имзоланади.

6-боб. Қайта тайёрлаш ва малака оширишга қўйиладиган талаблар

38. Нодавлат суд экспертларини қайта тайёрлаш ва уларнинг малакасини оширишга қўйиладиган давлат таълим талаблари (кейинги ўринларда — Талаблар) суд экспертларининг қайта тайёрлаш ва малакасини ошириш бўйича ўқув дастурлари, таълим сифатини баҳолаш ва назорат қилиш бўйича ҳужжатларни давлат муассасаси томонидан ишлаб чиқиш учун асос ҳисобланади.

Суд экспертларини қайта тайёрлаш, уларнинг малака ва ҳуқуқий билимини ошириш курслари бўйича ўқув жараёнини ташкил этиш, амалиёт ўташ, натижаларини баҳолаш ва назорат қилиш тартиблари давлат муассасаларининг коллегиал органи томонидан белгиланади.

39. Қуйидагилар суд экспертларини қайта тайёрлашга ва малакасини оширишга қўйиладиган асосий талаблар ҳисобланади:

Ўзбекистон Республикаси Конституцияси ва қонунларида белгиланган асосий принциплар ва қоидаларни, қонунчилик ҳужжатлари нормаларини билиш, тўғри англаш ва қўллаш қобилияти;

суд-экспертлик фаолиятини амалга ошириш қобилияти;

илмий-тадқиқот фаолияти билан шуғулланиш қобилияти;

турли вазиятларга нисбатан руҳий барқарорлик.

40. Ўзбекистон Республикаси Конституцияси ва қонунларида белгиланган асосий принциплар ва қоидаларни, қонунчилик ҳужжатлари нормаларини билиш, тўғри англаш ва қўллаш қобилияти қуйидагиларни назарда тутади:

Ўзбекистон Республикаси Конституцияси ва қонунларида белгиланган асосий принциплар ҳамда қоидаларни, шунингдек, процессуал нормаларни билиш, уларнинг моҳиятини тушуниш ва қўллаш;

қонунчилик ҳужжатларида белгиланган фуқароларнинг асосий ҳуқуқлари, эркинликлари ва мажбуриятларини билиш ва уларнинг қонун билан кафолатланишини англаш;

давлат ҳокимияти органлари тизимини ва уларнинг ташкил этилиш асосларини билиш;

соҳага оид қонунчилик ҳужжатларини билиш, тушуниш ва уларни амалиётда қўллай олиш.

41. Суд-экспертлик фаолиятини амалга ошириш қобилияти қуйидагиларни назарда тутади:

суд экспертизаси соҳасидаги билимларни қўллаш кўникмаларига эга бўлиш;

мустақил ижодий фикрлаш ҳамда соҳага оид ҳуқуқий нормаларни тўғри, бир хилда тушуниш ва қўллаш, уларнинг мазмунини аниқлай олиш;

суд экспертизаларининг методикаларини билиш, тадқиқотлар ўтказишда мустақил ва тўғри қўллай олиш;

дастлабки, қайта, қўшимча, комиссиявий ва комплекс экспертизалар бўйича тадқиқотларни ўтказа олиш;

суд экспертизаси соҳасида замонавий ахборот технологияларини мустақил қўллаш, Интернет жаҳон ахборот тармоғидан фойдаланишнинг амалий кўникмаларига эга бўлиш;

суд экспертизаларини тайинлаш ва ўтказишда мавжуд хатоларни аниқлай олиш ҳамда бартараф этиш йўлларини билиш;

ўз фаолиятида ҳуқуқни муҳофаза қилувчи органлар билан ҳамкорлик қилишнинг асосларини билиш.

42. Илмий-тадқиқот фаолияти билан шуғулланиш қобилияти қуйидагиларни назарда тутади:

суд-экспертиза соҳасида алоҳида мавзу ёки мавзунинг бир қисми бўйича илмий изланишлар ҳамда тажриба ўтказа олиш ва бундай фаолиятда иштирок этиш;

суд экспертизаларининг мавжуд методикаларини такомиллаштириш ёки янги методикалар яратиш бўйича илмий-тадқиқот ишларини амалга ошириш;

янги турдаги суд экспертизаларини жорий қилиш бўйича тегишли илмий-тадқиқот фаолиятини амалга ошириш.

43. Турли вазиятларга нисбатан руҳий барқарорлик қобилияти қуйидагиларни назарда тутади:

фаолиятида учраб турадиган зиддиятли вазиятларни олдиндан билиш ва баҳолай олиш;

суд-экспертлик фаолиятида юзага келадиган зиддиятли ҳолатларни аниқлаш ва уларни бартараф этиш йўлларини билиш;

турли вазиятларда аниқ ва қонунга мувофиқ ҳаракат қилиш.

44. Суд экспертларини қайта тайёрлаш ва малакасини оширишга қўйиладиган умумий талаблар, суд экспертларини қайта тайёрлаш ва малакасини ошириш сифатини баҳолаш ҳамда назорат қилиш тартиби тегишли ўқув дастурлари билан белгиланади.

7-боб. Суд экспертларининг малакасини ва ҳуқуқий билимини ошириш

45. Малакасини ва ҳуқуқий билимларини ошираётган суд экспертларига ўқишнинг бутун даври мобайнида иш берувчи билан келишилган ҳолда асосий иш жойи бўйича эгаллаб турган лавозими ва ўртача ойлик иш ҳақи сақлаб қолиниши мумкин.

46. Суд экспертларининг малакасини ва ҳуқуқий билимларини ошириш курслари, давлат муассасаси томонидан тасдиқланган график-тақсимот асосида ташкил этилади.

47. Суд экспертларининг малакаси ва ҳуқуқий билимлари шартномага мувофиқ тўлов асосида оширилади.

48. Нодавлат суд экспертининг навбатдаги малака ва ҳуқуқий билимини ошириш муддатидан камида бир ой олдин нодавлат суд-экспертиза ташкилоти раҳбари тегишли давлат муассасасига мазкур Низомга 1-иловага мувофиқ ариза билан мурожаат қилади.

49. Нодавлат суд-экспертиза ташкилоти томонидан тегишли ўқув курси бошланишидан камида ўн кун олдин шартномага мувофиқ тўлов амалга оширилади.

8-боб. Суд экспертларининг малакасини ва ҳуқуқий билимини ошириш бўйича ўқув жараёнини ташкил этиш

50. Суд экспертларининг малакаси ва ҳуқуқий билими алоҳида ўқув дастурлари асосида шартномага мувофиқ пулли асосда оширилади.

Суд экспертларининг малакасини ва ҳуқуқий билимини ошириш жараёнлари қуйидагиларни ўз ичига олади:

давлат муассасаларида ўқитиш;

масофавий таълим.

Давлат муассасаларида ўқитиш 1+3, 2+2 ёки 3+1 схемалари бўйича (тегишли равишда 25, 50 ёки 75 фоиз — яшаш жойи бўйича мустақил равишда билим орттириш, 75, 50 ёки 25 фоиз — бевосита давлат муассасаларида) масофадан малака ошириш ёки манфаатдор ташкилотлар базасида якка тартибдаги топшириқларни бажариш шаклида ташкил этилиши мумкин.

Ўқитишнинг бундай шакллари ахборот узатишнинг замонавий ахборот-коммуникация воситалари мавжуд бўлган тақдирда қўлланади.

Масофавий таълим тегишли соҳа мутахассисларининг касбий эҳтиёжларидан келиб чиққан ҳолда ишлаб чиқилган ва масофадан ўқитишни амалга оширишга мўлжалланган махсус таълим дастурлари орқали онлайн ҳамда офлайн тарзда амалга оширилади.

51. Суд экспертларининг малакасини ошириш муддати икки ҳафтани, ҳуқуқий билимларини ошириш муддати бир ҳафтани ташкил қилади.

Ўқув жараёни гуруҳ таркибида ёки якка тартибда суд экспертизаларининг муайян бир тури бўйича ташкил этилади.

52. Давлат муассасалари:

мультимедиа ва ахборот-коммуникация технологияларини қўллаган ҳолда, ўқув режаси ва дастурларини ишлаб чиқади ва тасдиқлайди;

фанларнинг суд экспертиза амалиёти билан боғлиқлигини таъминлайди, ўқув жараёнига суд экспертизаси соҳасидаги илғор илмий тадқиқотлар натижалари, педагогик технологиялар, машғулотлар ўтказишнинг самарали шакл ва усулларини жорий этади;

суд экспертлари томонидан ўз мутахассислиги бўйича янги назарий билимлар ва замонавий тадқиқот усуллари, илғор амалий тажрибадан фойдаланиш кўникмаларини ривожлантиришни таъминлайди;

мамлакатимизда ва хорижда ишлаб чиқилган суд экспертизаси фанларига тааллуқли илмий, методик ва техник янгиликлар, илғор тажрибани ўрганади ҳамда ўқув жараёнига жорий қилади;

ўқув жараёнининг лозим даражада ташкил қилиниши ва ўтказилиши учун жавоб беради.

53. Ўқув жараёни муайян йўналиш бўйича узлуксиз машғулотлар тарзида (кун давомида бошқа турдаги машғулотларга жалб этмасдан) амалга оширилади.

54. Нодавлат суд экспертларининг малакасини ошириш жараёнида малакавий амалиёт ўтказилиши назарда тутилади.

55. Нодавлат суд экспертини малака ва ҳуқуқий билимни ошириш курсига қабул қилиш бўйича давлат муассасаси раҳбарининг буйруғи қабул қилинади.

56. Нодавлат суд экспертлари қуйидаги ҳолатларда ўқув курсидан четлаштирилади:

давлат муассасаси ички тартиб-қоидаларини бузганлик учун;

узрли сабабларсиз 8 академик соатдан кўп ўқув машғулотларини қолдирганлик учун.

57. Нодавлат суд эксперти ўз аризасига кўра ўқув жараёнидан четлаштирилиши мумкин. Узрли сабабларга кўра ўқишни давом эттира олмаган нодавлат суд экспертига келгусида ташкил этиладиган ўқув курсларида ўқиш имкони берилади.

58. Нодавлат суд экспертини ўқув жараёнидан четлаштириш давлат муассасаси раҳбарининг буйруғи билан расмийлаштирилади ва бу ҳақида тегишли нодавлат суд-экспертиза ташкилотига хабар берилади.

9-боб. Нодавлат суд экспертларининг билимини баҳолаш

59. Ўқув жараёнига жалб қилинган суд экспертлари билимлари якуний назоратлар натижасига кўра баҳоланади.

Малака ва ҳуқуқий билимларни ошириш бўйича якуний назорат компьютерда топшириладиган тест ёки ёзма имтиҳон шаклида ўтказилади.

Тест синовларининг натижаси шу вақтнинг ўзида маълум қилинади.

60. Якуний назоратни ўтказиш учун давлат муассасаси раҳбарининг буйруғи билан комиссия ташкил этилади. Комиссия таркибига давлат муассасаси бўйсунадиган вазирликлар ва идоралар, шунингдек, олий таълим муассасалари ва бошқа ташкилотларнинг вакиллари улар билан келишган ҳолда киритилиши мумкин.

Якуний назорат натижалари комиссия аъзолари томонидан имзоланадиган қайднома варақаларига киритилади.

61. Малака ошириш ўқув дастурини муваффақиятли ўзлаштирган нодавлат суд экспертига ушбу Низомга 3-иловага мувофиқ намунадаги сертификат берилади.

Ҳуқуқий билимини ошириш ўқув дастурини муваффақиятли ўзлаштирган нодавлат суд экспертига ушбу Низомга 4-иловага мувофиқ намунадаги сертификат берилади.

62. Якуний назоратлардан ўта олмаган ёки узрли сабабларга кўра уларда иштирок эта олмаган нодавлат суд экспертига унинг аризасига кўра бир ой ичида якуний назоратни қайта топшириш имкони берилади.

63. Белгиланган муддатларда малакасини ва ҳуқуқий билимларини оширмаган ёки якуний назоратдан қайта ўта олмаган нодавлат суд эксперти малакасини ва ҳуқуқий билимини оширишдан ўтмаган деб ҳисобланади.

64. Малакасини ва ҳуқуқий билимни оширишдан ўтмаган нодавлат суд эксперти ушбу Низомда белгиланган тартибда малака ва ҳуқуқий билимини ошириш курсида такроран ўқиши мумкин.

65. Нодавлат суд-экспертиза ташкилотлари малакасини ва ҳуқуқий билимларини оширишдан ўтган нодавлат суд экспертлари тўғрисидаги маълумотни уч кун муддатда Ўзбекистон Республикаси Адлия вазирлигига тақдим қилади.

66. Белгиланган муддатларда нодавлат суд экспертларининг малакаси ва ҳуқуқий билимлари оширилишини таъминламаган нодавлат суд-экспертиза ташкилотига Ўзбекистон Республикаси Адлия вазирлиги томонидан огоҳлантириш берилади ва унинг расмий веб-сайтида эълон қилинади.

67. Малакасини ва ҳуқуқий билимларни оширишдан ўтган суд экспертлари тўғрисидаги маълумот Суд эксперти сифатида касбий лаёқатни тасдиқловчи сертификат олган шахсларнинг ягона реестрига киритилади.

10-боб. Якунловчи қоида

68. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

__________________________________ (давлат муассасасининг номи) ________________________________га (муассаса раҳбарининг Ф.И.О.) __________________________________ (нодавлат суд-экспертиза ташкилоти номи) _______________________________дан (ташкилот раҳбарининг Ф.И.О.) Суд экспертларининг малакасини/ҳуқуқий билимини ошириш бўйича ариза Суд экспертларининг малака/ҳуқуқий билимини ошириш курсларида қуйидаги ходим(лар)ни ўқитиш бўйича амалий ёрдам кўрсатишингизни сўрайман: Т/р Ходим(лар)нинг Ф.И.О. Ходим(лар)нинг лавозими Мутахассислик номи 1. 2. 3. ____________________________ _________________ ______________________ (раҳбар лавозими) (имзо) (Ф.И.О.)

Ўзбекистон Республикаси Давлат герби Ўзбекистон Республикаси Қайта тайёрлаш ҳақида ДИПЛОМ QT №000000 ________________________________________________________________________________ ( тингловчининг фамилияси, исми, отасининг исми ) 20_____ йил _________________________________дан 20______ йил ______________________________________________________________________________________________________________________________________________________________________гача _________________________________________________________________________________________________________________________________________________________________________________________________________________________________да (давлат муассасасининг номи) _____________________________________________________________________________________________________________________________________________________________________________________________________________________________________ (суд экспертизаси турининг номи) тури бўйича _____________ соатга мўлжалланган Нодавлат суд эксперти бўлиш истагини билдирган шахсларни қайта тайёрлаш курсида таълим олиб, ___________ баҳога ҳимоя қилди ва қайта тайёрлаш ўқув курсини муваффақиятли тамомлади. Муҳр ўрни Директор _____________ Сана _____________ Қайд рақами __________

_________________________________ (Давлат муассасасининг номи) нодавлат суд экспертининг малакасини оширгани тўғрисида СЕРТИФИКАТ № _____________ 20___ йил «____» _____________ ____________________ (берилган жойи) _______________________________________________________________________________________ (нодавлат суд экспертининг фамилияси, исми, отасининг исми) 20____ йил «____» _____________ дан 20____ йил «____» _____________ гача _______________________________________________________________________________________________________________________________________________________соатли ____________________________________________________________________________________________________________________________________________________________________________________________________________________________ ни (малака ошириш курсининг номи) муваффақиятли тамомлади. Мазкур сертификат нодавлат суд экспертининг суд экспертизасининг _____________________________ касбий лаёқатини тасдиқлайди. Комиссия раиси ___________________________ __________________ (Ф.И.О) (имзо) Ҳужжатнинг ҳақиқийлигини тасдиқловчи QR-код ____________________________ ____________________________ Амал қилиш муддати 2 йил

___________________________________________ (Давлат муассасасининг номи) нодавлат суд экспертининг ҳуқуқий билимини оширгани тўғрисида СЕРТИФИКАТ № _____________ 20___ йил «___» _____________ ___________________ (берилган жойи) ________________________________________________________________________________________ ( нодавлат суд экспертининг фамилияси, исми, отасининг исми) 20____ йил «_____» ______________ дан 20____ йил «_____» ____________ гача _____________________________________________________________________________________________________________________________________________соатли __________________________________________________________________________________________________________________________________________________________________________________________________________________ ни (малака ошириш курсининг номи) (курснинг номи) муваффақиятли тамомлади. Мазкур сертификат нодавлат суд экспертининг суд экспертизасининг ____________________________ тури бўйича касбий лаёқатини тасдиқлайди. Комиссия раиси ____________________________ __________________ (Ф.И.О) (имзо) Ҳужжатнинг ҳақиқийлигини тасдиқловчи QR-код Амал қилиш муддати 2 йил

Вазирлар Маҳкамасининг 2026 йил 20 февралдаги 73-сон қарорига 4-ИЛОВА

Нодавлат суд экспертларини Суд эксперти сифатида касбий лаёқатни тасдиқловчи сертификат олган шахсларнинг ягона реестрига киритиш бўйича давлат хизматини кўрсатишнинг

1-боб. Умумий қоидалар

1. Ушбу Регламент нодавлат суд эксперти сифатида касбий лаёқатини тасдиқловчи сертификатни олган шахсларни Суд эксперти сифатида касбий лаёқатини тасдиқловчи сертификат олган шахсларнинг ягона реестрига киритиш бўйича давлат хизматини кўрсатиш тартибини белгилайди.

2. Ушбу Регламентда қуйидаги асосий тушунчалардан фойдаланилади:

нодавлат суд-экспертиза ташкилоти — шартнома асосида фуқаролик, иқтисодий, маъмурий суд ишлари ва маъмурий ҳуқуқбузарлик тўғрисидаги ишлар бўйича суд экспертизасини ҳамда жисмоний ва юридик шахсларнинг мурожаатлари юзасидан тадқиқотлар ўтказишга ихтисослаштирилган нотижорат ташкилот;

суд эксперти сертификати — муайян суд экспертизаси тури бўйича нодавлат суд-экспертиза ташкилотлари суд экспертининг касбий лаёқатини тасдиқловчи ҳужжат;

Суд эксперти сифатида касбий лаёқатини тасдиқловчи сертификат олган шахсларнинг ягона реестри (кейинги ўринларда — Ягона реестр) — суд эксперти сертификатини олган шахслар тўғрисидаги маълумотлар акс эттирилган, доимий янгилаб туриладиган ҳамда Ўзбекистон Республикаси Адлия вазирлиги (кейинги ўринларда — ваколатли орган) томонидан юритиладиган ягона маълумотлар базаси.

3. Давлат хизмати Давлат хизматлари марказлари (кейинги ўринларда — Марказ) ва Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали ваколатли орган томонидан кўрсатилади.

4. Марказ ва ваколатли орган ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

5. Давлат хизмати ушбу Регламентга 1-иловага мувофиқ схема асосида кўрсатилади.

2-боб. Давлат хизматини кўрсатиш тартиби

6. Ариза берувчи давлат хизматидан фойдаланиш учун Марказга ўзи келиб мурожаат этади ёки давлат хизматидан электрон шаклда фойдаланиш учун ЯИДХПда рўйхатдан ўтади.

7. Ариза берувчи ўзи келиб мурожаат этган тақдирда, Марказ ходими ариза берувчи номидан, ЯИДХП орқали мурожаат қилган тақдирда эса, ариза берувчи мустақил равишда ушбу Регламентга 2-иловага мувофиқ шаклдаги сўровномани тўлдиради.

Сўровномалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда сўровномалар иш вақтидан кейин ёки дам олиш ва байрам кунлари тушганда, навбатдаги иш куни сўровномаларнинг ваколатли органга тушган ва ваколатли орган томонидан қабул қилинган кун ҳисобланади.

Давлат органлари ва ташкилотлари сўровномада кўрсатилган маълумот ва ҳужжатларни «Рақамли ҳукумат» тизими идоралараро интеграциялашув платформаси орқали тақдим этилишини таъминлайди.

Ариза берувчидан сўровномада кўрсатилмаган маълумотлар ва ҳужжатларни талаб қилиш тақиқланади.

8. Сўровнома тўлдирилганидан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, Face-ID, Мобил-ID ва бошқалар) билан тасдиқлайди.

Ариза берувчи ЯИДХП орқали мурожаат этган тақдирда, сўровномани ЭРИ билан тасдиқлаш талаб этилмайди.

9. Ягона реестрга киритиш бўйича давлат хизмати бепул кўрсатилади.

10. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда, унинг сўровномаси кўрмасдан қолдирилади.

11. Ариза берувчи Марказга келиб мурожаат этганда, унинг сўровномаси Марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар 10 дақиқа мобайнида ваколатли органга электрон шаклда юборилади. ЯИДХП орқали мурожаат қилинганда эса, сўровнома автоматик тарзда ваколатли органга юборилади.

12. Ваколатли орган 5 иш куни ичида сўровномани кўриб чиқиб, ариза берувчи QR-код (матрик штрихли код) қўйилган Ягона реестрга киритилгани ҳақидаги 3-иловага мувофиқ маълумотномани ёки Ягона реестрга киритишни рад этиш ҳақидаги 4-иловага мувофиқ хабарномани Марказга (ўзи келиб мурожаат этган тақдирда) ёки ариза берувчига (электрон шаклда мурожаат этган тақдирда) ЯИДХП орқали юборади.

Марказ маълумотнома ёки хабарнома келиб тушгандан сўнг 10 дақиқа мобайнида уни ариза берувчининг электрон манзилига юборади ва ариза берувчини бу ҳақида ахборот-коммуникация тизими орқали хабардор қилади. Марказ ариза берувчи ўзи келиб мурожаат қилган тақдирда, ариза берувчининг сўровига кўра унга маълумотномани электрон ёки қоғоз шаклда тақдим этади.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

13. Давлат хизматини кўрсатишни рад этиш учун қуйидагилар асос бўлади:

ҳужжатларда нотўғри ёки бузиб кўрсатилган маълумотлар мавжуд бўлганда;

ариза берувчи Ўзбекистон Республикасининг «Суд экспертизаси тўғрисида»ги Қонунида нодавлат суд эксперти учун белгиланган талабларга жавоб бермаганда.

14. Давлат хизматини кўрсатиш рад этилганда, ариза берувчи бир ой муддатда рад этиш асосларини бартараф қилган ҳолда қайта мурожаат қилиш ҳуқуқига эга.

3-боб. Ягона реестрни юритиш тартиби

15. Ягона реестр ваколатли орган томонидан юритилади ва унда қуйидаги маълумотлар қайд этилади:

суд экспертига берилган тартиб рақами;

Ягона реестрга киритилган сана;

суд экспертининг фамилияси, исми, отасининг исми;

суд эксперти фаолият юритадиган нодавлат суд-экспертиза ташкилотининг номи, манзили, телефон рақами;

суд экспертининг ихтисослашган суд-экспертиза турлари;

суд эксперти сертификатининг реквизитлари;

Ягона реестрдан чиқарилган сана;

қўшимча маълумотлар (малака ва ҳуқуқий билимни оширганлик ва бошқа).

16. Ягона реестр ваколатли органнинг расмий веб-сайтида эълон қилинади ҳамда ушбу Регламентга 5-иловага мувофиқ шаклда юритилади.

17. Ягона реестрдан маълумот олиш бепул амалга оширилади.

4-боб. Ягона реестрга ўзгартириш киритиш тартиби

18. Суд эксперти қуйидаги ҳолларда 5 иш кунида Марказга бевосита ўзи келиб мурожаат этиши ёхуд ЯИДХПда электрон шаклда ушбу Регламентга 2-иловага мувофиқ шаклдаги сўровномани электрон шаклда тўлдириши лозим:

суд эксперти фаолият юритадиган нодавлат суд-экспертиза ташкилотлари номи, жойлашган жойи (почта манзили) ёки телефон рақами ўзгарганда;

суд экспертининг ихтисослашган суд-экспертиза турлари сони кўпайганда;

суд эксперти навбатдаги малака ва ҳуқуқий билимини оширганда.

19. Сўровномага маълумотлар ўзгарганлигини тасдиқловчи ҳужжатлар нусхаси илова қилинади.

20. Ваколатли орган ариза берувчининг аризаси келиб тушган кундан бошлаб 5 иш куни ичида Реестрга ўзгартириш киритади ва маълумотномани Марказга (ўзи келиб мурожаат этган тақдирда) ёки ариза берувчига (электрон шаклда мурожаат этган тақдирда) ЯИДХП орқали юборади.

5-боб. Ягона реестрдан чиқариш тартиби

21. Қуйидаги ҳолларда суд эксперти тўғрисидаги маълумотлар Ягона реестрдан чиқарилади:

нодавлат суд эксперти ўзини Ягона реестрдан чиқариш тўғрисида ариза берганда;

суд эксперти вафот этганда;

Ўзбекистон Республикасининг «Суд экспертизаси тўғрисида»ги Қонунида нодавлат суд эксперти учун белгиланган талабларга жавоб бермаганда;

суд эксперти нодавлат суд-экспертиза ташкилотидан ишдан бўшаганда.

22. Нодавлат суд-экспертиза ташкилоти суд эксперти билан меҳнат муносабатлари тугатилган тақдирда, бу ҳақида беш кун муддатда ваколатли органга ёзма тарзда маълум қилиши шарт.

23. Ягона реестрдан чиқариш ваколатли органнинг қарори билан расмийлаштирилади.

6-боб. Якунловчи қоидалар

24. Марказ ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.

25. Ваколатли орган ушбу Регламент талаблари ижроси бўйича Марказ фаолиятини, шу жумладан, ЯИДХП орқали доимий назорат қилади.

26. Нодавлат суд экспертлари давлат органлари ва бошқа ташкилотлар ходимларининг хатти-ҳаракатлари, шунингдек, улар тўғрисидаги маълумотларни Ягона реестрга киритиш рад этилгани ёки Ягона реестрдан чиқарилгани юзасидан қонунчиликда белгиланган тартибда судга ёки бошқа органларга шикоят қилишлари мумкин.

27. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Нодавлат суд экспертларини Суд эксперти сифатида касбий лаёқатини тасдиқловчи сертификат олган шахсларнинг ягона реестрига киритиш бўйича давлат хизматини кўрсатишнинг маъмурий регламентига 1-ИЛОВА

Нодавлат суд экспертларини Суд эксперти сифатида касбий лаёқатини тасдиқловчи сертификат олган шахсларнинг ягона реестрга киритиш бўйича давлат хизматини кўрсатиш

Босқичлар Субъектлар Тадбирлар Бажариш муддатлари 1-босқич Ариза берувчи Ариза берувчи давлат хизматидан фойдаланиш учун Давлат хизматлари марказига (кейинги ўринларда — Марказ) ўзи келиб мурожаат этади ёки Ягона интерактив давлат хизматлари порталида (кейинги ўринларда — ЯИДХП) рўйхатдан ўтади. Ўз хоҳишига кўра 2-босқич 1. Марказ 1. Марказ ходими сўровномани тўлдириб, ариза берувчи томонидан тасдиқлангандан сўнг ваколатли органга юборади. 1. Сўровнома тўлдирилгандан сўнг 10 дақиқада 2. ЯИДХП 2. Тўлдирилган сўровнома автоматик тарзда ваколатли органга юборилади. 2. Реал вақт режимида 3-босқич Ваколатли орган Ваколатли орган ариза берувчи Ягона реестрга киритилганлиги ҳақидаги 3-иловага мувофиқ маълумотномани ёки Ягона реестрга киритишни рад этиш ҳақидаги QR-код (матрик штрихли код) қўйилган хабарномани тегишли Марказга ёки ЯИДХП орқали ариза берувчига электрон равишда юборади 5 иш куни ичида 4-босқич Марказ 1. Маълумотномани ёки QR-код (матрик штрихли код) қўйилган хабарнома келиб тушгандан сўнг уни ариза берувчининг электрон манзилига юборади ва ариза берувчини бу ҳақида ахборот-коммуникация тизими орқали хабардор қилади. 1. 10 дақиқа ичида 2. Ўзи келиб мурожаат қилган тақдирда маълумотномани электрон ёки қоғоз шаклида тақдим этади. 2. Ариза берувчининг сўровига кўра

Нодавлат суд экспертларини Суд эксперти сифатида касбий лаёқатини тасдиқловчи сертификат олган шахсларнинг ягона реестрга киритиш бўйича давлат хизматини кўрсатишга доир

I. Ариза берувчи шахс тўғрисида маълумот: 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): 5. Телефон рақами: 6. Яшаш манзили: II. Суд эксперти фаолияти тўғрисида маълумот: 7. Суд эксперти фаолият юритувчи нодавлат суд-экспертиза ташкилоти, шу жумладан, суд-экспертлик бюросининг номи: 8. Суд эксперти фаолият юритувчи нодавлат суд-экспертиза ташкилотининг манзили: 9. Суд эксперти сертификатининг реквизитлари: 10. Ихтисослашган суд-экспертиза тури: III. Сўровномага илова қилинадиган ҳужжатлар: 1. Суд эксперти сертификати. 2. Нодавлат суд-экспертиза ташкилотига ишга қабул қилингани тўғрисидаги буйруқ. 3. Ўзбекистон Республикасининг «Суд экспертизаси тўғрисида»ги Қонунига мувофиқ қасддан содир этган жиноятлари учун судланган бўлса, судланганлик ҳолати тугалланганлиги ёки судлангани олиб ташлангани юзасидан маълумотлар.

Ўзбекистон Республикаси Адлия вазирлиги Нодавлат суд экспертларини Суд эксперти сифатида касбий лаёқатини тасдиқловчи сертификат олган шахсларнинг ягона реестрига киритилганлиги тўғрисида МАЪЛУМОТНОМА № _________ Суд экспертининг (ариза берувчи) Ф.И.О. __________________________________________ Суд эксперти фаолият юритувчи н одавлат суд-экспертиза ташкилоти, шу жумладан, суд-экспертлик бюросининг номи ва манзили: _____________ ____________ ______________________________________ ________________________________________________________ ___________ ______________________ ________________________________________________________ ___________ ______________________ Суд эксперти сертификатининг реквизитлари: ______ ___________ ________________________________ ________________________________________________________ ___________ ______________________ Ихтисослашган суд-экспертиза турлари: ________________________ ___________ ___________________ ________________________________________________________ ___________ ______________________ ________________________________________________________ ___________ ______________________ Ягона реестрга киритилган сана ва рақами: _______________________ Маълумотномани берган масъул шахс Ф.И.О: ______________________________________ Мазкур ҳужжат Вазирлар Маҳкамасининг 2017 йил 15 сентябрдаги 728-сон қарори билан тасдиқланган Ўзбекистон Республикаси Ягона интерактив давлат хизматлари портали тўғрисидаги низомга мувофиқ шакллантирилган электрон ҳужжатнинг нусхаси ҳисобланади. Электрон ҳужжатнинг нусхасида кўрсатилган маълумотлар тўғрилигини текшириш учун repo.gov.uz веб-сайтига ўтинг ва электрон ҳужжатнинг ноёб рақамини киритинг ёки мобил телефон ёрдамида QR-кодни сканер қилинг. Диққат! Вазирлар Маҳкамасининг 2017 йил 15 сентябрдаги 728-сон қарорига мувофиқ электрон ҳужжатлардаги маълумотлар қонуний ҳисобланади. Давлат органларига Ягона порталда шакллантирилган электрон ҳужжатларнинг нусхаларини қабул қилишни рад этишлари қатъиян тақиқланган. QR-код

Ўзбекистон Республикаси Адлия вазирлиги Нодавлат суд экспертларини Суд эксперти сифатида касбий лаёқатини тасдиқловчи сертификат олган шахсларнинг ягона реестрига киритиш рад этилганлиги тўғрисида ХАБАРНОМА № _________ Суд экспертининг (ариза берувчи) Ф.И.О. __________________________________________ Суд эксперти фаолият юритувчи н одавлат суд-экспертиза ташкилоти, шу жумладан, суд-экспертлик бюросининг номи ва манзили: ____________________________ ____________ _______________________ ____________________________________________________ ___________ __________________________ ____________________________________________________ ___________ __________________________ Суд эксперти сертификатининг реквизитлари: __________ ___________ ____________________________ ____________________________________________________ ___________ __________________________ Ягона реестрга киритиш рад этиш сабаблари: ____ ___________ ___________________________________ ____________________________________________________ ___________ __________________________ ____________________________________________________ ___________ __________________________ Ягона реестрга киритиш рад этилган сана ва рақами: _______________________ Маълумотномани берган масъул шахс Ф.И.О: ______________________________________ Мазкур ҳужжат Вазирлар Маҳкамасининг 2017 йил 15 сентябрдаги 728-сон қарори билан тасдиқланган Ўзбекистон Республикаси Ягона интерактив давлат хизматлари портали тўғрисидаги низомга мувофиқ шакллантирилган электрон ҳужжатнинг нусхаси ҳисобланади. Электрон ҳужжатнинг нусхасида кўрсатилган маълумотлар тўғрилигини текшириш учун repo.gov.uz веб-сайтига ўтинг ва электрон ҳужжатнинг ноёб рақамини киритинг ёки мобил телефон ёрдамида QR-кодни сканер қилинг. Диққат! Вазирлар Маҳкамасининг 2017 йил 15 сентябрдаги 728-сон қарорига мувофиқ электрон ҳужжатлардаги маълумотлар қонуний ҳисобланади. Давлат органларига Ягона порталда шакллантирилган электрон ҳужжатларнинг нусхаларини қабул қилишни рад этишлари қатъиян тақиқланган. QR-код

Суд эксперти сифатида касбий лаёқатини тасдиқловчи сертификат олган шахсларнинг ягона реестри шакли

Суд экспертига берилган тартиб рақами Ягона реестрга киритилган сана Суд экспертининг фамилияси, исми, отасининг исми Суд эксперти фаолият юритадиган нодавлат суд-экспертиза ташкилотининг номи, манзили, телефон рақами Суд эксперти ихтисослашган суд экспертизаси турлари Суд эксперти сертификати реквизитлари Ягона реестрдан чиқарилган сана Қўшимча маълумотлар (малака ва ҳуқуқий билимни оширганлик ва бошқа)

Вазирлар Маҳкамасининг 2026 йил 20 февралдаги 73-сон қарорига 5-ИЛОВА

Ўзбекистон Республикаси Адлия вазирлиги ҳузуридаги Эксперт-малака комиссияси тўғрисида

1-боб. Умумий қоидалар

1. Ушбу Низом Ўзбекистон Республикаси Адлия вазирлиги ҳузуридаги Эксперт-малака комиссияси (кейинги ўринларда — Комиссия) ваколатларини ва унинг фаолиятини ташкил этиш тартибини белгилайди.

Комиссия:

нодавлат суд эксперти сифатида суд экспертизасини ўтказиш ҳуқуқини берувчи сертификат учун тест синовлари ҳамда суҳбат шаклида имтиҳон ўтказиш ҳамда натижаларига кўра сертификат бериш;

нодавлат суд экспертларини даврий аттестациядан ўтказиш;

нодавлат суд экспертларининг ноқонуний ҳаракатлари билан боғлиқ ҳолатларнинг адолатли ва холис кўриб чиқилишини таъминлаш;

нодавлат суд экспертларининг суд экспертизасини ўтказиш ҳуқуқини берувчи сертификатининг амал қилишини тўхтатиб туриш ва бекор қилиш билан боғлиқ ишларни кўриб чиқиш мақсадида тузилади.

2. Ушбу Низомда қуйидаги асосий тушунчалардан фойдаланилади:

интизомий иш юритиш — нодавлат суд эксперти томонидан қонунчилик ҳужжатлари, нодавлат суд экспертларининг касб этикаси қоидаларининг бузилиши аниқлангани, нодавлат суд экспертининг ноқонуний хатти-ҳаракатлари юзасидан мурожаатлари, экспертиза тайинлаш ваколатига эга органларнинг (шахсларнинг) тақдимномалари (ажримлари) бўйича Комиссия томонидан ўтказиладиган ўрганиш;

малака имтиҳони — нодавлат суд эксперти сифатида суд экспертизасини ўтказиш ҳуқуқини берувчи сертификат олиш истагидаги шахснинг танланган ихтисослик бўйича билим ва малакасини тест синовлари ҳамда суҳбат шаклида аниқлаш жараёни;

нодавлат суд эксперти — нодавлат суд-экспертиза ташкилотларида суд экспертизасини ўтказувчи суд эксперти;

талабгор — суд экспертизаси соҳасида қайта тайёрлаш курсларини тамомлаган ёки суд экспертизасининг муайян тури бўйича суд эксперти сифатида камида беш йиллик иш стажига эга бўлган ёхуд давлат суд-экспертиза муассасаларида суд эксперти сифатида сўнгги икки йил давомида узлуксиз ишлаб келаётган ҳамда нодавлат суд эксперти сифатида суд экспертизасини ўтказиш ҳуқуқини берувчи сертификат олиш бўйича малака имтиҳонида иштирок этиш учун мурожаат қилган жисмоний шахс.

3. Комиссия ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига ҳамда бошқа қонунчилик ҳужжатларига, шунингдек, ушбу Низомга амал қилади.

4. Давлат органлари ва бошқа манфаатдор шахсларнинг Комиссия фаолиятига аралашишига йўл қўйилмайди.

5. Комиссия ўз ваколатлари доирасида қарорлар қабул қилади. Комиссиянинг қабул қилган қарорлари тегишли ташкилотлар томонидан бажарилиши мажбурийдир.

6. Комиссия фаолиятининг моддий-техника таъминоти Ўзбекистон Республикаси Адлия вазирлиги томонидан амалга оширилади.

2-боб. Комиссия фаолиятини ташкил этиш

7. Комиссиянинг шахсий таркиби Ўзбекистон Республикаси адлия вазирининг буйруғи билан камида тўққиз нафар аъзодан иборат таркибда уч йил муддатга тасдиқланади.

Комиссия таркиби давлат суд-экспертиза муассасалари, нодавлат экспертиза ташкилотларининг тажрибали суд экспертлари, ҳуқуқшунос олимлар ҳамда жамоат ташкилотлари, тегишли вазирлик ва идораларнинг вакилларидан иборат таркибда шакллантирилади. Бунда Комиссия таркибига айни бир ташкилотдан бир нафардан ортиқ аъзо киритилишига йўл қўйилмайди.

8. Комиссия раиси ва унинг ўринбосари давлат суд-экспертиза муассасаси вакилларидан тайинланишига йўл қўйилмайди.

9. Комиссияга раис раҳбарлик қилади. Раис ҳозир бўлмаган ҳолларда, раиснинг ўринбосари Комиссиянинг мажлисида раислик қилишига рухсат этилади.

10. Комиссия аъзоси қуйидаги ҳолатларда Комиссия таркибидан чиқарилади:

ўз аризасига биноан;

суд эксперти мақоми тўхтатилган ёки тугатилганда;

иш жойи ўзгарганда ёки ишдан бўшатилганда;

ушбу Низом талабларини қўпол равишда бузганда;

соғлиғининг ҳолатига кўра вазифаларини бажариш имкони бўлмаганда;

Комиссия йиғилишларида узрли сабабларсиз кетма-кет уч марта иштирок этмаганда.

Ушбу банднинг тўртинчи — олтинчи хатбошиларида назарда тутилган асослар бўйича Комиссия аъзосини Комиссия таркибидан чиқариш масаласи Комиссия раиси томонидан киритилади.

Комиссия аъзосини Комиссия таркибидан чиқариш тўғрисидаги қарор Комиссия аъзоларининг учдан икки қисми овозлари билан қабул қилинади.

Бунда қабул қилинган қарорга асосан Ўзбекистон Республикаси адлия вазирининг тегишли буйруғига ўзгартириш ва қўшимчалар киритилади.

Қабул қилинган қарор ҳақида Комиссия таркибидан чиқарилган Комиссия аъзосига ёзма равишда маълум қилинади.

Комиссия аъзоси Комиссия таркибидан чиқариш тўғрисидаги қарор устидан судга шикоят қилишга ҳақли.

Комиссия таркибидан чиқарилган аъзо ўрнига ушбу Низомда назарда тутилган тартибда Комиссия тасдиқланган муддат доирасида янги аъзо киритилади.

11. Комиссия аъзоси бўлган нодавлат суд эксперти юзасидан интизомий иш ёки малака имтиҳони натижалари бўйича шикоят кўриб чиқилаётган ҳолларда, улар Комиссия аъзоси мажлисда қатнашишга ҳақли эмас.

Комиссиянинг аъзоси қуйидаги ҳолларда рад этилиши керак:

Комиссия мажлиси кўрилаётган масалалар бўйича талабгор, суд эксперти ва бошқа манфаатдор шахс Комиссия аъзосининг яқин қариндоши бўлса;

Комиссия мажлисининг натижасидан ва унда қабул қилинадиган қарордан бевосита ёки билвосита манфаатдор бўлса ёхуд унинг беғаразлигига шубҳа туғдирадиган бошқа ҳолатлар мавжуд бўлса.

Мазкур бандда кўрсатилган ҳолатлар мавжуд бўлган тақдирда, Комиссия аъзоси ўзини ўзи рад этиши шарт.

12. Комиссиянинг мажлиси, агар унда Комиссия аъзоларининг камида учдан икки қисми қатнашса, комиссия ваколатли (кворумга эга) ҳисобланади.

Кворум бўлмаган ҳолда, Комиссиянинг мажлисига ҳозир бўлган аъзолари томонидан мажлисни кейинга қолдириш тўғрисида қарор қабул қилинади, мажлис ўтказиладиган сана, вақт ва жой ҳақида қўшимча хабар қилинади.

13. Комиссия мажлислари заруратга қараб, бироқ олти ойда камида бир марта ўтказилади. Комиссия раиси Комиссия мажлиси ўтказилишидан камида ўн кун олдин мажлиснинг кун тартиби, санаси, вақти ва жойини белгилайди.

14. Комиссия қарорлари унинг мажлисида қатнашаётган Комиссия аъзоларининг оддий кўпчилиги овози билан қабул қилинади. Овозлар тенг бўлганда, раислик қилувчининг овози ҳал қилувчи ҳисобланади.

Комиссиянинг қарорлари улар қайси мажлисда қабул қилинган бўлса, ўша мажлисда раислик қилувчи томонидан эълон қилинади.

15. Комиссиянинг ишини юритиш Ўзбекистон Республикаси адлия вазири томонидан тайинланадиган Комиссиянинг масъул котиби (кейинги ўринларда — масъул котиб) зиммасига юкланади. Масъул котиб Комиссиянинг аъзоси бўлиши мумкин эмас.

Масъул котиб:

Комиссиянинг мажлисида кўриб чиқиш учун материалларни тайёрлайди ва уларнинг сақланишини таъминлайди;

Комиссия аъзоларини, шунингдек, ариза берган шахсларни ва бошқа манфаатдор шахсларни Комиссия мажлиси ўтказиладиган сана, вақт ва жой ҳақида хабардор қилади;

Комиссия мажлисларининг баённомаларини юритади ва сақлайди;

раислик қилувчининг Комиссия мажлисига тайёргарлик кўриш ва уни ўтказиш бўйича бошқа топшириқларини бажаради, шунингдек, ушбу Низомга мувофиқ бошқа вазифаларни ҳам бажаради.

3-боб. Комиссиянинг ҳуқуқ ва мажбуриятлари

16. Комиссия қуйидагиларни амалга оширади:

малака имтиҳонларини ўтказади ва уларнинг натижаларини тасдиқлайди;

суд экспертизасини ўтказиш ҳуқуқини берувчи сертификатни бериш тўғрисида қарор қабул қилади;

нодавлат суд экспертларини белгиланган тартибда аттестациядан ўтказишни ташкил этади;

нодавлат суд экспертларининг ноқонуний ҳаракатлари билан боғлиқ ҳолатларни кўриб чиқади;

нодавлат суд экспертининг суд экспертизасини ўтказиш ҳуқуқини берувчи сертификатининг амал қилишини тўхтатиб туриш ёки бекор қилиш тўғрисида қарор қабул қилади.

17. Комиссия ўзига юкланган вазифаларни бажаришда қуйидаги ҳуқуқларга эга:

талабгорлар, суд экспертлари ва бошқа манфаатдор шахсларнинг мурожаатларини кўриб чиқиш ва улар бўйича тегишли қарорлар қабул қилиш;

сертификатнинг амал қилишини тугатиш масаласини кўриб чиқиш тўғрисида тегишли ташкилотларнинг мурожаатлари бўйича хулосалар бериш;

ушбу Низомда назарда тутилган ҳолларда, талабгорлардан малака имтиҳонларини ўтказиш ва топшириш натижалари бўйича қарорлар қабул қилиш;

мурожаатларни кўриб чиқиш вақтида манфаатдор шахслар ва тегишли ташкилотлардан қўшимча ҳужжатларни сўраб олиш ҳамда зарур мутахассисларни иш юзасидан жалб этиш;

умумлаштириш ва таҳлил натижалари бўйича қарорлар қабул қилиш.

18. Комиссия ўзига юкланган вазифаларни бажаришда қуйидагиларга мажбур:

Комиссияга кўриб чиқиш учун киритилган масалаларни ҳар томонлама ва холисона кўриб чиқишга;

қонунчилик ҳужжатларига, суд-экспертлик фаолиятининг асосий принципларига қатъий риоя этишга.

Комиссия қонунчилик ҳужжатларига мувофиқ бошқа ҳуқуқ ва мажбуриятларга ҳам эга бўлиши мумкин.

4-боб. Малака имтиҳонларини ўтказиш ҳамда суд экспертизасини ўтказиш ҳуқуқини берувчи сертификат бериш тартиби

19. Малака имтиҳонлари Комиссия томонидан умумий ҳуқуқий билимлар ва суд-экспертлик фаолияти бўйича махсус билимлар юзасидан икки босқичда — тест синовлари ҳамда суҳбат шаклида ташкил этилади.

20. Комиссиянинг малака имтиҳонларни ўтказиш бўйича йиғилишлари расмий веб-саҳифаларда реал вақт режимида трансляция қилинади.

21. Комиссиянинг битта мажлисида бир нечта талабгорлар учун малака имтиҳони ўтказилганда талабгорлар малака имтиҳонига, қоида тариқасида, беш нафаргача талабгордан иборат гуруҳ шакллантирилиб, навбат бўйича киритилади.

Талабгорлар малака имтиҳонига шахсини тасдиқловчи ҳужжатини кўрсатган ҳолда киритилади.

22. Тест ва суҳбат саволлари Комиссия раиси томонидан тасдиқланади ҳамда Ўзбекистон Республикаси Адлия вазирлигининг расмий веб-сайтига жойлаштирилади, шунингдек, қонунчилик ҳужжатларига киритиладиган ўзгартириш ва қўшимчаларни ҳисобга олган ҳолда мунтазам равишда янгилаб борилади.

23. Тест ва суҳбат саволлари талабгор томонидан ахборот технологияларидан фойдаланган ҳолда махсус электрон дастур орқали тасодифий равишда танланади.

Талабгор томонидан тасодифий равишда танланган саволлар Комиссия масъул котиби томонидан принтерда чоп этилади ва талабгорга тақдим қилинади.

24. Тест саволлари бешта ҳуқуқий ҳамда ўз бешта суд-экспертлик фаолиятига оид саволлардан иборат бўлади.

Суҳбат саволлари битта ҳуқуқий, учта суд-экспертлик фаолиятига оид саволлар ҳамда битта казусдан ташкил топади.

25. Талабгорларга тест саволларини ечиш учун йигирма дақиқа ҳамда суҳбат саволларига жавоб беришга тайёргарлик кўришлари учун ўн беш дақиқа вақт ажратилади.

26. Малака имтиҳонини ўтказиш жараёнида талабгорларга қуйидагилар тақиқланади:

алоқа ва телекоммуникация воситалари (телефон, компьютер, планшет ва бошқалар), китоб ҳамда шпаргалкалардан фойдаланиш;

бошқа талабгорлар билан суҳбатлашиш;

танлов ёки малака имтиҳони тугамасдан хонадан ташқарига чиқиш.

Талабгорнинг мазкур қоидаларга амал қилмаслиги уни танловда ёки малака имтиҳонида қатнашишдан четлаштириш учун асос бўлади. Ушбу ҳолатда масъул котиб томонидан ушбу Низомга 1-иловага мувофиқ шаклдаги далолатнома расмийлаштирилади ва Комиссия аъзоларининг камида уч нафари томонидан имзоланади.

Танловда ёки малака имтиҳонида қатнашишдан четлаштирилган талабгор олти ой давомида малака имтиҳонларига қўйилмайди.

27. Тайёргарлик кўриш учун берилган вақт тугагандан сўнг талабгор тест жавобларини тақдим қилган ҳолда, Комиссияга суҳбат саволлари бўйича жавоб беради. Комиссия аъзолари айрим жавобларни аниқлаштириш мақсадида қўшимча саволлар бериши мумкин.

Талабгор саволларга жавоб бериб бўлганидан сўнг унинг хонадан чиқишига рухсат берилади.

28. Тест саволларининг ҳар бир тўғри жавоби икки баллик тизимда баҳоланади.

29. Малака имтиҳони натижаларини аниқлаш учун Комиссиянинг ҳар бир аъзоси бошқа аъзолардан мустақил ҳолда, ушбу Низомга 2-иловага мувофиқ шаклда баҳолаш бюллетенида талабгорнинг саволларга берган жавобини 10 баллик ҳамда казус жавобларини 20 баллик тизимда баҳолайди.

Бунда Комиссиянинг ҳар бир аъзоси талабгорни берилган саволларга тўлиқ ва аниқ жавоб бериши, фаолият соҳаси билан боғлиқ тизимли билимларга эга бўлиши, улардан ўз касб фаолиятида мустақил фойдаланиш қобилиятига кўра баҳолайди.

30. Ушбу Низомга 2-иловага мувофиқ шаклдаги баҳолаш бюллетенида балларни ҳамда тест натижаларини ҳисоблаб чиқиш учун Комиссия аъзолари орасидан беш кишидан иборат ҳисоблаш гуруҳи тузилади.

Ҳисоблаш гуруҳи томонидан баҳолаш бюллетенларидаги баллар ҳисоблаб чиқилади. Ҳисоблаш натижалари ушбу Низомга 3-иловага мувофиқ шаклдаги йиғма баҳолаш бюллетенига киритилади ва Комиссия аъзоларига эълон қилинади.

31. Малака имтиҳонлари натижаларига кўра 55 баллдан юқори балл тўплаган талабгор малака имтиҳонини муваффақиятли топширган деб топилади.

32. Малака имтиҳонини муваффақиятли тарзда топширган талабгорларга ушбу Низомга 4-иловага суд экспертизасини ўтказиш ҳуқуқини берувчи сертификат берилади.

33. Суд экспертизасини ўтказиш ҳуқуқини берувчи сертификат қуйидаги маълумотларни ўз ичига олади:

сертификат эгасининг фамилияси, исми ва отасининг исми;

сертификат рақами ва берилган санаси;

экспертиза мутахассисликлари (турлари) рўйхати;

сертификатнинг амал қилиш муддати;

Комиссия раиси ва масъул котибининг имзолари ҳамда Ўзбекистон Республикаси Адлия вазирлигининг муҳри.

5-боб. Нодавлат суд экспертларининг ноқонуний ҳаракатлари билан боғлиқ ҳолатларни кўриб чиқиш тартиби

34. Комиссия томонидан бевосита экспертиза тайинлашга ваколатли органлар, Адлия вазирлиги ҳамда жисмоний ва юридик шахсларнинг қуйидаги мазмундаги тақдимнома, билдирги ҳамда мурожаатлари кўриб чиқилади:

қонунчилик ҳужжатларида белгиланган суд экспертизасини ўтказиш тартиби ва муддатларининг бузилгани;

тегишли эксперт мутахассислиги (тури) бўйича суд экспертининг ваколат ва малакасидан ташқарига чиқадиган масалалар;

тақдим этилган тадқиқот материалларини зарур даражада сақлаш чораларининг кўрилмагани оқибатида уларни йўқотиш ёки уларнинг бузилишига олиб келгани ҳамда иш далилсиз қолишига сабаб бўлгани;

суд экспертининг касб этика қоидаларига риоя қилинмагани.

35. Тақдимнома, билдирги ҳамда мурожаатлар Комиссия томонидан улар масъул котибга келиб тушган кундан бошлаб бир ой муддатда кўриб чиқилади.

36. Комиссияга киритилган масала ўз исботини топиши нодавлат суд экспертининг қонунчилик ҳужжатларида белгиланган тартибда интизомий жавобгарликка тортилишига сабаб бўлади.

37. Комиссия нодавлат суд эксперти томонидан суд экспертизаларини ўтказиш тартиби қўпол равишда бузилгани аниқланган тақдирда, унинг суд экспертизасини ўтказиш ҳуқуқини берувчи сертификатини бекор қилиш масаласини кўриб чиқиши мумкин.

38. Нодавлат суд экспертларининг суд экспертизасини ўтказиш ҳуқуқини берувчи сертификатининг амал қилиши қонунчиликда белгиланган ҳолатларда Комиссия томонидан тўхтатиб турилади ёки бекор қилинади.

39. Комиссия томонидан Адлия вазирлигининг қуйидаги ҳолатлар бўйича тақдимномасига асосан нодавлат суд экспертининг суд экспертизасини ўтказиш ҳуқуқини берувчи сертификатини амал қилиши тўхтатилади:

нодавлат суд-экспертиза ташкилотлари томонидан ўтказиладиган ҳар бир суд-экспертиза турлари бўйича уларни моддий-техник база билан жиҳозлашга қўйиладиган минимал талабларига мос бўлган моддий-техник базаси мавжуд бўлмаса, бундан давлат суд-экспертиза муассасаларининг моддий-техник базасидан шартнома асосида фойдаланилаётган ҳоллар мустасно;

белгиланган тартибда ҳар икки йилда малакаси ва ҳуқуқий билимларини оширмаса;

нодавлат суд экспертларининг фуқаролик жавобгарлиги мажбурий суғурта қилинмаганда.

40. Сертификатнинг амал қилишини тўхтатиб туриш тўғрисидаги қарор қабул қилингандан сўнг нодавлат суд эксперти ушбу тўхтатиб туриш тўғрисидаги қарорда кўрсатилган асослар бекор бўлгунга қадар фаолиятини тўхтатиб туриши шарт.

41. Сертификатни бекор қилиш тўғрисидаги қарор қабул қилинган тақдирда, нодавлат суд эксперти суд-экспертлик фаолиятини амалга ошириш ҳуқуқини йўқотади ва у Суд эксперти сифатида касбий лаёқатини тасдиқловчи сертификатни олган шахсларнинг ягона реестридан чиқарилади.

6-боб. Якунловчи қоидалар

42. Комиссия мажлисларида баённома юритилади ҳамда мажлисда қатнашган Комиссия аъзолари ва масъул котиб томонидан имзоланади.

Комиссиянинг қароридан рози бўлмаган Комиссиянинг аъзоси комиссия мажлисининг баённомасига киритиладиган ўзининг нуқтаи назарини ёзма шаклда баён этишга ҳақли.

43. Қарор қабул қилинган кундан эътиборан уч кундан кечиктирмай Комиссия мажлиси баённомасидан кўчирма масъул котиб имзоси билан манфаатдор шахсларга юборилади ёки тилхат олинган ҳолда топширилади.

44. Нодавлат суд экспертларининг суд экспертизасини ўтказиш ҳуқуқини берувчи сертификатини бериш, унинг амал қилишини тўхтатиб туриш ёки бекор қилиш бўйича маълумотлар Комиссия томонидан тегишли давлат органларига ва манфаатдор ташкилотларга юборилади.

45. Комиссиянинг қарорлари устидан судга шикоят қилиниши мумкин.

46. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Адлия вазирлиги ҳузуридаги Эксперт-малака комиссияси тўғрисидаги низомга 1-ИЛОВА

Нодавлат суд экспертларининг малака имтиҳондан четлаштириш ҳақида

Тошкент шаҳри 20___ йил «____» ____________ Биз, қуйида имзо чекувчилар шуни тасдиқлаймизки, нодавлат суд экспертларига суд экспертизасини ўтказиш ҳуқуқини берувчи сертификатни бериш бўйича малака имтиҳонини ўтказишда ушбу Низомнинг 26-банди талабларига асосан талабгор ________________________________________ _____________________________________ қуйидаги сабабларга кўра (Ф.И.О.) танловдан соат _____:_____ да четлатилди: ¯ мобил телефон, бошқа алоқа ва телекоммуникация воситалари, китоб ҳамда шпаргалкалардан фойдаланди; ¦ бошқа талабгорлар билан суҳбатлашди; ¯ танлов тугамасидан хонадан ташқарига чиқди. Комиссия аъзоси __________________ ___________________________ (имзо) (Ф.И.О.) Комиссия аъзоси ___________________ ___________________________ (имзо) (Ф.И.О.) Комиссия аъзоси ___________________ ___________________________ (имзо) (Ф.И.О.) ».

Ўзбекистон Республикаси Адлия вазирлиги ҳузуридаги Эксперт-малака комиссияси тўғрисидаги низомга 2-ИЛОВА

Ўзбекистон Республикаси Адлия вазирлиги ҳузуридаги Эксперт-малака комиссияси аъзосининг

Т/р Малака имтиҳони бўйича талабгорларнинг Ф.И.О. Қўйилган балл 1-савол (0 — 10) 2-савол (0 — 10) 3-савол (0 — 10) 4-савол (0 — 10) Казус (0 — 20) 1. 2. 3. 4. 5. ... Комиссия аъзоси ___________________ ____________________________ (имзо) (Ф.И.О.)

Ўзбекистон Республикаси Адлия вазирлиги ҳузуридаги Эксперт-малака комиссияси тўғрисидаги низомга 3-ИЛОВА

Ўзбекистон Республикаси Адлия вазирлиги ҳузуридаги Эксперт-малака комиссиясининг ____-сон мажлиси

Т/р Малака имтиҳони бўйича талабгорнинг Ф.И.О. Комиссия аъзоларининг Ф.И.О. ва улар томонидан қўйилган баллар Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) Ф.И.О. (балл) 1. 2. 3. ... Комиссия аъзоси _______________________ ____________________________________ (имзо) (Ф.И.О.) Комиссия аъзоси _______________________ ____________________________________ (имзо) (Ф.И.О.) Комиссия аъзоси _______________________ ____________________________________ (имзо) (Ф.И.О.)

Ўзбекистон Республикаси Адлия вазирлиги ҳузуридаги Эксперт-малака комиссияси тўғрисидаги низомга 4-ИЛОВА

Ўзбекистон Республикаси Адлия вазирлиги суд эксперти сифатида касбий лаёқатни тасдиқловчи СЕРТИФИКАТ № _____________ 20___ йил «___» ______________ ___________________ (берилган жойи) _______________________________________________________________________________________________________________________________________________________________________________________________________________ (нодавлат суд экспертининг фамилияси, исми, отасининг исми) 20___ йил «____» _______________ дан 20___ йил «____» ________________ гача ________________________________________________________________________________________________________________________________________соатли ________________________________________________________________________________________________________________________________________________________________________________________________________________ни (қайта тайёрлаш курсининг номи) муваффақиятли тамомлади. Мазкур сертификат суд экспертининг суд экспертизасининг ________________________________ тури бўйича касбий лаёқатини тасдиқлайди. Комиссия раиси ____________________________ _____________________ (Ф.И.О) (имзо) Ҳужжатнинг ҳақиқийлигини тасдиқловчи QR-код

Вазирлар Маҳкамасининг 2026 йил 20 февралдаги 73-сон қарорига 6-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим ҳужжатлари

1. Вазирлар Маҳкамаси «Нодавлат суд-экспертиза ташкилотлари фаолиятини ташкил этиш бўйича низомларни тасдиқлаш ҳақида» 2020 йил 24 мартдаги 180-сон қарори .

2. Вазирлар Маҳкамасининг «Умумий ўрта ва ўрта махсус таълим муассасалари рейтингини аниқлаш чора-тадбирлари тўғрисида» 2021 йил 3 июндаги 345-сон қарорига 3-илованинг 50-банди .

3. Вазирлар Маҳкамасининг «Суд экспертиза соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида» 2021 йил 22 ноябрдаги 706-сон қарорига 4-илованинг 4-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 814-банди .

5. Вазирлар Маҳкамасининг «Суд-экспертлик фаолиятини тартибга солувчи айрим норматив-ҳуқуқий ҳужжатларни тасдиқлаш тўғрисида» 2022 йил 13 декабрдаги 705-сон қарорига 3-илованинг 4-банди .

6. Вазирлар Маҳкамасининг «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти фаолиятини ташкил этиш чора-тадбирлари тўғрисида» 2025 йил 19 мартдаги 171-сон қарорига 7-илованинг 6-банди .

Ўзбекистон Республикасининг Бош вазири А. АРИПОВ

Тошкент ш.,

2026 йил 20 февраль,

73-сон

(Қонунчилик маълумотлари миллий базаси, 23.02.2026 й., 09/26/73/0164-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

MAʼMURIY REGLAMENTI

SXEMASI

SOʻROVNOMA

GUVOHNOMA

XABARNOMA

NIZOM

MAʼMURIY REGLAMENTI

SXEMASI

SOʻROVNOMA

NIZOM

DALOLATNOMA

BAHOLASH BYULLETENI

YIGʻMA BAHOLASH BYULLETENI

ROʻYXATI

Nodavlat sud-ekspertiza sohasini tartibga soluvchi ayrim normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Davlat xizmatlarini koʻrsatish tizimini takomillashtirish hamda sohada byurokratik tartibotlarni tubdan qisqartirishga doir qoʻshimcha chora-tadbirlar toʻgʻrisida” 2025-yil 8-sentabrdagi PF-157-son Farmoni hamda “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari toʻgʻrisida” 2025-yil 8-sentabrdagi PQ-270-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

a) Oʻzbekiston Respublikasi Prezidentining “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari toʻgʻrisida” 2025-yil 8-sentabrdagi PQ-270-son qaroriga muvofiq:

nodavlat sud-ekspertiza tashkilotlari notijorat tashkilot sifatida faoliyat koʻrsatishi;

nodavlat sud ekspertlariga yakka tartibda sud-ekspertlik byurosi shaklida faoliyat yuritish huquqi berilgani;

nodavlat sud ekspertlarining kasbiy va amaliy tayyorgarlik darajasini aniqlash hamda ularning noqonuniy harakatlari bilan bogʻliq holatlarning adolatli va xolis koʻrib chiqilishini taʼminlash maqsadida Adliya vazirligi huzurida Ekspert-malaka komissiyasi faoliyatini yoʻlga qoʻyish;

b) Oʻzbekiston Respublikasi Prezidentining “Davlat xizmatlarini koʻrsatish tizimini takomillashtirish hamda sohada byurokratik tartibotlarni tubdan qisqartirishga doir qoʻshimcha chora-tadbirlar toʻgʻrisida” 2025-yil 8-sentabrdagi PF-157-son Farmoniga muvofiq sud eksperti sifatida nodavlat sud-ekspertiza tashkilotlarida faoliyat yuritayotgan sud ekspertlarining kasbiy layoqatini tasdiqlovchi sertifikatni olgan shaxslar Davlat xizmatlari markazlari va Oʻzbekiston Respublikasi Yagona interaktiv davlat xizmatlari portali orqali yagona reyestrga kiritilishi belgilangani maʼlumot uchun qabul qilinsin.

2. Quyidagilar:

Nodavlat sud-ekspertiza tashkilotlari faoliyatini tashkil etish tartibi toʻgʻrisidagi nizom 1-ilovaga muvofiq;

Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamenti 2-ilovaga muvofiq;

Nodavlat sud eksperti boʻlish istagini bildirgan shaxslarni qayta tayyorlash, nodavlat sud ekspertlarining malakasi va huquqiy bilimini oshirish hamda ularni qoʻshimcha ekspertiza turlari boʻyicha qayta tayyorlash tartibi toʻgʻrisidagi nizom 3-ilovaga muvofiq;

Nodavlat sud ekspertlarini Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestriga kiritish boʻyicha davlat xizmatini koʻrsatishning maʼmuriy reglamenti 4-ilovaga muvofiq;

Oʻzbekiston Respublikasi Adliya vazirligi huzuridagi Ekspert-malaka komissiyasi toʻgʻrisidagi nizom 5-ilovaga muvofiq tasdiqlansin.

3. Adliya vazirligi Raqamli texnologiyalar vazirligi bilan birgalikda bir oy muddatda:

ushbu qaror bilan tasdiqlanayotgan maʼmuriy reglamentlar boʻyicha davlat xizmatlari Oʻzbekiston Respublikasi Yagona interaktiv davlat xizmatlari portali orqali joriy etilishini taʼminlasin;

Oʻzbekiston Respublikasi Yagona interaktiv davlat xizmatlari portalida davlat xizmatlarini koʻrsatishning har bir bosqichida murojaatlar koʻrib chiqilishini kuzatib borish tartibini joriy etsin.

4. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.

5. Adliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Ushbu qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.

Vazirlar Mahkamasining 2026-yil 20-fevraldagi 73-son qaroriga 1-ILOVA

Nodavlat sud-ekspertiza tashkilotlari faoliyatini tashkil etish tartibi toʻgʻrisida

1-bob. Umumiy qoidalar

1. Ushbu Nizom nodavlat sud-ekspertiza tashkilotlari faoliyatini tashkil etish tartibini belgilaydi.

Nodavlat notijorat tashkilotlari toʻgʻrisidagi qonunchilik hujjatlarida nazarda tutilgan qoidalar nodavlat sud-ekspertiza tashkilotlari faoliyatiga nisbatan tatbiq etilmaydi.

2. Nodavlat sud-ekspertiza tashkilotlari shartnoma asosida fuqarolik, iqtisodiy, maʼmuriy sud ishlari va maʼmuriy huquqbuzarlik toʻgʻrisidagi ishlar boʻyicha sud ekspertizasini hamda jismoniy va yuridik shaxslarning murojaatlari yuzasidan tadqiqotlar oʻtkazishga ixtisoslashtirilgan notijorat tashkilot hisoblanadi.

3. Nodavlat sud-ekspertiza tashkiloti sud-ekspertlik faoliyatini amalga oshirish uchun taʼsis etilgan, shtatida bir xil yoki turli xil sud ekspertizasi yoʻnalishi boʻyicha sud ekspertlari (sud eksperti) boʻlgan hamda yuridik shaxs shaklida boʻlgan tashkilotdir.

Nodavlat sud-ekspertiza tashkiloti rahbari sifatida faqat sud eksperti faoliyat yuritadi.

Sud eksperti faqat bitta nodavlat sud-ekspertiza tashkilotining muassisi (ishtirokchisi) boʻlishi mumkin.

4. Nodavlat sud-ekspertiza tashkiloti sud-ekspertlik faoliyatini yakka tartibda amalga oshirish uchun sud-ekspertlik byurosi shaklida tashkil etilishi mumkin.

5. Nodavlat sud-ekspertiza tashkilotlari sud ekspertizasini oʻtkazishda davlat sud-ekspertiza muassasalari kabi funksiyalarni amalga oshiradi, ular kabi huquqqa ega boʻladi, majburiyatlarni bajaradi va javobgar hisoblanadi.

6. Nodavlat sud-ekspertiza tashkilotlarining firma nomida ularning nodavlat sud-ekspertiza tashkiloti, shu jumladan, sud-ekspertlik byurosi ekanligi koʻrsatilishi shart.

2-bob. Nodavlat sud-ekspertiza tashkilotlari tomonidan sud ekspertizasini amalga oshirish

7. Nodavlat sud-ekspertiza tashkilotlari Oʻzbekiston Respublikasi Prezidentining 2019-yil 17-yanvardagi PQ-4125-son qarori bilan tasdiqlangan Nodavlat sud-ekspertiza tashkilotlari tomonidan oʻtkazilishiga ruxsat berilgan sud ekspertizalari turlarining roʻyxatida koʻrsatilgan sud ekspertizalarini oʻtkazishga haqli.

Nodavlat sud-ekspertiza tashkilotlari sud ekspertizasini oʻtkazishda Vazirlar Mahkamasining 2023-yil 21-fevraldagi 73-son qarori bilan tasdiqlangan Sud ekspertizasi tadqiqotlarini oʻtkazish tartibi toʻgʻrisidagi namunaviy nizomga amal qiladi.

Nodavlat sud-ekspertiza tashkiloti rahbari ekspertiza tayinlovchi organlar bilan elektron hujjatlar almashinuvini taʼminlashga moʻljallangan “E-ekspertiza” elektron axborot tizimidan nodavlat sud ekspertlarini foydalanishi uchun tegishli sharoitlar yaratilishini taʼminlashi shart.

8. Nodavlat sud-ekspertiza tashkilotlari yuridik va jismoniy shaxslarning murojaatlari asosida ruxsat etilgan sud ekspertizasi turlari boʻyicha shartnomaga muvofiq tadqiqotlar oʻtkazishi mumkin. Tadqiqot natijalari boʻyicha ekspert fikri beriladi.

9. Nodavlat sud-ekspertiza tashkilotlari oʻzining mol-mulkka egalik qilish, undan foydalanish yoxud uni tasarruf etish huquqi asosidagi binoga, tegishli sud ekspertizasini xavfsiz oʻtkazish imkonini beradigan va standartlar talablariga mos boʻlgan hamda har bir ekspertiza turida foydalanishga doir jihozlarga qoʻyiladigan minimal talablarda koʻrsatilgan moddiy-texnik bazaga ega boʻlishi lozim.

Bunda nodavlat sud-ekspertiza tashkilotlari zarur uskunaga ega boʻlmagan taqdirda, shunday uskunaga ega boʻlgan davlat sud-ekspertiza muassasalari bilan haq evaziga shartnoma asosida foydalanishga ruxsat etiladi.

Nodavlat sud-ekspertiza tashkilotlari tomonidan sud-ekspertlik faoliyatini turar joyda amalga oshirish taqiqlanadi.

10. Nodavlat sud-ekspertiza tashkilotlarida sud ekspertizasi shartnomaga muvofiq pulli asosda oʻtkaziladi.

Nodavlat sud-ekspertiza tashkilotlari oʻtkazadigan sud ekspertizasi narxlari ular tomonidan mustaqil tasdiqlanadigan preyskurant asosida belgilanadi.

11. Nodavlat sud-ekspertiza tashkilotlari tomonidan sud ekspertizalari oʻtkazilgani uchun toʻlov sud ekspertizasini tayinlagan organ (shaxs) tomonidan qonunchilik hujjatlariga muvofiq toʻlanadi. Ekspertizani oʻtkazish boʻyicha shartnomaga koʻra toʻlov amalga oshirilmagani tekshirish obyektlari va ish materiallarini ekspertiza oʻtkazmasdan qaytarish uchun asos hisoblanadi.

12. Sud ekspertizasini tayinlagan organ nodavlat sud-ekspertiza tashkilotlari tomonidan oʻtkazilgan sud ekspertizasi xulosasiga qoʻshilmagan taqdirda, qayta sud ekspertizasini faqat davlat sud-ekspertiza muassasasi oʻtkazadi.

13. Nodavlat sud-ekspertiza tashkilotlari respublikaning barcha hududlaridan, shuningdek, xorijiy mamlakatlardan olingan buyurtmalar asosida sud ekspertizasi va tadqiqotini oʻtkazish huquqiga ega.

14. Nodavlat sud-ekspertiza tashkilotlari sud ekspertizasini oʻtkazishda tegishli davlat sud-ekspertiza muassasalarining ilmiy kengashlari tomonidan maʼqullangan ilmiy-metodik qoʻllanmalarga, shuningdek, mustaqil tarzda ishlab chiqilgan va davlat sud-ekspertiza muassasalarida sinovdan oʻtgan metodikalarga rioya qilishi lozim.

15. Sud eksperti lavozimdan boʻshatilganda, vafot etganda yoki belgilangan tartibda qasddan jinoyat sodir etishda aybdor deb topilganda yoxud qonunchilik hujjatlariga muvofiq sud ekspertizasini oʻtkazishga toʻsqinlik qiluvchi boshqa holatlar yuzaga kelganda, uning yurituvida boʻlgan sud-ekspertiza ishi nodavlat sud-ekspertiza tashkiloti rahbari tomonidan boshqa malakali sud ekspertiga topshirilishi mumkin. Bu toʻgʻrisida sud ekspertizasini tayinlagan organga darhol xabar beriladi.

Sud-ekspertiza ishini boshqa malakali sud ekspertiga topshirish imkoniyati boʻlmaganda, nodavlat sud-ekspertiza tashkiloti rahbari uch ish kunida tekshirish obyektlari va ish materiallarini sud ekspertizasini tayinlagan organga qaytaradi. Bunda nodavlat sud-ekspertiza tashkiloti amalga oshirilgan toʻlovni shartnomaga muvofiq qaytarib beradi.

16. Nodavlat sud-ekspertiza tashkilotlari tomonidan ekspertizani tayinlagan organ (shaxs) bilan kelishmasdan boshqa shaxslarni ekspertiza oʻtkazish uchun jalb qilishga yoʻl qoʻyilmaydi.

3-bob. Nodavlat sud-ekspertiza tashkilotlarining sud ekspertlariga qoʻyiladigan talablar

17. Nodavlat sud-ekspertiza tashkilotlari rahbar yordamchisi, shuningdek, sud-ekspertlik faoliyatini tashkil etish bilan bogʻliq boshqa xodimlarga ega boʻlishi mumkin.

Nodavlat sud-ekspertiza tashkilotlarining sud ekspertlari davlat ekspertiza muassasalarida asosiy yoki oʻrindoshlik asosida faoliyat yuritishi mumkin emas.

18. Nodavlat sud-ekspertiza tashkilotlarida oliy maʼlumotga ega boʻlgan shaxslar sud eksperti lavozimini egallashi mumkin.

19. Belgilangan tartibda muomalaga layoqatsiz yoki muomala layoqati cheklangan deb topilgan, qasddan sodir etgan jinoyatlari uchun sudlanganlik holati tugallanmagan yoki sudlangani olib tashlanmagan shaxs sud eksperti sifatida jalb etilishi mumkin emas.

20. Nodavlat sud-ekspertiza tashkilotlari rahbari va sud ekspertlari har ikki yilda malakasi va huquqiy bilimlarini oshirishlari lozim.

21. Nodavlat sud-ekspertiza tashkilotlarining sud eksperti tomonidan qonunchilikda belgilangan tartibda sud eksperti sertifikatini olmasdan turib yoki har ikki yilda malakasi va huquqiy bilimini oshirmasdan sud ekspertizasi oʻtkazilishiga yoʻl qoʻyilmaydi.

22. Sud eksperti sertifikatini olgandan keyin uzluksiz ravishda besh yil davomida oʻz ixtisosligi boʻyicha sud-ekspertlik faoliyatini yuritmagan shaxs faqat qayta tayyorlash kurslaridan takroran muvaffaqiyatli oʻtgandan keyin sud ekspertizasini oʻtkazishga haqli.

4-bob. Yakunlovchi qoida

23. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2026-yil 20-fevraldagi 73-son qaroriga 2-ILOVA

Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning

1-bob. Umumiy qoidalar

1. Ushbu Reglament Oʻzbekiston Respublikasi hududida faoliyat koʻrsatadigan nodavlat sud-ekspertiza tashkilotlarini notijorat tashkilot sifatida hamda yuridik shaxs shaklida davlat roʻyxatidan (qayta roʻyxatdan) oʻtkazish boʻyicha davlat xizmatini koʻrsatish tartibini belgilaydi.

2. Nodavlat sud-ekspertiza tashkilotlari Davlat xizmatlari markazlari (keyingi oʻrinlarda — Markaz) tomonidan Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi (keyingi oʻrinlarda — Tizim) orqali davlat roʻyxatidan (qayta roʻyxatdan) oʻtkaziladi.

Nodavlat sud-ekspertiza tashkilotlarining firma nomida uning nodavlat sud-ekspertiza tashkiloti, shu jumladan, sud-ekspertlik faoliyatini yakka tartibda amalga oshirish uchun tashkil etilgan sud-ekspertlik byurosi ekanligi koʻrsatilishi shart.

3. Nodavlat sud-ekspertiza tashkilotlari ushbu Reglamentga 1-ilovadagi sxemaga muvofiq davlat roʻyxatidan (qayta roʻyxatdan) oʻtkaziladi.

2-bob. Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish

4. Nodavlat sud-ekspertiza tashkilotlari muassisi yoki uning vakili (keyingi oʻrinlarda — ariza beruvchi) nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish uchun Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi hamda ushbu Reglamentga 2-ilovaga muvofiq shakldagi soʻrovnomani elektron ravishda toʻldiradi.

Bunda ariza beruvchi nodavlat sud-ekspertiza tashkilotini davlat roʻyxatidan oʻtkazish uchun oʻzining vakolatliligini tasdiqlovchi hujjatni ilova qiladi.

5. Ariza beruvchi soʻrovnomani shakllantirishni istalgan bosqichda toʻxtatish huquqiga ega.

6. Ariza beruvchi tomonidan nodavlat sud-ekspertiza tashkilotining nomi lotin alifbosida tanlanadi va uning boshqa yuridik shaxslarning nomlari bilan adashtirib yuborish darajasida bir xil yoki ularga oʻxshashligi YIDXP orqali Tizim tomonidan avtomatik tarzda tekshiriladi.

7. Soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani identifikatsiya qilishning zamonaviy vositalari bilan tasdiqlaydi.

8. Ariza beruvchi tomonidan soʻrovnomaga quyidagi hujjatlar elektron shaklda (pdf formatda) ilova qilinadi:

nodavlat sud-ekspertiza tashkilotini tashkil etish, ularning muassislari haqidagi, ularning ustavlarini tasdiqlash toʻgʻrisidagi maʼlumotlarni oʻz ichiga olgan taʼsis yigʻilishining davlat tilidagi bayoni;

davlat tilidagi belgilangan tartibda tasdiqlangan taʼsis shartnomasi va ustav, sud-ekspertlik byurosi uchun faqat ustav;

ariza beruvchining vakolatliligini tasdiqlovchi hujjat;

nodavlat sud-ekspertiza tashkiloti boʻlinganda yoki uning tarkibidan bir yoki bir necha yuridik shaxs ajralib chiqqanda, qayta tashkil qilinayotgan nodavlat sud-ekspertiza tashkilotining barcha kreditorlar va qarzdorlar oldidagi barcha majburiyatlar boʻyicha, shu jumladan, taraflar oʻrtasidagi daʼvolashayotgan majburiyatlar yuzasidan huquqiy vorislikni oʻz ichiga olgan taqsimlash balansi. Bunda taʼsis shartnomasi va (yoki) ustav qabul qilingani toʻgʻrisidagi taʼsis yigʻilishi (konferensiyasi) bayoni nodavlat sud-ekspertiza tashkiloti muassislari tomonidan YIDXP orqali elektron ravishda ham tasdiqlanishi mumkin;

har bir sud-ekspertiza turlari boʻyicha ularni moddiy-texnik baza bilan jihozlashga qoʻyiladigan minimal talablar asosida jihozlanish rejasi (xarid qilinadigan yoki foydalanishi yoʻlga qoʻyiladigan uskunalar roʻyxati).

9. Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish uchun toʻlov undirilmaydi.

10. Ariza beruvchi mazkur Reglamentning 8-bandida nazarda tutilgan hujjatlarni YIDXP orqali elektron ravishda yuboradi.

Markaz hujjatlar kelib tushgan sanadan boshlab 4 ish kuni davomida ularning qonunchilik hujjatlariga muvofiqligi jihatidan koʻrib chiqadi hamda koʻrib chiqish natijalari boʻyicha nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish haqida yoki mazkur Reglamentning 12-bandida belgilangan holatlar mavjud boʻlganda davlat roʻyxatidan (qayta roʻyxatdan) oʻtkazishni rad qilish haqida qaror qabul qiladi.

11. Agar taqdim qilingan hujjatlar mazkur Reglament talablariga muvofiq boʻlsa, Markaz xodimi quyidagilarni amalga oshiradi:

Tadbirkorlik subyektlari boʻlmagan ayrim yuridik shaxslarning davlat reyestriga avtomatik tarzda tegishli yozuvlar kiritish orqali davlat roʻyxatidan (qayta roʻyxatdan) oʻtkazadi;

davlat roʻyxatidan oʻtkazilgan nodavlat sud-ekspertiza tashkilotlarini Tizim vositasida avtomatik tarzda davlat soliq xizmati va statistika organlarida davlat hisobiga qoʻyadi;

mazkur Reglamentga 3-ilovaga muvofiq QR-kod (matrik shtrixli kod) qoʻyilgan nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish haqidagi guvohnomani shakllantiradi;

nodavlat sud-ekspertiza tashkilotlari davlat roʻyxatidan (qayta roʻyxatdan) oʻtkazilgani haqidagi guvohnomani, uning belgilangan tartibda tasdiqlangan taʼsis hujjatlarini ariza beruvchining YIDXPdagi shaxsiy kabinetiga yuboradi.

12. Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazishni rad etish uchun quyidagilar asos boʻladi:

ushbu Reglamentning 8-bandida koʻrsatilgan hujjatlar toʻliq taqdim etilmagani;

qonun va taʼsis hujjatlari bilan vakolat berilmagan organ tomonidan taʼsis hujjatlarini tasdiqlash (xulosaga kelish), ularga oʻzgartirish va (yoki) qoʻshimchalar kiritish toʻgʻrisida qaror qabul qilingani;

agar roʻyxatdan oʻtkazish uchun taqdim etilgan taʼsis hujjatlarida (nizomlarda) haqiqiy boʻlmagan yoki notoʻgʻri maʼlumotlar aniqlangan boʻlsa.

Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazishni boshqa asoslarga, shu jumladan, maqsadga muvofiq emasligi sabablariga koʻra rad etishga yoʻl qoʻyilmaydi.

13. Davlat roʻyxatidan (qayta roʻyxatdan) oʻtkazishga toʻsqinlik qiluvchi holatlar mavjud boʻlganda, Markaz xodimi mazkur Reglamentga 4-ilovaga muvofiq nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazishni rad etish haqida qaror qabul qilingani toʻgʻrisidagi xabarnomani rasmiylashtiradi hamda ariza beruvchining YIDXPdagi shaxsiy kabinetiga yuboradi.

14. Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish rad etilgan taqdirda, ariza beruvchi bu haqida xabarnomani olgan vaqtdan boshlab 5 ish kuni ichida tegishli kamchiliklarni bartaraf qilgan holda qayta murojaat qilish huquqiga ega.

Bunda nodavlat sud-ekspertiza tashkilotlari mazkur bobda belgilangan tartibda davlat roʻyxatidan (qayta roʻyxatdan) oʻtkaziladi.

Ariza beruvchi tomonidan ushbu bandning birinchi xatboshisida belgilangan muddatdan keyin berilgan soʻrovnomalar yangi berilgan hisoblanadi.

15. Oʻzbekiston Respublikasi hududida faoliyat koʻrsatayotgan nodavlat sud-ekspertiza tashkilotlari qayta tashkil etilganda yoxud taʼsis hujjatlariga boshqacha tarzda oʻzgartirish va qoʻshimchalar kiritilganda, shuningdek, nodavlat sud-ekspertiza tashkilotlarining aʼzolari tarkibida oʻzgarishlar yuz berganda, ular oʻn kun muddatda Markazga qayta roʻyxatdan oʻtish uchun murojaat qilishlari shart.

Taʼsis hujjatlariga oʻzgartirish va (yoki) qoʻshimchalar taʼsis hujjatlarni yangi tahrirda qabul qilish orqali kiritiladi.

16. Nodavlat sud-ekspertiza tashkilotlarini qayta roʻyxatdan oʻtkazish, shuningdek, ularni qayta tashkil etish boʻyicha murojaatlar ushbu bobda nazarda tutilgan tartibda va muddatlarda koʻrib chiqiladi.

3-bob. Yakunlovchi qoidalar

17. Nodavlat sud-ekspertiza tashkilotlari pochta manzili va rahbari oʻzgargan taqdirda, bu haqida Markazni oʻn kundan kechiktirmay oʻzining YIDXPdagi shaxsiy kabineti orqali xabardor qiladi.

Markaz nodavlat sud-ekspertiza tashkilotlarining pochta manzili va rahbari oʻzgargani haqida xabarnoma olgan vaqtdan boshlab bir ish soati ichida Tadbirkorlik subyektlari boʻlmagan ayrim yuridik shaxslarning davlat reyestriga tegishli yozuvni kiritadi va bu toʻgʻrisida davlat soliq xizmati va statistika organlarini xabardor qiladi.

18. Ariza beruvchi Markazga taqdim etilgan maʼlumotlarning toʻgʻriligi, aniqligi, buzib koʻrsatilgani, shuningdek, taʼsis hujjatlarining qonunchilik hujjatlariga muvofiqligi uchun javob beradi.

19. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamentiga 1-ILOVA

Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish

Bosqichlar Subyektlar Tadbirlar Bajarish muddatlari 1-bosqich Ariza beruvchi Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish uchun Davlat xizmatlari markazlariga (keyingi oʻrinlarda — Markaz) Yagona interaktiv davlat xizmatlari portali orqali murojaat qiladi. Xohishiga koʻra 2-bosqich Markaz Taqdim qilingan hujjatlar mazkur Reglament talablariga muvofiq boʻlganda, nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazadi. Taqdim qilingan hujjatlar mazkur Reglament talablariga nomuvofiq boʻlganda davlat roʻyxatidan (qayta roʻyxatdan) oʻtkazishni rad qiladi va bu haqida ariza beruvchini xabardor qiladi. Soʻrovnoma kelib tushgach, 4 ish kuni mobaynida 3-bosqich Ariza beruvchi Nodavlat sud-ekspertiza tashkilotini davlat roʻyxatidan (qayta roʻyxatdan) oʻtkazish rad etilgan taqdirda, tegishli kamchiliklarni bartaraf qilgan holda qayta murojaat qiladi. Xabarnoma olgan vaqtdan boshlab 5 ish kuni mobaynida 4-bosqich Markaz Nodavlat sud-ekspertiza tashkilotlari davlat roʻyxatidan (qayta roʻyxatdan) oʻtkazilgani haqidagi guvohnomani, uning belgilangan tartibda tasdiqlangan taʼsis hujjatlarini ariza beruvchining Yagona interaktiv davlat xizmatlari portalidagi shaxsiy kabinetiga yuboradi. Davlat roʻyxatidan oʻtkazish toʻgʻrisida qaror qabul qilingandan soʻng real vaqt rejimida

Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamentiga 2-ILOVA

Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish boʻyicha

I. Ariza beruvchi jismoniy shaxs toʻgʻrisida maʼlumot: 1. F.I.O.: 2. JSHSHIR: 3. Ariza beruvchining nodavlat sud-ekspertiza tashkilotlariga aloqadorligi: II. Nodavlat sud-ekspertiza tashkilotlari toʻgʻrisida maʼlumot: 1. Nodavlat sud-ekspertiza tashkilotining nomi (toʻliq va qisqartirilgan (mavjud boʻlsa)): 2. Nodavlat sud-ekspertiza tashkilotlarining tashkiliy shakli: Nodavlat sud-ekspertiza tashkilotlari Sud-ekspertlik byurosi 3. Nodavlat sud-ekspertiza tashkilotlarining pochta manzili: 4. Bogʻlanish uchun telefon raqami: 5. Elektron pochta manzili, veb-sayti manzili (agar mavjud boʻlsa): III. Ilova qilinadigan hujjatlar: 1. Davlat tilidagi taʼsis yigʻilishining bayoni. 2. Davlat tilidagi taʼsis shartnomasi va ustav, sud-ekspertlik byurosi uchun faqat ustav. 3. nodavlat sud-ekspertiza tashkiloti boʻlinganda yoki uning tarkibidan bir yoki bir necha yuridik shaxs ajralib chiqqanida, qayta tashkil qilinayotgan nodavlat sud-ekspertiza tashkilotining barcha kreditorlar va qarzdorlar oldidagi barcha majburiyatlar boʻyicha, shu jumladan, taraflar oʻrtasidagi daʼvolashayotgan majburiyatlar yuzasidan huquqiy vorislikni oʻz ichiga olgan taqsimlash balansi. 4. Ariza beruvchining vakolatliligini tasdiqlovchi hujjat. Izoh: soʻrovnomaga taqdim etiladigan hujjatlar asliga muvofiq PDF formatda ilova qilinadi. Soʻrovnoma toʻldirish sababi: yangi roʻyxatdan oʻtish qayta roʻyxatdan oʻtish

Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamentiga 3-ILOVA

Nodavlat sud-ekspertiza tashkilotlarini davlat roʻyxatidan oʻtkazish haqida

Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamentiga 4-ILOVA

Nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazishni rad etish haqida

Elektron hujjatning identifikatsiya raqami Oʻzbekiston Respublikasi Davlat gerbi tasviri _________________________________________________________________ qonunchilik hujjatlarida (Markazning nomi) belgilangan tartibda va muddatlarda Sizning 20____ yil “_____” _________________dagi ______________________________________________________ (yil, kun, oy) ____________________-son soʻrovnomangizni koʻrib chiqib, ________________________________________________________ rad etilganligini maʼlum qiladi. ____________ (davlat roʻyxatidan oʻtkazish, qayta roʻyxatdan oʻtkazish) Rad etish asoslari: 1. 2. 3. Axborot tariqasida maʼlum qilinadiki, Nodavlat sud-ekspertiza tashkilotlarini davlat roʻyxatidan oʻtkazish boʻyicha davlat xizmatini koʻrsatishning maʼmuriy reglamenti 14-bandiga asosan ariza beruvchi davlat roʻyxatidan (qayta roʻyxatdan) oʻtkazishni rad etish asoslarini bartaraf etgan holda, 5 ish kuni mobaynida nodavlat sud-ekspertiza tashkilotlarini davlat roʻyxatidan (qayta roʻyxatdan) oʻtkazish uchun qayta murojaat qilish huquqiga ega. Mazkur muddatdan keyin berilgan murojaatlar yangi berilgan hisoblanadi. _________________________ _____________________ (masʼul shaxsning lavozimi) (F.I.O) QR-kod

Vazirlar Mahkamasining 2026-yil 20-fevraldagi 73-son qaroriga 3-ILOVA

1-bob. Umumiy qoidalar

1. Ushbu Nizom nodavlat sud eksperti boʻlish istagini bildirgan shaxslarni qayta tayyorlash, nodavlat sud ekspertlarining malakasi va huquqiy bilimini oshirish hamda ularni qoʻshimcha ekspertiza turlari boʻyicha qayta tayyorlash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

malaka oshirish — nodavlat sud ekspertining mazkur Nizomda belgilangan muddatlarda va tartibda amaliy bilimlari, koʻnikma va malakalarini kengaytirish va mustahkamlash maqsadida malaka oshirish kurslarida kasbiy bilim va koʻnikmalarini oshirishi;

nodavlat sud eksperti — nodavlat sud-ekspertiza tashkilotlarida sud ekspertizasini oʻtkazuvchi sud eksperti;

tinglovchi — sud-ekspertiza sohasida qayta tayyorlash, nodavlat sud ekspertlarining malakasi va huquqiy bilimini oshirish kurslariga qabul qilingan shaxs;

qayta tayyorlash — oliy maʼlumotga ega boʻlgan shaxslarni nodavlat sud-ekspertiza tashkilotlarida sud eksperti sifatida faoliyat yuritishi uchun zarur bilim va malakaga ega boʻlishi uchun kasbga qayta tayyorlash;

huquqiy bilimini oshirish — nodavlat sud eksperti sifatida faoliyat yuritish uchun lozim boʻlgan huquqiy bilimlarni egallash va amaliyotda qoʻllay olish koʻnikmalarini shakllantirish.

3. Nodavlat sud ekspertlari Oʻzbekiston Respublikasi Prezidentining 2019-yil 17-yanvardagi PQ-4125-son qarori bilan tasdiqlangan Nodavlat sud-ekspertiza tashkilotlarining sud ekspertlari uchun qayta tayyorlash va malaka oshirish kurslari tashkil etiladigan davlat muassasalarining roʻyxatida koʻrsatilgan muassasalar (keyingi oʻrinlarda — davlat muassasalari) tomonidan ushbu roʻyxatda belgilangan ekspertiza turlari boʻyicha qayta tayyorlanadi hamda ularning malakasi oshiriladi.

Nodavlat sud ekspertlarining huquqiy bilimi Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida oshiriladi.

Sud ekspertlarini qayta tayyorlash va malakasini oshirish boʻyicha oʻquv kurslarining amaliy qismi Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi bazasida tashkil etilishi mumkin.

Davlat muassasalari qayta tayyorlashdan va malaka oshirishdan oʻtgan shaxslar haqidagi maʼlumotlarni uch kun ichida yozma ravishda Oʻzbekiston Respublikasi Adliya vazirligiga taqdim qiladi.

Taqdim qilingan maʼlumotda nodavlat sud ekspertining familiyasi, ismi, otasining ismi, berilgan huquqiy va malaka oshirgani boʻyicha berilgan sertifikat raqami hamda sanasi koʻrsatiladi.

2-bob. Tinglovchilarni qayta tayyorlash

4. Nodavlat sud eksperti boʻlish istagini bildirgan shaxslarni qayta tayyorlashning maqsadi — sud ekspertizalari muayyan turi boʻyicha nazariy bilim, amaliy koʻnikma va malakani shakllantirish, talabgorni nodavlat sud eksperti sifatida faoliyat yuritishga tayyorlashdan iborat.

Nodavlat sud eksperti boʻlish istagini bildirgan shaxslarni qayta tayyorlash sud ekspertlarini qayta tayyorlashga qoʻyiladigan talablar asosida tashkil qilinadi.

5. Quyidagilar nodavlat sud eksperti boʻlish istagini bildirgan shaxslarni qayta tayyorlashning vazifalari hisoblanadi:

tinglovchilarni sud ekspertizasi boʻyicha mamlakatdagi va xorijiy davlatlardagi mavjud ilmiy axborot resurslari, ilmiy va oʻquv adabiyotlari bilan tanishtirish;

tinglovchilarda sud ekspertizalarining muayyan turi boʻyicha zamonaviy fan va texnologiyaga muvofiq boʻlgan, ilmiy asoslangan metodikalarni amalda qoʻllash koʻnikmalarini shakllantirish;

tinglovchilarni muayyan sud ekspertizasining shakllanish bosqichlari, zamonaviy sud ekspertizasining soʻnggi yutuqlari va imkoniyatlari haqida dolzarb axborot bilan taʼminlash;

sud-ekspertlik faoliyatida zarur boʻlgan koʻnikmalarni yetarlicha shakllantirish uchun lozim boʻlgan amaliy mashgʻulotlarni oʻtkazish;

tinglovchilarda mustaqil ravishda sud ekspertizasini oʻtkazish va sud ekspertiza xulosasini rasmiylashtirish uchun zarur boʻlgan malakani shakllantirish.

6. Nodavlat sud eksperti boʻlish istagini bildirgan shaxslarni qayta tayyorlash ixtiyoriylik asosida sud ekspertizasining muayyan turi boʻyicha kasbiy faoliyat bilan shugʻullanish istagini bildirgan talabgorlar uchun tashkil etiladi.

7. Qayta tayyorlash jarayonlari quyidagilarni oʻz ichiga oladi:

davlat muassasalari va nodavlat sud ekspertining ixtisosligi yuzasidan davlat sud-ekspertiza muassasalari bazasida oʻqitish;

masofaviy taʼlim.

8. Davlat muassasalari va nodavlat sud ekspertining ixtisosligi yuzasidan davlat sud-ekspertiza muassasalari bazasida oʻqitishda oʻquv kursi boshlangunga qadar taʼlimni tashkil etish va muvofiqlashtirish boʻyicha dastur tasdiqlanadi. Ushbu dastur sud ekspertiza qonunchiligi va sohaga oid oʻzgarishlarni inobatga olgan holda yangilanib boriladi.

Ishlab chiqilgan dasturlar asosida oʻquv rejasi va oʻquv amaliyot dasturlari ishlab chiqiladi. Bunda taʼlim jarayonining 40 (qirq) foizi nazariy, 60 (oltmish) foizi amaliy qismga ajratiladi.

Tinglovchilarga taʼlim jarayonining nazariy qismi tegishli davlat muassasasida, amaliy qismi tegishli davlat sud-ekspertiza muassasasida tashkil etiladi.

9. Davlat sud-ekspertiza muassasasi rahbarining buyrugʻi asosida tinglovchilarga amaliy tajribaga ega amaliyot rahbari biriktiriladi.

Bunda biriktirilgan amaliyot rahbariga mehnat va fuqarolik qonunchiligiga muvofiq uning mehnatiga tegishli qoʻshimcha haq toʻlanishi inobatga olinadi.

Amaliyot rahbarining faoliyati davlat sud-ekspertiza muassasasi tomonidan nazorat qilinadi va biriktirilgan tinglovchilarni toʻliq va sifatli tayyorlashga masʼul hisoblanadi.

10. Davlat muassasalarida oʻqitish 1+3, 2+2 yoki 3+1 sxemalari boʻyicha (tegishli ravishda 25, 50 yoki 75 foiz — mustaqil ravishda bilim orttirish, 75, 50 yoki 25 foiz — bevosita davlat muassasalarida) masofadan qayta tayyorlash yoki manfaatdor tashkilotlar bazasida yakka tartibdagi topshiriqlarni bajarish shaklida tashkil etilishi mumkin.

Oʻqitishning bunday shakllari axborot uzatishning zamonaviy axborot-kommunikatsiya vositalari mavjud boʻlgan taqdirda qoʻllaniladi.

Masofaviy taʼlim tegishli soha mutaxassislarining kasbiy ehtiyojlaridan kelib chiqqan holda ishlab chiqilgan va masofadan oʻqitishga moʻljallangan maxsus taʼlim dasturlari orqali onlayn hamda oflayn tarzda amalga oshiriladi.

11. Nodavlat sud eksperti shartnomaga muvofiq pulli asosda qayta tayyorlanadi.

Davlat muassasalari va nodavlat sud ekspertining ixtisosligi yuzasidan davlat sud-ekspertiza muassasalari bazasida qayta tayyorlashda shartnomaning toʻlov miqdori ular tomonidan har bir tinglovchining qayta tayyorlash bilan bogʻliq xarajatlar miqdori inobatga olingan holda belgilanadi.

12. Sud ekspertizasining muayyan turi boʻyicha sud eksperti sifatida kamida besh yillik ish stajiga ega boʻlgan shaxslar hamda davlat sud-ekspertiza muassasalarida sud eksperti sifatida soʻnggi ikki yil davomida uzluksiz ishlab kelayotgan shaxslar qayta tayyorlashdan oʻtmasdan yakuniy imtihon topshirishga haqli.

Nodavlat sud eksperti sertifikatini olgandan keyin uzluksiz ravishda besh yil davomida oʻz ixtisosligi boʻyicha sud-ekspertlik faoliyatini koʻrsatmagan shaxs faqat qayta tayyorlash kurslaridan takroran muvaffaqiyatli oʻtgandan keyin sud ekspertizasini oʻtkazishga haqli.

13. Davlat muassasalarida sud ekspertlari oʻquv dasturlari va rejalari asosida qayta tayyorlanadi.

14. Nodavlat sud-ekspertiza tashkilotlarining rahbari sud ekspertlarining oʻz vaqtida malakasi va huquqiy bilimlarini oshirish uchun masʼul hisoblanadi.

3-bob. Sud ekspertlarini qayta tayyorlash oʻquv kurslariga qabul qilish

15. Qayta tayyorlash oʻquv kursiga qabul qilishni tashkil etish uchun har yili davlat muassasasi rahbarining buyrugʻi bilan toq sondan iborat qabul komissiyasi (keyingi oʻrinlarda — qabul komissiya) tashkil etiladi. Ushbu qabul komissiyasi kalendar yil davomida faoliyat yuritadi.

16. Qabul komissiyasi tarkibiga davlat muassasasi rahbari, tegishli soha boʻyicha tajribali sud ekspertlari hamda davlat muassasasi boʻysunadigan vazirlik yoki idora vakillari kiradi. Davlat muassasasi rahbari komissiya raisi hisoblanadi. Komissiya aʼzolari ichidan uning kotibi tayinlanadi.

Komissiya uning uchdan ikki qismi aʼzolari hozir boʻlganda, vakolatli hisoblanadi. Komissiya majlislarida kotib tomonidan majlis bayonnomasi yuritiladi.

17. Tinglovchilarni qayta tayyorlash oʻquv kurslari, qoida tariqasida, yiliga ikki marta sentabr va mart oylarida tashkil etiladi.

18. Qayta tayyorlash oʻquv kurslariga talabgorlardan hujjat qabul qilish oʻquv kursi boshlanishidan ikki oy oldin boshlanadi va oʻquv kursi boshlanishiga bir oy qolganda toʻxtatiladi.

19. Talabgorlar oʻquv kursiga suhbat shaklida qabul qilinadi va qabul oʻquv kursi boshlanishidan bir oy oldin boshlanadi.

20. Qayta tayyorlash oʻquv kursi tashkil etilishi, oʻquv kurslarining tegishli sud-ekspertlik ixtisosliklari boʻyicha davomiyligi, toʻlov miqdori, hujjatlar qabul qilinadigan va suhbat oʻtkaziladigan joy toʻgʻrisida davlat muassasasining veb-saytida hamda ommaviy axborot vositalarida eʼlon beriladi.

21. Talabgor tegishli davlat muassasasining rasmiy veb-sayti orqali yoki bevosita davlat muassasasi rahbari nomiga ariza bilan murojaat qiladi. Arizada talabgorning muassasada taʼlim beriladigan tillardan birida taʼlim olish va imtihon topshirishni istagi koʻrsatiladi.

Quyidagi hujjatlar davlat muassasasi tomonidan tegishli davlat organlari va tashkilotlardan mustaqil ravishda, shu jumladan, “Elektron hukumat” tizimi idoralararo integratsiyalashuv platformasi orqali soʻrab olinadi:

identifikatsiyalovchi ID-kartasi (pasport) maʼlumotlari;

shaxsning raqamli fotosurati;

maʼlumoti toʻgʻrisidagi diplom maʼlumotlari;

mehnat daftarchasi maʼlumotlari;

ekspertlik faoliyati va turini tasdiqlovchi boshqa hujjat maʼlumotlari.

22. Qabul komissiyasi kotibi tomonidan har bir talabgor uchun hujjatlar yigʻmajildi shakllantiriladi va qabul komissiyasiga koʻrib chiqish uchun kiritiladi.

23. Suhbat talabgorning umumiy dunyoqarashi va kasbga qiziqishi, soha boʻyicha bilimlarini sinovdan oʻtkazish maqsadida qabul komissiyasi tomonidan oʻzbek yoki boshqa tillarda oʻtkaziladi.

24. Suhbat natijasi boʻyicha oʻqishga tavsiya etilgan talabgorga ikki nusxada qayta tayyorlash oʻquv kursida oʻqish toʻgʻrisidagi shartnomani imzolash taklif etiladi.

25. Qayta tayyorlash toʻgʻrisidagi shartnomani imzolagan va toʻlovni amalga oshirgan talabgorlar qayta tayyorlash oʻquv kurslariga davlat muassasasi rahbarining buyrugʻi bilan qabul qilinadi.

4-bob. Tinglovchilarni qayta tayyorlash oʻquv kurslarini tashkil qilish

26. Sud ekspertlarini qayta tayyorlash oʻquv kurslarida oʻquv mashgʻulotlari maʼruza, seminar, amaliy mashgʻulot, shuningdek, interfaol oʻqitish shakllarida (amaliy, laboratoriya, keys-stadi, trening, debat) tashkil qilinadi.

Taʼlim jarayoni oʻzbek yoki boshqa tillarda amalga oshiriladi.

Shartnoma tuzgan talabgorlar sonidan kelib chiqib, qoida tariqasida, oʻn nafardan yigirma nafargacha tinglovchidan iborat akademik guruhlar shakllantiriladi.

Masofadan oʻqitish usullari asosidagi kurslarda tinglovchilarning oʻzlashtirish koʻrsatkichlari onlayn shaklida qayd etib boriladi va kurslarni toʻliq oʻzlashtirgan tinglovchilarga bevosita qayta tayyorlash, malaka va huquqiy bilimini oshirish boʻyicha taʼlim muassasalarida oʻtkaziladigan onlayn test sinovlarida ishtirok etishga ruxsat beriladi.

Elektron portfolio koʻrsatkichlari va onlayn test sinovlari natijalari asosida tinglovchilarga malakaviy ishini (referatni) himoya qilishga ruxsat beriladi.

27. Oʻquv jarayonining davomiyligi oʻquv rejasiga muvofiq belgilanadi. Oʻquv jarayoni haftasiga koʻpi bilan 36 akademik soat hajmida amalga oshiriladi. Oʻquv yuklamasining umumiy hajmi sud ekspertlarini qayta tayyorlashga qoʻyiladigan talablardan kelib chiqqan holda fanlar bloklari boʻyicha taqsimlanadi.

Maʼruza, seminar va amaliy mashgʻulotning oʻquv soatlari miqdori qayta tayyorlash kursining davomiyligidan kelib chiqib belgilanadi. Bunda maʼruza va seminar oʻquv yuklamasining 40 foizidan oshmasligi lozim.

28. Sud ekspertlarini qayta tayyorlash sud ekspertiza turlariga bogʻliq ravishda kamida olti oydan (24 hafta) kam boʻlmagan muddatda tashkil etiladi.

29. Oʻquv kursining barcha turdagi auditoriya mashgʻulotlarining davomiyligi — 80 daqiqa (ikki akademik soat) etib belgilanadi. Oʻquv mashgʻulotlari orasida tanaffus eʼlon qilinadi.

30. Oʻquv kursining har bir modul yoki boʻlim yakunida tinglovchi tanlangan mavzu boʻyicha malakaviy ishini (referatni) himoya qiladi va malakaviy ishi (referat) hajmi, himoya qilish, taqrizdan oʻtkazish tartibi oʻquv dasturida belgilanadi.

31. Amaliy mashgʻulotlarda dastur asosida tinglovchilar tegishli sud-ekspertlik faoliyati boʻyicha tadqiqotlar va tekshiruvlarni mustaqil tarzda oʻtkazadi hamda ularning natijasi boʻyicha zarur hujjatlarni rasmiylashtirish koʻnikmalarini egallaydi.

32. Joriy, oraliq va yakuniy nazorat, amaliy mashgʻulotlar natijalarini qayd qilish, tinglovchilar davomatini yuritish uchun tegishli jurnal yuritiladi.

33. Tinglovchilar oʻquv jarayonidan quyidagi holatlarda davlat muassasasi rahbarining buyrugʻi bilan chetlashtiriladi:

davlat muassasasining ichki tartib-qoidalarini buzganlik uchun;

uzrli sabablarsiz 24 akademik soatdan koʻp oʻquv mashgʻulotlarini qoldirganlik uchun;

oʻz arizasiga asosan;

sud tomonidan ozodlikdan mahrum etilgani munosabati bilan;

vafot etganligi sababli.

5-bob. Tinglovchilar bilimini baholash

34. Oʻquv kursida tinglovchilarning bilimi va amaliy koʻnikmalari reyting tizimi asosida baholanadi.

Tinglovchilar tomonidan oʻquv dasturlarini oʻzlashtirish darajasi joriy, oraliq va yakuniy nazorat orqali aniqlanadi.

Yakuniy nazorat oʻqish davrida olingan nazariy bilimlar va amaliy koʻnikmalarni aniqlash maqsadida test hamda suhbat shaklida oʻtkaziladi.

Joriy, oraliq va yakuniy nazorat oʻtkazish jarayonida tinglovchiga normativ-huquqiy hujjatlardan, maxsus adabiyotlardan, aloqa vositalaridan, shuningdek, boshqa manbalardan foydalanish, boshqa talabgorlar (tinglovchilar) bilan gaplashish taqiqlanadi.

35. Yozma va amaliy imtihon savollari oʻquv jarayonida oʻzlashtirilgan nazariy bilimlar va amaliy koʻnikmalarni sinovdan oʻtkazish uchun oʻquv jarayonida oʻtilgan mavzular va materiallar asosida tuziladi.

36. Qayta tayyorlash kursini tamomlagan, yakuniy nazoratlarni muvaffaqiyatli topshirgan tinglovchilarga mazkur Nizomga 2-ilovada belgilangan namunadagi diplom beriladi.

37. Joriy, oraliq va yakuniy nazorat koʻrsatkichlaridan norozi boʻlgan tinglovchi uch kun ichida davlat muassasasi rahbari nomiga apellyatsiya shikoyati bilan murojaat qilishga haqli.

Apellyatsiya shikoyatini koʻrib chiqish uchun davlat muassasasi rahbari buyrugʻi bilan toq sondan iborat apellyatsiya komissiyasi tashkil etiladi. Qabul komissiyasi aʼzolarining koʻpi bilan yarmi apellyatsiya komissiyasi tarkibiga kirishi mumkin.

Shikoyat apellyatsiya komissiyasi tomonidan tinglovchi ishtirokida uch kun ichida koʻrib chiqiladi hamda tinglovchining joriy, oraliq va yakuniy nazorat koʻrsatkichlariga oʻzgartirish kiritish yoki oʻzgartirish kiritmaslik toʻgʻrisida qaror qabul qilinadi. Komissiya qarori uning barcha aʼzolari tomonidan imzolanadi.

6-bob. Qayta tayyorlash va malaka oshirishga qoʻyiladigan talablar

38. Nodavlat sud ekspertlarini qayta tayyorlash va ularning malakasini oshirishga qoʻyiladigan davlat taʼlim talablari (keyingi oʻrinlarda — Talablar) sud ekspertlarining qayta tayyorlash va malakasini oshirish boʻyicha oʻquv dasturlari, taʼlim sifatini baholash va nazorat qilish boʻyicha hujjatlarni davlat muassasasi tomonidan ishlab chiqish uchun asos hisoblanadi.

Sud ekspertlarini qayta tayyorlash, ularning malaka va huquqiy bilimini oshirish kurslari boʻyicha oʻquv jarayonini tashkil etish, amaliyot oʻtash, natijalarini baholash va nazorat qilish tartiblari davlat muassasalarining kollegial organi tomonidan belgilanadi.

39. Quyidagilar sud ekspertlarini qayta tayyorlashga va malakasini oshirishga qoʻyiladigan asosiy talablar hisoblanadi:

Oʻzbekiston Respublikasi Konstitutsiyasi va qonunlarida belgilangan asosiy prinsiplar va qoidalarni, qonunchilik hujjatlari normalarini bilish, toʻgʻri anglash va qoʻllash qobiliyati;

sud-ekspertlik faoliyatini amalga oshirish qobiliyati;

ilmiy-tadqiqot faoliyati bilan shugʻullanish qobiliyati;

turli vaziyatlarga nisbatan ruhiy barqarorlik.

40. Oʻzbekiston Respublikasi Konstitutsiyasi va qonunlarida belgilangan asosiy prinsiplar va qoidalarni, qonunchilik hujjatlari normalarini bilish, toʻgʻri anglash va qoʻllash qobiliyati quyidagilarni nazarda tutadi:

Oʻzbekiston Respublikasi Konstitutsiyasi va qonunlarida belgilangan asosiy prinsiplar hamda qoidalarni, shuningdek, protsessual normalarni bilish, ularning mohiyatini tushunish va qoʻllash;

qonunchilik hujjatlarida belgilangan fuqarolarning asosiy huquqlari, erkinliklari va majburiyatlarini bilish va ularning qonun bilan kafolatlanishini anglash;

davlat hokimiyati organlari tizimini va ularning tashkil etilish asoslarini bilish;

sohaga oid qonunchilik hujjatlarini bilish, tushunish va ularni amaliyotda qoʻllay olish.

41. Sud-ekspertlik faoliyatini amalga oshirish qobiliyati quyidagilarni nazarda tutadi:

sud ekspertizasi sohasidagi bilimlarni qoʻllash koʻnikmalariga ega boʻlish;

mustaqil ijodiy fikrlash hamda sohaga oid huquqiy normalarni toʻgʻri, bir xilda tushunish va qoʻllash, ularning mazmunini aniqlay olish;

sud ekspertizalarining metodikalarini bilish, tadqiqotlar oʻtkazishda mustaqil va toʻgʻri qoʻllay olish;

dastlabki, qayta, qoʻshimcha, komissiyaviy va kompleks ekspertizalar boʻyicha tadqiqotlarni oʻtkaza olish;

sud ekspertizasi sohasida zamonaviy axborot texnologiyalarini mustaqil qoʻllash, Internet jahon axborot tarmogʻidan foydalanishning amaliy koʻnikmalariga ega boʻlish;

sud ekspertizalarini tayinlash va oʻtkazishda mavjud xatolarni aniqlay olish hamda bartaraf etish yoʻllarini bilish;

oʻz faoliyatida huquqni muhofaza qiluvchi organlar bilan hamkorlik qilishning asoslarini bilish.

42. Ilmiy-tadqiqot faoliyati bilan shugʻullanish qobiliyati quyidagilarni nazarda tutadi:

sud-ekspertiza sohasida alohida mavzu yoki mavzuning bir qismi boʻyicha ilmiy izlanishlar hamda tajriba oʻtkaza olish va bunday faoliyatda ishtirok etish;

sud ekspertizalarining mavjud metodikalarini takomillashtirish yoki yangi metodikalar yaratish boʻyicha ilmiy-tadqiqot ishlarini amalga oshirish;

yangi turdagi sud ekspertizalarini joriy qilish boʻyicha tegishli ilmiy-tadqiqot faoliyatini amalga oshirish.

43. Turli vaziyatlarga nisbatan ruhiy barqarorlik qobiliyati quyidagilarni nazarda tutadi:

faoliyatida uchrab turadigan ziddiyatli vaziyatlarni oldindan bilish va baholay olish;

sud-ekspertlik faoliyatida yuzaga keladigan ziddiyatli holatlarni aniqlash va ularni bartaraf etish yoʻllarini bilish;

turli vaziyatlarda aniq va qonunga muvofiq harakat qilish.

44. Sud ekspertlarini qayta tayyorlash va malakasini oshirishga qoʻyiladigan umumiy talablar, sud ekspertlarini qayta tayyorlash va malakasini oshirish sifatini baholash hamda nazorat qilish tartibi tegishli oʻquv dasturlari bilan belgilanadi.

7-bob. Sud ekspertlarining malakasini va huquqiy bilimini oshirish

45. Malakasini va huquqiy bilimlarini oshirayotgan sud ekspertlariga oʻqishning butun davri mobaynida ish beruvchi bilan kelishilgan holda asosiy ish joyi boʻyicha egallab turgan lavozimi va oʻrtacha oylik ish haqi saqlab qolinishi mumkin.

46. Sud ekspertlarining malakasini va huquqiy bilimlarini oshirish kurslari, davlat muassasasi tomonidan tasdiqlangan grafik-taqsimot asosida tashkil etiladi.

47. Sud ekspertlarining malakasi va huquqiy bilimlari shartnomaga muvofiq toʻlov asosida oshiriladi.

48. Nodavlat sud ekspertining navbatdagi malaka va huquqiy bilimini oshirish muddatidan kamida bir oy oldin nodavlat sud-ekspertiza tashkiloti rahbari tegishli davlat muassasasiga mazkur Nizomga 1-ilovaga muvofiq ariza bilan murojaat qiladi.

49. Nodavlat sud-ekspertiza tashkiloti tomonidan tegishli oʻquv kursi boshlanishidan kamida oʻn kun oldin shartnomaga muvofiq toʻlov amalga oshiriladi.

8-bob. Sud ekspertlarining malakasini va huquqiy bilimini oshirish boʻyicha oʻquv jarayonini tashkil etish

50. Sud ekspertlarining malakasi va huquqiy bilimi alohida oʻquv dasturlari asosida shartnomaga muvofiq pulli asosda oshiriladi.

Sud ekspertlarining malakasini va huquqiy bilimini oshirish jarayonlari quyidagilarni oʻz ichiga oladi:

davlat muassasalarida oʻqitish;

masofaviy taʼlim.

Davlat muassasalarida oʻqitish 1+3, 2+2 yoki 3+1 sxemalari boʻyicha (tegishli ravishda 25, 50 yoki 75 foiz — yashash joyi boʻyicha mustaqil ravishda bilim orttirish, 75, 50 yoki 25 foiz — bevosita davlat muassasalarida) masofadan malaka oshirish yoki manfaatdor tashkilotlar bazasida yakka tartibdagi topshiriqlarni bajarish shaklida tashkil etilishi mumkin.

Oʻqitishning bunday shakllari axborot uzatishning zamonaviy axborot-kommunikatsiya vositalari mavjud boʻlgan taqdirda qoʻllanadi.

Masofaviy taʼlim tegishli soha mutaxassislarining kasbiy ehtiyojlaridan kelib chiqqan holda ishlab chiqilgan va masofadan oʻqitishni amalga oshirishga moʻljallangan maxsus taʼlim dasturlari orqali onlayn hamda oflayn tarzda amalga oshiriladi.

51. Sud ekspertlarining malakasini oshirish muddati ikki haftani, huquqiy bilimlarini oshirish muddati bir haftani tashkil qiladi.

Oʻquv jarayoni guruh tarkibida yoki yakka tartibda sud ekspertizalarining muayyan bir turi boʻyicha tashkil etiladi.

52. Davlat muassasalari:

multimedia va axborot-kommunikatsiya texnologiyalarini qoʻllagan holda, oʻquv rejasi va dasturlarini ishlab chiqadi va tasdiqlaydi;

fanlarning sud ekspertiza amaliyoti bilan bogʻliqligini taʼminlaydi, oʻquv jarayoniga sud ekspertizasi sohasidagi ilgʻor ilmiy tadqiqotlar natijalari, pedagogik texnologiyalar, mashgʻulotlar oʻtkazishning samarali shakl va usullarini joriy etadi;

sud ekspertlari tomonidan oʻz mutaxassisligi boʻyicha yangi nazariy bilimlar va zamonaviy tadqiqot usullari, ilgʻor amaliy tajribadan foydalanish koʻnikmalarini rivojlantirishni taʼminlaydi;

mamlakatimizda va xorijda ishlab chiqilgan sud ekspertizasi fanlariga taalluqli ilmiy, metodik va texnik yangiliklar, ilgʻor tajribani oʻrganadi hamda oʻquv jarayoniga joriy qiladi;

oʻquv jarayonining lozim darajada tashkil qilinishi va oʻtkazilishi uchun javob beradi.

53. Oʻquv jarayoni muayyan yoʻnalish boʻyicha uzluksiz mashgʻulotlar tarzida (kun davomida boshqa turdagi mashgʻulotlarga jalb etmasdan) amalga oshiriladi.

54. Nodavlat sud ekspertlarining malakasini oshirish jarayonida malakaviy amaliyot oʻtkazilishi nazarda tutiladi.

55. Nodavlat sud ekspertini malaka va huquqiy bilimni oshirish kursiga qabul qilish boʻyicha davlat muassasasi rahbarining buyrugʻi qabul qilinadi.

56. Nodavlat sud ekspertlari quyidagi holatlarda oʻquv kursidan chetlashtiriladi:

davlat muassasasi ichki tartib-qoidalarini buzganlik uchun;

uzrli sabablarsiz 8 akademik soatdan koʻp oʻquv mashgʻulotlarini qoldirganlik uchun.

57. Nodavlat sud eksperti oʻz arizasiga koʻra oʻquv jarayonidan chetlashtirilishi mumkin. Uzrli sabablarga koʻra oʻqishni davom ettira olmagan nodavlat sud ekspertiga kelgusida tashkil etiladigan oʻquv kurslarida oʻqish imkoni beriladi.

58. Nodavlat sud ekspertini oʻquv jarayonidan chetlashtirish davlat muassasasi rahbarining buyrugʻi bilan rasmiylashtiriladi va bu haqida tegishli nodavlat sud-ekspertiza tashkilotiga xabar beriladi.

9-bob. Nodavlat sud ekspertlarining bilimini baholash

59. Oʻquv jarayoniga jalb qilingan sud ekspertlari bilimlari yakuniy nazoratlar natijasiga koʻra baholanadi.

Malaka va huquqiy bilimlarni oshirish boʻyicha yakuniy nazorat kompyuterda topshiriladigan test yoki yozma imtihon shaklida oʻtkaziladi.

Test sinovlarining natijasi shu vaqtning oʻzida maʼlum qilinadi.

60. Yakuniy nazoratni oʻtkazish uchun davlat muassasasi rahbarining buyrugʻi bilan komissiya tashkil etiladi. Komissiya tarkibiga davlat muassasasi boʻysunadigan vazirliklar va idoralar, shuningdek, oliy taʼlim muassasalari va boshqa tashkilotlarning vakillari ular bilan kelishgan holda kiritilishi mumkin.

Yakuniy nazorat natijalari komissiya aʼzolari tomonidan imzolanadigan qaydnoma varaqalariga kiritiladi.

61. Malaka oshirish oʻquv dasturini muvaffaqiyatli oʻzlashtirgan nodavlat sud ekspertiga ushbu Nizomga 3-ilovaga muvofiq namunadagi sertifikat beriladi.

Huquqiy bilimini oshirish oʻquv dasturini muvaffaqiyatli oʻzlashtirgan nodavlat sud ekspertiga ushbu Nizomga 4-ilovaga muvofiq namunadagi sertifikat beriladi.

62. Yakuniy nazoratlardan oʻta olmagan yoki uzrli sabablarga koʻra ularda ishtirok eta olmagan nodavlat sud ekspertiga uning arizasiga koʻra bir oy ichida yakuniy nazoratni qayta topshirish imkoni beriladi.

63. Belgilangan muddatlarda malakasini va huquqiy bilimlarini oshirmagan yoki yakuniy nazoratdan qayta oʻta olmagan nodavlat sud eksperti malakasini va huquqiy bilimini oshirishdan oʻtmagan deb hisoblanadi.

64. Malakasini va huquqiy bilimni oshirishdan oʻtmagan nodavlat sud eksperti ushbu Nizomda belgilangan tartibda malaka va huquqiy bilimini oshirish kursida takroran oʻqishi mumkin.

65. Nodavlat sud-ekspertiza tashkilotlari malakasini va huquqiy bilimlarini oshirishdan oʻtgan nodavlat sud ekspertlari toʻgʻrisidagi maʼlumotni uch kun muddatda Oʻzbekiston Respublikasi Adliya vazirligiga taqdim qiladi.

66. Belgilangan muddatlarda nodavlat sud ekspertlarining malakasi va huquqiy bilimlari oshirilishini taʼminlamagan nodavlat sud-ekspertiza tashkilotiga Oʻzbekiston Respublikasi Adliya vazirligi tomonidan ogohlantirish beriladi va uning rasmiy veb-saytida eʼlon qilinadi.

67. Malakasini va huquqiy bilimlarni oshirishdan oʻtgan sud ekspertlari toʻgʻrisidagi maʼlumot Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestriga kiritiladi.

10-bob. Yakunlovchi qoida

68. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

__________________________________ (davlat muassasasining nomi) ________________________________ga (muassasa rahbarining F.I.O.) __________________________________ (nodavlat sud-ekspertiza tashkiloti nomi) _______________________________dan (tashkilot rahbarining F.I.O.) Sud ekspertlarining malakasini/huquqiy bilimini oshirish boʻyicha ariza Sud ekspertlarining malaka/huquqiy bilimini oshirish kurslarida quyidagi xodim(lar)ni oʻqitish boʻyicha amaliy yordam koʻrsatishingizni soʻrayman: T/r Xodim(lar)ning F.I.O. Xodim(lar)ning lavozimi Mutaxassislik nomi 1. 2. 3. ____________________________ _________________ ______________________ (rahbar lavozimi) (imzo) (F.I.O.)

Oʻzbekiston Respublikasi Davlat gerbi Oʻzbekiston Respublikasi Qayta tayyorlash haqida DIPLOM QT №000000 ________________________________________________________________________________ ( tinglovchining familiyasi, ismi, otasining ismi ) 20_____ yil _________________________________dan 20______ yil ______________________________________________________________________________________________________________________________________________________________________gacha _________________________________________________________________________________________________________________________________________________________________________________________________________________________________da (davlat muassasasining nomi) _____________________________________________________________________________________________________________________________________________________________________________________________________________________________________ (sud ekspertizasi turining nomi) turi boʻyicha _____________ soatga moʻljallangan Nodavlat sud eksperti boʻlish istagini bildirgan shaxslarni qayta tayyorlash kursida taʼlim olib, ___________ bahoga himoya qildi va qayta tayyorlash oʻquv kursini muvaffaqiyatli tamomladi. Muhr oʻrni Direktor _____________ Sana _____________ Qayd raqami __________

_________________________________ (Davlat muassasasining nomi) nodavlat sud ekspertining malakasini oshirgani toʻgʻrisida SERTIFIKAT № _____________ 20___ yil “____” _____________ ____________________ (berilgan joyi) _______________________________________________________________________________________ (nodavlat sud ekspertining familiyasi, ismi, otasining ismi) 20____ yil “____” _____________ dan 20____ yil “____” _____________ gacha _______________________________________________________________________________________________________________________________________________________soatli ____________________________________________________________________________________________________________________________________________________________________________________________________________________________ ni (malaka oshirish kursining nomi) muvaffaqiyatli tamomladi. Mazkur sertifikat nodavlat sud ekspertining sud ekspertizasining _____________________________ kasbiy layoqatini tasdiqlaydi. Komissiya raisi ___________________________ __________________ (F.I.O) (imzo) Hujjatning haqiqiyligini tasdiqlovchi QR-kod ____________________________ ____________________________ Amal qilish muddati 2 yil

___________________________________________ (Davlat muassasasining nomi) nodavlat sud ekspertining huquqiy bilimini oshirgani toʻgʻrisida SERTIFIKAT № _____________ 20___ yil “___” _____________ ___________________ (berilgan joyi) ________________________________________________________________________________________ ( nodavlat sud ekspertining familiyasi, ismi, otasining ismi) 20____ yil “_____” ______________ dan 20____ yil “_____” ____________ gacha _____________________________________________________________________________________________________________________________________________soatli __________________________________________________________________________________________________________________________________________________________________________________________________________________ ni (malaka oshirish kursining nomi) (kursning nomi) muvaffaqiyatli tamomladi. Mazkur sertifikat nodavlat sud ekspertining sud ekspertizasining ____________________________ turi boʻyicha kasbiy layoqatini tasdiqlaydi. Komissiya raisi ____________________________ __________________ (F.I.O) (imzo) Hujjatning haqiqiyligini tasdiqlovchi QR-kod Amal qilish muddati 2 yil

Vazirlar Mahkamasining 2026-yil 20-fevraldagi 73-son qaroriga 4-ILOVA

Nodavlat sud ekspertlarini Sud eksperti sifatida kasbiy layoqatni tasdiqlovchi sertifikat olgan shaxslarning yagona reyestriga kiritish boʻyicha davlat xizmatini koʻrsatishning

1-bob. Umumiy qoidalar

1. Ushbu Reglament nodavlat sud eksperti sifatida kasbiy layoqatini tasdiqlovchi sertifikatni olgan shaxslarni Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestriga kiritish boʻyicha davlat xizmatini koʻrsatish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

nodavlat sud-ekspertiza tashkiloti — shartnoma asosida fuqarolik, iqtisodiy, maʼmuriy sud ishlari va maʼmuriy huquqbuzarlik toʻgʻrisidagi ishlar boʻyicha sud ekspertizasini hamda jismoniy va yuridik shaxslarning murojaatlari yuzasidan tadqiqotlar oʻtkazishga ixtisoslashtirilgan notijorat tashkilot;

sud eksperti sertifikati — muayyan sud ekspertizasi turi boʻyicha nodavlat sud-ekspertiza tashkilotlari sud ekspertining kasbiy layoqatini tasdiqlovchi hujjat;

Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestri (keyingi oʻrinlarda — Yagona reyestr) — sud eksperti sertifikatini olgan shaxslar toʻgʻrisidagi maʼlumotlar aks ettirilgan, doimiy yangilab turiladigan hamda Oʻzbekiston Respublikasi Adliya vazirligi (keyingi oʻrinlarda — vakolatli organ) tomonidan yuritiladigan yagona maʼlumotlar bazasi.

3. Davlat xizmati Davlat xizmatlari markazlari (keyingi oʻrinlarda — Markaz) va Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali vakolatli organ tomonidan koʻrsatiladi.

4. Markaz va vakolatli organ oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

5. Davlat xizmati ushbu Reglamentga 1-ilovaga muvofiq sxema asosida koʻrsatiladi.

2-bob. Davlat xizmatini koʻrsatish tartibi

6. Ariza beruvchi davlat xizmatidan foydalanish uchun Markazga oʻzi kelib murojaat etadi yoki davlat xizmatidan elektron shaklda foydalanish uchun YIDXPda roʻyxatdan oʻtadi.

7. Ariza beruvchi oʻzi kelib murojaat etgan taqdirda, Markaz xodimi ariza beruvchi nomidan, YIDXP orqali murojaat qilgan taqdirda esa, ariza beruvchi mustaqil ravishda ushbu Reglamentga 2-ilovaga muvofiq shakldagi soʻrovnomani toʻldiradi.

Soʻrovnomalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda soʻrovnomalar ish vaqtidan keyin yoki dam olish va bayram kunlari tushganda, navbatdagi ish kuni soʻrovnomalarning vakolatli organga tushgan va vakolatli organ tomonidan qabul qilingan kun hisoblanadi.

Davlat organlari va tashkilotlari soʻrovnomada koʻrsatilgan maʼlumot va hujjatlarni “Raqamli hukumat” tizimi idoralararo integratsiyalashuv platformasi orqali taqdim etilishini taʼminlaydi.

Ariza beruvchidan soʻrovnomada koʻrsatilmagan maʼlumotlar va hujjatlarni talab qilish taqiqlanadi.

8. Soʻrovnoma toʻldirilganidan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, Face-ID, Mobil-ID va boshqalar) bilan tasdiqlaydi.

Ariza beruvchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

9. Yagona reyestrga kiritish boʻyicha davlat xizmati bepul koʻrsatiladi.

10. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrmasdan qoldiriladi.

11. Ariza beruvchi Markazga kelib murojaat etganda, uning soʻrovnomasi Markaz xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar 10 daqiqa mobaynida vakolatli organga elektron shaklda yuboriladi. YIDXP orqali murojaat qilinganda esa, soʻrovnoma avtomatik tarzda vakolatli organga yuboriladi.

12. Vakolatli organ 5 ish kuni ichida soʻrovnomani koʻrib chiqib, ariza beruvchi QR-kod (matrik shtrixli kod) qoʻyilgan Yagona reyestrga kiritilgani haqidagi 3-ilovaga muvofiq maʼlumotnomani yoki Yagona reyestrga kiritishni rad etish haqidagi 4-ilovaga muvofiq xabarnomani Markazga (oʻzi kelib murojaat etgan taqdirda) yoki ariza beruvchiga (elektron shaklda murojaat etgan taqdirda) YIDXP orqali yuboradi.

Markaz maʼlumotnoma yoki xabarnoma kelib tushgandan soʻng 10 daqiqa mobaynida uni ariza beruvchining elektron manziliga yuboradi va ariza beruvchini bu haqida axborot-kommunikatsiya tizimi orqali xabardor qiladi. Markaz ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga maʼlumotnomani elektron yoki qogʻoz shaklda taqdim etadi.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

13. Davlat xizmatini koʻrsatishni rad etish uchun quyidagilar asos boʻladi:

hujjatlarda notoʻgʻri yoki buzib koʻrsatilgan maʼlumotlar mavjud boʻlganda;

ariza beruvchi Oʻzbekiston Respublikasining “Sud ekspertizasi toʻgʻrisida”gi Qonunida nodavlat sud eksperti uchun belgilangan talablarga javob bermaganda.

14. Davlat xizmatini koʻrsatish rad etilganda, ariza beruvchi bir oy muddatda rad etish asoslarini bartaraf qilgan holda qayta murojaat qilish huquqiga ega.

3-bob. Yagona reyestrni yuritish tartibi

15. Yagona reyestr vakolatli organ tomonidan yuritiladi va unda quyidagi maʼlumotlar qayd etiladi:

sud ekspertiga berilgan tartib raqami;

Yagona reyestrga kiritilgan sana;

sud ekspertining familiyasi, ismi, otasining ismi;

sud eksperti faoliyat yuritadigan nodavlat sud-ekspertiza tashkilotining nomi, manzili, telefon raqami;

sud ekspertining ixtisoslashgan sud-ekspertiza turlari;

sud eksperti sertifikatining rekvizitlari;

Yagona reyestrdan chiqarilgan sana;

qoʻshimcha maʼlumotlar (malaka va huquqiy bilimni oshirganlik va boshqa).

16. Yagona reyestr vakolatli organning rasmiy veb-saytida eʼlon qilinadi hamda ushbu Reglamentga 5-ilovaga muvofiq shaklda yuritiladi.

17. Yagona reyestrdan maʼlumot olish bepul amalga oshiriladi.

4-bob. Yagona reyestrga oʻzgartirish kiritish tartibi

18. Sud eksperti quyidagi hollarda 5 ish kunida Markazga bevosita oʻzi kelib murojaat etishi yoxud YIDXPda elektron shaklda ushbu Reglamentga 2-ilovaga muvofiq shakldagi soʻrovnomani elektron shaklda toʻldirishi lozim:

sud eksperti faoliyat yuritadigan nodavlat sud-ekspertiza tashkilotlari nomi, joylashgan joyi (pochta manzili) yoki telefon raqami oʻzgarganda;

sud ekspertining ixtisoslashgan sud-ekspertiza turlari soni koʻpayganda;

sud eksperti navbatdagi malaka va huquqiy bilimini oshirganda.

19. Soʻrovnomaga maʼlumotlar oʻzgarganligini tasdiqlovchi hujjatlar nusxasi ilova qilinadi.

20. Vakolatli organ ariza beruvchining arizasi kelib tushgan kundan boshlab 5 ish kuni ichida Reyestrga oʻzgartirish kiritadi va maʼlumotnomani Markazga (oʻzi kelib murojaat etgan taqdirda) yoki ariza beruvchiga (elektron shaklda murojaat etgan taqdirda) YIDXP orqali yuboradi.

5-bob. Yagona reyestrdan chiqarish tartibi

21. Quyidagi hollarda sud eksperti toʻgʻrisidagi maʼlumotlar Yagona reyestrdan chiqariladi:

nodavlat sud eksperti oʻzini Yagona reyestrdan chiqarish toʻgʻrisida ariza berganda;

sud eksperti vafot etganda;

Oʻzbekiston Respublikasining “Sud ekspertizasi toʻgʻrisida”gi Qonunida nodavlat sud eksperti uchun belgilangan talablarga javob bermaganda;

sud eksperti nodavlat sud-ekspertiza tashkilotidan ishdan boʻshaganda.

22. Nodavlat sud-ekspertiza tashkiloti sud eksperti bilan mehnat munosabatlari tugatilgan taqdirda, bu haqida besh kun muddatda vakolatli organga yozma tarzda maʼlum qilishi shart.

23. Yagona reyestrdan chiqarish vakolatli organning qarori bilan rasmiylashtiriladi.

6-bob. Yakunlovchi qoidalar

24. Markaz va vakolatli organ oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

25. Vakolatli organ ushbu Reglament talablari ijrosi boʻyicha Markaz faoliyatini, shu jumladan, YIDXP orqali doimiy nazorat qiladi.

26. Nodavlat sud ekspertlari davlat organlari va boshqa tashkilotlar xodimlarining xatti-harakatlari, shuningdek, ular toʻgʻrisidagi maʼlumotlarni Yagona reyestrga kiritish rad etilgani yoki Yagona reyestrdan chiqarilgani yuzasidan qonunchilikda belgilangan tartibda sudga yoki boshqa organlarga shikoyat qilishlari mumkin.

27. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Nodavlat sud ekspertlarini Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestriga kiritish boʻyicha davlat xizmatini koʻrsatishning maʼmuriy reglamentiga 1-ILOVA

Nodavlat sud ekspertlarini Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestrga kiritish boʻyicha davlat xizmatini koʻrsatish

Bosqichlar Subyektlar Tadbirlar Bajarish muddatlari 1-bosqich Ariza beruvchi Ariza beruvchi davlat xizmatidan foydalanish uchun Davlat xizmatlari markaziga (keyingi oʻrinlarda — Markaz) oʻzi kelib murojaat etadi yoki Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi. Oʻz xohishiga koʻra 2-bosqich 1. Markaz 1. Markaz xodimi soʻrovnomani toʻldirib, ariza beruvchi tomonidan tasdiqlangandan soʻng vakolatli organga yuboradi. 1. Soʻrovnoma toʻldirilgandan soʻng 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboriladi. 2. Real vaqt rejimida 3-bosqich Vakolatli organ Vakolatli organ ariza beruvchi Yagona reyestrga kiritilganligi haqidagi 3-ilovaga muvofiq maʼlumotnomani yoki Yagona reyestrga kiritishni rad etish haqidagi QR-kod (matrik shtrixli kod) qoʻyilgan xabarnomani tegishli Markazga yoki YIDXP orqali ariza beruvchiga elektron ravishda yuboradi 5 ish kuni ichida 4-bosqich Markaz 1. Maʼlumotnomani yoki QR-kod (matrik shtrixli kod) qoʻyilgan xabarnoma kelib tushgandan soʻng uni ariza beruvchining elektron manziliga yuboradi va ariza beruvchini bu haqida axborot-kommunikatsiya tizimi orqali xabardor qiladi. 1. 10 daqiqa ichida 2. Oʻzi kelib murojaat qilgan taqdirda maʼlumotnomani elektron yoki qogʻoz shaklida taqdim etadi. 2. Ariza beruvchining soʻroviga koʻra

Nodavlat sud ekspertlarini Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestrga kiritish boʻyicha davlat xizmatini koʻrsatishga doir

I. Ariza beruvchi shaxs toʻgʻrisida maʼlumot: 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): 5. Telefon raqami: 6. Yashash manzili: II. Sud eksperti faoliyati toʻgʻrisida maʼlumot: 7. Sud eksperti faoliyat yurituvchi nodavlat sud-ekspertiza tashkiloti, shu jumladan, sud-ekspertlik byurosining nomi: 8. Sud eksperti faoliyat yurituvchi nodavlat sud-ekspertiza tashkilotining manzili: 9. Sud eksperti sertifikatining rekvizitlari: 10. Ixtisoslashgan sud-ekspertiza turi: III. Soʻrovnomaga ilova qilinadigan hujjatlar: 1. Sud eksperti sertifikati. 2. Nodavlat sud-ekspertiza tashkilotiga ishga qabul qilingani toʻgʻrisidagi buyruq. 3. Oʻzbekiston Respublikasining “Sud ekspertizasi toʻgʻrisida”gi Qonuniga muvofiq qasddan sodir etgan jinoyatlari uchun sudlangan boʻlsa, sudlanganlik holati tugallanganligi yoki sudlangani olib tashlangani yuzasidan maʼlumotlar.

Oʻzbekiston Respublikasi Adliya vazirligi Nodavlat sud ekspertlarini Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestriga kiritilganligi toʻgʻrisida MAʼLUMOTNOMA № _________ Sud ekspertining (ariza beruvchi) F.I.O. __________________________________________ Sud eksperti faoliyat yurituvchi n odavlat sud-ekspertiza tashkiloti, shu jumladan, sud-ekspertlik byurosining nomi va manzili: _____________ ____________ ______________________________________ ________________________________________________________ ___________ ______________________ ________________________________________________________ ___________ ______________________ Sud eksperti sertifikatining rekvizitlari: ______ ___________ ________________________________ ________________________________________________________ ___________ ______________________ Ixtisoslashgan sud-ekspertiza turlari: ________________________ ___________ ___________________ ________________________________________________________ ___________ ______________________ ________________________________________________________ ___________ ______________________ Yagona reyestrga kiritilgan sana va raqami: _______________________ Maʼlumotnomani bergan masʼul shaxs F.I.O: ______________________________________ Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun repo.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan. QR-kod

Oʻzbekiston Respublikasi Adliya vazirligi Nodavlat sud ekspertlarini Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestriga kiritish rad etilganligi toʻgʻrisida XABARNOMA № _________ Sud ekspertining (ariza beruvchi) F.I.O. __________________________________________ Sud eksperti faoliyat yurituvchi n odavlat sud-ekspertiza tashkiloti, shu jumladan, sud-ekspertlik byurosining nomi va manzili: ____________________________ ____________ _______________________ ____________________________________________________ ___________ __________________________ ____________________________________________________ ___________ __________________________ Sud eksperti sertifikatining rekvizitlari: __________ ___________ ____________________________ ____________________________________________________ ___________ __________________________ Yagona reyestrga kiritish rad etish sabablari: ____ ___________ ___________________________________ ____________________________________________________ ___________ __________________________ ____________________________________________________ ___________ __________________________ Yagona reyestrga kiritish rad etilgan sana va raqami: _______________________ Maʼlumotnomani bergan masʼul shaxs F.I.O: ______________________________________ Mazkur hujjat Vazirlar Mahkamasining 2017-yil 15-sentabrdagi 728-son qarori bilan tasdiqlangan Oʻzbekiston Respublikasi Yagona interaktiv davlat xizmatlari portali toʻgʻrisidagi nizomga muvofiq shakllantirilgan elektron hujjatning nusxasi hisoblanadi. Elektron hujjatning nusxasida koʻrsatilgan maʼlumotlar toʻgʻriligini tekshirish uchun repo.gov.uz veb-saytiga oʻting va elektron hujjatning noyob raqamini kiriting yoki mobil telefon yordamida QR-kodni skaner qiling. Diqqat! Vazirlar Mahkamasining 2017-yil 15-sentabrdagi 728-son qaroriga muvofiq elektron hujjatlardagi maʼlumotlar qonuniy hisoblanadi. Davlat organlariga Yagona portalda shakllantirilgan elektron hujjatlarning nusxalarini qabul qilishni rad etishlari qatʼiyan taqiqlangan. QR-kod

Sud eksperti sifatida kasbiy layoqatini tasdiqlovchi sertifikat olgan shaxslarning yagona reyestri shakli

Sud ekspertiga berilgan tartib raqami Yagona reyestrga kiritilgan sana Sud ekspertining familiyasi, ismi, otasining ismi Sud eksperti faoliyat yuritadigan nodavlat sud-ekspertiza tashkilotining nomi, manzili, telefon raqami Sud eksperti ixtisoslashgan sud ekspertizasi turlari Sud eksperti sertifikati rekvizitlari Yagona reyestrdan chiqarilgan sana Qoʻshimcha maʼlumotlar (malaka va huquqiy bilimni oshirganlik va boshqa)

Vazirlar Mahkamasining 2026-yil 20-fevraldagi 73-son qaroriga 5-ILOVA

Oʻzbekiston Respublikasi Adliya vazirligi huzuridagi Ekspert-malaka komissiyasi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Adliya vazirligi huzuridagi Ekspert-malaka komissiyasi (keyingi oʻrinlarda — Komissiya) vakolatlarini va uning faoliyatini tashkil etish tartibini belgilaydi.

Komissiya:

nodavlat sud eksperti sifatida sud ekspertizasini oʻtkazish huquqini beruvchi sertifikat uchun test sinovlari hamda suhbat shaklida imtihon oʻtkazish hamda natijalariga koʻra sertifikat berish;

nodavlat sud ekspertlarini davriy attestatsiyadan oʻtkazish;

nodavlat sud ekspertlarining noqonuniy harakatlari bilan bogʻliq holatlarning adolatli va xolis koʻrib chiqilishini taʼminlash;

nodavlat sud ekspertlarining sud ekspertizasini oʻtkazish huquqini beruvchi sertifikatining amal qilishini toʻxtatib turish va bekor qilish bilan bogʻliq ishlarni koʻrib chiqish maqsadida tuziladi.

2. Ushbu Nizomda quyidagi asosiy tushunchalardan foydalaniladi:

intizomiy ish yuritish — nodavlat sud eksperti tomonidan qonunchilik hujjatlari, nodavlat sud ekspertlarining kasb etikasi qoidalarining buzilishi aniqlangani, nodavlat sud ekspertining noqonuniy xatti-harakatlari yuzasidan murojaatlari, ekspertiza tayinlash vakolatiga ega organlarning (shaxslarning) taqdimnomalari (ajrimlari) boʻyicha Komissiya tomonidan oʻtkaziladigan oʻrganish;

malaka imtihoni — nodavlat sud eksperti sifatida sud ekspertizasini oʻtkazish huquqini beruvchi sertifikat olish istagidagi shaxsning tanlangan ixtisoslik boʻyicha bilim va malakasini test sinovlari hamda suhbat shaklida aniqlash jarayoni;

nodavlat sud eksperti — nodavlat sud-ekspertiza tashkilotlarida sud ekspertizasini oʻtkazuvchi sud eksperti;

talabgor — sud ekspertizasi sohasida qayta tayyorlash kurslarini tamomlagan yoki sud ekspertizasining muayyan turi boʻyicha sud eksperti sifatida kamida besh yillik ish stajiga ega boʻlgan yoxud davlat sud-ekspertiza muassasalarida sud eksperti sifatida soʻnggi ikki yil davomida uzluksiz ishlab kelayotgan hamda nodavlat sud eksperti sifatida sud ekspertizasini oʻtkazish huquqini beruvchi sertifikat olish boʻyicha malaka imtihonida ishtirok etish uchun murojaat qilgan jismoniy shaxs.

3. Komissiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga hamda boshqa qonunchilik hujjatlariga, shuningdek, ushbu Nizomga amal qiladi.

4. Davlat organlari va boshqa manfaatdor shaxslarning Komissiya faoliyatiga aralashishiga yoʻl qoʻyilmaydi.

5. Komissiya oʻz vakolatlari doirasida qarorlar qabul qiladi. Komissiyaning qabul qilgan qarorlari tegishli tashkilotlar tomonidan bajarilishi majburiydir.

6. Komissiya faoliyatining moddiy-texnika taʼminoti Oʻzbekiston Respublikasi Adliya vazirligi tomonidan amalga oshiriladi.

2-bob. Komissiya faoliyatini tashkil etish

7. Komissiyaning shaxsiy tarkibi Oʻzbekiston Respublikasi adliya vazirining buyrugʻi bilan kamida toʻqqiz nafar aʼzodan iborat tarkibda uch yil muddatga tasdiqlanadi.

Komissiya tarkibi davlat sud-ekspertiza muassasalari, nodavlat ekspertiza tashkilotlarining tajribali sud ekspertlari, huquqshunos olimlar hamda jamoat tashkilotlari, tegishli vazirlik va idoralarning vakillaridan iborat tarkibda shakllantiriladi. Bunda Komissiya tarkibiga ayni bir tashkilotdan bir nafardan ortiq aʼzo kiritilishiga yoʻl qoʻyilmaydi.

8. Komissiya raisi va uning oʻrinbosari davlat sud-ekspertiza muassasasi vakillaridan tayinlanishiga yoʻl qoʻyilmaydi.

9. Komissiyaga rais rahbarlik qiladi. Rais hozir boʻlmagan hollarda, raisning oʻrinbosari Komissiyaning majlisida raislik qilishiga ruxsat etiladi.

10. Komissiya aʼzosi quyidagi holatlarda Komissiya tarkibidan chiqariladi:

oʻz arizasiga binoan;

sud eksperti maqomi toʻxtatilgan yoki tugatilganda;

ish joyi oʻzgarganda yoki ishdan boʻshatilganda;

ushbu Nizom talablarini qoʻpol ravishda buzganda;

sogʻligʻining holatiga koʻra vazifalarini bajarish imkoni boʻlmaganda;

Komissiya yigʻilishlarida uzrli sabablarsiz ketma-ket uch marta ishtirok etmaganda.

Ushbu bandning toʻrtinchi — oltinchi xatboshilarida nazarda tutilgan asoslar boʻyicha Komissiya aʼzosini Komissiya tarkibidan chiqarish masalasi Komissiya raisi tomonidan kiritiladi.

Komissiya aʼzosini Komissiya tarkibidan chiqarish toʻgʻrisidagi qaror Komissiya aʼzolarining uchdan ikki qismi ovozlari bilan qabul qilinadi.

Bunda qabul qilingan qarorga asosan Oʻzbekiston Respublikasi adliya vazirining tegishli buyrugʻiga oʻzgartirish va qoʻshimchalar kiritiladi.

Qabul qilingan qaror haqida Komissiya tarkibidan chiqarilgan Komissiya aʼzosiga yozma ravishda maʼlum qilinadi.

Komissiya aʼzosi Komissiya tarkibidan chiqarish toʻgʻrisidagi qaror ustidan sudga shikoyat qilishga haqli.

Komissiya tarkibidan chiqarilgan aʼzo oʻrniga ushbu Nizomda nazarda tutilgan tartibda Komissiya tasdiqlangan muddat doirasida yangi aʼzo kiritiladi.

11. Komissiya aʼzosi boʻlgan nodavlat sud eksperti yuzasidan intizomiy ish yoki malaka imtihoni natijalari boʻyicha shikoyat koʻrib chiqilayotgan hollarda, ular Komissiya aʼzosi majlisda qatnashishga haqli emas.

Komissiyaning aʼzosi quyidagi hollarda rad etilishi kerak:

Komissiya majlisi koʻrilayotgan masalalar boʻyicha talabgor, sud eksperti va boshqa manfaatdor shaxs Komissiya aʼzosining yaqin qarindoshi boʻlsa;

Komissiya majlisining natijasidan va unda qabul qilinadigan qarordan bevosita yoki bilvosita manfaatdor boʻlsa yoxud uning begʻarazligiga shubha tugʻdiradigan boshqa holatlar mavjud boʻlsa.

Mazkur bandda koʻrsatilgan holatlar mavjud boʻlgan taqdirda, Komissiya aʼzosi oʻzini oʻzi rad etishi shart.

12. Komissiyaning majlisi, agar unda Komissiya aʼzolarining kamida uchdan ikki qismi qatnashsa, komissiya vakolatli (kvorumga ega) hisoblanadi.

Kvorum boʻlmagan holda, Komissiyaning majlisiga hozir boʻlgan aʼzolari tomonidan majlisni keyinga qoldirish toʻgʻrisida qaror qabul qilinadi, majlis oʻtkaziladigan sana, vaqt va joy haqida qoʻshimcha xabar qilinadi.

13. Komissiya majlislari zaruratga qarab, biroq olti oyda kamida bir marta oʻtkaziladi. Komissiya raisi Komissiya majlisi oʻtkazilishidan kamida oʻn kun oldin majlisning kun tartibi, sanasi, vaqti va joyini belgilaydi.

14. Komissiya qarorlari uning majlisida qatnashayotgan Komissiya aʼzolarining oddiy koʻpchiligi ovozi bilan qabul qilinadi. Ovozlar teng boʻlganda, raislik qiluvchining ovozi hal qiluvchi hisoblanadi.

Komissiyaning qarorlari ular qaysi majlisda qabul qilingan boʻlsa, oʻsha majlisda raislik qiluvchi tomonidan eʼlon qilinadi.

15. Komissiyaning ishini yuritish Oʻzbekiston Respublikasi adliya vaziri tomonidan tayinlanadigan Komissiyaning masʼul kotibi (keyingi oʻrinlarda — masʼul kotib) zimmasiga yuklanadi. Masʼul kotib Komissiyaning aʼzosi boʻlishi mumkin emas.

Masʼul kotib:

Komissiyaning majlisida koʻrib chiqish uchun materiallarni tayyorlaydi va ularning saqlanishini taʼminlaydi;

Komissiya aʼzolarini, shuningdek, ariza bergan shaxslarni va boshqa manfaatdor shaxslarni Komissiya majlisi oʻtkaziladigan sana, vaqt va joy haqida xabardor qiladi;

Komissiya majlislarining bayonnomalarini yuritadi va saqlaydi;

raislik qiluvchining Komissiya majlisiga tayyorgarlik koʻrish va uni oʻtkazish boʻyicha boshqa topshiriqlarini bajaradi, shuningdek, ushbu Nizomga muvofiq boshqa vazifalarni ham bajaradi.

3-bob. Komissiyaning huquq va majburiyatlari

16. Komissiya quyidagilarni amalga oshiradi:

malaka imtihonlarini oʻtkazadi va ularning natijalarini tasdiqlaydi;

sud ekspertizasini oʻtkazish huquqini beruvchi sertifikatni berish toʻgʻrisida qaror qabul qiladi;

nodavlat sud ekspertlarini belgilangan tartibda attestatsiyadan oʻtkazishni tashkil etadi;

nodavlat sud ekspertlarining noqonuniy harakatlari bilan bogʻliq holatlarni koʻrib chiqadi;

nodavlat sud ekspertining sud ekspertizasini oʻtkazish huquqini beruvchi sertifikatining amal qilishini toʻxtatib turish yoki bekor qilish toʻgʻrisida qaror qabul qiladi.

17. Komissiya oʻziga yuklangan vazifalarni bajarishda quyidagi huquqlarga ega:

talabgorlar, sud ekspertlari va boshqa manfaatdor shaxslarning murojaatlarini koʻrib chiqish va ular boʻyicha tegishli qarorlar qabul qilish;

sertifikatning amal qilishini tugatish masalasini koʻrib chiqish toʻgʻrisida tegishli tashkilotlarning murojaatlari boʻyicha xulosalar berish;

ushbu Nizomda nazarda tutilgan hollarda, talabgorlardan malaka imtihonlarini oʻtkazish va topshirish natijalari boʻyicha qarorlar qabul qilish;

murojaatlarni koʻrib chiqish vaqtida manfaatdor shaxslar va tegishli tashkilotlardan qoʻshimcha hujjatlarni soʻrab olish hamda zarur mutaxassislarni ish yuzasidan jalb etish;

umumlashtirish va tahlil natijalari boʻyicha qarorlar qabul qilish.

18. Komissiya oʻziga yuklangan vazifalarni bajarishda quyidagilarga majbur:

Komissiyaga koʻrib chiqish uchun kiritilgan masalalarni har tomonlama va xolisona koʻrib chiqishga;

qonunchilik hujjatlariga, sud-ekspertlik faoliyatining asosiy prinsiplariga qatʼiy rioya etishga.

Komissiya qonunchilik hujjatlariga muvofiq boshqa huquq va majburiyatlarga ham ega boʻlishi mumkin.

4-bob. Malaka imtihonlarini oʻtkazish hamda sud ekspertizasini oʻtkazish huquqini beruvchi sertifikat berish tartibi

19. Malaka imtihonlari Komissiya tomonidan umumiy huquqiy bilimlar va sud-ekspertlik faoliyati boʻyicha maxsus bilimlar yuzasidan ikki bosqichda — test sinovlari hamda suhbat shaklida tashkil etiladi.

20. Komissiyaning malaka imtihonlarni oʻtkazish boʻyicha yigʻilishlari rasmiy veb-sahifalarda real vaqt rejimida translyatsiya qilinadi.

21. Komissiyaning bitta majlisida bir nechta talabgorlar uchun malaka imtihoni oʻtkazilganda talabgorlar malaka imtihoniga, qoida tariqasida, besh nafargacha talabgordan iborat guruh shakllantirilib, navbat boʻyicha kiritiladi.

Talabgorlar malaka imtihoniga shaxsini tasdiqlovchi hujjatini koʻrsatgan holda kiritiladi.

22. Test va suhbat savollari Komissiya raisi tomonidan tasdiqlanadi hamda Oʻzbekiston Respublikasi Adliya vazirligining rasmiy veb-saytiga joylashtiriladi, shuningdek, qonunchilik hujjatlariga kiritiladigan oʻzgartirish va qoʻshimchalarni hisobga olgan holda muntazam ravishda yangilab boriladi.

23. Test va suhbat savollari talabgor tomonidan axborot texnologiyalaridan foydalangan holda maxsus elektron dastur orqali tasodifiy ravishda tanlanadi.

Talabgor tomonidan tasodifiy ravishda tanlangan savollar Komissiya masʼul kotibi tomonidan printerda chop etiladi va talabgorga taqdim qilinadi.

24. Test savollari beshta huquqiy hamda oʻz beshta sud-ekspertlik faoliyatiga oid savollardan iborat boʻladi.

Suhbat savollari bitta huquqiy, uchta sud-ekspertlik faoliyatiga oid savollar hamda bitta kazusdan tashkil topadi.

25. Talabgorlarga test savollarini yechish uchun yigirma daqiqa hamda suhbat savollariga javob berishga tayyorgarlik koʻrishlari uchun oʻn besh daqiqa vaqt ajratiladi.

26. Malaka imtihonini oʻtkazish jarayonida talabgorlarga quyidagilar taqiqlanadi:

aloqa va telekommunikatsiya vositalari (telefon, kompyuter, planshet va boshqalar), kitob hamda shpargalkalardan foydalanish;

boshqa talabgorlar bilan suhbatlashish;

tanlov yoki malaka imtihoni tugamasdan xonadan tashqariga chiqish.

Talabgorning mazkur qoidalarga amal qilmasligi uni tanlovda yoki malaka imtihonida qatnashishdan chetlashtirish uchun asos boʻladi. Ushbu holatda masʼul kotib tomonidan ushbu Nizomga 1-ilovaga muvofiq shakldagi dalolatnoma rasmiylashtiriladi va Komissiya aʼzolarining kamida uch nafari tomonidan imzolanadi.

Tanlovda yoki malaka imtihonida qatnashishdan chetlashtirilgan talabgor olti oy davomida malaka imtihonlariga qoʻyilmaydi.

27. Tayyorgarlik koʻrish uchun berilgan vaqt tugagandan soʻng talabgor test javoblarini taqdim qilgan holda, Komissiyaga suhbat savollari boʻyicha javob beradi. Komissiya aʼzolari ayrim javoblarni aniqlashtirish maqsadida qoʻshimcha savollar berishi mumkin.

Talabgor savollarga javob berib boʻlganidan soʻng uning xonadan chiqishiga ruxsat beriladi.

28. Test savollarining har bir toʻgʻri javobi ikki ballik tizimda baholanadi.

29. Malaka imtihoni natijalarini aniqlash uchun Komissiyaning har bir aʼzosi boshqa aʼzolardan mustaqil holda, ushbu Nizomga 2-ilovaga muvofiq shaklda baholash byulletenida talabgorning savollarga bergan javobini 10 ballik hamda kazus javoblarini 20 ballik tizimda baholaydi.

Bunda Komissiyaning har bir aʼzosi talabgorni berilgan savollarga toʻliq va aniq javob berishi, faoliyat sohasi bilan bogʻliq tizimli bilimlarga ega boʻlishi, ulardan oʻz kasb faoliyatida mustaqil foydalanish qobiliyatiga koʻra baholaydi.

30. Ushbu Nizomga 2-ilovaga muvofiq shakldagi baholash byulletenida ballarni hamda test natijalarini hisoblab chiqish uchun Komissiya aʼzolari orasidan besh kishidan iborat hisoblash guruhi tuziladi.

Hisoblash guruhi tomonidan baholash byulletenlaridagi ballar hisoblab chiqiladi. Hisoblash natijalari ushbu Nizomga 3-ilovaga muvofiq shakldagi yigʻma baholash byulleteniga kiritiladi va Komissiya aʼzolariga eʼlon qilinadi.

31. Malaka imtihonlari natijalariga koʻra 55 balldan yuqori ball toʻplagan talabgor malaka imtihonini muvaffaqiyatli topshirgan deb topiladi.

32. Malaka imtihonini muvaffaqiyatli tarzda topshirgan talabgorlarga ushbu Nizomga 4-ilovaga sud ekspertizasini oʻtkazish huquqini beruvchi sertifikat beriladi.

33. Sud ekspertizasini oʻtkazish huquqini beruvchi sertifikat quyidagi maʼlumotlarni oʻz ichiga oladi:

sertifikat egasining familiyasi, ismi va otasining ismi;

sertifikat raqami va berilgan sanasi;

ekspertiza mutaxassisliklari (turlari) roʻyxati;

sertifikatning amal qilish muddati;

Komissiya raisi va masʼul kotibining imzolari hamda Oʻzbekiston Respublikasi Adliya vazirligining muhri.

5-bob. Nodavlat sud ekspertlarining noqonuniy harakatlari bilan bogʻliq holatlarni koʻrib chiqish tartibi

34. Komissiya tomonidan bevosita ekspertiza tayinlashga vakolatli organlar, Adliya vazirligi hamda jismoniy va yuridik shaxslarning quyidagi mazmundagi taqdimnoma, bildirgi hamda murojaatlari koʻrib chiqiladi:

qonunchilik hujjatlarida belgilangan sud ekspertizasini oʻtkazish tartibi va muddatlarining buzilgani;

tegishli ekspert mutaxassisligi (turi) boʻyicha sud ekspertining vakolat va malakasidan tashqariga chiqadigan masalalar;

taqdim etilgan tadqiqot materiallarini zarur darajada saqlash choralarining koʻrilmagani oqibatida ularni yoʻqotish yoki ularning buzilishiga olib kelgani hamda ish dalilsiz qolishiga sabab boʻlgani;

sud ekspertining kasb etika qoidalariga rioya qilinmagani.

35. Taqdimnoma, bildirgi hamda murojaatlar Komissiya tomonidan ular masʼul kotibga kelib tushgan kundan boshlab bir oy muddatda koʻrib chiqiladi.

36. Komissiyaga kiritilgan masala oʻz isbotini topishi nodavlat sud ekspertining qonunchilik hujjatlarida belgilangan tartibda intizomiy javobgarlikka tortilishiga sabab boʻladi.

37. Komissiya nodavlat sud eksperti tomonidan sud ekspertizalarini oʻtkazish tartibi qoʻpol ravishda buzilgani aniqlangan taqdirda, uning sud ekspertizasini oʻtkazish huquqini beruvchi sertifikatini bekor qilish masalasini koʻrib chiqishi mumkin.

38. Nodavlat sud ekspertlarining sud ekspertizasini oʻtkazish huquqini beruvchi sertifikatining amal qilishi qonunchilikda belgilangan holatlarda Komissiya tomonidan toʻxtatib turiladi yoki bekor qilinadi.

39. Komissiya tomonidan Adliya vazirligining quyidagi holatlar boʻyicha taqdimnomasiga asosan nodavlat sud ekspertining sud ekspertizasini oʻtkazish huquqini beruvchi sertifikatini amal qilishi toʻxtatiladi:

nodavlat sud-ekspertiza tashkilotlari tomonidan oʻtkaziladigan har bir sud-ekspertiza turlari boʻyicha ularni moddiy-texnik baza bilan jihozlashga qoʻyiladigan minimal talablariga mos boʻlgan moddiy-texnik bazasi mavjud boʻlmasa, bundan davlat sud-ekspertiza muassasalarining moddiy-texnik bazasidan shartnoma asosida foydalanilayotgan hollar mustasno;

belgilangan tartibda har ikki yilda malakasi va huquqiy bilimlarini oshirmasa;

nodavlat sud ekspertlarining fuqarolik javobgarligi majburiy sugʻurta qilinmaganda.

40. Sertifikatning amal qilishini toʻxtatib turish toʻgʻrisidagi qaror qabul qilingandan soʻng nodavlat sud eksperti ushbu toʻxtatib turish toʻgʻrisidagi qarorda koʻrsatilgan asoslar bekor boʻlgunga qadar faoliyatini toʻxtatib turishi shart.

41. Sertifikatni bekor qilish toʻgʻrisidagi qaror qabul qilingan taqdirda, nodavlat sud eksperti sud-ekspertlik faoliyatini amalga oshirish huquqini yoʻqotadi va u Sud eksperti sifatida kasbiy layoqatini tasdiqlovchi sertifikatni olgan shaxslarning yagona reyestridan chiqariladi.

6-bob. Yakunlovchi qoidalar

42. Komissiya majlislarida bayonnoma yuritiladi hamda majlisda qatnashgan Komissiya aʼzolari va masʼul kotib tomonidan imzolanadi.

Komissiyaning qaroridan rozi boʻlmagan Komissiyaning aʼzosi komissiya majlisining bayonnomasiga kiritiladigan oʻzining nuqtai nazarini yozma shaklda bayon etishga haqli.

43. Qaror qabul qilingan kundan eʼtiboran uch kundan kechiktirmay Komissiya majlisi bayonnomasidan koʻchirma masʼul kotib imzosi bilan manfaatdor shaxslarga yuboriladi yoki tilxat olingan holda topshiriladi.

44. Nodavlat sud ekspertlarining sud ekspertizasini oʻtkazish huquqini beruvchi sertifikatini berish, uning amal qilishini toʻxtatib turish yoki bekor qilish boʻyicha maʼlumotlar Komissiya tomonidan tegishli davlat organlariga va manfaatdor tashkilotlarga yuboriladi.

45. Komissiyaning qarorlari ustidan sudga shikoyat qilinishi mumkin.

46. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Adliya vazirligi huzuridagi Ekspert-malaka komissiyasi toʻgʻrisidagi nizomga 1-ILOVA

Nodavlat sud ekspertlarining malaka imtihondan chetlashtirish haqida

Toshkent shahri 20___ yil “____” ____________ Biz, quyida imzo chekuvchilar shuni tasdiqlaymizki, nodavlat sud ekspertlariga sud ekspertizasini oʻtkazish huquqini beruvchi sertifikatni berish boʻyicha malaka imtihonini oʻtkazishda ushbu Nizomning 26-bandi talablariga asosan talabgor ________________________________________ _____________________________________ quyidagi sabablarga koʻra (F.I.O.) tanlovdan soat _____:_____ da chetlatildi: ¯ mobil telefon, boshqa aloqa va telekommunikatsiya vositalari, kitob hamda shpargalkalardan foydalandi; ¦ boshqa talabgorlar bilan suhbatlashdi; ¯ tanlov tugamasidan xonadan tashqariga chiqdi. Komissiya aʼzosi __________________ ___________________________ (imzo) (F.I.O.) Komissiya aʼzosi ___________________ ___________________________ (imzo) (F.I.O.) Komissiya aʼzosi ___________________ ___________________________ (imzo) (F.I.O.) ”.

Oʻzbekiston Respublikasi Adliya vazirligi huzuridagi Ekspert-malaka komissiyasi toʻgʻrisidagi nizomga 2-ILOVA

Oʻzbekiston Respublikasi Adliya vazirligi huzuridagi Ekspert-malaka komissiyasi aʼzosining

T/r Malaka imtihoni boʻyicha talabgorlarning F.I.O. Qoʻyilgan ball 1-savol (0 — 10) 2-savol (0 — 10) 3-savol (0 — 10) 4-savol (0 — 10) Kazus (0 — 20) 1. 2. 3. 4. 5. ... Komissiya aʼzosi ___________________ ____________________________ (imzo) (F.I.O.)

Oʻzbekiston Respublikasi Adliya vazirligi huzuridagi Ekspert-malaka komissiyasi toʻgʻrisidagi nizomga 3-ILOVA

Oʻzbekiston Respublikasi Adliya vazirligi huzuridagi Ekspert-malaka komissiyasining ____-son majlisi

T/r Malaka imtihoni boʻyicha talabgorning F.I.O. Komissiya aʼzolarining F.I.O. va ular tomonidan qoʻyilgan ballar F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) F.I.O. (ball) 1. 2. 3. ... Komissiya aʼzosi _______________________ ____________________________________ (imzo) (F.I.O.) Komissiya aʼzosi _______________________ ____________________________________ (imzo) (F.I.O.) Komissiya aʼzosi _______________________ ____________________________________ (imzo) (F.I.O.)

Oʻzbekiston Respublikasi Adliya vazirligi huzuridagi Ekspert-malaka komissiyasi toʻgʻrisidagi nizomga 4-ILOVA

Oʻzbekiston Respublikasi Adliya vazirligi sud eksperti sifatida kasbiy layoqatni tasdiqlovchi SERTIFIKAT № _____________ 20___ yil “___” ______________ ___________________ (berilgan joyi) _______________________________________________________________________________________________________________________________________________________________________________________________________________ (nodavlat sud ekspertining familiyasi, ismi, otasining ismi) 20___ yil “____” _______________ dan 20___ yil “____” ________________ gacha ________________________________________________________________________________________________________________________________________soatli ________________________________________________________________________________________________________________________________________________________________________________________________________________ni (qayta tayyorlash kursining nomi) muvaffaqiyatli tamomladi. Mazkur sertifikat sud ekspertining sud ekspertizasining ________________________________ turi boʻyicha kasbiy layoqatini tasdiqlaydi. Komissiya raisi ____________________________ _____________________ (F.I.O) (imzo) Hujjatning haqiqiyligini tasdiqlovchi QR-kod

Vazirlar Mahkamasining 2026-yil 20-fevraldagi 73-son qaroriga 6-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim hujjatlari

1. Vazirlar Mahkamasi “Nodavlat sud-ekspertiza tashkilotlari faoliyatini tashkil etish boʻyicha nizomlarni tasdiqlash haqida” 2020-yil 24-martdagi 180-son qarori .

2. Vazirlar Mahkamasining “Umumiy oʻrta va oʻrta maxsus taʼlim muassasalari reytingini aniqlash chora-tadbirlari toʻgʻrisida” 2021-yil 3-iyundagi 345-son qaroriga 3-ilovaning 50-bandi .

3. Vazirlar Mahkamasining “Sud ekspertiza sohasini tartibga soluvchi ayrim normativ-huquqiy hujjatlarni tasdiqlash toʻgʻrisida” 2021-yil 22-noyabrdagi 706-son qaroriga 4-ilovaning 4-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 814-bandi .

5. Vazirlar Mahkamasining “Sud-ekspertlik faoliyatini tartibga soluvchi ayrim normativ-huquqiy hujjatlarni tasdiqlash toʻgʻrisida” 2022-yil 13-dekabrdagi 705-son qaroriga 3-ilovaning 4-bandi .

6. Vazirlar Mahkamasining “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti faoliyatini tashkil etish chora-tadbirlari toʻgʻrisida” 2025-yil 19-martdagi 171-son qaroriga 7-ilovaning 6-bandi .

Oʻzbekiston Respublikasining Bosh vaziri A. ARIPOV

Toshkent sh.,

2026-yil 20-fevral,

73-son

(Qonunchilik maʼlumotlari milliy bazasi, 23.02.2026-y., 09/26/73/0164-son)

lex.uz