📅 2026-yil 25-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 25 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 февраля 2026 г. · Постановления Президента
Официальный текст. Официальный документ. Редакционные примечания не включены.
📅 25 February 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
Давлат иштирокидаги корхоналар ва тижорат банклари фаолиятининг самарадорлигини ошириш чора-тадбирлари тўғрисида
Давлат иштирокидаги корхоналар ва тижорат банкларида илғор хорижий тажриба асосида корпоратив бошқарув тизимини ҳамда уларнинг фаолиятини такомиллаштириш, шунингдек, бозор механизмларига ўтишни жадаллаштириш мақсадида қарор қиламан:
I. Мақсадлар
1. Қуйидагилар ушбу қарорнинг асосий мақсадлари этиб белгилансин:
(а) давлат иштирокидаги корхоналар ва тижорат банкларида (кейинги ўринларда — жамиятлар) корпоратив бошқарув маданиятини ривожлантириш, унинг замонавий усулларини қўллаш, жамиятлар кузатув кенгаши таркибидаги мустақил аъзолар улушини 50 фоизга етказиш;
(б) 2026 йил якунига қадар «Ўзбекистон Республикаси миллий инвестиция жамғармаси» АЖ (кейинги ўринларда — Жамғарма) акциялар пакетининг халқаро ва маҳаллий фонд бозорларида оммавий таклифини ўтказиш;
(в) жамиятлар бошқарувига халқаро танлов асосида чет эллик соҳа мутахассисларини, шу жумладан, ватандошларни фаол жалб қилиш, сунъий интеллект технологияларини жорий этиш, маҳсулот ва хизматлар таннархини камайтириш орқали рақобатбардошлигини ошириш.
II. Жамиятлар фаолияти самарадорлигини ошириш
2. Иқтисодиёт ва молия вазирлиги, Давлат активларини бошқариш агентлиги ва Жамғарманинг қуйидаги таклифлари маъқуллансин:
(а) жамиятлар кузатув кенгашлари таркибига Жамғарманинг ишончли бошқарувчиси «Franklin Templeton Asset Management» МЧЖ хорижий корхонаси вакилларини киритиш ва мустақил аъзолар сонини ошириш;
(б) бир ой муддатда «Ўзсувтаъминот» АЖ ва «Ўзбекинвест» АЖ устав капиталидаги Давлат активларини бошқариш агентлигига тегишли давлат акциялар пакетларини Иқтисодиёт ва молия вазирлигига ўтказиш;
(в) 2026 йил 1 апрелга қадар «Темирйўлинфратузилма» АЖ устав капиталидаги «Ўзбекистон темир йўллари» АЖга тегишли бўлган 60 фоиз акциялар пакетини номинал қийматда Иқтисодиёт ва молия вазирлигига «Ўзбекистон темир йўллари» АЖ устав капиталидаги давлат улушини камайтириш ҳисобига бериш;
(г) «Навоийазот» АЖ ва АТ «Халқ банки» устав капиталларидаги Жамғармага тегишли акциялар пакетларини Жамғармага берилган қийматда Иқтисодиёт ва молия вазирлигига ўтказиб бериш;
(д) Иқтисодиёт ва молия вазирлигига тегишли «Ўзбектелеком» АЖ устав капиталидаги 5 фоиз ҳамда «Ўзбекинвест» АЖ устав капиталидаги 10 фоиз улушни Жамғармага ўтказиш;
(ж) бир ой муддатда «Ўзсаноатқурилишбанк» АТБ устав капиталидаги 10 фоиз улушни:
(i) Тикланиш ва тараққиёт жамғармаси томонидан Иқтисодиёт ва молия вазирлигига номинал қийматда ўтказиб бериш;
(ii) Иқтисодиёт ва молия вазирлиги томонидан Жамғарма устав капиталига ўтказиб бериш;
(з) «Ўзмиллийбанк» АЖ устав капиталидаги Иқтисодиёт ва молия вазирлигига тегишли акциялар пакетини Тикланиш ва тараққиёт жамғармасига мазкур банднинг «ж» кичик бандида келтирилган акциялар улушига тенг миқдорда номинал қийматда ўтказиш;
(и) «Ўзсаноатқурилишбанк» АТБнинг 2024 йил якунига қадар шаклланган тақсимланмаган соф фойдасини Халқаро молия корпорацияси, Европа тикланиш ва тараққиёт банки ҳамда Осиё тараққиёт банки билан келишилган ҳолда банк устав капиталига акциядорлар улушларига мутаносиб равишда йўналтириш;
(к) бир ой муддатда «Smart Integrity Me» МЧЖ ишончли бошқарувида бўлган «Тахиатош иссиқлик электр станцияси» АЖ устав капиталидаги Давлат активларини бошқариш агентлигига тегишли давлат акциялар пакетини номинал қийматда «Иссиқлик электр станциялари» АЖга унинг устав капиталини ошириш ҳисобига ўтказиб бериш;
(л) давлат-хусусий шериклик асосида Самарқанд вилояти ҳудудий электр тармоқларига хусусий секторни жалб қилиш тажрибасидан келиб чиқиб, 2 та вилоят ҳудудий электр тармоқларига хусусий шерикларни жалб қилиш, қолган вилоятлар бўйича лойиҳаларни икки йил муддатга тўхтатиш.
3. Истисно тариқасида:
(а) Жамғармага акциялар пакети (улуши) халқаро ва маҳаллий бозорларда оммавий савдоларга чиқариладиган «Ўзбекинвест» АЖни хусусийлаштириш жараёнида иштирок этишга рухсат берилсин;
(б) Ўзбекистон Республикаси Президентининг 2025 йил 19 сентябрдаги ПҚ-289-сон қарори 4-бандида ва мазкур қарорнинг 2-бандида назарда тутилган қимматли қоғозларни қабул қилиш натижасида шаклланадиган Жамғарма даромадлари юридик шахсларнинг фойда солиғидан озод этилсин.
4. Белгилансинки, Жамғарманинг улуши бор бўлган жамиятлар бўйича:
(а) ҳисобланадиган дивидендларни жамиятлар ихтиёрида қолдиришни назарда тутувчи норматив-ҳуқуқий ҳужжатларни қабул қилиш тақиқланади;
(б) иқтисодиётдаги ўрни ва улуши, молиявий натижалари, бизнес-режа кўрсаткичлари бажарилиши ва бошқа муҳим ахборотларни ўз ичига олувчи маълумотлар Жамғарма билан келишилгандан сўнг Давлат активларини бошқариш агентлигига тақдим этилади;
(в) активларни тасарруф этиш Жамғарма билан келишилган ҳолда амалга оширилади;
(г) трансформация, акцияларни фонд бозорларида бирламчи оммавий таклифини (IPO) ўтказиш жараёнлари доирасида «Franklin Templeton Asset Management» МЧЖ билан биргаликда энг яхши таклифларни танлаб олиш йўли билан танлаб олинадиган консультантлар билан шартномалар тузилади ва бу шартномалар доирасида ишлаб чиқиладиган техник топшириқларга уларни «Лойиҳалар ва импорт контрактларни комплекс экспертиза қилиш маркази» ДУК билан келишиш тартиби татбиқ этилмайди.
5. Иқтисодиёт ва молия вазирлигининг Жамғарма акциялар пакетининг халқаро ва маҳаллий фонд бозорларида бирламчи оммавий таклифини (IPO) ўтказиш жараёнларини амалга оширишда ҳуқуқий консультантлар сифатида «Cleary Gottlieb Steen & Hamilton LLP» ва «Kosta Legal» корхоналарини жалб қилиш тўғрисидаги таклифи маъқуллансин.
6. Иқтисодиёт ва молия вазирлиги ва Транспорт вазирлигининг «Uzbekistan Airways» АЖ томонидан фойдаланишга топширилган Қўқон, Зомин ва «Тошкент-Ҳумо» аэропортларини қуриш билан боғлиқ харажатларни 2026 — 2028 йилларда ижтимоий ва ишлаб чиқариш инфратузилмасини ривожлантириш дастури ҳисобидан қоплаб бериш тўғрисидаги таклифига розилик берилсин.
7. Иқтисодиёт ва молия вазирлиги Жамғарманинг ишончли бошқарувчиси «Franklin Templeton Asset Management» МЧЖ билан биргаликда 2026 йил 1 июлга қадар Жамғарманинг улуши мавжуд бўлган жамиятларнинг раҳбари, уларнинг молия, трансформация ва хусусийлаштириш бўйича ўринбосарлари замон талабларига жавоб бериши нуқтаи назаридан ўрганиш ўтказиб, зарур ҳолларда, мазкур лавозимларга танлов асосида аниқланган номзодларни таклиф этсин.
8. Электр энергиясини узатиш тизими, тақсимлаш операторлари ҳамда умумий фойдаланишдаги темир йўл транспорти инфратузилмаси операторини уларнинг устав фондидаги (устав капиталидаги) давлат улуши эллик бир фоиздан кам бўлмаган акциядорлик жамиятлари шаклида ташкил этишга розилик берилсин.
III. Қарор ижросини ташкил этиш, таъминлаш ва назорат
9. Иқтисодиёт ва молия вазирлиги Давлат активларини бошқариш агентлиги, Энергетика вазирлиги, Транспорт вазирлиги билан биргаликда 2026 йил 1 апрелга қадар Ўзбекистон Республикасининг « Давлат мулкини хусусийлаштириш тўғрисида », « Электр энергетикаси тўғрисида » ва « Темир йўл транспорти тўғрисида »ги қонунларига тегишли ўзгартириш ва қўшимчалар киритиш юзасидан Вазирлар Маҳкамасига таклифлар киритсин.
10. Иқтисодиёт ва молия вазирлиги, Давлат активларини бошқариш агентлиги Адлия вазирлиги ҳамда манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
12. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров белгилансин.
13. Қарор ижросини муҳокама қилиб бориш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 25 февралдаги ПҚ-74-сон қарорига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2022 йил 6 июлдаги «2022 — 2026 йилларда Ўзбекистон Республикасининг инновацион ривожланиш стратегиясини тасдиқлаш тўғрисида»ги ПФ-165-сон Фармони 6-банди «а» кичик бандининг учинчи хатбошиси «жамиятларида» сўзидан кейин «(«Ўзбекистон Республикаси миллий инвестиция жамғармаси» АЖ бундан мустасно)» сўзлари билан тўлдирилсин.
2. Ўзбекистон Республикаси Президентининг 2019 йил 24 августдаги «Давлат ва хўжалик бошқаруви ҳамда маҳаллий ижроия ҳокимияти органларининг ишлаб чиқаришни маҳаллийлаштириш ва саноат тармоқларида кооперация алоқаларини жадаллаштиришнинг янги тизимини жорий этиш бўйича масъулиятини янада ошириш тўғрисида»ги ПҚ-4426-сон қарори 6-бандининг иккинчи ва учинчи хатбошилари қуйидаги таҳрирда баён этилсин:
«корхона раҳбарининг ахборот технологиялари ва сунъий интеллектни жорий этиш масалалари бўйича ўринбосари лавозимини киритиш ҳамда маҳаллийлаштириш ва саноатда кооперация алоқаларини кенгайтириш масалаларини бошқарув раисининг амалдаги ишлаб чиқариш бўйича ўринбосарига (тегишлилиги бўйича Бош муҳандисга) юклатиш ва уларнинг фаолияти самарадорлиги ва натижадорлигининг асосий кўрсаткичларини тасдиқлаш;
маҳсулотлар сотиб олиш бўйича импорт шартномалари (уларга қўшимча шартномалар) ва уларнинг техник талабларини корхона раҳбарининг ишлаб чиқариш бўйича ўринбосари (тегишлилиги бўйича Бош муҳандис) билан келишиш».
3. Ўзбекистон Республикаси Президентининг 2024 йил 27 августдаги «Ўзбекистон Республикаси миллий инвестиция жамғармасини ташкил этиш тўғрисида»ги ПҚ-303-сон қарорига илованинг матни қуйидаги таҳрирда баён этилсин:
«Ўзбекистон Республикаси миллий инвестиция жамғармаси» АЖ устав капиталини шакллантириш учун давлат улуши ўтказиладиган корхона ва тижорат банкларининг
Т/р Номланиши Ўтказиладиган улуш, (фоизда) 1. «Ҳудудий электр тармоқлари» АЖ 40 2. «Иссиқлик электр станциялари» АЖ 25 3. «Ўзбекгидроэнерго» АЖ 40 4. «Ўзбектелеком» АЖ 30 5. «Uzbekistan airways» АЖ 25 6. «Темирйўлинфратузилма» АЖ 40 7. «Ҳудудгазтаъминот» АЖ 40 8. «Тошшаҳартрансхизмат» АЖ 25 9. «Ўзбекистон МЭТ» АЖ 40 10. «Ўзбекистон республика товар-хом ашё биржаси» АЖ 40 11. «Ўзбекинвест» АЖ 40 12. «Ўзсувтаъминот» АЖ 40 13. «Ўзсаноатқурилишбанк» АТБ 40 » .
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 25 февраль,
ПҚ-74-сон
Oʻzbekiston Respublikasi Prezidentining
qarori
ROʻYXATI
Davlat ishtirokidagi korxonalar va tijorat banklari faoliyatining samaradorligini oshirish chora-tadbirlari toʻgʻrisida
Davlat ishtirokidagi korxonalar va tijorat banklarida ilgʻor xorijiy tajriba asosida korporativ boshqaruv tizimini hamda ularning faoliyatini takomillashtirish, shuningdek, bozor mexanizmlariga oʻtishni jadallashtirish maqsadida qaror qilaman:
I. Maqsadlar
1. Quyidagilar ushbu qarorning asosiy maqsadlari etib belgilansin:
(a) davlat ishtirokidagi korxonalar va tijorat banklarida (keyingi oʻrinlarda — jamiyatlar) korporativ boshqaruv madaniyatini rivojlantirish, uning zamonaviy usullarini qoʻllash, jamiyatlar kuzatuv kengashi tarkibidagi mustaqil aʼzolar ulushini 50 foizga yetkazish;
(b) 2026-yil yakuniga qadar “Oʻzbekiston Respublikasi milliy investitsiya jamgʻarmasi” AJ (keyingi oʻrinlarda — Jamgʻarma) aksiyalar paketining xalqaro va mahalliy fond bozorlarida ommaviy taklifini oʻtkazish;
(v) jamiyatlar boshqaruviga xalqaro tanlov asosida chet ellik soha mutaxassislarini, shu jumladan, vatandoshlarni faol jalb qilish, sunʼiy intellekt texnologiyalarini joriy etish, mahsulot va xizmatlar tannarxini kamaytirish orqali raqobatbardoshligini oshirish.
II. Jamiyatlar faoliyati samaradorligini oshirish
2. Iqtisodiyot va moliya vazirligi, Davlat aktivlarini boshqarish agentligi va Jamgʻarmaning quyidagi takliflari maʼqullansin:
(a) jamiyatlar kuzatuv kengashlari tarkibiga Jamgʻarmaning ishonchli boshqaruvchisi “Franklin Templeton Asset Management” MCHJ xorijiy korxonasi vakillarini kiritish va mustaqil aʼzolar sonini oshirish;
(b) bir oy muddatda “Oʻzsuvtaʼminot” AJ va “Oʻzbekinvest” AJ ustav kapitalidagi Davlat aktivlarini boshqarish agentligiga tegishli davlat aksiyalar paketlarini Iqtisodiyot va moliya vazirligiga oʻtkazish;
(v) 2026-yil 1-aprelga qadar “Temiryoʻlinfratuzilma” AJ ustav kapitalidagi “Oʻzbekiston temir yoʻllari” AJga tegishli boʻlgan 60 foiz aksiyalar paketini nominal qiymatda Iqtisodiyot va moliya vazirligiga “Oʻzbekiston temir yoʻllari” AJ ustav kapitalidagi davlat ulushini kamaytirish hisobiga berish;
(g) “Navoiyazot” AJ va AT “Xalq banki” ustav kapitallaridagi Jamgʻarmaga tegishli aksiyalar paketlarini Jamgʻarmaga berilgan qiymatda Iqtisodiyot va moliya vazirligiga oʻtkazib berish;
(d) Iqtisodiyot va moliya vazirligiga tegishli “Oʻzbektelekom” AJ ustav kapitalidagi 5 foiz hamda “Oʻzbekinvest” AJ ustav kapitalidagi 10 foiz ulushni Jamgʻarmaga oʻtkazish;
(j) bir oy muddatda “Oʻzsanoatqurilishbank” ATB ustav kapitalidagi 10 foiz ulushni:
(i) Tiklanish va taraqqiyot jamgʻarmasi tomonidan Iqtisodiyot va moliya vazirligiga nominal qiymatda oʻtkazib berish;
(ii) Iqtisodiyot va moliya vazirligi tomonidan Jamgʻarma ustav kapitaliga oʻtkazib berish;
(z) “Oʻzmilliybank” AJ ustav kapitalidagi Iqtisodiyot va moliya vazirligiga tegishli aksiyalar paketini Tiklanish va taraqqiyot jamgʻarmasiga mazkur bandning “j” kichik bandida keltirilgan aksiyalar ulushiga teng miqdorda nominal qiymatda oʻtkazish;
(i) “Oʻzsanoatqurilishbank” ATBning 2024-yil yakuniga qadar shakllangan taqsimlanmagan sof foydasini Xalqaro moliya korporatsiyasi, Yevropa tiklanish va taraqqiyot banki hamda Osiyo taraqqiyot banki bilan kelishilgan holda bank ustav kapitaliga aksiyadorlar ulushlariga mutanosib ravishda yoʻnaltirish;
(k) bir oy muddatda “Smart Integrity Me” MCHJ ishonchli boshqaruvida boʻlgan “Taxiatosh issiqlik elektr stansiyasi” AJ ustav kapitalidagi Davlat aktivlarini boshqarish agentligiga tegishli davlat aksiyalar paketini nominal qiymatda “Issiqlik elektr stansiyalari” AJga uning ustav kapitalini oshirish hisobiga oʻtkazib berish;
(l) davlat-xususiy sheriklik asosida Samarqand viloyati hududiy elektr tarmoqlariga xususiy sektorni jalb qilish tajribasidan kelib chiqib, 2 ta viloyat hududiy elektr tarmoqlariga xususiy sheriklarni jalb qilish, qolgan viloyatlar boʻyicha loyihalarni ikki yil muddatga toʻxtatish.
3. Istisno tariqasida:
(a) Jamgʻarmaga aksiyalar paketi (ulushi) xalqaro va mahalliy bozorlarda ommaviy savdolarga chiqariladigan “Oʻzbekinvest” AJni xususiylashtirish jarayonida ishtirok etishga ruxsat berilsin;
(b) Oʻzbekiston Respublikasi Prezidentining 2025-yil 19-sentabrdagi PQ-289-son qarori 4-bandida va mazkur qarorning 2-bandida nazarda tutilgan qimmatli qogʻozlarni qabul qilish natijasida shakllanadigan Jamgʻarma daromadlari yuridik shaxslarning foyda soligʻidan ozod etilsin.
4. Belgilansinki, Jamgʻarmaning ulushi bor boʻlgan jamiyatlar boʻyicha:
(a) hisoblanadigan dividendlarni jamiyatlar ixtiyorida qoldirishni nazarda tutuvchi normativ-huquqiy hujjatlarni qabul qilish taqiqlanadi;
(b) iqtisodiyotdagi oʻrni va ulushi, moliyaviy natijalari, biznes-reja koʻrsatkichlari bajarilishi va boshqa muhim axborotlarni oʻz ichiga oluvchi maʼlumotlar Jamgʻarma bilan kelishilgandan soʻng Davlat aktivlarini boshqarish agentligiga taqdim etiladi;
(v) aktivlarni tasarruf etish Jamgʻarma bilan kelishilgan holda amalga oshiriladi;
(g) transformatsiya, aksiyalarni fond bozorlarida birlamchi ommaviy taklifini (IPO) oʻtkazish jarayonlari doirasida “Franklin Templeton Asset Management” MCHJ bilan birgalikda eng yaxshi takliflarni tanlab olish yoʻli bilan tanlab olinadigan konsultantlar bilan shartnomalar tuziladi va bu shartnomalar doirasida ishlab chiqiladigan texnik topshiriqlarga ularni “Loyihalar va import kontraktlarni kompleks ekspertiza qilish markazi” DUK bilan kelishish tartibi tatbiq etilmaydi.
5. Iqtisodiyot va moliya vazirligining Jamgʻarma aksiyalar paketining xalqaro va mahalliy fond bozorlarida birlamchi ommaviy taklifini (IPO) oʻtkazish jarayonlarini amalga oshirishda huquqiy konsultantlar sifatida “Cleary Gottlieb Steen & Hamilton LLP” va “Kosta Legal” korxonalarini jalb qilish toʻgʻrisidagi taklifi maʼqullansin.
6. Iqtisodiyot va moliya vazirligi va Transport vazirligining “Uzbekistan Airways” AJ tomonidan foydalanishga topshirilgan Qoʻqon, Zomin va “Toshkent-Humo” aeroportlarini qurish bilan bogʻliq xarajatlarni 2026 — 2028-yillarda ijtimoiy va ishlab chiqarish infratuzilmasini rivojlantirish dasturi hisobidan qoplab berish toʻgʻrisidagi taklifiga rozilik berilsin.
7. Iqtisodiyot va moliya vazirligi Jamgʻarmaning ishonchli boshqaruvchisi “Franklin Templeton Asset Management” MCHJ bilan birgalikda 2026-yil 1-iyulga qadar Jamgʻarmaning ulushi mavjud boʻlgan jamiyatlarning rahbari, ularning moliya, transformatsiya va xususiylashtirish boʻyicha oʻrinbosarlari zamon talablariga javob berishi nuqtai nazaridan oʻrganish oʻtkazib, zarur hollarda, mazkur lavozimlarga tanlov asosida aniqlangan nomzodlarni taklif etsin.
8. Elektr energiyasini uzatish tizimi, taqsimlash operatorlari hamda umumiy foydalanishdagi temir yoʻl transporti infratuzilmasi operatorini ularning ustav fondidagi (ustav kapitalidagi) davlat ulushi ellik bir foizdan kam boʻlmagan aksiyadorlik jamiyatlari shaklida tashkil etishga rozilik berilsin.
III. Qaror ijrosini tashkil etish, taʼminlash va nazorat
9. Iqtisodiyot va moliya vazirligi Davlat aktivlarini boshqarish agentligi, Energetika vazirligi, Transport vazirligi bilan birgalikda 2026-yil 1-aprelga qadar Oʻzbekiston Respublikasining “ Davlat mulkini xususiylashtirish toʻgʻrisida ”, “ Elektr energetikasi toʻgʻrisida ” va “ Temir yoʻl transporti toʻgʻrisida ”gi qonunlariga tegishli oʻzgartirish va qoʻshimchalar kiritish yuzasidan Vazirlar Mahkamasiga takliflar kiritsin.
10. Iqtisodiyot va moliya vazirligi, Davlat aktivlarini boshqarish agentligi Adliya vazirligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
12. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov belgilansin.
13. Qaror ijrosini muhokama qilib borish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 25-fevraldagi PQ-74-son qaroriga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2022-yil 6-iyuldagi “2022 — 2026-yillarda Oʻzbekiston Respublikasining innovatsion rivojlanish strategiyasini tasdiqlash toʻgʻrisida”gi PF-165-son Farmoni 6-bandi “a” kichik bandining uchinchi xatboshisi “jamiyatlarida” soʻzidan keyin “(“Oʻzbekiston Respublikasi milliy investitsiya jamgʻarmasi” AJ bundan mustasno)” soʻzlari bilan toʻldirilsin.
2. Oʻzbekiston Respublikasi Prezidentining 2019-yil 24-avgustdagi “Davlat va xoʻjalik boshqaruvi hamda mahalliy ijroiya hokimiyati organlarining ishlab chiqarishni mahalliylashtirish va sanoat tarmoqlarida kooperatsiya aloqalarini jadallashtirishning yangi tizimini joriy etish boʻyicha masʼuliyatini yanada oshirish toʻgʻrisida”gi PQ-4426-son qarori 6-bandining ikkinchi va uchinchi xatboshilari quyidagi tahrirda bayon etilsin:
“korxona rahbarining axborot texnologiyalari va sunʼiy intellektni joriy etish masalalari boʻyicha oʻrinbosari lavozimini kiritish hamda mahalliylashtirish va sanoatda kooperatsiya aloqalarini kengaytirish masalalarini boshqaruv raisining amaldagi ishlab chiqarish boʻyicha oʻrinbosariga (tegishliligi boʻyicha Bosh muhandisga) yuklatish va ularning faoliyati samaradorligi va natijadorligining asosiy koʻrsatkichlarini tasdiqlash;
mahsulotlar sotib olish boʻyicha import shartnomalari (ularga qoʻshimcha shartnomalar) va ularning texnik talablarini korxona rahbarining ishlab chiqarish boʻyicha oʻrinbosari (tegishliligi boʻyicha Bosh muhandis) bilan kelishish”.
3. Oʻzbekiston Respublikasi Prezidentining 2024-yil 27-avgustdagi “Oʻzbekiston Respublikasi milliy investitsiya jamgʻarmasini tashkil etish toʻgʻrisida”gi PQ-303-son qaroriga ilovaning matni quyidagi tahrirda bayon etilsin:
“Oʻzbekiston Respublikasi milliy investitsiya jamgʻarmasi” AJ ustav kapitalini shakllantirish uchun davlat ulushi oʻtkaziladigan korxona va tijorat banklarining
T/r Nomlanishi Oʻtkaziladigan ulush, (foizda) 1. “Hududiy elektr tarmoqlari” AJ 40 2. “Issiqlik elektr stansiyalari” AJ 25 3. “Oʻzbekgidroenergo” AJ 40 4. “Oʻzbektelekom” AJ 30 5. “Uzbekistan airways” AJ 25 6. “Temiryoʻlinfratuzilma” AJ 40 7. “Hududgaztaʼminot” AJ 40 8. “Toshshahartransxizmat” AJ 25 9. “Oʻzbekiston MET” AJ 40 10. “Oʻzbekiston respublika tovar-xom ashyo birjasi” AJ 40 11. “Oʻzbekinvest” AJ 40 12. “Oʻzsuvtaʼminot” AJ 40 13. “Oʻzsanoatqurilishbank” ATB 40 ” .
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 25-fevral,
PQ-74-son
Президента Республики Узбекистан
Постановление
«ПЕРЕЧЕНЬ
О мерах повышения эффективности деятельности предприятий с участием государства и коммерческих банков
В целях совершенствования системы корпоративного управления и деятельности предприятий с участием государства и коммерческих банков на основе передового зарубежного опыта, а также ускорения их перехода на рыночные механизмы постановляю:
I. Цели
1. Определить основными целями настоящего постановления:
(а) развитие культуры корпоративного управления, применение его современных методов на предприятиях с участием государства и в коммерческих банках (далее — общества), доведение доли независимых членов в составе наблюдательного совета обществ до 50 процентов;
б) проведение до конца 2026 года на международных и местном фондовых рынках публичного предложения пакета акций АО «Национальный инвестиционный фонд Республики Узбекистан» (далее — Фонд);
(в) повышение конкурентоспособности обществ путем активного привлечения профильных специалистов из-за рубежа, включая соотечественников, к управлению ими на основе международного конкурса, внедрения технологий искусственного интеллекта, уменьшения себестоимости продукции и услуг.
II. Повышение эффективности деятельности обществ
2. Одобрить следующие предложения Министерства экономики и финансов, Агентства по управлению государственными активами и Фонда по:
(а) включению представителей доверительного управляющего Фонда — иностранного предприятия ООО «Franklin Templeton Asset Management» в состав наблюдательных советов обществ и увеличению числа их независимых членов;
(б) передаче Министерству экономики и финансов в месячный срок государственных пакетов акций в уставном капитале АО «Узсувтаъминот» и АО «Узбекинвест», принадлежащего Агентству по управлению государственными активами;
(в) передаче до 1 апреля 2026 года 60 процентов пакета акций в уставном капитале АО «Темирйулинфратузилма», принадлежащего АО «Узбекистон темир йуллари», Министерству экономики и финансов по номинальной стоимости за счет уменьшения государственной доли в уставном капитале АО «Узбекистон темир йуллари»;
(г) передаче Министерству экономики и финансов пакетов акций в уставных капиталах АО «Навоиазот» и АК «Народный банк», принадлежащих Фонду, по переданной Фонду стоимости;
(д) передаче Фонду долей, принадлежащих Министерству экономики и финансов, в уставном капитале АО «Узбектелеком» в размере 5 процентов и в уставном капитале АО «Узбекинвест» в размере 10 процентов;
(ж) передаче в месячный срок доли в размере 10 процентов в уставном капитале АКБ «Узпромстройбанк»:
(i) Фондом реконструкции и развития — Министерству экономики и финансов по номинальной стоимости;
(ii) Министерством экономики и финансов — в уставный капитал Фонда;
(з) передаче Фонду реконструкции и развития пакета акций в уставном капитале АО «Узнацбанк», принадлежащего Министерству экономики и финансов, по номинальной стоимости соразмерно доле акций, указанной в подпункте «ж» настоящего пункта;
(и) направлению нераспределенной чистой прибыли АКБ «Узпромстройбанк», сформированной до конца 2024 года, в уставный капитал банка пропорционально доле акционеров по согласованию с Международной финансовой корпорацией, Европейским банком реконструкции и развития, Азиатским банком развития;
(к) передаче АО «Тепловые электрические станции» в месячный срок государственного пакета акций в уставном капитале АО «Тахиаташская тепловая электрическая станция», принадлежащего Агентству по управлению государственными активами, находящегося в доверительном управлении ООО «Smart Integrity Me», по номинальной стоимости за счет увеличения его уставного капитала;
(л) привлечению частных партнеров к региональным электрическим сетям двух областей исходя из опыта привлечения частных партнеров к региональным электрическим сетям Самаркандской области на основе государственно-частного партнерства, приостановлению проектов по другим областям на двухлетний срок.
3. В порядке исключения:
(а) разрешить Фонду принять участие в процессе приватизации АО «Узбекинвест», пакет акций (доля) которого выставляется на публичные торги на международном и отечественном рынках;
(б) освободить от налога на прибыль юридических лиц по доходам Фонда, сформированным от приема ценных бумаг, предусмотренных пунктом 4 постановления Президента Республики Узбекистан от 19 сентября 2025 года № ПП-289 и пунктом 2 настоящего постановления.
4. Определить, что по обществам, в которых имеется доля Фонда:
(а) запрещается принимать нормативно-правовые акты, предусматривающие оставление начисляемых дивидендов в распоряжении обществ;
(б) информация, содержащая сведения о месте и доле в экономике, финансовых результатах, выполнении показателей бизнес-плана и другие важные сведения, представляется Агентству по управлению государственными активами после согласования с Фондом;
(в) распоряжение активами осуществляется по согласованию с Фондом;
(г) с консультантами, отбираемыми совместно с ООО «Franklin Templeton Asset Management» путем отбора наилучших предложений в рамках процессов трансформации, проведения первичного публичного предложения (IPO) акций на фондовых рынках, заключаются договора и на технические задания, разрабатываемые в рамках этих договоров, порядок согласования с ГУП «Центр комплексной экспертизы проектов и импортных контрактов» не распространяется.
5. Одобрить предложение Министерства экономики и финансов о привлечении предприятий «Cleary Gottlieb Steen & Нamilton LLP» и «Kosta Legal» в качестве правовых консультантов к процессам проведения первичного публичного предложения (IPO) пакета акций Фонда на международном и отечественном фондовых рынках.
6. Согласиться с предложением Министерства экономики и финансов и Министерства транспорта о покрытии расходов, связанных со строительством аэропортов «Коканд», «Заамин» и «Ташкент-Хумо», сданных в эксплуатацию АО «Uzbekistan Airways», за счет Программы развития социальной и производственной инфраструктуры на 2026 — 2028 годы.
7. Министерству экономики и финансов совместно с доверительным управляющим Фонда — ООО «Franklin Templeton Asset Management» в срок до 1 июля 2026 года провести изучение руководителей обществ, в которых имеется доля Фонда, их заместителей по финансам, трансформации и приватизации на предмет соответствия современным требованиям, при необходимости — предлагать на указанные должности кандидатов, определенных на конкурсной основе.
8. Согласиться с созданием оператора системы передачи электроэнергии, оператора системы распределения электроэнергии, а также оператора инфраструктуры железнодорожного транспорта общего пользования в форме акционерных обществ, в уставном фонде (уставном капитале) которых государственная доля составляет не менее пятидесяти одного процента.
III. Организация, обеспечение и контроль исполнения постановления
9. Министерству экономики и финансов совместно с Агентством по управлению государственными активами, Министерством энергетики, Министерством транспорта в срок до 1 апреля 2026 года представить в Кабинет Министров предложения о внесении соответствующих изменений и дополнений в законы Республики Узбекистан « О приватизации государственного имущества », « Об электроэнергетике » и « О железнодорожном транспорте ».
10. Министерству экономики и финансов, Агентству по управлению государственными активами совместно с Министерством юстиции, а также заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Внести изменения и дополнения в некоторые акты Президента Республики Узбекистан согласно приложению .
12. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
13. Проведение обсуждений хода исполнения настоящего постановления, а также осуществление его контроля, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 25 февраля 2026 года № ПП-74
Изменения и дополнения, вносимые в некоторые акты Президента Республики Узбекистан
1. В абзаце третьем подпункта «а» пункта 6 Указа Президента Республики Узбекистан от 6 июля 2022 года № УП-165 «Об утверждении Стратегии инновационного развития Республики Узбекистан на 2022 — 2026 годы» после слов «и более процентов» дополнить словами «(за исключением АО «Национальный инвестиционный фонд Республики Узбекистан»)».
2. Абзацы второй и третий пункта 6 постановления Президента Республики Узбекистан от 24 августа 2019 года № ПП-4426 «О дальнейшем повышении ответственности органов государственного и хозяйственного управления и органов исполнительной власти на местах за внедрение новой системы локализации производства и ускорение кооперационных связей в отраслях промышленности» изложить в следующей редакции:
«введение должности заместителя руководителя предприятия по вопросам внедрения информационных технологий и искусственного интеллекта, а также возложение вопросов локализации и расширения кооперационных связей в промышленности на действующего заместителя председателя правления по производству (соответственно на Главного инженера) и утверждение ключевых показателей эффективности и продуктивности их деятельности;
согласование с заместителем руководителя предприятия по производству (соответственно с Главным инженером) импортных контрактов (дополнительных соглашений к ним) по закупкам продукции и их технических заданий».
3. Текст приложения к постановлению Президента Республики Узбекистан от 27 августа 2024 года № ПП-303 «Об образовании Национального инвестиционного фонда Республики Узбекистан» изложить в следующей редакции:
предприятий и коммерческих банков, государственная доля в которых передается для формирования уставного капитала АО «Национальный инвестиционный фонд Республики Узбекистан»
№ Наименование Передаваемая доля (в процентах) 1. АО «Региональные электрические сети» 40 2. АО «Тепловые электрические станции» 25 3. АО «Узбекгидроэнерго» 40 4. АО «Узбектелеком» 30 5. АО «Uzbekistan airways» 25 6. АО «Темирйулинфратузилма» 40 7. АО «Худудгазтаъминот» 40 8. АО «Тошшахартрансхизмат» 25 9. АО «Узбекистон МЭТ» 40 10. АО «Узбекская республиканская товарно-сырьевая биржа» 40 11. АО «Узбекинвест» 40 12. АО «Узсувтаъминот» 40 13. АКБ «Узпромстройбанк» 40 ».
Президент Республики Узбекистан Ш. МИРЗИЁЕВ
г. Ташкент,
25 февраля 2026 г.,
№ ПП-74