📅 2026-yil 12-fevral · Vazirlik va idoralar hujjatlari · Iqtisodiyot va moliya vazirligi huzuridagi Bojxona qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 12 февраль · Вазирлик ва идоралар ҳужжатлари · Иқтисодиёт ва молия вазирлиги ҳузуридаги Божхона қўмитаси
Расмий матн. Расмий ҳужжат. Таҳририй изоҳлар киритилмаган.
📅 12 февраля 2026 г. · Документы министерств и ведомств · Таможенного комитета при Министерстве экономики и финансов
Официальный текст. Официальный документ. Редакционные примечания не включены.
📅 12 February 2026 · Ministry and agency documents · Iqtisodiyot va moliya vazirligi huzuridagi Bojxona qoʻmitasi
Official text. Official document. Editorial notes are not included.
Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг
қарори
Йўловчи божхона декларациясини тўлдириш ва расмийлаштириш тартиби тўғрисидаги йўриқномага ўзгартириш ва қўшимчалар киритиш ҳақида
Ўзбекистон Республикасининг «Ўзбекистон Республикаси фуқароларини, чет эл фуқароларини ҳамда фуқаролиги бўлмаган шахсларни яшаш жойи ва турган жойи бўйича рўйхатдан ўтказиш тўғрисида»ги Қонуни ҳамда Ўзбекистон Республикаси Президентининг 2025 йил 25 мартдаги ПФ-57-сон «Давлат божхона хизмати органларининг фаолияти самарадорлигини ошириш бўйича чора-тадбирлар тўғрисида»ги Фармонига мувофиқ Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси қарор қилади:
1. Ўзбекистон Республикаси Давлат божхона қўмитасининг 2014 йил 4 июлдаги 01-02/12-13-сон қарори (рўйхат рақами 2606, 2014 йил 5 август) (Ўзбекистон Республикаси қонун ҳужжатлари тўплами, 2014 й., 32-сон, 411-модда) билан тасдиқланган Йўловчи божхона декларациясини тўлдириш ва расмийлаштириш тартиби тўғрисидаги йўриқномага иловага мувофиқ ўзгартириш ва қўшимчалар киритилсин.
2. Ушбу қарор Ўзбекистон Республикаси Миллий статистика қўмитаси билан келишилган.
3. Мазкур қарор расмий эълон қилинган кундан эътиборан кучга киради.
Келишилди:
Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг 2026 йил 12 февралдаги 5-сон қарорига ИЛОВА
Йўловчи божхона декларациясини тўлдириш ва расмийлаштириш тартиби тўғрисидаги йўриқномага киритилаётган ўзгартириш ва қўшимчалар
1. 1-банднинг иккинчи хатбошисидаги «доимий яшаш жойи» деган сўзлар «яшаш жойи» деган сўзлар билан алмаштирилсин.
2. 2-бандда :
қуйидаги мазмундаги саккизинчи хатбоши билан тўлдирилсин:
«Ўзбекистон Республикасига олиб киришда жисмоний шахслар томонидан товарларни олиб киришнинг божхона тўловлари ундирилмайдиган чекланган меъёрлардан қатъий назар мобил қурилмаларга, бундан мобил қурилмаларни халқаро ўзига хос идентификация кодлари бўйича рўйхатга олиш тизими операторининг базасида аввал рўйхатга олинган ҳолда Ўзбекистон Республикаси ҳудудида сотиб олинган мобил қурилмалар мустасно;»;
саккизинчи хатбоши тўққизинчи хатбоши деб ҳисоблансин.
3. 3-банднинг биринчи хатбошиси қуйидаги таҳрирда баён этилсин:
«3. Декларация 16 ёшга тўлган шахслар томонидан мазкур Йўриқноманинг 2-бандида кўрсатилган ҳолларда тўлдирилади ҳамда Ўзбекистон Республикасининг Давлат чегарасидаги ўтказиш пунктлари орқали божхона чегарасини кесиб ўтаётганда товар(лар) билан бир вақтда тақдим этилади.».
4. 4-бандда :
биринчи хатбоши қуйидаги таҳрирда баён этилсин:
«4. Декларация мазкур Йўриқноманинг иловасига мувофиқ қоғоз шаклда икки нусхада ёки электрон шаклда тўлдирилади. Қоғоз шаклдаги Декларациянинг бир нусхаси божхона органида қолади, иккинчи нусхаси эса Декларацияни тўлдирган шахсга берилади. Ушбу Декларацияда кўрсатилган маълумотлар Ўзбекистон Республикасининг нақд миллий валютаси, нақд чет эл валютаси, бошқа валюта бойликлари, ҳар қандай кўринишдаги ва ҳолатдаги қимматбаҳо металлар ва қимматбаҳо тошлардан ясалган буюмлар (бундан буён матнда қимматбаҳо буюмлар деб юритилади), товарлар ҳамда транспорт воситасини олиб кириш ёки олиб чиқиш учун асос бўлиб хизмат қилади.»;
иккинчи хатбошидаги «бир нусхада» деган сўзлар «қоғоз шаклда бир нусхада» деган сўзлар билан алмаштирилсин;
қуйидаги мазмундаги учинчи хатбоши билан тўлдирилсин:
«Электрон шаклда тақдим этилган Декларация божхона расмийлаштирувидан ўтказилганидан сўнг Декларацияни тўлдирган шахс томонидан талаб этилган тақдирда божхона ходими томонидан бир нусхада чоп этиб берилиши мумкин.».
5. 5-бандда :
қуйидаги мазмундаги иккинчи хатбоши билан тўлдирилсин:
«Декларациянинг электрон шакли мазкур Йўриқноманинг 6 — 12-бандлари талабларига мувофиқ божхона органларининг ахборот тизими орқали автоматик равишда А4 формат кўринишида шаклланади.»;
иккинчи хатбоши учинчи хатбоши деб ҳисоблансин;
учинчи хатбошидан «(www.bojxona.uz)» деган сўзлар чиқариб ташлансин;
қуйидаги мазмундаги хатбошилар билан тўлдирилсин:
«Электрон шаклда тўлдирилган Декларация ким томонидан тўлдирилганлигидан қатъий назар мазкур Декларацияни божхона органларига ўз номидан тақдим этган шахс унда акс эттирилган маълумотларнинг тўғрилиги ва тўлиқлиги учун жавобгар ҳисобланади.
Агар электрон шаклдаги Декларация божхона органларининг ахборот тизимида қайд этилган кундан эътиборан ўттиз календар кун ичида унда кўрсатилган товарлар божхона органига божхона чегарасини кесиб ўтаётган вақтда тақдим этилмаган бўлса, Декларация берилмаган ҳисобланади ва автоматик тарзда бекор қилинади.».
6. 6-бандда :
иккинчи хатбоши қуйидаги таҳрирда баён этилсин:
«Тегишли бандлардаги маълумотлар ўзбек (кирилл ёки лотин алифбосида), рус ёки инглиз тилларида қатъий белгиланган жойларга аниқ ва тушунарли тарзда киритилади. Бунда, маълумотлар қоғоз шаклдаги Декларацияда ручка билан қўлда ёзилади.»;
учинчи хатбошидаги «чизиш» деган сўз «киритиш» деган сўз билан алмаштирилсин.
7. 7-бандда :
«а» кичик банднинг тўртинчи хатбошиси қуйидаги таҳрирда баён этилсин:
«2-бандда шахс тўғрисидаги маълумотлар (фамилияси, исми, отасининг исми, туғилган санаси, жинси, паспортининг (идентификация ID-картаси ёки Ўзбекистон Республикасига қайтиш гувоҳномасининг) серияси ва рақами), доимий яшаш мамлакати, фуқаролиги, бирга ҳаракатланаётган 16 ёшга тўлмаган шахслар мавжудлиги (уларнинг сони ва фамилияси, исми, отасининг исми ва паспорт (идентификация ID-картаси ёки Ўзбекистон Республикасига қайтиш гувоҳномасининг) маълумотлари);»;
«б» кичик банд қуйидаги мазмундаги хатбоши билан тўлдирилсин:
«Бунда «B» саҳифанинг 2 ва 3-бандларида назарда тутилган буюмлар (товарлар) 16 ёшга тўлмаган шахсларга тегишли бўлган ҳолларда мазкур бандларнинг «товар номи» ва «буюм номи» устунларига буюм (товар) эгасининг паспорт (идентификация ID-картаси ёки Ўзбекистон Республикасига қайтиш гувоҳномаси) рақами ҳам кўрсатилади.».
8. 7 1 -банднинг иккинчи хатбошисидаги «идентификация ID-картасининг» деган сўзлар «идентификация ID-картаси ёки Ўзбекистон Республикасига қайтиш гувоҳномасининг» деган сўзлар билан алмаштирилсин.
9. 10-банд қуйидаги таҳрирда баён этилсин:
«10. Қонунчилик ҳужжатларига мувофиқ ёзма декларацияланиши лозим бўлган Ўзбекистон Республикасининг нақд миллий валютаси, нақд чет эл валютаси, бошқа валюта бойликлари, қимматбаҳо буюмлар, шунингдек товарлар тўғрисидаги маълумотлар қоғоз шаклдаги Декларациянинг «B» саҳифаси 1 — 3-бандларидаги сатрларга сиғмаган тақдирда, мазкур маълумотлар қўшимча қоғоз шаклдаги Декларациянинг «B» саҳифаси 1 — 3-бандларида кўрсатилади ва у асосий Декларацияга илова қилинади. Бунда, қўшимча қоғоз шаклдаги Декларациянинг «A» саҳифаси тўлдирилмайди.».
10. 12-банд қуйидаги таҳрирда баён этилсин:
«12. Декларация Ўзбекистон Республикасининг нақд миллий валютаси, нақд чет эл валютаси, бошқа валюта бойликлари, қимматбаҳо буюмлар, товарлар ҳамда транспорт воситасини божхона назоратига қоғоз шаклда тақдим этишга қадар ручка билан имзоланиши ёки электрон шаклда тўлдирилиб, тақдим этилаётган вақтда электрон рақамли имзо (қўл бармоқ изи, график имзо) билан тасдиқланиши керак.
Тўлдирилган Декларация уни ўз номидан тақдим этаётган йўловчи томонидан тасдиқланади (имзоланади).».
11. 13-банд «бир вақтда қабул қилинади» деган сўзлардан кейин «ва ахборот тизимида рўйхатга олинади» деган сўзлар билан тўлдирилсин.
12. Қуйидаги мазмундаги 13 1 -банд билан тўлдирилсин:
«13 1 . Декларация божхона органи томонидан рўйхатга олинган вақтдан бошлаб юридик аҳамиятга молик фактлардан далолат берувчи ҳужжатга айланади.».
13. 14-бандда :
биринчи хатбоши қуйидаги таҳрирда баён этилсин:
«14. Қоғоз шаклдаги Декларацияда бўяб тузатишлар ва ўчириб ёзишлар бўлмаслиги лозим. Нотўғри тўлдирилган бандлар аниқланган тақдирда, Декларация божхона органига тақдим этилгунга қадар уни тўлдирган шахс ушбу бандлардаги хато маълумотларни тўғри чизиқ билан устидан чизиб, тегишли маълумотларни қўлда ёзиб тўғрилаши мумкин.»;
қуйидаги мазмундаги хатбошилар билан тўлдирилсин:
«Электрон шаклдаги Декларацияда ҳар қандай тузатишлар ушбу Декларация йўловчининг электрон рақамли имзоси (қўл бармоқ изи, график имзоси) билан тасдиқлангунга қадар амалга оширилиши лозим.
Қоғоз шаклдаги Декларацияни тақдим этиш жараёнида ёки электрон шаклдаги Декларация божхона органи томонидан рўйхатга олинганидан сўнг аниқланган техник хато ва камчиликлар божхона ходими томонидан тузатилиши мумкин. Бунда божхона тўловларини ҳисоблашга, тақиқ ва чекловларга, шунингдек божхона тўғрисидаги қонунчилик бузилишини келтириб чиқарадиган ҳолатларга дахлдор бўлган маълумотларга ўзгартириш киритишга йўл қўйилмайди.».
14. 15 — 17-бандлар қуйидаги таҳрирда баён этилсин:
«15. Қоғоз шаклдаги Декларациянинг «B» саҳифаси 1 — 3-бандларидаги (товарлар тўғрисидаги маълумотлар қисми) ҳамда иловасининг 1-бандидаги ёзувлар божхона органи ходими томонидан бирор-бир ўзгартириш ва қўшимчалар киритилишини олдини олиш мақсадида ручкада узлуксиз чизиқ билан доирага олинади ҳамда ёзув учун назарда тутилган барча бўш жойлар эса чизиб қўйилади.
16. Декларацияни божхона расмийлаштирувидан ўтказиш божхона органи ходими томонидан Декларациянинг «A» саҳифаси юқори ўнг қисми ва иловасига қоғоз шаклдаги Декларацияда шахсий муҳри ва имзоси билан ҳамда электрон шаклдаги декларацияда ўзининг электрон рақамли имзоси билан тасдиқланган белги қўйиш орқали амалга оширилади.
17. Қоғоз шаклдаги Декларация йўқотилган тақдирда тикланмайди.
Қоғоз шаклдаги Декларация йўқотилган тақдирда декларацияловчи шахс Декларацияни божхона расмийлаштирувидан ўтказган божхона органига мурожаат қилганда, қоғоз шаклдаги Декларациянинг нусхасини ва унда кўрсатилган Ўзбекистон Республикасининг нақд миллий валютаси, нақд чет эл валютаси, бошқа валюта бойликлари, қимматбаҳо буюмлар ҳамда товарларни олиб ўтилганлигини тасдиқловчи маълумотни олиш ҳуқуқига эга бўлади.
Электрон шаклдаги Декларация божхона органларининг ахборот тизими орқали мустақил равишда юклаб олиниши ёки энг яқин ҳудудий божхона бошқармасига мурожаат қилган ҳолда олиниши мумкин.».
15. Илованинг «B» саҳифасида:
2-банднинг «Буюм номи» устуни «номи» деган сўздан кейин «(буюм эгасининг паспорт рақами)» деган сўзлар билан тўлдирилсин;
3-банднинг «Товар номи» устуни «фарқлаш хусусиятлари,» деган сўзлардан кейин «товар эгасининг паспорт рақами,» деган сўзлар билан тўлдирилсин.
Раис А. МАВЛОНОВ
Миллий статистика қўмитаси раиси Б. ҲАМРАЕВ
Тошкент ш.,
2026 йил 12 февраль,
2026 йил 19 январь
5-сон
Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining
qarori
Yoʻlovchi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida
Oʻzbekiston Respublikasining “Oʻzbekiston Respublikasi fuqarolarini, chet el fuqarolarini hamda fuqaroligi boʻlmagan shaxslarni yashash joyi va turgan joyi boʻyicha roʻyxatdan oʻtkazish toʻgʻrisida”gi Qonuni hamda Oʻzbekiston Respublikasi Prezidentining 2025-yil 25-martdagi PF-57-son “Davlat bojxona xizmati organlarining faoliyati samaradorligini oshirish boʻyicha chora-tadbirlar toʻgʻrisida”gi Farmoniga muvofiq Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi qaror qiladi:
1. Oʻzbekiston Respublikasi Davlat bojxona qoʻmitasining 2014-yil 4-iyuldagi 01-02/12-13-son qarori (roʻyxat raqami 2606, 2014-yil 5-avgust) (Oʻzbekiston Respublikasi qonun hujjatlari toʻplami, 2014-y., 32-son, 411-modda) bilan tasdiqlangan Yoʻlovchi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.
2. Ushbu qaror Oʻzbekiston Respublikasi Milliy statistika qoʻmitasi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining 2026-yil 12-fevraldagi 5-son qaroriga ILOVA
Yoʻlovchi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar
1. 1-bandning ikkinchi xatboshisidagi “doimiy yashash joyi” degan soʻzlar “yashash joyi” degan soʻzlar bilan almashtirilsin.
2. 2-bandda :
quyidagi mazmundagi sakkizinchi xatboshi bilan toʻldirilsin:
“Oʻzbekiston Respublikasiga olib kirishda jismoniy shaxslar tomonidan tovarlarni olib kirishning bojxona toʻlovlari undirilmaydigan cheklangan meʼyorlardan qatʼiy nazar mobil qurilmalarga, bundan mobil qurilmalarni xalqaro oʻziga xos identifikatsiya kodlari boʻyicha roʻyxatga olish tizimi operatorining bazasida avval roʻyxatga olingan holda Oʻzbekiston Respublikasi hududida sotib olingan mobil qurilmalar mustasno;”;
sakkizinchi xatboshi toʻqqizinchi xatboshi deb hisoblansin.
3. 3-bandning birinchi xatboshisi quyidagi tahrirda bayon etilsin:
“3. Deklaratsiya 16 yoshga toʻlgan shaxslar tomonidan mazkur Yoʻriqnomaning 2-bandida koʻrsatilgan hollarda toʻldiriladi hamda Oʻzbekiston Respublikasining Davlat chegarasidagi oʻtkazish punktlari orqali bojxona chegarasini kesib oʻtayotganda tovar(lar) bilan bir vaqtda taqdim etiladi.”.
4. 4-bandda :
birinchi xatboshi quyidagi tahrirda bayon etilsin:
“4. Deklaratsiya mazkur Yoʻriqnomaning ilovasiga muvofiq qogʻoz shaklda ikki nusxada yoki elektron shaklda toʻldiriladi. Qogʻoz shakldagi Deklaratsiyaning bir nusxasi bojxona organida qoladi, ikkinchi nusxasi esa Deklaratsiyani toʻldirgan shaxsga beriladi. Ushbu Deklaratsiyada koʻrsatilgan maʼlumotlar Oʻzbekiston Respublikasining naqd milliy valyutasi, naqd chet el valyutasi, boshqa valyuta boyliklari, har qanday koʻrinishdagi va holatdagi qimmatbaho metallar va qimmatbaho toshlardan yasalgan buyumlar (bundan buyon matnda qimmatbaho buyumlar deb yuritiladi), tovarlar hamda transport vositasini olib kirish yoki olib chiqish uchun asos boʻlib xizmat qiladi.”;
ikkinchi xatboshidagi “bir nusxada” degan soʻzlar “qogʻoz shaklda bir nusxada” degan soʻzlar bilan almashtirilsin;
quyidagi mazmundagi uchinchi xatboshi bilan toʻldirilsin:
“Elektron shaklda taqdim etilgan Deklaratsiya bojxona rasmiylashtiruvidan oʻtkazilganidan soʻng Deklaratsiyani toʻldirgan shaxs tomonidan talab etilgan taqdirda bojxona xodimi tomonidan bir nusxada chop etib berilishi mumkin.”.
5. 5-bandda :
quyidagi mazmundagi ikkinchi xatboshi bilan toʻldirilsin:
“Deklaratsiyaning elektron shakli mazkur Yoʻriqnomaning 6 — 12-bandlari talablariga muvofiq bojxona organlarining axborot tizimi orqali avtomatik ravishda A4 format koʻrinishida shakllanadi.”;
ikkinchi xatboshi uchinchi xatboshi deb hisoblansin;
uchinchi xatboshidan “(www.bojxona.uz)” degan soʻzlar chiqarib tashlansin;
quyidagi mazmundagi xatboshilar bilan toʻldirilsin:
“Elektron shaklda toʻldirilgan Deklaratsiya kim tomonidan toʻldirilganligidan qatʼiy nazar mazkur Deklaratsiyani bojxona organlariga oʻz nomidan taqdim etgan shaxs unda aks ettirilgan maʼlumotlarning toʻgʻriligi va toʻliqligi uchun javobgar hisoblanadi.
Agar elektron shakldagi Deklaratsiya bojxona organlarining axborot tizimida qayd etilgan kundan eʼtiboran oʻttiz kalendar kun ichida unda koʻrsatilgan tovarlar bojxona organiga bojxona chegarasini kesib oʻtayotgan vaqtda taqdim etilmagan boʻlsa, Deklaratsiya berilmagan hisoblanadi va avtomatik tarzda bekor qilinadi.”.
6. 6-bandda :
ikkinchi xatboshi quyidagi tahrirda bayon etilsin:
“Tegishli bandlardagi maʼlumotlar oʻzbek (kirill yoki lotin alifbosida), rus yoki ingliz tillarida qatʼiy belgilangan joylarga aniq va tushunarli tarzda kiritiladi. Bunda, maʼlumotlar qogʻoz shakldagi Deklaratsiyada ruchka bilan qoʻlda yoziladi.”;
uchinchi xatboshidagi “chizish” degan soʻz “kiritish” degan soʻz bilan almashtirilsin.
7. 7-bandda :
“a” kichik bandning toʻrtinchi xatboshisi quyidagi tahrirda bayon etilsin:
“2-bandda shaxs toʻgʻrisidagi maʼlumotlar (familiyasi, ismi, otasining ismi, tugʻilgan sanasi, jinsi, pasportining (identifikatsiya ID-kartasi yoki Oʻzbekiston Respublikasiga qaytish guvohnomasining) seriyasi va raqami), doimiy yashash mamlakati, fuqaroligi, birga harakatlanayotgan 16 yoshga toʻlmagan shaxslar mavjudligi (ularning soni va familiyasi, ismi, otasining ismi va pasport (identifikatsiya ID-kartasi yoki Oʻzbekiston Respublikasiga qaytish guvohnomasining) maʼlumotlari);”;
“b” kichik band quyidagi mazmundagi xatboshi bilan toʻldirilsin:
“Bunda “B” sahifaning 2 va 3-bandlarida nazarda tutilgan buyumlar (tovarlar) 16 yoshga toʻlmagan shaxslarga tegishli boʻlgan hollarda mazkur bandlarning “tovar nomi” va “buyum nomi” ustunlariga buyum (tovar) egasining pasport (identifikatsiya ID-kartasi yoki Oʻzbekiston Respublikasiga qaytish guvohnomasi) raqami ham koʻrsatiladi.”.
8. 7 1 -bandning ikkinchi xatboshisidagi “identifikatsiya ID-kartasining” degan soʻzlar “identifikatsiya ID-kartasi yoki Oʻzbekiston Respublikasiga qaytish guvohnomasining” degan soʻzlar bilan almashtirilsin.
9. 10-band quyidagi tahrirda bayon etilsin:
“10. Qonunchilik hujjatlariga muvofiq yozma deklaratsiyalanishi lozim boʻlgan Oʻzbekiston Respublikasining naqd milliy valyutasi, naqd chet el valyutasi, boshqa valyuta boyliklari, qimmatbaho buyumlar, shuningdek tovarlar toʻgʻrisidagi maʼlumotlar qogʻoz shakldagi Deklaratsiyaning “B” sahifasi 1 — 3-bandlaridagi satrlarga sigʻmagan taqdirda, mazkur maʼlumotlar qoʻshimcha qogʻoz shakldagi Deklaratsiyaning “B” sahifasi 1 — 3-bandlarida koʻrsatiladi va u asosiy Deklaratsiyaga ilova qilinadi. Bunda, qoʻshimcha qogʻoz shakldagi Deklaratsiyaning “A” sahifasi toʻldirilmaydi.”.
10. 12-band quyidagi tahrirda bayon etilsin:
“12. Deklaratsiya Oʻzbekiston Respublikasining naqd milliy valyutasi, naqd chet el valyutasi, boshqa valyuta boyliklari, qimmatbaho buyumlar, tovarlar hamda transport vositasini bojxona nazoratiga qogʻoz shaklda taqdim etishga qadar ruchka bilan imzolanishi yoki elektron shaklda toʻldirilib, taqdim etilayotgan vaqtda elektron raqamli imzo (qoʻl barmoq izi, grafik imzo) bilan tasdiqlanishi kerak.
Toʻldirilgan Deklaratsiya uni oʻz nomidan taqdim etayotgan yoʻlovchi tomonidan tasdiqlanadi (imzolanadi).”.
11. 13-band “bir vaqtda qabul qilinadi” degan soʻzlardan keyin “va axborot tizimida roʻyxatga olinadi” degan soʻzlar bilan toʻldirilsin.
12. Quyidagi mazmundagi 13 1 -band bilan toʻldirilsin:
“13 1 . Deklaratsiya bojxona organi tomonidan roʻyxatga olingan vaqtdan boshlab yuridik ahamiyatga molik faktlardan dalolat beruvchi hujjatga aylanadi.”.
13. 14-bandda :
birinchi xatboshi quyidagi tahrirda bayon etilsin:
“14. Qogʻoz shakldagi Deklaratsiyada boʻyab tuzatishlar va oʻchirib yozishlar boʻlmasligi lozim. Notoʻgʻri toʻldirilgan bandlar aniqlangan taqdirda, Deklaratsiya bojxona organiga taqdim etilgunga qadar uni toʻldirgan shaxs ushbu bandlardagi xato maʼlumotlarni toʻgʻri chiziq bilan ustidan chizib, tegishli maʼlumotlarni qoʻlda yozib toʻgʻrilashi mumkin.”;
quyidagi mazmundagi xatboshilar bilan toʻldirilsin:
“Elektron shakldagi Deklaratsiyada har qanday tuzatishlar ushbu Deklaratsiya yoʻlovchining elektron raqamli imzosi (qoʻl barmoq izi, grafik imzosi) bilan tasdiqlangunga qadar amalga oshirilishi lozim.
Qogʻoz shakldagi Deklaratsiyani taqdim etish jarayonida yoki elektron shakldagi Deklaratsiya bojxona organi tomonidan roʻyxatga olinganidan soʻng aniqlangan texnik xato va kamchiliklar bojxona xodimi tomonidan tuzatilishi mumkin. Bunda bojxona toʻlovlarini hisoblashga, taqiq va cheklovlarga, shuningdek bojxona toʻgʻrisidagi qonunchilik buzilishini keltirib chiqaradigan holatlarga daxldor boʻlgan maʼlumotlarga oʻzgartirish kiritishga yoʻl qoʻyilmaydi.”.
14. 15 — 17-bandlar quyidagi tahrirda bayon etilsin:
“15. Qogʻoz shakldagi Deklaratsiyaning “B” sahifasi 1 — 3-bandlaridagi (tovarlar toʻgʻrisidagi maʼlumotlar qismi) hamda ilovasining 1-bandidagi yozuvlar bojxona organi xodimi tomonidan biror-bir oʻzgartirish va qoʻshimchalar kiritilishini oldini olish maqsadida ruchkada uzluksiz chiziq bilan doiraga olinadi hamda yozuv uchun nazarda tutilgan barcha boʻsh joylar esa chizib qoʻyiladi.
16. Deklaratsiyani bojxona rasmiylashtiruvidan oʻtkazish bojxona organi xodimi tomonidan Deklaratsiyaning “A” sahifasi yuqori oʻng qismi va ilovasiga qogʻoz shakldagi Deklaratsiyada shaxsiy muhri va imzosi bilan hamda elektron shakldagi deklaratsiyada oʻzining elektron raqamli imzosi bilan tasdiqlangan belgi qoʻyish orqali amalga oshiriladi.
17. Qogʻoz shakldagi Deklaratsiya yoʻqotilgan taqdirda tiklanmaydi.
Qogʻoz shakldagi Deklaratsiya yoʻqotilgan taqdirda deklaratsiyalovchi shaxs Deklaratsiyani bojxona rasmiylashtiruvidan oʻtkazgan bojxona organiga murojaat qilganda, qogʻoz shakldagi Deklaratsiyaning nusxasini va unda koʻrsatilgan Oʻzbekiston Respublikasining naqd milliy valyutasi, naqd chet el valyutasi, boshqa valyuta boyliklari, qimmatbaho buyumlar hamda tovarlarni olib oʻtilganligini tasdiqlovchi maʼlumotni olish huquqiga ega boʻladi.
Elektron shakldagi Deklaratsiya bojxona organlarining axborot tizimi orqali mustaqil ravishda yuklab olinishi yoki eng yaqin hududiy bojxona boshqarmasiga murojaat qilgan holda olinishi mumkin.”.
15. Ilovaning “B” sahifasida:
2-bandning “Buyum nomi” ustuni “nomi” degan soʻzdan keyin “(buyum egasining pasport raqami)” degan soʻzlar bilan toʻldirilsin;
3-bandning “Tovar nomi” ustuni “farqlash xususiyatlari,” degan soʻzlardan keyin “tovar egasining pasport raqami,” degan soʻzlar bilan toʻldirilsin.
Rais A. MAVLONOV
Milliy statistika qoʻmitasi raisi B. HAMRAYEV
Toshkent sh.,
2026-yil 12-fevral,
2026-yil 19-yanvar
5-son