📅 2026-yil 17-fevral · Vazirlik va idoralar hujjatlari · Istiqbolli loyihalar milliy agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 17 февраль · Вазирлик ва идоралар ҳужжатлари · Истиқболли лойиҳалар миллий агентлиги директори
Расмий матн. Расмий ҳужжат. Таҳририй изоҳлар киритилмаган.
📅 17 февраля 2026 г. · Документы министерств и ведомств · Директор национального агентства перспективных проектов
Официальный текст. Официальный документ. Редакционные примечания не включены.
📅 17 February 2026 · Ministry and agency documents · Istiqbolli loyihalar milliy agentligi direktori
Official text. Official document. Editorial notes are not included.
Ўзбекистон Республикаси Истиқболли лойиҳалар миллий агентлиги директорининг
буйруғи
Крипто-активлар айланмаси соҳасидаги хизматлар провайдерлари фаолиятини лицензиялаш тартиби тўғрисидаги низомга қўшимча ва ўзгартиришлар киритиш ҳақида
Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонуни , Ўзбекистон Республикаси Президентининг 2017 йил 27 июлдаги ПҚ-3150-сон « Ўзбекистон Республикаси Истиқболли лойиҳалар миллий агентлиги фаолиятини ташкил этиш тўғрисида »ги ва 2018 йил 3 июлдаги ПҚ-3832-сон « Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида »ги қарорларига мувофиқ буюраман:
1. Ўзбекистон Республикаси Истиқболли лойиҳалар миллий агентлиги директорининг 2022 йил 14 июлдаги 32-сон буйруғи (рўйхат рақами 3380, 2022 йил 15 август) (Қонунчилик маълумотлари миллий базаси, 15.08.2022 й., 10/22/3380/0742-сон) билан тасдиқланган Крипто-активлар айланмаси соҳасидаги хизматлар провайдерлари фаолиятини лицензиялаш тартиби тўғрисидаги низомга иловага мувофиқ қўшимча ва ўзгартиришлар киритилсин.
2. Мазкур буйруқ расмий эълон қилинган кундан эътиборан уч ойдан кейин кучга киради.
Ўзбекистон Республикаси Истиқболли лойиҳалар миллий агентлиги директорининг 2026 йил 17 февралдаги 3-сон буйруғига ИЛОВА
Крипто-активлар айланмаси соҳасидаги хизматлар провайдерлари фаолиятини лицензиялаш тартиби тўғрисидаги низомга киритилаётган қўшимча ва ўзгартиришлар
1. 1-банд қуйидаги таҳрирдаги ўнинчи хатбоши билан тўлдирилсин:
« асослантирилган мулоҳаза — қонунчиликда белгиланган талабларга қўшимча равишда лицензияловчи орган томонидан қўлланиладиган, кўриб чиқилаётган масаланинг ҳақиқий мазмуни расмий мазмунидан устуворлигини назарда тутувчи профессионал баҳолаш. Асослантирилган мулоҳаза лицензияловчи орган хизматлар провайдерлари фаолияти устидан назоратни амалга ошириш доирасида олинган ахборотга, жисмоний ва юридик шахслардан, халқаро ташкилотлардан, давлат органларидан, шу жумладан чет эл назорат органлари ҳамда ташкилотларидан, бошқа очиқ манбалардан олинган ва асослантирилган мулоҳазани шакллантириш учун муҳим бўлган бошқа ахборотга асосланади.».
2. 11-банднинг «а» кичик банди қуйидаги таҳрирда баён этилсин:
«а) крипто-активлар Ўзбекистон Республикасида тўлов ва тўловни қабул қилиш воситаси эмаслиги (қонунчилик ҳужжатларида белгиланган ҳоллар бундан мустасно), давлат томонидан таъминланмаганлиги, крипто-активлар билан операцияларни амалга оширишда таваккалчиликлар мавжудлиги, яъни пул маблағлари, крипто-активлар эвазига алмаштирилган бошқа фуқаролик ҳуқуқи объектлари крипто-активларнинг нархлари ўзгарувчанлиги, техник носозлик (хато)лар, қонунга хилоф ҳаракатлар, шунингдек талон-торож қилиш ҳолатлари натижасида бутунлай йўқотилиши мумкинлиги тўғрисидаги огоҳлантириш жойлаштирилиши;».
3. 24-банд қуйидаги таҳрирда баён этилсин:
«24. Лицензияни бериш тўғрисидаги аризани рад этиш учун қуйидагилар асос бўлади:
ушбу Низомнинг 14-бандида назарда тутилган ҳужжатларнинг лицензия талабгори томонидан тўлиқ бўлмаган ҳажмда тақдим этилганлиги;
лицензия талабгорининг лицензия талаблари ҳамда шартларига мувофиқ эмаслиги;
бир йил муддатга лицензияни олиш ёки суднинг қарорига (ҳукмига) асосан шахсга нисбатан муайян фаолият тури билан шуғулланиш тақиқланганлиги;
лицензия талабгори томонидан тақдим этилган ҳужжатларда нотўғри ёки бузиб кўрсатилган маълумотлар мавжудлиги;
лицензия талабгорининг мансабдор шахслари ва (ёки) таъсисчиларининг мазкур Низомнинг 9-банди «з» кичик бандида назарда тутилган жиноятларда иштирок этганлиги ёки иштирок этишда гумонланаётганлиги ҳақида маълумотлар мавжудлиги;
лицензияловчи органнинг асослантирилган мулоҳазаси.
Лицензияни беришни бошқа асосларга кўра рад этишга йўл қўйилмайди.».
Директор Д. ЛИ
Тошкент ш.,
2026 йил 17 февраль,
3-сон
Oʻzbekiston Respublikasi Istiqbolli loyihalar milliy agentligi direktorining
buyrugʻi
Kripto-aktivlar aylanmasi sohasidagi xizmatlar provayderlari faoliyatini litsenziyalash tartibi toʻgʻrisidagi nizomga qoʻshimcha va oʻzgartirishlar kiritish haqida
Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuni , Oʻzbekiston Respublikasi Prezidentining 2017-yil 27-iyuldagi PQ-3150-son “ Oʻzbekiston Respublikasi Istiqbolli loyihalar milliy agentligi faoliyatini tashkil etish toʻgʻrisida ”gi va 2018-yil 3-iyuldagi PQ-3832-son “ Oʻzbekiston Respublikasida raqamli iqtisodiyotni va kripto-aktivlar aylanmasi sohasini rivojlantirish chora-tadbirlari toʻgʻrisida ”gi qarorlariga muvofiq buyuraman:
1. Oʻzbekiston Respublikasi Istiqbolli loyihalar milliy agentligi direktorining 2022-yil 14-iyuldagi 32-son buyrugʻi (roʻyxat raqami 3380, 2022-yil 15-avgust) (Qonunchilik maʼlumotlari milliy bazasi, 15.08.2022-y., 10/22/3380/0742-son) bilan tasdiqlangan Kripto-aktivlar aylanmasi sohasidagi xizmatlar provayderlari faoliyatini litsenziyalash tartibi toʻgʻrisidagi nizomga ilovaga muvofiq qoʻshimcha va oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.
Oʻzbekiston Respublikasi Istiqbolli loyihalar milliy agentligi direktorining 2026-yil 17-fevraldagi 3-son buyrugʻiga ILOVA
Kripto-aktivlar aylanmasi sohasidagi xizmatlar provayderlari faoliyatini litsenziyalash tartibi toʻgʻrisidagi nizomga kiritilayotgan qoʻshimcha va oʻzgartirishlar
1. 1-band quyidagi tahrirdagi oʻninchi xatboshi bilan toʻldirilsin:
“ asoslantirilgan mulohaza — qonunchilikda belgilangan talablarga qoʻshimcha ravishda litsenziyalovchi organ tomonidan qoʻllaniladigan, koʻrib chiqilayotgan masalaning haqiqiy mazmuni rasmiy mazmunidan ustuvorligini nazarda tutuvchi professional baholash. Asoslantirilgan mulohaza litsenziyalovchi organ xizmatlar provayderlari faoliyati ustidan nazoratni amalga oshirish doirasida olingan axborotga, jismoniy va yuridik shaxslardan, xalqaro tashkilotlardan, davlat organlaridan, shu jumladan chet el nazorat organlari hamda tashkilotlaridan, boshqa ochiq manbalardan olingan va asoslantirilgan mulohazani shakllantirish uchun muhim boʻlgan boshqa axborotga asoslanadi.”.
2. 11-bandning “a” kichik bandi quyidagi tahrirda bayon etilsin:
“a) kripto-aktivlar Oʻzbekiston Respublikasida toʻlov va toʻlovni qabul qilish vositasi emasligi (qonunchilik hujjatlarida belgilangan hollar bundan mustasno), davlat tomonidan taʼminlanmaganligi, kripto-aktivlar bilan operatsiyalarni amalga oshirishda tavakkalchiliklar mavjudligi, yaʼni pul mablagʻlari, kripto-aktivlar evaziga almashtirilgan boshqa fuqarolik huquqi obyektlari kripto-aktivlarning narxlari oʻzgaruvchanligi, texnik nosozlik (xato)lar, qonunga xilof harakatlar, shuningdek talon-toroj qilish holatlari natijasida butunlay yoʻqotilishi mumkinligi toʻgʻrisidagi ogohlantirish joylashtirilishi;”.
3. 24-band quyidagi tahrirda bayon etilsin:
“24. Litsenziyani berish toʻgʻrisidagi arizani rad etish uchun quyidagilar asos boʻladi:
ushbu Nizomning 14-bandida nazarda tutilgan hujjatlarning litsenziya talabgori tomonidan toʻliq boʻlmagan hajmda taqdim etilganligi;
litsenziya talabgorining litsenziya talablari hamda shartlariga muvofiq emasligi;
bir yil muddatga litsenziyani olish yoki sudning qaroriga (hukmiga) asosan shaxsga nisbatan muayyan faoliyat turi bilan shugʻullanish taqiqlanganligi;
litsenziya talabgori tomonidan taqdim etilgan hujjatlarda notoʻgʻri yoki buzib koʻrsatilgan maʼlumotlar mavjudligi;
litsenziya talabgorining mansabdor shaxslari va (yoki) taʼsischilarining mazkur Nizomning 9-bandi “z” kichik bandida nazarda tutilgan jinoyatlarda ishtirok etganligi yoki ishtirok etishda gumonlanayotganligi haqida maʼlumotlar mavjudligi;
litsenziyalovchi organning asoslantirilgan mulohazasi.
Litsenziyani berishni boshqa asoslarga koʻra rad etishga yoʻl qoʻyilmaydi.”.
Direktor D. LI
Toshkent sh.,
2026-yil 17-fevral,
3-son
директора национального агентства перспективных проектов Республики Узбекистан
Приказ
О внесении дополнения и изменений в Положение о порядке лицензирования деятельности провайдеров услуг в сфере оборота крипто-активов
В соответствии с Законом Республики Узбекистан «О лицензировании, разрешительных и уведомительных процедурах», постановлениями Президента Республики Узбекистан от 27 июля 2017 года № ПП-3150 « Об организации деятельности Национального агентства перспективных проектов Республики Узбекистан » и от 3 июля 2018 года № ПП-3832 « О мерах по развитию цифровой экономики и сферы оборота крипто-активов в Республике Узбекистан » приказываю:
1. Внести дополнение и изменения в Положение о порядке лицензирования деятельности провайдеров услуг в сфере оборота крипто-активов, утвержденного приказом директора Национального агентства перспективных проектов Республики Узбекистан от 14 июля 2022 года № 32 (рег. № 3380 от 15 августа 2022 года) (Национальная база данных законодательства, 15.08.2022 г., № 10/22/3380/0742) согласно приложению .
2. Настоящий приказ вступает в силу по истечении трех месяцев со дня его официального опубликования.
ПРИЛОЖЕНИЕ к приказу директора Национального агентства перспективных проектов Республики Узбекистан от 17 февраля 2026 года № 3
Дополнение и изменения, вносимые в Положение о порядке лицензирования деятельности провайдеров услуг в сфере оборота крипто-активов
1. Пункт 1 дополнить абзацем десятым следующего содержания:
« мотивированное суждение — профессиональная оценка, применяемая лицензирующим органом, в дополнение к установленным законодательством требованиям, предполагающая приоритет фактического содержания над формальным содержанием рассматриваемого вопроса. Мотивированное суждение основывается на информации, полученной в рамках осуществления лицензирующим органом надзора за деятельностью провайдеров услуг, иной информации, полученной от физических и юридических лиц, международных организаций, государственных органов, в том числе иностранных надзорных органов и организаций, иных доступных источников и являющейся существенной для формирования мотивированного суждения.».
2. Подпункт «а» пункта 11 изложить в следующей редакции:
«а) должна содержать предупреждение о рисках операций с крипто-активами, возможной полной потери денежных средств и иных объектов гражданских прав, переданных в обмен на крипто-активы, в том числе в результате волатильности стоимости крипто-активов, технических сбоев (ошибок), совершения противоправных действий, включая хищение, а также о необеспеченности государством и о том, что крипто-активы не являются средством платежа или приема оплаты в Республики Узбекистан (за исключением случаев, установленных актами законодательства);».
3. Пункт 24 изложить в следующей редакции:
«24. Основанием для отказа в выдаче лицензии является:
представление соискателем лицензии документов, предусмотренных пунктом 14 настоящего Положения, не в полном объеме;
несоответствие соискателя лицензии лицензионным требованиям и условиям;
запрет получения лицензии сроком на один год или в отношении лица заниматься отдельным видом деятельности на основании решения (приговора) суда;
наличие в документах, представленных соискателем лицензии, недостоверных или искаженных сведений;
наличие сведений об участии или подозрении в участии должностных лиц и учредителей соискателя лицензии в преступлениях, указанных в подпункте «з» пункта 9 настоящего Положения;
мотивированное суждение лицензирующего органа;
Отказ в выдаче лицензии по иным основаниям не допускается.».
Директор Д. ЛИ
г. Ташкент,
17 февраля 2026 г.,
№ 3