UzbekAI

Ўзбекистон Республикаси Президентининг

қарори

«ЙЎЛ ХАРИТАСИ»

Ўзбекистон Республикаси Қуролли Кучларида киберспорт, дрон ва робот технологиялари йўналишидаги спорт турларини ривожлантириш чора-тадбирлари тўғрисида

Ўзбекистон Республикаси Қуролли Кучларида киберспорт, дрон ва робот технологиялари йўналишидаги замонавий спорт турларини ривожлантириш ва оммалаштириш тизимини яратиш, мусобақалар ва турнирларни тизимли равишда ўтказиш орқали иқтидорли ҳарбий хизматчиларни аниқлаш, саралаш ҳамда уларнинг қобилиятлари рўёбга чиқишига кўмаклашиш, профессионал киберспортга йўналтириш, ахборот технологиялари соҳаси учун салоҳиятли кадрлар тайёрлаш ва уларни соҳага жалб қилиш ишларини янада кенгайтириш мақсадида қарор қиламан:

I. Мақсадлар

1. Қуйидагилар Қуролли Кучларда киберспорт, дрон ва робот технологиялари йўналишидаги замонавий спорт турларини ривожлантириш ва оммалаштиришнинг асосий мақсадлари этиб белгилансин:

(а) киберспорт, дрон ва робот технологиялари бўйича мусобақалар ўтказишни йўлга қўйиш орқали юқори даражали таҳлилий, техник ва стратегик фикрлаш қобилиятига эга ҳарбий хизматчиларни аниқлаш, қўллаб-қувватлаш, уларнинг салоҳиятини комплекс баҳолаш ҳамда мақсадли тайёрлаш ва ривожлантириш тизимини яратиш;

(б) ахборот технологиялари, киберхавфсизлик, дронларни бошқариш, робототехника ва ҳарбийлашган рақамли тизимлар учун истиқболли ҳарбий хизматчиларни саралаш, электрон ахборот тизимлари ёрдамида уларнинг ҳисобни юритиш ва босқичма-босқич тайёрлаш орқали стратегик аҳамиятга эга кадрлар захирасини шакллантириш;

(в) иқтидорли иштирокчиларнинг индивидуал қобилиятлари ва ихтисослашуви асосида уларни профессионал киберспорт, ҳарбий-техник бўлинмалар, IT ва ҳарбийлашган рақамли тизимлар билан боғлиқ лавозимларга мақсадли йўналтиришни ташкил этиш;

(г) ҳарбий хизматни замонавий технологиялар, инновацион фаолият ва рақамли компетенциялар билан уйғунлаштириш орқали ёшлар учун жозибадор, нуфузли ва интеллектуал ривожланиш имкониятига эга касб сифатида шакллантириш;

(д) рақамли таҳдидларни тўғри англайдиган, замонавий технологияларни самарали бошқара оладиган ва инновацион ечимлар ишлаб чиқишга қодир ҳарбий мутахассислар таркибини шакллантириш орқали мудофаа қобилиятининг технологик барқарорлигини мустаҳкамлаш;

(ж) киберспорт — интеллектуал спорт тури, дрон ва робот технологияларини ҳарбий-амалий инновацион йўналиш сифатида амалга ошириш.

2. Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардиянинг киберспорт, дрон ва робот технологиялари йўналишидаги замонавий спорт турлари бўйича мусобақани (кейинги ўринларда — мусобақа)ни ташкил этиш ва ўтказиш бўйича таклифларига розилик берилсин.

3. Ўзбекистон Республикаси Қуролли Кучлари таркибига кирувчи вазирлик ва идораларда (кейинги ўринларда — вазирлик ва идоралар) киберспорт, дрон ва робот технологиялари йўналишидаги спорт турларини ривожлантириш чора-тадбирларини амалга ошириш бўйича «йўл харитаси» иловага мувофиқ тасдиқлансин.

II. Ташкилий чора-тадбирлар

4. Мусобақалар қуйидаги йўналиш ва босқичларда ўтказилади:

(а) йўналишлар:

(i) киберспорт йўналиши — жамоавий тарзда виртуал, яъни компьютер ва рақамли муҳитда ўтказиладиган, иштирокчиларнинг стратегик фикрлаш, тезкор қарор қабул қилиш, вазиятни баҳолаш, шахсий таркибни жипслаш, ҳамкорлик масалаларини амалга ошириш ҳамда лидерлик ва бошқарув қобилиятларини шакллантиришга қаратилган мусобақа;

(ii) дрон технологиялари йўналиши — учувчисиз учиш аппаратларини бошқариш, навигация, вазиятни баҳолаш, аниқ вазифаларни бажариш, хавфсиз парвозни таъминлаш ҳамда амалий машқлар орқали иштирокчиларнинг техникавий ва амалий кўникмаларини аниқлашга қаратилган мусобақа;

(iii) робот технологиялари йўналиши — робототехника воситаларини лойиҳалаш, дастурлаш, бошқариш ва белгиланган техник вазифаларни бажариш бўйича иштирокчиларнинг муҳандислик, алгоритмик ва инновацион қобилиятларини баҳолашга қаратилган мусобақа;

(б) босқичлар:

(i) биринчи босқич — вазирлик ва идораларда ҳар йили август ойида «Ҳарбий қисм (муассаса) командири (бошлиғи) кубоги» ички мусобақаси;

(ii) иккинчи босқич — ҳар йили октябрь ойида «Ҳарбий округ қўшинлари қўмондони кубоги» мусобақаси;

(iii) учинчи босқич — ҳар йили декабрь ойида «Мудофаа вазири кубоги» мусобақаси ўтказилади.

5. Мусобақада ғолиб бўлган ҳарбий хизматчилар қуйидагича рағбатлантирилади:

(а) биринчи босқичда ғолиб бўлган жамоанинг ҳар бир аъзоси бирйўла тўланадиган 10 миллион сўм пул мукофоти ҳамда жамоа учун ҳарбий қисм (муассаса) командири (бошлиғи) кубоги;

(б) иккинчи босқичда ғолиб бўлган жамоанинг ҳар бир аъзоси бирйўла тўланадиган 30 миллион сўм пул мукофоти ҳамда жамоа учун ҳарбий округ қўшинлари қўмондони кубоги;

(в) учинчи босқичда ғолиб бўлган жамоанинг ҳар бир аъзоси бирйўла тўланадиган 50 миллион сўм пул мукофоти ҳамда жамоа учун мудофаа вазири кубоги.

6. Белгилаб қўйилсинки:

(а) Ўзбекистон Республикаси Мудофаа вазирлиги мусобақаларни ташкил этиш ва ўтказиш, шунингдек, мазкур қарорда назарда тутилган тадбирларни амалга ошириш, иштирокчи вазирлик ва идоралар фаолиятини ҳамда ўзаро ҳамкорлигини мувофиқлаштирувчи орган ҳисобланади;

(б) мусобақаларни ўтказиш учун зарур бўлган моддий-техник воситалар, махсус техник қурилмалар ва дастурий таъминотлар биринчи босқичда иштирокчи вазирлик ва идораларнинг ўзларида мавжуд моддий-техник база ҳисобидан, иккинчи ва учинчи босқичларда эса Мудофаа вазирлигининг ўз ихтиёридаги мавжуд моддий-техник база ҳисобидан таъминланади;

(в) мусобақалар ғолибларини бирйўла тўланадиган пул мукофотлари билан мукофотлаш вазирлик ва идораларга ажратиладиган бюджет маблағлари доирасида, вазирлик ва идораларнинг бюджетдан ташқари маблағлари ҳамда қонунчиликда тақиқланмаган бошқа манбалар ҳисобидан амалга оширилади.

7. Мусобақада иштирок этувчи ҳамда саралаб олинган ҳарбий хизматчилар ҳисобини юритиш мақсадида хизмат доирасида фойдаланиш учун мўлжалланган ягона электрон реестр жорий этилсин. Бунда:

(а) вазирлик ва идоралар ўз тизимидан киберспорт, дрон ва робот технологиялари йўналишидаги замонавий спорт турлари бўйича мусобақада иштирок этган ҳамда саралаб олинган ҳарбий хизматчиларнинг идоравий электрон ҳисобини (ички реестрини) юритади;

(б) мусобақаларнинг биринчи ва учинчи босқичларида иштирок этган ҳамда ғолиб бўлган ҳарбий хизматчилар тўғрисидаги маълумотларни умумлаштириш, марказлаштирилган ҳолда юритиш ва идоралараро мувофиқлаштириш Мудофаа вазирлиги томонидан амалга оширилади.

8. Мусобақалар натижаларига кўра юқори натижаларга эришган ҳамда алоҳида иқтидор ва салоҳиятини намоён этган ҳарбий хизматчилардан иборат мақсадли кадрлар гуруҳи шакллантирилиб, уларни рағбатлантириш, касбий ривожлантириш ҳамда хизмат фаолиятини режалаштириш мақсадида қуйидаги қўшимча чора-тадбирлар амалга оширилсин:

(а) ҳарбий хизматчиларни ахборот технологиялари, киберхавфсизлик, учувчисиз учиш аппаратлари, робототехника ва рақамли ҳарбий тизимлар соҳалари бўйича мақсадли магистратура ва докторантура таълим дастурларига, шу жумладан, хорижий олий таълим ва илмий-тадқиқот муассасаларига танлов асосида юбориш;

(б) илғор хорижий давлатларнинг ихтисослашган таълим марказлари, илмий лабораториялари ва технологик платформаларида қисқа ва ўрта муддатли малака ошириш курсларида, тренинглар ва сертификатлаш дастурларида иштирок этишини таъминлаш;

(в) ушбу ҳарбий хизматчиларнинг касбий салоҳияти, эгаллаган билим ва кўникмаларини инобатга олган ҳолда хизмат фаолиятини режалаштиришда ҳамда хизмат поғоналари бўйича ўсишида устуворлик бериш, зарур ҳолларда, лавозимга тайинлаш ва хизматда илгарилаш жараёнларини тезлаштирилган тартибда амалга ошириш;

(г) ҳарбий соҳада қўлланиши мумкин бўлган рақамли технологиялар, инновацион ечимлар, дастурий маҳсулотлар ва интеллектуал тизимларни ишлаб чиқишга қаратилган илмий-амалий, тажриба-конструкторлик ҳамда экспериментал лойиҳаларга жалб этиш, шунингдек, уларни амалга оширишда устувор иштирокчи сифатида белгилаш.

9. Мудофаа вазирлиги вазирлик ва идоралар билан биргаликда:

(а) уч ой муддатда мусобақаларни ўтказиш тартиби тўғрисидаги низомни ишлаб чиқсин ҳамда белгиланган тартибда тасдиқласин;

(б) тўрт ой муддатда мусобақаларни ўтказиш белгиланган ҳудудларнинг моддий-техника базаси инвентаризация қилинишини, зарур ҳолларда, унинг самарали ва мақбул тақсимланишини таъминласин;

(в) мусобақалар якунига кўра юқори натижаларга эришган ҳамда алоҳида иқтидорини намоён этган ҳарбий хизматчиларнинг касбий салоҳияти ва ихтисослашувини инобатга олган ҳолда уларни ахборот технологиялари, киберхавфсизлик, учувчисиз учиш аппаратлари ва робототехника соҳалари билан боғлиқ фаолият йўналишларига жалб этиш, шунингдек, хизмат фаолиятини режалаштириш ва хизмат поғоналари бўйича ривожлантиришда устуворлик бериш чораларини кўрсин;

(г) вазирлик ва идораларда киберспорт, дрон ва робот технологиялари йўналишидаги замонавий спорт турларини ривожлантириш чора-тадбирларини амалга ошириш бўйича «йўл харитаси»да белгиланган вазифаларнинг ўз вақтида ва сифатли ижросини таъминласин.

III. Қарор ижросини ташкил этиш, таъминлаш ва назорат

10. Мазкур қарор ижросини самарали ташкил қилишга масъул ҳамда шахсан жавобгар этиб мудофаа вазири Ш.Г. Халмухамедов белгилансин.

11. Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президентининг 2026 йил 3 мартдаги ПҚ-75-сон қарорига ИЛОВА

Ўзбекистон Республикаси Қуролли Кучлари таркибига кирувчи вазирлик ва идораларда киберспорт, дрон ва робот технологиялари йўналишидаги спорт турларини ривожлантириш чора-тадбирларини амалга ошириш бўйича

Т/р Чора-тадбирлар номи Амалга ошириш механизми Бажариш муддатлари Масъул ижрочилар 1. Ўзбекистон Республикаси Қуролли Кучларида киберспорт, дрон ва робот технологиялари йўналишидаги спорт турлари бўйича мусобақа ўтказиш тартиби тўғрисидаги низом лойиҳасини ишлаб чиқиш. 1. Қуролли Кучлар таркибига кирувчи вазирлик ва идоралар вакилларидан иборат ишчи гуруҳни шакллантириш. 2. Мусобақа ўтказиш юзасидан қўшма қарор лойиҳасини ишлаб чиқиш ва тасдиқлаш. 2026 йил июнь Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия 2. Қуролли Кучлар таркибига кирувчи вазирлик ва идораларнинг мусобақа ўтказилиши белгиланган ҳарбий қисм ва муассасаларининг моддий-техника базасини шакллантириш ва мустаҳкамлаш. 1. Мудофаа вазирлиги ҳарбий қисм ва муассасаларининг моддий-техника базасини яратиш бўйича асосланган таклифларни тайёрлаш. 2026 йил июнь Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия 2. Мавжуд қурилмалар, зарурий дастурий мажмуалар ва компьютер воситалари билан жиҳозлаш ҳамда дрон мусобақаларини ўтказиш бўйича жиҳозлаш ишларини амалга ошириш. 2026 йил июль 3. Ёш мутахассисларни киберспорт, дрон ва робот технологиялари йўналишидаги спорт турларига қизиқтириш ҳамда мазкур спорт турларини ривожлантириш мақсадида олий ҳарбий таълим муассасаларида киберспорт клубларини ташкил этиш ҳамда ушбу клублар ўртасида мусобақалар ўтказиш. 1. Олий ҳарбий таълим муассасаларида киберспорт клубларини ташкил этиш бўйича таклифларни ишлаб чиқиш. 2026 йил июль Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия 2. Киберспорт клубида киберспорт, дрон ва робот технологиялари йўналишидаги спорт турлари бўйича мусобақаларни ўтказиш дастурини ва низом лойиҳасини ишлаб чиқиш. 2026 йил сентябрь 3. Ҳар бир вазирлик ва идораларда ички тартибда тасдиқлаш ва йўлга қўйиш. 2026 йил декабрь 4. Ҳарбий хизматчилар киберспорт, дрон ва робот технологиялари йўналишидаги спорт турларини мустақил ўрганиш учун турли хил ахборот материалларини ва интерактив ўқув қўлланмаларни ишлаб чиқиш. 1. Киберспорт, дрон ва робот технологиялари йўналишидаги спорт турлари бўйича турли хил ахборот материаллари ва интерактив ўқув қўлланмаларини шакллантириш. 2026 йил май Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия 2. Ўқув қўлланма ишлаб чиқиш ва жорий этиш. Доимий 5. Ҳарбий хизматчилар ўртасида киберспорт, дрон ва робот технологиялари йўналишидаги спорт турлари жамоаларини шакллантириш мақсадида яширин иқтидор эгаларини саралаб олиш. 1. Ҳарбий хизматчилар ўртасида мазкур спорт турларига қизиқиш билдирган ва қобилиятлиларни саралаш мезонларини ишлаб чиқиш ҳамда ҳар бир вазирлик ва идораларда ички тартибда тасдиқлаш ва йўлга қўйиш. 2026 йил июнь Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия 2. Саралаб олинган ҳарбий хизматчилардан тегишли жамоаларни шакллантириш. Доимий 6. Ҳарбий хизматчилар таркиби билан киберспорт, дрон ва робот технологиялари йўналишидаги спорт турларини ўрганиш бўйича қисқа муддатли курсларни ташкил этиш. 1. Ҳарбий хизматчилар билан киберспорт, дрон ва робот технологиялари йўналишидаги спорт турларини ўрганиш бўйича қисқа муддатли ўқув курслари дастурини ишлаб чиқиш. 2026 йил май Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Миллий гвардия 2. Ўқитиладиган тоифаларни аниқлаш, ўқитиш режа-жадвалини ҳар бир вазирлик ва идораларда ички тартибда тасдиқлаш ва йўлга қўйиш. Режа-жадвалга мувофиқ 7. Ўзбекистон Республикаси Қуролли Кучлари таркибига кирувчи вазирлик ва идораларда киберспорт, дрон ва робот технологиялари йўналишидаги спорт турлари бўйича мусобақада иштирок этувчи ҳарбий хизматчилар реестрини юритиш учун ягона электрон платформа ишлаб чиқиш ва ундан фойдаланиш. 1. Ҳарбий хизматчилар реестрини юритиш электрон платформасини техник топшириқ асосида ишлаб чиқиш ва киберхавфсизлик талабларига мувофиқлиги юзасидан экспертизадан ўтказиш. 2026 йил декабрь Мудофаа вазирлиги 2. Платформада спортчилар рўйхатини шакллантириш. 2027 йил январь 3. Платформада спортчилар рейтингини юритиш. Доимий 4. Реестр маълумотлари асосида иштирокчиларнинг тайёргарлик даражаси, натижалари ва истиқболини баҳолаш ҳамда кадрлар захирасини шакллантириш бўйича таҳлилий ҳисоботлар тайёрлаш. Доимий 5. Спортчиларни қўллаб-қувватлаш, жумладан, уларнинг халқаро ва минтақавий турнирларда иштирок этиши учун зарур шарт-шароитлар яратиш. Доимий

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 3 март,

ПҚ-75-сон

(Қонунчилик маълумотлари миллий базаси, 04.03.2026 й., 07/26/75/0190-сон)

lex.uz

Oʻzbekiston Respublikasi Prezidentining

qarori

“YOʻL XARITASI”

Oʻzbekiston Respublikasi Qurolli Kuchlarida kibersport, dron va robot texnologiyalari yoʻnalishidagi sport turlarini rivojlantirish chora-tadbirlari toʻgʻrisida

Oʻzbekiston Respublikasi Qurolli Kuchlarida kibersport, dron va robot texnologiyalari yoʻnalishidagi zamonaviy sport turlarini rivojlantirish va ommalashtirish tizimini yaratish, musobaqalar va turnirlarni tizimli ravishda oʻtkazish orqali iqtidorli harbiy xizmatchilarni aniqlash, saralash hamda ularning qobiliyatlari roʻyobga chiqishiga koʻmaklashish, professional kibersportga yoʻnaltirish, axborot texnologiyalari sohasi uchun salohiyatli kadrlar tayyorlash va ularni sohaga jalb qilish ishlarini yanada kengaytirish maqsadida qaror qilaman:

I. Maqsadlar

1. Quyidagilar Qurolli Kuchlarda kibersport, dron va robot texnologiyalari yoʻnalishidagi zamonaviy sport turlarini rivojlantirish va ommalashtirishning asosiy maqsadlari etib belgilansin:

(a) kibersport, dron va robot texnologiyalari boʻyicha musobaqalar oʻtkazishni yoʻlga qoʻyish orqali yuqori darajali tahliliy, texnik va strategik fikrlash qobiliyatiga ega harbiy xizmatchilarni aniqlash, qoʻllab-quvvatlash, ularning salohiyatini kompleks baholash hamda maqsadli tayyorlash va rivojlantirish tizimini yaratish;

(b) axborot texnologiyalari, kiberxavfsizlik, dronlarni boshqarish, robototexnika va harbiylashgan raqamli tizimlar uchun istiqbolli harbiy xizmatchilarni saralash, elektron axborot tizimlari yordamida ularning hisobni yuritish va bosqichma-bosqich tayyorlash orqali strategik ahamiyatga ega kadrlar zaxirasini shakllantirish;

(v) iqtidorli ishtirokchilarning individual qobiliyatlari va ixtisoslashuvi asosida ularni professional kibersport, harbiy-texnik boʻlinmalar, IT va harbiylashgan raqamli tizimlar bilan bogʻliq lavozimlarga maqsadli yoʻnaltirishni tashkil etish;

(g) harbiy xizmatni zamonaviy texnologiyalar, innovatsion faoliyat va raqamli kompetensiyalar bilan uygʻunlashtirish orqali yoshlar uchun jozibador, nufuzli va intellektual rivojlanish imkoniyatiga ega kasb sifatida shakllantirish;

(d) raqamli tahdidlarni toʻgʻri anglaydigan, zamonaviy texnologiyalarni samarali boshqara oladigan va innovatsion yechimlar ishlab chiqishga qodir harbiy mutaxassislar tarkibini shakllantirish orqali mudofaa qobiliyatining texnologik barqarorligini mustahkamlash;

(j) kibersport — intellektual sport turi, dron va robot texnologiyalarini harbiy-amaliy innovatsion yoʻnalish sifatida amalga oshirish.

2. Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiyaning kibersport, dron va robot texnologiyalari yoʻnalishidagi zamonaviy sport turlari boʻyicha musobaqani (keyingi oʻrinlarda — musobaqa)ni tashkil etish va oʻtkazish boʻyicha takliflariga rozilik berilsin.

3. Oʻzbekiston Respublikasi Qurolli Kuchlari tarkibiga kiruvchi vazirlik va idoralarda (keyingi oʻrinlarda — vazirlik va idoralar) kibersport, dron va robot texnologiyalari yoʻnalishidagi sport turlarini rivojlantirish chora-tadbirlarini amalga oshirish boʻyicha “yoʻl xaritasi” ilovaga muvofiq tasdiqlansin.

II. Tashkiliy chora-tadbirlar

4. Musobaqalar quyidagi yoʻnalish va bosqichlarda oʻtkaziladi:

(a) yoʻnalishlar:

(i) kibersport yoʻnalishi — jamoaviy tarzda virtual, yaʼni kompyuter va raqamli muhitda oʻtkaziladigan, ishtirokchilarning strategik fikrlash, tezkor qaror qabul qilish, vaziyatni baholash, shaxsiy tarkibni jipslash, hamkorlik masalalarini amalga oshirish hamda liderlik va boshqaruv qobiliyatlarini shakllantirishga qaratilgan musobaqa;

(ii) dron texnologiyalari yoʻnalishi — uchuvchisiz uchish apparatlarini boshqarish, navigatsiya, vaziyatni baholash, aniq vazifalarni bajarish, xavfsiz parvozni taʼminlash hamda amaliy mashqlar orqali ishtirokchilarning texnikaviy va amaliy koʻnikmalarini aniqlashga qaratilgan musobaqa;

(iii) robot texnologiyalari yoʻnalishi — robototexnika vositalarini loyihalash, dasturlash, boshqarish va belgilangan texnik vazifalarni bajarish boʻyicha ishtirokchilarning muhandislik, algoritmik va innovatsion qobiliyatlarini baholashga qaratilgan musobaqa;

(b) bosqichlar:

(i) birinchi bosqich — vazirlik va idoralarda har yili avgust oyida “Harbiy qism (muassasa) komandiri (boshligʻi) kubogi” ichki musobaqasi;

(ii) ikkinchi bosqich — har yili oktabr oyida “Harbiy okrug qoʻshinlari qoʻmondoni kubogi” musobaqasi;

(iii) uchinchi bosqich — har yili dekabr oyida “Mudofaa vaziri kubogi” musobaqasi oʻtkaziladi.

5. Musobaqada gʻolib boʻlgan harbiy xizmatchilar quyidagicha ragʻbatlantiriladi:

(a) birinchi bosqichda gʻolib boʻlgan jamoaning har bir aʼzosi biryoʻla toʻlanadigan 10 million soʻm pul mukofoti hamda jamoa uchun harbiy qism (muassasa) komandiri (boshligʻi) kubogi;

(b) ikkinchi bosqichda gʻolib boʻlgan jamoaning har bir aʼzosi biryoʻla toʻlanadigan 30 million soʻm pul mukofoti hamda jamoa uchun harbiy okrug qoʻshinlari qoʻmondoni kubogi;

(v) uchinchi bosqichda gʻolib boʻlgan jamoaning har bir aʼzosi biryoʻla toʻlanadigan 50 million soʻm pul mukofoti hamda jamoa uchun mudofaa vaziri kubogi.

6. Belgilab qoʻyilsinki:

(a) Oʻzbekiston Respublikasi Mudofaa vazirligi musobaqalarni tashkil etish va oʻtkazish, shuningdek, mazkur qarorda nazarda tutilgan tadbirlarni amalga oshirish, ishtirokchi vazirlik va idoralar faoliyatini hamda oʻzaro hamkorligini muvofiqlashtiruvchi organ hisoblanadi;

(b) musobaqalarni oʻtkazish uchun zarur boʻlgan moddiy-texnik vositalar, maxsus texnik qurilmalar va dasturiy taʼminotlar birinchi bosqichda ishtirokchi vazirlik va idoralarning oʻzlarida mavjud moddiy-texnik baza hisobidan, ikkinchi va uchinchi bosqichlarda esa Mudofaa vazirligining oʻz ixtiyoridagi mavjud moddiy-texnik baza hisobidan taʼminlanadi;

(v) musobaqalar gʻoliblarini biryoʻla toʻlanadigan pul mukofotlari bilan mukofotlash vazirlik va idoralarga ajratiladigan budjet mablagʻlari doirasida, vazirlik va idoralarning budjetdan tashqari mablagʻlari hamda qonunchilikda taqiqlanmagan boshqa manbalar hisobidan amalga oshiriladi.

7. Musobaqada ishtirok etuvchi hamda saralab olingan harbiy xizmatchilar hisobini yuritish maqsadida xizmat doirasida foydalanish uchun moʻljallangan yagona elektron reyestr joriy etilsin. Bunda:

(a) vazirlik va idoralar oʻz tizimidan kibersport, dron va robot texnologiyalari yoʻnalishidagi zamonaviy sport turlari boʻyicha musobaqada ishtirok etgan hamda saralab olingan harbiy xizmatchilarning idoraviy elektron hisobini (ichki reyestrini) yuritadi;

(b) musobaqalarning birinchi va uchinchi bosqichlarida ishtirok etgan hamda gʻolib boʻlgan harbiy xizmatchilar toʻgʻrisidagi maʼlumotlarni umumlashtirish, markazlashtirilgan holda yuritish va idoralararo muvofiqlashtirish Mudofaa vazirligi tomonidan amalga oshiriladi.

8. Musobaqalar natijalariga koʻra yuqori natijalarga erishgan hamda alohida iqtidor va salohiyatini namoyon etgan harbiy xizmatchilardan iborat maqsadli kadrlar guruhi shakllantirilib, ularni ragʻbatlantirish, kasbiy rivojlantirish hamda xizmat faoliyatini rejalashtirish maqsadida quyidagi qoʻshimcha chora-tadbirlar amalga oshirilsin:

(a) harbiy xizmatchilarni axborot texnologiyalari, kiberxavfsizlik, uchuvchisiz uchish apparatlari, robototexnika va raqamli harbiy tizimlar sohalari boʻyicha maqsadli magistratura va doktorantura taʼlim dasturlariga, shu jumladan, xorijiy oliy taʼlim va ilmiy-tadqiqot muassasalariga tanlov asosida yuborish;

(b) ilgʻor xorijiy davlatlarning ixtisoslashgan taʼlim markazlari, ilmiy laboratoriyalari va texnologik platformalarida qisqa va oʻrta muddatli malaka oshirish kurslarida, treninglar va sertifikatlash dasturlarida ishtirok etishini taʼminlash;

(v) ushbu harbiy xizmatchilarning kasbiy salohiyati, egallagan bilim va koʻnikmalarini inobatga olgan holda xizmat faoliyatini rejalashtirishda hamda xizmat pogʻonalari boʻyicha oʻsishida ustuvorlik berish, zarur hollarda, lavozimga tayinlash va xizmatda ilgarilash jarayonlarini tezlashtirilgan tartibda amalga oshirish;

(g) harbiy sohada qoʻllanishi mumkin boʻlgan raqamli texnologiyalar, innovatsion yechimlar, dasturiy mahsulotlar va intellektual tizimlarni ishlab chiqishga qaratilgan ilmiy-amaliy, tajriba-konstruktorlik hamda eksperimental loyihalarga jalb etish, shuningdek, ularni amalga oshirishda ustuvor ishtirokchi sifatida belgilash.

9. Mudofaa vazirligi vazirlik va idoralar bilan birgalikda:

(a) uch oy muddatda musobaqalarni oʻtkazish tartibi toʻgʻrisidagi nizomni ishlab chiqsin hamda belgilangan tartibda tasdiqlasin;

(b) toʻrt oy muddatda musobaqalarni oʻtkazish belgilangan hududlarning moddiy-texnika bazasi inventarizatsiya qilinishini, zarur hollarda, uning samarali va maqbul taqsimlanishini taʼminlasin;

(v) musobaqalar yakuniga koʻra yuqori natijalarga erishgan hamda alohida iqtidorini namoyon etgan harbiy xizmatchilarning kasbiy salohiyati va ixtisoslashuvini inobatga olgan holda ularni axborot texnologiyalari, kiberxavfsizlik, uchuvchisiz uchish apparatlari va robototexnika sohalari bilan bogʻliq faoliyat yoʻnalishlariga jalb etish, shuningdek, xizmat faoliyatini rejalashtirish va xizmat pogʻonalari boʻyicha rivojlantirishda ustuvorlik berish choralarini koʻrsin;

(g) vazirlik va idoralarda kibersport, dron va robot texnologiyalari yoʻnalishidagi zamonaviy sport turlarini rivojlantirish chora-tadbirlarini amalga oshirish boʻyicha “yoʻl xaritasi”da belgilangan vazifalarning oʻz vaqtida va sifatli ijrosini taʼminlasin.

III. Qaror ijrosini tashkil etish, taʼminlash va nazorat

10. Mazkur qaror ijrosini samarali tashkil qilishga masʼul hamda shaxsan javobgar etib mudofaa vaziri Sh.G. Xalmuxamedov belgilansin.

11. Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidentining 2026-yil 3-martdagi PQ-75-son qaroriga ILOVA

Oʻzbekiston Respublikasi Qurolli Kuchlari tarkibiga kiruvchi vazirlik va idoralarda kibersport, dron va robot texnologiyalari yoʻnalishidagi sport turlarini rivojlantirish chora-tadbirlarini amalga oshirish boʻyicha

T/r Chora-tadbirlar nomi Amalga oshirish mexanizmi Bajarish muddatlari Masʼul ijrochilar 1. Oʻzbekiston Respublikasi Qurolli Kuchlarida kibersport, dron va robot texnologiyalari yoʻnalishidagi sport turlari boʻyicha musobaqa oʻtkazish tartibi toʻgʻrisidagi nizom loyihasini ishlab chiqish. 1. Qurolli Kuchlar tarkibiga kiruvchi vazirlik va idoralar vakillaridan iborat ishchi guruhni shakllantirish. 2. Musobaqa oʻtkazish yuzasidan qoʻshma qaror loyihasini ishlab chiqish va tasdiqlash. 2026-yil iyun Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya 2. Qurolli Kuchlar tarkibiga kiruvchi vazirlik va idoralarning musobaqa oʻtkazilishi belgilangan harbiy qism va muassasalarining moddiy-texnika bazasini shakllantirish va mustahkamlash. 1. Mudofaa vazirligi harbiy qism va muassasalarining moddiy-texnika bazasini yaratish boʻyicha asoslangan takliflarni tayyorlash. 2026-yil iyun Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya 2. Mavjud qurilmalar, zaruriy dasturiy majmualar va kompyuter vositalari bilan jihozlash hamda dron musobaqalarini oʻtkazish boʻyicha jihozlash ishlarini amalga oshirish. 2026-yil iyul 3. Yosh mutaxassislarni kibersport, dron va robot texnologiyalari yoʻnalishidagi sport turlariga qiziqtirish hamda mazkur sport turlarini rivojlantirish maqsadida oliy harbiy taʼlim muassasalarida kibersport klublarini tashkil etish hamda ushbu klublar oʻrtasida musobaqalar oʻtkazish. 1. Oliy harbiy taʼlim muassasalarida kibersport klublarini tashkil etish boʻyicha takliflarni ishlab chiqish. 2026-yil iyul Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya 2. Kibersport klubida kibersport, dron va robot texnologiyalari yoʻnalishidagi sport turlari boʻyicha musobaqalarni oʻtkazish dasturini va nizom loyihasini ishlab chiqish. 2026-yil sentabr 3. Har bir vazirlik va idoralarda ichki tartibda tasdiqlash va yoʻlga qoʻyish. 2026-yil dekabr 4. Harbiy xizmatchilar kibersport, dron va robot texnologiyalari yoʻnalishidagi sport turlarini mustaqil oʻrganish uchun turli xil axborot materiallarini va interaktiv oʻquv qoʻllanmalarni ishlab chiqish. 1. Kibersport, dron va robot texnologiyalari yoʻnalishidagi sport turlari boʻyicha turli xil axborot materiallari va interaktiv oʻquv qoʻllanmalarini shakllantirish. 2026-yil may Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya 2. Oʻquv qoʻllanma ishlab chiqish va joriy etish. Doimiy 5. Harbiy xizmatchilar oʻrtasida kibersport, dron va robot texnologiyalari yoʻnalishidagi sport turlari jamoalarini shakllantirish maqsadida yashirin iqtidor egalarini saralab olish. 1. Harbiy xizmatchilar oʻrtasida mazkur sport turlariga qiziqish bildirgan va qobiliyatlilarni saralash mezonlarini ishlab chiqish hamda har bir vazirlik va idoralarda ichki tartibda tasdiqlash va yoʻlga qoʻyish. 2026-yil iyun Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya 2. Saralab olingan harbiy xizmatchilardan tegishli jamoalarni shakllantirish. Doimiy 6. Harbiy xizmatchilar tarkibi bilan kibersport, dron va robot texnologiyalari yoʻnalishidagi sport turlarini oʻrganish boʻyicha qisqa muddatli kurslarni tashkil etish. 1. Harbiy xizmatchilar bilan kibersport, dron va robot texnologiyalari yoʻnalishidagi sport turlarini oʻrganish boʻyicha qisqa muddatli oʻquv kurslari dasturini ishlab chiqish. 2026-yil may Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiya 2. Oʻqitiladigan toifalarni aniqlash, oʻqitish reja-jadvalini har bir vazirlik va idoralarda ichki tartibda tasdiqlash va yoʻlga qoʻyish. Reja-jadvalga muvofiq 7. Oʻzbekiston Respublikasi Qurolli Kuchlari tarkibiga kiruvchi vazirlik va idoralarda kibersport, dron va robot texnologiyalari yoʻnalishidagi sport turlari boʻyicha musobaqada ishtirok etuvchi harbiy xizmatchilar reyestrini yuritish uchun yagona elektron platforma ishlab chiqish va undan foydalanish. 1. Harbiy xizmatchilar reyestrini yuritish elektron platformasini texnik topshiriq asosida ishlab chiqish va kiberxavfsizlik talablariga muvofiqligi yuzasidan ekspertizadan oʻtkazish. 2026-yil dekabr Mudofaa vazirligi 2. Platformada sportchilar roʻyxatini shakllantirish. 2027-yil yanvar 3. Platformada sportchilar reytingini yuritish. Doimiy 4. Reyestr maʼlumotlari asosida ishtirokchilarning tayyorgarlik darajasi, natijalari va istiqbolini baholash hamda kadrlar zaxirasini shakllantirish boʻyicha tahliliy hisobotlar tayyorlash. Doimiy 5. Sportchilarni qoʻllab-quvvatlash, jumladan, ularning xalqaro va mintaqaviy turnirlarda ishtirok etishi uchun zarur shart-sharoitlar yaratish. Doimiy

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 3-mart,

PQ-75-son

(Qonunchilik maʼlumotlari milliy bazasi, 04.03.2026-y., 07/26/75/0190-son)

lex.uz

Президента Республики Узбекистан

Постановление

«ДОРОЖНАЯ КАРТА»

О мерах по развитию видов спорта в сфере киберспорта, дронов и робототехнологий в Вооруженных Силах Республики Узбекистан

В целях создания системы по развитию и популяризации современных видов спорта в сфере киберспорта, дронов и робототехнологий в Вооруженных Силах Республики Узбекистан, выявления и отбора талантливых военнослужащих, содействия раскрытию их способностей посредством системного проведения соревнований и турниров, их ориентирования на профессиональный киберспорт, подготовки перспективных кадров для сферы информационных технологий и дальнейшего расширения работы по их привлечению в отрасль IT постановляю:

I. Цели

1. Определить основными целями развития и популяризации современных видов спорта в сфере киберспорта, дронов и робототехнологий в Вооруженных Силах:

(а) создание системы выявления, поддержки, целевой подготовки и развития военнослужащих, обладающих высоким уровнем аналитического, технического и стратегического мышления, проведения комплексной оценки их потенциала путем налаживания проведения соревнований по киберспорту, дронам и робототехнологиям;

(б) отбор перспективных военнослужащих для сфер информационных технологий, кибербезопасности, управления дронами, робототехники и военизированных цифровых систем, формирование кадрового резерва стратегического значения посредством ведения их учета с использованием электронных информационных систем и поэтапной подготовки;

(в) организацию целевого направления талантливых участников с учетом их индивидуальных способностей и специализации на профессиональный киберспорт, в военно-технические подразделения, а также на должности, связанные с IT и военизированными цифровыми системами;

(г) формирование военной службы как привлекательной, престижной и обеспечивающей возможности интеллектуального развития профессии для молодежи посредством ее интеграции с современными технологиями, инновационной деятельностью и цифровыми компетенциями;

(д) укрепление технологической устойчивости обороноспособности посредством формирования состава военных специалистов, способных адекватно воспринимать цифровые угрозы, эффективно управлять современными технологиями и разрабатывать инновационные решения;

(ж) применение киберспорта — интеллектуального вида спорта, дронов и робототехнологий в качестве военно-прикладного инновационного направления.

2. Согласиться с предложениями Министерства обороны, Министерства внутренних дел, Министерства по чрезвычайным ситуациям, Службы государственной безопасности и Национальной гвардии Республики Узбекистан об организации и проведении соревнования по современным видам спорта в сфере киберспорта, дронов и робототехнологий (далее — соревнование).

3. Утвердить «Дорожную карту» по реализации мер развития видов спорта в сфере киберспорта, дронов и робототехнологий в министерствах и ведомствах, входящих в состав Вооруженных Сил Республики Узбекистан (далее — министерства и ведомства), согласно приложению .

II. Организационные меры

4. Соревнования проводятся по следующим направлениям и этапам:

(а) направления:

(i) направление киберспорта — коллективное виртуальное соревнование, проводимое в компьютерной и цифровой среде, направленное на формирование способностей участников по стратегическому мышлению, оперативному принятию решений, оценке ситуации, сплочению личного состава, осуществлению вопросов взаимодействия, а также лидерских и управленческих навыков;

(ii) направление технологий дронов — соревнование, направленное на выявление технических и практических навыков участников посредством практических занятий управления беспилотными летательными аппаратами, навигации, оценки ситуации, выполнения конкретных задач, обеспечения безопасного полета;

(iii) направление робототехнологий — соревнование, направленное на оценку инженерных, алгоритмических и инновационных способностей участников по проектированию, программированию и управлению средствами робототехники, а также выполнению установленных технических задач;

(б) этапы:

(i) первый этап — ежегодное проведение в августе внутреннего соревнования «Кубок командира (начальника) воинской части (учреждения)» в министерствах и ведомствах;

(ii) второй этап — ежегодное проведение в октябре соревнования «Кубок командующего войсками военного округа»;

(iii) третий этап — ежегодное проведение в декабре соревнования «Кубок министра обороны».

5. Военнослужащие, ставшие победителями соревнований, поощряются следующим образом:

(а) каждому члену команды, победившей на первом этапе, выплачивается единовременное денежное вознаграждение в размере 10 миллионов сумов, а также команде вручается «Кубок командира (начальника) воинской части (учреждения)»;

(б) каждому члену команды, победившей на втором этапе, выплачивается единовременное денежное вознаграждение в размере 30 миллионов сумов, а также команде вручается «Кубок командующего войсками военного округа»;

(в) каждому члену команды, победившей на третьем этапе, выплачивается единовременное денежное вознаграждение в размере 50 миллионов сумов, а также команде вручается «Кубок министра обороны».

6. Определить, что:

(а) Министерство обороны Республики Узбекистан является органом, осуществляющим организацию и проведение соревнований, а также реализацию мероприятий, предусмотренных настоящим постановлением, и координирующим деятельность и взаимодействие участвующих министерств и ведомств;

(б) обеспечение необходимыми для проведения соревнований материально-техническими средствами, специальными техническими устройствами и программным обеспечением на первом этапе осуществляется за счет имеющейся материально-технической базы участвующих министерств и ведомств, на втором и третьем этапах за счет имеющейся в распоряжении Министерства обороны материально-технической базы;

(в) премирование победителей соревнований единовременным денежным вознаграждением осуществляется в рамках бюджетных средств, выделяемых министерствам и ведомствам, за счет внебюджетных средств министерств и ведомств, а также иных источников, не запрещенных законодательством.

7. В целях ведения учета военнослужащих, участвующих в соревнованиях и прошедших отбор, внедрить единый электронный реестр, предназначенный для служебного пользования. При этом:

(а) министерства и ведомства ведут ведомственный электронный учет (внутренний реестр) военнослужащих своей системы, принявших участие в соревнованиях по современным видам спорта в сфере киберспорта, дронов и робототехнологий и прошедших отбор;

(б) обобщение, централизованное ведение, а также межведомственная координация сведений о военнослужащих, принявших участие и ставших победителями на первом и третьем этапах соревнований, осуществляются Министерством обороны.

8. По итогам соревнований сформировать целевую группу кадров из числа военнослужащих, достигших высоких результатов и проявивших особые способности и потенциал, и в целях их стимулирования, профессионального развития и планирования служебной деятельности осуществить следующие дополнительные меры:

(а) направление военнослужащих на конкурсной основе на целевые образовательные программы магистратуры и докторантуры по сферам информационных технологий, кибербезопасности, беспилотных летательных аппаратов, робототехники и цифровых военных систем, в том числе в зарубежные высшие образовательные и научно-исследовательские учреждения;

(б) обеспечение участия в краткосрочных и среднесрочных курсах повышения квалификации, тренингах и программах сертификации в специализированных образовательных центрах, научных лабораториях и на технологических платформах передовых зарубежных государств;

(в) предоставление приоритета при планировании служебной деятельности и продвижении по служебной лестнице с учетом профессионального потенциала, приобретенных знаний и навыков указанных военнослужащих, при необходимости осуществление процессов назначения на должности и продвижения по службе в ускоренном порядке;

(г) привлечение к научно-практическим, опытно-конструкторским и экспериментальным проектам, направленным на разработку цифровых технологий, инновационных решений, программных продуктов и интеллектуальных систем, применимых в военной сфере, а также определение их в качестве приоритетных участников при реализации указанных проектов.

9. Министерству обороны совместно с министерствами и ведомствами:

(а) в трехмесячный срок разработать Положение о порядке проведения соревнований и утвердить его в установленном порядке;

(б) в четырехмесячный срок обеспечить проведение инвентаризации материально-технической базы установленных для проведения соревнований территорий, при необходимости — ее эффективное и оптимальное распределение;

(в) с учетом профессионального потенциала и специализации военнослужащих, достигших по итогам соревнований высоких результатов и проявивших особые способности, принять меры по их привлечению к направлениям деятельности, связанным с информационными технологиями, кибербезопасностью, беспилотными летательными аппаратами и робототехникой, а также по предоставлению им приоритетного права при планировании служебной деятельности и продвижении по служебной лестнице;

(г) обеспечить своевременное и качественное выполнение задач, предусмотренных «Дорожной картой» по реализации мер по развитию современных видов спорта в сфере киберспорта, дронов и робототехнологий в министерствах и ведомствах.

III. Организация, обеспечение и контроль исполнения постановления

10. Возложить на министра обороны Ш.Г. Халмухамедова персональную ответственность за эффективную организацию исполнения настоящего постановления.

11. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.

ПРИЛОЖЕНИЕ к постановлению Президента Республики Узбекистан от 3 марта 2026 года № ПП-75

по реализации мер развития видов спорта в сфере киберспорта, дронов и робототехнологий в министерствах и ведомствах, входящих в состав Вооруженных Сил Республики Узбекистан

№ Наименование мероприятий Механизм реализации Сроки исполнения Ответственные исполнители 1. Разработка проекта положения о порядке проведения соревнований по видам спорта в области киберспорта, дронов и робототехнологий в Вооруженных Силах Республики Узбекистан. 1. Формирование рабочей группы из представителей министерств и ведомств, входящих в состав Вооруженных Сил. 2. Разработка и утверждение проекта совместного решения по проведению соревнований. Июнь 2026 года Министерство обороны, Министерство внутренних дел, Министерство по чрезвычайным ситуациям, Служба государственной безопасности, Национальная гвардия 2. Формирование и укрепление материально-технической базы воинских частей и учреждений министерств и ведомств, входящих в состав Вооруженных Сил, в которых предусмотрено проведение соревнований. 1. Подготовка обоснованных предложений по созданию материально-технической базы воинских частей и учреждений Министерства обороны. Июнь 2026 года Министерство обороны, Министерство внутренних дел, Министерство по чрезвычайным ситуациям, Служба государственной безопасности, Национальная гвардия 2. Оснащение функционирующими устройствами, необходимым программным обеспечением и компьютерной техникой, а также осуществление работ по оснащению для проведения соревнований по дронам. Июль 2026 года 3. С целью пробуждения интереса молодых специалистов к видам спорта в области киберспорта, дронов и робототехнологий, а также для развития этих видов спорта организация киберспортивных клубов в высших военных образовательных учреждениях и проведение соревнований между этими клубами. 1. Разработка предложений по организации киберспортивных клубов в высших военных образовательных учреждениях. Июль 2026 года Министерство обороны, Министерство внутренних дел, Министерство по чрезвычайным ситуациям, Служба государственной безопасности, Национальная гвардия 2. Разработка проекта программы и положения по проведению соревнований по видам спорта в области киберспорта, дронов и робототехнологий в киберспортивных клубах. Сентябрь 2026 года 3. Утверждение и внедрение их во внутреннем порядке в каждом министерстве и ведомстве. Декабрь 2026 года 4. Разработка различных информационных материалов и интерактивных учебных пособий для самостоятельного изучения военнослужащими видов спорта в области киберспорта, дронов и робототехнологий. 1. Формирование различных информационных материалов и интерактивных учебных пособий по видам спорта в области киберспорта, дронов и робототехнологий. Май 2026 года Министерство обороны, Министерство внутренних дел, Министерство по чрезвычайным ситуациям, Служба государственной безопасности, Национальная гвардия 2. Разработка и внедрение учебного пособия. Постоянно 5. Отбор скрытых талантов среди военнослужащих для формирования команд по видам спорта в области киберспорта, дронов и робототехнологий. 1. Разработка критериев отбора наиболее талантливых военнослужащих, проявивших интерес к данным видам спорта, а также утверждение и внедрение их во внутреннем порядке в каждом министерстве и ведомстве. Июнь 2026 года Министерство обороны, Министерство внутренних дел, Министерство по чрезвычайным ситуациям, Служба государственной безопасности, Национальная гвардия 2. Формирование соответствующих команд из отобранных военнослужащих. Постоянно 6. Организация краткосрочных курсов для состава военнослужащих по изучению видов спорта в области киберспорта, дронов и робототехнологий. 1. Разработка программы краткосрочных учебных курсов для военнослужащих по изучению видов спорта в области киберспорта, дронов и робототехнологий. Май 2026 года Министерство обороны, Министерство внутренних дел, Министерство по чрезвычайным ситуациям, Служба государственной безопасности, Национальная гвардия 2. Определение категории обучаемых, утверждение и внедрение плана-графика обучения во внутреннем порядке в каждом министерстве и ведомстве. Согласно плану-графику 7. Разработка и использование единой электронной платформы для ведения реестра военнослужащих, участвующих в соревнованиях по видам спорта в области киберспорта, дронов и робототехнологий, в министерствах и ведомствах, входящих в состав Вооруженных Сил Республики Узбекистан. 1. Разработка электронной платформы ведения реестра военнослужащих на основе технического задания и проведение экспертизы на соответствие требованиям кибербезопасности. Декабрь 2026 года Министерство обороны 2. Формирование списка спортсменов на платформе. Январь 2027 года 3. Ведение рейтинга спортсменов на платформе. Постоянно 4. Подготовка аналитических отчетов на основе данных реестра по оценке уровня подготовки участников, их результатов и перспектив, а также формированию кадрового резерва. Постоянно 5. Поддержка спортсменов, в том числе создание необходимых условий для их участия в международных и региональных турнирах. Постоянно

Президент Республики Узбекистан Ш. МИРЗИЁЕВ

г. Ташкент,

3 марта 2026 г.,

№ ПП-75

(Национальная база данных законодательства, 04.03.2026 г., № 07/26/75/0190)

lex.uz