UzbekAI

Ўзбекистон Республикаси Ички ишлар вазирлиги Ўзбекистон Республикаси Иқтисодиёт ва молия вазирлиги Ўзбекистон Республикаси Давлат хавфсизлик хизматининг

Қарори

Хорижий давлатларнинг ойналари туси ўзгартирилган (қорайтирилган) енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун мажбурий йиғимларни ундириш тартиби тўғрисидаги низомга ўзгартириш ва қўшимчалар киритиш ҳақида

Ўзбекистон Республикаси Вазирлар Маҳкамасининг 2023 йил 3 октябрдаги 522-сон «Ўзбекистон Республикаси Давлат чегараси орқали ўтказиш пунктларида автотранспорт воситалари ҳаракатини янада тартибли ташкил этиш ҳамда назорат тартиботларини соддалаштириш тўғрисида»ги қарорига мувофиқ Ўзбекистон Республикаси Ички ишлар вазирлиги, Иқтисодиёт ва молия вазирлиги ҳамда Давлат хавфсизлик хизмати қарор қилади:

1. Ўзбекистон Республикаси Ички ишлар вазирлиги, Давлат божхона қўмитаси, Молия вазирлиги ва Давлат хавфсизлик хизматининг 2018 йил 6 ноябрдаги 72, 01-02/12-65, 139, 11-сон қарори (рўйхат рақами 3091, 2018 йил 29 ноябрь) (Қонун ҳужжатлари маълумотлари миллий базаси, 29.11.2018 й., 10/18/3091/2241-сон) билан тасдиқланган Хорижий давлатларнинг ойналари туси ўзгартирилган (қорайтирилган) енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун мажбурий йиғимларни ундириш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон республикаси Ички ишлар вазирлигининг 2026 йил 17 февралдаги 7-сон, Иқтисодиёт ва молия вазирлигининг 2026 йил 30 январдаги 324-сон ҳамда Давлат хавфсизлик хизматининг 2026 йил 26 январдаги 1-сон қарорига ИЛОВА

Хорижий давлатларнинг ойналари туси ўзгартирилган (қорайтирилган) енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун мажбурий йиғимларни ундириш тартиби тўғрисидаги низомга киритилаётган ўзгартириш ва қўшимчалар

1. 1-банддаги «олд, ён ва орқа ойналаридан бири ёки бир нечтасининг (томидаги люк ойнаси бундан мустасно)» деган сўзлар «олд ён ойналарининг» деган сўзлар билан алмаштирилсин.

2. 6-банд «мажбурий йиғимларни» деган сўзлардан кейин «Э-транзит» автоматлаштирилган ахборот тизимидаги ягона ҳисобварағи асосида шакллантириладиган ҚР-код (матрик штрихли кодли) ёрдамида электрон тўлов тизимлари ёки» деган сўзлар билан тўлдирилсин.

3. 8-банднинг иккинчи хатбошиси «квитанция нусхасини» деган сўзлардан кейин «ёки ягона ҳисобварағини» деган сўзлар билан тўлдирилсин.

4. 11-банд «квитанция» деган сўздан кейин «ёки ягона ҳисобварағи» деган сўзлар билан тўлдирилсин.

Ички ишлар вазири А. ТАШПУЛАТОВ

Иқтисодиёт ва молия вазири Д. КУЧКАРОВ

Давлат хавфсизлик хизмати раиси Б. КУРБАНОВ

Тошкент ш.,

2026 йил 17 февраль,

Тошкент ш.,

2026 йил 30 январь,

Тошкент ш.,

2026 йил 26 январь,

7 -сон

324-сон

1 -сон

(Қонунчилик маълумотлари миллий базаси, 05.03.2026 й., 10/26/3091-1/0194-сон)

Oʻzbekiston Respublikasi Ichki ishlar vazirligi Oʻzbekiston Respublikasi Iqtisodiyot va moliya vazirligi Oʻzbekiston Respublikasi Davlat xavfsizliк xizmatining

Qarori

Xorijiy davlatlarning oynalari tusi oʻzgartirilgan (qoraytirilgan) yengil avtotransport vositalarining Oʻzbekiston Respublikasi hududiga vaqtincha kirishi va tranzit harakatlanishi uchun majburiy yigʻimlarni undirish tartibi toʻgʻrisidagi nizomga oʻzgartirish va qoʻshimchalar kiritish haqida

Oʻzbekiston Respublikasi Vazirlar Mahkamasining 2023-yil 3-oktabrdagi 522-son “Oʻzbekiston Respublikasi Davlat chegarasi orqali oʻtkazish punktlarida avtotransport vositalari harakatini yanada tartibli tashkil etish hamda nazorat tartibotlarini soddalashtirish toʻgʻrisida”gi qaroriga muvofiq Oʻzbekiston Respublikasi Ichki ishlar vazirligi, Iqtisodiyot va moliya vazirligi hamda Davlat xavfsizlik xizmati qaror qiladi:

1. Oʻzbekiston Respublikasi Ichki ishlar vazirligi, Davlat bojxona qoʻmitasi, Moliya vazirligi va Davlat xavfsizlik xizmatining 2018-yil 6-noyabrdagi 72, 01-02/12-65, 139, 11-son qarori (roʻyxat raqami 3091, 2018-yil 29-noyabr) (Qonun hujjatlari maʼlumotlari milliy bazasi, 29.11.2018-y., 10/18/3091/2241-son) bilan tasdiqlangan Xorijiy davlatlarning oynalari tusi oʻzgartirilgan (qoraytirilgan) yengil avtotransport vositalarining Oʻzbekiston Respublikasi hududiga vaqtincha kirishi va tranzit harakatlanishi uchun majburiy yigʻimlarni undirish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston respublikasi Ichki ishlar vazirligining 2026-yil 17-fevraldagi 7-son, Iqtisodiyot va moliya vazirligining 2026-yil 30-yanvardagi 324-son hamda Davlat xavfsizlik xizmatining 2026-yil 26-yanvardagi 1-son qaroriga ILOVA

Xorijiy davlatlarning oynalari tusi oʻzgartirilgan (qoraytirilgan) yengil avtotransport vositalarining Oʻzbekiston Respublikasi hududiga vaqtincha kirishi va tranzit harakatlanishi uchun majburiy yigʻimlarni undirish tartibi toʻgʻrisidagi nizomga kiritilayotgan oʻzgartirish va qoʻshimchalar

1. 1-banddagi “old, yon va orqa oynalaridan biri yoki bir nechtasining (tomidagi lyuk oynasi bundan mustasno)” degan soʻzlar “old yon oynalarining” degan soʻzlar bilan almashtirilsin.

2. 6-band “majburiy yigʻimlarni” degan soʻzlardan keyin “E-tranzit” avtomatlashtirilgan axborot tizimidagi yagona hisobvaragʻi asosida shakllantiriladigan QR-kod (matrik shtrixli kodli) yordamida elektron toʻlov tizimlari yoki” degan soʻzlar bilan toʻldirilsin.

3. 8-bandning ikkinchi xatboshisi “kvitansiya nusxasini” degan soʻzlardan keyin “yoki yagona hisobvaragʻini” degan soʻzlar bilan toʻldirilsin.

4. 11-band “kvitansiya” degan soʻzdan keyin “yoki yagona hisobvaragʻi” degan soʻzlar bilan toʻldirilsin.

Ichki ishlar vaziri A. TASHPULATOV

Iqtisodiyot va moliya vaziri D. KUCHKAROV

Davlat xavfsizlik xizmati raisi B. KURBANOV

Toshkent sh.,

2026-yil 17-fevral,

Toshkent sh.,

2026-yil 30-yanvar,

Toshkent sh.,

2026-yil 26-yanvar,

7 -son

324-son

1 -son

(Qonunchilik maʼlumotlari milliy bazasi, 05.03.2026 y., 10/26/3091-1/0194-son)