UzbekAI

ЎЗБЕКИСТОН РЕСПУБЛИКАСИ ТУРИЗМ ҚЎМИТАСИНИНГ

ҚАРОРИ

ВАҚТИНЧАЛИК НИЗОМ

СХЕМАСИ

СЎРОВНОМА ШАКЛИ

«Умра плюс» зиёрат туризми дастури асосида Малайзия ва Индонезиядан сайёҳларни жалб қилаётган туроператорларга ҳар бир сайёҳ учун субсидия ажратиш тартиби тўғрисидаги вақтинчалик низомни тасдиқлаш ҳақида

Ўзбекистон Республикаси Вазирлар Маҳкамасининг 2026 йил 9 январдаги 6-сон «Умра плюс» зиёрат туризми дастурини амалга оширишга қаратилган қўшимча чора-тадбирлар тўғрисида»ги қарорига мувофиқ Ўзбекистон Республикаси Туризм қўмитаси қарор қилади:

1. «Умра плюс» зиёрат туризми дастури асосида Малайзия ва Индонезиядан сайёҳларни жалб қилаётган туроператорларга ҳар бир сайёҳ учун субсидия ажратиш тартиби тўғрисидаги вақтинчалик низом иловага мувофиқ тасдиқлансин.

2. Мазкур қарор Ўзбекистон Республикаси Рақамли технологиялар вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Дин ишлари бўйича қўмита ҳамда Савдо-саноат палатаси билан келишилган.

3. Мазкур қарор расмий эълон қилинган кундан эътиборан кучга киради.

Келишилган:

Ўзбекистон Республикаси Туризм қўмитасининг 2026 йил 1 мартдаги 7/1-МҲ-сон буйруғига ИЛОВА

«Умра плюс» зиёрат туризми дастури асосида Малайзия ва Индонезиядан сайёҳларни жалб қилаётган туроператорларга ҳар бир сайёҳ учун субсидия ажратиш тартиби тўғрисидаги

Мазкур Низом Ўзбекистон Республикасининг маҳаллий туроператорлари (бундан буён матнда туроператорлар деб юритилади) томонидан «Умра плюс» зиёрат туризми дастури асосида Малайзия ва Индонезиядан Ўзбекистон Республикасига олиб келинган ҳар бир сайёҳ учун Ўзбекистон Республикаси Туризм қўмитаси (бундан буён матнда ваколатли орган деб юритилади) ҳузуридаги бюджетдан ташқари Туризмни қўллаб-қувватлаш жамғармаси маблағлари ҳисобидан субсидиялар ажратишнинг вақтинчалик тартибини белгилайди.

1-боб. Умумий қоидалар

1. Мазкур Низомда қуйидаги тушунчалар қўлланилади:

«Умра плюс» зиёрат туризми дастури — Малайзия ва Индонезия давлатларининг умра фаолиятини ташкил этиш рухсатига эга туроператорлари томонидан умра зиёратига қўшимча равишда мазкур давлатларнинг сайёҳлари учун туроператорлар билан шакллантириладиган ва амалга ошириладиган комплекс саёҳат дастури;

субсидия — «Умра плюс» зиёрат туризми дастури асосида Ўзбекистон Республикасига Малайзия ва Индонезиядан олиб келинган ҳар бир сайёҳ учун туроператорларга 100 АҚШ доллари миқдорида ажратиладиган маблағлар;

талабгор — Ўзбекистон Республикаси ҳудудида белгиланган тартибда рўйхатдан ўтган ҳамда «Умра плюс» зиёрат туризми дастури асосида Ўзбекистон Республикасига Малайзия ва Индонезиядан олиб келинган ҳар бир сайёҳ учун субсидия олиш мақсадида мурожаат қилувчи туроператор.

2. Туроператорларга рағбатлантирувчи субсидиялар 2026 йил 31 декабрга қадар ажратилади.

3. Туроператорлар томонидан «Умра плюс» зиёрат туризми дастури асосида Малайзия ва Индонезиядан Ўзбекистон Республикасига олиб келинган ҳар бир сайёҳ учун уларга рағбатлантирувчи субсидиялар бериш мазкур Низомнинг 1-иловасида келтирилган схемага мувофиқ амалга оширилади.

2-боб. Субсидия ажратиш учун мурожаат қилиш

4. Талабгорнинг вакили субсидия олиш учун Давлат хизматлари марказига шахсан келиб мурожаат этади ёки давлат хизматларидан электрон шаклда фойдаланиш учун Ягона интерактив давлат хизматлари порталида (бундан буён матнда ЯИДХП деб юритилади) рўйхатдан ўтади .

Аризалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин .

Бунда аризалар иш вақтидан кейин ёки дам олиш ва байрам кунларида тушганда, календар бўйича навбатдаги иш куни аризалар ваколатли органга келиб тушган ва ваколатли орган томонидан қабул қилинган кун деб ҳисобланади .

Талабгорнинг вакили ўзи келиб мурожаат этган тақдирда, Давлат хизматлари маркази ходими талабгор номидан, ЯИДХП орқали мурожаат этган тақдирда эса, мазкур Низомга 2-иловага мувофиқ шаклдаги сўровномани электрон равишда мустақил тўлдиради .

5. Аризага қуйидаги ҳужжатлар илова қилинади:

«Умра плюс» зиёрат туризми дастури доирасида Ўзбекистон Республикасига олиб келинган сайёҳлар рўйхати (исм-фамилияси, шахсни тасдиқловчи ҳужжат маълумотлари ( ID -рақами), умра зиёратига бориш ёки қайтиш учун олинган чипта нусхалари, Ўзбекистон Республикасига келиш ва кетиш саналари кўрсатилган ҳолда);

ҳамкор тараф билан тузилган шартнома нусхаси ҳамда шартнома асосида тўлов амалга оширилганлигини тасдиқловчи ҳужжатлар;

ариза Давлат хизматлари марказига шахсан келиб тақдим этилганда, қонунчилик ҳужжатларида белгиланган тартибда расмийлаштирилган талабгор вакилининг ваколатларини тасдиқловчи ишончнома (талабгор номидан иш юритишни тасдиқловчи бошқа ҳужжатлар).

Илова қилинадиган ҳужжатлар PDF , PNG ёки JPEG форматда бўлиши керак.

Талабгордан ушбу бандда кўрсатилмаган маълумот ва ҳужжатларни талаб қилиш тақиқланади.

Талабгор тақдим этилган ҳужжатлар ва уларда кўрсатилган маълумотларнинг ишончлилиги ва ҳаққонийлиги учун шахсан жавобгар ҳисобланади.

6. Талабгор томонидан субсидия олиш учун давлат хизматидан фойдаланиш бепул асосда амалга оширилади.

7. Талабгорнинг вакили Давлат хизматлари марказига шахсан келиб мурожаат этганда, тегишли сўровнома Давлат хизматлари маркази ходими томонидан тўлдирилиб, талабгорнинг вакили томонидан тасдиқлангандан сўнг барча ҳужжатлар 10 дақиқа мобайнида ваколатли органга электрон шаклда юборилади. ЯИДХП орқали мурожаат қилинганда эса сўровнома автоматик тарзда ваколатли органга юборилади .

8. Субсидия олиш учун ариза юборган талабгор қуйидаги шартларга жавоб бериши лозим:

талабгор «Умра плюс» зиёрат туризми дастури доирасида хизмат кўрсатаётган сайёҳлар Малайзия ёки Индонезиядан Саудия Арабистони Подшоҳлигига умра зиёратини амалга ошириш мақсадида йўл олган ёки ушбу зиёратдан қайтаётган бўлиши;

талабгор «Умра плюс» зиёрат туризми дастури доирасида хизмат кўрсатаётган сайёҳлар Ўзбекистон Республикасида уч кеча яшаган бўлиши;

қайта ташкил этиш ёки тугатиш жараёнида бўлмаслиги;

қонунчилик ҳужжатларида белгиланган туристик фаолиятни амалга ошириш учун лицензияга эга бўлиши;

тўловга қобилиятсиз деб эълон қилинган бўлмаслиги.

9. Талабгор давлат хизматларидан фойдаланишдан хизмат кўрсатишнинг ҳар қандай босқичида бош тортиш ҳуқуқига эга. Талабгор давлат хизматларидан фойдаланишдан бош тортганда, унинг сўровномаси кўрмасдан қолдирилади .

3-боб. Субсидия олиш тўғрисидаги мурожаатларни кўриб чиқиш

10. Ваколатли орган томонидан ариза келиб тушган кундан бошлаб ўн иш куни мобайнида ариза ва унга илова қилинган ҳужжатлар ўрганиб чиқилади ҳамда мазкур Низомнинг 3-иловасига мувофиқ субсидия ажратиш тўғрисида ёки мазкур Низомнинг 4-иловасига мувофиқ субсидия ажратишни рад этиш тўғрисида қарор қабул қилинади.

11. Қабул қилинган қарор ваколатли орган томонидан қарор қабул қилинган куннинг ўзида Давлат хизматлари марказига (шахсан келиб мурожаат этган тақдирда) ёки талабгорга (электрон тарзда мурожаат этган тақдирда) ЯИДХП орқали электрон шаклда юборилади.

12. Субсидия ажратиш қуйидаги асосларга кўра рад этилади:

субсидия олиш учун мазкур Низомнинг 5-банди ва 2-иловасида кўрсатилган ҳужжатлар ва маълумотлар тўлиқ тақдим этилмаганда;

талабгор мазкур Низомнинг 8-бандида кўрсатилган шартларга жавоб бермаганда.

Субсидия ажратишни ушбу бандда кўрсатиб ўтилмаган асослар бўйича рад этишга йўл қўйилмайди.

13. Субсидия ажратиш тўғрисидаги қарорда субсидия миқдори, туристлар сони, субсидия олаётган туроператор — юридик шахснинг тўлиқ номи ва СТИР, жойлашган жойи (почта манзили, тижорат банкидаги ҳисобварағи) кўрсатилади.

14. Ваколатли орган субсидия ажратиш тўғрисида қарор қабул қилинганидан сўнг тегишли маблағларни беш иш кунида туроператорнинг тегишли тижорат банкидаги ҳисобварағига ўтказади.

Бунда, тегишли маблағлар туроператорнинг тижорат банкидаги ҳисобварағига субсидия маблағлари ўтказилаётган кундаги Ўзбекистон Республикаси Марказий банки томонидан белгиланган АҚШ долларининг Ўзбекистон Республикаси миллий валютасига нисбатан курси бўйича миллий валютада ўтказилади.

15. Талабгорга субсидия ажратиш рад этилган тақдирда, субсидия ажратишни рад этиш тўғрисидаги қарорда рад этиш учун асос бўлган сабаблар аниқ кўрсатилиши лозим.

4-боб. Ажратилган субсидияларнинг ҳисобини юритиш

16. Туроператорларга берилган субсидияларнинг ҳисоби ваколатли орган томонидан юритилади.

17. Субсидия ажратиш натижалари ҳақидаги маълумотлар ваколатли органнинг расмий веб-сайти, шунингдек, оммавий ахборот воситалари орқали эълон қилинади.

5-боб. Якуний қоидалар

18. Ваколатли орган мазкур Низом доирасида ўз фаолиятини амалга ошириш натижасида олинган маълумотларнинг махфийлигини таъминлайди.

19. Ваколатли орган субсидия ажратиш ишларини ташкил этиш, мувофиқлаштириш ва ажратилган маблағларнинг ўтказиб берилишини таъминлаш юзасидан масъул ҳисобланади.

20. Ваколатли органнинг қароридан норози бўлган талабгорлар қонунчиликда белгиланган тартибда юқори турувчи органга ёки судга шикоят қилиш ҳуқуқига эга.

21. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Туроператорлар томонидан «Умра плюс» зиёрат туризми дастури доирасида Малайзия ва Индонезиядан Ўзбекистон Республикасига олиб келинган ҳар бир сайёҳ учун рағбатлантирувчи субсидия ажратиш

Босқичлар Субъектлар Тадбирлар Бажариш муддатлари 1-босқич Талабгор Субсидияни олиш учун Давлат хизматлари марказига шахсан келиб ёки ЯИДХП орқали ариза тақдим этади. Ўз хоҳишига кўра 2-босқич 1. Давлат хизматлари маркази 1. Марказ ходими сўровномани тўлдириб, ваколатли органга юборади. 1. Сўровнома тўлдирилгандан кейин 10 дақиқада 2. ЯИДХП 2. Тўлдирилган сўровнома автоматик тарзда ваколатли органга юборилади. 2. Реал вақт режимида 3-босқич Ваколатли орган 1. Аризани ўрганиб чиқади ҳамда субсидия ажратиш ёки субсидия ажратишни рад этиш тўғрисида қарор қабул қилади. 1. 10 иш кунида 2. Қарор нусхасини Давлат хизматлари марказига ёки талабгорнинг ЯИДХПдаги шахсий кабинетига юборади. 2. Қарор қабул қилинган куни 4-босқич Давлат хизматлари маркази Қарор нусхасини талабгорга тақдим этади. 10 дақиқа ичида 5-босқич Ваколатли орган Субсидия ажратиш тўғрисида қарор қабул қилинганда талабгорнинг тегишли тижорат банкидаги ҳисобварағига маблағларни ўтказиб беради. 5 иш кунида

I . Талабгор тўғрисидаги маълумотлар 1. Юридик шахснинг рўйхатдан ўтказиш тўғрисидаги гувоҳномасига мувофиқ тўлиқ номи. 2. Солиқ тўловчининг идентификация рақами (СТИР), манзили, банк ҳисобварағи, банк реквизитлари. 3. Алоқа маълумотлари (телефон рақами, электрон почта манзили). II . Илова қилинадиган ҳужжатлар 1. «Умра плюс» зиёрат туризми дастури доирасида Ўзбекистон Республикасига олиб келинган сайёҳлар рўйхати (исм-фамилияси, шахсни тасдиқловчи ҳужжат маълумотлари ( ID рақами), умра зиёратига бориш ёки қайтиш учун олинган чипта нусхалари, Ўзбекистон Республикасига келиш ва кетиш саналари кўрсатилган ҳолда). 2. Ҳамкор тараф билан тузилган шартнома нусхаси ҳамда шартнома асосида тўлов амалга оширилганлигини тасдиқловчи ҳужжатлар. 3. Ариза давлат хизматлари марказига шахсан келиб тақдим этилганда, қонунчилик ҳужжатларида белгиланган тартибда расмийлаштирилган талабгор вакилининг ваколатларини тасдиқловчи ишончнома (талабгор номидан иш юритишни тасдиқловчи бошқа ҳужжатлар).

Ўзбекистон Республикаси Туризм қўмитаси № _________________________ Ҳужжат берилган: __________________ Ҳужжат яратилган сана: ___________ (ким учун берилгани) Ариза рақами: __________ СТИР: _________________ Туроператорлар томонидан «Умра плюс» зиёрат туризми дастури доирасида Малайзия ва Индонезиядан Ўзбекистон Республикасига олиб келинган ҳар бир сайёҳ учун рағбатлантирувчи субсидия ажратиш тўғрисида Ўзбекистон Республикаси Вазирлар Маҳкамасининг 2026 йил 9 январдаги 6-сон «Умра плюс» зиёрат туризми дастурини амалга оширишга қаратилган қўшимча чора-тадбирлар тўғрисида»ги қарорининг 2-бандига мувофиқ, туроператорлар томонидан «Умра плюс» зиёрат туризми дастури доирасида Малайзия ва Индонезиядан Ўзбекистон Республикасига олиб келинган ҳар бир сайёҳ учун рағбатлантирувчи субсидия ажратиш мақсадида бюджетдан ташқари Туризмни қўллаб-қувватлаш жамғармаси маблағлари ҳисобидан субсидия олиш тўғрисидаги аризаларни кўриб чиқиш бўйича Ўзбекистон Республикаси Туризм қўмитасининг ___________-сон буруғига кўра, Ўзбекистон Республикаси Туризм қўмитаси қарор қилади: 1. ____________________________________________________________________ . (субсидия олиш учун берилган аризанинг қаноатлантирилганлиги) 2. ____________________________________________________________________. (ажратиладиган субсидия миқдори) Мазкур ҳужжат Вазирлар Маҳкамасининг 2017 йил 15 сентябрдаги 728-сон қарорига мувофиқ Ягона интерактив давлат хизматлари порталида шакллантирилган электрон ҳужжатнинг нусхаси бўлиб, давлат органлари томонидан ушбу ҳужжатни қабул қилишни рад этишлари қатъиян тақиқланади. Ҳужжат ҳақиқийлигини репо.гов.уз веб-сайтида ҳужжатнинг ноёб рақамини киритиб ёки мобил телефон ёрдамида ҚР-кодни сканер қилиш орқали текшириш мумкин. ҚР код

Ўзбекистон Республикаси Туризм қўмитаси № ___________________________ Ҳужжат берилган:__________________ Ҳужжат яратилган сана: ___________ (ким учун берилгани) Ариза рақами: __________ СТИР: _________________ Туроператорлар томонидан «Умра плюс» зиёрат туризми дастури доирасида Малайзия ва Индонезиядан Ўзбекистон Республикасига олиб келинган ҳар бир сайёҳ учун рағбатлантирувчи субсидия ажратишни рад этиш тўғрисида Ўзбекистон Республикаси Вазирлар Маҳкамасининг 2026 йил 9 январдаги 6-сон «Умра плюс» зиёрат т уризми дастурини амалга оширишга қаратилган қўшимча чора-тадбирлар тўғрисида»ги қарорининг 2-бандига мувофиқ, туроператорлар томонидан «Умра плюс» зиёрат туризми дастури доирасида Малай зия ва Индонезиядан Ўзбекистон Республикасига олиб келинган ҳар бир сайёҳ учун рағбатлантирувчи субсидия олиш тўғрисидаги аризаларни кўриб чиқиш бўйича Ўзбекистон Республикаси Туризм қўмитасининг ___________-сон буруғига кўра, Ўзбекистон Республикаси Туризм қўмитаси қарор қилади: 1. ____________________________________________________________________. (субсидия ажратишни рад этиш сабаблари) 2. Мазкур қарор нусхасини олган кунингиздан бошлаб, бир ой ичида қарорда кўрсатилган камчиликларни бартараф этган ҳолда Қўмитага белгиланган тартибда қайта ариза топшириш орқали мурожаат қилишингиз мумкин. Мазкур ҳужжат Вазирлар Маҳкамасининг 2017 йил 15 сентябрдаги 728-сон қарорига мувофиқ Ягона интерактив давлат хизматлари порталида шакллантирилган электрон ҳужжатнинг нусхаси бўлиб, давлат органлари томонидан ушбу ҳ ужжатни қабул қилишни рад этишлари қатъиян тақиқланади. Ҳужжат ҳақиқийлигини репо.гов.уз веб-сайтида ҳужжатнинг ноёб рақамини киритиб ёки мобил телефон ёрдамида ҚР-кодни сканер қилиш орқали текшириш мумкин. ҚР код

Раис А. АҚҚУЛОВ

Рақамли технологиялар вазири Ш. ШЕРМАТОВ

Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил А. БУРИЕВ

Рақобатни ривожлантириш ва истеъмолчилар ҳуқуқларини ҳимоя қилиш қўмитаси р аиси Ҳ. ТУРАХУЖАЕВ

Савдо-саноат палатаси р аиси Д. ВАХАБОВ

Дин ишлари бўйича қўмита р аиси С. ТОШБОЕВ

Тошкент ш.,

2026 йил 1 март,

2026 йил 28 февраль

2026 йил 13 февраль

2026 йил 12 февраль

7/1-МҲ-сон

(Қонунчилик маълумотлари миллий базаси, 05.03.2026 й., 10/26/3784/0198-сон)

lex.uz

OʻZBEKISTON RESPUBLIKASI TURIZM QOʻMITASINING

QARORI

VAQTINCHALIK NIZOM

SXEMASI

SOʻROVNOMA SHAKLI

“Umra plyus” ziyorat turizmi dasturi asosida Malayziya va Indoneziyadan sayyohlarni jalb qilayotgan turoperatorlarga har bir sayyoh uchun subsidiya ajratish tartibi toʻgʻrisidagi vaqtinchalik nizomni tasdiqlash haqida

Oʻzbekiston Respublikasi Vazirlar Mahkamasining 2026-yil 9-yanvardagi 6-son “Umra plyus” ziyorat turizmi dasturini amalga oshirishga qaratilgan qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Turizm qoʻmitasi qaror qiladi:

1. “Umra plyus” ziyorat turizmi dasturi asosida Malayziya va Indoneziyadan sayyohlarni jalb qilayotgan turoperatorlarga har bir sayyoh uchun subsidiya ajratish tartibi toʻgʻrisidagi vaqtinchalik nizom ilovaga muvofiq tasdiqlansin.

2. Mazkur qaror Oʻzbekiston Respublikasi Raqamli texnologiyalar vazirligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Raqobatni rivojlantirish va isteʼmolchilar huquqlarini himoya qilish qoʻmitasi, Din ishlari boʻyicha qoʻmita hamda Savdo-sanoat palatasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Kelishilgan:

Oʻzbekiston Respublikasi Turizm qoʻmitasining 2026-yil 1-martdagi 7/1-MH-son buyrugʻiga ILOVA

“Umra plyus” ziyorat turizmi dasturi asosida Malayziya va Indoneziyadan sayyohlarni jalb qilayotgan turoperatorlarga har bir sayyoh uchun subsidiya ajratish tartibi toʻgʻrisidagi

Mazkur Nizom Oʻzbekiston Respublikasining mahalliy turoperatorlari (bundan buyon matnda turoperatorlar deb yuritiladi) tomonidan “Umra plyus” ziyorat turizmi dasturi asosida Malayziya va Indoneziyadan Oʻzbekiston Respublikasiga olib kelingan har bir sayyoh uchun Oʻzbekiston Respublikasi Turizm qoʻmitasi (bundan buyon matnda vakolatli organ deb yuritiladi) huzuridagi budjetdan tashqari Turizmni qoʻllab-quvvatlash jamgʻarmasi mablagʻlari hisobidan subsidiyalar ajratishning vaqtinchalik tartibini belgilaydi.

1-bob. Umumiy qoidalar

1. Mazkur Nizomda quyidagi tushunchalar qoʻllaniladi:

“Umra plyus” ziyorat turizmi dasturi — Malayziya va Indoneziya davlatlarining umra faoliyatini tashkil etish ruxsatiga ega turoperatorlari tomonidan umra ziyoratiga qoʻshimcha ravishda mazkur davlatlarning sayyohlari uchun turoperatorlar bilan shakllantiriladigan va amalga oshiriladigan kompleks sayohat dasturi;

subsidiya — “Umra plyus” ziyorat turizmi dasturi asosida Oʻzbekiston Respublikasiga Malayziya va Indoneziyadan olib kelingan har bir sayyoh uchun turoperatorlarga 100 AQSh dollari miqdorida ajratiladigan mablagʻlar;

talabgor — Oʻzbekiston Respublikasi hududida belgilangan tartibda roʻyxatdan oʻtgan hamda “Umra plyus” ziyorat turizmi dasturi asosida Oʻzbekiston Respublikasiga Malayziya va Indoneziyadan olib kelingan har bir sayyoh uchun subsidiya olish maqsadida murojaat qiluvchi turoperator.

2. Turoperatorlarga ragʻbatlantiruvchi subsidiyalar 2026-yil 31-dekabrga qadar ajratiladi.

3. Turoperatorlar tomonidan “Umra plyus” ziyorat turizmi dasturi asosida Malayziya va Indoneziyadan Oʻzbekiston Respublikasiga olib kelingan har bir sayyoh uchun ularga ragʻbatlantiruvchi subsidiyalar berish mazkur Nizomning 1-ilovasida keltirilgan sxemaga muvofiq amalga oshiriladi.

2-bob. Subsidiya ajratish uchun murojaat qilish

4. Talabgorning vakili subsidiya olish uchun Davlat xizmatlari markaziga shaxsan kelib murojaat etadi yoki davlat xizmatlaridan elektron shaklda foydalanish uchun Yagona interaktiv davlat xizmatlari portalida (bundan buyon matnda YIDXP deb yuritiladi) roʻyxatdan oʻtadi .

Arizalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin .

Bunda arizalar ish vaqtidan keyin yoki dam olish va bayram kunlarida tushganda, kalendar boʻyicha navbatdagi ish kuni arizalar vakolatli organga kelib tushgan va vakolatli organ tomonidan qabul qilingan kun deb hisoblanadi .

Talabgorning vakili oʻzi kelib murojaat etgan taqdirda, Davlat xizmatlari markazi xodimi talabgor nomidan, YIDXP orqali murojaat etgan taqdirda esa, mazkur Nizomga 2-ilovaga muvofiq shakldagi soʻrovnomani elektron ravishda mustaqil toʻldiradi .

5. Arizaga quyidagi hujjatlar ilova qilinadi:

“Umra plyus” ziyorat turizmi dasturi doirasida Oʻzbekiston Respublikasiga olib kelingan sayyohlar roʻyxati (ism-familiyasi, shaxsni tasdiqlovchi hujjat maʼlumotlari ( ID -raqami), umra ziyoratiga borish yoki qaytish uchun olingan chipta nusxalari, Oʻzbekiston Respublikasiga kelish va ketish sanalari koʻrsatilgan holda);

hamkor taraf bilan tuzilgan shartnoma nusxasi hamda shartnoma asosida toʻlov amalga oshirilganligini tasdiqlovchi hujjatlar;

ariza Davlat xizmatlari markaziga shaxsan kelib taqdim etilganda, qonunchilik hujjatlarida belgilangan tartibda rasmiylashtirilgan talabgor vakilining vakolatlarini tasdiqlovchi ishonchnoma (talabgor nomidan ish yuritishni tasdiqlovchi boshqa hujjatlar).

Ilova qilinadigan hujjatlar PDF , PNG yoki JPEG formatda boʻlishi kerak.

Talabgordan ushbu bandda koʻrsatilmagan maʼlumot va hujjatlarni talab qilish taqiqlanadi.

Talabgor taqdim etilgan hujjatlar va ularda koʻrsatilgan maʼlumotlarning ishonchliligi va haqqoniyligi uchun shaxsan javobgar hisoblanadi.

6. Talabgor tomonidan subsidiya olish uchun davlat xizmatidan foydalanish bepul asosda amalga oshiriladi.

7. Talabgorning vakili Davlat xizmatlari markaziga shaxsan kelib murojaat etganda, tegishli soʻrovnoma Davlat xizmatlari markazi xodimi tomonidan toʻldirilib, talabgorning vakili tomonidan tasdiqlangandan soʻng barcha hujjatlar 10 daqiqa mobaynida vakolatli organga elektron shaklda yuboriladi. YIDXP orqali murojaat qilinganda esa soʻrovnoma avtomatik tarzda vakolatli organga yuboriladi .

8. Subsidiya olish uchun ariza yuborgan talabgor quyidagi shartlarga javob berishi lozim:

talabgor “Umra plyus” ziyorat turizmi dasturi doirasida xizmat koʻrsatayotgan sayyohlar Malayziya yoki Indoneziyadan Saudiya Arabistoni Podshohligiga umra ziyoratini amalga oshirish maqsadida yoʻl olgan yoki ushbu ziyoratdan qaytayotgan boʻlishi;

talabgor “Umra plyus” ziyorat turizmi dasturi doirasida xizmat koʻrsatayotgan sayyohlar Oʻzbekiston Respublikasida uch kecha yashagan boʻlishi;

qayta tashkil etish yoki tugatish jarayonida boʻlmasligi;

qonunchilik hujjatlarida belgilangan turistik faoliyatni amalga oshirish uchun litsenziyaga ega boʻlishi;

toʻlovga qobiliyatsiz deb eʼlon qilingan boʻlmasligi.

9. Talabgor davlat xizmatlaridan foydalanishdan xizmat koʻrsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning soʻrovnomasi koʻrmasdan qoldiriladi .

3-bob. Subsidiya olish toʻgʻrisidagi murojaatlarni koʻrib chiqish

10. Vakolatli organ tomonidan ariza kelib tushgan kundan boshlab oʻn ish kuni mobaynida ariza va unga ilova qilingan hujjatlar oʻrganib chiqiladi hamda mazkur Nizomning 3-ilovasiga muvofiq subsidiya ajratish toʻgʻrisida yoki mazkur Nizomning 4-ilovasiga muvofiq subsidiya ajratishni rad etish toʻgʻrisida qaror qabul qilinadi.

11. Qabul qilingan qaror vakolatli organ tomonidan qaror qabul qilingan kunning oʻzida Davlat xizmatlari markaziga (shaxsan kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali elektron shaklda yuboriladi.

12. Subsidiya ajratish quyidagi asoslarga koʻra rad etiladi:

subsidiya olish uchun mazkur Nizomning 5-bandi va 2-ilovasida koʻrsatilgan hujjatlar va maʼlumotlar toʻliq taqdim etilmaganda;

talabgor mazkur Nizomning 8-bandida koʻrsatilgan shartlarga javob bermaganda.

Subsidiya ajratishni ushbu bandda koʻrsatib oʻtilmagan asoslar boʻyicha rad etishga yoʻl qoʻyilmaydi.

13. Subsidiya ajratish toʻgʻrisidagi qarorda subsidiya miqdori, turistlar soni, subsidiya olayotgan turoperator — yuridik shaxsning toʻliq nomi va STIR, joylashgan joyi (pochta manzili, tijorat bankidagi hisobvaragʻi) koʻrsatiladi.

14. Vakolatli organ subsidiya ajratish toʻgʻrisida qaror qabul qilinganidan soʻng tegishli mablagʻlarni besh ish kunida turoperatorning tegishli tijorat bankidagi hisobvaragʻiga oʻtkazadi.

Bunda, tegishli mablagʻlar turoperatorning tijorat bankidagi hisobvaragʻiga subsidiya mablagʻlari oʻtkazilayotgan kundagi Oʻzbekiston Respublikasi Markaziy banki tomonidan belgilangan AQSH dollarining Oʻzbekiston Respublikasi milliy valyutasiga nisbatan kursi boʻyicha milliy valyutada oʻtkaziladi.

15. Talabgorga subsidiya ajratish rad etilgan taqdirda, subsidiya ajratishni rad etish toʻgʻrisidagi qarorda rad etish uchun asos boʻlgan sabablar aniq koʻrsatilishi lozim.

4-bob. Ajratilgan subsidiyalarning hisobini yuritish

16. Turoperatorlarga berilgan subsidiyalarning hisobi vakolatli organ tomonidan yuritiladi.

17. Subsidiya ajratish natijalari haqidagi maʼlumotlar vakolatli organning rasmiy veb-sayti, shuningdek, ommaviy axborot vositalari orqali eʼlon qilinadi.

5-bob. Yakuniy qoidalar

18. Vakolatli organ mazkur Nizom doirasida oʻz faoliyatini amalga oshirish natijasida olingan maʼlumotlarning maxfiyligini taʼminlaydi.

19. Vakolatli organ subsidiya ajratish ishlarini tashkil etish, muvofiqlashtirish va ajratilgan mablagʻlarning oʻtkazib berilishini taʼminlash yuzasidan masʼul hisoblanadi.

20. Vakolatli organning qaroridan norozi boʻlgan talabgorlar qonunchilikda belgilangan tartibda yuqori turuvchi organga yoki sudga shikoyat qilish huquqiga ega.

21. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Turoperatorlar tomonidan “Umra plyus” ziyorat turizmi dasturi doirasida Malayziya va Indoneziyadan Oʻzbekiston Respublikasiga olib kelingan har bir sayyoh uchun ragʻbatlantiruvchi subsidiya ajratish

Bosqichlar Subyektlar Tadbirlar Bajarish muddatlari 1-bosqich Talabgor Subsidiyani olish uchun Davlat xizmatlari markaziga shaxsan kelib yoki YIDXP orqali ariza taqdim etadi. Oʻz xohishiga koʻra 2-bosqich 1. Davlat xizmatlari markazi 1. Markaz xodimi soʻrovnomani toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboriladi. 2. Real vaqt rejimida 3-bosqich Vakolatli organ 1. Arizani oʻrganib chiqadi hamda subsidiya ajratish yoki subsidiya ajratishni rad etish toʻgʻrisida qaror qabul qiladi. 1. 10 ish kunida 2. Qaror nusxasini Davlat xizmatlari markaziga yoki talabgorning YIDXPdagi shaxsiy kabinetiga yuboradi. 2. Qaror qabul qilingan kuni 4-bosqich Davlat xizmatlari markazi Qaror nusxasini talabgorga taqdim etadi. 10 daqiqa ichida 5-bosqich Vakolatli organ Subsidiya ajratish toʻgʻrisida qaror qabul qilinganda talabgorning tegishli tijorat bankidagi hisobvaragʻiga mablagʻlarni oʻtkazib beradi. 5 ish kunida

I . Talabgor toʻgʻrisidagi maʼlumotlar 1. Yuridik shaxsning roʻyxatdan oʻtkazish toʻgʻrisidagi guvohnomasiga muvofiq toʻliq nomi. 2. Soliq toʻlovchining identifikatsiya raqami (STIR), manzili, bank hisobvaragʻi, bank rekvizitlari. 3. Aloqa maʼlumotlari (telefon raqami, elektron pochta manzili). II . Ilova qilinadigan hujjatlar 1. “Umra plyus” ziyorat turizmi dasturi doirasida Oʻzbekiston Respublikasiga olib kelingan sayyohlar roʻyxati (ism-familiyasi, shaxsni tasdiqlovchi hujjat maʼlumotlari ( ID raqami), umra ziyoratiga borish yoki qaytish uchun olingan chipta nusxalari, Oʻzbekiston Respublikasiga kelish va ketish sanalari koʻrsatilgan holda). 2. Hamkor taraf bilan tuzilgan shartnoma nusxasi hamda shartnoma asosida toʻlov amalga oshirilganligini tasdiqlovchi hujjatlar. 3. Ariza davlat xizmatlari markaziga shaxsan kelib taqdim etilganda, qonunchilik hujjatlarida belgilangan tartibda rasmiylashtirilgan talabgor vakilining vakolatlarini tasdiqlovchi ishonchnoma (talabgor nomidan ish yuritishni tasdiqlovchi boshqa hujjatlar).

Oʻzbekiston Respublikasi Turizm qoʻmitasi № _________________________ Hujjat berilgan: __________________ Hujjat yaratilgan sana: ___________ (kim uchun berilgani) Ariza raqami: __________ STIR: _________________ Turoperatorlar tomonidan “Umra plyus” ziyorat turizmi dasturi doirasida Malayziya va Indoneziyadan Oʻzbekiston Respublikasiga olib kelingan har bir sayyoh uchun ragʻbatlantiruvchi subsidiya ajratish toʻgʻrisida Oʻzbekiston Respublikasi Vazirlar Mahkamasining 2026-yil 9-yanvardagi 6-son “Umra plyus” ziyorat turizmi dasturini amalga oshirishga qaratilgan qoʻshimcha chora-tadbirlar toʻgʻrisida”gi qarorining 2-bandiga muvofiq, turoperatorlar tomonidan “Umra plyus” ziyorat turizmi dasturi doirasida Malayziya va Indoneziyadan Oʻzbekiston Respublikasiga olib kelingan har bir sayyoh uchun ragʻbatlantiruvchi subsidiya ajratish maqsadida budjetdan tashqari Turizmni qoʻllab-quvvatlash jamgʻarmasi mablagʻlari hisobidan subsidiya olish toʻgʻrisidagi arizalarni koʻrib chiqish boʻyicha Oʻzbekiston Respublikasi Turizm qoʻmitasining ___________-son burugʻiga koʻra, Oʻzbekiston Respublikasi Turizm qoʻmitasi qaror qiladi: 1. ____________________________________________________________________ . (subsidiya olish uchun berilgan arizaning qanoatlantirilganligi) 2. ____________________________________________________________________. (ajratiladigan subsidiya miqdori) Mazkur hujjat Vazirlar Mahkamasining 2017-yil 15-sentabrdagi 728-son qaroriga muvofiq Yagona interaktiv davlat xizmatlari portalida shakllantirilgan elektron hujjatning nusxasi boʻlib, davlat organlari tomonidan ushbu hujjatni qabul qilishni rad etishlari qatʼiyan taqiqlanadi. Hujjat haqiqiyligini repo.gov.uz veb-saytida hujjatning noyob raqamini kiritib yoki mobil telefon yordamida QR-kodni skaner qilish orqali tekshirish mumkin. QR kod

Oʻzbekiston Respublikasi Turizm qoʻmitasi № ___________________________ Hujjat berilgan:__________________ Hujjat yaratilgan sana: ___________ (kim uchun berilgani) Ariza raqami: __________ STIR: _________________ Turoperatorlar tomonidan “Umra plyus” ziyorat turizmi dasturi doirasida Malayziya va Indoneziyadan Oʻzbekiston Respublikasiga olib kelingan har bir sayyoh uchun ragʻbatlantiruvchi subsidiya ajratishni rad etish toʻgʻrisida Oʻzbekiston Respublikasi Vazirlar Mahkamasining 2026-yil 9-yanvardagi 6-son “Umra plyus” ziyorat t urizmi dasturini amalga oshirishga qaratilgan qoʻshimcha chora-tadbirlar toʻgʻrisida”gi qarorining 2-bandiga muvofiq, turoperatorlar tomonidan “Umra plyus” ziyorat turizmi dasturi doirasida Malay ziya va Indoneziyadan Oʻzbekiston Respublikasiga olib kelingan har bir sayyoh uchun ragʻbatlantiruvchi subsidiya olish toʻgʻrisidagi arizalarni koʻrib chiqish boʻyicha Oʻzbekiston Respublikasi Turizm qoʻmitasining ___________-son burugʻiga koʻra, Oʻzbekiston Respublikasi Turizm qoʻmitasi qaror qiladi: 1. ____________________________________________________________________. (subsidiya ajratishni rad etish sabablari) 2. Mazkur qaror nusxasini olgan kuningizdan boshlab, bir oy ichida qarorda koʻrsatilgan kamchiliklarni bartaraf etgan holda Qoʻmitaga belgilangan tartibda qayta ariza topshirish orqali murojaat qilishingiz mumkin. Mazkur hujjat Vazirlar Mahkamasining 2017-yil 15-sentabrdagi 728-son qaroriga muvofiq Yagona interaktiv davlat xizmatlari portalida shakllantirilgan elektron hujjatning nusxasi boʻlib, davlat organlari tomonidan ushbu h ujjatni qabul qilishni rad etishlari qatʼiyan taqiqlanadi. Hujjat haqiqiyligini repo.gov.uz veb-saytida hujjatning noyob raqamini kiritib yoki mobil telefon yordamida QR-kodni skaner qilish orqali tekshirish mumkin. QR kod

Rais A. AQQULOV

Raqamli texnologiyalar vaziri SH. SHERMATOV

Tadbirkorlik subyektlarining huquqlari va qonuniy manfaatlarini himoya qilish boʻyicha vakil A. BURIYEV

Raqobatni rivojlantirish va isteʼmolchilar huquqlarini himoya qilish qoʻmitasi r aisi H. TURAXUJAYEV

Savdo-sanoat palatasi r aisi D. VAXABOV

Din ishlari boʻyicha qoʻmita r aisi S. TOSHBOYEV

Toshkent sh.,

2026-yil 1-mart,

2026-yil 28-fevral

2026-yil 13-fevral

2026-yil 12-fevral

7/1-MH-son

(Qonunchilik maʼlumotlari milliy bazasi, 05.03.2026 y., 10/26/3784/0198-son)

lex.uz