📅 2026-yil 5-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 5 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 марта 2026 г. · Постановления Президента
Официальный текст. Официальный документ. Редакционные примечания не включены.
📅 5 March 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Суғоришда сув йўқотишларини камайтириш ва сув танқислигининг олдини олиш бўйича қўшимча чора-тадбирлар тўғрисида
Республикада мавжуд сув ресурсларидан оқилона ва самарали фойдаланишни таъминлаш, сув йўқотишларининг олдини олиш, шунингдек, сув танқислигининг салбий оқибатларини юмшатиш мақсадида қарор қиламан:
I. Мақсадлар
1. Қуйидагилар мазкур қарорни қабул қилишдан кўзланган асосий мақсадли кўрсаткичлар этиб белгилансин:
(а) Сув хўжалиги вазирлиги тизимидаги сув йўқотилиши юқори бўлган 389 км каналларни реконструкция қилиш ва бетонлаштириш. Бунда:
(i) йилига ўртача 206 млн метр куб сув ресурсларини ҳамда 26 млн киловатт соат электр энергиясини иқтисод қилиш;
(ii) суғориладиган 158,4 минг гектар ерларнинг сув таъминотини яхшилаш;
(б) сув танқислиги шароитида сув ресурсларидан оқилона фойдаланиш чораларини кўриш.
II. Молиявий ресурслар
2. Иқтисодиёт ва молия вазирлиги, Сув хўжалиги вазирлигининг сув ресурсларидан оқилона фойдаланиш ва жорий йилда кутилаётган сув танқислигининг олдини олиш бўйича қўшимча чора-тадбирлар учун республика бюджетининг 2026 йил 1 чорак якуни бўйича даромадлар прогнозининг ошириб бажарилган қисми ҳисобидан 600 млрд сўм маблағ ажратиш тўғрисидаги таклифи маъқуллансин.
3. Белгилансинки, жорий йилда ушбу қарорнинг 2-бандида назарда тутилган маблағлар ҳисобидан:
(а) каналлар ва суғориш тармоқларини бетонлаштириш ишлари учун 480 млрд сўм;
(б) сув танқислигининг олдини олиш билан боғлиқ чора-тадбирлар учун 120 млрд сўм йўналтирилади.
III. Қарор ижросини ташкил этиш, таъминлаш ва назорат
4. Сув хўжалиги вазирлиги Қорақалпоғистон Республикаси Вазирлар Кенгаши ва вилоятлар ҳокимликлари, Иқтисодиёт ва молия вазирлиги билан биргаликда бир ҳафта муддатда қуйидагиларни тасдиқлаш учун Ҳукумат қарори лойиҳасини Вазирлар Маҳкамасига киритсин:
(а) каналлар ва суғориш тармоқларини бетонлаштириш бўйича амалга ошириладиган устувор лойиҳаларнинг манзилли рўйхати;
(б) жорий йилда кутилаётган сув танқислиги шароитида сув ресурсларидан оқилона фойдаланиш бўйича чора-тадбирлар дастури.
5. Сув хўжалиги вазирлиги суғориш тармоқларини таъмирлаш (бетонлаштириш) ишлари биринчи навбатда, «бир канал — бир тизим» тамойили асосида аввал бетонлаштирилган ёки бетонлаштириш бошланган каналлардан сув олувчи тармоқларда амалга оширилишини таъминласин.
6. Сув хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари маҳаллий ва хорижий тажрибалардан келиб чиқиб, бир ой муддатда куз-қиш мавсумида фойдаланилмайдиган ҳамда ёғингарчилик сувларидан унумли фойдаланишни ташкил этиш ҳамда ушбу тизимни рағбатлантириш бўйича Вазирлар Маҳкамасига таклиф киритсин.
7. Мазкур қарор ижросини самарали ташкил қилишга масъул ва шахсан жавобгар этиб қуйидагилар белгилансин:
(а) иқтисодиёт ва молия вазири ўринбосари С. Садуллаев — зарур маблағларни белгиланган муддатларда ажратиш ҳамда «2026 йил учун Ўзбекистон Республикасининг Давлат бюджети тўғрисида»ги Қонунга тегишли ўзгартиришлар киритишга;
(б) сув хўжалиги вазири Ш. Хамраев, Қорақалпоғистон Республикаси Вазирлар Кенгаши Раиси ва вилоятлар ҳокимлари — долзарб ва самарадор лойиҳалар танланишига, уларнинг ўз вақтида сифатли амалга оширилишига ҳамда натижадорлигига;
(в) Давлат дастурлари ижро этилишини назорат қилиш ва мувофиқлаштириш бўйича республика штаби раҳбари С. Самадов — маблағларнинг мақсадли сарфланиши ҳамда қурилиш-монтаж ишларининг сифатли бажарилиши устидан доимий назорат ўрнатишга.
8. Мазкур қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси раҳбари ўринбосари Т.Н. Бутунбаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 5 март,
ПҚ- 79 -сон
Oʻzbekiston Respublikasi Prezidentining
qarori
Sugʻorishda suv yoʻqotishlarini kamaytirish va suv tanqisligining oldini olish boʻyicha qoʻshimcha chora-tadbirlar toʻgʻrisida
Respublikada mavjud suv resurslaridan oqilona va samarali foydalanishni taʼminlash, suv yoʻqotishlarining oldini olish, shuningdek, suv tanqisligining salbiy oqibatlarini yumshatish maqsadida qaror qilaman:
I. Maqsadlar
1. Quyidagilar mazkur qarorni qabul qilishdan koʻzlangan asosiy maqsadli koʻrsatkichlar etib belgilansin:
(a) Suv xoʻjaligi vazirligi tizimidagi suv yoʻqotilishi yuqori boʻlgan 389 km kanallarni rekonstruksiya qilish va betonlashtirish. Bunda:
(i) yiliga oʻrtacha 206 mln metr kub suv resurslarini hamda 26 mln kilovatt soat elektr energiyasini iqtisod qilish;
(ii) sugʻoriladigan 158,4 ming gektar yerlarning suv taʼminotini yaxshilash;
(b) suv tanqisligi sharoitida suv resurslaridan oqilona foydalanish choralarini koʻrish.
II. Moliyaviy resurslar
2. Iqtisodiyot va moliya vazirligi, Suv xoʻjaligi vazirligining suv resurslaridan oqilona foydalanish va joriy yilda kutilayotgan suv tanqisligining oldini olish boʻyicha qoʻshimcha chora-tadbirlar uchun respublika budjetining 2026-yil 1 chorak yakuni boʻyicha daromadlar prognozining oshirib bajarilgan qismi hisobidan 600 mlrd soʻm mablagʻ ajratish toʻgʻrisidagi taklifi maʼqullansin.
3. Belgilansinki, joriy yilda ushbu qarorning 2-bandida nazarda tutilgan mablagʻlar hisobidan:
(a) kanallar va sugʻorish tarmoqlarini betonlashtirish ishlari uchun 480 mlrd soʻm;
(b) suv tanqisligining oldini olish bilan bogʻliq chora-tadbirlar uchun 120 mlrd soʻm yoʻnaltiriladi.
III. Qaror ijrosini tashkil etish, taʼminlash va nazorat
4. Suv xoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklari, Iqtisodiyot va moliya vazirligi bilan birgalikda bir hafta muddatda quyidagilarni tasdiqlash uchun Hukumat qarori loyihasini Vazirlar Mahkamasiga kiritsin:
(a) kanallar va sugʻorish tarmoqlarini betonlashtirish boʻyicha amalga oshiriladigan ustuvor loyihalarning manzilli roʻyxati;
(b) joriy yilda kutilayotgan suv tanqisligi sharoitida suv resurslaridan oqilona foydalanish boʻyicha chora-tadbirlar dasturi.
5. Suv xoʻjaligi vazirligi sugʻorish tarmoqlarini taʼmirlash (betonlashtirish) ishlari birinchi navbatda, “bir kanal — bir tizim” tamoyili asosida avval betonlashtirilgan yoki betonlashtirish boshlangan kanallardan suv oluvchi tarmoqlarda amalga oshirilishini taʼminlasin.
6. Suv xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari mahalliy va xorijiy tajribalardan kelib chiqib, bir oy muddatda kuz-qish mavsumida foydalanilmaydigan hamda yogʻingarchilik suvlaridan unumli foydalanishni tashkil etish hamda ushbu tizimni ragʻbatlantirish boʻyicha Vazirlar Mahkamasiga taklif kiritsin.
7. Mazkur qaror ijrosini samarali tashkil qilishga masʼul va shaxsan javobgar etib quyidagilar belgilansin:
(a) iqtisodiyot va moliya vaziri oʻrinbosari S. Sadullayev — zarur mablagʻlarni belgilangan muddatlarda ajratish hamda “2026-yil uchun Oʻzbekiston Respublikasining Davlat budjeti toʻgʻrisida”gi Qonunga tegishli oʻzgartirishlar kiritishga;
(b) suv xoʻjaligi vaziri Sh. Xamrayev, Qoraqalpogʻiston Respublikasi Vazirlar Kengashi Raisi va viloyatlar hokimlari — dolzarb va samarador loyihalar tanlanishiga, ularning oʻz vaqtida sifatli amalga oshirilishiga hamda natijadorligiga;
(v) Davlat dasturlari ijro etilishini nazorat qilish va muvofiqlashtirish boʻyicha respublika shtabi rahbari S. Samadov — mablagʻlarning maqsadli sarflanishi hamda qurilish-montaj ishlarining sifatli bajarilishi ustidan doimiy nazorat oʻrnatishga.
8. Mazkur qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbari oʻrinbosari T.N. Butunbayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 5-mart,
PQ- 79 -son
Президента Республики Узбекистан
Постановление
О дополнительных мерах по сокращению потери воды при орошении и предупреждению маловодья
В целях обеспечения в республике рационального и эффективного использования имеющихся водных ресурсов, предупреждения потери воды, а также смягчения негативных последствий маловодья постановляю:
I. Цели
1. Определить основными целевыми показателями принятия настоящего постановления:
(а) реконструкцию и бетонирование каналов в системе Министерства водного хозяйства протяженностью 389 км с высоким уровнем потери воды. При этом:
(i) экономию в среднем 206 млн кубометров водных ресурсов и 26 млн киловатт-часов электроэнергии в год;
(ii) улучшению водоснабжения на 158,4 тыс. гектаров орошаемых земель;
(б) принятие мер по рациональному использованию водных ресурсов в условиях маловодья.
II. Финансовые ресурсы
2. Одобрить предложение Министерства экономики и финансов, Министерства водного хозяйства о выделении средств в размере 600 млрд сумов за счет перевыполненной части прогноза доходов республиканского бюджета по итогам 1 квартала 2026 года на дополнительные меры по рациональному использованию водных ресурсов и предупреждению ожидаемого в текущем году маловодья.
3. Установить, что в текущем году за счет средств, предусмотренных пунктом 2 настоящего постановления:
(а) 480 млрд сумов направляется на работы по бетонированию каналов и оросительных сетей;
(б) 120 млрд сумов направляется на меры, связанные с предупреждением маловодья.
III. Организация, обеспечение и контроль исполнения постановления
4. Министерству водного хозяйства совместно с Советом Министров Республики Каракалпакстан и хокимиятами областей, Министерством экономики и финансов в недельный срок внести в Кабинет Министров проект постановления Правительства по утверждению:
(а) Адресного перечня подлежащих реализации приоритетных проектов по бетонированию каналов и оросительных сетей;
(б) Программы мер по рациональному использованию водных ресурсов в условиях ожидаемого в текущем году маловодья.
5. Министерству водного хозяйства обеспечить проведение работ по ремонту (бетонированию) в первую очередь оросительных сетей, снабжаемых водой из каналов, забетонированных ранее либо бетонирование которых начато, на основе принципа «один канал — одна система».
6. Министерству водного хозяйства, Совету Министров Республики Каракалпакстан и хокимиятам областей исходя из отечественного и зарубежного опыта в месячный срок внести в Кабинет Министров предложение по организации рационального использования дождевой воды и воды, не задействованной в осенне-зимний период, а также стимулированию такой системы.
7. Возложить персональную ответственность за эффективную организацию исполнения настоящего постановления на:
(а) заместителя министра экономики и финансов С. Садуллаева — за выделение необходимых средств в установленные сроки, а также внесение соответствующих изменений в Закон «О Государственном бюджете Республики Узбекистан на 2026 год»;
(б) министра водного хозяйства Ш. Хамраева, Председателя Совета Министров Республики Каракалпакстан и хокимов областей — за отбор востребованных и эффективных проектов, их своевременную качественную реализацию и результативность;
(в) руководителя Республиканского штаба по контролю и координации реализации государственных программ С. Самадова — за установление постоянного контроля за целевым использованием средств и качественным выполнением строительно-монтажных работ.
8. Обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан Т.Н. Бутунбаева.
Президент Республики Узбекистан Ш. МИРЗИЁЕВ
г. Ташкент,
5 марта 2026 г.,
№ ПП- 79