UzbekAI

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

СХЕМАСИ

Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида

Ўзбекистон Республикаси Президентининг «Республиканинг ҳудуд, соҳа ва тармоқларида рақамли технологиялар жорий этилишини янада жадаллаштириш чора-тадбирлари тўғрисида» 2025 йил 16 сентябрдаги ПҚ-286-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

рақамли технологиялар соҳасига оид қонунчилик ҳужжатларини ўзаро мувофиқлаштириш;

республика ва маҳаллий ижро этувчи ҳокимият органлари ҳамда бошқа ташкилотларда рақамли технологияларни жорий этиш тизимини такомиллаштириш мақсадида ташкилотлар ахборот инфратузилмасининг (дастурий таъминот, аппарат воситалари, тармоқлар) фаолият кўрсатиш жараёнлари (фойдаланувчиларга кириш, маълумотларни захиралаш, ўзгаришларни бошқариш) бўйича тизимли текширув — ахборот технологиялари аудитини (IТ-аудит) жорий этиш ва мувофиқлаштириш функциясини киритиш;

ахборот технологиялари соҳасида экспорт салоҳиятини ошириш мақсадида Дастурий маҳсулотлар ва ахборот технологиялари технологик парки резидентларига реклама хизматлари ва дастурий таъминот обуналари учун корпоратив банк карталари орқали 500 минг АҚШ долларидан ошмаган миқдордаги тўловларни тўлаш, шунингдек, яратилган дастурий маҳсулотлар обуналари бўйича хорижий давлатлардан келиб тушадиган тўловларни «E-contract» ташқи савдо ахборот тизимига киритмасдан, оммавий оферта асосида қабул қилишга рухсат бериш;

Дастурий маҳсулотлар ва ахборот технологиялари технологик парки резидентлари томонидан амалга оширишга рухсат этилган фаолият турлари рўйхатига оммавий ахборот воситаларини қўшиш;

«Электрон ҳукумат» тизимининг Идоралараро интеграциялашув платформаси ва Рақамли маълумотлар платформасига уланиш учун ариза бериш, уни кўриб чиқиш жараёнларини электрон тарзда амалга ошириш;

янги веб-сервисларни улаш ва тақдим этиш тартибини жорий этиш;

нодавлат нотижорат ташкилотлари, «Рақамли стартаплар» дастури ва (ёки) Марказий банкнинг «тартибга солиш қумдони»да иштирок этувчи стартап лойиҳаларга «Электрон ҳукумат» тизими доирасида ахборот алмашинувини жорий этиш.

2. Ушбу қарорнинг бажарилишини назорат қилиш Ўзбекистон Республикаси рақамли технологиялар вазири Ш.Х. Шерматов зиммасига юклансин.

Вазирлар Маҳкамасининг 2026 йил 5 мартдаги 93-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2017 йил 31 августдаги 683-сон қарори билан тасдиқланган Автомототранспорт воситаларини давлат рўйхатидан ўтказиш тартиби тўғрисидаги низомнинг 55-бандида :

бешинчи хатбоши чиқариб ташлансин;

олтинчи — саккизинчи хатбошилар тегишлича бешинчи — еттинчи хатбошилар деб ҳисоблансин;

еттинчи хатбоши қуйидаги таҳрирда баён этилсин:

«Автотранспорт воситаси қайта жиҳозланганда, автомототранспорт воситасининг рўйхатга олиш электрон картасига тегишли ўзгартиришлар киритилади, автомототранспорт воситасини рўйхатдан ўтказиш тўғрисида илгари берилган гувоҳнома эса транспорт воситасининг янги рақам агрегатини кўрсатган ҳолда алмаштирилади. Бунда автотранспорт воситасига газ баллони ўрнатилганига оид маълумотлар электрон шаклда юритилади ва бу ҳолатда транспорт воситасини рўйхатдан ўтказиш гувоҳномасини қайта расмийлаштириш талаб этилмайди».

2. Вазирлар Маҳкамасининг «Ўзбекистон Республикаси Ягона интерактив давлат хизматлари портали орқали электрон давлат хизматлари кўрсатиш тартибини такомиллаштириш чора-тадбирлари тўғрисида» 2017 йил 15 сентябрдаги 728-сон қарорида :

а) 3-банднинг еттинчи хатбошисидаги «ахборот хавфсизлиги» сўзлари «киберхавфсизлик» сўзи билан алмаштирилсин;

б) 1-иловада :

2-банднинг биринчи хатбошиси қуйидаги таҳрирда баён этилсин:

«2. Ягона портал ахборот, услубий, техник кузатуви ва маъмурчилиги Давлат ахборот тизимларини яратиш ва қўллаб-қувватлаш бўйича ягона интегратор — «UZINFOCOM» МЧЖ (кейинги ўринларда — Ягона интегратор) томонидан амалга ошириладиган «Электрон ҳукумат» тизими базасида фаолият кўрсатади»;

16-банд қуйидаги таҳрирда баён этилсин:

«16. Техник ҳужжат давлат органи томонидан ишлаб чиқилади ва «Рақамли ҳукумат лойиҳаларини бошқариш маркази» ДМ ҳамда Ягона интегратор билан келишилгандан сўнг Вазирлик томонидан тасдиқланади».

3. Вазирлар Маҳкамасининг 2018 йил 1 майдаги 318-сон қарори билан тасдиқланган Ўзбекистон Республикаси Рақамли технологиялар вазирлиги тўғрисидаги низом 13-бандининг 3-кичик банди қуйидаги мазмундаги ўн иккинчи хатбоши билан тўлдирилсин:

«республика ва маҳаллий ижро этувчи ҳокимият органлари ҳамда бошқа ташкилотларда рақамли технологияларни жорий этиш тизимини такомиллаштириш мақсадида IТ-аудитни ўтказади ҳамда тизимни мувофиқлаштиради»;

ўн иккинчи хатбоши ўн учинчи хатбоши деб ҳисоблансин.

4. Вазирлар Маҳкамасининг 2019 йил 15 июлдаги 589-сон қарори билан тасдиқланган Дастурий маҳсулотлар ва ахборот технологиялари технологик парки фаолиятини ташкил этиш тартиби тўғрисидаги низомда :

а) 8-банд қуйидаги мазмундаги иккинчи хатбоши билан тўлдирилсин:

«Бунда ушбу Низомга 2-илованинг 30-бандига мувофиқ, ариза тақдим этган юридик шахсларга Технопарк резиденти мақомини тақдим этиш, рад қилиш ва ушбу мақомдан маҳрум қилиш Ўзбекистон Республикаси Президенти Администрацияси Коммуникациялар департаментининг (кейинги ўринларда — Департамент) хулосаси асосида амалга оширилади, шунингдек, Оммавий коммуникациялар масалалари бўйича Маркази мазкур резидентлар фаолиятини доимий таҳлил қилади ва Департаментга ахборот киритиб боради»;

б) 12-бандда :

биринчи хатбоши «Эксперт кенгашига юборилади» сўзларидан кейин «, мазкур банднинг бешинчи хатбошисида назарда тутилган ҳолат бундан мустасно» сўзлари билан тўлдирилсин;

қуйидаги мазмундаги бешинчи — олтинчи хатбошилар билан тўлдирилсин:

«Рўйхатнинг 30-бандига мувофиқ юридик шахслар томонидан Технопарк резиденти мақомини олиш учун тақдим этилган бизнес-режаларнинг рўйхатнинг 30-бандида белгиланган фаолият турига мувофиқлигини ўрганиш юзасидан топширилган ариза ва ҳужжатлар уч иш куни мобайнида Дирекция томонидан Департаментга юборилади;

Департамент ўн иш куни ичида бизнес-режани кўриб чиқади ва унинг рўйхатнинг 30-бандида белгиланган фаолият турига мувофиқлиги ёки номувофиқлиги тўғрисида хулоса беради»;

в) 14-бандда :

қуйидаги мазмундаги олтинчи хатбоши билан тўлдирилсин:

«Департаментнинг хулосасига кўра бизнес-режа рўйхатнинг 30-бандида белгиланган фаолият турига номувофиқ деб топилиши»;

олтинчи — еттинчи хатбошилар тегишлича еттинчи — саккизинчи хатбошилар деб ҳисоблансин;

г) 2-илова қуйидаги мазмундаги 30-банд билан тўлдирилсин:

«30. Интернет жаҳон ахборот тармоғида, шу жумладан, оммабоп хорижий ижтимоий тармоқлар, мессенжерлар ва видеохостингларда веб-сайт кўринишидаги, таҳририй-ноширлик ишловидан ўтган янгиликлар, таҳлилий ва маърифий характердаги материалларни жойлаштирадиган оммавий ахборот воситасининг фаолияти қуйидаги мезонларга риоя этилган тақдирда:

камида 1 миллион нафар обуначи ёки ноёб фойдаланувчиларнинг мавжудлиги;

кунлик ташриф камида 50 минг фойдаланувчини ташкил этиши;

штат бирлиги камида 25 нафар ходим бўлиши;

ойлик даромади камида 500 млн сўмни ташкил этиши;

оммавий ахборот воситалари сифатида давлат рўйхатидан ўтганлиги тўғрисидаги гувоҳноманинг мавжудлиги».

5. Вазирлар Маҳкамасининг 2020 йил 14 майдаги 283-сон қарори билан тасдиқланган Ташқи савдо операциялари амалга оширилиши мониторингини олиб бориш ва назорат қилиш тартиби тўғрисидаги низом қуйидаги мазмундаги 16 1 ва 16 2 -бандлар билан тўлдирилсин:

«16 1 . Дастурий маҳсулотлар ва ахборот технологиялари технологик парки (кейинги ўринларда — IT-парк) резидентларига реклама хизматлари ва дастурий таъминотдан фойдаланишга бўлган обуналар учун корпоратив банк карталари орқали тўловларни календарь йил давомида экспорт тушумлари доирасида, бироқ 500 минг АҚШ долларидан кўп бўлмаган миқдорда тўлашга рухсат этилади. Бунда:

а) реклама Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси томонидан тасдиқланган рўйхатга киритилган 100 миллиондан ортиқ аудиторияга эга ахборот ресурслари ва тизимларида (шу жумладан, веб-сайтлар, платформалараро ресурслар, мессенжерлар ва ижтимоий тармоқлар) жойлаштирилиши талаб этилади;

б) реклама хизматлари ва дастурий таъминотдан фойдаланиш обунаси бўйича оммавий оферта ва инвойслар, шунингдек, тўловлар тўғрисидаги маълумотлар «E-contract» ташқи савдо ахборот тизимига киритилади;

в) умумий суммаси 5 минг АҚШ долларигача бўлган оммавий оферта, инвойс ва тўловлар тўғрисидаги маълумотлар «E-contract» ташқи савдо ахборот тизимига киритилиши талаб этилмайди ҳамда ушбу харажатлар дебиторлик қарз сифатида ҳисобга олинмайди.

16 2 . IТ-парк резидентлари томонидан яратилган дастурий маҳсулотлар обунаси учун хорижий давлатлардан келиб тушадиган тўловларни «E-contract» ташқи савдо ахборот тизимига киритмаган ҳолда, оммавий оферта орқали қабул қилишга рухсат берилади».

6. Вазирлар Маҳкамасининг «Идоралараро электрон ҳамкорлик тизими ва маълумотларнинг ахборот алмашинувини янада такомиллаштириш чора-тадбирлари тўғрисида» 2022 йил 20 сентябрдаги 516-сон қарорида :

а) 4-банднинг «а» кичик банди қуйидаги таҳрирда баён этилсин:

«а) давлат ахборот тизимлари ва ресурсларининг маълумотлари ахборот ва киберхавфсизлик талабларига риоя этилган ҳолда:

идоралараро ҳамкорлик мақсадларида фойдаланиш учун — «Электрон ҳукумат» тизимининг Идоралараро интеграциялашув платформаси орқали беғараз асосда;

тижорат мақсадларида фойдаланиш учун — «Электрон ҳукумат» тизимининг Рақамли маълумотлар платформаси орқали тўлов асосида тақдим этилади.

Бунда:

нодавлат нотижорат ташкилотларига «Электрон ҳукумат» тизимининг Идоралараро интеграциялашув платформаси орқали белгиланган тартибда электрон идоралараро ҳамкорликни амалга оширишга рухсат берилади;

қонунчилик ҳужжатларига асосан ташкилий-ҳуқуқий шаклидан қатъи назар, давлат хизматларини кўрсатиш функциялари юкланган ташкилотлар «Электрон ҳукумат» тизими доирасида маълумотлардан бепул фойдаланади;

«Рақамли стартаплар» дастури ва (ёки) Марказий банкнинг «тартибга солиш қумдони»да иштирок этувчи стартап лойиҳаларга «Электрон ҳукумат» тизимининг Рақамли маълумотлар платформасидан белгиланган тартибга риоя қилган ҳолда, бир йил муддатга қадар бепул фойдаланиш имконияти берилади»;

б) қуйидаги мазмундаги 6 1 -банд билан тўлдирилсин:

«6 1 . Давлат органлари ва ташкилотлари:

давлат ахборот тизимлари ва ресурслари маълумотларини давлат органи ва ташкилоти бўлмаган учинчи шахсларнинг ахборот тизимларига тўғридан-тўғри интеграция қилиш орқали тақдим этиши;

ўзларининг ахборот тизимлари ва маълумотлар базаларини уларнинг техник топшириқ ва ахборот хавфсизлиги талабларига мувофиқлиги юзасидан Рақамли технологиялар вазирлиги ва «Киберхавфсизлик маркази» ДУКнинг ижобий хулосаларини олмасдан амалиётга жорий этиши тақиқланади».

в) 1-илова матни қуйидаги таҳрирда баён этилсин:

««Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисида

НИЗОМ

1-боб. Умумий қоидалар

1. Мазкур Низом «Электрон ҳукумат» тизимининг Идоралараро интеграциялашув платформаси орқали давлат органлари ва ташкилотларининг электрон ҳамкорлиги ва ахборот алмашинуви, уларни ушбу платформага улаш тартибини белгилайди.

2. Мазкур Низомда қуйидаги асосий тушунчалардан фойдаланилади:

«Электрон ҳукумат» тизимининг Идоралараро интеграциялашув платформаси (кейинги ўринларда — Идоралараро интеграциялашув платформаси) — электрон давлат хизматларини кўрсатиш ва идоралараро электрон ҳамкорликни ташкил этиш доирасида ахборот тизимлари ва ресурсларини интеграциялаш учун мўлжалланган аппарат-дастурий воситалар мажмуаси;

ахборот тизимлари ва ресурслари эгалари бўлган маълумот тақдим этувчи давлат органлари ва ташкилотлари (кейинги ўринларда — маълумот тақдим этувчи) — норматив-ҳуқуқий ҳужжатларга мувофиқ шахсга доир ва бошқа маълумотларни қайта ишлаш вазифалари юкланган, ўз ахборот тизимлари ва ресурсларини Идоралараро интеграциялашув платформасига улаш орқали маълумотларни тақдим этувчи давлат органлари ва ташкилотлари;

веб-сервис — стандартлаштирилган интерфейсга эга ноёб веб-манзил билан аниқланган, ахборот тизимлари ва ресурсларида мавжуд маълумотлар алмашинувининг формати ва маълумотлар тўпламини белгилайдиган дастурий таъминот тизими;

веб-сервис тавсифи — дастурий таъминотни қўллашда фойдаланадиган техник ёндашув ва ечимларни қамраб олган қўлланма;

Идоралараро интеграциялашув платформаси оператори (кейинги ўринларда — оператор) — Ўзбекистон Республикаси Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасаси;

маълумотларни қайта ишлаш — маълумотларни йиғиш, тизимлаштириш, сақлаш, ўзгартириш, тўлдириш, қўллаш, тақдим этиш, тарқатиш, юбориш, эгасизлантириш ва йўқ қилиш бўйича бир ёки бир қатор амалларни бажариш;

тест сўрови — маълумот тақдим этувчи томонидан Идоралараро интеграциялашув платформасига уланиш жараёнида «шахсийлаштирилган» маълумотларни ўз ичига олган ҳамда тақдим этиладиган веб-сервисни синовдан ўтказиш доирасида операторга тақдим этиладиган хабар;

технологик йўриқнома — идоралараро маълумот алмашинувининг техник усуллари, таркиби, томонларнинг жавобгарлиги ва қайта алоқа тартибини белгиловчи ҳужжат бўлиб, бунда электрон рақамли имзо билан тасдиқланган электрон шаклдаги технологик йўриқнома анъанавий шаклдаги технологик йўриқномага тенглаштирилади;

фойдаланувчи — Идоралараро интеграциялашув платформасидан маълумотлар олишдан манфаатдор давлат органлари;

шахсий кабинет — «Электрон ҳукумат» тизимининг Идоралараро интеграциялашув платформасида маълумот тақдим этувчи, оператор ва фойдаланувчининг электрон ҳамкорлиги ҳамда ахборот алмашинуви доирасидаги ҳуқуқ ва мажбуриятлари билан боғлиқ бўлган ўзаро муносабатларни электрон тарзда амалга оширишни таъминлайдиган беғараз (бепул) фойдаланиш учун мўлжалланган ахборот ресурси;

push-хабарнома — маълумот тақдим этувчининг ахборот тизимлари ва ресурсларида йиғилган, ўзгартирилган ҳамда тўлдирилган маълумотлар пайдо бўлиши муносабати билан фойдаланувчининг ахборот тизимига юбориладиган қисқа хабар;

push-хабарномалар сервиси — ахборот тизимнинг push-хабарномаларни қабул қилиш ва/ёки юбориш учун мўлжалланган модули.

3. Электрон ҳукумат доирасида маълумот тақдим этувчи ва фойдаланувчиларнинг электрон ҳамкорлиги ҳамда ахборот алмашинуви уларнинг ахборот тизимлари ва ресурсларини Идоралараро интеграциялашув платформасига улаш орқали амалга оширилади.

Бунда электрон ҳамкорлик ва ахборот алмашинуви фақат Электрон ҳукуматнинг идоралараро маълумотлар узатиш тармоғи орқали ташкил этилади.

4. Фойдаланувчи ва оператор ўртасидаги ахборот алмашинуви тегишли сўров юбориш йўли билан Идоралараро интеграциялашув платформаси ёрдамида амалга оширилади.

Бунда Идоралараро интеграциялашув платформаси орқали электрон ҳамкорлик ҳамда ахборот алмашинуви доирасида йўлланган барча сўровлар бўйича статистика маълумотлари маълумот тақдим этувчи ва фойдаланувчининг шахсий кабинетида юритилади.

5. Идоралараро интеграциялашув платформасига уланган ахборот тизимлари ва ресурсларида мавжуд бўлган шахсга доир маълумотлар алмашинуви Ўзбекистон Республикасининг «Шахсга доир маълумотлар тўғрисида»ги Қонуни ва ушбу соҳадаги бошқа қонунчилик ҳужжатларига мувофиқ амалга оширилади.

6. Идоралараро интеграциялашув платформаси орқали маълумотлар фойдаланувчининг ваколати доирасидаги вазифаларни бажариш учун қайта ишлаш мақсадида тақдим этилади.

2-боб. Идоралараро интеграциялашув платформасига уланишнинг умумий талаблари ва шартлари

7. Электрон давлат хизматларини кўрсатиш ва идоралараро электрон ҳамкорликни ташкил этиш доирасида ахборот алмашинуви Идоралараро интеграциялашув платформасига уланиш орқали амалга оширилади.

8. Идоралараро интеграциялашув платформасига уланиш учун «Электрон ҳукуматнинг ахборот тизимлари ва ресурслари ягона реестри» ахборот тизими (кейинги ўринларда — Ягона реестр тизими) орқали электрон шаклда мурожаат этилади.

Бунда Ягона реестр тизимида авторизациядан ўтиш учун «Электрон ҳукумат» тизими фойдаланувчиларини идентификациялашнинг ягона ахборот тизимида рўйхатдан ўтиш талаб этилади.

1-§. Маълумот тақдим этувчини Идоралараро интеграциялашув платформасига улаш

9. Маълумот тақдим этувчи Идоралараро интеграциялашув платформасига ушбу Низомга 1-иловага мувофиқ схема асосида уланади.

10. Маълумот тақдим этувчи Идоралараро интеграциялашув платформасига уланиш учун Ягона реестр тизимида жойлаштирилган технологик йўриқнома лойиҳасини тўлдириб, келишиш учун операторга электрон шаклда юборади.

11. Оператор технологик йўриқнома келиб тушган кундан бошлаб беш иш куни мобайнида технологик йўриқномани маълумот тақдим этувчи билан биргаликда Ягона реестр тизимида муҳокама қилади ва келишади.

Технологик йўриқнома доирасидаги тегишли жараёнларни ҳар томонлама синовдан ўтказиш маълумот тақдим этувчи томонидан операторга тест сўровларини тақдим этиш орқали амалга оширилиши мумкин.

Ўзбекистон Республикаси Рақамли технологиялар вазирлиги уч иш кунида келишилган технологик йўриқномани кўриб чиқади, камчиликлар аниқланган тақдирда, қайта кўриб чиқиш учун операторга қайтаради ёки тасдиқлайди.

12. Келишилган технологик йўриқнома Ягона реестр тизимида электрон рақамли имзо билан тасдиқланади ҳамда QR-код шакллантирилади.

13. Оператор Идоралараро интеграциялашув платформасига маълумот тақдим этувчи уланиш жараёнида ахборот алмашинувини йўлга қўйиш мақсадида улар билан биргаликда синовларни тест сўровларини юбориш орқали ўтказади.

14. Технологик йўриқнома ўзаро келишилгандан сўнг оператор маълумот тақдим этувчини Идоралараро интеграциялашув платформасига беш иш куни ичида улаш чораларини кўради.

15. Маълумот тақдим этувчининг ахборот тизими ҳамда тизимларнинг интеграциялашув жараёнига қўйиладиган техник талаблар оператор томонидан Ўзбекистон Республикаси Рақамли технологиялар вазирлиги билан келишилган ҳолда, техник жиҳатдан тартибга солиш соҳасидаги норматив ҳужжатга мувофиқ белгиланади.

2-§. Фойдаланувчини Идоралараро интеграциялашув платформасига улаш

16. Фойдаланувчи Идоралараро интеграциялашув платформасига ушбу Низомга 2-иловага мувофиқ схема асосида уланади.

17. Фойдаланувчи Идоралараро интеграциялашув платформасига уланиш учун мазкур Низомга 3-иловадаги шаклга мувофиқ аризани кузатув хатига илова қилган ҳолда, операторга Ягона реестр тизими орқали электрон шаклда юборади.

18. Оператор ариза келиб тушган кундан бошлаб беш иш куни мобайнида аризани қуйидаги талабларга мувофиқ кўриб чиқади:

аризада кўрсатилиши зарур бўлган маълумотлар тўлиқ киритилгани ҳамда илова қилиниши лозим бўлган ҳужжатлар тўлиқ тақдим этилгани;

фойдаланувчининг ахборот тизими юзасидан Ўзбекистон Республикаси Рақамли технологиялар вазирлиги ва «Киберхавфсизлик маркази» ДУКнинг ижобий хулосалари мавжудлиги;

фойдаланувчи томонидан тақдим этилган аризада маълумотларнинг ҳаққонийлиги ва ишончлиги;

фойдаланувчининг ахборот тизими «Электрон ҳукумат» тизимининг Идоралараро интеграциялашув платформасининг техник функцияларини такрорламаслиги;

фойдаланувчининг ахборот тизими Электрон ҳукумат идоралараро маълумотлар узатиш тармоғига улангани;

фойдаланувчининг ахборот тизимини улаш учун қонунчилик ҳужжатларида тегишли топшириқ ёки вазифанинг мавжудлиги.

19. Ариза мазкур Низом талабларига мувофиқ бўлган тақдирда, оператор беш иш куни мобайнида технологик йўриқномани фойдаланувчи билан биргаликда Ягона реестр тизимида ишлаб чиқади ва келишади.

Агар фойдаланувчининг Идоралараро интеграциялашув платформасига бир нечта ахборот тизими ёки ресурси уланадиган бўлса, мазкур ҳолатда ҳар битта ахборот тизими ёки ресурси бўйича алоҳида технологик йўриқнома ишлаб чиқилади ва келишилади.

Агар аввал фойдаланувчининг ахборот тизими ёки ресурсига оид технологик йўриқнома белгиланган тартибда тасдиқланган бўлса, мазкур ахборот тизими ёки ресурси бўйича кейинчалик фақат ариза тақдим этилади.

20. Келишилган технологик йўриқнома Ягона реестр тизимида электрон рақамли имзо билан тасдиқланади ҳамда QR-код шакллантирилади.

Идоралараро интеграциялашув платформасига уланиш рад этилган тақдирда, оператор рад этиш сабабларини кўрсатган ҳолда Ягона реестр тизими орқали фойдаланувчига хабарнома юборади.

Фойдаланувчи хабарномада келтирилган камчиликларни бартараф қилиб, қайта ариза бериши мумкин.

21. Технологик йўриқнома ўзаро келишилгандан сўнг оператор фойдаланувчини Идоралараро интеграциялашув платформасига беш иш куни ичида улаш чораларини кўради.

22. Фойдаланувчининг ахборот тизими ҳамда тизимларнинг интеграциялашув жараёнига қўйиладиган техник талаблар оператор томонидан Ўзбекистон Республикаси Рақамли технологиялар вазирлиги билан келишилган ҳолда, техник жиҳатдан тартибга солиш соҳасидаги норматив ҳужжатга мувофиқ белгиланади.

23. Идоралараро интеграциялашув платформасига уланишни рад этиш учун қуйидагилар асос бўлади:

аризада кўрсатилиши зарур бўлган маълумотлар тўлиқ киритилмагани ҳамда илова қилиниши лозим бўлган ҳужжатлар тўлиқ тақдим этилмагани;

фойдаланувчининг ахборот тизими юзасидан Ўзбекистон Республикаси Рақамли технологиялар вазирлиги ва/ёки «Киберхавфсизлик маркази» ДУКнинг ижобий хулосалари мавжуд эмаслиги;

фойдаланувчи томонидан тақдим этилган аризада маълумотларнинг ҳаққоний ва/ёки ишончли эмаслиги;

фойдаланувчининг ахборот тизими Электрон ҳукумат идоралараро маълумотлар узатиш тармоғига уланмагани;

фойдаланувчининг ахборот тизими «Электрон ҳукумат» тизими Идоралараро интеграциялашув платформасининг техник функцияларини такрорлагани;

фойдаланувчининг ахборот тизимини улаш учун қонунчилик ҳужжатларида тегишли топшириқ ёки вазифанинг мавжуд эмаслиги.

Идоралараро интеграциялашув платформасига уланишни бошқа асослар бўйича рад этиш тақиқланади.

3-боб. Сўровларни қайта ишлашнинг умумий талаблари

1-§. Сўровларни қайта ишлаш

24. Идоралараро интеграциялашув платформасига уланган фойдаланувчи зарур бўлган маълумотларни тегишли сўровларни юбориш орқали олади.

25. Фойдаланувчилар учун сўровга оид умумий талаблар оператор ва маълумот тақдим этувчи ўртасида келишиладиган технологик йўриқноманинг веб-сервис тавсифида белгиланади.

26. Идоралараро интеграциялашув платформасида жойлаштирилган веб-сервис технологик йўриқноманинг веб-сервис тавсифида белгиланган шартларга мувофиқ сўровга оид маълумотлар асосида тест сўровини юбориш орқали синовдан ўтказилади.

27. Технологик йўриқномага асосан сўров доирасида маълумотлар тақдим этилиши белгиланган бўлса, фойдаланувчига тегишли маълумотлар автоматик равишда тақдим этилади.

2-§. Push-хабарномалар сервисига уланишнинг умумий шартлари

28. Маълумот тақдим этувчининг ахборот тизимлари ва ресурсларида йиғилган, ўзгартирилган ҳамда тўлдирилган маълумотлар пайдо бўлиши муносабати билан тегишли push-хабарномалар Идоралараро интеграциялашув платформасининг push-хабарномалар сервиси орқали юборилади ва/ёки қабул қилинади.

Бунда Идоралараро интеграциялашув платформасининг push-хабарномалар сервисига уланиш учун тегишли ахборот тизимлари ва ресурслари Идоралараро интеграциялашув платформасига уланган бўлиши зарур.

29. Фойдаланувчи Идоралараро интеграциялашув платформасининг push-хабарномалар сервисига маълумот тақдим этувчи билан келишилгани ёки норматив-ҳуқуқий ҳужжатларда тегишли вазифа белгилангани асосида уланади.

Бунда фойдаланувчи маълумот тақдим этувчи билан олдиндан келишиб олиши лозим. Шунингдек, шахсга доир маълумотларни қонунчилик ҳужжатларида белгиланган ваколатли органи билан келишган ҳолда тақдим этилади.

3-§. Маълумот тақдим этувчини Идоралараро интеграциялашув платфомасининг push-хабарномалар сервисига улаш

30. Маълумот тақдим этувчи Идоралараро интеграциялашув платфомасининг push-хабарномалар сервисига ушбу Низомга 4-иловага мувофиқ схема асосида уланади.

Бунда маълумот тақдим этувчи Идоралараро интеграциялашув платформасининг push-хабарномалар сервисига уланиш учун мазкур Низомга 5-иловадаги шаклга мувофиқ аризани кузатув хатига илова қилган ҳолда, операторга Ягона реестр тизими орқали электрон шаклда юборади.

31. Оператор ариза келиб тушган кундан бошлаб уч иш куни мобайнида аризани қуйидаги талабларга мувофиқ кўриб чиқади:

маълумот тақдим этувчини push-хабарномалар сервисига улашнинг зарурлиги асослангани ёки норматив-ҳуқуқий ҳужжатларда тегишли вазифа белгилангани;

аризада кўрсатилиши зарур бўлган маълумотлар тўлиқ ва тўғри киритилгани;

маълумот тақдим этувчининг ахборот тизими Электрон ҳукумат идоралараро маълумотлар узатиш тармоғига улангани.

32. Ариза мазкур Низом талабларига мувофиқ бўлган тақдирда, оператор беш иш куни мобайнида технологик йўриқномани маълумот тақдим этувчи билан биргаликда Ягона реестр тизимида ишлаб чиқади ва келишади.

Агар маълумот тақдим этувчининг Идоралараро интеграциялашув платформасининг push-хабарномалар сервисига бир нечта веб-сервислари уланадиган бўлса, мазкур ҳолатда ҳар битта веб-сервис бўйича алоҳида технологик йўриқнома ишлаб чиқилади ва келишилади.

33. Келишилган технологик йўриқнома Ягона реестр тизимида электрон рақамли имзо билан тасдиқланади ҳамда QR-код шакллантирилади.

Идоралараро интеграциялашув платформасининг push-хабарномалар сервисига уланиш рад этилган тақдирда, оператор рад этиш сабабларини кўрсатган ҳолда, Ягона реестр тизими орқали маълумот тақдим этувчига хабарнома юборади.

Маълумот тақдим этувчи хабарномада келтирилган камчиликларни бартараф қилиб, қайта ариза бериши мумкин.

34. Технологик йўриқнома ўзаро келишилгандан сўнг оператор маълумот тақдим этувчини Идоралараро интеграциялашув платформасининг push-хабарномалар сервисига беш иш куни ичида улаш чораларини кўради.

35. Идоралараро интеграциялашув платформасининг push-хабарномалар сервисига уланишни рад этиш учун қуйидагилар асос ҳисобланади:

маълумот тақдим этувчини push-хабарномалар сервисига улашнинг зарурлиги асосланмагани ёки норматив-ҳуқуқий ҳужжатларда тегишли вазифа белгиланмагани;

аризада кўрсатилиши зарур бўлган маълумотлар тўлиқ ва/ёки тўғри киритилмагани;

маълумот тақдим этувчининг ахборот тизими Электрон ҳукумат идоралараро маълумотлар узатиш тармоғига уланмагани.

Идоралараро интеграциялашув платформасининг push-хабарномалар сервисига уланишни бошқа асослар бўйича рад этиш тақиқланади.

4-§. Фойдаланувчини Идоралараро интеграциялашув платфомасининг push-хабарномалар сервисига улаш

36. Фойдаланувчи Идоралараро интеграциялашув платфомасининг push-хабарномалар сервисига ушбу Низомга 6-иловага мувофиқ схема асосида уланади.

Бунда фойдаланувчи Идоралараро интеграциялашув платформасининг push-хабарномалар сервисига уланиш учун мазкур Низомга 7-иловадаги шаклга мувофиқ аризани кузатув хатига илова қилган ҳолда, операторга Ягона реестр тизими орқали электрон шаклда юборади.

37. Оператор ариза келиб тушган кундан бошлаб уч иш куни мобайнида уни қуйидаги талабларга мувофиқ кўриб чиқади:

push-хабарномалар сервисига фойдаланувчини улаш учун маълумот тақдим этувчи билан келишилган ёки норматив-ҳуқуқий ҳужжатларда тегишли вазифа белгилангани;

фойдаланувчининг ахборот тизими Электрон ҳукумат идоралараро маълумотлар узатиш тармоғига улангани;

фойдаланувчининг ахборот тизимига уланиши билан боғлиқ техник-ташкилий шароитлар мавжудлиги.

38. Ариза мазкур Низом талабларига мувофиқ бўлган тақдирда, оператор беш иш куни мобайнида технологик йўриқномани фойдаланувчи билан биргаликда Ягона реестр тизимида ишлаб чиқади ва келишади.

Агар фойдаланувчининг Идоралараро интеграциялашув платформасининг push-хабарномалар сервисига бир нечта веб-сервислари уланадиган бўлса, мазкур ҳолатда ҳар битта веб-сервис бўйича алоҳида технологик йўриқнома ишлаб чиқилади ва келишилади.

39. Келишилган технологик йўриқнома Ягона реестр тизимида электрон рақамли имзо билан тасдиқланади ҳамда QR-код шакллантирилади.

Идоралараро интеграциялашув платформасининг push-хабарномалар сервисига уланиш рад этилган тақдирда, оператор томонидан Ягона реестр тизими орқали фойдаланувчига рад этиш сабаблари кўрсатилган хабарнома юборилади.

Фойдаланувчи хабарномада келтирилган камчиликларни бартараф қилиб, қайта ариза бериши мумкин.

40. Технологик йўриқнома ўзаро келишилгандан сўнг оператор фойдаланувчини Идоралараро интеграциялашув платформасининг push-хабарномалар сервисига беш иш куни ичида улаш чораларини кўради.

41. Идоралараро интеграциялашув платформасининг push-хабарномалар сервисига уланишни рад этиш учун қуйидагилар асос ҳисобланади:

фойдаланувчини push-хабарномалар сервисига улаш учун маълумот тақдим этувчи билан келишилмагани ёки норматив-ҳуқуқий ҳужжатларда тегишли вазифа белгиланмагани;

фойдаланувчининг ахборот тизими Электрон ҳукумат идоралараро маълумотлар узатиш тармоғига уланмагани;

фойдаланувчининг ахборот тизимига уланиши билан боғлиқ техник-ташкилий шароитлар мавжуд эмаслиги.

4-боб. Идоралараро интеграциялашув платформаси томонларининг ҳуқуқ ва мажбуриятлари

42. Оператор қуйидаги ҳуқуқларга эга:

фойдаланувчига Идоралараро интеграциялашув платформасида жойлаштирилган веб-сервислардан фойдаланиш учун рухсат бериш;

маълумот тақдим этувчи ёки фойдаланувчини Идоралараро интеграциялашув платформасига улашда кўмаклашиш;

Идоралараро интеграциялашув платформасига уланиш юзасидан технологик ечимлар бўйича тушунтиришлар бериш;

фойдаланувчидан Идоралараро интеграциялашув платформасидаги тегишли веб-сервисларга уланишдан кўзланган мақсад ва вазифалар тўғрисидаги маълумотларни қўшимча тарзда сўраб олиш;

маълумот тақдим этувчидан унинг маълумотлар базаларининг барқарор ишлаши, белгиланган маълумотларнинг Идоралараро интеграциялашув платформасига узлуксиз равишда тақдим этилишини талаб қилиш;

маълумот тақдим этувчидан тегишли маълумотларнинг ишончлилиги ва тўлиқлиги ҳамда долзарблиги таъминланишини, долзарб бўлмаган маълумотлар бўйича келиб тушган шикоятлар ўз вақтида бартараф этилишини талаб қилиш.

Оператор қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

43. Маълумот тақдим этувчи қуйидаги ҳуқуқларга эга:

Идоралараро интеграциялашув платформаси орқали маълумот юбориш масалаларининг техник ечимида оператордан ёрдам олиш;

Идоралараро интеграциялашув платформаси орқали маълумотларни қабул қилиш ва юбориш;

Идоралараро интеграциялашув платформасига уланиш юзасидан оператордан тушунчалар олиш;

Идоралараро интеграциялашув платформасидаги ахборот алмашинуви иштирокчиларининг шахсий кабинетида ўзига тегишли веб-сервислардан фойдаланувчилар ва фойдаланаётган веб-сервислар рўйхати, ҳар бир веб-сервисга берилган сўровлар сони, даври ва статистика маълумотларини кўриш ҳамда юклаб олиш.

Маълумот тақдим этувчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

44. Фойдаланувчи қуйидаги ҳуқуқларга эга:

Идоралараро интеграциялашув платформаси ёрдамида сўровлар юбориш ва маълумотларни олиш;

Идоралараро интеграциялашув платформасидаги тегишли веб-сервисларга белгиланган тартибда уланиш;

Идоралараро интеграциялашув платформасига уланиш бўйича оператордан тушунчалар олиш.

Фойдаланувчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

45. Оператор:

Идоралараро интеграциялашув платформасига уланиш тартиби ва шартларига риоя қилишга;

фойдаланувчига Идоралараро интеграциялашув платформаси орқали маълумотлар юборилгунига қадар уларнинг конфиденциаллигини таъминлашга;

Идоралараро интеграциялашув платформасида маълумот тақдим этувчи ва фойдаланувчининг шахсий кабинетларига улашга;

Ягона реестр тизимида Идоралараро интеграциялашув платформасига уланиш бўйича ариза ва технологик йўриқномани кўриб чиқишга ва келишишга;

Идоралараро интеграциялашув платформасидаги маълумот тақдим этувчи ва фойдаланувчининг шахсий кабинетлари орқали электрон ахборот ҳамкорлиги доирасидаги статистика маълумотлари билан танишиш имкониятини яратишга;

Идоралараро интеграциялашув платформасининг узлуксиз ишлаши бўйича тегишли чоралар кўришга;

қонунчилик ҳужжатлари ва мазкур Низом талабларини бажаришга;

Идоралараро интеграциялашув платформасида жойлаштирилган барча веб-сервислар бўйича режали ва режадан ташқари узилишлар ва/ёки тўхталишлар вужудга келиши ёки улар бартараф этилиши юзасидан маълумот тақдим этувчи ва фойдаланувчиларни мавжуд қайта алоқа каналлари орқали реал вақт режимида хабардор қилишга;

мазкур Низомда ёки бошқа қонунчилик ҳужжатларида белгиланган қоидалар бузилган тақдирда, маълумот тақдим этувчи ёки фойдаланувчининг Идоралараро интеграциялашув платформасига уланишини вақтинча тўхтатиш ёки бекор қилиш ва бу ҳақида уларни асосларни кўрсатган ҳолда расмий хабардор қилишга мажбур.

Бунда оператор Идоралараро интеграциялашув платформасига уланишни вақтинча тўхтатиш ёки бекор қилишдан олдин бу тўғрисида маълумот тақдим этувчи ёки фойдаланувчини мавжуд қайта алоқа каналлари орқали реал вақт режимида хабардор қилади.

Операторга қонунчилик ҳужжатлари билан бошқа мажбуриятлар ҳам юкланиши мумкин.

46. Маълумот тақдим этувчи:

Идоралараро интеграциялашув платформасига уланиш шартларига риоя қилишга;

Идоралараро интеграциялашув платформасига уланиш бўйича Ягона реестр тизимида ариза ва технологик йўриқномаларни ишлаб чиқишга ва келишишга;

Идоралараро интеграциялашув платформасининг push-хабарномалар сервисига уланиш бўйича фойдаланувчининг аризасини белгиланган тартибда келишишга;

Идоралараро интеграциялашув платформаси орқали юборилган сўровларга мувофиқ маълумотларни технологик йўриқномада белгиланган тартибда тақдим этишга;

ўзига тегишли бўлган ахборот тизимлари ва ресурслари ҳамда маълумотлар базаларининг барқарор ишлаши, улардаги маълумотларнинг Идоралараро интеграциялашув платформасига узлуксиз равишда тақдим этилиши бўйича тегишли чоралар кўришга;

ўзига тегишли маълумотларнинг ишончлилиги ва тўлиқлиги ҳамда долзарблигини таъминлашга, долзарб бўлмаган маълумотлар бўйича шикоятларни қабул қилиш механизмини ишлаб чиқишга, жорий қилишга ҳамда келиб тушган шикоятлар натижаси бўйича маълумотларни ўз вақтида янгилаб боришга;

Идоралараро интеграциялашув платформасида жойлаштирилган ўзининг барча веб-сервислари бўйича режали ва режадан ташқари узилишлар ва/ёки тўхталишлар вужудга келиши ёки улар бартараф этилиши юзасидан операторни мавжуд қайта алоқа каналлари орқали реал вақт режимида хабардор қилишга;

ўзига тегишли веб-сервисга ўзгартириш ва/ёки қўшимчалар киритиладиган тақдирда, режалаштирилган ишлар амалга оширилгунига қадар бу ҳақида уч кун олдин операторга хабар беришга;

ўз ахборот тизимлари ва ресурсларида техник ишлар ўтказилиши натижасида Идоралараро интеграциялашув платформасига тақдим этилаётган веб-сервисларда кузатилиши мумкин бўлган узилишлар юзасидан техник ишлар ўтказилишидан камида уч иш кун олдин операторни ёзма равишда хабардор қилишга, ахборот тизимлари ва ресурслари жойлашган серверлар ёки объектларда режалаштирилган фавқулодда юз берган узилишлар бундан мустасно;

Идоралараро интеграциялашув платформасида жойлаштирилган ўз веб-сервисларига фойдаланувчиларни тўғридан-тўғри улашни чеклашга мажбур.

Маълумот тақдим этувчига қонунчилик ҳужжатлари билан бошқа мажбуриятлар ҳам юкланиши мумкин.

47. Фойдаланувчи:

Идоралараро интеграциялашув платформасига уланиш тартиби ва шартларига риоя қилишга;

Идоралараро интеграциялашув платформасининг push-хабарномалар сервисига уланиш бўйича ўз аризасини белгиланган тартибда маълумот тақдим этувчи билан келишишга;

Идоралараро интеграциялашув платформаси орқали олинаётган маълумотларнинг конфиденциаллигини таъминлашга;

Идоралараро интеграциялашув платформаси орқали олинган маълумотларни учинчи томонга тақдим этмасликка;

Идоралараро интеграциялашув платформаси орқали олинган маълумотлардан маълумот тақдим этувчи ва оператор билан келишилмаган бошқа мақсадларда фойдаланмасликка;

Идоралараро интеграциялашув платформасига уланган ўзининг ахборот тизимларининг узлуксиз ишлаши бўйича тегишли чоралар кўришга;

мазкур Низом талабларига ва «Электрон ҳукумат» тизими орқали олинадиган маълумотларни олиш, қўллаш ва сақлаш соҳасидаги қонунчилик ҳужжатларига риоя қилишга мажбур.

Фойдаланувчига қонунчилик ҳужжатлари билан бошқа мажбуриятлар ҳам юкланиши мумкин.

5-боб. Идоралараро интеграциялашув платформасига уланишни вақтинча тўхтатиш ёки бекор қилиш

48. Идоралараро интеграциялашув платформасига уланишни вақтинча тўхтатиш ёки бекор қилиш оператор томонидан амалга оширилади.

Бунда Идоралараро интеграциялашув платформасига уланишни вақтинча тўхтатиш ёки бекор қилиш фойдаланувчига бир ёки бир нечта веб-сервислардан фойдаланишига нисбатан ҳам қўлланиши мумкин.

49. Идоралараро интеграциялашув платформасига уланишни вақтинча тўхтатиш учун қуйидагилар асос бўлади:

Ўзбекистон Республикаси қонунчилик ҳужжатлари ва технологик йўриқнома талабларининг бузилиши;

фойдаланувчининг мурожаати;

фойдаланувчи томонидан маълумотлар учинчи томонга шахсга ва банк сирига доир маълумотлар тўғрисидаги қонунчилик талабларига зид равишда тақдим этилгани ҳақида ахборотнинг мавжудлиги;

фойдаланувчининг ахборот тизимида ахборот хавфсизлигига хавф солувчи омиллар аниқлангани;

фойдаланувчининг ахборот тизими ва/ёки Идоралараро интеграциялашув платформасига уланиш авторизация маълумотлари учинчи шахсда мавжудлиги ҳақидаги маълумотлар аниқлангани;

ахборот хавфсизлиги ва киберхавфсизлик бўйича қонунчилик ҳужжатлари талабларининг бузилиши мавжудлиги юзасидан ваколатли органларнинг хулосаси;

Идоралараро интеграциялашув платформасига уланиш тўғрисидаги аризада келтирилган маълумотларни олиш учун асослар бекор қилингани;

фойдаланувчи томонидан ўз аризасига мувофиқ Идоралараро интеграциялашув платформасидаги бир ёки бир нечта веб-сервисдан фойдаланишда юбориладиган сўровларнинг максимал сонидан йигирма фоиздан ошиб кетгани;

фойдаланувчи томонидан унга фойдаланиш учун рухсат берилган веб-сервисга юборилган сўровларнинг умумий сонидан хатолик билан қайтган сўровларнинг улуши йигирма фоиздан ошиб кетгани;

Идоралараро интеграциялашув платформаси орқали олинган маълумотлардан маълумот тақдим этувчи ва оператор билан келишилмаган бошқа мақсадларда фойдаланилганлик ҳақида маълумотнинг мавжудлиги.

50. Идоралараро интеграциялашув платформасига уланишни бекор қилиш учун қуйидагилар асос бўлади:

фойдаланувчи томонидан Ўзбекистон Республикасининг «Шахсга доир маълумотлар тўғрисида»ги ва «Банк сири тўғрисида»ги қонунлари ва ушбу соҳадаги қонунчилик ҳужжатлари талабларининг бузилиш ҳолатлари аниқланиши;

Идоралараро интеграциялашув платформасининг ахборот тизимлари билан номувофиқлиги;

Идоралараро интеграциялашув платформасига уланиш тўғрисидаги аризада келтирилган маълумотларни олиш учун асослар бекор қилинганлиги;

мазкур Низом билан белгиланган талабларнинг бажарилмаслиги.

6-боб. Якунловчи қоидалар

51. Идоралараро интеграциялашув платформасининг иштирокчилари ўзаро ҳамкорлик ва ахборот алмашинуви натижасида олинган маълумотларнинг ахборот хавфсизлигини таъминлаши зарур.

52. Оператор мазкур Низом талабларининг бажарилиши бўйича доимий назорат ва мониторингни амалга оширади.

53. Оператор ва маълумот тақдим этувчи мазкур Низом талабларини бузган фойдаланувчининг масъул ходимлари хатти-ҳаракатлари учун жавобгар бўлмайди.

54. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 1-ИЛОВА

Маълумот тақдим этувчининиг «Электрон ҳукумат» тизими Идоралараро интеграциялашув платформасига уланиши, ахборот тизимларининг платформа орқали электрон ҳамкорлиги ва ахборот алмашинуви

Босқичлар Субъектлар Тадбирлар Бажариш муддатлари I. Маълумот тақдим этувчининг идоралараро интеграциялашув платформасига уланиши 1-босқич Маълумот тақдим этувчи Идоралараро интеграциялашув платформасига уланиш бўйича Ягона реестр тизимида технологик йўриқномани тўлдириб, операторга келишиш учун юборади. Хоҳишга кўра 2-босқич Оператор, маълумот тақдим этувчи Идоралараро интеграциялашув платформасига уланиш юзасидан технологик йўриқномани биргаликда ишлаб чиқади ва келишади. Технологик йўриқномани Ягона реестр тизимида электрон рақамли имзо билан тасдиқлайди ҳамда QR-код шакллантиради. 5 иш кунида 3-босқич Оператор Маълумот тақдим этувчини Идоралараро интеграциялашув платформасига улаш чораларини кўради. 5 иш кунида II. Ахборот тизимларининг Идоралараро интеграциялашув платформаси орқали электрон ҳамкорлик ва ахборот алмашинуви 1-босқич Фойдаланувчи Идоралараро интеграциялашув платформаси орқали веб-сервис ёрдамида тегишли сўровни юборади. Автоматик тарзда 2-босқич Оператор Тегишли сўровни маълумот тақдим этувчининг веб-сервисига юборади. Автоматик тарзда 3-босқич Маълумот тақдим этувчи Сўровни кўриб чиқиб, унинг жавобини Идоралараро интеграциялашув платформасига юборади. Автоматик тарзда 4-босқич Оператор Маълумот тақдим этувчи томонидан тақдим этилган жавобни фойдаланувчига юборади. Автоматик тарзда

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 2-ИЛОВА

Фойдаланувчининиг «Электрон ҳукумат» тизими Идоралараро интеграциялашув платформасига уланиши, ахборот тизимларининг платформа орқали электрон ҳамкорлиги ва ахборот алмашинуви

Босқичлар Субъектлар Тадбирлар Бажариш муддатлари I. Фойдаланувчининг Идоралараро интеграциялашув платформасига уланиши 1-босқич Фойдаланувчи Идоралараро интеграциялашув платформасига уланиш бўйича аризани тўлдириб, Ягона реестр тизими орқали операторга юборади. Хоҳишга кўра 2-босқич Оператор Аризанинг белгиланган талабларга мувофиқлигини кўриб чиқади ва Идоралараро интеграциялашув платформасига уланишни келишади. 5 иш кунида 3-босқич Оператор, фойдаланувчи Идоралараро интеграциялашув платформасига уланиш юзасидан технологик йўриқномани биргаликда ишлаб чиқади ва келишади. Технологик йўриқнома Ягона реестр тизимида электрон рақамли имзо билан тасдиқлайди ҳамда QR-код шакллантиради. 5 иш кунида 4-босқич Оператор Фойдаланувчини Идоралараро интеграциялашув платформасига улаш чораларини кўради. 5 иш кунида II. Ахборот тизимларининг Идоралараро интеграциялашув платформаси орқали электрон ҳамкорлиги ва ахборот алмашинуви 1-босқич Фойдаланувчи Идоралараро интеграциялашув платформаси орқали веб-сервис ёрдамида тегишли сўровни юборади. Автоматик тарзда 2-босқич Оператор Тегишли сўровни маълумот тақдим этувчининг веб-сервисига юборади. Автоматик тарзда 3-босқич Маълумот тақдим этувчи Сўровни кўриб чиқиб, унинг жавобини Идоралараро интеграциялашув платформасига юборади. Автоматик тарзда 4-босқич Оператор Маълумот тақдим этувчи томонидан тақдим этилган жавобни фойдаланувчига юборади. Автоматик тарзда

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 3-ИЛОВА

Фойдаланувчини «Электрон ҳукумат» тизимининг Идоралараро интеграциялашув платформасига улаш тўғрисида АРИЗА _________________________________________________________________________________________________________________ (ариза берувчи давлат органи ёки ташкилоти номи) «Электрон ҳукумат» тизимининг Идоралараро интеграциялашув платформасига (кейинги ўринларда — ИИП) маълумотларга ишлов бериш учун мўлжалланган ахборот тизимини улашни сўраб, қуйидагиларни маълум қилади: 1. Маълумотларга ишлов бериш учун мўлжалланган ахборот тизимининг мақсад ва вазифалари: ________________________________________________________________________________________________________________________________ 2. Маълумотларга ишлов бериш учун мўлжалланган ахборот тизимининг номи: ________________________________________________________________________________________________________________________________ 3. Маълумотларга ишлов бериш учун мўлжалланган ахборот тизимининг техник қўллаб-қувватлаш хизмати электрон почта манзили: ________________________________________________________________________________________________________________________________ 4. Маълумотларга ишлов бериш учун мўлжалланган ахборот тизими томонидан тақдим этилаётган веб-сервисларнинг тавсифи: ________________________________________________________________________________________________________________________________ 5. Электрон ҳукуматнинг идоралараро маълумотлар узатиш тармоғидаги ( ИМУТ ) IP-манзили: (ахборот тизимига хизмат кўрсатувчи ташкилотнинг ИМУТ IP-манзили кўрсатилган тақдирда, мазкур аризага тасдиқловчи ҳужжат нусхаси илова қилинади): ________________________________________________________________________________________________________________________________ 6. ИИП билан ахборот алмашинувини ташкил этиш ва унга уланиш доирасида сўралаётган маълумотлар таркиби: Т/р Маълумот олиш веб-сервисининг номи Маълумотларни олиш учун асос 1. 2. 3. 7. ИИПга бир ойда энг кўп сўровлар сони, ахборот тизимининг иш режими: Т/р Маълумот олиш веб-сервисининг номи Бир ой давомида амалга ошириладиган сўровларнинг максимал сони Сервис билан ишлаш режими 1. 2. 3. 8. Олинадиган маълумотлардан фойдаланиш мақсадларининг батафсил тавсифи (фойдаланиш учун рухсат сўралаётган маълумот олиш сервисларининг ҳар бири бўйича алоҳида кўрсатилади) : Т/р Маълумот олиш сервисининг номи Фойдаланишнинг мақсади 1. 2. 3. 9. Ариза берувчи давлат органи ёки ташкилотининг реквизитлари: ________________________________________________________________________________________________________________________________ 10. Маълумотларга ишлов бериш учун мўлжалланган ахборот тизими фойдаланувчиларининг Ф.И.О., лавозими ҳамда лавозимга тайинлаш ҳақидаги буйруқ (илова қилинади) тўғрисида маълумот: ________________________________________________________________________________________________________________________________ Мазкур аризани тақдим этиш билан маълумотларга ишлов бериш учун мўлжалланган ахборот тизими ёки ресурси аризанинг 1 — 10-бандларига мувофиқлигини тасдиқлайман. Мазкур аризада келтирилган маълумотларнинг тўлиқ ва тўғрилигини тасдиқлайман. Ушбу бандларда ўзгартиришлар амалга оширилса, уч иш куни мобайнида операторга хабар беришни ўз зиммамга оламан. ИИП орқали шахсга доир маълумотларга ишлов беришда фуқаронинг шахсга доир маълумотларига ишлов бериш тўғрисидаги розилигини олишни кафолатлайман. Изоҳ. Мазкур аризани имзолаш орқали шахсга доир маълумотларга ишлов беришда иштирок этувчи шахслар Ўзбекистон Республикасининг Маъмурий жавобгарлик тўғрисидаги кодексининг 46 2 -моддаси, Жиноят кодексининг 141 2 -моддаси билан таништирилган ҳисобланади ва Ўзбекистон Республикасининг шахсга доир маълумотларга ишлов бериш қисмига оид қонунчиликка риоя этилмаган ҳолларда жавобгарликни тўлиқ ўз зиммасига олишига мажбур бўлади. __________________________ __________________________________________________________ (сана) (раҳбар ёки бошқа ваколатли шахснинг имзоси ва имзосининг ёйилмаси)

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 4-ИЛОВА

Маълумот тақдим этувчини «Электрон ҳукумат» тизими Идоралараро интеграциялашув платформасининг push-хабарномалар сервисига улаш тартиби

Босқичлар Субъектлар Тадбирлар Бажариш муддатлари Маълумот тақдим этувчининг Идоралараро интеграциялашув платформасининг push-хабарномалар сервисига уланиши 1-босқич Маълумот тақдим этувчи Push-хабарномалар сервисига уланиш бўйича аризани тўлдириб, операторга Ягона реестр тизими орқали юборади. Хоҳишга кўра 2-босқич Оператор Аризанинг белгиланган талабларга мувофиқлигини кўриб чиқади ва push-хабарномалар сервисига уланишни келишади. 3 иш кунида 3-босқич Оператор, Маълумот тақдим этувчи Push-хабарномалар сервисига уланиш юзасидан технологик йўриқномани биргаликда ишлаб чиқади ва келишади. Технологик йўриқномани Ягона реестр тизимида электрон рақамли имзо билан тасдиқлайди ҳамда QR-код шакллантиради. 5 иш кунида 4-босқич Оператор Маълумот тақдим этувчини push-хабарномалар сервисига улаш чораларини кўради. 5 иш кунида

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 5-ИЛОВА

Маълумот тақдим этувчини «Электрон ҳукумат» тизими Идоралараро интеграциялашув платформасининг push-хабарномалар сервисига улаш тўғрисида АРИЗА _______________________________________________________________________________________________________________________________ (ариза берувчи давлат органи ёки ташкилоти номи) ________________________________________________________________________________________________________________________________ (ариза берувчи давлат органи ёки ташкилотининг қисқартма номи (лотин алифбосида) «Электрон ҳукумат» тизимининг Идоралараро интеграциялашув платформасининг (кейинги ўринларда — ИИП) push-хабарномалар сервисига маълумотларга ишлов бериш учун мўлжалланган ахборот тизимини улашни сўраб, қуйидагиларни маълум қилади: 1. Маълумотларга ишлов бериш учун мўлжалланган ахборот тизимининг мақсад ва вазифалари: ________________________________________________________________________________________________________________________________ 2. Маълумотларга ишлов бериш учун мўлжалланган ахборот тизимининг номи: ________________________________________________________________________________________________________________________________ (ахборот тизимининг тўлиқ номи) ________________________________________________________________________________________________________________________________ (ахборот тизимининг қисқартма номи (лотин алифбосида) 3. Маълумотларга ишлов бериш учун мўлжалланган ахборот тизимининг техник қўллаб-қувватлаш хизмати электрон почта манзили: ________________________________________________________________________________________________________________________________ 4. Электрон ҳукуматнинг идоралараро маълумотлар узатиш тармоғидаги (ИМУТ) IP-манзили: (ахборот тизимига хизмат кўрсатувчи ташкилотнинг ИМУТ IP-манзили кўрсатилган тақдирда, мазкур аризага тасдиқловчи ҳужжат нусхаси илова қилинади): ________________________________________________________________________________________________________________________________ 5. ИИПнинг push-хабарномалар сервиси билан ахборот алмашинувини ташкил этиш ва унга уланиш доирасида сўралаётган/тақдим этилаётган маълумотлар таркиби: Т/р Маълумот тақдим этиш веб-сервисининг номи Маълумотни тақдим этиш учун асос 1. 2. 3. 6. ИИПнинг push-хабарномалар сервисига бир ойда тақдим этиладиган энг кўп маълумотлар сони, ахборот тизимининг иш режими: Т/р Маълумот тақдим этиш веб-сервисининг номи Бир ой давомида тақдим этиладиган маълумотларнинг максимал сони ИИПнинг push-хабарномалар сервиси билан ишлаш режими 1. 2. 3. 7. Ариза берувчи давлат органи ёки ташкилотининг реквизитлари: ________________________________________________________________________________________________________________________________ 8. Маълумотларга ишлов бериш учун мўлжалланган ахборот тизими фойдаланувчиларининг Ф.И.О., лавозими ҳамда лавозимга тайинлаш ҳақидаги буйруқ (илова қилинади) тўғрисида маълумот: ________________________________________________________________________________________________________________________________ Мазкур аризани тақдим этиш билан маълумотларга ишлов бериш учун мўлжалланган ахборот тизими аризанинг 1 — 8-бандларига мувофиқлигини тасдиқлайман. Мазкур аризада келтирилган маълумотларнинг тўлиқ ва тўғрилигини тасдиқлайман. Ушбу бандларда ўзгартиришлар амалга оширилса, уч иш куни мобайнида операторга хабар беришни ўз зиммамга оламан. ИИПнинг push-хабарномалар сервиси орқали шахсга доир маълумотларга ишлов беришда фуқаронинг шахсга доир маълумотларига ишлов бериш тўғрисидаги розилигини олишни кафолатлайман. Изоҳ. Мазкур аризани имзолаш орқали шахсга доир маълумотларга ишлов беришда иштирок этувчи шахслар Ўзбекистон Республикасининг Маъмурий жавобгарлик тўғрисидаги кодексининг 46 2 -моддаси , Жиноят кодексининг 141 2 -моддаси билан таништирилган ҳисобланади ва Ўзбекистон Республикасининг шахсга доир маълумотларга ишлов бериш қисмига оид қонунчиликка риоя этилмаган ҳолларда жавобгарликни тўлиқ ўз зиммасига олишга мажбур бўлади. __________________________ ________________________________________________________ (сана) (раҳбар ёки бошқа ваколатли шахснинг имзоси ва имзосининг ёйилмаси)

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 6-ИЛОВА

Фойдаланувчини «Электрон ҳукумат» тизими Идоралараро интеграциялашув платформасининг push-хабарномалар сервисига улаш тартиби

Босқичлар Субъектлар Тадбирлар Бажариш муддатлари Фойдаланувчининг Идоралараро интеграциялашув платформаси push-хабарномалар сервисига уланиши 1-босқич Фойдаланувчи Идоралараро интеграциялашув платфомасининг push-хабарномалар сервисига уланиш бўйича аризани тўлдириб, операторга Ягона реестр тизими орқали юборади. Хоҳишга кўра 2-босқич Оператор Аризанинг белгиланган талабларга мувофиқлигини кўриб чиқади ва Идоралараро интеграциялашув платформасининг push-хабарномалар сервисига уланишни келишади. 3 иш кунида 3-босқич Оператор, Фойдаланувчи Идоралараро интеграциялашув платформасининг push-хабарномалар сервисига уланиш юзасидан технологик йўриқномани биргаликда ишлаб чиқади ва келишади. Технологик йўриқномани Ягона реестр тизимида электрон рақамли имзо билан тасдиқлайди ҳамда QR-код шакллантиради. 5 иш кунида 4-босқич Оператор Фойдаланувчини Идоралараро интеграциялашув платформасининг push-хабарномалар сервисига улаш чораларини кўради. 5 иш кунида

«Электрон ҳукумат» тизимининг Идоралараро интеграциялашув платформаси орқали электрон ҳамкорлик ва ахборот алмашинуви тартиби тўғрисидаги низомга 7-ИЛОВА

Фойдаланувчини «Электрон ҳукумат» тизими Идоралараро интеграциялашув платформасининг push-хабарномалар сервисига улаш тўғрисида АРИЗА _________________________________________ ____________ ___________________________________________________________________________ (ариза берувчи давлат органи ёки ташкилоти номи) _________________________________________________________________ ____________ ___________________________________________________ (ариза берувчи ташкилотнинг қисқартма номи (лотин алифбосида) «Электрон ҳукумат» тизимининг Идоралараро интеграциялашув платформасининг (кейинги ўринларда — ИИП) push-хабарномалар сервисига маълумотларга ишлов бериш учун мўлжалланган ахборот тизимини улашни сўраб, қуйидагиларни маълум қилади: 1. Маълумотларга ишлов бериш учун мўлжалланган ахборот тизимининг мақсад ва вазифалари: _____________________________________________________________ _____________ ______________________________________________________ 2. Маълумотларга ишлов бериш учун мўлжалланган ахборот тизимининг номи: __________________________________________________ ____________ __________________________________________________________________ (ахборот тизимининг тўлиқ номи) __________________________________________________ ____________ __________________________________________________________________ (ахборот тизимининг қисқартма номи (лотин алифбосида)) 3. Маълумотларга ишлов бериш учун мўлжалланган ахборот тизимининг техник қўллаб-қувватлаш хизмати электрон почта манзили: _______________________________________________________________ ____________ _____________________________________________________ 4. Электрон ҳукуматнинг идоралараро маълумотлар узатиш тармоғидаги (ИМУТ) IP-манзили: (ахборот тизимига хизмат кўрсатувчи ташкилотнинг ИМУТ IP-манзили кўрсатилган тақдирда, мазкур аризага тасдиқловчи ҳужжат нусхаси илова қилинади): _____________________________ _____________ ______________________________________________________________________________________ 5. ИИПнинг push-хабарномалар сервиси билан ахборот алмашинувини ташкил этиш ва унга уланиш доирасида сўралаётган/тақдим этилаётган маълумотлар таркиби: Т/р Маълумот олувчи веб-сервисининг номи Маълумотларни олиш учун асос 1. 2. 3. 6. Тақдим этиладиган маълумотлардан фойдаланиш мақсадларининг батафсил тавсифи (фойдаланиш учун рухсат сўралаётган маълумот тақдим этиш сервисларининг ҳар бири бўйича алоҳида кўрсатилади): Т/р Маълумот олувчи веб-сервисининг номи Фойдаланишнинг мақсади 1. 2. 3. 7. Ариза берувчи давлат органи ёки ташкилотининг реквизитлари: _____________________________ _____________ ______________________________________________________________________________________ 8. Маълумотларга ишлов бериш учун мўлжалланган ахборот тизими фойдаланувчиларининг Ф.И.О., лавозими ҳамда лавозимга тайинлаш ҳақидаги буйруқ (илова қилинади) тўғрисида маълумот: _____________________________ _____________ ______________________________________________________________________________________ Мазкур аризани тақдим этиш билан маълумотларга ишлов бериш учун мўлжалланган ахборот тизими аризанинг 1 — 8-бандларига мувофиқлигини тасдиқлайман. Мазкур аризада келтирилган маълумотларнинг тўлиқ ва тўғрилигини тасдиқлайман. Ушбу бандларда ўзгартиришлар амалга оширилса, уч иш куни мобайнида операторга хабар беришни ўз зиммамга оламан. ИИПнинг push-хабарномалар сервиси орқали шахсга доир маълумотларга ишлов беришда фуқаронинг шахсга доир маълумотларига ишлов бериш тўғрисидаги розилигини олишни кафолатлайман. Изоҳ. Мазкур аризани имзолаш орқали шахсга доир маълумотларга ишлов беришда иштирок этувчи шахслар Ўзбекистон Республикасининг Маъмурий жавобгарлик тўғрисидаги кодексининг 46 2 -моддаси ва Жиноят кодексининг 141 2 -моддаси билан таништирилган ҳисобланади ва Ўзбекистон Республикасининг шахсга доир маълумотларга ишлов бериш қисмига оид қонунчиликка риоя этилмаган ҳолларда жавобгарликни тўлиқ ўз зиммасига олишга мажбур бўлади. __________________________ __________________________________________________________ (сана) (раҳбар ёки бошқа ваколатли шахснинг имзоси ва имзосининг ёйилмаси) »;

г) 2-илова матни қуйидаги таҳрирда баён этилсин:

««Электрон ҳукумат» тизимининг Рақамли маълумотлар платформаси орқали электрон ҳамкорлик ва ахборот алмашинуви тартиби тўғрисида

НИЗОМ

1-боб. Умумий қоидалар

1. Ушбу Низом «Электрон ҳукумат» тизимининг Рақамли маълумотлар платформаси орқали электрон ҳамкорлик ва ахборот алмашинуви, тижорат ташкилотлари ва хўжалик юритувчи бошқа субъектларни ушбу платформага улаш тартибини белгилайди.

2. Мазкур Низомда қуйидаги асосий тушунчалардан фойдаланилади:

«Рақамли қумдон» модули — фойдаланувчи томонидан Рақамли маълумотлар платформасининг веб-сервисларига чекланган миқдорда тест сўровларини синов тариқасида юбориш учун мўлжалланган ахборот ресурси;

«Электрон ҳукумат» тизимининг Рақамли маълумотлар платформаси (кейинги ўринларда — Рақамли маълумотлар платформаси) — тижорат ташкилотлари ва хўжалик юритувчи бошқа субъектлар томонидан ўз тижорат хизматларини кўрсатиш доирасида давлат органларининг ахборот тизимлари ва маълумотлар базаларида мавжуд маълумотларни узатиш учун мўлжалланган аппарат-дастурий воситалар тўплами;

ахборот тизимлари ва ресурслари эгалари бўлган маълумот тақдим этувчи давлат органлари ва ташкилотлари (кейинги ўринларда — маълумот тақдим этувчи) — норматив-ҳуқуқий ҳужжатларга мувофиқ шахсга доир ва бошқа маълумотларни қайта ишлаш вазифалари юкланган, ўз ахборот тизимлари ва ресурсларини Рақамли маълумотлар платформасига улаш орқали маълумотларни тақдим этувчи давлат органлари ва ташкилотлари;

веб-сервис тавсифи — дастурий таъминотни қўллашда фойдаланиладиган техник ёндашув ва ечимларни қамраб олган қўлланма;

Рақамли маълумотлар платформаси оператори (кейинги ўринларда — оператор) — Ўзбекистон Республикаси Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасаси;

тест сўрови — ахборот алмашинуви доирасида фойдаланувчи томонидан Рақамли маълумотлар платформасининг «Рақамли қумдон» модули орқали йўлланадиган хабар;

технологик йўриқнома — Рақамли маълумотлар платформаси доирасида идоралараро маълумот алмашинувининг техник усуллари, таркиби, томонларнинг жавобгарлиги ва қайта алоқа тартибини белгиловчи ҳужжат;

фойдаланувчи — Рақамли маълумотлар платформасидан маълумотлар олишдан манфаатдор тижорат ташкилоти ёки хўжалик юритувчи бошқа субъект;

шартнома — Рақамли маълумотлар платформасидан маълумот олиш мақсадида оператор ва фойдаланувчи ўртасида тузиладиган келишув;

шахсий кабинет — «Электрон ҳукумат» тизимининг Рақамли маълумотлар платформасида маълумот тақдим этувчи, оператор ва фойдаланувчининг электрон ҳамкорлиги ҳамда ахборот алмашинуви доирасидаги ҳуқуқ ва мажбуриятлари билан боғлиқ бўлган ўзаро муносабатларни электрон тарзда амалга оширишни таъминлайдиган ахборот ресурси;

push-хабарнома — фойдаланувчининг ахборот тизимига маълумот тақдим этувчининг ахборот тизимлари ва ресурсларида йиғилган, ўзгартирилган ҳамда тўлдирилган маълумотлар пайдо бўлиши муносабати билан фойдаланувчининг ахборот тизими ва ресурсларида қайта ишланаётган маълумотларга ўзгартириш киритиш заруратига асосан юбориладиган қисқа хабар;

push-хабарномалар сервиси — ахборот тизимининг push-хабарномаларни қабул қилиш ва/ёки юбориш учун мўлжалланган модули.

3. Фойдаланувчиларнинг ахборот тизимларини Рақамли маълумотлар платформасига улаш фақат ҳимояланган VPN тармоғи орқали ташкил этилади.

Бунда солиқ ва кадастр органларининг ахборот тизимлари Рақамли маълумотлар платформасига Вазирлар Маҳкамасининг «Учинчи шахсларга солиқ тўловчилар тўғрисидаги маълумотларни тақдим этиш чора-тадбирлари ҳақида» 2021 йил 19 августдаги 529-сон қарорига мувофиқ давлат-хусусий шериклик шартномасининг амал қилиш муддатига қадар хусусий шерикнинг ахборот тизимлари орқали уланади.

4. Фойдаланувчи ва оператор ўртасидаги ахборот алмашинуви тегишли сўров юбориш йўли билан Рақамли маълумотлар платформаси ёрдамида амалга оширилади.

Бунда Рақамли маълумотлар платформаси орқали электрон ҳамкорлик ҳамда ахборот алмашинуви доирасида йўлланган барча сўровлар бўйича тегишли статистика маълумотлари маълумот тақдим этувчи ва фойдаланувчининг шахсий кабинетида юритилади.

5. Рақамли маълумотлар платформасига уланган ахборот тизимлари ва ресурсларида мавжуд бўлган шахсга доир маълумотлар билан ахборот алмашинуви Ўзбекистон Республикасининг «Шахсга доир маълумотлар тўғрисида»ги Қонуни ва ушбу соҳадаги бошқа қонунчилик ҳужжатларига мувофиқ амалга оширилади.

6. Рақамли маълумотлар платформаси орқали маълумотлар фойдаланувчининг вазифаларини бажариш учун қайта ишлаш мақсадида тақдим этилади.

Фойдаланувчи ўзига тегишли бўлган маълумотларнинг ишончлилиги, тўлиқлиги ҳамда долзарблигини таъминлаш шарти билан уларни бошқа фойдаланувчиларга, давлат органлари ва ташкилотларига Рақамли маълумотлар платформаси орқали белгиланган тартибда шартнома асосида тақдим этиши мумкин.

2-боб. Рақамли маълумотлар платформасига уланишнинг умумий талаблари ва шартлари

1-§. Рақамли маълумотлар платформасига дастлабки уланиш

7. Фойдаланувчи ва операторнинг ахборот тизимлари ўртасидаги электрон ҳамкорлик ва ахборот алмашинувида ахборот ва киберхавфсизлик талабларини таъминлаш мақсадида дастлабки уланиш доирасида фойдалунувчининг ахборот тизими «Рақамли қумдон» модулига уланади. Бунда «Рақамли қумдон» модули доирасида фойдаланувчи ва оператор ўртасидаги ахборот алмашинуви тест сўровлари таркибидаги маълумотларда бирон-бир жисмоний ёки юридик шахсга оид маълумотлардан фойдаланилмаган ҳолда тест сўровларни юбориш орқали амалга оширилади.

8. Фойдаланувчи ўзининг ахборот тизимини «Рақамли қумдон» модулига улаш учун операторга «Электрон ҳукуматнинг ахборот тизимлари ва ресурслари ягона реестри» ахборот тизими (кейинги ўринларда — Ягона реестр тизими) орқали электрон тарзда хат орқали мурожаат этади ҳамда оператор уч иш куни давомида фойдаланувчининг ахборот тизимини «Рақамли қумдон» модулига улаш чораларини кўради.

Бунда фойдаланувчи Ягона реестр тизимида авторизациядан ўтиши учун «Электрон ҳукумат» тизими фойдаланувчиларини идентификациялашнинг ягона ахборот тизимида рўйхатдан ўтади.

9. «Рақамли қумдон» модулига дастлабки уланиш муддати ўн кундан ошмаслиги зарур.

Дастлабки уланиш якуни бўйича Рақамли маълумотлар платформасига уланиш ёки уланмаслик масаласи фойдаланувчининг шахсий ташаббуси ҳисобланади.

2-§. Фойдаланувчини Рақамли маълумотлар платформасига улаш

10. Фойдаланувчи Рақамли маълумотлар платформасига ушбу Низомга 1-иловага мувофиқ схема асосида уланади.

11. Фойдаланувчи Рақамли маълумотлар платформасига уланиш учун мазкур Низомга 2-иловадаги шаклга мувофиқ аризани кузатув хатига илова қилган ҳолда операторга Ягона реестр тизими орқали электрон шаклда юборади.

Бунда Ягона реестр тизимида фойдаланувчи авторизациядан ўтиш учун «Электрон ҳукумат» тизими фойдаланувчиларини идентификациялашнинг ягона ахборот тизимида рўйхатдан ўтиши лозим (дастлабки уланиш доирасида авторизациядан ўтган фойдаланувчи бундан мустасно).

12. Оператор ариза келиб тушган кундан бошлаб беш иш куни мобайнида аризани қуйидаги талабларга мувофиқ кўриб чиқади:

аризада кўрсатилиши зарур бўлган маълумотлар тўлиқ киритилгани ҳамда аризага илова қилиниши зарур бўлган ҳужжатлар тўлиқ тақдим этилгани;

фойдаланувчининг ахборот тизими юзасидан Рақамли технологиялар вазирлиги ва «Киберхавфсизлик маркази» ДУКнинг ижобий хулосалари мавжудлиги;

фойдаланувчи томонидан тақдим этилган аризада маълумотларнинг ҳаққонийлиги ва ишончлилиги;

фойдаланувчининг ахборот тизими «Электрон ҳукумат» тизимининг Рақамли маълумотлар платформасининг техник функцияларини такрорламаслиги;

фойдаланувчининг ахборот тизимига уланиши билан боғлиқ техник-ташкилий шароитлар мавжудлиги.

13. Рақамли маълумотлар платформасида жойлаштирилган веб-сервислардан фойдаланиш учун рухсат бериш мақсадида оператор келиб тушган аризани Ягона реестр тизимида маълумот тақдим этувчига келишиш учун юборади.

Маълумот тақдим этувчи аризани қонунчилик ҳужжатлари талабларига мувофиқлиги жиҳатидан кўриб чиқади ҳамда эътирозлар мавжуд бўлмаган тақдирда, уч иш куни ичида Ягона реестр тизимида келишади.

Бунда маълумот тақдим этувчи томонидан аризани кўриб чиқиш ва келишиш муддати уч иш кунидан ошмаслиги зарур.

Агар мазкур Низомда белгиланган муддатда маълумот тақдим этувчи томонидан аризани кўриб чиқиш ёки келишиш натижалари ҳақида операторга Ягона реестр тизимида электрон шаклда хабарнома берилмаса, маълумот тақдим этувчи томонидан фойдаланувчининг аризаси келишилган ҳисобланади.

14. Маълумот тақдим этувчи томонидан ариза юзасидан қонунчилик ҳужжатларига мувофиқ асослантирилган эътирозлар мавжуд бўлган тақдирда, аризани келишиш рад этилади ва Ягона реестр тизимида операторга хабарнома юборилади.

15. Хабарнома келиб тушган куннинг ўзида оператор фойдаланувчининг аризасини рад этиш орқали Ягона реестр тизимида қайтаради.

Фойдаланувчи хабарномада келтирилган камчиликларни бартараф қилиб, қайта ариза бериши мумкин.

16. Ариза мазкур Низом талабларига мувофиқ бўлган тақдирда, оператор беш иш куни мобайнида технологик йўриқномани фойдаланувчи билан биргаликда Ягона реестр тизимида ишлаб чиқади ва келишади.

Агар фойдаланувчининг Рақамли маълумотлар платформасига бир нечта ахборот тизими ёки ресурси уланадиган бўлса, мазкур ҳолатда ҳар битта ахборот тизими ёки ресурси бўйича алоҳида технологик йўриқнома ишлаб чиқилади ва келишилади.

Бунда келишилган технологик йўриқнома Ягона реестр тизимида электрон рақамли имзо билан тасдиқланади ҳамда QR-код шакллантирилади.

17. Технологик йўриқнома ўзаро келишилгандан сўнг оператор фойдаланувчини Рақамли маълумотлар платформасига беш иш куни мобайнида улаш чораларини кўради. Бунда оператор ва фойдаланувчи ўртасида Рақамли маълумотлар платформасига уланиш хизматларини кўрсатиш тўғрисидаги шартнома расмийлаштирилади.

18. Рақамли маълумотлар платформасига уланиш хизматларини кўрсатиш тўғрисидаги шартномада хизмат кўрсатиш даражаси (техник қўллаб-қувватлаш 24/7 режимида кўрсатилиши, ҳисоботларни шакллантириш, қайта алоқа тизими, ахборот алмашинувидаги техник узилишлар юзасидан хабардор қилиш ва бошқалар) билан боғлиқ шартлар ҳам белгиланиши зарур.

19. Фойдаланувчининг ахборот тизими ҳамда тизимларнинг интеграциялашув жараёнига қўйиладиган техник талаблар оператор томонидан Ўзбекистон Республикаси Рақамли технологиялар вазирлиги билан келишилган ҳолда техник жиҳатдан тартибга солиш соҳасидаги норматив ҳужжатга мувофиқ белгиланади.

20. Рақамли маълумотлар платформасига уланишни рад этиш учун қуйидагилар асос бўлади:

аризада кўрсатилиши зарур бўлган маълумотлар тўлиқ киритилгани ҳамда аризага илова қилиниши зарур бўлган ҳужжатлар тўлиқ тақдим этилмагани;

маълумот тақдим этувчи томонидан аризани келишиш рад этилгани;

фойдаланувчи томонидан тақдим этилган аризада маълумотларнинг ҳаққоний ва ишончли эмаслиги;

фойдаланувчининг ахборот тизими «Электрон ҳукумат» тизимининг Рақамли маълумотлар платформасининг техник функцияларини такрорлаши;

уланиш билан боғлиқ техник-ташкилий ечимнинг мавжуд бўлмаслиги.

Рақамли маълумотлар платформасига уланишни бошқа асослар бўйича рад этиш тақиқланади.

3-боб. Сўровларни қайта ишлашнинг умумий талаблари

1-§. Сўровларни қайта ишлаш

21. Рақамли маълумотлар платформасига уланган фойдаланувчи зарур бўлган маълумотларни тегишли сўровларни юбориш орқали олади.

22. Фойдаланувчилар учун сўровга оид умумий талаблар оператор ва маълумот тақдим этувчи ўртасида келишиладиган технологик йўриқноманинг веб-сервис тавсифида белгиланади.

23. Рақамли маълумотлар платформасида жойлаштирилган веб-сервис технологик йўриқноманинг веб-сервис тавсифида белгиланган шартларга мувофиқ сўровга оид маълумотлар асосида тест сўровини юбориш орқали синовдан ўтказилади.

24. Технологик йўриқномага асосан сўров доирасида маълумотлар тақдим этилиши белгиланган бўлса, фойдаланувчига тегишли маълумотлар автоматик равишда тақдим этилади.

2-§. Push-хабарномалар сервисига уланишнинг умумий шартлари

25. Маълумот тақдим этувчининг ахборот тизимлари ва ресурсларида йиғилган, ўзгартирилган ҳамда тўлдирилган маълумотлар пайдо бўлиши муносабати билан тегишли push-хабарномалар Рақамли маълумотлар платформасининг push-хабарномалар сервиси орқали юборилади ва/ёки қабул қилинади.

Бунда Рақамли маълумотлар платформасининг push-хабарномалар сервисига уланиш учун тегишли ахборот тизимлари ва ресурслари Рақамли маълумотлар платформасига уланган бўлиши зарур.

26. Рақамли маълумотлар платформасининг push-хабарномалар сервисига уланиш учун фойдаланувчи тегишли веб-сервисларга киришни маълумот тақдим этувчи билан келишиб олиши лозим.

27. Рақамли маълумотлар платформасининг push-хабарномалар сервисига ушбу Низомга 3-иловага мувофиқ схема асосида уланади.

Бунда фойдаланувчи мазкур Низомга 4-иловадаги шаклга мувофиқ аризани кузатув хатига илова қилган ҳолда, операторга Ягона реестр тизими орқали электрон шаклда юборади.

28. Оператор ариза келиб тушган кундан бошлаб уч иш куни мобайнида уни қуйидаги талаблар асосида кўриб чиқади:

фойдаланувчини push-хабарномалар сервисига улаш учун маълумот тақдим этувчи билан келишилгани;

аризада кўрсатилиши зарур бўлган маълумотлар тўлиқ киритилгани;

фойдаланувчининг ахборот тизимига уланиши билан боғлиқ техник-ташкилий шароитлар мавжудлиги.

29. Ариза мазкур Низом талабларига мувофиқ бўлган тақдирда, оператор беш иш куни мобайнида технологик йўриқномани фойдаланувчи билан биргаликда Ягона реестр тизимида ишлаб чиқади ва келишади.

Агар фойдаланувчининг Рақамли маълумотлар платформасининг push-хабарномалар сервисига бир нечта ахборот тизими ёки ресурси уланадиган бўлса, мазкур ҳолатда ҳар битта ахборот тизими ёки ресурси бўйича алоҳида технологик йўриқнома ишлаб чиқилади ва келишилади.

Рақамли маълумотлар платформасининг push-хабарномалар сервисига уланиш рад этилган тақдирда, оператор томонидан Ягона реестр тизими орқали фойдаланувчига рад этиш сабаблари кўрсатилган хабарнома юборилади.

Фойдаланувчи хабарномада келтирилган камчиликларни бартараф қилиб, қайта ариза бериши мумкин.

30. Технологик йўриқнома ўзаро келишилгандан сўнг оператор фойдаланувчини Рақамли маълумотлар платформасига беш иш куни мобайнида улаш чораларини кўради. Бунда оператор ва фойдаланувчи ўртасида Рақамли маълумотлар платформасининг push-хабарномалар сервисига уланиш хизматларини кўрсатиш тўғрисидаги шартнома расмийлаштирилади.

31. Рақамли маълумотлар платформасининг push-хабарномалар сервисига уланиш хизматларини кўрсатиш тўғрисидаги шартномада хизмат кўрсатиш даражаси (техник қўллаб-қувватлаш 24/7 режимида кўрсатилиши, ҳисоботларни шакллантириш, қайта алоқа тизими, ахборот алмашинувидаги техник узилишлар юзасидан хабардор қилиш ва бошқалар) билан боғлиқ шартлар ҳам белгиланади.

32. Рақамли маълумотлар платформасининг push-хабарномалар сервисига уланишни рад этиш учун қуйидагилар асос бўлади:

push-хабарномалар сервисига уланиш маълумот тақдим этувчи билан келишилмагани;

аризада кўрсатилиши зарур бўлган маълумотлар тўлиқ киритилмагани;

маълумот тақдим этувчи ёки фойдаланувчининг ахборот тизимига уланиши билан боғлиқ техник-ташкилий шароитлар мавжуд эмаслиги.

Рақамли маълумотлар платформасининг push-хабарномалар сервисига уланишни бошқа асослар бўйича рад этиш тақиқланади.

4-боб. Рақамли маълумотлар платформаси томонларининг ҳуқуқ ва мажбуриятлари

33. Оператор қуйидаги ҳуқуқларга эга:

фойдаланувчига Рақамли маълумотлар платформасида жойлаштирилган веб-сервислардан фойдаланиш учун рухсат бериш;

маълумот тақдим этувчи ёки фойдаланувчига Рақамли маълумотлар платформасига уланишида кўмаклашиш;

Рақамли маълумотлар платформасига уланиш юзасидан технологик ечимлар бўйича тушунтиришлар бериш;

фойдаланувчидан Рақамли маълумотлар платформасидаги тегишли веб-сервисларга уланишдан кўзланган мақсад ва вазифалари тўғрисидаги маълумотларни қўшимча тарзда сўраб олиш;

маълумот тақдим этувчидан унинг маълумотлар базаларининг барқарор ишлаши, белгиланган маълумотларнинг Рақамли маълумотлар платформасига узлуксиз равишда тақдим этилишини талаб қилиш;

Оператор қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

34. Маълумот тақдим этувчи қуйидаги ҳуқуқларга эга:

Рақамли маълумотлар платформаси орқали маълумотларни қабул қилиш ва юбориш;

Рақамли маълумотлар платформаси орқали маълумот юбориш масалаларининг техник ечимида оператордан ёрдам олиш;

Рақамли маълумотлар платформасига уланиш юзасидан оператордан тушунчалар олиш;

Рақамли маълумотлар платформасидаги шахсий кабинети орқали ўзига тегишли бўлган веб-сервисларга уланган фойдаланувчиларга оид статистика маълумотларини олиш.

Маълумот тақдим этувчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

35. Фойдаланувчи қуйидаги ҳуқуқларга эга:

Рақамли маълумотлар платформаси ёрдамида сўровлар юбориш ва маълумотларни олиш;

Рақамли маълумотлар платформасидаги тегишли веб-сервисларга белгиланган тартибда уланиш;

Рақамли маълумотлар платформасидаги шахсий кабинети орқали фойдаланишга рухсат берилган веб-сервисларга оид статистика маълумотларини олиш;

Рақамли маълумотлар платформасига уланиш бўйича оператордан тушунчалар олиш.

Фойдаланувчига қонунчилик ҳужжатлари билан бошқа мажбуриятлар ҳам юкланиши мумкин.

36. Оператор:

Рақамли маълумотлар платформасига уланиш тартиби ва шартларига риоя қилишга;

фойдаланувчига Рақамли маълумотлар платформаси орқали маълумотлар юборилгунига қадар уларнинг конфиденциаллигини таъминлашга;

Рақамли маълумотлар платформасида маълумот тақдим этувчи ва фойдаланувчини шахсий кабинетларига улашга;

Ягона реестр тизимида Рақамли маълумотлар платформасига уланиш бўйича ариза ва технологик йўриқномани кўриб чиқишга ва келишишга;

Рақамли маълумотлар платформасида жойлаштирилган барча веб-сервислар бўйича режали ва режадан ташқари узилишлар ва/ёки тўхталишлар вужудга келиши ёки улар бартараф этилиши юзасидан фойдаланувчиларни мавжуд бўлган қайта алоқа каналлари орқали хабардор қилишга;

Маълумот тақдим этувчи ва фойдаланувчининг Рақамли маълумотлар платформасидаги шахсий кабинетлари орқали электрон ахборот ҳамкорлиги доирасидаги статистика маълумотлари билан танишиш имконини яратишга;

Рақамли маълумотлар платформасининг узлуксиз ишлаши бўйича тегишли чоралар кўришга;

қонунчилик ҳужжатлари ва мазкур Низом талабларини бажаришга;

мазкур Низомда ёки бошқа қонунчилик ҳужжатларида белгиланган қоидалар бузилган тақдирда, маълумот тақдим этувчи ёки фойдаланувчининг Рақамли маълумотлар платформасига уланишини вақтинча тўхтатиш ёки бекор қилиш ва бу ҳақида уларни асосларни кўрсатган ҳолда расмий хабардор қилишга мажбур.

Операторга қонунчилик ҳужжатлари билан бошқа мажбуриятлар ҳам юкланиши мумкин.

37. Маълумот тақдим этувчи:

Рақамли маълумотлар платформасига уланиш шартларига риоя қилишга;

Рақамли маълумотлар платформасига уланиш бўйича Ягона реестр тизимида ариза ва технологик йўриқномаларни ишлаб чиқишга ва келишишга;

Рақамли маълумотлар платформасининг push-хабарномалар сервисига уланиш бўйича фойдаланувчининг аризасини белгиланган тартибда келишишга;

Рақамли маълумотлар платформаси орқали юборилган сўровларга мувофиқ маълумотларни технологик йўриқномада белгиланган тартибда тақдим этишга;

ўзига тегишли бўлган ахборот тизимлари ва ресурслари ҳамда маълумотлар базаларининг барқарор ишлаши, улардаги маълумотларнинг Рақамли маълумотлар платформасига узлуксиз равишда тақдим этилиши бўйича тегишли чоралар кўришга;

Рақамли маълумотлар платформасида жойлаштирилган ўзининг барча веб-сервислари бўйича режали ва режадан ташқари узилишлар ва/ёки тўхталишлар вужудга келиши ёки улар бартараф этилиши юзасидан операторни мавжуд қайта алоқа каналлари орқали реал вақт режимида хабардор қилишга;

ўзига тегишли веб-сервисга ўзгартириш ва/ёки қўшимчалар киритиладиган тақдирда, режалаштирилган ишлар амалга оширилгунига қадар бу ҳақида икки ҳафта олдин операторга хабар беришга;

ўз ахборот тизимлари ва ресурсларида техник ишлар ўтказилиши натижасида Рақамли маълумотлар платформасига тақдим этилаётган веб-сервисларда кузатилиши мумкин бўлган узилишлар юзасидан техник ишлар бажарилишидан камида уч иш кун олдин операторни ёзма равишда хабардор қилишга;

Рақамли маълумотлар платформасида жойлаштирилган ўз веб-сервисларига фойдаланувчиларни тўғридан-тўғри улашни чеклашга мажбур.

Маълумот тақдим этувчига қонунчилик ҳужжатлари билан бошқа мажбуриятлар ҳам юкланиши мумкин.

38. Фойдаланувчи:

Рақамли маълумотлар платформасига уланиш тартиби ва шартларига риоя қилишга;

Рақамли маълумотлар платформасининг push-хабарномалар сервисига уланиш бўйича аризасини белгиланган тартибда маълумот тақдим этувчи билан келишишга;

Рақамли маълумотлар платформаси орқали олинаётган маълумотларнинг конфиденциаллигини таъминлашга;

Рақамли маълумотлар платформаси орқали олинган маълумотларни учинчи томонга тақдим этмасликка;

Рақамли маълумотлар платформаси орқали олинган маълумотлардан маълумот тақдим этувчи ва оператор билан келишилмаган бошқа мақсадларда фойдаланмасликка;

Рақамли маълумотлар платформасига уланган ўзининг ахборот тизимларининг узлуксиз ишлаши бўйича тегишли чоралар кўришга;

Фойдаланувчига қонунчилик ҳужжатлари билан бошқа мажбуриятлар ҳам юкланиши мумкин.

5-боб. Рақамли маълумотлар платформасига уланишни вақтинча тўхтатиш ёки бекор қилиш

39. Рақамли маълумотлар платформасига уланишни вақтинча тўхтатиш ёки бекор қилиш оператор томонидан амалга оширилади.

Бунда Рақамли маълумотлар платформасига уланишни вақтинча тўхтатиш ёки бекор қилиш фойдаланувчига бир ёки бир нечта веб-сервислардан фойдаланишига нисбатан ҳам қўлланиши мумкин.

40. Рақамли маълумотлар платформасига уланишни вақтинча тўхтатиш учун қуйидагилар асос бўлади:

Ўзбекистон Республикаси қонунчилик ҳужжатлари ва технологик йўриқнома талабларининг бузилиши;

фойдаланувчининг мурожаати;

фойдаланувчининг ахборот тизимида ахборот хавфсизлигига хавф солувчи омиллар аниқлангани;

фойдаланувчининг ахборот тизими ва/ёки Рақамли маълумотлар платформасига уланиш авторизация маълумотлари учинчи шахсда мавжудлиги ҳақидаги маълумотлар аниқлангани;

шартномада назарда тутилган тўловлар фойдаланувчи томонидан ўз вақтида тўланмаслиги;

Рақамли маълумотлар платформасига уланиш тўғрисидаги аризада келтирилган маълумотларни олиш учун асослар бекор қилинганлиги;

фойдаланувчи томонидан ўзининг аризасига мувофиқ Рақамли маълумотлар платформасидаги бир ёки бир нечта веб-сервисдан фойдаланишда юбориладиган сўровларнинг максимал сонидан йигирма фоиздан ошиб кетгани;

Рақамли маълумотлар платформаси орқали олинган маълумотлардан маълумот тақдим этувчи ва оператор билан келишилмаган бошқа мақсадларда фойдаланилганлик ҳақида маълумотнинг мавжудлиги.

41. Рақамли маълумотлар платформасига уланишни бекор қилиш учун қуйидагилар асос бўлади:

фойдаланувчи томонидан Ўзбекистон Республикасининг «Шахсга доир маълумотлар тўғрисида»ги ва «Банк сири тўғрисида»ги қонунлари ҳамда ушбу соҳадаги қонунчилик ҳужжатлари талабларининг бузилиш ҳолатлари аниқланиши;

Рақамли маълумотлар платформасига уланиш тўғрисидаги аризада келтирилган маълумотларни олиш учун асослар бекор қилингани;

мазкур Низом ва шартнома шартлари бузилиши ёки шартноманинг амал қилиш муддатининг тугаши.

6-боб. Якунловчи қоидалар

42. Рақамли маълумотлар платформасининг иштирокчилари ўзаро ҳамкорлик ва ахборот алмашинуви натижасида олинган маълумотларнинг ахборот хавфсизлигини таъминлаши зарур.

43. Оператор мазкур Низом талаблари ижроси бўйича доимий назорат ва мониторингни амалга оширади.

44. Оператор ва маълумот тақдим этувчи мазкур Низом ва шартнома талабларини бузган фойдаланувчининг ходимларини хатти-ҳаракатлари учун жавобгар бўлмайди.

45. Мазкур Низом талабларининг бузилишида айбдор бўлган шахслар, қонунчилик ҳужжатларида белгиланган тартибда жавоб берадилар.

«Электрон ҳукумат» тизимининг Рақамли маълумотлар платформаси орқали электрон ҳамкорлик ва ахборот алмашинуви тартиби тўғрисидаги низомга 1-ИЛОВА

Фойдаланувчининиг «Электрон ҳукумат» тизими Рақамли маълумотлар платформасига уланиши, ахборот тизимларининг платформа орқали электрон ҳамкорлиги ва ахборот алмашинуви

Босқичлар Субъектлар Тадбирлар Бажариш муддатлари I. Фойдаланувчининг Рақамли маълумотлар платформасига уланиши 1-босқич Фойдаланувчи Рақамли маълумотлар платформасига уланиш бўйича аризани тўлдириб, Ягона реестр тизими орқали операторга юборади. Хоҳишга кўра 2-босқич Оператор Аризанинг белгиланган талабларга мувофиқлигини кўриб чиқади ва Рақамли маълумотлар платформасига уланишни келишиш учун маълумот тақдим этувчига юборади. 5 иш кунида Маълумот тақдим этувчи Аризанинг белгиланган талабларга мувофиқлигини кўриб чиқади ва Ягона реестр тизимида келишади. 3 иш кунида 3-босқич Оператор, фойдаланувчи Рақамли маълумотлар платформасига уланиш юзасидан технологик йўриқномани биргаликда ишлаб чиқади ва келишади. Технологик йўриқномани Ягона реестр тизимида электрон рақамли имзо билан тасдиқлайди ҳамда QR-код шакллантиради. 5 иш кунида 4-босқич Оператор, фойдаланувчи Фойдаланувчини Рақамли маълумотлар платформасига улаш чораларини кўради ва Рақамли маълумотлар платформасига уланиш хизматларини кўрсатиш тўғрисидаги шартномани расмийлаштиради. 5 иш кунида II. Ахборот тизимларининг Рақамли маълумотлар платформаси орқали электрон ҳамкорлиги ва ахборот алмашинуви 1-босқич Фойдаланувчи Рақамли маълумотлар платформаси орқали веб-сервис ёрдамида зарур маълумотни олиш учун сўров юборади. Автоматик тарзда 2-босқич Оператор Тегишли сўровни маълумот тақдим этувчининг веб-сервисига юборади. Автоматик тарзда 3-босқич Маълумот тақдим этувчи Сўровни кўриб чиқиб, унинг жавобини Рақамли маълумотлар платформасига юборади. Автоматик тарзда 4-босқич Оператор Маълумот тақдим этувчи томонидан тақдим этилган жавобни (маълумотларни) фойдаланувчига юборади. Автоматик тарзда

«Электрон ҳукумат» тизимининг Рақамли маълумотлар платформаси орқали электрон ҳамкорлик ва ахборот алмашинуви тартиби тўғрисидаги низомга 2-ИЛОВА

Фойдаланувчини «Электрон ҳукумат» тизимининг Рақамли маълумотлар платформасига улаш тўғрисида АРИЗА _______________________________________________________________________ ____ __________________________________________________________ (ариза берувчи тижорат ташкилоти ёки хўжалик юритувчи бошқа субъект номи) «Электрон ҳукумат» тизимининг Рақамли маълумотлар платформасига (кейинги ўринларда — Рақамли платформа) ариза берувчининг ахборот тизимини улашни сўраб, қуйидагиларни маълум қилади: 1. Маълумотларга ишлов бериш учун мўлжалланган ахборот тизими ёки ресурснинг мақсад ва вазифалари: _____________________________________________________________________________ _______________________________________________________________ 2. Маълумотларга ишлов бериш учун мўлжалланган ахборот тизимининг номи: _____________________________________________________________________________ _______________________________________________________________ 3. Маълумотларга ишлов бериш учун мўлжалланган ахборот тизимининг техник қўллаб-қувватлаш хизмати электрон почта манзили ва масъул ходимнинг телефон рақами: _____________________________________________________________________________ _______________________________________________________________ 4. Маълумотларга ишлов бериш учун мўлжалланган ахборот тизими томонидан тақдим этилаётган сервисларнинг тавсифи: _____________________________________________________________________________ _______________________________________________________________ 5. Рақамли платформа билан ахборот алмашинувини ташкил этиш ва унга уланиш доирасида сўралаётган маълумотларнинг таркиби: Т/р Маълумот олиш сервисининг номи Маълумотл ар ни олиш учун асос 1. 2. 3. 6. Рақамли платформага бир ойда энг кўп сўровлар сони, ахборот тизимининг иш режими: Т/р Маълумот олиш сервисининг номи Сервис билан ишлаш режими 1. 2. 3. 7. Олинадиган маълумотлардан фойдаланиш мақсадларининг батафсил тавсифи (фойдаланиш учун рухсат сўралаётган маълумот олиш сервисларининг ҳар бири бўйича алоҳида кўрсатилади): Т/р Маълумот олиш сервисининг номи Фойдаланишнинг мақсади 1. 2. 3. 8. Ариза берувчи ташкилот номи ва реквизитлари: _____________________________________________________________________________ _______________________________________________________________ 9. Маълумотларга ишлов бериш учун мўлжалланган ахборот тизими ёки ресурси фойдаланувчиларининг Ф.И.О., лавозими ҳамда лавозимга тайинлаш ҳақидаги буйруқ (илова қилинади) тўғрисида маълумот: _____________________________________________________________________________ _______________________________________________________________ Мазкур аризани тақдим этиш билан маълумотларга ишлов бериш учун мўлжалланган ахборот тизими аризанинг 1 — 9-бандларига мувофиқлигини тасдиқлайман. Мазкур аризада келтирилган маълумотларнинг тўлиқ ва тўғрилигини тасдиқлайман. Ушбу бандларда ўзгартиришлар амалга оширилса, уч иш куни мобайнида операторга хабар беришни ўз зиммамга оламан. Рақамли платформа орқали шахсга доир маълумотларга ишлов беришда фуқаронинг шахсга доир маълумотларига ишлов бериш тўғрисидаги розилигини олишни кафолатлайман. Изоҳ. Мазкур аризани имзолаш орқали шахсга доир маълумотларга ишлов беришда иштирок этувчи шахслар Ўзбекистон Республикасининг Маъмурий жавобгарлик тўғрисидаги кодексининг 46 2 -моддаси , Жиноят кодексининг 141 2 -моддаси билан таништирилган ҳисобланади ва Ўзбекистон Республикасининг шахсга доир маълумотларга ишлов бериш қисмига оид қонунчиликка риоя этилмаган ҳолларда жавобгарликни тўлиқ ўз зиммасига олишга мажбур бўлади. _____________________________ _______________________________________________________________ (сана) (раҳбар ёки бошқа ваколатли шахснинг имзоси ва имзосининг ёйилмаси)

«Электрон ҳукумат» тизимининг Рақамли маълумотлар платформаси орқали электрон ҳамкорлик ва ахборот алмашинуви тартиби тўғрисидаги низомга 3-ИЛОВА

Фойдаланувчини «Электрон ҳукумат» тизими Рақамли маълумотлар платформасининг push-хабарномалар сервисига улаш тартиби

Босқичлар Субъектлар Тадбирлар Бажариш муддатлари Фойдаланувчининг Рақамли маълумотлар платформаси push-хабарномалар сервисига уланиши 1-босқич Фойдаланувчи Рақамли маълумотлар платфомасининг push-хабарномалар сервисига уланиш бўйича аризани тўлдириб, операторга Ягона реестр тизими орқали юборади. Хоҳишга кўра 2-босқич Оператор Аризанинг белгиланган талабларга мувофиқлигини кўриб чиқади ва Рақамли маълумотлар платформасининг push-хабарномалар сервисига уланишни келишади. 3 иш кунида 3-босқич Оператор, фойдаланувчи Рақамли маълумотлар платформасининг push-хабарномалар сервисига уланиш юзасидан технологик йўриқномани биргаликда ишлаб чиқади ва келишади. Технологик йўриқномани Ягона реестр тизимида электрон рақамли имзо билан тасдиқлайди ҳамда QR-код шакллантиради. 5 иш кунида 4-босқич Оператор, фойдаланувчи Фойдаланувчини Рақамли маълумотлар платформасининг push-хабарномалар сервисига улаш чораларини кўради ва Рақамли маълумотлар платформасининг push-хабарномалар сервисига уланиш хизматларини кўрсатиш тўғрисидаги шартнома расмийлаштиради. 5 иш кунида

«Электрон ҳукумат» тизимининг Рақамли маълумотлар платформаси орқали электрон ҳамкорлик ва ахборот алмашинуви тартиби тўғрисидаги низомга 4-ИЛОВА

Фойдаланувчини «Электрон ҳукумат» тизими Рақамли маълумотлар платформасининг push-хабарномалар сервисига улаш тўғрисида АРИЗА _____________________________________________________________ ____________ _______________________________________________________ (ариза берувчи ташкилотнинг тўлиқ номи) __________________________________________________________ ____________ __________________________________________________________ (ариза берувчи ташкилотнинг қисқартма номи (лотин алифбосида)) «Электрон ҳукумат» тизими Рақамли маълумотлар платформасининг push-хабарномалар сервисига (кейинги ўринларда — push-хабарномалар сервиси ) маълумотларга ишлов бериш учун мўлжалланган ахборот тизимини улашни сўраб, қуйидагиларни маълум қилади: 1. Маълумотларга ишлов бериш учун мўлжалланган ахборот тизимининг мақсад ва вазифалари: ___________________________________________ ____________ _________________________________________________________________________ 2. Маълумотларга ишлов бериш учун мўлжалланган ахборот тизимининг номи : _________________________________ ____________ ___________________________________________________________________________________ (ахборот тизимининг тўлиқ номи) ______________________________________________ ____________ ______________________________________________________________________ (ахборот тизимининг қисқартма номи (лотин алифбосида)) 3. Маълумотларга ишлов бериш учун мўлжалланган ахборот тизимининг техник қўллаб-қувватлаш хизмати электрон почта манзили: __________________________________ ____________ __________________________________________________________________________________ 4. Маълумотларга ишлов бериш учун мўлжалланган ахборот тизими томонидан тақдим этилаётган веб-сервисларнинг тавсифи: _________________________________ ____________ ___________________________________________________________________________________ 5. Интернет тармоғидаги IP-манзили: ____________________________________ ____________ ________________________________________________________________________________ 6. Push-хабарномалар сервиси билан ахборот алмашинувини ташкил этиш ва унга уланиш доирасида сўралаётган маълумотлар таркиби: Т/р Маълумот олувчи веб-сервисининг номи Маълумотларни олиш учун асос 1. 2. 3. 7. Тақдим этиладиган маълумотлардан фойдаланиш мақсадларининг батафсил тавсифи (фойдаланиш учун рухсат сўралаётган маълумот тақдим этиш сервисларининг ҳар бири бўйича алоҳида кўрсатилади): Т/р Маълумот олиш сервисининг номи Фойдаланишнинг мақсади 1. 2. 3. 8. Ариза берувчи ташкилотнинг реквизитлари: ______________________________________ ____________ ______________________________________________________________________________ 9. Маълумотларга ишлов бериш учун мўлжалланган ахборот тизими фойдаланувчиларининг Ф.И.О., лавозими ҳамда лавозимга тайинлаш ҳақидаги буйруқ (илова қилинади) тўғрисида маълумот: _____________________________________________ ____________ _______________________________________________________________________ Мазкур аризани тақдим этиш билан маълумотларга ишлов бериш учун мўлжалланган ахборот тизими аризанинг 1 — 9-бандларига мувофиқлигини тасдиқлайман. Мазкур аризада келтирилган маълумотларнинг тўлиқ ва тўғрилигини тасдиқлайман. Ушбу бандларда ўзгартиришлар амалга оширилса, уч иш куни мобайнида Операторга хабар беришни ўз зиммамга оламан. Push-хабарномалар сервиси орқали шахсга доир маълумотларга ишлов беришда фуқаронинг шахсга доир маълумотларига ишлов бериш тўғрисидаги розилигини олишни кафолатлайман. Изоҳ. Мазкур аризани имзолаш орқали шахсга доир маълумотларга ишлов беришда иштирок этувчи шахслар Ўзбекистон Республикасининг Маъмурий жавобгарлик тўғрисидаги кодексининг 46 2 -моддаси , Жиноят кодексининг 141 2 -моддаси билан таништирилган ҳисобланади ва Ўзбекистон Республикасининг шахсга доир маълумотларга ишлов бериш қисмига оид қонунчиликка риоя этилмаган ҳолларда жавобгарликни тўлиқ ўз зиммасига олишга мажбур бўлади. __________________________ ___________________________________________________________ (сана) (раҳбар ёки бошқа ваколатли шахснинг имзоси ва имзосининг ёйилмаси) » .

Ўзбекистон Республикасининг Бош вазири А. АРИПОВ

Тошкент ш.,

2026 йил 5 март,

93-сон

(Қонунчилик маълумотлари миллий базаси, 07.03.2026 й., 09/26/93/0210-сон)

lex.uz

OʻZBEKISTON RESPUBLIKASI VAZIRLAR MAHKAMASINING

QARORI

SXEMASI

Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining “Respublikaning hudud, soha va tarmoqlarida raqamli texnologiyalar joriy etilishini yanada jadallashtirish chora-tadbirlari toʻgʻrisida” 2025-yil 16-sentabrdagi PQ-286-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

raqamli texnologiyalar sohasiga oid qonunchilik hujjatlarini oʻzaro muvofiqlashtirish;

respublika va mahalliy ijro etuvchi hokimiyat organlari hamda boshqa tashkilotlarda raqamli texnologiyalarni joriy etish tizimini takomillashtirish maqsadida tashkilotlar axborot infratuzilmasining (dasturiy taʼminot, apparat vositalari, tarmoqlar) faoliyat koʻrsatish jarayonlari (foydalanuvchilarga kirish, maʼlumotlarni zaxiralash, oʻzgarishlarni boshqarish) boʻyicha tizimli tekshiruv — axborot texnologiyalari auditini (IT-audit) joriy etish va muvofiqlashtirish funksiyasini kiritish;

axborot texnologiyalari sohasida eksport salohiyatini oshirish maqsadida Dasturiy mahsulotlar va axborot texnologiyalari texnologik parki rezidentlariga reklama xizmatlari va dasturiy taʼminot obunalari uchun korporativ bank kartalari orqali 500 ming AQSH dollaridan oshmagan miqdordagi toʻlovlarni toʻlash, shuningdek, yaratilgan dasturiy mahsulotlar obunalari boʻyicha xorijiy davlatlardan kelib tushadigan toʻlovlarni “E-contract” tashqi savdo axborot tizimiga kiritmasdan, ommaviy oferta asosida qabul qilishga ruxsat berish;

Dasturiy mahsulotlar va axborot texnologiyalari texnologik parki rezidentlari tomonidan amalga oshirishga ruxsat etilgan faoliyat turlari roʻyxatiga ommaviy axborot vositalarini qoʻshish;

“Elektron hukumat” tizimining Idoralararo integratsiyalashuv platformasi va Raqamli maʼlumotlar platformasiga ulanish uchun ariza berish, uni koʻrib chiqish jarayonlarini elektron tarzda amalga oshirish;

yangi veb-servislarni ulash va taqdim etish tartibini joriy etish;

nodavlat notijorat tashkilotlari, “Raqamli startaplar” dasturi va (yoki) Markaziy bankning “tartibga solish qumdoni”da ishtirok etuvchi startap loyihalarga “Elektron hukumat” tizimi doirasida axborot almashinuvini joriy etish.

2. Ushbu qarorning bajarilishini nazorat qilish Oʻzbekiston Respublikasi raqamli texnologiyalar vaziri Sh.X. Shermatov zimmasiga yuklansin.

Vazirlar Mahkamasining 2026-yil 5-martdagi 93-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2017-yil 31-avgustdagi 683-son qarori bilan tasdiqlangan Avtomototransport vositalarini davlat roʻyxatidan oʻtkazish tartibi toʻgʻrisidagi nizomning 55-bandida :

beshinchi xatboshi chiqarib tashlansin;

oltinchi — sakkizinchi xatboshilar tegishlicha beshinchi — yettinchi xatboshilar deb hisoblansin;

yettinchi xatboshi quyidagi tahrirda bayon etilsin:

“Avtotransport vositasi qayta jihozlanganda, avtomototransport vositasining roʻyxatga olish elektron kartasiga tegishli oʻzgartirishlar kiritiladi, avtomototransport vositasini roʻyxatdan oʻtkazish toʻgʻrisida ilgari berilgan guvohnoma esa transport vositasining yangi raqam agregatini koʻrsatgan holda almashtiriladi. Bunda avtotransport vositasiga gaz balloni oʻrnatilganiga oid maʼlumotlar elektron shaklda yuritiladi va bu holatda transport vositasini roʻyxatdan oʻtkazish guvohnomasini qayta rasmiylashtirish talab etilmaydi”.

2. Vazirlar Mahkamasining “Oʻzbekiston Respublikasi Yagona interaktiv davlat xizmatlari portali orqali elektron davlat xizmatlari koʻrsatish tartibini takomillashtirish chora-tadbirlari toʻgʻrisida” 2017-yil 15-sentabrdagi 728-son qarorida :

a) 3-bandning yettinchi xatboshisidagi “axborot xavfsizligi” soʻzlari “kiberxavfsizlik” soʻzi bilan almashtirilsin;

b) 1-ilovada :

2-bandning birinchi xatboshisi quyidagi tahrirda bayon etilsin:

“2. Yagona portal axborot, uslubiy, texnik kuzatuvi va maʼmurchiligi Davlat axborot tizimlarini yaratish va qoʻllab-quvvatlash boʻyicha yagona integrator — “UZINFOCOM” MCHJ (keyingi oʻrinlarda — Yagona integrator) tomonidan amalga oshiriladigan “Elektron hukumat” tizimi bazasida faoliyat koʻrsatadi”;

16-band quyidagi tahrirda bayon etilsin:

“16. Texnik hujjat davlat organi tomonidan ishlab chiqiladi va “Raqamli hukumat loyihalarini boshqarish markazi” DM hamda Yagona integrator bilan kelishilgandan soʻng Vazirlik tomonidan tasdiqlanadi”.

3. Vazirlar Mahkamasining 2018-yil 1-maydagi 318-son qarori bilan tasdiqlangan Oʻzbekiston Respublikasi Raqamli texnologiyalar vazirligi toʻgʻrisidagi nizom 13-bandining 3-kichik bandi quyidagi mazmundagi oʻn ikkinchi xatboshi bilan toʻldirilsin:

“respublika va mahalliy ijro etuvchi hokimiyat organlari hamda boshqa tashkilotlarda raqamli texnologiyalarni joriy etish tizimini takomillashtirish maqsadida IT-auditni oʻtkazadi hamda tizimni muvofiqlashtiradi”;

oʻn ikkinchi xatboshi oʻn uchinchi xatboshi deb hisoblansin.

4. Vazirlar Mahkamasining 2019-yil 15-iyuldagi 589-son qarori bilan tasdiqlangan Dasturiy mahsulotlar va axborot texnologiyalari texnologik parki faoliyatini tashkil etish tartibi toʻgʻrisidagi nizomda :

a) 8-band quyidagi mazmundagi ikkinchi xatboshi bilan toʻldirilsin:

“Bunda ushbu Nizomga 2-ilovaning 30-bandiga muvofiq, ariza taqdim etgan yuridik shaxslarga Texnopark rezidenti maqomini taqdim etish, rad qilish va ushbu maqomdan mahrum qilish Oʻzbekiston Respublikasi Prezidenti Administratsiyasi Kommunikatsiyalar departamentining (keyingi oʻrinlarda — Departament) xulosasi asosida amalga oshiriladi, shuningdek, Ommaviy kommunikatsiyalar masalalari boʻyicha Markazi mazkur rezidentlar faoliyatini doimiy tahlil qiladi va Departamentga axborot kiritib boradi”;

b) 12-bandda :

birinchi xatboshi “Ekspert kengashiga yuboriladi” soʻzlaridan keyin “, mazkur bandning beshinchi xatboshisida nazarda tutilgan holat bundan mustasno” soʻzlari bilan toʻldirilsin;

quyidagi mazmundagi beshinchi — oltinchi xatboshilar bilan toʻldirilsin:

“Roʻyxatning 30-bandiga muvofiq yuridik shaxslar tomonidan Texnopark rezidenti maqomini olish uchun taqdim etilgan biznes-rejalarning roʻyxatning 30-bandida belgilangan faoliyat turiga muvofiqligini oʻrganish yuzasidan topshirilgan ariza va hujjatlar uch ish kuni mobaynida Direksiya tomonidan Departamentga yuboriladi;

Departament oʻn ish kuni ichida biznes-rejani koʻrib chiqadi va uning roʻyxatning 30-bandida belgilangan faoliyat turiga muvofiqligi yoki nomuvofiqligi toʻgʻrisida xulosa beradi”;

v) 14-bandda :

quyidagi mazmundagi oltinchi xatboshi bilan toʻldirilsin:

“Departamentning xulosasiga koʻra biznes-reja roʻyxatning 30-bandida belgilangan faoliyat turiga nomuvofiq deb topilishi”;

oltinchi — yettinchi xatboshilar tegishlicha yettinchi — sakkizinchi xatboshilar deb hisoblansin;

g) 2-ilova quyidagi mazmundagi 30-band bilan toʻldirilsin:

“30. Internet jahon axborot tarmogʻida, shu jumladan, ommabop xorijiy ijtimoiy tarmoqlar, messenjerlar va videoxostinglarda veb-sayt koʻrinishidagi, tahririy-noshirlik ishlovidan oʻtgan yangiliklar, tahliliy va maʼrifiy xarakterdagi materiallarni joylashtiradigan ommaviy axborot vositasining faoliyati quyidagi mezonlarga rioya etilgan taqdirda:

kamida 1 million nafar obunachi yoki noyob foydalanuvchilarning mavjudligi;

kunlik tashrif kamida 50 ming foydalanuvchini tashkil etishi;

shtat birligi kamida 25 nafar xodim boʻlishi;

oylik daromadi kamida 500 mln soʻmni tashkil etishi;

ommaviy axborot vositalari sifatida davlat roʻyxatidan oʻtganligi toʻgʻrisidagi guvohnomaning mavjudligi”.

5. Vazirlar Mahkamasining 2020-yil 14-maydagi 283-son qarori bilan tasdiqlangan Tashqi savdo operatsiyalari amalga oshirilishi monitoringini olib borish va nazorat qilish tartibi toʻgʻrisidagi nizom quyidagi mazmundagi 16 1 va 16 2 -bandlar bilan toʻldirilsin:

“16 1 . Dasturiy mahsulotlar va axborot texnologiyalari texnologik parki (keyingi oʻrinlarda — IT-park) rezidentlariga reklama xizmatlari va dasturiy taʼminotdan foydalanishga boʻlgan obunalar uchun korporativ bank kartalari orqali toʻlovlarni kalendar yil davomida eksport tushumlari doirasida, biroq 500 ming AQSH dollaridan koʻp boʻlmagan miqdorda toʻlashga ruxsat etiladi. Bunda:

a) reklama Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi tomonidan tasdiqlangan roʻyxatga kiritilgan 100 milliondan ortiq auditoriyaga ega axborot resurslari va tizimlarida (shu jumladan, veb-saytlar, platformalararo resurslar, messenjerlar va ijtimoiy tarmoqlar) joylashtirilishi talab etiladi;

b) reklama xizmatlari va dasturiy taʼminotdan foydalanish obunasi boʻyicha ommaviy oferta va invoyslar, shuningdek, toʻlovlar toʻgʻrisidagi maʼlumotlar “E-contract” tashqi savdo axborot tizimiga kiritiladi;

v) umumiy summasi 5 ming AQSH dollarigacha boʻlgan ommaviy oferta, invoys va toʻlovlar toʻgʻrisidagi maʼlumotlar “E-contract” tashqi savdo axborot tizimiga kiritilishi talab etilmaydi hamda ushbu xarajatlar debitorlik qarz sifatida hisobga olinmaydi.

16 2 . IT-park rezidentlari tomonidan yaratilgan dasturiy mahsulotlar obunasi uchun xorijiy davlatlardan kelib tushadigan toʻlovlarni “E-contract” tashqi savdo axborot tizimiga kiritmagan holda, ommaviy oferta orqali qabul qilishga ruxsat beriladi”.

6. Vazirlar Mahkamasining “Idoralararo elektron hamkorlik tizimi va maʼlumotlarning axborot almashinuvini yanada takomillashtirish chora-tadbirlari toʻgʻrisida” 2022-yil 20-sentabrdagi 516-son qarorida :

a) 4-bandning “a” kichik bandi quyidagi tahrirda bayon etilsin:

“a) davlat axborot tizimlari va resurslarining maʼlumotlari axborot va kiberxavfsizlik talablariga rioya etilgan holda:

idoralararo hamkorlik maqsadlarida foydalanish uchun — “Elektron hukumat” tizimining Idoralararo integratsiyalashuv platformasi orqali begʻaraz asosda;

tijorat maqsadlarida foydalanish uchun — “Elektron hukumat” tizimining Raqamli maʼlumotlar platformasi orqali toʻlov asosida taqdim etiladi.

Bunda:

nodavlat notijorat tashkilotlariga “Elektron hukumat” tizimining Idoralararo integratsiyalashuv platformasi orqali belgilangan tartibda elektron idoralararo hamkorlikni amalga oshirishga ruxsat beriladi;

qonunchilik hujjatlariga asosan tashkiliy-huquqiy shaklidan qatʼi nazar, davlat xizmatlarini koʻrsatish funksiyalari yuklangan tashkilotlar “Elektron hukumat” tizimi doirasida maʼlumotlardan bepul foydalanadi;

“Raqamli startaplar” dasturi va (yoki) Markaziy bankning “tartibga solish qumdoni”da ishtirok etuvchi startap loyihalarga “Elektron hukumat” tizimining Raqamli maʼlumotlar platformasidan belgilangan tartibga rioya qilgan holda, bir yil muddatga qadar bepul foydalanish imkoniyati beriladi”;

b) quyidagi mazmundagi 6 1 -band bilan toʻldirilsin:

“6 1 . Davlat organlari va tashkilotlari:

davlat axborot tizimlari va resurslari maʼlumotlarini davlat organi va tashkiloti boʻlmagan uchinchi shaxslarning axborot tizimlariga toʻgʻridan-toʻgʻri integratsiya qilish orqali taqdim etishi;

oʻzlarining axborot tizimlari va maʼlumotlar bazalarini ularning texnik topshiriq va axborot xavfsizligi talablariga muvofiqligi yuzasidan Raqamli texnologiyalar vazirligi va “Kiberxavfsizlik markazi” DUKning ijobiy xulosalarini olmasdan amaliyotga joriy etishi taqiqlanadi”.

v) 1-ilova matni quyidagi tahrirda bayon etilsin:

““Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisida

NIZOM

1-bob. Umumiy qoidalar

1. Mazkur Nizom “Elektron hukumat” tizimining Idoralararo integratsiyalashuv platformasi orqali davlat organlari va tashkilotlarining elektron hamkorligi va axborot almashinuvi, ularni ushbu platformaga ulash tartibini belgilaydi.

2. Mazkur Nizomda quyidagi asosiy tushunchalardan foydalaniladi:

“Elektron hukumat” tizimining Idoralararo integratsiyalashuv platformasi (keyingi oʻrinlarda — Idoralararo integratsiyalashuv platformasi) — elektron davlat xizmatlarini koʻrsatish va idoralararo elektron hamkorlikni tashkil etish doirasida axborot tizimlari va resurslarini integratsiyalash uchun moʻljallangan apparat-dasturiy vositalar majmuasi;

axborot tizimlari va resurslari egalari boʻlgan maʼlumot taqdim etuvchi davlat organlari va tashkilotlari (keyingi oʻrinlarda — maʼlumot taqdim etuvchi) — normativ-huquqiy hujjatlarga muvofiq shaxsga doir va boshqa maʼlumotlarni qayta ishlash vazifalari yuklangan, oʻz axborot tizimlari va resurslarini Idoralararo integratsiyalashuv platformasiga ulash orqali maʼlumotlarni taqdim etuvchi davlat organlari va tashkilotlari;

veb-servis — standartlashtirilgan interfeysga ega noyob veb-manzil bilan aniqlangan, axborot tizimlari va resurslarida mavjud maʼlumotlar almashinuvining formati va maʼlumotlar toʻplamini belgilaydigan dasturiy taʼminot tizimi;

veb-servis tavsifi — dasturiy taʼminotni qoʻllashda foydalanadigan texnik yondashuv va yechimlarni qamrab olgan qoʻllanma;

Idoralararo integratsiyalashuv platformasi operatori (keyingi oʻrinlarda — operator) — Oʻzbekiston Respublikasi Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasi;

maʼlumotlarni qayta ishlash — maʼlumotlarni yigʻish, tizimlashtirish, saqlash, oʻzgartirish, toʻldirish, qoʻllash, taqdim etish, tarqatish, yuborish, egasizlantirish va yoʻq qilish boʻyicha bir yoki bir qator amallarni bajarish;

test soʻrovi — maʼlumot taqdim etuvchi tomonidan Idoralararo integratsiyalashuv platformasiga ulanish jarayonida “shaxsiylashtirilgan” maʼlumotlarni oʻz ichiga olgan hamda taqdim etiladigan veb-servisni sinovdan oʻtkazish doirasida operatorga taqdim etiladigan xabar;

texnologik yoʻriqnoma — idoralararo maʼlumot almashinuvining texnik usullari, tarkibi, tomonlarning javobgarligi va qayta aloqa tartibini belgilovchi hujjat boʻlib, bunda elektron raqamli imzo bilan tasdiqlangan elektron shakldagi texnologik yoʻriqnoma anʼanaviy shakldagi texnologik yoʻriqnomaga tenglashtiriladi;

foydalanuvchi — Idoralararo integratsiyalashuv platformasidan maʼlumotlar olishdan manfaatdor davlat organlari;

shaxsiy kabinet — “Elektron hukumat” tizimining Idoralararo integratsiyalashuv platformasida maʼlumot taqdim etuvchi, operator va foydalanuvchining elektron hamkorligi hamda axborot almashinuvi doirasidagi huquq va majburiyatlari bilan bogʻliq boʻlgan oʻzaro munosabatlarni elektron tarzda amalga oshirishni taʼminlaydigan begʻaraz (bepul) foydalanish uchun moʻljallangan axborot resursi;

push-xabarnoma — maʼlumot taqdim etuvchining axborot tizimlari va resurslarida yigʻilgan, oʻzgartirilgan hamda toʻldirilgan maʼlumotlar paydo boʻlishi munosabati bilan foydalanuvchining axborot tizimiga yuboriladigan qisqa xabar;

push-xabarnomalar servisi — axborot tizimning push-xabarnomalarni qabul qilish va/yoki yuborish uchun moʻljallangan moduli.

3. Elektron hukumat doirasida maʼlumot taqdim etuvchi va foydalanuvchilarning elektron hamkorligi hamda axborot almashinuvi ularning axborot tizimlari va resurslarini Idoralararo integratsiyalashuv platformasiga ulash orqali amalga oshiriladi.

Bunda elektron hamkorlik va axborot almashinuvi faqat Elektron hukumatning idoralararo maʼlumotlar uzatish tarmogʻi orqali tashkil etiladi.

4. Foydalanuvchi va operator oʻrtasidagi axborot almashinuvi tegishli soʻrov yuborish yoʻli bilan Idoralararo integratsiyalashuv platformasi yordamida amalga oshiriladi.

Bunda Idoralararo integratsiyalashuv platformasi orqali elektron hamkorlik hamda axborot almashinuvi doirasida yoʻllangan barcha soʻrovlar boʻyicha statistika maʼlumotlari maʼlumot taqdim etuvchi va foydalanuvchining shaxsiy kabinetida yuritiladi.

5. Idoralararo integratsiyalashuv platformasiga ulangan axborot tizimlari va resurslarida mavjud boʻlgan shaxsga doir maʼlumotlar almashinuvi Oʻzbekiston Respublikasining “Shaxsga doir maʼlumotlar toʻgʻrisida”gi Qonuni va ushbu sohadagi boshqa qonunchilik hujjatlariga muvofiq amalga oshiriladi.

6. Idoralararo integratsiyalashuv platformasi orqali maʼlumotlar foydalanuvchining vakolati doirasidagi vazifalarni bajarish uchun qayta ishlash maqsadida taqdim etiladi.

2-bob. Idoralararo integratsiyalashuv platformasiga ulanishning umumiy talablari va shartlari

7. Elektron davlat xizmatlarini koʻrsatish va idoralararo elektron hamkorlikni tashkil etish doirasida axborot almashinuvi Idoralararo integratsiyalashuv platformasiga ulanish orqali amalga oshiriladi.

8. Idoralararo integratsiyalashuv platformasiga ulanish uchun “Elektron hukumatning axborot tizimlari va resurslari yagona reyestri” axborot tizimi (keyingi oʻrinlarda — Yagona reyestr tizimi) orqali elektron shaklda murojaat etiladi.

Bunda Yagona reyestr tizimida avtorizatsiyadan oʻtish uchun “Elektron hukumat” tizimi foydalanuvchilarini identifikatsiyalashning yagona axborot tizimida roʻyxatdan oʻtish talab etiladi.

1-§. Maʼlumot taqdim etuvchini Idoralararo integratsiyalashuv platformasiga ulash

9. Maʼlumot taqdim etuvchi Idoralararo integratsiyalashuv platformasiga ushbu Nizomga 1-ilovaga muvofiq sxema asosida ulanadi.

10. Maʼlumot taqdim etuvchi Idoralararo integratsiyalashuv platformasiga ulanish uchun Yagona reyestr tizimida joylashtirilgan texnologik yoʻriqnoma loyihasini toʻldirib, kelishish uchun operatorga elektron shaklda yuboradi.

11. Operator texnologik yoʻriqnoma kelib tushgan kundan boshlab besh ish kuni mobaynida texnologik yoʻriqnomani maʼlumot taqdim etuvchi bilan birgalikda Yagona reyestr tizimida muhokama qiladi va kelishadi.

Texnologik yoʻriqnoma doirasidagi tegishli jarayonlarni har tomonlama sinovdan oʻtkazish maʼlumot taqdim etuvchi tomonidan operatorga test soʻrovlarini taqdim etish orqali amalga oshirilishi mumkin.

Oʻzbekiston Respublikasi Raqamli texnologiyalar vazirligi uch ish kunida kelishilgan texnologik yoʻriqnomani koʻrib chiqadi, kamchiliklar aniqlangan taqdirda, qayta koʻrib chiqish uchun operatorga qaytaradi yoki tasdiqlaydi.

12. Kelishilgan texnologik yoʻriqnoma Yagona reyestr tizimida elektron raqamli imzo bilan tasdiqlanadi hamda QR-kod shakllantiriladi.

13. Operator Idoralararo integratsiyalashuv platformasiga maʼlumot taqdim etuvchi ulanish jarayonida axborot almashinuvini yoʻlga qoʻyish maqsadida ular bilan birgalikda sinovlarni test soʻrovlarini yuborish orqali oʻtkazadi.

14. Texnologik yoʻriqnoma oʻzaro kelishilgandan soʻng operator maʼlumot taqdim etuvchini Idoralararo integratsiyalashuv platformasiga besh ish kuni ichida ulash choralarini koʻradi.

15. Maʼlumot taqdim etuvchining axborot tizimi hamda tizimlarning integratsiyalashuv jarayoniga qoʻyiladigan texnik talablar operator tomonidan Oʻzbekiston Respublikasi Raqamli texnologiyalar vazirligi bilan kelishilgan holda, texnik jihatdan tartibga solish sohasidagi normativ hujjatga muvofiq belgilanadi.

2-§. Foydalanuvchini Idoralararo integratsiyalashuv platformasiga ulash

16. Foydalanuvchi Idoralararo integratsiyalashuv platformasiga ushbu Nizomga 2-ilovaga muvofiq sxema asosida ulanadi.

17. Foydalanuvchi Idoralararo integratsiyalashuv platformasiga ulanish uchun mazkur Nizomga 3-ilovadagi shaklga muvofiq arizani kuzatuv xatiga ilova qilgan holda, operatorga Yagona reyestr tizimi orqali elektron shaklda yuboradi.

Bunda Yagona reyestr tizimida foydalanuvchi avtorizatsiyadan oʻtish uchun “Elektron hukumat” tizimi foydalanuvchilarini identifikatsiyalashning yagona axborot tizimida roʻyxatdan oʻtadi.

18. Operator ariza kelib tushgan kundan boshlab besh ish kuni mobaynida arizani quyidagi talablarga muvofiq koʻrib chiqadi:

arizada koʻrsatilishi zarur boʻlgan maʼlumotlar toʻliq kiritilgani hamda ilova qilinishi lozim boʻlgan hujjatlar toʻliq taqdim etilgani;

foydalanuvchining axborot tizimi yuzasidan Oʻzbekiston Respublikasi Raqamli texnologiyalar vazirligi va “Kiberxavfsizlik markazi” DUKning ijobiy xulosalari mavjudligi;

foydalanuvchi tomonidan taqdim etilgan arizada maʼlumotlarning haqqoniyligi va ishonchligi;

foydalanuvchining axborot tizimi “Elektron hukumat” tizimining Idoralararo integratsiyalashuv platformasining texnik funksiyalarini takrorlamasligi;

foydalanuvchining axborot tizimi Elektron hukumat idoralararo maʼlumotlar uzatish tarmogʻiga ulangani;

foydalanuvchining axborot tizimini ulash uchun qonunchilik hujjatlarida tegishli topshiriq yoki vazifaning mavjudligi.

19. Ariza mazkur Nizom talablariga muvofiq boʻlgan taqdirda, operator besh ish kuni mobaynida texnologik yoʻriqnomani foydalanuvchi bilan birgalikda Yagona reyestr tizimida ishlab chiqadi va kelishadi.

Agar foydalanuvchining Idoralararo integratsiyalashuv platformasiga bir nechta axborot tizimi yoki resursi ulanadigan boʻlsa, mazkur holatda har bitta axborot tizimi yoki resursi boʻyicha alohida texnologik yoʻriqnoma ishlab chiqiladi va kelishiladi.

Agar avval foydalanuvchining axborot tizimi yoki resursiga oid texnologik yoʻriqnoma belgilangan tartibda tasdiqlangan boʻlsa, mazkur axborot tizimi yoki resursi boʻyicha keyinchalik faqat ariza taqdim etiladi.

20. Kelishilgan texnologik yoʻriqnoma Yagona reyestr tizimida elektron raqamli imzo bilan tasdiqlanadi hamda QR-kod shakllantiriladi.

Idoralararo integratsiyalashuv platformasiga ulanish rad etilgan taqdirda, operator rad etish sabablarini koʻrsatgan holda Yagona reyestr tizimi orqali foydalanuvchiga xabarnoma yuboradi.

Foydalanuvchi xabarnomada keltirilgan kamchiliklarni bartaraf qilib, qayta ariza berishi mumkin.

21. Texnologik yoʻriqnoma oʻzaro kelishilgandan soʻng operator foydalanuvchini Idoralararo integratsiyalashuv platformasiga besh ish kuni ichida ulash choralarini koʻradi.

22. Foydalanuvchining axborot tizimi hamda tizimlarning integratsiyalashuv jarayoniga qoʻyiladigan texnik talablar operator tomonidan Oʻzbekiston Respublikasi Raqamli texnologiyalar vazirligi bilan kelishilgan holda, texnik jihatdan tartibga solish sohasidagi normativ hujjatga muvofiq belgilanadi.

23. Idoralararo integratsiyalashuv platformasiga ulanishni rad etish uchun quyidagilar asos boʻladi:

arizada koʻrsatilishi zarur boʻlgan maʼlumotlar toʻliq kiritilmagani hamda ilova qilinishi lozim boʻlgan hujjatlar toʻliq taqdim etilmagani;

foydalanuvchining axborot tizimi yuzasidan Oʻzbekiston Respublikasi Raqamli texnologiyalar vazirligi va/yoki “Kiberxavfsizlik markazi” DUKning ijobiy xulosalari mavjud emasligi;

foydalanuvchi tomonidan taqdim etilgan arizada maʼlumotlarning haqqoniy va/yoki ishonchli emasligi;

foydalanuvchining axborot tizimi Elektron hukumat idoralararo maʼlumotlar uzatish tarmogʻiga ulanmagani;

foydalanuvchining axborot tizimi “Elektron hukumat” tizimi Idoralararo integratsiyalashuv platformasining texnik funksiyalarini takrorlagani;

foydalanuvchining axborot tizimini ulash uchun qonunchilik hujjatlarida tegishli topshiriq yoki vazifaning mavjud emasligi.

Idoralararo integratsiyalashuv platformasiga ulanishni boshqa asoslar boʻyicha rad etish taqiqlanadi.

3-bob. Soʻrovlarni qayta ishlashning umumiy talablari

1-§. Soʻrovlarni qayta ishlash

24. Idoralararo integratsiyalashuv platformasiga ulangan foydalanuvchi zarur boʻlgan maʼlumotlarni tegishli soʻrovlarni yuborish orqali oladi.

25. Foydalanuvchilar uchun soʻrovga oid umumiy talablar operator va maʼlumot taqdim etuvchi oʻrtasida kelishiladigan texnologik yoʻriqnomaning veb-servis tavsifida belgilanadi.

26. Idoralararo integratsiyalashuv platformasida joylashtirilgan veb-servis texnologik yoʻriqnomaning veb-servis tavsifida belgilangan shartlarga muvofiq soʻrovga oid maʼlumotlar asosida test soʻrovini yuborish orqali sinovdan oʻtkaziladi.

27. Texnologik yoʻriqnomaga asosan soʻrov doirasida maʼlumotlar taqdim etilishi belgilangan boʻlsa, foydalanuvchiga tegishli maʼlumotlar avtomatik ravishda taqdim etiladi.

2-§. Push-xabarnomalar servisiga ulanishning umumiy shartlari

28. Maʼlumot taqdim etuvchining axborot tizimlari va resurslarida yigʻilgan, oʻzgartirilgan hamda toʻldirilgan maʼlumotlar paydo boʻlishi munosabati bilan tegishli push-xabarnomalar Idoralararo integratsiyalashuv platformasining push-xabarnomalar servisi orqali yuboriladi va/yoki qabul qilinadi.

Bunda Idoralararo integratsiyalashuv platformasining push-xabarnomalar servisiga ulanish uchun tegishli axborot tizimlari va resurslari Idoralararo integratsiyalashuv platformasiga ulangan boʻlishi zarur.

29. Foydalanuvchi Idoralararo integratsiyalashuv platformasining push-xabarnomalar servisiga maʼlumot taqdim etuvchi bilan kelishilgani yoki normativ-huquqiy hujjatlarda tegishli vazifa belgilangani asosida ulanadi.

Bunda foydalanuvchi maʼlumot taqdim etuvchi bilan oldindan kelishib olishi lozim. Shuningdek, shaxsga doir maʼlumotlarni qonunchilik hujjatlarida belgilangan vakolatli organi bilan kelishgan holda taqdim etiladi.

3-§. Maʼlumot taqdim etuvchini Idoralararo integratsiyalashuv platfomasining push-xabarnomalar servisiga ulash

30. Maʼlumot taqdim etuvchi Idoralararo integratsiyalashuv platfomasining push-xabarnomalar servisiga ushbu Nizomga 4-ilovaga muvofiq sxema asosida ulanadi.

Bunda maʼlumot taqdim etuvchi Idoralararo integratsiyalashuv platformasining push-xabarnomalar servisiga ulanish uchun mazkur Nizomga 5-ilovadagi shaklga muvofiq arizani kuzatuv xatiga ilova qilgan holda, operatorga Yagona reyestr tizimi orqali elektron shaklda yuboradi.

31. Operator ariza kelib tushgan kundan boshlab uch ish kuni mobaynida arizani quyidagi talablarga muvofiq koʻrib chiqadi:

maʼlumot taqdim etuvchini push-xabarnomalar servisiga ulashning zarurligi asoslangani yoki normativ-huquqiy hujjatlarda tegishli vazifa belgilangani;

arizada koʻrsatilishi zarur boʻlgan maʼlumotlar toʻliq va toʻgʻri kiritilgani;

maʼlumot taqdim etuvchining axborot tizimi Elektron hukumat idoralararo maʼlumotlar uzatish tarmogʻiga ulangani.

32. Ariza mazkur Nizom talablariga muvofiq boʻlgan taqdirda, operator besh ish kuni mobaynida texnologik yoʻriqnomani maʼlumot taqdim etuvchi bilan birgalikda Yagona reyestr tizimida ishlab chiqadi va kelishadi.

Agar maʼlumot taqdim etuvchining Idoralararo integratsiyalashuv platformasining push-xabarnomalar servisiga bir nechta veb-servislari ulanadigan boʻlsa, mazkur holatda har bitta veb-servis boʻyicha alohida texnologik yoʻriqnoma ishlab chiqiladi va kelishiladi.

33. Kelishilgan texnologik yoʻriqnoma Yagona reyestr tizimida elektron raqamli imzo bilan tasdiqlanadi hamda QR-kod shakllantiriladi.

Idoralararo integratsiyalashuv platformasining push-xabarnomalar servisiga ulanish rad etilgan taqdirda, operator rad etish sabablarini koʻrsatgan holda, Yagona reyestr tizimi orqali maʼlumot taqdim etuvchiga xabarnoma yuboradi.

Maʼlumot taqdim etuvchi xabarnomada keltirilgan kamchiliklarni bartaraf qilib, qayta ariza berishi mumkin.

34. Texnologik yoʻriqnoma oʻzaro kelishilgandan soʻng operator maʼlumot taqdim etuvchini Idoralararo integratsiyalashuv platformasining push-xabarnomalar servisiga besh ish kuni ichida ulash choralarini koʻradi.

35. Idoralararo integratsiyalashuv platformasining push-xabarnomalar servisiga ulanishni rad etish uchun quyidagilar asos hisoblanadi:

maʼlumot taqdim etuvchini push-xabarnomalar servisiga ulashning zarurligi asoslanmagani yoki normativ-huquqiy hujjatlarda tegishli vazifa belgilanmagani;

arizada koʻrsatilishi zarur boʻlgan maʼlumotlar toʻliq va/yoki toʻgʻri kiritilmagani;

maʼlumot taqdim etuvchining axborot tizimi Elektron hukumat idoralararo maʼlumotlar uzatish tarmogʻiga ulanmagani.

Idoralararo integratsiyalashuv platformasining push-xabarnomalar servisiga ulanishni boshqa asoslar boʻyicha rad etish taqiqlanadi.

4-§. Foydalanuvchini Idoralararo integratsiyalashuv platfomasining push-xabarnomalar servisiga ulash

36. Foydalanuvchi Idoralararo integratsiyalashuv platfomasining push-xabarnomalar servisiga ushbu Nizomga 6-ilovaga muvofiq sxema asosida ulanadi.

Bunda foydalanuvchi Idoralararo integratsiyalashuv platformasining push-xabarnomalar servisiga ulanish uchun mazkur Nizomga 7-ilovadagi shaklga muvofiq arizani kuzatuv xatiga ilova qilgan holda, operatorga Yagona reyestr tizimi orqali elektron shaklda yuboradi.

37. Operator ariza kelib tushgan kundan boshlab uch ish kuni mobaynida uni quyidagi talablarga muvofiq koʻrib chiqadi:

push-xabarnomalar servisiga foydalanuvchini ulash uchun maʼlumot taqdim etuvchi bilan kelishilgan yoki normativ-huquqiy hujjatlarda tegishli vazifa belgilangani;

foydalanuvchining axborot tizimi Elektron hukumat idoralararo maʼlumotlar uzatish tarmogʻiga ulangani;

foydalanuvchining axborot tizimiga ulanishi bilan bogʻliq texnik-tashkiliy sharoitlar mavjudligi.

38. Ariza mazkur Nizom talablariga muvofiq boʻlgan taqdirda, operator besh ish kuni mobaynida texnologik yoʻriqnomani foydalanuvchi bilan birgalikda Yagona reyestr tizimida ishlab chiqadi va kelishadi.

Agar foydalanuvchining Idoralararo integratsiyalashuv platformasining push-xabarnomalar servisiga bir nechta veb-servislari ulanadigan boʻlsa, mazkur holatda har bitta veb-servis boʻyicha alohida texnologik yoʻriqnoma ishlab chiqiladi va kelishiladi.

39. Kelishilgan texnologik yoʻriqnoma Yagona reyestr tizimida elektron raqamli imzo bilan tasdiqlanadi hamda QR-kod shakllantiriladi.

Idoralararo integratsiyalashuv platformasining push-xabarnomalar servisiga ulanish rad etilgan taqdirda, operator tomonidan Yagona reyestr tizimi orqali foydalanuvchiga rad etish sabablari koʻrsatilgan xabarnoma yuboriladi.

Foydalanuvchi xabarnomada keltirilgan kamchiliklarni bartaraf qilib, qayta ariza berishi mumkin.

40. Texnologik yoʻriqnoma oʻzaro kelishilgandan soʻng operator foydalanuvchini Idoralararo integratsiyalashuv platformasining push-xabarnomalar servisiga besh ish kuni ichida ulash choralarini koʻradi.

41. Idoralararo integratsiyalashuv platformasining push-xabarnomalar servisiga ulanishni rad etish uchun quyidagilar asos hisoblanadi:

foydalanuvchini push-xabarnomalar servisiga ulash uchun maʼlumot taqdim etuvchi bilan kelishilmagani yoki normativ-huquqiy hujjatlarda tegishli vazifa belgilanmagani;

foydalanuvchining axborot tizimi Elektron hukumat idoralararo maʼlumotlar uzatish tarmogʻiga ulanmagani;

foydalanuvchining axborot tizimiga ulanishi bilan bogʻliq texnik-tashkiliy sharoitlar mavjud emasligi.

Idoralararo integratsiyalashuv platformasining push-xabarnomalar servisiga ulanishni boshqa asoslar boʻyicha rad etish taqiqlanadi.

4-bob. Idoralararo integratsiyalashuv platformasi tomonlarining huquq va majburiyatlari

42. Operator quyidagi huquqlarga ega:

foydalanuvchiga Idoralararo integratsiyalashuv platformasida joylashtirilgan veb-servislardan foydalanish uchun ruxsat berish;

maʼlumot taqdim etuvchi yoki foydalanuvchini Idoralararo integratsiyalashuv platformasiga ulashda koʻmaklashish;

Idoralararo integratsiyalashuv platformasiga ulanish yuzasidan texnologik yechimlar boʻyicha tushuntirishlar berish;

foydalanuvchidan Idoralararo integratsiyalashuv platformasidagi tegishli veb-servislarga ulanishdan koʻzlangan maqsad va vazifalar toʻgʻrisidagi maʼlumotlarni qoʻshimcha tarzda soʻrab olish;

maʼlumot taqdim etuvchidan uning maʼlumotlar bazalarining barqaror ishlashi, belgilangan maʼlumotlarning Idoralararo integratsiyalashuv platformasiga uzluksiz ravishda taqdim etilishini talab qilish;

maʼlumot taqdim etuvchidan tegishli maʼlumotlarning ishonchliligi va toʻliqligi hamda dolzarbligi taʼminlanishini, dolzarb boʻlmagan maʼlumotlar boʻyicha kelib tushgan shikoyatlar oʻz vaqtida bartaraf etilishini talab qilish.

Operator qonunchilik hujjatlariga muvofiq boshqa huquqlarga ham ega boʻlishi mumkin.

43. Maʼlumot taqdim etuvchi quyidagi huquqlarga ega:

Idoralararo integratsiyalashuv platformasi orqali maʼlumot yuborish masalalarining texnik yechimida operatordan yordam olish;

Idoralararo integratsiyalashuv platformasi orqali maʼlumotlarni qabul qilish va yuborish;

Idoralararo integratsiyalashuv platformasiga ulanish yuzasidan operatordan tushunchalar olish;

Idoralararo integratsiyalashuv platformasidagi axborot almashinuvi ishtirokchilarining shaxsiy kabinetida oʻziga tegishli veb-servislardan foydalanuvchilar va foydalanayotgan veb-servislar roʻyxati, har bir veb-servisga berilgan soʻrovlar soni, davri va statistika maʼlumotlarini koʻrish hamda yuklab olish.

Maʼlumot taqdim etuvchi qonunchilik hujjatlariga muvofiq boshqa huquqlarga ham ega boʻlishi mumkin.

44. Foydalanuvchi quyidagi huquqlarga ega:

Idoralararo integratsiyalashuv platformasi yordamida soʻrovlar yuborish va maʼlumotlarni olish;

Idoralararo integratsiyalashuv platformasidagi tegishli veb-servislarga belgilangan tartibda ulanish;

Idoralararo integratsiyalashuv platformasiga ulanish boʻyicha operatordan tushunchalar olish.

Foydalanuvchi qonunchilik hujjatlariga muvofiq boshqa huquqlarga ham ega boʻlishi mumkin.

45. Operator:

Idoralararo integratsiyalashuv platformasiga ulanish tartibi va shartlariga rioya qilishga;

foydalanuvchiga Idoralararo integratsiyalashuv platformasi orqali maʼlumotlar yuborilguniga qadar ularning konfidensialligini taʼminlashga;

Idoralararo integratsiyalashuv platformasida maʼlumot taqdim etuvchi va foydalanuvchining shaxsiy kabinetlariga ulashga;

Yagona reyestr tizimida Idoralararo integratsiyalashuv platformasiga ulanish boʻyicha ariza va texnologik yoʻriqnomani koʻrib chiqishga va kelishishga;

Idoralararo integratsiyalashuv platformasidagi maʼlumot taqdim etuvchi va foydalanuvchining shaxsiy kabinetlari orqali elektron axborot hamkorligi doirasidagi statistika maʼlumotlari bilan tanishish imkoniyatini yaratishga;

Idoralararo integratsiyalashuv platformasining uzluksiz ishlashi boʻyicha tegishli choralar koʻrishga;

qonunchilik hujjatlari va mazkur Nizom talablarini bajarishga;

Idoralararo integratsiyalashuv platformasida joylashtirilgan barcha veb-servislar boʻyicha rejali va rejadan tashqari uzilishlar va/yoki toʻxtalishlar vujudga kelishi yoki ular bartaraf etilishi yuzasidan maʼlumot taqdim etuvchi va foydalanuvchilarni mavjud qayta aloqa kanallari orqali real vaqt rejimida xabardor qilishga;

mazkur Nizomda yoki boshqa qonunchilik hujjatlarida belgilangan qoidalar buzilgan taqdirda, maʼlumot taqdim etuvchi yoki foydalanuvchining Idoralararo integratsiyalashuv platformasiga ulanishini vaqtincha toʻxtatish yoki bekor qilish va bu haqida ularni asoslarni koʻrsatgan holda rasmiy xabardor qilishga majbur.

Bunda operator Idoralararo integratsiyalashuv platformasiga ulanishni vaqtincha toʻxtatish yoki bekor qilishdan oldin bu toʻgʻrisida maʼlumot taqdim etuvchi yoki foydalanuvchini mavjud qayta aloqa kanallari orqali real vaqt rejimida xabardor qiladi.

Operatorga qonunchilik hujjatlari bilan boshqa majburiyatlar ham yuklanishi mumkin.

46. Maʼlumot taqdim etuvchi:

Idoralararo integratsiyalashuv platformasiga ulanish shartlariga rioya qilishga;

Idoralararo integratsiyalashuv platformasiga ulanish boʻyicha Yagona reyestr tizimida ariza va texnologik yoʻriqnomalarni ishlab chiqishga va kelishishga;

Idoralararo integratsiyalashuv platformasining push-xabarnomalar servisiga ulanish boʻyicha foydalanuvchining arizasini belgilangan tartibda kelishishga;

Idoralararo integratsiyalashuv platformasi orqali yuborilgan soʻrovlarga muvofiq maʼlumotlarni texnologik yoʻriqnomada belgilangan tartibda taqdim etishga;

oʻziga tegishli boʻlgan axborot tizimlari va resurslari hamda maʼlumotlar bazalarining barqaror ishlashi, ulardagi maʼlumotlarning Idoralararo integratsiyalashuv platformasiga uzluksiz ravishda taqdim etilishi boʻyicha tegishli choralar koʻrishga;

oʻziga tegishli maʼlumotlarning ishonchliligi va toʻliqligi hamda dolzarbligini taʼminlashga, dolzarb boʻlmagan maʼlumotlar boʻyicha shikoyatlarni qabul qilish mexanizmini ishlab chiqishga, joriy qilishga hamda kelib tushgan shikoyatlar natijasi boʻyicha maʼlumotlarni oʻz vaqtida yangilab borishga;

Idoralararo integratsiyalashuv platformasida joylashtirilgan oʻzining barcha veb-servislari boʻyicha rejali va rejadan tashqari uzilishlar va/yoki toʻxtalishlar vujudga kelishi yoki ular bartaraf etilishi yuzasidan operatorni mavjud qayta aloqa kanallari orqali real vaqt rejimida xabardor qilishga;

oʻziga tegishli veb-servisga oʻzgartirish va/yoki qoʻshimchalar kiritiladigan taqdirda, rejalashtirilgan ishlar amalga oshirilguniga qadar bu haqida uch kun oldin operatorga xabar berishga;

oʻz axborot tizimlari va resurslarida texnik ishlar oʻtkazilishi natijasida Idoralararo integratsiyalashuv platformasiga taqdim etilayotgan veb-servislarda kuzatilishi mumkin boʻlgan uzilishlar yuzasidan texnik ishlar oʻtkazilishidan kamida uch ish kun oldin operatorni yozma ravishda xabardor qilishga, axborot tizimlari va resurslari joylashgan serverlar yoki obyektlarda rejalashtirilgan favqulodda yuz bergan uzilishlar bundan mustasno;

Idoralararo integratsiyalashuv platformasida joylashtirilgan oʻz veb-servislariga foydalanuvchilarni toʻgʻridan-toʻgʻri ulashni cheklashga majbur.

Maʼlumot taqdim etuvchiga qonunchilik hujjatlari bilan boshqa majburiyatlar ham yuklanishi mumkin.

47. Foydalanuvchi:

Idoralararo integratsiyalashuv platformasiga ulanish tartibi va shartlariga rioya qilishga;

Idoralararo integratsiyalashuv platformasiga ulanish boʻyicha Yagona reyestr tizimida ariza va texnologik yoʻriqnomalarni ishlab chiqishga va kelishishga;

Idoralararo integratsiyalashuv platformasining push-xabarnomalar servisiga ulanish boʻyicha oʻz arizasini belgilangan tartibda maʼlumot taqdim etuvchi bilan kelishishga;

Idoralararo integratsiyalashuv platformasi orqali olinayotgan maʼlumotlarning konfidensialligini taʼminlashga;

Idoralararo integratsiyalashuv platformasi orqali olingan maʼlumotlarni uchinchi tomonga taqdim etmaslikka;

Idoralararo integratsiyalashuv platformasi orqali olingan maʼlumotlardan maʼlumot taqdim etuvchi va operator bilan kelishilmagan boshqa maqsadlarda foydalanmaslikka;

Idoralararo integratsiyalashuv platformasiga ulangan oʻzining axborot tizimlarining uzluksiz ishlashi boʻyicha tegishli choralar koʻrishga;

mazkur Nizom talablariga va “Elektron hukumat” tizimi orqali olinadigan maʼlumotlarni olish, qoʻllash va saqlash sohasidagi qonunchilik hujjatlariga rioya qilishga majbur.

Foydalanuvchiga qonunchilik hujjatlari bilan boshqa majburiyatlar ham yuklanishi mumkin.

5-bob. Idoralararo integratsiyalashuv platformasiga ulanishni vaqtincha toʻxtatish yoki bekor qilish

48. Idoralararo integratsiyalashuv platformasiga ulanishni vaqtincha toʻxtatish yoki bekor qilish operator tomonidan amalga oshiriladi.

Bunda Idoralararo integratsiyalashuv platformasiga ulanishni vaqtincha toʻxtatish yoki bekor qilish foydalanuvchiga bir yoki bir nechta veb-servislardan foydalanishiga nisbatan ham qoʻllanishi mumkin.

49. Idoralararo integratsiyalashuv platformasiga ulanishni vaqtincha toʻxtatish uchun quyidagilar asos boʻladi:

Oʻzbekiston Respublikasi qonunchilik hujjatlari va texnologik yoʻriqnoma talablarining buzilishi;

foydalanuvchining murojaati;

foydalanuvchi tomonidan maʼlumotlar uchinchi tomonga shaxsga va bank siriga doir maʼlumotlar toʻgʻrisidagi qonunchilik talablariga zid ravishda taqdim etilgani haqida axborotning mavjudligi;

foydalanuvchining axborot tizimida axborot xavfsizligiga xavf soluvchi omillar aniqlangani;

foydalanuvchining axborot tizimi va/yoki Idoralararo integratsiyalashuv platformasiga ulanish avtorizatsiya maʼlumotlari uchinchi shaxsda mavjudligi haqidagi maʼlumotlar aniqlangani;

axborot xavfsizligi va kiberxavfsizlik boʻyicha qonunchilik hujjatlari talablarining buzilishi mavjudligi yuzasidan vakolatli organlarning xulosasi;

Idoralararo integratsiyalashuv platformasiga ulanish toʻgʻrisidagi arizada keltirilgan maʼlumotlarni olish uchun asoslar bekor qilingani;

foydalanuvchi tomonidan oʻz arizasiga muvofiq Idoralararo integratsiyalashuv platformasidagi bir yoki bir nechta veb-servisdan foydalanishda yuboriladigan soʻrovlarning maksimal sonidan yigirma foizdan oshib ketgani;

foydalanuvchi tomonidan unga foydalanish uchun ruxsat berilgan veb-servisga yuborilgan soʻrovlarning umumiy sonidan xatolik bilan qaytgan soʻrovlarning ulushi yigirma foizdan oshib ketgani;

Idoralararo integratsiyalashuv platformasi orqali olingan maʼlumotlardan maʼlumot taqdim etuvchi va operator bilan kelishilmagan boshqa maqsadlarda foydalanilganlik haqida maʼlumotning mavjudligi.

50. Idoralararo integratsiyalashuv platformasiga ulanishni bekor qilish uchun quyidagilar asos boʻladi:

foydalanuvchi tomonidan Oʻzbekiston Respublikasining “Shaxsga doir maʼlumotlar toʻgʻrisida”gi va “Bank siri toʻgʻrisida”gi qonunlari va ushbu sohadagi qonunchilik hujjatlari talablarining buzilish holatlari aniqlanishi;

Idoralararo integratsiyalashuv platformasining axborot tizimlari bilan nomuvofiqligi;

axborot xavfsizligi va kiberxavfsizlik boʻyicha qonunchilik hujjatlari talablarining buzilishi mavjudligi yuzasidan vakolatli organlarning xulosasi;

Idoralararo integratsiyalashuv platformasiga ulanish toʻgʻrisidagi arizada keltirilgan maʼlumotlarni olish uchun asoslar bekor qilinganligi;

mazkur Nizom bilan belgilangan talablarning bajarilmasligi.

6-bob. Yakunlovchi qoidalar

51. Idoralararo integratsiyalashuv platformasining ishtirokchilari oʻzaro hamkorlik va axborot almashinuvi natijasida olingan maʼlumotlarning axborot xavfsizligini taʼminlashi zarur.

52. Operator mazkur Nizom talablarining bajarilishi boʻyicha doimiy nazorat va monitoringni amalga oshiradi.

53. Operator va maʼlumot taqdim etuvchi mazkur Nizom talablarini buzgan foydalanuvchining masʼul xodimlari xatti-harakatlari uchun javobgar boʻlmaydi.

54. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 1-ILOVA

Maʼlumot taqdim etuvchininig “Elektron hukumat” tizimi Idoralararo integratsiyalashuv platformasiga ulanishi, axborot tizimlarining platforma orqali elektron hamkorligi va axborot almashinuvi

Bosqichlar Subyektlar Tadbirlar Bajarish muddatlari I. Maʼlumot taqdim etuvchining idoralararo integratsiyalashuv platformasiga ulanishi 1-bosqich Maʼlumot taqdim etuvchi Idoralararo integratsiyalashuv platformasiga ulanish boʻyicha Yagona reyestr tizimida texnologik yoʻriqnomani toʻldirib, operatorga kelishish uchun yuboradi. Xohishga koʻra 2-bosqich Operator, maʼlumot taqdim etuvchi Idoralararo integratsiyalashuv platformasiga ulanish yuzasidan texnologik yoʻriqnomani birgalikda ishlab chiqadi va kelishadi. Texnologik yoʻriqnomani Yagona reyestr tizimida elektron raqamli imzo bilan tasdiqlaydi hamda QR-kod shakllantiradi. 5 ish kunida 3-bosqich Operator Maʼlumot taqdim etuvchini Idoralararo integratsiyalashuv platformasiga ulash choralarini koʻradi. 5 ish kunida II. Axborot tizimlarining Idoralararo integratsiyalashuv platformasi orqali elektron hamkorlik va axborot almashinuvi 1-bosqich Foydalanuvchi Idoralararo integratsiyalashuv platformasi orqali veb-servis yordamida tegishli soʻrovni yuboradi. Avtomatik tarzda 2-bosqich Operator Tegishli soʻrovni maʼlumot taqdim etuvchining veb-servisiga yuboradi. Avtomatik tarzda 3-bosqich Maʼlumot taqdim etuvchi Soʻrovni koʻrib chiqib, uning javobini Idoralararo integratsiyalashuv platformasiga yuboradi. Avtomatik tarzda 4-bosqich Operator Maʼlumot taqdim etuvchi tomonidan taqdim etilgan javobni foydalanuvchiga yuboradi. Avtomatik tarzda

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 2-ILOVA

Foydalanuvchininig “Elektron hukumat” tizimi Idoralararo integratsiyalashuv platformasiga ulanishi, axborot tizimlarining platforma orqali elektron hamkorligi va axborot almashinuvi

Bosqichlar Subyektlar Tadbirlar Bajarish muddatlari I. Foydalanuvchining Idoralararo integratsiyalashuv platformasiga ulanishi 1-bosqich Foydalanuvchi Idoralararo integratsiyalashuv platformasiga ulanish boʻyicha arizani toʻldirib, Yagona reyestr tizimi orqali operatorga yuboradi. Xohishga koʻra 2-bosqich Operator Arizaning belgilangan talablarga muvofiqligini koʻrib chiqadi va Idoralararo integratsiyalashuv platformasiga ulanishni kelishadi. 5 ish kunida 3-bosqich Operator, foydalanuvchi Idoralararo integratsiyalashuv platformasiga ulanish yuzasidan texnologik yoʻriqnomani birgalikda ishlab chiqadi va kelishadi. Texnologik yoʻriqnoma Yagona reyestr tizimida elektron raqamli imzo bilan tasdiqlaydi hamda QR-kod shakllantiradi. 5 ish kunida 4-bosqich Operator Foydalanuvchini Idoralararo integratsiyalashuv platformasiga ulash choralarini koʻradi. 5 ish kunida II. Axborot tizimlarining Idoralararo integratsiyalashuv platformasi orqali elektron hamkorligi va axborot almashinuvi 1-bosqich Foydalanuvchi Idoralararo integratsiyalashuv platformasi orqali veb-servis yordamida tegishli soʻrovni yuboradi. Avtomatik tarzda 2-bosqich Operator Tegishli soʻrovni maʼlumot taqdim etuvchining veb-servisiga yuboradi. Avtomatik tarzda 3-bosqich Maʼlumot taqdim etuvchi Soʻrovni koʻrib chiqib, uning javobini Idoralararo integratsiyalashuv platformasiga yuboradi. Avtomatik tarzda 4-bosqich Operator Maʼlumot taqdim etuvchi tomonidan taqdim etilgan javobni foydalanuvchiga yuboradi. Avtomatik tarzda

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 3-ILOVA

Foydalanuvchini “Elektron hukumat” tizimining Idoralararo integratsiyalashuv platformasiga ulash toʻgʻrisida ARIZA _________________________________________________________________________________________________________________ (ariza beruvchi davlat organi yoki tashkiloti nomi) “Elektron hukumat” tizimining Idoralararo integratsiyalashuv platformasiga (keyingi oʻrinlarda — IIP) maʼlumotlarga ishlov berish uchun moʻljallangan axborot tizimini ulashni soʻrab, quyidagilarni maʼlum qiladi: 1. Maʼlumotlarga ishlov berish uchun moʻljallangan axborot tizimining maqsad va vazifalari: ________________________________________________________________________________________________________________________________ 2. Maʼlumotlarga ishlov berish uchun moʻljallangan axborot tizimining nomi: ________________________________________________________________________________________________________________________________ 3. Maʼlumotlarga ishlov berish uchun moʻljallangan axborot tizimining texnik qoʻllab-quvvatlash xizmati elektron pochta manzili: ________________________________________________________________________________________________________________________________ 4. Maʼlumotlarga ishlov berish uchun moʻljallangan axborot tizimi tomonidan taqdim etilayotgan veb-servislarning tavsifi: ________________________________________________________________________________________________________________________________ 5. Elektron hukumatning idoralararo maʼlumotlar uzatish tarmogʻidagi ( IMUT ) IP-manzili: (axborot tizimiga xizmat koʻrsatuvchi tashkilotning IMUT IP-manzili koʻrsatilgan taqdirda, mazkur arizaga tasdiqlovchi hujjat nusxasi ilova qilinadi): ________________________________________________________________________________________________________________________________ 6. IIP bilan axborot almashinuvini tashkil etish va unga ulanish doirasida soʻralayotgan maʼlumotlar tarkibi: T/r Maʼlumot olish veb-servisining nomi Maʼlumotlarni olish uchun asos 1. 2. 3. 7. IIPga bir oyda eng koʻp soʻrovlar soni, axborot tizimining ish rejimi: T/r Maʼlumot olish veb-servisining nomi Bir oy davomida amalga oshiriladigan soʻrovlarning maksimal soni Servis bilan ishlash rejimi 1. 2. 3. 8. Olinadigan maʼlumotlardan foydalanish maqsadlarining batafsil tavsifi (foydalanish uchun ruxsat soʻralayotgan maʼlumot olish servislarining har biri boʻyicha alohida koʻrsatiladi) : T/r Maʼlumot olish servisining nomi Foydalanishning maqsadi 1. 2. 3. 9. Ariza beruvchi davlat organi yoki tashkilotining rekvizitlari: ________________________________________________________________________________________________________________________________ 10. Maʼlumotlarga ishlov berish uchun moʻljallangan axborot tizimi foydalanuvchilarining F.I.O., lavozimi hamda lavozimga tayinlash haqidagi buyruq (ilova qilinadi) toʻgʻrisida maʼlumot: ________________________________________________________________________________________________________________________________ Mazkur arizani taqdim etish bilan maʼlumotlarga ishlov berish uchun moʻljallangan axborot tizimi yoki resursi arizaning 1 — 10-bandlariga muvofiqligini tasdiqlayman. Mazkur arizada keltirilgan maʼlumotlarning toʻliq va toʻgʻriligini tasdiqlayman. Ushbu bandlarda oʻzgartirishlar amalga oshirilsa, uch ish kuni mobaynida operatorga xabar berishni oʻz zimmamga olaman. IIP orqali shaxsga doir maʼlumotlarga ishlov berishda fuqaroning shaxsga doir maʼlumotlariga ishlov berish toʻgʻrisidagi roziligini olishni kafolatlayman. Izoh. Mazkur arizani imzolash orqali shaxsga doir maʼlumotlarga ishlov berishda ishtirok etuvchi shaxslar Oʻzbekiston Respublikasining Maʼmuriy javobgarlik toʻgʻrisidagi kodeksining 46 2 -moddasi, Jinoyat kodeksining 141 2 -moddasi bilan tanishtirilgan hisoblanadi va Oʻzbekiston Respublikasining shaxsga doir maʼlumotlarga ishlov berish qismiga oid qonunchilikka rioya etilmagan hollarda javobgarlikni toʻliq oʻz zimmasiga olishiga majbur boʻladi. __________________________ __________________________________________________________ (sana) (rahbar yoki boshqa vakolatli shaxsning imzosi va imzosining yoyilmasi)

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 4-ILOVA

Maʼlumot taqdim etuvchini “Elektron hukumat” tizimi Idoralararo integratsiyalashuv platformasining push-xabarnomalar servisiga ulash tartibi

Bosqichlar Subyektlar Tadbirlar Bajarish muddatlari Maʼlumot taqdim etuvchining Idoralararo integratsiyalashuv platformasining push-xabarnomalar servisiga ulanishi 1-bosqich Maʼlumot taqdim etuvchi Push-xabarnomalar servisiga ulanish boʻyicha arizani toʻldirib, operatorga Yagona reyestr tizimi orqali yuboradi. Xohishga koʻra 2-bosqich Operator Arizaning belgilangan talablarga muvofiqligini koʻrib chiqadi va push-xabarnomalar servisiga ulanishni kelishadi. 3 ish kunida 3-bosqich Operator, Maʼlumot taqdim etuvchi Push-xabarnomalar servisiga ulanish yuzasidan texnologik yoʻriqnomani birgalikda ishlab chiqadi va kelishadi. Texnologik yoʻriqnomani Yagona reyestr tizimida elektron raqamli imzo bilan tasdiqlaydi hamda QR-kod shakllantiradi. 5 ish kunida 4-bosqich Operator Maʼlumot taqdim etuvchini push-xabarnomalar servisiga ulash choralarini koʻradi. 5 ish kunida

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 5-ILOVA

Maʼlumot taqdim etuvchini “Elektron hukumat” tizimi Idoralararo integratsiyalashuv platformasining push-xabarnomalar servisiga ulash toʻgʻrisida ARIZA _______________________________________________________________________________________________________________________________ (ariza beruvchi davlat organi yoki tashkiloti nomi) ________________________________________________________________________________________________________________________________ (ariza beruvchi davlat organi yoki tashkilotining qisqartma nomi (lotin alifbosida) “Elektron hukumat” tizimining Idoralararo integratsiyalashuv platformasining (keyingi oʻrinlarda — IIP) push-xabarnomalar servisiga maʼlumotlarga ishlov berish uchun moʻljallangan axborot tizimini ulashni soʻrab, quyidagilarni maʼlum qiladi: 1. Maʼlumotlarga ishlov berish uchun moʻljallangan axborot tizimining maqsad va vazifalari: ________________________________________________________________________________________________________________________________ 2. Maʼlumotlarga ishlov berish uchun moʻljallangan axborot tizimining nomi: ________________________________________________________________________________________________________________________________ (axborot tizimining toʻliq nomi) ________________________________________________________________________________________________________________________________ (axborot tizimining qisqartma nomi (lotin alifbosida) 3. Maʼlumotlarga ishlov berish uchun moʻljallangan axborot tizimining texnik qoʻllab-quvvatlash xizmati elektron pochta manzili: ________________________________________________________________________________________________________________________________ 4. Elektron hukumatning idoralararo maʼlumotlar uzatish tarmogʻidagi (IMUT) IP-manzili: (axborot tizimiga xizmat koʻrsatuvchi tashkilotning IMUT IP-manzili koʻrsatilgan taqdirda, mazkur arizaga tasdiqlovchi hujjat nusxasi ilova qilinadi): ________________________________________________________________________________________________________________________________ 5. IIPning push-xabarnomalar servisi bilan axborot almashinuvini tashkil etish va unga ulanish doirasida soʻralayotgan/taqdim etilayotgan maʼlumotlar tarkibi: T/r Maʼlumot taqdim etish veb-servisining nomi Maʼlumotni taqdim etish uchun asos 1. 2. 3. 6. IIPning push-xabarnomalar servisiga bir oyda taqdim etiladigan eng koʻp maʼlumotlar soni, axborot tizimining ish rejimi: T/r Maʼlumot taqdim etish veb-servisining nomi Bir oy davomida taqdim etiladigan maʼlumotlarning maksimal soni IIPning push-xabarnomalar servisi bilan ishlash rejimi 1. 2. 3. 7. Ariza beruvchi davlat organi yoki tashkilotining rekvizitlari: ________________________________________________________________________________________________________________________________ 8. Maʼlumotlarga ishlov berish uchun moʻljallangan axborot tizimi foydalanuvchilarining F.I.O., lavozimi hamda lavozimga tayinlash haqidagi buyruq (ilova qilinadi) toʻgʻrisida maʼlumot: ________________________________________________________________________________________________________________________________ Mazkur arizani taqdim etish bilan maʼlumotlarga ishlov berish uchun moʻljallangan axborot tizimi arizaning 1 — 8-bandlariga muvofiqligini tasdiqlayman. Mazkur arizada keltirilgan maʼlumotlarning toʻliq va toʻgʻriligini tasdiqlayman. Ushbu bandlarda oʻzgartirishlar amalga oshirilsa, uch ish kuni mobaynida operatorga xabar berishni oʻz zimmamga olaman. IIPning push-xabarnomalar servisi orqali shaxsga doir maʼlumotlarga ishlov berishda fuqaroning shaxsga doir maʼlumotlariga ishlov berish toʻgʻrisidagi roziligini olishni kafolatlayman. Izoh. Mazkur arizani imzolash orqali shaxsga doir maʼlumotlarga ishlov berishda ishtirok etuvchi shaxslar Oʻzbekiston Respublikasining Maʼmuriy javobgarlik toʻgʻrisidagi kodeksining 46 2 -moddasi , Jinoyat kodeksining 141 2 -moddasi bilan tanishtirilgan hisoblanadi va Oʻzbekiston Respublikasining shaxsga doir maʼlumotlarga ishlov berish qismiga oid qonunchilikka rioya etilmagan hollarda javobgarlikni toʻliq oʻz zimmasiga olishga majbur boʻladi. __________________________ ________________________________________________________ (sana) (rahbar yoki boshqa vakolatli shaxsning imzosi va imzosining yoyilmasi)

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 6-ILOVA

Foydalanuvchini “Elektron hukumat” tizimi Idoralararo integratsiyalashuv platformasining push-xabarnomalar servisiga ulash tartibi

Bosqichlar Subyektlar Tadbirlar Bajarish muddatlari Foydalanuvchining Idoralararo integratsiyalashuv platformasi push-xabarnomalar servisiga ulanishi 1-bosqich Foydalanuvchi Idoralararo integratsiyalashuv platfomasining push-xabarnomalar servisiga ulanish boʻyicha arizani toʻldirib, operatorga Yagona reyestr tizimi orqali yuboradi. Xohishga koʻra 2-bosqich Operator Arizaning belgilangan talablarga muvofiqligini koʻrib chiqadi va Idoralararo integratsiyalashuv platformasining push-xabarnomalar servisiga ulanishni kelishadi. 3 ish kunida 3-bosqich Operator, Foydalanuvchi Idoralararo integratsiyalashuv platformasining push-xabarnomalar servisiga ulanish yuzasidan texnologik yoʻriqnomani birgalikda ishlab chiqadi va kelishadi. Texnologik yoʻriqnomani Yagona reyestr tizimida elektron raqamli imzo bilan tasdiqlaydi hamda QR-kod shakllantiradi. 5 ish kunida 4-bosqich Operator Foydalanuvchini Idoralararo integratsiyalashuv platformasining push-xabarnomalar servisiga ulash choralarini koʻradi. 5 ish kunida

“Elektron hukumat” tizimining Idoralararo integratsiyalashuv platformasi orqali elektron hamkorlik va axborot almashinuvi tartibi toʻgʻrisidagi nizomga 7-ILOVA

Foydalanuvchini “Elektron hukumat” tizimi Idoralararo integratsiyalashuv platformasining push-xabarnomalar servisiga ulash toʻgʻrisida ARIZA _________________________________________ ____________ ___________________________________________________________________________ (ariza beruvchi davlat organi yoki tashkiloti nomi) _________________________________________________________________ ____________ ___________________________________________________ (ariza beruvchi tashkilotning qisqartma nomi (lotin alifbosida) “Elektron hukumat” tizimining Idoralararo integratsiyalashuv platformasining (keyingi oʻrinlarda — IIP) push-xabarnomalar servisiga maʼlumotlarga ishlov berish uchun moʻljallangan axborot tizimini ulashni soʻrab, quyidagilarni maʼlum qiladi: 1. Maʼlumotlarga ishlov berish uchun moʻljallangan axborot tizimining maqsad va vazifalari: _____________________________________________________________ _____________ ______________________________________________________ 2. Maʼlumotlarga ishlov berish uchun moʻljallangan axborot tizimining nomi: __________________________________________________ ____________ __________________________________________________________________ (axborot tizimining toʻliq nomi) __________________________________________________ ____________ __________________________________________________________________ (axborot tizimining qisqartma nomi (lotin alifbosida)) 3. Maʼlumotlarga ishlov berish uchun moʻljallangan axborot tizimining texnik qoʻllab-quvvatlash xizmati elektron pochta manzili: _______________________________________________________________ ____________ _____________________________________________________ 4. Elektron hukumatning idoralararo maʼlumotlar uzatish tarmogʻidagi (IMUT) IP-manzili: (axborot tizimiga xizmat koʻrsatuvchi tashkilotning IMUT IP-manzili koʻrsatilgan taqdirda, mazkur arizaga tasdiqlovchi hujjat nusxasi ilova qilinadi): _____________________________ _____________ ______________________________________________________________________________________ 5. IIPning push-xabarnomalar servisi bilan axborot almashinuvini tashkil etish va unga ulanish doirasida soʻralayotgan/taqdim etilayotgan maʼlumotlar tarkibi: T/r Maʼlumot oluvchi veb-servisining nomi Maʼlumotlarni olish uchun asos 1. 2. 3. 6. Taqdim etiladigan maʼlumotlardan foydalanish maqsadlarining batafsil tavsifi (foydalanish uchun ruxsat soʻralayotgan maʼlumot taqdim etish servislarining har biri boʻyicha alohida koʻrsatiladi): T/r Maʼlumot oluvchi veb-servisining nomi Foydalanishning maqsadi 1. 2. 3. 7. Ariza beruvchi davlat organi yoki tashkilotining rekvizitlari: _____________________________ _____________ ______________________________________________________________________________________ 8. Maʼlumotlarga ishlov berish uchun moʻljallangan axborot tizimi foydalanuvchilarining F.I.O., lavozimi hamda lavozimga tayinlash haqidagi buyruq (ilova qilinadi) toʻgʻrisida maʼlumot: _____________________________ _____________ ______________________________________________________________________________________ Mazkur arizani taqdim etish bilan maʼlumotlarga ishlov berish uchun moʻljallangan axborot tizimi arizaning 1 — 8-bandlariga muvofiqligini tasdiqlayman. Mazkur arizada keltirilgan maʼlumotlarning toʻliq va toʻgʻriligini tasdiqlayman. Ushbu bandlarda oʻzgartirishlar amalga oshirilsa, uch ish kuni mobaynida operatorga xabar berishni oʻz zimmamga olaman. IIPning push-xabarnomalar servisi orqali shaxsga doir maʼlumotlarga ishlov berishda fuqaroning shaxsga doir maʼlumotlariga ishlov berish toʻgʻrisidagi roziligini olishni kafolatlayman. Izoh. Mazkur arizani imzolash orqali shaxsga doir maʼlumotlarga ishlov berishda ishtirok etuvchi shaxslar Oʻzbekiston Respublikasining Maʼmuriy javobgarlik toʻgʻrisidagi kodeksining 46 2 -moddasi va Jinoyat kodeksining 141 2 -moddasi bilan tanishtirilgan hisoblanadi va Oʻzbekiston Respublikasining shaxsga doir maʼlumotlarga ishlov berish qismiga oid qonunchilikka rioya etilmagan hollarda javobgarlikni toʻliq oʻz zimmasiga olishga majbur boʻladi. __________________________ __________________________________________________________ (sana) (rahbar yoki boshqa vakolatli shaxsning imzosi va imzosining yoyilmasi) ”;

g) 2-ilova matni quyidagi tahrirda bayon etilsin:

““Elektron hukumat” tizimining Raqamli maʼlumotlar platformasi orqali elektron hamkorlik va axborot almashinuvi tartibi toʻgʻrisida

NIZOM

1-bob. Umumiy qoidalar

1. Ushbu Nizom “Elektron hukumat” tizimining Raqamli maʼlumotlar platformasi orqali elektron hamkorlik va axborot almashinuvi, tijorat tashkilotlari va xoʻjalik yurituvchi boshqa subyektlarni ushbu platformaga ulash tartibini belgilaydi.

2. Mazkur Nizomda quyidagi asosiy tushunchalardan foydalaniladi:

“Raqamli qumdon” moduli — foydalanuvchi tomonidan Raqamli maʼlumotlar platformasining veb-servislariga cheklangan miqdorda test soʻrovlarini sinov tariqasida yuborish uchun moʻljallangan axborot resursi;

“Elektron hukumat” tizimining Raqamli maʼlumotlar platformasi (keyingi oʻrinlarda — Raqamli maʼlumotlar platformasi) — tijorat tashkilotlari va xoʻjalik yurituvchi boshqa subyektlar tomonidan oʻz tijorat xizmatlarini koʻrsatish doirasida davlat organlarining axborot tizimlari va maʼlumotlar bazalarida mavjud maʼlumotlarni uzatish uchun moʻljallangan apparat-dasturiy vositalar toʻplami;

axborot tizimlari va resurslari egalari boʻlgan maʼlumot taqdim etuvchi davlat organlari va tashkilotlari (keyingi oʻrinlarda — maʼlumot taqdim etuvchi) — normativ-huquqiy hujjatlarga muvofiq shaxsga doir va boshqa maʼlumotlarni qayta ishlash vazifalari yuklangan, oʻz axborot tizimlari va resurslarini Raqamli maʼlumotlar platformasiga ulash orqali maʼlumotlarni taqdim etuvchi davlat organlari va tashkilotlari;

veb-servis tavsifi — dasturiy taʼminotni qoʻllashda foydalaniladigan texnik yondashuv va yechimlarni qamrab olgan qoʻllanma;

Raqamli maʼlumotlar platformasi operatori (keyingi oʻrinlarda — operator) — Oʻzbekiston Respublikasi Raqamli texnologiyalar vazirligi huzuridagi “Raqamli hukumat loyihalarini boshqarish markazi” davlat muassasasi;

test soʻrovi — axborot almashinuvi doirasida foydalanuvchi tomonidan Raqamli maʼlumotlar platformasining “Raqamli qumdon” moduli orqali yoʻllanadigan xabar;

texnologik yoʻriqnoma — Raqamli maʼlumotlar platformasi doirasida idoralararo maʼlumot almashinuvining texnik usullari, tarkibi, tomonlarning javobgarligi va qayta aloqa tartibini belgilovchi hujjat;

foydalanuvchi — Raqamli maʼlumotlar platformasidan maʼlumotlar olishdan manfaatdor tijorat tashkiloti yoki xoʻjalik yurituvchi boshqa subyekt;

shartnoma — Raqamli maʼlumotlar platformasidan maʼlumot olish maqsadida operator va foydalanuvchi oʻrtasida tuziladigan kelishuv;

shaxsiy kabinet — “Elektron hukumat” tizimining Raqamli maʼlumotlar platformasida maʼlumot taqdim etuvchi, operator va foydalanuvchining elektron hamkorligi hamda axborot almashinuvi doirasidagi huquq va majburiyatlari bilan bogʻliq boʻlgan oʻzaro munosabatlarni elektron tarzda amalga oshirishni taʼminlaydigan axborot resursi;

push-xabarnoma — foydalanuvchining axborot tizimiga maʼlumot taqdim etuvchining axborot tizimlari va resurslarida yigʻilgan, oʻzgartirilgan hamda toʻldirilgan maʼlumotlar paydo boʻlishi munosabati bilan foydalanuvchining axborot tizimi va resurslarida qayta ishlanayotgan maʼlumotlarga oʻzgartirish kiritish zaruratiga asosan yuboriladigan qisqa xabar;

push-xabarnomalar servisi — axborot tizimining push-xabarnomalarni qabul qilish va/yoki yuborish uchun moʻljallangan moduli.

3. Foydalanuvchilarning axborot tizimlarini Raqamli maʼlumotlar platformasiga ulash faqat himoyalangan VPN tarmogʻi orqali tashkil etiladi.

Bunda soliq va kadastr organlarining axborot tizimlari Raqamli maʼlumotlar platformasiga Vazirlar Mahkamasining “Uchinchi shaxslarga soliq toʻlovchilar toʻgʻrisidagi maʼlumotlarni taqdim etish chora-tadbirlari haqida” 2021-yil 19-avgustdagi 529-son qaroriga muvofiq davlat-xususiy sheriklik shartnomasining amal qilish muddatiga qadar xususiy sherikning axborot tizimlari orqali ulanadi.

4. Foydalanuvchi va operator oʻrtasidagi axborot almashinuvi tegishli soʻrov yuborish yoʻli bilan Raqamli maʼlumotlar platformasi yordamida amalga oshiriladi.

Bunda Raqamli maʼlumotlar platformasi orqali elektron hamkorlik hamda axborot almashinuvi doirasida yoʻllangan barcha soʻrovlar boʻyicha tegishli statistika maʼlumotlari maʼlumot taqdim etuvchi va foydalanuvchining shaxsiy kabinetida yuritiladi.

5. Raqamli maʼlumotlar platformasiga ulangan axborot tizimlari va resurslarida mavjud boʻlgan shaxsga doir maʼlumotlar bilan axborot almashinuvi Oʻzbekiston Respublikasining “Shaxsga doir maʼlumotlar toʻgʻrisida”gi Qonuni va ushbu sohadagi boshqa qonunchilik hujjatlariga muvofiq amalga oshiriladi.

6. Raqamli maʼlumotlar platformasi orqali maʼlumotlar foydalanuvchining vazifalarini bajarish uchun qayta ishlash maqsadida taqdim etiladi.

Foydalanuvchi oʻziga tegishli boʻlgan maʼlumotlarning ishonchliligi, toʻliqligi hamda dolzarbligini taʼminlash sharti bilan ularni boshqa foydalanuvchilarga, davlat organlari va tashkilotlariga Raqamli maʼlumotlar platformasi orqali belgilangan tartibda shartnoma asosida taqdim etishi mumkin.

2-bob. Raqamli maʼlumotlar platformasiga ulanishning umumiy talablari va shartlari

1-§. Raqamli maʼlumotlar platformasiga dastlabki ulanish

7. Foydalanuvchi va operatorning axborot tizimlari oʻrtasidagi elektron hamkorlik va axborot almashinuvida axborot va kiberxavfsizlik talablarini taʼminlash maqsadida dastlabki ulanish doirasida foydalunuvchining axborot tizimi “Raqamli qumdon” moduliga ulanadi. Bunda “Raqamli qumdon” moduli doirasida foydalanuvchi va operator oʻrtasidagi axborot almashinuvi test soʻrovlari tarkibidagi maʼlumotlarda biron-bir jismoniy yoki yuridik shaxsga oid maʼlumotlardan foydalanilmagan holda test soʻrovlarni yuborish orqali amalga oshiriladi.

8. Foydalanuvchi oʻzining axborot tizimini “Raqamli qumdon” moduliga ulash uchun operatorga “Elektron hukumatning axborot tizimlari va resurslari yagona reyestri” axborot tizimi (keyingi oʻrinlarda — Yagona reyestr tizimi) orqali elektron tarzda xat orqali murojaat etadi hamda operator uch ish kuni davomida foydalanuvchining axborot tizimini “Raqamli qumdon” moduliga ulash choralarini koʻradi.

Bunda foydalanuvchi Yagona reyestr tizimida avtorizatsiyadan oʻtishi uchun “Elektron hukumat” tizimi foydalanuvchilarini identifikatsiyalashning yagona axborot tizimida roʻyxatdan oʻtadi.

9. “Raqamli qumdon” moduliga dastlabki ulanish muddati oʻn kundan oshmasligi zarur.

Dastlabki ulanish yakuni boʻyicha Raqamli maʼlumotlar platformasiga ulanish yoki ulanmaslik masalasi foydalanuvchining shaxsiy tashabbusi hisoblanadi.

2-§. Foydalanuvchini Raqamli maʼlumotlar platformasiga ulash

10. Foydalanuvchi Raqamli maʼlumotlar platformasiga ushbu Nizomga 1-ilovaga muvofiq sxema asosida ulanadi.

11. Foydalanuvchi Raqamli maʼlumotlar platformasiga ulanish uchun mazkur Nizomga 2-ilovadagi shaklga muvofiq arizani kuzatuv xatiga ilova qilgan holda operatorga Yagona reyestr tizimi orqali elektron shaklda yuboradi.

Bunda Yagona reyestr tizimida foydalanuvchi avtorizatsiyadan oʻtish uchun “Elektron hukumat” tizimi foydalanuvchilarini identifikatsiyalashning yagona axborot tizimida roʻyxatdan oʻtishi lozim (dastlabki ulanish doirasida avtorizatsiyadan oʻtgan foydalanuvchi bundan mustasno).

12. Operator ariza kelib tushgan kundan boshlab besh ish kuni mobaynida arizani quyidagi talablarga muvofiq koʻrib chiqadi:

arizada koʻrsatilishi zarur boʻlgan maʼlumotlar toʻliq kiritilgani hamda arizaga ilova qilinishi zarur boʻlgan hujjatlar toʻliq taqdim etilgani;

foydalanuvchining axborot tizimi yuzasidan Raqamli texnologiyalar vazirligi va “Kiberxavfsizlik markazi” DUKning ijobiy xulosalari mavjudligi;

foydalanuvchi tomonidan taqdim etilgan arizada maʼlumotlarning haqqoniyligi va ishonchliligi;

foydalanuvchining axborot tizimi “Elektron hukumat” tizimining Raqamli maʼlumotlar platformasining texnik funksiyalarini takrorlamasligi;

foydalanuvchining axborot tizimiga ulanishi bilan bogʻliq texnik-tashkiliy sharoitlar mavjudligi.

13. Raqamli maʼlumotlar platformasida joylashtirilgan veb-servislardan foydalanish uchun ruxsat berish maqsadida operator kelib tushgan arizani Yagona reyestr tizimida maʼlumot taqdim etuvchiga kelishish uchun yuboradi.

Maʼlumot taqdim etuvchi arizani qonunchilik hujjatlari talablariga muvofiqligi jihatidan koʻrib chiqadi hamda eʼtirozlar mavjud boʻlmagan taqdirda, uch ish kuni ichida Yagona reyestr tizimida kelishadi.

Bunda maʼlumot taqdim etuvchi tomonidan arizani koʻrib chiqish va kelishish muddati uch ish kunidan oshmasligi zarur.

Agar mazkur Nizomda belgilangan muddatda maʼlumot taqdim etuvchi tomonidan arizani koʻrib chiqish yoki kelishish natijalari haqida operatorga Yagona reyestr tizimida elektron shaklda xabarnoma berilmasa, maʼlumot taqdim etuvchi tomonidan foydalanuvchining arizasi kelishilgan hisoblanadi.

14. Maʼlumot taqdim etuvchi tomonidan ariza yuzasidan qonunchilik hujjatlariga muvofiq asoslantirilgan eʼtirozlar mavjud boʻlgan taqdirda, arizani kelishish rad etiladi va Yagona reyestr tizimida operatorga xabarnoma yuboriladi.

15. Xabarnoma kelib tushgan kunning oʻzida operator foydalanuvchining arizasini rad etish orqali Yagona reyestr tizimida qaytaradi.

Foydalanuvchi xabarnomada keltirilgan kamchiliklarni bartaraf qilib, qayta ariza berishi mumkin.

16. Ariza mazkur Nizom talablariga muvofiq boʻlgan taqdirda, operator besh ish kuni mobaynida texnologik yoʻriqnomani foydalanuvchi bilan birgalikda Yagona reyestr tizimida ishlab chiqadi va kelishadi.

Agar foydalanuvchining Raqamli maʼlumotlar platformasiga bir nechta axborot tizimi yoki resursi ulanadigan boʻlsa, mazkur holatda har bitta axborot tizimi yoki resursi boʻyicha alohida texnologik yoʻriqnoma ishlab chiqiladi va kelishiladi.

Bunda kelishilgan texnologik yoʻriqnoma Yagona reyestr tizimida elektron raqamli imzo bilan tasdiqlanadi hamda QR-kod shakllantiriladi.

17. Texnologik yoʻriqnoma oʻzaro kelishilgandan soʻng operator foydalanuvchini Raqamli maʼlumotlar platformasiga besh ish kuni mobaynida ulash choralarini koʻradi. Bunda operator va foydalanuvchi oʻrtasida Raqamli maʼlumotlar platformasiga ulanish xizmatlarini koʻrsatish toʻgʻrisidagi shartnoma rasmiylashtiriladi.

18. Raqamli maʼlumotlar platformasiga ulanish xizmatlarini koʻrsatish toʻgʻrisidagi shartnomada xizmat koʻrsatish darajasi (texnik qoʻllab-quvvatlash 24/7 rejimida koʻrsatilishi, hisobotlarni shakllantirish, qayta aloqa tizimi, axborot almashinuvidagi texnik uzilishlar yuzasidan xabardor qilish va boshqalar) bilan bogʻliq shartlar ham belgilanishi zarur.

19. Foydalanuvchining axborot tizimi hamda tizimlarning integratsiyalashuv jarayoniga qoʻyiladigan texnik talablar operator tomonidan Oʻzbekiston Respublikasi Raqamli texnologiyalar vazirligi bilan kelishilgan holda texnik jihatdan tartibga solish sohasidagi normativ hujjatga muvofiq belgilanadi.

20. Raqamli maʼlumotlar platformasiga ulanishni rad etish uchun quyidagilar asos boʻladi:

arizada koʻrsatilishi zarur boʻlgan maʼlumotlar toʻliq kiritilgani hamda arizaga ilova qilinishi zarur boʻlgan hujjatlar toʻliq taqdim etilmagani;

maʼlumot taqdim etuvchi tomonidan arizani kelishish rad etilgani;

foydalanuvchining axborot tizimi yuzasidan Oʻzbekiston Respublikasi Raqamli texnologiyalar vazirligi va/yoki “Kiberxavfsizlik markazi” DUKning ijobiy xulosalari mavjud emasligi;

foydalanuvchi tomonidan taqdim etilgan arizada maʼlumotlarning haqqoniy va ishonchli emasligi;

foydalanuvchining axborot tizimi “Elektron hukumat” tizimining Raqamli maʼlumotlar platformasining texnik funksiyalarini takrorlashi;

ulanish bilan bogʻliq texnik-tashkiliy yechimning mavjud boʻlmasligi.

Raqamli maʼlumotlar platformasiga ulanishni boshqa asoslar boʻyicha rad etish taqiqlanadi.

3-bob. Soʻrovlarni qayta ishlashning umumiy talablari

1-§. Soʻrovlarni qayta ishlash

21. Raqamli maʼlumotlar platformasiga ulangan foydalanuvchi zarur boʻlgan maʼlumotlarni tegishli soʻrovlarni yuborish orqali oladi.

22. Foydalanuvchilar uchun soʻrovga oid umumiy talablar operator va maʼlumot taqdim etuvchi oʻrtasida kelishiladigan texnologik yoʻriqnomaning veb-servis tavsifida belgilanadi.

23. Raqamli maʼlumotlar platformasida joylashtirilgan veb-servis texnologik yoʻriqnomaning veb-servis tavsifida belgilangan shartlarga muvofiq soʻrovga oid maʼlumotlar asosida test soʻrovini yuborish orqali sinovdan oʻtkaziladi.

24. Texnologik yoʻriqnomaga asosan soʻrov doirasida maʼlumotlar taqdim etilishi belgilangan boʻlsa, foydalanuvchiga tegishli maʼlumotlar avtomatik ravishda taqdim etiladi.

2-§. Push-xabarnomalar servisiga ulanishning umumiy shartlari

25. Maʼlumot taqdim etuvchining axborot tizimlari va resurslarida yigʻilgan, oʻzgartirilgan hamda toʻldirilgan maʼlumotlar paydo boʻlishi munosabati bilan tegishli push-xabarnomalar Raqamli maʼlumotlar platformasining push-xabarnomalar servisi orqali yuboriladi va/yoki qabul qilinadi.

Bunda Raqamli maʼlumotlar platformasining push-xabarnomalar servisiga ulanish uchun tegishli axborot tizimlari va resurslari Raqamli maʼlumotlar platformasiga ulangan boʻlishi zarur.

26. Raqamli maʼlumotlar platformasining push-xabarnomalar servisiga ulanish uchun foydalanuvchi tegishli veb-servislarga kirishni maʼlumot taqdim etuvchi bilan kelishib olishi lozim.

27. Raqamli maʼlumotlar platformasining push-xabarnomalar servisiga ushbu Nizomga 3-ilovaga muvofiq sxema asosida ulanadi.

Bunda foydalanuvchi mazkur Nizomga 4-ilovadagi shaklga muvofiq arizani kuzatuv xatiga ilova qilgan holda, operatorga Yagona reyestr tizimi orqali elektron shaklda yuboradi.

28. Operator ariza kelib tushgan kundan boshlab uch ish kuni mobaynida uni quyidagi talablar asosida koʻrib chiqadi:

foydalanuvchini push-xabarnomalar servisiga ulash uchun maʼlumot taqdim etuvchi bilan kelishilgani;

arizada koʻrsatilishi zarur boʻlgan maʼlumotlar toʻliq kiritilgani;

foydalanuvchining axborot tizimiga ulanishi bilan bogʻliq texnik-tashkiliy sharoitlar mavjudligi.

29. Ariza mazkur Nizom talablariga muvofiq boʻlgan taqdirda, operator besh ish kuni mobaynida texnologik yoʻriqnomani foydalanuvchi bilan birgalikda Yagona reyestr tizimida ishlab chiqadi va kelishadi.

Agar foydalanuvchining Raqamli maʼlumotlar platformasining push-xabarnomalar servisiga bir nechta axborot tizimi yoki resursi ulanadigan boʻlsa, mazkur holatda har bitta axborot tizimi yoki resursi boʻyicha alohida texnologik yoʻriqnoma ishlab chiqiladi va kelishiladi.

Bunda kelishilgan texnologik yoʻriqnoma Yagona reyestr tizimida elektron raqamli imzo bilan tasdiqlanadi hamda QR-kod shakllantiriladi.

Raqamli maʼlumotlar platformasining push-xabarnomalar servisiga ulanish rad etilgan taqdirda, operator tomonidan Yagona reyestr tizimi orqali foydalanuvchiga rad etish sabablari koʻrsatilgan xabarnoma yuboriladi.

Foydalanuvchi xabarnomada keltirilgan kamchiliklarni bartaraf qilib, qayta ariza berishi mumkin.

30. Texnologik yoʻriqnoma oʻzaro kelishilgandan soʻng operator foydalanuvchini Raqamli maʼlumotlar platformasiga besh ish kuni mobaynida ulash choralarini koʻradi. Bunda operator va foydalanuvchi oʻrtasida Raqamli maʼlumotlar platformasining push-xabarnomalar servisiga ulanish xizmatlarini koʻrsatish toʻgʻrisidagi shartnoma rasmiylashtiriladi.

31. Raqamli maʼlumotlar platformasining push-xabarnomalar servisiga ulanish xizmatlarini koʻrsatish toʻgʻrisidagi shartnomada xizmat koʻrsatish darajasi (texnik qoʻllab-quvvatlash 24/7 rejimida koʻrsatilishi, hisobotlarni shakllantirish, qayta aloqa tizimi, axborot almashinuvidagi texnik uzilishlar yuzasidan xabardor qilish va boshqalar) bilan bogʻliq shartlar ham belgilanadi.

32. Raqamli maʼlumotlar platformasining push-xabarnomalar servisiga ulanishni rad etish uchun quyidagilar asos boʻladi:

push-xabarnomalar servisiga ulanish maʼlumot taqdim etuvchi bilan kelishilmagani;

arizada koʻrsatilishi zarur boʻlgan maʼlumotlar toʻliq kiritilmagani;

maʼlumot taqdim etuvchi yoki foydalanuvchining axborot tizimiga ulanishi bilan bogʻliq texnik-tashkiliy sharoitlar mavjud emasligi.

Raqamli maʼlumotlar platformasining push-xabarnomalar servisiga ulanishni boshqa asoslar boʻyicha rad etish taqiqlanadi.

4-bob. Raqamli maʼlumotlar platformasi tomonlarining huquq va majburiyatlari

33. Operator quyidagi huquqlarga ega:

foydalanuvchiga Raqamli maʼlumotlar platformasida joylashtirilgan veb-servislardan foydalanish uchun ruxsat berish;

maʼlumot taqdim etuvchi yoki foydalanuvchiga Raqamli maʼlumotlar platformasiga ulanishida koʻmaklashish;

Raqamli maʼlumotlar platformasiga ulanish yuzasidan texnologik yechimlar boʻyicha tushuntirishlar berish;

foydalanuvchidan Raqamli maʼlumotlar platformasidagi tegishli veb-servislarga ulanishdan koʻzlangan maqsad va vazifalari toʻgʻrisidagi maʼlumotlarni qoʻshimcha tarzda soʻrab olish;

maʼlumot taqdim etuvchidan uning maʼlumotlar bazalarining barqaror ishlashi, belgilangan maʼlumotlarning Raqamli maʼlumotlar platformasiga uzluksiz ravishda taqdim etilishini talab qilish;

Operator qonunchilik hujjatlariga muvofiq boshqa huquqlarga ham ega boʻlishi mumkin.

34. Maʼlumot taqdim etuvchi quyidagi huquqlarga ega:

Raqamli maʼlumotlar platformasi orqali maʼlumotlarni qabul qilish va yuborish;

Raqamli maʼlumotlar platformasi orqali maʼlumot yuborish masalalarining texnik yechimida operatordan yordam olish;

Raqamli maʼlumotlar platformasiga ulanish yuzasidan operatordan tushunchalar olish;

Raqamli maʼlumotlar platformasidagi shaxsiy kabineti orqali oʻziga tegishli boʻlgan veb-servislarga ulangan foydalanuvchilarga oid statistika maʼlumotlarini olish.

Maʼlumot taqdim etuvchi qonunchilik hujjatlariga muvofiq boshqa huquqlarga ham ega boʻlishi mumkin.

35. Foydalanuvchi quyidagi huquqlarga ega:

Raqamli maʼlumotlar platformasi yordamida soʻrovlar yuborish va maʼlumotlarni olish;

Raqamli maʼlumotlar platformasidagi tegishli veb-servislarga belgilangan tartibda ulanish;

Raqamli maʼlumotlar platformasidagi shaxsiy kabineti orqali foydalanishga ruxsat berilgan veb-servislarga oid statistika maʼlumotlarini olish;

Raqamli maʼlumotlar platformasiga ulanish boʻyicha operatordan tushunchalar olish.

Foydalanuvchiga qonunchilik hujjatlari bilan boshqa majburiyatlar ham yuklanishi mumkin.

36. Operator:

Raqamli maʼlumotlar platformasiga ulanish tartibi va shartlariga rioya qilishga;

foydalanuvchiga Raqamli maʼlumotlar platformasi orqali maʼlumotlar yuborilguniga qadar ularning konfidensialligini taʼminlashga;

Raqamli maʼlumotlar platformasida maʼlumot taqdim etuvchi va foydalanuvchini shaxsiy kabinetlariga ulashga;

Yagona reyestr tizimida Raqamli maʼlumotlar platformasiga ulanish boʻyicha ariza va texnologik yoʻriqnomani koʻrib chiqishga va kelishishga;

Raqamli maʼlumotlar platformasida joylashtirilgan barcha veb-servislar boʻyicha rejali va rejadan tashqari uzilishlar va/yoki toʻxtalishlar vujudga kelishi yoki ular bartaraf etilishi yuzasidan foydalanuvchilarni mavjud boʻlgan qayta aloqa kanallari orqali xabardor qilishga;

Maʼlumot taqdim etuvchi va foydalanuvchining Raqamli maʼlumotlar platformasidagi shaxsiy kabinetlari orqali elektron axborot hamkorligi doirasidagi statistika maʼlumotlari bilan tanishish imkonini yaratishga;

Raqamli maʼlumotlar platformasining uzluksiz ishlashi boʻyicha tegishli choralar koʻrishga;

qonunchilik hujjatlari va mazkur Nizom talablarini bajarishga;

mazkur Nizomda yoki boshqa qonunchilik hujjatlarida belgilangan qoidalar buzilgan taqdirda, maʼlumot taqdim etuvchi yoki foydalanuvchining Raqamli maʼlumotlar platformasiga ulanishini vaqtincha toʻxtatish yoki bekor qilish va bu haqida ularni asoslarni koʻrsatgan holda rasmiy xabardor qilishga majbur.

Operatorga qonunchilik hujjatlari bilan boshqa majburiyatlar ham yuklanishi mumkin.

37. Maʼlumot taqdim etuvchi:

Raqamli maʼlumotlar platformasiga ulanish shartlariga rioya qilishga;

Raqamli maʼlumotlar platformasiga ulanish boʻyicha Yagona reyestr tizimida ariza va texnologik yoʻriqnomalarni ishlab chiqishga va kelishishga;

Raqamli maʼlumotlar platformasining push-xabarnomalar servisiga ulanish boʻyicha foydalanuvchining arizasini belgilangan tartibda kelishishga;

Raqamli maʼlumotlar platformasi orqali yuborilgan soʻrovlarga muvofiq maʼlumotlarni texnologik yoʻriqnomada belgilangan tartibda taqdim etishga;

oʻziga tegishli boʻlgan axborot tizimlari va resurslari hamda maʼlumotlar bazalarining barqaror ishlashi, ulardagi maʼlumotlarning Raqamli maʼlumotlar platformasiga uzluksiz ravishda taqdim etilishi boʻyicha tegishli choralar koʻrishga;

Raqamli maʼlumotlar platformasida joylashtirilgan oʻzining barcha veb-servislari boʻyicha rejali va rejadan tashqari uzilishlar va/yoki toʻxtalishlar vujudga kelishi yoki ular bartaraf etilishi yuzasidan operatorni mavjud qayta aloqa kanallari orqali real vaqt rejimida xabardor qilishga;

oʻziga tegishli veb-servisga oʻzgartirish va/yoki qoʻshimchalar kiritiladigan taqdirda, rejalashtirilgan ishlar amalga oshirilguniga qadar bu haqida ikki hafta oldin operatorga xabar berishga;

oʻz axborot tizimlari va resurslarida texnik ishlar oʻtkazilishi natijasida Raqamli maʼlumotlar platformasiga taqdim etilayotgan veb-servislarda kuzatilishi mumkin boʻlgan uzilishlar yuzasidan texnik ishlar bajarilishidan kamida uch ish kun oldin operatorni yozma ravishda xabardor qilishga;

Raqamli maʼlumotlar platformasida joylashtirilgan oʻz veb-servislariga foydalanuvchilarni toʻgʻridan-toʻgʻri ulashni cheklashga majbur.

Maʼlumot taqdim etuvchiga qonunchilik hujjatlari bilan boshqa majburiyatlar ham yuklanishi mumkin.

38. Foydalanuvchi:

Raqamli maʼlumotlar platformasiga ulanish tartibi va shartlariga rioya qilishga;

Raqamli maʼlumotlar platformasiga ulanish boʻyicha Yagona reyestr tizimida ariza va texnologik yoʻriqnomalarni ishlab chiqishga va kelishishga;

Raqamli maʼlumotlar platformasining push-xabarnomalar servisiga ulanish boʻyicha arizasini belgilangan tartibda maʼlumot taqdim etuvchi bilan kelishishga;

Raqamli maʼlumotlar platformasi orqali olinayotgan maʼlumotlarning konfidensialligini taʼminlashga;

Raqamli maʼlumotlar platformasi orqali olingan maʼlumotlarni uchinchi tomonga taqdim etmaslikka;

Raqamli maʼlumotlar platformasi orqali olingan maʼlumotlardan maʼlumot taqdim etuvchi va operator bilan kelishilmagan boshqa maqsadlarda foydalanmaslikka;

Raqamli maʼlumotlar platformasiga ulangan oʻzining axborot tizimlarining uzluksiz ishlashi boʻyicha tegishli choralar koʻrishga;

mazkur Nizom talablariga va “Elektron hukumat” tizimi orqali olinadigan maʼlumotlarni olish, qoʻllash va saqlash sohasidagi qonunchilik hujjatlariga rioya qilishga majbur.

Foydalanuvchiga qonunchilik hujjatlari bilan boshqa majburiyatlar ham yuklanishi mumkin.

5-bob. Raqamli maʼlumotlar platformasiga ulanishni vaqtincha toʻxtatish yoki bekor qilish

39. Raqamli maʼlumotlar platformasiga ulanishni vaqtincha toʻxtatish yoki bekor qilish operator tomonidan amalga oshiriladi.

Bunda Raqamli maʼlumotlar platformasiga ulanishni vaqtincha toʻxtatish yoki bekor qilish foydalanuvchiga bir yoki bir nechta veb-servislardan foydalanishiga nisbatan ham qoʻllanishi mumkin.

40. Raqamli maʼlumotlar platformasiga ulanishni vaqtincha toʻxtatish uchun quyidagilar asos boʻladi:

Oʻzbekiston Respublikasi qonunchilik hujjatlari va texnologik yoʻriqnoma talablarining buzilishi;

foydalanuvchining murojaati;

foydalanuvchi tomonidan maʼlumotlar uchinchi tomonga shaxsga va bank siriga doir maʼlumotlar toʻgʻrisidagi qonunchilik talablariga zid ravishda taqdim etilgani haqida axborotning mavjudligi;

foydalanuvchining axborot tizimida axborot xavfsizligiga xavf soluvchi omillar aniqlangani;

foydalanuvchining axborot tizimi va/yoki Raqamli maʼlumotlar platformasiga ulanish avtorizatsiya maʼlumotlari uchinchi shaxsda mavjudligi haqidagi maʼlumotlar aniqlangani;

axborot xavfsizligi va kiberxavfsizlik boʻyicha qonunchilik hujjatlari talablarining buzilishi mavjudligi yuzasidan vakolatli organlarning xulosasi;

shartnomada nazarda tutilgan toʻlovlar foydalanuvchi tomonidan oʻz vaqtida toʻlanmasligi;

Raqamli maʼlumotlar platformasiga ulanish toʻgʻrisidagi arizada keltirilgan maʼlumotlarni olish uchun asoslar bekor qilinganligi;

foydalanuvchi tomonidan oʻzining arizasiga muvofiq Raqamli maʼlumotlar platformasidagi bir yoki bir nechta veb-servisdan foydalanishda yuboriladigan soʻrovlarning maksimal sonidan yigirma foizdan oshib ketgani;

foydalanuvchi tomonidan unga foydalanish uchun ruxsat berilgan veb-servisga yuborilgan soʻrovlarning umumiy sonidan xatolik bilan qaytgan soʻrovlarning ulushi yigirma foizdan oshib ketgani;

Raqamli maʼlumotlar platformasi orqali olingan maʼlumotlardan maʼlumot taqdim etuvchi va operator bilan kelishilmagan boshqa maqsadlarda foydalanilganlik haqida maʼlumotning mavjudligi.

41. Raqamli maʼlumotlar platformasiga ulanishni bekor qilish uchun quyidagilar asos boʻladi:

foydalanuvchi tomonidan Oʻzbekiston Respublikasining “Shaxsga doir maʼlumotlar toʻgʻrisida”gi va “Bank siri toʻgʻrisida”gi qonunlari hamda ushbu sohadagi qonunchilik hujjatlari talablarining buzilish holatlari aniqlanishi;

axborot xavfsizligi va kiberxavfsizlik boʻyicha qonunchilik hujjatlari talablarining buzilishi mavjudligi yuzasidan vakolatli organlarning xulosasi;

Raqamli maʼlumotlar platformasiga ulanish toʻgʻrisidagi arizada keltirilgan maʼlumotlarni olish uchun asoslar bekor qilingani;

mazkur Nizom va shartnoma shartlari buzilishi yoki shartnomaning amal qilish muddatining tugashi.

6-bob. Yakunlovchi qoidalar

42. Raqamli maʼlumotlar platformasining ishtirokchilari oʻzaro hamkorlik va axborot almashinuvi natijasida olingan maʼlumotlarning axborot xavfsizligini taʼminlashi zarur.

43. Operator mazkur Nizom talablari ijrosi boʻyicha doimiy nazorat va monitoringni amalga oshiradi.

44. Operator va maʼlumot taqdim etuvchi mazkur Nizom va shartnoma talablarini buzgan foydalanuvchining xodimlarini xatti-harakatlari uchun javobgar boʻlmaydi.

45. Mazkur Nizom talablarining buzilishida aybdor boʻlgan shaxslar, qonunchilik hujjatlarida belgilangan tartibda javob beradilar.

“Elektron hukumat” tizimining Raqamli maʼlumotlar platformasi orqali elektron hamkorlik va axborot almashinuvi tartibi toʻgʻrisidagi nizomga 1-ILOVA

Foydalanuvchininig “Elektron hukumat” tizimi Raqamli maʼlumotlar platformasiga ulanishi, axborot tizimlarining platforma orqali elektron hamkorligi va axborot almashinuvi

Bosqichlar Subyektlar Tadbirlar Bajarish muddatlari I. Foydalanuvchining Raqamli maʼlumotlar platformasiga ulanishi 1-bosqich Foydalanuvchi Raqamli maʼlumotlar platformasiga ulanish boʻyicha arizani toʻldirib, Yagona reyestr tizimi orqali operatorga yuboradi. Xohishga koʻra 2-bosqich Operator Arizaning belgilangan talablarga muvofiqligini koʻrib chiqadi va Raqamli maʼlumotlar platformasiga ulanishni kelishish uchun maʼlumot taqdim etuvchiga yuboradi. 5 ish kunida Maʼlumot taqdim etuvchi Arizaning belgilangan talablarga muvofiqligini koʻrib chiqadi va Yagona reyestr tizimida kelishadi. 3 ish kunida 3-bosqich Operator, foydalanuvchi Raqamli maʼlumotlar platformasiga ulanish yuzasidan texnologik yoʻriqnomani birgalikda ishlab chiqadi va kelishadi. Texnologik yoʻriqnomani Yagona reyestr tizimida elektron raqamli imzo bilan tasdiqlaydi hamda QR-kod shakllantiradi. 5 ish kunida 4-bosqich Operator, foydalanuvchi Foydalanuvchini Raqamli maʼlumotlar platformasiga ulash choralarini koʻradi va Raqamli maʼlumotlar platformasiga ulanish xizmatlarini koʻrsatish toʻgʻrisidagi shartnomani rasmiylashtiradi. 5 ish kunida II. Axborot tizimlarining Raqamli maʼlumotlar platformasi orqali elektron hamkorligi va axborot almashinuvi 1-bosqich Foydalanuvchi Raqamli maʼlumotlar platformasi orqali veb-servis yordamida zarur maʼlumotni olish uchun soʻrov yuboradi. Avtomatik tarzda 2-bosqich Operator Tegishli soʻrovni maʼlumot taqdim etuvchining veb-servisiga yuboradi. Avtomatik tarzda 3-bosqich Maʼlumot taqdim etuvchi Soʻrovni koʻrib chiqib, uning javobini Raqamli maʼlumotlar platformasiga yuboradi. Avtomatik tarzda 4-bosqich Operator Maʼlumot taqdim etuvchi tomonidan taqdim etilgan javobni (maʼlumotlarni) foydalanuvchiga yuboradi. Avtomatik tarzda

“Elektron hukumat” tizimining Raqamli maʼlumotlar platformasi orqali elektron hamkorlik va axborot almashinuvi tartibi toʻgʻrisidagi nizomga 2-ILOVA

Foydalanuvchini “Elektron hukumat” tizimining Raqamli maʼlumotlar platformasiga ulash toʻgʻrisida ARIZA _______________________________________________________________________ ____ __________________________________________________________ (ariza beruvchi tijorat tashkiloti yoki xoʻjalik yurituvchi boshqa subyekt nomi) “Elektron hukumat” tizimining Raqamli maʼlumotlar platformasiga (keyingi oʻrinlarda — Raqamli platforma) ariza beruvchining axborot tizimini ulashni soʻrab, quyidagilarni maʼlum qiladi: 1. Maʼlumotlarga ishlov berish uchun moʻljallangan axborot tizimi yoki resursning maqsad va vazifalari: _____________________________________________________________________________ _______________________________________________________________ 2. Maʼlumotlarga ishlov berish uchun moʻljallangan axborot tizimining nomi: _____________________________________________________________________________ _______________________________________________________________ 3. Maʼlumotlarga ishlov berish uchun moʻljallangan axborot tizimining texnik qoʻllab-quvvatlash xizmati elektron pochta manzili va masʼul xodimning telefon raqami: _____________________________________________________________________________ _______________________________________________________________ 4. Maʼlumotlarga ishlov berish uchun moʻljallangan axborot tizimi tomonidan taqdim etilayotgan servislarning tavsifi: _____________________________________________________________________________ _______________________________________________________________ 5. Raqamli platforma bilan axborot almashinuvini tashkil etish va unga ulanish doirasida soʻralayotgan maʼlumotlarning tarkibi: T/r Maʼlumot olish servisining nomi Maʼlumotl ar ni olish uchun asos 1. 2. 3. 6. Raqamli platformaga bir oyda eng koʻp soʻrovlar soni, axborot tizimining ish rejimi: T/r Maʼlumot olish servisining nomi Servis bilan ishlash rejimi 1. 2. 3. 7. Olinadigan maʼlumotlardan foydalanish maqsadlarining batafsil tavsifi (foydalanish uchun ruxsat soʻralayotgan maʼlumot olish servislarining har biri boʻyicha alohida koʻrsatiladi): T/r Maʼlumot olish servisining nomi Foydalanishning maqsadi 1. 2. 3. 8. Ariza beruvchi tashkilot nomi va rekvizitlari: _____________________________________________________________________________ _______________________________________________________________ 9. Maʼlumotlarga ishlov berish uchun moʻljallangan axborot tizimi yoki resursi foydalanuvchilarining F.I.O., lavozimi hamda lavozimga tayinlash haqidagi buyruq (ilova qilinadi) toʻgʻrisida maʼlumot: _____________________________________________________________________________ _______________________________________________________________ Mazkur arizani taqdim etish bilan maʼlumotlarga ishlov berish uchun moʻljallangan axborot tizimi arizaning 1 — 9-bandlariga muvofiqligini tasdiqlayman. Mazkur arizada keltirilgan maʼlumotlarning toʻliq va toʻgʻriligini tasdiqlayman. Ushbu bandlarda oʻzgartirishlar amalga oshirilsa, uch ish kuni mobaynida operatorga xabar berishni oʻz zimmamga olaman. Raqamli platforma orqali shaxsga doir maʼlumotlarga ishlov berishda fuqaroning shaxsga doir maʼlumotlariga ishlov berish toʻgʻrisidagi roziligini olishni kafolatlayman. Izoh. Mazkur arizani imzolash orqali shaxsga doir maʼlumotlarga ishlov berishda ishtirok etuvchi shaxslar Oʻzbekiston Respublikasining Maʼmuriy javobgarlik toʻgʻrisidagi kodeksining 46 2 -moddasi , Jinoyat kodeksining 141 2 -moddasi bilan tanishtirilgan hisoblanadi va Oʻzbekiston Respublikasining shaxsga doir maʼlumotlarga ishlov berish qismiga oid qonunchilikka rioya etilmagan hollarda javobgarlikni toʻliq oʻz zimmasiga olishga majbur boʻladi. _____________________________ _______________________________________________________________ (sana) (rahbar yoki boshqa vakolatli shaxsning imzosi va imzosining yoyilmasi)

“Elektron hukumat” tizimining Raqamli maʼlumotlar platformasi orqali elektron hamkorlik va axborot almashinuvi tartibi toʻgʻrisidagi nizomga 3-ILOVA

Foydalanuvchini “Elektron hukumat” tizimi Raqamli maʼlumotlar platformasining push-xabarnomalar servisiga ulash tartibi

Bosqichlar Subyektlar Tadbirlar Bajarish muddatlari Foydalanuvchining Raqamli maʼlumotlar platformasi push-xabarnomalar servisiga ulanishi 1-bosqich Foydalanuvchi Raqamli maʼlumotlar platfomasining push-xabarnomalar servisiga ulanish boʻyicha arizani toʻldirib, operatorga Yagona reyestr tizimi orqali yuboradi. Xohishga koʻra 2-bosqich Operator Arizaning belgilangan talablarga muvofiqligini koʻrib chiqadi va Raqamli maʼlumotlar platformasining push-xabarnomalar servisiga ulanishni kelishadi. 3 ish kunida 3-bosqich Operator, foydalanuvchi Raqamli maʼlumotlar platformasining push-xabarnomalar servisiga ulanish yuzasidan texnologik yoʻriqnomani birgalikda ishlab chiqadi va kelishadi. Texnologik yoʻriqnomani Yagona reyestr tizimida elektron raqamli imzo bilan tasdiqlaydi hamda QR-kod shakllantiradi. 5 ish kunida 4-bosqich Operator, foydalanuvchi Foydalanuvchini Raqamli maʼlumotlar platformasining push-xabarnomalar servisiga ulash choralarini koʻradi va Raqamli maʼlumotlar platformasining push-xabarnomalar servisiga ulanish xizmatlarini koʻrsatish toʻgʻrisidagi shartnoma rasmiylashtiradi. 5 ish kunida

“Elektron hukumat” tizimining Raqamli maʼlumotlar platformasi orqali elektron hamkorlik va axborot almashinuvi tartibi toʻgʻrisidagi nizomga 4-ILOVA

Foydalanuvchini “Elektron hukumat” tizimi Raqamli maʼlumotlar platformasining push-xabarnomalar servisiga ulash toʻgʻrisida ARIZA _____________________________________________________________ ____________ _______________________________________________________ (ariza beruvchi tashkilotning toʻliq nomi) __________________________________________________________ ____________ __________________________________________________________ (ariza beruvchi tashkilotning qisqartma nomi (lotin alifbosida)) “Elektron hukumat” tizimi Raqamli maʼlumotlar platformasining push-xabarnomalar servisiga (keyingi oʻrinlarda — push-xabarnomalar servisi ) maʼlumotlarga ishlov berish uchun moʻljallangan axborot tizimini ulashni soʻrab, quyidagilarni maʼlum qiladi: 1. Maʼlumotlarga ishlov berish uchun moʻljallangan axborot tizimining maqsad va vazifalari: ___________________________________________ ____________ _________________________________________________________________________ 2. Maʼlumotlarga ishlov berish uchun moʻljallangan axborot tizimining nomi : _________________________________ ____________ ___________________________________________________________________________________ (axborot tizimining toʻliq nomi) ______________________________________________ ____________ ______________________________________________________________________ (axborot tizimining qisqartma nomi (lotin alifbosida)) 3. Maʼlumotlarga ishlov berish uchun moʻljallangan axborot tizimining texnik qoʻllab-quvvatlash xizmati elektron pochta manzili: __________________________________ ____________ __________________________________________________________________________________ 4. Maʼlumotlarga ishlov berish uchun moʻljallangan axborot tizimi tomonidan taqdim etilayotgan veb-servislarning tavsifi: _________________________________ ____________ ___________________________________________________________________________________ 5. Internet tarmogʻidagi IP-manzili: ____________________________________ ____________ ________________________________________________________________________________ 6. Push-xabarnomalar servisi bilan axborot almashinuvini tashkil etish va unga ulanish doirasida soʻralayotgan maʼlumotlar tarkibi: T/r Maʼlumot oluvchi veb-servisining nomi Maʼlumotlarni olish uchun asos 1. 2. 3. 7. Taqdim etiladigan maʼlumotlardan foydalanish maqsadlarining batafsil tavsifi (foydalanish uchun ruxsat soʻralayotgan maʼlumot taqdim etish servislarining har biri boʻyicha alohida koʻrsatiladi): T/r Maʼlumot olish servisining nomi Foydalanishning maqsadi 1. 2. 3. 8. Ariza beruvchi tashkilotning rekvizitlari: ______________________________________ ____________ ______________________________________________________________________________ 9. Maʼlumotlarga ishlov berish uchun moʻljallangan axborot tizimi foydalanuvchilarining F.I.O., lavozimi hamda lavozimga tayinlash haqidagi buyruq (ilova qilinadi) toʻgʻrisida maʼlumot: _____________________________________________ ____________ _______________________________________________________________________ Mazkur arizani taqdim etish bilan maʼlumotlarga ishlov berish uchun moʻljallangan axborot tizimi arizaning 1 — 9-bandlariga muvofiqligini tasdiqlayman. Mazkur arizada keltirilgan maʼlumotlarning toʻliq va toʻgʻriligini tasdiqlayman. Ushbu bandlarda oʻzgartirishlar amalga oshirilsa, uch ish kuni mobaynida Operatorga xabar berishni oʻz zimmamga olaman. Push-xabarnomalar servisi orqali shaxsga doir maʼlumotlarga ishlov berishda fuqaroning shaxsga doir maʼlumotlariga ishlov berish toʻgʻrisidagi roziligini olishni kafolatlayman. Izoh. Mazkur arizani imzolash orqali shaxsga doir maʼlumotlarga ishlov berishda ishtirok etuvchi shaxslar Oʻzbekiston Respublikasining Maʼmuriy javobgarlik toʻgʻrisidagi kodeksining 46 2 -moddasi , Jinoyat kodeksining 141 2 -moddasi bilan tanishtirilgan hisoblanadi va Oʻzbekiston Respublikasining shaxsga doir maʼlumotlarga ishlov berish qismiga oid qonunchilikka rioya etilmagan hollarda javobgarlikni toʻliq oʻz zimmasiga olishga majbur boʻladi. __________________________ ___________________________________________________________ (sana) (rahbar yoki boshqa vakolatli shaxsning imzosi va imzosining yoyilmasi) ” .

Oʻzbekiston Respublikasining Bosh vaziri A. ARIPOV

Toshkent sh.,

2026-yil 5-mart,

93-son

(Qonunchilik maʼlumotlari milliy bazasi, 07.03.2026-y., 09/26/93/0210-son)

lex.uz