📅 2026-yil 6-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 6 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 марта 2026 г. · Постановления Президента
Официальный текст. Официальный документ. Редакционные примечания не включены.
📅 6 March 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
ТАРКИБИ
2026 йилги Наврўз умумхалқ байрамига тайёргарлик кўриш ва уни ўтказиш тўғрисида
Мамлакатимизда амалга оширилаётган кенг кўламли ислоҳотлар туфайли инсон қадри, унинг ҳуқуқ ва манфаатларини таъминлаш, халқимиз фаровонлигини ошириш, жамиятда тинчлик, дўстлик ва ҳамжиҳатлик муҳитини, ижтимоий адолат тамойилларини мустаҳкамлаш йўлида улкан қадамлар ташланмоқда. Буларнинг барчаси қадимий тарих ва анъаналарга эга бўлган шарқона янги йил байрами — Наврўзи оламнинг инсонпарварлик моҳияти, унинг бағрикенглик, саховат ва меҳр-оқибат каби азалий қадриятлари аҳамиятини янада юксалтирмоқда.
Сўнгги йилларда Янги Ўзбекистонда амалга оширилаётган том маънодаги тарихий ўзгаришларга мос ҳолда, маъно-мазмуни тобора чуқурлашиб бораётган Наврўз айёмини барча шаҳар ва қишлоқларимизда, бутун юртимизда умумхалқ сайли сифатида, юксак ташкилий савияда ва кўтаринки руҳда нишонлаш мақсадида қарор қиламан:
1. 2026 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) таркиби иловага мувофиқ тасдиқлансин.
2. Ташкилий қўмита (А. Арипов) бир ҳафта муддатда:
(а) Республика Маънавият ва маърифат маркази, Маданият вазирлиги, Ёшлар ишлари агентлиги, Ўзбекистон Ёзувчилар уюшмаси, Ўзбекистон маҳаллалари уюшмаси ва «Нуроний» жамғармасининг таклифига кўра Наврўз умумхалқ байрамининг ғоявий мазмунини кучайтиришга оид концептни (кейинги ўринларда — Концепт) тасдиқласин;
(б) Тошкент шаҳри, Қорақалпоғистон Республикаси ва вилоятлар марказлари, барча шаҳар ва туманлар, қишлоқ ва овулларда Наврўз умумхалқ байрамини муносиб нишонлаш бўйича «Наврўзни улуғлаш — инсонни улуғлашдир!» деган эзгу ғояни ўзида мужассам этган ташкилий-амалий, маданий-маънавий ҳамда тарғибот тадбирлари дастурини тасдиқласин ва унинг амалга оширилишини таъминласин.
3. Жойларда Наврўз умумхалқ байрамига бағишланган барча тадбирларни Концептда баён этиладиган асосий йўналиш ва тавсияларга мос ҳолда юксак даражада ташкил этиш, уларда юртдошларимизнинг фаол иштирокини таъминлаш мақсадида қуйидаги масалаларга алоҳида эътибор қаратилсин:
(а) байрам тадбирларини борлиқнинг уйғониши, инсон ва табиат ўртасидаги уйғунлик, она заминга меҳр ва эътиборни ифода этадиган, юртдошларимизни тинч ва осуда ҳаётимизни қадрлаб, сув ва ер ресурсларидан оқилона фойдаланиб, шукроналик туйғуси билан яшашга чорлайдиган таъсирчан мазмун ва шаклда ўтказиш;
(б) мамлакатимизда амалга оширилаётган туб демократик ислоҳотлар, халқимизнинг кундалик ҳаёти, онги ва дунёқарашида юз бераётган ижобий ўзгаришлар, ўзаро бирлик ва ҳамжиҳатлик фазилатлари Наврўз кунларида айниқса яққол намоён бўлишини тарғиб этиш;
(в) бу йилги Наврўз муборак Рамазон ҳайити байрами билан ҳамоҳанг тарзда нишонланиши унинг инсонпарварлик тамойилларини янада кучайтиришини инобатга олиб, кекса авлод вакилларини, хусусан, Иккинчи жаҳон уруши қатнашчилари ва меҳнат фронти фахрийларини ҳар томонлама эъзозлаш, «Меҳрибонлик», «Саховат» ва «Мурувват» уйларида яшаётган шахслар, ижтимоий ҳимоя дафтарларига киритилган ва кўмакка муҳтож инсонларнинг ҳолидан хабар олиш, улар учун байрам дастурхонларини ташкил этиш ҳамда турли хайрия тадбирларини маҳалла фаоллари, ёшлар ва хотин-қизлар вакиллари иштирокида уюшқоқлик билан ўтказиш;
(г) «Яшил макон» умуммиллий лойиҳаси доирасида белгиланган тадбирларни амалга ошириш, байрам арафасида барча ҳудудларда, кўча ва майдонлар, маҳалла, туман ва шаҳарларда ободонлаштириш ва кўкаламзорлаштириш тадбирларини ўтказиш, «Мен ҳам кўчат экаман» акцияларини, умумхалқ ҳашарларини ташкил этиш;
(д) жамиятимизда ҳукм сураётган миллатлараро дўстлик ва тотувлик муҳитини мустаҳкамлаш мақсадида юртимизда истиқомат қилаётган турли миллат ва элатлар вакилларининг миллий урф-одатлари, анъана ва қадриятларини кенг намойиш қилиш;
(ж) байрам тадбирлари давомида ҳунармандчилик кўргазмалари, миллий спорт турлари бўйича мусобақалар ўтказиш, китоб кўргазмалари, арзонлаштирилган қишлоқ хўжалиги ва озиқ-овқат маҳсулотлари ярмаркалари, кўчма савдо дўконларини ташкил этиш, кўклам таомларини тайёрлаш ҳамда бу борада кўргазмали савдо ва танловларни уюштириш;
(з) барча шаҳар ва қишлоқларда ўтказиладиган байрам тантаналарида, оммавий ахборот воситаларида Наврўз байрамининг тарихи, ҳар бир ҳудудда уни нишонлаш билан боғлиқ удум ва анъаналарни кенг ёритиш;
(и) Тошкент шаҳридаги «Янги Ўзбекистон» мажмуасида алоҳида дастур асосида халқ сайилларини ташкил этиш.
4. Маданият вазирлиги (О. Назарбеков) Республика Маънавият ва маърифат маркази (О. Хасанов), Ўзбекистон ёзувчилар уюшмаси (С. Саидов) билан биргаликда бир ҳафта муддатда Концептга мувофиқ Тошкент шаҳрида Наврўз байрамига бағишлаб ўтказиладиган театрлаштирилган асосий концерт томошасининг дастурини ишлаб чиқсин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
(а) бир ҳафта муддатда Наврўз умумхалқ сайилларини ўтказиш бўйича қуйидагиларни назарда тутадиган ҳудудий чора-тадбирлар дастурларини ишлаб чиқсин ва тасдиқласин:
(i) умумхалқ сайиллари уюштириладиган асосий майдонлар, кўча ва хиёбонларни байрамона безатиш;
(ii) сайил ва томошаларни маҳаллий тажрибали сценаристлар ва режиссёрлар, композитор ва бастакорлар, балетмейстерлар, саҳна рассомлари, истеъдодли ёш ижрочилар, фольклор санъати вакиллари билан биргаликда юқори бадиий савияда тайёрлаш чораларини кўриш;
(iii) байрам тадбирлари доирасида ҳар бир ҳудудга хос бўлган халқ ўйинлари, томошалар, кўргазмалар ўтказиб, баҳор таомлари сотиладиган очиқ ошхоналар ташкил қилиш;
(б) байрам дастурларини ва оммавий томошаларни тайёрлашда, кўчалар, майдон ва хиёбонларни безатишда малакали мутахассислардан иборат ижодий гуруҳларни кенг жалб этсин;
(в) барча тадбирлар жамоат хавфсизлиги талабларига қатъий риоя қилинган ҳолда ўтказилишини таъминласин.
6. Белгилаб қўйилсинки, ўтказиладиган байрам тадбирларининг харажатлари:
(а) Тошкент шаҳрида — республика бюджети ва Тошкент шаҳар маҳаллий бюджети маблағлари ҳисобидан тенг улушларда;
(б) Қорақалпоғистон Республикаси ва вилоятларда — тегишли маҳаллий бюджетлар ҳамда ҳомийлик хайриялари ҳисобидан қопланади.
7. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги ва бошқа оммавий ахборот воситаларига Наврўз умумхалқ байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.
8. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 6 мартдаги ПҚ-82-сон қарорига ИЛОВА
2026 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита
1. А. Арипов — Ўзбекистон Республикасининг Бош вазири, Ташкилий қўмита раиси 2. Х. Султонов — Ўзбекистон Республикаси Президентининг маслаҳатчиси 3. Р. Давлетов — Ўзбекистон Республикаси Президентининг маслаҳатчиси 4. Г. Умерова — Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи 5. З. Махкамова — Ўзбекистон Республикаси Бош вазирининг ўринбосари 6. О. Назарбеков — маданият вазири, Ташкилий қўмита раиси ўринбосари 7. Ш. Умурзаков — Тошкент шаҳар ҳокими, Ташкилий қўмита раиси ўринбосари 8. Э. Каримова — мактабгача ва мактаб таълими вазири 9. К. Шарипов — олий таълим, фан ва инновациялар вазири 10. А. Икрамов — спорт вазири 11. Б. Захидов — камбағалликни қисқартириш ва бандлик вазири 12. А. Худаяров — соғлиқни сақлаш вазири 13. Ш. Шерматов — рақамли технологиялар вазири 14. Б. Саидов — ташқи ишлар вазири 15. Ш. Халмухамедов — мудофаа вазири 16. А. Ташпулатов — ички ишлар вазири 17. Б. Ташматов — Миллий гвардия қўмондони 18. И. Норқулов — иқтисодиёт ва молия вазирининг биринчи ўринбосари 19. К. Куранбаев — Ўзбекистон маҳаллалари уюшмаси раиси 20. Қ. Рафиков — Ўзбекистон касаба уюшмалари федерацияси раиси 21. Ш. Аюпов — Фанлар академияси президенти 22. Қ. Сариев — Миллатлараро муносабатлар ва хориждаги ватандошлар масалалари бўйича қўмита раиси 23. А. Саъдуллаев — Ёшлар ишлари агентлиги директори 24. А. Джурабаев — Ўзбекистон Миллий телерадиокомпанияси раиси 25. А. Кўчимов — Ўзбекистон Миллий ахборот агентлиги бош директори 26. А. Нуридинов — Ўзбекистон Бадиий академияси раиси 27. О. Хасанов — Республика Маънавият ва маърифат маркази раҳбари 28. С. Саидов — Ўзбекистон Ёзувчилар уюшмаси раиси 29. С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси 30. Ш. Ризаев — Кинематография агентлиги бош директори в.б. 31. Р. Абдуллаев — Ўзбекистон композиторлар ва бастакорлар уюшмаси раиси 32. О. Тожиев — Ўзбекистон миллий медиа бирлашмаси бошқаруви раиси 33. Ш. Орипов — Ўзбекистон журналистлари уюшмаси раиси в.б. 34. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари 35. Р. Азимов — Вазирлар Маҳкамаси бўлим бошлиғи, Ташкилий қўмита котиби
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 6 март,
ПҚ- 82 -сон
OʻZBEKISTON RESPUBLIKASI PREZIDENTINING
QARORI
TARKIBI
2026-yilgi Navroʻz umumxalq bayramiga tayyorgarlik koʻrish va uni oʻtkazish toʻgʻrisida
Mamlakatimizda amalga oshirilayotgan keng koʻlamli islohotlar tufayli inson qadri, uning huquq va manfaatlarini taʼminlash, xalqimiz farovonligini oshirish, jamiyatda tinchlik, doʻstlik va hamjihatlik muhitini, ijtimoiy adolat tamoyillarini mustahkamlash yoʻlida ulkan qadamlar tashlanmoqda. Bularning barchasi qadimiy tarix va anʼanalarga ega boʻlgan sharqona yangi yil bayrami — Navroʻzi olamning insonparvarlik mohiyati, uning bagʻrikenglik, saxovat va mehr-oqibat kabi azaliy qadriyatlari ahamiyatini yanada yuksaltirmoqda.
Soʻnggi yillarda Yangi Oʻzbekistonda amalga oshirilayotgan tom maʼnodagi tarixiy oʻzgarishlarga mos holda, maʼno-mazmuni tobora chuqurlashib borayotgan Navroʻz ayyomini barcha shahar va qishloqlarimizda, butun yurtimizda umumxalq sayli sifatida, yuksak tashkiliy saviyada va koʻtarinki ruhda nishonlash maqsadida qaror qilaman:
1. 2026-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.
2. Tashkiliy qoʻmita (A. Aripov) bir hafta muddatda:
(a) Respublika Maʼnaviyat va maʼrifat markazi, Madaniyat vazirligi, Yoshlar ishlari agentligi, Oʻzbekiston Yozuvchilar uyushmasi, Oʻzbekiston mahallalari uyushmasi va “Nuroniy” jamgʻarmasining taklifiga koʻra Navroʻz umumxalq bayramining gʻoyaviy mazmunini kuchaytirishga oid konseptni (keyingi oʻrinlarda — Konsept) tasdiqlasin;
(b) Toshkent shahri, Qoraqalpogʻiston Respublikasi va viloyatlar markazlari, barcha shahar va tumanlar, qishloq va ovullarda Navroʻz umumxalq bayramini munosib nishonlash boʻyicha “Navroʻzni ulugʻlash — insonni ulugʻlashdir!” degan ezgu gʻoyani oʻzida mujassam etgan tashkiliy-amaliy, madaniy-maʼnaviy hamda targʻibot tadbirlari dasturini tasdiqlasin va uning amalga oshirilishini taʼminlasin.
3. Joylarda Navroʻz umumxalq bayramiga bagʻishlangan barcha tadbirlarni Konseptda bayon etiladigan asosiy yoʻnalish va tavsiyalarga mos holda yuksak darajada tashkil etish, ularda yurtdoshlarimizning faol ishtirokini taʼminlash maqsadida quyidagi masalalarga alohida eʼtibor qaratilsin:
(a) bayram tadbirlarini borliqning uygʻonishi, inson va tabiat oʻrtasidagi uygʻunlik, ona zaminga mehr va eʼtiborni ifoda etadigan, yurtdoshlarimizni tinch va osuda hayotimizni qadrlab, suv va yer resurslaridan oqilona foydalanib, shukronalik tuygʻusi bilan yashashga chorlaydigan taʼsirchan mazmun va shaklda oʻtkazish;
(b) mamlakatimizda amalga oshirilayotgan tub demokratik islohotlar, xalqimizning kundalik hayoti, ongi va dunyoqarashida yuz berayotgan ijobiy oʻzgarishlar, oʻzaro birlik va hamjihatlik fazilatlari Navroʻz kunlarida ayniqsa yaqqol namoyon boʻlishini targʻib etish;
(v) bu yilgi Navroʻz muborak Ramazon hayiti bayrami bilan hamohang tarzda nishonlanishi uning insonparvarlik tamoyillarini yanada kuchaytirishini inobatga olib, keksa avlod vakillarini, xususan, Ikkinchi jahon urushi qatnashchilari va mehnat fronti faxriylarini har tomonlama eʼzozlash, “Mehribonlik”, “Saxovat” va “Muruvvat” uylarida yashayotgan shaxslar, ijtimoiy himoya daftarlariga kiritilgan va koʻmakka muhtoj insonlarning holidan xabar olish, ular uchun bayram dasturxonlarini tashkil etish hamda turli xayriya tadbirlarini mahalla faollari, yoshlar va xotin-qizlar vakillari ishtirokida uyushqoqlik bilan oʻtkazish;
(g) “Yashil makon” umummilliy loyihasi doirasida belgilangan tadbirlarni amalga oshirish, bayram arafasida barcha hududlarda, koʻcha va maydonlar, mahalla, tuman va shaharlarda obodonlashtirish va koʻkalamzorlashtirish tadbirlarini oʻtkazish, “Men ham koʻchat ekaman” aksiyalarini, umumxalq hasharlarini tashkil etish;
(d) jamiyatimizda hukm surayotgan millatlararo doʻstlik va totuvlik muhitini mustahkamlash maqsadida yurtimizda istiqomat qilayotgan turli millat va elatlar vakillarining milliy urf-odatlari, anʼana va qadriyatlarini keng namoyish qilish;
(j) bayram tadbirlari davomida hunarmandchilik koʻrgazmalari, milliy sport turlari boʻyicha musobaqalar oʻtkazish, kitob koʻrgazmalari, arzonlashtirilgan qishloq xoʻjaligi va oziq-ovqat mahsulotlari yarmarkalari, koʻchma savdo doʻkonlarini tashkil etish, koʻklam taomlarini tayyorlash hamda bu borada koʻrgazmali savdo va tanlovlarni uyushtirish;
(z) barcha shahar va qishloqlarda oʻtkaziladigan bayram tantanalarida, ommaviy axborot vositalarida Navroʻz bayramining tarixi, har bir hududda uni nishonlash bilan bogʻliq udum va anʼanalarni keng yoritish;
(i) Toshkent shahridagi “Yangi Oʻzbekiston” majmuasida alohida dastur asosida xalq sayillarini tashkil etish.
4. Madaniyat vazirligi (O. Nazarbekov) Respublika Maʼnaviyat va maʼrifat markazi (O. Xasanov), Oʻzbekiston yozuvchilar uyushmasi (S. Saidov) bilan birgalikda bir hafta muddatda Konseptga muvofiq Toshkent shahrida Navroʻz bayramiga bagʻishlab oʻtkaziladigan teatrlashtirilgan asosiy konsert tomoshasining dasturini ishlab chiqsin.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
(a) bir hafta muddatda Navroʻz umumxalq sayillarini oʻtkazish boʻyicha quyidagilarni nazarda tutadigan hududiy chora-tadbirlar dasturlarini ishlab chiqsin va tasdiqlasin:
(i) umumxalq sayillari uyushtiriladigan asosiy maydonlar, koʻcha va xiyobonlarni bayramona bezatish;
(ii) sayil va tomoshalarni mahalliy tajribali ssenaristlar va rejissorlar, kompozitor va bastakorlar, baletmeysterlar, sahna rassomlari, isteʼdodli yosh ijrochilar, folklor sanʼati vakillari bilan birgalikda yuqori badiiy saviyada tayyorlash choralarini koʻrish;
(iii) bayram tadbirlari doirasida har bir hududga xos boʻlgan xalq oʻyinlari, tomoshalar, koʻrgazmalar oʻtkazib, bahor taomlari sotiladigan ochiq oshxonalar tashkil qilish;
(b) bayram dasturlarini va ommaviy tomoshalarni tayyorlashda, koʻchalar, maydon va xiyobonlarni bezatishda malakali mutaxassislardan iborat ijodiy guruhlarni keng jalb etsin;
(v) barcha tadbirlar jamoat xavfsizligi talablariga qatʼiy rioya qilingan holda oʻtkazilishini taʼminlasin.
6. Belgilab qoʻyilsinki, oʻtkaziladigan bayram tadbirlarining xarajatlari:
(a) Toshkent shahrida — respublika budjeti va Toshkent shahar mahalliy budjeti mablagʻlari hisobidan teng ulushlarda;
(b) Qoraqalpogʻiston Respublikasi va viloyatlarda — tegishli mahalliy budjetlar hamda homiylik xayriyalari hisobidan qoplanadi.
7. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va boshqa ommaviy axborot vositalariga Navroʻz umumxalq bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borish tavsiya etilsin.
8. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 6-martdagi PQ-82-son qaroriga ILOVA
2026-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita
1. A. Aripov — Oʻzbekiston Respublikasining Bosh vaziri, Tashkiliy qoʻmita raisi 2. X. Sultonov — Oʻzbekiston Respublikasi Prezidentining maslahatchisi 3. R. Davletov — Oʻzbekiston Respublikasi Prezidentining maslahatchisi 4. G. Umerova — Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi 5. Z. Maxkamova — Oʻzbekiston Respublikasi Bosh vazirining oʻrinbosari 6. O. Nazarbekov — madaniyat vaziri, Tashkiliy qoʻmita raisi oʻrinbosari 7. Sh. Umurzakov — Toshkent shahar hokimi, Tashkiliy qoʻmita raisi oʻrinbosari 8. E. Karimova — maktabgacha va maktab taʼlimi vaziri 9. K. Sharipov — oliy taʼlim, fan va innovatsiyalar vaziri 10. A. Ikramov — sport vaziri 11. B. Zaxidov — kambagʻallikni qisqartirish va bandlik vaziri 12. A. Xudayarov — sogʻliqni saqlash vaziri 13. Sh. Shermatov — raqamli texnologiyalar vaziri 14. B. Saidov — tashqi ishlar vaziri 15. Sh. Xalmuxamedov — mudofaa vaziri 16. A. Tashpulatov — ichki ishlar vaziri 17. B. Tashmatov — Milliy gvardiya qoʻmondoni 18. I. Norqulov — iqtisodiyot va moliya vazirining birinchi oʻrinbosari 19. K. Kuranbayev — Oʻzbekiston mahallalari uyushmasi raisi 20. Q. Rafikov — Oʻzbekiston kasaba uyushmalari federatsiyasi raisi 21. Sh. Ayupov — Fanlar akademiyasi prezidenti 22. Q. Sariyev — Millatlararo munosabatlar va xorijdagi vatandoshlar masalalari boʻyicha qoʻmita raisi 23. A. Saʼdullayev — Yoshlar ishlari agentligi direktori 24. A. Djurabayev — Oʻzbekiston Milliy teleradiokompaniyasi raisi 25. A. Koʻchimov — Oʻzbekiston Milliy axborot agentligi bosh direktori 26. A. Nuridinov — Oʻzbekiston Badiiy akademiyasi raisi 27. O. Xasanov — Respublika Maʼnaviyat va maʼrifat markazi rahbari 28. S. Saidov — Oʻzbekiston Yozuvchilar uyushmasi raisi 29. S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi 30. Sh. Rizayev — Kinematografiya agentligi bosh direktori v.b. 31. R. Abdullayev — Oʻzbekiston kompozitorlar va bastakorlar uyushmasi raisi 32. O. Tojiyev — Oʻzbekiston milliy media birlashmasi boshqaruvi raisi 33. Sh. Oripov — Oʻzbekiston jurnalistlari uyushmasi raisi v.b. 34. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari 35. R. Azimov — Vazirlar Mahkamasi boʻlim boshligʻi, Tashkiliy qoʻmita kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 6-mart,
PQ- 82 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О подготовке и проведении всенародного праздника Навруз в 2026 году
В ходе реализуемых в нашей стране широкомасштабных реформ проделана огромная работа по обеспечению прав и интересов человека, его чести и достоинства, повышению благосостояния населения, укреплению в обществе атмосферы мира, дружбы и согласия, принципов социальной справедливости. Все это еще больше повышает гуманистическое значение праздника Навруз — наступления нового года на Востоке, имеющего древнюю историю и традиции, таких его неотъемлемых составляющих, как толерантность, доброта и милосердие.
В целях проведения праздника Навруз, благородные идеи которого созвучны историческим преобразованиям, осуществляемым в последние годы в Новом Узбекистане, как всенародного сайиля во всех городах и селах, по всей стране на высоком организационном уровне постановляю:
1. Утвердить состав Организационного комитета по подготовке и проведению всенародного праздника Навруз в 2026 году (далее — Организационный комитет) согласно приложению * .
2. Организационному комитету (А. Арипов) в недельный срок:
(а) утвердить по предложению Республиканского центра духовности и просветительства, Министерства культуры, Агентства по делам молодежи, Союза писателей Узбекистана, Ассоциации махаллей Узбекистана и Фонда «Нуроний» Концепт по усилению духовно-просветительского содержания всенародного праздника Навруз (далее — Концепт);
(б) утвердить Программу организационно-практических, культурно-просветительских и разъяснительных мероприятий, посвященных всенародному празднику Навруз, в городе Ташкенте, Республике Каракалпакстан и областных центрах, во всех городах и районах, селах и аулах под девизом «Прославление Навруза — прославление человека!» и обеспечить ее реализацию.
3. В целях организации на местах мероприятий всенародного праздника Навруз на высоком уровне, в соответствии с основными направлениями и рекомендациями Концепта, обеспечения активного участия в них соотечественников особое внимание уделить:
(а) проведению действенных по форме и содержанию праздничных мероприятий, отражающих процессы весеннего обновления, гармонию человека и природы, любовь и заботу о родной земле, призывающих соотечественников ценить нашу мирную и спокойную жизнь, жить с чувством благодарности, рационально использовать водные и земельные ресурсы;
(б) разъяснению результатов осуществляемых в стране коренных демократических реформ, позитивных перемен в повседневной жизни, сознании и мировоззрении людей, прежде всего единства и сплоченности нашего народа, особенно ярко проявляемых в дни Навруза;
(в) с учетом еще большего усиления гуманистических принципов Навруза в связи с его празднованием в этом году в созвучии со священным Рамазан хайитом — оказанию всемерного уважения представителям старшего поколения, особенно ветеранам Второй мировой войны и трудового фронта, посещению лиц, проживающих в домах «Мехрибонлик», «Саховат» и «Мурувват», граждан, внесенных в тетради социальной защиты, нуждающихся в поддержке, организации для них праздничных угощений, а также разных благотворительных мероприятий с участием активистов махаллей, молодежи и женщин;
(г) реализации мер, предусмотренных общенациональным проектом «Яшил макон», проведению в преддверии праздника во всех регионах, районах и городах, на каждой улице и площади, в каждой махалле мероприятий по благоустройству и озеленению, акций «Я тоже посажу дерево», всенародных хашаров;
(д) широкой демонстрации национальных обычаев, традиций и ценностей представителей разных наций и народностей, проживающих в стране, в целях укрепления царящей в нашем обществе атмосферы межнациональной дружбы и согласия;
(ж) организации во время праздничных мероприятий выставок изделий ремесленников, соревнований по национальным видам спорта, книжных экспозиций, ярмарок сельскохозяйственной и продовольственной продукции по доступным ценам, передвижных торговых точек, приготовлению на ярмарках весенних блюд и проведению различных конкурсов;
(з) широкому освещению во время праздничных торжеств во всех городах и селах, в средствах массовой информации истории праздника Навруз, обычаев и традиций, связанных с его проведением в каждом регионе;
(и) организации в комплексе «Янги Узбекистон» в городе Ташкенте народных гуляний на основе отдельной программы.
4. Министерству культуры (О. Назарбеков) совместно с Республиканским центром духовности и просветительства (О. Хасанов), Союзом писателей Узбекистана (С. Саидов) в недельный срок разработать согласно Концепту программу главного театрализованного концертного представления, проводимого в связи с праздником Навруз в городе Ташкенте.
5. Совету Министров Республики Каракалпакстан, хокимиятам областей и города Ташкента:
(а) в недельный срок разработать и утвердить региональные программы мероприятий по проведению в Навруз всенародных гуляний, предусматривающие:
(i) праздничное оформление главных площадей, улиц и скверов в местах организации всенародных гуляний;
(ii) принятие мер по подготовке на высоком художественном уровне гуляний и представлений совместно с местными опытными сценаристами и режиссерами, композиторами и бастакорами, балетмейстерами, художниками-постановщиками, талантливыми молодыми исполнителями, представителями фольклорного искусства;
(iii) проведение в рамках праздничных мероприятий традиционных для каждого региона народных игр, представлений, выставок, организацию открытых павильонов для реализации весенних блюд;
(б) широко привлечь к подготовке праздничных программ и массовых представлений, оформлению улиц, площадей и скверов творческие группы квалифицированных специалистов;
(в) обеспечить проведение всех мероприятий при строгом соблюдении требований общественной безопасности.
6. Установить, что расходы, связанные с проведением праздничных мероприятий, покрываются:
(а) в городе Ташкенте — за счет средств республиканского бюджета и местного бюджета города Ташкента в равных долях;
(б) в Республике Каракалпакстан и областях — за счет средств соответствующих местных бюджетов и благотворительных средств.
7. Рекомендовать Национальному информационному агентству Узбекистана, Национальной телерадиокомпании Узбекистана, Информационному агентству «Дунё» и другим средствам массовой информации широко освещать работу по подготовке и проведению всенародного праздника Навруз.
8. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
6 марта 2026 г.,
№ ПП- 82