📅 2026-yil 13-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 13 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 марта 2026 г. · Постановления Президента
Официальный текст. Официальный документ. Редакционные примечания не включены.
📅 13 March 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
МАҚСАДЛИ КЎРСАТКИЧЛАРИ
ТАРКИБИ
Аграр секторни замонавий қишлоқ хўжалиги техникалари билан таъминлашнинг навбатдаги чора-тадбирлари тўғрисида
Қишлоқ хўжалиги маҳсулотларини етиштиришда зарур агротехник тадбирларни ўз вақтида ва сифатли амалга ошириш, аграр секторда қишлоқ хўжалиги техникасига бўлган талабни қондириш ҳамда мавжуд техникаларни янгилаш мақсадида қарор қиламан:
I. Асосий мақсад
1. Ушбу қарорни қабул қилишдан кўзланган асосий мақсад этиб қишлоқ хўжалигида механизациялаш даражасини ошириш, жумладан, 2026 йилда пахтани машиналар ёрдамида териб олиш улушини 70 фоизгача етказиш белгилансин.
II. Қишлоқ хўжалиги техникалари хариди ва молиявий ресурслар
2. 2026 йилда янги сотиб олинадиган замонавий қишлоқ хўжалиги техникалари ва агрегатларининг мақсадли кўрсаткичлари 1-иловага мувофиқ тасдиқлансин.
3. Қишлоқ хўжалиги вазирлиги, Инвестициялар, саноат ва савдо вазирлиги ҳамда Иқтисодиёт ва молия вазирлиги 2026 йилда қишлоқ хўжалиги техника ва агрегатлари харидини молиялаштириш учун давлат кафолати остида жалб қилинадиган хорижий кредит линиялари ҳисобидан тижорат банклари ва лизинг ташкилотлари орқали 400 миллион АҚШ долларигача бўлган миқдорда маблағлар йўналтирилишини таъминласин.
4. Белгилансинки, мазкур қарорнинг 3-банди доирасида:
(а) 2026 йил 1 майга қадар дастлабки босқичда 200 миллион АҚШ доллари миқдоридаги маблағларни жалб қилиш бўйича барча музокаралар якунланиши ва молиялаштириш бошланиши таъминланади;
(б) маблағлар тижорат банклари ва лизинг ташкилотларига 10 йил муддатга 2 йиллик имтиёзли давр билан йиллик Марказий банк асосий ставкасида миллий валютада субординар қарз сифатида қайта молиялаштирилади;
(в) тижорат банклари барча турдаги қишлоқ хўжалиги техника ва агрегатлари хариди учун 10 йил муддатга 2 йиллик имтиёзли давр билан йиллик Марказий банк асосий ставкага 4 фоиз банк маржаси билан миллий валютада кредитлар ажратади. Бунда:
(i) кредит гаров таъминотининг етмаган қисмига суғурта компанияларининг кредитни қайтармаслик хатарларидан суғурта полиси гаров сифатида қабул қилинади;
(ii) қишлоқ хўжалиги техникаларини сотиб олувчиларга тижорат банки томонидан белгиланган фоиз ставкасининг 10 фоизлик пунктидан юқори қисми Аграр соҳада тўловлар агентлиги томонидан белгиланган тартибда субсидия сифатида қоплаб берилади;
(г) тижорат банклари ўзларига йўналтирилган маблағлар ҳисобидан лизинг ташкилотларига қишлоқ хўжалиги техникаларини лизинг шартларида ажратишга 10 йил муддатга 2 йиллик имтиёзли давр билан йиллик Марказий банк асосий ставкасидан 2 фоизлик пункт юқори ставкада (шундан 2 фоиз банк маржаси) миллий валютада кредитлар ажратиши мумкин;
(д) 2025 йилда пахта териш машиналарини харид қилиш учун аванс тўловларини молиялаштиришга «Агробанк» АТБга ажратилган 600 миллиард сўмнинг қайтиши ҳисобига шаклланган маблағлар мазкур банднинг «в» кичик бандида белгиланган шартларда 2026 йилда пахта териш машиналари харидини кредитлашга йўналтирилади;
(ж) чет эл валютасининг миллий валютага нисбатан курси ўзгариши натижасида юзага келадиган молиявий йўқотишлар Ўзбекистон Республикасининг республика бюджетидан қопланади.
5. 2026 йилдан бошлаб имтиёзли кредит ва лизинг шартлари асосида етказиб бериладиган пахта ва ғалла комбайнлари бўйича кредит ва лизинг тўловларини тўлаш муддати ушбу техникаларни харид қилувчилар учун йилига икки марта 31 январь ҳамда 31 июль саналари этиб белгилансин.
6. Ўзбекистон Республикаси Президентининг 2021 йил 11 ноябрдаги «Чирчиқ шаҳрида қишлоқ хўжалиги машинасозлик кластерини ташкил қилиш чора-тадбирлари тўғрисида»ги ПҚ-7-сон қарорида назарда тутилган субсидиялар кредит ва лизингга етказиб берилаётган маҳаллий ишлаб чиқарувчи корхоналарда ишлаб чиқарилган ҳамда хориждан тайёр ҳолда олиб келинадиган аниқ доналаб экувчи кўп функцияли чигит экиш сеялкалари, плёнка йиғадиган агрегатлар ҳамда пахта териш машиналари учун, истисно тариқасида, 2027 йил 1 январга қадар татбиқ этилсин.
7. Тижорат банкларининг кредит маблағлари ҳисобига харид қилинган қишлоқ хўжалиги техника ва агрегатлари бўйича ажратиладиган субсидиялар, биринчи навбатда, мазкур кредитлар бўйича банк олдидаги асосий қарз ва фоиз тўловларини сўндиришга йўналтирилсин.
8. Мазкур қарорнинг 3-бандида белгиланган тартибда жалб қилинган маблағларнинг 40 миллион АҚШ доллари 2025 йилда етказиб берилган 163 та пахта териш машиналари бўйича якуний ҳисоб-китобларни амалга ошириш учун «Ўзагролизинг» АЖга 10 йил муддатга йиллик Марказий банк асосий ставкасида миллий валютада ажратилсин.
III. Қарор ижросини ташкил этиш, таъминлаш ва назорат
9. Белгилансинки, мазкур қарор доирасида ажратиладиган банк кредитлари ҳисобидан харид қилинадиган пахта териш машиналарида етказиб берувчилар томонидан глобал жойлашувни аниқлаш тизими (GPS) ўрнатилган бўлиши мажбурий ҳисобланади.
10. Қишлоқ хўжалиги вазирлиги 2026 йил 1 сентябрга қадар «Рақамли қишлоқ хўжалиги» ягона интеграцион платформасида пахта териш машиналарининг жойлашуви, ҳаракатланиш йўналиши ва иш вақтини онлайн режимда кўриб туриш орқали техникалардан мақсадли ҳамда самарали фойдаланишни мониторинг қилиш имконини берувчи хизматни ишга туширсин.
11. Аграр секторни қишлоқ хўжалиги техникалари билан таъминлаш бўйича республика комиссияси 2-иловага мувофиқ таркибда ташкил қилинсин ва унга қуйидаги вазифалар юклансин:
(а) имтиёзли ресурслар ҳисобидан харид қилинадиган, шу жумладан, «Тошкент трактор заводи» МЧЖ томонидан етказиб бериладиган қишлоқ хўжалиги техникалари нархлари бўйича музокаралар олиб бориш;
(б) пахта териш машиналарининг 2026 йил 1 сентябрга қадар етказиб берилишини ташкил этиш;
(в) қишлоқ хўжалиги техникаларига кафолатланган сервис хизматларини кўрсатиш ҳамда эҳтиёт қисмлар билан таъминлаш юзасидан ишлаб чиқарувчилар билан музокаралар ўтказиш.
12. Қорақалпоғистон Республикаси Вазирлар Кенгаши Раиси ва вилоятлар ҳокимлари мазкур қарорга 1-иловага мувофиқ қишлоқ хўжалиги техникалари ва агрегатларини харид қилишни ташкил қилишга шахсан масъул ва жавобгар этиб белгилансин.
13. Қуйидагиларга:
(а) қишлоқ хўжалиги вазири ўринбосари А.Н. Шукуровга — давлат кафолати остида хорижий кредит линиялари ўз вақтида жалб қилинишига;
(б) иқтисодиёт ва молия вазири ўринбосари А.Я. Хайдаровга — хорижий кредит линиялари ҳисобидан маблағлар тижорат банкларига ўз вақтида йўналтирилиши ва ўзлаштирилиши юзасидан шахсан жавобгарлик юклансин.
14. Ўзбекистон Республикаси Президентининг айрим қарорларига 3-иловага мувофиқ қўшимча ва ўзгартириш киритилсин.
15. Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосарлари Ж.А. Қўчқоров ва Ж.А. Ходжаев белгилансин.
Ўзбекистон Республикаси Президентининг 2026 йил 13 мартдаги ПҚ-97-сон қарорига 1-ИЛОВА
2026 йилда янги сотиб олинадиган замонавий қишлоқ хўжалиги техникалари ва агрегатларининг
Т/р Ҳудудлар номи Жами техникалар сони шундан: аниқ доналаб экувчи кўп функцияли чигит экиш сеялкалари пахта териш машиналари универсал тракторлар плёнка йиғадиган ва бошқа агрегатлар ғалла ўриш комбайнлари 1. Қорақалпоғистон Республикаси 470 223 70 25 149 3 2. Андижон вилояти 434 127 85 75 141 6 3. Бухоро вилояти 470 101 60 100 199 10 4. Жиззах вилояти 457 219 40 28 160 10 5. Қашқадарё вилояти 723 150 63 200 260 50 6. Навоий вилояти 172 30 50 29 58 5 7. Наманган вилояти 336 73 72 75 111 5 8. Самарқанд вилояти 352 131 17 66 132 6 9. Сурхондарё вилояти 577 179 94 165 134 5 10. Сирдарё вилояти 408 86 50 37 225 10 11. Тошкент вилояти 350 111 40 78 106 15 12. Фарғона вилояти 472 173 100 35 154 10 13. Хоразм вилояти 453 185 59 45 159 5 Жами 5 674 1 788 800 958 1 988 140
Ўзбекистон Республикаси Президентининг 2026 йил 13 мартдаги ПҚ-97-сон қарорига 2-ИЛОВА
Аграр секторни қишлоқ хўжалиги техникалари билан таъминлаш бўйича республика комиссияси
Ж.А. Ходжаев — Бош вазир ўринбосари, Республика комиссияси раиси А.Н. Шукуров — қишлоқ хўжалиги вазири ўринбосари, Республика комиссияси раиси ўринбосари Ш.Ж. Тўхтабоев — Бош прокурор ўринбосари Б.Х. Хайдаров — Саноат кооперацияси ва давлат харидлари агентлиги директори А.Я. Хайдаров — иқтисодиёт ва молия вазири ўринбосари И.А. Касимов — инвестициялар, саноат ва савдо вазири ўринбосари А.Д. Вахабов — Агросаноат мажмуи устидан назорат қилиш инспекцияси бошлиғи Э.А. Кахоров — «Агробанк» АТБ бошқаруви раиси У.У. Розукулов — «Ўзавтосаноат» АЖ бошқаруви раиси Т.Ю. Рапиков — Вазирлар Маҳкамаси котибияти мудири, Республика комиссияси котиби
Ўзбекистон Республикаси Президентининг 2026 йил 13 мартдаги ПҚ-97-сон қарорига 3-ИЛОВА
Ўзбекистон Республикаси Президентининг айрим қарорларига киритилаётган қўшимча ва ўзгартириш
1. Ўзбекистон Республикаси Президентининг 2024 йил 12 декабрдаги «Қишлоқ хўжалигини механизациялаш даражасини янада ошириш чора-тадбирлари тўғрисида»ги ПҚ-431-сон қарори 4-бандининг «д» кичик банди қуйидаги мазмундаги жумла билан тўлдирилсин:
«Бунда 2024 йилдан бошлаб лизинг асосида берилган пахта териш машиналари қишлоқ хўжалиги корхоналари фаолиятига боғлиқ бўлмаган ҳолда (фермер хўжаликлари ёки кластерларнинг ер майдонлари давлат эҳтиёжлари (захира) учун олиб қўйилганда ёки қишлоқ хўжалиги корхоналарига нисбатан белгиланган тартибда банкротлик тартиб-таомиллари қўлланилганда) қайта расмийлаштирилганда лизинг тўловлари учун бериладиган субсидиялар истисно тариқасида сақланиб қолинади».
2. Ўзбекистон Республикаси Президентининг 2025 йил 21 апрелдаги «Давлат иштирокидаги йирик корхоналарни халқаро бозорларда хусусийлаштириш тўғрисида»ги ПҚ-145-сон қарорига 1-илованинг 23-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 13 март,
ПҚ-97-сон
Oʻzbekiston Respublikasi Prezidentining
qarori
MAQSADLI KOʻRSATKICHLARI
TARKIBI
Agrar sektorni zamonaviy qishloq xoʻjaligi texnikalari bilan taʼminlashning navbatdagi chora-tadbirlari toʻgʻrisida
Qishloq xoʻjaligi mahsulotlarini yetishtirishda zarur agrotexnik tadbirlarni oʻz vaqtida va sifatli amalga oshirish, agrar sektorda qishloq xoʻjaligi texnikasiga boʻlgan talabni qondirish hamda mavjud texnikalarni yangilash maqsadida qaror qilaman:
I. Asosiy maqsad
1. Ushbu qarorni qabul qilishdan koʻzlangan asosiy maqsad etib qishloq xoʻjaligida mexanizatsiyalash darajasini oshirish, jumladan, 2026-yilda paxtani mashinalar yordamida terib olish ulushini 70 foizgacha yetkazish belgilansin.
II. Qishloq xoʻjaligi texnikalari xaridi va moliyaviy resurslar
2. 2026-yilda yangi sotib olinadigan zamonaviy qishloq xoʻjaligi texnikalari va agregatlarining maqsadli koʻrsatkichlari 1-ilovaga muvofiq tasdiqlansin.
3. Qishloq xoʻjaligi vazirligi, Investitsiyalar, sanoat va savdo vazirligi hamda Iqtisodiyot va moliya vazirligi 2026-yilda qishloq xoʻjaligi texnika va agregatlari xaridini moliyalashtirish uchun davlat kafolati ostida jalb qilinadigan xorijiy kredit liniyalari hisobidan tijorat banklari va lizing tashkilotlari orqali 400 million AQSH dollarigacha boʻlgan miqdorda mablagʻlar yoʻnaltirilishini taʼminlasin.
4. Belgilansinki, mazkur qarorning 3-bandi doirasida:
(a) 2026-yil 1-mayga qadar dastlabki bosqichda 200 million AQSH dollari miqdoridagi mablagʻlarni jalb qilish boʻyicha barcha muzokaralar yakunlanishi va moliyalashtirish boshlanishi taʼminlanadi;
(b) mablagʻlar tijorat banklari va lizing tashkilotlariga 10 yil muddatga 2 yillik imtiyozli davr bilan yillik Markaziy bank asosiy stavkasida milliy valyutada subordinar qarz sifatida qayta moliyalashtiriladi;
(v) tijorat banklari barcha turdagi qishloq xoʻjaligi texnika va agregatlari xaridi uchun 10 yil muddatga 2 yillik imtiyozli davr bilan yillik Markaziy bank asosiy stavkaga 4 foiz bank marjasi bilan milliy valyutada kreditlar ajratadi. Bunda:
(i) kredit garov taʼminotining yetmagan qismiga sugʻurta kompaniyalarining kreditni qaytarmaslik xatarlaridan sugʻurta polisi garov sifatida qabul qilinadi;
(ii) qishloq xoʻjaligi texnikalarini sotib oluvchilarga tijorat banki tomonidan belgilangan foiz stavkasining 10 foizlik punktidan yuqori qismi Agrar sohada toʻlovlar agentligi tomonidan belgilangan tartibda subsidiya sifatida qoplab beriladi;
(g) tijorat banklari oʻzlariga yoʻnaltirilgan mablagʻlar hisobidan lizing tashkilotlariga qishloq xoʻjaligi texnikalarini lizing shartlarida ajratishga 10 yil muddatga 2 yillik imtiyozli davr bilan yillik Markaziy bank asosiy stavkasidan 2 foizlik punkt yuqori stavkada (shundan 2 foiz bank marjasi) milliy valyutada kreditlar ajratishi mumkin;
(d) 2025-yilda paxta terish mashinalarini xarid qilish uchun avans toʻlovlarini moliyalashtirishga “Agrobank” ATBga ajratilgan 600 milliard soʻmning qaytishi hisobiga shakllangan mablagʻlar mazkur bandning “v” kichik bandida belgilangan shartlarda 2026-yilda paxta terish mashinalari xaridini kreditlashga yoʻnaltiriladi;
(j) chet el valyutasining milliy valyutaga nisbatan kursi oʻzgarishi natijasida yuzaga keladigan moliyaviy yoʻqotishlar Oʻzbekiston Respublikasining respublika budjetidan qoplanadi.
5. 2026-yildan boshlab imtiyozli kredit va lizing shartlari asosida yetkazib beriladigan paxta va gʻalla kombaynlari boʻyicha kredit va lizing toʻlovlarini toʻlash muddati ushbu texnikalarni xarid qiluvchilar uchun yiliga ikki marta 31-yanvar hamda 31-iyul sanalari etib belgilansin.
6. Oʻzbekiston Respublikasi Prezidentining 2021-yil 11-noyabrdagi “Chirchiq shahrida qishloq xoʻjaligi mashinasozlik klasterini tashkil qilish chora-tadbirlari toʻgʻrisida”gi PQ-7-son qarorida nazarda tutilgan subsidiyalar kredit va lizingga yetkazib berilayotgan mahalliy ishlab chiqaruvchi korxonalarda ishlab chiqarilgan hamda xorijdan tayyor holda olib kelinadigan aniq donalab ekuvchi koʻp funksiyali chigit ekish seyalkalari, plyonka yigʻadigan agregatlar hamda paxta terish mashinalari uchun, istisno tariqasida, 2027-yil 1-yanvarga qadar tatbiq etilsin.
7. Tijorat banklarining kredit mablagʻlari hisobiga xarid qilingan qishloq xoʻjaligi texnika va agregatlari boʻyicha ajratiladigan subsidiyalar, birinchi navbatda, mazkur kreditlar boʻyicha bank oldidagi asosiy qarz va foiz toʻlovlarini soʻndirishga yoʻnaltirilsin.
8. Mazkur qarorning 3-bandida belgilangan tartibda jalb qilingan mablagʻlarning 40 million AQSH dollari 2025-yilda yetkazib berilgan 163 ta paxta terish mashinalari boʻyicha yakuniy hisob-kitoblarni amalga oshirish uchun “Oʻzagrolizing” AJga 10 yil muddatga yillik Markaziy bank asosiy stavkasida milliy valyutada ajratilsin.
III. Qaror ijrosini tashkil etish, taʼminlash va nazorat
9. Belgilansinki, mazkur qaror doirasida ajratiladigan bank kreditlari hisobidan xarid qilinadigan paxta terish mashinalarida yetkazib beruvchilar tomonidan global joylashuvni aniqlash tizimi (GPS) oʻrnatilgan boʻlishi majburiy hisoblanadi.
10. Qishloq xoʻjaligi vazirligi 2026-yil 1-sentabrga qadar “Raqamli qishloq xoʻjaligi” yagona integratsion platformasida paxta terish mashinalarining joylashuvi, harakatlanish yoʻnalishi va ish vaqtini onlayn rejimda koʻrib turish orqali texnikalardan maqsadli hamda samarali foydalanishni monitoring qilish imkonini beruvchi xizmatni ishga tushirsin.
11. Agrar sektorni qishloq xoʻjaligi texnikalari bilan taʼminlash boʻyicha respublika komissiyasi 2-ilovaga muvofiq tarkibda tashkil qilinsin va unga quyidagi vazifalar yuklansin:
(a) imtiyozli resurslar hisobidan xarid qilinadigan, shu jumladan, “Toshkent traktor zavodi” MCHJ tomonidan yetkazib beriladigan qishloq xoʻjaligi texnikalari narxlari boʻyicha muzokaralar olib borish;
(b) paxta terish mashinalarining 2026-yil 1-sentabrga qadar yetkazib berilishini tashkil etish;
(v) qishloq xoʻjaligi texnikalariga kafolatlangan servis xizmatlarini koʻrsatish hamda ehtiyot qismlar bilan taʼminlash yuzasidan ishlab chiqaruvchilar bilan muzokaralar oʻtkazish.
12. Qoraqalpogʻiston Respublikasi Vazirlar Kengashi Raisi va viloyatlar hokimlari mazkur qarorga 1-ilovaga muvofiq qishloq xoʻjaligi texnikalari va agregatlarini xarid qilishni tashkil qilishga shaxsan masʼul va javobgar etib belgilansin.
13. Quyidagilarga:
(a) qishloq xoʻjaligi vaziri oʻrinbosari A.N. Shukurovga — davlat kafolati ostida xorijiy kredit liniyalari oʻz vaqtida jalb qilinishiga;
(b) iqtisodiyot va moliya vaziri oʻrinbosari A.Ya. Xaydarovga — xorijiy kredit liniyalari hisobidan mablagʻlar tijorat banklariga oʻz vaqtida yoʻnaltirilishi va oʻzlashtirilishi yuzasidan shaxsan javobgarlik yuklansin.
14. Oʻzbekiston Respublikasi Prezidentining ayrim qarorlariga 3-ilovaga muvofiq qoʻshimcha va oʻzgartirish kiritilsin.
15. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosarlari J.A. Qoʻchqorov va J.A. Xodjayev belgilansin.
Oʻzbekiston Respublikasi Prezidentining 2026-yil 13-martdagi PQ-97-son qaroriga 1-ILOVA
2026-yilda yangi sotib olinadigan zamonaviy qishloq xoʻjaligi texnikalari va agregatlarining
T/r Hududlar nomi Jami texnikalar soni shundan: aniq donalab ekuvchi koʻp funksiyali chigit ekish seyalkalari paxta terish mashinalari universal traktorlar plyonka yigʻadigan va boshqa agregatlar gʻalla oʻrish kombaynlari 1. Qoraqalpogʻiston Respublikasi 470 223 70 25 149 3 2. Andijon viloyati 434 127 85 75 141 6 3. Buxoro viloyati 470 101 60 100 199 10 4. Jizzax viloyati 457 219 40 28 160 10 5. Qashqadaryo viloyati 723 150 63 200 260 50 6. Navoiy viloyati 172 30 50 29 58 5 7. Namangan viloyati 336 73 72 75 111 5 8. Samarqand viloyati 352 131 17 66 132 6 9. Surxondaryo viloyati 577 179 94 165 134 5 10. Sirdaryo viloyati 408 86 50 37 225 10 11. Toshkent viloyati 350 111 40 78 106 15 12. Fargʻona viloyati 472 173 100 35 154 10 13. Xorazm viloyati 453 185 59 45 159 5 Jami 5 674 1 788 800 958 1 988 140
Oʻzbekiston Respublikasi Prezidentining 2026-yil 13-martdagi PQ-97-son qaroriga 2-ILOVA
Agrar sektorni qishloq xoʻjaligi texnikalari bilan taʼminlash boʻyicha respublika komissiyasi
J.A. Xodjayev — Bosh vazir oʻrinbosari, Respublika komissiyasi raisi A.N. Shukurov — qishloq xoʻjaligi vaziri oʻrinbosari, Respublika komissiyasi raisi oʻrinbosari Sh.J. Toʻxtaboyev — Bosh prokuror oʻrinbosari B.X. Xaydarov — Sanoat kooperatsiyasi va davlat xaridlari agentligi direktori A.Ya. Xaydarov — iqtisodiyot va moliya vaziri oʻrinbosari I.A. Kasimov — investitsiyalar, sanoat va savdo vaziri oʻrinbosari A.D. Vaxabov — Agrosanoat majmui ustidan nazorat qilish inspeksiyasi boshligʻi E.A. Kaxorov — “Agrobank” ATB boshqaruvi raisi U.U. Rozukulov — “Oʻzavtosanoat” AJ boshqaruvi raisi T.Yu. Rapikov — Vazirlar Mahkamasi kotibiyati mudiri, Respublika komissiyasi kotibi
Oʻzbekiston Respublikasi Prezidentining 2026-yil 13-martdagi PQ-97-son qaroriga 3-ILOVA
Oʻzbekiston Respublikasi Prezidentining ayrim qarorlariga kiritilayotgan qoʻshimcha va oʻzgartirish
1. Oʻzbekiston Respublikasi Prezidentining 2024-yil 12-dekabrdagi “Qishloq xoʻjaligini mexanizatsiyalash darajasini yanada oshirish chora-tadbirlari toʻgʻrisida”gi PQ-431-son qarori 4-bandining “d” kichik bandi quyidagi mazmundagi jumla bilan toʻldirilsin:
“Bunda 2024-yildan boshlab lizing asosida berilgan paxta terish mashinalari qishloq xoʻjaligi korxonalari faoliyatiga bogʻliq boʻlmagan holda (fermer xoʻjaliklari yoki klasterlarning yer maydonlari davlat ehtiyojlari (zaxira) uchun olib qoʻyilganda yoki qishloq xoʻjaligi korxonalariga nisbatan belgilangan tartibda bankrotlik tartib-taomillari qoʻllanilganda) qayta rasmiylashtirilganda lizing toʻlovlari uchun beriladigan subsidiyalar istisno tariqasida saqlanib qolinadi”.
2. Oʻzbekiston Respublikasi Prezidentining 2025-yil 21-apreldagi “Davlat ishtirokidagi yirik korxonalarni xalqaro bozorlarda xususiylashtirish toʻgʻrisida”gi PQ-145-son qaroriga 1-ilovaning 23-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 13-mart,
PQ-97-son
Президента Республики Узбекистан
Постановление
Об очередных мерах по обеспечению аграрного сектора современной сельскохозяйственной техникой
В целях своевременного и качественного проведения необходимых агротехнических мероприятий по выращиванию сельскохозяйственной продукции, удовлетворения потребности аграрного сектора в сельскохозяйственной технике, а также обновления имеющегося парка техники постановляю:
I. Основная цель
1. Определить основной целью принятия настоящего постановления повышение уровня механизации в сельском хозяйстве, в частности доведение доли машинного сбора хлопка до 70 процентов в 2026 году.
II. Приобретение сельскохозяйственной техники и финансовые ресурсы
2. Утвердить целевые показатели приобретения новой современной сельскохозяйственной техники и агрегатов в 2026 году согласно приложению № 1 * .
3. Министерству сельского хозяйства, Министерству инвестиций, промышленности и торговли, а также Министерству экономики и финансов обеспечить направление средств в размере до 400 миллионов долларов США за счет зарубежных кредитных линий, привлекаемых под государственную гарантию, на финансирование приобретения сельскохозяйственной техники и агрегатов в 2026 году, посредством коммерческих банков и лизинговых организаций.
4. Установить, что в рамках пункта 3 настоящего постановления:
(а) до 1 мая 2026 года обеспечиваются завершение всех переговоров по привлечению на начальном этапе средств в размере 200 миллионов долларов США, а также начало финансирования;
(б) средства рефинансируются в качестве субординированного займа коммерческим банкам и лизинговым организациям в национальной валюте на срок 10 лет, включая льготный период 2 года, по годовой ставке, равной основной ставке Центрального банка;
(в) коммерческие банки выделяют кредиты в национальной валюте для приобретения всех видов сельскохозяйственной техники на срок 10 лет, включая льготный период 2 года, по годовой ставке, равной основной ставке Центрального банка плюс 4 процентных пункта банковской маржи. При этом:
(i) по недостающей части залогового обеспечения кредитов в качестве залога от риска невозврата кредита принимается страховой полис страховых компаний;
(ii) часть, превышающая 10 процентных пунктов определенной коммерческими банками процентной ставки, покрывается Агентством по платежам в аграрной сфере покупателям сельскохозяйственной техники в установленном порядке в виде субсидии;
(г) коммерческие банки за счет направленных им средств могут выделять кредиты лизинговым организациям в национальной валюте для предоставления сельскохозяйственной техники на условиях лизинга на срок 10 лет, включая льготный период 2 года, по годовой ставке, превышающей основную ставку Центрального банка на 2 процентных пункта (из них 2 процента — маржа банка);
(д) средства, сформированные за счет возврата 600 миллиардов сумов, выделенных АКБ «Агробанк» для финансирования авансовых платежей по приобретению хлопкоуборочных машин в 2025 году, направляются на кредитование закупки хлопкоуборочных машин в 2026 году на условиях, определенных подпунктом «в» настоящего пункта;
(ж) финансовые потери, возникающие в результате изменения курса иностранной валюты к национальной валюте, компенсируются за счет республиканского бюджета Республики Узбекистан.
5. Определить начиная с 2026 года сроки погашения кредитных и лизинговых платежей за поставляемые хлопкоуборочные и зерноуборочные комбайны на условиях льготного кредита и лизинга для покупателей данной техники два раза в год — 31 января и 31 июля.
6. Субсидии, предусмотренные постановлением Президента Республики Узбекистан от 11 ноября 2021 года № ПП-7 «О мерах по созданию кластера сельскохозяйственного машиностроения в городе Чирчике», применять в порядке исключения до 1 января 2027 года в отношении поставляемых в кредит и лизинг многофункциональных сеялок точного поштучного высева семян хлопчатника, агрегатов по сбору пленки и хлопкоуборочных машин, производимых на отечественных производственных предприятиях, а также ввозимых из-за рубежа в готовом виде.
7. Субсидии, выделяемые на сельскохозяйственную технику и агрегаты, приобретенные за счет кредитных средств коммерческих банков, направлять в первую очередь на погашение основного долга и процентных платежей по данным кредитам перед банком.
8. Выделить АО «Узагролизинг» 40 миллионов долларов США из средств, привлеченных в порядке, установленном пунктом 3 настоящего постановления, для окончательного расчета за 163 хлопкоуборочные машины, поставленных в 2025 году, в национальной валюте на срок 10 лет по годовой ставке, равной основной ставке Центрального банка.
III. Организация, обеспечение и контроль исполнения постановления
9. Определить, что установка глобальной системы точного определения местоположения (GPS) поставщиками на хлопкоуборочных машинах, приобретаемых за счет банковских кредитов, выделяемых в рамках настоящего постановления, является обязательной.
10. Министерству сельского хозяйства в срок до 1 сентября 2026 года запустить на Единой интеграционной платформе «Цифровое сельское хозяйство» сервис мониторинга, позволяющий обеспечивать эффективную и целевую эксплуатацию техники посредством отслеживания в режиме онлайн местонахождения, направления движения и рабочего времени хлопкоуборочных машин.
11. Образовать Республиканскую комиссию по обеспечению аграрного сектора сельскохозяйственной техникой в составе согласно приложению № 2 * и возложить на нее следующие задачи:
(а) ведение переговоров о стоимости сельскохозяйственной техники, приобретаемой за счет льготных ресурсов, в том числе поставляемой ООО «Ташкентский тракторный завод»;
(б) организацию поставки хлопкоуборочных машин до 1 сентября 2026 года;
(в) ведение переговоров с производителями по оказанию гарантированных сервисных услуг и обеспечению запасными частями сельскохозяйственной техники.
12. Возложить на Председателя Совета Министров Республики Каракалпакстан и хокимов областей персональную ответственность за организацию приобретения сельскохозяйственной техники и агрегатов согласно приложению № 1 * к настоящему постановлению.
13. Возложить персональную ответственность на:
(а) заместителя министра сельского хозяйства А.Н. Шукурова — за своевременное привлечение зарубежных кредитных линий под гарантию государства;
(б) заместителя министра экономики и финансов А.Я. Хайдарова — за своевременное направление коммерческим банкам средств за счет зарубежных кредитных линий и их освоение.
14. Внести дополнение и изменение в некоторые постановления Президента Республики Узбекистан согласно приложению № 3 .
15. Министерству сельского хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
16. Возложить на заместителей Премьер-министра Д.А. Кучкарова и Ж.А. Ходжаева персональную ответственность за эффективную организацию исполнения настоящего постановления.
ПРИЛОЖЕНИЕ № 3 к постановлению Президента Республики Узбекистан от 13 марта 2026 года № ПП-97
Дополнение и изменение, вносимые в некоторые постановления Президента Республики Узбекистан
1. Подпункт «д» пункта 4 постановления Президента Республики Узбекистан от 12 декабря 2024 года № ПП-431 «О мерах по дальнейшему повышению уровня механизации сельского хозяйства» дополнить предложением следующего содержания:
«При этом в случае переоформления хлопкоуборочных машин, предоставленных с 2024 года на лизинговой основе, вне зависимости от деятельности сельскохозяйственных предприятий (в случае изъятия земельных площадей фермерских хозяйств или кластеров для государственных нужд (резерва) или применения процедур банкротства в отношении сельскохозяйственных предприятий в установленном порядке) субсидии, выделенные для лизинговых платежей, в порядке исключения сохраняются».
2. Позицию 23 приложения № 1 к постановлению Президента Республики Узбекистан от 21 апреля 2025 года № ПП-145 «О приватизации крупных предприятий с участием государства на международных рынках» исключить.
Президент Республики Узбекистан Ш. МИРЗИЁЕВ
г. Ташкент,
13 марта 2026 г.,
№ ПП-97