UzbekAI

Ўзбекистон Республикаси Президентининг

қарори

ВАЗИФАЛАР

ЙЎНАЛИШЛАРИ

ВАЗИФАЛАРИ

ЧОРА-ТАДБИРЛАР РЕЖАСИ

ТАРТИБИ

РЎЙХАТИ

Миллий статистика тизими мутахассислари малакасини ошириш ҳамда соҳага рақамли технологияларни жорий этишни янада жадаллаштириш орқали юқори самарадорликка эришиш чора-тадбирлари тўғрисида

Ўзбекистон Республикаси Президентининг 2025 йил 24 февралдаги «Статистика ишларини ташкил этиш ва юритиш тизимини янги босқичга олиб чиқиш бўйича қўшимча чора-тадбирлар тўғрисида»ги ПФ-27-сон Фармони ижросини таъминлаш, шунингдек, миллий статистика тизимини замон талаблари асосида янада такомиллаштириш мақсадида қарор қиламан:

I. Асосий мақсадлар

1. Қуйидагилар ушбу қарорнинг асосий мақсадлари этиб белгилансин:

(а) миллий статистика тизими мутахассислари малакасини оширишда ўқитишнинг замонавий шакл ва технологияларини жорий этиш ва хорижий тажриба асосида статистика услубиётини такомиллаштириш;

(б) ҳар икки йилда 3 минг нафар миллий статистика тизими мутахассисларини ўқитиб бориш имконини яратиш;

(в) яширин ва креатив иқтисодиётни баҳолаш мақсадида статистика методологиясини такомиллаштириш;

(г) миллий статистика тизимини рақамлаштиришни жадаллаштириш, инновацион ечимларни қўллаган ҳолда кўрсатилаётган рақамли хизматлар ҳажмини 2 баробарга ошириш.

II. Миллий статистика тизимида мутахассислар малакасини ошириш ва тадқиқотлар олиб бориш тизимини такомиллаштириш

2. Миллий статистика қўмитасининг Кадрлар малакасини ошириш ва статистик тадқиқотлар институти (кейинги ўринларда — Институт) фаолиятининг устувор йўналишлари ва уларни амалга ошириш бўйича вазифалар 1-иловага мувофиқ тасдиқлансин.

3. Белгилансинки, 2026 йил 1 апрелдан бошлаб Институтда:

(а) вазирлик ва идораларнинг маъмурий маълумотларини юритиш, статистика услубиётларини ишлаб чиқиш ва очиқ маълумотлар портали билан ишлашга масъул бўлган ходимлари учун ҳар икки йилда шартнома асосида 48 соатгача бўлган малака ошириш курслари;

(б) статистика ҳисоботларини тақдим этувчи субъектлар, жумладан, тадбиркорлик субъектлари учун зарур амалий кўникмаларни ривожлантириш бўйича ўқув курслари ташкил этилади.

4. Кадрлар малакасини ошириш ва статистик тадқиқотлар институти ҳузурида юридик шахс ташкил этмаган ҳолда Тадқиқотларни қўллаб-қувватлаш ва рағбатлантириш жамғармаси (кейинги ўринларда — Жамғарма) ташкил этилсин ва уни молиялаштириш манбалари ҳамда маблағларидан фойдаланиш йўналишлари 2 ва 3-иловаларга мувофиқ тасдиқлансин.

5. Миллий статистика қўмитаси, Иқтисодиёт ва молия вазирлигининг қуйидаги таклифларига розилик берилсин:

(а) Институт томонидан Жаҳон банки кўмагида республикада яширин ва креатив иқтисодиёт улушини статистик баҳолаш методикасини такомиллаштириш ва баҳолаш натижаларини эълон қилиб бориш;

(б) ушбу йўналишда ишларни ташкил этиш учун Миллий статистика қўмитаси штат бирликлари доирасида Институтга қўшимча 6 та штат бирлиги ажратиш;

(в) Институт томонидан ўқув жараёнига профессор-ўқитувчилар ҳамда соҳа бўйича мутахассисларни меҳнатига соатбай (кунбай, ишбай) ҳақ тўлаган ҳолда қонунчилик ҳужжатларида белгиланган тартибда жалб этиш.

6. Миллий статистика қўмитаси Рақамли технологиялар вазирлиги билан биргаликда 2026 йил 1 сентябрга қадар малака ошириш жараёнларини автоматлаштириш учун «Маълумотлар ва таҳлил илми» рақамли таълим платформасини (кейинги ўринларда — Платформа) жорий этсин.

7. Шундай тартиб ўрнатилсинки, унга мувофиқ:

(а) Платформа Жаҳон банки билан ҳамкорликда амалга оширилаётган «Ўзбекистонда статистика тизими салоҳиятини мустаҳкамлаш» лойиҳаси доирасида яратилади;

(б) Платформа оператори Институт ҳисобланади;

(в) Платформани сақлаш харажатлари Миллий статистика қўмитасининг бюджетдан ташқари маблағлари ҳисобидан қопланади.

III. Миллий статистика тизимида рақамли хизматлар кўрсатишда янгича ёндашувларни татбиқ этиш

8. Миллий статистика тизимини рақамлаштириш ҳамда соҳада замонавий хизматларни жорий этиш мақсадида Миллий статистика қўмитаси ҳузурида масъулияти чекланган жамият шаклидаги «Рақамли статистика маркази» — Digitstat (кейинги ўринларда — Марказ) ташкил этилсин.

9. Белгилансинки:

(а) Марказ статистика соҳасида рақамлаштириш йўналишида фаолият кўрсатувчи ягона интегратор ҳисобланади;

(б) Марказ 4-иловага мувофиқ вазифаларни бажаради.

IV. Қарор ижросини ташкил этиш, таъминлаш ва назорат

10. Белгилаб қўйилсинки, Миллий статистика қўмитасида рақамли технологияларни ривожлантириш ва уларни қўллаб-қувватлаш харажатлари учун маблағлар Давлат бюджетидан 2026 йилда Статистика дастури доирасида, кейинги йилларда Миллий статистика қўмитасининг асослантирилган талабномасига кўра ажратилади.

11. Қуйидагилар:

(а) Миллий статистика қўмитасининг Кадрлар малакасини ошириш ва статистик тадқиқотлар институти фаолиятини такомиллаштириш бўйича чора-тадбирлар режаси 5-иловага мувофиқ;

(б) Миллий статистика қўмитасининг Кадрлар малакасини ошириш ва статистик тадқиқотлар институти ходимлари меҳнатига ҳақ тўлаш ва устама белгилаш тартиби 6-иловага мувофиқ тасдиқлансин.

12. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 7-иловага мувофиқ ўзгартириш ва қўшимчалар киритилсин.

13. Ўзбекистон Республикаси Ҳукуматининг айрим қарорлари 8-иловага мувофиқ ўз кучини йўқотган деб ҳисоблансин.

14. Қарор ижросини самарали ташкил қилишга масъул ва шахсан жавобгар этиб Миллий статистика қўмитаси раиси Б.С. Ҳамраев белгилансин.

15. Ушбу қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.

Ўзбекистон Республикаси Президентининг 2026 йил 13 мартдаги ПҚ-103-сон қарорига 1-ИЛОВА

Миллий статистика қўмитасининг Кадрлар малакасини ошириш ва статистик тадқиқотлар институти фаолиятининг устувор йўналишлари ва уларни амалга ошириш бўйича

1. Халқаро илғор тажриба асосида миллий ижтимоий-иқтисодий ривожланиш устуворликларига мос илмий ва амалий статистик тадқиқотларни олиб бориш, замонавий таҳлил усулларини жорий этиш орқали ҳудуд ва соҳалар кесимида маълумотларга асосланган таҳлиллар тайёрлаш.

2. Яширин иқтисодиёт ва креатив иқтисодиётни баҳолаш услубиётини такомиллаштириш ҳамда даврий равишда уларнинг иқтисодиётдаги улушини ҳисоблаш ва натижаларини эълон қилиб бориш.

3. Илмий тадқиқот ва инновацияларни кенгайтириш, жумладан, сунъий интеллект (AI) ва катта ҳажмдаги маълумотлар (Big Data) асосида маълумотларнинг сифати ва ишончлилигини ошириш бўйича тадқиқотлар олиб бориш.

4. Статистик маълумотларни муқобил манбалар, жумладан, сунъий йўлдош ва дрон орқали олинган тасвирлар, мобил ва банк тизими маълумотлари ҳамда бошқа маъмурий маълумотлардан фойдаланган ҳолда юритиш усулларини жорий этиш бўйича тадқиқотлар ўтказиш.

5. Статистика органлари ҳамда вазирлик ва идоралар соҳа мутахассисларини қайта тайёрлаш, малакасини ошириш ва билимларини баҳолаб боришнинг узлуксиз тизимини яратиш.

6. Иқтисодиёт соҳалари ва тармоқларида статистикани шакллантиришнинг ўзига хослигини ҳисобга олган ҳолда, махсус таълим модулларини жорий этиш.

7. Аҳоли ва қишлоқ хўжалигини рўйхатга олиш натижаларини тизимли ва чуқур таҳлил қилиш мақсадида дескриптив ва предиктив статистик таҳлил усулларини ишлаб чиқиш.

8. Давлат органлари учун таҳлилларга асосланган қарорлар қабул қилиш, қарорлар таъсирини баҳолаш ва рақамларга асосланган бошқарув (evidence-based policy) бўйича ихтисослашган ўқув дастурларини жорий этиш.

9. Маҳаллий ва хорижий олим ва мутахассисларни жалб қилган ҳолда олий таълим муассасаларида иқтисодиёт, ижтимоий соҳа ва ҳудудлар статистикасига оид методологик ва ўқув қўлланмаларни ишлаб чиқиш.

10. Институт фаолияти доирасида нашр этилаётган электрон ва босма материаллар, шу жумладан, илмий мақолалар, таҳлилий ҳисоботлар ва статистик бюллетенлар сифати ва мазмунини доимий равишда такомиллаштириб бориш.

11. Статистика органлари ходимлари фаолияти самарадорлигини баҳолаш (KPI) тизимини ишлаб чиқиш ва жорий этиш ходимларнинг иш фаолияти натижадорлигини аниқ, ўлчовли ва шаффоф кўрсаткичлар асосида баҳолашга қаратилган замонавий KPI тизимини шакллантириш ва юритиш.

12. Статистика касбининг нуфузини ошириш ва инсон капиталини ривожлантириш мақсадида ёш мутахассисларни статистика соҳасига жалб этиш, ходимларни рағбатлантиришнинг меритократик механизмларини жорий этиш ҳамда узлуксиз касбий ривожланиш тизимини шакллантириш орқали юқори малакали кадрлар таркибини шакллантириш.

13. Интерактив ва рақамли таълим платформасини жорий этиш орқали масофавий, рақамлашган ва гибрид таълимни йўлга қўйиш ҳамда электрон репозиторий ва малака ҳужжатларини рақамлаштириш.

14. Халқаро ҳамкорликни кенгайтириш ва қўшма таълим дастурларини жорий этиш, замонавий статистика услубиётларини ишлаб чиқиш ва халқаро стандартларга мослаштириш.

15. Илмий тадқиқот ташкилотлари, академик муассасалар ва таҳлил марказлари билан ҳамкорлик алоқаларни кенгайтириб бориш ҳамда қўшма тадқиқот ва лойиҳаларни амалга ошириш.

Ўзбекистон Республикаси Президентининг 2026 йил 13 мартдаги ПҚ-103-сон қарорига 2-ИЛОВА

Кадрлар малакасини ошириш ва статистик тадқиқотлар институти ҳузуридаги Тадқиқотларни қўллаб-қувватлаш ва рағбатлантириш жамғармасини молиялаштириш манбалари

1. Давлат бюджетидан ҳар йили Институтнинг бир йиллик меҳнатга ҳақ тўлаш жамғармасининг 40 фоизи миқдорида ажратиладиган маблағлар.

2. Халқаро грантлар, жисмоний ва юридик шахсларнинг ҳомийлик хайриялари.

3. Жисмоний ва юридик шахсларга тижорат хизматларини кўрсатишдан олинадиган даромадлар.

4. Қонунчилик ҳужжатларида тақиқланмаган бошқа манбалар.

Ўзбекистон Республикаси Президентининг 2026 йил 13 мартдаги ПҚ-103-сон қарорига 3-ИЛОВА

Кадрлар малакасини ошириш ва статистик тадқиқотлар институти ҳузуридаги Тадқиқотларни қўллаб-қувватлаш ва рағбатлантириш жамғармаси маблағларидан фойдаланиш

1. Тадқиқот ва ўқув курсларини ташкил этиш учун жалб қилинган маҳаллий ва хорижий мутахассислар меҳнатига ҳақ тўлаш.

2. Миллий статистика тизими ходимларининг касбий салоҳияти ва амалий кўникмаларини ошириш мақсадида хорижий таълим ва статистика муассасаларида стажировкаларни ташкил этиш.

3. Тадқиқот лойиҳаларини амалга ошириш.

4. Ҳудудларга чиққан ҳолда танланма кузатувлар ва синов тадқиқотларини амалга ошириш.

5. Электрон ва босма нашрларни замонавий талабларга мувофиқ тайёрлаш ва тарқатиш.

6. Институт ходимлари томонидан тайёрланган илмий мақолаларни юқори рейтингли хорижий нашрларда чоп этиш.

7. Институтнинг электрон кутубхона фондини замонавий китоблар, илмий нашрлар, электрон қўлланмалар, тадқиқот материаллари ва илмий маълумотлар билан тўлдириш.

8. Институтнинг моддий-техника базасини мустаҳкамлаш, жумладан, веб-сайтини яратиш ва юритиш.

9. Институт ходимларини моддий қўллаб-қувватлаш мақсадида ҳар ойлик меҳнатга ҳақ тўлаш фондининг 100 фоизигача миқдорда устамалар, мукофотлар, моддий ёрдамлар ва бошқа рағбатлантирувчи тўловлар тўлаш.

10. Институт фаолиятини такомиллаштиришга қаратилган бошқа тадбирларни амалга ошириш.

Ўзбекистон Республикаси Президентининг 2026 йил 13 мартдаги ПҚ-103-сон қарорига 4-ИЛОВА

Миллий статистика қўмитаси ҳузуридаги «Рақамли статистика маркази» — Digitstat масъулияти чекланган жамияти

1. Миллий статистика тизимини рақамлаштириш, сунъий интеллект (AI) ва катта ҳажмдаги маълумотлар (Big Data) асосида замонавий рақамли ечимларни ишлаб чиқиш ва жорий этиш.

2. Статистик маълумотларни тақдим этишнинг my.stat.uz порталини ва геофазовий порталини яратиш орқали соҳада рақамли хизматлар улушини янада ошириш.

3. Буюртмага мувофиқ «Survey as a Service» модели ва аутсорсинг асосида статистик кузатувлар, ижтимоий ва маркетинг тадқиқотлар, электрон сўровномалар ўтказиш хизматини кўрсатиш.

4. Қонунчилик ҳужжатлари доирасида статистик ва идоравий регистрларни яратиш, интеграция қилиш ва уларни такомиллаштириб бориш.

5. Тадқиқотчилар ва бошқа турдаги фойдаланувчилар учун белгиланган тартибда эгасизлантирилган микро даражадаги маълумотларни рақамли тақдим этиш хизматларини йўлга қўйиш.

6. Юридик ва жисмоний шахслар билан тузиладиган шартнома асосида статистик, консалтинг, таҳлилий, ахборот ва ноширлик хизматлар кўрсатишни ривожлантириш.

Ўзбекистон Республикаси Президентининг 2026 йил 13 мартдаги ПҚ-103-сон қарорига 5-ИЛОВА

Миллий статистика қўмитасининг ҳузуридаги Кадрлар малакасини ошириш ва статистик тадқиқотлар институти фаолиятини такомиллаштириш бўйича

Т/р Чора-тадбирлар номланиши Амалга ошириш механизми Ижро муддати Масъул ижрочилар 1. Кадрлар малакасини ошириш ва статистик тадқиқотлар институти (кейинги ўринларда — Институт) таркибидаги бўлимлар ва кафедралар фаолиятини қайта кўриб чиқиш ва уларнинг малакали ходимлар билан тўлдирилишини таъминлаш. Таълимнинг замонавий услубларини қўллаш, рақамли технологиялар, илмий тадқиқот, таҳлил ишлари кўникмаларига эга бўлган кадрларни ишга қабул қилиш. 2026 йил май Институт 2. Мамлакатдаги статистика мутахассисларини қайта тайёрлаш ва уларнинг малакасини ошириш жараёнларини автоматлаштириш учун «Маълумотлар ва таҳлил илми» рақамли таълим платформасини (кейинги ўринларда — Таълим платформаси)ни ишлаб чиқиш ва амалиётга жорий этиш. 1. Таълим платформасининг функционал, техник ва ташкилий архитектураси тузилмасини ишлаб чиқиш. 2026 йил апрель Миллий статистика қўмитаси, Рақамли технологиялар вазирлиги 2. Таълим платформасининг фаолият учун зарур бўлган ахборот тизимлари билан интеграциясини ташкил этиш. 2026 йил июль 3. Ишлаб чиқилган Таълим платформасини тест синовларидан ўтказиш ва фойдаланишга топшириш. 2026 йил август 3. Жаҳон банки билан ҳамкорликда амалга оширилаётган «Ўзбекистонда статистика тизими салоҳиятини мустаҳкамлаш» лойиҳаси доирасида, Институтда тадқиқотчилар, талабалар ҳамда бошқа фойдаланувчилар томонидан илмий тадқиқот мақсадларида статистика маълумотларидан эгасизлантирилган шаклда фойдаланиш имконини берувчи Микромаълумотлар лабораториясини яратиш. 1. Институт биносида талабалар ва тадқиқотчилар учун микромаълумотлар билан ишлашга мўлжалланган махсус хона ташкил этиш . 2026 йил май Миллий статистика қўмитаси, Институт 2. «Микромаълумотлар»ни Таълим платформаси орқали онлайн режимида олиш имкониятини яратиш. 2026 йил август 4. Давлат мақсадли дастурлари доирасида статистика услубиёти ва амалиётини такомиллаштириш бўйича тадқиқотлар олиб боришга доир лойиҳаларни амалга ошириш. 1. Статистика услубиёти ва амалиётини халқаро тажриба ва тавсияларга мувофиқ такомиллаштиришга қаратилган тадқиқотлар мавзуларини шакллантириш. 2026 йил июнь Миллий статистика қўмитаси, Олий таълим, фан ва инновациялар вазирлиги, Институт 2. Статистика тадқиқотлари долзарб мавзулари рўйхатини 2026 — 2028 йилларга мўлжалланган Давлат мақсадли дастурларига киритиш учун Олий таълим, фан ва инновациялар вазирлигига тақдим этиш. 2026 йил август 5. Тармоқлар статистикаси бўйича соҳавий билим ва амалий кўникмаларни чуқурлаштириш мақсадида ихтисослаштирилган таълим модулларини жорий этиш. 1. Тармоқлар статистикасида кузатилаётган тизимли муаммоларни аниқлаш ва таҳлил қилиш, маълумот йиғишдаги камчиликларни аниқлаш ва соҳага доир тавсиялар тайёрлаш. 2026 йил август Институт, вазирлик ва идоралар 2. Соҳалардаги статистика йўналишларига мос курслар тайёрлаш, уларда статистика услубиёти, танланма кузатувларни ўтказиш, маълумот манбалари ва ҳисоб-китоб механизмларини қамраб олган махсус ўқув дастурларини ишлаб чиқиш. 2026 йил октябрь 6. Институтнинг малака ошириш дастурлари ва илмий фаолиятини халқаро стандартлар даражасига олиб чиқиш, илғор хорижий тажрибаларни жорий қилиш ва статистика соҳасидаги халқаро ташкилотлар билан доимий ҳамкорликни йўлга қўйиш. 1. Маҳаллий мутахассислар учун статистика соҳасидаги Joint-Vienna Institute (JVI), U N SIAP, IMF CCAMTAC, Eurostat, MODS (Корея) каби етакчи халқаро ташкилотлар билан халқаро тренерлар иштирокидаги гибрид, яъни онлайн ва офлайн шаклларда машғулотларни йўлга қўйиш. Доимий Миллий статистика қўмитаси, Институт 2. Халқаро тажрибага асосланган ўқув дастурларини ишлаб чиқиш, малака ошириш курслари дастурларини OECD, IMF, Eurostat тавсиялари асосида қайта кўриб чиқиш, интерактив ва кейсга асосланган ўқув форматларини жорий этиш. Доимий 3. Миллий мураббийлар корпусини яратиш мақсадида халқаро экспертлар иштирокида мураббийлар учун тренинг (ToT) сертификатланган курсларни ташкил этиш. Доимий 4. Статистика органлари мутахассисларининг Институтнинг Тадқиқотларни қўллаб-қувватлаш ва рағбатлантириш жамғармаси ва бошқа грант маблағлари ҳисобидан хорижда малака оширишини ташкил этиш. Доимий 5. Илғор хорижий тажриба ва халқаро ташкилотлар грант маблағлари асосида фундаментал ва қўшма амалий тадқиқотлар лойиҳаларини амалга ошириш. Доимий 6. Илмий мақолалар ва ишланмаларни «Scopus» ва «Web of Science» базаларида нашр этишни қўллаб-қувватлаш, халқаро конференциялар ва илмий форумларда иштирок этиш. Доимий 7. Илғор жаҳон тажрибасидан келиб чиққан ҳолда креатив иқтисодиёт фаолияти акс этадиган индикаторларни баҳолаш методикаси асосида мазкур соҳанинг ривожланишини таҳлил қилиш. 1. Креатив иқтисодиётнинг миллий иқтисодиётдаги ўрнини баҳолаш бўйича кўрсаткичларни шакллантириш. 2026 йил октябрь Институт 2. Шакллантирилган кўрсаткичлар асосида креатив иқтисодиётнинг ривожланиши бўйича таҳлилий маълумот тайёрлаш. 2026 йил декабрь 8. Иқтисодиётда стартап лойиҳалар салоҳияти ва ўрнини баҳолаш ҳамда таҳлил қилиш тизимини яратиш. 1. Стартап лойиҳаларга йўналтирилган инвестициялар ҳажмини, уларнинг самарадорлигини баҳоловчи индикаторларни ҳисоблаш услубиётларини ишлаб чиқиш. 2026 йил июль Институт 2. Услубиёт асосида шаклланган кўрсаткичлардан келиб чиқиб таҳлилий маълумотнома тайёрлаш. 2026 йил август 9. Статистик маълумотларни йиғиш, қайта ишлаш ва таҳлил қилишда сунъий интеллектдан фойдаланиш тизимини жорий этиш бўйича таклиф тайёрлаш. 1. Мазкур йўналишда чет эл тажрибасини ўрганиш. 2026 йил май Миллий статистика қўмитаси, Институт 2. Ўрганиш натижаси асосида миллий хусусиятларни инобатга олган ҳолда таклиф ишлаб чиқиш. 2026 йил июнь 10. Давлат органлари ходимларининг статистика ва маълумотлар таҳлили соҳасидаги касбий кўникмаларини оширишга ихтисослашган, юридик шахс ташкил этмаган ҳолда Замонавий билимлар маркази («Centre of excellency»)ни ташкил этиш. 1. Хорижий ривожланган мамлакатларнинг статистика ва маълумотлар таҳлили йўналишидаги тажрибасини ўрганиш. 2026 йил июль Миллий статистика қўмитаси, Институт 2. Институт фаолиятини такомиллаштириш мақсадида ўрганиш натижаларидан келиб чиқиб, тузилмалар таркиби ва вазифаларини қайта кўриб чиқиш. 2026 йил октябрь 3. Маълумотларни таҳлил қилиш (дата аналитика) бўйича мутахассисларни тайёрлаш тизимини жорий этиш. 2026 йил декабрь 11. Замонавий билимлар марказини (Centre of excellency) ташкил этиш учун Жаҳон банки иштирокидаги «Ўзбекистонда статистика тизими салоҳиятини мустаҳкамлаш» лойиҳаси доирасида Институт биноларини замонавий архитектура лойиҳалари асосида реконструкция қилиш ва жиҳозлаш лойиҳасини амалга ошириш. 1. Институт биноларини реконструкция қилиш ва жиҳозлаш бўйича лойиҳа-смета ҳужжатларини тайёрлаш ва экспертизадан ўтказиш. 2026 йил ноябрь Институт 2. Белгиланган тартибда биноларни замонавий архитектура лойиҳалари асосида реконструкция қилиш ва жиҳозлаш лойиҳасини амалга ошириш. 2027-2028 йиллар

Ўзбекистон Республикаси Президентининг 2026 йил 13 мартдаги ПҚ-103-сон қарорига 6-ИЛОВА

Миллий статистика қўмитасининг Кадрлар малакасини ошириш ва статистик тадқиқотлар институти ходимлари меҳнатига ҳақ тўлаш ва устама белгилаш

Т/р Йўналиш Лавозим Тартиб 1. Ходимларга иш ҳақи ҳисоблаш Бошқарув ва ишлаб чиқариш ходимларига Миллий статистика қўмитаси учун белгиланган меҳнатга ҳақ тўлаш ва устама белгилаш шартлари, шу жумладан, Ягона тариф сеткаси бўйича меҳнатга ҳақ тўлаш тариф коэффициентини 1,8 бараварга оширилган ҳолда қўллаш орқали амалга оширилади. Бунда: Директор 18 Директорнинг ўринбосарлари 16 Бўлим раҳбарлари 16-5% Бош ва етакчи мутахассислар 13 Кафедра мудирлари Олий таълим муассасалари учун белгиланган лавозим маошлари маошлари асосида Профессор-ўқитувчилар 2. Кўп йиллик ишлаганлик учун ҳар ойлик устама (рағбатлантириш коэффициентини инобатга олган ҳолда лавозим маошига нисбатан коэффициентларда) Барча ходимлар (олий таълим муассасалари учун белгиланган лавозимлардан ташқари) Давлат бюджети маблағлари ҳисобидан қуйидаги миқдорларда: 1 йилдан 3 йилгача — 0,3; 3 йилдан 5 йилгача — 0,6; 5 йилдан 10 йилгача — 0,8; 10 йилдан 15 йилгача — 1,0; 15 йилдан 20 йилгача — 1,2; 20 йилдан юқори — 1,5. Давлат ташкилотлари ҳамда муассасаларида кўп йиллик ишлаганлик учун ҳар ойлик устама олиш ҳуқуқини берувчи иш стажи қонунчиликда белгиланган тартибга асосан аниқланади.

Ўзбекистон Республикаси Президентининг 2026 йил 13 мартдаги ПҚ-103-сон қарорига 7-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Ўзбекистон Республикаси Президентининг 2025 йил 24 февралдаги «Ўзбекистон Республикаси Миллий статистика қўмитаси фаолиятини ташкил этиш чора-тадбирлари тўғрисида»ги ПҚ-75-сон қарори 3-бандининг «в» кичик бандидаги «туман (шаҳар) бўлимлари биноларини» сўзлари «биноларни» сўзи билан алмаштирилсин.

2. Вазирлар Маҳкамасининг 2019 йил 17 августдаги «Ўзбекистон Республикаси Миллий статистика қўмитасининг Кадрлар малакасини ошириш ва статистик тадқиқотлар институти фаолиятини ташкил этиш чора-тадбирлари тўғрисида»ги 686-сон қарори қўйидаги мазмундаги 8 1 -банд билан тўлдирилсин:

«8 1 . Иқтисодиёт ва молия вазирлиги Институтга 2 та, шу жумладан, 1 та хизмат ва 1 та навбатчи енгил автотранспорт воситасини сақлаш учун лимит ажратсин».

3. Вазирлар Маҳкамасининг 2023 йил 20 ноябрдаги 612-сон қарори билан тасдиқланган Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентида :

(а) 22-иловада :

(i) 5-позициянинг иккинчи устуни биринчи хатбошисидаги «0,08» рақами «2,0» рақами билан алмаштирилсин;

(ii) 6-позициянинг иккинчи устуни қуйидаги таҳрирда баён этилсин:

«Ўн иш куни (тўрт иш кунидан ошмаган муддатда сўровномага кўра маълумотнинг мавжудлиги ва қийматини маълум қилади ҳамда тўлов амалга оширилгандан сўнг олти иш кунидан ошмаган муддатда сўралган маълумотларни тақдим этади)»;

(б) 23-илованинг 5-позицияси иккинчи устуни биринчи — тўртинчи хатбошилари қуйидаги таҳрирда баён этилсин:

«КТЯДР базасидан ҳар бир ташкилот бўйича тақдим этиладиган маълумотлар учун:

ташкилот сони 100 тагача бўлганда, БҲМнинг 2,0 фоизи миқдорида;

ташкилот сони 100 тадан 10 000 тагача бўлганда, БҲМнинг 1,0 фоиз миқдорида;

ташкилот сони 10 000 тадан ортиқ бўлганда, БҲМнинг 0,5 фоизи миқдорида».

Ўзбекистон Республикаси Президентининг 2026 йил 13 мартдаги ПҚ-103-сон қарорига 8-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг 2019 йил 17 августдаги «Ўзбекистон Республикаси Миллий статистика қўмитасининг Кадрлар малакасини ошириш ва статистик тадқиқотлар институти фаолиятини ташкил этиш чора-тадбирлари тўғрисида»ги 686-сон қарорининг 9-банди .

2. Вазирлар Маҳкамасининг 2025 йил 24 февралдаги «Ўзбекистон Республикаси Миллий статистика қўмитасининг Кадрлар малакасини ошириш ва статистик тадқиқотлар институти фаолиятини такомиллаштириш чора-тадбирлари тўғрисида»ги 106-сон қарори .

3. Вазирлар Маҳкамасининг 2025 йил 6 октябрдаги «Расмий статистика фаолиятини тартибга солувчи норматив-ҳуқуқий ҳужжатларни тизимлаштириш тўғрисида»ги 627-сон қарорига 3-илованинг 94-банди .

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 13 март,

ПҚ- 103 -сон

(Қонунчилик маълумотлари миллий базаси, 13.03.2026 й., 07/26/103/0226-сон)

lex.uz

Oʻzbekiston Respublikasi Prezidentining

qarori

VAZIFALAR

YOʻNALISHLARI

VAZIFALARI

CHORA-TADBIRLAR REJASI

TARTIBI

ROʻYXATI

Milliy statistika tizimi mutaxassislari malakasini oshirish hamda sohaga raqamli texnologiyalarni joriy etishni yanada jadallashtirish orqali yuqori samaradorlikka erishish chora-tadbirlari toʻgʻrisida

Oʻzbekiston Respublikasi Prezidentining 2025-yil 24-fevraldagi “Statistika ishlarini tashkil etish va yuritish tizimini yangi bosqichga olib chiqish boʻyicha qoʻshimcha chora-tadbirlar toʻgʻrisida”gi PF-27-son Farmoni ijrosini taʼminlash, shuningdek, milliy statistika tizimini zamon talablari asosida yanada takomillashtirish maqsadida qaror qilaman:

I. Asosiy maqsadlar

1. Quyidagilar ushbu qarorning asosiy maqsadlari etib belgilansin:

(a) milliy statistika tizimi mutaxassislari malakasini oshirishda oʻqitishning zamonaviy shakl va texnologiyalarini joriy etish va xorijiy tajriba asosida statistika uslubiyotini takomillashtirish;

(b) har ikki yilda 3 ming nafar milliy statistika tizimi mutaxassislarini oʻqitib borish imkonini yaratish;

(v) yashirin va kreativ iqtisodiyotni baholash maqsadida statistika metodologiyasini takomillashtirish;

(g) milliy statistika tizimini raqamlashtirishni jadallashtirish, innovatsion yechimlarni qoʻllagan holda koʻrsatilayotgan raqamli xizmatlar hajmini 2 barobarga oshirish.

II. Milliy statistika tizimida mutaxassislar malakasini oshirish va tadqiqotlar olib borish tizimini takomillashtirish

2. Milliy statistika qoʻmitasining Kadrlar malakasini oshirish va statistik tadqiqotlar instituti (keyingi oʻrinlarda — Institut) faoliyatining ustuvor yoʻnalishlari va ularni amalga oshirish boʻyicha vazifalar 1-ilovaga muvofiq tasdiqlansin.

3. Belgilansinki, 2026-yil 1-apreldan boshlab Institutda:

(a) vazirlik va idoralarning maʼmuriy maʼlumotlarini yuritish, statistika uslubiyotlarini ishlab chiqish va ochiq maʼlumotlar portali bilan ishlashga masʼul boʻlgan xodimlari uchun har ikki yilda shartnoma asosida 48 soatgacha boʻlgan malaka oshirish kurslari;

(b) statistika hisobotlarini taqdim etuvchi subyektlar, jumladan, tadbirkorlik subyektlari uchun zarur amaliy koʻnikmalarni rivojlantirish boʻyicha oʻquv kurslari tashkil etiladi.

4. Kadrlar malakasini oshirish va statistik tadqiqotlar instituti huzurida yuridik shaxs tashkil etmagan holda Tadqiqotlarni qoʻllab-quvvatlash va ragʻbatlantirish jamgʻarmasi (keyingi oʻrinlarda — Jamgʻarma) tashkil etilsin va uni moliyalashtirish manbalari hamda mablagʻlaridan foydalanish yoʻnalishlari 2 va 3-ilovalarga muvofiq tasdiqlansin.

5. Milliy statistika qoʻmitasi, Iqtisodiyot va moliya vazirligining quyidagi takliflariga rozilik berilsin:

(a) Institut tomonidan Jahon banki koʻmagida respublikada yashirin va kreativ iqtisodiyot ulushini statistik baholash metodikasini takomillashtirish va baholash natijalarini eʼlon qilib borish;

(b) ushbu yoʻnalishda ishlarni tashkil etish uchun Milliy statistika qoʻmitasi shtat birliklari doirasida Institutga qoʻshimcha 6 ta shtat birligi ajratish;

(v) Institut tomonidan oʻquv jarayoniga professor-oʻqituvchilar hamda soha boʻyicha mutaxassislarni mehnatiga soatbay (kunbay, ishbay) haq toʻlagan holda qonunchilik hujjatlarida belgilangan tartibda jalb etish.

6. Milliy statistika qoʻmitasi Raqamli texnologiyalar vazirligi bilan birgalikda 2026-yil 1-sentabrga qadar malaka oshirish jarayonlarini avtomatlashtirish uchun “Maʼlumotlar va tahlil ilmi” raqamli taʼlim platformasini (keyingi oʻrinlarda — Platforma) joriy etsin.

7. Shunday tartib oʻrnatilsinki, unga muvofiq:

(a) Platforma Jahon banki bilan hamkorlikda amalga oshirilayotgan “Oʻzbekistonda statistika tizimi salohiyatini mustahkamlash” loyihasi doirasida yaratiladi;

(b) Platforma operatori Institut hisoblanadi;

(v) Platformani saqlash xarajatlari Milliy statistika qoʻmitasining budjetdan tashqari mablagʻlari hisobidan qoplanadi.

III. Milliy statistika tizimida raqamli xizmatlar koʻrsatishda yangicha yondashuvlarni tatbiq etish

8. Milliy statistika tizimini raqamlashtirish hamda sohada zamonaviy xizmatlarni joriy etish maqsadida Milliy statistika qoʻmitasi huzurida masʼuliyati cheklangan jamiyat shaklidagi “Raqamli statistika markazi” — Digitstat (keyingi oʻrinlarda — Markaz) tashkil etilsin.

9. Belgilansinki:

(a) Markaz statistika sohasida raqamlashtirish yoʻnalishida faoliyat koʻrsatuvchi yagona integrator hisoblanadi;

(b) Markaz 4-ilovaga muvofiq vazifalarni bajaradi.

IV. Qaror ijrosini tashkil etish, taʼminlash va nazorat

10. Belgilab qoʻyilsinki, Milliy statistika qoʻmitasida raqamli texnologiyalarni rivojlantirish va ularni qoʻllab-quvvatlash xarajatlari uchun mablagʻlar Davlat budjetidan 2026-yilda Statistika dasturi doirasida, keyingi yillarda Milliy statistika qoʻmitasining asoslantirilgan talabnomasiga koʻra ajratiladi.

11. Quyidagilar:

(a) Milliy statistika qoʻmitasining Kadrlar malakasini oshirish va statistik tadqiqotlar instituti faoliyatini takomillashtirish boʻyicha chora-tadbirlar rejasi 5-ilovaga muvofiq;

(b) Milliy statistika qoʻmitasining Kadrlar malakasini oshirish va statistik tadqiqotlar instituti xodimlari mehnatiga haq toʻlash va ustama belgilash tartibi 6-ilovaga muvofiq tasdiqlansin.

12. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 7-ilovaga muvofiq oʻzgartirish va qoʻshimchalar kiritilsin.

13. Oʻzbekiston Respublikasi Hukumatining ayrim qarorlari 8-ilovaga muvofiq oʻz kuchini yoʻqotgan deb hisoblansin.

14. Qaror ijrosini samarali tashkil qilishga masʼul va shaxsan javobgar etib Milliy statistika qoʻmitasi raisi B.S. Hamrayev belgilansin.

15. Ushbu qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidentining 2026-yil 13-martdagi PQ-103-son qaroriga 1-ILOVA

Milliy statistika qoʻmitasining Kadrlar malakasini oshirish va statistik tadqiqotlar instituti faoliyatining ustuvor yoʻnalishlari va ularni amalga oshirish boʻyicha

1. Xalqaro ilgʻor tajriba asosida milliy ijtimoiy-iqtisodiy rivojlanish ustuvorliklariga mos ilmiy va amaliy statistik tadqiqotlarni olib borish, zamonaviy tahlil usullarini joriy etish orqali hudud va sohalar kesimida maʼlumotlarga asoslangan tahlillar tayyorlash.

2. Yashirin iqtisodiyot va kreativ iqtisodiyotni baholash uslubiyotini takomillashtirish hamda davriy ravishda ularning iqtisodiyotdagi ulushini hisoblash va natijalarini eʼlon qilib borish.

3. Ilmiy tadqiqot va innovatsiyalarni kengaytirish, jumladan, sunʼiy intellekt (AI) va katta hajmdagi maʼlumotlar (Big Data) asosida maʼlumotlarning sifati va ishonchliligini oshirish boʻyicha tadqiqotlar olib borish.

4. Statistik maʼlumotlarni muqobil manbalar, jumladan, sunʼiy yoʻldosh va dron orqali olingan tasvirlar, mobil va bank tizimi maʼlumotlari hamda boshqa maʼmuriy maʼlumotlardan foydalangan holda yuritish usullarini joriy etish boʻyicha tadqiqotlar oʻtkazish.

5. Statistika organlari hamda vazirlik va idoralar soha mutaxassislarini qayta tayyorlash, malakasini oshirish va bilimlarini baholab borishning uzluksiz tizimini yaratish.

6. Iqtisodiyot sohalari va tarmoqlarida statistikani shakllantirishning oʻziga xosligini hisobga olgan holda, maxsus taʼlim modullarini joriy etish.

7. Aholi va qishloq xoʻjaligini roʻyxatga olish natijalarini tizimli va chuqur tahlil qilish maqsadida deskriptiv va prediktiv statistik tahlil usullarini ishlab chiqish.

8. Davlat organlari uchun tahlillarga asoslangan qarorlar qabul qilish, qarorlar taʼsirini baholash va raqamlarga asoslangan boshqaruv (evidence-based policy) boʻyicha ixtisoslashgan oʻquv dasturlarini joriy etish.

9. Mahalliy va xorijiy olim va mutaxassislarni jalb qilgan holda oliy taʼlim muassasalarida iqtisodiyot, ijtimoiy soha va hududlar statistikasiga oid metodologik va oʻquv qoʻllanmalarni ishlab chiqish.

10. Institut faoliyati doirasida nashr etilayotgan elektron va bosma materiallar, shu jumladan, ilmiy maqolalar, tahliliy hisobotlar va statistik byulletenlar sifati va mazmunini doimiy ravishda takomillashtirib borish.

11. Statistika organlari xodimlari faoliyati samaradorligini baholash (KPI) tizimini ishlab chiqish va joriy etish xodimlarning ish faoliyati natijadorligini aniq, oʻlchovli va shaffof koʻrsatkichlar asosida baholashga qaratilgan zamonaviy KPI tizimini shakllantirish va yuritish.

12. Statistika kasbining nufuzini oshirish va inson kapitalini rivojlantirish maqsadida yosh mutaxassislarni statistika sohasiga jalb etish, xodimlarni ragʻbatlantirishning meritokratik mexanizmlarini joriy etish hamda uzluksiz kasbiy rivojlanish tizimini shakllantirish orqali yuqori malakali kadrlar tarkibini shakllantirish.

13. Interaktiv va raqamli taʼlim platformasini joriy etish orqali masofaviy, raqamlashgan va gibrid taʼlimni yoʻlga qoʻyish hamda elektron repozitoriy va malaka hujjatlarini raqamlashtirish.

14. Xalqaro hamkorlikni kengaytirish va qoʻshma taʼlim dasturlarini joriy etish, zamonaviy statistika uslubiyotlarini ishlab chiqish va xalqaro standartlarga moslashtirish.

15. Ilmiy tadqiqot tashkilotlari, akademik muassasalar va tahlil markazlari bilan hamkorlik aloqalarni kengaytirib borish hamda qoʻshma tadqiqot va loyihalarni amalga oshirish.

Oʻzbekiston Respublikasi Prezidentining 2026-yil 13-martdagi PQ-103-son qaroriga 2-ILOVA

Kadrlar malakasini oshirish va statistik tadqiqotlar instituti huzuridagi Tadqiqotlarni qoʻllab-quvvatlash va ragʻbatlantirish jamgʻarmasini moliyalashtirish manbalari

1. Davlat budjetidan har yili Institutning bir yillik mehnatga haq toʻlash jamgʻarmasining 40 foizi miqdorida ajratiladigan mablagʻlar.

2. Xalqaro grantlar, jismoniy va yuridik shaxslarning homiylik xayriyalari.

3. Jismoniy va yuridik shaxslarga tijorat xizmatlarini koʻrsatishdan olinadigan daromadlar.

4. Qonunchilik hujjatlarida taqiqlanmagan boshqa manbalar.

Oʻzbekiston Respublikasi Prezidentining 2026-yil 13-martdagi PQ-103-son qaroriga 3-ILOVA

Kadrlar malakasini oshirish va statistik tadqiqotlar instituti huzuridagi Tadqiqotlarni qoʻllab-quvvatlash va ragʻbatlantirish jamgʻarmasi mablagʻlaridan foydalanish

1. Tadqiqot va oʻquv kurslarini tashkil etish uchun jalb qilingan mahalliy va xorijiy mutaxassislar mehnatiga haq toʻlash.

2. Milliy statistika tizimi xodimlarining kasbiy salohiyati va amaliy koʻnikmalarini oshirish maqsadida xorijiy taʼlim va statistika muassasalarida stajirovkalarni tashkil etish.

3. Tadqiqot loyihalarini amalga oshirish.

4. Hududlarga chiqqan holda tanlanma kuzatuvlar va sinov tadqiqotlarini amalga oshirish.

5. Elektron va bosma nashrlarni zamonaviy talablarga muvofiq tayyorlash va tarqatish.

6. Institut xodimlari tomonidan tayyorlangan ilmiy maqolalarni yuqori reytingli xorijiy nashrlarda chop etish.

7. Institutning elektron kutubxona fondini zamonaviy kitoblar, ilmiy nashrlar, elektron qoʻllanmalar, tadqiqot materiallari va ilmiy maʼlumotlar bilan toʻldirish.

8. Institutning moddiy-texnika bazasini mustahkamlash, jumladan, veb-saytini yaratish va yuritish.

9. Institut xodimlarini moddiy qoʻllab-quvvatlash maqsadida har oylik mehnatga haq toʻlash fondining 100 foizigacha miqdorda ustamalar, mukofotlar, moddiy yordamlar va boshqa ragʻbatlantiruvchi toʻlovlar toʻlash.

10. Institut faoliyatini takomillashtirishga qaratilgan boshqa tadbirlarni amalga oshirish.

Oʻzbekiston Respublikasi Prezidentining 2026-yil 13-martdagi PQ-103-son qaroriga 4-ILOVA

Milliy statistika qoʻmitasi huzuridagi “Raqamli statistika markazi” — Digitstat masʼuliyati cheklangan jamiyati

1. Milliy statistika tizimini raqamlashtirish, sunʼiy intellekt (AI) va katta hajmdagi maʼlumotlar (Big Data) asosida zamonaviy raqamli yechimlarni ishlab chiqish va joriy etish.

2. Statistik maʼlumotlarni taqdim etishning my.stat.uz portalini va geofazoviy portalini yaratish orqali sohada raqamli xizmatlar ulushini yanada oshirish.

3. Buyurtmaga muvofiq “Survey as a Service” modeli va autsorsing asosida statistik kuzatuvlar, ijtimoiy va marketing tadqiqotlar, elektron soʻrovnomalar oʻtkazish xizmatini koʻrsatish.

4. Qonunchilik hujjatlari doirasida statistik va idoraviy registrlarni yaratish, integratsiya qilish va ularni takomillashtirib borish.

5. Tadqiqotchilar va boshqa turdagi foydalanuvchilar uchun belgilangan tartibda egasizlantirilgan mikro darajadagi maʼlumotlarni raqamli taqdim etish xizmatlarini yoʻlga qoʻyish.

6. Yuridik va jismoniy shaxslar bilan tuziladigan shartnoma asosida statistik, konsalting, tahliliy, axborot va noshirlik xizmatlar koʻrsatishni rivojlantirish.

Oʻzbekiston Respublikasi Prezidentining 2026-yil 13-martdagi PQ-103-son qaroriga 5-ILOVA

Milliy statistika qoʻmitasining huzuridagi Kadrlar malakasini oshirish va statistik tadqiqotlar instituti faoliyatini takomillashtirish boʻyicha

T/r Chora-tadbirlar nomlanishi Amalga oshirish mexanizmi Ijro muddati Masʼul ijrochilar 1. Kadrlar malakasini oshirish va statistik tadqiqotlar instituti (keyingi oʻrinlarda — Institut) tarkibidagi boʻlimlar va kafedralar faoliyatini qayta koʻrib chiqish va ularning malakali xodimlar bilan toʻldirilishini taʼminlash. Taʼlimning zamonaviy uslublarini qoʻllash, raqamli texnologiyalar, ilmiy tadqiqot, tahlil ishlari koʻnikmalariga ega boʻlgan kadrlarni ishga qabul qilish. 2026-yil may Institut 2. Mamlakatdagi statistika mutaxassislarini qayta tayyorlash va ularning malakasini oshirish jarayonlarini avtomatlashtirish uchun “Maʼlumotlar va tahlil ilmi” raqamli taʼlim platformasini (keyingi oʻrinlarda — Taʼlim platformasi)ni ishlab chiqish va amaliyotga joriy etish. 1. Taʼlim platformasining funksional, texnik va tashkiliy arxitekturasi tuzilmasini ishlab chiqish. 2026-yil aprel Milliy statistika qoʻmitasi, Raqamli texnologiyalar vazirligi 2. Taʼlim platformasining faoliyat uchun zarur boʻlgan axborot tizimlari bilan integratsiyasini tashkil etish. 2026-yil iyul 3. Ishlab chiqilgan Taʼlim platformasini test sinovlaridan oʻtkazish va foydalanishga topshirish. 2026-yil avgust 3. Jahon banki bilan hamkorlikda amalga oshirilayotgan “Oʻzbekistonda statistika tizimi salohiyatini mustahkamlash” loyihasi doirasida, Institutda tadqiqotchilar, talabalar hamda boshqa foydalanuvchilar tomonidan ilmiy tadqiqot maqsadlarida statistika maʼlumotlaridan egasizlantirilgan shaklda foydalanish imkonini beruvchi Mikromaʼlumotlar laboratoriyasini yaratish. 1. Institut binosida talabalar va tadqiqotchilar uchun mikromaʼlumotlar bilan ishlashga moʻljallangan maxsus xona tashkil etish . 2026-yil may Milliy statistika qoʻmitasi, Institut 2. “Mikromaʼlumotlar”ni Taʼlim platformasi orqali onlayn rejimida olish imkoniyatini yaratish. 2026-yil avgust 4. Davlat maqsadli dasturlari doirasida statistika uslubiyoti va amaliyotini takomillashtirish boʻyicha tadqiqotlar olib borishga doir loyihalarni amalga oshirish. 1. Statistika uslubiyoti va amaliyotini xalqaro tajriba va tavsiyalarga muvofiq takomillashtirishga qaratilgan tadqiqotlar mavzularini shakllantirish. 2026-yil iyun Milliy statistika qoʻmitasi, Oliy taʼlim, fan va innovatsiyalar vazirligi, Institut 2. Statistika tadqiqotlari dolzarb mavzulari roʻyxatini 2026 — 2028-yillarga moʻljallangan Davlat maqsadli dasturlariga kiritish uchun Oliy taʼlim, fan va innovatsiyalar vazirligiga taqdim etish. 2026-yil avgust 5. Tarmoqlar statistikasi boʻyicha sohaviy bilim va amaliy koʻnikmalarni chuqurlashtirish maqsadida ixtisoslashtirilgan taʼlim modullarini joriy etish. 1. Tarmoqlar statistikasida kuzatilayotgan tizimli muammolarni aniqlash va tahlil qilish, maʼlumot yigʻishdagi kamchiliklarni aniqlash va sohaga doir tavsiyalar tayyorlash. 2026-yil avgust Institut, vazirlik va idoralar 2. Sohalardagi statistika yoʻnalishlariga mos kurslar tayyorlash, ularda statistika uslubiyoti, tanlanma kuzatuvlarni oʻtkazish, maʼlumot manbalari va hisob-kitob mexanizmlarini qamrab olgan maxsus oʻquv dasturlarini ishlab chiqish. 2026-yil oktabr 6. Institutning malaka oshirish dasturlari va ilmiy faoliyatini xalqaro standartlar darajasiga olib chiqish, ilgʻor xorijiy tajribalarni joriy qilish va statistika sohasidagi xalqaro tashkilotlar bilan doimiy hamkorlikni yoʻlga qoʻyish. 1. Mahalliy mutaxassislar uchun statistika sohasidagi Joint-Vienna Institute (JVI), U N SIAP, IMF CCAMTAC, Eurostat, MODS (Koreya) kabi yetakchi xalqaro tashkilotlar bilan xalqaro trenerlar ishtirokidagi gibrid, yaʼni onlayn va oflayn shakllarda mashgʻulotlarni yoʻlga qoʻyish. Doimiy Milliy statistika qoʻmitasi, Institut 2. Xalqaro tajribaga asoslangan oʻquv dasturlarini ishlab chiqish, malaka oshirish kurslari dasturlarini OECD, IMF, Eurostat tavsiyalari asosida qayta koʻrib chiqish, interaktiv va keysga asoslangan oʻquv formatlarini joriy etish. Doimiy 3. Milliy murabbiylar korpusini yaratish maqsadida xalqaro ekspertlar ishtirokida murabbiylar uchun trening (ToT) sertifikatlangan kurslarni tashkil etish. Doimiy 4. Statistika organlari mutaxassislarining Institutning Tadqiqotlarni qoʻllab-quvvatlash va ragʻbatlantirish jamgʻarmasi va boshqa grant mablagʻlari hisobidan xorijda malaka oshirishini tashkil etish. Doimiy 5. Ilgʻor xorijiy tajriba va xalqaro tashkilotlar grant mablagʻlari asosida fundamental va qoʻshma amaliy tadqiqotlar loyihalarini amalga oshirish. Doimiy 6. Ilmiy maqolalar va ishlanmalarni “Scopus” va “Web of Science” bazalarida nashr etishni qoʻllab-quvvatlash, xalqaro konferensiyalar va ilmiy forumlarda ishtirok etish. Doimiy 7. Ilgʻor jahon tajribasidan kelib chiqqan holda kreativ iqtisodiyot faoliyati aks etadigan indikatorlarni baholash metodikasi asosida mazkur sohaning rivojlanishini tahlil qilish. 1. Kreativ iqtisodiyotning milliy iqtisodiyotdagi oʻrnini baholash boʻyicha koʻrsatkichlarni shakllantirish. 2026-yil oktabr Institut 2. Shakllantirilgan koʻrsatkichlar asosida kreativ iqtisodiyotning rivojlanishi boʻyicha tahliliy maʼlumot tayyorlash. 2026-yil dekabr 8. Iqtisodiyotda startap loyihalar salohiyati va oʻrnini baholash hamda tahlil qilish tizimini yaratish. 1. Startap loyihalarga yoʻnaltirilgan investitsiyalar hajmini, ularning samaradorligini baholovchi indikatorlarni hisoblash uslubiyotlarini ishlab chiqish. 2026-yil iyul Institut 2. Uslubiyot asosida shakllangan koʻrsatkichlardan kelib chiqib tahliliy maʼlumotnoma tayyorlash. 2026-yil avgust 9. Statistik maʼlumotlarni yigʻish, qayta ishlash va tahlil qilishda sunʼiy intellektdan foydalanish tizimini joriy etish boʻyicha taklif tayyorlash. 1. Mazkur yoʻnalishda chet el tajribasini oʻrganish. 2026-yil may Milliy statistika qoʻmitasi, Institut 2. Oʻrganish natijasi asosida milliy xususiyatlarni inobatga olgan holda taklif ishlab chiqish. 2026-yil iyun 10. Davlat organlari xodimlarining statistika va maʼlumotlar tahlili sohasidagi kasbiy koʻnikmalarini oshirishga ixtisoslashgan, yuridik shaxs tashkil etmagan holda Zamonaviy bilimlar markazi (“Centre of excellency”)ni tashkil etish. 1. Xorijiy rivojlangan mamlakatlarning statistika va maʼlumotlar tahlili yoʻnalishidagi tajribasini oʻrganish. 2026-yil iyul Milliy statistika qoʻmitasi, Institut 2. Institut faoliyatini takomillashtirish maqsadida oʻrganish natijalaridan kelib chiqib, tuzilmalar tarkibi va vazifalarini qayta koʻrib chiqish. 2026-yil oktabr 3. Maʼlumotlarni tahlil qilish (data analitika) boʻyicha mutaxassislarni tayyorlash tizimini joriy etish. 2026-yil dekabr 11. Zamonaviy bilimlar markazini (Centre of excellency) tashkil etish uchun Jahon banki ishtirokidagi “Oʻzbekistonda statistika tizimi salohiyatini mustahkamlash” loyihasi doirasida Institut binolarini zamonaviy arxitektura loyihalari asosida rekonstruksiya qilish va jihozlash loyihasini amalga oshirish. 1. Institut binolarini rekonstruksiya qilish va jihozlash boʻyicha loyiha-smeta hujjatlarini tayyorlash va ekspertizadan oʻtkazish. 2026-yil noyabr Institut 2. Belgilangan tartibda binolarni zamonaviy arxitektura loyihalari asosida rekonstruksiya qilish va jihozlash loyihasini amalga oshirish. 2027-2028-yillar

Oʻzbekiston Respublikasi Prezidentining 2026-yil 13-martdagi PQ-103-son qaroriga 6-ILOVA

Milliy statistika qoʻmitasining Kadrlar malakasini oshirish va statistik tadqiqotlar instituti xodimlari mehnatiga haq toʻlash va ustama belgilash

T/r Yoʻnalish Lavozim Tartib 1. Xodimlarga ish haqi hisoblash Boshqaruv va ishlab chiqarish xodimlariga Milliy statistika qoʻmitasi uchun belgilangan mehnatga haq toʻlash va ustama belgilash shartlari, shu jumladan, Yagona tarif setkasi boʻyicha mehnatga haq toʻlash tarif koeffitsiyentini 1,8 baravarga oshirilgan holda qoʻllash orqali amalga oshiriladi. Bunda: Direktor 18 Direktorning oʻrinbosarlari 16 Boʻlim rahbarlari 16-5% Bosh va yetakchi mutaxassislar 13 Kafedra mudirlari Oliy taʼlim muassasalari uchun belgilangan lavozim maoshlari maoshlari asosida Professor-oʻqituvchilar 2. Koʻp yillik ishlaganlik uchun har oylik ustama (ragʻbatlantirish koeffitsiyentini inobatga olgan holda lavozim maoshiga nisbatan koeffitsiyentlarda) Barcha xodimlar (oliy taʼlim muassasalari uchun belgilangan lavozimlardan tashqari) Davlat budjeti mablagʻlari hisobidan quyidagi miqdorlarda: 1 yildan 3 yilgacha — 0,3; 3 yildan 5 yilgacha — 0,6; 5 yildan 10 yilgacha — 0,8; 10 yildan 15 yilgacha — 1,0; 15 yildan 20 yilgacha — 1,2; 20 yildan yuqori — 1,5. Davlat tashkilotlari hamda muassasalarida koʻp yillik ishlaganlik uchun har oylik ustama olish huquqini beruvchi ish staji qonunchilikda belgilangan tartibga asosan aniqlanadi.

Oʻzbekiston Respublikasi Prezidentining 2026-yil 13-martdagi PQ-103-son qaroriga 7-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2025-yil 24-fevraldagi “Oʻzbekiston Respublikasi Milliy statistika qoʻmitasi faoliyatini tashkil etish chora-tadbirlari toʻgʻrisida”gi PQ-75-son qarori 3-bandining “v” kichik bandidagi “tuman (shahar) boʻlimlari binolarini” soʻzlari “binolarni” soʻzi bilan almashtirilsin.

2. Vazirlar Mahkamasining 2019-yil 17-avgustdagi “Oʻzbekiston Respublikasi Milliy statistika qoʻmitasining Kadrlar malakasini oshirish va statistik tadqiqotlar instituti faoliyatini tashkil etish chora-tadbirlari toʻgʻrisida”gi 686-son qarori qoʻyidagi mazmundagi 8 1 -band bilan toʻldirilsin:

“8 1 . Iqtisodiyot va moliya vazirligi Institutga 2 ta, shu jumladan, 1 ta xizmat va 1 ta navbatchi yengil avtotransport vositasini saqlash uchun limit ajratsin”.

3. Vazirlar Mahkamasining 2023-yil 20-noyabrdagi 612-son qarori bilan tasdiqlangan Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentida :

(a) 22-ilovada :

(i) 5-pozitsiyaning ikkinchi ustuni birinchi xatboshisidagi “0,08” raqami “2,0” raqami bilan almashtirilsin;

(ii) 6-pozitsiyaning ikkinchi ustuni quyidagi tahrirda bayon etilsin:

“Oʻn ish kuni (toʻrt ish kunidan oshmagan muddatda soʻrovnomaga koʻra maʼlumotning mavjudligi va qiymatini maʼlum qiladi hamda toʻlov amalga oshirilgandan soʻng olti ish kunidan oshmagan muddatda soʻralgan maʼlumotlarni taqdim etadi)”;

(b) 23-ilovaning 5-pozitsiyasi ikkinchi ustuni birinchi — toʻrtinchi xatboshilari quyidagi tahrirda bayon etilsin:

“KTYADR bazasidan har bir tashkilot boʻyicha taqdim etiladigan maʼlumotlar uchun:

tashkilot soni 100 tagacha boʻlganda, BHMning 2,0 foizi miqdorida;

tashkilot soni 100 tadan 10 000 tagacha boʻlganda, BHMning 1,0 foiz miqdorida;

tashkilot soni 10 000 tadan ortiq boʻlganda, BHMning 0,5 foizi miqdorida”.

Oʻzbekiston Respublikasi Prezidentining 2026-yil 13-martdagi PQ-103-son qaroriga 8-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining 2019-yil 17-avgustdagi “Oʻzbekiston Respublikasi Milliy statistika qoʻmitasining Kadrlar malakasini oshirish va statistik tadqiqotlar instituti faoliyatini tashkil etish chora-tadbirlari toʻgʻrisida”gi 686-son qarorining 9-bandi .

2. Vazirlar Mahkamasining 2025-yil 24-fevraldagi “Oʻzbekiston Respublikasi Milliy statistika qoʻmitasining Kadrlar malakasini oshirish va statistik tadqiqotlar instituti faoliyatini takomillashtirish chora-tadbirlari toʻgʻrisida”gi 106-son qarori .

3. Vazirlar Mahkamasining 2025-yil 6-oktabrdagi “Rasmiy statistika faoliyatini tartibga soluvchi normativ-huquqiy hujjatlarni tizimlashtirish toʻgʻrisida”gi 627-son qaroriga 3-ilovaning 94-bandi .

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 13-mart,

PQ- 103 -son

(Qonunchilik maʼlumotlari milliy bazasi, 13.03.2026-y., 07/26/103/0226-son)

lex.uz

Президента Республики Узбекистан

Постановление

ПЕРЕЧЕНЬ

О мерах по повышению квалификации специалистов национальной системы статистики и достижению высокой эффективности путем дальнейшего ускорения внедрения цифровых технологий в сферу

В целях обеспечения исполнения Указа Президента Республики Узбекистан от 24 февраля 2025 года № УП-27 «О дополнительных мерах по выведению на новый этап системы организации и ведения статистических работ», а также дальнейшего совершенствования национальной системы статистики на основе современных требований постановляю:

I. Основные цели

1. Определить основными целями настоящего постановления:

(а) внедрение современных форм и технологий обучения и совершенствование на основе зарубежного опыта методологии статистики для повышения квалификации специалистов национальной системы статистики;

(б) создание возможности для обучения 3 тысяч специалистов национальной системы статистики каждые два года;

(в) совершенствование методологии статистики в целях оценки теневой и креативной экономик;

(г) ускорение цифровизации национальной системы статистики, увеличение объема оказываемых цифровых услуг в 2 раза путем применения инновационных решений.

II. Совершенствование системы повышения квалификации специалистов и осуществления исследований в национальной системе статистики

2. Утвердить Приоритетные направления деятельности Института повышения квалификации кадров и статистических исследований Национального комитета по статистике (далее — Институт), а также задачи по их реализации согласно приложению № 1 * .

3. Установить, что начиная с 1 апреля 2026 года в Институте организуются:

(а) курсы повышения квалификации работников министерств и ведомств, ответственных за ведение административных данных, разработку статистических методологий и работу с порталом открытых данных, продолжительностью до 48 часов на договорной основе каждые два года;

(б) учебные курсы по развитию необходимых практических навыков для субъектов, представляющих статистическую отчетность, в частности субъектов предпринимательства.

4. Образовать Фонд поддержки и стимулирования исследований при Институте повышения квалификации кадров и статистических исследований (далее — Фонд) без создания юридического лица и утвердить источники его финансирования и направления их использования согласно приложениям №№ 2 и 3 * .

5. Согласиться со следующими предложениями Национального комитета по статистике, Министерства экономики и финансов, предусматривающими:

(а) совершенствование Институтом методики статистической оценки доли теневой и креативной экономик в республике при содействии Всемирного банка и публикацию результатов оценки;

(б) выделение Институту дополнительно 6 штатных единиц в рамках штатных единиц Национального комитета по статистике для организации работ в данном направлении;

(в) привлечение Институтом к учебному процессу профессоров-преподавателей и специалистов сферы на основе почасовой оплаты труда (за фактически отработанный день, выполненный объем работы) в порядке, установленном актами законодательства.

6. Национальному комитету по статистике совместно с Министерством цифровых технологий в срок до 1 сентября 2026 года внедрить Цифровую образовательную платформу для автоматизации процессов повышения квалификации «Маълумотлар ва таҳлил илми» (далее — Платформа).

7. Установить порядок, в соответствии с которым:

(а) Платформа создается в рамках проекта «Укрепление потенциала статистической системы Узбекистана», реализуемого в сотрудничестве со Всемирным банком;

(б) Институт является оператором Платформы;

(в) расходы по содержанию Платформы покрываются за счет внебюджетных средств Национального комитета по статистике.

III. Применение новых подходов в оказании цифровых услуг в национальной системе статистики

8. В целях цифровизации национальной системы статистики и внедрения современных услуг в данной сфере образовать Центр цифровой статистики — Digitstat при Национальном комитете по статистике в форме общества с ограниченной ответственностью (далее — Центр).

9. Определить, что Центр:

(а) является единым интегратором, осуществляющим деятельность по направлению цифровизации сферы статистики;

(б) выполняет задачи согласно приложению № 4 * .

IV. Организация, обеспечение и контроль исполнения постановления

10. Установить, что средства для расходов на развитие и поддержку цифровых технологий в Национальном комитете по статистике выделяются из Государственного бюджета в рамках Статистической программы на 2026 год, в последующие годы — по обоснованной заявке Национального комитета по статистике.

11. Утвердить:

(а) План мер по совершенствованию деятельности Института повышения квалификации кадров и статистических исследований Национального комитета по статистике согласно приложению № 5 * ;

(б) Порядок оплаты труда и выплаты надбавок работникам Института повышения квалификации кадров и статистических исследований Национального комитета по статистике согласно приложению № 6 * .

12. Внести изменения и дополнения в некоторые постановления Президента Республики Узбекистан и Правительства Республики Узбекистан согласно приложению № 7 .

13. Признать утратившими силу некоторые постановления Правительства Республики Узбекистан согласно приложению № 8 .

14. Возложить на председателя Национального комитета по статистике Б.С. Хамраева персональную ответственность за эффективную организацию исполнения настоящего постановления.

15. Контроль за исполнением настоящего постановления возложить на заместителя Премьер-министра Ж.А. Кучкарова.

ПРИЛОЖЕНИЕ № 7 к постановлению Президента Республики Узбекистан от 13 марта 2026 года № ПП-103

Изменения и дополнения, вносимые в некоторые постановления Президента Республики Узбекистан и Правительства Республики Узбекистан

1. Из подпункта «в» пункта 3 постановления Президента Республики Узбекистан от 24 февраля 2025 года № ПП-75 «О мерах по организации деятельности Национального комитета Республики Узбекистан по статистике» слова «районных (городских) отделов» исключить.

2. В тексте на государственном языке постановления Кабинета Министров от 17 августа 2019 года № 686 «О мерах по организации деятельности Института повышения квалификации кадров и статистических исследований Национального комитета Республики Узбекистан по статистике» дополнить пунктом 8 1 следующего содержания:

«8 1 . Иқтисодиёт ва молия вазирлиги Институтга 2 та, шу жумладан, 1 та хизмат ва 1 та навбатчи енгил автотранспорт воситасини сақлаш учун лимит ажратсин».

3. В тексте на государственном языке Единого административного регламента оказания государственных услуг по выдаче справок физическим и юридическим лицам, утвержденного постановлением Кабинета Министров от 20 ноября 2023 года № 612:

(а) в приложении № 22 :

(i) в абзаце первом второй графы позиции 5 цифру «0,08» заменить цифрой «2,0»;

(ii) вторую графу позиции 6 изложить в следующей редакции:

«Ўн иш куни (тўрт иш кунидан ошмаган муддатда сўровномага кўра маълумотнинг мавжудлиги ва қийматини маълум қилади ҳамда тўлов амалга оширилгандан сўнг олти иш кунидан ошмаган муддатда сўралган маълумотларни тақдим этади)»;

(б) абзацы первый — четвертый второй графы позиции 5 приложения № 23 изложить в следующей редакции:

«КТЯДР базасидан ҳар бир ташкилот бўйича тақдим этиладиган маълумотлар учун:

ташкилот сони 100 тагача бўлганда, БҲМнинг 2,0 фоизи миқдорида;

ташкилот сони 100 тадан 10 000 тагача бўлганда, БҲМнинг 1,0 фоизи миқдорида;

ташкилот сони 10 000 тадан ортиқ бўлганда, БҲМнинг 0,5 фоизи миқдорида».

ПРИЛОЖЕНИЕ № 8 к постановлению Президента Республики Узбекистан от 13 марта 2026 года № ПП-103

некоторых постановлений Правительства Республики Узбекистан, признаваемых утратившими силу

1. Пункт 9 постановления Кабинета Министров от 17 августа 2019 года № 686 «О мерах по организации деятельности Института повышения квалификации кадров и статистических исследований Национального комитета Республики Узбекистан по статистике».

2. Постановление Кабинета Министров от 24 февраля 2025 года № 106 «О мерах совершенствования деятельности Института повышения квалификации кадров и статистических исследований Национального комитета Республики Узбекистан по статистике».

3. Пункт 94 приложения № 3 к постановлению Кабинета Министров от 6 октября 2025 года № 627 «О систематизации нормативно-правовых актов, регулирующих деятельность официальной статистики».

Президент Республики Узбекистан Ш. МИРЗИЁЕВ

г. Ташкент,

13 марта 2026 г.,

№ ПП- 103

(Национальная база данных законодательства, 13.03.2026 г., №07/26/103/0226)

lex.uz