📅 2026-yil 13-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 13 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 марта 2026 г. · Указы Президента
Официальный текст. Официальный документ. Редакционные примечания не включены.
📅 13 March 2026 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
РЎЙХАТИ
АСОСИЙ ФАОЛИЯТ ЙЎНАЛИШЛАРИ
ТАШКИЛИЙ ТУЗИЛМАСИ
ЧОРА-ТАДБИРЛАР ДАСТУРИ
ЙЎНАЛИШЛАРИ
таркиби
Қишлоқ хўжалиги вазирлиги ҳузурида Ўзбекистон қишлоқ хўжалиги фанлари академиясини ташкил этиш чора-тадбирлари тўғрисида
[Кўчирма]
Мамлакатимизда сўнгги йилларда кузатилаётган иқлим ўзгариши оқибатларини юмшатиш, экологик муаммоларни бартараф этиш, ўсиб бораётган аҳолининг озиқ-овқатга ва саноатнинг хомашёга бўлган талабини қондириш, иқтисодиётни барқарор ривожлантириш ва экспорт салоҳиятини оширишда қишлоқ хўжалиги соҳаси илм-фани ўрнини юксалтириш ҳамда инновацион фаолиятни бошқариш ва тартибга солишнинг ягона тизимини яратиш мақсадида қарор қиламан:
I. Асосий мақсадлар ва устувор йўналишлар
1. Қуйидагилар республикада қишлоқ хўжалиги соҳасини илмий-инновацион ривожлантириш, фундаментал ва амалий тадқиқотлар натижадорлигини ошириш, юқори малакали илмий кадрлар тайёрлашнинг 2030 йилгача мўлжалланган асосий мақсадлари этиб белгилансин:
(а) қишлоқ хўжалигига оид патентланган янги илмий ишланма ва технологиялар сонини 3 бараварга;
(б) халқаро илмий нашрларда чоп этилган мақолалар сонини 2 бараварга;
(в) илмий фаолиятга оид давлат дастурлари доирасидаги танловларга тақдим этиладиган лойиҳалар сонини 2 бараварга;
(г) агромаслаҳатлар ва илғор хорижий агротехнологиялар трансфери хизматларидан фойдаланадиган субъектлар қамровини 4 бараварга;
(д) халқаро ҳамкорлик доирасида амалга оширилган илмий тадқиқотлар сонини 3 бараварга ошириш.
II. Қишлоқ хўжалиги соҳаси илм-фанида давлат бошқарувини такомиллаштириш
2. Қишлоқ хўжалиги вазирлиги, Фанлар академияси ҳамда Олий таълим, фан ва инновациялар вазирлигининг:
(а) Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази негизида Қишлоқ хўжалиги вазирлиги ҳузурида Ўзбекистон қишлоқ хўжалиги фанлари академияси (кейинги ўринларда — Академия)ни ташкил этиш;
(б) 1-иловага мувофиқ Академия ташкилий тузилмасига вазирлик ва идоралар тизимидаги илмий ташкилотларни ўтказиш тўғрисидаги таклифларига розилик берилсин.
3. Қуйидагилар:
(а) Ўзбекистон қишлоқ хўжалиги фанлари академиясининг асосий фаолият йўналишлари 2-иловага мувофиқ;
(б) Ўзбекистон қишлоқ хўжалиги фанлари академиясининг ташкилий тузилмаси 3-иловага мувофиқ;
(в) Ўзбекистон қишлоқ хўжалиги фанлари академияси фаолиятини ташкил этиш бўйича чора-тадбирлар дастури 4-иловага мувофиқ тасдиқлансин.
4. Белгилаб қўйилсинки:
(а) Академия қишлоқ хўжалиги соҳасида фундаментал ва амалий тадқиқотлар йўналишлари, узоқ ва яқин муддатли дастурларни белгиловчи ҳамда мувофиқлаштирувчи, агросаноат мажмуини илмий жиҳатдан ривожлантиришни амалга оширувчи давлат илмий муассасаси ҳисобланади;
(б) қишлоқ хўжалиги, ер муносабатлари билан боғлиқ ислоҳотларни амалга ошириш бўйича ишлаб чиқиладиган норматив-ҳуқуқий ҳужжатлар лойиҳалари Қишлоқ хўжалиги вазирлиги билан келишиш жараёнида мажбурий тартибда Академияда илмий экспертизадан ўтказилади;
(в) Академия Қишлоқ хўжалигида билим ва инновациялар миллий марказининг ҳуқуқ ва мажбуриятлари бўйича ҳуқуқий вориси ҳисобланади;
(г) Академияга қишлоқ хўжалиги вазири тақдимномасига асосан Вазирлар Маҳкамаси томонидан беш йил муддатга тайинланадиган раис раҳбарлик қилади ҳамда у уч нафар ўринбосарга эга бўлади;
(д) Академия бошқарув аппарати ходимларининг чекланган умумий сони 60 та этиб белгиланади, шундан қўшимча 19 та штат бирлиги Қишлоқ хўжалигида билим ва инновациялар миллий маркази тизимидаги илмий ташкилотлар штатларининг мақбуллаштирилган қисми ҳисобига ажратилади;
(ж) Республика агрохизматлар маркази ва унинг ҳудудий бўлинмаларига Академияда янги агротехнологияларни, самарадор инновациялар ва илм-фан ютуқларини жорий этиш вазифалари юклатилади;
(з) Академия қишлоқ хўжалигида тупроқ сифати, уни тиклаш ва бошқа муаммоларни биргаликда ҳал қилиш учун муайян инновацион муҳитда маҳсулот етиштирувчи — тадбиркор — тадқиқотчи ҳамкорлигидаги ташаббусларга қаратилган «Living lab» лойиҳаларини амалга оширади;
(и) Академия ва унинг таркибидаги ташкилотларда амалдаги молиялаштириш тартиби, меҳнатга ҳақ тўлаш ҳамда моддий рағбатлантириш шартлари сақлаб қолинади;
(к) Академия Тошкент вилояти Юқори Чирчиқ тумани «А. Яссавий» МФЙ Ш. Рашидов кўчаси 1-уй манзилига оператив бошқариш ҳуқуқи асосида бепул жойлаштирилади.
5. Шундай тартиб ўрнатилсинки, унга кўра:
(а) Академияда қуйидаги унвонлар бериш тартиби жорий қилинади:
(i) ёш академик — илмий соҳада самарали фаолият юритиб келаётган, иқтидорли ва лидерлик қобилиятига эга 40 ёшгача бўлган фан докторлари (DSc) орасидан талабгорларга танлов асосида қишлоқ хўжалиги вазири томонидан берилади;
(ii) Академия профессори — юқори илмий салоҳиятга эга, профессор унвонини олган олимлар ҳамда ёш академиклар орасидан талабгорларга танлов асосида қишлоқ хўжалиги вазири томонидан берилади;
(iii) Академиянинг мухбир аъзоси — муайян даражадаги илмий-амалий ечимга эга ишланмалар яратган, қишлоқ хўжалиги соҳасини ривожлантиришга ҳисса қўшган олимлар (фан докторлари, профессорлар) ҳамда Академия профессорлари орасидан танлов асосида Академия умумий йиғилишида сайланади ҳамда Ўзбекистон Республикаси Президенти томонидан тасдиқланади;
(iv) Академиянинг ҳақиқий аъзоси (академик) — халқаро даражадаги илмий ишлари билан танилган, ўзининг илмий мактабини яратган, қишлоқ хўжалиги соҳасини ривожлантиришга салмоқли ҳисса қўшган олимлар (фан докторлари, профессорлар) ва Академия мухбир аъзоларидан Академия умумий йиғилишида сайланади ҳамда Ўзбекистон Республикаси Президенти томонидан тасдиқланади;
(v) Академиянинг хорижий аъзолари — жаҳон илм-фанида юқори натижаларга эришган, халқаро ҳамкорлик ва қишлоқ хўжалигини ривожлантиришга салмоқли ҳисса қўшган хорижий фуқаролар орасидан Академия умумий йиғилишида сайланади ҳамда (ёки) Ўзбекистон Республикаси Президенти томонидан тасдиқланади;
(б) 2026 йилда сайловни ўтказиш учун Академияга 3 нафар ҳақиқий (академик) ва 5 нафар мухбир аъзолар учун бўш ўрин (квота) ажратилади;
(в) Академия ҳақиқий (академик) ва мухбир аъзолигига қишлоқ хўжалиги соҳасида эришган улкан ютуқлари, яратилган ишланмалари, янги инновацион технологиялари ишлаб чиқаришда кенг миқёсда татбиқ этилган ҳамда юқори иқтисодий ва ижтимоий самара берган, шунингдек, уларни оммалаштириш бўйича хорижий тажрибаларда ўзини оқлаган «спин-офф» каби услубиётлар орқали хизматларни йўлга қўйган номзодлар танлаб олинади;
(г) Академия ҳақиқий (академик) ва мухбир аъзолигига номзодларни танлов асосида саралаш Қишлоқ хўжалиги вазирлиги томонидан Вазирлар Маҳкамаси билан келишган ҳолда кўпи билан икки йилда бир маротаба ўтказилади;
(д) Академияда ҳақиқий аъзолардан ташқари Академиянинг фахрий профессори унвони жорий этилади.
6. Белгилансинки:
(а) Академиянинг қуйидаги аъзоларига гонорар тўланади:
(i) ҳақиқий аъзоларига (академикка) — Фанлар академиясининг ҳақиқий аъзоларига (академикка) тенглаштирилган миқдорда;
(ii) мухбир аъзоларига — меҳнатга ҳақ тўлашнинг энг кам миқдорининг 2,81 баравари миқдорда;
(б) собиқ Ўзбекистон қишлоқ хўжалиги фанлари академиясининг ҳақиқий (академик) ва мухбир аъзолари тегишлилиги бўйича Академиянинг ҳақиқий (академик) ва мухбир аъзолари ҳисобланади;
(в) Академиянинг ҳақиқий (академик) ва мухбир аъзоларига Фанлар академияси ҳақиқий аъзолари учун белгиланган тиббий хизматлар кўрсатиш, саломатлигини санаторий ва курорт-соғломлаштириш муассасаларида мустаҳкамлаш тартиби қўлланади;
(г) Академиянинг ҳақиқий (академик) ва мухбир аъзоларининг гонорар ва соғломлаштириш харажатларини молиялаштириш 2026 йилда Қишлоқ хўжалиги вазирлигига ажратилган республика бюджети маблағлари ҳисобидан амалга оширилади, 2027 йилдан бошлаб эса Давлат бюджети параметрларида назарда тутилади.
III. Илмий-тадқиқот муассасалари моддий-техника базасини мустаҳкамлаш
7. Қишлоқ хўжалигида билим ва инновациялар миллий маркази ҳузуридаги Қишлоқ хўжалигида билим ва инновацияларни қўллаб-қувватлаш жамғармаси Академия ҳузуридаги Қишлоқ хўжалигида илм-фан ва инновацияларни ривожлантиришни қўллаб-қувватлаш жамғармаси этиб (кейинги ўринларда — Жамғарма) қайта номлансин.
8. Жамғарманинг қўшимча молиялаштириш манбалари этиб қуйидагилар белгилансин:
(а) Қишлоқ хўжалиги вазирлигининг асосланган ҳисоб-китобларига асосан республика бюджетидан ҳар йили ажратиладиган 50 миллиард сўмгача маблағлар;
(б) Қишлоқ хўжалиги вазирлигининг бюджетдан ташқари маблағлари ҳисобидан илмий лойиҳаларни молиялаштириш учун ажратиладиган маблағлари.
9. Қишлоқ хўжалигида илм-фан ва инновацияларни ривожлантиришни қўллаб-қувватлаш жамғармаси маблағлари йўналтириладиган асосий харажатлар йўналишлари 5-иловага мувофиқ тасдиқлансин.
10. Қуйидагилар:
(а) Ўзбекистон Республикаси Президентининг 2023 йил 7 июлдаги ПҚ-216-сон қарорига мувофиқ Қишлоқ хўжалиги фундаментал тадқиқотлар маркази (Centre оf Excellence) (кейинги ўринларда — Марказ) ташкил этилгани маълумот учун қабул қилинсин;
(б) белгилансинки, Марказ:
(i) Тошкент вилояти Юқори Чирчиқ тумани Суранкент мавзеси «Аҳмад Яссавий» МФЙ ҳудудидаги Қишлоқ хўжалигида билим ва инновациялар миллий марказига қарашли 9,2 гектар ер майдонида барпо этиладиган бино ва иншоотларда жойлаштирилади;
(ii) ўз биноси қурилгунга қадар вақтинчалик Академия биносида жойлаштирилади.
11. Қишлоқ хўжалигида фундаментал тадқиқотлар маркази (Centre оf Excellence) биносининг қурилиши ишларини жадаллаштириш ва ўз вақтида якунлаш бўйича ишчи гуруҳ ташкил этилсин ва унинг таркиби 6-иловага мувофиқ тасдиқлансин.
12. Қуйидагилар Марказнинг асосий вазифалари этиб белгилансин:
(а) қишлоқ хўжалиги соҳасидаги муаммоларга илмий ечим топишда асосий қонуниятлар ҳақидаги янги билимларни олишга, улар ўртасидаги ўзаро боғлиқликларни ўрганишга қаратилган назарий ва тажриба-синов ўтказишга қаратилган фундаментал тадқиқотларни амалга ошириш;
(б) қишлоқ хўжалигида глобал иқлим ўзгаришининг салбий таъсири ва шўрланиш каби муаммоларнинг фундаментал асосларини тадқиқ этиш;
(в) жаҳон илм-фани ютуқлари ва илғор технологияларни қўллаш орқали қишлоқ хўжалиги экинларининг юқори ҳосилдор, иссиққа ва қурғоқчиликка чидамли, генетик жиҳатдан яхшиланган нав ва дурагайларини яратиш;
(г) «илмга асосланган, амалиётга йўналтирилган (science-based, practice-oriented) таълим» тамойили асосида илмий тадқиқотлар ўтказиш ва юқори малакали илмий кадрлар тайёрлаш тизимини йўлга қўйиш.
13. Қишлоқ хўжалиги вазирлиги ва Академия қишлоқ хўжалиги соҳасида илғор тажрибага эга халқаро тан олинган экспертларни жалб қилган ҳолда 2026 йил 1 июнга қадар ўз тизимидаги илмий муассасалар илмий ходимлари фаолиятининг энг муҳим самарадорлик кўрсаткичларини (KPI) ва илмий муассасалар фаолият самарадорлигини баҳолаш тизимини жорий этсин. Бунда:
(а) ҳар уч йилда бир марта ташқи мустақил илмий аудит ташкилотини жалб қилган ҳолда илмий-тадқиқот муассасаларида илм-фан аудитини ташкил этсин;
(б) илм-фан аудити натижалари асосида илмий-тадқиқот муассасаларининг илмий-инновацион фаолияти натижалари рейтингини эълон қилиб борсин.
IV. Фармон ижросини ташкил этиш, таъминлаш ва назорат
14. Ўзбекистон Республикаси Президентининг айрим ҳужжатларига 7-иловага мувофиқ ўзгартиришлар киритилсин.
15. Қишлоқ хўжалиги вазирлиги Адлия вазирлиги билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Ушбу Фармоннинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Ходжаев ҳамда қишлоқ хўжалиги вазири И.Ю. Абдураҳмонов белгилансин.
17. Фармон ижроси учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 13 мартдаги ПФ-40-сон Фармонига 1-ИЛОВА
Ўзбекистон қишлоқ хўжалиги фанлари академияси ташкилий тузилмасига вазирлик ва идоралар тизимидан ўтказиладиган илмий ташкилотлар
Т/р Илмий ташкилот номи Юридик манзили Юқори турувчи ташкилот номи 1. Тупроқшунослик ва агрокимё илмий-тадқиқот институти Тошкент шаҳар, Олмазор тумани, Қамарнисо кўчаси, 3-уй Қишлоқ хўжалиги вазирлиги 2. Чорвачилик ва паррандачилик илмий-тадқиқот институти Тошкент вилояти, Қибрай тумани, «Шалола» МФЙ, ЎзЧИТИ кўчаси, 22-уй Ветеринария ва чорвачиликни ривожлантириш қўмитаси 3. Балиқчилик илмий-тадқиқот институти Тошкент вилояти, Янгийўл тумани, Гулбаҳор қўрғони, «Қўшёғоч» МФЙ, 2-уй Ветеринария ва чорвачиликни ривожлантириш қўмитаси 4. Қоракўлчилик ва чўл экологияси илмий-тадқиқот институти Самарқанд вилояти, Самарқанд шаҳри, Мирзо Улуғбек кўчаси, 47-уй Ветеринария ва чорвачиликни ривожлантириш қўмитаси 5. Бухоро чўл-яйлов озуқабоп ўсимликлар уруғчилиги илмий-ишлаб чиқариш маркази Бухоро вилояти, Бухоро шаҳри, Ибн Сино кўчаси, 97-уй Ветеринария ва чорвачиликни ривожлантириш қўмитаси
Ўзбекистон Республикаси Президентининг 2026 йил 13 мартдаги ПФ-40-сон Фармонига 2-ИЛОВА
Ўзбекистон қишлоқ хўжалиги фанлари академиясининг
1. Қишлоқ хўжалигида фундаментал, амалий тадқиқотлар ва инновацион фаолиятнинг устувор йўналишларини ишлаб чиқиш ҳамда амалга ошириш.
2. Қишлоқ хўжалиги илм-фан соҳасини яқин ва узоқ муддатли ривожлантириш стратегия (дастур)ларини ишлаб чиқиш ҳамда соҳадаги яқин ва узоқ муддатли прогнозларни ишлаб чиқишда илмий тавсиялар бериш.
3. Замонавий селекция усулларини қўллаш орқали қишлоқ хўжалиги экинларининг юқори ҳосилдор, иссиққа ва қурғоқчиликка чидамли, генетик жиҳатдан яхшиланган нав, дурагайларини яратиш ҳамда уларни етиштиришнинг интенсив технологияларини ишлаб чиқиш.
4. Қишлоқ хўжалиги соҳасида амалга оширилиши назарда тутиладиган йирик ишлаб чиқариш (шу жумладан, тажриба тариқасидаги) лойиҳаларини кўриб чиқиш ва илмий хулосалар ва/ёки тавсиялар ишлаб чиқиш.
5. Қишлоқ хўжалиги соҳасида юқори унумли ва ресурстежамкор техника ва технологияларни яратиш ва амалиётга кенг жорий қилиш ҳамда соҳада бошқарув жараёнларини тўлиқ рақамлаштириш.
6. Ер ресурсларидан самарали фойдаланиш ва иқлим ўзгаришининг салбий таъсирини юмшатишга қаратилган «ақлли қишлоқ хўжалиги» илм-фанини ривожлантириш ва интеллектуал салоҳиятни оширишнинг янги замонавий механизмларини татбиқ этиш.
7. Иқлим ўзгаришини баҳолаш, унинг қишлоқ хўжалиги ва озиқ-овқат хавфсизлигига салбий оқибатларини юмшатиш бўйича таъсирчан илмий-амалий ёндошувларини ишлаб чиқиш.
8. Озиқ-овқат хавфсизлигини таъминлашда органик ва экологик тоза маҳсулот етиштиришнинг фундаментал асосларини ишлаб чиқиш.
9. Қишлоқ хўжалиги соҳасидаги стандартларни ишлаб чиқишда тегишли илмий муассасалар билан биргаликда илмий таклиф ва тавсиялар ишлаб чиқиш.
10. Чорва ҳайвонлари, парранда, балиқ ва асаларининг янги зотларини яратиш ҳамда уларнинг маҳсулдорлигини ошириш.
11. Ўсимликлар ўсишини бошқаришда биологик ва экологик хавфсиз замонавий қарши курашиш усулларини ишлаб чиқиш.
12. «Ёш олимдан — академикликкача» тамойили асосида юқори малакали илмий ва илмий-педагог кадрларни тайёрлаш, уларнинг малакасини ошириш ва қайта тайёрлашни ташкил этиш.
13. Қишлоқ хўжалиги маҳсулотлари етиштирувчиларга илмий асосланган ахборот-маслаҳат ва замонавий хизматлар кўрсатиш, ишлаб чиқаришга илм-фан ютуқларини кенг жорий қилиш.
14. Хорижий илмий марказларнинг илм-фан ютуқларини ўрганиш ва таҳлил қилиш, қўшма лойиҳаларни амалга ошириш, улардан қишлоқ хўжалиги соҳасида фойдаланиш борасида тавсиялар ишлаб чиқиш.
Ўзбекистон Республикаси Президентининг 2026 йил 13 мартдаги ПФ-40-сон Фармонига 3-ИЛОВА
Ўзбекистон қишлоқ хўжалиги фанлари академиясининг
Умумий йиғилиш Директорлар кенгаши Бошқарув аппарати Ҳайъат Пахта селекцияси, уруғчилиги ва етиштириш агротехнологиялари илмий-тадқиқот институти Ингичка толали пахтачилик илмий-тадқиқот институти Балиқчилик илмий-тадқиқот институти Тошкент давлат аграр университети * Республика, Қорақалпоғистон Республикаси, вилоятлар ва туманлар агрохизматлар марказлари Толали экинлар илмий-тадқиқот институти Қоракўлчилик ва чўл экологияси илмий-тадқиқот институти Халқаро қишлоқ хўжалиги университети * Дала экинлари уруғчилиги миллий тадқиқот мажмуаси дирекцияси Дон ва дуккакли экинлар илмий-тадқиқот институти Жанубий деҳқончилик илмий-тадқиқот институти Озиқ-овқат технологияси ва муҳандислиги халқаро институти * Бухоро чўл-яйлов озуқабоп ўсимликлар уруғчилиги илмий-ишлаб чиқариш маркази Республика қишлоқ хўжалиги илмий кутубхонаси Сабзавот, полиз экинлари ва картошкачилик илмий-тадқиқот институти Лалмикор деҳқончилик илмий-тадқиқот институти Қорақалпоғистон қишлоқ хўжалиги ва агротехнологиялар институти * Ўзбекистонда мева-сабзавотчиликда илғор технологиялар ўқув маркази, Ўзбекистонда «ақлли қишлоқ хўжалиги» саноат технологиялари инновацион маркази, Қишлоқ хўжалиги маҳсулотлари ва уларнинг кўчатларини етиштириш маркази * Чорвачилик ва паррандачилик илмий-тадқиқот институти Академик М. Мирзаев номидаги боғдорчилик, узумчилик ва виночилик илмий-тадқиқот институти Қишлоқ хўжалигини механизациялаш илмий-тадқиқот институти Андижон қишлоқ хўжалиги ва агротехнологиялар институти * Тупроқшунослик ва агрокимё илмий-тадқиқот институти Ўсимликлар генетик ресурслари илмий-тадқиқот институти Самарқанд агроинновациялар ва тадқиқотлар институти * Дон ва шоли илмий-ишлаб чиқариш бирлашмаси Қишлоқ хўжалигида юқори технологиялар агротехнопарки махсус саноат зонаси дирекцияси Самарқанд давлат ветеринария медицинаси, чорвачилик ва биотехнология университети (филиаллари) * Шоличилик илмий-тадқиқот институти Қишлоқ хўжалиги соҳаси кадрларининг малакасини ошириш ва қайта тайёрлаш институти Қорақалпоғистон деҳқончилик илмий-тадқиқот институти Қишлоқ хўжалиги фундаментал тадқиқотлар маркази Элита уруғчилик хўжаликлари
Ўзбекистон Республикаси Президентининг 2026 йил 13 мартдаги ПФ-40-сон Фармонига 4-ИЛОВА
Ўзбекистон қишлоқ хўжалиги фанлари академияси фаолиятини самарали ташкил этиш бўйича
Т/р Чора-тадбирлар номи Амалга ошириш механизми Амалга ошириш муддатлари Молиялаштириш манбаи Масъул ижрочилар 1. Ўзбекистон қишлоқ хўжалиги фанлари академияси (кейинги ўринларда — Академия) фаолиятини ташкил этиш. 1. Қуйидагиларни тасдиқлашни назарда тутувчи Ҳукумат қарори лойиҳасини ишлаб чиқиш: Академиянинг устави; Академиянинг ҳақиқий (академик) ва мухбир аъзолигига танлов асосида саралаш ва тасдиқлаш тартиби тўғрисидаги низом. 2026 йил май - Қишлоқ хўжалиги вазирлиги, Фанлар академияси 2. Ҳукумат қарори лойиҳасини манфаатдор вазирлик ва идоралар билан келишиш. 2026 йил июнь 3. Ҳукумат қарори лойиҳасини тасдиқлаш учун Вазирлар Маҳкамасига киритиш. 2026 йил июль 2. Академия таркибидаги илмий ташкилотларнинг фаолият йўналишларини қайтадан кўриб чиқиш ва такомиллаштириш. 1. Хорижий экспертларни жалб қилган ҳолда Академия таркибидаги илмий ташкилотларнинг фаолият йўналишларини ўрганиш ва таҳлил қилиш. 2026 йил май Қишлоқ хўжалигида илм-фан ва инновацияларни ривожлантиришни қўллаб-қувватлаш жамғармаси (кейинги ўринларда — Жамғарма) маблағлари Қишлоқ хўжалиги вазирлиги, Инновацион ривожланиш агентлиги, Иқтисодиёт ва молия вазирлиги 2. Ўрганиш натижалари асосида илмий ташкилотлар фаолиятини баҳолаш, уларнинг вазифа ва функциялари ҳамда илмий йўналиш ва лойиҳаларини такрорланиши нуқтаи назаридан тўлиқ қайта кўриб чиқиш. 2026 йил июнь 3. Ишлаб чиқаришнинг реал эҳтиёжи ва халқаро тажрибадан келиб чиққан ҳолда илмий ташкилотларнинг фаолият йўналишларига ўзгартиришлар киритиш. 2026 йил июль 3. Илмий-тадқиқот институтларининг моддий-техника базасини мустаҳкамлаш ва янги замонавий илмий лабораториялар ташкил этиш. 1. Мавжуд лабораторияларни ҳамда тажриба-синов инфратузилмасини хатловдан ўтказиш ҳамда зарур янги замонавий асбоб-ускуна ва жиҳозлар рўйхатини шакллантириш. 2026 йил август Жамғарма маблағлари, халқаро грант маблағлари Қишлоқ хўжалиги вазирлиги, Академия 2. Қишлоқ хўжалиги экинларининг янги нав ва дурагайларини яратишда селекция жараёнларини жадаллаштиришнинг замонавий усулларидан фойдаланишни жорий этиш. Доимий 3. «In-vitro» лабораторияси ҳамда фитотрон иссиқхоналарини ташкил этиш. 2026 йил декабрь 4. Қишлоқ хўжалиги соҳасида хориждаги етакчи олимларни Академия таркибидаги илмий ташкилотларга ҳамкорлик учун жалб қилиш. 1. И лмий ташкилотларнинг фаолият йўналишларидан келиб чиққан ҳолда етакчи хорижий турдош илмий муассасалар билан узвий ҳамкорликнинг устувор йўналишларини белгилаш. 2026 йил октябрь Жамғарма маблағлари, халқаро молия институтлари грант маблағлари Қишлоқ хўжалиги вазирлиги, Ташқи ишлар вазирлиги 2. Белгиланган устувор йўналишларга мувофиқ илмий ташкилотларнинг хорижий илмий муассасалар билан ҳамкорлик муносабатларини ўрнатиш ва кенгайтириш. Доимий 3. Академия илмий ташкилотларига маслаҳатчи ва етакчи олимлар сифатида юқори малакали хорижий мутахассисларни жалб этиш. 2026 йил декабрь 5. Академиянинг ҳақиқий (академик) ва мухбир аъзолари томонидан шакллантирилган илмий жамоалар томонидан эришилган салмоқли натижаларни амалиётга кенг жорий этиш. 1. Академиянинг ҳақиқий (академик) ва мухбир аъзолари ва уларнинг илмий жамоалари томонидан яратилган янги ишланмаларни амалиётга кенг жорий этиш. 2. Ҳақиқий (академик) ва мухбир аъзолар билан ишлаб чиқариш корхоналарининг узвий ҳамкорлигини йўлга қўйиш. 3. Хорижий тажрибаларда ўзини оқлаган «спин-офф» ва «соил-доктор» каби корхоналар орқали консальтинг хизматларини кўрсатиш. 2027 йилдан доимий - Қишлоқ хўжалиги вазирлиги, Фанлар академияси, Академия 6. Академияда илмий йўналишлар бўйича «академик мактаблари»ни яратиш. 1. Соҳа учун салоҳиятли кадрларни тайёрлашда тегишли олий таълим ташкилотларида ўқиш давридан бошлаб иқтидорли талабаларни «устоз-шогирд» тизими асосида илмий тадқиқотлар олиб бориш жараёнига бевосита жалб қилиш. Доимий - Қишлоқ хўжалиги вазирлиги, Академия, Олий таълим, фан ва инновациялар вазирлиги, Фанлар академияси 2. Академия таркибида «ёш олим — профессор — мухбир аъзо — академик» тизими асосида келажак академикларини тайёрлаш илмий мактабини шакллантириш. Доимий 3. Академия тизимидаги илмий ташкилотларда илғор хорижий тажрибалар асосида «ўзига ўзи кадр тайёрлаш» амалиётини жорий қилиш. Доимий 7. Академия тизимидаги илмий муассасаларнинг ер участкаларидан мақсадли фойдаланиш ҳолатини ўрганиш. 1. Илмий муассасаларнинг ер участкаларини хатловдан ўтказиш. 2026 йил май - Қишлоқ хўжалиги вазирлиги, Академия, Кадастр агентлиги, вилоят ҳокимликлари 2. Хатлов натижалари бўйича ер участкаларидан мақсадли фойдаланиш ҳолатини ўрганиш. 2026 йил июнь 3. Ўрганиш натижалари бўйича ер участкаларидан мақсадли фойдаланилиши бўйича Вазирлар Маҳкамасига таклифлар киритиш. 2026 йил июль 8. Қишлоқ хўжалиги соҳасида глобал иқлим ўзгаришининг салбий таъсирини юмшатишга қаратилган истиқболли илмий дастурларни ишлаб чиқиш ва тасдиқлаш. 1. Глобал иқлим ўзгаришининг қишлоқ хўжалигига салбий таъсирини юмшатишга қаратилган илмий-тадқиқотлар мавзуларини шакллантириш. 2026 йил сентябрь Маблағ талаб этилмайди Қишлоқ хўжалиги вазирлиги, Академия, Олий таълим, фан ва инновациялар вазирлиги, манфаатдор вазирлик ва идоралар 2. Иқлим ўзгаришининг салбий таъсирига мос истиқболли дастурларни ишлаб чиқиш ва тасдиқлаш. 2026 йил октябрь 9. Қишлоқ хўжалиги экинларининг маҳаллий навлари селекциясини янада ривожлантириш чораларини белгилаб олиш ва амалга ошириш. 1. Илмий-тадқиқот институтлари томонидан қишлоқ хўжалиги экинлари (сабзавот) селекцияси бўйича йўналишларни белгилаб олиш ва 5 йиллик муддатда яратиладиган нав, дурагайлар режаларини ишлаб чиқиш. 2026 йил июль Жамғарма маблағлари Қишлоқ хўжалиги вазирлиги, Академия, манфаатдор вазирлик ва идоралар 2. Илмий-тадқиқот институтлари томонидан белгиланган режага мувофиқ қишлоқ хўжалиги экинлари (сабзавотлар) нинг янги нав ва дурагайлари селекцияси бўйича тадқиқотлар олиб борилишини ташкил қилиш. 2026 — 2030 йиллар давомида 10. Қишлоқ хўжалиги экинларининг селекцияси билан шуғулланувчи ёш мутахассисларнинг малакасини ошириш. 1. Қишлоқ хўжалиги экинларининг селекцияси билан шуғулланувчи ва хорижий тилларни биладиган мутахассислар рўйхатини шакллантириш. 2026 йил май Халқаро молия институтлари маблағлари Қишлоқ хўжалиги вазирлиги, манфаатдор вазирлик ва идоралар 2. Қишлоқ хўжалиги экинларининг (сабзавот, полиз) Ғ1 дурагайлар селекция ва уруғчилиги ривожланган давлатлар билан малака ошириш бўйича ҳамкорликни йўлга қўйиш. 2026 йил июнь-июль 3. Ёш иқтидорли мутахассисларни малака ошириш учун қисқа муддатли стажировкага юбориш. 2026 — 2030 йиллар давомида 11. Асосий қишлоқ хўжалиги экинлари (мева-сабзавот, полиз экинлари, картошка ва узум) селекциясини жадаллаштириш мақсадида лабораторияларни маркер селекцияси учун зарур асбоб-ускуналар билан жиҳозлаш. 1. Илмий-тадқиқот институтларида лабораторияларга маркер селекцияси учун зарурий асбоб-ускуналарни сотиб олиш мақсадида талаб этиладиган маблағлар манбасини аниқлаш. 2026 йил сентябрь Халқаро молия институтлари маблағлари Қишлоқ хўжалиги вазирлиги, Академия, манфаатдор вазирлик ва идоралар 2. Мева-сабзавот, полиз экинлари, картошка ва узум маркер селекцияси учун зарур асбоб-ускуналарни сотиб олиш мақсадида тендер танловларини ўтказиш. 2026 йил октябрь-ноябрь 3. Мева-сабзавот, полиз экинлари, картошка ва узум маркер селекцияси учун асбоб-ускуналарни сотиб олиш. 2027 йил I чорак 12. Қишлоқ хўжалигини ривожлантириш, озиқ-овқат хавфсизлигини таъминлаш ва инновацион ресурстежамкор агротехнологияларни ишлаб чиқиш ва жорий этиш. 1. Соҳадаги долзарб йўналишлар маълумотлар базасини яратиш. 2026 йил апрель Халқаро молия институтлари ва Жамғарма маблағлари Қишлоқ хўжалиги вазирлиги, Академия, манфаатдор вазирлик ва идоралар 2. Устувор драйвер йўналишларни белгилаш ва уларнинг илмий ечими бўйича лойиҳалар мавзуларини шакллантириш. 2026 йил май 3. Қишлоқ хўжалиги экинларининг хусусиятларидан (экин тури, экиш муддати, ўсиш даври) келиб чиқиб инновацион ресурстежамкор агротехнологияларни ишлаб чиқиш бўйича илмий лойиҳаларни амалга ошириш. Доимий 13. Қишлоқ хўжалиги экинлари генетик ресурслари Миллий генбанкига ноёб илмий объект мақомини бериш. 1. Миллий генбанк фаолияти ва унинг моддий-техника базаси, сақланаётган генетик ресурслар таркиби ва аҳамияти бўйича тўлиқ таҳлилий маълумотлар тайёрлаш. 2026 йил май - Қишлоқ хўжалиги вазирлиги, Инновацион ривожланиш агентлиги, Академия 2. Мутасаддиларни жалб қилган ҳолда генбанкнинг озиқ-овқат хавфсизлиги, селекция, биотехнология ва илмий тадқиқотлардаги аҳамиятини асословчи илмий хулоса ишлаб чиқиш. 2026 йил июнь 3. Қишлоқ хўжалиги экинлари генетик ресурслари Миллий генбанкини ноёб илмий объект сифатида эътироф этиш бўйича норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. 2026 йил сентябрь 14. Қишлоқ хўжалиги йўналишидаги олий таълим муассасаларида А кадемиянинг илмий ташкилотлари олимлари билан тармоқ йўналишлари бўйича маҳорат дарслари, семинарлар, тренинглар, вебинарлар ва онлайн маслаҳатлашувлар ташкил қилиш. 1. Маҳорат дарслари, семинар-тренинг, тематик вебинар, онлайн маслаҳатлашувлар ўтказиш бўйича бир йилга мўлжалланган олий таълим муассасалари кесимида режа-жадвални ишлаб чиқиш. Доимий - Қишлоқ хўжалиги вазирлиги, Академия, Олий таълим, фан ва инновациялар вазирлиги 2. Тингловчи ва иштирокчиларни жалб қилиш учун режа-жадвални интернет тармоғига жойлаштириш. Ҳар йили январь ойида 3. Ўтказилган тадбирлар бўйича умумлаштирилган маълумотларни таълим жараёнига татбиқ қилиш. Доимий 15. Соҳа олимларининг илмий ютуқлари ва яратилган ишланмаларини мунтазам равишда кенг ёритиб бориш. 1. Академия ва илмий ташкилотлар томонидан эришилган ютуқлар ва яратилган янги ишланмалар тўғрисидаги ахборотларни тарқатиш бўйича масъул гуруҳ ташкил этиш. 2026 йил апрель Жамғарма маблағлари Қишлоқ хўжалиги вазирлиги, Академия, Ўзбекистон Миллий телерадиокомпанияси, Ўзбекистон Миллий ахборот агентлиги 2. Тармоқ йўналишларидан келиб чиқиб, даврий нашр этиладиган электрон журналлар ташкил этиш. 2026 август 3. ОАВ вакиллари билан доимий матбуот анжуманлари, очиқ эшиклар кунини ташкил этиш. Доимий 16. Қишлоқ хўжалигида фундаментал тадқиқотлар маркази (Centre оf Excellence) фаолиятини ташкил этиш . 1. Вазирлар Маҳкамаси қарори лойиҳасини ишлаб чиқиш бўйича ишчи гуруҳ тузиш. 2026 йил апрель - Қишлоқ хўжалиги вазирлиги, Академия, Иқтисодиёт ва молия вазирлиги 2. Қарор лойиҳасини ишлаб чиқиш, вазирлик ва идоралар билан келишиш. 2026 йил 1 июнь 3. Лойиҳани белгиланган тартибда Вазирлар Маҳкамасига киритиш. 2026 йил июль 17. Академия ҳузуридаги Ёш олимлар кенгаши фаолиятини ташкил этиш ва уларни қўллаб-қувватлаш. 1. Ёш олимлар кенгашининг мақсад ва вазифалари, тузилмаси ва самарали фаолият юритиши бўйича иш дастурларини шакллантириш. 2026 йил май Жамғарма маблағлари Қишлоқ хўжалиги вазирлиги, Фанлар академияси, Олий таълим, фан ва инновациялар вазирлиги, Ёшлар ишлари агентлиги 2. Академиклар ва етакчи олимлар билан ёш олимлар мулоқотини кучайтириш, улар учун форумлар, ижтимоий тармоқларда махсус гуруҳлар ташкил қилиш. Режа асосида 3. Кенгаш фаолияти бўйича ёш олимлар орасида ижтимоий сўровлар ўтказиш. Режа асосида 4. Кенгаш ҳисоботини Академия Президиумида эшитиб бориш. Ҳар йили январь ойида
Ўзбекистон Республикаси Президентининг 2026 йил 13 мартдаги ПФ-40-сон Фармонига 5-ИЛОВА
Қишлоқ хўжалигида илм-фан ва инновацияларни ривожлантиришни қўллаб-қувватлаш жамғармаси маблағлари йўналтириладиган харажатлар
1. Академия ва унинг тизимидаги илмий-тадқиқот муассасаларининг моддий-техника базасини мустаҳкамлаш харажатларини молиялаштириш.
2. Илмий асбоб-ускуналар, реагент, реактив, хомашё, сарфлов материаллар ва бутловчи қисмлар харид қилиш.
3. Долзарб илмий-тадқиқот натижаларига оид монография ва китоблар чоп этиш.
4. Олимларнинг малакасини ошириш учун курслар, семинарлар ва тренинглар ташкил этиш ҳамда уларнинг иштирокини таъминлаш.
5. Академия ходимларини моддий рағбатлантириш, уларни хорижий хизмат сафарларига юбориш харажатларини қоплаш.
6. «Scopus», «Web of science» ва бошқа маълумотлар базаларига обуна бўлиш харажатларини қоплаш.
7. Янги агротехнологияларни, самарадор инновациялар ва илм-фан ютуқларини амалиётга татбиқ этиш бўйича семинар-тренинглар ўтказиш харажатларини қоплаш.
Ўзбекистон Республикаси Президентининг 2026 йил 13 мартдаги ПФ-40-сон Фармонига 6-ИЛОВА
Қишлоқ хўжалигида фундаментал тадқиқотлар маркази (Centre оf Excellence) биносининг қурилиши ишларини жадаллаштириш ва ўз вақтида якунлаш бўйича ишчи гуруҳ
1. Ш.Ж. Тўхтабоев — Бош прокурор ўринбосари, Ишчи гуруҳ раҳбари 2. А.Н. Шукуров — қишлоқ хўжалиги вазири ўринбосари, Ишчи гуруҳ раҳбарининг ўринбосари 3. Т.Ю. Рапиков — Вазирлар Маҳкамасининг Инвестициялар, экспорт, савдо, қишлоқ ва сув хўжалиги масалалари котибиятининг мудири 4. А.Я. Хайдаров — иқтисодиёт ва молия вазири ўринбосари 5. Д.К. Адилов — қурилиш ва уй-жой коммунал хўжалиги вазири ўринбосари 6. М.А. Мадраҳимов — ташқи ишлар вазири ўринбосари 7. У.М. Мамадаминов — энергетика вазири ўринбосари 8. Ш.У. Турдикулова — Фанлар академияси вице-президенти 9. Ж.С. Казбеков — Экология ва иқлим ўзгариши миллий қўмитаси раиси ўринбосари 10. Лавозими бўйича — Ўзбекистон қишлоқ хўжалиги фанлари академияси раиси 11. Э.А. Кахоров — «Агробанк» АТБ бошқаруви раиси 12. У.Б. Атемов — Юқори Чирчиқ тумани ҳокими 13. Т.У. Атакулов — Қишлоқ хўжалиги вазирлиги бошқарма бошлиғи, Ишчи гуруҳ котиби
Ўзбекистон Республикаси Президентининг 2026 йил 13 мартдаги ПФ-40-сон Фармонига 7-ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2021 йил 3 февралдаги «Қишлоқ хўжалигида билим ва инновациялар тизими ҳамда замонавий хизматлар кўрсатишни янада ривожлантириш тўғрисида»ги ПФ-6159-сон Фармонида :
(а) 2-банд ўз кучини йўқотган деб ҳисоблансин;
(б) 4-банд қуйидаги таҳрирда баён этилсин:
«4. Белгилансинки:
Қишлоқ хўжалиги вазирлиги ҳузуридаги Ўзбекистон қишлоқ хўжалиги фанлари академияси (кейинги ўринларда — Академия) Мувофиқлаштирувчи кенгашнинг ишчи органи ҳисобланади;
Академия ўз тизимидаги илмий-тадқиқот муассасаси фаолиятига бевосита раҳбарлик қилади, чорвачилик йўналишлари, ўрмон ва сув хўжалиги, ипакчилик соҳаларидаги илмий-тадқиқот муассасалари билан ҳамкорликда иш олиб боради, қишлоқ хўжалиги соҳасидаги олий ва профессионал таълим муассасаларининг илмий ва инновацион фаолиятини мувофиқлаштиради»;
(в) 5-бандда:
(i) «б» кичик банддаги «Инновацион ривожланиш вазирлигига» сўзлари «Олий таълим, фан ва инновациялар вазирлиги ҳузуридаги Инновацион ривожланиш агентлигига» сўзлари билан алмаштирилсин;
(ii) «в» кичик бандда:
биринчи хатбоши қуйидаги таҳрирда баён этилсин:
«в) беш йиллик дастурда назарда тутилган, шунингдек, қишлоқ хўжалиги субъектлари томонидан таклиф этилган ва бюджетдан молиялаштирилмаган ёки тўлиқ молиялаштирилмаган лойиҳалар ҳамда бошқа вазифалар Академия ҳузуридаги Қишлоқ хўжалигида илм-фан ва инновацияларни ривожлантиришни қўллаб-қувватлаш жамғармаси (кейинги ўринларда — Жамғарма) томонидан амалга оширилади»;
учинчи хатбошидаги «Миллий марказ» сўзлари «Академия» сўзи билан алмаштирилсин;
(г) 8-банднинг иккинчи хатбошисидаги «Миллий марказ» сўзлари «Академия» сўзи билан алмаштирилсин;
(д) 10-банднинг биринчи , иккинчи ва тўртинчи хатбошиларидаги тегишли келишикдаги «Миллий марказ» сўзлари тегишли келишикдаги «Академия» сўзи билан алмаштирилсин;
(ж) 11-банднинг биринчи хатбошисидаги «Миллий марказ» сўзлари «Академия» сўзи билан алмаштирилсин;
(и) 4-илованинг 1-банди қуйидаги таҳрирда баён этилсин:
«1. Ўзбекистон қишлоқ хўжалиги фанлари академияси».
2. Ўзбекистон Республикаси Президентининг 2023 йил 10 июндаги «Маъмурий ислоҳотлар доирасида қишлоқ хўжалиги ва озиқ-овқат соҳасида давлат бошқарувини самарали ташкил қилиш чора-тадбирлари тўғрисида»ги ПФ-90-сон Фармонида :
(а) 1-бандда:
(i) бешинчи хатбоши чиқариб ташлансин;
(ii) олтинчи — тўққизинчи хатбошилар тегишинча бешинчи — саккизинчи хатбошилар деб ҳисоблансин;
(б) 2-иловада:
(i) «Ипакчилик ва жун саноатини ривожлантириш қўмитаси» ҳамда «Тупроқшунослик ва агрокимёвий тадқиқотлар институти» блоклари чиқариб ташлансин;
(ii) «Қишлоқ хўжалигида билим ва инновациялар миллий маркази» блоки қуйидаги таҳрирда баён этилсин:
«Ўзбекистон қишлоқ хўжалиги фанлари академияси»;
(в) 4-илова ўз кучини йўқотган деб ҳисоблансин;
(г) 8-илованинг 6-позицияси «Чора-тадбирлар номи» устуни биринчи хатбошисидаги «Академик М. Мирзаев номидаги боғдорчилик, узумчилик ва виночилик илмий-тадқиқот институти ҳудудида» сўзлари «Тошкент вилояти Юқори Чирчиқ тумани «А. Яссавий» МФЙ ҳудудида жойлашган Дала экинлари уруғчилиги миллий тадқиқот мажмуаси дирекцияси ҳудудида» сўзлари билан алмаштирилсин.
3. Ўзбекистон Республикаси Президентининг 2021 йил 3 февралдаги «Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази фаолиятини ташкил этиш тўғрисида»ги ПҚ-4975-сон қарорида :
(а) 2-бандда:
(i) иккинчи хатбоши чиқариб ташлансин;
(ii) учинчи — бешинчи хатбошилар тегишинча иккинчи — тўртинчи хатбошилар деб ҳисоблансин;
(iii) иккинчи хатбошидаги «Қишлоқ хўжалигида билим ва инновациялар миллий марказининг» сўзлари «Ўзбекистон қишлоқ хўжалиги фанлари академиясининг (кейинги ўринларда — Академия)» сўзлари билан алмаштирилсин;
(iv) учинчи хатбошидаги «Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг» сўзлари «Академиянинг» сўзи билан алмаштирилсин;
(v) тўртинчи хатбошидаги «Миллий марказ» сўзлари «Академия» сўзи билан алмаштирилсин;
(б) 4-бандда:
(i) «а» ва «б» кичик бандлар чиқариб ташлансин;
(ii) «в» , «д» ва «ж» кичик бандлардаги «Миллий марказ» сўзлари «Академия» сўзи билан алмаштирилсин;
(в) 7-банднинг биринчи хатбошисидаги «Миллий марказ» сўзлари «Академия» сўзи билан алмаштирилсин;
(г) 13-банд ўз кучини йўқотган деб ҳисоблансин;
(д) 1-илова ўз кучини йўқотган деб ҳисоблансин;
(ж) 3 ва 4-иловаларнинг номланишидаги «Қишлоқ хўжалигида билим ва инновациялар миллий марказининг» сўзлари «Ўзбекистон қишлоқ хўжалиги фанлари академиясининг» сўзлари билан алмаштирилсин.
5. Ўзбекистон Республикаси Президентининг 2025 йил 8 сентябрдаги «Республикада картошка етиштиришни кўпайтириш ва уруғчилигини янада ривожлантиришга доир қўшимча чора-тадбирлар тўғрисида»ги ПҚ-269-сон қарорининг 2-банди «а» кичик бандидаги «1 декабрга қадар кейинги» сўзлари «1 февралга қадар жорий» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 13 март,
ПФ- 40 -сон
OʻZBEKISTON RESPUBLIKASI PREZIDENTINING
FARMONI
ROʻYXATI
ASOSIY FAOLIYAT YOʻNALISHLARI
TASHKILIY TUZILMASI
CHORA-TADBIRLAR DASTURI
YOʻNALISHLARI
tarkibi
Qishloq xoʻjaligi vazirligi huzurida Oʻzbekiston qishloq xoʻjaligi fanlari akademiyasini tashkil etish chora-tadbirlari toʻgʻrisida
[Koʻchirma]
Mamlakatimizda soʻnggi yillarda kuzatilayotgan iqlim oʻzgarishi oqibatlarini yumshatish, ekologik muammolarni bartaraf etish, oʻsib borayotgan aholining oziq-ovqatga va sanoatning xomashyoga boʻlgan talabini qondirish, iqtisodiyotni barqaror rivojlantirish va eksport salohiyatini oshirishda qishloq xoʻjaligi sohasi ilm-fani oʻrnini yuksaltirish hamda innovatsion faoliyatni boshqarish va tartibga solishning yagona tizimini yaratish maqsadida qaror qilaman:
I. Asosiy maqsadlar va ustuvor yoʻnalishlar
1. Quyidagilar respublikada qishloq xoʻjaligi sohasini ilmiy-innovatsion rivojlantirish, fundamental va amaliy tadqiqotlar natijadorligini oshirish, yuqori malakali ilmiy kadrlar tayyorlashning 2030-yilgacha moʻljallangan asosiy maqsadlari etib belgilansin:
(a) qishloq xoʻjaligiga oid patentlangan yangi ilmiy ishlanma va texnologiyalar sonini 3 baravarga;
(b) xalqaro ilmiy nashrlarda chop etilgan maqolalar sonini 2 baravarga;
(v) ilmiy faoliyatga oid davlat dasturlari doirasidagi tanlovlarga taqdim etiladigan loyihalar sonini 2 baravarga;
(g) agromaslahatlar va ilgʻor xorijiy agrotexnologiyalar transferi xizmatlaridan foydalanadigan subyektlar qamrovini 4 baravarga;
(d) xalqaro hamkorlik doirasida amalga oshirilgan ilmiy tadqiqotlar sonini 3 baravarga oshirish.
II. Qishloq xoʻjaligi sohasi ilm-fanida davlat boshqaruvini takomillashtirish
2. Qishloq xoʻjaligi vazirligi, Fanlar akademiyasi hamda Oliy taʼlim, fan va innovatsiyalar vazirligining:
(a) Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi negizida Qishloq xoʻjaligi vazirligi huzurida Oʻzbekiston qishloq xoʻjaligi fanlari akademiyasi (keyingi oʻrinlarda — Akademiya)ni tashkil etish;
(b) 1-ilovaga muvofiq Akademiya tashkiliy tuzilmasiga vazirlik va idoralar tizimidagi ilmiy tashkilotlarni oʻtkazish toʻgʻrisidagi takliflariga rozilik berilsin.
3. Quyidagilar:
(a) Oʻzbekiston qishloq xoʻjaligi fanlari akademiyasining asosiy faoliyat yoʻnalishlari 2-ilovaga muvofiq;
(b) Oʻzbekiston qishloq xoʻjaligi fanlari akademiyasining tashkiliy tuzilmasi 3-ilovaga muvofiq;
(v) Oʻzbekiston qishloq xoʻjaligi fanlari akademiyasi faoliyatini tashkil etish boʻyicha chora-tadbirlar dasturi 4-ilovaga muvofiq tasdiqlansin.
4. Belgilab qoʻyilsinki:
(a) Akademiya qishloq xoʻjaligi sohasida fundamental va amaliy tadqiqotlar yoʻnalishlari, uzoq va yaqin muddatli dasturlarni belgilovchi hamda muvofiqlashtiruvchi, agrosanoat majmuini ilmiy jihatdan rivojlantirishni amalga oshiruvchi davlat ilmiy muassasasi hisoblanadi;
(b) qishloq xoʻjaligi, yer munosabatlari bilan bogʻliq islohotlarni amalga oshirish boʻyicha ishlab chiqiladigan normativ-huquqiy hujjatlar loyihalari Qishloq xoʻjaligi vazirligi bilan kelishish jarayonida majburiy tartibda Akademiyada ilmiy ekspertizadan oʻtkaziladi;
(v) Akademiya Qishloq xoʻjaligida bilim va innovatsiyalar milliy markazining huquq va majburiyatlari boʻyicha huquqiy vorisi hisoblanadi;
(g) Akademiyaga qishloq xoʻjaligi vaziri taqdimnomasiga asosan Vazirlar Mahkamasi tomonidan besh yil muddatga tayinlanadigan rais rahbarlik qiladi hamda u uch nafar oʻrinbosarga ega boʻladi;
(d) Akademiya boshqaruv apparati xodimlarining cheklangan umumiy soni 60 ta etib belgilanadi, shundan qoʻshimcha 19 ta shtat birligi Qishloq xoʻjaligida bilim va innovatsiyalar milliy markazi tizimidagi ilmiy tashkilotlar shtatlarining maqbullashtirilgan qismi hisobiga ajratiladi;
(j) Respublika agroxizmatlar markazi va uning hududiy boʻlinmalariga Akademiyada yangi agrotexnologiyalarni, samarador innovatsiyalar va ilm-fan yutuqlarini joriy etish vazifalari yuklatiladi;
(z) Akademiya qishloq xoʻjaligida tuproq sifati, uni tiklash va boshqa muammolarni birgalikda hal qilish uchun muayyan innovatsion muhitda mahsulot yetishtiruvchi — tadbirkor — tadqiqotchi hamkorligidagi tashabbuslarga qaratilgan “Living lab” loyihalarini amalga oshiradi;
(i) Akademiya va uning tarkibidagi tashkilotlarda amaldagi moliyalashtirish tartibi, mehnatga haq toʻlash hamda moddiy ragʻbatlantirish shartlari saqlab qolinadi;
(k) Akademiya Toshkent viloyati Yuqori Chirchiq tumani “A. Yassaviy” MFY Sh. Rashidov koʻchasi 1-uy manziliga operativ boshqarish huquqi asosida bepul joylashtiriladi.
5. Shunday tartib oʻrnatilsinki, unga koʻra:
(a) Akademiyada quyidagi unvonlar berish tartibi joriy qilinadi:
(i) yosh akademik — ilmiy sohada samarali faoliyat yuritib kelayotgan, iqtidorli va liderlik qobiliyatiga ega 40 yoshgacha boʻlgan fan doktorlari (DSc) orasidan talabgorlarga tanlov asosida qishloq xoʻjaligi vaziri tomonidan beriladi;
(ii) Akademiya professori — yuqori ilmiy salohiyatga ega, professor unvonini olgan olimlar hamda yosh akademiklar orasidan talabgorlarga tanlov asosida qishloq xoʻjaligi vaziri tomonidan beriladi;
(iii) Akademiyaning muxbir aʼzosi — muayyan darajadagi ilmiy-amaliy yechimga ega ishlanmalar yaratgan, qishloq xoʻjaligi sohasini rivojlantirishga hissa qoʻshgan olimlar (fan doktorlari, professorlar) hamda Akademiya professorlari orasidan tanlov asosida Akademiya umumiy yigʻilishida saylanadi hamda Oʻzbekiston Respublikasi Prezidenti tomonidan tasdiqlanadi;
(iv) Akademiyaning haqiqiy aʼzosi (akademik) — xalqaro darajadagi ilmiy ishlari bilan tanilgan, oʻzining ilmiy maktabini yaratgan, qishloq xoʻjaligi sohasini rivojlantirishga salmoqli hissa qoʻshgan olimlar (fan doktorlari, professorlar) va Akademiya muxbir aʼzolaridan Akademiya umumiy yigʻilishida saylanadi hamda Oʻzbekiston Respublikasi Prezidenti tomonidan tasdiqlanadi;
(v) Akademiyaning xorijiy aʼzolari — jahon ilm-fanida yuqori natijalarga erishgan, xalqaro hamkorlik va qishloq xoʻjaligini rivojlantirishga salmoqli hissa qoʻshgan xorijiy fuqarolar orasidan Akademiya umumiy yigʻilishida saylanadi hamda (yoki) Oʻzbekiston Respublikasi Prezidenti tomonidan tasdiqlanadi;
(b) 2026-yilda saylovni oʻtkazish uchun Akademiyaga 3 nafar haqiqiy (akademik) va 5 nafar muxbir aʼzolar uchun boʻsh oʻrin (kvota) ajratiladi;
(v) Akademiya haqiqiy (akademik) va muxbir aʼzoligiga qishloq xoʻjaligi sohasida erishgan ulkan yutuqlari, yaratilgan ishlanmalari, yangi innovatsion texnologiyalari ishlab chiqarishda keng miqyosda tatbiq etilgan hamda yuqori iqtisodiy va ijtimoiy samara bergan, shuningdek, ularni ommalashtirish boʻyicha xorijiy tajribalarda oʻzini oqlagan “spin-off” kabi uslubiyotlar orqali xizmatlarni yoʻlga qoʻygan nomzodlar tanlab olinadi;
(g) Akademiya haqiqiy (akademik) va muxbir aʼzoligiga nomzodlarni tanlov asosida saralash Qishloq xoʻjaligi vazirligi tomonidan Vazirlar Mahkamasi bilan kelishgan holda koʻpi bilan ikki yilda bir marotaba oʻtkaziladi;
(d) Akademiyada haqiqiy aʼzolardan tashqari Akademiyaning faxriy professori unvoni joriy etiladi.
6. Belgilansinki:
(a) Akademiyaning quyidagi aʼzolariga gonorar toʻlanadi:
(i) haqiqiy aʼzolariga (akademikka) — Fanlar akademiyasining haqiqiy aʼzolariga (akademikka) tenglashtirilgan miqdorda;
(ii) muxbir aʼzolariga — mehnatga haq toʻlashning eng kam miqdorining 2,81 baravari miqdorda;
(b) sobiq Oʻzbekiston qishloq xoʻjaligi fanlari akademiyasining haqiqiy (akademik) va muxbir aʼzolari tegishliligi boʻyicha Akademiyaning haqiqiy (akademik) va muxbir aʼzolari hisoblanadi;
(v) Akademiyaning haqiqiy (akademik) va muxbir aʼzolariga Fanlar akademiyasi haqiqiy aʼzolari uchun belgilangan tibbiy xizmatlar koʻrsatish, salomatligini sanatoriy va kurort-sogʻlomlashtirish muassasalarida mustahkamlash tartibi qoʻllanadi;
(g) Akademiyaning haqiqiy (akademik) va muxbir aʼzolarining gonorar va sogʻlomlashtirish xarajatlarini moliyalashtirish 2026-yilda Qishloq xoʻjaligi vazirligiga ajratilgan respublika budjeti mablagʻlari hisobidan amalga oshiriladi, 2027-yildan boshlab esa Davlat budjeti parametrlarida nazarda tutiladi.
III. Ilmiy-tadqiqot muassasalari moddiy-texnika bazasini mustahkamlash
7. Qishloq xoʻjaligida bilim va innovatsiyalar milliy markazi huzuridagi Qishloq xoʻjaligida bilim va innovatsiyalarni qoʻllab-quvvatlash jamgʻarmasi Akademiya huzuridagi Qishloq xoʻjaligida ilm-fan va innovatsiyalarni rivojlantirishni qoʻllab-quvvatlash jamgʻarmasi etib (keyingi oʻrinlarda — Jamgʻarma) qayta nomlansin.
8. Jamgʻarmaning qoʻshimcha moliyalashtirish manbalari etib quyidagilar belgilansin:
(a) Qishloq xoʻjaligi vazirligining asoslangan hisob-kitoblariga asosan respublika budjetidan har yili ajratiladigan 50 milliard soʻmgacha mablagʻlar;
(b) Qishloq xoʻjaligi vazirligining budjetdan tashqari mablagʻlari hisobidan ilmiy loyihalarni moliyalashtirish uchun ajratiladigan mablagʻlari.
9. Qishloq xoʻjaligida ilm-fan va innovatsiyalarni rivojlantirishni qoʻllab-quvvatlash jamgʻarmasi mablagʻlari yoʻnaltiriladigan asosiy xarajatlar yoʻnalishlari 5-ilovaga muvofiq tasdiqlansin.
10. Quyidagilar:
(a) Oʻzbekiston Respublikasi Prezidentining 2023-yil 7-iyuldagi PQ-216-son qaroriga muvofiq Qishloq xoʻjaligi fundamental tadqiqotlar markazi (Centre of Excellence) (keyingi oʻrinlarda — Markaz) tashkil etilgani maʼlumot uchun qabul qilinsin;
(b) belgilansinki, Markaz:
(i) Toshkent viloyati Yuqori Chirchiq tumani Surankent mavzesi “Ahmad Yassaviy” MFY hududidagi Qishloq xoʻjaligida bilim va innovatsiyalar milliy markaziga qarashli 9,2 gektar yer maydonida barpo etiladigan bino va inshootlarda joylashtiriladi;
(ii) oʻz binosi qurilgunga qadar vaqtinchalik Akademiya binosida joylashtiriladi.
11. Qishloq xoʻjaligida fundamental tadqiqotlar markazi (Centre of Excellence) binosining qurilishi ishlarini jadallashtirish va oʻz vaqtida yakunlash boʻyicha ishchi guruh tashkil etilsin va uning tarkibi 6-ilovaga muvofiq tasdiqlansin.
12. Quyidagilar Markazning asosiy vazifalari etib belgilansin:
(a) qishloq xoʻjaligi sohasidagi muammolarga ilmiy yechim topishda asosiy qonuniyatlar haqidagi yangi bilimlarni olishga, ular oʻrtasidagi oʻzaro bogʻliqliklarni oʻrganishga qaratilgan nazariy va tajriba-sinov oʻtkazishga qaratilgan fundamental tadqiqotlarni amalga oshirish;
(b) qishloq xoʻjaligida global iqlim oʻzgarishining salbiy taʼsiri va shoʻrlanish kabi muammolarning fundamental asoslarini tadqiq etish;
(v) jahon ilm-fani yutuqlari va ilgʻor texnologiyalarni qoʻllash orqali qishloq xoʻjaligi ekinlarining yuqori hosildor, issiqqa va qurgʻoqchilikka chidamli, genetik jihatdan yaxshilangan nav va duragaylarini yaratish;
(g) “ilmga asoslangan, amaliyotga yoʻnaltirilgan (science-based, practice-oriented) taʼlim” tamoyili asosida ilmiy tadqiqotlar oʻtkazish va yuqori malakali ilmiy kadrlar tayyorlash tizimini yoʻlga qoʻyish.
13. Qishloq xoʻjaligi vazirligi va Akademiya qishloq xoʻjaligi sohasida ilgʻor tajribaga ega xalqaro tan olingan ekspertlarni jalb qilgan holda 2026-yil 1-iyunga qadar oʻz tizimidagi ilmiy muassasalar ilmiy xodimlari faoliyatining eng muhim samaradorlik koʻrsatkichlarini (KPI) va ilmiy muassasalar faoliyat samaradorligini baholash tizimini joriy etsin. Bunda:
(a) har uch yilda bir marta tashqi mustaqil ilmiy audit tashkilotini jalb qilgan holda ilmiy-tadqiqot muassasalarida ilm-fan auditini tashkil etsin;
(b) ilm-fan auditi natijalari asosida ilmiy-tadqiqot muassasalarining ilmiy-innovatsion faoliyati natijalari reytingini eʼlon qilib borsin.
IV. Farmon ijrosini tashkil etish, taʼminlash va nazorat
14. Oʻzbekiston Respublikasi Prezidentining ayrim hujjatlariga 7-ilovaga muvofiq oʻzgartirishlar kiritilsin.
15. Qishloq xoʻjaligi vazirligi Adliya vazirligi bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Ushbu Farmonning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Xodjayev hamda qishloq xoʻjaligi vaziri I.Yu. Abdurahmonov belgilansin.
17. Farmon ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 13-martdagi PF-40-son Farmoniga 1-ILOVA
Oʻzbekiston qishloq xoʻjaligi fanlari akademiyasi tashkiliy tuzilmasiga vazirlik va idoralar tizimidan oʻtkaziladigan ilmiy tashkilotlar
T/r Ilmiy tashkilot nomi Yuridik manzili Yuqori turuvchi tashkilot nomi 1. Tuproqshunoslik va agrokimyo ilmiy-tadqiqot instituti Toshkent shahar, Olmazor tumani, Qamarniso koʻchasi, 3-uy Qishloq xoʻjaligi vazirligi 2. Chorvachilik va parrandachilik ilmiy-tadqiqot instituti Toshkent viloyati, Qibray tumani, “Shalola” MFY, OʻzCHITI koʻchasi, 22-uy Veterinariya va chorvachilikni rivojlantirish qoʻmitasi 3. Baliqchilik ilmiy-tadqiqot instituti Toshkent viloyati, Yangiyoʻl tumani, Gulbahor qoʻrgʻoni, “Qoʻshyogʻoch” MFY, 2-uy Veterinariya va chorvachilikni rivojlantirish qoʻmitasi 4. Qorakoʻlchilik va choʻl ekologiyasi ilmiy-tadqiqot instituti Samarqand viloyati, Samarqand shahri, Mirzo Ulugʻbek koʻchasi, 47-uy Veterinariya va chorvachilikni rivojlantirish qoʻmitasi 5. Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazi Buxoro viloyati, Buxoro shahri, Ibn Sino koʻchasi, 97-uy Veterinariya va chorvachilikni rivojlantirish qoʻmitasi
Oʻzbekiston Respublikasi Prezidentining 2026-yil 13-martdagi PF-40-son Farmoniga 2-ILOVA
Oʻzbekiston qishloq xoʻjaligi fanlari akademiyasining
1. Qishloq xoʻjaligida fundamental, amaliy tadqiqotlar va innovatsion faoliyatning ustuvor yoʻnalishlarini ishlab chiqish hamda amalga oshirish.
2. Qishloq xoʻjaligi ilm-fan sohasini yaqin va uzoq muddatli rivojlantirish strategiya (dastur)larini ishlab chiqish hamda sohadagi yaqin va uzoq muddatli prognozlarni ishlab chiqishda ilmiy tavsiyalar berish.
3. Zamonaviy seleksiya usullarini qoʻllash orqali qishloq xoʻjaligi ekinlarining yuqori hosildor, issiqqa va qurgʻoqchilikka chidamli, genetik jihatdan yaxshilangan nav, duragaylarini yaratish hamda ularni yetishtirishning intensiv texnologiyalarini ishlab chiqish.
4. Qishloq xoʻjaligi sohasida amalga oshirilishi nazarda tutiladigan yirik ishlab chiqarish (shu jumladan, tajriba tariqasidagi) loyihalarini koʻrib chiqish va ilmiy xulosalar va/yoki tavsiyalar ishlab chiqish.
5. Qishloq xoʻjaligi sohasida yuqori unumli va resurstejamkor texnika va texnologiyalarni yaratish va amaliyotga keng joriy qilish hamda sohada boshqaruv jarayonlarini toʻliq raqamlashtirish.
6. Yer resurslaridan samarali foydalanish va iqlim oʻzgarishining salbiy taʼsirini yumshatishga qaratilgan “aqlli qishloq xoʻjaligi” ilm-fanini rivojlantirish va intellektual salohiyatni oshirishning yangi zamonaviy mexanizmlarini tatbiq etish.
7. Iqlim oʻzgarishini baholash, uning qishloq xoʻjaligi va oziq-ovqat xavfsizligiga salbiy oqibatlarini yumshatish boʻyicha taʼsirchan ilmiy-amaliy yondoshuvlarini ishlab chiqish.
8. Oziq-ovqat xavfsizligini taʼminlashda organik va ekologik toza mahsulot yetishtirishning fundamental asoslarini ishlab chiqish.
9. Qishloq xoʻjaligi sohasidagi standartlarni ishlab chiqishda tegishli ilmiy muassasalar bilan birgalikda ilmiy taklif va tavsiyalar ishlab chiqish.
10. Chorva hayvonlari, parranda, baliq va asalarining yangi zotlarini yaratish hamda ularning mahsuldorligini oshirish.
11. Oʻsimliklar oʻsishini boshqarishda biologik va ekologik xavfsiz zamonaviy qarshi kurashish usullarini ishlab chiqish.
12. “Yosh olimdan — akademiklikkacha” tamoyili asosida yuqori malakali ilmiy va ilmiy-pedagog kadrlarni tayyorlash, ularning malakasini oshirish va qayta tayyorlashni tashkil etish.
13. Qishloq xoʻjaligi mahsulotlari yetishtiruvchilarga ilmiy asoslangan axborot-maslahat va zamonaviy xizmatlar koʻrsatish, ishlab chiqarishga ilm-fan yutuqlarini keng joriy qilish.
14. Xorijiy ilmiy markazlarning ilm-fan yutuqlarini oʻrganish va tahlil qilish, qoʻshma loyihalarni amalga oshirish, ulardan qishloq xoʻjaligi sohasida foydalanish borasida tavsiyalar ishlab chiqish.
Oʻzbekiston Respublikasi Prezidentining 2026-yil 13-martdagi PF-40-son Farmoniga 3-ILOVA
Oʻzbekiston qishloq xoʻjaligi fanlari akademiyasining
Umumiy yigʻilish Direktorlar kengashi Boshqaruv apparati Hayʼat Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti Ingichka tolali paxtachilik ilmiy-tadqiqot instituti Baliqchilik ilmiy-tadqiqot instituti Toshkent davlat agrar universiteti * Respublika, Qoraqalpogʻiston Respublikasi, viloyatlar va tumanlar agroxizmatlar markazlari Tolali ekinlar ilmiy-tadqiqot instituti Qorakoʻlchilik va choʻl ekologiyasi ilmiy-tadqiqot instituti Xalqaro qishloq xoʻjaligi universiteti * Dala ekinlari urugʻchiligi milliy tadqiqot majmuasi direksiyasi Don va dukkakli ekinlar ilmiy-tadqiqot instituti Janubiy dehqonchilik ilmiy-tadqiqot instituti Oziq-ovqat texnologiyasi va muhandisligi xalqaro instituti * Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazi Respublika qishloq xoʻjaligi ilmiy kutubxonasi Sabzavot, poliz ekinlari va kartoshkachilik ilmiy-tadqiqot instituti Lalmikor dehqonchilik ilmiy-tadqiqot instituti Qoraqalpogʻiston qishloq xoʻjaligi va agrotexnologiyalar instituti * Oʻzbekistonda meva-sabzavotchilikda ilgʻor texnologiyalar oʻquv markazi, Oʻzbekistonda “aqlli qishloq xoʻjaligi” sanoat texnologiyalari innovatsion markazi, Qishloq xoʻjaligi mahsulotlari va ularning koʻchatlarini yetishtirish markazi * Chorvachilik va parrandachilik ilmiy-tadqiqot instituti Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti Qishloq xoʻjaligini mexanizatsiyalash ilmiy-tadqiqot instituti Andijon qishloq xoʻjaligi va agrotexnologiyalar instituti * Tuproqshunoslik va agrokimyo ilmiy-tadqiqot instituti Oʻsimliklar genetik resurslari ilmiy-tadqiqot instituti Samarqand agroinnovatsiyalar va tadqiqotlar instituti * Don va sholi ilmiy-ishlab chiqarish birlashmasi Qishloq xoʻjaligida yuqori texnologiyalar agrotexnoparki maxsus sanoat zonasi direksiyasi Samarqand davlat veterinariya meditsinasi, chorvachilik va biotexnologiya universiteti (filiallari) * Sholichilik ilmiy-tadqiqot instituti Qishloq xoʻjaligi sohasi kadrlarining malakasini oshirish va qayta tayyorlash instituti Qoraqalpogʻiston dehqonchilik ilmiy-tadqiqot instituti Qishloq xoʻjaligi fundamental tadqiqotlar markazi Elita urugʻchilik xoʻjaliklari
Oʻzbekiston Respublikasi Prezidentining 2026-yil 13-martdagi PF-40-son Farmoniga 4-ILOVA
Oʻzbekiston qishloq xoʻjaligi fanlari akademiyasi faoliyatini samarali tashkil etish boʻyicha
T/r Chora-tadbirlar nomi Amalga oshirish mexanizmi Amalga oshirish muddatlari Moliyalashtirish manbai Masʼul ijrochilar 1. Oʻzbekiston qishloq xoʻjaligi fanlari akademiyasi (keyingi oʻrinlarda — Akademiya) faoliyatini tashkil etish. 1. Quyidagilarni tasdiqlashni nazarda tutuvchi Hukumat qarori loyihasini ishlab chiqish: Akademiyaning ustavi; Akademiyaning haqiqiy (akademik) va muxbir aʼzoligiga tanlov asosida saralash va tasdiqlash tartibi toʻgʻrisidagi nizom. 2026-yil may - Qishloq xoʻjaligi vazirligi, Fanlar akademiyasi 2. Hukumat qarori loyihasini manfaatdor vazirlik va idoralar bilan kelishish. 2026-yil iyun 3. Hukumat qarori loyihasini tasdiqlash uchun Vazirlar Mahkamasiga kiritish. 2026-yil iyul 2. Akademiya tarkibidagi ilmiy tashkilotlarning faoliyat yoʻnalishlarini qaytadan koʻrib chiqish va takomillashtirish. 1. Xorijiy ekspertlarni jalb qilgan holda Akademiya tarkibidagi ilmiy tashkilotlarning faoliyat yoʻnalishlarini oʻrganish va tahlil qilish. 2026-yil may Qishloq xoʻjaligida ilm-fan va innovatsiyalarni rivojlantirishni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari Qishloq xoʻjaligi vazirligi, Innovatsion rivojlanish agentligi, Iqtisodiyot va moliya vazirligi 2. Oʻrganish natijalari asosida ilmiy tashkilotlar faoliyatini baholash, ularning vazifa va funksiyalari hamda ilmiy yoʻnalish va loyihalarini takrorlanishi nuqtai nazaridan toʻliq qayta koʻrib chiqish. 2026-yil iyun 3. Ishlab chiqarishning real ehtiyoji va xalqaro tajribadan kelib chiqqan holda ilmiy tashkilotlarning faoliyat yoʻnalishlariga oʻzgartirishlar kiritish. 2026-yil iyul 3. Ilmiy-tadqiqot institutlarining moddiy-texnika bazasini mustahkamlash va yangi zamonaviy ilmiy laboratoriyalar tashkil etish. 1. Mavjud laboratoriyalarni hamda tajriba-sinov infratuzilmasini xatlovdan oʻtkazish hamda zarur yangi zamonaviy asbob-uskuna va jihozlar roʻyxatini shakllantirish. 2026-yil avgust Jamgʻarma mablagʻlari, xalqaro grant mablagʻlari Qishloq xoʻjaligi vazirligi, Akademiya 2. Qishloq xoʻjaligi ekinlarining yangi nav va duragaylarini yaratishda seleksiya jarayonlarini jadallashtirishning zamonaviy usullaridan foydalanishni joriy etish. Doimiy 3. “In-vitro” laboratoriyasi hamda fitotron issiqxonalarini tashkil etish. 2026-yil dekabr 4. Qishloq xoʻjaligi sohasida xorijdagi yetakchi olimlarni Akademiya tarkibidagi ilmiy tashkilotlarga hamkorlik uchun jalb qilish. 1. I lmiy tashkilotlarning faoliyat yoʻnalishlaridan kelib chiqqan holda yetakchi xorijiy turdosh ilmiy muassasalar bilan uzviy hamkorlikning ustuvor yoʻnalishlarini belgilash. 2026-yil oktabr Jamgʻarma mablagʻlari, xalqaro moliya institutlari grant mablagʻlari Qishloq xoʻjaligi vazirligi, Tashqi ishlar vazirligi 2. Belgilangan ustuvor yoʻnalishlarga muvofiq ilmiy tashkilotlarning xorijiy ilmiy muassasalar bilan hamkorlik munosabatlarini oʻrnatish va kengaytirish. Doimiy 3. Akademiya ilmiy tashkilotlariga maslahatchi va yetakchi olimlar sifatida yuqori malakali xorijiy mutaxassislarni jalb etish. 2026-yil dekabr 5. Akademiyaning haqiqiy (akademik) va muxbir aʼzolari tomonidan shakllantirilgan ilmiy jamoalar tomonidan erishilgan salmoqli natijalarni amaliyotga keng joriy etish. 1. Akademiyaning haqiqiy (akademik) va muxbir aʼzolari va ularning ilmiy jamoalari tomonidan yaratilgan yangi ishlanmalarni amaliyotga keng joriy etish. 2. Haqiqiy (akademik) va muxbir aʼzolar bilan ishlab chiqarish korxonalarining uzviy hamkorligini yoʻlga qoʻyish. 3. Xorijiy tajribalarda oʻzini oqlagan “spin-off” va “soil-doktor” kabi korxonalar orqali konsalting xizmatlarini koʻrsatish. 2027-yildan doimiy - Qishloq xoʻjaligi vazirligi, Fanlar akademiyasi, Akademiya 6. Akademiyada ilmiy yoʻnalishlar boʻyicha “akademik maktablari”ni yaratish. 1. Soha uchun salohiyatli kadrlarni tayyorlashda tegishli oliy taʼlim tashkilotlarida oʻqish davridan boshlab iqtidorli talabalarni “ustoz-shogird” tizimi asosida ilmiy tadqiqotlar olib borish jarayoniga bevosita jalb qilish. Doimiy - Qishloq xoʻjaligi vazirligi, Akademiya, Oliy taʼlim, fan va innovatsiyalar vazirligi, Fanlar akademiyasi 2. Akademiya tarkibida “yosh olim — professor — muxbir aʼzo — akademik” tizimi asosida kelajak akademiklarini tayyorlash ilmiy maktabini shakllantirish. Doimiy 3. Akademiya tizimidagi ilmiy tashkilotlarda ilgʻor xorijiy tajribalar asosida “oʻziga oʻzi kadr tayyorlash” amaliyotini joriy qilish. Doimiy 7. Akademiya tizimidagi ilmiy muassasalarning yer uchastkalaridan maqsadli foydalanish holatini oʻrganish. 1. Ilmiy muassasalarning yer uchastkalarini xatlovdan oʻtkazish. 2026-yil may - Qishloq xoʻjaligi vazirligi, Akademiya, Kadastr agentligi, viloyat hokimliklari 2. Xatlov natijalari boʻyicha yer uchastkalaridan maqsadli foydalanish holatini oʻrganish. 2026-yil iyun 3. Oʻrganish natijalari boʻyicha yer uchastkalaridan maqsadli foydalanilishi boʻyicha Vazirlar Mahkamasiga takliflar kiritish. 2026-yil iyul 8. Qishloq xoʻjaligi sohasida global iqlim oʻzgarishining salbiy taʼsirini yumshatishga qaratilgan istiqbolli ilmiy dasturlarni ishlab chiqish va tasdiqlash. 1. Global iqlim oʻzgarishining qishloq xoʻjaligiga salbiy taʼsirini yumshatishga qaratilgan ilmiy-tadqiqotlar mavzularini shakllantirish. 2026-yil sentabr Mablagʻ talab etilmaydi Qishloq xoʻjaligi vazirligi, Akademiya, Oliy taʼlim, fan va innovatsiyalar vazirligi, manfaatdor vazirlik va idoralar 2. Iqlim oʻzgarishining salbiy taʼsiriga mos istiqbolli dasturlarni ishlab chiqish va tasdiqlash. 2026-yil oktabr 9. Qishloq xoʻjaligi ekinlarining mahalliy navlari seleksiyasini yanada rivojlantirish choralarini belgilab olish va amalga oshirish. 1. Ilmiy-tadqiqot institutlari tomonidan qishloq xoʻjaligi ekinlari (sabzavot) seleksiyasi boʻyicha yoʻnalishlarni belgilab olish va 5 yillik muddatda yaratiladigan nav, duragaylar rejalarini ishlab chiqish. 2026-yil iyul Jamgʻarma mablagʻlari Qishloq xoʻjaligi vazirligi, Akademiya, manfaatdor vazirlik va idoralar 2. Ilmiy-tadqiqot institutlari tomonidan belgilangan rejaga muvofiq qishloq xoʻjaligi ekinlari (sabzavotlar) ning yangi nav va duragaylari seleksiyasi boʻyicha tadqiqotlar olib borilishini tashkil qilish. 2026 — 2030 yillar davomida 10. Qishloq xoʻjaligi ekinlarining seleksiyasi bilan shugʻullanuvchi yosh mutaxassislarning malakasini oshirish. 1. Qishloq xoʻjaligi ekinlarining seleksiyasi bilan shugʻullanuvchi va xorijiy tillarni biladigan mutaxassislar roʻyxatini shakllantirish. 2026-yil may Xalqaro moliya institutlari mablagʻlari Qishloq xoʻjaligi vazirligi, manfaatdor vazirlik va idoralar 2. Qishloq xoʻjaligi ekinlarining (sabzavot, poliz) Gʻ1 duragaylar seleksiya va urugʻchiligi rivojlangan davlatlar bilan malaka oshirish boʻyicha hamkorlikni yoʻlga qoʻyish. 2026-yil iyun-iyul 3. Yosh iqtidorli mutaxassislarni malaka oshirish uchun qisqa muddatli stajirovkaga yuborish. 2026 — 2030-yillar davomida 11. Asosiy qishloq xoʻjaligi ekinlari (meva-sabzavot, poliz ekinlari, kartoshka va uzum) seleksiyasini jadallashtirish maqsadida laboratoriyalarni marker seleksiyasi uchun zarur asbob-uskunalar bilan jihozlash. 1. Ilmiy-tadqiqot institutlarida laboratoriyalarga marker seleksiyasi uchun zaruriy asbob-uskunalarni sotib olish maqsadida talab etiladigan mablagʻlar manbasini aniqlash. 2026-yil sentabr Xalqaro moliya institutlari mablagʻlari Qishloq xoʻjaligi vazirligi, Akademiya, manfaatdor vazirlik va idoralar 2. Meva-sabzavot, poliz ekinlari, kartoshka va uzum marker seleksiyasi uchun zarur asbob-uskunalarni sotib olish maqsadida tender tanlovlarini oʻtkazish. 2026-yil oktabr-noyabr 3. Meva-sabzavot, poliz ekinlari, kartoshka va uzum marker seleksiyasi uchun asbob-uskunalarni sotib olish. 2027-yil I chorak 12. Qishloq xoʻjaligini rivojlantirish, oziq-ovqat xavfsizligini taʼminlash va innovatsion resurstejamkor agrotexnologiyalarni ishlab chiqish va joriy etish. 1. Sohadagi dolzarb yoʻnalishlar maʼlumotlar bazasini yaratish. 2026-yil aprel Xalqaro moliya institutlari va Jamgʻarma mablagʻlari Qishloq xoʻjaligi vazirligi, Akademiya, manfaatdor vazirlik va idoralar 2. Ustuvor drayver yoʻnalishlarni belgilash va ularning ilmiy yechimi boʻyicha loyihalar mavzularini shakllantirish. 2026-yil may 3. Qishloq xoʻjaligi ekinlarining xususiyatlaridan (ekin turi, ekish muddati, oʻsish davri) kelib chiqib innovatsion resurstejamkor agrotexnologiyalarni ishlab chiqish boʻyicha ilmiy loyihalarni amalga oshirish. Doimiy 13. Qishloq xoʻjaligi ekinlari genetik resurslari Milliy genbankiga noyob ilmiy obyekt maqomini berish. 1. Milliy genbank faoliyati va uning moddiy-texnika bazasi, saqlanayotgan genetik resurslar tarkibi va ahamiyati boʻyicha toʻliq tahliliy maʼlumotlar tayyorlash. 2026-yil may - Qishloq xoʻjaligi vazirligi, Innovatsion rivojlanish agentligi, Akademiya 2. Mutasaddilarni jalb qilgan holda genbankning oziq-ovqat xavfsizligi, seleksiya, biotexnologiya va ilmiy tadqiqotlardagi ahamiyatini asoslovchi ilmiy xulosa ishlab chiqish. 2026-yil iyun 3. Qishloq xoʻjaligi ekinlari genetik resurslari Milliy genbankini noyob ilmiy obyekt sifatida eʼtirof etish boʻyicha normativ-huquqiy hujjat loyihasini ishlab chiqish va Vazirlar Mahkamasiga kiritish. 2026-yil sentabr 14. Qishloq xoʻjaligi yoʻnalishidagi oliy taʼlim muassasalarida A kademiyaning ilmiy tashkilotlari olimlari bilan tarmoq yoʻnalishlari boʻyicha mahorat darslari, seminarlar, treninglar, vebinarlar va onlayn maslahatlashuvlar tashkil qilish. 1. Mahorat darslari, seminar-trening, tematik vebinar, onlayn maslahatlashuvlar oʻtkazish boʻyicha bir yilga moʻljallangan oliy taʼlim muassasalari kesimida reja-jadvalni ishlab chiqish. Doimiy - Qishloq xoʻjaligi vazirligi, Akademiya, Oliy taʼlim, fan va innovatsiyalar vazirligi 2. Tinglovchi va ishtirokchilarni jalb qilish uchun reja-jadvalni internet tarmogʻiga joylashtirish. Har yili yanvar oyida 3. Oʻtkazilgan tadbirlar boʻyicha umumlashtirilgan maʼlumotlarni taʼlim jarayoniga tatbiq qilish. Doimiy 15. Soha olimlarining ilmiy yutuqlari va yaratilgan ishlanmalarini muntazam ravishda keng yoritib borish. 1. Akademiya va ilmiy tashkilotlar tomonidan erishilgan yutuqlar va yaratilgan yangi ishlanmalar toʻgʻrisidagi axborotlarni tarqatish boʻyicha masʼul guruh tashkil etish. 2026-yil aprel Jamgʻarma mablagʻlari Qishloq xoʻjaligi vazirligi, Akademiya, Oʻzbekiston Milliy teleradiokompaniyasi, Oʻzbekiston Milliy axborot agentligi 2. Tarmoq yoʻnalishlaridan kelib chiqib, davriy nashr etiladigan elektron jurnallar tashkil etish. 2026 avgust 3. OAV vakillari bilan doimiy matbuot anjumanlari, ochiq eshiklar kunini tashkil etish. Doimiy 16. Qishloq xoʻjaligida fundamental tadqiqotlar markazi (Centre of Excellence) faoliyatini tashkil etish . 1. Vazirlar Mahkamasi qarori loyihasini ishlab chiqish boʻyicha ishchi guruh tuzish. 2026-yil aprel - Qishloq xoʻjaligi vazirligi, Akademiya, Iqtisodiyot va moliya vazirligi 2. Qaror loyihasini ishlab chiqish, vazirlik va idoralar bilan kelishish. 2026-yil 1-iyun 3. Loyihani belgilangan tartibda Vazirlar Mahkamasiga kiritish. 2026-yil iyul 17. Akademiya huzuridagi Yosh olimlar kengashi faoliyatini tashkil etish va ularni qoʻllab-quvvatlash. 1. Yosh olimlar kengashining maqsad va vazifalari, tuzilmasi va samarali faoliyat yuritishi boʻyicha ish dasturlarini shakllantirish. 2026-yil may Jamgʻarma mablagʻlari Qishloq xoʻjaligi vazirligi, Fanlar akademiyasi, Oliy taʼlim, fan va innovatsiyalar vazirligi, Yoshlar ishlari agentligi 2. Akademiklar va yetakchi olimlar bilan yosh olimlar muloqotini kuchaytirish, ular uchun forumlar, ijtimoiy tarmoqlarda maxsus guruhlar tashkil qilish. Reja asosida 3. Kengash faoliyati boʻyicha yosh olimlar orasida ijtimoiy soʻrovlar oʻtkazish. Reja asosida 4. Kengash hisobotini Akademiya Prezidiumida eshitib borish. Har yili yanvar oyida
Oʻzbekiston Respublikasi Prezidentining 2026-yil 13-martdagi PF-40-son Farmoniga 5-ILOVA
Qishloq xoʻjaligida ilm-fan va innovatsiyalarni rivojlantirishni qoʻllab-quvvatlash jamgʻarmasi mablagʻlari yoʻnaltiriladigan xarajatlar
1. Akademiya va uning tizimidagi ilmiy-tadqiqot muassasalarining moddiy-texnika bazasini mustahkamlash xarajatlarini moliyalashtirish.
2. Ilmiy asbob-uskunalar, reagent, reaktiv, xomashyo, sarflov materiallar va butlovchi qismlar xarid qilish.
3. Dolzarb ilmiy-tadqiqot natijalariga oid monografiya va kitoblar chop etish.
4. Olimlarning malakasini oshirish uchun kurslar, seminarlar va treninglar tashkil etish hamda ularning ishtirokini taʼminlash.
5. Akademiya xodimlarini moddiy ragʻbatlantirish, ularni xorijiy xizmat safarlariga yuborish xarajatlarini qoplash.
6. “Scopus”, “Web of science” va boshqa maʼlumotlar bazalariga obuna boʻlish xarajatlarini qoplash.
7. Yangi agrotexnologiyalarni, samarador innovatsiyalar va ilm-fan yutuqlarini amaliyotga tatbiq etish boʻyicha seminar-treninglar oʻtkazish xarajatlarini qoplash.
Oʻzbekiston Respublikasi Prezidentining 2026-yil 13-martdagi PF-40-son Farmoniga 6-ILOVA
Qishloq xoʻjaligida fundamental tadqiqotlar markazi (Centre of Excellence) binosining qurilishi ishlarini jadallashtirish va oʻz vaqtida yakunlash boʻyicha ishchi guruh
1. Sh.J. Toʻxtaboyev — Bosh prokuror oʻrinbosari, Ishchi guruh rahbari 2. A.N. Shukurov — qishloq xoʻjaligi vaziri oʻrinbosari, Ishchi guruh rahbarining oʻrinbosari 3. T.Yu. Rapikov — Vazirlar Mahkamasining Investitsiyalar, eksport, savdo, qishloq va suv xoʻjaligi masalalari kotibiyatining mudiri 4. A.Ya. Xaydarov — iqtisodiyot va moliya vaziri oʻrinbosari 5. D.K. Adilov — qurilish va uy-joy kommunal xoʻjaligi vaziri oʻrinbosari 6. M.A. Madrahimov — tashqi ishlar vaziri oʻrinbosari 7. U.M. Mamadaminov — energetika vaziri oʻrinbosari 8. Sh.U. Turdikulova — Fanlar akademiyasi vitse-prezidenti 9. J.S. Kazbekov — Ekologiya va iqlim oʻzgarishi milliy qoʻmitasi raisi oʻrinbosari 10. Lavozimi boʻyicha — Oʻzbekiston qishloq xoʻjaligi fanlari akademiyasi raisi 11. E.A. Kaxorov — “Agrobank” ATB boshqaruvi raisi 12. U.B. Atemov — Yuqori Chirchiq tumani hokimi 13. T.U. Atakulov — Qishloq xoʻjaligi vazirligi boshqarma boshligʻi, Ishchi guruh kotibi
Oʻzbekiston Respublikasi Prezidentining 2026-yil 13-martdagi PF-40-son Farmoniga 7-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2021-yil 3-fevraldagi “Qishloq xoʻjaligida bilim va innovatsiyalar tizimi hamda zamonaviy xizmatlar koʻrsatishni yanada rivojlantirish toʻgʻrisida”gi PF-6159-son Farmonida :
(a) 2-band oʻz kuchini yoʻqotgan deb hisoblansin;
(b) 4-band quyidagi tahrirda bayon etilsin:
“4. Belgilansinki:
Qishloq xoʻjaligi vazirligi huzuridagi Oʻzbekiston qishloq xoʻjaligi fanlari akademiyasi (keyingi oʻrinlarda — Akademiya) Muvofiqlashtiruvchi kengashning ishchi organi hisoblanadi;
Akademiya oʻz tizimidagi ilmiy-tadqiqot muassasasi faoliyatiga bevosita rahbarlik qiladi, chorvachilik yoʻnalishlari, oʻrmon va suv xoʻjaligi, ipakchilik sohalaridagi ilmiy-tadqiqot muassasalari bilan hamkorlikda ish olib boradi, qishloq xoʻjaligi sohasidagi oliy va professional taʼlim muassasalarining ilmiy va innovatsion faoliyatini muvofiqlashtiradi”;
(v) 5-bandda:
(i) “b” kichik banddagi “Innovatsion rivojlanish vazirligiga” soʻzlari “Oliy taʼlim, fan va innovatsiyalar vazirligi huzuridagi Innovatsion rivojlanish agentligiga” soʻzlari bilan almashtirilsin;
(ii) “v” kichik bandda:
birinchi xatboshi quyidagi tahrirda bayon etilsin:
“v) besh yillik dasturda nazarda tutilgan, shuningdek, qishloq xoʻjaligi subyektlari tomonidan taklif etilgan va budjetdan moliyalashtirilmagan yoki toʻliq moliyalashtirilmagan loyihalar hamda boshqa vazifalar Akademiya huzuridagi Qishloq xoʻjaligida ilm-fan va innovatsiyalarni rivojlantirishni qoʻllab-quvvatlash jamgʻarmasi (keyingi oʻrinlarda — Jamgʻarma) tomonidan amalga oshiriladi”;
uchinchi xatboshidagi “Milliy markaz” soʻzlari “Akademiya” soʻzi bilan almashtirilsin;
(g) 8-bandning ikkinchi xatboshisidagi “Milliy markaz” soʻzlari “Akademiya” soʻzi bilan almashtirilsin;
(d) 10-bandning birinchi , ikkinchi va toʻrtinchi xatboshilaridagi tegishli kelishikdagi “Milliy markaz” soʻzlari tegishli kelishikdagi “Akademiya” soʻzi bilan almashtirilsin;
(j) 11-bandning birinchi xatboshisidagi “Milliy markaz” soʻzlari “Akademiya” soʻzi bilan almashtirilsin;
(i) 4-ilovaning 1-bandi quyidagi tahrirda bayon etilsin:
“1. Oʻzbekiston qishloq xoʻjaligi fanlari akademiyasi”.
2. Oʻzbekiston Respublikasi Prezidentining 2023-yil 10-iyundagi “Maʼmuriy islohotlar doirasida qishloq xoʻjaligi va oziq-ovqat sohasida davlat boshqaruvini samarali tashkil qilish chora-tadbirlari toʻgʻrisida”gi PF-90-son Farmonida :
(a) 1-bandda:
(i) beshinchi xatboshi chiqarib tashlansin;
(ii) oltinchi — toʻqqizinchi xatboshilar tegishincha beshinchi — sakkizinchi xatboshilar deb hisoblansin;
(b) 2-ilovada:
(i) “Ipakchilik va jun sanoatini rivojlantirish qoʻmitasi” hamda “Tuproqshunoslik va agrokimyoviy tadqiqotlar instituti” bloklari chiqarib tashlansin;
(ii) “Qishloq xoʻjaligida bilim va innovatsiyalar milliy markazi” bloki quyidagi tahrirda bayon etilsin:
“Oʻzbekiston qishloq xoʻjaligi fanlari akademiyasi”;
(v) 4-ilova oʻz kuchini yoʻqotgan deb hisoblansin;
(g) 8-ilovaning 6-pozitsiyasi “Chora-tadbirlar nomi” ustuni birinchi xatboshisidagi “Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti hududida” soʻzlari “Toshkent viloyati Yuqori Chirchiq tumani “A. Yassaviy” MFY hududida joylashgan Dala ekinlari urugʻchiligi milliy tadqiqot majmuasi direksiyasi hududida” soʻzlari bilan almashtirilsin.
3. Oʻzbekiston Respublikasi Prezidentining 2021-yil 3-fevraldagi “Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi faoliyatini tashkil etish toʻgʻrisida”gi PQ-4975-son qarorida :
(a) 2-bandda:
(i) ikkinchi xatboshi chiqarib tashlansin;
(ii) uchinchi — beshinchi xatboshilar tegishincha ikkinchi — toʻrtinchi xatboshilar deb hisoblansin;
(iii) ikkinchi xatboshidagi “Qishloq xoʻjaligida bilim va innovatsiyalar milliy markazining” soʻzlari “Oʻzbekiston qishloq xoʻjaligi fanlari akademiyasining (keyingi oʻrinlarda — Akademiya)” soʻzlari bilan almashtirilsin;
(iv) uchinchi xatboshidagi “Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazining” soʻzlari “Akademiyaning” soʻzi bilan almashtirilsin;
(v) toʻrtinchi xatboshidagi “Milliy markaz” soʻzlari “Akademiya” soʻzi bilan almashtirilsin;
(b) 4-bandda:
(i) “a” va “b” kichik bandlar chiqarib tashlansin;
(ii) “v” , “d” va “j” kichik bandlardagi “Milliy markaz” soʻzlari “Akademiya” soʻzi bilan almashtirilsin;
(v) 7-bandning birinchi xatboshisidagi “Milliy markaz” soʻzlari “Akademiya” soʻzi bilan almashtirilsin;
(g) 13-band oʻz kuchini yoʻqotgan deb hisoblansin;
(d) 1-ilova oʻz kuchini yoʻqotgan deb hisoblansin;
(j) 3 va 4-ilovalarning nomlanishidagi “Qishloq xoʻjaligida bilim va innovatsiyalar milliy markazining” soʻzlari “Oʻzbekiston qishloq xoʻjaligi fanlari akademiyasining” soʻzlari bilan almashtirilsin.
5. Oʻzbekiston Respublikasi Prezidentining 2025-yil 8-sentabrdagi “Respublikada kartoshka yetishtirishni koʻpaytirish va urugʻchiligini yanada rivojlantirishga doir qoʻshimcha chora-tadbirlar toʻgʻrisida”gi PQ-269-son qarorining 2-bandi “a” kichik bandidagi “1-dekabrga qadar keyingi” soʻzlari “1-fevralga qadar joriy” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 13-mart,
PF- 40 -son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О мерах по организации Узбекской академии сельскохозяйственных наук при Министерстве сельского хозяйства
[Извлечение]
В целях повышения роли науки в области сельского хозяйства в смягчении последствий изменения климата, наблюдающихся в последние годы в нашей стране, предотвращении экологических проблем, удовлетворении растущего спроса населения на продовольственную продукцию и промышленности на сырье, устойчивом развитии экономики и повышении экспортного потенциала, а также создания единой системы управления и регулирования инновационной деятельности постановляю:
I. Основные цели и приоритетные направления
1. Определить основными целями научно-инновационного развития сферы сельского хозяйства в республике, повышения результативности фундаментальных и прикладных исследований, подготовки высококвалифицированных научных кадров до 2030 года увеличение:
(а) в 3 раза количества запатентованных новых научных разработок и технологий в сфере сельского хозяйства;
(б) в 2 раза количества статей, опубликованных в международных научных изданиях;
(в) в 2 раза количества проектов, представляемых на конкурсы в рамках государственных программ по научной деятельности;
(г) в 4 раза охвата субъектов, пользующихся услугами агроконсультаций и трансфера передовых зарубежных агротехнологий;
(д) в 3 раза количества научных исследований, осуществленных в рамках международного сотрудничества.
II. Совершенствование государственного управления в сфере сельскохозяйственной науки
2. Согласиться с предложениями Министерства сельского хозяйства, Академии наук и Министерства высшего образования, науки и инноваций:
(а) о создании Узбекской академии сельскохозяйственных наук при Министерстве сельского хозяйства (далее — Академия) на базе Национального центра знаний и инноваций в сельском хозяйстве при Министерстве сельского хозяйства;
(б) о переводе в организационную структуру Академии научных организаций в системе министерств и ведомств согласно приложению № 1 * .
3. Утвердить:
(а) Основные направления деятельности Узбекской академии сельскохозяйственных наук согласно приложению № 2 * ;
(б) Организационную структуру Узбекской академии сельскохозяйственных наук согласно приложению № 3 * ;
(в) Программу мер по организации деятельности Узбекской академии сельскохозяйственных наук согласно приложению № 4 * .
4. Установить, что:
(а) Академия является государственным научным учреждением, определяющим и координирующим направления фундаментальных и прикладных исследований, долгосрочные и краткосрочные программы в сфере сельского хозяйства, а также осуществляющим научное развитие агропромышленного комплекса;
(б) научная экспертиза разрабатываемых проектов нормативно-правовых актов по реализации реформ, связанных с сельским хозяйством, земельными отношениями, проводится в обязательном порядке в Академии в процессе согласования с Министерством сельского хозяйства;
(в) Академия является правопреемником по правам и обязательствам Национального центра знаний и инноваций в сельском хозяйстве;
(г) Академией руководит председатель, назначаемый на пятилетний срок Кабинетом Министров по представлению министра сельского хозяйства, а также он имеет трех заместителей;
(д) общая предельная численность работников управленческого аппарата Академии определяется в количестве 60 единиц, из них дополнительно 19 штатных единиц выделяются за счет оптимизированной части штатов научных организаций в системе Национального центра знаний и инноваций в сельском хозяйстве;
(ж) на Республиканский центр агроуслуг и его территориальные подразделения возлагаются задачи по внедрению в Академии новых агротехнологий, эффективных инноваций и достижений науки;
(з) Академия для совместного решения вопросов качества почвы в сельском хозяйстве, ее восстановления и других проблем реализует проекты «Living lab» в определенной инновационной среде, направленные на инициативы в сотрудничестве производителя продукции — предпринимателя — исследователя;
(и) в Академии и организациях в ее составе сохраняются действующий порядок финансирования, условия оплаты труда и материального стимулирования;
(к) Академия размещается по адресу: Ташкентская область, Юкоричирчикский район, СГМ «А. Яссавий», улица Ш. Рашидова, дом № 1 безвозмездно на основе права оперативного управления.
5. Установить порядок, в соответствии с которым:
(а) в Академии внедряется порядок присуждения следующих званий:
(i) молодой академик — присуждается министром сельского хозяйства на конкурсной основе претендентам из числа докторов наук (DSc) в возрасте до 40 лет, осуществляющих эффективную деятельность в научной сфере, обладающих талантом и лидерскими способностями;
(ii) профессор Академии — присуждается министром сельского хозяйства на конкурсной основе претендентам из числа ученых, получивших звание профессора, молодых академиков, обладающих высоким научным потенциалом;
(iii) член-корреспондент Академии — избирается на общем собрании Академии на конкурсной основе из числа ученых (докторов наук, профессоров) и профессоров Академии, создавших разработки с научно-практическим решением в определенной степени, внесших вклад в развитие сферы сельского хозяйства, а также утверждается Президентом Республики Узбекистан;
(iv) действительный член (академик) Академии — избирается на общем собрании Академии из числа ученых (докторов наук, профессоров) и членов-корреспондентов Академии, известных своими научными трудами на международном уровне, создавших свою научную школу, внесших весомый вклад в развитие сферы сельского хозяйства, а также утверждается Президентом Республики Узбекистан;
(v) зарубежные члены Академии — избираются на общем собрании Академии из числа зарубежных граждан, достигших высоких результатов в мировой науке, внесших весомый вклад в развитие международного сотрудничества и сельского хозяйства, а также (или) утверждается Президентом Республики Узбекистан;
(б) Академии для проведения выборов в 2026 году выделяются свободные места (квоты) для 3 действительных членов (академиков) и 5 членов-корреспондентов;
(в) в действительные члены (академики) и члены-корреспонденты Академии избираются кандидаты за достигнутые большие успехи в сфере сельского хозяйства, внедрение в широком масштабе на производстве созданных ими разработок, новых инновационных технологий с высокой экономической и социальной эффективностью, а также организовавших услуги по их популяризации посредством таких оправдавших себя в международной практике методик, как «спин-офф»;
(г) отбор кандидатов в действительные (академики) и члены-корреспонденты Академии проводится на конкурсной основе не реже одного раза в два года Министерством сельского хозяйства по согласованию с Кабинетом Министров;
(д) в Академии помимо действительных членов вводится звание «почетный профессор Академии».
6. Определить, что:
(а) гонорар выплачивается следующим членам Академии:
(i) действительным членам (академикам) — в размере, приравненном к действительным членам (академикам) Академии наук;
(ii) членам-корреспондентам — в 2,81-кратном размере минимального размера оплаты труда;
(б) действительные члены (академики) и члены-корреспонденты бывшей Узбекской академии сельскохозяйственных наук являются действительными членами (академиками) и членами-корреспондентами Академии соответственно;
(в) на действительных членов (академиков) и членов-корреспондентов Академии распространяется порядок медицинского обслуживания, укрепления здоровья в санаториях и курортно-оздоровительных учреждениях, определенных для действительных членов Академии наук;
(г) финансирование расходов на гонорары и оздоровление действительных членов (академиков) и членов-корреспондентов Академии в 2026 году осуществляется за счет средств республиканского бюджета, выделенных Министерству сельского хозяйства, начиная с 2027 года предусматривается в параметрах Государственного бюджета.
III. Укрепление материально-технической базы научно-исследовательских учреждений
7. Переименовать Фонд по поддержке знаний и инноваций в сельском хозяйстве при Национальном центре знаний и инноваций в сельском хозяйстве в Фонд по поддержке развития науки и инноваций в сельском хозяйстве при Академии (далее — Фонд).
8. Определить дополнительными источниками финансирования Фонда:
(а) средства до 50 миллиардов сумов, ежегодно выделяемые из республиканского бюджета на основе обоснованных расчетов Министерства сельского хозяйства;
(б) средства, выделяемые на финансирование научных проектов за счет внебюджетных средств Министерства сельского хозяйства.
9. Утвердить основные направления расходов, на которые направляются средства Фонда по поддержке развития науки и инноваций в сельском хозяйстве, согласно приложению № 5 * .
10. Нижеследующие:
(а) принять к сведению создание Центра фундаментальных исследований в сельском хозяйстве (Centеr оf Excellence) (далее — Центр) в соответствии с постановлением Президента Республики Узбекистан от 7 июля 2023 года № ПП-216;
(б) определить, что Центр:
(i) размещается в зданиях и сооружениях, строящихся на земельной площади 9,2 гектара, относящейся к Национальному центру знаний и инноваций в сельском хозяйстве, на территории СГМ «А. Яссавий» массива «Суранкент» Юкоричирчикского района Ташкентской области;
(ii) до строительства собственного здания временно располагается в здании Академии.
11. Создать рабочую группу по ускорению и своевременному завершению работ по строительству здания Центра фундаментальных исследований в сельском хозяйстве (Centre оf Excellence) и утвердить ее состав согласно приложению № 6 * .
12. Определить основными задачами Центра:
(а) осуществление фундаментальных исследований, направленных на проведение теоретических и опытно-экспериментальных изысканий по получению новых знаний об основных закономерностях в поиске научного решения проблем в сфере сельского хозяйства, изучению взаимосвязанности между ними;
(б) исследование фундаментальных основ таких проблем, как негативное воздействие глобальных изменений климата на сельское хозяйство и засоленность;
(в) создание высокоурожайных, жаростойких и засухоустойчивых, генетических обновленных сортов и гибридов сельскохозяйственных культур путем применения достижений мировой науки и передовых технологий;
(г) налаживание системы проведения научных исследований и подготовки высококвалифицированных научных кадров на основе принципа «основанное на науке, ориентированное на практику образование (science-based, practice-oriented)».
13. Министерству сельского хозяйства и Академии в срок до 1 июня 2026 года с привлечением международных признанных экспертов, обладающих передовым опытом в сфере сельского хозяйства, внедрить систему оценки ключевых показателей эффективности (KPI) деятельности научных работников научных учреждений в своей системе, а также эффективности деятельности научных учреждений. При этом:
(а) один раз в каждые три года организовывать аудит науки в научно-исследовательских учреждениях с привлечением внешней независимой научной аудиторской организации;
(б) публиковать рейтинг результатов научно-инновационной деятельности научно-исследовательских учреждений на основе результатов аудита науки.
IV. Организация, обеспечение и контроль исполнения Указа
14. Внести изменения в некоторые акты Президента Республики Узбекистан согласно приложению № 7 .
15. Министерству сельского хозяйства совместно с Министерством юстиции в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
16. Возложить на заместителя Премьер-министра Ж.А. Ходжаева и министра сельского хозяйства И.Ю. Абдурахмонова персональную ответственность за эффективную организацию исполнения настоящего Указа.
17. Осуществление координации и контроля за деятельностью ведомств, ответственных за исполнение настоящего Указа, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 7 к Указу Президента Республики Узбекистан от 13 марта 2026 года № УП-40
Изменения, вносимые в некоторые акты Президента Республики Узбекистан
1. В Указе Президента Республики Узбекистан от 3 февраля 2021 года № УП-6159 «О дальнейшем совершенствовании системы знаний и инноваций, а также оказания современных услуг в сельском хозяйстве»:
(а) пункт 2 признать утратившим силу;
(б) пункт 4 изложить в следующей редакции:
«4. Установить, что:
Узбекская академия сельскохозяйственных наук при Министерстве сельского хозяйства (далее — Академия) является рабочим органом Координационного совета;
Академия осуществляет непосредственное руководство деятельностью научно-исследовательских учреждений своей системы, налаживает совместную работу с научно-исследовательскими учреждениями в направлениях животноводства, сферах лесного, водного хозяйства и шелководства, координирует научную и инновационную деятельность высших и профессиональных образовательных учреждений в сфере сельского хозяйства»;
(в) в пункте 5:
(i) в подпункте «б» слова «в Министерство инновационного развития» заменить словами «в Агентство инновационного развития при Министерстве высшего образования, науки и инноваций»;
(ii) в подпункте «в»:
абзац первый изложить в следующей редакции:
«в) реализация проектов, предусмотренных пятилетней программой, а также предложенных субъектами сельского хозяйства, не профинансированных либо не полностью профинансированных из бюджета, и иных задач осуществляется Фондом по поддержке развития науки и инноваций в сельском хозяйстве при Академии (далее — Фонд)»;
в абзаце третьем слова «Национальным центром» заменить словом «Академией»;
(г) в абзаце втором пункта 8 слова «Национального центра» заменить словом «Академии»;
(д) в абзацах первом , втором и четвертом пункта 10 слова «Национального центра» заменить словом «Академии»;
(ж) в абзаце первом пункта 11 слова «Национальному центру» заменить словом «Академии»;
(и) пункт 1 приложения № 4 изложить в следующей редакции:
«1. Узбекская академия сельскохозяйственных наук».
2. В Указе Президента Республики Узбекистан от 10 июня 2023 года № УП-90 «О мерах по эффективной организации государственного управления в сельскохозяйственной и продовольственной сфере в рамках административных реформ»:
(а) в пункте 1:
(i) абзац пятый исключить;
(ii) абзацы шестой — девятый считать соответственно абзацами пятым — восьмым;
(б) в приложении № 2:
(i) блоки «Комитет по развитию шелководства и шерстяной промышленности» и «Институт почвоведения и агрохимических исследований» исключить;
(ii) блок «Национальный центр знаний и инноваций в сельском хозяйстве» изложить в следующей редакции:
«Узбекская академия сельскохозяйственных наук»;
(в) приложение № 4 признать утратившим силу;
(г) в тексте на государственном языке абзаца первого графы «Чора-тадбирлар номи» позиции 6 приложения № 8 слова «Академик М. Мирзаев номидаги боғдорчилик, узумчилик ва виночилик илмий-тадқиқот институти ҳудудида» заменить словами «Тошкент вилояти Юқори Чирчиқ тумани «А. Яссавий» МФЙ ҳудудида жойлашган Дала экинлари уруғчилиги миллий тадқиқот мажмуаси дирекцияси ҳудудида».
3. В постановлении Президента Республики Узбекистан от 3 февраля 2021 года № ПП-4975 «Об организации деятельности Национального центра знаний и инноваций в сельском хозяйстве при Министерстве сельского хозяйства Республики Узбекистан»:
(а) в пункте 2:
(i) абзац второй исключить;
(ii) абзацы третий — пятый считать соответственно абзацами вторым — четвертым;
(iii) в абзаце втором слова «Национального центра знаний и инноваций в сельском хозяйстве при Министерстве сельского хозяйства» заменить словами «Узбекской академии сельскохозяйственных наук при Министерстве сельского хозяйства (далее — Академия)»;
(iv) в абзаце третьем слова «Национального центра знаний и инноваций в сельском хозяйстве при Министерстве сельского хозяйства» заменить словом «Академии»;
(v) в абзаце четвертом слова «Национального центра» заменить словом «Академии»;
(б) в пункте 4:
(i) подпункты «а» и «б» признать утратившими силу;
(ii) в подпунктах «в» , «д» и «ж» слова «Национальный центр» в соответствующем падеже заменить словом «Академия» в соответствующем падеже;
(в) в абзаце первом пункта 7 слова «Национального центра» заменить словом «Академии»;
(г) пункт 13 признать утратившим силу;
(д) приложение № 1 признать утратившим силу;
(ж) в наименовании приложений №№ 3 и 4 слова «Национального центра знаний и инноваций в сельском хозяйстве» заменить словами «Узбекской академии сельскохозяйственных наук».
5. В подпункте «а» пункта 2 постановления Президента Республики Узбекистан от 8 сентября 2025 года № ПП-269 «О дополнительных мерах по увеличению производства картофеля и дальнейшему развитию его семеноводства в республике» слова «до 1 декабря» и «в следующем году» заменить словами «до 1 февраля» и «в текущем году».
Президент Республики Узбекистан Ш. МИРЗИЁЕВ
г. Ташкент,
13 марта 2026 г.,
№ УП- 40