UzbekAI

Ўзбекистон Республикаси Президентининг

қарори

РЎЙХАТИ

Қишлоқ хўжалигида замонавий технологияларни жорий қилишга доир чора-тадбирлар тўғрисида

Қишлоқ хўжалигида хизматлар кўрсатиш тизимини такомиллаштириш, бунда янги хизмат турларини жорий қилиш ва банк хизматларини илғор хорижий ёндашувлар асосида ташкил этиш, шунингдек, замонавий рақамли маҳсулотлар ҳажмини кенгайтириш мақсадида қарор қиламан:

I. Мақсадлар

1. Қуйидагилар «Агробанк» акциядорлик тижорат банки томонидан амалга ошириладиган асосий мақсадли кўрсаткичлар этиб белгилансин:

(а) 2026 йилда банк ресурс базасини мустаҳкамлаш учун ташқи ва ички манбалар ҳисобидан 25 триллион сўм, шундан хорижий молия институтларидан 600 миллион АҚШ доллари ва ички манбалардан 18 триллион сўм миқдорида қўшимча молиявий ресурсларни жалб этиш;

(б) 2026 йил якунига қадар ҳар бир ҳудудда агрохизмат зоналарини ташкил этиш;

(в) 2026-2027 йилларда қишлоқ хўжалигига доир 10 та стартап лойиҳани амалга ошириш;

(г) «Сувчилар мактаби»да сув тежовчи технологияларни жорий этиш ва ўргатишга қаратилган дастурни йўлга қўйиш ва ҳар йили 10 мингта фермер хўжалигини жалб қилиш;

(д) «Фермерлар мактаби» онлайн ўқув платформасига 40 тадан ортиқ янги видеодарслар ҳамда онлайн курслар жойлаш ва йилига 15 мингта фермер ва деҳқон хўжаликларини жалб қилиш.

II. Замонавий комплекс қишлоқ хўжалиги хизматларини жорий қилиш

2. «Агробанк» акциядорлик тижорат банки (кейинги ўринларда — Агробанк) 2026 йил якунига қадар тажриба-синов тариқасида Қорақалпоғистон Республикаси ва вилоятларда биттадан банк филиалларида агрохизмат зоналарини ташкил этсин. Бунда агрохизмат зоналарида:

(а) қишлоқ хўжалиги агенти фаолияти йўлга қўйилади, қишлоқ хўжалиги корхоналари фаолиятига оид банк маҳсулотлари ва хизматларидан самарали фойдаланишга кўмаклашиш ҳамда қишлоқ хўжалигида замонавий интенсив технологиялар бўйича бепул маслаҳат бериш тизими жорий қилинади;

(б) қишлоқ хўжалиги корхоналари фаолиятига оид бошқа зарур хизматлар (агроном маслаҳати, сув ва энерготежамкор технологиялар, тупроқ таҳлили, ин-витро технологияси асосида кўчатларни етказиб бериш ва бошқалар) кўрсатилади;

(в) қишлоқ хўжалиги йўналишидаги ўқув платформалари («Сувчилар мактаби», «Фермерлар мактаби») ва китоблар тўпламларидан эркин фойдаланиш имкониятлари яратилади.

3. Агробанк зиммасига қишлоқ хўжалиги корхоналарини қўллаб-қувватлаш бўйича қуйидаги қўшимча вазифалар юклатилсин:

(а) қишлоқ хўжалиги маҳсулотлари етиштиришда янги замонавий интенсив технологияларни кенг жорий қилиш ва стартап лойиҳаларни қўллаб-қувватлаш;

(б) мижоз эҳтиёжлари асосида қишлоқ хўжалиги йўналишида замонавий рақамли маҳсулотлар ҳажмини кенгайтириш ва комплекс хизмат кўрсатиш тизимини йўлга қўйиш;

(в) сунъий интеллект, масофадан мониторинг ва «big-data» технологиялари асосида банк ҳамда қишлоқ хўжалигига оид хизматларни ишлаб чиқиш;

(г) қишлоқ хўжалиги корхоналарига банк хизматлари илғор хорижий ёндашувлар асосида кўрсатилишини таъминлаш учун халқаро ташкилотлар билан ҳамкорлик доирасини кенгайтириш;

(д) рейтинги юқори бўлган хорижий олий ўқув юртлари билан ҳамкорлик ўрнатиш орқали тегишли олий таълим муассасаларида «илм ва амалиёт» тамойили асосида ўқитишни ташкил этишга кўмаклашиш.

4. Иқтисодиёт ва молия вазирлиги ҳамда Агробанкнинг давлат кафолатисиз қуйидаги лойиҳаларни амалга ошириш ҳақидаги таклифига розилик берилсин:

(а) Жаҳон банки билан ҳамкорликда — қишлоқ хўжалигини молиялаштириш ҳолатини таҳлил қилиш, янги маҳсулотлар ва хизматларни рақамлаштириш, самарали бизнес ёндашувларни жорий этиш;

(б) Осиё тараққиёт банки билан ҳамкорликда — бизнесни ривожлантириш, кредит рискларини бошқариш тизимини мустаҳкамлаш, экологик, ижтимоий ва корпоратив бошқарув (ESG) талабларини амалиётга жорий этиш.

III. Қишлоқ хўжалигида стартап лойиҳалар

5. Белгилансинки, Агробанк томонидан қишлоқ хўжалигида стартап лойиҳаларни қўллаб-қувватлаш мақсадида:

(а) Агробанк таъсисчилигида «Agro Ventures» шўъба хўжалик жамияти ташкил этилади. Бунда Ўзбекистон Республикаси Президентининг 2024 йил 14 октябрдаги «Стартап лойиҳалар ва венчур молиялаштириш экотизимини янада ривожлантириш чора-тадбирлари тўғрисида»ги ПҚ-357-сон қарорига асосан ташкил қилинган «United Ventures» венчур компанияси устав капиталига Агробанк томонидан йўналтириладиган маблағлар доирасида 73 миллиард сўмни «Agro Ventures» шўъба хўжалик жамияти устав капиталини шакллантиришга йўналтириш тавсия этилсин;

(б) шўъба хўжалик жамияти томонидан:

(i) акселерация, инвестиция ва тижоратлаштириш жараёнларини йўлга қўйиш учун топ-50 талик рейтингга кирган хорижий венчур компаниялари билан ҳамкорлик дастурлари асосида алоқаларни йўлга қўйиш, хорижий эксперт ва менторларни жалб қилиш;

(ii) стартапларни молиялаштириш учун акселераторлик ва инкубатор дастурларини йўлга қўйиш, хакатонлар ўтказиш, қишлоқ хўжалигидаги стартаплар ҳамда инновацион ғоялар учун грант дастурларини жорий этиш;

(iii) ахборот технологиялари ҳамда техника йўналишидаги олий таълим муассасалари, илмий-текшириш институтлари ва хусусий сектор вакиллари билан ҳамкорлик қилиш чоралари кўрилади.

IV. Қишлоқ хўжалигида рақамли платформалар ва сунъий интеллект инструментлари

6. Белгилансинки, экин майдонлари тўғрисида космик, об-ҳаво, ўсимликлар ривожланиши ҳолати бўйича мониторинг маълумотларини марказлашган ҳолда таҳлил қилиш мақсадида Қишлоқ хўжалиги мониторинг маркази ташкил қилинади.

7. Қишлоқ хўжалиги мониторинг марказига маълумотларни марказлашган ҳолда «big-data» технологиялари асосида тақдим қилишга масъул ташкилотлар рўйхати 1-иловага мувофиқ тасдиқлансин.

8. Агробанк зиммасига қишлоқ хўжалигида рақамли платформалар ва сунъий интеллектни кенг татбиқ қилиш бўйича қуйидаги вазифалар юклатилсин:

(а) қишлоқ хўжалигига оид маълумотларни марказлашган ҳолда «big-data» технологиялари асосида тўплаш, қайта ишлаш, таҳлил қилишнинг техник ва дастурий инфратузилмасини ташкил қилиш;

(б) мева-сабзавотчилик, чорвачиликда сунъий интеллект технологияларини жорий этиш бўйича Жиззах вилоятида боғдорчилик, Сирдарё вилоятида чорвачилик мониторинги бўйича биттадан сунъий интеллектга асосланган пилот лойиҳаларни амалга ошириш;

(в) қишлоқ хўжалиги корхоналарига банк-молия хизматлари, давлат хизматлари ва қишлоқ хўжалигида сунъий интеллектга асосланган «ақлли» ечимларга ихтисослашган илова (суперапп) яратиш;

(г) қишлоқ хўжалик корхоналари бўйича «big-data», сунъий интеллект технологиялари асосида уларнинг рейтинг баҳолаш тизимини йўлга қўйиш, банк хизматлари ва кредитлаш жараёни бўйича автоматлашган хулосалар бериш ечимларини татбиқ этиш.

9. Агробанк ҳамда «Ўзбеккосмос» агентлигининг қуйидаги таклифлари маъқуллансин:

(а) Агробанк томонидан «Ўзбеккосмос» агентлиги сўрови асосида Агентлик муассислигидаги «Космик мониторинг ва геоахборот технологиялари маркази» МЧЖга қишлоқ хўжалиги ер майдонларида аэрокосмик мониторингни кенгайтириш мақсадида учувчисиз учиш аппаратлари комплексини сотиб олиш учун ҳомийлик маблағлари ажратиш;

(б) пахта ва ғалла экинлари етиштиришга ажратилган имтиёзли кредитлардан мақсадли фойдаланиш ҳолатини сунъий йўлдош ва дрон ёрдамида олинган маълумотлар асосида мониторинг қилиш тизимини жорий қилиш.

10. Агробанк 2026 — 2029 йиллар давомида Рақамли иқтисодиёт ва агротехнологиялар университетида:

(а) Хитой қишлоқ хўжалиги университети ва Шинжон қишлоқ хўжалиги университети билан қўшма таълим дастурларини йўлга қўйсин;

(б) қишлоқ хўжалиги соҳасида нуфузли халқаро рейтинг ташкилотларининг биринчи 100 талик рўйхатига кирган олий таълим муассасалари билан бакалавриат, магистратура ва докторантура бўйича қўшма таълим дастурлари, қисқа муддатли хорижий ва маҳаллий малака ошириш курслари, стажировкалар ва тренинг дастурлари ташкил этиш бўйича ишларни амалга оширсин;

(в) хорижий қўшма таълим дастурларини жорий қилиш доирасида ўқув ва амалиёт бинолари базасини яратиш, моддий-техник жиҳозлаш, ўқитиш, талабалар ва илмий ходимларга грантлар учун қўшимча маблағлар ажратиш чораларини кўрсин ҳамда қишлоқ хўжалигида юқори технологияларни ҳамда рақамли платформаларни жорий қилиш бўйича 2 миллиард сўмгача 10 та грант эълон қилсин.

V. Қишлоқ хўжалиги экинларини етиштириш учун молиявий ресурслар

11. Шундай тартиб ўрнатилсинки, унга кўра Агробанк орқали аҳоли хонадонлари, томорқа ер эгалари ва деҳқон хўжаликларига анжир, хурмо, олма ва нок маҳсулотларини етиштириш учун йиллик 18 фоиз ставкада 24 ойлик имтиёзли давр билан 84 ой муддатга кредитлар ажратилади.

12. Қишлоқ хўжалигида молиявий хизматлар кўрсатиш тизимини ривожлантириш бўйича чора-тадбирлар дастури 2-иловага * мувофиқ тасдиқлансин.

13. Қишлоқ хўжалиги вазирлиги, Инвестициялар, саноат ва савдо вазирлиги ҳамда Иқтисодиёт ва молия вазирлиги:

(а) 2026 йил 1 апрелга қадар Қишлоқ хўжалигини ривожлантириш халқаро жамғармаси иштирокидаги «Агробизнес учун самарали ечимлар: юқори даромад, инвестиция ва барқарорлик» лойиҳасининг (кейинги ўринларда — Лойиҳа) концепциясини тасдиқласин;

(б) 2026 йил давомида Қишлоқ хўжалигини ривожлантириш халқаро жамғармасидан Ўзбекистон Республикасига Лойиҳани молиялаштириш учун имтиёзли кредит маблағларини жалб қилиш чораларини кўрсин.

VI. Қарор ижросини ташкил этиш, таъминлаш ва назорат

14. Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

15. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Ходжаев, қишлоқ хўжалиги вазири И.Ю. Абдураҳмонов ҳамда «Агробанк» АТБ бошқаруви раиси Э.А. Кахоров белгилансин.

16. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 13 мартдаги ПҚ-99-сон қарорига 1-ИЛОВА

Қишлоқ хўжалиги мониторинг марказига маълумотларни марказлашган ҳолда «big-data» технологиялари асосида тақдим қилишга масъул ташкилотлар

Т/р Ахборот тизимлари интеграция қилинадиган ташкилотлар Маълумот тури 1. «Ўзбеккосмос» агентлиги Космик тасвирлар, NDVI ва бошқа вегетация индекслари, экин ҳолати, экилган ва экилмаган майдонлар, экин ривожланиш динамикаси, ҳосил прогнозини шакллантиришга хизмат қилувчи маълумотлар 2. Қишлоқ хўжалиги вазирлиги Қишлоқ хўжалиги корхоналари реестри, экин тузилмаси, «Рақамли қишлоқ хўжалиги» ягона интеграцион платформаси маълумотлари ва фермер хўжаликларига оид бошқа маълумотлар 3. Аграр соҳада тўловлар агентлиги Ажратилган субсидиялар, компенсациялар, имтиёз мақоми, аризалар ҳолати, давлат қўллаб-қувватлаш чоралари ва қишлоқ хўжалиги субъектлари бўйича молиявий кўмак тўғрисидаги маълумотлар 4. Сув хўжалиги вазирлиги Сув лимитлари, сув етказиб бериш шартномалари, сув сарфи, каналлар ва гидропостлар маълумотлари, суғориш тармоқлари бўйича маълумотлар 5. Кадастр агентлиги Ер участкаси контури, майдон ҳажми, кадастр рақами, ернинг ҳуқуқий мақоми, ер тоифаси ва ерга оид бошқа кадастр маълумотлари 6. Солиқ қўмитаси Солиқ қарзи, молиявий ҳисоботлар, тушумлар, товар айланмаси, электрон ҳисобварақ-фактуралар, СТИР ва тадбиркорлик фаолиятига оид бошқа молиявий маълумотлар 7. Ўсимликлар карантини ва ҳимояси агентлиги Ўсимлик касалликлари ва зараркунандалар реестри, фитосанитар ҳолат, ҳудудий хавфлар ва карантин объектлари тўғрисидаги маълумотлар 8. «Ҳудудий электр тармоқлари» АЖ Қишлоқ хўжалиги корхоналарининг электр энергияси бўйича қилган тўловлари ва мавжуд қарздорликлари тўғрисидаги маълумотлар

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 13 март,

ПҚ-99-сон

(Қонунчилик маълумотлари миллий базаси, 14.03.2026 й., 07/26/99/0228-сон)

lex.uz

Oʻzbekiston Respublikasi Prezidentining

qarori

ROʻYXATI

Qishloq xoʻjaligida zamonaviy texnologiyalarni joriy qilishga doir chora-tadbirlar toʻgʻrisida

Qishloq xoʻjaligida xizmatlar koʻrsatish tizimini takomillashtirish, bunda yangi xizmat turlarini joriy qilish va bank xizmatlarini ilgʻor xorijiy yondashuvlar asosida tashkil etish, shuningdek, zamonaviy raqamli mahsulotlar hajmini kengaytirish maqsadida qaror qilaman:

I. Maqsadlar

1. Quyidagilar “Agrobank” aksiyadorlik tijorat banki tomonidan amalga oshiriladigan asosiy maqsadli koʻrsatkichlar etib belgilansin:

(a) 2026-yilda bank resurs bazasini mustahkamlash uchun tashqi va ichki manbalar hisobidan 25 trillion soʻm, shundan xorijiy moliya institutlaridan 600 million AQSH dollari va ichki manbalardan 18 trillion soʻm miqdorida qoʻshimcha moliyaviy resurslarni jalb etish;

(b) 2026-yil yakuniga qadar har bir hududda agroxizmat zonalarini tashkil etish;

(v) 2026-2027-yillarda qishloq xoʻjaligiga doir 10 ta startap loyihani amalga oshirish;

(g) “Suvchilar maktabi”da suv tejovchi texnologiyalarni joriy etish va oʻrgatishga qaratilgan dasturni yoʻlga qoʻyish va har yili 10 mingta fermer xoʻjaligini jalb qilish;

(d) “Fermerlar maktabi” onlayn oʻquv platformasiga 40 tadan ortiq yangi videodarslar hamda onlayn kurslar joylash va yiliga 15 mingta fermer va dehqon xoʻjaliklarini jalb qilish.

II. Zamonaviy kompleks qishloq xoʻjaligi xizmatlarini joriy qilish

2. “Agrobank” aksiyadorlik tijorat banki (keyingi oʻrinlarda — Agrobank) 2026-yil yakuniga qadar tajriba-sinov tariqasida Qoraqalpogʻiston Respublikasi va viloyatlarda bittadan bank filiallarida agroxizmat zonalarini tashkil etsin. Bunda agroxizmat zonalarida:

(a) qishloq xoʻjaligi agenti faoliyati yoʻlga qoʻyiladi, qishloq xoʻjaligi korxonalari faoliyatiga oid bank mahsulotlari va xizmatlaridan samarali foydalanishga koʻmaklashish hamda qishloq xoʻjaligida zamonaviy intensiv texnologiyalar boʻyicha bepul maslahat berish tizimi joriy qilinadi;

(b) qishloq xoʻjaligi korxonalari faoliyatiga oid boshqa zarur xizmatlar (agronom maslahati, suv va energotejamkor texnologiyalar, tuproq tahlili, in-vitro texnologiyasi asosida koʻchatlarni yetkazib berish va boshqalar) koʻrsatiladi;

(v) qishloq xoʻjaligi yoʻnalishidagi oʻquv platformalari (“Suvchilar maktabi”, “Fermerlar maktabi”) va kitoblar toʻplamlaridan erkin foydalanish imkoniyatlari yaratiladi.

3. Agrobank zimmasiga qishloq xoʻjaligi korxonalarini qoʻllab-quvvatlash boʻyicha quyidagi qoʻshimcha vazifalar yuklatilsin:

(a) qishloq xoʻjaligi mahsulotlari yetishtirishda yangi zamonaviy intensiv texnologiyalarni keng joriy qilish va startap loyihalarni qoʻllab-quvvatlash;

(b) mijoz ehtiyojlari asosida qishloq xoʻjaligi yoʻnalishida zamonaviy raqamli mahsulotlar hajmini kengaytirish va kompleks xizmat koʻrsatish tizimini yoʻlga qoʻyish;

(v) sunʼiy intellekt, masofadan monitoring va “big-data” texnologiyalari asosida bank hamda qishloq xoʻjaligiga oid xizmatlarni ishlab chiqish;

(g) qishloq xoʻjaligi korxonalariga bank xizmatlari ilgʻor xorijiy yondashuvlar asosida koʻrsatilishini taʼminlash uchun xalqaro tashkilotlar bilan hamkorlik doirasini kengaytirish;

(d) reytingi yuqori boʻlgan xorijiy oliy oʻquv yurtlari bilan hamkorlik oʻrnatish orqali tegishli oliy taʼlim muassasalarida “ilm va amaliyot” tamoyili asosida oʻqitishni tashkil etishga koʻmaklashish.

4. Iqtisodiyot va moliya vazirligi hamda Agrobankning davlat kafolatisiz quyidagi loyihalarni amalga oshirish haqidagi taklifiga rozilik berilsin:

(a) Jahon banki bilan hamkorlikda — qishloq xoʻjaligini moliyalashtirish holatini tahlil qilish, yangi mahsulotlar va xizmatlarni raqamlashtirish, samarali biznes yondashuvlarni joriy etish;

(b) Osiyo taraqqiyot banki bilan hamkorlikda — biznesni rivojlantirish, kredit risklarini boshqarish tizimini mustahkamlash, ekologik, ijtimoiy va korporativ boshqaruv (ESG) talablarini amaliyotga joriy etish.

III. Qishloq xoʻjaligida startap loyihalar

5. Belgilansinki, Agrobank tomonidan qishloq xoʻjaligida startap loyihalarni qoʻllab-quvvatlash maqsadida:

(a) Agrobank taʼsischiligida “Agro Ventures” shoʻba xoʻjalik jamiyati tashkil etiladi. Bunda Oʻzbekiston Respublikasi Prezidentining 2024-yil 14-oktabrdagi “Startap loyihalar va venchur moliyalashtirish ekotizimini yanada rivojlantirish chora-tadbirlari toʻgʻrisida”gi PQ-357-son qaroriga asosan tashkil qilingan “United Ventures” venchur kompaniyasi ustav kapitaliga Agrobank tomonidan yoʻnaltiriladigan mablagʻlar doirasida 73 milliard soʻmni “Agro Ventures” shoʻba xoʻjalik jamiyati ustav kapitalini shakllantirishga yoʻnaltirish tavsiya etilsin;

(b) shoʻba xoʻjalik jamiyati tomonidan:

(i) akseleratsiya, investitsiya va tijoratlashtirish jarayonlarini yoʻlga qoʻyish uchun top-50 talik reytingga kirgan xorijiy venchur kompaniyalari bilan hamkorlik dasturlari asosida aloqalarni yoʻlga qoʻyish, xorijiy ekspert va mentorlarni jalb qilish;

(ii) startaplarni moliyalashtirish uchun akseleratorlik va inkubator dasturlarini yoʻlga qoʻyish, xakatonlar oʻtkazish, qishloq xoʻjaligidagi startaplar hamda innovatsion gʻoyalar uchun grant dasturlarini joriy etish;

(iii) axborot texnologiyalari hamda texnika yoʻnalishidagi oliy taʼlim muassasalari, ilmiy-tekshirish institutlari va xususiy sektor vakillari bilan hamkorlik qilish choralari koʻriladi.

IV. Qishloq xoʻjaligida raqamli platformalar va sunʼiy intellekt instrumentlari

6. Belgilansinki, ekin maydonlari toʻgʻrisida kosmik, ob-havo, oʻsimliklar rivojlanishi holati boʻyicha monitoring maʼlumotlarini markazlashgan holda tahlil qilish maqsadida Qishloq xoʻjaligi monitoring markazi tashkil qilinadi.

7. Qishloq xoʻjaligi monitoring markaziga maʼlumotlarni markazlashgan holda “big-data” texnologiyalari asosida taqdim qilishga masʼul tashkilotlar roʻyxati 1-ilovaga muvofiq tasdiqlansin.

8. Agrobank zimmasiga qishloq xoʻjaligida raqamli platformalar va sunʼiy intellektni keng tatbiq qilish boʻyicha quyidagi vazifalar yuklatilsin:

(a) qishloq xoʻjaligiga oid maʼlumotlarni markazlashgan holda “big-data” texnologiyalari asosida toʻplash, qayta ishlash, tahlil qilishning texnik va dasturiy infratuzilmasini tashkil qilish;

(b) meva-sabzavotchilik, chorvachilikda sunʼiy intellekt texnologiyalarini joriy etish boʻyicha Jizzax viloyatida bogʻdorchilik, Sirdaryo viloyatida chorvachilik monitoringi boʻyicha bittadan sunʼiy intellektga asoslangan pilot loyihalarni amalga oshirish;

(v) qishloq xoʻjaligi korxonalariga bank-moliya xizmatlari, davlat xizmatlari va qishloq xoʻjaligida sunʼiy intellektga asoslangan “aqlli” yechimlarga ixtisoslashgan ilova (superapp) yaratish;

(g) qishloq xoʻjalik korxonalari boʻyicha “big-data”, sunʼiy intellekt texnologiyalari asosida ularning reyting baholash tizimini yoʻlga qoʻyish, bank xizmatlari va kreditlash jarayoni boʻyicha avtomatlashgan xulosalar berish yechimlarini tatbiq etish.

9. Agrobank hamda “Oʻzbekkosmos” agentligining quyidagi takliflari maʼqullansin:

(a) Agrobank tomonidan “Oʻzbekkosmos” agentligi soʻrovi asosida Agentlik muassisligidagi “Kosmik monitoring va geoaxborot texnologiyalari markazi” MCHJga qishloq xoʻjaligi yer maydonlarida aerokosmik monitoringni kengaytirish maqsadida uchuvchisiz uchish apparatlari kompleksini sotib olish uchun homiylik mablagʻlari ajratish;

(b) paxta va gʻalla ekinlari yetishtirishga ajratilgan imtiyozli kreditlardan maqsadli foydalanish holatini sunʼiy yoʻldosh va dron yordamida olingan maʼlumotlar asosida monitoring qilish tizimini joriy qilish.

10. Agrobank 2026 — 2029-yillar davomida Raqamli iqtisodiyot va agrotexnologiyalar universitetida:

(a) Xitoy qishloq xoʻjaligi universiteti va Shinjon qishloq xoʻjaligi universiteti bilan qoʻshma taʼlim dasturlarini yoʻlga qoʻysin;

(b) qishloq xoʻjaligi sohasida nufuzli xalqaro reyting tashkilotlarining birinchi 100 talik roʻyxatiga kirgan oliy taʼlim muassasalari bilan bakalavriat, magistratura va doktorantura boʻyicha qoʻshma taʼlim dasturlari, qisqa muddatli xorijiy va mahalliy malaka oshirish kurslari, stajirovkalar va trening dasturlari tashkil etish boʻyicha ishlarni amalga oshirsin;

(v) xorijiy qoʻshma taʼlim dasturlarini joriy qilish doirasida oʻquv va amaliyot binolari bazasini yaratish, moddiy-texnik jihozlash, oʻqitish, talabalar va ilmiy xodimlarga grantlar uchun qoʻshimcha mablagʻlar ajratish choralarini koʻrsin hamda qishloq xoʻjaligida yuqori texnologiyalarni hamda raqamli platformalarni joriy qilish boʻyicha 2 milliard soʻmgacha 10 ta grant eʼlon qilsin.

V. Qishloq xoʻjaligi ekinlarini yetishtirish uchun moliyaviy resurslar

11. Shunday tartib oʻrnatilsinki, unga koʻra Agrobank orqali aholi xonadonlari, tomorqa yer egalari va dehqon xoʻjaliklariga anjir, xurmo, olma va nok mahsulotlarini yetishtirish uchun yillik 18 foiz stavkada 24 oylik imtiyozli davr bilan 84 oy muddatga kreditlar ajratiladi.

12. Qishloq xoʻjaligida moliyaviy xizmatlar koʻrsatish tizimini rivojlantirish boʻyicha chora-tadbirlar dasturi 2-ilovaga * muvofiq tasdiqlansin.

13. Qishloq xoʻjaligi vazirligi, Investitsiyalar, sanoat va savdo vazirligi hamda Iqtisodiyot va moliya vazirligi:

(a) 2026-yil 1-aprelga qadar Qishloq xoʻjaligini rivojlantirish xalqaro jamgʻarmasi ishtirokidagi “Agrobiznes uchun samarali yechimlar: yuqori daromad, investitsiya va barqarorlik” loyihasining (keyingi oʻrinlarda — Loyiha) konsepsiyasini tasdiqlasin;

(b) 2026-yil davomida Qishloq xoʻjaligini rivojlantirish xalqaro jamgʻarmasidan Oʻzbekiston Respublikasiga Loyihani moliyalashtirish uchun imtiyozli kredit mablagʻlarini jalb qilish choralarini koʻrsin.

VI. Qaror ijrosini tashkil etish, taʼminlash va nazorat

14. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Xodjayev, qishloq xoʻjaligi vaziri I.Yu. Abdurahmonov hamda “Agrobank” ATB boshqaruvi raisi E.A. Kaxorov belgilansin.

16. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 13-martdagi PQ-99-son qaroriga 1-ILOVA

Qishloq xoʻjaligi monitoring markaziga maʼlumotlarni markazlashgan holda “big-data” texnologiyalari asosida taqdim qilishga masʼul tashkilotlar

T/r Axborot tizimlari integratsiya qilinadigan tashkilotlar Maʼlumot turi 1. “Oʻzbekkosmos” agentligi Kosmik tasvirlar, NDVI va boshqa vegetatsiya indekslari, ekin holati, ekilgan va ekilmagan maydonlar, ekin rivojlanish dinamikasi, hosil prognozini shakllantirishga xizmat qiluvchi maʼlumotlar 2. Qishloq xoʻjaligi vazirligi Qishloq xoʻjaligi korxonalari reyestri, ekin tuzilmasi, “Raqamli qishloq xoʻjaligi” yagona integratsion platformasi maʼlumotlari va fermer xoʻjaliklariga oid boshqa maʼlumotlar 3. Agrar sohada toʻlovlar agentligi Ajratilgan subsidiyalar, kompensatsiyalar, imtiyoz maqomi, arizalar holati, davlat qoʻllab-quvvatlash choralari va qishloq xoʻjaligi subyektlari boʻyicha moliyaviy koʻmak toʻgʻrisidagi maʼlumotlar 4. Suv xoʻjaligi vazirligi Suv limitlari, suv yetkazib berish shartnomalari, suv sarfi, kanallar va gidropostlar maʼlumotlari, sugʻorish tarmoqlari boʻyicha maʼlumotlar 5. Kadastr agentligi Yer uchastkasi konturi, maydon hajmi, kadastr raqami, yerning huquqiy maqomi, yer toifasi va yerga oid boshqa kadastr maʼlumotlari 6. Soliq qoʻmitasi Soliq qarzi, moliyaviy hisobotlar, tushumlar, tovar aylanmasi, elektron hisobvaraq-fakturalar, STIR va tadbirkorlik faoliyatiga oid boshqa moliyaviy maʼlumotlar 7. Oʻsimliklar karantini va himoyasi agentligi Oʻsimlik kasalliklari va zararkunandalar reyestri, fitosanitar holat, hududiy xavflar va karantin obyektlari toʻgʻrisidagi maʼlumotlar 8. “Hududiy elektr tarmoqlari” AJ Qishloq xoʻjaligi korxonalarining elektr energiyasi boʻyicha qilgan toʻlovlari va mavjud qarzdorliklari toʻgʻrisidagi maʼlumotlar

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 13-mart,

PQ-99-son

(Qonunchilik maʼlumotlari milliy bazasi, 14.03.2026-y., 07/26/99/0228-son)

lex.uz

Президента Республики Узбекистан

Постановление

О мерах по внедрению современных технологий в сельском хозяйстве

В целях совершенствования системы оказания услуг в сельском хозяйстве, внедрения при этом новых видов услуг и организации банковских услуг на основе передовых зарубежных подходов, а также расширения объема современных цифровых продуктов постановляю:

I. Цели

1. Определить основными целевыми показателями, достигаемыми акционерным коммерческим банком «Агробанк»:

(а) привлечение в 2026 году дополнительных финансовых ресурсов в размере 25 триллионов сумов за счет внешних и внутренних источников, из них 600 миллионов долларов США — из зарубежных финансовых институтов и 18 триллионов сумов — из внутренних источников на укрепление ресурсной базы банка;

(б) создание до конца 2026 года в каждом регионе зон агроуслуг;

(в) реализацию 10 стартап-проектов по сельскому хозяйству в 2026-2027 годах;

(г) внедрение в «Школе водников» водосберегающих технологий и налаживание программы по обучению их использованию, а также ежегодное привлечение к нему 10 тысяч фермерских хозяйств;

(д) размещение на онлайн-учебной платформе «Школа фермеров» более 40 новых видеоуроков и онлайн-курсов, а также привлечение к ним 15 тысяч фермерских и дехканских хозяйств в год.

II. Внедрение современных комплексных сельскохозяйственных услуг

2. Акционерному коммерческому банку «Агробанк» (далее — Агробанк) до конца 2026 года в порядке эксперимента создать в филиалах банка в Республике Каракалпакстан и областях по одной зоне агроуслуг. При этом в зонах агроуслуг:

(а) налаживается деятельность агента сельского хозяйства, внедряется система оказания содействия эффективному использованию банковской продукции и услуг, касающихся деятельности сельскохозяйственных предприятий, а также бесплатного консультирования по современным интенсивным технологиям в сельском хозяйстве;

(б) оказываются другие необходимые услуги (консультация агронома, водосберегающие и энергосберегающие технологии, анализ почвы, поставка саженцев на основе технологий ин-витро и другие), касающиеся деятельности сельскохозяйственных предприятий;

(в) создаются возможности свободного пользования учебными платформами («Школа водников», «Школа фермеров») и сборниками книг в направлении сельского хозяйства.

3. Возложить на Агробанк следующие дополнительные задачи по поддержке сельскохозяйственных предприятий:

(а) широкое внедрение новых современных интенсивных технологий при выращивании сельскохозяйственной продукции и поддержка стартап-проектов;

(б) расширение объема современной цифровой продукции в направлении сельского хозяйства на основе потребностей клиента и налаживание системы оказания комплексных услуг;

(в) разработка банковских и сельскохозяйственных услуг на основе искусственного интеллекта, дистанционного мониторинга и технологий «big-data»;

(г) расширение круга сотрудничества с международными организациями для обеспечения оказания сельскохозяйственным предприятиям банковских услуг на основе передовых зарубежных подходов;

(д) оказание содействия организации обучения в соответствующих высших образовательных учреждениях на основе принципа «наука и практика» путем установления сотрудничества с зарубежными высшими учебными заведениями с высоким рейтингом.

4. Согласиться с предложением Министерства экономики и финансов и Агробанка о реализации следующих проектов без гарантии государства:

(а) при сотрудничестве со Всемирным банком — анализ состояния финансирования сельского хозяйства, цифровизация новых продуктов и услуг, внедрение эффективных бизнес-подходов;

(б) при сотрудничестве с Азиатским банком развития — развитие бизнеса, укрепление системы управления кредитными рисками, внедрение в практику требований экологического, социального и корпоративного управления (ESG).

III. Стартап-проекты в сельском хозяйстве

5. Определить, что в целях поддержки Агробанком стартап-проектов в сельском хозяйстве:

(а) создается дочернее хозяйственное общество «Agro Ventures» при учредительстве Агробанка. При этом рекомендовать направление 73 миллиардов сумов в рамках средств, перечисляемых Агробанком в уставный капитал венчурной компании «United Ventures», созданной на основании постановления Президента Республики Узбекистан от 14 октября 2024 года № ПП-357 «О мерах по дальнейшему развитию экосистемы стартап-проектов и венчурного финансирования», на формирование уставного капитала дочернего хозяйственного общества «Agro Ventures»;

(б) дочернее хозяйственное общество:

(i) налаживает на основе программ сотрудничества связи с зарубежными венчурными компаниями, входящими в рейтинг топ-50, для организации процессов акселерации, инвестирования и коммерциализации, привлекает зарубежных экспертов и менторов;

(ii) организует акселераторские и инкубаторские программы для финансирования стартапов, проводит хакатоны, внедряет грантовые программы для стартапов в сельском хозяйстве и инновационных идей;

(iii) принимает меры по сотрудничеству с вузами в сфере информационных технологий, техническими вузами, научно-исследовательскими институтами и представителями частного сектора.

IV. Цифровые платформы и инструменты искусственного интеллекта в сельском хозяйстве

6. Определить, что в целях централизованного проведения анализа космических мониторинговых данных о посевных площадях, мониторинговых данных о погодном состоянии, состоянии развития растений создается Центр мониторинга сельского хозяйства.

7. Утвердить Перечень организаций, ответственных за централизованное представление данных в Центре мониторинга сельского хозяйства на основе технологий «big-data», согласно приложению № 1 * .

8. Возложить на Агробанк следующие задачи по широкому внедрению цифровых платформ и искусственного интеллекта в сельском хозяйстве:

(а) создание технической и программной инфраструктуры централизованного сбора, обработки, анализа данных касательно сельского хозяйства на основе технологий «big-data»;

(б) реализацию по одному пилотному проекту по внедрению технологий искусственного интеллекта в плодоовощеводстве, животноводстве, основанному на искусственном интеллекте, в Джизакской области — по мониторингу садоводства, в Сырдарьинской области — по мониторингу животноводства;

(в) создание для сельскохозяйственных предприятий специализированного на «умных» решениях приложения (суперапп), основанного на банковско-финансовых услугах, государственных услугах и искусственном интеллекте в сельском хозяйстве;

(г) налаживание системы рейтинговой оценки сельскохозяйственных предприятий на основе технологий «big-data», искусственного интеллекта по ним, внедрение решений по выдаче автоматизированных заключений по банковским услугам и процессу кредитования.

9. Одобрить следующие предложения Агробанка и Агентства «Узбеккосмос», предусматривающие:

(а) выделение Агробанком по запросу Агентства «Узбеккосмос» спонсорских средств обществу с ограниченной ответственностью «Центр космического мониторинга и геоинформационных технологий» при учредительстве Агентства на приобретение комплекса беспилотных летательных аппаратов в целях расширения аэрокосмического мониторинга сельскохозяйственных земельных площадей;

(б) внедрение системы мониторинга состояния целевого использования льготных кредитов, выделенных на выращивание хлопчатника и зерновых, на основе данных, полученных с помощью спутника и дронов.

10. Агробанку в течение 2026 — 2029 годов:

(а) наладить в Университете цифровой экономики и агротехнологий совместные образовательные программы с Китайским сельскохозяйственным университетом и Шинжонским сельскохозяйственным университетом;

(б) провести в Университете цифровой экономики и агротехнологий совместно с высшими образовательными учреждениями, входящими в топ-100 престижных международных рейтинговых организаций в сфере сельского хозяйства, работы по организации совместных образовательных программ по бакалавриату, магистратуре и докторантуре, краткосрочных зарубежных и отечественных курсов повышения квалификации, стажировок и тренинговых программ;

(в) принять меры по выделению в рамках внедрения зарубежных совместных образовательных программ дополнительных средств на создание в Университете цифровой экономики и агротехнологий базы зданий для учебных и практических занятий, их материально-техническое оснащение, обучение, гранты студентам и научным работникам, а также объявить 10 грантов до 2 миллиардов сумов по внедрению высоких технологий и цифровых платформ в сельском хозяйстве.

V. Финансовые ресурсы на выращивание сельскохозяйственных культур

11. Установить порядок, в соответствии с которым Агробанком домохозяйствам населения, владельцам приусадебных земель и дехканским хозяйствам выделяются кредиты на выращивание инжира, хурмы, яблок и груш на срок 84 месяца, включая льготный период 24 месяца, по ставке 18 процентов годовых.

12. Утвердить Программу мер по развитию системы оказания финансовых услуг в сельском хозяйстве согласно приложению № 2 * .

13. Министерству сельского хозяйства, Министерству инвестиций, промышленности и торговли, а также Министерству экономики и финансов:

(а) в срок до 1 апреля 2026 года утвердить концепцию проекта «Эффективные решения для агробизнеса: высокий доход, инвестиция и устойчивость» с участием Международного фонда развития сельского хозяйства (далее — Проект);

(б) в течение 2026 года принять меры по привлечению в Республику Узбекистан льготных кредитных средств для финансирования Проекта из Международного фонда развития сельского хозяйства.

VI. Организация, обеспечение и контроль исполнения постановления

14. Министерству сельского хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

15. Возложить на заместителя Премьер-министра Ж.А. Ходжаева, министра сельского хозяйства И.Ю. Абдурахмонова и председателя правления АКБ «Агробанк» Э.А. Кахорова персональную ответственность за эффективную организацию исполнения настоящего постановления.

16. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

13 марта 2026 г.,

№ ПП-99

(Национальная база данных законодательства, 14.03.2026 г., № 07/26/99/0228)

lex.uz