UzbekAI

Ўзбекистон Республикаси Вазирлар Маҳкамасининг

қарори

НИЗОМ

РАЗРЯДЛАРИ

РАЗРЯДЛАРИ

СХЕМАСИ

ТАРКИБИ

РЎЙХАТИ

Ўзбекистон Республикаси Туризм қўмитаси фаолиятини ташкил этиш чора-тадбирлари тўғрисида

Ўзбекистон Республикаси Президентининг «Экология ва туризм соҳаларида аҳоли талабларига тезкор жавоб бера оладиган бошқарув тизимини яратиш чора-тадбирлари тўғрисида» 2025 йил 18 ноябрдаги ПФ-217-сон Фармони ҳамда «Ўзбекистон Республикаси Туризм қўмитаси фаолиятини ташкил этиш ва туризм соҳасини жадал ривожлантириш чора-тадбирлари тўғрисида» 2025 йил 19 ноябрдаги ПҚ-348-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Экология ва туризм соҳаларида аҳоли талабларига тезкор жавоб бера оладиган бошқарув тизимини яратиш чора-тадбирлари тўғрисида» 2025 йил 18 ноябрдаги ПФ-217-сон Фармонига асосан Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси Ўзбекистон Республикаси Туризм қўмитаси (кейинги ўринларда — Туризм қўмитаси) сифатида қайта ташкил этилгани маълумот учун қабул қилинсин.

2. Қуйидагиларни назарда тутувчи Ўзбекистон Республикаси Туризм қўмитаси тўғрисидаги низом 1-иловага мувофиқ тасдиқлансин:

Туризм қўмитасининг мақоми, тизими, асосий вазифалари ҳамда функциялари;

Туризм қўмитасининг ҳуқуқлари ва жавобгарлиги;

Туризм қўмитаси раҳбарларининг асосий функционал вазифалари ҳамда жавобгарлиги;

Туризм қўмитаси фаолиятини ташкил этиш, унинг республика ва маҳаллий ижро этувчи ҳокимият органлари ҳамда бошқа ташкилотлар билан ўзаро ҳамкорлиги;

Туризм қўмитаси ва унинг ҳудудий бўлинмалари фаолиятини молиялаштириш ҳамда ходимларини моддий рағбатлантириш тартиби.

3. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

4. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

5. Туризм қўмитаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

6. Ушбу қарорнинг бажарилишини назорат қилиш Ўзбекистон Республикаси Туризм қўмитаси раиси А.Ў. Аққулов зиммасига юклансин.

Вазирлар Маҳкамасининг 2026 йил 16 мартдаги 105-сон қарорига 1-ИЛОВА

Ўзбекистон Республикаси Туризм қўмитаси тўғрисида

1-боб. Умумий қоидалар

1. Ушбу Низом Ўзбекистон Республикаси Туризм қўмитасининг (кейинги ўринларда — Қўмита) мақоми, асосий вазифалари ва функциялари, ҳуқуқлари ва жавобгарлиги, фаолиятини ташкил этиш ва ҳисобот бериш тартибини, шунингдек, унинг раҳбарларининг функционал вазифаларини белгилайди.

2. Қўмита туризм соҳасини тартибга солиш ва ривожлантириш бўйича ягона давлат сиёсатини амалга оширувчи алоҳида мустақил мақомга эга республика ижро этувчи ҳокимият органи ҳисобланади.

3. Қўмита Ўзбекистон Республикаси Вазирлар Маҳкамасига (кейинги ўринларда — Вазирлар Маҳкамаси) бўйсунади.

4. Қўмита ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонунчилик ҳужжатларига амал қилади.

5. Қўмита ўз ваколатлари доирасида умуммажбурий бўлган норматив-ҳуқуқий ҳужжатларни қабул қилиш ҳуқуқига эга.

6. Қўмита, Қорақалпоғистон Республикаси, вилоятлар ва Тошкент шаҳар туризм бошқармалари (кейинги ўринларда — ҳудудий бўлинмалар) Қўмитанинг тузилмасига кирувчи ташкилотлар юридик шахслар ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, банк ҳисобварақларига, шу жумладан, хорижий валютадаги шахсий ғазна ҳисобварақларига эга бўлади.

7. Қўмитанинг расмий номи:

а) давлат тилида:

тўлиқ номи — Ўзбекистон Республикаси Туризм қўмитаси, қисқартирилган номи — Туризм қўмитаси;

б) рус тилида:

тўлиқ номи — Комитет по туризму Республики Узбекистан, қисқартирилган номи — Комитет по туризму;

в) инглиз тилида:

тўлиқ номи — Tourism Committee of the Republic of Uzbekistan, қисқартирилган номи — Tourism Committee.

8. Қўмитанинг жойлашган манзили (почта манзили): Ўзбекистон Республикаси, Тошкент шаҳри, Амир Темур шоҳ кўчаси, 107б-уй.

2-боб. Қўмитанинг тузилмаси

9. Қўмита тизимига қуйидагилар киради:

Қўмитанинг марказий аппарати;

Қорақалпоғистон Республикаси, вилоятлар ва Тошкент шаҳри туризм бошқармалари;

Қўмитанинг хорижий мамлакатлардаги ваколатхоналари;

«Миллий PR-маркази» давлат муассасаси;

«Туризм хизматларини сертификатлаштириш маркази» давлат муассасаси;

«Туристларга хизмат кўрсатиш маркази» давлат муассасаси;

«Ипак йўли офиси» давлат муассасаси;

«Ипак йўли» туризм ва маданий мерос халқаро университети ва унинг ҳузуридаги Халқаро туризм академияси Самарқанд кампуси;

«Туризмни ривожлантириш илмий-тадқиқот институти» давлат муассасаси;

«Белдирсой-Чимён-Нанай» халқаро умуммавсумий курортини қуриш ва эксплуатация қилиш бўйича лойиҳа офиси» давлат муассасаси.

3-боб. Қўмита, унинг марказий аппарати ва ҳудудий бошқармаларининг асосий вазифалари ва функциялари

1-§. Қўмитанинг асосий вазифалари ва функциялари

10. Қуйидагилар Қўмитанинг асосий вазифалари ҳисобланади:

туризм турларини диверсификация қилиш, энг аввало, ички ва зиёрат туризми, экологик туризм, этнотуризм, ишбилармонлик туризми, спорт, гастрономик, тиббий, таълим ва илмий туризмни ҳар томонлама ривожлантириш, ташқи ва ички туризмни ҳар томонлама кенгайтириш, янги туризм йўналишларини ишлаб чиқиш ҳамда уларни туризм бозорларида жорий қилиш;

туризм хизматларининг ташқи ва ички бозорларида маркетинг тадқиқотларини олиб бориш, мамлакатнинг туризм соҳасини янада ривожлантириш, бебаҳо туризм салоҳиятини оммалаштириш ва тарғиб қилиш, миллий туризм маҳсулотлари ва брендларининг халқаро туризм бозорларига кириб боришига йўналтирилган фаол реклама-ахборот сиёсатини амалга ошириш;

туризм инфратузилмасини шакллантириш, шу жумладан, туризм объектларини жойлаштириш учун имконият юқори бўлган ҳудудларда режалаштириш ва лойиҳалаштириш ишларини ташкил этиш, инвесторларни жалб қилиш, туризм соҳасида тадбиркорлик фаоллиги ошишига ҳар томонлама кўмаклашиш, туризм объектларини давлат-хусусий шериклик асосида самарали бошқариш ҳамда соҳани босқичма-босқич тўлиқ рақамлаштириш;

мамлакатнинг туризм салоҳиятини тубдан ошириш, туризмга иқтисодиётнинг стратегик сектори мақомини бериш, туризм соҳасида ягона давлат сиёсатини юритиш мақсадида туризмни ривожлантиришнинг яхлит концепциясини ишлаб чиқиш ва амалга оширишни таъминлаш;

республика ҳудудларининг туризм салоҳиятидан келиб чиқиб, туризмнинг истиқболли йўналишларини белгилаш, янги туризм маҳсулотларини яратиш, уларни паспортлаштириш, туризм соҳасидаги ягона реестрларни шакллантириш;

туризм объектларида, овқатланиш жойларида, республика ҳудуди бўйлаб ҳаракатланиш вақтида ва ташрифларни ташкил этишда туристлар хавфсизлиги ҳамда соғлиғини таъминлашга йўналтирилган туризм хизматларини кўрсатиш сифати ва хавфсизлигининг стандартларини ишлаб чиқишни мувофиқлаштириш;

туризм бўйича нуфузли халқаро ва миллий ташкилотлар, биринчи навбатда, Бирлашган Миллатлар Ташкилотининг Бутунжаҳон туризм ташкилоти, шунингдек, хорижий компаниялар билан халқаро ҳамкорликни кенгайтириш, халқаро ва давлатлараро стандартлар ҳамда нормаларни туризм фаолияти ва амалиётига жорий этиш;

туризм соҳаси учун кадрлар тайёрлаш бўйича таклифлар киритиш, туризм соҳаси субъектлари ходимларини мунтазам қайта тайёрлаш ва уларнинг малакасини оширишни юқори даражада ташкил этиш, соҳада илм-фанни ривожлантиришга кўмаклашиш;

туризм соҳасини давлат томонидан ва бозор орқали тартибга солишни мақбуллаштириш, туризм хизматлари бозорида рақобатни ривожлантириш бўйича таклифларни ишлаб чиқиш;

республика кинолокацияларини, шу жумладан, жамоат ташкилотлари ва тадбиркорлик субъектларини жалб қилган ҳолда хорижда тарғиб қилиш.

11. Қўмита ўзига юкланган асосий вазифалардан келиб чиқиб қуйидаги функцияларни амалга оширади:

1) туризм турларини диверсификация қилиш, энг аввало, ички ва зиёрат туризми, экологик туризм, этнотуризм, ишбилармонлик туризми, спорт, гастрономик, тиббий, таълим ва илмий туризмни ҳар томонлама ривожлантириш, ташқи ва ички туризмни ҳар томонлама кенгайтириш, янги туризм йўналишларини ишлаб чиқиш ҳамда уларни туризм бозорларида жорий қилиш юзасидан:

туризм турларини кўпайтириш, энг аввало, ички ва зиёрат туризми, экологик туризм, этнотуризм, ишбилармонлик туризми, спорт, гастрономик, тиббий, таълим ва илмий туризм соҳасини барқарор ривожлантириш учун норматив-ҳуқуқий базани ишлаб чиқади ва такомиллаштиради;

халқаро миқёсда ва республикада туризм ривожланишининг асосий тенденцияларини ўрганади ва таҳлил қилади ҳамда унинг асосида туризм турларини кўпайтириш ҳамда туризм хизматларини янада диверсификациялашга қаратилган таклифларни ишлаб чиқади;

республика ҳудудларининг туризм салоҳиятидан келиб чиқиб туризмнинг истиқболли йўналишларини ривожлантириш бўйича таклифлар киритади;

туризм соҳасидаги давлат дастурларининг, шунингдек, соҳада иқтисодий, ижтимоий ва маъмурий ислоҳотларнинг амалга оширилишини тизимли таҳлил қилади, ўтган давр билан қиёсий ўрганади ва истиқболни белгилайди;

Ўзбекистон Республикасининг хилма-хил ҳамда йилнинг турли фаслларида жозибадор ва рақобатбардош янги туризм маҳсулотларини яратиш бўйича дастурларни ишлаб чиқади;

туризм соҳасининг турли йўналиш ва турларининг ривожланиш тенденциялари бўйича чора-тадбирларни ишлаб чиқади;

ички, кириш ва чиқиш туризмини комплекс ривожлантириш бўйича миллий ва ҳудудий дастурларни ишлаб чиқади ҳамда амалга оширади, шунингдек, туризм турлари ва инфратузилмасини халқаро стандартларга мос равишда ривожлантириш чора-тадбирларини ишлаб чиқади;

мавжуд туризм салоҳияти, туризм хизматлари бозорининг ҳамда туризм соҳасидаги инфратузилмалар ҳолатини тизимли асосда таҳлил қилади, шунингдек, ушбу соҳадаги халқаро стандартларни ўрганади;

республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотлар иштирокида ички, кириш ва чиқиш туризмини комплекс ривожлантириш дастурларини ишлаб чиқади;

туризмни ривожлантириш бўйича миллий ва ҳудудий дастурлар бажарилишини мувофиқлаштиради, туризмни ривожлантириш дастурларининг амалдаги ижросини таъминлашга қаратилган комплекс чора-тадбирлари ишлаб чиқади, уларнинг бажарилиши ҳақида самарали мониторинг юритади;

2) туризм хизматларининг ташқи ва ички бозорларида маркетинг тадқиқотларини олиб бориш, мамлакатнинг туризм соҳасини янада ривожлантириш, бебаҳо туризм салоҳиятини оммалаштириш ва тарғиб қилиш, миллий туризм маҳсулотлари ва брендларининг халқаро туризм бозорларига кириб боришига йўналтирилган фаол реклама-ахборот сиёсатини амалга ошириш юзасидан:

туристлар оқимининг салоҳиятли ва истиқболли бозорларини ўрганади, туризм соҳасида реклама-ахборот сиёсатини юритишнинг самарали услуб ва механизмларини белгилайди, унинг натижаларига кўра тегишли комплекс чоралар кўради;

мамлакатнинг туризм салоҳиятини тарғиб қилиш самарадорлигини ошириш мақсадида хорижий туристлар нимани афзал кўришини ўрганиш ва талаб юқори бўлган туризм маҳсулотларини аниқлашга қаратилган маркетинг тадқиқотларини ташкил этади;

миллий туризм маҳсулотлари ва брендларини халқаро туризм бозорларида тақдим этишга кўмаклашади;

туризм фаолияти субъектлари ва бошқа манфаатдор шахсларни халқаро туризм бозорларида мамлакатнинг туризм салоҳиятини тарғиб қилишда иштирок этишга рағбатлантиришни таъминлайди;

Ўзбекистон Республикасида хорижий туроператорлар, оммавий ахборот воситалари ва бошқа ташкилотлар иштирокида ахборот турларини (инфотурларни) ташкил этади;

туристларнинг мақсадли тоифалари орасида туризм зоналарининг салоҳиятини тарғиб қилиш бўйича маркетинг ишларини амалга оширади;

3) туризм инфратузилмасини шакллантириш, шу жумладан, туризм объектларини жойлаштириш учун имконият юқори бўлган ҳудудларда режалаштириш ва лойиҳалаштириш ишларини ташкил этиш, инвесторларни жалб қилиш, туризм соҳасида тадбиркорлик фаоллиги ошишига ҳар томонлама кўмаклашиш, туризм объектларини давлат-хусусий шериклик асосида самарали бошқариш ҳамда соҳани босқичма-босқич тўлиқ рақамлаштириш юзасидан:

туризм инфратузилмасини шакллантириш, энг аввало, туризм йўналишлари бўйлаб меҳмонхоналар ва кемпинглар, умумий овқатланиш объектлари ва туризмнинг бошқа инфратузилмаларини шакллантириш бўйича таклифлар ишлаб чиқади;

туризм салоҳияти юқори бўлган ҳудудларни ўрганиш асосида туризм зоналари ва кластерларини ташкил этиш бўйича таклифларни ишлаб чиқади;

туризм инфратузилма объектларини жойлаштириш учун салоҳиятли ҳудудларда режалаштириш ва лойиҳалаштириш ишларини ташкил этади;

туризм зоналарининг самарали бошқарувини ташкил қилиш чораларини кўради;

туризм зоналари ҳудудида туризм инфратузилмаси объектларини барпо этиш ва уларнинг самарали фаолият юритиши учун зарур инвестиция шарт-шароитларини яратишга қаратилган чора-тадбирларни ишлаб чиқади;

шаҳарлар ва туманлар бош режаларини ишлаб чиқиш ва тасдиқлаш жараёнида уларнинг туризм инфратузилмасини ривожлантириш қисми юзасидан таклифларни ишлаб чиқади ва ушбу йўналишда давлат органлари билан ҳамкорлик қилади;

туризм инфратузилмасини халқаро стандартларга мос равишда ривожлантиришга хорижий инвестициялар, шунингдек, халқаро молия институтлари ва бошқа ташкилотларнинг кредитлари ва грантларини жалб қилади;

туризм инфратузилмасини ривожлантириш учун тақдим этилган маблағлар, грантлар, бошқа молиявий ва моддий ресурслардан оқилона ва мақсадли фойдаланишни таъминлаш бўйича чоралар кўради;

туризм объектларини давлат-хусусий шериклик асосида самарали бошқариш, соҳани босқичма-босқич тўлиқ рақамлаштириш ва замонавий ахборот технологияларини жорий этиш бўйича чоралар кўради;

4) мамлакатнинг туризм салоҳиятини тубдан ошириш, туризмга иқтисодиётнинг стратегик сектори мақомини бериш, туризм соҳасида ягона давлат сиёсатини юритиш мақсадида туризмни ривожлантиришнинг яхлит концепциясини ишлаб чиқиш ва амалга оширишни таъминлаш юзасидан:

туризмни ривожлантиришнинг асосий тенденциялари ва прогнозларини таҳлил қилишни инобатга олган ҳолда, туризм соҳасини ривожлантиришнинг устувор йўналишлари ва вазифаларини белгилашда иштирок этади;

республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотлар, шунингдек, туризм фаолияти субъектлари томонидан туризм соҳасида ягона давлат сиёсатининг амалий ижросини таъминлайди;

туризм соҳасида давлат томонидан тартибга солиш ва бошқарув механизмлари ҳамда тузилмасини ташкилий-ҳуқуқий такомиллаштириш бўйича таклифлар ишлаб чиқади;

туризмни ривожлантириш масалаларида норматив-ҳуқуқий ҳужжатлар лойиҳаларини ишлаб чиқади ва белгиланган тартибда Вазирлар Маҳкамасига киритади;

5) республика ҳудудларининг туризм салоҳиятидан келиб чиқиб, туризмнинг истиқболли йўналишларини белгилаш, янги туризм маҳсулотларини яратиш, уларни паспортлаштириш, туризм соҳасидаги ягона реестрларни шакллантириш:

туризм соҳасидаги ташкилотлар, шунингдек, республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотларнинг фаолиятини мувофиқлаштиришга қаратилган комплекс чора-тадбирларни амалга оширади, шу жумладан, уларнинг туризм соҳасидаги ишларини такомиллаштириш бўйича тавсиялар ишлаб чиқади;

республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотлар билан биргаликда ҳудудларда янги туризм йўналишларининг ишлаб чиқилишини ҳамда ички ва ташқи туризм бозорларида тарғиб қилинишини таъминлайди;

туризм фаолиятининг белгиланган стандартларига мувофиқ туризм йўналишларини паспортлаштиради;

туроператорлар ва турагентлар, гидлар (гид-таржимонлар), экскурсия етакчилари ҳамда йўриқчи-йўл бошловчилар, жойлаштириш воситалари, тоғ чанғиси трассалари ва пляжлар, шунингдек, туризм йўналишлари ҳамда туризм объектларининг ягона реестрларни шакллантиради ва юритади;

республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотларга туризм соҳасини иқтисодиётнинг бошқа тармоқлари билан биргаликда ривожлантириш бўйича таклифлар киритади;

6) туризм объектларида, овқатланиш жойларида, республика ҳудуди бўйлаб ҳаракатланиш вақтида ва ташрифларни ташкил этишда туристлар хавфсизлиги ҳамда соғлиғини таъминлашга йўналтирилган туризм хизматларини кўрсатиш сифати ва хавфсизлигининг стандартларини ишлаб чиқишни мувофиқлаштириш:

туризм хизматлари сифати ва хавфсизлигига қўйиладиган талабларни шакллантириш учун туризм хизматларини кўрсатиш жараёнини ва улардан туристларнинг қониқиш ҳосил қилишини мониторинг қилиб боради;

миллий ўзига хосликлар, иқлим шароитлари ва илғор хорижий тажрибани инобатга олган ҳолда, туризм хизматларининг сифати ва хавфсизлиги бўйича миллий стандартлар ишлаб чиқилишини мувофиқлаштиради, шунингдек, уларнинг доимий такомиллаштириб борилишини таъминлайди;

туризм фаолиятини белгиланган тартибда лицензиялайди;

сертификатланаётган туризм хизматларининг белгиланган талаблар ва стандартларга мувофиқлиги устидан инспекция назорати амалга оширилишини таъминлайди;

оммавий ахборот воситалари ҳамда Қўмитанинг расмий веб-саҳифасида тегишли маълумотларни жойлаштириш орқали туризм соҳаси субъектлари ва иштирокчиларини муайян вақтда ташриф буюриш туристлар хавфсизлиги учун хатарли бўлган мамлакатлар (жойлар) тўғрисида хабардор қилади;

туризм соҳасида «ишонч телефонлари» ишлашини ташкил этади;

7) туризм бўйича нуфузли халқаро ва миллий ташкилотлар, биринчи навбатда, Бирлашган Миллатлар Ташкилотининг Бутунжаҳон туризм ташкилоти, шунингдек, хорижий компаниялар билан халқаро ҳамкорликни кенгайтириш, халқаро ва давлатлараро стандартлар ҳамда нормаларни туризм фаолияти ва амалиётига жорий этиш юзасидан:

халқаро туризм ташкилотлари, чет давлатларнинг ваколатли органлари, шунингдек, туризм соҳасидаги хорижий компаниялар билан халқаро ҳамкорлик, ўзаро самарали ҳаракат қилиш механизмларини ривожлантириш ва такомиллаштириш соҳасида таклифларни ишлаб чиқишда иштирок этади;

белгиланган тартибда Бирлашган Миллатлар Ташкилоти Туризм ва бошқа халқаро ташкилотларда Ўзбекистон Республикасининг манфаатларини ифода этади ва туризм масалалари бўйича ўзаро ҳамкорлик қилади, туризм соҳасини тартибга солувчи универсал халқаро конвенциялар ва шартномаларда Ўзбекистон иштирокини таъминлайди;

Бирлашган Миллатлар Ташкилоти Туризм ҳужжатлари қоидаларининг ижроси мониторингини ташкил этади, белгиланган тартибда тегишли ахборотларни тайёрлайди;

туризмни ривожлантиришга йўналтирилган чет эл донорлари ва кредит ташкилотлари маблағларининг белгиланган тартибда жалб қилиниши ва улардан фойдаланилишини ташкил этади;

ҳар йили Тошкент шаҳрида Тошкент халқаро туризм ярмаркаси ўтказилишини таъминлайди;

хорижий мамлакатларда ўтказиладиган халқаро туризм ярмаркалари, кўргазмалари ва бизнес учрашувларда мамлакатнинг туризм соҳаси субъектлари иштирокини ташкил этиш бўйича тайёргарлик чора-тадбирларини мувофиқлаштиради, шунингдек, халқаро туризм ташкилотлари, хорижий давлатларнинг ваколатли органлари ва хорижий компаниялар билан ўзаро ҳамкорликда халқаро туризм тадбирларини ўтказади ва уларда иштирок этади;

8 ) туризм соҳаси учун кадрлар тайёрлаш бўйича таклифлар киритиш, туризм соҳаси субъектлари ходимларини мунтазам қайта тайёрлаш ва уларнинг малакасини оширишни юқори даражада ташкил этиш, соҳада илм-фанни ривожлантиришга кўмаклашиш соҳасида:

манфаатдор вазирликлар ва идоралар билан биргаликда туризм соҳасидаги ўрта махсус таълим, профессионал таълим ҳамда олий таълим битирувчиларининг бандлиги бўйича тадқиқотлар олиб боради, таълим муассасаларида кадрлар ва мутахассисларнинг касбий тайёргарлик йўналишларини такомиллаштириш бўйича таклифлар ишлаб чиқади;

туризм, айниқса, менежмент ва маркетинг соҳасида касбий тайёрлаш, гид (гид-таржимон), экскурсия етакчиси ва йўриқчи-йўл бошловчиларнинг малакасини оширишга кўмаклашади;

кадрларнинг мунтазам малакасини ошириш ва қайта тайёрлашни ташкил этишни таъминлайди, Қўмита, унинг ҳудудий бўлинмалари ва идоравий мансуб ташкилотларининг раҳбарлари ва мутахассисларини аттестациядан ўтказади, шу жумладан, уларнинг тегишли хорижий ўқув марказлари ва таълим муассасаларида стажировкадан ўтишини таъминлайди;

туризм соҳасида илм-фанни ривожлантириш чораларини кўради ва илмий-тадқиқот, экспертлик ишларини ташкил этади;

туризм соҳасида кадрлар малакасини оширишни, уларни қайта тайёрлашни, тажриба орттиришини, шу жумладан, чет элда малакасини оширишини таъминлайди.

9) туризм соҳасини давлат томонидан ва бозор орқали тартибга солишни мақбуллаштириш, туризм хизматлари бозорида рақобатни ривожлантириш бўйича таклифларни ишлаб чиқиш юзасидан:

туризм соҳасида давлат томонидан тартибга солиш механизмларини такомиллаштириш, бозор тамойилларини кенг жорий этиш ва ортиқча маъмурий тўсиқларни бартараф этиш бўйича таклифлар ишлаб чиқади;

туризм хизматлари бозорида соғлом рақобат муҳитини шакллантириш, монопол ҳолатларни чеклаш ва хизматлар сифати ҳамда турларини кенгайтиришга қаратилган чора-тадбирларни ишлаб чиқади;

туризм соҳасини ривожлантириш мақсадида имтиёзлар, преференциялар, институционал ва ташкилий қўллаб-қувватлаш чоралари бўйича таклифлар киритади;

10) республика кинолокацияларини, шу жумладан, жамоат ташкилотлари ва тадбиркорлик субъектларини жалб қилган ҳолда хорижда тарғиб қилиш юзасидан:

республика кинолокацияларининг салоҳияти, инфратузилмаси ва фойдаланиш имкониятлари тўғрисидаги маълумотларни тизимлаштиради ҳамда янгилаб боради;

республика кинолокацияларини халқаро киноиндустрия бозорида тарғиб қилиш бўйича тақдимотлар, каталоглар, рақамли платформалар ва бошқа ахборот-тарғибот воситаларини ишлаб чиқади;

кинолокацияларни тарғиб қилиш ишларига жамоат ташкилотлари, тадбиркорлик субъектлари, ижодий уюшмалар ва бошқа манфаатдор ташкилотларни жалб этиш чораларини кўради;

хорижий продюсерлик марказлари, киностудиялар, кино комиссиялар ва бошқа ташкилотлар билан республика кинолокацияларидан фойдаланишни кенгайтириш мақсадида ҳамкорликни ривожлантиришга кўмаклашади.

2-§. Қўмита марказий аппаратининг асосий вазифалари ва функциялари

12. Қуйидагилар Қўмита марказий аппаратининг асосий вазифалари ҳисобланади:

1) Қўмитанинг ҳудудий бўлинмалари ва идоравий мансуб ташкилотлари билан биргаликда Қўмитага юкланган вазифалар ва функцияларнинг самарали бажарилишини таъминлаш;

2) туризм соҳасида ягона давлат сиёсати амалга оширилишини таъминлаш;

3) Қўмита ва унинг таркибий ҳамда ҳудудий бўлинмалари фаолияти билан боғлиқ прогноз кўрсаткичларига эришилишини таъминлаш;

4) Қўмита фаолияти соҳасига кирадиган масалалар бўйича вазирликлар ва идоралар билан ўзаро ҳамкорлик қилиш, Вазирлар Маҳкамаси ва унинг Раёсатлари мажлисларида тегишлилиги бўйича масалаларни кўриб чиқишда иштирок этиш;

5) Ўзбекистон Республикаси Президенти, Ўзбекистон Республикаси Президенти Администрацияси, Ўзбекистон Республикасининг Бош вазири ва унинг ўринбосарлари топшириқларини ўз вақтида ва сифатли бажариш;

6) Қўмита ходимларини тизимли қайта тайёрлаш ва уларнинг малакаси оширилишини ташкил қилиш;

7) марказий аппарат ва ҳудудий бўлинмалар фаолияти самарадорлиги ҳамда натижадорлигини танқидий таҳлил қилиш, таҳлил якунларига кўра зарур чоралар кўриш;

8) Қўмита ҳамда унинг таркибий ва ҳудудий бўлинмалари ишини ташкил этишнинг замонавий шаклларини жорий этиш;

9) давлат хизматлари самарадорлиги, сифати ва қулайлигини таъминлаш;

10) жисмоний ва юридик шахсларнинг мурожаатларини кўриб чиқишга доир самарали ишларни ташкил этиш, аҳоли билан тўғридан-тўғри ва очиқ мулоқотни йўлга қўйиш;

11) Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Қўмита ходимлари ва раҳбарларининг фаол иштирок этишини таъминлаш, жисмоний ва юридик шахслар мурожаатларининг ўз вақтида ва тўлиқ кўриб чиқилишини таъминлаш;

12) туризм ташкилотларининг моддий-техник базасини ривожлантириш ҳамда мустаҳкамлаш бўйича таклифлар тайёрлаш;

13) туризмни ривожлантириш бўйича мақсадли дастурлар, туризм соҳасига оид дастурий-методик ҳамда бошқа норматив ҳужжатларни белгиланган тартибда тасдиқлаш;

14) халқаро майдонларда халқаро ва давлатлараро алоқаларни кенгайтириш ҳамда мустаҳкамлаш, туризм соҳасида хорижий инвестициялар ва грантларни жалб этиш борасидаги ишларни ташкил қилиш бўйича тадбирларда Ўзбекистонга оид тематик иштирокни таъминлаш;

15) Қўмита ҳайъати қарорларининг, Қўмита раисининг буйруқ ва топшириқларининг ўз вақтида ва сифатли бажарилишини таъминлаш;

16) таркибий бўлинмаларда кадрларни танлаш ва жой-жойига қўйиш, профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш, уларнинг касбий малакасини ошириш чораларини кўриш, таркибий бўлинмаларда кадрлар захирасини шакллантириш;

17) Қўмитанинг туризм соҳасида оммавий тадбирларининг календарь режасини шакллантириш, манфаатдор ташкилотлар ва идоралар билан биргаликда унинг амалга оширилишини таъминлаш;

18) Ўзбекистон Республикаси Президенти ва Ўзбекистон Республикаси Ҳукуматининг хорижда ўтказиладиган турли халқаро муносабатларда ҳамда Ўзбекистон Республикасида ўтказиладиган халқаро тадбирларида туризм соҳаси вакилларининг иштирок этиш масалаларига доир қарорлари лойиҳаларини тайёрлаш;

19) туризм соҳасида истеъдодли ва истиқболли кадрларни саралаш, ўқитиш ҳамда малакасини оширишда муваффақиятли иштирок этишини таъминлаш;

20) туризмни ривожлантиришни рағбатлантириш, илғор халқаро тажрибани ҳисобга олган ҳолда илғор технологияларни туризм соҳасига жорий қилиш, миллий тадбирлар даражаси ва сифатини ошириш, халқаро ҳамда ҳудудий тадбирларни ташкил этиш бўйича тизимли чораларнинг амалга оширилишини таъминлаш;

21) конференциялар, семинарлар, симпозиумлар, кўргазмалар, ярмаркалар ва бошқа тадбирларнинг ўтказилишини ташкил қилиш, шунингдек, бошқа ташкилотлар томонидан уюштирилган шундай тадбирларда қатнашишни таъминлаш;

22) туризм соҳасида зарур маълумотларни ягона тизим орқали тўплаш мақсадида манфаатдор идораларнинг тизим ва маълумотлар базалари билан интеграция қилиш, шунингдек, ушбу тизим тўлиқ ишлашини таъминлаш учун маълумотларни рақамлаштириш чораларини кўриш;

23) Қўмита олдида турган вазифаларни ҳал этишни таъминлаш, мавжуд талаблар ва эҳтиёжларни қаноатлантириш, шунингдек, давлат харидлари учун ажратилган маблағлардан самарали фойдаланиш, шу жумладан, товарларни (ишларни, хизматларни) олишдан кўрилган наф, уларнинг сифати ва қиймати ўртасидаги мақбул нисбатни (фойдаланиш даври харажатларини ҳисобга олган ҳолда) таъминлаш, давлат харидларини мақбул муддатларда ўтказиш имконини берадиган оқилона ва тежамкор усулда амалга ошириш;

24) туризм зоналари ва кластерларини ташкил этиш ва уларда туризм соҳаси субъектлари фаолиятини амалга ошириш тартибини белгилаш, уларда комплекс туризм хизматларини кўрсатиш, туризм фаолиятининг рақобатбардошлиги ва сифатини ошириш мақсадида туризм маҳсулотларини шакллантириш, тарғиб этиш ва реализация қилиш, туризм зоналари ва кластерларининг ривожланишини рағбатлантириш;

25) туризм бозорининг турли сегментларига йўналтирилган туризм маҳсулоти ва хизматларини диверсификация қилиш;

26) туризм соҳасидаги нодавлат нотижорат ташкилотларнинг фаолиятига кўмаклашиш;

27) туризм соҳасидаги фаолиятнинг рақобат тўғрисидаги қонунчилик ҳужжатлари талабларига мувофиқлигини таъминлаш, уларнинг бузилиш хавфини аниқлаш ва олдини олиш бўйича комплаенс назорат тизимини жорий этиш, ички аудит хизматини йўлга қўйиш;

28) туризм объектларида замонавий санитария-гигиена шохобчаларини яратиш, туризм ахборот марказларини ташкил этиш.

13. Қўмита марказий аппарати унга юкланган асосий вазифаларга мувофиқ қуйидаги функцияларни амалга оширади:

1) Қўмита ва унинг раҳбарияти фаолиятини ташкилий ва ахборот-таҳлилий жиҳатидан таъминлайди;

2) Қўмитанинг таркибий, ҳудудий бўлинмалари ва идоравий мансуб ташкилотлари томонидан Ўзбекистон Республикасининг қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, шунингдек, Қўмита ҳайъати қарорлари, Қўмита раисининг буйруқлари ва бошқа норматив-ҳуқуқий ҳужжатлар бажарилиши устидан мунтазам назоратни таъминлайди;

3) Қўмита томонидан Ўзбекистон Республикаси Президенти Администрациясига ва Вазирлар Маҳкамасига киритиладиган ҳужжатларнинг сифатли ва ўз вақтида ишлаб чиқилишини, уларнинг иқтисодий, молиявий ҳамда ҳуқуқий экспертизадан ўтказилишини ташкил этади;

4) Қўмитанинг ҳудудий бўлинмалари ва идоравий мансуб ташкилотларига раҳбарлик қилади, улар фаолиятини мувофиқлаштиради ва назорат қилади;

5) Қўмитанинг фаолияти, шу жумладан, қонун ижодкорлиги соҳасидаги фаолияти ҳуқуқий таъминланишини ташкил этади;

6) Қўмита ваколатига тегишли оператив, ташкилий, кадрлар, молия, ишлаб чиқариш-хўжалик масалалари ва бошқа масалалар билан шуғулланади;

7) Қўмита ва унинг таркибий ҳамда ҳудудий бўлинмалари фаолияти билан боғлиқ прогноз кўрсаткичларга эришишнинг сўзсиз таъминланиши бўйича амалий чораларни ишлаб чиқади ва амалга оширади;

8) Ўзбекистон Республикаси Президенти Администрацияси таркибий бўлинмалари ва Вазирлар Маҳкамаси, шунингдек, тегишли вазирликлар ва идоралар билан Қўмита фаолияти соҳасига кирувчи масалалар юзасидан ўзаро алоқаларнинг йўлга қўйилишини таъминлайди;

9) Қўмитанинг таркибий ва ҳудудий бўлинмалари ишини ташкил этишнинг замонавий шакллари жорий этилишини таъминлайди;

10) илғор хорижий тажрибани эътиборга олган ҳолда республикада туризмни ривожлантириш, замонавий технологияларни жорий қилиш, туризм бўйича миллий тадбирлар даражаси ва сифатини ошириш, халқаро тадбирларни ташкил этиш билан боғлиқ тизимли чоралар кўрилиши бўйича тадбирлар ўтказилишини таъминлайди;

11) манфаатдор вазирликлар ва идоралар билан келишган ҳолда туризм ташкилотларининг моддий-техник базасини ривожлантириш бўйича таклифларни тайёрлайди;

12) туризм соҳасидаги ягона тадбирларнинг календарь режасида назарда тутилган, қонунчиликда белгиланган маблағлар ҳисобидан молиялаштириладиган тадбирларда соҳалар вакиллари иштирок этишини аниқлаш бўйича таклифлар тайёрлайди;

13) Қўмитанинг самарали фаолиятини ташкил этиш ва такомиллаштириш юзасидан таклифлар ишлаб чиқади;

14) туризм соҳасидаги нодавлат нотижорат ташкилотлар фаолиятига кўмаклашиш бўйича таклифлар тайёрлайди;

15) туризмни ривожлантириш мониторингини амалга оширади, ушбу соҳани янада ривожлантириш бўйича ҳар йилги прогнозларни шакллантиради;

16) туризм соҳасидаги истеъдодли ва истиқболли кадрларни танлаш, ўқитиш ҳамда уларнинг малака оширишда муваффақиятли иштирок этишини, шунингдек, узлуксиз саралаш тизимини яхшилашни таъминлайди, кадрлар захирасини шакллантиради;

17) туризм соҳасидаги халқаро ташкилотларга ва бошқа ташкилотларга аъзолик бадалларини белгиланган тартибда тўлайди;

18) юқори малакали кадрлар ва уларнинг захирасини тайёрлаш ҳамда туризм, ташкилотлари фаолиятини мувофиқлаштириш чора-тадбирларини ташкил қилади;

19) Ўзбекистон ҳудудида ва унинг ташқарисида конференциялар, семинарлар, симпозиумлар, кўргазмалар, ярмаркалар ва бошқа тадбирларни ташкил этиш ҳамда ўтказиш ишларини амалга оширади;

20) туризм соҳасида зарур маълумотларни ягона тизим орқали тўплаш мақсадида манфаатдор идораларнинг тизим ва маълумотлар базалари билан интеграция қилиш, шунингдек, ушбу тизим тўлиқ ишлашини таъминлаш учун маълумотларни рақамлаштириш чораларини кўради;

21) Қўмита олдида турган вазифаларни ҳал этишни таъминлаш, мавжуд талаблар ва эҳтиёжларни қаноатлантириш, шунингдек, давлат харидлари учун ажратилган маблағлардан самарали фойдаланиш, шу жумладан, товарларни (ишларни, хизматларни) олишдан кўрилган наф, уларнинг сифати ва қиймати ўртасидаги мақбул нисбатни (фойдаланиш даври харажатларини ҳисобга олган ҳолда) таъминлаш ишларини, давлат харидларини мақбул муддатларда ўтказиш имконини берадиган оқилона ва тежамкор усулда амалга оширади;

22) туризм зоналари ва кластерларини ташкил этиш ва уларда туризм соҳаси субъектлари фаолиятини амалга ошириш тартибини белгилаш бўйича тегишли норматив-ҳуқуқий ҳужжатлар лойиҳаларини ишлаб чиқади, туризм зоналари ва кластерларининг ривожланишини рағбатлантириш чораларини кўради;

23) туризм бозорининг турли сегментларига йўналтирилган туризм маҳсулоти ва хизматларини диверсификация қилиш бўйича таклифлар тайёрлайди;

24) соҳаларни бозор механизмлари асосида бошқариш бўйича самарадорликка эришиш чораларини кўради;

25) туризм соҳасини рақобат тўғрисидаги қонунчилик ҳужжатлари талабларига мувофиқлигини таъминлайди, уларнинг бузилиш хавфини аниқлаш ва олдини олиш бўйича комплаенс назорат тизимини жорий этади, ички аудит хизматини йўлга қўяди;

26) туризм ва моддий маданий мерос объектларида замонавий санитария-гигиена шохобчаларини яратиш, туризм ахборот марказларини ташкил этиш чораларини кўради.

3-§. Ҳудудий бўлинмаларнинг асосий вазифалари ва функциялари

14. Қуйидагилар ҳудудий бўлинмаларнинг асосий вазифалари ва функциялари ҳисобланади:

туризмни ривожланиш ҳолати мониторингини олиб боради, уларни ҳудудда янада ривожлантириш бўйича ҳар йиллик прогнозларни шакллантиради;

туризм турларини кўпайтириш, энг аввало, ички ва зиёрат туризми, экологик туризм, этнотуризм, ишбилармонлик туризми, спорт, гастрономик, тиббий, таълим ва илмий туризмни ҳар томонлама ривожлантириш бўйича таклифларни тайёрлайди;

туризм инфратузилмасини шакллантириш, энг аввало, туризм йўналишлари бўйлаб меҳмонхоналар ва кемпинглар, умумий овқатланиш объектлари ва туризмнинг бошқа инфратузилмаларини шакллантириш бўйича таклифлар ишлаб чиқади;

туризмни ривожлантириш бўйича миллий ва ҳудудий дастурлар бажарилишини, туризмни ривожлантириш дастурларининг амалда ижросини таъминлаш чораларини кўради;

маҳаллий ижро этувчи ҳокимият органлари ва бошқа ташкилотлар иштирокида ички, кириш ва чиқиш туризмини комплекс ривожлантириш дастурлари ижросини таъминлайди;

туризм соҳасининг турли йўналиш ва турларининг ривожланиш тенденциялари бўйича чора-тадбирларга таклифлар ишлаб чиқади;

ҳудуднинг туризм салоҳиятидан келиб чиқиб, туризмнинг истиқболли йўналишларини ривожлантириш бўйича таклифларни Қўмитага киритади;

туризм фаолиятини ривожлантиришни мувофиқлаштириш, ҳудудларда янги туризм йўналишлари очилишини таъминлаш, уларни паспортлаштириш, туризм соҳасидаги ягона реестрларни шакллантириб боради;

туризм фаолиятини белгиланган тартибда лицензиялайди;

ҳудудда вазирлик ва идораларнинг ҳудудий бўлинмалари ҳамда бошқа ташкилотларнинг туризм соҳасидаги ишини мувофиқлаштиради;

ҳудудда туризм соҳасига тегишли бўлган дастурий-методик ҳамда белгиланган тартибда тасдиқланган бошқа норматив-ҳуқуқий ҳужжатларнинг ижросини таъминлайди;

туризм соҳасида илмий тадқиқотларни ривожлантириш, шунингдек, илмий тадқиқотлар натижаларини амалиётга жорий этади ва ушбу ишлар ҳудудда ўтказилишини мувофиқлаштиради;

ҳудуддаги туризм фахрийлари ва бошқа мутахассисларни давлат бошқарувининг бошқа ҳудудий органлари билан биргаликда ижтимоий муҳофаза қилиш масалаларини ҳал этади;

ҳудудда туризмни ривожлантириш истиқболларини белгилайди;

маҳаллий ижро этувчи ҳокимият органлари, фуқароларнинг ўзини ўзи бошқариш органлари, оммавий ахборот воситалари билан биргаликда туризм соҳасини оммалаштириш ишларини ташкил қилади;

жаҳон илмий-техник тараққиёти ютуқлари, хорижий мамлакатларнинг илғор тажрибаси умумлаштирилишини ҳамда бу ютуқларнинг ҳудудда жорий қилинишини таъминлайди;

ҳудудда туризм соҳасига доир конференциялар, кўргазмалар ва тадбирларни ўтказади;

туризм соҳасига тегишли нодавлат нотижорат ташкилотлар фаолияти ривожланишига ёрдам беради;

кадрларни миллий ва умуминсоний қадриятлар, инсонпарварлик, юксак маънавият ва профессионализм руҳида тайёрлаш бўйича ишларни ташкил этади, ҳудудда аҳолининг ўз жисмоний, умумтаълим ва маданий даражасини оширишга бўлган интилишларини рағбатлантиради;

халқаро алоқаларни амалга ошириш ва ривожлантириш, ҳамкорлик бўйича халқаро лойиҳаларни ишлаб чиқишда, соҳага хорижий инвестициялар ҳамда грантларни жалб қилишда иштирок этади;

тегишли ҳудудда туризмни ривожлантириш тўғрисидаги ахборотни тўплайди ва таҳлил қилади ва уни Қўмитага, маҳаллий давлат ҳокимияти органларига тақдим этади;

туризм ресурсларини сақлаш ва ривожлантириш юзасидан маҳаллий давлат ҳокимияти органлари билан ҳамкорлик қилади;

тегишли ҳудудда туризм фаолияти ривожланишини таъминлайди, янги туризм йўналишларини ташкил этишга кўмаклашади;

туризм соҳаси субъектларига уларнинг фаолиятини ташкил этиш билан боғлиқ масалаларда методик ва маслаҳат ёрдамини кўрсатади;

тегишли ҳудудда ҳаракатланиш вақтида туристлар ва экскурсантларнинг туризм ресурсларига монеликсиз киришини таъминлашга кўмаклашади;

туризм салоҳиятини ривожлантириш, туризмни ривожлантиришга тўсқинлик қилаётган ғовларни бартараф этиш, шунингдек, туризм соҳасида тадбиркорлик фаолиятини рағбатлантириш бўйича таклифлар ишлаб чиқади;

туризм соҳасида кадрлар тайёрлаш, қайта тайёрлаш ҳамда уларнинг малакасини ошириш бўйича белгиланган тадбирларда ҳамда ҳудуднинг таълим муассасаларини юқори малакали кадрлар ва бошқа мутахассислар билан таъминлашда иштирок этади;

ҳудудда туризм соҳасидаги дастурларни ташкил қилиш, оммавий адабиётларни чоп этишга ҳамда ушбу соҳаларда мавжуд видео ва кино материаллар ишлаб чиқилишига ёрдам кўрсатади ва иштирок этади;

халқаро ва хорижий ташкилотлар билан ҳамкорликни ривожлантириш, жумладан, молиявий институтларнинг грантлари, кредитлари ва ҳомийлик хайрияларини жалб этиш чораларини кўради.

4-боб. Қўмита, унинг марказий аппарати ва ҳудудий бўлинмаларининг ҳуқуқлари ва мажбуриятлари

1-§. Қўмитанинг ҳуқуқлари ва мажбуриятлари

15. Қўмита ўзига юкланган вазифалар ва функцияларни амалга ошириш учун қуйидаги ҳуқуқларга эга:

1) норматив-ҳуқуқий ҳужжатлар лойиҳаларини, шунингдек, Қўмитага юкланган вазифалар ва функцияларни бажариш билан боғлиқ бўлган бошқа ҳужжатларни белгиланган тартибда Ўзбекистон Республикаси Президенти Администрациясига ёки Вазирлар Маҳкамасига киритиш;

2) Қўмита ваколатига кирадиган масалаларда республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органлари фаолиятини белгиланган тартибда мувофиқлаштириш;

3) Қўмита ваколатига кирувчи масалаларни ҳал қилиш учун зарур ахборотни республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органларидан белгиланган тартибда сўраш ва олиш;

4) Қўмита ваколатига кирадиган масалалар бўйича зарур статистика ахборотини давлат статистика органларидан бепул олиш;

5) Қўмита ва унинг идоравий мансуб тузилмаларининг давлат мол-мулкини ташкилий тузилма доирасида белгиланган тартибда тасарруф этиш;

6) Қўмита ва унинг идоравий мансуб ташкилотлари ходимларини улар томонидан тегишли соҳада ўз фаолиятининг асосий кўрсаткичлари параметрлари бажарилишини ҳисобга олган ҳолда моддий рағбатлантириш тартиби, миқдорлари ва шартларини белгилаш;

7) Қўмита ваколатига кирувчи масалалар бўйича таклифларни кўриб чиқиш учун Вазирлар Маҳкамасига, республика ва маҳаллий ижро этувчи ҳокимият органларига киритиш;

8) Қўмита ваколатига кирувчи масалалар бўйича қонунчиликда белгиланган тартибда халқаро шартномаларни тузиш;

9) Қўмита ваколатига кирувчи масалалар бўйича халқаро даражада Ўзбекистон Республикаси манфаатларини белгиланган тартибда ифодалаш;

10) туризм инфратузилмасини ривожлантириш ва оммалаштириш учун шарт-шароитлар яратишда йўл қўйилаётган камчиликларни бартараф қилиш тўғрисида кўриб чиқилиши мажбурий бўлган тақдимномаларни республика ва маҳаллий ижро этувчи ҳокимият органларига юбориш;

11) туризм соҳасини мамлакатда, шу жумладан, ҳудудларда ривожлантириш ишлари ва лойиҳаларини молиялаштиришга оид республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органларининг харажатлар сметаларини кўриб чиқиш ва келишишда иштирок этиш;

12) маслаҳатлар бериш, илмий ва экспертлик ишларини ўтказиш, туризм соҳасининг долзарб масалаларини ишлаб чиқиш учун шартнома асосида олимларни, вазирликлар, идоралар, таълим муассасалари ва бошқа ташкилотларнинг юқори малакали мутахассисларини, шунингдек, Қўмита тизимига кирувчи таълим муассасаларида дарс бериш ва маҳорат дарслари ўтказиш учун хорижий малакали мутахассисларни шартнома асосида таклиф қилиш;

13) туризм соҳасидаги тадбирлар ўтказилишини белгиланган тартибда ташкил этиш;

14) Қўмита тизимига кирувчи ташкилотлар ва таълим муассасалари, шунингдек, нодавлат нотижорат ташкилотлар учун зарур техник ускуна, инвентарь ва бошқа зарур жиҳозларни белгиланган тартибда харид қилиш;

15) туризм соҳасидаги халқаро ва республика тадбирларини ўтказишда ғолиб ва совриндорларни, номинантларни мукофотлаш учун зарур миқдорда дипломлар ва совринларни белгиланган тартибда харид қилиш;

16) туризм соҳаси вакилларини кўкрак нишонлари, дипломлар, ёрлиқлар ва совринлар билан мукофотлаш;

17) ўз ваколати доирасида конференциялар, семинарлар, симпозиумлар, кўргазмалар, ярмаркалар ва бошқа тадбирларни ўтказиш, шунингдек, бошқа ташкилотлар томонидан ўтказиладиган шу каби тадбирларда иштирок этиш;

18) туризм соҳасини ривожлантиришга қаратилган тадбирларни биргаликда ишлаб чиқиш мақсадида халқаро, хорижий ва республика ташкилотлари билан белгиланган тартибда алоқаларни йўлга қўйиш;

19) туризм соҳасини тарғиб қилувчи реклама ва бошқа тусдаги маҳсулотларни (аудио, видео материаллар, рисола, хариталар ва бошқа реклама-ахборот материалларини) чоп этиш, нусхасини кўпайтириш, яратиш чораларини кўриш;

20) Вазирлар Маҳкамаси ва (ёки) Ўзбекистон Республикаси Президенти Администрацияси билан келишган ҳолда, Қўмитанинг марказий аппарати ва идоравий мансуб ташкилотларида ишлаш учун етакчи хорижий мутахассисларни шартномалар асосда жалб қилиш;

21) туризм соҳасида виза режимини такомиллаштириш ва соддалаштиришга доир таклифлар ишлаб чиқиш;

22) туризмнинг ривожлантирилишини мувофиқлаштириш, янги туризм йўналишлари ташкил этилишини таъминлаш, уларни паспортлаштириш;

23) туризм соҳасидаги ягона реестрларни юритиш тартибини белгилаш;

24) туризм фаолиятини лицензиялашни, туризм соҳасидаги хизматларни сертификатлашни, туризм хизматларининг белгиланган талаблар ва стандартларга мувофиқлигини назорат қилиш, шу жумладан, турли ташкилий-ҳуқуқий шакллардаги меҳмонхоналарнинг (мотелларнинг) таснифини белгилаш;

25) жойлаштириш воситалари, тоғ-чанғи трассалари ва пляжлар таснифини қонунчиликда белгиланган тартибда белгилаш;

26) туризм соҳасидаги миллий танитиш белгисидан фойдаланиш тартибини белгилаш;

27) Қўмита балансида турган кўчмас мулкдан фойдаланиш учун ўзининг идоравий мансуб ташкилотларини текин фойдаланиш ҳуқуқи асосида жойлаштириш;

28) алоҳида фидокорлик, меҳнатсеварликни намоён қилган, ўзининг профессионал фаолиятида юксак натижаларга эришган туризм соҳасидаги намояндалар ва ходимларнинг номзодларини белгиланган тартибда давлат мукофотларига тақдим этиш;

Қўмита қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

16. Қўмита:

унга юкланган вазифалар ва функцияларнинг самарали бажарилиши, шунингдек, туризм соҳасида ягона давлат сиёсати самарали амалга оширилиши;

ўз фаолияти билан боғлиқ прогноз кўрсаткичларга сўзсиз эришилишини таъминлаш;

Вазирлар Маҳкамасига ва Ўзбекистон Республикаси Президенти Администрациясига киритиладиган норматив-ҳуқуқий ҳужжатлар ва бошқа ҳужжатларнинг ишлаб чиқиладиган лойиҳалари, шунингдек, Қўмита томонидан қабул қилинадиган буйруқларни ўз муддатларида ва сифатли тайёрлаш;

туризм соҳасини ривожлантириш, шунингдек, ушбу соҳада ҳудудларни ижтимоий-иқтисодий ривожлантириш ва муаммоли масалаларни ҳал қилиш бўйича дастурлар, тадбирлар режалари, «йўл хариталари» ва бошқа дастурий ҳужжатларни самарали амалга ошириш учун жавоб беради.

2-§. Қўмита марказий аппаратининг ҳуқуқлари ва мажбуриятлари

17. Қўмитанинг марказий аппарати ўзига юкланган вазифалар ва функцияларни амалга ошириш учун қуйидаги ҳуқуқларга эга:

1) Қўмитанинг ҳудудий бўлинмаларидан ва идоравий мансуб ташкилотларидан таҳлил қилиш ва қайта ишлаш учун зарур бўлган масалалар бўйича материаллар ва маълумотларни, шунингдек, Қўмитанинг марказий аппаратида кўриб чиқиладиган норматив-ҳуқуқий ҳужжатлар ва бошқа ҳужжатлар лойиҳаларини сўраш ва олиш;

3) Қўмитанинг ҳудудий бўлинмалари ва идоравий мансуб ташкилотларидан улар томонидан киритилган норматив-ҳуқуқий ҳужжатлар ва бошқа ҳужжатлар лойиҳаларини пухта ишлашни талаб қилиш, зарурат бўлганда уларни қайта ишлаш учун қайтариш;

4) Қўмитанинг ҳудудий бўлинмалари ва идоравий мансуб ташкилотлари раҳбарлари ҳамда вакиллари иштирокида йиғилишлар ўтказиш;

5) Қўмитанинг ҳудудий бўлинмалари ва идоравий мансуб ташкилотлари раҳбарларига тезкор ҳал қилиниши талаб этиладиган ва Қўмитага юкланган вазифалар ҳамда функцияларни бажариш билан боғлиқ масалалар юзасидан топшириқлар бериш;

6) қабул қилинган норматив-ҳуқуқий ҳужжатлар, Ўзбекистон Республикаси Президенти ва Вазирлар Маҳкамасининг топшириқлари, шунингдек, Қўмита раиси буйруқларининг Қўмита ҳудудий бўлинмалари ва идоравий мансуб ташкилотлари томонидан бажарилиши юзасидан уларнинг фаолиятини белгиланган тартибда ўрганиш ва текшириш;

7) Қўмитанинг халқаро ва республика даражаларидаги оммавий тадбирларининг календарь режасини шакллантириш;

8) Қўмита марказий аппаратининг бошқармалари ва ходимларининг фаолиятини тасдиқланган лавозим йўриқномаларига мувофиқ ташкил этиш;

9) Қўмитанинг таркибий ташкилотлари ва муассасаларидаги бошқармаларнинг фаолиятига доир масалалар ўрганилишини ташкил қилиш бўйича таклифларни ишлаб чиқиш, шунингдек, уларга амалий ёрдам кўрсатиш;

10) амалдаги норматив-ҳуқуқий ҳужжатлар талабларига мувофиқ Қўмита тизимида бухгалтерия ҳисоби юритилиши ташкил этилишини таъминлаш, шунингдек, замонавий техника воситалари ва ахборот технологияларидан фойдаланган ҳолда, тизимга кирувчи ташкилотларда бухгалтерия ҳисоби юритилишини назорат қилиш;

11) бюджет ва бюджетдан ташқари маблағларни харажатлар сметасига киритилган аниқ вазифаларга мақсадли сарфлаш, шунингдек, маблағлар ва моддий бойликларнинг сақланишини мунтазам назорат қилиш;

12) асосий воситалар ва бошқа моддий бойликларнинг улар сақланадиган жойларда мавжудлигини ва улардан фойдаланишни мунтазам назорат қилиш;

13) илмий ва экспертлик ишларини амалга ошириш, маслаҳат бериш, туризм соҳасидаги долзарб масалаларни ишлаб чиқиш учун олимларни, вазирликлар, маъмурий, таълим муассасалари ва бошқа муассасаларнинг юқори малакали мутахассисларини таклиф этиш;

14) туризм соҳасида оммавий тадбирлар ўтказилишини белгиланган тартибда ташкил этиш;

15) идоравий мансуб ташкилотлар учун зарур ускуналар, инвентарь ва бошқа зарур жиҳозларни харид қилиш;

16) туризм соҳасида танловлар ғолиб ва совриндорларини мукофотлаш учун зарур миқдорда дипломлар ва бошқа совринларни харид қилиш;

17) туризм соҳаси вакиллари ва бошқа мутахассисларни мукофотлаш, уларга унвонлар ва малака тоифаларини бериш бўйича таклифларни белгиланган тартибда киритиш;

18) Қўмита тизимида коррупцияга қарши ички назоратни («комплаенс-назорат») ҳамда ички аудит тизими фаолиятини самарали йўлга қўйиш;

19) туризм соҳасидаги тадбирлар, танловлар, жумладан, идоравий мансуб ташкилотларда ўтказиладиган турли танловлар ва бошқа тадбирларга тайёргарлик кўриш ва уларда иштирок этишни молиялаштириш.

Қўмитанинг марказий аппарати қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

18. Қўмитанинг марказий аппарати:

Қўмитанинг таркибий ва ҳудудий бўлинмалари, шунингдек, идоравий мансуб ташкилотлари билан биргаликда Қўмитага юкланган вазифалар ва функциялар сифатли ва ўз вақтида бажарилишини таъминлаш;

Қўмита фаолияти билан боғлиқ прогноз кўрсаткичларга эришишни таъминлаш бўйича Қўмита марказий аппарати бўлинмаларининг ишини ташкил этиш;

Қўмита томонидан кўриб чиқиш учун Вазирлар Маҳкамаси ва Ўзбекистон Республикаси Президенти Администрациясига киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Қўмита раиси томонидан қабул қилинадиган буйруқларнинг ўз вақтида ва сифатли тайёрланиши;

туризм соҳасини ривожлантириш бўйича дастурлар, тадбирлар режалари, «йўл хариталари» ва бошқа дастурий ҳужжатлар таркибий ва ҳудудий бўлинмалар томонидан амалга оширилишини ташкил этиш;

Қўмита тизимида коррупцияга қарши ички назоратни ҳамда ички аудитни амалга оширишда қонунчилик ҳужжатлари билан белгиланган тартибда жавоб беради.

3-§. Ҳудудий бўлинмаларнинг ҳуқуқлари ва мажбуриятлари

19. Ҳудудий бўлинмалар уларга юкланган вазифалар ва функцияларни амалга ошириш учун:

1) республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органларидан ўз ваколатига кирадиган масалаларни ҳал қилиш учун зарур бўлган ахборотни белгиланган тартибда сўраш ва олиш;

2) ўз ваколатига кирувчи масалалар бўйича таклифларни республика ижро этувчи ҳокимият органларининг ҳудудий бўлинмалари ва маҳаллий ижро этувчи ҳокимият органларига кўриб чиқиш учун киритиш;

3) туризм инфратузилмасини ривожлантириш учун шарт-шароитларни яратиш доирасида йўл қўйилган камчиликларни бартараф қилиш тўғрисида кўриб чиқилиши мажбурий бўлган тақдимномаларни республика ижро этувчи ҳокимият органлари ва хўжалик бирлашмаларининг ҳудудий бўлинмаларига, маҳаллий ижро этувчи ҳокимият органларига юбориш;

4) туризм соҳасини ривожлантириш масалаларида, шу жумладан, ҳудудларни ривожлантириш бўйича ишлар ва лойиҳаларни молиялаштириш масалаларида республика ижро этувчи ҳокимият органларининг ҳудудий бўлинмалари ва маҳаллий ижро этувчи ҳокимият органларининг харажатлар сметаларини кўриб чиқиш ва келишишда иштирок этиш;

5) илмий ва экспертлик ишларини амалга ошириш, маслаҳат бериш, туризм соҳасидаги долзарб масалаларни ишлаб чиқиш учун олимларни, вазирликлар, маъмурий, таълим муассасалари ва бошқа муассасаларнинг юқори малакали мутахассисларини таклиф этиш, шунингдек, Қўмита билан келишган ҳолда идоравий мансуб таълим муассасаларида дарс бериш ва маҳорат дарслари ўтказиш учун малакали мутахассисларни таклиф этиш;

6) туризм соҳасида оммавий тадбирлар ўтказилишини белгиланган тартибда ташкил этиш;

7) идоравий мансуб ташкилотлари учун ускуналар, инвентарь ва бошқа зарур жиҳозларни харид қилиш;

8) вилоят миқёсидаги туризм соҳасидаги танловлар ғолиб ва совриндорларини мукофотлаш учун дипломлар ва бошқа совринларни харид қилиш;

9) ҳудуддаги туризм намояндалари ва бошқа мутахассисларни мукофотлаш, шунингдек, уларга унвонлар ва малака тоифаларини бериш бўйича таклифларни белгиланган тартибда киритиш;

10) туризм соҳасида оммавий тадбирлар ўтказилишини, шунингдек, ҳудуднинг туризм соҳаси вакилларини, шу жумладан, идоравий мансуб ташкилотлар томонидан ўтказиладиган турли танловлар ва бошқа тадбирларга тайёрлашни ва иштирок этишни молиялаштириш;

11) ҳудуддаги туризм соҳасида фестиваллар, танловлар, оммавий тадбирларнинг ғолиб ва совриндорлари, шунингдек, бошқа иштирокчи, мутахассисларни эсдалик дипломлари ва қимматли совринлар билан мукофотлаш бўйича Қўмитага таклифлар киритиш;

12) ўз ваколатлари доирасида конференциялар, семинарлар, симпозиумлар, кўргазмалар, ярмаркалар ва бошқа тадбирларни ўтказиш, шунингдек, бошқа ташкилотлар томонидан ўтказиладиган шундай тадбирларда иштирок этиш;

13) ҳудудда туризм соҳасини ривожлантиришга қаратилган тадбирларни биргаликда ишлаб чиқиш мақсадида халқаро, хорижий ва республика ташкилотлари билан белгиланган тартибда алоқа қилиш;

14) ҳудуднинг туризм соҳаси салоҳиятини тарғиб қилувчи реклама ва тарғибот маҳсулотларини (реклама тусидаги аудио ва видео материаллар, рисолалар, хариталар ва бошқа реклама материалларини) тайёрлашга буюртма бериш;

15) туризм соҳасида ишлаш учун етакчи хорижий мутахассисларни шартнома асосда жалб қилиш;

16) ҳудуднинг туризм соҳасида алоҳида ўрнак кўрсатган ходимлари ва вакилларини давлат мукофотларига тақдим этиш тўғрисида Қўмитага таклифлар киритиш ҳуқуқига эга.

Қўмитанинг ҳудудий бўлинмалари қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

20. Ҳудудий бўлинмалар:

ўзларига юкланган вазифалар ва функцияларнинг сифатли ва ўз вақтида бажарилиши таъминланиши;

Қўмитанинг ҳудудий бўлинмалари фаолияти билан боғлиқ прогноз кўрсаткичларга эришилиши таъминланиши;

Қўмитага киритиладиган ҳужжатлар лойиҳалари ва таклифларнинг сифати;

ҳудудларда аниқланган муаммоларни ҳар томонлама чуқур таҳлил қилиш ҳамда умумлаштириш асосида Қорақалпоғистон Республикаси, вилоятлар ва Тошкент шаҳрида туризмни ривожлантиришга доир таклифлар тайёрланиши;

Қорақалпоғистон Республикаси, вилоятлар ва Тошкент шаҳрида туризм соҳасини ривожлантириш бўйича дастурлар, тадбирлар режалари, «йўл хариталари» ва бошқа дастурий ҳужжатларнинг Қорақалпоғистон Республикаси, вилоятлар ва Тошкент шаҳрида самарали амалга оширилиши, муаммоли масалалар ҳал этилиши;

тизимдаги ташкилотлар томонидан бюджет ва бюджетдан ташқари маблағлар мақсадли ва самарали ишлатилиши учун жавоб беради.

5-боб. Қўмита раҳбариятининг асосий функционал вазифалари

21. Қўмита раисининг асосий функционал вазифалари:

1) Ўзбекистон Республикаси Конституцияси ва қонунлари, шунингдек, бошқа норматив-ҳуқуқий ҳужжатлар талабларига риоя этиш;

2) якка бошчилик тамойилига асосланган ҳолда Қўмита фаолиятига умумий раҳбарлик қилиш, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва бошқа қонунчилик ҳужжатлари билан Қўмитага юкланган вазифалар ва функцияларнинг бажарилишини ташкил этиш;

3) Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари билан туризм соҳасини янада такомиллаштириш бўйича тасдиқланган концепциялар, комплекс дастурлар ва тадбирлар ижросини танқидий ва чуқур таҳлил қилиш;

4) Қўмита ва унинг таркибий ва ҳудудий бўлинмалари ҳамда идоравий бўйсунувидаги ташкилотлар фаолияти билан боғлиқ прогноз кўрсаткичларга эришишни сўзсиз таъминлаш бўйича амалий чораларни ишлаб чиқиш ва кўриш;

5) Қўмита фаолияти соҳасига кирувчи масалалар бўйича Ўзбекистон Республикаси Президенти Администрацияси таркибий бўлинмалари, шунингдек, тегишли вазирликлар ва идоралар билан ўзаро ҳамкорлик қилиш, Вазирлар Маҳкамаси ва унинг Раёсати мажлисларида масалаларни кўриб чиқишда иштирок этиш;

6) ўз ўринбосарлари ваколатларини белгилаш, улар ўртасида вазифаларни тақсимлаш, Қўмитанинг бошқа мансабдор шахслари ваколатларини белгилаш, Қўмита фаолиятининг алоҳида участкаларига раҳбарлик қилиш учун ўз ўринбосарлари ва бошқа мансабдор шахсларнинг шахсий жавобгарлик даражасини белгилаш;

7) Қўмита фаолиятини режалаштиришни ташкил этиш, Қўмита ва ўз ўринбосарларининг ҳар чораклик иш режаларини тасдиқлаш, уларнинг бажарилиши назорат қилинишини таъминлаш;

8) Ўзбекистон Республикаси Президентининг фармонлари, қарорлари, фармойишлари, Вазирлар Маҳкамаси қарорлари, фармойишлари ва топшириқлари бажарилишини таъминлаш, Қўмита фаолиятида ижро интизомини мустаҳкамлаш бўйича комплекс чора-тадбирларни амалга ошириш, Ўзбекистон Республикаси Президентининг « Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида » 2021 йил 10 февралдаги ПФ-6166-сон ҳамда « Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида » 2025 йил 25 июлдаги ПФ-117-сон фармонларига ҳамда «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига , шунингдек, Вазирлар Маҳкамасининг «Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида» 2025 йил 30 сентябрдаги 616-сон қарорига мувофиқ таркибий ва ҳудудий бўлинмалар ҳамда идоравий мансуб ташкилотлар раҳбарларининг шахсий масъулиятини ошириш чораларини кўриш;

9) Қўмита ходимларини тизимли қайта тайёрлашни ва уларнинг малакасини оширишни ташкил этиш;

10) Қўмита тизимида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, Қўмитанинг кадрлар захирасини шакллантириш;

11) Ўзбекистон Республикаси Президенти, Ўзбекистон Республикаси Президенти Администрацияси ва Вазирлар Маҳкамаси номенклатурасига кирадиган бўш лавозимларга таклиф этилган кадрларнинг, шунингдек, Қўмитага ишга қабул қилинаётган бошқа кадрларнинг профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш;

12) фаолият соҳасига кирадиган масалалар бўйича норматив-ҳуқуқий ҳужжатлар лойиҳалари сифатли ишлаб чиқилишини, улар « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунлари, Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига қатъий мувофиқ равишда ўз вақтида киритилишини ташкил этиш, уларнинг Вазирлар Маҳкамасида пухта ишланишида, Вазирлар Маҳкамаси раҳбарияти ҳузурида ҳимоя қилинишида ва Ўзбекистон Республикаси Президенти Администрациясида кўриб чиқилишида иштирок этиш;

13) « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунларига ва Вазирлар Маҳкамасининг Регламентига мувофиқ Қўмитанинг қонун лойиҳаларини тайёрлаш фаолиятини ташкил этиш;

14) Қўмита ваколатига кирувчи масалалар бўйича норматив-ҳуқуқий ҳужжатларни, зарурат бўлганда, бошқа вазирликлар ва идоралар билан биргаликда тегишли қарорларни қабул қилиш;

15) Қўмитага тақдим этилган таклифлар ва норматив-ҳуқуқий ҳужжатлар лойиҳалари тўлиқ ва ўз вақтида кўриб чиқилишини таъминлаш, уларни Ўзбекистон Республикаси Президенти Администрациясининг Регламенти ва Вазирлар Маҳкамасининг Регламентида белгиланган муддатларда келишиш (виза қўйиш);

16) Қўмита раҳбарлари ва ходимлари хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон қарори талабларига мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

17) ўз ўринбосарлари ҳамда таркибий ва ҳудудий бўлинмалар раҳбарлари фаолияти самарадорлигини ва натижадорлигини мунтазам танқидий таҳлил қилиш, Қўмита ҳайъати мажлисларида уларнинг шахсий ҳисоботларини эшитиш, уларнинг якунлари бўйича зарур чоралар кўриш;

18) Қўмита ходимларини рағбатлантириш ва интизомий жавобгарликка тортиш масалаларини ҳал қилиш, ўз ўринбосарларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолишининг мақсадга мувофиқлигига доир масалаларни кўриб чиқиш тўғрисида таклифлар киритиш, уларнинг шахсий масъулиятини оширишга доир тизимли чора-тадбирларни амалга ошириш;

19) Қўмита ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланган Қўмита ходимларининг одоб-ахлоқ қоидалари талабларига риоя этилишини таъминлашни назорат қилиш;

20) «Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ Қўмита тизимида коррупция ва бошқа ҳуқуқбузарликларнинг олдини олиш чораларини кўриш, шунингдек, ҳуқуқни қўллаш амалиётини ва қонунчиликни такомиллаштиришга доир чора-тадбирларни ишлаб чиқиш ва амалга ошириш орқали уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш;

21) Ўзбекистон Республикасининг «Манфаатлар тўқнашуви тўғрисида»ги Қонуни ва манфаатлар тўқнашуви билан боғлиқ муносабатларни тартибга солишга доир ишларга раҳбарлик қилиш ва мувофиқлаштириш;

22) Қўмита ҳамда унинг таркибий ва ҳудудий бўлинмалари ишини ташкил этишнинг замонавий шакллари жорий этилишини таъминлаш;

23) аҳоли ва тадбиркорлик субъектлари билан ҳамкорлик қилишда, шу жумладан, «ягона дарча» принципини жорий этиш орқали давлат хизматлари сифати ва самарадорлигини ҳамда улардан эркин фойдаланишни ошириш ҳамда «Электрон ҳукумат тўғрисида»ги Ўзбекистон Республикаси Қонунини амалга ошириш доирасида замонавий ахборот-коммуникация технологияларидан фойдаланиш;

24) жисмоний ва юридик шахсларнинг мурожаатларини кўриб чиқишга доир самарали ишларни ташкил этиш, аҳоли билан тўғридан-тўғри ва очиқ мулоқотни йўлга қўйиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомда белгиланган муддатларда ва тартибда жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

25) Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Қўмита ходимлари ва раҳбарларининг фаол иштирок этишини ташкил этиш, жисмоний ва юридик шахсларнинг мурожаатлари ўз вақтида ва тўлиқ кўриб чиқилишини таъминлаш;

26) давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

27) Қўмита марказий аппарати штат жадвалини ходимларнинг тасдиқланган штат бирликларининг белгиланган сони асосида, шунингдек, Ўзбекистон Республикаси бюджет маблағлари ҳисобига молиялаштириладиган марказий аппарат ва идоравий мансуб ташкилотларнинг харажатлар сметасини тасдиқлаш;

28) Қўмитанинг ҳудудий бўлинмалари низомлари, идоравий мансуб ташкилотлар уставларини белгиланган тартибда тасдиқлаш;

29) марказий аппарат ходимларини, идоравий мансуб ташкилотлар раҳбарларини белгиланган тартибда лавозимга тайинлаш ва лавозимидан озод этиш;

30) Қўмита ҳайъатига ва марказий аппарат йиғилишларига раҳбарлик қилиш;

31) туризм соҳасидаги ташкилотларни ривожлантириш ва уларнинг моддий-техник базасини мустаҳкамлаш, асбоб-ускуналар ва инвентарлар маҳаллий корхоналар томонидан ишлаб чиқарилиши кенгайтирилишини ташкил этиш бўйича манфаатдор вазирликлар ва идоралар билан келишилган таклифлар тайёрланишини ташкил этиш;

32) туризм соҳасида истеъдодли ва истиқболли кадрларни танлаш, тайёрлаш чора-тадбирлари қабул қилинишини таъминлаш, уларнинг маҳоратини ошириш;

33) туризм соҳасида ягона давлат сиёсати амалга оширилишини таъминлаш, тегишли вазирликлар ва идоралар, маҳаллий ижро этувчи ҳокимият органлари ва бошқа ташкилотлар фаолиятини мувофиқлаштириш;

34) туризм соҳасида кадрларни тайёрлаш чораларини кўриш, қайта тайёрлаш ва малака оширишни ташкил этиш, таълим муассасаларини юқори малакали мутахассислар билан таъминлаш;

35) туризм соҳаси ходимлари ва мутахассисларини, уларнинг кўп йиллик ва самарали фаолияти, алоҳида ўрнак кўрсатгани, хизматлари учун Ўзбекистон Республикаси Давлат мукофотларига тақдимномалар белгиланган тартибда киритилишини таъминлаш ва тавсиялар бериш;

36) туризм соҳасида Ўзбекистон делегацияларининг халқаро тадбирларда иштирокини таъминлаш;

37) туризм соҳасида халқаро ва давлатлараро алоқаларни кенгайтириш ва мустаҳкамлаш, хорижий инвестициялар ва грантларни жалб қилиш бўйича халқаро тадбирларда республика вакилларининг иштирокини таъминлаш;

38) ҳудудий бўлинмалар тузилмалари ва низомларини тасдиқлаш, шунингдек, улар бошқарув ходимларининг чекланган сонини белгилаш;

39) Қўмитанинг хорижий мамлакатлардаги ваколатхоналари фаолияти тартибини белгилаш.

Қўмита раиси қонунчилик ҳужжатларига мувофиқ бошқа функционал вазифаларига ҳам эга бўлиши мумкин.

22. Қуйидагилар инфратузилмага масъул Қўмита раиси ўринбосарининг асосий функционал вазифалари ҳисобланади:

1) Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя қилиш;

2) Қўмита раиси вақтинча бўлмаганда тегишли буйруқ асосида унинг вазифаларини бажариш;

3) Қўмитанинг мутасаддилик қилинадиган таркибий бўлинмалари фаолиятини мувофиқлаштириш, назорат қилиш ва уларга бевосита раҳбарлик қилиш, уларнинг ходимлари ўртасида вазифаларни тақсимлаш;

4) Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланган республика ижро этувчи ҳокимият органлари фаолиятини янада такомиллаштириш бўйича концепциялар, комплекс дастурлар ва тадбирлар ижросини танқидий ва чуқур таҳлил қилиш;

5) мутасаддилик қилинадиган таркибий бўлинмалар томонидан прогноз кўрсаткичларга эришишни сўзсиз таъминлаш чораларини кўриш, бўлинмалар раҳбарларининг ҳисоботларини мунтазам эшитиш ва ушбу кўрсаткичларга эришиш учун уларнинг шахсий жавобгарлигини ошириш;

6) мутасаддилик қилинадиган таркибий бўлинмаларнинг иш режаларини тасдиқлаш, улар бажарилиши устидан назоратни таъминлаш;

7) Ўзбекистон Республикаси Президентининг фармонлари, қарорлари, фармойишлари, Вазирлар Маҳкамаси қарорлари, фармойишлари ва топшириқлари бажарилишини таъминлаш, мутасаддилик қиладиган таркибий бўлинмаларида ижро интизомини мустаҳкамлаш бўйича комплекс чора-тадбирларни амалга ошириш, Ўзбекистон Республикаси Президентининг « Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида » 2021 йил 10 февралдаги ПФ-6166-сон ҳамда « Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида » 2025 йил 25 июлдаги ПФ-117-сон фармонларига ҳамда «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига , шунингдек, Вазирлар Маҳкамасининг «Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида» 2025 йил 30 сентябрдаги 616-сон қарорига мувофиқ топшириқлар ўз вақтида ва сифатли ижро этилиши учун таркибий бўлинмалар раҳбарларининг шахсий масъулиятини ошириш чораларини кўриш;

8) Қўмита ҳайъати қарорлари, Қўмита раисининг буйруқлари ва топшириқлари ўз вақтида ва сифатли бажарилишини таъминлаш;

9) мутасаддилик қилинадиган таркибий бўлинмаларда кадрларни танлаш ва жой-жойига қўйиш бўйича Қўмита раисига таклифлар тақдим этиш, уларнинг профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш, уларнинг касбий малакасини ошириш чораларини кўриш, мутасаддилик қилинадиган бўлинмаларда кадрлар захирасини шакллантириш;

10) норматив-ҳуқуқий ҳужжатлар лойиҳалари мутасаддилик қилинадиган таркибий бўлинмалар томонидан сифатли ишлаб чиқилишини ташкил этиш, Қўмитанинг таркибий бўлинмаларида тайёрланган ҳужжатлар лойиҳаларини кўриб чиқиш ва улар кейинчалик Қўмита раҳбари томонидан кўриб чиқилиши, имзоланиши (виза қўйилиши) учун виза қўйиш, уларнинг Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига қатъий мувофиқ равишда Вазирлар Маҳкамасига ўз вақтида киритилишини таъминлаш, шунингдек, Вазирлар Маҳкамасида норматив-ҳуқуқий ҳужжатлар лойиҳаларини ишлаб чиқишда Қўмита раҳбари топшириғига биноан иштирок этиш;

11) хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чора-тадбирлари тўғрисида» 2014 йил 5 мартдаги ПҚ-2142-сон қарори талабларига тўлиқ мувофиқ ташкил этиш, хизмат сафарларининг асослангани, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

12) мутасаддилик қилинадиган таркибий бўлинмалар раҳбарлари ва ходимлари фаолияти самарадорлиги ва натижадорлигини мунтазам танқидий таҳлил қилиш, Қўмита ҳайъати мажлисларида уларнинг шахсий ҳисоботларини эшитиш, уларнинг якунлари бўйича зарур чоралар кўриш;

13) мутасаддилик қилинадиган таркибий бўлинмалар фаолияти соҳасига тегишли масалалар бўйича Қўмита фаолиятини такомиллаштиришга доир амалий чора-тадбирлар кўриш, қонунчиликни такомиллаштириш бўйича таклифлар ишлаб чиқиш ва уларни Қўмита раисига киритиш;

14) мутасаддилик қилинадиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолиши мақсадга мувофиқлиги масаласини кўриб чиқиш бўйича таклифларни Қўмита раисига киритиш, функционал вазифалар ва юкланган вазифалар бажарилиши учун уларнинг шахсий масъулиятини ошириш бўйича тизимли чора-тадбирларни амалга ошириш;

15) Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидаларига асосан тасдиқланган Қўмита ходимларининг одоб-ахлоқ қоидалари талабларига риоя этиш, кўрсатиб ўтилган қоидаларга мутасаддилик қилинадиган таркибий бўлинмалар раҳбарлари ва ходимлари томонидан риоя этилишини таъминлаш;

16) ҳуқуқни қўллаш амалиётини ва қонунчиликни такомиллаштиришга доир чора-тадбирларни ишлаб чиқиш ва амалга ошириш орқали Ўзбекистон Республикасининг «Коррупцияга қарши курашиш тўғрисида»ги Қонуни ва коррупцияга қарши курашишга доир бошқа қонунчилик ҳужжатларига ҳамда Ўзбекистон Республикасининг «Манфаатлар тўқнашуви тўғрисида»ги Қонунига мувофиқ Қўмита тизимида коррупция ва бошқа ҳуқуқбузарликларнинг олдини олиш чораларини кўриш, уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш, шунингдек, манфаатлар тўқнашуви билан боғлиқ муносабатларни тартибга солишга доир ишларни мувофиқлаштириш;

17) давлат хизматлари самарадорлиги, сифати ва улардан эркин фойдаланишни оширишга доир таклифларни Қўмита раисига киритиш;

18) давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

19) вазирликлар, идоралар, маҳаллий ижро этувчи ҳокимият органлари ва бошқа ташкилотларнинг туризм соҳасидаги ишларини мувофиқлаштиришда иштирок этиш;

20) туризм инфратузилмаларини ривожлантириш ва ушбу соҳалардаги хизматларни диверсификациялаш;

21) Қўмитанинг халқаро ва республика даражаларидаги оммавий тадбирларнинг календарь режасини шакллантиришда иштирок этиш, уни манфаатдор ташкилотлар ва идоралар билан биргаликда амалга ошириш;

22) республикада туризм соҳаси ривожланиши мониторингини олиб бориш ҳамда ушбу соҳаларни янада ривожлантириш бўйича ҳар йиллик прогнозларни шакллантириш;

23) туризм соҳасида истеъдодли ва истиқболли кадрларни танлаш, тайёрлаш ва уларнинг маҳоратини ошириш;

24) туризм соҳасига инвестицияларни жалб қилиш, ушбу соҳалардаги ҳудудий дастурлар ижросини таъминлаш;

25) туризм соҳасини янада ривожлантиришга қаратилган тадбирларни ишлаб чиқиш бўйича халқаро, республика ташкилотлари билан биргаликда ишлашни таъминлаш.

23. Қуйидагилар миллий туризм маҳсулотларини оммалаштиришга масъул Қўмита раиси ўринбосарининг асосий функционал вазифалари ҳисобланади:

1) Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя қилиш;

2) Қўмита раиси вақтинча бўлмаганда тегишли буйруқ асосида унинг вазифаларини бажариш;

3) Қўмитанинг мутасаддилик қилинадиган таркибий бўлинмалари фаолиятини мувофиқлаштириш, назорат қилиш ва уларга бевосита раҳбарлик қилиш, уларнинг ходимлари ўртасида вазифаларни тақсимлаш;

4) Қўмита фаолиятининг мутасаддилик қилинадиган йўналишлари бўйича Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланган Қўмита фаолиятини янада такомиллаштириш бўйича концепциялар, комплекс дастурлар ва тадбирлар ижросини танқидий ва чуқур таҳлил қилиш;

5) мутасаддилик қилинадиган таркибий бўлинмалар томонидан прогноз кўрсаткичларга эришишни сўзсиз таъминлаш чораларини кўриш, бўлинмалар раҳбарларининг ҳисоботларини мунтазам эшитиш ва ушбу кўрсаткичларга эришиш учун уларнинг шахсий жавобгарлигини ошириш;

6) мутасаддилик қилинадиган таркибий бўлинмаларнинг чораклик иш режаларини тасдиқлаш, улар бажарилиши устидан назоратни таъминлаш;

7) Ўзбекистон Республикаси Президентининг фармонлари, қарорлари, фармойишлари, Вазирлар Маҳкамаси қарорлари, фармойишлари ва топшириқлари бажарилишини таъминлаш, мутасаддилик қиладиган таркибий бўлинмаларида ижро интизомини мустаҳкамлаш бўйича комплекс чора-тадбирларни амалга ошириш, Ўзбекистон Республикаси Президентининг « Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида » 2021 йил 10 февралдаги ПФ-6166-сон ҳамда « Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида » 2025 йил 25 июлдаги ПФ-117-сон фармонларига ҳамда «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига , шунингдек, Вазирлар Маҳкамасининг «Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида» 2025 йил 30 сентябрдаги 616-сон қарорига мувофиқ топшириқлар ўз вақтида ва сифатли ижро этилиши учун таркибий бўлинмалар раҳбарларининг шахсий масъулиятини ошириш чораларини кўриш;

8) Қўмита ҳайъати қарорлари, Қўмита раисининг буйруқлари ва топшириқлари ўз вақтида ва сифатли бажарилишини таъминлаш;

9) мутасаддилик қилинадиган таркибий бўлинмаларда кадрларни танлаш ва жой-жойига қўйиш бўйича Қўмита раисига таклифлар тақдим этиш, уларнинг профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш, уларнинг касбий малакасини ошириш чораларини кўриш, мутасаддилик қилинадиган бўлинмаларда кадрлар захирасини шакллантириш;

10) норматив-ҳуқуқий ҳужжатлар лойиҳалари мутасаддилик қилинадиган таркибий бўлинмалар томонидан сифатли ишлаб чиқилишини ташкил этиш, Қўмитанинг таркибий бўлинмаларида тайёрланган ҳужжатлар лойиҳаларини кўриб чиқиш, уларнинг Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига қатъий мувофиқ равишда Вазирлар Маҳкамасига ўз вақтида киритилишини таъминлаш, шунингдек, Вазирлар Маҳкамасида норматив-ҳуқуқий ҳужжатлар лойиҳаларини ишлаб чиқишда Қўмита раисининг топшириғига биноан иштирок этиш;

11) Қўмитага тақдим этилган таклифлар ва норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш;

12) хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чора-тадбирлари тўғрисида» 2014 йил 5 мартдаги ПҚ-2142-сон қарори талабларига тўлиқ мувофиқ ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

13) мутасаддилик қилинадиган таркибий бўлинмалар раҳбарлари ва ходимлари фаолияти самарадорлиги ва натижадорлигини мунтазам танқидий таҳлил қилиш, Қўмита ҳайъати мажлисларида уларнинг шахсий ҳисоботларини эшитиш, уларнинг якунлари бўйича зарур чоралар кўриш;

14) туризм соҳасига тегишли масалалар бўйича Қўмита фаолиятини такомиллаштиришга доир амалий чоралар кўриш, қонунчиликни такомиллаштириш бўйича таклифлар ишлаб чиқиш ва уларни Қўмита раисига киритиш;

15) мутасаддилик қилинадиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолиши мақсадга мувофиқлиги масаласини кўриб чиқиш бўйича таклифларни Қўмита раисига киритиш, функционал вазифалар ва юкланган вазифалар бажарилиши учун уларнинг шахсий масъулиятини ошириш бўйича тизимли чора-тадбирларни амалга ошириш;

16) Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидаларига асосан тасдиқланган Қўмита ходимларининг одоб-ахлоқ қоидалари талабларига риоя этиш, кўрсатиб ўтилган қоидаларга мутасаддилик қилинадиган таркибий бўлинмалар раҳбарлари ва ходимлари томонидан риоя этилишини таъминлаш;

17) ҳуқуқни қўллаш амалиётини ва қонунчиликни такомиллаштиришга доир чора-тадбирларни ишлаб чиқиш ва амалга ошириш орқали Ўзбекистон Республикасининг «Коррупцияга қарши курашиш тўғрисида»ги Қонуни ва коррупцияга қарши курашишга доир бошқа қонунчилик ҳужжатларига ҳамда Ўзбекистон Республикасининг «Манфаатлар тўқнашуви тўғрисида»ги Қонунига мувофиқ Қўмита тизимида коррупция ва бошқа ҳуқуқбузарликларнинг олдини олиш чораларини кўриш, уларнинг содир этилишига кўмаклашувчи сабаблар ва шарт-шароитларни аниқлаш, таҳлил қилиш, бартараф этиш, шунингдек, манфаатлар тўқнашуви билан боғлиқ муносабатларни тартибга солишга доир ишларни мувофиқлаштириш;

18) давлат хизматлари самарадорлиги, сифати ва улардан эркин фойдаланишни оширишга доир таклифларни Қўмита раисига киритиш;

19) жисмоний ва юридик шахсларнинг мурожаатларини кўриб чиқишга доир самарали ишларни ташкил этиш, аҳоли билан тўғридан-тўғри ва очиқ мулоқотни йўлга қўйиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонунида белгиланган муддатларда ва тартибда жисмоний шахсларни ва юридик шахслар вакилларини мунтазам равишда шахсан қабул қилиш, шу жумладан, жойларга бориб қабул қилиш;

20) Ўзбекистон Республикаси Президентининг Халқ қабулхоналари билан самарали ҳамкорлик қилиш, уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш;

21) давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш.

22) «Миллий PR-маркази» ДМ ҳамда хорижий мамлакатлардаги ваколатхоналар фаолиятини мувофиқлаштириш ҳамда миллий туризм маҳсулотларининг самарали маркетингини назорат қилиш.

24. Қуйидагилар Қўмита марказий аппарати таркибий бўлинмалари раҳбарларининг асосий функционал вазифалари ҳисобланади:

1) Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя этиш;

2) таркибий бўлинмалар фаолиятига бевосита раҳбарлик қилиш, ушбу бўлинмаларга юкланган вазифалар ва функциялар бажарилишини ташкил этиш;

3) Қўмитанинг ҳудудий бўлинмалари ва идоравий мансуб ташкилотлар фаолиятини ўз ваколатлари доирасида мувофиқлаштириш;

4) прогноз кўрсаткичларнинг бажарилишини мунтазам таҳлил қилиш ҳамда таркибий ва ҳудудий бўлинмалар ушбу кўрсаткичларга сўзсиз эришишини таъминлашга қаратилган қўшимча чоралар кўриш бўйича таклифларни Қўмита раисининг мутасаддилик қиладиган ўринбосарларига киритиш;

5) Ўзбекистон Республикаси Президентининг фармонлари, қарорлари, фармойишлари, Вазирлар Маҳкамаси қарорлари, фармойишлари ва топшириқлари бажарилишини таъминлаш, Қўмита таркибий бўлинмаларида ижро интизомини мустаҳкамлаш бўйича комплекс чора-тадбирларни амалга ошириш, Ўзбекистон Республикаси Президентининг « Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида » 2021 йил 10 февралдаги ПФ-6166-сон ҳамда « Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида » 2025 йил 25 июлдаги ПФ-117-сон фармонларига ҳамда «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига , шунингдек, Вазирлар Маҳкамасининг «Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида» 2025 йил 30 сентябрдаги 616-сон қарорига мувофиқ топшириқларнинг ўз вақтида ва сифатли бажарилиши учун таркибий бўлинмалар ходимларининг шахсий масъулиятини ошириш чораларини кўриш;

6) ҳайъат қарорлари ҳамда буйруқлар, Қўмита раиси ва унинг ўринбосарлари топшириқлари ўз вақтида ва сифатли бажарилишини таъминлаш;

7) таркибий бўлинмаларнинг иш режалари ишлаб чиқилишини таъминлаш, уларни тасдиқлаш учун киритиш, уларда кўрсатилган вазифалар ва тадбирлар ўз вақтида ва сифатли бажарилишини таъминлаш;

8) таркибий бўлинмаларга юкланган вазифалар бажарилишини назорат қилиш ва мувофиқлаштириш, Қўмитанинг ҳудудий бўлинмалари ва идоравий мансуб ташкилотлар фаолиятига амалий ва методик ёрдам кўрсатиш;

9) таркибий бўлинмалар фаолиятига оид масалалар юзасидан қонунчиликни такомиллаштириш бўйича таклифларни ишлаб чиқиш ва уларни кўриб чиқиш учун Қўмита раҳбариятига киритиш;

10) таркибий бўлинмаларда кадрларни танлаш ва жой-жойига қўйишда Қўмита раҳбариятига таклифлар тақдим этиш, профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш, уларнинг касб малакасини ошириш чораларини кўриш, таркибий бўлинмаларда кадрлар захирасини шакллантириш;

11) норматив-ҳуқуқий ҳужжатлар лойиҳалари таркибий бўлинмалар томонидан сифатли ишлаб чиқилишини ташкил этиш, Қўмитанинг таркибий бўлинмаларида тайёрланган ҳужжатлар лойиҳаларини кейинчалик Қўмита раҳбарияти томонидан кўриб чиқиш, имзолаш (виза қўйиш) учун кўриб чиқиш ва виза қўйиш, уларнинг Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига қатъий мувофиқ равишда Вазирлар Маҳкамасига ўз вақтида киритилишини таъминлаш, Қўмита раҳбарларининг топшириғи бўйича норматив-ҳуқуқий ҳужжатлар лойиҳаларини Вазирлар Маҳкамасида ишлаб чиқишда иштирок этиш;

12) Қўмитага тақдим этилган таклифлар ва норматив-ҳуқуқий ҳужжатлар лойиҳаларини тўлиқ ва ҳар томонлама кўриб чиқиш;

13) хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чора-тадбирлари тўғрисида» 2014 йил 5 мартдаги ПҚ-2142-сон қарори талабларига мувофиқ ташкил этиш, хизмат сафарлари асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

14) таркибий бўлинмалар ходимлари фаолияти самарадорлиги ва натижадорлигини мунтазам равишда танқидий таҳлил қилиш, йиғилишларда уларнинг шахсий ҳисоботларини эшитиш, уларнинг якунлари бўйича зарур чоралар кўриш;

15) таркибий бўлинмалар ходимларининг одоб-ахлоқ қоидалари талабларига риоя этишини таъминлаш;

16) таркибий бўлинмаларда Ўзбекистон Республикасининг «Коррупцияга қарши курашиш тўғрисида»ги Қонуни ва коррупцияга қарши курашишга доир бошқа қонунчилик ҳужжатлари ҳамда Ўзбекистон Республикасининг «Манфаатлар тўқнашуви тўғрисида»ги Қонуни талабларига риоя қилинишини таъминлаш;

17) давлат хизматларининг самарадорлиги, сифати ва улардан эркин фойдаланишни оширишга доир таклифларни Қўмита раҳбариятига киритиш;

18) жисмоний ва юридик шахсларнинг мурожаатларини кўриб чиқиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомда белгиланган муддатларда ва тартибда аҳоли билан тўғридан-тўғри ва очиқ мулоқотни йўлга қўйиш, жисмоний шахсларни ва юридик шахслар вакилларини мунтазам равишда шахсан, шу жумладан, жойларга бориб қабул қилиш;

19) Ўзбекистон Республикаси Президентининг Халқ қабулхоналари билан самарали ҳамкорлик қилиш, уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатларини ўз вақтида ва тўлақонли кўриб чиқиш;

20) давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

21) халқаро ва республика даражаларидаги оммавий тадбирларнинг календарь режасини шакллантиришда иштирок этиш;

22) таркибий бўлинмалар ходимлари фаолиятини тасдиқланган лавозим мажбуриятларига мувофиқ ташкил қилиш;

23) бошқармалар ваколатига кирувчи масалалар юзасидан Қўмита раҳбариятига таҳлилий материаллар тайёрлаш;

24) Қўмитанинг таркибий бўлинмалари фаолиятини ўрганишни ташкил этиш ва уларга амалий кўмаклашиш бўйича таклифлар ишлаб чиқиш.

25. Қуйидагилар ҳудудий бўлинмалар раҳбарларининг асосий функционал вазифалари ҳисобланади:

1) Ўзбекистон Республикаси Конституцияси ва қонунлари талабларига, шунингдек, бошқа норматив-ҳуқуқий ҳужжатларга риоя қилиш;

2) ҳудудий бўлинмалар фаолиятига умумий раҳбарлик қилиш ва назорат қилиш, уларга Ўзбекистон Республикаси Президенти ва Вазирлар Маҳкамасининг қарорлари ҳамда бошқа қонунчилик ҳужжатлари ва Қўмитанинг буйруқлари билан юкланган вазифалар ва функциялар бажарилишини ташкил этиш;

3) ҳудудий бўлинмалар фаолияти билан боғлиқ прогноз кўрсаткичларга эришишни сўзсиз таъминлаш бўйича амалий чора-тадбирларни ишлаб чиқиш ва қабул қилиш;

4) Ўзбекистон Республикаси Президентининг фармонлари, қарорлари, фармойишлари, Вазирлар Маҳкамаси қарорлари, фармойишлари ва топшириқлари бажарилишини таъминлаш, ҳудудий бўлинмаларда ижро интизомини мустаҳкамлаш бўйича комплекс чора-тадбирларни амалга ошириш, Ўзбекистон Республикаси Президентининг « Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида » 2021 йил 10 февралдаги ПФ-6166-сон ҳамда « Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида » 2025 йил 25 июлдаги ПФ-117-сон фармонларига ҳамда «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига , шунингдек, Вазирлар Маҳкамасининг «Ўзбекистон Республикаси Вазирлар Маҳкамасининг қарорлари ижросини назорат қилишнинг янги механизмларини жорий этиш тўғрисида» 2025 йил 30 сентябрдаги 616-сон қарорига мувофиқ топшириқларнинг ўз вақтида ва сифатли бажарилиши учун ҳудудий бўлинмалар ходимларининг шахсий масъулиятини ошириш чораларини кўриш;

5) Қўмита ҳайъати қарорлари, буйруқлари, Қўмита раиси ва унинг ўринбосарларининг топшириқлари ўз вақтида ва сифатли бажарилишини таъминлаш;

6) туризм соҳасига кирадиган масалалар бўйича маҳаллий ижро этувчи ҳокимият органлари билан ҳамкорлик қилиш;

7) ўз ўринбосарлари ваколатларини белгилаш, улар ўртасида вазифаларни тақсимлаш, ҳудудий бўлинмаларнинг бошқа мансабдор шахсларининг ваколатларини белгилаш, Қўмита ҳудудий бўлинмалари фаолиятининг алоҳида участкаларига раҳбарлик қилиш учун ўз ўринбосарлари ва бошқа мансабдор шахсларнинг шахсий жавобгарлиги даражасини белгилаш;

8) Қўмитанинг ҳудудий бўлинмалар фаолиятини режалаштиришни ташкил этиш, ўз ўринбосарларининг чораклик иш режаларини тасдиқлаш, уларнинг бажарилишини назорат қилишни таъминлаш;

9) Қўмитанинг ҳудудий бўлинмаларида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, ҳудудий бўлинмаларнинг кадрлар захирасини шакллантириш;

10) Қўмита марказий аппарати номенклатурасига кирадиган бўш лавозимларга таклиф этилган кадрларнинг, шунингдек, ҳудудий бўлинмаларга ишга қабул қилинаётган бошқа кадрларнинг профессионал, ўз ишини билиши, амалий тажрибага, юксак даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш;

11) ҳудудий бўлинмалар ходимларини, ўз ўринбосарларини рағбатлантириш ва интизомий жавобгарликка тортиш масалаларини ҳал қилиш, шу жумладан, улар эгаллаб турган лавозимда қолиши мақсадга мувофиқлигига доир масалаларни кўриб чиқиш, уларнинг шахсий масъулиятини ошириш бўйича тизимли чора-тадбирларни белгиланган тартибда амалга ошириш;

12) ҳудудий бўлинмалар ходимларининг одоб-ахлоқ қоидалари талабларига риоя этишини таъминлаш;

13) ҳудудий бўлинмаларда Ўзбекистон Республикасининг «Коррупцияга қарши курашиш тўғрисида»ги Қонуни ва коррупцияга қарши курашишга доир бошқа қонунчилик ҳужжатлари ҳамда Ўзбекистон Республикасининг «Манфаатлар тўқнашуви тўғрисида»ги Қонуни талабларига риоя қилинишини таъминлаш;

14) прогноз кўрсаткичларнинг бажарилишини мунтазам таҳлил қилиш ҳамда ҳудудий бўлинмалар томонидан ушбу кўрсаткичларга сўзсиз эришишни таъминлашга қаратилган қўшимча чоралар кўриш бўйича таклифларни Қўмитага киритиш;

15) ҳудудий бўлинмалар ходимлари фаолиятининг самарадорлиги ва натижадорлигини тизимли равишда танқидий таҳлил қилиш, йиғилишларда уларнинг шахсий ҳисоботларини эшитиш, уларнинг якунлари бўйича зарур чоралар кўриш;

16) ҳудудий бўлинмалар фаолиятига оид масалалар бўйича қонунчиликни такомиллаштириш, шунингдек, давлат хизматлари самарадорлиги, сифати ва улардан эркин фойдаланишни ошириш бўйича таклифларни ишлаб чиқиш ҳамда уларни кўриб чиқиш учун Қўмитага киритиш;

17) Қўмитанинг ҳудудий бўлинмалари таркибига кирадиган ташкилотлар фаолиятини мувофиқлаштириш ва назорат қилиш;

18) жисмоний ва юридик шахсларнинг мурожаатларини кўриб чиқиш, «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни билан белгиланган муддатларда ва тартибда аҳоли билан тўғридан-тўғри ва очиқ мулоқотни йўлга қўйиш, жисмоний шахсларни ва юридик шахсларнинг вакилларини мунтазам равишда шахсан қабул қилиш, шу жумладан, жойларга бориб қабул қилиш;

19) Ўзбекистон Республикаси Президентининг Халқ қабулхоналари билан самарали ҳамкорлик қилиш, уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президентининг Виртуал қабулхонасидан тушган барча мурожаатларини ўз вақтида ва тўлақонли кўриб чиқиш;

20) ҳудудий бўлинмалар ходимлари лавозим маошига мукофотлар, устамалар тўлаш, уларга моддий ёрдам бериш, уларни тақдирлаш, рағбатлантириш ва уларга интизомий чора қўллаш тўғрисида қарор қабул қилиш, уларни давлат мукофотлари ва идоравий мукофотлар билан тақдирлаш тўғрисидаги таклифларни Қўмитага киритиш;

21) давлат сирини ёки қонун билан қўриқланадиган бошқа сирни ташкил этувчи маълумотларнинг ҳимоя қилинишини таъминлаш.

6-боб. Қўмита раҳбариятининг жавобгарлиги

26. Қўмита раиси:

Қўмитага юкланган вазифа ва функцияларнинг бажарилиши;

Қўмитанинг ушбу Низомда кўрсатилган жавобгарлик соҳалари бўйича ҳамда ўз функционал вазифалари сифатли бажарилиши учун шахсан жавоб беради.

27. Қўмита раиси ўринбосарлари:

мутасаддилик қилинадиган йўналиш ва таркибий бўлинмаларда Қўмитага юкланган вазифалар ва функцияларнинг бажарилиши;

ушбу Низомда кўрсатилган ўз функционал вазифаларининг сифатли бажарилиши учун шахсан жавоб берадилар.

28. Марказий аппарат таркибий бўлинмалари раҳбарлари;

тегишли таркибий бўлинмаларга юкланган вазифалар ва функцияларнинг бажарилиши;

ушбу Низомда кўрсатилган ўз функционал вазифаларининг сифатли бажарилиши учун шахсан жавоб берадилар.

29. Ҳудудий бўлинмалар раҳбарлари:

ҳудудий бўлинмаларга юкланган вазифалар ва функцияларнинг бажарилиши;

ушбу Низомда кўрсатилган ўз функционал вазифаларининг сифатли бажарилиши учун шахсан жавоб берадилар.

7-боб. Қўмита фаолиятини ташкил этиш

1-§. Қўмита раҳбарияти

30. Қўмитага Ўзбекистон Республикаси Президенти томонидан лавозимга тайинланадиган ва лавозимдан озод этиладиган Қўмита раиси раҳбарлик қилади.

31. Қўмита раисининг икки нафар ўринбосари бўлади. Қўмита раисининг ўринбосарлари Ўзбекистон Республикаси Президенти билан келишилган ҳолда Вазирлар Маҳкамаси томонидан лавозимга тайинланади ва лавозимидан озод этилади.

32. Қўмита раиси моддий таъминоти, тиббий ва транспорт хизматидан фойдаланиш борасидаги шарт-шароитларига кўра — вазирга, Қўмита раиси ўринбосарлари — вазир ўринбосарларига тенглаштирилади.

33. Қўмита раиси бўлмаган вақтда унинг ваколатлари Қўмита раисининг тегишли буйруғига асосан унинг ўринбосарларидан бири томонидан бажарилади.

34. Қуйидагилар:

Қўмита раисининг маслаҳатчилари белгиланган тартибда Қўмита раиси томонидан лавозимга тайинланади ва лавозимдан озод этилади;

Қорақалпоғистон Республикаси, вилоятлар ва Тошкент шаҳар туризм бошқармалари бошлиқлари ва уларнинг ўринбосарлари белгиланган тартибда Қўмита раиси томонидан лавозимга тайинланади ва лавозимдан озод этилади;

35. Қўмита раиси Қўмита тизимига кирадиган идоравий мансуб ташкилотларнинг раҳбарларини белгиланган тартибда лавозимга тайинлайди ва лавозимидан озод этади, қонунчилик ҳужжатларида белгиланган ҳолатлар бундан мустасно.

36. Қўмита раиси Қўмита марказий аппаратининг бошқармалари ва бўлимлари, бўлинмалари тўғрисидаги низомларни, идоравий мансуб ташкилотларнинг уставларини белгиланган тартибда тасдиқлайди.

2-§. Қўмита марказий аппарати таркибий бўлинмаларининг Қўмита ҳудудий бўлинмалари ва идоравий мансуб ташкилотлар билан ўзаро ҳамкорлиги тартиби

37. Қўмита марказий аппарати таркибий бўлинмаларининг Қўмита ҳудудий бўлинмалари ва идоравий мансуб ташкилотлар билан ўзаро ҳамкорлиги марказий аппарат таркибий бўлинмаларининг раҳбарлари томонидан таъминланади.

38. Қўмита марказий аппаратининг таркибий бўлинмалари Қўмитанинг ҳудудий бўлинмалари ва идоравий мансуб ташкилотлар билан ўз фаолияти йўналишлари бўйича ҳамкорлик қилиб:

топшириқларни ҳудудий бўлинмаларга ва идоравий мансуб ташкилотларга етказади ҳамда уларнинг бажарилишини назорат қилади;

Қўмитанинг ҳудудий бўлинмаларига ва идоравий мансуб ташкилотларга таркибий бўлинмаларнинг бевосита фаолияти масалалари бўйича сўровлар юборади ҳамда уларнинг ижро этилишини назорат қилади;

Қўмитанинг ҳудудий бўлинмалари ва идоравий мансуб ташкилотлар фаолияти амалиётини текширади ва ўрганади, умумлаштиради, уни такомиллаштиришга қаратилган чора-тадбирларни ишлаб чиқади ва қабул қилади;

Қўмитанинг ҳудудий бўлинмалари ва идоравий мансуб ташкилотлар фаолиятини ташкил этиш ва фаолияти натижалари тўғрисида ҳисобот ва ахборот материаллари, статистика ва бошқа маълумотлар ўрганилишини ташкил этади;

Қўмитанинг ҳудудий бўлинмалари ва идоравий мансуб ташкилотлар иш режаларини таҳлил қилади, уларнинг фаолиятини режалаштиришни такомиллаштиришга доир чора-тадбирлар кўради;

Қўмитанинг ҳудудий бўлинмалари ва идоравий мансуб ташкилотлардан тушган таклифларни кўриб чиқади;

норматив-ҳуқуқий ҳужжатлар лойиҳаларини тайёрлашда Қўмитанинг ҳудудий бўлинмалари ва идоравий мансуб ташкилотлар иштирокини ташкил этади, туризм соҳасида қонунчиликни такомиллаштириш бўйича улардан тушган таклифларни кўриб чиқади.

39. Қўмитанинг ҳудудий бўлинмалари ва идоравий мансуб ташкилотлари Қўмита марказий аппаратининг таркибий бўлинмалари билан ҳамкорлик қилади, шу жумладан:

берилган топшириқлар ижроси ҳақида Қўмита раҳбариятига ахборот беради;

қонунчиликни амалга ошириш бўйича ўз фаолияти натижалари тўғрисида марказий аппаратга ахборот тақдим этади;

уларнинг фаолиятини текшириш ва ўрганиш натижасида аниқланган ишдаги камчиликларни ва қоидабузарликларни бартараф этиш натижалари тўғрисида маълумот беради;

ҳудудларнинг ижтимоий-иқтисодий ривожланиши, шу жумладан, аҳолининг туризм соҳасига оид мавжуд долзарб муаммоларини бартараф этиш юзасидан Қўмитанинг марказий аппаратига таклифлар киритади;

ваколатли органлар томонидан ўтказилган ўз фаолиятини текшириш натижалари тўғрисида хабар беради.

40. Қўмита марказий аппарати таркибий бўлинмалари ва унинг ҳудудий бўлинмалари ҳамда идоравий мансуб ташкилотларининг ўзаро ҳамкорлиги жараёнида юзага келадиган келишмовчиликлар Қўмита раисининг топшириғига биноан унинг тегишли ўринбосари ва маслаҳатчиси томонидан кўриб чиқилади. Агар кўрсатиб ўтилган кўриб чиқишдан кейин келишмовчиликлар тартибга солинмаса, у бўйича қарор бевосита Қўмита раиси томонидан қабул қилинади.

41. «Миллий PR-маркази» давлат муассасаси бир вақтда Қўмитанинг ахборот хизмати вазифасини бажаради ҳамда Қўмита раисининг ахборот сиёсати бўйича маслаҳатчиси — ахборот хизмати раҳбари ушбу муассасанинг директори ҳисобланади.

3-§. Қўмитанинг бошқа республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорлиги

42. Қўмита ўз вазифалари ва функцияларини амалга оширишда бошқа республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ва бошқа ташкилотлар билан ҳамкорлик қилади.

43. Қўмитанинг ҳудудий бўлинмалари ўз ваколатлари доирасида бошқа республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ҳамкорлик қилади.

4-§. Қўмита ҳайъати

44. Қўмитада Қўмита раиси (ҳайъат раиси), унинг ўринбосарлари, маслаҳатчилари, шунингдек, Қўмита фаолиятининг асосий йўналишларини мувофиқлаштирувчи таркибий бўлинмалар раҳбарларидан иборат таркибда ҳайъат тузилади.

Ҳайъат таркибининг сони ва шахсий таркиби белгиланган тартибда Вазирлар Маҳкамаси томонидан тасдиқланади.

45. Ҳайъатга қуйидаги вазифалар юкланади:

Қўмита фаолиятининг ушбу Низомда белгиланган асосий йўналишларини ишлаб чиқиш ва амалга ошириш;

Ўзбекистон Республикаси Президенти ва Вазирлар Маҳкамасининг қарорларида белгиланган вазифалар ўз вақтида ва сифатли амалга оширилишини таъминлаш учун Қўмита тизими ходимлари ва раҳбарларининг шахсий жавобгарлигини ошириш чораларини кўрган ҳолда, ҳудудий бўлинмалар ва идоравий мансуб ташкилотлар раҳбарлари ҳисоботлари мунтазам равишда эшитилишини ташкил этиш;

Қўмита фаолияти соҳасидаги ҳудудий ва тармоқ дастурлари амалга оширилишининг натижадорлигини ҳар чоракда ва мунтазам кўриб чиқиш;

жойларда Қўмита фаолиятига оид долзарб масалалар муҳокама қилинишини таъминлаган ҳолда ҳайъатнинг кенгайтирилган сайёр мажлислари ўтказилишини ташкил этиш, шунингдек, юзага келган муаммоларни бартараф этиш бўйича тегишли қарорларни ишлаб чиқиш ва қабул қилиш;

Қўмита марказий аппаратига ва унинг тизимига кирадиган лавозимлар номенклатурасини кўриб чиқиш ва тасдиқлаш;

Қўмита марказий аппарати номенклатурасига кирадиган лавозимларга кадрларни танлаш, жой-жойига қўйиш масалаларини кўриб чиқиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари билан белгиланган вазифалар ўз вақтида ва сифатли бажарилишини таъминлаш учун Қўмита раҳбарлари ва ходимларининг ижро интизомини мустаҳкамлаш ва шахсий жавобгарлигини ошириш.

Ҳайъат Қўмита ваколатига киритилган бошқа масалаларни ҳам кўриб чиқишга ҳақли.

46. Ҳайъат мажлисига қўмита ваколатига кирадиган масалалар юзасидан республика ижро этувчи ҳокимият органлари ва хўжалик бирлашмалари, бошқа ташкилотлар раҳбарлари таклиф этилиши мумкин.

47. Ҳайъат, агар унинг мажлисида ҳайъат таркибининг ярмидан кўпи қатнашса, ваколатли ҳисобланади. Кўриб чиқилаётган масалалар юзасидан қарорлар оддий кўпчилик овоз билан қабул қилинади.

48. Ҳайъат қарорлари Қўмита раисининг буйруқлари билан амалга оширилади.

49. Қўмита раиси ва ҳайъат аъзолари ўртасида келишмовчиликлар юзага келган тақдирда, Қўмита раиси юзага келган келишмовчиликлар ҳақида Вазирлар Маҳкамасига ахборот берган ҳолда мустақил равишда қарор қабул қилади. Шунингдек, ҳайъат аъзолари ҳам Вазирлар Маҳкамасига ўз фикрини маълум қилиши мумкин.

50. Ҳайъат фаолияти тартиби ҳайъат томонидан тасдиқланадиган унинг регламенти билан белгиланади.

8-боб. Қўмита фаолияти самарадорлиги ва натижадорлигини баҳолаш мезонлари ва иш индикаторлари

51. Қўмита фаолиятининг самарадорлиги мунтазам баҳоланиши лозим.

52. Қўмита фаолияти самарадорлиги ва натижадорлигига берилган баҳолар белгиланган тартибда тасдиқланадиган Қўмита фаолияти самарадорлиги ва натижадорлигини баҳолаш мезонлари ва иш индикаторларига асосланади.

53. Қўмита фаолияти самарадорлиги ва натижадорлигини баҳолаш якунлари бўйича:

Қўмита раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Қўмита фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

Қўмита фаолияти самарадорлиги ва натижадорлигини баҳолаш тартиби ва методикаси қонунчилик ҳужжатларига мувофиқ белгиланади.

9-боб. Қўмитани молиялаштириш ва моддий-техник таъминлаш, унинг ходимлари меҳнатига ҳақ тўлаш ва уларни моддий рағбатлантириш

54. Қўмита фаолиятини молиялаштириш ва унинг ходимларини моддий рағбатлантириш қонунчилик ҳужжатларига мувофиқ амалга оширилади.

55. Қўмита марказий аппаратига 4 та шахсан бириктирилган (Қўмита раиси, унинг ўринбосарлари ва ахборот хизмати раҳбари учун), 2 та махсус (йўлсиз жойларда юра оладиган 1 та, меҳмонларни кутиб олиш учун 1 та), 1 та навбатчи автотранспорт воситаси ва 1 та микроавтобус лимити ажратилиши назарда тутилади.

Қорақалпоғистон Республикаси, вилоятлар ва Тошкент шаҳар туризм бошқармаларига 1 та шахсан бириктирилган ва 1 та махсус автотранспорт воситаси лимити ажратилиши назарда тутилади.

Қўмитага тегишли хизмат автотранспорт воситасига Вазирлар Маҳкамаси томонидан белгиланган йиллик километр масофа лимити татбиқ этилмайди.

56. Қўмита ходимларининг иш ҳақи қонунчилик ҳужжатларида назарда тутилган лавозим маоши, мукофот пуллари, қўшимча тўловлар, устамалар ва рағбатлантириш тўловларидан ташкил топади.

57. Меҳнатга ҳақ тўлаш фонди, Қўмита ҳузуридаги бюджетдан ташқари Туризмни қўллаб-қувватлаш жамғармаси, бюджет муассасалари ва ташкилотлари ходимларини моддий рағбатлантириш махсус жамғармаси ҳамда қонунчилик ҳужжатлари билан тақиқланмаган бошқа манбалар Қўмита ходимларининг иш ҳақларини тўлаш ва моддий рағбатлантириш манбаи ҳисобланади.

58. Қўмита марказий аппарати, унинг ҳудудий бўлинмалари ва идоравий мансуб ташкилотлари ходимлари қўшимча қуйидаги шаклларда моддий рағбатлантирилади:

1) Қўмита марказий аппарати ходимлари Қўмита ҳузуридаги бюджетдан ташқари Туризмни қўллаб-қувватлаш жамғармаси ҳисобидан, ҳудудий бўлинмалар ходимлари Ўзбекистон Республикасининг Давлат бюджети маблағлари ҳисобидан қуйидаги миқдорда кўп йиллик ишлаганлик учун ҳар ойлик устама тўланади (рағбатлантириш коэффициентини инобатга олган ҳолда лавозим маошига нисбатан коэффициентларда):

1 дан 3 йилгача — 0,3;

3 дан 5 йилгача — 0,6;

5 дан 10 йилгача — 0,8;

10 дан 15 йилгача — 1,0;

15 дан 20 йилгача — 1,2;

20 дан юқори — 1,5.

Кўп йиллик ишлаганлик учун устама олиш ҳуқуқини берувчи иш стажи Қўмита раиси томонидан тасдиқланадиган тартиб асосида амалга оширилади;

2) Қўмита ҳузуридаги бюджетдан ташқари Туризмни қўллаб-қувватлаш жамғармаси ҳисобидан:

а) чорак якуни бўйича энг ташаббускор ва натижадор ходимларни устамани (рағбатлантириш коэффициентини) ҳисобга олган ҳолда, бир ойлик иш ҳақи жамғармасининг юз фоизигача бўлган миқдорда бир йўла мукофотлаш;

б) энг ташаббускор ва самарали ишлаган ходимларни устамани (рағбатлантириш коэффициентини) ҳисобга олган ҳолда, бир ойлик иш ҳақи жамғармасининг юз фоизигача бўлган миқдорда моддий рағбатлантириш;

в) жамоа шартномасига мувофиқ меҳнат натижалари билан боғлиқ бўлмаган компенсация тўловлари ва бир йўла бериладиган мукофотлар;

г) ўз хизмат фаолияти самарадорлигини ошириш ва хизмат вазифаларини оқилона бажариш тизимини жорий этиш мақсадида Қўмитанинг жавобгарлиги юқори бўлган Қўмита марказий аппарати ходимлари учун Қўмита раиси томонидан тайинланадиган шахсий устамалар.

Ушбу банднинг «а» ва «б» кичик бандларида назарда тутилган тўловлар суммаси бир чоракда устамани (рағбатлантириш коэффициентини) ҳисобга олган ҳолда, бир ойлик иш ҳақи жамғармасининг икки баравари миқдоридан ошмаслиги керак.

Қўмита раиси томонидан махсус ва шахсий устамалар белгиланиши мумкин.

Ходимларни қўшимча моддий рағбатлантириш тўғрисидаги низом Қўмита раиси томонидан тасдиқланади.

Қўмита ҳузуридаги бюджетдан ташқари Туризмни қўллаб-қувватлаш жамғармаси маблағлари ҳисобидан ходимларга қонунчилик ҳужжатлари билан тақиқланмаган бошқа тўловлар ҳам тўланиши мумкин.

Бунда ушбу бандда назарда тутилган тўловлар Туризмни қўллаб-қувватлаш жамғармаси молиявий ҳолатидан келиб чиқиб тўланади.

59. Қўмитанинг ҳудудий бўлинмалари фаолиятини таъминлаш ва молиялаштириш (шу жумладан, ходимларни моддий рағбатлантириш) ишлари Қорақалпоғистон Республикаси, вилоятлар ва Тошкент шаҳри маҳаллий бюджети, шунингдек, қонунчилик ҳужжатлари билан тақиқланмаган бошқа манбалар ҳисобидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ходимлари учун белгиланган тартибда амалга оширилади.

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари ҳудудий бўлинмалар раҳбарлари (ходимлари) учун даромадлар прогнозининг ошириб бажарилган маблағлардан ва бюджетнинг орттириб бажарилган қисми ҳисобига қўшимча моддий рағбатлантириш турларини (устама ҳақ, қўшимча ҳақ, мукофотлар ва иш ҳақига бошқа тўловлар) белгилаш ҳуқуқига эга.

60. Қўмитанинг марказий аппарати ҳамда ҳудудий бўлинмалар ходимлари меҳнатига ҳақ тўлаш разрядлари ушбу Низомга 1 ва 2-иловаларга мувофиқ белгиланади.

10-боб. Қўмитанинг Ўзбекистон Республикаси Президенти, Ўзбекистон Республикаси Президенти Администрациясининг тегишли таркибий бўлинмаларига ва Вазирлар Маҳкамасига ҳисобот бериши

61. Қўмита раҳбарлари ўз фаолияти тўғрисида Ўзбекистон Республикаси Президентига, Ўзбекистон Республикаси Президенти Администрациясининг тегишли таркибий бўлинмаларига, Вазирлар Маҳкамасига ҳисобот беради.

Қўмита Ўзбекистон Республикаси Президенти Администрацияси ва Вазирлар Маҳкамаси билан ўзаро ҳамкорлик қилиш доирасида:

ўзига юкланган вазифалар ва функцияларни бажариш билан боғлиқ норматив-ҳуқуқий ҳужжатлар ҳамда бошқа ҳужжатлар лойиҳаларини белгиланган тартибда киритади;

Ўзбекистон Республикаси Президенти Администрацияси ва Вазирлар Маҳкамасига тақдим этиш учун республика ва маҳаллий ижро этувчи ҳокимият органлари, хўжалик бирлашмалари билан биргаликда ўз фаолияти соҳасидаги муаммоларни ҳал этиш, давлат бошқаруви тизимини мақбуллаштиришга қаратилган таклиф, тавсия ва таҳлилий маълумотлар тайёрланишини таъминлайди;

туризм соҳасидаги давлат сиёсатини амалга оширишда мавжуд тизимли муаммо ва камчиликларнинг мунтазам равишда кўриб чиқилиши ва бартараф этилишини ташкил қилади;

белгиланган тартибда бошқа функцияларни ҳам амалга оширади.

62. Қўмита раиси Қўмита раҳбарларига юкланган вазифалар самарали бажарилиши учун уларнинг фаолияти бўйича мунтазам мониторинг юритади, Қўмита фаолияти самарадорлигига холисона баҳо беради.

63. Мониторинг ва баҳолаш якунлари бўйича Қўмитанинг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод этишгача бўлган жавобгарликка тортилади.

11-боб. Якунловчи қоидалар

64. Қўмита қонунчилик ҳужжатларида белгиланган тартибда қайта ташкил этилади ва тугатилади.

65. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Туризм қўмитаси тўғрисидаги низомга 1-ИЛОВА

Ўзбекистон Республикаси Туризм қўмитаси марказий аппарати ходимлари меҳнатига ҳақ тўлаш

Лавозимлар номи Ягона тариф сеткаси бўйича разрядлар Раис 19 Раис ўринбосари 18 Раис маслаҳатчилари, ижро аппарати раҳбари 17 Бошқарма бошлиғи 16 Бошқарма бошлиғи ўринбосари 16 (-5%) Бўлим бошлиғи, хизмат бошлиғи, раис ёрдамчиси 14 Бўлим бошлиғи ўринбосари, девонхона мудири 13 Бош мутахассис 12 Етакчи мутахассис 11

Ўзбекистон Республикаси Туризм қўмитаси тўғрисидаги низомга 2-ИЛОВА

Қорақалпоғистон Республикаси, вилоятлар ҳамда Тошкент шаҳар туризм бошқармалари ходимлари меҳнатига ҳақ тўлаш

Лавозимлар номи Ягона тариф сеткаси бўйича разрядлар Тоифадан ташқари I тоифа II тоифа III тоифа Қорақалпоғистон Республикаси, вилоятлар ва Тошкент шаҳар туризм бошқармаси бошлиғи 19 (-5%) 18 17 16 Бошқарма бошлиғининг ўринбосари 16 15 14 13 Бўлим бошлиғи, бош ҳисобчи 14 13 12 11 Бўлим бошлиғининг ўринбосари 14 (-5%) 13 (-5%) 12 (-5%) 11 (-5%) Бош мутахассис, юрисконсульт 12 11 10 9 Етакчи мутахассис 11 10 9 8

Вазирлар Маҳкамасининг 2026 йил 16 мартдаги 105-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўзбекистон Республикасида туризм соҳасини тиклаш ва ривожлантириш учун қулай шарт-шароитларни яратиш чора-тадбирлари тўғрисида» 2020 йил 10 июлдаги 433-сон қарорида :

а) 1-банднинг тўққизинчи хатбошисидаги «Туризм ва маданий мерос вазирлигининг» сўзлари «Туризм қўмитасининг» сўзлари билан алмаштирилсин;

б) 3-бандда :

«б» кичик банднинг биринчи хатбошиси қуйидаги таҳрирда баён этилсин:

«б) Ўзбекистон Республикаси Туризм қўмитаси ҳузуридаги «Туристларга хизмат кўрсатиш маркази» давлат муассасаси (кейинги ўринларда — «Туристларга хизмат кўрсатиш маркази» ДМ) туризм ахборот марказлари (кейинги ўринларда — Марказ) фаолиятини мувофиқлаштиради ва қуйидаги вазифаларни амалга оширади:»;

«г» , «д» , «е» ва «з» кичик бандлардаги тегишли келишикдаги «Туризм ва маданий мерос вазирлиги» сўзлари тегишли келишикдаги «Туризм қўмитаси» сўзлари билан алмаштирилсин;

5 ва 11-бандлардаги тегишли келишикдаги «Туризм ва маданий мерос вазирлиги» сўзлари тегишли келишикдаги «Туризм қўмитаси» сўзлари билан алмаштирилсин;

в) 2-иловада :

4-банддаги «Туризм қўмитаси» сўзлари «Туризм хизматларини сертификатлаштириш маркази» ДМ (кейинги ўринларда — Марказ)» сўзлари билан алмаштирилсин;

7-банддаги «Туризм хизматларини сертификатлаш маркази» ДУКга (кейинги ўринларда — Марказ)» сўзлари «Марказ» сўзи билан алмаштирилсин;

49 ва 50-бандлар қўйидаги таҳрирда баён этилсин:

«49. Марказ инспекция назоратини ўтказиш даврини белгилайди ва Ўзбекистон Республикаси Туризм қўмитаси веб-сайтида Инспекция назоратини ўтказиш режасини жойлаштиради.

50. Инспекция назоратини ўтказиш учун Марказ раҳбарининг буйруғи билан комиссия таркиби, инспекция назоратини ўтказиш муддати ва дастури тасдиқланади.

Марказнинг сифат бўйича эксперт-аудиторлари орасидан комиссия раиси тайинланади»;

51-банднинг биринчи ва иккинчи хатбошилари , 52-банд , 53-банднинг иккинчи хатбошиси , 54-банднинг учинчи хатбошиси , 56-банд , 58-банднинг биринчи ва тўртинчи хатбошиси , 60-банднинг иккинчи хатбошиси , 62-банднинг биринчи хатбошиси , 63-банд , 64-банднинг «д» , «е» , «з» ва «и» кичик бандлари , 68-банднинг «б» кичик банди , 69 ва 70-бандлардаги тегишли келишикдаги «Туризм қўмитаси» сўзлари тегишли келишикдаги «Марказ» сўзи билан алмаштирилсин;

г) 3-илованинг 2-банди иккинчи хатбошисидаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

д) 4-илованинг 9-бандидаги «Туризм ва маданий мерос вазирлиги ҳузуридаги «Туризм хизматларини сертификатлаштириш маркази» ДУК» сўзлари «Туризм қўмитаси ҳузуридаги «Туризм хизматларини сертификатлаштириш маркази» давлат муассасаси» сўзлари билан алмаштирилсин;

е) 6-илованинг 2-банди учинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» чиқариб ташлансин;

ж) 8-иловада :

2-банднинг учинчи ва тўртинчи хатбошилари қуйидаги таҳрирда баён этилсин:

« ваколатли давлат органи — Ўзбекистон Республикаси Туризм қўмитаси;

Марказ — Ўзбекистон Республикаси Туризм қўмитаси ҳузуридаги «Туризм хизматларини сертификатлаш маркази» давлат муассасаси»;

11-банднинг биринчи хатбошиси ва 18-банднинг олтинчи хатбошисидаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

з) 10-иловада :

3-бандидаги «Туризм ва маданий мерос вазирлиги (кейинги ўринларда — Вазирлик)» сўзлари «Туризм қўмитаси (кейинги ўринларда — Қўмита)» сўзлари билан алмаштирилсин;

9-банд , 10-банднинг биринчи хатбошиси ва 31-банддаги «Вазирлик» сўзи «Қўмита» сўзи билан алмаштирилсин;

и) 13-иловада :

4-бандда :

биринчи хатбошидаги «Туризм ва маданий мерос вазирлиги (кейинги ўринларда — Вазирлик)» сўзлари «Туризм қўмитаси (кейинги ўринларда — Қўмита)» сўзлари билан алмаштирилсин;

иккинчи хатбошидаги «Вазирликка» сўзи «Қўмитага» сўзи билан алмаштирилсин;

5-банднинг биринчи ва иккинчи хатбошиларидаги «Вазирликнинг» ва «Вазирликка» сўзлари тегишлича «Қўмитанинг» ва «Қўмитага» сўзлари билан алмаштирилсин;

6 , 9 ва 10-бандлардаги тегишли келишикдаги «Вазир» сўзи тегишли келишикдаги «Қўмита раиси» сўзлари билан алмаштирилсин;

11 , 12 ва 15-бандлардаги тегишли келишикдаги «Вазирлик» сўзи тегишли келишикдаги «Қўмита» сўзи билан алмаштирилсин;

илованинг матни қуйидаги таҳрирда баён этилсин:

« «Туризм фидойиси» кўкрак нишони билан тақдирлаш

Босқичлар Масъуллар Чора-тадбирлар Муддатлар 1-босқич Маҳаллий давлат ҳокимияти органлари ва ташкилотлар Кўкрак нишони билан тақдирлаш бўйича номзодларни тегишлича Қорақалпоғистон Республикаси, вилоятлар ва Тошкент шаҳар туризм бошқармаларига тақдим этади. Кўкрак нишони билан тақдирлаш бўйича номзодларни Ўзбекистон Республикаси Туризм қўмитасига тақдим этади. Ҳар йили 1 августга қадар Республика даражасидаги давлат органлари ва ташкилотлар 2-босқич Қорақалпоғистон Республикаси, вилоятлар ва Тошкент шаҳар туризм бошқармалари Номзодлар бўйича тақдим этилган ҳужжатларни белгиланган тартибда ўрганиб чиқади ва номзодлар юзасидан хулосаларни Ўзбекистон Республикаси Туризм қўмитасига тақдим этади. Ҳар йили 20 августга қадар 3-босқич Ўзбекистон Республикаси Туризм қўмитасининг кўкрак нишони билан тақдирлашга оид таклифларни кўриб чиқиш бўйича комиссияси Кўкрак нишони билан тақдирлаш бўйича номзодларнинг тегишли ҳужжатларини ўрганиб чиқади ва якуний хулосани чиқаради. Ҳар йили 15 сентябрга қадар 4-босқич Ўзбекистон Республикаси Туризм қўмитаси Кўкрак нишони билан тақдирлаш бўйича Ўзбекистон Республикаси Туризм қўмитаси раиси буйруғини чиқаради. Ҳар йили 20 сентябрга қадар 5-босқич Ўзбекистон Республикаси Туризм қўмитаси Туризм соҳасини ривожлантиришга қўшган ҳиссаси учун» кўкрак нишони билан тақдирлайди Ҳар йили 27 сентябрь арафасида ».

2. Вазирлар Маҳкамасининг «Ички ва зиёрат туризмини ривожлантириш бўйича қўшимча чора-тадбирлар тўғрисида» 2021 йил 24 февралдаги 100-сон қарорида :

а) 1-банднинг «б» кичик банди бешинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 3-бандда :

бешинчи хатбошидаги «Туризм ва маданий мерос вазирлиги» (кейинги ўринларда — Вазирлик) сўзлари «Туризм қўмитаси» (кейинги ўринларда — Қўмита) сўзлари билан алмаштирилсин;

еттинчи хатбошидаги «Туризм ва маданий мерос вазирлиги» сўзлари «Қўмита» сўзи билан алмаштирилсин;

в) 6-банднинг иккинчи хатбошиси , 7-банднинг «а» кичик банди биринчи хатбошиси , 9-банднинг биринчи хатбошисидаги «Вазирлик» сўзи «Қўмита» сўзи билан алмаштирилсин;

г) 5-иловада :

33-банднинг биринчи хатбошисидаги «Туризм ва маданий мерос вазирлиги» (кейинги ўринларда — Вазирлик) сўзлари «Туризм қўмитаси» (кейинги ўринларда — Қўмита) сўзлари билан алмаштирилсин;

35 , 36-бандлар , 37-банднинг иккинчи хатбошиси , 39-банднинг биринчи хатбошиси , 41-банд , 42-банднинг биринчи ва иккинчи хатбошилари , 43 ва 45-бандлардаги тегишли келишикдаги «Вазирлик» сўзи тегишли келишикдаги «Қўмита» сўзи билан алмаштирилсин;

3-илованинг матнидаги «Туризм ва маданий мерос вазирлигига» сўзлари «Туризм қўмитасига» сўзлари билан алмаштирилсин;

4-илованинг матни «Субъектлар» ва «Тадбирлар» устунларидаги тегишли келишикдаги «Вазирлик» сўзи тегишли келишикдаги «Қўмита» сўзи билан алмаштирилсин;

д) 6-иловада :

1-банддаги «А. Абдухакимов — экология, атроф-муҳитни муҳофаза қилиш ва иқлим ўзгариши вазири» сўзлари «А. Аққулов — Туризм қўмитаси раиси» сўзлари билан алмаштирилсин;

3-банд ўз кучини йўқотган деб ҳисоблансин;

5-банд «молия» сўзидан олдин «иқтисодиёт ва» сўзлари билан тўлдирилсин;

6-банддаги «А. Мирзарахимов — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари «лавозимига кўра — » сўзлари билан алмаштирилсин;

е) 6а-илованинг 5-бандидаги «У. Шадиев — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари «А. Аққулов — » сўзлари билан алмаштирилсин.

3. Вазирлар Маҳкамасининг «Евроосиё» халқаро театр санъати фестивалини ўтказиш чора-тадбирлари тўғрисида» 2021 йил 23 апрелдаги 235-сон қарорида :

а) 6-банднинг биринчи хатбошисидаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

б) 1-илованинг 6-позициясидаги «У.Р. Шадиев — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари «А.Ў. Аққулов — » сўзлари билан алмаштирилсин.

4. Вазирлар Маҳкамасининг «Самарқанд шаҳрида ҳар йили «Samarkand Marathon» халқаро хайрия ярим марафонини ташкил этиш ва ўтказиш тўғрисида» 2021 йил 4 майдаги 277-сон қарорида :

а) 4-бандда :

учинчи хатбошидаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

тўртинчи хатбошидаги «Туризм ва маданий мерос вазирлигидан» сўзлари «Туризм қўмитасидан» сўзлари билан алмаштирилсин;

б) 1-илованинг 10-бандидаги «У. Шадиев — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари «А. Аққулов — » сўзлари билан алмаштирилсин.

5. Вазирлар Маҳкамасининг «Ўзбекистон Республикаси Туризм ва маданий мерос вазирлиги фаолиятини ташкил этиш чора-тадбирлари тўғрисида» 2022 йил 25 августдаги 475-сон қарорида :

а) номидаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

б) 1-банд қуйидаги таҳрирда баён этилсин:

«1. Қуйидагилар:

Ўзбекистон Республикаси Туризм қўмитаси ҳузуридаги бюджетдан ташқари Туризмни қўллаб-қувватлаш жамғармаси тўғрисидаги низом 1-иловага мувофиқ;

Ўзбекистон Республикаси Туризм қўмитаси ҳузуридаги бюджетдан ташқари Туризмни қўллаб-қувватлаш жамғармаси кенгаши таркиби 2-иловага мувофиқ;

Ўзбекистон Республикаси ҳудудида туристик (меҳмонхона) йиғимни ундириш тартиби тўғрисидаги низом 3-иловага мувофиқ тасдиқлансин»;

в) 5-банддаги «Бош вазирининг ўринбосари — туризм ва маданий мерос вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

г) 1-илова ўз кучини йўқотган деб ҳисоблансин:

д) 2-иловада :

илова белгисидаги «2-илова» сўзлари «1-илова» сўзлари билан алмаштирилсин;

номи ва 1-банддаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

2-банддаги «Туризм ва маданий мерос вазирлигида (кейинги ўринларда — Вазирлик) юридик шахс ташкил этмаган ҳолда, маблағлардан кейинчалик туризм ва маданий мерос соҳаларини» сўзлари «Туризм қўмитаси (кейинги ўринларда — Қўмита) юридик шахс ташкил этмаган ҳолда, маблағлардан кейинчалик туризм соҳасини» сўзлари билан алмаштирилсин;

3-бандда :

саккизинчи хатбошидаги «Вазирлик» сўзи «Қўмита» сўзи билан алмаштирилсин;

ўн биринчи — ўн учинчи хатбошилардаги «Вазирликнинг» сўзи «Қўмитанинг» сўзи билан алмаштирилсин;

ўн бешинчи хатбошидаги «туризм ва маданий мерос соҳаларидаги» сўзлари «туризм соҳасидаги» сўзлари билан алмаштирилсин;

ўн еттинчи хатбоши чиқариб ташлансин;

ўн саккизинчи хатбоши ўн еттинчи хатбоши деб ҳисоблансин;

5-банддаги «Вазирлик» сўзи «Қўмита» сўзи билан алмаштирилсин;

6-банддаги «Вазирлик» ва «Молия вазирлиги» сўзлари тегишлича «Қўмита» ва «Иқтисодиёт ва молия вазирлиги» сўзлари билан алмаштирилсин;

7-бандда :

иккинчи хатбошидаги «туризм ва маданий мерос соҳаларидаги» сўзлари «туризм соҳасидаги» сўзлари билан алмаштирилсин;

учинчи хатбошидаги «туризм ва маданий мерос объектлари» сўзлари «туризм объектлари» сўзлари билан алмаштирилсин;

тўртинчи хатбошидаги «туризм ва маданий мерос соҳаларида» сўзлари «туризм соҳасида» сўзлари билан алмаштирилсин;

бешинчи хатбошидаги «туризм ва маданий мерос объектлари» сўзлари «туризм объектлари» сўзлари билан алмаштирилсин;

еттинчи хатбошидаги «Жаҳон Туристик» сўзлари «Бутунжаҳон Туризм» сўзлари билан алмаштирилсин;

саккизинчи , тўққизинчи , ўнинчи ва ўн иккинчи хатбошилардаги «Вазирлик» сўзи «Қўмита» сўзи билан алмаштирилсин;

ўн биринчи хатбошидаги «туризм ва маданий мерос соҳаларини» сўзлари «туризм соҳасини» сўзлари билан алмаштирилсин;

ўн учинчи хатбоши қуйидаги таҳрирда баён этилсин:

«Қўмита ҳузуридаги Туризмни ривожлантириш илмий-тадқиқот институти фаолиятини молиялаштириш»;

ўн бешинчи хатбоши қуйидаги таҳрирда баён этилсин:

«нодавлат нотижорат ташкилотлар билан ҳамкорликда амалга ошириладиган лойиҳаларни молиялаштириш, улар фаолиятини рағбатлантириш, туризм соҳасидаги лойиҳаларга грантлар ажратиш, шунингдек, фаолияти туризм соҳаси билан бевосита боғлиқ бўлган жамоат ташкилотларининг халқаро ташкилотларга аъзолик бадалларини Туризм қўмитаси раисининг қарори билан тўлаб бериш»;

ўн олтинчи хатбошидаги «туризм ва маданий мерос соҳаларидаги» сўзлари «туризм соҳасидаги» сўзлари билан алмаштирилсин;

ўн еттинчи хатбошидаги «Вазирлик» сўзи «Қўмита» сўзи билан алмаштирилсин;

ўн саккизинчи хатбошидаги «Вазирлик ҳузуридаги «Миллий PR-марказ» ДУК, Вазирликнинг» сўзлари «Қўмита ҳузуридаги «Миллий PR-марказ» давлат муассасаси, Қўмитанинг» сўзлари билан алмаштирилсин;

йигирманчи хатбоши чиқариб ташлансин;

йигирма биринчи — йигирма еттинчи хатбошилар тегишлича йигирманчи — йигирма олтинчи хатбошилар деб ҳисоблансин;

йигирманчи хатбошидаги «10» рақами «5» рақами билан алмаштирилсин;

йигирма биринчи ва йигирма олтинчи хатбошилардаги «Вазирлик» сўзи «Қўмита» сўзи билан алмаштирилсин;

йигирма бешинчи хатбошидаги «туризм ва маданий мерос соҳаларидаги» сўзлари «туризм соҳасидаги» сўзлари билан алмаштирилсин;

8-банддаги «Вазир» сўзи «Туризм қўмитаси раиси» сўзлари билан алмаштирилсин;

қуйидаги мазмундаги 3 1 -боб билан тўлдирилсин:

« 3 1 -боб. Жамғарма кенгаши ва унинг фаолиятини ташкил этиш

8 1 . Жамғарма кенгаши (кейинги ўринларда — Кенгаш) Вазирлар Маҳкамаси томонидан тузилади.

8 2 . Кенгаш:

Жамғарманинг режалаштирилган лойиҳалар бўйича кейинги йил учун тарғибот ва мақсадли дастурларга оид харажатлар сметасини маъқуллайди;

Жамғарманинг йил якуни бўйича тарғибот ва мақсадли дастурларга оид харажатлари тўғрисидаги ҳисоботларини кўриб чиқади ва тасдиқлайди;

Жамғарма маблағларидан мақсадли ва самарали фойдаланилишини мониторинг қилади.

Кенгаш Жамғарманинг тарғибот ва мақсадли дастурларга оид харажатлар сметасига ўзгартиришлар киритиши мумкин.

8 3 . Кенгаш йиғилишлари заруратга кўра, лекин ҳар чоракда камида бир марта ўтказилади. Кенгаш йиғилишлари шахсан иштирок этиш, видеоконференцалоқа ёки сўров шаклида ўтказилади. Кенгаш котиби, қоида тариқасида, Кенгаш йиғилишидан камида бир кун олдин Кенгаш йиғилишининг кун тартиби ва барча тегишли материалларни Кенгаш аъзоларига электрон ёки қоғоз шаклда етказади.

8 4 . Кенгаш йиғилиши унда Кенгаш аъзоларининг камида учдан икки қисми қатнашганда ваколатли ҳисобланади.

Йиғилишни ўтказиш учун кворум ёки раис бўлмаганда, Кенгаш йиғилишини ўтказишнинг янги санаси эълон қилинади.

8 5 . Кенгаш қарорлари Кенгаш йиғилиши баённомаси билан расмийлаштирилади.

Кенгаш йиғилиши баённомаси Кенгаш котиби томонидан тузилади, уни йиғилишда қатнашган Кенгаш аъзолари имзолайди ҳамда Кенгаш раиси томонидан тасдиқланади.

Кенгаш қарорлари йиғилишда қатнашаётган Кенгаш аъзоларининг кўпчилик овози билан қабул қилинади. Овозлар тенг бўлган ҳолларда, Кенгаш раиси овози ҳал қилувчи ҳисобланади.

Кенгаш аъзолари овоз бериш жараёнида бетараф қолишга ҳақли эмас.

Кенгаш йиғилиши баённомасидан норози бўлган Кенгаш аъзосининг ёзма фикри Кенгаш баённомасига илова қилинади.

Кенгаш баённомалари Кенгаш котиби томонидан белгиланган тартибда рўйхатга олинади ва сақланади.

8 6 . Жамғарма ҳисобидан молиялаштириладиган лойиҳаларнинг самарадорлиги ва натижадорлиги молиялаштириш тўғрисида қарор қабул қилишдан олдин, заруратга кўра — лойиҳани амалга ошириш жараёнида ҳамда у якунлангандан сўнг баҳоланади.

8 7 . Кенгаш баҳолаш натижаларига кўра маблағларнинг кейинги босқичини (траншини) ажратиш, молиялаштириш ҳажмини қисқартириш, лойиҳа параметрларини қайта кўриб чиқиш ёки молиялаштиришни тўхтатиш тўғрисида қарор қабул қилиши мумкин»;

9-банддаги «Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;

10-банддаги «Вазир» сўзи «Туризм қўмитаси раиси» сўзлари билан алмаштирилсин;

11-банддаги «Вазирлик» ва «Молия вазирлигига» сўзлари тегишлича «Қўмита» ва «Иқтисодиёт ва молия вазирлигига» сўзлари билан алмаштирилсин;

13-банддаги «Вазир» сўзи «Туризм қўмитаси раиси» сўзлари билан алмаштирилсин;

е) қуйидаги мазмундаги 2-илова билан тўлдирилсин:

«Вазирлар Маҳкамасининг 2022 йил 25 августдаги 475-сон қарорига 2-ИЛОВА

Ўзбекистон Республикаси Туризм қўмитаси ҳузуридаги бюджетдан ташқари Туризмни қўллаб-қувватлаш жамғармаси кенгаши

1. Г.О. Умерова — Ўзбекистон Республикаси Президенти Администрацияси Креатив иқтисодиёт ва туризм бўйича департаменти бошлиғи, Кенгаш раиси 2. А.Ў. Аққулов — Туризм қўмитаси раиси, Кенгаш раиси ўринбосари 3. Б.Г. Абдикаримов — Маданий мерос агентлиги директори 4. С.Ш. Таджиев — Туризм қўмитаси раиси ўринбосари 5. С.Р. Бобокалонов — Туризм қўмитаси раиси ўринбосари 6. лавозими бўйича — Туризм қўмитаси раисининг стратегик режалаштириш бўйича маслаҳатчиси 7. Ш.Б. Махмудов — Туризм қўмитасининг молия-иқтисодий бошқармаси бошлиғи, Кенгаш котиби

ж) 3-иловада :

2-бандда:

иккинчи хатбошидаги «Туризм ва маданий мерос вазирлиги» сўзлари «Туризм қўмитаси» сўзлари билан алмаштирилсин;

ўнинчи хатбошидаги «Туризм ва маданий мерос вазирлиги (кейинги ўринларда — Вазирлик)» сўзлари «Туризм қўмитаси (кейинги ўринларда — Қўмита)» сўзлари билан алмаштирилсин;

4-банднинг олтинчи ва еттинчи хатбошиларидаги «Вазирликка» сўзи «Қўмитага» сўзи билан алмаштирилсин;

5-банднинг биринчи хатбошиси ва 7-банддаги «Вазирлик» сўзи «Қўмита» сўзи билан алмаштирилсин.

6. Вазирлар Маҳкамасининг 2023 йил 3 апрелдаги 139-сон қарори билан тасдиқланган Давлат муассасаси ва масъулияти чекланган жамият сифатида қайта ташкил этиладиган давлат иштирокидаги корхоналар рўйхатининг 14-позициясидаги «Экология атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

7. Вазирлар Маҳкамасининг «Оилавий меҳмон уйлари, хостеллар, ўтовли ва чодирли оромгоҳлар фаолиятини ташкил этиш, ушбу соҳада давлат хизматлари кўрсатиш тизимини такомиллаштириш тўғрисида» 2023 йил 27 ноябрдаги 622-сон қарорида :

а) 3 ва 4-бандларнинг биринчи хатбошилари , 5-банднинг иккинчи ва учинчи хатбошилари ҳамда 6-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 8-банддаги «экология, атроф-муҳитни муҳофаза қилиш ва иқлим ўзгариши вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

в) 2-иловада :

2-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

2 — 9-иловаларнинг матнларидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

8. Вазирлар Маҳкамасининг 2023 йил 30 ноябрдаги 635-сон қарори билан тасдиқланган Айрим турдаги малака сертификатини бериш бўйича давлат хизматларини кўрсатишнинг ягона маъмурий регламентига 5-илованинг 3-позицияси учинчи устунидаги «Туризм қўмитаси (Маданий мерос объектлари муаммоларини ўрганиш ва туризмни ривожлантириш илмий тадқиқот институти)» сўзлари «Туризм қўмитаси ҳузуридаги Туризмни ривожлантириш илмий-тадқиқот институти» сўзлари билан алмаштирилсин.

9. Вазирлар Маҳкамасининг «Давлат ўрмон фонди ер майдонларидан фойдаланишда ижара муносабатларини такомиллаштириш чора-тадбирлари тўғрисида» 2023 йил 21 декабрдаги 674-сон қарорининг 7-бандидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

10. Вазирлар Маҳкамасининг «Ёшларни касбга (мутахассисликка) ва чет тилларига ўқитиш тизимини такомиллаштириш чора-тадбирлари тўғрисида» 2024 йил 17 апрелдаги 213-сон қарорининг 8-банди «а» кичик банди учинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

11. Вазирлар Маҳкамасининг «Сурхондарё вилоятида янги меҳмонхона қуриш ва уни жиҳозлаш учун инвесторларга Ўзбекистон Республикасининг Давлат бюджетидан субсидия ажратиш тартиби тўғрисидаги вақтинчалик низомни тасдиқлаш ҳақида» 2024 йил 18 апрелдаги 218-сон қарорида :

а) 1-банднинг тўртинчи хатбошиси «йиғимлар» сўзидан кейин «ҳамда туристик (меҳмонхона) йиғим» сўзлари билан тўлдирилсин;

б) иловада :

5-банднинг иккинчи хатбошиси «йиғимлар» сўзидан кейин «ҳамда туристик (меҳмонхона) йиғим» сўзлари билан тўлдирилсин;

7-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

2-илова номидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

12. Вазирлар Маҳкамасининг «Қорақалпоғистон Республикасида меҳмонхона хизматларини ривожлантириш ҳамда қулай шарт-шароитлар яратиш чора-тадбирлари тўғрисида» 2024 йил 16 майдаги 287-сон қарорида :

а) 2-банднинг биринчи хатбошиси ва 3-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 4-банддаги «экология, атроф-муҳитни муҳофаза қилиш ва иқлим ўзгариши вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

в) илованинг 1 ва 3-бандларидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

13. Вазирлар Маҳкамасининг «Республика ва маҳаллий ижро этувчи ҳокимият органлари ҳамда хўжалик бирлашмалари раҳбарлари ва уларнинг ўринбосарлари фаолиятини энг муҳим самарадорлик кўрсаткичлари асосида баҳолашни ташкил этиш чора-тадбирлари тўғрисида» 2024 йил 31 июлдаги 463-сон қарорига 1-илованинг 26-бандидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

14. Вазирлар Маҳкамасининг «Тўсиқсиз туризм орқали туризм имкониятларини янада кенгайтириш бўйича қулай шарт-шароитлар яратиш чора-тадбирлари тўғрисида» 2024 йил 12 августдаги 498-сон қарорида :

а) 2-банднинг биринчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) иловада :

1-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

2-илованинг матнидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

15. Вазирлар Маҳкамасининг «Меҳмонхона хўжалиги фаолиятини давлат томонидан қўллаб-қувватлаш соҳасидаги айрим норматив-ҳуқуқий ҳужжатларни тасдиқлаш тўғрисида» 2024 йил 7 сентябрдаги 550-сон қарорида :

а) 3-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 1-иловада :

4-банднинг иккинчи хатбошиси «йиғимлар» сўзидан кейин «ҳамда туристик (меҳмонхона) йиғим» сўзлари билан тўлдирилсин;

2 ва 3-иловаларнинг матнларидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

в) 3-иловада :

6-банднинг биринчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

2-иловадаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

16. Вазирлар Маҳкамасининг «Модулли меҳмонхонани қуриш ва жиҳозлаш учун субсидия ажратиш тартиби тўғрисидаги вақтинчалик низомни тасдиқлаш ҳақида» 2024 йил 13 сентябрдаги 572-сон қарорида :

а) 3-банднинг учинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) иловада :

6-банднинг иккинчи хатбошиси «йиғимлар» сўзидан кейин «ҳамда туристик (меҳмонхона) йиғим» сўзлари билан тўлдирилсин;

8-банддаги «Экология атроф муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

2-илованинг матнидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

17. Вазирлар Маҳкамасининг «Туризмнинг янги турларини жорий қилиш ҳамда мамлакатимизнинг туристик салоҳиятидан самарали фойдаланишга оид қўшимча чора-тадбирлар тўғрисида» 2024 йил 18 сентябрдаги 582-сон қарорининг 2-банди еттинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

18. Вазирлар Маҳкамасининг «Ўзбекистон бўйлаб саёҳат қил!» ички туризм ярмаркасини ташкил этиш ва ўтказиш чора-тадбирлари тўғрисида» 2024 йил 7 октябрдаги 646-сон қарорида :

а) 4-банднинг биринчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 10-банддаги «Экология, атроф-муҳитни муҳофаза қилиш ва иқлим ўзгариши вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

в) 1-илованинг 3-банди биринчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

19. Вазирлар Маҳкамасининг «Тадбиркорлик субъектларини рағбатлантириш ва уларнинг қонуний ишлаши учун қўшимча шарт-шароитлар яратиш чора-тадбирлари тўғрисида» 2024 йил 7 ноябрдаги 745-сон қарорининг 4-бандидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

20. Вазирлар Маҳкамасининг «Туризм соҳасини рақамлаштириш ва туристик хизматларни ягона платформага бирлаштириш чора-тадбирлари тўғрисида» 2024 йил 7 декабрдаги 820-сон қарорининг 3-банди иккинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

21. Вазирлар Маҳкамасининг «Туристик кластерлар фаолиятини ташкил этиш бўйича чора-тадбирлар тўғрисида» 2024 йил 30 декабрдаги 915-сон қарорида :

а) 3-банднинг тўртинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) илованинг 5-бандидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

22. Вазирлар Маҳкамасининг «Туроператорларнинг халқаро туризм ярмаркаси ва кўргазмаларидаги павильон ижараси харажатларини қоплаб бериш тартиби тўғрисидаги низомни тасдиқлаш ҳақида» 2024 йил 30 декабрдаги 918-сон қарорида :

а) 1-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) илованинг 1-бандидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

23. Вазирлар Маҳкамасининг «Тарихий объектлар ва туризм ривожланмаган ҳудудларда меҳмонхоналар фаолиятини ривожлантириш чора-тадбирлари тўғрисида» 2024 йил 30 декабрдаги 919-сон қарорида :

а) 3-банднинг биринчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 4-банддаги «Экология, атроф-муҳитни муҳофаза қилиш ва иқлим ўзгариши вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

в) 1-иловада :

9-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

Низомга 1-илованинг «1-босқич» позицияси «Тадбирлар» устунидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

Низомга 2-илованинг матнидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

24. Вазирлар Маҳкамасининг «Хоразм вилоятида янги меҳмонхона қуриш ва уни жиҳозлаш учун инвесторларга Ўзбекистон Республикасининг Давлат бюджетидан субсидия ажратиш тартиби тўғрисидаги вақтинчалик низомни тасдиқлаш ҳақида» 2025 йил 17 апрелдаги 233-сон қарорида :

а) 3-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 5-банддаги «Экология, атроф-муҳитни муҳофаза қилиш ва иқлим ўзгариши вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

в) иловада :

5-банднинг иккинчи хатбошиси «йиғимлар» сўзидан кейин «ҳамда туристик (меҳмонхона) йиғими» сўзлари билан тўлдирилсин;

7-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

Низомга 2-илованинг матнидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

25. Вазирлар Маҳкамасининг «Бюджет ташкилотлари харажатларини молиялаштириш ва бюджетдан ташқари жамғармаларни шакллантириш тартибини янада такомиллаштириш тўғрисида» 2025 йил 21 майдаги 325-сон қарорига 2-илованинг 31-позицияси «Бюджетдан ташқари жамғармалар» устунидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

26. Вазирлар Маҳкамасининг «Тоғли ва чўл ҳудудларда туризм хизматларини кўрсатувчи тадбиркорлик субъектларини қўллаб-қувватлаш чора-тадбирлари тўғрисида» 2025 йил 19 июндаги 383-сон қарорида :

а) 2-банднинг «б» кичик банди ва 3-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

б) 1-иловада :

2-банднинг тўртинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин»;

Низомга 2-илованинг матнидаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин.

27. Вазирлар Маҳкамасининг «Туризм объектлари ҳамда жойлаштириш воситаларида атроф-муҳитга салбий таъсири камайтирилган маҳсулотлардан фойдаланиш ва экологик талабларга мувофиқ кўрсатиладиган хизматларни рағбатлантириш чора тадбирлари тўғрисида» 2025 йил 24 июндаги 385-сон қарорида :

а) 4-бандда :

«в» кичик банддаги «Экология, атроф-муҳитни муҳофаза қилиш ва иқлим ўзгариши вазири» сўзлари «Туризм қўмитаси раиси» сўзлари билан алмаштирилсин;

«д» кичик банддаги «Экология вазирлиги ҳузуридаги» сўзлари чиқариб ташлансин;

б) 6-банддаги «Экология, атроф-муҳитни муҳофаза қилиш ва иқлим ўзгариши вазири А.А. Абдухакимов» сўзлари «Туризм қўмитаси раиси А.Ў. Аққулов» сўзлари билан алмаштирилсин;

в) иловада :

3-банддаги «Экология, атроф-муҳитни муҳофаза қилиш ва иқлим ўзгариши вазири» сўзлари «Туризм қўмитаси раиси» сўзлари билан алмаштирилсин;

5-банддаги «Экология, атроф-муҳитни муҳофаза қилиш ва иқлим ўзгариши вазирлиги ҳузуридаги» сўзлари чиқариб ташлансин;

10-бандда :

иккинчи хатбошидаги «Экология, атроф-муҳитни муҳофаза қилиш ва иқлим ўзгариши вазири» сўзлари «Туризм қўмитаси раиси» сўзлари билан алмаштирилсин;

учинчи хатбошидаги «Туризм қўмитаси раиси, унинг ўринбосари ва маслаҳатчиси» сўзлари «Туризм қўмитаси раиси ўринбосарлари» сўзлари билан алмаштирилсин;

26-банднинг иккинчи хатбошисидаги «Экология, атроф-муҳитни муҳофаза қилиш ва иқлим ўзгариши вазирлиги ҳамда» сўзлари чиқариб ташлансин;

Низомга илованинг «2-босқич» позицияси «Тадбирлар» устунидаги «Экология, атроф-муҳитни муҳофаза қилиш ва иқлим ўзгариши ҳузуридаги» сўзлари чиқариб ташлансин.

Вазирлар Маҳкамасининг 2026 йил 16 мартдаги 105-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган қарорлари

1. Вазирлар Маҳкамасининг «Сурхондарё вилоятида туризм соҳасини ривожлантириш чора-тадбирлари тўғрисида» 2018 йил 3 майдаги 324-сон қарори .

2. Вазирлар Маҳкамасининг «Туризм ва маданий мерос соҳаларида давлат бошқарувининг такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 20 майдаги 278-сон қарорига 1-илованинг 3-банди .

Ўзбекистон Республикасининг Бош вазири А. АРИПОВ

Тошкент ш.,

2026 йил 16 март,

105 -сон

(Қонунчилик маълумотлари миллий базаси, 17.03.2026 й., 09/26/105/0244-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

RAZRYADLARI

RAZRYADLARI

SXEMASI

TARKIBI

ROʻYXATI

Oʻzbekiston Respublikasi Turizm qoʻmitasi faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Ekologiya va turizm sohalarida aholi talablariga tezkor javob bera oladigan boshqaruv tizimini yaratish chora-tadbirlari toʻgʻrisida” 2025-yil 18-noyabrdagi PF-217-son Farmoni hamda “Oʻzbekiston Respublikasi Turizm qoʻmitasi faoliyatini tashkil etish va turizm sohasini jadal rivojlantirish chora-tadbirlari toʻgʻrisida” 2025-yil 19-noyabrdagi PQ-348-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Ekologiya va turizm sohalarida aholi talablariga tezkor javob bera oladigan boshqaruv tizimini yaratish chora-tadbirlari toʻgʻrisida” 2025-yil 18-noyabrdagi PF-217-son Farmoniga asosan Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi Oʻzbekiston Respublikasi Turizm qoʻmitasi (keyingi oʻrinlarda — Turizm qoʻmitasi) sifatida qayta tashkil etilgani maʼlumot uchun qabul qilinsin.

2. Quyidagilarni nazarda tutuvchi Oʻzbekiston Respublikasi Turizm qoʻmitasi toʻgʻrisidagi nizom 1-ilovaga muvofiq tasdiqlansin:

Turizm qoʻmitasining maqomi, tizimi, asosiy vazifalari hamda funksiyalari;

Turizm qoʻmitasining huquqlari va javobgarligi;

Turizm qoʻmitasi rahbarlarining asosiy funksional vazifalari hamda javobgarligi;

Turizm qoʻmitasi faoliyatini tashkil etish, uning respublika va mahalliy ijro etuvchi hokimiyat organlari hamda boshqa tashkilotlar bilan oʻzaro hamkorligi;

Turizm qoʻmitasi va uning hududiy boʻlinmalari faoliyatini moliyalashtirish hamda xodimlarini moddiy ragʻbatlantirish tartibi.

3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

5. Turizm qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Ushbu qarorning bajarilishini nazorat qilish Oʻzbekiston Respublikasi Turizm qoʻmitasi raisi A.Oʻ. Aqqulov zimmasiga yuklansin.

Vazirlar Mahkamasining 2026-yil 16-martdagi 105-son qaroriga 1-ILOVA

Oʻzbekiston Respublikasi Turizm qoʻmitasi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Turizm qoʻmitasining (keyingi oʻrinlarda — Qoʻmita) maqomi, asosiy vazifalari va funksiyalari, huquqlari va javobgarligi, faoliyatini tashkil etish va hisobot berish tartibini, shuningdek, uning rahbarlarining funksional vazifalarini belgilaydi.

2. Qoʻmita turizm sohasini tartibga solish va rivojlantirish boʻyicha yagona davlat siyosatini amalga oshiruvchi alohida mustaqil maqomga ega respublika ijro etuvchi hokimiyat organi hisoblanadi.

3. Qoʻmita Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) boʻysunadi.

4. Qoʻmita oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga amal qiladi.

5. Qoʻmita oʻz vakolatlari doirasida umummajburiy boʻlgan normativ-huquqiy hujjatlarni qabul qilish huquqiga ega.

6. Qoʻmita, Qoraqalpogʻiston Respublikasi, viloyatlar va Toshkent shahar turizm boshqarmalari (keyingi oʻrinlarda — hududiy boʻlinmalar) Qoʻmitaning tuzilmasiga kiruvchi tashkilotlar yuridik shaxslar hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, bank hisobvaraqlariga, shu jumladan, xorijiy valyutadagi shaxsiy gʻazna hisobvaraqlariga ega boʻladi.

7. Qoʻmitaning rasmiy nomi:

a) davlat tilida:

toʻliq nomi — Oʻzbekiston Respublikasi Turizm qoʻmitasi, qisqartirilgan nomi — Turizm qoʻmitasi;

b) rus tilida:

toʻliq nomi — Komitet po turizmu Respubliki Uzbekistan, qisqartirilgan nomi — Komitet po turizmu;

v) ingliz tilida:

toʻliq nomi — Tourism Committee of the Republic of Uzbekistan, qisqartirilgan nomi — Tourism Committee.

8. Qoʻmitaning joylashgan manzili (pochta manzili): Oʻzbekiston Respublikasi, Toshkent shahri, Amir Temur shoh koʻchasi, 107b-uy.

2-bob. Qoʻmitaning tuzilmasi

9. Qoʻmita tizimiga quyidagilar kiradi:

Qoʻmitaning markaziy apparati;

Qoraqalpogʻiston Respublikasi, viloyatlar va Toshkent shahri turizm boshqarmalari;

Qoʻmitaning xorijiy mamlakatlardagi vakolatxonalari;

“Milliy PR-markazi” davlat muassasasi;

“Turizm xizmatlarini sertifikatlashtirish markazi” davlat muassasasi;

“Turistlarga xizmat koʻrsatish markazi” davlat muassasasi;

“Ipak yoʻli ofisi” davlat muassasasi;

“Ipak yoʻli” turizm va madaniy meros xalqaro universiteti va uning huzuridagi Xalqaro turizm akademiyasi Samarqand kampusi;

“Turizmni rivojlantirish ilmiy-tadqiqot instituti” davlat muassasasi;

“Beldirsoy-Chimyon-Nanay” xalqaro umummavsumiy kurortini qurish va ekspluatatsiya qilish boʻyicha loyiha ofisi” davlat muassasasi.

3-bob. Qoʻmita, uning markaziy apparati va hududiy boshqarmalarining asosiy vazifalari va funksiyalari

1-§. Qoʻmitaning asosiy vazifalari va funksiyalari

10. Quyidagilar Qoʻmitaning asosiy vazifalari hisoblanadi:

turizm turlarini diversifikatsiya qilish, eng avvalo, ichki va ziyorat turizmi, ekologik turizm, etnoturizm, ishbilarmonlik turizmi, sport, gastronomik, tibbiy, taʼlim va ilmiy turizmni har tomonlama rivojlantirish, tashqi va ichki turizmni har tomonlama kengaytirish, yangi turizm yoʻnalishlarini ishlab chiqish hamda ularni turizm bozorlarida joriy qilish;

turizm xizmatlarining tashqi va ichki bozorlarida marketing tadqiqotlarini olib borish, mamlakatning turizm sohasini yanada rivojlantirish, bebaho turizm salohiyatini ommalashtirish va targʻib qilish, milliy turizm mahsulotlari va brendlarining xalqaro turizm bozorlariga kirib borishiga yoʻnaltirilgan faol reklama-axborot siyosatini amalga oshirish;

turizm infratuzilmasini shakllantirish, shu jumladan, turizm obyektlarini joylashtirish uchun imkoniyat yuqori boʻlgan hududlarda rejalashtirish va loyihalashtirish ishlarini tashkil etish, investorlarni jalb qilish, turizm sohasida tadbirkorlik faolligi oshishiga har tomonlama koʻmaklashish, turizm obyektlarini davlat-xususiy sheriklik asosida samarali boshqarish hamda sohani bosqichma-bosqich toʻliq raqamlashtirish;

mamlakatning turizm salohiyatini tubdan oshirish, turizmga iqtisodiyotning strategik sektori maqomini berish, turizm sohasida yagona davlat siyosatini yuritish maqsadida turizmni rivojlantirishning yaxlit konsepsiyasini ishlab chiqish va amalga oshirishni taʼminlash;

respublika hududlarining turizm salohiyatidan kelib chiqib, turizmning istiqbolli yoʻnalishlarini belgilash, yangi turizm mahsulotlarini yaratish, ularni pasportlashtirish, turizm sohasidagi yagona reyestrlarni shakllantirish;

turizm obyektlarida, ovqatlanish joylarida, respublika hududi boʻylab harakatlanish vaqtida va tashriflarni tashkil etishda turistlar xavfsizligi hamda sogʻligʻini taʼminlashga yoʻnaltirilgan turizm xizmatlarini koʻrsatish sifati va xavfsizligining standartlarini ishlab chiqishni muvofiqlashtirish;

turizm boʻyicha nufuzli xalqaro va milliy tashkilotlar, birinchi navbatda, Birlashgan Millatlar Tashkilotining Butunjahon turizm tashkiloti, shuningdek, xorijiy kompaniyalar bilan xalqaro hamkorlikni kengaytirish, xalqaro va davlatlararo standartlar hamda normalarni turizm faoliyati va amaliyotiga joriy etish;

turizm sohasi uchun kadrlar tayyorlash boʻyicha takliflar kiritish, turizm sohasi subyektlari xodimlarini muntazam qayta tayyorlash va ularning malakasini oshirishni yuqori darajada tashkil etish, sohada ilm-fanni rivojlantirishga koʻmaklashish;

turizm sohasini davlat tomonidan va bozor orqali tartibga solishni maqbullashtirish, turizm xizmatlari bozorida raqobatni rivojlantirish boʻyicha takliflarni ishlab chiqish;

respublika kinolokatsiyalarini, shu jumladan, jamoat tashkilotlari va tadbirkorlik subyektlarini jalb qilgan holda xorijda targʻib qilish.

11. Qoʻmita oʻziga yuklangan asosiy vazifalardan kelib chiqib quyidagi funksiyalarni amalga oshiradi:

1) turizm turlarini diversifikatsiya qilish, eng avvalo, ichki va ziyorat turizmi, ekologik turizm, etnoturizm, ishbilarmonlik turizmi, sport, gastronomik, tibbiy, taʼlim va ilmiy turizmni har tomonlama rivojlantirish, tashqi va ichki turizmni har tomonlama kengaytirish, yangi turizm yoʻnalishlarini ishlab chiqish hamda ularni turizm bozorlarida joriy qilish yuzasidan:

turizm turlarini koʻpaytirish, eng avvalo, ichki va ziyorat turizmi, ekologik turizm, etnoturizm, ishbilarmonlik turizmi, sport, gastronomik, tibbiy, taʼlim va ilmiy turizm sohasini barqaror rivojlantirish uchun normativ-huquqiy bazani ishlab chiqadi va takomillashtiradi;

xalqaro miqyosda va respublikada turizm rivojlanishining asosiy tendensiyalarini oʻrganadi va tahlil qiladi hamda uning asosida turizm turlarini koʻpaytirish hamda turizm xizmatlarini yanada diversifikatsiyalashga qaratilgan takliflarni ishlab chiqadi;

respublika hududlarining turizm salohiyatidan kelib chiqib turizmning istiqbolli yoʻnalishlarini rivojlantirish boʻyicha takliflar kiritadi;

turizm sohasidagi davlat dasturlarining, shuningdek, sohada iqtisodiy, ijtimoiy va maʼmuriy islohotlarning amalga oshirilishini tizimli tahlil qiladi, oʻtgan davr bilan qiyosiy oʻrganadi va istiqbolni belgilaydi;

Oʻzbekiston Respublikasining xilma-xil hamda yilning turli fasllarida jozibador va raqobatbardosh yangi turizm mahsulotlarini yaratish boʻyicha dasturlarni ishlab chiqadi;

turizm sohasining turli yoʻnalish va turlarining rivojlanish tendensiyalari boʻyicha chora-tadbirlarni ishlab chiqadi;

ichki, kirish va chiqish turizmini kompleks rivojlantirish boʻyicha milliy va hududiy dasturlarni ishlab chiqadi hamda amalga oshiradi, shuningdek, turizm turlari va infratuzilmasini xalqaro standartlarga mos ravishda rivojlantirish chora-tadbirlarini ishlab chiqadi;

mavjud turizm salohiyati, turizm xizmatlari bozorining hamda turizm sohasidagi infratuzilmalar holatini tizimli asosda tahlil qiladi, shuningdek, ushbu sohadagi xalqaro standartlarni oʻrganadi;

respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlar ishtirokida ichki, kirish va chiqish turizmini kompleks rivojlantirish dasturlarini ishlab chiqadi;

turizmni rivojlantirish boʻyicha milliy va hududiy dasturlar bajarilishini muvofiqlashtiradi, turizmni rivojlantirish dasturlarining amaldagi ijrosini taʼminlashga qaratilgan kompleks chora-tadbirlari ishlab chiqadi, ularning bajarilishi haqida samarali monitoring yuritadi;

2) turizm xizmatlarining tashqi va ichki bozorlarida marketing tadqiqotlarini olib borish, mamlakatning turizm sohasini yanada rivojlantirish, bebaho turizm salohiyatini ommalashtirish va targʻib qilish, milliy turizm mahsulotlari va brendlarining xalqaro turizm bozorlariga kirib borishiga yoʻnaltirilgan faol reklama-axborot siyosatini amalga oshirish yuzasidan:

turistlar oqimining salohiyatli va istiqbolli bozorlarini oʻrganadi, turizm sohasida reklama-axborot siyosatini yuritishning samarali uslub va mexanizmlarini belgilaydi, uning natijalariga koʻra tegishli kompleks choralar koʻradi;

mamlakatning turizm salohiyatini targʻib qilish samaradorligini oshirish maqsadida xorijiy turistlar nimani afzal koʻrishini oʻrganish va talab yuqori boʻlgan turizm mahsulotlarini aniqlashga qaratilgan marketing tadqiqotlarini tashkil etadi;

milliy turizm mahsulotlari va brendlarini xalqaro turizm bozorlarida taqdim etishga koʻmaklashadi;

turizm faoliyati subyektlari va boshqa manfaatdor shaxslarni xalqaro turizm bozorlarida mamlakatning turizm salohiyatini targʻib qilishda ishtirok etishga ragʻbatlantirishni taʼminlaydi;

Oʻzbekiston Respublikasida xorijiy turoperatorlar, ommaviy axborot vositalari va boshqa tashkilotlar ishtirokida axborot turlarini (infoturlarni) tashkil etadi;

turistlarning maqsadli toifalari orasida turizm zonalarining salohiyatini targʻib qilish boʻyicha marketing ishlarini amalga oshiradi;

3) turizm infratuzilmasini shakllantirish, shu jumladan, turizm obyektlarini joylashtirish uchun imkoniyat yuqori boʻlgan hududlarda rejalashtirish va loyihalashtirish ishlarini tashkil etish, investorlarni jalb qilish, turizm sohasida tadbirkorlik faolligi oshishiga har tomonlama koʻmaklashish, turizm obyektlarini davlat-xususiy sheriklik asosida samarali boshqarish hamda sohani bosqichma-bosqich toʻliq raqamlashtirish yuzasidan:

turizm infratuzilmasini shakllantirish, eng avvalo, turizm yoʻnalishlari boʻylab mehmonxonalar va kempinglar, umumiy ovqatlanish obyektlari va turizmning boshqa infratuzilmalarini shakllantirish boʻyicha takliflar ishlab chiqadi;

turizm salohiyati yuqori boʻlgan hududlarni oʻrganish asosida turizm zonalari va klasterlarini tashkil etish boʻyicha takliflarni ishlab chiqadi;

turizm infratuzilma obyektlarini joylashtirish uchun salohiyatli hududlarda rejalashtirish va loyihalashtirish ishlarini tashkil etadi;

turizm zonalarining samarali boshqaruvini tashkil qilish choralarini koʻradi;

turizm zonalari hududida turizm infratuzilmasi obyektlarini barpo etish va ularning samarali faoliyat yuritishi uchun zarur investitsiya shart-sharoitlarini yaratishga qaratilgan chora-tadbirlarni ishlab chiqadi;

shaharlar va tumanlar bosh rejalarini ishlab chiqish va tasdiqlash jarayonida ularning turizm infratuzilmasini rivojlantirish qismi yuzasidan takliflarni ishlab chiqadi va ushbu yoʻnalishda davlat organlari bilan hamkorlik qiladi;

turizm infratuzilmasini xalqaro standartlarga mos ravishda rivojlantirishga xorijiy investitsiyalar, shuningdek, xalqaro moliya institutlari va boshqa tashkilotlarning kreditlari va grantlarini jalb qiladi;

turizm infratuzilmasini rivojlantirish uchun taqdim etilgan mablagʻlar, grantlar, boshqa moliyaviy va moddiy resurslardan oqilona va maqsadli foydalanishni taʼminlash boʻyicha choralar koʻradi;

turizm obyektlarini davlat-xususiy sheriklik asosida samarali boshqarish, sohani bosqichma-bosqich toʻliq raqamlashtirish va zamonaviy axborot texnologiyalarini joriy etish boʻyicha choralar koʻradi;

4) mamlakatning turizm salohiyatini tubdan oshirish, turizmga iqtisodiyotning strategik sektori maqomini berish, turizm sohasida yagona davlat siyosatini yuritish maqsadida turizmni rivojlantirishning yaxlit konsepsiyasini ishlab chiqish va amalga oshirishni taʼminlash yuzasidan:

turizmni rivojlantirishning asosiy tendensiyalari va prognozlarini tahlil qilishni inobatga olgan holda, turizm sohasini rivojlantirishning ustuvor yoʻnalishlari va vazifalarini belgilashda ishtirok etadi;

respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlar, shuningdek, turizm faoliyati subyektlari tomonidan turizm sohasida yagona davlat siyosatining amaliy ijrosini taʼminlaydi;

turizm sohasida davlat tomonidan tartibga solish va boshqaruv mexanizmlari hamda tuzilmasini tashkiliy-huquqiy takomillashtirish boʻyicha takliflar ishlab chiqadi;

turizmni rivojlantirish masalalarida normativ-huquqiy hujjatlar loyihalarini ishlab chiqadi va belgilangan tartibda Vazirlar Mahkamasiga kiritadi;

5) respublika hududlarining turizm salohiyatidan kelib chiqib, turizmning istiqbolli yoʻnalishlarini belgilash, yangi turizm mahsulotlarini yaratish, ularni pasportlashtirish, turizm sohasidagi yagona reyestrlarni shakllantirish:

turizm sohasidagi tashkilotlar, shuningdek, respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlarning faoliyatini muvofiqlashtirishga qaratilgan kompleks chora-tadbirlarni amalga oshiradi, shu jumladan, ularning turizm sohasidagi ishlarini takomillashtirish boʻyicha tavsiyalar ishlab chiqadi;

respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlar bilan birgalikda hududlarda yangi turizm yoʻnalishlarining ishlab chiqilishini hamda ichki va tashqi turizm bozorlarida targʻib qilinishini taʼminlaydi;

turizm faoliyatining belgilangan standartlariga muvofiq turizm yoʻnalishlarini pasportlashtiradi;

turoperatorlar va turagentlar, gidlar (gid-tarjimonlar), ekskursiya yetakchilari hamda yoʻriqchi-yoʻl boshlovchilar, joylashtirish vositalari, togʻ changʻisi trassalari va plyajlar, shuningdek, turizm yoʻnalishlari hamda turizm obyektlarining yagona reyestrlarni shakllantiradi va yuritadi;

respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlarga turizm sohasini iqtisodiyotning boshqa tarmoqlari bilan birgalikda rivojlantirish boʻyicha takliflar kiritadi;

6) turizm obyektlarida, ovqatlanish joylarida, respublika hududi boʻylab harakatlanish vaqtida va tashriflarni tashkil etishda turistlar xavfsizligi hamda sogʻligʻini taʼminlashga yoʻnaltirilgan turizm xizmatlarini koʻrsatish sifati va xavfsizligining standartlarini ishlab chiqishni muvofiqlashtirish:

turizm xizmatlari sifati va xavfsizligiga qoʻyiladigan talablarni shakllantirish uchun turizm xizmatlarini koʻrsatish jarayonini va ulardan turistlarning qoniqish hosil qilishini monitoring qilib boradi;

milliy oʻziga xosliklar, iqlim sharoitlari va ilgʻor xorijiy tajribani inobatga olgan holda, turizm xizmatlarining sifati va xavfsizligi boʻyicha milliy standartlar ishlab chiqilishini muvofiqlashtiradi, shuningdek, ularning doimiy takomillashtirib borilishini taʼminlaydi;

turizm faoliyatini belgilangan tartibda litsenziyalaydi;

sertifikatlanayotgan turizm xizmatlarining belgilangan talablar va standartlarga muvofiqligi ustidan inspeksiya nazorati amalga oshirilishini taʼminlaydi;

ommaviy axborot vositalari hamda Qoʻmitaning rasmiy veb-sahifasida tegishli maʼlumotlarni joylashtirish orqali turizm sohasi subyektlari va ishtirokchilarini muayyan vaqtda tashrif buyurish turistlar xavfsizligi uchun xatarli boʻlgan mamlakatlar (joylar) toʻgʻrisida xabardor qiladi;

turizm sohasida “ishonch telefonlari” ishlashini tashkil etadi;

7) turizm boʻyicha nufuzli xalqaro va milliy tashkilotlar, birinchi navbatda, Birlashgan Millatlar Tashkilotining Butunjahon turizm tashkiloti, shuningdek, xorijiy kompaniyalar bilan xalqaro hamkorlikni kengaytirish, xalqaro va davlatlararo standartlar hamda normalarni turizm faoliyati va amaliyotiga joriy etish yuzasidan:

xalqaro turizm tashkilotlari, chet davlatlarning vakolatli organlari, shuningdek, turizm sohasidagi xorijiy kompaniyalar bilan xalqaro hamkorlik, oʻzaro samarali harakat qilish mexanizmlarini rivojlantirish va takomillashtirish sohasida takliflarni ishlab chiqishda ishtirok etadi;

belgilangan tartibda Birlashgan Millatlar Tashkiloti Turizm va boshqa xalqaro tashkilotlarda Oʻzbekiston Respublikasining manfaatlarini ifoda etadi va turizm masalalari boʻyicha oʻzaro hamkorlik qiladi, turizm sohasini tartibga soluvchi universal xalqaro konvensiyalar va shartnomalarda Oʻzbekiston ishtirokini taʼminlaydi;

Birlashgan Millatlar Tashkiloti Turizm hujjatlari qoidalarining ijrosi monitoringini tashkil etadi, belgilangan tartibda tegishli axborotlarni tayyorlaydi;

turizmni rivojlantirishga yoʻnaltirilgan chet el donorlari va kredit tashkilotlari mablagʻlarining belgilangan tartibda jalb qilinishi va ulardan foydalanilishini tashkil etadi;

har yili Toshkent shahrida Toshkent xalqaro turizm yarmarkasi oʻtkazilishini taʼminlaydi;

xorijiy mamlakatlarda oʻtkaziladigan xalqaro turizm yarmarkalari, koʻrgazmalari va biznes uchrashuvlarda mamlakatning turizm sohasi subyektlari ishtirokini tashkil etish boʻyicha tayyorgarlik chora-tadbirlarini muvofiqlashtiradi, shuningdek, xalqaro turizm tashkilotlari, xorijiy davlatlarning vakolatli organlari va xorijiy kompaniyalar bilan oʻzaro hamkorlikda xalqaro turizm tadbirlarini oʻtkazadi va ularda ishtirok etadi;

8 ) turizm sohasi uchun kadrlar tayyorlash boʻyicha takliflar kiritish, turizm sohasi subyektlari xodimlarini muntazam qayta tayyorlash va ularning malakasini oshirishni yuqori darajada tashkil etish, sohada ilm-fanni rivojlantirishga koʻmaklashish sohasida:

manfaatdor vazirliklar va idoralar bilan birgalikda turizm sohasidagi oʻrta maxsus taʼlim, professional taʼlim hamda oliy taʼlim bitiruvchilarining bandligi boʻyicha tadqiqotlar olib boradi, taʼlim muassasalarida kadrlar va mutaxassislarning kasbiy tayyorgarlik yoʻnalishlarini takomillashtirish boʻyicha takliflar ishlab chiqadi;

turizm, ayniqsa, menejment va marketing sohasida kasbiy tayyorlash, gid (gid-tarjimon), ekskursiya yetakchisi va yoʻriqchi-yoʻl boshlovchilarning malakasini oshirishga koʻmaklashadi;

kadrlarning muntazam malakasini oshirish va qayta tayyorlashni tashkil etishni taʼminlaydi, Qoʻmita, uning hududiy boʻlinmalari va idoraviy mansub tashkilotlarining rahbarlari va mutaxassislarini attestatsiyadan oʻtkazadi, shu jumladan, ularning tegishli xorijiy oʻquv markazlari va taʼlim muassasalarida stajirovkadan oʻtishini taʼminlaydi;

turizm sohasida ilm-fanni rivojlantirish choralarini koʻradi va ilmiy-tadqiqot, ekspertlik ishlarini tashkil etadi;

turizm sohasida kadrlar malakasini oshirishni, ularni qayta tayyorlashni, tajriba orttirishini, shu jumladan, chet elda malakasini oshirishini taʼminlaydi.

9) turizm sohasini davlat tomonidan va bozor orqali tartibga solishni maqbullashtirish, turizm xizmatlari bozorida raqobatni rivojlantirish boʻyicha takliflarni ishlab chiqish yuzasidan:

turizm sohasida davlat tomonidan tartibga solish mexanizmlarini takomillashtirish, bozor tamoyillarini keng joriy etish va ortiqcha maʼmuriy toʻsiqlarni bartaraf etish boʻyicha takliflar ishlab chiqadi;

turizm xizmatlari bozorida sogʻlom raqobat muhitini shakllantirish, monopol holatlarni cheklash va xizmatlar sifati hamda turlarini kengaytirishga qaratilgan chora-tadbirlarni ishlab chiqadi;

turizm sohasini rivojlantirish maqsadida imtiyozlar, preferensiyalar, institutsional va tashkiliy qoʻllab-quvvatlash choralari boʻyicha takliflar kiritadi;

10) respublika kinolokatsiyalarini, shu jumladan, jamoat tashkilotlari va tadbirkorlik subyektlarini jalb qilgan holda xorijda targʻib qilish yuzasidan:

respublika kinolokatsiyalarining salohiyati, infratuzilmasi va foydalanish imkoniyatlari toʻgʻrisidagi maʼlumotlarni tizimlashtiradi hamda yangilab boradi;

respublika kinolokatsiyalarini xalqaro kinoindustriya bozorida targʻib qilish boʻyicha taqdimotlar, kataloglar, raqamli platformalar va boshqa axborot-targʻibot vositalarini ishlab chiqadi;

kinolokatsiyalarni targʻib qilish ishlariga jamoat tashkilotlari, tadbirkorlik subyektlari, ijodiy uyushmalar va boshqa manfaatdor tashkilotlarni jalb etish choralarini koʻradi;

xorijiy prodyuserlik markazlari, kinostudiyalar, kino komissiyalar va boshqa tashkilotlar bilan respublika kinolokatsiyalaridan foydalanishni kengaytirish maqsadida hamkorlikni rivojlantirishga koʻmaklashadi.

2-§. Qoʻmita markaziy apparatining asosiy vazifalari va funksiyalari

12. Quyidagilar Qoʻmita markaziy apparatining asosiy vazifalari hisoblanadi:

1) Qoʻmitaning hududiy boʻlinmalari va idoraviy mansub tashkilotlari bilan birgalikda Qoʻmitaga yuklangan vazifalar va funksiyalarning samarali bajarilishini taʼminlash;

2) turizm sohasida yagona davlat siyosati amalga oshirilishini taʼminlash;

3) Qoʻmita va uning tarkibiy hamda hududiy boʻlinmalari faoliyati bilan bogʻliq prognoz koʻrsatkichlariga erishilishini taʼminlash;

4) Qoʻmita faoliyati sohasiga kiradigan masalalar boʻyicha vazirliklar va idoralar bilan oʻzaro hamkorlik qilish, Vazirlar Mahkamasi va uning Rayosatlari majlislarida tegishliligi boʻyicha masalalarni koʻrib chiqishda ishtirok etish;

5) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi, Oʻzbekiston Respublikasining Bosh vaziri va uning oʻrinbosarlari topshiriqlarini oʻz vaqtida va sifatli bajarish;

6) Qoʻmita xodimlarini tizimli qayta tayyorlash va ularning malakasi oshirilishini tashkil qilish;

7) markaziy apparat va hududiy boʻlinmalar faoliyati samaradorligi hamda natijadorligini tanqidiy tahlil qilish, tahlil yakunlariga koʻra zarur choralar koʻrish;

8) Qoʻmita hamda uning tarkibiy va hududiy boʻlinmalari ishini tashkil etishning zamonaviy shakllarini joriy etish;

9) davlat xizmatlari samaradorligi, sifati va qulayligini taʼminlash;

10) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish;

11) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Qoʻmita xodimlari va rahbarlarining faol ishtirok etishini taʼminlash, jismoniy va yuridik shaxslar murojaatlarining oʻz vaqtida va toʻliq koʻrib chiqilishini taʼminlash;

12) turizm tashkilotlarining moddiy-texnik bazasini rivojlantirish hamda mustahkamlash boʻyicha takliflar tayyorlash;

13) turizmni rivojlantirish boʻyicha maqsadli dasturlar, turizm sohasiga oid dasturiy-metodik hamda boshqa normativ hujjatlarni belgilangan tartibda tasdiqlash;

14) xalqaro maydonlarda xalqaro va davlatlararo aloqalarni kengaytirish hamda mustahkamlash, turizm sohasida xorijiy investitsiyalar va grantlarni jalb etish borasidagi ishlarni tashkil qilish boʻyicha tadbirlarda Oʻzbekistonga oid tematik ishtirokni taʼminlash;

15) Qoʻmita hayʼati qarorlarining, Qoʻmita raisining buyruq va topshiriqlarining oʻz vaqtida va sifatli bajarilishini taʼminlash;

16) tarkibiy boʻlinmalarda kadrlarni tanlash va joy-joyiga qoʻyish, professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

17) Qoʻmitaning turizm sohasida ommaviy tadbirlarining kalendar rejasini shakllantirish, manfaatdor tashkilotlar va idoralar bilan birgalikda uning amalga oshirilishini taʼminlash;

18) Oʻzbekiston Respublikasi Prezidenti va Oʻzbekiston Respublikasi Hukumatining xorijda oʻtkaziladigan turli xalqaro munosabatlarda hamda Oʻzbekiston Respublikasida oʻtkaziladigan xalqaro tadbirlarida turizm sohasi vakillarining ishtirok etish masalalariga doir qarorlari loyihalarini tayyorlash;

19) turizm sohasida isteʼdodli va istiqbolli kadrlarni saralash, oʻqitish hamda malakasini oshirishda muvaffaqiyatli ishtirok etishini taʼminlash;

20) turizmni rivojlantirishni ragʻbatlantirish, ilgʻor xalqaro tajribani hisobga olgan holda ilgʻor texnologiyalarni turizm sohasiga joriy qilish, milliy tadbirlar darajasi va sifatini oshirish, xalqaro hamda hududiy tadbirlarni tashkil etish boʻyicha tizimli choralarning amalga oshirilishini taʼminlash;

21) konferensiyalar, seminarlar, simpoziumlar, koʻrgazmalar, yarmarkalar va boshqa tadbirlarning oʻtkazilishini tashkil qilish, shuningdek, boshqa tashkilotlar tomonidan uyushtirilgan shunday tadbirlarda qatnashishni taʼminlash;

22) turizm sohasida zarur maʼlumotlarni yagona tizim orqali toʻplash maqsadida manfaatdor idoralarning tizim va maʼlumotlar bazalari bilan integratsiya qilish, shuningdek, ushbu tizim toʻliq ishlashini taʼminlash uchun maʼlumotlarni raqamlashtirish choralarini koʻrish;

23) Qoʻmita oldida turgan vazifalarni hal etishni taʼminlash, mavjud talablar va ehtiyojlarni qanoatlantirish, shuningdek, davlat xaridlari uchun ajratilgan mablagʻlardan samarali foydalanish, shu jumladan, tovarlarni (ishlarni, xizmatlarni) olishdan koʻrilgan naf, ularning sifati va qiymati oʻrtasidagi maqbul nisbatni (foydalanish davri xarajatlarini hisobga olgan holda) taʼminlash, davlat xaridlarini maqbul muddatlarda oʻtkazish imkonini beradigan oqilona va tejamkor usulda amalga oshirish;

24) turizm zonalari va klasterlarini tashkil etish va ularda turizm sohasi subyektlari faoliyatini amalga oshirish tartibini belgilash, ularda kompleks turizm xizmatlarini koʻrsatish, turizm faoliyatining raqobatbardoshligi va sifatini oshirish maqsadida turizm mahsulotlarini shakllantirish, targʻib etish va realizatsiya qilish, turizm zonalari va klasterlarining rivojlanishini ragʻbatlantirish;

25) turizm bozorining turli segmentlariga yoʻnaltirilgan turizm mahsuloti va xizmatlarini diversifikatsiya qilish;

26) turizm sohasidagi nodavlat notijorat tashkilotlarning faoliyatiga koʻmaklashish;

27) turizm sohasidagi faoliyatning raqobat toʻgʻrisidagi qonunchilik hujjatlari talablariga muvofiqligini taʼminlash, ularning buzilish xavfini aniqlash va oldini olish boʻyicha komplayens nazorat tizimini joriy etish, ichki audit xizmatini yoʻlga qoʻyish;

28) turizm obyektlarida zamonaviy sanitariya-gigiyena shoxobchalarini yaratish, turizm axborot markazlarini tashkil etish.

13. Qoʻmita markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

1) Qoʻmita va uning rahbariyati faoliyatini tashkiliy va axborot-tahliliy jihatidan taʼminlaydi;

2) Qoʻmitaning tarkibiy, hududiy boʻlinmalari va idoraviy mansub tashkilotlari tomonidan Oʻzbekiston Respublikasining qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, shuningdek, Qoʻmita hayʼati qarorlari, Qoʻmita raisining buyruqlari va boshqa normativ-huquqiy hujjatlar bajarilishi ustidan muntazam nazoratni taʼminlaydi;

3) Qoʻmita tomonidan Oʻzbekiston Respublikasi Prezidenti Administratsiyasiga va Vazirlar Mahkamasiga kiritiladigan hujjatlarning sifatli va oʻz vaqtida ishlab chiqilishini, ularning iqtisodiy, moliyaviy hamda huquqiy ekspertizadan oʻtkazilishini tashkil etadi;

4) Qoʻmitaning hududiy boʻlinmalari va idoraviy mansub tashkilotlariga rahbarlik qiladi, ular faoliyatini muvofiqlashtiradi va nazorat qiladi;

5) Qoʻmitaning faoliyati, shu jumladan, qonun ijodkorligi sohasidagi faoliyati huquqiy taʼminlanishini tashkil etadi;

6) Qoʻmita vakolatiga tegishli operativ, tashkiliy, kadrlar, moliya, ishlab chiqarish-xoʻjalik masalalari va boshqa masalalar bilan shugʻullanadi;

7) Qoʻmita va uning tarkibiy hamda hududiy boʻlinmalari faoliyati bilan bogʻliq prognoz koʻrsatkichlarga erishishning soʻzsiz taʼminlanishi boʻyicha amaliy choralarni ishlab chiqadi va amalga oshiradi;

8) Oʻzbekiston Respublikasi Prezidenti Administratsiyasi tarkibiy boʻlinmalari va Vazirlar Mahkamasi, shuningdek, tegishli vazirliklar va idoralar bilan Qoʻmita faoliyati sohasiga kiruvchi masalalar yuzasidan oʻzaro aloqalarning yoʻlga qoʻyilishini taʼminlaydi;

9) Qoʻmitaning tarkibiy va hududiy boʻlinmalari ishini tashkil etishning zamonaviy shakllari joriy etilishini taʼminlaydi;

10) ilgʻor xorijiy tajribani eʼtiborga olgan holda respublikada turizmni rivojlantirish, zamonaviy texnologiyalarni joriy qilish, turizm boʻyicha milliy tadbirlar darajasi va sifatini oshirish, xalqaro tadbirlarni tashkil etish bilan bogʻliq tizimli choralar koʻrilishi boʻyicha tadbirlar oʻtkazilishini taʼminlaydi;

11) manfaatdor vazirliklar va idoralar bilan kelishgan holda turizm tashkilotlarining moddiy-texnik bazasini rivojlantirish boʻyicha takliflarni tayyorlaydi;

12) turizm sohasidagi yagona tadbirlarning kalendar rejasida nazarda tutilgan, qonunchilikda belgilangan mablagʻlar hisobidan moliyalashtiriladigan tadbirlarda sohalar vakillari ishtirok etishini aniqlash boʻyicha takliflar tayyorlaydi;

13) Qoʻmitaning samarali faoliyatini tashkil etish va takomillashtirish yuzasidan takliflar ishlab chiqadi;

14) turizm sohasidagi nodavlat notijorat tashkilotlar faoliyatiga koʻmaklashish boʻyicha takliflar tayyorlaydi;

15) turizmni rivojlantirish monitoringini amalga oshiradi, ushbu sohani yanada rivojlantirish boʻyicha har yilgi prognozlarni shakllantiradi;

16) turizm sohasidagi isteʼdodli va istiqbolli kadrlarni tanlash, oʻqitish hamda ularning malaka oshirishda muvaffaqiyatli ishtirok etishini, shuningdek, uzluksiz saralash tizimini yaxshilashni taʼminlaydi, kadrlar zaxirasini shakllantiradi;

17) turizm sohasidagi xalqaro tashkilotlarga va boshqa tashkilotlarga aʼzolik badallarini belgilangan tartibda toʻlaydi;

18) yuqori malakali kadrlar va ularning zaxirasini tayyorlash hamda turizm, tashkilotlari faoliyatini muvofiqlashtirish chora-tadbirlarini tashkil qiladi;

19) Oʻzbekiston hududida va uning tashqarisida konferensiyalar, seminarlar, simpoziumlar, koʻrgazmalar, yarmarkalar va boshqa tadbirlarni tashkil etish hamda oʻtkazish ishlarini amalga oshiradi;

20) turizm sohasida zarur maʼlumotlarni yagona tizim orqali toʻplash maqsadida manfaatdor idoralarning tizim va maʼlumotlar bazalari bilan integratsiya qilish, shuningdek, ushbu tizim toʻliq ishlashini taʼminlash uchun maʼlumotlarni raqamlashtirish choralarini koʻradi;

21) Qoʻmita oldida turgan vazifalarni hal etishni taʼminlash, mavjud talablar va ehtiyojlarni qanoatlantirish, shuningdek, davlat xaridlari uchun ajratilgan mablagʻlardan samarali foydalanish, shu jumladan, tovarlarni (ishlarni, xizmatlarni) olishdan koʻrilgan naf, ularning sifati va qiymati oʻrtasidagi maqbul nisbatni (foydalanish davri xarajatlarini hisobga olgan holda) taʼminlash ishlarini, davlat xaridlarini maqbul muddatlarda oʻtkazish imkonini beradigan oqilona va tejamkor usulda amalga oshiradi;

22) turizm zonalari va klasterlarini tashkil etish va ularda turizm sohasi subyektlari faoliyatini amalga oshirish tartibini belgilash boʻyicha tegishli normativ-huquqiy hujjatlar loyihalarini ishlab chiqadi, turizm zonalari va klasterlarining rivojlanishini ragʻbatlantirish choralarini koʻradi;

23) turizm bozorining turli segmentlariga yoʻnaltirilgan turizm mahsuloti va xizmatlarini diversifikatsiya qilish boʻyicha takliflar tayyorlaydi;

24) sohalarni bozor mexanizmlari asosida boshqarish boʻyicha samaradorlikka erishish choralarini koʻradi;

25) turizm sohasini raqobat toʻgʻrisidagi qonunchilik hujjatlari talablariga muvofiqligini taʼminlaydi, ularning buzilish xavfini aniqlash va oldini olish boʻyicha komplayens nazorat tizimini joriy etadi, ichki audit xizmatini yoʻlga qoʻyadi;

26) turizm va moddiy madaniy meros obyektlarida zamonaviy sanitariya-gigiyena shoxobchalarini yaratish, turizm axborot markazlarini tashkil etish choralarini koʻradi.

3-§. Hududiy boʻlinmalarning asosiy vazifalari va funksiyalari

14. Quyidagilar hududiy boʻlinmalarning asosiy vazifalari va funksiyalari hisoblanadi:

turizmni rivojlanish holati monitoringini olib boradi, ularni hududda yanada rivojlantirish boʻyicha har yillik prognozlarni shakllantiradi;

turizm turlarini koʻpaytirish, eng avvalo, ichki va ziyorat turizmi, ekologik turizm, etnoturizm, ishbilarmonlik turizmi, sport, gastronomik, tibbiy, taʼlim va ilmiy turizmni har tomonlama rivojlantirish boʻyicha takliflarni tayyorlaydi;

turizm infratuzilmasini shakllantirish, eng avvalo, turizm yoʻnalishlari boʻylab mehmonxonalar va kempinglar, umumiy ovqatlanish obyektlari va turizmning boshqa infratuzilmalarini shakllantirish boʻyicha takliflar ishlab chiqadi;

turizmni rivojlantirish boʻyicha milliy va hududiy dasturlar bajarilishini, turizmni rivojlantirish dasturlarining amalda ijrosini taʼminlash choralarini koʻradi;

mahalliy ijro etuvchi hokimiyat organlari va boshqa tashkilotlar ishtirokida ichki, kirish va chiqish turizmini kompleks rivojlantirish dasturlari ijrosini taʼminlaydi;

turizm sohasining turli yoʻnalish va turlarining rivojlanish tendensiyalari boʻyicha chora-tadbirlarga takliflar ishlab chiqadi;

hududning turizm salohiyatidan kelib chiqib, turizmning istiqbolli yoʻnalishlarini rivojlantirish boʻyicha takliflarni Qoʻmitaga kiritadi;

turizm faoliyatini rivojlantirishni muvofiqlashtirish, hududlarda yangi turizm yoʻnalishlari ochilishini taʼminlash, ularni pasportlashtirish, turizm sohasidagi yagona reyestrlarni shakllantirib boradi;

turizm faoliyatini belgilangan tartibda litsenziyalaydi;

hududda vazirlik va idoralarning hududiy boʻlinmalari hamda boshqa tashkilotlarning turizm sohasidagi ishini muvofiqlashtiradi;

hududda turizm sohasiga tegishli boʻlgan dasturiy-metodik hamda belgilangan tartibda tasdiqlangan boshqa normativ-huquqiy hujjatlarning ijrosini taʼminlaydi;

turizm sohasida ilmiy tadqiqotlarni rivojlantirish, shuningdek, ilmiy tadqiqotlar natijalarini amaliyotga joriy etadi va ushbu ishlar hududda oʻtkazilishini muvofiqlashtiradi;

hududdagi turizm faxriylari va boshqa mutaxassislarni davlat boshqaruvining boshqa hududiy organlari bilan birgalikda ijtimoiy muhofaza qilish masalalarini hal etadi;

hududda turizmni rivojlantirish istiqbollarini belgilaydi;

mahalliy ijro etuvchi hokimiyat organlari, fuqarolarning oʻzini oʻzi boshqarish organlari, ommaviy axborot vositalari bilan birgalikda turizm sohasini ommalashtirish ishlarini tashkil qiladi;

jahon ilmiy-texnik taraqqiyoti yutuqlari, xorijiy mamlakatlarning ilgʻor tajribasi umumlashtirilishini hamda bu yutuqlarning hududda joriy qilinishini taʼminlaydi;

hududda turizm sohasiga doir konferensiyalar, koʻrgazmalar va tadbirlarni oʻtkazadi;

turizm sohasiga tegishli nodavlat notijorat tashkilotlar faoliyati rivojlanishiga yordam beradi;

kadrlarni milliy va umuminsoniy qadriyatlar, insonparvarlik, yuksak maʼnaviyat va professionalizm ruhida tayyorlash boʻyicha ishlarni tashkil etadi, hududda aholining oʻz jismoniy, umumtaʼlim va madaniy darajasini oshirishga boʻlgan intilishlarini ragʻbatlantiradi;

xalqaro aloqalarni amalga oshirish va rivojlantirish, hamkorlik boʻyicha xalqaro loyihalarni ishlab chiqishda, sohaga xorijiy investitsiyalar hamda grantlarni jalb qilishda ishtirok etadi;

tegishli hududda turizmni rivojlantirish toʻgʻrisidagi axborotni toʻplaydi va tahlil qiladi va uni Qoʻmitaga, mahalliy davlat hokimiyati organlariga taqdim etadi;

turizm resurslarini saqlash va rivojlantirish yuzasidan mahalliy davlat hokimiyati organlari bilan hamkorlik qiladi;

tegishli hududda turizm faoliyati rivojlanishini taʼminlaydi, yangi turizm yoʻnalishlarini tashkil etishga koʻmaklashadi;

turizm sohasi subyektlariga ularning faoliyatini tashkil etish bilan bogʻliq masalalarda metodik va maslahat yordamini koʻrsatadi;

tegishli hududda harakatlanish vaqtida turistlar va ekskursantlarning turizm resurslariga moneliksiz kirishini taʼminlashga koʻmaklashadi;

turizm salohiyatini rivojlantirish, turizmni rivojlantirishga toʻsqinlik qilayotgan gʻovlarni bartaraf etish, shuningdek, turizm sohasida tadbirkorlik faoliyatini ragʻbatlantirish boʻyicha takliflar ishlab chiqadi;

turizm sohasida kadrlar tayyorlash, qayta tayyorlash hamda ularning malakasini oshirish boʻyicha belgilangan tadbirlarda hamda hududning taʼlim muassasalarini yuqori malakali kadrlar va boshqa mutaxassislar bilan taʼminlashda ishtirok etadi;

hududda turizm sohasidagi dasturlarni tashkil qilish, ommaviy adabiyotlarni chop etishga hamda ushbu sohalarda mavjud video va kino materiallar ishlab chiqilishiga yordam koʻrsatadi va ishtirok etadi;

xalqaro va xorijiy tashkilotlar bilan hamkorlikni rivojlantirish, jumladan, moliyaviy institutlarning grantlari, kreditlari va homiylik xayriyalarini jalb etish choralarini koʻradi.

4-bob. Qoʻmita, uning markaziy apparati va hududiy boʻlinmalarining huquqlari va majburiyatlari

1-§. Qoʻmitaning huquqlari va majburiyatlari

15. Qoʻmita oʻziga yuklangan vazifalar va funksiyalarni amalga oshirish uchun quyidagi huquqlarga ega:

1) normativ-huquqiy hujjatlar loyihalarini, shuningdek, Qoʻmitaga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda Oʻzbekiston Respublikasi Prezidenti Administratsiyasiga yoki Vazirlar Mahkamasiga kiritish;

2) Qoʻmita vakolatiga kiradigan masalalarda respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlari faoliyatini belgilangan tartibda muvofiqlashtirish;

3) Qoʻmita vakolatiga kiruvchi masalalarni hal qilish uchun zarur axborotni respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlaridan belgilangan tartibda soʻrash va olish;

4) Qoʻmita vakolatiga kiradigan masalalar boʻyicha zarur statistika axborotini davlat statistika organlaridan bepul olish;

5) Qoʻmita va uning idoraviy mansub tuzilmalarining davlat mol-mulkini tashkiliy tuzilma doirasida belgilangan tartibda tasarruf etish;

6) Qoʻmita va uning idoraviy mansub tashkilotlari xodimlarini ular tomonidan tegishli sohada oʻz faoliyatining asosiy koʻrsatkichlari parametrlari bajarilishini hisobga olgan holda moddiy ragʻbatlantirish tartibi, miqdorlari va shartlarini belgilash;

7) Qoʻmita vakolatiga kiruvchi masalalar boʻyicha takliflarni koʻrib chiqish uchun Vazirlar Mahkamasiga, respublika va mahalliy ijro etuvchi hokimiyat organlariga kiritish;

8) Qoʻmita vakolatiga kiruvchi masalalar boʻyicha qonunchilikda belgilangan tartibda xalqaro shartnomalarni tuzish;

9) Qoʻmita vakolatiga kiruvchi masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifodalash;

10) turizm infratuzilmasini rivojlantirish va ommalashtirish uchun shart-sharoitlar yaratishda yoʻl qoʻyilayotgan kamchiliklarni bartaraf qilish toʻgʻrisida koʻrib chiqilishi majburiy boʻlgan taqdimnomalarni respublika va mahalliy ijro etuvchi hokimiyat organlariga yuborish;

11) turizm sohasini mamlakatda, shu jumladan, hududlarda rivojlantirish ishlari va loyihalarini moliyalashtirishga oid respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlarining xarajatlar smetalarini koʻrib chiqish va kelishishda ishtirok etish;

12) maslahatlar berish, ilmiy va ekspertlik ishlarini oʻtkazish, turizm sohasining dolzarb masalalarini ishlab chiqish uchun shartnoma asosida olimlarni, vazirliklar, idoralar, taʼlim muassasalari va boshqa tashkilotlarning yuqori malakali mutaxassislarini, shuningdek, Qoʻmita tizimiga kiruvchi taʼlim muassasalarida dars berish va mahorat darslari oʻtkazish uchun xorijiy malakali mutaxassislarni shartnoma asosida taklif qilish;

13) turizm sohasidagi tadbirlar oʻtkazilishini belgilangan tartibda tashkil etish;

14) Qoʻmita tizimiga kiruvchi tashkilotlar va taʼlim muassasalari, shuningdek, nodavlat notijorat tashkilotlar uchun zarur texnik uskuna, inventar va boshqa zarur jihozlarni belgilangan tartibda xarid qilish;

15) turizm sohasidagi xalqaro va respublika tadbirlarini oʻtkazishda gʻolib va sovrindorlarni, nominantlarni mukofotlash uchun zarur miqdorda diplomlar va sovrinlarni belgilangan tartibda xarid qilish;

16) turizm sohasi vakillarini koʻkrak nishonlari, diplomlar, yorliqlar va sovrinlar bilan mukofotlash;

17) oʻz vakolati doirasida konferensiyalar, seminarlar, simpoziumlar, koʻrgazmalar, yarmarkalar va boshqa tadbirlarni oʻtkazish, shuningdek, boshqa tashkilotlar tomonidan oʻtkaziladigan shu kabi tadbirlarda ishtirok etish;

18) turizm sohasini rivojlantirishga qaratilgan tadbirlarni birgalikda ishlab chiqish maqsadida xalqaro, xorijiy va respublika tashkilotlari bilan belgilangan tartibda aloqalarni yoʻlga qoʻyish;

19) turizm sohasini targʻib qiluvchi reklama va boshqa tusdagi mahsulotlarni (audio, video materiallar, risola, xaritalar va boshqa reklama-axborot materiallarini) chop etish, nusxasini koʻpaytirish, yaratish choralarini koʻrish;

20) Vazirlar Mahkamasi va (yoki) Oʻzbekiston Respublikasi Prezidenti Administratsiyasi bilan kelishgan holda, Qoʻmitaning markaziy apparati va idoraviy mansub tashkilotlarida ishlash uchun yetakchi xorijiy mutaxassislarni shartnomalar asosda jalb qilish;

21) turizm sohasida viza rejimini takomillashtirish va soddalashtirishga doir takliflar ishlab chiqish;

22) turizmning rivojlantirilishini muvofiqlashtirish, yangi turizm yoʻnalishlari tashkil etilishini taʼminlash, ularni pasportlashtirish;

23) turizm sohasidagi yagona reyestrlarni yuritish tartibini belgilash;

24) turizm faoliyatini litsenziyalashni, turizm sohasidagi xizmatlarni sertifikatlashni, turizm xizmatlarining belgilangan talablar va standartlarga muvofiqligini nazorat qilish, shu jumladan, turli tashkiliy-huquqiy shakllardagi mehmonxonalarning (motellarning) tasnifini belgilash;

25) joylashtirish vositalari, togʻ-changʻi trassalari va plyajlar tasnifini qonunchilikda belgilangan tartibda belgilash;

26) turizm sohasidagi milliy tanitish belgisidan foydalanish tartibini belgilash;

27) Qoʻmita balansida turgan koʻchmas mulkdan foydalanish uchun oʻzining idoraviy mansub tashkilotlarini tekin foydalanish huquqi asosida joylashtirish;

28) alohida fidokorlik, mehnatsevarlikni namoyon qilgan, oʻzining professional faoliyatida yuksak natijalarga erishgan turizm sohasidagi namoyandalar va xodimlarning nomzodlarini belgilangan tartibda davlat mukofotlariga taqdim etish;

Qoʻmita qonunchilik hujjatlariga muvofiq boshqa huquqlarga ham ega boʻlishi mumkin.

16. Qoʻmita:

unga yuklangan vazifalar va funksiyalarning samarali bajarilishi, shuningdek, turizm sohasida yagona davlat siyosati samarali amalga oshirilishi;

oʻz faoliyati bilan bogʻliq prognoz koʻrsatkichlarga soʻzsiz erishilishini taʼminlash;

Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlarning ishlab chiqiladigan loyihalari, shuningdek, Qoʻmita tomonidan qabul qilinadigan buyruqlarni oʻz muddatlarida va sifatli tayyorlash;

turizm sohasini rivojlantirish, shuningdek, ushbu sohada hududlarni ijtimoiy-iqtisodiy rivojlantirish va muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish uchun javob beradi.

2-§. Qoʻmita markaziy apparatining huquqlari va majburiyatlari

17. Qoʻmitaning markaziy apparati oʻziga yuklangan vazifalar va funksiyalarni amalga oshirish uchun quyidagi huquqlarga ega:

1) Qoʻmitaning hududiy boʻlinmalaridan va idoraviy mansub tashkilotlaridan tahlil qilish va qayta ishlash uchun zarur boʻlgan masalalar boʻyicha materiallar va maʼlumotlarni, shuningdek, Qoʻmitaning markaziy apparatida koʻrib chiqiladigan normativ-huquqiy hujjatlar va boshqa hujjatlar loyihalarini soʻrash va olish;

3) Qoʻmitaning hududiy boʻlinmalari va idoraviy mansub tashkilotlaridan ular tomonidan kiritilgan normativ-huquqiy hujjatlar va boshqa hujjatlar loyihalarini puxta ishlashni talab qilish, zarurat boʻlganda ularni qayta ishlash uchun qaytarish;

4) Qoʻmitaning hududiy boʻlinmalari va idoraviy mansub tashkilotlari rahbarlari hamda vakillari ishtirokida yigʻilishlar oʻtkazish;

5) Qoʻmitaning hududiy boʻlinmalari va idoraviy mansub tashkilotlari rahbarlariga tezkor hal qilinishi talab etiladigan va Qoʻmitaga yuklangan vazifalar hamda funksiyalarni bajarish bilan bogʻliq masalalar yuzasidan topshiriqlar berish;

6) qabul qilingan normativ-huquqiy hujjatlar, Oʻzbekiston Respublikasi Prezidenti va Vazirlar Mahkamasining topshiriqlari, shuningdek, Qoʻmita raisi buyruqlarining Qoʻmita hududiy boʻlinmalari va idoraviy mansub tashkilotlari tomonidan bajarilishi yuzasidan ularning faoliyatini belgilangan tartibda oʻrganish va tekshirish;

7) Qoʻmitaning xalqaro va respublika darajalaridagi ommaviy tadbirlarining kalendar rejasini shakllantirish;

8) Qoʻmita markaziy apparatining boshqarmalari va xodimlarining faoliyatini tasdiqlangan lavozim yoʻriqnomalariga muvofiq tashkil etish;

9) Qoʻmitaning tarkibiy tashkilotlari va muassasalaridagi boshqarmalarning faoliyatiga doir masalalar oʻrganilishini tashkil qilish boʻyicha takliflarni ishlab chiqish, shuningdek, ularga amaliy yordam koʻrsatish;

10) amaldagi normativ-huquqiy hujjatlar talablariga muvofiq Qoʻmita tizimida buxgalteriya hisobi yuritilishi tashkil etilishini taʼminlash, shuningdek, zamonaviy texnika vositalari va axborot texnologiyalaridan foydalangan holda, tizimga kiruvchi tashkilotlarda buxgalteriya hisobi yuritilishini nazorat qilish;

11) budjet va budjetdan tashqari mablagʻlarni xarajatlar smetasiga kiritilgan aniq vazifalarga maqsadli sarflash, shuningdek, mablagʻlar va moddiy boyliklarning saqlanishini muntazam nazorat qilish;

12) asosiy vositalar va boshqa moddiy boyliklarning ular saqlanadigan joylarda mavjudligini va ulardan foydalanishni muntazam nazorat qilish;

13) ilmiy va ekspertlik ishlarini amalga oshirish, maslahat berish, turizm sohasidagi dolzarb masalalarni ishlab chiqish uchun olimlarni, vazirliklar, maʼmuriy, taʼlim muassasalari va boshqa muassasalarning yuqori malakali mutaxassislarini taklif etish;

14) turizm sohasida ommaviy tadbirlar oʻtkazilishini belgilangan tartibda tashkil etish;

15) idoraviy mansub tashkilotlar uchun zarur uskunalar, inventar va boshqa zarur jihozlarni xarid qilish;

16) turizm sohasida tanlovlar gʻolib va sovrindorlarini mukofotlash uchun zarur miqdorda diplomlar va boshqa sovrinlarni xarid qilish;

17) turizm sohasi vakillari va boshqa mutaxassislarni mukofotlash, ularga unvonlar va malaka toifalarini berish boʻyicha takliflarni belgilangan tartibda kiritish;

18) Qoʻmita tizimida korrupsiyaga qarshi ichki nazoratni (“komplayens-nazorat”) hamda ichki audit tizimi faoliyatini samarali yoʻlga qoʻyish;

19) turizm sohasidagi tadbirlar, tanlovlar, jumladan, idoraviy mansub tashkilotlarda oʻtkaziladigan turli tanlovlar va boshqa tadbirlarga tayyorgarlik koʻrish va ularda ishtirok etishni moliyalashtirish.

Qoʻmitaning markaziy apparati qonunchilik hujjatlariga muvofiq boshqa huquqlarga ham ega boʻlishi mumkin.

18. Qoʻmitaning markaziy apparati:

Qoʻmitaning tarkibiy va hududiy boʻlinmalari, shuningdek, idoraviy mansub tashkilotlari bilan birgalikda Qoʻmitaga yuklangan vazifalar va funksiyalar sifatli va oʻz vaqtida bajarilishini taʼminlash;

Qoʻmita faoliyati bilan bogʻliq prognoz koʻrsatkichlarga erishishni taʼminlash boʻyicha Qoʻmita markaziy apparati boʻlinmalarining ishini tashkil etish;

Qoʻmita tomonidan koʻrib chiqish uchun Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Qoʻmita raisi tomonidan qabul qilinadigan buyruqlarning oʻz vaqtida va sifatli tayyorlanishi;

turizm sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlar tarkibiy va hududiy boʻlinmalar tomonidan amalga oshirilishini tashkil etish;

Qoʻmita tizimida korrupsiyaga qarshi ichki nazoratni hamda ichki auditni amalga oshirishda qonunchilik hujjatlari bilan belgilangan tartibda javob beradi.

3-§. Hududiy boʻlinmalarning huquqlari va majburiyatlari

19. Hududiy boʻlinmalar ularga yuklangan vazifalar va funksiyalarni amalga oshirish uchun:

1) respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlaridan oʻz vakolatiga kiradigan masalalarni hal qilish uchun zarur boʻlgan axborotni belgilangan tartibda soʻrash va olish;

2) oʻz vakolatiga kiruvchi masalalar boʻyicha takliflarni respublika ijro etuvchi hokimiyat organlarining hududiy boʻlinmalari va mahalliy ijro etuvchi hokimiyat organlariga koʻrib chiqish uchun kiritish;

3) turizm infratuzilmasini rivojlantirish uchun shart-sharoitlarni yaratish doirasida yoʻl qoʻyilgan kamchiliklarni bartaraf qilish toʻgʻrisida koʻrib chiqilishi majburiy boʻlgan taqdimnomalarni respublika ijro etuvchi hokimiyat organlari va xoʻjalik birlashmalarining hududiy boʻlinmalariga, mahalliy ijro etuvchi hokimiyat organlariga yuborish;

4) turizm sohasini rivojlantirish masalalarida, shu jumladan, hududlarni rivojlantirish boʻyicha ishlar va loyihalarni moliyalashtirish masalalarida respublika ijro etuvchi hokimiyat organlarining hududiy boʻlinmalari va mahalliy ijro etuvchi hokimiyat organlarining xarajatlar smetalarini koʻrib chiqish va kelishishda ishtirok etish;

5) ilmiy va ekspertlik ishlarini amalga oshirish, maslahat berish, turizm sohasidagi dolzarb masalalarni ishlab chiqish uchun olimlarni, vazirliklar, maʼmuriy, taʼlim muassasalari va boshqa muassasalarning yuqori malakali mutaxassislarini taklif etish, shuningdek, Qoʻmita bilan kelishgan holda idoraviy mansub taʼlim muassasalarida dars berish va mahorat darslari oʻtkazish uchun malakali mutaxassislarni taklif etish;

6) turizm sohasida ommaviy tadbirlar oʻtkazilishini belgilangan tartibda tashkil etish;

7) idoraviy mansub tashkilotlari uchun uskunalar, inventar va boshqa zarur jihozlarni xarid qilish;

8) viloyat miqyosidagi turizm sohasidagi tanlovlar gʻolib va sovrindorlarini mukofotlash uchun diplomlar va boshqa sovrinlarni xarid qilish;

9) hududdagi turizm namoyandalari va boshqa mutaxassislarni mukofotlash, shuningdek, ularga unvonlar va malaka toifalarini berish boʻyicha takliflarni belgilangan tartibda kiritish;

10) turizm sohasida ommaviy tadbirlar oʻtkazilishini, shuningdek, hududning turizm sohasi vakillarini, shu jumladan, idoraviy mansub tashkilotlar tomonidan oʻtkaziladigan turli tanlovlar va boshqa tadbirlarga tayyorlashni va ishtirok etishni moliyalashtirish;

11) hududdagi turizm sohasida festivallar, tanlovlar, ommaviy tadbirlarning gʻolib va sovrindorlari, shuningdek, boshqa ishtirokchi, mutaxassislarni esdalik diplomlari va qimmatli sovrinlar bilan mukofotlash boʻyicha Qoʻmitaga takliflar kiritish;

12) oʻz vakolatlari doirasida konferensiyalar, seminarlar, simpoziumlar, koʻrgazmalar, yarmarkalar va boshqa tadbirlarni oʻtkazish, shuningdek, boshqa tashkilotlar tomonidan oʻtkaziladigan shunday tadbirlarda ishtirok etish;

13) hududda turizm sohasini rivojlantirishga qaratilgan tadbirlarni birgalikda ishlab chiqish maqsadida xalqaro, xorijiy va respublika tashkilotlari bilan belgilangan tartibda aloqa qilish;

14) hududning turizm sohasi salohiyatini targʻib qiluvchi reklama va targʻibot mahsulotlarini (reklama tusidagi audio va video materiallar, risolalar, xaritalar va boshqa reklama materiallarini) tayyorlashga buyurtma berish;

15) turizm sohasida ishlash uchun yetakchi xorijiy mutaxassislarni shartnoma asosda jalb qilish;

16) hududning turizm sohasida alohida oʻrnak koʻrsatgan xodimlari va vakillarini davlat mukofotlariga taqdim etish toʻgʻrisida Qoʻmitaga takliflar kiritish huquqiga ega.

Qoʻmitaning hududiy boʻlinmalari qonunchilik hujjatlariga muvofiq boshqa huquqlarga ham ega boʻlishi mumkin.

20. Hududiy boʻlinmalar:

oʻzlariga yuklangan vazifalar va funksiyalarning sifatli va oʻz vaqtida bajarilishi taʼminlanishi;

Qoʻmitaning hududiy boʻlinmalari faoliyati bilan bogʻliq prognoz koʻrsatkichlarga erishilishi taʼminlanishi;

Qoʻmitaga kiritiladigan hujjatlar loyihalari va takliflarning sifati;

hududlarda aniqlangan muammolarni har tomonlama chuqur tahlil qilish hamda umumlashtirish asosida Qoraqalpogʻiston Respublikasi, viloyatlar va Toshkent shahrida turizmni rivojlantirishga doir takliflar tayyorlanishi;

Qoraqalpogʻiston Respublikasi, viloyatlar va Toshkent shahrida turizm sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning Qoraqalpogʻiston Respublikasi, viloyatlar va Toshkent shahrida samarali amalga oshirilishi, muammoli masalalar hal etilishi;

tizimdagi tashkilotlar tomonidan budjet va budjetdan tashqari mablagʻlar maqsadli va samarali ishlatilishi uchun javob beradi.

5-bob. Qoʻmita rahbariyatining asosiy funksional vazifalari

21. Qoʻmita raisining asosiy funksional vazifalari:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) yakka boshchilik tamoyiliga asoslangan holda Qoʻmita faoliyatiga umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Qoʻmitaga yuklangan vazifalar va funksiyalarning bajarilishini tashkil etish;

3) Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari bilan turizm sohasini yanada takomillashtirish boʻyicha tasdiqlangan konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

4) Qoʻmita va uning tarkibiy va hududiy boʻlinmalari hamda idoraviy boʻysunuvidagi tashkilotlar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy choralarni ishlab chiqish va koʻrish;

5) Qoʻmita faoliyati sohasiga kiruvchi masalalar boʻyicha Oʻzbekiston Respublikasi Prezidenti Administratsiyasi tarkibiy boʻlinmalari, shuningdek, tegishli vazirliklar va idoralar bilan oʻzaro hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

6) oʻz oʻrinbosarlari vakolatlarini belgilash, ular oʻrtasida vazifalarni taqsimlash, Qoʻmitaning boshqa mansabdor shaxslari vakolatlarini belgilash, Qoʻmita faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy javobgarlik darajasini belgilash;

7) Qoʻmita faoliyatini rejalashtirishni tashkil etish, Qoʻmita va oʻz oʻrinbosarlarining har choraklik ish rejalarini tasdiqlash, ularning bajarilishi nazorat qilinishini taʼminlash;

8) Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, Qoʻmita faoliyatida ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “ Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida ” 2021-yil 10-fevraldagi PF-6166-son hamda “ Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida ” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga , shuningdek, Vazirlar Mahkamasining “Oʻzbekiston Respublikasi Vazirlar Mahkamasining qarorlari ijrosini nazorat qilishning yangi mexanizmlarini joriy etish toʻgʻrisida” 2025-yil 30-sentabrdagi 616-son qaroriga muvofiq tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

9) Qoʻmita xodimlarini tizimli qayta tayyorlashni va ularning malakasini oshirishni tashkil etish;

10) Qoʻmita tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Qoʻmitaning kadrlar zaxirasini shakllantirish;

11) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Qoʻmitaga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

12) faoliyat sohasiga kiradigan masalalar boʻyicha normativ-huquqiy hujjatlar loyihalari sifatli ishlab chiqilishini, ular “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlari, Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy muvofiq ravishda oʻz vaqtida kiritilishini tashkil etish, ularning Vazirlar Mahkamasida puxta ishlanishida, Vazirlar Mahkamasi rahbariyati huzurida himoya qilinishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

13) “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlariga va Vazirlar Mahkamasining Reglamentiga muvofiq Qoʻmitaning qonun loyihalarini tayyorlash faoliyatini tashkil etish;

14) Qoʻmita vakolatiga kiruvchi masalalar boʻyicha normativ-huquqiy hujjatlarni, zarurat boʻlganda, boshqa vazirliklar va idoralar bilan birgalikda tegishli qarorlarni qabul qilish;

15) Qoʻmitaga taqdim etilgan takliflar va normativ-huquqiy hujjatlar loyihalari toʻliq va oʻz vaqtida koʻrib chiqilishini taʼminlash, ularni Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamentida belgilangan muddatlarda kelishish (viza qoʻyish);

16) Qoʻmita rahbarlari va xodimlari xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son qarori talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

17) oʻz oʻrinbosarlari hamda tarkibiy va hududiy boʻlinmalar rahbarlari faoliyati samaradorligini va natijadorligini muntazam tanqidiy tahlil qilish, Qoʻmita hayʼati majlislarida ularning shaxsiy hisobotlarini eshitish, ularning yakunlari boʻyicha zarur choralar koʻrish;

18) Qoʻmita xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

19) Qoʻmita xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Qoʻmita xodimlarining odob-axloq qoidalari talablariga rioya etilishini taʼminlashni nazorat qilish;

20) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Qoʻmita tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilikni takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

21) Oʻzbekiston Respublikasining “Manfaatlar toʻqnashuvi toʻgʻrisida”gi Qonuni va manfaatlar toʻqnashuvi bilan bogʻliq munosabatlarni tartibga solishga doir ishlarga rahbarlik qilish va muvofiqlashtirish;

22) Qoʻmita hamda uning tarkibiy va hududiy boʻlinmalari ishini tashkil etishning zamonaviy shakllari joriy etilishini taʼminlash;

23) aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

24) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomda belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

25) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Qoʻmita xodimlari va rahbarlarining faol ishtirok etishini tashkil etish, jismoniy va yuridik shaxslarning murojaatlari oʻz vaqtida va toʻliq koʻrib chiqilishini taʼminlash;

26) davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

27) Qoʻmita markaziy apparati shtat jadvalini xodimlarning tasdiqlangan shtat birliklarining belgilangan soni asosida, shuningdek, Oʻzbekiston Respublikasi budjet mablagʻlari hisobiga moliyalashtiriladigan markaziy apparat va idoraviy mansub tashkilotlarning xarajatlar smetasini tasdiqlash;

28) Qoʻmitaning hududiy boʻlinmalari nizomlari, idoraviy mansub tashkilotlar ustavlarini belgilangan tartibda tasdiqlash;

29) markaziy apparat xodimlarini, idoraviy mansub tashkilotlar rahbarlarini belgilangan tartibda lavozimga tayinlash va lavozimidan ozod etish;

30) Qoʻmita hayʼatiga va markaziy apparat yigʻilishlariga rahbarlik qilish;

31) turizm sohasidagi tashkilotlarni rivojlantirish va ularning moddiy-texnik bazasini mustahkamlash, asbob-uskunalar va inventarlar mahalliy korxonalar tomonidan ishlab chiqarilishi kengaytirilishini tashkil etish boʻyicha manfaatdor vazirliklar va idoralar bilan kelishilgan takliflar tayyorlanishini tashkil etish;

32) turizm sohasida isteʼdodli va istiqbolli kadrlarni tanlash, tayyorlash chora-tadbirlari qabul qilinishini taʼminlash, ularning mahoratini oshirish;

33) turizm sohasida yagona davlat siyosati amalga oshirilishini taʼminlash, tegishli vazirliklar va idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

34) turizm sohasida kadrlarni tayyorlash choralarini koʻrish, qayta tayyorlash va malaka oshirishni tashkil etish, taʼlim muassasalarini yuqori malakali mutaxassislar bilan taʼminlash;

35) turizm sohasi xodimlari va mutaxassislarini, ularning koʻp yillik va samarali faoliyati, alohida oʻrnak koʻrsatgani, xizmatlari uchun Oʻzbekiston Respublikasi Davlat mukofotlariga taqdimnomalar belgilangan tartibda kiritilishini taʼminlash va tavsiyalar berish;

36) turizm sohasida Oʻzbekiston delegatsiyalarining xalqaro tadbirlarda ishtirokini taʼminlash;

37) turizm sohasida xalqaro va davlatlararo aloqalarni kengaytirish va mustahkamlash, xorijiy investitsiyalar va grantlarni jalb qilish boʻyicha xalqaro tadbirlarda respublika vakillarining ishtirokini taʼminlash;

38) hududiy boʻlinmalar tuzilmalari va nizomlarini tasdiqlash, shuningdek, ular boshqaruv xodimlarining cheklangan sonini belgilash;

39) Qoʻmitaning xorijiy mamlakatlardagi vakolatxonalari faoliyati tartibini belgilash.

Qoʻmita raisi qonunchilik hujjatlariga muvofiq boshqa funksional vazifalariga ham ega boʻlishi mumkin.

22. Quyidagilar infratuzilmaga masʼul Qoʻmita raisi oʻrinbosarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) Qoʻmita raisi vaqtincha boʻlmaganda tegishli buyruq asosida uning vazifalarini bajarish;

3) Qoʻmitaning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

4) Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan respublika ijro etuvchi hokimiyat organlari faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash choralarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

6) mutasaddilik qilinadigan tarkibiy boʻlinmalarning ish rejalarini tasdiqlash, ular bajarilishi ustidan nazoratni taʼminlash;

7) Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, mutasaddilik qiladigan tarkibiy boʻlinmalarida ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “ Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida ” 2021-yil 10-fevraldagi PF-6166-son hamda “ Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida ” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga , shuningdek, Vazirlar Mahkamasining “Oʻzbekiston Respublikasi Vazirlar Mahkamasining qarorlari ijrosini nazorat qilishning yangi mexanizmlarini joriy etish toʻgʻrisida” 2025-yil 30-sentabrdagi 616-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish choralarini koʻrish;

8) Qoʻmita hayʼati qarorlari, Qoʻmita raisining buyruqlari va topshiriqlari oʻz vaqtida va sifatli bajarilishini taʼminlash;

9) mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha Qoʻmita raisiga takliflar taqdim etish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish choralarini koʻrish, mutasaddilik qilinadigan boʻlinmalarda kadrlar zaxirasini shakllantirish;

10) normativ-huquqiy hujjatlar loyihalari mutasaddilik qilinadigan tarkibiy boʻlinmalar tomonidan sifatli ishlab chiqilishini tashkil etish, Qoʻmitaning tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik Qoʻmita rahbari tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasida normativ-huquqiy hujjatlar loyihalarini ishlab chiqishda Qoʻmita rahbari topshirigʻiga binoan ishtirok etish;

11) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qarori talablariga toʻliq muvofiq tashkil etish, xizmat safarlarining asoslangani, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

12) mutasaddilik qilinadigan tarkibiy boʻlinmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, Qoʻmita hayʼati majlislarida ularning shaxsiy hisobotlarini eshitish, ularning yakunlari boʻyicha zarur choralar koʻrish;

13) mutasaddilik qilinadigan tarkibiy boʻlinmalar faoliyati sohasiga tegishli masalalar boʻyicha Qoʻmita faoliyatini takomillashtirishga doir amaliy chora-tadbirlar koʻrish, qonunchilikni takomillashtirish boʻyicha takliflar ishlab chiqish va ularni Qoʻmita raisiga kiritish;

14) mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi masalasini koʻrib chiqish boʻyicha takliflarni Qoʻmita raisiga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlarni amalga oshirish;

15) Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalariga asosan tasdiqlangan Qoʻmita xodimlarining odob-axloq qoidalari talablariga rioya etish, koʻrsatib oʻtilgan qoidalarga mutasaddilik qilinadigan tarkibiy boʻlinmalar rahbarlari va xodimlari tomonidan rioya etilishini taʼminlash;

16) huquqni qoʻllash amaliyotini va qonunchilikni takomillashtirishga doir chora-tadbirlarni ishlab chiqish va amalga oshirish orqali Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga muvofiq Qoʻmita tizimida korrupsiya va boshqa huquqbuzarliklarning oldini olish choralarini koʻrish, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish, shuningdek, manfaatlar toʻqnashuvi bilan bogʻliq munosabatlarni tartibga solishga doir ishlarni muvofiqlashtirish;

17) davlat xizmatlari samaradorligi, sifati va ulardan erkin foydalanishni oshirishga doir takliflarni Qoʻmita raisiga kiritish;

18) davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

19) vazirliklar, idoralar, mahalliy ijro etuvchi hokimiyat organlari va boshqa tashkilotlarning turizm sohasidagi ishlarini muvofiqlashtirishda ishtirok etish;

20) turizm infratuzilmalarini rivojlantirish va ushbu sohalardagi xizmatlarni diversifikatsiyalash;

21) Qoʻmitaning xalqaro va respublika darajalaridagi ommaviy tadbirlarning kalendar rejasini shakllantirishda ishtirok etish, uni manfaatdor tashkilotlar va idoralar bilan birgalikda amalga oshirish;

22) respublikada turizm sohasi rivojlanishi monitoringini olib borish hamda ushbu sohalarni yanada rivojlantirish boʻyicha har yillik prognozlarni shakllantirish;

23) turizm sohasida isteʼdodli va istiqbolli kadrlarni tanlash, tayyorlash va ularning mahoratini oshirish;

24) turizm sohasiga investitsiyalarni jalb qilish, ushbu sohalardagi hududiy dasturlar ijrosini taʼminlash;

25) turizm sohasini yanada rivojlantirishga qaratilgan tadbirlarni ishlab chiqish boʻyicha xalqaro, respublika tashkilotlari bilan birgalikda ishlashni taʼminlash.

23. Quyidagilar milliy turizm mahsulotlarini ommalashtirishga masʼul Qoʻmita raisi oʻrinbosarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) Qoʻmita raisi vaqtincha boʻlmaganda tegishli buyruq asosida uning vazifalarini bajarish;

3) Qoʻmitaning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

4) Qoʻmita faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan Qoʻmita faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash choralarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

6) mutasaddilik qilinadigan tarkibiy boʻlinmalarning choraklik ish rejalarini tasdiqlash, ular bajarilishi ustidan nazoratni taʼminlash;

7) Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, mutasaddilik qiladigan tarkibiy boʻlinmalarida ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “ Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida ” 2021-yil 10-fevraldagi PF-6166-son hamda “ Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida ” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga , shuningdek, Vazirlar Mahkamasining “Oʻzbekiston Respublikasi Vazirlar Mahkamasining qarorlari ijrosini nazorat qilishning yangi mexanizmlarini joriy etish toʻgʻrisida” 2025-yil 30-sentabrdagi 616-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish choralarini koʻrish;

8) Qoʻmita hayʼati qarorlari, Qoʻmita raisining buyruqlari va topshiriqlari oʻz vaqtida va sifatli bajarilishini taʼminlash;

9) mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha Qoʻmita raisiga takliflar taqdim etish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish choralarini koʻrish, mutasaddilik qilinadigan boʻlinmalarda kadrlar zaxirasini shakllantirish;

10) normativ-huquqiy hujjatlar loyihalari mutasaddilik qilinadigan tarkibiy boʻlinmalar tomonidan sifatli ishlab chiqilishini tashkil etish, Qoʻmitaning tarkibiy boʻlinmalarida tayyorlangan hujjatlar loyihalarini koʻrib chiqish, ularning Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasida normativ-huquqiy hujjatlar loyihalarini ishlab chiqishda Qoʻmita raisining topshirigʻiga binoan ishtirok etish;

11) Qoʻmitaga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

12) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qarori talablariga toʻliq muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

13) mutasaddilik qilinadigan tarkibiy boʻlinmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, Qoʻmita hayʼati majlislarida ularning shaxsiy hisobotlarini eshitish, ularning yakunlari boʻyicha zarur choralar koʻrish;

14) turizm sohasiga tegishli masalalar boʻyicha Qoʻmita faoliyatini takomillashtirishga doir amaliy choralar koʻrish, qonunchilikni takomillashtirish boʻyicha takliflar ishlab chiqish va ularni Qoʻmita raisiga kiritish;

15) mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi masalasini koʻrib chiqish boʻyicha takliflarni Qoʻmita raisiga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlarni amalga oshirish;

16) Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalariga asosan tasdiqlangan Qoʻmita xodimlarining odob-axloq qoidalari talablariga rioya etish, koʻrsatib oʻtilgan qoidalarga mutasaddilik qilinadigan tarkibiy boʻlinmalar rahbarlari va xodimlari tomonidan rioya etilishini taʼminlash;

17) huquqni qoʻllash amaliyotini va qonunchilikni takomillashtirishga doir chora-tadbirlarni ishlab chiqish va amalga oshirish orqali Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlariga hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga muvofiq Qoʻmita tizimida korrupsiya va boshqa huquqbuzarliklarning oldini olish choralarini koʻrish, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish, shuningdek, manfaatlar toʻqnashuvi bilan bogʻliq munosabatlarni tartibga solishga doir ishlarni muvofiqlashtirish;

18) davlat xizmatlari samaradorligi, sifati va ulardan erkin foydalanishni oshirishga doir takliflarni Qoʻmita raisiga kiritish;

19) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

20) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

21) davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish.

22) “Milliy PR-markazi” DM hamda xorijiy mamlakatlardagi vakolatxonalar faoliyatini muvofiqlashtirish hamda milliy turizm mahsulotlarining samarali marketingini nazorat qilish.

24. Quyidagilar Qoʻmita markaziy apparati tarkibiy boʻlinmalari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

3) Qoʻmitaning hududiy boʻlinmalari va idoraviy mansub tashkilotlar faoliyatini oʻz vakolatlari doirasida muvofiqlashtirish;

4) prognoz koʻrsatkichlarning bajarilishini muntazam tahlil qilish hamda tarkibiy va hududiy boʻlinmalar ushbu koʻrsatkichlarga soʻzsiz erishishini taʼminlashga qaratilgan qoʻshimcha choralar koʻrish boʻyicha takliflarni Qoʻmita raisining mutasaddilik qiladigan oʻrinbosarlariga kiritish;

5) Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, Qoʻmita tarkibiy boʻlinmalarida ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “ Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida ” 2021-yil 10-fevraldagi PF-6166-son hamda “ Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida ” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga , shuningdek, Vazirlar Mahkamasining “Oʻzbekiston Respublikasi Vazirlar Mahkamasining qarorlari ijrosini nazorat qilishning yangi mexanizmlarini joriy etish toʻgʻrisida” 2025-yil 30-sentabrdagi 616-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish choralarini koʻrish;

6) hayʼat qarorlari hamda buyruqlar, Qoʻmita raisi va uning oʻrinbosarlari topshiriqlari oʻz vaqtida va sifatli bajarilishini taʼminlash;

7) tarkibiy boʻlinmalarning ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

8) tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, Qoʻmitaning hududiy boʻlinmalari va idoraviy mansub tashkilotlar faoliyatiga amaliy va metodik yordam koʻrsatish;

9) tarkibiy boʻlinmalar faoliyatiga oid masalalar yuzasidan qonunchilikni takomillashtirish boʻyicha takliflarni ishlab chiqish va ularni koʻrib chiqish uchun Qoʻmita rahbariyatiga kiritish;

10) tarkibiy boʻlinmalarda kadrlarni tanlash va joy-joyiga qoʻyishda Qoʻmita rahbariyatiga takliflar taqdim etish, professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasb malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

11) normativ-huquqiy hujjatlar loyihalari tarkibiy boʻlinmalar tomonidan sifatli ishlab chiqilishini tashkil etish, Qoʻmitaning tarkibiy boʻlinmalarida tayyorlangan hujjatlar loyihalarini keyinchalik Qoʻmita rahbariyati tomonidan koʻrib chiqish, imzolash (viza qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Qoʻmita rahbarlarining topshirigʻi boʻyicha normativ-huquqiy hujjatlar loyihalarini Vazirlar Mahkamasida ishlab chiqishda ishtirok etish;

12) Qoʻmitaga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

13) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qarori talablariga muvofiq tashkil etish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

14) tarkibiy boʻlinmalar xodimlari faoliyati samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur choralar koʻrish;

15) tarkibiy boʻlinmalar xodimlarining odob-axloq qoidalari talablariga rioya etishini taʼminlash;

16) tarkibiy boʻlinmalarda Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlari hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuni talablariga rioya qilinishini taʼminlash;

17) davlat xizmatlarining samaradorligi, sifati va ulardan erkin foydalanishni oshirishga doir takliflarni Qoʻmita rahbariyatiga kiritish;

18) jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomda belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

20) davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

21) xalqaro va respublika darajalaridagi ommaviy tadbirlarning kalendar rejasini shakllantirishda ishtirok etish;

22) tarkibiy boʻlinmalar xodimlari faoliyatini tasdiqlangan lavozim majburiyatlariga muvofiq tashkil qilish;

23) boshqarmalar vakolatiga kiruvchi masalalar yuzasidan Qoʻmita rahbariyatiga tahliliy materiallar tayyorlash;

24) Qoʻmitaning tarkibiy boʻlinmalari faoliyatini oʻrganishni tashkil etish va ularga amaliy koʻmaklashish boʻyicha takliflar ishlab chiqish.

25. Quyidagilar hududiy boʻlinmalar rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) hududiy boʻlinmalar faoliyatiga umumiy rahbarlik qilish va nazorat qilish, ularga Oʻzbekiston Respublikasi Prezidenti va Vazirlar Mahkamasining qarorlari hamda boshqa qonunchilik hujjatlari va Qoʻmitaning buyruqlari bilan yuklangan vazifalar va funksiyalar bajarilishini tashkil etish;

3) hududiy boʻlinmalar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

4) Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasi qarorlari, farmoyishlari va topshiriqlari bajarilishini taʼminlash, hududiy boʻlinmalarda ijro intizomini mustahkamlash boʻyicha kompleks chora-tadbirlarni amalga oshirish, Oʻzbekiston Respublikasi Prezidentining “ Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida ” 2021-yil 10-fevraldagi PF-6166-son hamda “ Davlat organlari va tashkilotlarda ijro intizomini yanada mustahkamlashning qoʻshimcha chora-tadbirlari toʻgʻrisida ” 2025-yil 25-iyuldagi PF-117-son farmonlariga hamda “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga , shuningdek, Vazirlar Mahkamasining “Oʻzbekiston Respublikasi Vazirlar Mahkamasining qarorlari ijrosini nazorat qilishning yangi mexanizmlarini joriy etish toʻgʻrisida” 2025-yil 30-sentabrdagi 616-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar xodimlarining shaxsiy masʼuliyatini oshirish choralarini koʻrish;

5) Qoʻmita hayʼati qarorlari, buyruqlari, Qoʻmita raisi va uning oʻrinbosarlarining topshiriqlari oʻz vaqtida va sifatli bajarilishini taʼminlash;

6) turizm sohasiga kiradigan masalalar boʻyicha mahalliy ijro etuvchi hokimiyat organlari bilan hamkorlik qilish;

7) oʻz oʻrinbosarlari vakolatlarini belgilash, ular oʻrtasida vazifalarni taqsimlash, hududiy boʻlinmalarning boshqa mansabdor shaxslarining vakolatlarini belgilash, Qoʻmita hududiy boʻlinmalari faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy javobgarligi darajasini belgilash;

8) Qoʻmitaning hududiy boʻlinmalar faoliyatini rejalashtirishni tashkil etish, oʻz oʻrinbosarlarining choraklik ish rejalarini tasdiqlash, ularning bajarilishini nazorat qilishni taʼminlash;

9) Qoʻmitaning hududiy boʻlinmalarida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, hududiy boʻlinmalarning kadrlar zaxirasini shakllantirish;

10) Qoʻmita markaziy apparati nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boʻlinmalarga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

11) hududiy boʻlinmalar xodimlarini, oʻz oʻrinbosarlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha tizimli chora-tadbirlarni belgilangan tartibda amalga oshirish;

12) hududiy boʻlinmalar xodimlarining odob-axloq qoidalari talablariga rioya etishini taʼminlash;

13) hududiy boʻlinmalarda Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni va korrupsiyaga qarshi kurashishga doir boshqa qonunchilik hujjatlari hamda Oʻzbekiston Respublikasining “Manfaatlar toʻqnashuvi toʻgʻrisida”gi Qonuni talablariga rioya qilinishini taʼminlash;

14) prognoz koʻrsatkichlarning bajarilishini muntazam tahlil qilish hamda hududiy boʻlinmalar tomonidan ushbu koʻrsatkichlarga soʻzsiz erishishni taʼminlashga qaratilgan qoʻshimcha choralar koʻrish boʻyicha takliflarni Qoʻmitaga kiritish;

15) hududiy boʻlinmalar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur choralar koʻrish;

16) hududiy boʻlinmalar faoliyatiga oid masalalar boʻyicha qonunchilikni takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda ularni koʻrib chiqish uchun Qoʻmitaga kiritish;

17) Qoʻmitaning hududiy boʻlinmalari tarkibiga kiradigan tashkilotlar faoliyatini muvofiqlashtirish va nazorat qilish;

18) jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslarning vakillarini muntazam ravishda shaxsan qabul qilish, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan barcha murojaatlarini oʻz vaqtida va toʻlaqonli koʻrib chiqish;

20) hududiy boʻlinmalar xodimlari lavozim maoshiga mukofotlar, ustamalar toʻlash, ularga moddiy yordam berish, ularni taqdirlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisidagi takliflarni Qoʻmitaga kiritish;

21) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

6-bob. Qoʻmita rahbariyatining javobgarligi

26. Qoʻmita raisi:

Qoʻmitaga yuklangan vazifa va funksiyalarning bajarilishi;

Qoʻmitaning ushbu Nizomda koʻrsatilgan javobgarlik sohalari boʻyicha hamda oʻz funksional vazifalari sifatli bajarilishi uchun shaxsan javob beradi.

27. Qoʻmita raisi oʻrinbosarlari:

mutasaddilik qilinadigan yoʻnalish va tarkibiy boʻlinmalarda Qoʻmitaga yuklangan vazifalar va funksiyalarning bajarilishi;

ushbu Nizomda koʻrsatilgan oʻz funksional vazifalarining sifatli bajarilishi uchun shaxsan javob beradilar.

28. Markaziy apparat tarkibiy boʻlinmalari rahbarlari;

tegishli tarkibiy boʻlinmalarga yuklangan vazifalar va funksiyalarning bajarilishi;

ushbu Nizomda koʻrsatilgan oʻz funksional vazifalarining sifatli bajarilishi uchun shaxsan javob beradilar.

29. Hududiy boʻlinmalar rahbarlari:

hududiy boʻlinmalarga yuklangan vazifalar va funksiyalarning bajarilishi;

ushbu Nizomda koʻrsatilgan oʻz funksional vazifalarining sifatli bajarilishi uchun shaxsan javob beradilar.

7-bob. Qoʻmita faoliyatini tashkil etish

1-§. Qoʻmita rahbariyati

30. Qoʻmitaga Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Qoʻmita raisi rahbarlik qiladi.

31. Qoʻmita raisining ikki nafar oʻrinbosari boʻladi. Qoʻmita raisining oʻrinbosarlari Oʻzbekiston Respublikasi Prezidenti bilan kelishilgan holda Vazirlar Mahkamasi tomonidan lavozimga tayinlanadi va lavozimidan ozod etiladi.

32. Qoʻmita raisi moddiy taʼminoti, tibbiy va transport xizmatidan foydalanish borasidagi shart-sharoitlariga koʻra — vazirga, Qoʻmita raisi oʻrinbosarlari — vazir oʻrinbosarlariga tenglashtiriladi.

33. Qoʻmita raisi boʻlmagan vaqtda uning vakolatlari Qoʻmita raisining tegishli buyrugʻiga asosan uning oʻrinbosarlaridan biri tomonidan bajariladi.

34. Quyidagilar:

Qoʻmita raisining maslahatchilari belgilangan tartibda Qoʻmita raisi tomonidan lavozimga tayinlanadi va lavozimdan ozod etiladi;

Qoraqalpogʻiston Respublikasi, viloyatlar va Toshkent shahar turizm boshqarmalari boshliqlari va ularning oʻrinbosarlari belgilangan tartibda Qoʻmita raisi tomonidan lavozimga tayinlanadi va lavozimdan ozod etiladi;

35. Qoʻmita raisi Qoʻmita tizimiga kiradigan idoraviy mansub tashkilotlarning rahbarlarini belgilangan tartibda lavozimga tayinlaydi va lavozimidan ozod etadi, qonunchilik hujjatlarida belgilangan holatlar bundan mustasno.

36. Qoʻmita raisi Qoʻmita markaziy apparatining boshqarmalari va boʻlimlari, boʻlinmalari toʻgʻrisidagi nizomlarni, idoraviy mansub tashkilotlarning ustavlarini belgilangan tartibda tasdiqlaydi.

2-§. Qoʻmita markaziy apparati tarkibiy boʻlinmalarining Qoʻmita hududiy boʻlinmalari va idoraviy mansub tashkilotlar bilan oʻzaro hamkorligi tartibi

37. Qoʻmita markaziy apparati tarkibiy boʻlinmalarining Qoʻmita hududiy boʻlinmalari va idoraviy mansub tashkilotlar bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

38. Qoʻmita markaziy apparatining tarkibiy boʻlinmalari Qoʻmitaning hududiy boʻlinmalari va idoraviy mansub tashkilotlar bilan oʻz faoliyati yoʻnalishlari boʻyicha hamkorlik qilib:

topshiriqlarni hududiy boʻlinmalarga va idoraviy mansub tashkilotlarga yetkazadi hamda ularning bajarilishini nazorat qiladi;

Qoʻmitaning hududiy boʻlinmalariga va idoraviy mansub tashkilotlarga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

Qoʻmitaning hududiy boʻlinmalari va idoraviy mansub tashkilotlar faoliyati amaliyotini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

Qoʻmitaning hududiy boʻlinmalari va idoraviy mansub tashkilotlar faoliyatini tashkil etish va faoliyati natijalari toʻgʻrisida hisobot va axborot materiallari, statistika va boshqa maʼlumotlar oʻrganilishini tashkil etadi;

Qoʻmitaning hududiy boʻlinmalari va idoraviy mansub tashkilotlar ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar koʻradi;

Qoʻmitaning hududiy boʻlinmalari va idoraviy mansub tashkilotlardan tushgan takliflarni koʻrib chiqadi;

normativ-huquqiy hujjatlar loyihalarini tayyorlashda Qoʻmitaning hududiy boʻlinmalari va idoraviy mansub tashkilotlar ishtirokini tashkil etadi, turizm sohasida qonunchilikni takomillashtirish boʻyicha ulardan tushgan takliflarni koʻrib chiqadi.

39. Qoʻmitaning hududiy boʻlinmalari va idoraviy mansub tashkilotlari Qoʻmita markaziy apparatining tarkibiy boʻlinmalari bilan hamkorlik qiladi, shu jumladan:

berilgan topshiriqlar ijrosi haqida Qoʻmita rahbariyatiga axborot beradi;

qonunchilikni amalga oshirish boʻyicha oʻz faoliyati natijalari toʻgʻrisida markaziy apparatga axborot taqdim etadi;

ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida maʼlumot beradi;

hududlarning ijtimoiy-iqtisodiy rivojlanishi, shu jumladan, aholining turizm sohasiga oid mavjud dolzarb muammolarini bartaraf etish yuzasidan Qoʻmitaning markaziy apparatiga takliflar kiritadi;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabar beradi.

40. Qoʻmita markaziy apparati tarkibiy boʻlinmalari va uning hududiy boʻlinmalari hamda idoraviy mansub tashkilotlarining oʻzaro hamkorligi jarayonida yuzaga keladigan kelishmovchiliklar Qoʻmita raisining topshirigʻiga binoan uning tegishli oʻrinbosari va maslahatchisi tomonidan koʻrib chiqiladi. Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, u boʻyicha qaror bevosita Qoʻmita raisi tomonidan qabul qilinadi.

41. “Milliy PR-markazi” davlat muassasasi bir vaqtda Qoʻmitaning axborot xizmati vazifasini bajaradi hamda Qoʻmita raisining axborot siyosati boʻyicha maslahatchisi — axborot xizmati rahbari ushbu muassasaning direktori hisoblanadi.

3-§. Qoʻmitaning boshqa respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorligi

42. Qoʻmita oʻz vazifalari va funksiyalarini amalga oshirishda boshqa respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari va boshqa tashkilotlar bilan hamkorlik qiladi.

43. Qoʻmitaning hududiy boʻlinmalari oʻz vakolatlari doirasida boshqa respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlari va boshqa tashkilotlar bilan hamkorlik qiladi.

4-§. Qoʻmita hayʼati

44. Qoʻmitada Qoʻmita raisi (hayʼat raisi), uning oʻrinbosarlari, maslahatchilari, shuningdek, Qoʻmita faoliyatining asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi belgilangan tartibda Vazirlar Mahkamasi tomonidan tasdiqlanadi.

45. Hayʼatga quyidagi vazifalar yuklanadi:

Qoʻmita faoliyatining ushbu Nizomda belgilangan asosiy yoʻnalishlarini ishlab chiqish va amalga oshirish;

Oʻzbekiston Respublikasi Prezidenti va Vazirlar Mahkamasining qarorlarida belgilangan vazifalar oʻz vaqtida va sifatli amalga oshirilishini taʼminlash uchun Qoʻmita tizimi xodimlari va rahbarlarining shaxsiy javobgarligini oshirish choralarini koʻrgan holda, hududiy boʻlinmalar va idoraviy mansub tashkilotlar rahbarlari hisobotlari muntazam ravishda eshitilishini tashkil etish;

Qoʻmita faoliyati sohasidagi hududiy va tarmoq dasturlari amalga oshirilishining natijadorligini har chorakda va muntazam koʻrib chiqish;

joylarda Qoʻmita faoliyatiga oid dolzarb masalalar muhokama qilinishini taʼminlagan holda hayʼatning kengaytirilgan sayyor majlislari oʻtkazilishini tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Qoʻmita markaziy apparatiga va uning tizimiga kiradigan lavozimlar nomenklaturasini koʻrib chiqish va tasdiqlash;

Qoʻmita markaziy apparati nomenklaturasiga kiradigan lavozimlarga kadrlarni tanlash, joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari bilan belgilangan vazifalar oʻz vaqtida va sifatli bajarilishini taʼminlash uchun Qoʻmita rahbarlari va xodimlarining ijro intizomini mustahkamlash va shaxsiy javobgarligini oshirish.

Hayʼat Qoʻmita vakolatiga kiritilgan boshqa masalalarni ham koʻrib chiqishga haqli.

46. Hayʼat majlisiga qoʻmita vakolatiga kiradigan masalalar yuzasidan respublika ijro etuvchi hokimiyat organlari va xoʻjalik birlashmalari, boshqa tashkilotlar rahbarlari taklif etilishi mumkin.

47. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qarorlar oddiy koʻpchilik ovoz bilan qabul qilinadi.

48. Hayʼat qarorlari Qoʻmita raisining buyruqlari bilan amalga oshiriladi.

49. Qoʻmita raisi va hayʼat aʼzolari oʻrtasida kelishmovchiliklar yuzaga kelgan taqdirda, Qoʻmita raisi yuzaga kelgan kelishmovchiliklar haqida Vazirlar Mahkamasiga axborot bergan holda mustaqil ravishda qaror qabul qiladi. Shuningdek, hayʼat aʼzolari ham Vazirlar Mahkamasiga oʻz fikrini maʼlum qilishi mumkin.

50. Hayʼat faoliyati tartibi hayʼat tomonidan tasdiqlanadigan uning reglamenti bilan belgilanadi.

8-bob. Qoʻmita faoliyati samaradorligi va natijadorligini baholash mezonlari va ish indikatorlari

51. Qoʻmita faoliyatining samaradorligi muntazam baholanishi lozim.

52. Qoʻmita faoliyati samaradorligi va natijadorligiga berilgan baholar belgilangan tartibda tasdiqlanadigan Qoʻmita faoliyati samaradorligi va natijadorligini baholash mezonlari va ish indikatorlariga asoslanadi.

53. Qoʻmita faoliyati samaradorligi va natijadorligini baholash yakunlari boʻyicha:

Qoʻmita rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Qoʻmita faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

Qoʻmita faoliyati samaradorligi va natijadorligini baholash tartibi va metodikasi qonunchilik hujjatlariga muvofiq belgilanadi.

9-bob. Qoʻmitani moliyalashtirish va moddiy-texnik taʼminlash, uning xodimlari mehnatiga haq toʻlash va ularni moddiy ragʻbatlantirish

54. Qoʻmita faoliyatini moliyalashtirish va uning xodimlarini moddiy ragʻbatlantirish qonunchilik hujjatlariga muvofiq amalga oshiriladi.

55. Qoʻmita markaziy apparatiga 4 ta shaxsan biriktirilgan (Qoʻmita raisi, uning oʻrinbosarlari va axborot xizmati rahbari uchun), 2 ta maxsus (yoʻlsiz joylarda yura oladigan 1 ta, mehmonlarni kutib olish uchun 1 ta), 1 ta navbatchi avtotransport vositasi va 1 ta mikroavtobus limiti ajratilishi nazarda tutiladi.

Qoraqalpogʻiston Respublikasi, viloyatlar va Toshkent shahar turizm boshqarmalariga 1 ta shaxsan biriktirilgan va 1 ta maxsus avtotransport vositasi limiti ajratilishi nazarda tutiladi.

Qoʻmitaga tegishli xizmat avtotransport vositasiga Vazirlar Mahkamasi tomonidan belgilangan yillik kilometr masofa limiti tatbiq etilmaydi.

56. Qoʻmita xodimlarining ish haqi qonunchilik hujjatlarida nazarda tutilgan lavozim maoshi, mukofot pullari, qoʻshimcha toʻlovlar, ustamalar va ragʻbatlantirish toʻlovlaridan tashkil topadi.

57. Mehnatga haq toʻlash fondi, Qoʻmita huzuridagi budjetdan tashqari Turizmni qoʻllab-quvvatlash jamgʻarmasi, budjet muassasalari va tashkilotlari xodimlarini moddiy ragʻbatlantirish maxsus jamgʻarmasi hamda qonunchilik hujjatlari bilan taqiqlanmagan boshqa manbalar Qoʻmita xodimlarining ish haqlarini toʻlash va moddiy ragʻbatlantirish manbai hisoblanadi.

58. Qoʻmita markaziy apparati, uning hududiy boʻlinmalari va idoraviy mansub tashkilotlari xodimlari qoʻshimcha quyidagi shakllarda moddiy ragʻbatlantiriladi:

1) Qoʻmita markaziy apparati xodimlari Qoʻmita huzuridagi budjetdan tashqari Turizmni qoʻllab-quvvatlash jamgʻarmasi hisobidan, hududiy boʻlinmalar xodimlari Oʻzbekiston Respublikasining Davlat budjeti mablagʻlari hisobidan quyidagi miqdorda koʻp yillik ishlaganlik uchun har oylik ustama toʻlanadi (ragʻbatlantirish koeffitsiyentini inobatga olgan holda lavozim maoshiga nisbatan koeffitsiyentlarda):

1 dan 3 yilgacha — 0,3;

3 dan 5 yilgacha — 0,6;

5 dan 10 yilgacha — 0,8;

10 dan 15 yilgacha — 1,0;

15 dan 20 yilgacha — 1,2;

20 dan yuqori — 1,5.

Koʻp yillik ishlaganlik uchun ustama olish huquqini beruvchi ish staji Qoʻmita raisi tomonidan tasdiqlanadigan tartib asosida amalga oshiriladi;

2) Qoʻmita huzuridagi budjetdan tashqari Turizmni qoʻllab-quvvatlash jamgʻarmasi hisobidan:

a) chorak yakuni boʻyicha eng tashabbuskor va natijador xodimlarni ustamani (ragʻbatlantirish koeffitsiyentini) hisobga olgan holda, bir oylik ish haqi jamgʻarmasining yuz foizigacha boʻlgan miqdorda bir yoʻla mukofotlash;

b) eng tashabbuskor va samarali ishlagan xodimlarni ustamani (ragʻbatlantirish koeffitsiyentini) hisobga olgan holda, bir oylik ish haqi jamgʻarmasining yuz foizigacha boʻlgan miqdorda moddiy ragʻbatlantirish;

v) jamoa shartnomasiga muvofiq mehnat natijalari bilan bogʻliq boʻlmagan kompensatsiya toʻlovlari va bir yoʻla beriladigan mukofotlar;

g) oʻz xizmat faoliyati samaradorligini oshirish va xizmat vazifalarini oqilona bajarish tizimini joriy etish maqsadida Qoʻmitaning javobgarligi yuqori boʻlgan Qoʻmita markaziy apparati xodimlari uchun Qoʻmita raisi tomonidan tayinlanadigan shaxsiy ustamalar.

Ushbu bandning “a” va “b” kichik bandlarida nazarda tutilgan toʻlovlar summasi bir chorakda ustamani (ragʻbatlantirish koeffitsiyentini) hisobga olgan holda, bir oylik ish haqi jamgʻarmasining ikki baravari miqdoridan oshmasligi kerak.

Qoʻmita raisi tomonidan maxsus va shaxsiy ustamalar belgilanishi mumkin.

Xodimlarni qoʻshimcha moddiy ragʻbatlantirish toʻgʻrisidagi nizom Qoʻmita raisi tomonidan tasdiqlanadi.

Qoʻmita huzuridagi budjetdan tashqari Turizmni qoʻllab-quvvatlash jamgʻarmasi mablagʻlari hisobidan xodimlarga qonunchilik hujjatlari bilan taqiqlanmagan boshqa toʻlovlar ham toʻlanishi mumkin.

Bunda ushbu bandda nazarda tutilgan toʻlovlar Turizmni qoʻllab-quvvatlash jamgʻarmasi moliyaviy holatidan kelib chiqib toʻlanadi.

59. Qoʻmitaning hududiy boʻlinmalari faoliyatini taʼminlash va moliyalashtirish (shu jumladan, xodimlarni moddiy ragʻbatlantirish) ishlari Qoraqalpogʻiston Respublikasi, viloyatlar va Toshkent shahri mahalliy budjeti, shuningdek, qonunchilik hujjatlari bilan taqiqlanmagan boshqa manbalar hisobidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari xodimlari uchun belgilangan tartibda amalga oshiriladi.

Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari hududiy boʻlinmalar rahbarlari (xodimlari) uchun daromadlar prognozining oshirib bajarilgan mablagʻlardan va budjetning orttirib bajarilgan qismi hisobiga qoʻshimcha moddiy ragʻbatlantirish turlarini (ustama haq, qoʻshimcha haq, mukofotlar va ish haqiga boshqa toʻlovlar) belgilash huquqiga ega.

60. Qoʻmitaning markaziy apparati hamda hududiy boʻlinmalar xodimlari mehnatiga haq toʻlash razryadlari ushbu Nizomga 1 va 2-ilovalarga muvofiq belgilanadi.

10-bob. Qoʻmitaning Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasining tegishli tarkibiy boʻlinmalariga va Vazirlar Mahkamasiga hisobot berishi

61. Qoʻmita rahbarlari oʻz faoliyati toʻgʻrisida Oʻzbekiston Respublikasi Prezidentiga, Oʻzbekiston Respublikasi Prezidenti Administratsiyasining tegishli tarkibiy boʻlinmalariga, Vazirlar Mahkamasiga hisobot beradi.

Qoʻmita Oʻzbekiston Respublikasi Prezidenti Administratsiyasi va Vazirlar Mahkamasi bilan oʻzaro hamkorlik qilish doirasida:

oʻziga yuklangan vazifalar va funksiyalarni bajarish bilan bogʻliq normativ-huquqiy hujjatlar hamda boshqa hujjatlar loyihalarini belgilangan tartibda kiritadi;

Oʻzbekiston Respublikasi Prezidenti Administratsiyasi va Vazirlar Mahkamasiga taqdim etish uchun respublika va mahalliy ijro etuvchi hokimiyat organlari, xoʻjalik birlashmalari bilan birgalikda oʻz faoliyati sohasidagi muammolarni hal etish, davlat boshqaruvi tizimini maqbullashtirishga qaratilgan taklif, tavsiya va tahliliy maʼlumotlar tayyorlanishini taʼminlaydi;

turizm sohasidagi davlat siyosatini amalga oshirishda mavjud tizimli muammo va kamchiliklarning muntazam ravishda koʻrib chiqilishi va bartaraf etilishini tashkil qiladi;

belgilangan tartibda boshqa funksiyalarni ham amalga oshiradi.

62. Qoʻmita raisi Qoʻmita rahbarlariga yuklangan vazifalar samarali bajarilishi uchun ularning faoliyati boʻyicha muntazam monitoring yuritadi, Qoʻmita faoliyati samaradorligiga xolisona baho beradi.

63. Monitoring va baholash yakunlari boʻyicha Qoʻmitaning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlikka tortiladi.

11-bob. Yakunlovchi qoidalar

64. Qoʻmita qonunchilik hujjatlarida belgilangan tartibda qayta tashkil etiladi va tugatiladi.

65. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Turizm qoʻmitasi toʻgʻrisidagi nizomga 1-ILOVA

Oʻzbekiston Respublikasi Turizm qoʻmitasi markaziy apparati xodimlari mehnatiga haq toʻlash

Lavozimlar nomi Yagona tarif setkasi boʻyicha razryadlar Rais 19 Rais oʻrinbosari 18 Rais maslahatchilari, ijro apparati rahbari 17 Boshqarma boshligʻi 16 Boshqarma boshligʻi oʻrinbosari 16 (-5%) Boʻlim boshligʻi, xizmat boshligʻi, rais yordamchisi 14 Boʻlim boshligʻi oʻrinbosari, devonxona mudiri 13 Bosh mutaxassis 12 Yetakchi mutaxassis 11

Oʻzbekiston Respublikasi Turizm qoʻmitasi toʻgʻrisidagi nizomga 2-ILOVA

Qoraqalpogʻiston Respublikasi, viloyatlar hamda Toshkent shahar turizm boshqarmalari xodimlari mehnatiga haq toʻlash

Lavozimlar nomi Yagona tarif setkasi boʻyicha razryadlar Toifadan tashqari I toifa II toifa III toifa Qoraqalpogʻiston Respublikasi, viloyatlar va Toshkent shahar turizm boshqarmasi boshligʻi 19 (-5%) 18 17 16 Boshqarma boshligʻining oʻrinbosari 16 15 14 13 Boʻlim boshligʻi, bosh hisobchi 14 13 12 11 Boʻlim boshligʻining oʻrinbosari 14 (-5%) 13 (-5%) 12 (-5%) 11 (-5%) Bosh mutaxassis, yuriskonsult 12 11 10 9 Yetakchi mutaxassis 11 10 9 8

Vazirlar Mahkamasining 2026-yil 16-martdagi 105-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida” 2020-yil 10-iyuldagi 433-son qarorida :

a) 1-bandning toʻqqizinchi xatboshisidagi “Turizm va madaniy meros vazirligining” soʻzlari “Turizm qoʻmitasining” soʻzlari bilan almashtirilsin;

b) 3-bandda :

“b” kichik bandning birinchi xatboshisi quyidagi tahrirda bayon etilsin:

“b) Oʻzbekiston Respublikasi Turizm qoʻmitasi huzuridagi “Turistlarga xizmat koʻrsatish markazi” davlat muassasasi (keyingi oʻrinlarda — “Turistlarga xizmat koʻrsatish markazi” DM) turizm axborot markazlari (keyingi oʻrinlarda — Markaz) faoliyatini muvofiqlashtiradi va quyidagi vazifalarni amalga oshiradi:”;

“g” , “d” , “e” va “z” kichik bandlardagi tegishli kelishikdagi “Turizm va madaniy meros vazirligi” soʻzlari tegishli kelishikdagi “Turizm qoʻmitasi” soʻzlari bilan almashtirilsin;

5 va 11-bandlardagi tegishli kelishikdagi “Turizm va madaniy meros vazirligi” soʻzlari tegishli kelishikdagi “Turizm qoʻmitasi” soʻzlari bilan almashtirilsin;

v) 2-ilovada :

4-banddagi “Turizm qoʻmitasi” soʻzlari “Turizm xizmatlarini sertifikatlashtirish markazi” DM (keyingi oʻrinlarda — Markaz)” soʻzlari bilan almashtirilsin;

7-banddagi “Turizm xizmatlarini sertifikatlash markazi” DUKga (keyingi oʻrinlarda — Markaz)” soʻzlari “Markaz” soʻzi bilan almashtirilsin;

49 va 50-bandlar qoʻyidagi tahrirda bayon etilsin:

“49. Markaz inspeksiya nazoratini oʻtkazish davrini belgilaydi va Oʻzbekiston Respublikasi Turizm qoʻmitasi veb-saytida Inspeksiya nazoratini oʻtkazish rejasini joylashtiradi.

50. Inspeksiya nazoratini oʻtkazish uchun Markaz rahbarining buyrugʻi bilan komissiya tarkibi, inspeksiya nazoratini oʻtkazish muddati va dasturi tasdiqlanadi.

Markazning sifat boʻyicha ekspert-auditorlari orasidan komissiya raisi tayinlanadi”;

51-bandning birinchi va ikkinchi xatboshilari , 52-band , 53-bandning ikkinchi xatboshisi , 54-bandning uchinchi xatboshisi , 56-band , 58-bandning birinchi va toʻrtinchi xatboshisi , 60-bandning ikkinchi xatboshisi , 62-bandning birinchi xatboshisi , 63-band , 64-bandning “d” , “e” , “z” va “i” kichik bandlari , 68-bandning “b” kichik bandi , 69 va 70-bandlardagi tegishli kelishikdagi “Turizm qoʻmitasi” soʻzlari tegishli kelishikdagi “Markaz” soʻzi bilan almashtirilsin;

g) 3-ilovaning 2-bandi ikkinchi xatboshisidagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

d) 4-ilovaning 9-bandidagi “Turizm va madaniy meros vazirligi huzuridagi “Turizm xizmatlarini sertifikatlashtirish markazi” DUK” soʻzlari “Turizm qoʻmitasi huzuridagi “Turizm xizmatlarini sertifikatlashtirish markazi” davlat muassasasi” soʻzlari bilan almashtirilsin;

e) 6-ilovaning 2-bandi uchinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” chiqarib tashlansin;

j) 8-ilovada :

2-bandning uchinchi va toʻrtinchi xatboshilari quyidagi tahrirda bayon etilsin:

“ vakolatli davlat organi — Oʻzbekiston Respublikasi Turizm qoʻmitasi;

Markaz — Oʻzbekiston Respublikasi Turizm qoʻmitasi huzuridagi “Turizm xizmatlarini sertifikatlash markazi” davlat muassasasi”;

11-bandning birinchi xatboshisi va 18-bandning oltinchi xatboshisidagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

z) 10-ilovada :

3-bandidagi “Turizm va madaniy meros vazirligi (keyingi oʻrinlarda — Vazirlik)” soʻzlari “Turizm qoʻmitasi (keyingi oʻrinlarda — Qoʻmita)” soʻzlari bilan almashtirilsin;

9-band , 10-bandning birinchi xatboshisi va 31-banddagi “Vazirlik” soʻzi “Qoʻmita” soʻzi bilan almashtirilsin;

i) 13-ilovada :

4-bandda :

birinchi xatboshidagi “Turizm va madaniy meros vazirligi (keyingi oʻrinlarda — Vazirlik)” soʻzlari “Turizm qoʻmitasi (keyingi oʻrinlarda — Qoʻmita)” soʻzlari bilan almashtirilsin;

ikkinchi xatboshidagi “Vazirlikka” soʻzi “Qoʻmitaga” soʻzi bilan almashtirilsin;

5-bandning birinchi va ikkinchi xatboshilaridagi “Vazirlikning” va “Vazirlikka” soʻzlari tegishlicha “Qoʻmitaning” va “Qoʻmitaga” soʻzlari bilan almashtirilsin;

6 , 9 va 10-bandlardagi tegishli kelishikdagi “Vazir” soʻzi tegishli kelishikdagi “Qoʻmita raisi” soʻzlari bilan almashtirilsin;

11 , 12 va 15-bandlardagi tegishli kelishikdagi “Vazirlik” soʻzi tegishli kelishikdagi “Qoʻmita” soʻzi bilan almashtirilsin;

ilovaning matni quyidagi tahrirda bayon etilsin:

“ “Turizm fidoyisi” koʻkrak nishoni bilan taqdirlash

Bosqichlar Masʼullar Chora-tadbirlar Muddatlar 1-bosqich Mahalliy davlat hokimiyati organlari va tashkilotlar Koʻkrak nishoni bilan taqdirlash boʻyicha nomzodlarni tegishlicha Qoraqalpogʻiston Respublikasi, viloyatlar va Toshkent shahar turizm boshqarmalariga taqdim etadi. Koʻkrak nishoni bilan taqdirlash boʻyicha nomzodlarni Oʻzbekiston Respublikasi Turizm qoʻmitasiga taqdim etadi. Har yili 1-avgustga qadar Respublika darajasidagi davlat organlari va tashkilotlar 2-bosqich Qoraqalpogʻiston Respublikasi, viloyatlar va Toshkent shahar turizm boshqarmalari Nomzodlar boʻyicha taqdim etilgan hujjatlarni belgilangan tartibda oʻrganib chiqadi va nomzodlar yuzasidan xulosalarni Oʻzbekiston Respublikasi Turizm qoʻmitasiga taqdim etadi. Har yili 20-avgustga qadar 3-bosqich Oʻzbekiston Respublikasi Turizm qoʻmitasining koʻkrak nishoni bilan taqdirlashga oid takliflarni koʻrib chiqish boʻyicha komissiyasi Koʻkrak nishoni bilan taqdirlash boʻyicha nomzodlarning tegishli hujjatlarini oʻrganib chiqadi va yakuniy xulosani chiqaradi. Har yili 15-sentabrga qadar 4-bosqich Oʻzbekiston Respublikasi Turizm qoʻmitasi Koʻkrak nishoni bilan taqdirlash boʻyicha Oʻzbekiston Respublikasi Turizm qoʻmitasi raisi buyrugʻini chiqaradi. Har yili 20-sentabrga qadar 5-bosqich Oʻzbekiston Respublikasi Turizm qoʻmitasi Turizm sohasini rivojlantirishga qoʻshgan hissasi uchun” koʻkrak nishoni bilan taqdirlaydi Har yili 27-sentabr arafasida ”.

2. Vazirlar Mahkamasining “Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida” 2021-yil 24-fevraldagi 100-son qarorida :

a) 1-bandning “b” kichik bandi beshinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 3-bandda :

beshinchi xatboshidagi “Turizm va madaniy meros vazirligi” (keyingi oʻrinlarda — Vazirlik) soʻzlari “Turizm qoʻmitasi” (keyingi oʻrinlarda — Qoʻmita) soʻzlari bilan almashtirilsin;

yettinchi xatboshidagi “Turizm va madaniy meros vazirligi” soʻzlari “Qoʻmita” soʻzi bilan almashtirilsin;

v) 6-bandning ikkinchi xatboshisi , 7-bandning “a” kichik bandi birinchi xatboshisi , 9-bandning birinchi xatboshisidagi “Vazirlik” soʻzi “Qoʻmita” soʻzi bilan almashtirilsin;

g) 5-ilovada :

33-bandning birinchi xatboshisidagi “Turizm va madaniy meros vazirligi” (keyingi oʻrinlarda — Vazirlik) soʻzlari “Turizm qoʻmitasi” (keyingi oʻrinlarda — Qoʻmita) soʻzlari bilan almashtirilsin;

35 , 36-bandlar , 37-bandning ikkinchi xatboshisi , 39-bandning birinchi xatboshisi , 41-band , 42-bandning birinchi va ikkinchi xatboshilari , 43 va 45-bandlardagi tegishli kelishikdagi “Vazirlik” soʻzi tegishli kelishikdagi “Qoʻmita” soʻzi bilan almashtirilsin;

3-ilovaning matnidagi “Turizm va madaniy meros vazirligiga” soʻzlari “Turizm qoʻmitasiga” soʻzlari bilan almashtirilsin;

4-ilovaning matni “Subyektlar” va “Tadbirlar” ustunlaridagi tegishli kelishikdagi “Vazirlik” soʻzi tegishli kelishikdagi “Qoʻmita” soʻzi bilan almashtirilsin;

d) 6-ilovada :

1-banddagi “A. Abduxakimov — ekologiya, atrof-muhitni muhofaza qilish va iqlim oʻzgarishi vaziri” soʻzlari “A. Aqqulov — Turizm qoʻmitasi raisi” soʻzlari bilan almashtirilsin;

3-band oʻz kuchini yoʻqotgan deb hisoblansin;

5-band “moliya” soʻzidan oldin “iqtisodiyot va” soʻzlari bilan toʻldirilsin;

6-banddagi “A. Mirzaraximov — Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari “lavozimiga koʻra — ” soʻzlari bilan almashtirilsin;

e) 6a-ilovaning 5-bandidagi “U. Shadiyev — Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari “A. Aqqulov — ” soʻzlari bilan almashtirilsin.

3. Vazirlar Mahkamasining “Yevroosiyo” xalqaro teatr sanʼati festivalini oʻtkazish chora-tadbirlari toʻgʻrisida” 2021-yil 23-apreldagi 235-son qarorida :

a) 6-bandning birinchi xatboshisidagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

b) 1-ilovaning 6-pozitsiyasidagi “U.R. Shadiyev — Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari “A.Oʻ. Aqqulov — ” soʻzlari bilan almashtirilsin.

4. Vazirlar Mahkamasining “Samarqand shahrida har yili “Samarkand Marathon” xalqaro xayriya yarim marafonini tashkil etish va oʻtkazish toʻgʻrisida” 2021-yil 4-maydagi 277-son qarorida :

a) 4-bandda :

uchinchi xatboshidagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

toʻrtinchi xatboshidagi “Turizm va madaniy meros vazirligidan” soʻzlari “Turizm qoʻmitasidan” soʻzlari bilan almashtirilsin;

b) 1-ilovaning 10-bandidagi “U. Shadiyev — Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari “A. Aqqulov — ” soʻzlari bilan almashtirilsin.

5. Vazirlar Mahkamasining “Oʻzbekiston Respublikasi Turizm va madaniy meros vazirligi faoliyatini tashkil etish chora-tadbirlari toʻgʻrisida” 2022-yil 25-avgustdagi 475-son qarorida :

a) nomidagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

b) 1-band quyidagi tahrirda bayon etilsin:

“1. Quyidagilar:

Oʻzbekiston Respublikasi Turizm qoʻmitasi huzuridagi budjetdan tashqari Turizmni qoʻllab-quvvatlash jamgʻarmasi toʻgʻrisidagi nizom 1-ilovaga muvofiq;

Oʻzbekiston Respublikasi Turizm qoʻmitasi huzuridagi budjetdan tashqari Turizmni qoʻllab-quvvatlash jamgʻarmasi kengashi tarkibi 2-ilovaga muvofiq;

Oʻzbekiston Respublikasi hududida turistik (mehmonxona) yigʻimni undirish tartibi toʻgʻrisidagi nizom 3-ilovaga muvofiq tasdiqlansin”;

v) 5-banddagi “Bosh vazirining oʻrinbosari — turizm va madaniy meros vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

g) 1-ilova oʻz kuchini yoʻqotgan deb hisoblansin:

d) 2-ilovada :

ilova belgisidagi “2-ilova” soʻzlari “1-ilova” soʻzlari bilan almashtirilsin;

nomi va 1-banddagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

2-banddagi “Turizm va madaniy meros vazirligida (keyingi oʻrinlarda — Vazirlik) yuridik shaxs tashkil etmagan holda, mablagʻlardan keyinchalik turizm va madaniy meros sohalarini” soʻzlari “Turizm qoʻmitasi (keyingi oʻrinlarda — Qoʻmita) yuridik shaxs tashkil etmagan holda, mablagʻlardan keyinchalik turizm sohasini” soʻzlari bilan almashtirilsin;

3-bandda :

sakkizinchi xatboshidagi “Vazirlik” soʻzi “Qoʻmita” soʻzi bilan almashtirilsin;

oʻn birinchi — oʻn uchinchi xatboshilardagi “Vazirlikning” soʻzi “Qoʻmitaning” soʻzi bilan almashtirilsin;

oʻn beshinchi xatboshidagi “turizm va madaniy meros sohalaridagi” soʻzlari “turizm sohasidagi” soʻzlari bilan almashtirilsin;

oʻn yettinchi xatboshi chiqarib tashlansin;

oʻn sakkizinchi xatboshi oʻn yettinchi xatboshi deb hisoblansin;

5-banddagi “Vazirlik” soʻzi “Qoʻmita” soʻzi bilan almashtirilsin;

6-banddagi “Vazirlik” va “Moliya vazirligi” soʻzlari tegishlicha “Qoʻmita” va “Iqtisodiyot va moliya vazirligi” soʻzlari bilan almashtirilsin;

7-bandda :

ikkinchi xatboshidagi “turizm va madaniy meros sohalaridagi” soʻzlari “turizm sohasidagi” soʻzlari bilan almashtirilsin;

uchinchi xatboshidagi “turizm va madaniy meros obyektlari” soʻzlari “turizm obyektlari” soʻzlari bilan almashtirilsin;

toʻrtinchi xatboshidagi “turizm va madaniy meros sohalarida” soʻzlari “turizm sohasida” soʻzlari bilan almashtirilsin;

beshinchi xatboshidagi “turizm va madaniy meros obyektlari” soʻzlari “turizm obyektlari” soʻzlari bilan almashtirilsin;

yettinchi xatboshidagi “Jahon Turistik” soʻzlari “Butunjahon Turizm” soʻzlari bilan almashtirilsin;

sakkizinchi , toʻqqizinchi , oʻninchi va oʻn ikkinchi xatboshilardagi “Vazirlik” soʻzi “Qoʻmita” soʻzi bilan almashtirilsin;

oʻn birinchi xatboshidagi “turizm va madaniy meros sohalarini” soʻzlari “turizm sohasini” soʻzlari bilan almashtirilsin;

oʻn uchinchi xatboshi quyidagi tahrirda bayon etilsin:

“Qoʻmita huzuridagi Turizmni rivojlantirish ilmiy-tadqiqot instituti faoliyatini moliyalashtirish”;

oʻn beshinchi xatboshi quyidagi tahrirda bayon etilsin:

“nodavlat notijorat tashkilotlar bilan hamkorlikda amalga oshiriladigan loyihalarni moliyalashtirish, ular faoliyatini ragʻbatlantirish, turizm sohasidagi loyihalarga grantlar ajratish, shuningdek, faoliyati turizm sohasi bilan bevosita bogʻliq boʻlgan jamoat tashkilotlarining xalqaro tashkilotlarga aʼzolik badallarini Turizm qoʻmitasi raisining qarori bilan toʻlab berish”;

oʻn oltinchi xatboshidagi “turizm va madaniy meros sohalaridagi” soʻzlari “turizm sohasidagi” soʻzlari bilan almashtirilsin;

oʻn yettinchi xatboshidagi “Vazirlik” soʻzi “Qoʻmita” soʻzi bilan almashtirilsin;

oʻn sakkizinchi xatboshidagi “Vazirlik huzuridagi “Milliy PR-markaz” DUK, Vazirlikning” soʻzlari “Qoʻmita huzuridagi “Milliy PR-markaz” davlat muassasasi, Qoʻmitaning” soʻzlari bilan almashtirilsin;

yigirmanchi xatboshi chiqarib tashlansin;

yigirma birinchi — yigirma yettinchi xatboshilar tegishlicha yigirmanchi — yigirma oltinchi xatboshilar deb hisoblansin;

yigirmanchi xatboshidagi “10” raqami “5” raqami bilan almashtirilsin;

yigirma birinchi va yigirma oltinchi xatboshilardagi “Vazirlik” soʻzi “Qoʻmita” soʻzi bilan almashtirilsin;

yigirma beshinchi xatboshidagi “turizm va madaniy meros sohalaridagi” soʻzlari “turizm sohasidagi” soʻzlari bilan almashtirilsin;

8-banddagi “Vazir” soʻzi “Turizm qoʻmitasi raisi” soʻzlari bilan almashtirilsin;

quyidagi mazmundagi 3 1 -bob bilan toʻldirilsin:

“ 3 1 -bob. Jamgʻarma kengashi va uning faoliyatini tashkil etish

8 1 . Jamgʻarma kengashi (keyingi oʻrinlarda — Kengash) Vazirlar Mahkamasi tomonidan tuziladi.

8 2 . Kengash:

Jamgʻarmaning rejalashtirilgan loyihalar boʻyicha keyingi yil uchun targʻibot va maqsadli dasturlarga oid xarajatlar smetasini maʼqullaydi;

Jamgʻarmaning yil yakuni boʻyicha targʻibot va maqsadli dasturlarga oid xarajatlari toʻgʻrisidagi hisobotlarini koʻrib chiqadi va tasdiqlaydi;

Jamgʻarma mablagʻlaridan maqsadli va samarali foydalanilishini monitoring qiladi.

Kengash Jamgʻarmaning targʻibot va maqsadli dasturlarga oid xarajatlar smetasiga oʻzgartirishlar kiritishi mumkin.

8 3 . Kengash yigʻilishlari zaruratga koʻra, lekin har chorakda kamida bir marta oʻtkaziladi. Kengash yigʻilishlari shaxsan ishtirok etish, videokonferensaloqa yoki soʻrov shaklida oʻtkaziladi. Kengash kotibi, qoida tariqasida, Kengash yigʻilishidan kamida bir kun oldin Kengash yigʻilishining kun tartibi va barcha tegishli materiallarni Kengash aʼzolariga elektron yoki qogʻoz shaklda yetkazadi.

8 4 . Kengash yigʻilishi unda Kengash aʼzolarining kamida uchdan ikki qismi qatnashganda vakolatli hisoblanadi.

Yigʻilishni oʻtkazish uchun kvorum yoki rais boʻlmaganda, Kengash yigʻilishini oʻtkazishning yangi sanasi eʼlon qilinadi.

8 5 . Kengash qarorlari Kengash yigʻilishi bayonnomasi bilan rasmiylashtiriladi.

Kengash yigʻilishi bayonnomasi Kengash kotibi tomonidan tuziladi, uni yigʻilishda qatnashgan Kengash aʼzolari imzolaydi hamda Kengash raisi tomonidan tasdiqlanadi.

Kengash qarorlari yigʻilishda qatnashayotgan Kengash aʼzolarining koʻpchilik ovozi bilan qabul qilinadi. Ovozlar teng boʻlgan hollarda, Kengash raisi ovozi hal qiluvchi hisoblanadi.

Kengash aʼzolari ovoz berish jarayonida betaraf qolishga haqli emas.

Kengash yigʻilishi bayonnomasidan norozi boʻlgan Kengash aʼzosining yozma fikri Kengash bayonnomasiga ilova qilinadi.

Kengash bayonnomalari Kengash kotibi tomonidan belgilangan tartibda roʻyxatga olinadi va saqlanadi.

8 6 . Jamgʻarma hisobidan moliyalashtiriladigan loyihalarning samaradorligi va natijadorligi moliyalashtirish toʻgʻrisida qaror qabul qilishdan oldin, zaruratga koʻra — loyihani amalga oshirish jarayonida hamda u yakunlangandan soʻng baholanadi.

8 7 . Kengash baholash natijalariga koʻra mablagʻlarning keyingi bosqichini (transhini) ajratish, moliyalashtirish hajmini qisqartirish, loyiha parametrlarini qayta koʻrib chiqish yoki moliyalashtirishni toʻxtatish toʻgʻrisida qaror qabul qilishi mumkin”;

9-banddagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

10-banddagi “Vazir” soʻzi “Turizm qoʻmitasi raisi” soʻzlari bilan almashtirilsin;

11-banddagi “Vazirlik” va “Moliya vazirligiga” soʻzlari tegishlicha “Qoʻmita” va “Iqtisodiyot va moliya vazirligiga” soʻzlari bilan almashtirilsin;

13-banddagi “Vazir” soʻzi “Turizm qoʻmitasi raisi” soʻzlari bilan almashtirilsin;

e) quyidagi mazmundagi 2-ilova bilan toʻldirilsin:

“Vazirlar Mahkamasining 2022-yil 25-avgustdagi 475-son qaroriga 2-ILOVA

Oʻzbekiston Respublikasi Turizm qoʻmitasi huzuridagi budjetdan tashqari Turizmni qoʻllab-quvvatlash jamgʻarmasi kengashi

1. G.O. Umerova — Oʻzbekiston Respublikasi Prezidenti Administratsiyasi Kreativ iqtisodiyot va turizm boʻyicha departamenti boshligʻi, Kengash raisi 2. A.Oʻ. Aqqulov — Turizm qoʻmitasi raisi, Kengash raisi oʻrinbosari 3. B.G. Abdikarimov — Madaniy meros agentligi direktori 4. S.Sh. Tadjiyev — Turizm qoʻmitasi raisi oʻrinbosari 5. S.R. Bobokalonov — Turizm qoʻmitasi raisi oʻrinbosari 6. lavozimi boʻyicha — Turizm qoʻmitasi raisining strategik rejalashtirish boʻyicha maslahatchisi 7. Sh.B. Maxmudov — Turizm qoʻmitasining moliya-iqtisodiy boshqarmasi boshligʻi, Kengash kotibi

j) 3-ilovada :

2-bandda:

ikkinchi xatboshidagi “Turizm va madaniy meros vazirligi” soʻzlari “Turizm qoʻmitasi” soʻzlari bilan almashtirilsin;

oʻninchi xatboshidagi “Turizm va madaniy meros vazirligi (keyingi oʻrinlarda — Vazirlik)” soʻzlari “Turizm qoʻmitasi (keyingi oʻrinlarda — Qoʻmita)” soʻzlari bilan almashtirilsin;

4-bandning oltinchi va yettinchi xatboshilaridagi “Vazirlikka” soʻzi “Qoʻmitaga” soʻzi bilan almashtirilsin;

5-bandning birinchi xatboshisi va 7-banddagi “Vazirlik” soʻzi “Qoʻmita” soʻzi bilan almashtirilsin.

6. Vazirlar Mahkamasining 2023-yil 3-apreldagi 139-son qarori bilan tasdiqlangan Davlat muassasasi va masʼuliyati cheklangan jamiyat sifatida qayta tashkil etiladigan davlat ishtirokidagi korxonalar roʻyxatining 14-pozitsiyasidagi “Ekologiya atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

7. Vazirlar Mahkamasining “Oilaviy mehmon uylari, xostellar, oʻtovli va chodirli oromgohlar faoliyatini tashkil etish, ushbu sohada davlat xizmatlari koʻrsatish tizimini takomillashtirish toʻgʻrisida” 2023-yil 27-noyabrdagi 622-son qarorida :

a) 3 va 4-bandlarning birinchi xatboshilari , 5-bandning ikkinchi va uchinchi xatboshilari hamda 6-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 8-banddagi “ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

v) 2-ilovada :

2-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

2 — 9-ilovalarning matnlaridagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

8. Vazirlar Mahkamasining 2023-yil 30-noyabrdagi 635-son qarori bilan tasdiqlangan Ayrim turdagi malaka sertifikatini berish boʻyicha davlat xizmatlarini koʻrsatishning yagona maʼmuriy reglamentiga 5-ilovaning 3-pozitsiyasi uchinchi ustunidagi “Turizm qoʻmitasi (Madaniy meros obyektlari muammolarini oʻrganish va turizmni rivojlantirish ilmiy tadqiqot instituti)” soʻzlari “Turizm qoʻmitasi huzuridagi Turizmni rivojlantirish ilmiy-tadqiqot instituti” soʻzlari bilan almashtirilsin.

9. Vazirlar Mahkamasining “Davlat oʻrmon fondi yer maydonlaridan foydalanishda ijara munosabatlarini takomillashtirish chora-tadbirlari toʻgʻrisida” 2023-yil 21-dekabrdagi 674-son qarorining 7-bandidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

10. Vazirlar Mahkamasining “Yoshlarni kasbga (mutaxassislikka) va chet tillariga oʻqitish tizimini takomillashtirish chora-tadbirlari toʻgʻrisida” 2024-yil 17-apreldagi 213-son qarorining 8-bandi “a” kichik bandi uchinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

11. Vazirlar Mahkamasining “Surxondaryo viloyatida yangi mehmonxona qurish va uni jihozlash uchun investorlarga Oʻzbekiston Respublikasining Davlat budjetidan subsidiya ajratish tartibi toʻgʻrisidagi vaqtinchalik nizomni tasdiqlash haqida” 2024-yil 18-apreldagi 218-son qarorida :

a) 1-bandning toʻrtinchi xatboshisi “yigʻimlar” soʻzidan keyin “hamda turistik (mehmonxona) yigʻim” soʻzlari bilan toʻldirilsin;

b) ilovada :

5-bandning ikkinchi xatboshisi “yigʻimlar” soʻzidan keyin “hamda turistik (mehmonxona) yigʻim” soʻzlari bilan toʻldirilsin;

7-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

2-ilova nomidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

12. Vazirlar Mahkamasining “Qoraqalpogʻiston Respublikasida mehmonxona xizmatlarini rivojlantirish hamda qulay shart-sharoitlar yaratish chora-tadbirlari toʻgʻrisida” 2024-yil 16-maydagi 287-son qarorida :

a) 2-bandning birinchi xatboshisi va 3-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 4-banddagi “ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

v) ilovaning 1 va 3-bandlaridagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

13. Vazirlar Mahkamasining “Respublika va mahalliy ijro etuvchi hokimiyat organlari hamda xoʻjalik birlashmalari rahbarlari va ularning oʻrinbosarlari faoliyatini eng muhim samaradorlik koʻrsatkichlari asosida baholashni tashkil etish chora-tadbirlari toʻgʻrisida” 2024-yil 31-iyuldagi 463-son qaroriga 1-ilovaning 26-bandidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

14. Vazirlar Mahkamasining “Toʻsiqsiz turizm orqali turizm imkoniyatlarini yanada kengaytirish boʻyicha qulay shart-sharoitlar yaratish chora-tadbirlari toʻgʻrisida” 2024-yil 12-avgustdagi 498-son qarorida :

a) 2-bandning birinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) ilovada :

1-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

2-ilovaning matnidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

15. Vazirlar Mahkamasining “Mehmonxona xoʻjaligi faoliyatini davlat tomonidan qoʻllab-quvvatlash sohasidagi ayrim normativ-huquqiy hujjatlarni tasdiqlash toʻgʻrisida” 2024-yil 7-sentabrdagi 550-son qarorida :

a) 3-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 1-ilovada :

4-bandning ikkinchi xatboshisi “yigʻimlar” soʻzidan keyin “hamda turistik (mehmonxona) yigʻim” soʻzlari bilan toʻldirilsin;

2 va 3-ilovalarning matnlaridagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

v) 3-ilovada :

6-bandning birinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

2-ilovadagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

16. Vazirlar Mahkamasining “Modulli mehmonxonani qurish va jihozlash uchun subsidiya ajratish tartibi toʻgʻrisidagi vaqtinchalik nizomni tasdiqlash haqida” 2024-yil 13-sentabrdagi 572-son qarorida :

a) 3-bandning uchinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) ilovada :

6-bandning ikkinchi xatboshisi “yigʻimlar” soʻzidan keyin “hamda turistik (mehmonxona) yigʻim” soʻzlari bilan toʻldirilsin;

8-banddagi “Ekologiya atrof muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

2-ilovaning matnidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

17. Vazirlar Mahkamasining “Turizmning yangi turlarini joriy qilish hamda mamlakatimizning turistik salohiyatidan samarali foydalanishga oid qoʻshimcha chora-tadbirlar toʻgʻrisida” 2024-yil 18-sentabrdagi 582-son qarorining 2-bandi yettinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

18. Vazirlar Mahkamasining “Oʻzbekiston boʻylab sayohat qil!” ichki turizm yarmarkasini tashkil etish va oʻtkazish chora-tadbirlari toʻgʻrisida” 2024-yil 7-oktabrdagi 646-son qarorida :

a) 4-bandning birinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 10-banddagi “Ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

v) 1-ilovaning 3-bandi birinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

19. Vazirlar Mahkamasining “Tadbirkorlik subyektlarini ragʻbatlantirish va ularning qonuniy ishlashi uchun qoʻshimcha shart-sharoitlar yaratish chora-tadbirlari toʻgʻrisida” 2024-yil 7-noyabrdagi 745-son qarorining 4-bandidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

20. Vazirlar Mahkamasining “Turizm sohasini raqamlashtirish va turistik xizmatlarni yagona platformaga birlashtirish chora-tadbirlari toʻgʻrisida” 2024-yil 7-dekabrdagi 820-son qarorining 3-bandi ikkinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

21. Vazirlar Mahkamasining “Turistik klasterlar faoliyatini tashkil etish boʻyicha chora-tadbirlar toʻgʻrisida” 2024-yil 30-dekabrdagi 915-son qarorida :

a) 3-bandning toʻrtinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) ilovaning 5-bandidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

22. Vazirlar Mahkamasining “Turoperatorlarning xalqaro turizm yarmarkasi va koʻrgazmalaridagi pavilyon ijarasi xarajatlarini qoplab berish tartibi toʻgʻrisidagi nizomni tasdiqlash haqida” 2024-yil 30-dekabrdagi 918-son qarorida :

a) 1-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) ilovaning 1-bandidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

23. Vazirlar Mahkamasining “Tarixiy obyektlar va turizm rivojlanmagan hududlarda mehmonxonalar faoliyatini rivojlantirish chora-tadbirlari toʻgʻrisida” 2024-yil 30-dekabrdagi 919-son qarorida :

a) 3-bandning birinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 4-banddagi “Ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

v) 1-ilovada :

9-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

Nizomga 1-ilovaning “1-bosqich” pozitsiyasi “Tadbirlar” ustunidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

Nizomga 2-ilovaning matnidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

24. Vazirlar Mahkamasining “Xorazm viloyatida yangi mehmonxona qurish va uni jihozlash uchun investorlarga Oʻzbekiston Respublikasining Davlat budjetidan subsidiya ajratish tartibi toʻgʻrisidagi vaqtinchalik nizomni tasdiqlash haqida” 2025-yil 17-apreldagi 233-son qarorida :

a) 3-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 5-banddagi “Ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

v) ilovada :

5-bandning ikkinchi xatboshisi “yigʻimlar” soʻzidan keyin “hamda turistik (mehmonxona) yigʻimi” soʻzlari bilan toʻldirilsin;

7-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

Nizomga 2-ilovaning matnidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

25. Vazirlar Mahkamasining “Budjet tashkilotlari xarajatlarini moliyalashtirish va budjetdan tashqari jamgʻarmalarni shakllantirish tartibini yanada takomillashtirish toʻgʻrisida” 2025-yil 21-maydagi 325-son qaroriga 2-ilovaning 31-pozitsiyasi “Budjetdan tashqari jamgʻarmalar” ustunidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

26. Vazirlar Mahkamasining “Togʻli va choʻl hududlarda turizm xizmatlarini koʻrsatuvchi tadbirkorlik subyektlarini qoʻllab-quvvatlash chora-tadbirlari toʻgʻrisida” 2025-yil 19-iyundagi 383-son qarorida :

a) 2-bandning “b” kichik bandi va 3-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) 1-ilovada :

2-bandning toʻrtinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin”;

Nizomga 2-ilovaning matnidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

27. Vazirlar Mahkamasining “Turizm obyektlari hamda joylashtirish vositalarida atrof-muhitga salbiy taʼsiri kamaytirilgan mahsulotlardan foydalanish va ekologik talablarga muvofiq koʻrsatiladigan xizmatlarni ragʻbatlantirish chora tadbirlari toʻgʻrisida” 2025-yil 24-iyundagi 385-son qarorida :

a) 4-bandda :

“v” kichik banddagi “Ekologiya, atrof-muhitni muhofaza qilish va iqlim oʻzgarishi vaziri” soʻzlari “Turizm qoʻmitasi raisi” soʻzlari bilan almashtirilsin;

“d” kichik banddagi “Ekologiya vazirligi huzuridagi” soʻzlari chiqarib tashlansin;

b) 6-banddagi “Ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov” soʻzlari “Turizm qoʻmitasi raisi A.Oʻ. Aqqulov” soʻzlari bilan almashtirilsin;

v) ilovada :

3-banddagi “Ekologiya, atrof-muhitni muhofaza qilish va iqlim oʻzgarishi vaziri” soʻzlari “Turizm qoʻmitasi raisi” soʻzlari bilan almashtirilsin;

5-banddagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

10-bandda :

ikkinchi xatboshidagi “Ekologiya, atrof-muhitni muhofaza qilish va iqlim oʻzgarishi vaziri” soʻzlari “Turizm qoʻmitasi raisi” soʻzlari bilan almashtirilsin;

uchinchi xatboshidagi “Turizm qoʻmitasi raisi, uning oʻrinbosari va maslahatchisi” soʻzlari “Turizm qoʻmitasi raisi oʻrinbosarlari” soʻzlari bilan almashtirilsin;

26-bandning ikkinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi hamda” soʻzlari chiqarib tashlansin;

Nizomga ilovaning “2-bosqich” pozitsiyasi “Tadbirlar” ustunidagi “Ekologiya, atrof-muhitni muhofaza qilish va iqlim oʻzgarishi huzuridagi” soʻzlari chiqarib tashlansin.

Vazirlar Mahkamasining 2026-yil 16-martdagi 105-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari

1. Vazirlar Mahkamasining “Surxondaryo viloyatida turizm sohasini rivojlantirish chora-tadbirlari toʻgʻrisida” 2018-yil 3-maydagi 324-son qarori .

2. Vazirlar Mahkamasining “Turizm va madaniy meros sohalarida davlat boshqaruvining takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2022-yil 20-maydagi 278-son qaroriga 1-ilovaning 3-bandi .

Oʻzbekiston Respublikasining Bosh vaziri A. ARIPOV

Toshkent sh.,

2026-yil 16-mart,

105 -son

(Qonunchilik maʼlumotlari milliy bazasi, 17.03.2026-y., 09/26/105/0244-son)

lex.uz