📅 2026-yil 17-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 17 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 марта 2026 г. · Постановления Президента
Официальный текст. Официальный документ. Редакционные примечания не включены.
📅 17 March 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
Муборак Рамазон ҳайитини нишонлаш тўғрисида
Мамлакатимизда бу йилги муборак Рамазон ойини муносиб тарзда ўтказиш бўйича кўрилган чора-тадбирлар туфайли жойларда маҳаллий ҳокимликлар ва кенг жамоатчилик вакиллари иштирокида кам таъминланган оилаларни қўллаб-қувватлаш, кекса ва ногирон инсонларга ғамхўрлик кўрсатиш, ифторлик маросимлари ҳамда хайрия тадбирларини ихчам ва тартибли ташкил этишга қаратилган кенг кўламли ишлар амалга оширилмоқда. Буларнинг барчаси Янги Ўзбекистонда аҳоли турмуш даражасини ошириш, инсон қадрини юксалтириш, жамиятда тинчлик, дўстлик, ўзаро ҳурмат, саховат, бағрикенглик ва ҳамжиҳатлик муҳитини мустаҳкамлашга хизмат қилаётганини таъкидлаш лозим.
Ана шундай эзгу ва савоб ишларни изчил давом эттирган ҳолда, муқаддас Рамазон ҳайитини ҳар томонлама муносиб кутиб олиш, унинг инсонпарварлик моҳиятини кенг тарғиб этиш мақсадида қарор қиламан:
1. Жорий йилда Рамазон ҳайитининг биринчи куни 20 март — жума кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилиниб, мамлакатимизда 2026 йил 20 март куни Рамазон ҳайити байрами сифатида кенг нишонлансин.
2. Қуйидагилар:
(а) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Ўзбекистон маҳаллалари уюшмаси, Ижтимоий ҳимоя миллий агентлиги ва бошқа ҳамкор ташкилотлар билан биргаликда Рамазон ҳайитини ҳудудларда халқимизнинг миллий анъана ва урф-одатларига ҳамда Наврўз умумхалқ байрамига уйғун ҳолда кўтаринки руҳда нишонлаш, байрам кунларида аҳоли ўртасида меҳр-оқибат, ҳамжиҳатлик ва бағрикенглик муҳитини янада мустаҳкамлашга қаратилган маданий-маърифий ҳамда хайрия тадбирларини ташкил этиш бўйича тегишли чора-тадбирларни амалга оширсин;
(б) Туризм қўмитаси Транспорт вазирлиги билан биргаликда юртдошларимиз учун Рамазон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратсин.
3. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилсин.
4. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 17 март,
ПҚ- 106 -сон
OʻZBEKISTON RESPUBLIKASI PREZIDENTINING
QARORI
Muborak Ramazon hayitini nishonlash toʻgʻrisida
Mamlakatimizda bu yilgi muborak Ramazon oyini munosib tarzda oʻtkazish boʻyicha koʻrilgan chora-tadbirlar tufayli joylarda mahalliy hokimliklar va keng jamoatchilik vakillari ishtirokida kam taʼminlangan oilalarni qoʻllab-quvvatlash, keksa va nogiron insonlarga gʻamxoʻrlik koʻrsatish, iftorlik marosimlari hamda xayriya tadbirlarini ixcham va tartibli tashkil etishga qaratilgan keng koʻlamli ishlar amalga oshirilmoqda. Bularning barchasi Yangi Oʻzbekistonda aholi turmush darajasini oshirish, inson qadrini yuksaltirish, jamiyatda tinchlik, doʻstlik, oʻzaro hurmat, saxovat, bagʻrikenglik va hamjihatlik muhitini mustahkamlashga xizmat qilayotganini taʼkidlash lozim.
Ana shunday ezgu va savob ishlarni izchil davom ettirgan holda, muqaddas Ramazon hayitini har tomonlama munosib kutib olish, uning insonparvarlik mohiyatini keng targʻib etish maqsadida qaror qilaman:
1. Joriy yilda Ramazon hayitining birinchi kuni 20-mart — juma kuniga toʻgʻri kelishi haqidagi Oʻzbekiston musulmonlari idorasining axboroti maʼlumot uchun qabul qilinib, mamlakatimizda 2026-yil 20-mart kuni Ramazon hayiti bayrami sifatida keng nishonlansin.
2. Quyidagilar:
(a) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Oʻzbekiston mahallalari uyushmasi, Ijtimoiy himoya milliy agentligi va boshqa hamkor tashkilotlar bilan birgalikda Ramazon hayitini hududlarda xalqimizning milliy anʼana va urf-odatlariga hamda Navroʻz umumxalq bayramiga uygʻun holda koʻtarinki ruhda nishonlash, bayram kunlarida aholi oʻrtasida mehr-oqibat, hamjihatlik va bagʻrikenglik muhitini yanada mustahkamlashga qaratilgan madaniy-maʼrifiy hamda xayriya tadbirlarini tashkil etish boʻyicha tegishli chora-tadbirlarni amalga oshirsin;
(b) Turizm qoʻmitasi Transport vazirligi bilan birgalikda yurtdoshlarimiz uchun Ramazon hayiti kunlarida moʻtabar ziyoratgohlar va tarixiy qadamjolarga ziyoratlarni tashkil etish maqsadida qulay sharoit va imkoniyatlar yaratsin.
3. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bogʻliq tadbirlarni keng yoritish tavsiya etilsin.
4. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 17-mart,
PQ- 106 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О праздновании священного Рамазан хайита
Благодаря принятым мерам по достойному проведению священного месяца Рамазан в этом году в стране с участием местных хокимиятов и представителей широкой общественности проводится широкомасштабная работа, направленная на поддержку малообеспеченных семей, оказание заботы пожилым и лицам с инвалидностью, организацию ифтаров и благотворительных мероприятий компактно и организованно. Следует отметить, что все это служит повышению уровня жизни населения, возвеличиванию чести и достоинства человека в Новом Узбекистане, укреплению в обществе атмосферы мира, дружбы, взаимного уважения, щедрости, толерантности и согласия.
В целях последовательного продолжения таких благородных и благих дел, всесторонне достойной встречи священного Рамазан хайита, широкой пропаганды его гуманистической сути постановляю:
1. Принять к сведению информацию Управления мусульман Узбекистана о совпадении в текущем году первого дня Рамазан хайита с 20 марта — пятницей, широко отметить 20 марта 2026 года в нашей стране в качестве праздника Рамазан хайит.
2. Нижеследующее:
(а) Совету Министров Республики Каракалпакстан, хокимиятам областей и города Ташкента совместно с Комитетом по делам религий, Ассоциацией махаллей Узбекистана, Национальным агентством социальной защиты и другими организациями-партнерами осуществить в регионах соответствующие меры по празднованию в приподнятом настроении Рамазан хайита в созвучии с национальными традициями и обычаями нашего народа и с всенародным праздником Навруз, а также организации в праздничные дни культурно-просветительских и благотворительных мероприятий, направленных на дальнейшее укрепление среди населения атмосферы доброты, милосердия, великодушия и сплоченности;
(б) Комитету по туризму совместно с Министерством транспорта создать благоприятные условия и возможности в целях организации посещения священных мест паломничества и исторических святынь для наших соотечественников в дни Рамазан хайита.
3. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Рамазан хайита.
4. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
17 марта 2026 г.,
№ ПП- 106