📅 2026-yil 2-mart · Vazirlik va idoralar hujjatlari · Favqulodda vaziyatlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 2 март · Вазирлик ва идоралар ҳужжатлари · Фавқулодда вазиятлар вазири
Расмий матн. Расмий ҳужжат. Таҳририй изоҳлар киритилмаган.
📅 2 марта 2026 г. · Документы министерств и ведомств · Министр по чрезвычайным ситуациям
Официальный текст. Официальный документ. Редакционные примечания не включены.
📅 2 March 2026 · Ministry and agency documents · Favqulodda vaziyatlar vaziri
Official text. Official document. Editorial notes are not included.
Ўзбекистон Республикаси Фавқулодда вазиятлар вазирининг
буйруғи
Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага ўзгартиришлар киритиш ҳақида
Ўзбекистон Республикасининг 2025 йил 30 декабрдаги ЎРҚ-1109-сон «Маҳаллий давлат ҳокимияти органлари фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонуни , Ўзбекистон Республикаси Президентининг 2025 йил 14 апрелдаги ПФ-66-сон «Қурилиш ва уй-жой коммунал хўжалиги соҳасида давлат назоратини самарали ташкил қилиш чора-тадбирлари тўғрисида»ги Фармони ва 2025 йил 20 октябрдаги ПҚ-310-сон «Фавқулодда вазиятлар органлари фаолиятини янада такомиллаштиришга доир ташкилий чора-тадбирлар тўғрисида»ги қарори , Ўзбекистон Республикаси Вазирлар Маҳкамасининг 2025 йил 22 октябрдаги 666-сон «Ўзбекистон Республикаси Ҳукуматининг айрим қарорларига қурилиш соҳасидаги норматив-ҳуқуқий ҳужжатларни такомиллаштиришга қаратилган ўзгартириш ва қўшимчалар киритиш тўғрисида»ги қарорига мувофиқ буюраман:
1. Ўзбекистон Республикаси ички ишлар вазирининг 2018 йил 28 октябрдаги 228-сон буйруғи (рўйхат рақами 3097, 2018 йил 11 декабрь) (Қонун ҳужжатлари маълумотлари миллий базаси, 12.12.2018 й., 10/18/3097/2314-сон) билан тасдиқланган Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Фавқулодда вазиятлар вазирининг 2026 йил 2 мартдаги 46-сон буйруғига ИЛОВА
Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага киритилаётган ўзгартиришлар
1. 3-банднинг учинчи хатбошисидаги «ва Тошкент шаҳар фавқулодда вазиятлар бошқармалари» деган сўзлар «фавқулодда вазиятлар бошқармалари, Тошкент шаҳар ва Тошкент вилояти фавқулодда вазиятлар бош бошқармалари» деган сўзлар билан алмаштирилсин.
2. 54 1 -банддаги «Лойиҳа-смета ҳужжатларини» деган сўзлар «Лойиҳа-смета ҳужжатларининг архитектура қисмини» деган сўзлар билан алмаштирилсин.
3. 60-банднинг олтинчи хатбошисидаги «қурилиш-монтаж ишлари тугалланган объектдан» деган сўзлар «қурилиши тугалланган объектни топшириш-қабул қилиш ва» деган сўзлар билан алмаштирилсин.
4. 62-банддаги «Қурилиш ва уй-жой коммунал хўжалиги вазирлиги» деган сўзлар «Вазирлар Маҳкамаси» деган сўзлар билан алмаштирилсин.
5. 64-бандда:
биринчи хатбошидаги «Қурилиш ишлари тугалланган объектларни» деган сўзлар «Қурилиши тугалланган объектларни» деган сўзлар билан алмаштирилсин;
иккинчи хатбошидаги «Қурилиш ишлари тугалланган объектнинг» деган сўзлар «Қурилиши тугалланган объектнинг» деган сўзлар билан алмаштирилсин.
6. 65-банддаги «қурилиш ишлари тугалланган объектни» деган сўзлар «қурилиши тугалланган объектни» деган сўзлар билан алмаштирилсин.
7. 66-банддаги «ШНҚ 3.01.04 «Қурилиш ишлари тугалланган объектларни фойдаланишга қабул қилиш» деган сўзлар «ШНҚ 3.01.04 «Қурилиши тугалланган объектларни фойдаланишга қабул қилиш» деган сўзлар билан алмаштирилсин.
8. 70-бандда:
биринчи хатбошидаги «Қурилиш ишлари тугалланган объектни ДЁН органи вакили уч иш куни» деган сўзлар «Қурилиши тугалланган объектни ДЁН органи вакили ўн иш куни» деган сўзлар билан алмаштирилсин;
иккинчи хатбошидаги «аниқ асосларини» деган сўзлар «уларни кўриб чиқишни рад этишнинг аниқ асосларини ва қонунчилик ҳужжатлари нормаларини» деган сўзлар билан алмаштирилсин.
9. 72-банд қуйидаги таҳрирда баён этилсин:
«72. Қурилиши тугалланганидан сўнг, давлат сирлари ёки қонун билан қўриқланадиган бошқа сирлар билан боғлиқ қурилиши тугалланган объектлар, шунингдек давлат аҳамиятига эга объектларда фойдаланишга қабул қилиш комиссияси далолатномаларида ДЁН инспекторининг имзосисиз ёки Ўзбекистон Республикаси Вазирлар Маҳкамасининг 2022 йил 20 апрелдаги 200-сон қарори билан тасдиқланган Қурилиши тугалланган объектни топшириш-қабул қилиш ва фойдаланиш учун рухсатнома бериш бўйича давлат хизматларини кўрсатишнинг маъмурий регламентида назарда тутилган объектларда ҚР-кодли хулосасисиз фаолият кўрсатилаётганлиги аниқланганда, бу тўғрисида зудлик билан маҳаллий ижро этувчи ҳокимият органлари, архитектура ва қурилиш органлари ҳамда ҳудудий назорат инспекцияси хабардор қилинади.».
10. 131-банддаги «маҳаллий давлат ҳокимияти органларидаги» деган сўзлар «маҳаллий ижро этувчи ҳокимият органларидаги» деган сўзлар билан алмаштирилсин.
Вазир А. ИКРАМОВ
Тошкент ш.,
2026 йил 2 март,
46 -сон
Oʻzbekiston Respublikasi Favqulodda vaziyatlar vazirining
buyrugʻi
Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga oʻzgartirishlar kiritish haqida
Oʻzbekiston Respublikasining 2025-yil 30-dekabrdagi OʻRQ-1109-son “Mahalliy davlat hokimiyati organlari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuni , Oʻzbekiston Respublikasi Prezidentining 2025-yil 14-apreldagi PF-66-son “Qurilish va uy-joy kommunal xoʻjaligi sohasida davlat nazoratini samarali tashkil qilish chora-tadbirlari toʻgʻrisida”gi Farmoni va 2025-yil 20-oktabrdagi PQ-310-son “Favqulodda vaziyatlar organlari faoliyatini yanada takomillashtirishga doir tashkiliy chora-tadbirlar toʻgʻrisida”gi qarori , Oʻzbekiston Respublikasi Vazirlar Mahkamasining 2025-yil 22-oktabrdagi 666-son “Oʻzbekiston Respublikasi Hukumatining ayrim qarorlariga qurilish sohasidagi normativ-huquqiy hujjatlarni takomillashtirishga qaratilgan oʻzgartirish va qoʻshimchalar kiritish toʻgʻrisida”gi qaroriga muvofiq buyuraman:
1. Oʻzbekiston Respublikasi ichki ishlar vazirining 2018-yil 28-oktabrdagi 228-son buyrugʻi (roʻyxat raqami 3097, 2018-yil 11-dekabr) (Qonun hujjatlari maʼlumotlari milliy bazasi, 12.12.2018-y., 10/18/3097/2314-son) bilan tasdiqlangan Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Favqulodda vaziyatlar vazirining 2026 yil 2-martdagi 46-son buyrugʻiga ILOVA
Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga kiritilayotgan oʻzgartirishlar
1. 3-bandning uchinchi xatboshisidagi “va Toshkent shahar favqulodda vaziyatlar boshqarmalari” degan soʻzlar “favqulodda vaziyatlar boshqarmalari, Toshkent shahar va Toshkent viloyati favqulodda vaziyatlar bosh boshqarmalari” degan soʻzlar bilan almashtirilsin.
2. 54 1 -banddagi “Loyiha-smeta hujjatlarini” degan soʻzlar “Loyiha-smeta hujjatlarining arxitektura qismini” degan soʻzlar bilan almashtirilsin.
3. 60-bandning oltinchi xatboshisidagi “qurilish-montaj ishlari tugallangan obyektdan” degan soʻzlar “qurilishi tugallangan obyektni topshirish-qabul qilish va” degan soʻzlar bilan almashtirilsin.
4. 62-banddagi “Qurilish va uy-joy kommunal xoʻjaligi vazirligi” degan soʻzlar “Vazirlar Mahkamasi” degan soʻzlar bilan almashtirilsin.
5. 64-bandda:
birinchi xatboshidagi “Qurilish ishlari tugallangan obyektlarni” degan soʻzlar “Qurilishi tugallangan obyektlarni” degan soʻzlar bilan almashtirilsin;
ikkinchi xatboshidagi “Qurilish ishlari tugallangan obyektning” degan soʻzlar “Qurilishi tugallangan obyektning” degan soʻzlar bilan almashtirilsin.
6. 65-banddagi “qurilish ishlari tugallangan obyektni” degan soʻzlar “qurilishi tugallangan obyektni” degan soʻzlar bilan almashtirilsin.
7. 66-banddagi “ShNQ 3.01.04 “Qurilish ishlari tugallangan obyektlarni foydalanishga qabul qilish” degan soʻzlar “ShNQ 3.01.04 “Qurilishi tugallangan obyektlarni foydalanishga qabul qilish” degan soʻzlar bilan almashtirilsin.
8. 70-bandda:
birinchi xatboshidagi “Qurilish ishlari tugallangan obyektni DYON organi vakili uch ish kuni” degan soʻzlar “Qurilishi tugallangan obyektni DYON organi vakili oʻn ish kuni” degan soʻzlar bilan almashtirilsin;
ikkinchi xatboshidagi “aniq asoslarini” degan soʻzlar “ularni koʻrib chiqishni rad etishning aniq asoslarini va qonunchilik hujjatlari normalarini” degan soʻzlar bilan almashtirilsin.
9. 72-band quyidagi tahrirda bayon etilsin:
“72. Qurilishi tugallanganidan soʻng, davlat sirlari yoki qonun bilan qoʻriqlanadigan boshqa sirlar bilan bogʻliq qurilishi tugallangan obyektlar, shuningdek davlat ahamiyatiga ega obyektlarda foydalanishga qabul qilish komissiyasi dalolatnomalarida DYON inspektorining imzosisiz yoki Oʻzbekiston Respublikasi Vazirlar Mahkamasining 2022-yil 20-apreldagi 200-son qarori bilan tasdiqlangan Qurilishi tugallangan obyektni topshirish-qabul qilish va foydalanish uchun ruxsatnoma berish boʻyicha davlat xizmatlarini koʻrsatishning maʼmuriy reglamentida nazarda tutilgan obyektlarda QR-kodli xulosasisiz faoliyat koʻrsatilayotganligi aniqlanganda, bu toʻgʻrisida zudlik bilan mahalliy ijro etuvchi hokimiyat organlari, arxitektura va qurilish organlari hamda hududiy nazorat inspeksiyasi xabardor qilinadi.”.
10. 131-banddagi “mahalliy davlat hokimiyati organlaridagi” degan soʻzlar “mahalliy ijro etuvchi hokimiyat organlaridagi” degan soʻzlar bilan almashtirilsin.
Vazir A. IKRAMOV
Toshkent sh.,
2026-yil 2-mart,
46 -son