UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

қарори

Жазони ижро этиш муассасаларидаги ёшларни замонавий касбларга ўқитишга оид чора-тадбирлар тўғрисида

Жазони ижро этиш муассасаларидаги ёш маҳкумларни замонавий рақамли касбларга ўқитиш, озодликка чиққанидан сўнг жамиятда ўз ўрнини топишга ёрдам бериш, бандлигини таъминлаш, келгусида такроран жиноят содир этишларининг олдини олиш ҳамда жамиятга муваффақиятли интеграция қилиш мақсадида қарор қиламан:

I. Асосий мақсадлар

1. Қуйидагилар жазони ижро этиш муассасаларида озодликдан маҳрум қилиш тариқасидаги жазони ўтаётган 18 — 30 ёшдаги маҳкумларни (кейинги ўринларда — жазони ўтаётган ёшлар) замонавий рақамли касбларга ўқитишнинг асосий мақсадлари этиб белгилансин:

(а) жазони ўтаётган ёшларни ўз дунёқарашига эга бўлган ва мустақил фикрлайдиган шахс сифатида шакллантириш;

(б) тасдиқланган ўқув дастурлари доирасида жазони ўтаётган ёшлар сифатли билим олиши ва замонавий рақамли касбларга эга бўлишини таъминлаш;

(в) жазони ўтаётган ёшлар замонавий рақамли касбларни эгаллаши учун уларни зарур даражада хорижий тилларга (инглиз, рус, хитой ва бошқалар) ўқитиш;

(г) жазони ўтаётган ёшлар жазодан озод этилганидан сўнг уларни жамиятга интеграция қилиш мақсадида меҳнат бозорида талаб этиладиган касбларни эгаллаши учун уларда меҳнат қилиш кўникмаларини шакллантириш ва мустаҳкамлаш;

(д) жазони ўтаётган ёшларни касбга йўналтириш орқали индивидуал ривожлантириш, уларда жамоада ишлаш ва мулоқот маданиятини шакллантириш ва ривожлантириш.

II. Устувор чора-тадбирлар

2. Ички ишлар вазирлиги, Рақамли технологиялар вазирлиги, Касбий таълим агентлиги ва Ёшлар ишлари агентлигининг жазони ўтаётган ёшларни замонавий касбларга ўқитишга қаратилган «Иккинчи имкон» ижтимоий реабилитация миллий лойиҳаси (кейинги ўринларда — Лойиҳа)ни амалга ошириш тўғрисидаги таклифи маъқуллансин.

3. Белгилансинки, Лойиҳа доирасида дастлабки босқичда 2026 йил 1 июндан бошлаб Тошкент, Навоий ва Қашқадарё вилоятларидаги, 2027 йил 1 мартдан бошлаб республиканинг бошқа ҳудудларидаги жазони ижро этиш муассасаларида озодликдан маҳрум қилиш тариқасидаги жазони ўтаётган ёшларни замонавий рақамли касбларга ўқитиш (кейинги ўринларда — ўқув курслари) тизими йўлга қўйилади. Бунда:

(а) ўқув курслари 8 — 12 ойлик интенсив ўқув дастурлари асосида жазони ижро этиш муассасаларида ташкил этилади;

(б) ўқув курсларига ижтимоий хавфи катта бўлмаган, унча оғир бўлмаган ва оғир жиноятларни содир этган жазони ўтаётган ёшлар жалб қилинади, бундан ахборот технологиялари ёрдамида жиноят содир этган шахслар мустасно;

(в) ўқув курсларига жалб қилинганлар хорижий тилларни (инглиз, рус, хитой ва бошқалар) ўрганиш бўйича ягона интенсив дастурлар асосида ҳам ўқитилади;

(г) ўқув курслари жазони ўтаётган ёшларнинг қизиқишлари ва истеъдодидан келиб чиққан ҳолда гуруҳларда ташкил этилади;

(д) жазони ўтаётган ёшларнинг қизиқишлари ва истеъдоди Рақамли технологиялар вазирлиги, Касбий таълим агентлиги, Ёшлар ишлари агентлиги вакиллари ҳамда соҳанинг бошқа мутахассисларидан иборат таркибда тузиладиган ишчи гуруҳнинг ўрганишлари натижасида аниқланади;

(ж) ўқув курслари якуни бўйича тегишли дастурларни ўзлаштирган жазони ўтаётган ёшларга электрон шаклдаги сертификатлар берилади.

4. Лойиҳа доирасида жалб этиладиган мутахассислар ва педагог ходимларнинг меҳнатига ҳақ тўлаш, ўқув хоналарини компьютер жиҳозлари, электрон доскалар, мебель, инвентарь ва бошқа ускуналар билан жиҳозлаш, ўқув дастурлари бўйича кутубхона фондларини зарур ўқув-услубий адабиётлар билан таъминлаш билан боғлиқ барча харажатларни ўз маблағлари ҳисобидан амалга ошириш тўғрисидаги «Unicon-Soft» МЧЖнинг ташаббуси қўллаб-қувватлансин.

5. Белгилаб қўйилсинки:

(а) ўқув курсларида интернет тармоғига уланиш ҳамда фойдаланиш билан боғлиқ харажатлар Рақамли технологиялар вазирлиги ҳузуридаги Рақамли технологияларни ривожлантириш жамғармасидан ажратиладиган маблағлар ҳисобидан;

(б) ўқув курслари биноларини сақлаш (коммунал хизматлар, жорий таъмирлаш ва бошқа харажатлар) билан боғлиқ харажатлар жазони ижро этиш муассасаларининг бюджет ва бюджетдан ташқари маблағлари ҳамда қонунчиликда тақиқланмаган бошқа манбалар ҳисобидан молиялаштирилади.

6. Ички ишлар вазирлиги қуйидагиларга масъул этиб белгилансин:

(а) сертификатларга эга бўлган иқтидорли ёшларни эгаллаган касблари бўйича жазони ижро этиш муассасаси ва буюртмачилар ўртасида тузиладиган шартномалар асосида хизматлар кўрсатишга жалб қилиш чораларини кўриб бориш;

(б) Камбағалликни қисқартириш ва бандлик вазирлиги ва «Unicon-Soft» МЧЖ билан биргаликда сертификатларга эга бўлган иқтидорли ёшларни жазони ижро этиш муассасаларидан озод этилганидан сўнг иш билан таъминлашга кўмаклашиб бориш.

III. Ташкилий чора-тадбирлар

7. Рақамли технологиялар вазирлиги:

(а) Ички ишлар вазирлиги ва бошқа манфаатдор идоралар билан биргаликда ўқув курсларини ташкил этиш учун хавфсиз интернет муҳити ва махсус локал таълим платформаларидан фойдаланилишини ҳамда бошқа ахборот хавфсизлигига оид чора-тадбирлар амалга оширилишини белгиланган тартибда таъминласин;

(б) Касбий таълим агентлиги, Ички ишлар вазирлиги билан биргаликда икки ой муддатда ўқув курсларида ўқитиладиган касбларнинг рўйхати ва ўқув курсларининг ўқув дастурларини ишлаб чиқсин ва тасдиқласин.

8. Ички ишлар вазирлиги:

(а) ўн кун муддатда ўқув курсларини ташкил этиш учун жазони ижро этиш муассасаларидан санитария қоидалари, нормалари ва гигиена нормативлари, стандартларга мос бинолар (хоналар) ажратилишини таъминласин;

(б) 2026 йил 1 майга қадар «Unicon-Soft» МЧЖга жазони ижро этиш муассасаларининг ўқув курслари ўтказиладиган бино (хона)ларини тайёрлаш билан боғлиқ барча тадбирлар амалга оширилишини таъминласин ҳамда келгусида ўқув курсларини ўтказиш билан боғлиқ масалаларда ҳар томонлама кўмаклашиб борсин;

(в) Ижтимоий ҳимоя миллий агентлиги ҳамда Камбағалликни қисқартириш ва бандлик вазирлиги билан биргаликда уч ой муддатда жазони ижро этиш муассасаларидан озод этилган ёлғиз ёшларни жамиятга муваффақиятли интеграция қилишни таъминлаш мақсадида уларнинг ижтимоий муаммоларини, шу жумладан, уй-жойга бўлган эҳтиёжларини ўргансин ҳамда вақтинчалик уй-жой билан таъминлаш бўйича таклифларни Вазирлар Маҳкамасига киритсин;

(г) Адлия вазирлиги ҳамда бошқа манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

IV. Қарор ижросини ташкил этиш, таъминлаш ва назорат

9. Мазкур қарор ижросини самарали ташкил қилишга масъул ва шахсан жавобгар этиб ички ишлар вазири А.А. Ташпулатов белгилансин.

10. Қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси департамент бошлиғи Д.Б. Кадиров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 27 март,

ПҚ- 117 -сон

(Қонунчилик маълумотлари миллий базаси, 28.03.2026 й., 07/26/117/0284-сон)

lex.uz

OʻZBEKISTON RESPUBLIKASI PREZIDENTINING

qarori

Jazoni ijro etish muassasalaridagi yoshlarni zamonaviy kasblarga oʻqitishga oid chora-tadbirlar toʻgʻrisida

Jazoni ijro etish muassasalaridagi yosh mahkumlarni zamonaviy raqamli kasblarga oʻqitish, ozodlikka chiqqanidan soʻng jamiyatda oʻz oʻrnini topishga yordam berish, bandligini taʼminlash, kelgusida takroran jinoyat sodir etishlarining oldini olish hamda jamiyatga muvaffaqiyatli integratsiya qilish maqsadida qaror qilaman:

I. Asosiy maqsadlar

1. Quyidagilar jazoni ijro etish muassasalarida ozodlikdan mahrum qilish tariqasidagi jazoni oʻtayotgan 18 — 30 yoshdagi mahkumlarni (keyingi oʻrinlarda — jazoni oʻtayotgan yoshlar) zamonaviy raqamli kasblarga oʻqitishning asosiy maqsadlari etib belgilansin:

(a) jazoni oʻtayotgan yoshlarni oʻz dunyoqarashiga ega boʻlgan va mustaqil fikrlaydigan shaxs sifatida shakllantirish;

(b) tasdiqlangan oʻquv dasturlari doirasida jazoni oʻtayotgan yoshlar sifatli bilim olishi va zamonaviy raqamli kasblarga ega boʻlishini taʼminlash;

(v) jazoni oʻtayotgan yoshlar zamonaviy raqamli kasblarni egallashi uchun ularni zarur darajada xorijiy tillarga (ingliz, rus, xitoy va boshqalar) oʻqitish;

(g) jazoni oʻtayotgan yoshlar jazodan ozod etilganidan soʻng ularni jamiyatga integratsiya qilish maqsadida mehnat bozorida talab etiladigan kasblarni egallashi uchun ularda mehnat qilish koʻnikmalarini shakllantirish va mustahkamlash;

(d) jazoni oʻtayotgan yoshlarni kasbga yoʻnaltirish orqali individual rivojlantirish, ularda jamoada ishlash va muloqot madaniyatini shakllantirish va rivojlantirish.

II. Ustuvor chora-tadbirlar

2. Ichki ishlar vazirligi, Raqamli texnologiyalar vazirligi, Kasbiy taʼlim agentligi va Yoshlar ishlari agentligining jazoni oʻtayotgan yoshlarni zamonaviy kasblarga oʻqitishga qaratilgan “Ikkinchi imkon” ijtimoiy reabilitatsiya milliy loyihasi (keyingi oʻrinlarda — Loyiha)ni amalga oshirish toʻgʻrisidagi taklifi maʼqullansin.

3. Belgilansinki, Loyiha doirasida dastlabki bosqichda 2026-yil 1-iyundan boshlab Toshkent, Navoiy va Qashqadaryo viloyatlaridagi, 2027-yil 1-martdan boshlab respublikaning boshqa hududlaridagi jazoni ijro etish muassasalarida ozodlikdan mahrum qilish tariqasidagi jazoni oʻtayotgan yoshlarni zamonaviy raqamli kasblarga oʻqitish (keyingi oʻrinlarda — oʻquv kurslari) tizimi yoʻlga qoʻyiladi. Bunda:

(a) oʻquv kurslari 8 — 12 oylik intensiv oʻquv dasturlari asosida jazoni ijro etish muassasalarida tashkil etiladi;

(b) oʻquv kurslariga ijtimoiy xavfi katta boʻlmagan, uncha ogʻir boʻlmagan va ogʻir jinoyatlarni sodir etgan jazoni oʻtayotgan yoshlar jalb qilinadi, bundan axborot texnologiyalari yordamida jinoyat sodir etgan shaxslar mustasno;

(v) oʻquv kurslariga jalb qilinganlar xorijiy tillarni (ingliz, rus, xitoy va boshqalar) oʻrganish boʻyicha yagona intensiv dasturlar asosida ham oʻqitiladi;

(g) oʻquv kurslari jazoni oʻtayotgan yoshlarning qiziqishlari va isteʼdodidan kelib chiqqan holda guruhlarda tashkil etiladi;

(d) jazoni oʻtayotgan yoshlarning qiziqishlari va isteʼdodi Raqamli texnologiyalar vazirligi, Kasbiy taʼlim agentligi, Yoshlar ishlari agentligi vakillari hamda sohaning boshqa mutaxassislaridan iborat tarkibda tuziladigan ishchi guruhning oʻrganishlari natijasida aniqlanadi;

(j) oʻquv kurslari yakuni boʻyicha tegishli dasturlarni oʻzlashtirgan jazoni oʻtayotgan yoshlarga elektron shakldagi sertifikatlar beriladi.

4. Loyiha doirasida jalb etiladigan mutaxassislar va pedagog xodimlarning mehnatiga haq toʻlash, oʻquv xonalarini kompyuter jihozlari, elektron doskalar, mebel, inventar va boshqa uskunalar bilan jihozlash, oʻquv dasturlari boʻyicha kutubxona fondlarini zarur oʻquv-uslubiy adabiyotlar bilan taʼminlash bilan bogʻliq barcha xarajatlarni oʻz mablagʻlari hisobidan amalga oshirish toʻgʻrisidagi “Unicon-Soft” MCHJning tashabbusi qoʻllab-quvvatlansin.

5. Belgilab qoʻyilsinki:

(a) oʻquv kurslarida internet tarmogʻiga ulanish hamda foydalanish bilan bogʻliq xarajatlar Raqamli texnologiyalar vazirligi huzuridagi Raqamli texnologiyalarni rivojlantirish jamgʻarmasidan ajratiladigan mablagʻlar hisobidan;

(b) oʻquv kurslari binolarini saqlash (kommunal xizmatlar, joriy taʼmirlash va boshqa xarajatlar) bilan bogʻliq xarajatlar jazoni ijro etish muassasalarining budjet va budjetdan tashqari mablagʻlari hamda qonunchilikda taqiqlanmagan boshqa manbalar hisobidan moliyalashtiriladi.

6. Ichki ishlar vazirligi quyidagilarga masʼul etib belgilansin:

(a) sertifikatlarga ega boʻlgan iqtidorli yoshlarni egallagan kasblari boʻyicha jazoni ijro etish muassasasi va buyurtmachilar oʻrtasida tuziladigan shartnomalar asosida xizmatlar koʻrsatishga jalb qilish choralarini koʻrib borish;

(b) Kambagʻallikni qisqartirish va bandlik vazirligi va “Unicon-Soft” MCHJ bilan birgalikda sertifikatlarga ega boʻlgan iqtidorli yoshlarni jazoni ijro etish muassasalaridan ozod etilganidan soʻng ish bilan taʼminlashga koʻmaklashib borish.

III. Tashkiliy chora-tadbirlar

7. Raqamli texnologiyalar vazirligi:

(a) Ichki ishlar vazirligi va boshqa manfaatdor idoralar bilan birgalikda oʻquv kurslarini tashkil etish uchun xavfsiz internet muhiti va maxsus lokal taʼlim platformalaridan foydalanilishini hamda boshqa axborot xavfsizligiga oid chora-tadbirlar amalga oshirilishini belgilangan tartibda taʼminlasin;

(b) Kasbiy taʼlim agentligi, Ichki ishlar vazirligi bilan birgalikda ikki oy muddatda oʻquv kurslarida oʻqitiladigan kasblarning roʻyxati va oʻquv kurslarining oʻquv dasturlarini ishlab chiqsin va tasdiqlasin.

8. Ichki ishlar vazirligi:

(a) oʻn kun muddatda oʻquv kurslarini tashkil etish uchun jazoni ijro etish muassasalaridan sanitariya qoidalari, normalari va gigiyena normativlari, standartlarga mos binolar (xonalar) ajratilishini taʼminlasin;

(b) 2026-yil 1-mayga qadar “Unicon-Soft” MCHJga jazoni ijro etish muassasalarining oʻquv kurslari oʻtkaziladigan bino (xona)larini tayyorlash bilan bogʻliq barcha tadbirlar amalga oshirilishini taʼminlasin hamda kelgusida oʻquv kurslarini oʻtkazish bilan bogʻliq masalalarda har tomonlama koʻmaklashib borsin;

(v) Ijtimoiy himoya milliy agentligi hamda Kambagʻallikni qisqartirish va bandlik vazirligi bilan birgalikda uch oy muddatda jazoni ijro etish muassasalaridan ozod etilgan yolgʻiz yoshlarni jamiyatga muvaffaqiyatli integratsiya qilishni taʼminlash maqsadida ularning ijtimoiy muammolarini, shu jumladan, uy-joyga boʻlgan ehtiyojlarini oʻrgansin hamda vaqtinchalik uy-joy bilan taʼminlash boʻyicha takliflarni Vazirlar Mahkamasiga kiritsin;

(g) Adliya vazirligi hamda boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

IV. Qaror ijrosini tashkil etish, taʼminlash va nazorat

9. Mazkur qaror ijrosini samarali tashkil qilishga masʼul va shaxsan javobgar etib ichki ishlar vaziri A.A. Tashpulatov belgilansin.

10. Qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departament boshligʻi D.B. Kadirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 27-mart,

PQ- 117 -son

(Qonunchilik maʼlumotlari milliy bazasi, 28.03.2026-y., 07/26/117/0284-son)

lex.uz

Президента Республики Узбекистан

Постановление

О мерах по обучению современным профессиям молодежи в учреждениях по исполнению наказания

В целях обучения современным цифровым профессиям молодых осужденных в учреждениях по исполнению наказания, оказания содействия в обретении ими своего места в обществе после освобождения, обеспечения их занятости, предотвращения повторного совершения преступления в будущем, а также успешной интеграции в общество постановляю:

I. Основные цели

1. Определить основными целями обучения современным цифровым профессиям осужденных в возрасте 18 — 30 лет, отбывающих наказание в виде лишения свободы в учреждениях по исполнению наказания (далее — молодежь, отбывающая наказание):

(а) воспитание молодежи, отбывающей наказание, в качестве независимо мыслящих личностей, имеющих собственное мировоззрение;

(б) обеспечение получения молодежью, отбывающей наказание, качественных знаний и обретения современных цифровых профессий в рамках утвержденных учебных программ;

(в) обучение молодежи, отбывающей наказание, иностранным языкам (английскому, русскому, китайскому и другим) на уровне, необходимом для овладения современными цифровыми профессиями;

(г) в целях интеграции в общество молодежи, отбывающей наказание, после освобождения из учреждений по исполнению наказания, формирование и укрепление у нее трудовых навыков для овладения востребованными на рынке труда профессиями;

(д) индивидуальное развитие молодежи, отбывающей наказание, посредством профессиональной ориентации, формирование и развитие у нее культуры командной работы и общения.

II. Приоритетные меры

2. Одобрить предложение Министерства внутренних дел, Министерства цифровых технологий, Агентства профессионального образования и Агентства по делам молодежи о реализации Национального проекта социальной реабилитации «Иккинчи имкон» («Второй шанс»), направленного на обучение современным профессиям молодежи, отбывающей наказание (далее — Проект).

3. Определить, что в рамках Проекта на первом этапе с 1 июня 2026 года в учреждениях по исполнению наказания Ташкентской, Навоийской и Кашкадарьинской областей, с 1 марта 2027 года — других регионов республики налаживается система обучения современным цифровым профессиям (далее — учебные курсы) молодежи, отбывающей наказание в виде лишения свободы. При этом:

(а) учебные курсы организуются в учреждениях по исполнению наказания на основе 8 — 12-месячных интенсивных учебных программ;

(б) к учебным курсам привлекается молодежь, отбывающая наказание, совершившая преступления, не представляющие большой общественной опасности, менее тяжкие и тяжкие преступления, за исключением лиц, совершивших преступление с помощью информационных технологий;

(в) привлеченные к учебным курсам обучаются также на основе единых интенсивных программ по изучению иностранных языков (английского, русского, китайского и других);

(г) учебные курсы организуются в группах исходя из интересов и талантов молодежи, отбывающей наказание;

(д) интересы и таланты молодежи, отбывающей наказание, определяются в результате изучений рабочей группы, создаваемой в составе из представителей Министерства цифровых технологий, Агентства профессионального образования, Агентства по делам молодежи, а также других специалистов сферы;

(ж) молодежи, отбывающей наказание, освоившей соответствующие программы по итогам учебных курсов, выдаются сертификаты в электронной форме.

4. Одобрить инициативу ООО «Unicon-Soft» об осуществлении всех расходов, связанных с оплатой труда специалистов и педагогических работников, привлекаемых в рамках Проекта, оснащением учебных кабинетов компьютерным оборудованием, электронными досками, мебелью, инвентарем и другим оснащением, обеспечением необходимой учебно-методической литературой фондов библиотеки по учебным программам, за счет собственных средств.

5. Определить, что:

(а) расходы, связанные с подключением и использованием сети Интернет на учебных курсах, финансируются за счет средств, выделяемых Фондом развития цифровых технологий при Министерстве цифровых технологий;

(б) расходы, связанные с содержанием зданий учебных курсов (коммунальные услуги, текущий ремонт и другие расходы), финансируются за счет бюджетных и внебюджетных средств учреждений по исполнению наказания, а также иных источников, не запрещенных законодательством.

6. Определить Министерство внутренних дел ответственным за:

(а) принятие мер привлечения одаренной молодежи, имеющей сертификаты, к оказанию услуг по освоенным профессиям на основе договоров, заключаемых между учреждением по исполнению наказания и заказчиками;

(б) оказание содействия совместно с Министерством занятости и сокращения бедности и ООО «Unicon-Soft» обеспечению работой одаренной молодежи, имеющей сертификаты, после освобождения из учреждений по исполнению наказания.

III. Организационные меры

7. Министерству цифровых технологий:

(а) совместно с Министерством внутренних дел и другими заинтересованными ведомствами обеспечить доступ к безопасной интернет-среде и специальным локальным образовательным платформам для организации учебных курсов, а также осуществление иных мер информационной безопасности в установленном порядке;

(б) совместно с Агентством профессионального образования, Министерством внутренних дел в двухмесячный срок разработать и утвердить перечень профессий, осваиваемых на учебных курсах, а также учебные программы учебных курсов.

8. Министерству внутренних дел:

(а) в десятидневный срок обеспечить выделение зданий (помещений) в учреждениях по исполнению наказания, соответствующих санитарным правилам, нормам и гигиеническим нормативам, стандартам, для организации учебных курсов;

(б) в срок до 1 мая 2026 года обеспечить осуществление всех мер, связанных с подготовкой зданий (помещений) учреждений по исполнению наказания для ООО «Unicon-Soft», в которых будут проводиться учебные курсы, а также оказывать в будущем всестороннее содействие в вопросах, связанных с проведением учебных курсов;

(в) совместно с Национальным агентством социальной защиты и Министерством занятости и сокращения бедности в трехмесячный срок в целях обеспечения успешной интеграции в общество одиноких молодых людей, освобожденных из учреждений по исполнению наказания, изучить их социальные проблемы, в том числе потребности в жилье, а также внести в Кабинет Министров предложения по обеспечению их временным жильем;

(г) совместно с Министерством юстиции и другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

IV. Организация, обеспечение и контроль исполнения постановления

9. Возложить на министра внутренних дел А.А. Ташпулатова персональную ответственность за эффективную организацию исполнения настоящего постановления.

10. Контроль за исполнением настоящего постановления возложить на Премьер-министра Республики Узбекистан А.Н. Арипова и начальника департамента Администрации Президента Республики Узбекистан Д.Б. Кадирова.

Президент Республики Узбекистан Ш. МИРЗИЁЕВ

г. Ташкент,

27 марта 2026 г.,

№ ПП- 117

(Национальная база данных законодательства, 28.03.2026 г., № 07/26/117/0284)

lex.uz