UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

РЎЙХАТИ

РЎЙХАТИ

«Овжазсой — Мовий тоғлар», «Писком», «Фарғона» миллий табиат боғларини ташкил этиш ва «Поп» миллий табиат боғи ҳудудини кенгайтириш чора-тадбирлари тўғрисида

Мамлакатимизда табиий ҳудудларни муҳофаза қилиш, экологик қимматга эга бўлган табиий объектлар ва мажмуаларни сақлаш, қайта тиклаш, биохилма-хилликни асраш, экологик муҳитни яхшилаш мақсадида қарор қиламан:

I. Мақсадлар

1. Қуйидагилар мазкур қарорнинг асосий мақсадлари этиб белгилансин:

(а) Тошкент вилояти Писком ва Қурама тоғ тизмаларидаги табиий ўрмонлар, 27 турдаги ноёб ва глобал миқёсда йўқолиб кетиш хавфи остидаги умуртқали ҳайвонлар ҳамда 7 турдаги эндемик ва 40 турдаги Ўзбекистон Республикаси Қизил китобига киритилган ўсимликларни ҳимоя қилиш;

(б) Фарғона водийсидаги йўқолиб кетиш хавфи остидаги Ўзбекистон Республикасининг Қизил китобига ва Халқаро табиатни муҳофаза қилиш иттифоқининг Қизил рўйхатига кирган 6 турдаги судралиб юрувчи, 3 турдаги сут эмизувчи ва 13 турдаги қушлар ҳамда 2 турдаги янги Шимолий Осиё калтакесаклари ва Северцов қўйининг аввал табиатга номаълум бўлган популяциясини муҳофазага олиш;

(в) табиат ёдгорликлари бўлган «Ёзёвон» ва «Мингбулоқ» оқ қумларини сақлаб қолиш.

II. Миллий табиат боғлари фаолиятини ташкил этиш

2. Экология ва иқлим ўзгариши миллий қўмитаси, Тошкент, Фарғона ва Наманган вилоятлари ҳокимликларининг қуйидаги таклифларига розилик берилсин:

(а) Тошкент вилоятида:

(i) Оҳангарон туманидаги Оҳангарон давлат ўрмон хўжалигининг «Овжазсой» участкасидаги 9,2 минг гектар ер майдонида давлат муассасаси шаклидаги «Овжазсой — Мовий тоғлар» миллий табиат боғини;

(ii) Бўстонлиқ туманидаги Бурчмулла давлат ўрмон хўжалигининг 156,7 минг гектар ер майдонида давлат муассасаси шаклидаги «Писком» миллий табиат боғини ташкил этиш;

(б) Фарғона вилояти Ўзбекистон ва Сўх туманларидаги 13,9 минг гектар давлат захира ерлари ҳамда Фарғона ва Қўқон давлат ўрмон хўжаликларининг 8,9 минг гектар ер майдонлари ҳисобига умумий майдони 22,9 минг гектардан иборат давлат табиатни муҳофаза қилиш муассасаси шаклида «Фарғона» миллий табиат боғини ташкил этиш;

(в) Наманган вилояти Мингбулоқ ва Поп адирликларида 33,6 минг гектар давлат захира ерлари ҳамда Поп ихтисослаштирилган давлат ўрмон хўжалигининг 91,2 минг гектар ер майдони ҳисобига «Поп» миллий табиат боғи ҳудудини 125,3 минг гектарга кенгайтириш.

3. Белгилансинки:

(а) Экология ва иқлим ўзгариши миллий қўмитаси ҳузуридаги «Муҳофаза этиладиган табиий ҳудудлар департаменти» давлат муассасаси «Овжазсой — Мовий тоғлар», «Писком», «Фарғона» ва «Поп» миллий табиат боғларининг (кейинги ўринларда — миллий табиат боғлари) муассиси ҳисобланади;

(б) қуйидагилар миллий табиат боғлари фаолиятини молиялаштириш манбалари ҳисобланади:

(i) Тошкент, Фарғона ва Наманган вилоятларининг маҳаллий бюджети маблағлари;

(ii) Экология ва иқлим ўзгариши миллий қўмитасининг Умуммиллий экологик муаммоларни бартараф этиш давлат мақсадли жамғармаси маблағлари;

(iii) қонунчилик ҳужжатларида тақиқланмаган бошқа манбалар;

(в) миллий табиат боғларига давлат ўрмон хўжаликларидан ер майдонлари ўтказилганда давлат ўрмон хўжаликлари учун белгиланган штат бирликлари сони муҳофаза этиладиган табиий ҳудудлар учун алоҳида меъёр тасдиқлангунга қадар амал қилади;

(г) миллий табиат боғлари ҳудудида:

(i) ҳар қандай капитал қурилиш ишларини амалга ошириш, автотранспорт воситаларини (махсус ва ёнғинга қарши автотранспортдан ташқари) киритиш ҳамда ов қилиш тақиқланади;

(ii) ноёб табиат, фауна ва флора билан танишиш учун пиёда сайрларга (хайкинг) белгиланган тартибда рухсат берилади;

(д) зарур туристик инфратузилма ва туристик хизматлар «Овжазсой — Мовий тоғлар», «Писком» миллий табиат боғларидан ташқари ҳудудларда ташкил этилади.

4. Қуйидагилар:

(а) «Овжазсой — Мовий тоғлар», «Писком», «Фарғона» ва «Поп» миллий табиат боғларига доимий фойдаланиш ҳуқуқи асосида ажратиладиган ер участкаларининг рўйхати 1-иловага мувофиқ;

(б) «Овжазсой — Мовий тоғлар», «Писком», «Фарғона» ва «Поп» миллий табиат боғларининг қўриқхона, рекреация ва хўжалик мақсадида фойдаланиш зоналари учун ажратиладиган ер майдонлари рўйхати 2-иловага мувофиқ тасдиқлансин.

III. Қарор ижросини ташкил этиш, таъминлаш ва назорат

5. Экология ва иқлим ўзгариши миллий қўмитаси бир ой муддатда миллий табиат боғларининг низомлари, тузилмалари ва штат бирликлари тасдиқланишини таъминласин.

6. Тошкент, Фарғона ва Наманган вилоятлари ҳокимликлари:

(а) бир ой муддатда Экология ва иқлим ўзгариши миллий қўмитасининг таклифи асосида миллий табиат боғларининг қўриқхона, рекреация ва хўжалик мақсадида фойдаланиш зоналарининг ҳудуди чегараларини тасдиқлаш бўйича қарор қабул қилинишини;

(б) икки ой муддатда:

(i) Экология ва иқлим ўзгариши миллий қўмитаси, Кадастр агентлиги билан биргаликда мазкур қарорнинг 1-иловасидаги ер майдонларини улардаги кўп йиллик дарахтлар ва инфратузилма объектлари билан бирга тегишлилиги бўйича доимий фойдаланиш ҳуқуқи асосида миллий табиат боғларига ўтказиб берилишини;

(ii) Давлат активларини бошқариш агентлиги билан биргаликда миллий табиат боғларининг ижро этувчи аппарати учун вилоятлар марказларидан, миллий табиат боғларининг қўриқлаш постлари учун миллий табиат боғи жойлашган ер майдонларига яқин ҳудудлардан оператив бошқарув ҳуқуқи асосида бинолар бепул ажратилишини таъминласин.

7. Кадастр агентлиги, Қишлоқ хўжалиги вазирлиги бир ой муддатда:

(а) мазкур қарорнинг 1-иловасида белгиланган ер участкалари ўрмон фонди ерлари тоифасидан табиатни муҳофаза қилиш, соғломлаштириш ва рекреация мақсадларига мўлжалланган ерлар тоифасига ўтказилишини;

(б) Ер ресурсларининг ҳолати тўғрисидаги миллий ҳисоботга тегишли ўзгартиришлар киритилишини таъминласин.

8. Экология ва иқлим ўзгариши миллий қўмитаси, Иқтисодиёт ва молия вазирлиги Камбағалликни қисқартириш ва бандлик вазирлиги билан биргаликда икки ой муддатда муҳофаза этиладиган табиий ҳудудлар ходимларининг штат бирликлари меъёрлари бўйича алоҳида норматив-ҳуқуқий ҳужжат лойиҳасини ишлаб чиқиб, киритилишини таъминласин.

9. Мазкур қарорнинг ижросини самарали ташкил қилишга масъул ва шахсан жавобгар этиб Тошкент вилояти ҳокими З.Т. Мирзаев, Фарғона вилояти ҳокими Х.Х. Бозаров ва Наманган вилояти ҳокими Ш.Ш. Абдуразаков белгилансин.

10. Қарор ижросини муҳокама қилиб бориш ва назорат қилиш Ўзбекистон Республикаси Президентининг экология масалалари бўйича маслаҳатчиси — Экология ва иқлим ўзгариши миллий қўмитаси раиси А.А. Абдухакимов зиммасига юклансин.

Ўзбекистон Республикаси Президентининг 2026 йил 25 мартдаги ПҚ-109-сон қарорига 1-ИЛОВА

«Овжазсой — Мовий тоғлар», «Писком», «Фарғона» ва «Поп» миллий табиат боғларига доимий фойдаланиш ҳуқуқи асосида ажратиладиган ер участкалари

Ҳудуд номи Ердан фойдаланувчилар Ер участкаси майдони (га) Ер тоифаси Ўтказиладиган ер тоифаси «Овжазсой — Мовий тоғлар» миллий табиат боғига доимий фойдаланиш ҳуқуқи асосида ажратиладиган ер участкаларининг умумий майдони Тошкент вилояти Оҳангарон тумани Оҳангарон давлат ўрмон хўжалиги 9 200 Ўрмон фонди ерлари Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 9 200 «Писком» миллий табиат боғига доимий фойдаланиш ҳуқуқи асосида ажратиладиган ер участкаларининг умумий майдони Тошкент вилояти Бўстонлиқ тумани Бурчмулла давлат ўрмон хўжалиги 156 759 Ўрмон фонди ерлари Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 156 759 Вилоят бўйича жами 165 959 «Фарғона» миллий табиат боғига доимий фойдаланиш ҳуқуқи асосида ажратиладиган ер участкаларининг умумий майдони Фарғона вилояти Бешариқ тумани Қўқон давлат ўрмон хўжалиги 3 563 Ўрмон фонди ерлари Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 3 563 Фарғона вилояти Данғара тумани Қўқон давлат ўрмон хўжалиги 3 886 Ўрмон фонди ерлари Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 3 886 Фарғона вилояти, Ёзёвон тумани Фарғона давлат ўрмон хўжалиги 1 451 Ўрмон фонди ерлари Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 1 451 Фарғона вилояти Ўзбекистон тумани Ўзбекистон тумани ҳокимлиги захира ерлари 9 077 Захира ерлар Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 9 077 Фарғона вилояти Сўх тумани Сўх тумани ҳокимлиги захира ерлари 4 903 Захира ерлар Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 4 903 Вилоят бўйича жами 22 880 «Поп» миллий табиат боғи ҳудудини кенгайтириш учун доимий фойдаланиш ҳуқуқи асосида ажратиладиган ер участкаларининг умумий майдони Наманган вилояти Поп тумани Поп ихтисослашган давлат ўрмон хўжалиги 91 250 Ўрмон фонди ерлари Табиатни муҳофаза қилиш, соғломлаштириш ва рекреация мақсадларига мўлжалланган ерлар Поп тумани ҳокимияти захира ерлари 33 658,3 Захира ерлар Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 124 908,3 Наманган вилояти Мингбулоқ тумани Гигант массивидаги захира ерлар 138,0 Захира ерлар Табиатни муҳофаза қилиш, соғломлаштириш ва рекреация мақсадларига мўлжалланган ерлар Истиқбол массивидаги захира ерлар 150,43 Захира ерлар Табиатни муҳофаза қилиш, соғломлаштириш ва рекреация мақсадларига мўлжалланган ерлар Фарғона массивидаги захира ерлар 107,11 Захира ерлар Табиатни муҳофаза қилиш, соғломлаштириш ва рекреация мақсадларига мўлжалланган ерлар Туман бўйича жами 395,54 Вилоят бўйича жами 125 303,84 Барча ер майдонлари 314 142,84

Ўзбекистон Республикаси Президентининг 2026 йил 25 мартдаги ПҚ-109-сон қарорига 2-ИЛОВА

«Овжазсой — Мовий тоғлар», «Писком», «Фарғона» ва «Поп» миллий табиат боғларининг қўриқхона, рекреация ва хўжалик мақсадида фойдаланиш зоналари учун ажратиладиган ер майдонлари

Зоналарнинг номлари Ер майдони (га) Ўтказилаётган ер тоифалари «Овжазсой — Мовий тоғлар» миллий табиат боғи Қўриқхона зонаси 8 700 Табиатни муҳофаза қилиш, соғломлаштириш ва рекреация мақсадларига мўлжалланган ерлар Рекреация зонаси 200 Хўжалик мақсадида фойдаланиш зонаси 300 Жами ер майдони 9 200 «Писком» миллий табиат боғи Қўриқхона зонаси 147 200 Табиатни муҳофаза қилиш, соғломлаштириш ва рекреация мақсадларига мўлжалланган ерлар Рекреация зонаси 3 200 Хўжалик мақсадида фойдаланиш зонаси 6 359 Жами ер майдони 156 759 «Фарғона» миллий табиат боғи Қўриқхона зонаси 17 300 Табиатни муҳофаза қилиш, соғломлаштириш ва рекреация мақсадларига мўлжалланган ерлар Рекреация зонаси 1 200 Хўжалик мақсадида фойдаланиш зонаси 4 380 Жами ер майдони 22 880 «Поп» миллий табиат боғи Қўриқхона зонаси 122 200 Табиатни муҳофаза қилиш, соғломлаштириш ва рекреация мақсадларига мўлжалланган ерлар Рекреация зонаси 6 000 Хўжалик мақсадида фойдаланиш зонаси 7 103,84 Жами ер майдони 135 303,84 *

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 25 март,

ПҚ- 109 -сон

(Қонунчилик маълумотлари миллий базаси, 28.03.2026 й., 07/26/109/0282-сон)

lex.uz

OʻZBEKISTON RESPUBLIKASI PREZIDENTINING

QARORI

ROʻYXATI

ROʻYXATI

“Ovjazsoy — Moviy togʻlar”, “Piskom”, “Fargʻona” milliy tabiat bogʻlarini tashkil etish va “Pop” milliy tabiat bogʻi hududini kengaytirish chora-tadbirlari toʻgʻrisida

Mamlakatimizda tabiiy hududlarni muhofaza qilish, ekologik qimmatga ega boʻlgan tabiiy obyektlar va majmualarni saqlash, qayta tiklash, bioxilma-xillikni asrash, ekologik muhitni yaxshilash maqsadida qaror qilaman:

I. Maqsadlar

1. Quyidagilar mazkur qarorning asosiy maqsadlari etib belgilansin:

(a) Toshkent viloyati Piskom va Qurama togʻ tizmalaridagi tabiiy oʻrmonlar, 27 turdagi noyob va global miqyosda yoʻqolib ketish xavfi ostidagi umurtqali hayvonlar hamda 7 turdagi endemik va 40 turdagi Oʻzbekiston Respublikasi Qizil kitobiga kiritilgan oʻsimliklarni himoya qilish;

(b) Fargʻona vodiysidagi yoʻqolib ketish xavfi ostidagi Oʻzbekiston Respublikasining Qizil kitobiga va Xalqaro tabiatni muhofaza qilish ittifoqining Qizil roʻyxatiga kirgan 6 turdagi sudralib yuruvchi, 3 turdagi sut emizuvchi va 13 turdagi qushlar hamda 2 turdagi yangi Shimoliy Osiyo kaltakesaklari va Seversov qoʻyining avval tabiatga nomaʼlum boʻlgan populyatsiyasini muhofazaga olish;

(v) tabiat yodgorliklari boʻlgan “Yozyovon” va “Mingbuloq” oq qumlarini saqlab qolish.

II. Milliy tabiat bogʻlari faoliyatini tashkil etish

2. Ekologiya va iqlim oʻzgarishi milliy qoʻmitasi, Toshkent, Fargʻona va Namangan viloyatlari hokimliklarining quyidagi takliflariga rozilik berilsin:

(a) Toshkent viloyatida:

(i) Ohangaron tumanidagi Ohangaron davlat oʻrmon xoʻjaligining “Ovjazsoy” uchastkasidagi 9,2 ming gektar yer maydonida davlat muassasasi shaklidagi “Ovjazsoy — Moviy togʻlar” milliy tabiat bogʻini;

(ii) Boʻstonliq tumanidagi Burchmulla davlat oʻrmon xoʻjaligining 156,7 ming gektar yer maydonida davlat muassasasi shaklidagi “Piskom” milliy tabiat bogʻini tashkil etish;

(b) Fargʻona viloyati Oʻzbekiston va Soʻx tumanlaridagi 13,9 ming gektar davlat zaxira yerlari hamda Fargʻona va Qoʻqon davlat oʻrmon xoʻjaliklarining 8,9 ming gektar yer maydonlari hisobiga umumiy maydoni 22,9 ming gektardan iborat davlat tabiatni muhofaza qilish muassasasi shaklida “Fargʻona” milliy tabiat bogʻini tashkil etish;

(v) Namangan viloyati Mingbuloq va Pop adirliklarida 33,6 ming gektar davlat zaxira yerlari hamda Pop ixtisoslashtirilgan davlat oʻrmon xoʻjaligining 91,2 ming gektar yer maydoni hisobiga “Pop” milliy tabiat bogʻi hududini 125,3 ming gektarga kengaytirish.

3. Belgilansinki:

(a) Ekologiya va iqlim oʻzgarishi milliy qoʻmitasi huzuridagi “Muhofaza etiladigan tabiiy hududlar departamenti” davlat muassasasi “Ovjazsoy — Moviy togʻlar”, “Piskom”, “Fargʻona” va “Pop” milliy tabiat bogʻlarining (keyingi oʻrinlarda — milliy tabiat bogʻlari) muassisi hisoblanadi;

(b) quyidagilar milliy tabiat bogʻlari faoliyatini moliyalashtirish manbalari hisoblanadi:

(i) Toshkent, Fargʻona va Namangan viloyatlarining mahalliy budjeti mablagʻlari;

(ii) Ekologiya va iqlim oʻzgarishi milliy qoʻmitasining Umummilliy ekologik muammolarni bartaraf etish davlat maqsadli jamgʻarmasi mablagʻlari;

(iii) qonunchilik hujjatlarida taqiqlanmagan boshqa manbalar;

(v) milliy tabiat bogʻlariga davlat oʻrmon xoʻjaliklaridan yer maydonlari oʻtkazilganda davlat oʻrmon xoʻjaliklari uchun belgilangan shtat birliklari soni muhofaza etiladigan tabiiy hududlar uchun alohida meʼyor tasdiqlangunga qadar amal qiladi;

(g) milliy tabiat bogʻlari hududida:

(i) har qanday kapital qurilish ishlarini amalga oshirish, avtotransport vositalarini (maxsus va yongʻinga qarshi avtotransportdan tashqari) kiritish hamda ov qilish taqiqlanadi;

(ii) noyob tabiat, fauna va flora bilan tanishish uchun piyoda sayrlarga (xayking) belgilangan tartibda ruxsat beriladi;

(d) zarur turistik infratuzilma va turistik xizmatlar “Ovjazsoy — Moviy togʻlar”, “Piskom” milliy tabiat bogʻlaridan tashqari hududlarda tashkil etiladi.

4. Quyidagilar:

(a) “Ovjazsoy — Moviy togʻlar”, “Piskom”, “Fargʻona” va “Pop” milliy tabiat bogʻlariga doimiy foydalanish huquqi asosida ajratiladigan yer uchastkalarining roʻyxati 1-ilovaga muvofiq;

(b) “Ovjazsoy — Moviy togʻlar”, “Piskom”, “Fargʻona” va “Pop” milliy tabiat bogʻlarining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydonlari roʻyxati 2-ilovaga muvofiq tasdiqlansin.

III. Qaror ijrosini tashkil etish, taʼminlash va nazorat

5. Ekologiya va iqlim oʻzgarishi milliy qoʻmitasi bir oy muddatda milliy tabiat bogʻlarining nizomlari, tuzilmalari va shtat birliklari tasdiqlanishini taʼminlasin.

6. Toshkent, Fargʻona va Namangan viloyatlari hokimliklari:

(a) bir oy muddatda Ekologiya va iqlim oʻzgarishi milliy qoʻmitasining taklifi asosida milliy tabiat bogʻlarining qoʻriqxona, rekreatsiya va xoʻjalik maqsadida foydalanish zonalarining hududi chegaralarini tasdiqlash boʻyicha qaror qabul qilinishini;

(b) ikki oy muddatda:

(i) Ekologiya va iqlim oʻzgarishi milliy qoʻmitasi, Kadastr agentligi bilan birgalikda mazkur qarorning 1-ilovasidagi yer maydonlarini ulardagi koʻp yillik daraxtlar va infratuzilma obyektlari bilan birga tegishliligi boʻyicha doimiy foydalanish huquqi asosida milliy tabiat bogʻlariga oʻtkazib berilishini;

(ii) Davlat aktivlarini boshqarish agentligi bilan birgalikda milliy tabiat bogʻlarining ijro etuvchi apparati uchun viloyatlar markazlaridan, milliy tabiat bogʻlarining qoʻriqlash postlari uchun milliy tabiat bogʻi joylashgan yer maydonlariga yaqin hududlardan operativ boshqaruv huquqi asosida binolar bepul ajratilishini taʼminlasin.

7. Kadastr agentligi, Qishloq xoʻjaligi vazirligi bir oy muddatda:

(a) mazkur qarorning 1-ilovasida belgilangan yer uchastkalari oʻrmon fondi yerlari toifasidan tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar toifasiga oʻtkazilishini;

(b) Yer resurslarining holati toʻgʻrisidagi milliy hisobotga tegishli oʻzgartirishlar kiritilishini taʼminlasin.

8. Ekologiya va iqlim oʻzgarishi milliy qoʻmitasi, Iqtisodiyot va moliya vazirligi Kambagʻallikni qisqartirish va bandlik vazirligi bilan birgalikda ikki oy muddatda muhofaza etiladigan tabiiy hududlar xodimlarining shtat birliklari meʼyorlari boʻyicha alohida normativ-huquqiy hujjat loyihasini ishlab chiqib, kiritilishini taʼminlasin.

9. Mazkur qarorning ijrosini samarali tashkil qilishga masʼul va shaxsan javobgar etib Toshkent viloyati hokimi Z.T. Mirzayev, Fargʻona viloyati hokimi X.X. Bozarov va Namangan viloyati hokimi Sh.Sh. Abdurazakov belgilansin.

10. Qaror ijrosini muhokama qilib borish va nazorat qilish Oʻzbekiston Respublikasi Prezidentining ekologiya masalalari boʻyicha maslahatchisi — Ekologiya va iqlim oʻzgarishi milliy qoʻmitasi raisi A.A. Abduxakimov zimmasiga yuklansin.

Oʻzbekiston Respublikasi Prezidentining 2026-yil 25-martdagi PQ-109-son qaroriga 1-ILOVA

“Ovjazsoy — Moviy togʻlar”, “Piskom”, “Fargʻona” va “Pop” milliy tabiat bogʻlariga doimiy foydalanish huquqi asosida ajratiladigan yer uchastkalari

Hudud nomi Yerdan foydalanuvchilar Yer uchastkasi maydoni (ga) Yer toifasi Oʻtkaziladigan yer toifasi “Ovjazsoy — Moviy togʻlar” milliy tabiat bogʻiga doimiy foydalanish huquqi asosida ajratiladigan yer uchastkalarining umumiy maydoni Toshkent viloyati Ohangaron tumani Ohangaron davlat oʻrmon xoʻjaligi 9 200 Oʻrmon fondi yerlari Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 9 200 “Piskom” milliy tabiat bogʻiga doimiy foydalanish huquqi asosida ajratiladigan yer uchastkalarining umumiy maydoni Toshkent viloyati Boʻstonliq tumani Burchmulla davlat oʻrmon xoʻjaligi 156 759 Oʻrmon fondi yerlari Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 156 759 Viloyat boʻyicha jami 165 959 “Fargʻona” milliy tabiat bogʻiga doimiy foydalanish huquqi asosida ajratiladigan yer uchastkalarining umumiy maydoni Fargʻona viloyati Beshariq tumani Qoʻqon davlat oʻrmon xoʻjaligi 3 563 Oʻrmon fondi yerlari Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 3 563 Fargʻona viloyati Dangʻara tumani Qoʻqon davlat oʻrmon xoʻjaligi 3 886 Oʻrmon fondi yerlari Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 3 886 Fargʻona viloyati, Yozyovon tumani Fargʻona davlat oʻrmon xoʻjaligi 1 451 Oʻrmon fondi yerlari Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 1 451 Fargʻona viloyati Oʻzbekiston tumani Oʻzbekiston tumani hokimligi zaxira yerlari 9 077 Zaxira yerlar Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 9 077 Fargʻona viloyati Soʻx tumani Soʻx tumani hokimligi zaxira yerlari 4 903 Zaxira yerlar Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 4 903 Viloyat boʻyicha jami 22 880 “Pop” milliy tabiat bogʻi hududini kengaytirish uchun doimiy foydalanish huquqi asosida ajratiladigan yer uchastkalarining umumiy maydoni Namangan viloyati Pop tumani Pop ixtisoslashgan davlat oʻrmon xoʻjaligi 91 250 Oʻrmon fondi yerlari Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Pop tumani hokimiyati zaxira yerlari 33 658,3 Zaxira yerlar Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 124 908,3 Namangan viloyati Mingbuloq tumani Gigant massividagi zaxira yerlar 138,0 Zaxira yerlar Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Istiqbol massividagi zaxira yerlar 150,43 Zaxira yerlar Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Fargʻona massividagi zaxira yerlar 107,11 Zaxira yerlar Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Tuman boʻyicha jami 395,54 Viloyat boʻyicha jami 125 303,84 Barcha yer maydonlari 314 142,84

Oʻzbekiston Respublikasi Prezidentining 2026-yil 25-martdagi PQ-109-son qaroriga 2-ILOVA

“Ovjazsoy — Moviy togʻlar”, “Piskom”, “Fargʻona” va “Pop” milliy tabiat bogʻlarining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydonlari

Zonalarning nomlari Yer maydoni (ga) Oʻtkazilayotgan yer toifalari “Ovjazsoy — Moviy togʻlar” milliy tabiat bogʻi Qoʻriqxona zonasi 8 700 Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Rekreatsiya zonasi 200 Xoʻjalik maqsadida foydalanish zonasi 300 Jami yer maydoni 9 200 “Piskom” milliy tabiat bogʻi Qoʻriqxona zonasi 147 200 Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Rekreatsiya zonasi 3 200 Xoʻjalik maqsadida foydalanish zonasi 6 359 Jami yer maydoni 156 759 “Fargʻona” milliy tabiat bogʻi Qoʻriqxona zonasi 17 300 Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Rekreatsiya zonasi 1 200 Xoʻjalik maqsadida foydalanish zonasi 4 380 Jami yer maydoni 22 880 “Pop” milliy tabiat bogʻi Qoʻriqxona zonasi 122 200 Tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar Rekreatsiya zonasi 6 000 Xoʻjalik maqsadida foydalanish zonasi 7 103,84 Jami yer maydoni 135 303,84 *

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 25-mart,

PQ- 109 -son

(Qonunchilik maʼlumotlari milliy bazasi, 28.03.2026-y., 07/26/109/0282-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О мерах по созданию национальных природных парков «Овжазсой — Синегорье», «Писком», «Фаргона» и расширению территории национального природного парка «Поп»

В целях охраны природных территорий в стране, содержания, воспроизводства природных объектов и комплексов, имеющих экологическую ценность, сохранения биоразнообразия, улучшения экологической среды постановляю:

I. Цели

1. Определить основными целями настоящего постановления:

(а) защиту природных лесов на хребтах гор Пском и Курама Ташкентской области, 27 видов уникальных позвоночных животных, находящихся под угрозой исчезновения в глобальном масштабе, а также 7 видов эндемичных растений и 40 видов растений, занесенных в Красную книгу Республики Узбекистан;

(б) взятие под охрану находящихся под угрозой исчезновения в Ферганской долине 6 видов пресмыкающихся, 3 видов млекопитающих, 13 видов птиц, 2 видов новых североазиатских ящериц и ранее неизвестной природе популяции барана Северцова, занесенных в Красную книгу Республики Узбекистан и Красный список Международного союза охраны природы;

(в) сохранение природных памятников — Язъяванских и Мингбулакских белых песков.

II. Организация деятельности национальных природных парков

2. Согласиться с предложениями Национального комитета по экологии и изменению климата, хокимиятов Ташкентской, Ферганской и Наманганской областей, предусматривающими:

(а) создание в Ташкентской области:

(i) национального природного парка «Овжазсой — Синегорье» в форме государственного учреждения на 9,2 тысячи гектаров земельной площади на участке «Овжазсой» Ахангаранского государственного лесного хозяйства в Ахангаранском районе;

(ii) национального природного парка «Писком» в форме государственного учреждения на 156,7 тысячи гектаров земельной площади Бурчмуллинского государственного лесного хозяйства в Бостанлыкском районе;

(б) создание национального природного парка «Фаргона» в форме государственного природоохранного учреждения общей площадью 22,9 тысячи гектаров за счет 13,9 тысячи гектаров земель государственного запаса в Узбекистанском и Сохском районах Ферганской области, а также 8,9 тысячи гектаров Ферганского и Кокандского государственных лесных хозяйств;

(в) расширение территории национального природного парка «Поп» на 125,3 тысячи гектаров за счет 33,6 тысячи гектаров земель государственного запаса на Мингбулакских и Папских холмах Наманганской области, а также 91,2 тысячи гектаров земельной площади Папского специализированного государственного лесного хозяйства.

3. Определить, что:

(а) Государственное учреждение «Департамент охраняемых природных территорий» при Национальном комитете по экологии и изменению климата является учредителем национальных природных парков «Овжазсой — Синегорье», «Писком», «Фаргона» и «Поп» (далее — национальные природные парки);

(б) источниками финансирования деятельности национальных природных парков являются:

(i) средства местного бюджета Ташкентской, Ферганской и Наманганской областей;

(ii) средства Государственного целевого фонда по устранению общенациональных экологических проблем при Национальном комитете по экологии и изменению климата;

(iii) иные источники, не запрещенные актами законодательства;

(в) при переводе национальным природным паркам земельных площадей из государственных лесных хозяйств численность штатных единиц, установленная для государственных лесных хозяйств, действует до утверждения отдельной нормы для охраняемых природных территорий;

(г) на территории национальных природных парков:

(i) запрещаются осуществление любых работ по капитальному строительству, въезд автотранспортных средств (кроме специального и противопожарного автотранспорта), а также охота;

(ii) разрешаются в установленном порядке пешие прогулки (хайкинг) для ознакомления с уникальной природой, фауной и флорой;

(д) необходимая туристическая инфраструктура и туристические услуги организуются за пределами территорий национальных природных парков «Овжазсой — Синегорье» и «Писком».

4. Утвердить:

(а) Перечень земельных участков, выделяемых национальным природным паркам «Овжазсой — Синегорье», «Писком», «Фаргона» и «Поп» на основе права постоянного пользования, согласно приложению № 1 * ;

(б) Перечень земельных площадей, выделяемых для заповедной, рекреационной зон и зоны хозяйственного использования национальных природных парков «Овжазсой — Синегорье», «Писком», «Фаргона» и «Поп», согласно приложению № 2 * .

III. Организация, обеспечение и контроль исполнения постановления

5. Национальному комитету по экологии и изменению климата в месячный срок обеспечить утверждение положений, структур и штатных единиц национальных природных парков.

6. Хокимиятам Ташкентской, Ферганской и Наманганской областей обеспечить:

(а) в месячный срок на основании предложения Национального комитета по экологии и изменению климата принятие решения об утверждении границ территории зон для заповедного, рекреационного и хозяйственного использования национальных природных парков;

(б) в двухмесячный срок:

(i) совместно с Национальным комитетом по экологии и изменению климата, Агентством по кадастру передачу земельных участков, указанных в приложении № 1 * к настоящему постановлению, вместе с многолетними деревьями и объектами инфраструктуры по принадлежности национальным природным паркам на основе права постоянного пользования;

(ii) совместно с Агентством по управлению государственными активами бесплатное предоставление зданий для исполнительного аппарата национальных природных парков в областных центрах, а для охранных постов национальных природных парков — на территориях, прилегающих к земельным участкам, на которых расположены национальные природные парки, на основе права оперативного управления.

7. Агентству по кадастру, Министерству сельского хозяйства в месячный срок обеспечить:

(а) перевод земельных участков, указанных в приложении № 1 * к настоящему постановлению, из категории земель лесного фонда в категорию земель природоохранного, оздоровительного и рекреационного назначения;

(б) внесение соответствующих изменений в Национальный отчет о состоянии земельных ресурсов.

8. Национальному комитету по экологии и изменению климата, Министерству экономики и финансов совместно с Министерством занятости и сокращения бедности в двухмесячный срок обеспечить разработку и внесение проекта отдельного нормативно-правового акта по нормативам штатных единиц работников охраняемых природных территорий.

9. Возложить на хокима Ташкентской области З.Т. Мирзаева, хокима Ферганской области Х.Х. Бозарова и хокима Наманганской области Ш.Ш. Абдуразакова персональную ответственность за эффективную организацию исполнения настоящего постановления.

10. Обсуждение и контроль хода исполнения настоящего постановления возложить на советника Президента Республики Узбекистан по вопросам экологии — председателя Национального комитета по экологии и изменению климата А.А. Абдухакимова.

Президент Республики Узбекистан Ш. МИРЗИЁЕВ

г. Ташкент,

25 марта 2026 г.,

№ ПП- 109

(Национальная база данных законодательства, 28.03.2026 г., № 07/26/109/0282)

lex.uz