UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ФАРМОНИ

ТАРКИБИ

ЧЕГАРАЛАРИНИНГ ТАВСИФИ

Тошкент халқаро молия марказини ташкил этиш тўғрисида

«Ўзбекистон — 2030» стратегияси ижросини таъминлаш, инвестициялар ҳажмини кескин кўпайтириш, капитал бозорини ривожлантириш ва илғор халқаро стандартларни жорий этиш, шунингдек, Тошкент шаҳрини халқаро молиявий хабга айлантириш мақсадида қарор қиламан:

I. Асосий мақсадлар

1. Қуйидагилар ушбу Фармонни қабул қилишдан кўзланган асосий мақсадлар этиб белгилансин:

(а) молиявий секторни ривожлантириш орқали мамлакатнинг ялпи ички маҳсулотининг қўшимча ўсишини таъминлаш;

(б) халқаро миқёсда тан олинган ҳуқуқий стандартларга асосланган, юқори ишонч даражасига эга юрисдикцияни яратиш орқали узоқ муддатли хорижий тўғридан-тўғри ва портфель инвестицияларни жалб қилиш;

(в) халқаро молия, ҳуқуқ ва технологиялар соҳаларида юқори маошли иш ўринларини яратиш ва инсон капиталини ривожлантириш;

(г) мамлакатнинг кредит рейтингини ошириш ҳамда Ўзбекистон Республикасининг халқаро инвестициявий жозибадорлик рейтингларидаги мавқеини мустаҳкамлаш;

(д) Ўзбекистон Республикасини минтақавий молиявий марказга айлантириш ва мамлакатнинг глобал молиявий тизимга интеграциясини таъминлаш.

II. Тошкент халқаро молия марказини ташкил этиш

2. Инвестициялар, саноат ва савдо вазирлиги, Марказий банк ҳамда Истиқболли лойиҳалар миллий агентлигининг қуйидагиларни ташкил этиш тўғрисидаги таклифи маъқуллансин:

(а) Тошкент халқаро молия маркази (кейинги ўринларда — Марказ);

(б) Марказ таркибида Тошкент халқаро тижорат суди.

3. Марказ ҳудудида молиявий, инвестиция ва банк фаолияти, суғурта, рақамли (крипто) активлар, қимматли қоғозлар, тўлов тизимлари ва хизматлари, исломий ва яшил молия, молиявий технологиялар билан боғлиқ хизматлар кўрсатиш ва транзакцияларни амалга ошириш, аудиторлик, консалтинг ва юридик хизматлар кўрсатиш ҳамда Марказ тўғрисидаги конституциявий қонунга мувофиқ бошқа фаолият турларини амалга оширишга рухсат берилсин.

4. Қуйидагилар:

(а) Тошкент халқаро молия марказининг асосий вазифалари 1-иловага мувофиқ;

(б) Тошкент халқаро молия маркази кенгашининг таркиби 2-иловага мувофиқ;

(в) Тошкент халқаро молия маркази бошқарув органлари ташкилий тузилмаси 3-иловага мувофиқ;

(г) Тошкент халқаро молия маркази ҳудуди чегараларининг тавсифи 4-иловага мувофиқ тасдиқлансин.

III. Марказ ҳудудида махсус ҳуқуқий режим жорий этиш

5. Марказ ҳудудида конституциявий қонун билан ўрнатиладиган махсус ҳуқуқий режим жорий этилсин.

6. Белгилансинки, махсус ҳуқуқий режим доирасида:

(а) Марказнинг бошқарув органларига фуқаролик, корпоратив, тижорат, молия, банк, солиқ, давлат харидлари, меҳнат ҳуқуқи ҳамда шахсий маълумотларни ҳимоя қилиш соҳасини тартибга солувчи Марказ ҳудудида татбиқ этиладиган норматив-ҳуқуқий ҳужжатлар қабул қилиш ҳуқуқи берилади;

(б) Марказ ҳудудида Англия ва Уэльс умумий ҳуқуқи ҳамда адолат тамойиллари тўғридан-тўғри қўлланилади, Марказ тўғрисидаги конституциявий қонунда ва Марказ норматив-ҳуқуқий ҳужжатларида белгиланган бошқача қоидалар бундан мустасно; Марказ бошқа халқаро молия марказларининг илғор тажрибаси, тамойиллари, стандартлари ва қоидаларини тўғридан-тўғри ўз ҳудудида амал қилишини белгилашга ҳақли;

(в) Марказ бошқа хорижий давлатларнинг халқаро молия марказлари билан уларнинг резидентлари ва лицензияларини тан олиш, иккиёқлама резидентлик, молиявий хизматларни тартибга солувчи органлар билан ахборот алмашиш борасида шартномалар тузиш ва тегишли тартибларни ўрнатишга ваколатли;

(г) Марказ иштирокчиларига ва уларнинг ходимларига қуйидаги ҳуқуқлар берилади:

(i) пул мажбуриятларини ўзларининг шартномаларида белгиланган хорижий валюталарда, шу жумладан, крипто активда бажариш;

(ii) меҳнат фаолияти ҳуқуқини берадиган тасдиқномани олмасдан чет эллик фуқароларни ишга қабул қилиш;

(iii) ваколатли давлат органлари билан келишган ҳолда Марказ томонидан белгиланадиган Марказ органлари ва иштирокчилари ходимлари ҳамда уларнинг оила аъзоларига 5 йилгача кириш визасини олиш (махсус виза тартиби);

(iv) Марказ ҳудудидаги фаолиятдан олинган капитал ёки даромадни чекловларсиз репатриация қилиш;

(д) 2076 йил 1 январгача Марказ ҳудудида 5-иловага мувофиқ солиқ имтиёзлари қўлланилади;

(ж) солиқ органлари ва Марказ (шу жумладан, унинг иштирокчилари) ўртасидаги солиққа тортишга оид масалалар Марказ ҳужжатлари билан тартибга солинади.

7. Шундай тартиб ўрнатилсинки, унга мувофиқ:

(а) Марказ ҳудудидаги бинолар, уларнинг бир қисми Марказ бошқарув органларига тўғридан-тўғри тузиладиган шартнома асосида ижарага берилади;

(б) бинолардаги жойлар Марказ бошқарув органлари томонидан унинг иштирокчиларига тўғридан-тўғри иккиламчи ижарага берилади.

8. Белгилансинки, Тошкент халқаро тижорат суди:

(а) биринчи инстанция ва апелляция судидан иборат бўлади;

(б) қуйидаги низоларни кўриб чиқади:

(i) Марказ ва Рақамли технологиялар халқаро маркази фаолияти билан боғлиқ масалалар;

(ii) тарафлар Тошкент халқаро тижорат суди юрисдикциясини танлаган шартномалардан келиб чиқадиган низолар;

(iii) тарафлардан бири чет эл корхонаси, чет эл инвесторлари иштирокидаги корхона ёки чет эл инвестори — жисмоний шахслар бўлган маъмурий низолар;

(iv) тадбиркорлик субъектининг хоҳишига кўра давлат божини тўлиқ тўлаш ва кейинчалик давлат органи ҳисобидан ундирмаслик шарти билан ҳар қандай маъмурий-ҳуқуқий муносабатлардан келиб чиқадиган низолар, шу жумладан, иқтисодий таъсир чораларини қўллаш тўғрисидаги ишлар;

(v) халқаро арбитраж институтлари томонидан кўрилаётган арбитраж жойи Ўзбекистон Республикаси ҳудуди ҳисобланган арбитраж иши, ушбу низолардан келиб чиқадиган ёки улар билан боғлиқ масалалар.

9. Белгилаб қўйилсинки, Тошкент халқаро тижорат судининг қарорлари тарафлар учун мажбурий кучга эга ва Ўзбекистон Республикаси суд тизими судлари ҳужжатлари учун белгиланган тартибда ижро этилади.

IV. Молиявий ресурслар

10. Тошкент халқаро молия маркази фаолиятини молиялаштириш манбалари 6-иловага мувофиқ тасдиқлансин.

11. Тикланиш ва тараққиёт жамғармаси 2026 йилда Марказга 20 миллион АҚШ доллари эквиваленти миқдорида маблағлар беғараз асосда ажратилиши таъминлансин.

V. Фармон ижросини ташкил этиш, таъминлаш ва назорат

12. 2027 йил 1 январга қадар Марказ махсус ҳуқуқий режимини шакллантириш ва унинг органлари фаолиятини ташкил этиш бўйича консалтинг, экспертлик, таҳлилий ва юридик хизматларни «таклиф сўрови» ўтказиш орқали харид қилишга рухсат берилсин. Бунда харидлар Инвестициялар, саноат ва савдо вазирлиги ва Марказ органлари томонидан «таклиф сўрови» ўтказиш ҳақидаги эълонни давлат харидлари электрон тизимига жойлаштирмасдан ҳамда жамоатчилик муҳокамасидан ўтказмасдан салоҳиятли етказиб берувчиларнинг таклифларини ва (ёки) оферталарини ўрганиш орқали амалга оширилади. Марказ органлари ташкил этилгунга қадар мазкур харидлар Инвестициялар, саноат ва савдо вазирлиги томонидан бюджетдан ташқари маблағлар ҳисобидан амалга оширилади.

13. Вазирлар Маҳкамаси икки ой муддатда «Тошкент халқаро молия маркази тўғрисида»ги Ўзбекистон Республикасининг конституциявий қонуни лойиҳасини Олий Мажлис Қонунчилик палатасига киритсин.

14. Инвестициялар, саноат ва савдо вазирлиги бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

15. Мазкур Фармон ижросини самарали ташкил этишга масъул ва шахсан жавобгар этиб Бош вазир ўринбосарлари Ж.А. Қўчқоров ва Ж.А. Ходжаев, Марказий банк раиси Т.А. Ишметов, инвестициялар, саноат ва савдо вазири Л.Ш. Кудратов ҳамда Истиқболли лойиҳалар миллий агентлиги директори Д.Р. Ли белгилансин.

16. Фармон ижросини муҳокама қилиб бориш, масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси раҳбари С.Ш. Мирзиёева зиммасига юклансин.

Ўзбекистон Республикаси Президентининг 2026 йил 30 мартдаги ПФ-48-сон Фармонига 1-ИЛОВА

Тошкент халқаро молия марказининг асосий вазифалари

(а) инвестицияларни жалб қилиш — молиявий хизматлар соҳасида қулай, шаффоф ва рақобатбардош ҳуқуқий ҳамда институционал муҳит яратиш ва корхоналарнинг замонавий молиявий хизматларга киришини осонлаштириш орқали иқтисодиётга хорижий ва маҳаллий тўғридан-тўғри инвестицияларни фаол жалб этишни таъминлаш;

(б) капитал бозорини ривожлантириш ва интеграция қилиш — қимматли қоғозлар бозори ва капитал бозорининг бошқа сегментларини ривожлантиришни тезлаштириш, уларни халқаро капитал бозорлари билан интеграция қилишга кўмаклашиш;

(в) молиявий хизматлар секторини ривожлантириш — банк ва суғурта хизматлари, исломий ва анъанавий молиялаштириш, молиявий технологиялар, рақамли (крипто) активлар бозорини, электрон тижорат ва молиявий фаолиятнинг бошқа инновацион соҳаларини ривожлантириш орқали молиявий секторни диверсификация қилиш ва замонавийлаштириш;

(г) инновация ва профессионал хизматлар экотизимини шакллантириш — молиявий ва тегишли профессионал хизматлар (аудиторлик, консалтинг, юридик хизматлар, комплаенс ва бошқалар) соҳасида инновацияларни ривожлантиришни таъминловчи замонавий экотизимни яратиш, етакчи хорижий молиявий институтларни жалб қилиш ва тартибга солиш ҳамда назорат қилиш бўйича халқаро миқёсда тан олинган энг яхши амалиётларни жорий этиш.

Ўзбекистон Республикаси Президентининг 2026 йил 30 мартдаги ПФ-48-сон Фармонига 2-ИЛОВА

Тошкент халқаро молия маркази кенгашининг

1. Ш.М. Мирзиёев — Ўзбекистон Республикаси Президенти, Кенгаш раиси 2. Ж.А. Қўчқоров — Бош вазир ўринбосари — иқтисодиёт ва молия вазири 3. Ж.А. Ходжаев — Бош вазир ўринбосари 4. Ш.Ф. Озодзода — Ўзбекистон Республикаси Президенти Администрацияси раҳбарининг ўринбосари 5. Л.Ш. Кудратов — инвестициялар, саноат ва савдо вазири 6. А.Д. Ташкулов — адлия вазири 7. Т.А. Ишметов — Марказий банк раиси 8. Д.Р. Ли — Истиқболли лойиҳалар миллий агентлиги директори 9. Келишув асосида — Кенгашнинг халқаро молия марказлари масалалари мутахассислигига эга мустақил аъзоси 10. Келишув асосида — Кенгашнинг халқаро капитал бозори масалалари мутахассислигига эга мустақил аъзоси 11. Келишув асосида — Кенгашнинг банк фаолияти мутахассислигига эга мустақил аъзоси 12. Лавозими бўйича — Кенгашнинг ҳуқуқшунослик мутахассислигига эга мустақил аъзоси 13. Лавозими бўйича — Тошкент халқаро молия маркази бошқарувчиси 14. Лавозими бўйича — Тошкент халқаро молия маркази Молиявий хизматлар бошқармаси бошлиғи

Ўзбекистон Республикаси Президентининг 2026 йил 30 мартдаги ПФ-48-сон Фармонига 3-ИЛОВА

Тошкент халқаро молия марказининг бошқарув органлари ташкилий тузилмаси

Кенгаш Молиявий хизматлар бошқармаси Маъмурият Тошкент халқаро тижорат суди Молиявий хизматларни тартибга солувчи ва назорат қилувчи, соҳага тааллуқли норматив-ҳуқуқий ҳужжатларни қабул қилувчи мустақил орган Халқаро молия маркази иштирокчиларини рўйхатга олувчи, номолиявий хизматлар кўрсатиш учун лицензия берувчи, бинолар ижараси ва бошқа хизматларни кўрсатувчи орган Биринчи инстанция ва апелляция инстанциясидан иборат миллий суд тизимидан алоҳида, мустақил суд

Ўзбекистон Республикаси Президентининг 2026 йил 30 мартдаги ПФ-48-сон Фармонига 4-ИЛОВА

Тошкент халқаро молия маркази ҳудуди

Бурилиш нуқталари Бурилиш нуқталари координаталари Бурилиш нуқталари тавсифлари Тошкент шаҳри Шайхонтоҳур тумани 1 41,3118667 69,2469083 Ислом Каримов шоҳкўчаси ва Янги Тошкент тор кўчаси кесишган жойда. 2 41,3119583 69,2448722 1-нуқтадан Ислом Каримов шоҳ кўчаси ўнг томони бўйлаб, Ислом Каримов кўчаси 4а-уйнинг Жанубий-ғарбий томондаги бурчаги билан кесишган жойгача. 3 41,313775 69,2450889 2-нуқтадан шимолий йўналишда Ислом Каримов кўчаси 4а-уй ва Янги Тошкент тор кўчаси 1-уй чегараси бўйлаб, Янги Тошкент тор кўчаси 1-уй ҳамда Ўқчи кўчаси 2-уй ҳудуди кесишган жойгача 4 41,3147056 69,2456583 3-нуқтадан шимолий-шарқий йўналишда Ўқчи кўчаси 2-уй ҳудуди чегараси бўйлаб Ўқчи кўчаси билан кесишган жойгача. 5 41,3145694 69,2472056 4-нуқтадан Ўқчи кўчаси ўнг томони бўйлаб, Ўқчи кўчаси ва Янги Тошкент тор кўчаси кесишган жойгача.

Ўзбекистон Республикаси Президентининг 2026 йил 30 мартдаги ПФ-48-сон Фармонига 5-ИЛОВА

Тошкент халқаро молия маркази ҳудудида қўлланиладиган солиқ имтиёзлари

1. Марказ органлари ва иштирокчиларининг Марказ ҳудудида кўрсатилган хизматлардан олган даромадлари юридик шахсларнинг фойда солиғи ва ижтимоий солиқдан (бундан рақамли (крипто) активлар биржалари мустасно) озод этилади.

2. Марказ органлари ва иштирокчилари томонидан чет эл фуқароларига (фуқаролиги бўлмаган шахсларга) Марказдаги фаолият доирасида тўланган меҳнатга ҳақ тўлаш тарзидаги даромадлар жисмоний шахслардан олинадиган даромад солиғидан озод этилади.

3. Марказ ҳудудидаги марказ органлари тасарруфида ёки фойдаланишида бўлган объектлар юридик шахсларнинг мол-мулкига солинадиган солиқ ва юридик шахслардан олинадиган ер солиғидан озод этилади.

4. Марказ органлари ва иштирокчилари Марказ ҳудудида фойдаланиш ёки истеъмол қилиш мақсадида импорт қилинган товарлар бўйича божхона тўловларини тўлашдан озод этилади.

5. Жисмоний ва юридик шахсларнинг қуйидагилардан олинган даромадлари тегишлича жисмоний шахслардан олинадиган даромад солиғи ҳамда юридик шахсларнинг фойда солиғидан озод этилади:

(а) қимматли қоғозларни сотишдан, агар улар сотиш кунида Марказ Фонд биржасининг расмий рўйхатига киритилган бўлса;

(б) Марказ иштирокчиси бўлган юридик шахсларнинг устав капиталидаги акциялар ёки улушларни сотишдан;

(в) Марказ Фонд биржасининг расмий рўйхатига киритилган қимматли қоғозлардан олинган дивидендлар ва фоизлар.

6. Ўзбекистон Республикаси резиденти бўлган жисмоний шахсларнинг Марказ органлари ва иштирокчиларидан меҳнат шартномалари, шу жумладан, фуқаролик-ҳуқуқий тусдаги шартномалар асосида олган меҳнатга ҳақ тўлаш тарзидаги даромадлари бўйича даромад солиғи ставкаси 7 фоиз этиб белгиланади.

7. Ушбу Фармоннинг 3-бандида кўрсатилган Марказ органлари ва иштирокчиларининг хизматлари қўшилган қиймат солиғидан озод этилади.

Ўзбекистон Республикаси Президентининг 2026 йил 30 мартдаги ПФ-48-сон Фармонига 6-ИЛОВА

Тошкент халқаро молия маркази фаолиятини молиялаштириш манбалари

1. Тикланиш ва тараққиёт жамғармаси томонидан 2026 йилда ажратиладиган 20 миллион АҚШ доллари миқдоридаги беғараз маблағлар.

2. Давлат бюджети маблағлари.

3. Марказ органлари томонидан кўрсатиладиган хизматлардан тушумлар.

4. Марказ иштирокчиларининг ажратмалари.

5. Қонунчиликда тақиқланмаган бошқа маблағлар.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 30 март,

ПФ- 48 -сон

(Қонунчилик маълумотлари миллий базаси, 31.03.2026 й., 06/26/48/0294-сон)

lex.uz

OʻZBEKISTON RESPUBLIKASI PREZIDENTINING

FARMONI

TARKIBI

CHEGARALARINING TAVSIFI

Toshkent xalqaro moliya markazini tashkil etish toʻgʻrisida

“Oʻzbekiston — 2030” strategiyasi ijrosini taʼminlash, investitsiyalar hajmini keskin koʻpaytirish, kapital bozorini rivojlantirish va ilgʻor xalqaro standartlarni joriy etish, shuningdek, Toshkent shahrini xalqaro moliyaviy xabga aylantirish maqsadida qaror qilaman:

I. Asosiy maqsadlar

1. Quyidagilar ushbu Farmonni qabul qilishdan koʻzlangan asosiy maqsadlar etib belgilansin:

(a) moliyaviy sektorni rivojlantirish orqali mamlakatning yalpi ichki mahsulotining qoʻshimcha oʻsishini taʼminlash;

(b) xalqaro miqyosda tan olingan huquqiy standartlarga asoslangan, yuqori ishonch darajasiga ega yurisdiksiyani yaratish orqali uzoq muddatli xorijiy toʻgʻridan-toʻgʻri va portfel investitsiyalarni jalb qilish;

(v) xalqaro moliya, huquq va texnologiyalar sohalarida yuqori maoshli ish oʻrinlarini yaratish va inson kapitalini rivojlantirish;

(g) mamlakatning kredit reytingini oshirish hamda Oʻzbekiston Respublikasining xalqaro investitsiyaviy jozibadorlik reytinglaridagi mavqeyini mustahkamlash;

(d) Oʻzbekiston Respublikasini mintaqaviy moliyaviy markazga aylantirish va mamlakatning global moliyaviy tizimga integratsiyasini taʼminlash.

II. Toshkent xalqaro moliya markazini tashkil etish

2. Investitsiyalar, sanoat va savdo vazirligi, Markaziy bank hamda Istiqbolli loyihalar milliy agentligining quyidagilarni tashkil etish toʻgʻrisidagi taklifi maʼqullansin:

(a) Toshkent xalqaro moliya markazi (keyingi oʻrinlarda — Markaz);

(b) Markaz tarkibida Toshkent xalqaro tijorat sudi.

3. Markaz hududida moliyaviy, investitsiya va bank faoliyati, sugʻurta, raqamli (kripto) aktivlar, qimmatli qogʻozlar, toʻlov tizimlari va xizmatlari, islomiy va yashil moliya, moliyaviy texnologiyalar bilan bogʻliq xizmatlar koʻrsatish va tranzaksiyalarni amalga oshirish, auditorlik, konsalting va yuridik xizmatlar koʻrsatish hamda Markaz toʻgʻrisidagi konstitutsiyaviy qonunga muvofiq boshqa faoliyat turlarini amalga oshirishga ruxsat berilsin.

4. Quyidagilar:

(a) Toshkent xalqaro moliya markazining asosiy vazifalari 1-ilovaga muvofiq;

(b) Toshkent xalqaro moliya markazi kengashining tarkibi 2-ilovaga muvofiq;

(v) Toshkent xalqaro moliya markazi boshqaruv organlari tashkiliy tuzilmasi 3-ilovaga muvofiq;

(g) Toshkent xalqaro moliya markazi hududi chegaralarining tavsifi 4-ilovaga muvofiq tasdiqlansin.

III. Markaz hududida maxsus huquqiy rejim joriy etish

5. Markaz hududida konstitutsiyaviy qonun bilan oʻrnatiladigan maxsus huquqiy rejim joriy etilsin.

6. Belgilansinki, maxsus huquqiy rejim doirasida:

(a) Markazning boshqaruv organlariga fuqarolik, korporativ, tijorat, moliya, bank, soliq, davlat xaridlari, mehnat huquqi hamda shaxsiy maʼlumotlarni himoya qilish sohasini tartibga soluvchi Markaz hududida tatbiq etiladigan normativ-huquqiy hujjatlar qabul qilish huquqi beriladi;

(b) Markaz hududida Angliya va Uels umumiy huquqi hamda adolat tamoyillari toʻgʻridan-toʻgʻri qoʻllaniladi, Markaz toʻgʻrisidagi konstitutsiyaviy qonunda va Markaz normativ-huquqiy hujjatlarida belgilangan boshqacha qoidalar bundan mustasno; Markaz boshqa xalqaro moliya markazlarining ilgʻor tajribasi, tamoyillari, standartlari va qoidalarini toʻgʻridan-toʻgʻri oʻz hududida amal qilishini belgilashga haqli;

(v) Markaz boshqa xorijiy davlatlarning xalqaro moliya markazlari bilan ularning rezidentlari va litsenziyalarini tan olish, ikkiyoqlama rezidentlik, moliyaviy xizmatlarni tartibga soluvchi organlar bilan axborot almashish borasida shartnomalar tuzish va tegishli tartiblarni oʻrnatishga vakolatli;

(g) Markaz ishtirokchilariga va ularning xodimlariga quyidagi huquqlar beriladi:

(i) pul majburiyatlarini oʻzlarining shartnomalarida belgilangan xorijiy valyutalarda, shu jumladan, kripto aktivda bajarish;

(ii) mehnat faoliyati huquqini beradigan tasdiqnomani olmasdan chet ellik fuqarolarni ishga qabul qilish;

(iii) vakolatli davlat organlari bilan kelishgan holda Markaz tomonidan belgilanadigan Markaz organlari va ishtirokchilari xodimlari hamda ularning oila aʼzolariga 5 yilgacha kirish vizasini olish (maxsus viza tartibi);

(iv) Markaz hududidagi faoliyatdan olingan kapital yoki daromadni cheklovlarsiz repatriatsiya qilish;

(d) 2076-yil 1-yanvargacha Markaz hududida 5-ilovaga muvofiq soliq imtiyozlari qoʻllaniladi;

(j) soliq organlari va Markaz (shu jumladan, uning ishtirokchilari) oʻrtasidagi soliqqa tortishga oid masalalar Markaz hujjatlari bilan tartibga solinadi.

7. Shunday tartib oʻrnatilsinki, unga muvofiq:

(a) Markaz hududidagi binolar, ularning bir qismi Markaz boshqaruv organlariga toʻgʻridan-toʻgʻri tuziladigan shartnoma asosida ijaraga beriladi;

(b) binolardagi joylar Markaz boshqaruv organlari tomonidan uning ishtirokchilariga toʻgʻridan-toʻgʻri ikkilamchi ijaraga beriladi.

8. Belgilansinki, Toshkent xalqaro tijorat sudi:

(a) birinchi instansiya va apellyatsiya sudidan iborat boʻladi;

(b) quyidagi nizolarni koʻrib chiqadi:

(i) Markaz va Raqamli texnologiyalar xalqaro markazi faoliyati bilan bogʻliq masalalar;

(ii) taraflar Toshkent xalqaro tijorat sudi yurisdiksiyasini tanlagan shartnomalardan kelib chiqadigan nizolar;

(iii) taraflardan biri chet el korxonasi, chet el investorlari ishtirokidagi korxona yoki chet el investori — jismoniy shaxslar boʻlgan maʼmuriy nizolar;

(iv) tadbirkorlik subyektining xohishiga koʻra davlat bojini toʻliq toʻlash va keyinchalik davlat organi hisobidan undirmaslik sharti bilan har qanday maʼmuriy-huquqiy munosabatlardan kelib chiqadigan nizolar, shu jumladan, iqtisodiy taʼsir choralarini qoʻllash toʻgʻrisidagi ishlar;

(v) xalqaro arbitraj institutlari tomonidan koʻrilayotgan arbitraj joyi Oʻzbekiston Respublikasi hududi hisoblangan arbitraj ishi, ushbu nizolardan kelib chiqadigan yoki ular bilan bogʻliq masalalar.

9. Belgilab qoʻyilsinki, Toshkent xalqaro tijorat sudining qarorlari taraflar uchun majburiy kuchga ega va Oʻzbekiston Respublikasi sud tizimi sudlari hujjatlari uchun belgilangan tartibda ijro etiladi.

IV. Moliyaviy resurslar

10. Toshkent xalqaro moliya markazi faoliyatini moliyalashtirish manbalari 6-ilovaga muvofiq tasdiqlansin.

11. Tiklanish va taraqqiyot jamgʻarmasi 2026-yilda Markazga 20 million AQSH dollari ekvivalenti miqdorida mablagʻlar begʻaraz asosda ajratilishi taʼminlansin.

V. Farmon ijrosini tashkil etish, taʼminlash va nazorat

12. 2027-yil 1-yanvarga qadar Markaz maxsus huquqiy rejimini shakllantirish va uning organlari faoliyatini tashkil etish boʻyicha konsalting, ekspertlik, tahliliy va yuridik xizmatlarni “taklif soʻrovi” oʻtkazish orqali xarid qilishga ruxsat berilsin. Bunda xaridlar Investitsiyalar, sanoat va savdo vazirligi va Markaz organlari tomonidan “taklif soʻrovi” oʻtkazish haqidagi eʼlonni davlat xaridlari elektron tizimiga joylashtirmasdan hamda jamoatchilik muhokamasidan oʻtkazmasdan salohiyatli yetkazib beruvchilarning takliflarini va (yoki) ofertalarini oʻrganish orqali amalga oshiriladi. Markaz organlari tashkil etilgunga qadar mazkur xaridlar Investitsiyalar, sanoat va savdo vazirligi tomonidan budjetdan tashqari mablagʻlar hisobidan amalga oshiriladi.

13. Vazirlar Mahkamasi ikki oy muddatda “Toshkent xalqaro moliya markazi toʻgʻrisida”gi Oʻzbekiston Respublikasining konstitutsiyaviy qonuni loyihasini Oliy Majlis Qonunchilik palatasiga kiritsin.

14. Investitsiyalar, sanoat va savdo vazirligi bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur Farmon ijrosini samarali tashkil etishga masʼul va shaxsan javobgar etib Bosh vazir oʻrinbosarlari J.A. Qoʻchqorov va J.A. Xodjayev, Markaziy bank raisi T.A. Ishmetov, investitsiyalar, sanoat va savdo vaziri L.Sh. Kudratov hamda Istiqbolli loyihalar milliy agentligi direktori D.R. Li belgilansin.

16. Farmon ijrosini muhokama qilib borish, masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari S.Sh. Mirziyoyeva zimmasiga yuklansin.

Oʻzbekiston Respublikasi Prezidentining 2026-yil 30-martdagi PF-48-son Farmoniga 1-ILOVA

Toshkent xalqaro moliya markazining asosiy vazifalari

(a) investitsiyalarni jalb qilish — moliyaviy xizmatlar sohasida qulay, shaffof va raqobatbardosh huquqiy hamda institutsional muhit yaratish va korxonalarning zamonaviy moliyaviy xizmatlarga kirishini osonlashtirish orqali iqtisodiyotga xorijiy va mahalliy toʻgʻridan-toʻgʻri investitsiyalarni faol jalb etishni taʼminlash;

(b) kapital bozorini rivojlantirish va integratsiya qilish — qimmatli qogʻozlar bozori va kapital bozorining boshqa segmentlarini rivojlantirishni tezlashtirish, ularni xalqaro kapital bozorlari bilan integratsiya qilishga koʻmaklashish;

(v) moliyaviy xizmatlar sektorini rivojlantirish — bank va sugʻurta xizmatlari, islomiy va anʼanaviy moliyalashtirish, moliyaviy texnologiyalar, raqamli (kripto) aktivlar bozorini, elektron tijorat va moliyaviy faoliyatning boshqa innovatsion sohalarini rivojlantirish orqali moliyaviy sektorni diversifikatsiya qilish va zamonaviylashtirish;

(g) innovatsiya va professional xizmatlar ekotizimini shakllantirish — moliyaviy va tegishli professional xizmatlar (auditorlik, konsalting, yuridik xizmatlar, komplayens va boshqalar) sohasida innovatsiyalarni rivojlantirishni taʼminlovchi zamonaviy ekotizimni yaratish, yetakchi xorijiy moliyaviy institutlarni jalb qilish va tartibga solish hamda nazorat qilish boʻyicha xalqaro miqyosda tan olingan eng yaxshi amaliyotlarni joriy etish.

Oʻzbekiston Respublikasi Prezidentining 2026-yil 30-martdagi PF-48-son Farmoniga 2-ILOVA

Toshkent xalqaro moliya markazi kengashining

1. Sh.M. Mirziyoyev — Oʻzbekiston Respublikasi Prezidenti, Kengash raisi 2. J.A. Qoʻchqorov — Bosh vazir oʻrinbosari — iqtisodiyot va moliya vaziri 3. J.A. Xodjayev — Bosh vazir oʻrinbosari 4. Sh.F. Ozodzoda — Oʻzbekiston Respublikasi Prezidenti Administratsiyasi rahbarining oʻrinbosari 5. L.Sh. Kudratov — investitsiyalar, sanoat va savdo vaziri 6. A.D. Tashkulov — adliya vaziri 7. T.A. Ishmetov — Markaziy bank raisi 8. D.R. Li — Istiqbolli loyihalar milliy agentligi direktori 9. Kelishuv asosida — Kengashning xalqaro moliya markazlari masalalari mutaxassisligiga ega mustaqil aʼzosi 10. Kelishuv asosida — Kengashning xalqaro kapital bozori masalalari mutaxassisligiga ega mustaqil aʼzosi 11. Kelishuv asosida — Kengashning bank faoliyati mutaxassisligiga ega mustaqil aʼzosi 12. Lavozimi boʻyicha — Kengashning huquqshunoslik mutaxassisligiga ega mustaqil aʼzosi 13. Lavozimi boʻyicha — Toshkent xalqaro moliya markazi boshqaruvchisi 14. Lavozimi boʻyicha — Toshkent xalqaro moliya markazi Moliyaviy xizmatlar boshqarmasi boshligʻi

Oʻzbekiston Respublikasi Prezidentining 2026-yil 30-martdagi PF-48-son Farmoniga 3-ILOVA

Toshkent xalqaro moliya markazining boshqaruv organlari tashkiliy tuzilmasi

Kengash Moliyaviy xizmatlar boshqarmasi Maʼmuriyat Toshkent xalqaro tijorat sudi Moliyaviy xizmatlarni tartibga soluvchi va nazorat qiluvchi, sohaga taalluqli normativ-huquqiy hujjatlarni qabul qiluvchi mustaqil organ Xalqaro moliya markazi ishtirokchilarini roʻyxatga oluvchi, nomoliyaviy xizmatlar koʻrsatish uchun litsenziya beruvchi, binolar ijarasi va boshqa xizmatlarni koʻrsatuvchi organ Birinchi instansiya va apellyatsiya instansiyasidan iborat milliy sud tizimidan alohida, mustaqil sud

Oʻzbekiston Respublikasi Prezidentining 2026-yil 30-martdagi PF-48-son Farmoniga 4-ILOVA

Toshkent xalqaro moliya markazi hududi

Burilish nuqtalari Burilish nuqtalari koordinatalari Burilish nuqtalari tavsiflari Toshkent shahri Shayxontohur tumani 1 41,3118667 69,2469083 Islom Karimov shohkoʻchasi va Yangi Toshkent tor koʻchasi kesishgan joyda. 2 41,3119583 69,2448722 1-nuqtadan Islom Karimov shoh koʻchasi oʻng tomoni boʻylab, Islom Karimov koʻchasi 4a-uyning Janubiy-gʻarbiy tomondagi burchagi bilan kesishgan joygacha. 3 41,313775 69,2450889 2-nuqtadan shimoliy yoʻnalishda Islom Karimov koʻchasi 4a-uy va Yangi Toshkent tor koʻchasi 1-uy chegarasi boʻylab, Yangi Toshkent tor koʻchasi 1-uy hamda Oʻqchi koʻchasi 2-uy hududi kesishgan joygacha 4 41,3147056 69,2456583 3-nuqtadan shimoliy-sharqiy yoʻnalishda Oʻqchi koʻchasi 2-uy hududi chegarasi boʻylab Oʻqchi koʻchasi bilan kesishgan joygacha. 5 41,3145694 69,2472056 4-nuqtadan Oʻqchi koʻchasi oʻng tomoni boʻylab, Oʻqchi koʻchasi va Yangi Toshkent tor koʻchasi kesishgan joygacha.

Oʻzbekiston Respublikasi Prezidentining 2026-yil 30-martdagi PF-48-son Farmoniga 5-ILOVA

Toshkent xalqaro moliya markazi hududida qoʻllaniladigan soliq imtiyozlari

1. Markaz organlari va ishtirokchilarining Markaz hududida koʻrsatilgan xizmatlardan olgan daromadlari yuridik shaxslarning foyda soligʻi va ijtimoiy soliqdan (bundan raqamli (kripto) aktivlar birjalari mustasno) ozod etiladi.

2. Markaz organlari va ishtirokchilari tomonidan chet el fuqarolariga (fuqaroligi boʻlmagan shaxslarga) Markazdagi faoliyat doirasida toʻlangan mehnatga haq toʻlash tarzidagi daromadlar jismoniy shaxslardan olinadigan daromad soligʻidan ozod etiladi.

3. Markaz hududidagi markaz organlari tasarrufida yoki foydalanishida boʻlgan obyektlar yuridik shaxslarning mol-mulkiga solinadigan soliq va yuridik shaxslardan olinadigan yer soligʻidan ozod etiladi.

4. Markaz organlari va ishtirokchilari Markaz hududida foydalanish yoki isteʼmol qilish maqsadida import qilingan tovarlar boʻyicha bojxona toʻlovlarini toʻlashdan ozod etiladi.

5. Jismoniy va yuridik shaxslarning quyidagilardan olingan daromadlari tegishlicha jismoniy shaxslardan olinadigan daromad soligʻi hamda yuridik shaxslarning foyda soligʻidan ozod etiladi:

(a) qimmatli qogʻozlarni sotishdan, agar ular sotish kunida Markaz Fond birjasining rasmiy roʻyxatiga kiritilgan boʻlsa;

(b) Markaz ishtirokchisi boʻlgan yuridik shaxslarning ustav kapitalidagi aksiyalar yoki ulushlarni sotishdan;

(v) Markaz Fond birjasining rasmiy roʻyxatiga kiritilgan qimmatli qogʻozlardan olingan dividendlar va foizlar.

6. Oʻzbekiston Respublikasi rezidenti boʻlgan jismoniy shaxslarning Markaz organlari va ishtirokchilaridan mehnat shartnomalari, shu jumladan, fuqarolik-huquqiy tusdagi shartnomalar asosida olgan mehnatga haq toʻlash tarzidagi daromadlari boʻyicha daromad soligʻi stavkasi 7 foiz etib belgilanadi.

7. Ushbu Farmonning 3-bandida koʻrsatilgan Markaz organlari va ishtirokchilarining xizmatlari qoʻshilgan qiymat soligʻidan ozod etiladi.

Oʻzbekiston Respublikasi Prezidentining 2026-yil 30-martdagi PF-48-son Farmoniga 6-ILOVA

Toshkent xalqaro moliya markazi faoliyatini moliyalashtirish manbalari

1. Tiklanish va taraqqiyot jamgʻarmasi tomonidan 2026-yilda ajratiladigan 20 million AQSH dollari miqdoridagi begʻaraz mablagʻlar.

2. Davlat budjeti mablagʻlari.

3. Markaz organlari tomonidan koʻrsatiladigan xizmatlardan tushumlar.

4. Markaz ishtirokchilarining ajratmalari.

5. Qonunchilikda taqiqlanmagan boshqa mablagʻlar.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 30-mart,

PF- 48 -son

(Qonunchilik maʼlumotlari milliy bazasi, 31.03.2026-y., 06/26/48/0294-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

УКАЗ

О создании Ташкентского международного финансового центра

В целях обеспечения исполнения Стратегии «Узбекистан — 2030», резкого увеличения объема инвестиций, развития рынка капитала и внедрения передовых международных стандартов, а также трансформации города Ташкента в международный финансовый хаб постановляю:

I. Основные цели

1. Определить основными целями принятия настоящего Указа:

(а) обеспечение дополнительного роста валового внутреннего продукта страны путем развития финансового сектора;

(б) привлечение долгосрочных иностранных прямых и портфельных инвестиций путем создания юрисдикции высокого уровня надежности, основанной на международно признанных правовых стандартах;

(в) создание высокооплачиваемых рабочих мест и развитие человеческого капитала в сферах международных финансов, права и технологий;

(г) повышение кредитного рейтинга страны и укрепление позиции Республики Узбекистан в международных рейтингах инвестиционной привлекательности;

(д) трансформацию Республики Узбекистан в региональный финансовый центр и обеспечение интеграции страны с глобальной финансовой системой.

II. Создание Ташкентского международного финансового центра

2. Одобрить предложение Министерства инвестиций, промышленности и торговли, Центрального банка и Национального агентства перспективных проектов о создании:

(а) Ташкентского международного финансового центра (далее — Центр);

(б) в составе Центра — Ташкентского международного коммерческого суда.

3. Разрешить осуществлять на территории Центра оказание услуг и проведение транзакций, связанных с финансовой, инвестиционной и банковской деятельностью, страхованием, цифровыми (крипто-) активами, ценными бумагами, платежными системами и услугами, исламскими и зелеными финансами, финансовыми технологиями, предоставлять аудиторские, консалтинговые и юридические услуги, а также другие виды деятельности в соответствии с конституционным законом о Центре.

4. Утвердить:

(а) Основные задачи Ташкентского международного финансового центра согласно приложению № 1 * ;

(б) Состав Совета Ташкентского международного финансового центра согласно приложению № 2 * ;

(в) Организационную структуру управленческих органов Ташкентского международного финансового центра согласно приложению № 3 * ;

(г) Описание границ территории Ташкентского международного финансового центра согласно приложению № 4 * .

III. Внедрение специального правового режима на территории Центра

5. Внедрить на территории Центра специальный правовой режим, устанавливаемый конституционным законом.

6. Определить, что в рамках специального правового режима:

(а) управленческим органам Центра предоставляется право принятия нормативно-правовых актов, применяемых на территории Центра, регулирующих сферу гражданского, корпоративного, коммерческого права, финансов, банка, налогов, государственных закупок, трудового права и защиты персональных данных;

(б) на территории Центра напрямую применяются общее право Англии и Уэльса и принципы справедливости, за исключением иных положений, определенных в конституционном законе о Центре и нормативно-правовых актах Центра; Центр вправе определять прямое действие на своей территории передового опыта, принципов, стандартов и правил других международных финансовых центров;

(в) Центр уполномочен заключать договоры с международными финансовыми центрами других зарубежных государств по признанию их резидентов и лицензий, обмену информацией с органами, регулирующими двойное резидентство, финансовые услуги, а также устанавливать соответствующие порядки;

(г) участникам Центра и его работникам предоставляются следующие права:

(i) выполнять денежные обязательства в установленных в своих договорах иностранных валютах, в том числе в крипто-активе;

(ii) принимать на работу иностранных граждан без получения подтверждения, предоставляющего право на трудовую деятельность;

(iii) получать въездную визу работникам Центра и его участников, а также членам их семей, определяемым со стороны Центра, сроком до 5 лет по согласованию с уполномоченными государственными органами (специальный визовый порядок);

(iv) проводить репатриацию без ограничений капитала или дохода, полученного от деятельности на территории Центра;

(д) на срок до 1 января 2076 года на территории Центра применяются налоговые льготы согласно приложению № 5 * ;

(ж) вопросы касательно налогообложения между налоговыми органами и Центром (в том числе его участниками) регулируются документами Центра.

7. Установить порядок, в соответствии с которым:

(а) здания на территории Центра, их часть предоставляются в аренду управленческим органам Центра на основе заключаемого прямого договора;

(б) помещения в зданиях предоставляются управленческими органами Центра напрямую в субаренду его участникам.

8. Определить, что Ташкентский международный коммерческий суд:

(а) состоит из суда первой инстанции и апелляционного суда;

(б) рассматривает следующие споры:

(i) вопросы, связанные с деятельностью Центра и Международного центра цифровых технологий;

(ii) споры, возникающие из договоров, по которым стороны выбрали юрисдикцию Ташкентского международного коммерческого суда;

(iii) административные споры, в которых одной из сторон являются иностранное предприятие, предприятие с участием иностранного инвестора или иностранный инвестор — физическое лицо;

(iv) споры, возникающие из любых административно-правовых отношений с условием полной уплаты государственной пошлины по желанию субъекта предпринимательства и невзыскания со счета государственного органа в последующем, в том числе дела о применении мер экономического воздействия;

(v) рассматриваемое международными арбитражными институтами арбитражное дело, местом арбитража которого является территория Республики Узбекистан, а также вопросы, вытекающие из данных споров или связанные с ними.

9. Установить, что решения Ташкентского международного коммерческого суда имеют обязательную силу для сторон и исполняются в порядке, установленном для судебных актов судебной системы Республики Узбекистан.

IV. Финансовые ресурсы

10. Утвердить источники финансирования деятельности Ташкентского международного финансового центра согласно приложению № 6 * .

11. Фонду реконструкции и развития обеспечить выделение Центру в 2026 году средств в размере эквивалента 20 миллионов долларов США на безвозмездной основе.

V. Организация, обеспечение и контроль исполнения Указа

12. Разрешить на срок до 1 января 2027 года осуществлять закупку консалтинговых, экспертных, аналитических и юридических услуг по формированию специального правового режима Центра и организации деятельности его органов посредством «запроса предложений». При этом закупки осуществляются Министерством инвестиций, промышленности и торговли и органами Центра без размещения объявления о проведении «запроса предложений» в электронной системе государственных закупок и без проведения общественного обсуждения путем изучения предложений и (или) оферт потенциальных поставщиков. Данные закупки до создания органов Центра осуществляются Министерством инвестиций, промышленности и торговли за счет внебюджетных средств.

13. Кабинету Министров в двухмесячный срок внести в Законодательную палату Олий Мажлиса проект конституционного закона Республики Узбекистан «О Ташкентском международном финансовом центре».

14. Министерству инвестиций, промышленности и торговли в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

15. Возложить на заместителей Премьер-министра Д.А. Кучкарова и Ж.А. Ходжаева, председателя Центрального банка Т.А. Ишметова, министра инвестиций, промышленности и торговли Л.Ш. Кудратова и директора Национального агентства перспективных проектов Д.Р. Ли персональную ответственность за эффективную организацию исполнения настоящего Указа.

16. Обсуждение хода исполнения настоящего Указа, осуществление координации и контроля за деятельностью ответственных ведомств возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан С.Ш. Мирзиёеву.

Президент Республики Узбекистан Ш. МИРЗИЁЕВ

г. Ташкент,

30 марта 2026 г.,

№ УП- 48

(Национальная база данных законодательства, 31.03.2026 г., № 06/26/48/0294)

lex.uz