📅 2026-yil 30-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 30 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 30 марта 2026 г. · Указы Президента
Официальный текст. Официальный документ. Редакционные примечания не включены.
📅 30 March 2026 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Суд ҳужжатлари ва бошқа органлар ҳужжатларини ижро этиш тизимини рақамлаштириш ва самарадорлигини оширишга оид қўшимча чора-тадбирлар тўғрисида
Мамлакатимизда жисмоний ва юридик шахсларнинг ҳуқуқларини самарали ҳимоя қилиш тизимини такомиллаштириш, суд ҳужжатлари ва бошқа органлар ҳужжатларини сўзсиз ва ўз вақтида ижро этишни таъминлаш, ижро тартиб-таомилларини рақамлаштириш ишларини янада кенгайтириш ҳамда соҳага сунъий интеллект технологияларини кенг жорий этиш мақсадида қарор қиламан:
I. Мақсадлар
1. Қуйидагилар суд ҳужжатлари ва бошқа органлар ҳужжатларини ижро этиш тизимини трансформация қилишнинг асосий мақсадлари этиб белгилансин:
(а) суд ҳужжатлари ва бошқа органлар ҳужжатлари ижросини таъминлаш жараёнига сунъий интеллект технологияларини кенг жорий этиш орқали ижро ишлари 30 фоизининг ижросини давлат ижрочисининг аралашувисиз таъминлаш;
(б) ижро иши юритувини рақамлаштиришни янада жадаллаштириш, соҳада инсон омилини бартараф этиш мумкин бўлган жараёнларни автоматлаштириш орқали тезкорлик даражасини кескин ошириш;
(в) фуқароларнинг Конституция билан белгиланган дахлсизлик ҳуқуқларини бузмаган ҳолда айрим мажбурий ижро ҳаракатларини ундирувчилар томонидан амалга ошириш;
(г) суд ҳужжатлари ва бошқа органлар ҳужжатларини ижро этиш тизимига илғор халқаро тажриба асосида янгича ёндашувларни жорий қилиш.
II. Суд ҳужжатлари ва бошқа органлар ҳужжатларини ижро этиш самарадорлигини ошириш механизмлари
2. Белгилансинки, 2027 йил 1 январдан бошлаб:
(а) сунъий интеллект технологияларини жорий этиш ва ахборот тизимларини такомиллаштириш орқали давлат ижрочилари томонидан қабул қилинадиган қарорларнинг камида 70 фоизи автоматлаштирилади;
(б) суд ҳужжатлари ва бошқа органлар ҳужжатлари ижросини таъминлашдаги иш юритув жараёнлари замонавий ахборот-коммуникация технологиялари ёрдамида электрон шаклда юритилади;
(в) ижро ҳаракатлари давомида ундирилган пул маблағларини тақсимлаш жараёнлари рақамлаштирилади.
3. Бош прокуратура ва Давлат активларини бошқариш агентлигининг қуйидаги таклифлари маъқуллансин:
(а) 2026 йил 1 июлдан бошлаб суд ҳужжатлари ва бошқа органлар ҳужжатларига асосан давлат даромадига ўтказилиши назарда тутилган автомототранспорт воситалари ва кўчмас мулкларни давлат ижрочисининг қарори асосида тўғридан-тўғри Давлат активларини бошқариш агентлиги тасарруфига ўтказиш;
(б) 2026 йил 1 сентябрга қадар тўловга қобилиятсизлик жараёнидаги юридик шахсларнинг мажбуриятлари бўйича электрон маълумот алмашинувини таъминловчи платформани жорий этиш.
4. Бош прокуратура (Н. Йўлдошев) Марказий банк ва Солиқ қўмитаси билан биргаликда солиқ қарзи ва муаммоли кредитларни ундиришда қуйидагиларни назарда тутувчи янгича ёндашувни жорий этсин:
(а) ижро ҳужжатлари бўйича мол-мулкни ундирувчи томонидан расмийлаштирилган процессуал ҳужжатлар асосида давлат ижрочисининг қарори билан электрон онлайн аукцион савдолари орқали реализация қилиш имконини яратиш;
(б) юридик шахсларнинг мол-мулкларини хатлаш, кўздан кечириш билан боғлиқ процессуал ҳужжатларни расмийлаштириш ишларини:
(i) солиқ органининг солиқ қарзини ундиришга оид ижро ҳужжатлари бўйича — солиқ органининг мансабдор шахси томонидан;
(ii) гаров билан таъминланган мажбуриятларни бажариш тўғрисидаги ижро ҳужжатлари бўйича давлат ижрочисининг топшириғига асосан тижорат банкининг ваколатли шахси томонидан амалга ошириш.
Бунда давлат ижрочиларининг мол-мулкларни хатлаш ва кўздан кечириш билан боғлиқ ҳуқуқлари сақлаб қолинади;
(в) ижро ҳужжатлари бўйича савдоларни ташкил этиш билан боғлиқ ҳужжатларни (гаров ҳужжатлари, хатлов, кўздан кечириш далолатномалари, аукцион савдо натижалари ҳамда ундирувчига топширилган мол-мулклар тўғрисидаги маълумотлар ва бошқа ҳужжатлар) электрон платформалар орқали юбориш;
(г) солиқ органининг мансабдор шахси ёки тижорат банкининг ваколатли шахси томонидан амалга оширилган хатлаш ва кўздан кечириш далолатномаларига асосан реализация қилинган ёки таклиф этилган мол-мулкларни расмийлаштириш билан боғлиқ хатарларни расмийлаштирувчи идоралар зиммасида қолдириш.
5. Бош прокуратура ва Олий суднинг қуйидаги таклифлари маъқуллансин:
(а) айрим тоифадаги ижро ҳужжатлари бўйича қарздор вафот этганда, у вафот этган деб эълон қилинганда ёки бедарак йўқолган деб топилганда унга нисбатан юритилган ижро ишларини давлат ижрочисининг қарори билан тугатиш амалиётини жорий қилиш;
(б) қонунда назарда тутилган айрим тоифадаги ижро ҳужжатларини мажбурий ижрога тақдим этилгунига қадар тегишли давлат органига, ташкилотга ёки унинг мансабдор шахсига топширишни ундирувчининг ҳуқуқи сифатида белгилаш ва ушбу ижро ҳужжатлари тоифасига ундирувни ундирувчи-юридик шахслар томонидан қарздор-жисмоний шахснинг иш ҳақи ва бошқа даромадларига қаратишни назарда тутувчи ижро ҳужжатларини киритиш.
6. Бош прокуратура, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Савдо-саноат палатасининг ижро ишлари доирасида қарздор юридик шахсларнинг хатланган ҳисоб рақамларига келиб тушаётган маблағлардан иш ҳақи ва коммунал тўловлар учун фойдаланишга рухсат бериш тизимини жорий қилиш ҳақидаги таклифи маъқуллансин.
7. Бош прокуратура, Олий суд икки ой муддатда манфаатдор идоралар билан биргаликда мазкур Фармоннинг 5 ва 6-бандида назарда тутилган тартиб бўйича қонун лойиҳасини ишлаб чиқсин.
8. 2026 йил 1 майдан бошлаб алимент тўловларини ундириш тизими самарадорлигини ошириш мақсадида алимент бўйича қарздорлик мавжуд бўлганда қарздорлик тўлиқ бартараф этилгунига қадар алоҳида йирик битимларни амалга ошириш, айрим турдаги молия-кредит ва давлат хизматларидан фойдаланишни чеклаш тартиби жорий этилсин.
Бош прокуратура (Н. Йўлдошев) икки ой муддатда мазкур банднинг биринчи хатбошисида назарда тутилган тартибни тасдиқлаш ҳамда ижро ҳужжатлари бўйича қарздорлик мавжудлиги текширилиб амалга ошириладиган йирик битимлар, молия-кредит ва давлат хизматлари рўйхатини кенгайтиришга оид қарор лойиҳасини Вазирлар Маҳкамасига киритсин.
9. Энергетика вазирлиги (Ж. Мирзамаҳмудов) «Ҳудудий электр тармоқлари» АЖ ва «Ҳудудгазтаъминот» АЖ билан биргаликда 2026 йил 1 июлга қадар ижро ишлари доирасида фуқаролар томонидан амалга оширилган коммунал тўловлар бўйича электрон маълумот алмашинувини «Рақамли ҳукумат» тизими орқали йўлга қўйсин.
10. Бош прокуратура (Н. Йўлдошев) Рақамли технологиялар вазирлиги (Ш. Шерматов) билан биргаликда фуқароларни ижро ҳужжатлари бўйича мавжуд мажбуриятлари ҳақида кенгроқ хабардор қилиш мақсадида ижро жараёнида фуқароларга нисбатан қўлланган чекловлар тўғрисидаги маълумотларни «Рақамли ҳукумат» тизими орқали тўлов ташкилотларининг рақамли платформаларига беғараз асосда, бошқа ташкилотларга белгиланган тартибда тақдим этсин.
11. Бош прокуратура (Н. Йўлдошев) ва Марказий банкнинг (Т. Ишметов) муаммоли кредитларни ундиришни такомиллаштиришга қаратилган қуйидаги таклифларига розилик берилсин:
(а) муаммоли кредитлар бўйича ижро ҳужжатлари асосида вужудга келган мажбуриятларни ундириш билан боғлиқ ҳаракатларни амалга оширишни ихтисослаштирилган давлат ижрочиларига юклаш;
(б) Мажбурий ижро бюросини ривожлантириш жамғармасидан тижорат банклари томонидан молиялаштириладиган маблағлар ҳисобидан қўшимча 400 та ихтисослаштирилган давлат ижрочиси штат бирлигини ажратиш;
(в) тижорат банклари томонидан маблағ ажратилгунга қадар уч ой давомида келгусидаги тушумлар ҳисобидан қоплаш шарти билан ихтисослаштирилган давлат ижрочиси штат бирликларини молиялаштиришни Мажбурий ижро бюросини ривожлантириш жамғармасидан амалга ошириш;
(г) ихтисослаштирилган давлат ижрочиси штат бирликларини қўшимча ажратиш ёки камайтириш Бош прокурор буйруғи билан амалга оширилишини белгилаш.
Мажбурий ижро бюроси ва Марказий банк икки ой муддатда келишилган ҳолда муаммоли кредитлар бўйича ижро ҳужжатлари асосида вужудга келган мажбуриятларни ундиришда амалга ошириладиган тўловларни ажратиш тартибини тасдиқласин.
Тўловлар Мажбурий ижро бюроси ва тижорат банклари ўртасида тузиладиган шартнома доирасида белгиланади.
III. Фармон ижросини ташкил этиш, таъминлаш ва назорат
12. Рақамлаштириш билан боғлиқ тадбирларни амалга ошириш учун Ўзбекистон Республикаси Бош прокуратураси ҳузуридаги Мажбурий ижро бюросининг Маълумотларни қайта ишлаш маркази қўшимча серверларни харид қилиш орқали модернизация қилинсин.
13. Бош прокуратура манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Президенти Администрациясига таклиф киритсин.
14. Ўзбекистон Республикаси Президентининг 2025 йил 26 декабрдаги «Ўзбекистон Республикасининг «2026 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ПҚ-388-сон қарорининг 23-банди «Суд ҳокимияти органларини ривожлантириш жамғармасига келиб тушган маблағлар» сўзларидан кейин «ва Мажбурий ижро бюросини ривожлантириш жамғармасига ундириладиган ижро йиғими» сўзлари билан тўлдирилсин.
15. Мазкур Фармонда белгиланган чора-тадбирларнинг ижросини самарали ташкил қилишга масъул ва шахсан жавобгар этиб Ўзбекистон Республикаси Бош прокурори Н.Т. Йўлдошев белгилансин.
16. Мазкур Фармоннинг ижросини назорат қилиш Ўзбекистон Республикаси Президенти Администрацияси Жамоат хавфсизлиги ва қонун устуворлиги бўйича департаменти бошлиғи Д.Б. Кадиров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 30 март,
ПФ-50-сон
Oʻzbekiston Respublikasi Prezidentining
Farmoni
Sud hujjatlari va boshqa organlar hujjatlarini ijro etish tizimini raqamlashtirish va samaradorligini oshirishga oid qoʻshimcha chora-tadbirlar toʻgʻrisida
Mamlakatimizda jismoniy va yuridik shaxslarning huquqlarini samarali himoya qilish tizimini takomillashtirish, sud hujjatlari va boshqa organlar hujjatlarini soʻzsiz va oʻz vaqtida ijro etishni taʼminlash, ijro tartib-taomillarini raqamlashtirish ishlarini yanada kengaytirish hamda sohaga sunʼiy intellekt texnologiyalarini keng joriy etish maqsadida qaror qilaman:
I. Maqsadlar
1. Quyidagilar sud hujjatlari va boshqa organlar hujjatlarini ijro etish tizimini transformatsiya qilishning asosiy maqsadlari etib belgilansin:
(a) sud hujjatlari va boshqa organlar hujjatlari ijrosini taʼminlash jarayoniga sunʼiy intellekt texnologiyalarini keng joriy etish orqali ijro ishlari 30 foizining ijrosini davlat ijrochisining aralashuvisiz taʼminlash;
(b) ijro ishi yurituvini raqamlashtirishni yanada jadallashtirish, sohada inson omilini bartaraf etish mumkin boʻlgan jarayonlarni avtomatlashtirish orqali tezkorlik darajasini keskin oshirish;
(v) fuqarolarning Konstitutsiya bilan belgilangan daxlsizlik huquqlarini buzmagan holda ayrim majburiy ijro harakatlarini undiruvchilar tomonidan amalga oshirish;
(g) sud hujjatlari va boshqa organlar hujjatlarini ijro etish tizimiga ilgʻor xalqaro tajriba asosida yangicha yondashuvlarni joriy qilish.
II. Sud hujjatlari va boshqa organlar hujjatlarini ijro etish samaradorligini oshirish mexanizmlari
2. Belgilansinki, 2027-yil 1-yanvardan boshlab:
(a) sunʼiy intellekt texnologiyalarini joriy etish va axborot tizimlarini takomillashtirish orqali davlat ijrochilari tomonidan qabul qilinadigan qarorlarning kamida 70 foizi avtomatlashtiriladi;
(b) sud hujjatlari va boshqa organlar hujjatlari ijrosini taʼminlashdagi ish yurituv jarayonlari zamonaviy axborot-kommunikatsiya texnologiyalari yordamida elektron shaklda yuritiladi;
(v) ijro harakatlari davomida undirilgan pul mablagʻlarini taqsimlash jarayonlari raqamlashtiriladi.
3. Bosh prokuratura va Davlat aktivlarini boshqarish agentligining quyidagi takliflari maʼqullansin:
(a) 2026-yil 1-iyuldan boshlab sud hujjatlari va boshqa organlar hujjatlariga asosan davlat daromadiga oʻtkazilishi nazarda tutilgan avtomototransport vositalari va koʻchmas mulklarni davlat ijrochisining qarori asosida toʻgʻridan-toʻgʻri Davlat aktivlarini boshqarish agentligi tasarrufiga oʻtkazish;
(b) 2026-yil 1-sentabrga qadar toʻlovga qobiliyatsizlik jarayonidagi yuridik shaxslarning majburiyatlari boʻyicha elektron maʼlumot almashinuvini taʼminlovchi platformani joriy etish.
4. Bosh prokuratura (N. Yoʻldoshev) Markaziy bank va Soliq qoʻmitasi bilan birgalikda soliq qarzi va muammoli kreditlarni undirishda quyidagilarni nazarda tutuvchi yangicha yondashuvni joriy etsin:
(a) ijro hujjatlari boʻyicha mol-mulkni undiruvchi tomonidan rasmiylashtirilgan protsessual hujjatlar asosida davlat ijrochisining qarori bilan elektron onlayn auksion savdolari orqali realizatsiya qilish imkonini yaratish;
(b) yuridik shaxslarning mol-mulklarini xatlash, koʻzdan kechirish bilan bogʻliq protsessual hujjatlarni rasmiylashtirish ishlarini:
(i) soliq organining soliq qarzini undirishga oid ijro hujjatlari boʻyicha — soliq organining mansabdor shaxsi tomonidan;
(ii) garov bilan taʼminlangan majburiyatlarni bajarish toʻgʻrisidagi ijro hujjatlari boʻyicha davlat ijrochisining topshirigʻiga asosan tijorat bankining vakolatli shaxsi tomonidan amalga oshirish.
Bunda davlat ijrochilarining mol-mulklarni xatlash va koʻzdan kechirish bilan bogʻliq huquqlari saqlab qolinadi;
(v) ijro hujjatlari boʻyicha savdolarni tashkil etish bilan bogʻliq hujjatlarni (garov hujjatlari, xatlov, koʻzdan kechirish dalolatnomalari, auksion savdo natijalari hamda undiruvchiga topshirilgan mol-mulklar toʻgʻrisidagi maʼlumotlar va boshqa hujjatlar) elektron platformalar orqali yuborish;
(g) soliq organining mansabdor shaxsi yoki tijorat bankining vakolatli shaxsi tomonidan amalga oshirilgan xatlash va koʻzdan kechirish dalolatnomalariga asosan realizatsiya qilingan yoki taklif etilgan mol-mulklarni rasmiylashtirish bilan bogʻliq xatarlarni rasmiylashtiruvchi idoralar zimmasida qoldirish.
5. Bosh prokuratura va Oliy sudning quyidagi takliflari maʼqullansin:
(a) ayrim toifadagi ijro hujjatlari boʻyicha qarzdor vafot etganda, u vafot etgan deb eʼlon qilinganda yoki bedarak yoʻqolgan deb topilganda unga nisbatan yuritilgan ijro ishlarini davlat ijrochisining qarori bilan tugatish amaliyotini joriy qilish;
(b) qonunda nazarda tutilgan ayrim toifadagi ijro hujjatlarini majburiy ijroga taqdim etilguniga qadar tegishli davlat organiga, tashkilotga yoki uning mansabdor shaxsiga topshirishni undiruvchining huquqi sifatida belgilash va ushbu ijro hujjatlari toifasiga undiruvni undiruvchi-yuridik shaxslar tomonidan qarzdor-jismoniy shaxsning ish haqi va boshqa daromadlariga qaratishni nazarda tutuvchi ijro hujjatlarini kiritish.
6. Bosh prokuratura, Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Savdo-sanoat palatasining ijro ishlari doirasida qarzdor yuridik shaxslarning xatlangan hisob raqamlariga kelib tushayotgan mablagʻlardan ish haqi va kommunal toʻlovlar uchun foydalanishga ruxsat berish tizimini joriy qilish haqidagi taklifi maʼqullansin.
7. Bosh prokuratura, Oliy sud ikki oy muddatda manfaatdor idoralar bilan birgalikda mazkur Farmonning 5 va 6-bandida nazarda tutilgan tartib boʻyicha qonun loyihasini ishlab chiqsin.
8. 2026-yil 1-maydan boshlab aliment toʻlovlarini undirish tizimi samaradorligini oshirish maqsadida aliment boʻyicha qarzdorlik mavjud boʻlganda qarzdorlik toʻliq bartaraf etilguniga qadar alohida yirik bitimlarni amalga oshirish, ayrim turdagi moliya-kredit va davlat xizmatlaridan foydalanishni cheklash tartibi joriy etilsin.
Bosh prokuratura (N. Yoʻldoshev) ikki oy muddatda mazkur bandning birinchi xatboshisida nazarda tutilgan tartibni tasdiqlash hamda ijro hujjatlari boʻyicha qarzdorlik mavjudligi tekshirilib amalga oshiriladigan yirik bitimlar, moliya-kredit va davlat xizmatlari roʻyxatini kengaytirishga oid qaror loyihasini Vazirlar Mahkamasiga kiritsin.
9. Energetika vazirligi (J. Mirzamahmudov) “Hududiy elektr tarmoqlari” AJ va “Hududgaztaʼminot” AJ bilan birgalikda 2026-yil 1-iyulga qadar ijro ishlari doirasida fuqarolar tomonidan amalga oshirilgan kommunal toʻlovlar boʻyicha elektron maʼlumot almashinuvini “Raqamli hukumat” tizimi orqali yoʻlga qoʻysin.
10. Bosh prokuratura (N. Yoʻldoshev) Raqamli texnologiyalar vazirligi (Sh. Shermatov) bilan birgalikda fuqarolarni ijro hujjatlari boʻyicha mavjud majburiyatlari haqida kengroq xabardor qilish maqsadida ijro jarayonida fuqarolarga nisbatan qoʻllangan cheklovlar toʻgʻrisidagi maʼlumotlarni “Raqamli hukumat” tizimi orqali toʻlov tashkilotlarining raqamli platformalariga begʻaraz asosda, boshqa tashkilotlarga belgilangan tartibda taqdim etsin.
11. Bosh prokuratura (N. Yoʻldoshev) va Markaziy bankning (T. Ishmetov) muammoli kreditlarni undirishni takomillashtirishga qaratilgan quyidagi takliflariga rozilik berilsin:
(a) muammoli kreditlar boʻyicha ijro hujjatlari asosida vujudga kelgan majburiyatlarni undirish bilan bogʻliq harakatlarni amalga oshirishni ixtisoslashtirilgan davlat ijrochilariga yuklash;
(b) Majburiy ijro byurosini rivojlantirish jamgʻarmasidan tijorat banklari tomonidan moliyalashtiriladigan mablagʻlar hisobidan qoʻshimcha 400 ta ixtisoslashtirilgan davlat ijrochisi shtat birligini ajratish;
(v) tijorat banklari tomonidan mablagʻ ajratilgunga qadar uch oy davomida kelgusidagi tushumlar hisobidan qoplash sharti bilan ixtisoslashtirilgan davlat ijrochisi shtat birliklarini moliyalashtirishni Majburiy ijro byurosini rivojlantirish jamgʻarmasidan amalga oshirish;
(g) ixtisoslashtirilgan davlat ijrochisi shtat birliklarini qoʻshimcha ajratish yoki kamaytirish Bosh prokuror buyrugʻi bilan amalga oshirilishini belgilash.
Majburiy ijro byurosi va Markaziy bank ikki oy muddatda kelishilgan holda muammoli kreditlar boʻyicha ijro hujjatlari asosida vujudga kelgan majburiyatlarni undirishda amalga oshiriladigan toʻlovlarni ajratish tartibini tasdiqlasin.
Toʻlovlar Majburiy ijro byurosi va tijorat banklari oʻrtasida tuziladigan shartnoma doirasida belgilanadi.
III. Farmon ijrosini tashkil etish, taʼminlash va nazorat
12. Raqamlashtirish bilan bogʻliq tadbirlarni amalga oshirish uchun Oʻzbekiston Respublikasi Bosh prokuraturasi huzuridagi Majburiy ijro byurosining Maʼlumotlarni qayta ishlash markazi qoʻshimcha serverlarni xarid qilish orqali modernizatsiya qilinsin.
13. Bosh prokuratura manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Prezidenti Administratsiyasiga taklif kiritsin.
14. Oʻzbekiston Respublikasi Prezidentining 2025-yil 26-dekabrdagi “Oʻzbekiston Respublikasining “2026-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi PQ-388-son qarorining 23-bandi “Sud hokimiyati organlarini rivojlantirish jamgʻarmasiga kelib tushgan mablagʻlar” soʻzlaridan keyin “va Majburiy ijro byurosini rivojlantirish jamgʻarmasiga undiriladigan ijro yigʻimi” soʻzlari bilan toʻldirilsin.
15. Mazkur Farmonda belgilangan chora-tadbirlarning ijrosini samarali tashkil qilishga masʼul va shaxsan javobgar etib Oʻzbekiston Respublikasi Bosh prokurori N.T. Yoʻldoshev belgilansin.
16. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasi Jamoat xavfsizligi va qonun ustuvorligi boʻyicha departamenti boshligʻi D.B. Kadirov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 30-mart,
PF-50-son
Президента Республики Узбекистан
Указ
О дополнительных мерах по цифровизации и повышению эффективности системы исполнения судебных актов и актов иных органов
В целях совершенствования системы эффективной защиты прав физических и юридических лиц в стране, обеспечения безусловного и своевременного исполнения судебных актов и актов иных органов, дальнейшего расширения работ по цифровизации исполнительных процедур, а также широкого внедрения технологий искусственного интеллекта в сферу постановляю:
I. Цели
1. Определить основными целями трансформации системы исполнения судебных актов и актов иных органов:
(а) обеспечение исполнения 30 процентов исполнительных дел без вмешательства государственного исполнителя путем широкого внедрения технологий искусственного интеллекта в процесс обеспечения исполнения судебных актов и актов иных органов;
(б) дальнейшее ускорение цифровизации ведения исполнительного производства, кардинальное повышение уровня оперативности путем автоматизации процессов, посредством которых возможно исключение человеческого фактора в сфере;
(в) осуществление отдельных принудительных исполнительных действий взыскателями, не нарушая определенных Конституцией прав граждан на неприкосновенность;
(г) внедрение новых подходов в систему исполнения судебных актов и актов иных органов на основе передового международного опыта.
II. Механизмы повышения эффективности исполнения судебных актов и актов иных органов
2. Установить, что с 1 января 2027 года:
(а) за счет внедрения технологий искусственного интеллекта и совершенствования информационных систем автоматизируется не менее 70 процентов решений, принимаемых государственными исполнителями;
(б) процессы делопроизводства в обеспечении исполнения судебных актов и актов иных органов осуществляются в электронной форме с помощью современных информационно-коммуникационных технологий;
(в) процессы распределения денежных средств, взысканных в ходе исполнительных действий, цифровизируются.
3. Одобрить предложения Генеральной прокуратуры и Агентства по управлению государственными активами, предусматривающие:
(а) передачу начиная с 1 июля 2026 года автомототранспортных средств и недвижимого имущества, подлежащих обращению в доход государства на основании судебных актов и актов иных органов, непосредственно в ведение Агентства по управлению государственными активами на основании решения государственного исполнителя;
(б) внедрение в срок до 1 сентября 2026 года платформы, обеспечивающей электронный обмен данными по обязательствам юридических лиц, находящихся в процессе неплатежеспособности.
4. Генеральной прокуратуре (Н. Йулдошев) совместно с Центральным банком и Налоговым комитетом внедрить новые подходы взыскания налоговой задолженности и проблемных кредитов, предусматривающие:
(а) создание возможности реализации имущества посредством электронных онлайн-аукционных торгов по исполнительным документам в соответствии с решением государственного исполнителя на основании оформленных взыскателем процессуальных актов;
(б) выполнение работ по оформлению процессуальных актов, связанных с арестом и осмотром имущества юридических лиц:
(i) по исполнительным документам налогового органа о взыскании налоговой задолженности — должностным лицом налогового органа;
(ii) по исполнительным документам об исполнении обеспеченных залогом обязательств — компетентным лицом коммерческого банка по поручению государственного исполнителя.
При этом права государственных исполнителей, связанные с арестом и осмотром имущества, сохраняются;
(в) отправку документов (залоговая документация, акты ареста и осмотра, информация о результатах аукционных торгов и переданном взыскателю имуществе, иные документы), связанных с организацией торгов по исполнительным документам, посредством электронных платформ;
(г) оставление за оформляющими ведомствами рисков, связанных с оформлением имущества, реализованного либо предложенного на основании актов ареста и осмотра, проведенного должностным лицом налогового органа либо компетентным лицом коммерческого банка.
5. Одобрить предложения Генеральной прокуратуры и Верховного суда по:
(а) внедрению практики прекращения производства по исполнительным делам в отношении должника по исполнительным документам отдельной категории в случае его смерти, объявления умершим либо пропавшим без вести на основании решения государственного исполнителя;
(б) определению передачи предусмотренных законом исполнительных документов отдельной категории в соответствующий государственный орган, организацию или их должностному лицу до их обращения к принудительному исполнению в качестве права взыскателя, а также включению в данную категорию исполнительных документов, предусматривающих обращение взыскания взыскателем — юридическим лицом на заработную плату и иные доходы должника — физического лица.
6. Одобрить предложение Генеральной прокуратуры, Уполномоченного по защите прав и законных интересов субъектов предпринимательства, Торгово-промышленной палаты о внедрении системы разрешения использования средств, поступающих на арестованные счета должников-юридических лиц в рамках исполнительных производств, для выплаты заработной платы и оплаты коммунальных услуг.
7. Генеральной прокуратуре, Верховному суду в двухмесячный срок совместно с заинтересованными ведомствами разработать проект закона о порядках, предусмотренных пунктами 5 и 6 настоящего Указа.
8. В целях повышения эффективности системы взыскания алиментных платежей внедрить с 1 мая 2026 года порядок ограничения совершения отдельных крупных сделок, пользования некоторыми видами финансово-кредитных и государственных услуг при наличии задолженности по алиментам до ее погашения в полном объеме.
Генеральной прокуратуре (Н. Йулдошев) в двухмесячный срок внести в Кабинет Министров проект постановления об утверждении порядка, предусмотренного абзацем первым настоящего пункта, а также о расширении перечня крупных сделок, финансово-кредитных и государственных услуг, осуществляемых после проверки наличия задолженности по исполнительным документам.
9. Министерству энергетики (Ж. Мирзамахмудов) совместно с АО «Региональные электрические сети» и АО «Худудгазтаъминот» в срок до 1 июля 2026 года внедрить электронный обмен данными по коммунальным платежам, осуществленным гражданами в рамках исполнительных дел, посредством системы «Цифровое правительство».
10. Генеральной прокуратуре (Н. Йулдошев) совместно с Министерством цифровых технологий (Ш. Шерматов) в целях более широкого информирования граждан об имеющихся обязательствах по исполнительным документам представлять сведения об ограничениях, примененных к гражданам в процессе исполнения, посредством системы «Цифровое правительство» на цифровые платформы платежных организаций — на безвозмездной основе, прочим организациям — в установленном порядке.
11. Согласиться с предложениями Генеральной прокуратуры (Н. Йулдошев) и Центрального банка (Т. Ишметов), направленными на совершенствование взыскания проблемных кредитов, предусматривающими:
(а) возложение на специализированных государственных исполнителей осуществления действий, связанных с взысканием обязательств, возникших на основе исполнительных документов по проблемным кредитам;
(б) выделение из Фонда развития Бюро принудительного исполнения дополнительно 400 штатных единиц специализированных государственных исполнителей за счет средств, финансируемых коммерческими банками;
(в) осуществление финансирования штатных единиц специализированных государственных исполнителей из Фонда развития Бюро принудительного исполнения с условием покрытия за счет будущих поступлений в течение трех месяцев до выделения средств коммерческими банками;
(г) установление дополнительного выделения либо сокращения штатных единиц специализированного государственного исполнителя на основании приказа Генерального прокурора.
Бюро принудительного исполнения и Центральному банку в двухмесячный срок утвердить по согласованию Порядок выделения платежей, осуществляемых при взыскании обязательств, возникших на основе исполнительных документов по проблемным кредитам.
Платежи определяются в рамках договора, заключаемого между Бюро принудительного исполнения и коммерческими банками.
III. Организация, обеспечение и контроль исполнения Указа
12. В целях проведения мероприятий, связанных с цифровизацией, осуществить модернизацию Центра обработки данных Бюро принудительного исполнения при Генеральной прокуратуре Республики Узбекистан путем закупки дополнительных серверов.
13. Генеральной прокуратуре совместно с заинтересованными министерствами и ведомствами в трехмесячный срок внести в Администрацию Президента Республики Узбекистан предложение об изменениях и дополнениях в акты законодательства, вытекающих из настоящего Указа.
14. В тексте на государственном языке пункта 23 постановления Президента Республики Узбекистан от 26 декабря 2025 года № ПП-388 «О мерах по обеспечению исполнения Закона Республики Узбекистан «О Государственном бюджете Республики Узбекистан на 2026 год» после слов «Суд ҳокимияти органларини ривожлантириш жамғармасига келиб тушган маблағлар» дополнить словами «ва Мажбурий ижро бюросини ривожлантириш жамғармасига ундириладиган ижро йиғими».
15. Возложить на Генерального прокурора Республики Узбекистан Н.Т. Йулдошева персональную ответственность за эффективную организацию исполнения мер, определенных настоящим Указом.
16. Контроль за исполнением настоящего Указа возложить на начальника Департамента по общественной безопасности и верховенству закона Администрации Президента Республики Узбекистан Д.Б. Кадирова.
Президент Республики Узбекистан Ш. МИРЗИЁЕВ
г. Ташкент,
30 марта 2026 г.,
№ УП-50