UzbekAI

Ўзбекистон Республикаси Президентининг

Фармони

Аҳоли билан мулоқот тизимини самарали ташкил қилиш бўйича қўшимча чора-тадбирлар тўғрисида

Аҳоли билан давлат органлари ўртасида очиқ ва самарали мулоқотни таъминлаш, фуқароларнинг мурожаат қилиш ҳуқуқини сўзсиз амалга ошириш орқали уларнинг давлат бошқарувида иштирокини янада кенгайтириш, Халқ қабулхоналари фаолиятини самарали ташкил қилиш мақсадида, шунингдек, Ўзбекистон Республикаси Президентининг 2025 йил 14 июлдаги «Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида»ги ПФ-111-сон Фармонига мувофиқ қарор қиламан:

I. Мақсадлар

1. Қуйидагилар аҳоли билан мулоқот тизимини такомиллаштиришнинг мақсадлари этиб белгилансин:

(а) аҳоли билан давлат органлари ўртасида очиқ ва самарали мулоқотни таъминлаш;

(б) Халқ қабулхоналарининг ягона вертикал тизимини жорий этиш орқали улар фаолиятини самарали ташкил қилиш;

(в) Халқ қабулхоналарининг «маҳалла еттилиги», давлат органлари ва ташкилотларининг жамоатчилик билан алоқалар бўлимлари (ахборот хизматлари) билан яқин ҳамкорлигини таъминлаш орқали мурожаатларнинг бевосита ҳудудларда қабул қилиниши ва кўриб чиқилишига эришиш.

II. Аҳоли ва давлат органлари ўртасидаги мулоқот кўламини кенгайтириш ва самарадорлигини ошириш

2. 2026 йил 1 майдан шундай тартиб ўрнатилсинки, унга мувофиқ:

(а) Ўзбекистон Республикаси Президенти Виртуал қабулхонаси ахборот тизимига келиб тушган мурожаатлар бўйича назорат вақти режими ўрнатилади, бунда кўриб чиқилиши белгиланган муддатдан ўтган мурожаатлар ижро учун автоматик равишда юқори турувчи давлат органига ўтади;

(б) Ўзбекистон Республикаси Президентининг Виртуал қабулхонаси ахборот тизимида мурожаатларни қабул қилишда улар «шошилинч», «одатий», «маслаҳат талаб қилувчи» тоифаларига ажратиш амалиёти йўлга қўйилади, назоратга қайтарилган мурожаатлар уч иш куни ичида юқори турувчи органлар томонидан қайта ўрганиб чиқилади;

(в) аҳоли мурожаатлари билан ишлаш бўйича давлат органлари ва ташкилотлари раҳбарлари ҳисоботларини Ўзбекистон Республикаси Олий Мажлисининг Қонунчилик палатаси ва Сенатида, ҳокимлар ҳамда ҳудудий давлат органлари ва ташкилотлари раҳбарлари ҳисоботларини эса тегишлича Сенатда ёки маҳаллий кенгашларда ҳар чоракда камида бир марта эшитиб бориш тартиби жорий қилинади;

(г) давлат органлари ва ташкилотларининг ахборот хизматлари Халқ қабулхоналари билан ҳамкорликда ҳудудда мурожаатлар билан ишлаш ҳолатини ёритади, шунингдек, оммавий ахборот воситалари ва ижтимоий тармоқлардаги мурожаатларнинг кўриб чиқилишига оид эътирозларни ўрганиб боради ва бу улар фаолиятининг самарадорлиги кўрсаткичларида акс эттирилади.

3. Белгилаб қўйилсинки:

(а) Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри, туман (шаҳар) ҳокимлари тегишли Халқ қабулхонасига жамоатчилик асосида раҳбарлик қилади ҳамда мунтазам равишда Халқ қабулхонасида фуқароларни шахсан қабул қилади ва муаммоларини жойида ҳал қилиш чораларини кўради, мурожаатлар таҳлилини олиб боради;

(б) вазирлик ва идоралар раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан фаолияти бўйича Ўзбекистон Республикаси Президенти ҳузурида қилинадиган тақдимотларда аҳоли мурожаатларидаги тизимли муаммолар ва уларнинг ечими юзасидан режалари ҳақида алоҳида ҳисобот берилади;

(в) келиб тушаётган мурожаатларни ҳал қилиш, уларни таҳлил қилиш, аниқланган тизимли муаммолар ечими юзасидан таклифлар ишлаб чиқиш учун давлат органлари ва ташкилотлари, жумладан, маҳаллий ҳокимликларда доимий фаолият олиб борадиган ишчи гуруҳлар ташкил этилади ҳамда уларга давлат органлари ва ташкилотларининг шахсан биринчи раҳбарлари бошчилик қилади, ишлаб чиқилган таклифларни ҳар уч ойда Вазирлар Маҳкамасига киритиб боради;

(г) Ўзбекистон Республикаси Президенти Виртуал ва Халқ қабулхоналарига келиб тушган мурожаатлар билан ишлаш ҳолати бўйича ҳар олти ойда Ўзбекистон Республикаси Президенти Виртуал қабулхонаси ахборот тизими орқали давлат органлари ва ташкилотлари ҳамда маҳаллий ҳокимликларнинг рейтинги очиқ эълон қилиб борилади. Рейтингда мурожаатлар салмоғи, уларни ҳал этиш даражаси, муддатларга риоя этилганлиги, мурожаатларни кўриб чиқиш натижалари бўйича тизимга киритилган материаллар қайта ижрога юборилиши, такрорийлиги каби мезонлар акс эттирилади;

(д) давлат органлари ва ташкилотлари, маҳаллий ҳокимликлар томонидан ўтказиладиган шахсий ва сайёр қабуллар тизимини тўлиқ рақамлаштириш орқали қабуллар жараёни устидан назорат ўрнатилади;

(ж) Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри, туман (шаҳар) ҳокимлари томонидан ҳар чоракда камида бир марта оммавий ахборот воситалари ёки ижтимоий тармоқлардаги расмий саҳифалари орқали мурожаатлар билан ишлаш фаолияти, ҳудудда муаммоларни ҳал қилиш бўйича кўрилган чоралар, келгусида бажариладиган ишлар ва режалар ҳақида кенг жамоатчиликка батафсил ахборот берилади;

(з) жамоавий тусдаги мурожаатлар аҳоли вакиллари ва «маҳалла еттилиги» иштирокида ўрганилиб, улар розилиги асосида назоратдан олинади;

(и) давлат органлари ва ташкилотларининг мурожаатлар билан ишлаш бўлинмалари ходимлари, шунингдек, «маҳалла еттилиги» аъзоларининг мурожаатлар билан ишлаш фаолияти тегишлича Халқ қабулхоналари томонидан мувофиқлаштирилади.

III. Халқ қабулхоналари фаолияти самарадорлигини ошириш

4. Ўзбекистон Республикаси Президенти ҳузурида юридик шахс мақомига эга бўлган Ўзбекистон Республикаси Президенти Халқ қабулхонаси (кейинги ўринларда — Президент Халқ қабулхонаси) ташкил этилсин.

Президент Халқ қабулхонаси марказий аппаратининг умумий бошқарув ходимлари штат бирликлари сони 49 та ҳамда ёрдамчи ходимлар (хизматчилар) сони 20 та этиб белгиланади.

Бунда:

(а) 19 та штат бирлиги Ўзбекистон Республикаси Президентининг 2025 йил 14 июлдаги ПФ-111-сонли Фармонида назарда тутилганлиги маълумот учун қабул қилинсин;

(б) 30 та штат бирлиги Ўзбекистон Республикаси Президентининг туман ва шаҳарлардаги Халқ қабулхоналари штат бирликларини қисқартириш ҳисобига ажратилсин.

5. Белгилансинки:

(а) Ўзбекистон Республикаси Президентининг Қорақалпоғистон Республикаси, вилоятлар ва Тошкент шаҳри ҳамда туман (шаҳар)даги Халқ қабулхоналари Президент Халқ қабулхонасининг алоҳида бўлинмалари сифатида юридик шахс ташкил этмасдан фаолият юритади ҳамда маҳаллий бюджет маблағлари ҳисобидан молиялаштирилади;

(б) Президент Халқ қабулхонаси марказий аппарати фаолияти Ўзбекистон Республикасининг республика бюджети ҳисобидан молиялаштирилади.

6. Ўзбекистон Республикаси Президентининг Қорақалпоғистон Республикаси, вилоятлар ва Тошкент шаҳри ҳамда туман (шаҳар)даги Халқ қабулхоналарида мавжуд штат бирликлари доирасида Халқ қабулхонаси мудир ўринбосари лавозими жорий этилсин.

7. Шундай тартиб ўрнатилсинки, унга мувофиқ:

(б) Қорақалпоғистон Республикаси, вилоятлар ва Тошкент шаҳридаги Халқ қабулхоналари мудирлари ўринбосарлари Ўзбекистон Республикаси Президенти Администрацияси раҳбари билан келишилган ҳолда Президент Халқ қабулхонаси бошлиғи томонидан;

(в) туман (шаҳар)даги Халқ қабулхоналари мудирлари ўринбосарлари, Президент Халқ қабулхонаси марказий аппарати ва Халқ қабулхоналари бошқа ходимлари — Президент Халқ қабулхонаси бошлиғи томонидан лавозимга тайинланади ва лавозимдан озод этилади.

8. Белгилаб қўйилсинки:

(а) Президент Халқ қабулхонаси ўз фаолиятини Ўзбекистон Республикаси Президенти Администрациясининг Коммуникациялар департаменти мутасаддилигида амалга оширади ва унга ҳисоб беради;

(б) Президент Халқ қабулхонаси бошлиғи мақоми, лавозимга тайинлаш ва лавозимдан озод этиш шартлари, меҳнатга ҳақ тўлаш ва рағбатлантириш, тиббий хизмат ва транспорт таъминоти шароитлари бўйича Ўзбекистон Республикаси Президенти Администрацияси департаменти бошлиғи ўринбосарига тенглаштирилади;

(в) Президент Халқ қабулхонаси бошлиғининг икки нафар ўринбосари, шу жумладан, бир нафар биринчи ўринбосари лавозимга тайинлаш ва лавозимдан озод этиш шартлари ҳамда меҳнатга ҳақ тўлаш шароитлари бўйича Ўзбекистон Республикаси Президенти Администрациясининг бошқарма бошлиғига тенглаштирилади.

IV. Президент Халқ қабулхонасининг вазифалари, ҳуқуқ ва ваколатлари

9. Қуйидагилар Президент Халқ қабулхонасининг асосий вазифалари этиб белгилансин:

(а) Ўзбекистон Республикаси Президентига, Ўзбекистон Республикаси Президенти Администрациясига ариза ва шикоятлар билан келган жисмоний шахсларни ва юридик шахслар вакилларини қабул қилиш ҳамда уларнинг мурожаатлари кўриб чиқилишини таъминлаш;

(б) мурожаатлар давлат органлари ва бошқа ташкилотлар томонидан ҳар томонлама, тўлиқ, холис ва ўз вақтида кўриб чиқилиши ва назорат қилинишини ташкил этиш;

(в) мурожаатларда кўтарилган, жойларда аниқланган тизимли муаммоларни таҳлил қилиш, натижалари бўйича тегишли материаллар тайёрлаш;

(г) жойлардаги Халқ қабулхоналари фаолиятини мувофиқлаштириш, норматив-услубий ва ахборот-таҳлилий жиҳатдан таъминлаш, шунингдек, уларга юклатилган вазифа ва функцияларнинг бажарилишини мониторинг қилиш;

(д) вазирлик ва идоралар, ҳокимликларда мурожаатлар билан ишлашда қонунчилик ҳужжатлари талабларига риоя этилишини таъминлаш, тегишли ташкилотларга кўрсатма ва топшириқлар юбориш.

10. Президент Халқ қабулхонаси қуйидаги ҳуқуқ ва ваколатларга эга:

(а) Ўзбекистон Республикаси Президенти Виртуал ва Халқ қабулхоналарига мурожаат қилган шахсларнинг ҳуқуқларига риоя этилиши бўйича қонунчилик ҳужжатларининг сўзсиз бажарилиши, зарур ҳолларда, ҳуқуқни муҳофаза қилувчи ва назорат қилувчи органлар ходимлари ва «маҳалла еттилиги» аъзоларини жалб қилган ҳолда ўрганилишини ташкил қилиш;

(б) давлат органлари ва ташкилотлари раҳбарлари томонидан сайёр ва оммавий қабуллар режа-графиклар асосида ўтказилишини назорат қилиш, аҳоли эътирозларига сабаб бўлаётган масалалар бўйича қабуллар ташкил этиш юзасидан бажарилиши мажбурий бўлган талабнома киритиш;

(в) давлат органлари ва ташкилотлари раҳбарларининг шахсий қабуллари ўтказилишини ва «ишонч телефонлари» фаолиятини мониторинг қилиш;

(г) аҳоли мурожаатлари билан ишлаш ҳолати тўғрисида Ўзбекистон Республикаси Олий Мажлисининг Қонунчилик палатаси ва Сенати ҳамда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашларига таҳлилий ахборотлар киритиш;

(д) давлат органлари ва ташкилотлари раҳбарларига жисмоний ва юридик шахсларнинг мурожаатлари тўғрисидаги қонунчилик ҳужжатлари бузилиши, уларни келтириб чиқарган сабаб ва шароитларни бартараф этиш бўйича кўриб чиқилиши мажбурий бўлган тақдимномалар киритиш;

(ж) жисмоний ва юридик шахсларнинг мурожаатлари тўғрисидаги қонунчилик ҳужжатларига риоя этилишини назорат қилиш ва аниқланган қонунбузилиши ҳолатлари юзасидан маъмурий ҳуқуқбузарлик тўғрисида баённома тузиш ҳамда кўриб чиқиш учун судга юбориш;

(з) мурожаатларда кўтарилган масала, муаммо ва келтирилган важларни ҳар томонлама текшириш ва самарали ҳал қилиш юзасидан мурожаатларни кўриб чиқувчи давлат органлари ва ташкилотларига кўрсатмалар бериш;

(и) ўз ваколатлари доирасига кирувчи масалалар юзасидан давлат органлари ва ташкилотларидан статистик, таҳлилий материаллар, хулосалар ва бошқа маълумотларни талаб қилиб олиш;

(к) давлат органлари ва ташкилотларининг мурожаатлар ва аҳоли муаммолари билан ишлаш, ижтимоий соҳа ва бошқа объектларда аниқланган муаммоларни ҳал қилиш борасидаги фаолиятини ўрганиш мақсадида уларнинг ҳудуди ва биноларига монеликсиз кириш;

(л) мансабдор шахслар ва фуқаролардан жисмоний ва юридик шахсларнинг мурожаатлари тўғрисидаги қонунчилик ҳужжатлари бузилиши хусусида оғзаки ва ёзма тушунтиришлар талаб қилиб олиш;

(м) давлат органлари ва ташкилотларининг мурожаатлар билан ишлаш фаолиятини муҳокама қилишга оид йиғилишларида иштирок этиш;

(н) қонунчиликда белгиланган тартибда давлат органлари ва ташкилотлари маълумотлар базаларидан фойдаланиш;

(о) аҳоли кайфиятига таъсир қилаётган масалалар бўйича давлат органлари ва ташкилотлари раҳбарларининг ҳисоботини эшитиб бориш;

(п) ўзига юклатилган вазифаларни бажариш учун, зарур ҳолларда, давлат органлари, илмий-тадқиқот муассасалари ва бошқа ташкилотлар раҳбарлари ва мутахассисларидан иборат таркибда ишчи гуруҳлар тузиш;

(р) Президент Халқ қабулхонаси қонунчилик ҳужжатларига мувофиқ бошқа ҳуқуқ ва ваколатларга ҳам эга бўлиши мумкин.

11. Давлат органлари ва ташкилотлари Президент Халқ қабулхонаси ва жойлардаги Халқ қабулхоналари томонидан киритилган талабнома, тақдимнома, кўрсатмаларни бажармаган тақдирда, ушбу ҳолатлар бўйича материаллар тегишли чоралар кўриш учун прокуратура органларига киритилади.

V. Фармон ижросини ташкил этиш, таъминлаш ва назорат

12. Президент Халқ қабулхонаси:

(а) бир ой муддатда Президент Халқ қабулхонаси тўғрисидаги низом ва унинг тузилмаси ҳамда штатлар жадвалини Ўзбекистон Республикаси Президенти Администрацияси раҳбарига тасдиқлаш учун киритсин;

(б) олти ой муддатда аҳоли билан мулоқотни самарали ташкил этиш бўйича ривожланган хорижий мамлакатларнинг тажрибасини ўрганиш орқали, шунингдек, кенг жамоатчилик вакилларининг таклифларини инобатга олган ҳолда Халқ қабулхоналари фаолиятини ҳамда давлат органларида аҳоли мурожаатлари билан ишлаш тизимини янада такомиллаштириш юзасидан таклиф киритсин.

13. Президент Халқ қабулхонаси Тошкент шаҳри Миробод тумани Фидокорлар кўчаси 23-уй ва Шайхонтоҳур тумани Бунёдкор шоҳкўчаси 2-уй манзилларидаги биноларга текин фойдаланиш ҳуқуқи асосида жойлаштирилсин.

Бунда мазкур биноларда фойдаланишда бўлган офис жиҳозлари (компьютер, принтер ва алоқа жамламалари, мебель ва бошқа керакли инвентарь ва ускуналар) Президент Халқ қабулхонасининг балансига беғараз ўтказиб берилиши назарда тутилсин.

14. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари икки ой муддатда барча Халқ қабулхоналарининг моддий-техник базасини тўлиқ хатловдан ўтказиб, уларда халқ билан мулоқот қилиш ва мурожаатлар билан ишлашни яхшилаш учун зарур шароитлар яратсин, Халқ қабулхоналари ходимларини замонавий компьютерлар, мебель жиҳозлари ҳамда бошқа керакли асбоб-ускуналар ва анжомлар, юқори тезликдаги Интернет тармоғи билан таъминлаш чораларини кўрсин.

15. Иқтисодиёт ва молия вазирлиги:

(а) бир ой муддатда Президент Халқ қабулхонаси фаолиятини ташкил этиш учун талаб қилинадиган маблағларни 2026 йилда Ўзбекистон Республикасининг республика бюджетидан биринчи даражали бюджет маблағларини тақсимловчиларнинг иқтисод қилинган маблағлари доирасида ажратсин. Бунда Президент Халқ қабулхонасини зарур мебель, компьютер ва бошқа жиҳозлар билан таъминлаш учун маблағ ажратилишини назарда тутсин;

(б) 2027 йилдан бошлаб ҳар йили Давлат бюджети параметрларини шакллантиришда Президент Халқ қабулхонаси фаолиятини молиялаштириш учун зарур маблағларни назарда тутсин.

16. Адлия вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Қуйидагилар:

(а) Ўзбекистон Республикасининг Президентининг қабули сўралган мурожаатлар билан ишлаш тартиби тўғрисидаги низом 1-иловага * мувофиқ тасдиқлансин;

(б) Ўзбекистон Республикаси Президентининг 2-иловага * мувофиқ айрим ҳужжатларига ўзгартириш ва қўшимчалар киритилсин.

18. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Коммуникациялар департаменти бошлиғи — Ўзбекистон Республикаси Президенти матбуот котиби Ш.И. Асадов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 1 апрель,

ПФ-51-сон

(Қонунчилик маълумотлари миллий базаси, 02.04.2026 й., 06/26/51/0299-сон; 14.10.2026 й., 06/26/224/1026-сон)

lex.uz

Oʻzbekiston Respublikasi Prezidentining

Farmoni

Aholi bilan muloqot tizimini samarali tashkil qilish boʻyicha qoʻshimcha chora-tadbirlar toʻgʻrisida

Aholi bilan davlat organlari oʻrtasida ochiq va samarali muloqotni taʼminlash, fuqarolarning murojaat qilish huquqini soʻzsiz amalga oshirish orqali ularning davlat boshqaruvida ishtirokini yanada kengaytirish, Xalq qabulxonalari faoliyatini samarali tashkil qilish maqsadida, shuningdek, Oʻzbekiston Respublikasi Prezidentining 2025-yil 14-iyuldagi “Davlat boshqaruvi tizimida samaradorlik, proaktivlik va natijadorlikni oshirish chora-tadbirlari toʻgʻrisida”gi PF-111-son Farmoniga muvofiq qaror qilaman:

I. Maqsadlar

1. Quyidagilar aholi bilan muloqot tizimini takomillashtirishning maqsadlari etib belgilansin:

(a) aholi bilan davlat organlari oʻrtasida ochiq va samarali muloqotni taʼminlash;

(b) Xalq qabulxonalarining yagona vertikal tizimini joriy etish orqali ular faoliyatini samarali tashkil qilish;

(v) Xalq qabulxonalarining “mahalla yettiligi”, davlat organlari va tashkilotlarining jamoatchilik bilan aloqalar boʻlimlari (axborot xizmatlari) bilan yaqin hamkorligini taʼminlash orqali murojaatlarning bevosita hududlarda qabul qilinishi va koʻrib chiqilishiga erishish.

II. Aholi va davlat organlari oʻrtasidagi muloqot koʻlamini kengaytirish va samaradorligini oshirish

2. 2026-yil 1-maydan shunday tartib oʻrnatilsinki, unga muvofiq:

(a) Oʻzbekiston Respublikasi Prezidenti Virtual qabulxonasi axborot tizimiga kelib tushgan murojaatlar boʻyicha nazorat vaqti rejimi oʻrnatiladi, bunda koʻrib chiqilishi belgilangan muddatdan oʻtgan murojaatlar ijro uchun avtomatik ravishda yuqori turuvchi davlat organiga oʻtadi;

(b) Oʻzbekiston Respublikasi Prezidentining Virtual qabulxonasi axborot tizimida murojaatlarni qabul qilishda ular “shoshilinch”, “odatiy”, “maslahat talab qiluvchi” toifalariga ajratish amaliyoti yoʻlga qoʻyiladi, nazoratga qaytarilgan murojaatlar uch ish kuni ichida yuqori turuvchi organlar tomonidan qayta oʻrganib chiqiladi;

(v) aholi murojaatlari bilan ishlash boʻyicha davlat organlari va tashkilotlari rahbarlari hisobotlarini Oʻzbekiston Respublikasi Oliy Majlisining Qonunchilik palatasi va Senatida, hokimlar hamda hududiy davlat organlari va tashkilotlari rahbarlari hisobotlarini esa tegishlicha Senatda yoki mahalliy kengashlarda har chorakda kamida bir marta eshitib borish tartibi joriy qilinadi;

(g) davlat organlari va tashkilotlarining axborot xizmatlari Xalq qabulxonalari bilan hamkorlikda hududda murojaatlar bilan ishlash holatini yoritadi, shuningdek, ommaviy axborot vositalari va ijtimoiy tarmoqlardagi murojaatlarning koʻrib chiqilishiga oid eʼtirozlarni oʻrganib boradi va bu ular faoliyatining samaradorligi koʻrsatkichlarida aks ettiriladi.

3. Belgilab qoʻyilsinki:

(a) Qoraqalpogʻiston Respublikasi Vazirlar Kengashi Raisi, viloyatlar va Toshkent shahri, tuman (shahar) hokimlari tegishli Xalq qabulxonasiga jamoatchilik asosida rahbarlik qiladi hamda muntazam ravishda Xalq qabulxonasida fuqarolarni shaxsan qabul qiladi va muammolarini joyida hal qilish choralarini koʻradi, murojaatlar tahlilini olib boradi;

(b) vazirlik va idoralar rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan faoliyati boʻyicha Oʻzbekiston Respublikasi Prezidenti huzurida qilinadigan taqdimotlarda aholi murojaatlaridagi tizimli muammolar va ularning yechimi yuzasidan rejalari haqida alohida hisobot beriladi;

(v) kelib tushayotgan murojaatlarni hal qilish, ularni tahlil qilish, aniqlangan tizimli muammolar yechimi yuzasidan takliflar ishlab chiqish uchun davlat organlari va tashkilotlari, jumladan, mahalliy hokimliklarda doimiy faoliyat olib boradigan ishchi guruhlar tashkil etiladi hamda ularga davlat organlari va tashkilotlarining shaxsan birinchi rahbarlari boshchilik qiladi, ishlab chiqilgan takliflarni har uch oyda Vazirlar Mahkamasiga kiritib boradi;

(g) Oʻzbekiston Respublikasi Prezidenti Virtual va Xalq qabulxonalariga kelib tushgan murojaatlar bilan ishlash holati boʻyicha har olti oyda Oʻzbekiston Respublikasi Prezidenti Virtual qabulxonasi axborot tizimi orqali davlat organlari va tashkilotlari hamda mahalliy hokimliklarning reytingi ochiq eʼlon qilib boriladi. Reytingda murojaatlar salmogʻi, ularni hal etish darajasi, muddatlarga rioya etilganligi, murojaatlarni koʻrib chiqish natijalari boʻyicha tizimga kiritilgan materiallar qayta ijroga yuborilishi, takroriyligi kabi mezonlar aks ettiriladi;

(d) davlat organlari va tashkilotlari, mahalliy hokimliklar tomonidan oʻtkaziladigan shaxsiy va sayyor qabullar tizimini toʻliq raqamlashtirish orqali qabullar jarayoni ustidan nazorat oʻrnatiladi;

(j) Qoraqalpogʻiston Respublikasi Vazirlar Kengashi Raisi, viloyatlar va Toshkent shahri, tuman (shahar) hokimlari tomonidan har chorakda kamida bir marta ommaviy axborot vositalari yoki ijtimoiy tarmoqlardagi rasmiy sahifalari orqali murojaatlar bilan ishlash faoliyati, hududda muammolarni hal qilish boʻyicha koʻrilgan choralar, kelgusida bajariladigan ishlar va rejalar haqida keng jamoatchilikka batafsil axborot beriladi;

(z) jamoaviy tusdagi murojaatlar aholi vakillari va “mahalla yettiligi” ishtirokida oʻrganilib, ular roziligi asosida nazoratdan olinadi;

(i) davlat organlari va tashkilotlarining murojaatlar bilan ishlash boʻlinmalari xodimlari, shuningdek, “mahalla yettiligi” aʼzolarining murojaatlar bilan ishlash faoliyati tegishlicha Xalq qabulxonalari tomonidan muvofiqlashtiriladi.

III. Xalq qabulxonalari faoliyati samaradorligini oshirish

4. Oʻzbekiston Respublikasi Prezidenti huzurida yuridik shaxs maqomiga ega boʻlgan Oʻzbekiston Respublikasi Prezidenti Xalq qabulxonasi (keyingi oʻrinlarda — Prezident Xalq qabulxonasi) tashkil etilsin.

Prezident Xalq qabulxonasi markaziy apparatining umumiy boshqaruv xodimlari shtat birliklari soni 49 ta hamda yordamchi xodimlar (xizmatchilar) soni 20 ta etib belgilanadi.

Bunda:

(a) 19 ta shtat birligi Oʻzbekiston Respublikasi Prezidentining 2025-yil 14-iyuldagi PF-111-sonli Farmonida nazarda tutilganligi maʼlumot uchun qabul qilinsin;

(b) 30 ta shtat birligi Oʻzbekiston Respublikasi Prezidentining tuman va shaharlardagi Xalq qabulxonalari shtat birliklarini qisqartirish hisobiga ajratilsin.

5. Belgilansinki:

(a) Oʻzbekiston Respublikasi Prezidentining Qoraqalpogʻiston Respublikasi, viloyatlar va Toshkent shahri hamda tuman (shahar)dagi Xalq qabulxonalari Prezident Xalq qabulxonasining alohida boʻlinmalari sifatida yuridik shaxs tashkil etmasdan faoliyat yuritadi hamda mahalliy budjet mablagʻlari hisobidan moliyalashtiriladi;

(b) Prezident Xalq qabulxonasi markaziy apparati faoliyati Oʻzbekiston Respublikasining respublika budjeti hisobidan moliyalashtiriladi.

6. Oʻzbekiston Respublikasi Prezidentining Qoraqalpogʻiston Respublikasi, viloyatlar va Toshkent shahri hamda tuman (shahar)dagi Xalq qabulxonalarida mavjud shtat birliklari doirasida Xalq qabulxonasi mudir oʻrinbosari lavozimi joriy etilsin.

7. Shunday tartib oʻrnatilsinki, unga muvofiq:

(b) Qoraqalpogʻiston Respublikasi, viloyatlar va Toshkent shahridagi Xalq qabulxonalari mudirlari oʻrinbosarlari Oʻzbekiston Respublikasi Prezidenti Administratsiyasi rahbari bilan kelishilgan holda Prezident Xalq qabulxonasi boshligʻi tomonidan;

(v) tuman (shahar)dagi Xalq qabulxonalari mudirlari oʻrinbosarlari, Prezident Xalq qabulxonasi markaziy apparati va Xalq qabulxonalari boshqa xodimlari — Prezident Xalq qabulxonasi boshligʻi tomonidan lavozimga tayinlanadi va lavozimdan ozod etiladi.

8. Belgilab qoʻyilsinki:

(a) Prezident Xalq qabulxonasi oʻz faoliyatini Oʻzbekiston Respublikasi Prezidenti Administratsiyasining Kommunikatsiyalar departamenti mutasaddiligida amalga oshiradi va unga hisob beradi;

(b) Prezident Xalq qabulxonasi boshligʻi maqomi, lavozimga tayinlash va lavozimdan ozod etish shartlari, mehnatga haq toʻlash va ragʻbatlantirish, tibbiy xizmat va transport taʼminoti sharoitlari boʻyicha Oʻzbekiston Respublikasi Prezidenti Administratsiyasi departamenti boshligʻi oʻrinbosariga tenglashtiriladi;

(v) Prezident Xalq qabulxonasi boshligʻining ikki nafar oʻrinbosari, shu jumladan, bir nafar birinchi oʻrinbosari lavozimga tayinlash va lavozimdan ozod etish shartlari hamda mehnatga haq toʻlash sharoitlari boʻyicha Oʻzbekiston Respublikasi Prezidenti Administratsiyasining boshqarma boshligʻiga tenglashtiriladi.

IV. Prezident Xalq qabulxonasining vazifalari, huquq va vakolatlari

9. Quyidagilar Prezident Xalq qabulxonasining asosiy vazifalari etib belgilansin:

(a) Oʻzbekiston Respublikasi Prezidentiga, Oʻzbekiston Respublikasi Prezidenti Administratsiyasiga ariza va shikoyatlar bilan kelgan jismoniy shaxslarni va yuridik shaxslar vakillarini qabul qilish hamda ularning murojaatlari koʻrib chiqilishini taʼminlash;

(b) murojaatlar davlat organlari va boshqa tashkilotlar tomonidan har tomonlama, toʻliq, xolis va oʻz vaqtida koʻrib chiqilishi va nazorat qilinishini tashkil etish;

(v) murojaatlarda koʻtarilgan, joylarda aniqlangan tizimli muammolarni tahlil qilish, natijalari boʻyicha tegishli materiallar tayyorlash;

(g) joylardagi Xalq qabulxonalari faoliyatini muvofiqlashtirish, normativ-uslubiy va axborot-tahliliy jihatdan taʼminlash, shuningdek, ularga yuklatilgan vazifa va funksiyalarning bajarilishini monitoring qilish;

(d) vazirlik va idoralar, hokimliklarda murojaatlar bilan ishlashda qonunchilik hujjatlari talablariga rioya etilishini taʼminlash, tegishli tashkilotlarga koʻrsatma va topshiriqlar yuborish.

10. Prezident Xalq qabulxonasi quyidagi huquq va vakolatlarga ega:

(a) Oʻzbekiston Respublikasi Prezidenti Virtual va Xalq qabulxonalariga murojaat qilgan shaxslarning huquqlariga rioya etilishi boʻyicha qonunchilik hujjatlarining soʻzsiz bajarilishi, zarur hollarda, huquqni muhofaza qiluvchi va nazorat qiluvchi organlar xodimlari va “mahalla yettiligi” aʼzolarini jalb qilgan holda oʻrganilishini tashkil qilish;

(b) davlat organlari va tashkilotlari rahbarlari tomonidan sayyor va ommaviy qabullar reja-grafiklar asosida oʻtkazilishini nazorat qilish, aholi eʼtirozlariga sabab boʻlayotgan masalalar boʻyicha qabullar tashkil etish yuzasidan bajarilishi majburiy boʻlgan talabnoma kiritish;

(v) davlat organlari va tashkilotlari rahbarlarining shaxsiy qabullari oʻtkazilishini va “ishonch telefonlari” faoliyatini monitoring qilish;

(g) aholi murojaatlari bilan ishlash holati toʻgʻrisida Oʻzbekiston Respublikasi Oliy Majlisining Qonunchilik palatasi va Senati hamda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlariga tahliliy axborotlar kiritish;

(d) davlat organlari va tashkilotlari rahbarlariga jismoniy va yuridik shaxslarning murojaatlari toʻgʻrisidagi qonunchilik hujjatlari buzilishi, ularni keltirib chiqargan sabab va sharoitlarni bartaraf etish boʻyicha koʻrib chiqilishi majburiy boʻlgan taqdimnomalar kiritish;

(j) jismoniy va yuridik shaxslarning murojaatlari toʻgʻrisidagi qonunchilik hujjatlariga rioya etilishini nazorat qilish va aniqlangan qonunbuzilishi holatlari yuzasidan maʼmuriy huquqbuzarlik toʻgʻrisida bayonnoma tuzish hamda koʻrib chiqish uchun sudga yuborish;

(z) murojaatlarda koʻtarilgan masala, muammo va keltirilgan vajlarni har tomonlama tekshirish va samarali hal qilish yuzasidan murojaatlarni koʻrib chiquvchi davlat organlari va tashkilotlariga koʻrsatmalar berish;

(i) oʻz vakolatlari doirasiga kiruvchi masalalar yuzasidan davlat organlari va tashkilotlaridan statistik, tahliliy materiallar, xulosalar va boshqa maʼlumotlarni talab qilib olish;

(k) davlat organlari va tashkilotlarining murojaatlar va aholi muammolari bilan ishlash, ijtimoiy soha va boshqa obyektlarda aniqlangan muammolarni hal qilish borasidagi faoliyatini oʻrganish maqsadida ularning hududi va binolariga moneliksiz kirish;

(l) mansabdor shaxslar va fuqarolardan jismoniy va yuridik shaxslarning murojaatlari toʻgʻrisidagi qonunchilik hujjatlari buzilishi xususida ogʻzaki va yozma tushuntirishlar talab qilib olish;

(m) davlat organlari va tashkilotlarining murojaatlar bilan ishlash faoliyatini muhokama qilishga oid yigʻilishlarida ishtirok etish;

(n) qonunchilikda belgilangan tartibda davlat organlari va tashkilotlari maʼlumotlar bazalaridan foydalanish;

(o) aholi kayfiyatiga taʼsir qilayotgan masalalar boʻyicha davlat organlari va tashkilotlari rahbarlarining hisobotini eshitib borish;

(p) oʻziga yuklatilgan vazifalarni bajarish uchun, zarur hollarda, davlat organlari, ilmiy-tadqiqot muassasalari va boshqa tashkilotlar rahbarlari va mutaxassislaridan iborat tarkibda ishchi guruhlar tuzish;

(r) Prezident Xalq qabulxonasi qonunchilik hujjatlariga muvofiq boshqa huquq va vakolatlarga ham ega boʻlishi mumkin.

11. Davlat organlari va tashkilotlari Prezident Xalq qabulxonasi va joylardagi Xalq qabulxonalari tomonidan kiritilgan talabnoma, taqdimnoma, koʻrsatmalarni bajarmagan taqdirda, ushbu holatlar boʻyicha materiallar tegishli choralar koʻrish uchun prokuratura organlariga kiritiladi.

V. Farmon ijrosini tashkil etish, taʼminlash va nazorat

12. Prezident Xalq qabulxonasi:

(a) bir oy muddatda Prezident Xalq qabulxonasi toʻgʻrisidagi nizom va uning tuzilmasi hamda shtatlar jadvalini Oʻzbekiston Respublikasi Prezidenti Administratsiyasi rahbariga tasdiqlash uchun kiritsin;

(b) olti oy muddatda aholi bilan muloqotni samarali tashkil etish boʻyicha rivojlangan xorijiy mamlakatlarning tajribasini oʻrganish orqali, shuningdek, keng jamoatchilik vakillarining takliflarini inobatga olgan holda Xalq qabulxonalari faoliyatini hamda davlat organlarida aholi murojaatlari bilan ishlash tizimini yanada takomillashtirish yuzasidan taklif kiritsin.

13. Prezident Xalq qabulxonasi Toshkent shahri Mirobod tumani Fidokorlar koʻchasi 23-uy va Shayxontohur tumani Bunyodkor shohkoʻchasi 2-uy manzillaridagi binolarga tekin foydalanish huquqi asosida joylashtirilsin.

Bunda mazkur binolarda foydalanishda boʻlgan ofis jihozlari (kompyuter, printer va aloqa jamlamalari, mebel va boshqa kerakli inventar va uskunalar) Prezident Xalq qabulxonasining balansiga begʻaraz oʻtkazib berilishi nazarda tutilsin.

14. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari ikki oy muddatda barcha Xalq qabulxonalarining moddiy-texnik bazasini toʻliq xatlovdan oʻtkazib, ularda xalq bilan muloqot qilish va murojaatlar bilan ishlashni yaxshilash uchun zarur sharoitlar yaratsin, Xalq qabulxonalari xodimlarini zamonaviy kompyuterlar, mebel jihozlari hamda boshqa kerakli asbob-uskunalar va anjomlar, yuqori tezlikdagi Internet tarmogʻi bilan taʼminlash choralarini koʻrsin.

15. Iqtisodiyot va moliya vazirligi:

(a) bir oy muddatda Prezident Xalq qabulxonasi faoliyatini tashkil etish uchun talab qilinadigan mablagʻlarni 2026-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchilarning iqtisod qilingan mablagʻlari doirasida ajratsin. Bunda Prezident Xalq qabulxonasini zarur mebel, kompyuter va boshqa jihozlar bilan taʼminlash uchun mablagʻ ajratilishini nazarda tutsin;

(b) 2027-yildan boshlab har yili Davlat budjeti parametrlarini shakllantirishda Prezident Xalq qabulxonasi faoliyatini moliyalashtirish uchun zarur mablagʻlarni nazarda tutsin.

16. Adliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Quyidagilar:

(a) Oʻzbekiston Respublikasining Prezidentining qabuli soʻralgan murojaatlar bilan ishlash tartibi toʻgʻrisidagi nizom 1-ilovaga * muvofiq tasdiqlansin;

(b) Oʻzbekiston Respublikasi Prezidentining 2-ilovaga * muvofiq ayrim hujjatlariga oʻzgartirish va qoʻshimchalar kiritilsin.

18. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Kommunikatsiyalar departamenti boshligʻi — Oʻzbekiston Respublikasi Prezidenti matbuot kotibi Sh.I. Asadov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 1-aprel,

PF-51-son

(Qonunchilik maʼlumotlari milliy bazasi, 02.04.2026-y., 06/26/51/0299-son)

lex.uz

Президента Республики Узбекистан

Указ

О дополнительных мерах по эффективной организации системы диалога с населением

В целях обеспечения открытого и эффективного диалога между населением и государственными органами, дальнейшего расширения участия граждан в государственном управлении посредством беспрекословного осуществления их права на обращение, эффективной организации деятельности Народных приемных, а также в соответствии с Указом Президента Республики Узбекистан от 14 июля 2025 года № УП-111 «О мерах по повышению эффективности, проактивности и результативности в системе государственного управления» постановляю:

I. Цели

1. Определить целями совершенствования системы диалога с населением:

(а) обеспечение открытого и эффективного диалога между населением и государственными органами;

(б) эффективную организацию деятельности Народных приемных путем внедрения их единой вертикальной системы;

(в) достижение приема и рассмотрения обращений непосредственно в регионах посредством обеспечения тесного взаимодействия Народных приемных с «махаллинскими семерками», отделами по связям с общественностью (информационными службами) государственных органов и организаций.

II. Расширение масштаба и повышение эффективности диалога между населением и государственными органами

2. Установить с 1 мая 2026 года порядок, в соответствии с которым:

(а) по обращениям, поступившим в информационную систему Виртуальной приемной Президента Республики Узбекистан, устанавливается режим контроля времени, при этом обращения, по которым установленный срок рассмотрения истек, в автоматическом порядке переходят в вышестоящий государственный орган для исполнения;

(б) при приеме обращений в информационной системе Виртуальной приемной Президента Республики Узбекистан внедряется практика их разделения на категории «срочное», «обычное», «требующее консультации», обращения, возвращенные на контроль, в течение трех рабочих дней заново изучаются вышестоящими органами;

(в) вводится порядок слушания отчетов руководителей государственных органов и организаций по работе с обращениями населения в Законодательной палате и Сенате Олий Мажлиса Республики Узбекистан, отчетов хокимов, руководителей территориальных государственных органов и организаций соответственно в Сенате или местных кенгашах народных депутатов — не менее одного раза ежеквартально;

(г) информационные службы государственных органов и организаций совместно с Народными приемными освещают состояние работы с обращениями на местах, а также изучают возражения касательно рассмотрения обращений, выражаемые в средствах массовой информации и социальных сетях, и это отражается в показателях эффективности их деятельности.

3. Определить, что:

(а) Председатель Совета Министров Республики Каракалпакстан, хокимы областей и города Ташкента, районов (городов) руководят соответствующей Народной приемной на общественных началах, лично принимают граждан в Народной приемной на регулярной основе и принимают меры решения их проблем на месте, ведут анализ обращений;

(б) руководителями министерств и ведомств, Председателем Совета Министров Республики Каракалпакстан, хокимами областей и города Ташкента в ходе презентаций по деятельности у Президента Республики Узбекистан представляется отдельный отчет о системных проблемах в обращениях населения и планах по их решению;

(в) для решения, анализа поступающих обращений, разработки предложений по путям решения выявленных системных проблем в государственных органах и организациях, в частности местных хокимиятах, организуются постоянно действующие рабочие группы, которые лично возглавляют первые руководители государственных органов и организаций, которые каждые три месяца вносят в Кабинет Министров разработанные предложения;

(г) посредством информационной системы Виртуальной приемной Президента Республики Узбекистан каждые шесть месяцев открыто объявляется рейтинг государственных органов и организаций, а также местных хокимиятов по состоянию работы с обращениями, поступившими в Виртуальную и Народные приемные Президента Республики Узбекистан. В рейтинге отражаются такие критерии, как доля обращений, степень их разрешения, соблюдение сроков, повторное обращение к исполнению материалов, внесенных в систему по результатам рассмотрения обращений, повторяемость;

(д) посредством полной цифровизации системы личных и выездных приемов, проводимых государственными органами и организациями, местными хокимиятами устанавливается контроль над процессами приемов;

(ж) Председателем Совета Министров Республики Каракалпакстан, хокимами областей и города Ташкента, районов (городов) не реже одного раза в каждый квартал через средства массовой информации или официальные страницы в социальных сетях для широкой общественности представляется подробная информация о деятельности по работе с обращениями, принятых мерах по решению проблем в регионе, предстоящих работах и планах;

(з) коллективные обращения изучаются с участием представителей населения и «махаллинской семерки», снимаются с контроля на основе их согласия;

(и) координация деятельности работников подразделений государственных органов и организаций по работе с обращениями, а также членов «махаллинской семерки» по работе с обращениями осуществляется Народными приемными соответственно.

III. Повышение эффективности деятельности Народных приемных

4. Создать при Президенте Республики Узбекистан Народную приемную Президента Республики Узбекистан (далее — Народная приемная Президента) со статусом юридического лица.

Общая численность штатных единиц управленческого персонала центрального аппарата Народной приемной Президента определяется в количестве 49 и вспомогательных работников (служащих) — 20.

При этом:

(а) принять к сведению, что 19 штатных единиц предусмотрены в Указе Президента Республики Узбекистан от 14 июля 2025 года № УП-111;

(б) 30 штатных единиц выделить за счет сокращения штатных единиц народных приемных Президента Республики Узбекистан в районах и городах.

5. Определить, что:

(а) народные приемные Президента Республики Узбекистан в Республике Каракалпакстан, областях и городе Ташкенте, а также районах (городах) осуществляют деятельность в качестве отдельных подразделений народных приемных Президента без образования юридического лица, а также формируются за счет средств местного бюджета;

(б) деятельность центрального аппарата Народной приемной Президента финансируется за счет республиканского бюджета Республики Узбекистан.

6. Ввести должность заместителя заведующего Народной приемной Президента Республики Узбекистан в рамках имеющихся штатных единиц народных приемных в Республике Каракалпакстан, областях и городе Ташкенте, а также районах (городах).

7. Установить порядок, в соответствии с которым:

(б) заместители заведующих народными приемными Республики Каракалпакстан, областей и города Ташкента назначаются на должность и освобождаются от должности начальником Народной приемной Президента по согласованию с руководителем Администрации Президента Республики Узбекистан;

(в) заместители заведующих народными приемными районов (городов), другие работники центрального аппарата Народной приемной Президента и народных приемных назначаются на должность и освобождаются от должности начальником Народной приемной Президента.

8. Определить, что:

(а) деятельность Народной приемной курируется Департаментом коммуникаций Администрации Президента Республики Узбекистан, которая подотчетна ему;

(б) руководитель Народной приемной Президента по статусу, условиям назначения на должность и освобождения от должности, условиям оплаты труда и стимулирования, медицинского обслуживания и транспортного обеспечения приравнивается к заместителю руководителя департамента Администрации Президента Республики Узбекистан;

(в) два заместителя руководителя Народной приемной Президента, в том числе один первый заместитель, по условиям назначения на должность и освобождения от должности, а также условиям оплаты труда приравниваются к начальнику управления Администрации Президента Республики Узбекистан.

IV. Задачи, права и полномочия Народной приемной Президента

9. Определить основными задачами Народной приемной Президента:

(а) прием физических лиц и представителей юридических лиц, обратившихся с заявлениями и жалобами к Президенту Республики Узбекистан, в Администрацию Президента Республики Узбекистан, а также обеспечение рассмотрения их обращений;

(б) организацию всестороннего, полного, объективного и своевременного рассмотрения обращений и осуществления контроля государственными органами и другими организациями;

(в) проведение анализа затронутых в обращениях, выявленных на местах системных проблем, подготовку по результатам соответствующих материалов;

(г) координацию деятельности народных приемных на местах, нормативно-методическое и информационно-аналитическое обеспечение, а также осуществление мониторинга выполнения возложенных на них задач и функций;

(д) обеспечение соблюдения требований актов законодательства при работе с обращениями в министерствах и ведомствах, хокимиятах, направление предписаний и поручений в соответствующие организации.

10. Народная приемная Президента имеет следующие права и полномочия на:

(а) организацию беспрекословного выполнения актов законодательства по соблюдению прав лиц, обратившихся в виртуальные и народные приемные Президента Республики Узбекистан, при необходимости, изучение ситуации с привлечением работников правоохранительных и контролирующих органов, членов «махаллинской семерки»;

(б) осуществление контроля за проведением руководителями государственных органов и организаций выездных и публичных приемов на основе планов-графиков, внесение требования, обязательного к исполнению, по организации приемов касательно вопросов, являющихся причиной недовольства населения;

(в) осуществление мониторинга проведения личных приемов руководителей государственных органов и организаций и деятельности «телефонов доверия»;

(г) внесение аналитической информации о состоянии работы с обращениями населения в Законодательную палату и Сенат Олий Мажлиса Республики Узбекистан, а также Жокаргы Кенес Республики Каракалпакстан, кенгаши народных депутатов областей и города Ташкента;

(д) внесение руководителям государственных органов и организаций обязательных к рассмотрению представлений по нарушению актов законодательства об обращениях физических и юридических лиц, устранению способствовавших им причин и условий;

(ж) осуществление контроля за соблюдением актов законодательства об обращениях физических и юридических лиц и составление протокола об административном правонарушении по выявленным фактам нарушения закона, а также направление в суд на рассмотрение;

(з) предоставление указаний государственным органам и организациям, рассматривающим обращения, по всесторонней проверке и эффективному решению указанных в обращениях вопросов, проблем и приведенных доводов;

(и) истребование от государственных органов и организаций статистических, аналитических материалов, заключений и других данных по вопросам в рамках своих полномочий;

(к) беспрепятственный доступ на территории и в здания государственных органов и организаций в целях изучения их деятельности по работе с обращениями и проблемами населения, решению проблем, выявленных на объектах социальной сферы и других объектах;

(л) истребование от должностных лиц и граждан устных и письменных объяснений о нарушении актов законодательства об обращениях физических и юридических лиц;

(м) участие в собраниях государственных органов и организаций, посвященных обсуждению их деятельности по работе с обращениями;

(н) пользование базами данных государственных органов и организаций в установленном законодательством порядке;

(о) заслушивание отчетов руководителей государственных органов и организаций по вопросам, оказывающим воздействие на настроение населения;

(п) создание рабочих групп для выполнения возложенных задач, при необходимости в составе из числа руководителей и специалистов государственных органов, научно-исследовательских учреждений и других организаций;

(р) Народная приемная Президента может иметь также другие права и полномочия согласно актам законодательства.

11. В случае невыполнения государственными органами и организациями требований, представлений, предписаний, внесенных Народной приемной Президента и народными приемными на местах, материалы по данным обстоятельствам вносятся в органы прокуратуры для принятия соответствующих мер.

V. Организация, обеспечение и контроль исполнения Указа

12. Народной приемной Президента:

(а) в месячный срок внести на утверждение руководителя Администрации Президента Республики Узбекистан Положение о Народной приемной Президента, ее структуру и штатное расписание;

(б) в шестимесячный срок внести предложение по дальнейшему совершенствованию деятельности народных приемных и системы работы с обращениями населения в государственных органах путем изучения опыта развитых зарубежных стран по эффективной организации диалога с населением, а также с учетом предложений представителей широкой общественности.

13. Разместить Народную приемную Президента в зданиях, расположенных по адресам: город Ташкент, Мирабадский район, улица Фидокорлар, дом 23 и Шайхантахурский район, проспект Бунёдкор, дом 2, на основе права безвозмездного пользования.

При этом предусмотреть, что офисное оборудование, используемое в данных зданиях (компьютеры, принтеры и комплекты связи, мебель и другой необходимый инвентарь и оборудование), передается на баланс Народной приемной Президента на безвозмездной основе.

14. Председателю Совета Министров Республики Каракалпакстан, хокимам областей и города Ташкента в двухмесячный срок провести полную инвентаризацию материально-технической базы всех народных приемных, создать в них необходимые условия для улучшения работы с обращениями и по осуществлению диалога с народом, принять меры по обеспечению работников народных приемных современными компьютерами, мебелью, другим необходимым оборудованием и принадлежностями, высокоскоростной сетью Интернет.

15. Министерству экономики и финансов:

(а) в месячный срок средства, требуемые для организации деятельности Народной приемной Президента, выделить из республиканского бюджета Республики Узбекистан в 2026 году в рамках сэкономленных средств распределителей бюджетных средств первого уровня. При этом предусмотреть выделение средств для обеспечения Народной приемной Президента необходимой мебелью, компьютерами и другим оборудованием;

(б) начиная с 2027 года необходимые средства для финансирования деятельности Народной приемной Президента ежегодно предусматривать при формировании параметров Государственного бюджета.

16. Министерству юстиции совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

17. Утвердить:

(а) Положение о порядке работы с обращениями с запросом о приеме Президентом Республики Узбекистан согласно приложению № 1 * ;

(б) внести изменения и дополнения в некоторые акты Президента Республики Узбекистан согласно приложению № 2 * .

18. Контроль за исполнением настоящего Указа возложить на Премьер-министра Республики Узбекистан А.Н. Арипова и начальника Департамента коммуникаций Администрации Президента Республики Узбекистан — пресс-секретаря Президента Республики Узбекистан Ш.И. Асадова.

Президент Республики Узбекистан Ш. МИРЗИЁЕВ

г. Ташкент,

1 апреля 2026 г.,

№ УП- 51

(Национальная база данных законодательства, 02.04.2026 г., № 06/26/51/0299)

lex.uz