📅 2026-yil 1-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 1 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 апреля 2026 г. · Постановления Президента
Официальный текст. Официальный документ. Редакционные примечания не включены.
📅 1 April 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
КОНЦЕПЦИЯСИ
ДАСТУРИ
ТАРКИБИ
Ўзбекистон Республикаси давлат мустақиллигининг 35 йиллигини кенг нишонлашга тайёргарлик кўриш ва уни ўтказиш тўғрисида
Миллий суверенитет ва давлат мустақиллиги ҳар қайси мамлакатнинг сиёсий, ижтимоий, иқтисодий, маданий тараққиётининг энг асосий шарти ва гаровидир. Бу ҳал қилувчи омиллар давлатнинг халқаро ҳуқуқ субъекти сифатида дунё ҳамжамиятида муносиб ўрин эгаллаши, халқнинг тинч ва фаровон ҳаётини таъминлаш, унинг барча манфаатларини ҳимоя қилишга хизмат қилади.
Бизнинг миллий мустақиллигимиз мард ва матонатли халқимизнинг қатъий иродаси, истиқлол йўлида курашган фидойи аждодларимиз орзу-умидларининг рўёби бўлиб, Янги Ўзбекистонни барпо этишга қаратилган эзгу ишларимизнинг мустаҳкам асоси, келажак авлодларимиз учун безавол етказишимиз шарт бўлган буюк ва муқаддас қадриятдир.
Мамлакатимизнинг миллий суверенитети ва давлат мустақиллиги ғояларининг сиёсий-ҳуқуқий кафолатларини ўзида мужассам этган янги таҳрирдаги Конституциямиз ҳамда «Ўзбекистон — 2030» стратегияси асосидаги тараққиёт йўлимиз инсон қадр-қимматини юксалтириш, кўп миллатли жамиятимизда дўстлик ва ҳамжиҳатлик муҳитини мустаҳкамлаш, миллий урф-одат ва анъаналарни асраб-авайлаш, юртимизда тинчлик ва барқарорликни таъминлаш, унинг мудофаа қобилиятини кучайтириш, минтақада яхши қўшничиликни ривожлантириш ҳамда Ватанимизнинг халқаро обрў-эътиборини оширишда мустаҳкам таянч бўлиб келмоқда.
Миллий истиқлолимизнинг давлатчилигимиз тарихи, ҳозирги ва келажак ҳаётимиз учун беқиёс аҳамиятини ҳисобга олиб, Ўзбекистон Республикаси давлат мустақиллигининг 35 йиллигини Янги Ўзбекистоннинг бугунги улкан салоҳияти ва жаҳон майдонидаги нуфузига мувофиқ юксак даражада, муносиб нишонлаш мақсадида қарор қиламан:
1. Қуйидагилар:
(а) «Ягона Ватан, ягона халқ бўлиб, янги ҳаёт ва келажак яратамиз!» деган бош ғояни ўзида мужассам этган ғоявий-бадиий концепция ва дастур 1 ва 2-иловаларга мувофиқ;
(б) Ўзбекистон Республикаси давлат мустақиллигининг 35 йиллигини нишонлашга тайёргарлик кўриш ва ўтказиш бўйича республика комиссияси таркиби 3-иловага мувофиқ тасдиқлансин.
2. Республика комиссияси (А. Арипов):
(а) мустақилликнинг 35 йиллигини Қорақалпоғистон Республикаси, Тошкент шаҳри, вилоят ва туман (шаҳар) марказларида, барча маҳаллалар, қишлоқ ва овулларда, шунингдек, вазирлик ва идоралар тизимида муносиб нишонлаш мақсадида концепциянинг мазмуни ва асосий йўналишларига мувофиқ чора-тадбирлар дастурларини ишлаб чиқиш ва ижро этишни таъминлаш.
Бунда қуйидаги устувор йўналишларга алоҳида эътибор қаратиш:
(i) Янги Ўзбекистондаги амалга оширилаётган ислоҳотлар натижасида юзага келган улкан имконият ва ютуқларни кенг ёритиш;
(ii) мамлакатимиз иқтисодиёти барқарор суръатларда жадал ривожланиб бораётганлиги натижасида фуқароларимизнинг турмуш фаровонлиги ортиб бораётганлигини кўрсатиб бериш;
(iii) юртимизнинг тинчлиги ва чегаралар дахлсизлигини таъминлашга хизмат қилувчи мудофаа салоҳиятини мустаҳкамлаш борасидаги ислоҳотларни ёритиш;
(iv) истиқлол туфайли миллий қадриятлар, давлатчилик, фуқаролик жамияти институтлари, жумладан, маҳалла тизимини ривожлантириш бўйича эришилган ютуқ ва натижалар аҳамиятини таъкидлаш;
(v) нуронийлар, хотин-қизлар ва ижтимоий ҳимояга муҳтож қатлам манфаатларини таъминлашга, ёшларнинг «Янги Ўзбекистоннинг бунёдкорлари» сифатида билим ва касб эгаллашлари, тадбиркорлик ташаббуслари ва истеъдодларини рўёбга чиқаришга зарур шароитлар яратилганлигига урғу қаратиш;
(vi) миллатлараро дўстлик ва динлараро бағрикенглик муҳитини сақлаш ва кучайтиришни барча фуқароларнинг муқаддас бурчи сифатида тарғиб қилиш;
(vii) байрам тадбирларига барча ёшлар, ижтимоий ва этник гуруҳлар ҳамда ватандошларнинг фаол жалб этилишини таъминлаш;
(б) илм-фан, таълим, маданият, адабиёт ва санъат намояндалари, спортчилар, жамоатчилик вакилларидан иборат бадиий-ижодий гуруҳлар тузиш ҳамда улар иштирокида апрель — сентябрь ойлари давомида республика бўйлаб кенг кўламдаги маънавий-маърифий тадбирлар ва ижтимоий лойиҳаларни ўз ичига олган «Мустақиллик тўйи» (фестивали) тадбирларини ўтказиш;
(в) Тошкент шаҳрида ўтказиладиган асосий байрам тадбирига тайёргарлик кўришда таниқли сценарист ва режиссёрлар, шоир ва ёзувчилар, хонанда ва бастакорлар, балетмейстерлар, саҳна рассомлари, истеъдодли ёш ижрочиларни жалб этиш;
(г) мустақилликнинг 35 йиллиги арафасида мамлакатимизнинг йирик саноат, маданият, таълим ва спорт муассасаларининг тантанали очилиш маросимларини юқори савияда ташкил этиш чораларини кўрсин.
3. Белгилансинки, Маданият вазирлиги Тошкент шаҳрида бўлиб ўтадиган асосий байрам тадбирига тайёргарлик кўриш ва уни ўтказиш бўйича масъул ташкилот ҳисобланади.
4. Бадиий академия, Маданият вазирлиги, Ёзувчилар уюшмаси, Республика Маънавият ва маърифат маркази 2026 йил 1 июнга қадар миллий мустақиллик ва суверенитет ғояларини, Янги Ўзбекистон бунёдкорлари қиёфасини ўзида акс эттирган «Ватан фидойилари» рамзий монументининг эскиз лойиҳасини ишлаб чиқсин ва Вазирлар Маҳкамасига киритсин.
Ушбу монумент Қорақалпоғистон Республикаси, вилоятлар, туман ва шаҳарларда 2026 — 2030 йилларда барпо этилаётган умуммиллий бирдамлик боғларининг марказий қисмида ўрнатилиши ҳисобга олинсин.
5. Республика Маънавият ва маърифат маркази Янги Ўзбекистон тараққиёти тадқиқотлари институти, «Юксалиш» умуммиллий ҳаракати, «Тараққиёт стратегияси» маркази билан биргаликда 2026 йил 1 августга қадар ҳар бир соҳада амалга оширилаётган ислоҳотлар, уларнинг натижалари ва эришилган ютуқларга бағишланган «Мустақиллик зафарномаси» махсус китоб-альбомини тайёрласин.
6. Ёшлар ишлари агентлиги, Республика Маънавият ва маърифат маркази 2026 йил апрель ойидан ижтимоий тармоқларда #Mustaqillik35, #Uzb35 хештеглари остида тарғибот акцияларини (флешмоблар, подкастлар, викторина ва бошқалар) бошласин.
7. Кинематография агентлиги, Ўзбекистон Миллий телерадиокомпанияси, Ўзбекистон миллий медиа бирлашмаси 2026 йил апрель ойидан бошлаб «35 йиллик Истиқлол йилномаси» рукнида мустақиллигимизнинг тарихий босқичлари, эришилган ютуқлар ва бунёдкорлик ишларини ёритувчи туркум ҳужжатли фильмлар, кўрсатувлар тайёрлаш ва телеканалларда намойиш этилишини таъминласин.
8. Олий Мажлис Қонунчилик палатаси ва Сенати, Адлия вазирлиги ҳамда Қонунчилик ва ҳуқуқий сиёсат институтининг 2026 йил август ойида Тошкент шаҳрида «Мустақил Ўзбекистон — 35 йиллик тараққиёт йўли: ислоҳотлар, натижалар ва истиқболлар» мавзусида халқаро илмий-амалий конференцияни ўтказиш тўғрисидаги таклифига розилик берилсин.
9. Миллатлараро муносабатлар ва хориждаги ватандошлар масалалари бўйича қўмита «Ватандошлар» жамоат фонди, Республика Маънавият ва маърифат маркази, Ташқи ишлар вазирлиги, Ёзувчилар уюшмаси билан биргаликда 2026 йил август-сентябрь ойларида хориждаги ватандошлар ва ўзбек диаспораси вакиллари иштирокида «Мустақил Ўзбекистон — ғурурим, ифтихорим» шиори остида маданий-маърифий тадбирлар ташкил этсин.
10. Марказий банк 2026 йил 1 сентябрга қадар «Мустақилликнинг 35 йиллиги» эсдалик олтин тангасини зарб этиш чораларини кўрсин.
11. Ўзбекистон маҳаллалари уюшмаси, Транспорт вазирлиги 2026 йил 1 майга қадар тегишлича янги ташкил этилган маҳаллалардан ҳамда темир йўл станцияларидан бирига «Мустақилликнинг 35 йиллиги» номини бериш бўйича таклифларни киритсин.
12. Белгилаб қўйилсинки, ўтказиладиган байрам тадбирлари:
(а) Қорақалпоғистон Республикаси ва вилоятларда — тегишли маҳаллий бюджетларнинг қўшимча манбалари ҳамда ҳомийлик маблағлари ҳисобидан;
(б) Тошкент шаҳрида — Республика комиссияси томонидан тасдиқланган харажатлар сметасига мувофиқ Ўзбекистон Республикасининг республика бюджети ва Тошкент шаҳар маҳаллий бюджети маблағлари ҳисобидан тенг улушларда молиялаштирилади.
13. Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлигига юртимиз мустақиллиги, Янги Ўзбекистоннинг ривожланиш йўли ва халқимизнинг бирдамлиги ҳақида туркум материаллар тайёрлаш ва тарқатиш тавсия этилсин.
14. Республика комиссияси мазкур қарор ижросини назорат қилиш, ҳар ойда Ўзбекистон Республикаси Президенти Администрациясига ахборот киритиб бориш, зарур ҳолларда, қўшимча чора-тадбирлар кўришни таъминласин.
15. Ушбу қарорнинг ижросини назорат қилиш Ўзбекистон Республикаси Бош вазири А.Н Арипов зиммасига юклансин.
Ўзбекистон Республикаси Президентининг 2026 йил 1 апрелдаги ПҚ-120-сон қарорига 1-ИЛОВА
Ўзбекистон Республикаси давлат мустақиллигининг 35 йиллигини нишонлашнинг ғоявий-бадиий
I. Муқаддима
Ушбу концепция Ўзбекистон Республикаси давлат мустақиллигининг 35 йиллик байрами (кейинги ўринларда — Мустақиллик байрами)нинг ғоявий-бадиий мазмунини кучайтиришга, шу орқали мамлакатимизда амалга оширилаётган ислоҳотларнинг мазмун-моҳиятини кенг тарғиб қилиш, истиқлол ғояларини аҳоли, айниқса, ёшлар онгига сингдириш, фуқароларда Ватан тақдири ва келажаги учун дахлдорлик ҳамда масъулият туйғусини мустаҳкамлашга хизмат қилади.
II. Концепциянинг мақсад ва вазифалари
Мазкур Концепция мақсад ва вазифалари Мустақиллик байрамини муносиб нишонлаш, унинг ғоявий мазмунини бойитиш ва кенг жамоатчилик ўртасида самарали тарғибот ишларини ташкил этишдан иборат.
Мустақиллик байрамининг бош ғояси — «Ягона Ватан, ягона халқ бўлиб, янги ҳаёт ва келажак яратайлик!».
Ушбу ғоя жамиятда миллий бирдамлик ва фуқаролик ҳамжиҳатлигини кучайтириш, турли миллат ва элат вакиллари ўртасида ўзаро ҳурмат, бағрикенглик ва ижтимоий ҳамкорлик муҳитини шакллантириш, ёш авлодни ватанпарварлик ва юксак фуқаролик масъулияти руҳида тарбиялаш, миллий қадриятларнинг тикланиши, минтақавий якдиллик ва глобал ҳамкорликдаги ютуқларни ифодалайди.
III. Мустақиллик байрамининг бош ғоясини кенг жамоатчиликка етказиш
Жаҳондаги геосиёсий вазият ва мамлакатимизнинг маънавий-ғоявий мўлжалларидан келиб чиқиб, Мустақиллик байрами муносабати билан ўтказиладиган тарғибот ва маданий-маърифий тадбирларнинг сюжет ва сценарийларида қуйидаги ғоялар акс этиши мақсадга мувофиқ:
Янги Ўзбекистон суверен тараққиёт йўлидан илдам ва оғишмай бораётганлиги;
жаҳондаги тинчлик инқирози шароитида мустақиллик — миллий ўзлик ва давлатчилик асоси эканлиги;
Янги Ўзбекистондаги кенг кўламли ислоҳотлар Учинчи Ренессанс яратувчиларини юзага чиқаришга қаратилганлиги;
Янги Ўзбекистоннинг глобал сиёсатнинг субъекти сифатидаги роли мустаҳкамланиб бораётганлиги.
1. Янги Ўзбекистон суверен тараққиёт йўлидан илдам ва оғишмай бораётганлиги
Мазкур ғоя қуйидаги восита ва шаклларда етказилади:
ҳар бир ислоҳот «Инсон қадри учун» ғоясига таянган ҳолда амалга оширилаётганлиги юзасидан очиқ мулоқотлар ташкил қилиш;
иқтисодий ислоҳотларнинг инсонлар тақдирида акс этаётганлигига оид инфографикалар, тақдимотлар, қиёсий таҳлилий ҳужжатли фильмлар яратиш ва намойиш этиш;
ислоҳотлар натижасида ҳаёти ўзгарган фуқаролар иштирокида медиа лойиҳаларни амалга ошириш;
ҳудудлар кесимида «Кеча ва бугун» форматида тақдимотлар ўтказиш;
оммавий ахборот воситалари, рақамли платформалар ва ижтимоий тармоқларда мунтазам тарғибот кампаниясини амалга ошириш.
2. Жаҳондаги тинчлик инқирози шароитида мустақиллик — миллий ўзлик ва давлатчилик асоси эканлиги
Мазкур ғоя қуйидаги восита ва шаклларда етказилади:
миллий қадрият ва анъаналарни асраб-авайлаш, давлатчилик тамойилларини тарғиб қилиш, маърифий ва ҳуқуқий саводхонликни ошириш, миллий бирлик ва фуқаролик ҳамжиҳатлигини мустаҳкамлаш ҳар қачонгидан муҳим аҳамият касб этишини миллий фестиваллар, халқ сайиллари, маданий-маърифий тадбирлар, «Уч авлод» учрашувлари, кўргазмалар, танловлар, форумлар орқали кенг жамоатчиликка етказиш;
юртимизнинг тинчлиги ва чегаралари дахлсизлигини таъминлашга хизмат қилувчи мудофаа салоҳиятини мустаҳкамлаш борасидаги ислоҳотларни кўча юришлари, фильмлар, репортажлар, руҳлантирувчи роликлар, кўргазмали чиқишлар орқали намойиш этиш;
фуқароларнинг оилавий байрамлари ўтказиладиган жойларни, маҳаллаларда фуқароларнинг хонадонларини, тадбиркорлик субъектлари бинолари ва уларга туташ бўлган ҳудудларни давлат байроғи билан безашни тарғиб этиш ва шарт-шароитлар яратиш.
3. Янги Ўзбекистондаги кенг кўламли ислоҳотлар Учинчи ренессанс яратувчиларини юзага чиқаришга қаратилганлиги
Мазкур ғоя қуйидаги восита ва шаклларда етказилади:
ёшлар учун барча шароитлар яратилаётганлиги, уларнинг эришаётган ютуқлари миллатимиз қалбида ифтихор ва фидойилик туйғусини шакллантираётганлиги туфайли ёшларни кенг жамоатчиликка Учинчи ренессанс бунёдкорлари сифатида тақдим этиш;
ёшлар ва ижтимоий фаол қатламлар ўртасида интеграцияни кенгайтириш, уларнинг маънавий-маърифий ва интеллектуал салоҳиятни ривожлантиришга қаратилган интерактив тренинглар, онлайн курслар ва маҳорат дарслари ташкил этиш;
умумтаълим мактаблари ва олий таълим муассасалари Янги Ўзбекистоннинг Учинчи ренесанс яратувчилари қиёфасини ўзида акс эттирувчи илмий-оммабоп, спорт, новаторлик ҳамда волонтёрлик лойиҳаларини ташкил этиш;
мактабгача таълим муассасаларида давлат рамзларини ёш авлод онгида мустаҳкамлаш мақсадида байроқ ва гербни чизиш, мадҳия куйлаш, ватанни ардоқлаш руҳидаги мультипликацион асарлар намойишини ташкил этиш;
мактаб ўқувчиларининг ёзги таътилини мазмунли ташкил этиш бўйича дастурларда мустақилликка бағишланган викториналар, кўрик-танловлар, спорт мусобақаларини ташкил этиш, ватанпарварлик ғояларини тараннум этувчи концерт дастурлари ва бадиий кечалар уюштириш.
4. Янги Ўзбекистоннинг глобал сиёсатнинг субъекти сифатидаги роли мустаҳкамланиб бораётганлиги
Мазкур ғоя қуйидаги восита ва шаклларда етказилади:
миллатлараро ҳамкорлик, бирдамлик ва бағрикенглик муҳитини ривожлантиришга қаратилган лойиҳаларни амалга ошириш;
турли миллат ва диний конфессия вакилларининг ижтимоий ҳамжиҳатлик ва дўстлик тажрибаларини медиа ва санъат орқали кенг жамоатчиликка етказиш;
бадиий ва ҳужжатли фильмлар, анимациялар, подкастлар ва ижодий лойиҳалар орқали тинчлик ғояларини тарғиб қилиш.
IV. Мустақиллик байрамининг ғоявий таъсирини ошириш учун қуйидаги рамздан фойдаланиш мақсадга мувофиқ:
Миллий байроғимиз ранглари акс этган, Ҳумо қуши силуэти билан уйғунлаштирилган «35» рақамидан асосий рамз сифатида фойдаланиш тавсия этилади.
Мазкур рамз қуйидаги восита ва шаклларда етказилади:
1 июндан — 1 октябрга қадар «35» рақами рамзидан барча давлат, нодавлат телеканаллар, босма нашрлар ва LED экранларда лейбл сифатида фойдаланиш;
Мустақилликнинг 35 йиллиги ҳақида шеър ва қўшиқлар танловини ташкил қилиш, телевидение ва ижтимоий тармоқларда ёритиш;
байрам тадбирлари иштирокчилари кўксига «35» рақами рамзини тақиш;
байрам муносабати билан шаҳар ва қишлоқлардаги гузарлар, давлат ташкилотлари бинолари, марказий кўчалар, хиёбонлар ва истироҳат боғларини безатишда «35» рақами рамзидан фойдаланиш.
V. Мустақиллик байрамининг ғоявий таъсирини ошириш учун қуйидаги шиорлардан фойдаланиш тавсия этилади:
«Ватан манфаати — халқ манфаати!»
(аҳоли вакиллари иштирокида ўтказиладиган маданий-маърифий тадбирлар, учрашувлар, мулоқотларда фойдаланиш тавсия этилади);
«Янги Ўзбекистон — эзгу мақсад, янги ҳаракат!»
(туман (шаҳар)лардаги истироҳат боғларида ўтказиладиган умуммиллий халқ сайилларида фойдаланиш тавсия этилади);
«Янги Ўзбекистон — Учинчи Ренессанс сари!»
(Мустақиллик байрамини тараннум этувчи ижодий танловлар, флешмоблар ўтказишда, қисқа метражли фильмлар ва видеоконтентлар тайёрлашда фойдаланиш тавсия этилади);
«Мустақиллик — 35 йиллик шарафли йўл!»
(Марказий Осиё халқларининг бирлигини мустаҳкамлашга қаратилган минтақавий якдилликка оид тадбирлар ҳамда хориждаги ватандошлар билан ўтказиладиган Мустақиллик байрами тадбирларида фойдаланиш тавсия этилади);
«Бир Ватан — бир тақдир!»
(байрам арафасида ташкил этиладиган ўзаро ёрдам, ижтимоий кўмак ва меҳр-мурувват акцияларида фойдаланиш тавсия этилади);
«Ягона халқ, ягона Ватан, ягона мақсад!»
(миллий қадриятларни тиклаш ва ёш авлодга етказишга бағишланган маданий тадбир ва акцияларда фойдаланиш тавсия этилади);
«Мустақил Ўзбекистон — ғурурим, ифтихорим!»
(хориждаги ватандошлар иштирокида маданий-маърифий тадбирлар ташкил этишда фойдаланиш тавсия этилади).
Ўзбекистон Республикаси Президентининг 2026 йил 1 апрелдаги ПҚ-120-сон қарорига 2-ИЛОВА
Ўзбекистон Республикаси давлат мустақиллигининг 35 йиллик байрами муносабати билан «Ягона Ватан, ягона халқ бўлиб, янги ҳаёт ва келажак яратамиз!» деган бош ғояни ўзида мужассам этган ташкилий-амалий, маънавий-маърифий ҳамда тарғибот-ташвиқот чора-тадбирлари
Т/р Чора-тадбирлар номи Молиялаштириш манбаси Масъул ижрочилар 1. Давлат мустақиллигининг 35 йиллигига бағишланган Тошкент шаҳридаги асосий байрам тадбирига , шунингдек, Қорақалпоғистон Республикаси, вилоятлар, туман (шаҳар)лар, маҳаллалар, қишлоқ ва овулларда, вазирлик ва идоралар тизимида байрам тадбирларига пухта тайёргарлик кўриш ва уни ўтказиш. Республика бюджети ва Тошкент шаҳар маҳаллий бюджети маблағлари, маҳаллий бюджетларнинг қўшимча манбалари, ҳомийлик хайриялари Маданият вазирлиги, Ўзбекистон маҳаллалари уюшмаси, Республика Маънавият ва маърифат маркази, Ёзувчилар уюшмаси, Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2. Юртимизнинг тинчлиги ва чегаралар дахлсизлигини таъминлашга хизмат қилувчи мудофаа салоҳиятини мустаҳкамлаш борасидаги ислоҳотларни кўча юришлари, фильмлар, репортажлар, руҳлантирувчи роликлар, кўргазмали чиқишлар орқали намойиш этишга қаратилган махсус дастур ишлаб чиқиш ва амалга ошириш. Ижрочиларнинг бюджетдан ташқари маблағлари, маҳаллий бюджетларнинг қўшимча манбалари Мудофаа вазирлиги, Миллий гвардия, Фавқулодда вазиятлар вазирлиги, Ички ишлар вазирлиги, Ўзбекистон Миллий телерадиокомпанияси 3. Таълим муассасаларида қуйидагиларни назарда тутувчи дастур ишлаб чиқиш ва амалга ошириш: мактабгача таълим муассасаларида байроқ ва гербни чизиш, мадҳия куйлаш, Ватанни ардоқлаш руҳидаги мультипликацион асарлар намойишини ташкил этиш; умумтаълим мактаблари ва олий ўқув юртларида Янги Ўзбекистоннинг Учинчи ренесанс яратувчилари қиёфасини ўзида акс эттирувчи илмий-оммабоп, спорт, новаторлик ҳамда волонтёрлик лойиҳаларини ташкил этиш; ўқувчиларнинг ёзги таътилини мазмунли ташкил этиш бўйича дастурларда мустақилликка бағишланган викториналар, кўрик-танловлар, спорт мусобақаларини ташкил этиш, ватанпарварлик ғояларини тараннум этувчи концерт дастурлари ва бадиий кечалар уюштириш. Ижрочиларнинг бюджетдан ташқари маблағлари, маҳаллий бюджетларнинг қўшимча манбалари Мактабгача ва мактаб таълими вазирлиги, Олий таълим фан ва инновациялар вазирлиги, Ёшлар ишлари агентлиги, Ўзбекистон касаба уюшмалари федерацияси 4. Марказий кўчалар, хиёбонлар, истироҳат боғлари, бозорлар, йирик савдо марказлари, маҳаллалар, шунингдек, вазирликлар, идоралар ва уларнинг ҳудудий тузилмалари биноларини Мустақиллик байрами шукуҳи, унинг мазмун-моҳияти ва аҳамиятини тараннум этувчи тасвирий тарғибот воситалари ва миллий безаклар билан безатиш. Ижрочиларнинг бюджетдан ташқари маблағлари, маҳаллий бюджетларнинг қўшимча манбалари, ҳомийлик хайриялари «Тасвирий ойина» ижодий уюшмаси, вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 5. Темир йўл вокзаллари, аэропортлар, шаҳарлараро ҳаракатланувчи автобуслар ва жамоат транспортларини «35 йиллик шарафли йўл» ғояси остида мустақилликни тараннум этувчи миллий ва замонавий безаклар билан безаш. Ижрочиларнинг бюджетдан ташқари маблағлари ва ҳомийлик хайриялари Транспорт вазирлиги, «Ўзтемирйўлйўловчи» АЖ, «Темирйўлэкспресс» АЖ, «Uzbekistan Airways» АЖ, «Uzbekistan Airports» АЖ, «Тошкент метрополитени» ДУК 6. Ҳудудларда «Яшил макон» умуммиллий лойиҳаси доирасида «35 йилга — 35 кўчат» акциясини ташкил этиш. Ижрочиларнинг бюджетдан ташқари маблағлари ва ҳомийлик хайриялари Экология ва иқлим ўзгариши миллий қўмитаси, Ёшлар ишлари агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 7. Мустақиллик ва суверенитет ғояларини, Янги Ўзбекистон бунёдкорлари қиёфасини ўзида акс эттирувчи «Ватан фидойилари» монументининг эскиз лойиҳасини тайёрлаш. Бюджетдан ажратилган ва бюджетдан ташқари маблағлар, ҳомийлик хайриялари Бадиий академия, Маданият вазирлиги, Ёзувчилар уюшмаси, Республика Маънавият ва маърифат маркази, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 8. Ватанпарварлик руҳидаги ёшларбоп «Ватан» қўшиқлар тўпламини яратиш. Ижрочиларнинг бюджетдан ташқари маблағлари Республика Маънавият ва маърифат маркази, Ёзувчилар уюшмаси, Маданият вазирлиги 9. Иккинчи жаҳон уруши қатнашчилари ва фахрийлари, кекса авлод вакиллари, ижтимоий кўмакка муҳтож инсонларнинг ҳолидан хабар олиш, уларни қўллаб-қувватлаш мақсадида «Эзгулик карвони» хайрия акциясини ўтказиш. Ижрочиларнинг бюджетдан ташқари маблағлари, маҳаллий бюджетларнинг қўшимча манбалари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ижтимоий ҳимоя миллий агентлиги, Республика Маънавият ва маърифат маркази, Маданият вазирлиги, Спорт вазирлиги 10. Ҳар бир соҳада амалга оширилаётган ислоҳотлар, уларнинг натижалари ва эришилган ютуқларга бағишланган «Мустақиллик зафарномаси» махсус китоб-альбомини тайёрлаш. Бюджетдан ажратилган ва бюджетдан ташқари маблағлар, ҳомийлик хайриялари Республика Маънавият ва маърифат маркази, Янги Ўзбекистон тараққиёти тадқиқотлари институти, «Юксалиш» умуммиллий ҳаракати, «Тараққиёт стратегияси» маркази 11. Тошкент шаҳрида «Мустақил Ўзбекистон — 35 йиллик тараққиёт йўли: ислоҳотлар, натижалар ва истиқболлар» мавзусида халқаро илмий-амалий конференция ўтказиш. Ижрочиларнинг бюджетдан ташқари маблағлари, ҳомийлик хайриялари Олий Мажлис Қонунчилик палатаси ва Сенати, Адлия вазирлиги, Қонунчилик ва ҳуқуқий сиёсат институти, Ўзбекистондаги Ислом цивилизацияси маркази 12. Ҳудудларда арзонлаштирилган қишлоқ хўжалиги ва озиқ-овқат маҳсулотлари ярмаркалари, кўчма савдо дўконларини ташкил этиш. Маҳаллий бюджетнинг қўшимча манбалари ва ҳомийлик хайриялари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 13. «Мустақилликнинг 35 йиллиги» олтин эсдалик тангасини зарб этиш. Бюджетдан ажратилган маблағлар Марказий банк 14. Мамлакатимиздаги мобил алоқа операторлари орқали абонентларга «Мустақилликнинг 35 йиллиги муборак бўлсин!» матнли СМС-табриклар жўнатиш. Рақамли технологияларни ривожлантириш жамғармаси маблағлари Рақамли технологиялар вазирлиги, Республика Маънавият ва маърифат маркази 15. Янги ташкил этилган маҳаллалардан бирига ҳамда темир йўл станцияларидан бирига «Мустақилликнинг 35 йиллиги» номини бериш бўйича таклиф тайёрлаш. - Ўзбекистон маҳаллалари уюшмаси, Транспорт вазирлиги 16. Қорақалпоғистон Республикаси, вилоятлар ва Тошкент шаҳрида « Ягона Ватан, ягона халқ бўлиб, янги ҳаёт ва келажак яратамиз!» деган бош ғояни ўзида мужассам этган «Мустақиллик тўйи» (фестивали) тадбирларини ўтказиш. Маҳаллий бюджетнинг қўшимча манбалари ва ҳомийлик маблағлари Республика Маънавият ва маърифат маркази, Маданият вазирлиги, Ёзувчилар уюшмаси, Миллатлараро муносабатлар ва хориждаги ватандошлар масалалари бўйича қўмита, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 17. «Аёл қадри улуғланган юрт» шиори остида ҳудудларда байрам фестивалларини ташкил этиш. Ижрочиларнинг бюджетдан ташқари маблағлари ва ҳомийлик хайриялари Оила ва хотин-қизлар қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 18. «Мустақилликнинг 35 йиллик шукуҳи» мавзусида ижодкор аёллар байрам кечаларини ташкил этиш. Ижрочиларнинг бюджетдан ташқари маблағлари ва ҳомийлик хайриялари Оила ва хотин-қизлар қўмитаси, Ёзувчилар уюшмаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 19. Хориждаги ватандошлар ва ўзбек диаспораси вакиллари иштирокида «Мустақил Ўзбекистон — ғурурим, ифтихорим» шиори остида маданий-маърифий тадбирлар ташкил этиш. Ижрочиларнинг бюджетдан ташқари маблағлари ва ҳомийлик хайриялари Миллатлараро муносабатлар ва хориждаги ватандошлар масалалари бўйича қўмита, «Ватандошлар» жамоат фонди, Республика Маънавият ва маърифат маркази, Ташқи ишлар вазирлиги, Ёзувчилар уюшмаси 20. Ҳафтанинг шанба ва якшанба кунлари Қорақалпоғистон Республикаси, вилоятлар ва Тошкент шаҳридаги истироҳат боғларида умуммиллий халқ сайиллари ни ўтказиш. Бюджетдан ажратилган ва бюджетдан ташқари маблағлар, ҳомийлик хайриялари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Маданият вазирлиги, Миллатлараро муносабатлар ва хориждаги ватандошлар масалалари бўйича қўмита 21. Ҳудудлар, айниқса, маҳаллаларда спортнинг турли йўналишлари ва миллий халқ ўйинлари бўйича «Мустақиллик кубоги» спорт мусобақаларини ўтказиш. Бюджетдан ташқари маблағлар ва ҳомийлик хайриялари Ўзбекистон маҳаллалари уюшмаси, Спорт вазирлиги, Ёшлар ишлари агентлиги 22. Республиканинг таниқли ижодкорлари иштирокида ватанга муҳаббатни тараннум этувчи «Сўз» маданий-маърифий лойиҳасини амалга ошириш. Бюджетдан ташқари маблағлар ва ҳомийлик хайриялари Республика Маънавият ва маърифат маркази, Маданият вазирлиги, Ёзувчилар уюшмаси 23. «Адабий дўстлик — абадий дўстлик» шиори остида юртимизда истиқомат қилувчи турли миллат ижодкорлари иштирокида «Дўрмон баҳори» анъанавий халқаро адабий форумини ўтказиш. Бюджетдан ташқари маблағлар ва ҳомийлик хайриялари Ёзувчилар уюшмаси, Журналистлар уюшмаси, Миллатлараро муносабатлар ва хориждаги ватандошлар масалалари бўйича қўмита 24. Ўзбекистон Республикаси давлат мустақиллигининг ўттиз беш йиллигига бағишлаб: «Янги Ўзбекистон таронаси» номли назм ва наво кечалари; «Бир Ватан — турли миллат оҳангида» номли энг яхши қўшиқлар танлови; «Шарафли йўл» мавзусида ёш журналистлар ва блогерлар ўртасида ижодий видеороликлар танлови; #МустақилЎзбекистон хештеги остида қисқа метражли фильмлар ва видеоконтентлар танловини ўтказиш. Бюджетдан ажратилган ва бюджетдан ташқари маблағлар, ҳомийлик хайриялари Маданият вазирлиги, Журналистлар уюшмаси, Ёшлар ишлари агентлиги, Ўзбекистон Миллий телерадиокомпанияси, Кинематография агентлиги, Миллатлараро муносабатлар ва хориждаги ватандошлар масалалари бўйича қўмита 25. Миллий фильмлар орқали аҳолида шукроналик кайфиятини ошириш ва ватанпарварлик туйғусини кучайтириш мақсадида ҳудудларда «Мустақиллик кинокарвони» тадбирларини ўтказиш. Бюджетдан ажратилган ва бюджетдан ташқари маблағлар, ҳомийлик хайриялари Республика Маънавият ва маърифат маркази, Кинематография агентлиги, Маданият вазирлиги, Ўзбекистон маҳаллалари уюшмаси, Ёшлар ишлари агентлиги 26. Аҳоли гавжум масканлар ва жамоат жойларида «Ватан симфонияси» флешмобларини ўтказиш. Бюджетдан ажратилган ва бюджетдан ташқари маблағлар, ҳомийлик хайриялари Маданият вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 27. Ташкилотлар, идоралар ва таълим муассасаларида «Мустақиллик соати» ўқувларини ташкил этиш. Бюджетдан ажратилган ва бюджетдан ташқари маблағлар Республика Маънавият ва маърифат маркази, Мактабгача ва мактаб таълими вазирлиги, Олий таълим, фан ва инновациялар вазирлиги 28. Республикадаги барча театрларда шукроналик ва ватанпарварлик руҳини берувчи энг яхши спектакллар намойишини ташкил этиш. Бюджетдан ажратилган ва бюджетдан ташқари маблағлар Маданият вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 29. Мустақилликни тараннум этувчи миллий контентлар тайёрлаш ва медиа платформаларга жойлаштириш. Бюджетдан ажратилган ва бюджетдан ташқари маблағлар ОАВ учун контент тайёрлаш маркази, Ёшлар ишлари агентлиги, Республика Маънавият ва маърифат маркази, вазирлик ва идоралар 30. «35 йиллик мустақиллик йилномаси» рукнида мустақиллигимизнинг тарихий босқичлари, эришилган ютуқлар ва бунёдкорлик ишларини ёритувчи туркум ҳужжатли фильмлар, кўрсатувлар тайёрлаш ва телеканалларда намойиш этиш. Бюджетдан ажратилган ва бюджетдан ташқари маблағлар Кинематография агентлиги, Ўзбекистон миллий телерадиокомпанияси, Ўзбекистон миллий медиа бирлашмаси 31. Фуқароларнинг хонадонлари, оилавий байрамлар ўтказиладиган жойлари, маҳаллалар, тадбиркорлик субъектлари бинолари ва уларга туташ бўлган ҳудудларни давлат байроғи билан безашни тарғиб этиш ва шарт-шароитлар яратиш чораларини кўриш. Маблағ талаб этилмайди Ўзбекистон маҳаллалари уюшмаси, Республика Маънавият ва маърифат маркази, Савдо-саноат палатаси
Ўзбекистон Республикаси Президентининг 2026 йил 1 апрелдаги ПҚ-120-сон қарорига 3-ИЛОВА
Ўзбекистон Республикаси давлат мустақиллигининг 35 йиллигини кенг нишонлашга тайёргарлик кўриш ва уни ўтказиш бўйича республика комиссияси
1. А. Арипов — Ўзбекистон Республикаси Бош вазири, Республика комиссияси раиси 2. Г. Умерова — Президент Администрацияси Креатив иқтисодиёт ва туризм бўйича департаменти бошлиғи, Республика комиссияси раиси ўринбосари 3. Х. Султонов — Ўзбекистон Республикаси Президентининг маслаҳатчиси — Спичрайтери 4. Р. Давлетов — Ўзбекистон Республикаси Президентининг маслаҳатчиси 5. З. Махкамова — Бош вазир ўринбосари 6. О. Назарбеков — маданият вазири, Республика комиссияси раиси ўринбосари 7. Ш. Умурзаков — Тошкент шаҳар ҳокими 8. Б. Курбанов — Давлат хавфсизлик хизмати раиси 9. Н. Йўлдошев — Бош прокурор 10. А. Ташкулов — адлия вазири 11. Э. Каримова — мактабгача ва мактаб таълими вазири 12. К. Шарипов — олий таълим, фан ва инновациялар вазири 13. А. Икрамов — спорт вазири 14. Б. Захидов — камбағалликни қисқартириш ва бандлик вазири 15. А. Худаяров — соғлиқни сақлаш вазири 16. Ш. Шерматов — рақамли технологиялар вазири 17. Б. Саидов — ташқи ишлар вазири 18. Ш. Халмухамедов — мудофаа вазири 19. А. Ташпулатов — ички ишлар вазири 20. А. Икрамов — фавқулодда вазиятлар вазири 21. Б. Ташматов — Миллий гвардия қўмондони 22. И. Норқулов — иқтисодиёт ва молия вазирининг биринчи ўринбосари 23. К. Куранбаев — Ўзбекистон маҳаллалари уюшмаси раиси 24. Қ. Рафиқов — Ўзбекистон касаба уюшмалари федерацияси раиси 25. Ш. Аюпов — Фанлар академияси президенти 26. Қ. Сариев — Миллатлараро муносабатлар ва хориждаги ватандошлар масалалари бўйича қўмита раиси 27. С. Тошбоев — Дин ишлари бўйича қўмита раиси 28. А. Саъдуллаев — Ёшлар ишлари агентлиги директори 29. А. Джурабаев — Ўзбекистон Миллий телерадиокомпанияси раиси 30. А. Кўчимов — Ўзбекистон Миллий ахборот агентлиги бош директори 31. А. Нуридинов — Ўзбекистон Бадиий академияси раиси 32. О. Ҳасанов — Республика Маънавият ва маърифат маркази раҳбари 33. С. Саидов — Ўзбекистон Ёзувчилар уюшмаси раиси 34. С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси 35. Ш. Ризаев — Кинематография агентлиги бош директори в.б. 36. Р. Абдуллаев — Ўзбекистон композиторлари ва бастакорлари уюшмаси раиси 37. О. Тожиев — Ўзбекистон миллий медиа бирлашмаси раиси 38. Ш. Орипов — Ўзбекистон Журналистлар уюшмаси раиси в.б. 39. Н. Холиқназаров — Ўзбекистон мусулмонлари идораси раиси 40. Б. Хасанов — «Шаҳидлар хотираси» жамоат фонди раиси 41. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари 42. Б. Саёмов — Президент Администрацияси масъул ходими 43. С. Бобожонов — Президент Администрацияси масъул ходими 44. Ф. Қосимов — Вазирлар Маҳкамаси департамент мудири, Республика комиссияси котиби
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 1 апрель,
ПҚ-120-сон
Oʻzbekiston Respublikasi Prezidentining
qarori
KONSEPSIYASI
DASTURI
TARKIBI
Oʻzbekiston Respublikasi davlat mustaqilligining 35 yilligini keng nishonlashga tayyorgarlik koʻrish va uni oʻtkazish toʻgʻrisida
Milliy suverenitet va davlat mustaqilligi har qaysi mamlakatning siyosiy, ijtimoiy, iqtisodiy, madaniy taraqqiyotining eng asosiy sharti va garovidir. Bu hal qiluvchi omillar davlatning xalqaro huquq subyekti sifatida dunyo hamjamiyatida munosib oʻrin egallashi, xalqning tinch va farovon hayotini taʼminlash, uning barcha manfaatlarini himoya qilishga xizmat qiladi.
Bizning milliy mustaqilligimiz mard va matonatli xalqimizning qatʼiy irodasi, istiqlol yoʻlida kurashgan fidoyi ajdodlarimiz orzu-umidlarining roʻyobi boʻlib, Yangi Oʻzbekistonni barpo etishga qaratilgan ezgu ishlarimizning mustahkam asosi, kelajak avlodlarimiz uchun bezavol yetkazishimiz shart boʻlgan buyuk va muqaddas qadriyatdir.
Mamlakatimizning milliy suvereniteti va davlat mustaqilligi gʻoyalarining siyosiy-huquqiy kafolatlarini oʻzida mujassam etgan yangi tahrirdagi Konstitutsiyamiz hamda “Oʻzbekiston — 2030” strategiyasi asosidagi taraqqiyot yoʻlimiz inson qadr-qimmatini yuksaltirish, koʻp millatli jamiyatimizda doʻstlik va hamjihatlik muhitini mustahkamlash, milliy urf-odat va anʼanalarni asrab-avaylash, yurtimizda tinchlik va barqarorlikni taʼminlash, uning mudofaa qobiliyatini kuchaytirish, mintaqada yaxshi qoʻshnichilikni rivojlantirish hamda Vatanimizning xalqaro obroʻ-eʼtiborini oshirishda mustahkam tayanch boʻlib kelmoqda.
Milliy istiqlolimizning davlatchiligimiz tarixi, hozirgi va kelajak hayotimiz uchun beqiyos ahamiyatini hisobga olib, Oʻzbekiston Respublikasi davlat mustaqilligining 35 yilligini Yangi Oʻzbekistonning bugungi ulkan salohiyati va jahon maydonidagi nufuziga muvofiq yuksak darajada, munosib nishonlash maqsadida qaror qilaman:
1. Quyidagilar:
(a) “Yagona Vatan, yagona xalq boʻlib, yangi hayot va kelajak yaratamiz!” degan bosh gʻoyani oʻzida mujassam etgan gʻoyaviy-badiiy konsepsiya va dastur 1 va 2-ilovalarga muvofiq;
(b) Oʻzbekiston Respublikasi davlat mustaqilligining 35 yilligini nishonlashga tayyorgarlik koʻrish va oʻtkazish boʻyicha respublika komissiyasi tarkibi 3-ilovaga muvofiq tasdiqlansin.
2. Respublika komissiyasi (A. Aripov):
(a) mustaqillikning 35 yilligini Qoraqalpogʻiston Respublikasi, Toshkent shahri, viloyat va tuman (shahar) markazlarida, barcha mahallalar, qishloq va ovullarda, shuningdek, vazirlik va idoralar tizimida munosib nishonlash maqsadida konsepsiyaning mazmuni va asosiy yoʻnalishlariga muvofiq chora-tadbirlar dasturlarini ishlab chiqish va ijro etishni taʼminlash.
Bunda quyidagi ustuvor yoʻnalishlarga alohida eʼtibor qaratish:
(i) Yangi Oʻzbekistondagi amalga oshirilayotgan islohotlar natijasida yuzaga kelgan ulkan imkoniyat va yutuqlarni keng yoritish;
(ii) mamlakatimiz iqtisodiyoti barqaror surʼatlarda jadal rivojlanib borayotganligi natijasida fuqarolarimizning turmush farovonligi ortib borayotganligini koʻrsatib berish;
(iii) yurtimizning tinchligi va chegaralar daxlsizligini taʼminlashga xizmat qiluvchi mudofaa salohiyatini mustahkamlash borasidagi islohotlarni yoritish;
(iv) istiqlol tufayli milliy qadriyatlar, davlatchilik, fuqarolik jamiyati institutlari, jumladan, mahalla tizimini rivojlantirish boʻyicha erishilgan yutuq va natijalar ahamiyatini taʼkidlash;
(v) nuroniylar, xotin-qizlar va ijtimoiy himoyaga muhtoj qatlam manfaatlarini taʼminlashga, yoshlarning “Yangi Oʻzbekistonning bunyodkorlari” sifatida bilim va kasb egallashlari, tadbirkorlik tashabbuslari va isteʼdodlarini roʻyobga chiqarishga zarur sharoitlar yaratilganligiga urgʻu qaratish;
(vi) millatlararo doʻstlik va dinlararo bagʻrikenglik muhitini saqlash va kuchaytirishni barcha fuqarolarning muqaddas burchi sifatida targʻib qilish;
(vii) bayram tadbirlariga barcha yoshlar, ijtimoiy va etnik guruhlar hamda vatandoshlarning faol jalb etilishini taʼminlash;
(b) ilm-fan, taʼlim, madaniyat, adabiyot va sanʼat namoyandalari, sportchilar, jamoatchilik vakillaridan iborat badiiy-ijodiy guruhlar tuzish hamda ular ishtirokida aprel — sentabr oylari davomida respublika boʻylab keng koʻlamdagi maʼnaviy-maʼrifiy tadbirlar va ijtimoiy loyihalarni oʻz ichiga olgan “Mustaqillik toʻyi” (festivali) tadbirlarini oʻtkazish;
(v) Toshkent shahrida oʻtkaziladigan asosiy bayram tadbiriga tayyorgarlik koʻrishda taniqli ssenarist va rejissorlar, shoir va yozuvchilar, xonanda va bastakorlar, baletmeysterlar, sahna rassomlari, isteʼdodli yosh ijrochilarni jalb etish;
(g) mustaqillikning 35 yilligi arafasida mamlakatimizning yirik sanoat, madaniyat, taʼlim va sport muassasalarining tantanali ochilish marosimlarini yuqori saviyada tashkil etish choralarini koʻrsin.
3. Belgilansinki, Madaniyat vazirligi Toshkent shahrida boʻlib oʻtadigan asosiy bayram tadbiriga tayyorgarlik koʻrish va uni oʻtkazish boʻyicha masʼul tashkilot hisoblanadi.
4. Badiiy akademiya, Madaniyat vazirligi, Yozuvchilar uyushmasi, Respublika Maʼnaviyat va maʼrifat markazi 2026-yil 1-iyunga qadar milliy mustaqillik va suverenitet gʻoyalarini, Yangi Oʻzbekiston bunyodkorlari qiyofasini oʻzida aks ettirgan “Vatan fidoyilari” ramziy monumentining eskiz loyihasini ishlab chiqsin va Vazirlar Mahkamasiga kiritsin.
Ushbu monument Qoraqalpogʻiston Respublikasi, viloyatlar, tuman va shaharlarda 2026 — 2030-yillarda barpo etilayotgan umummilliy birdamlik bogʻlarining markaziy qismida oʻrnatilishi hisobga olinsin.
5. Respublika Maʼnaviyat va maʼrifat markazi Yangi Oʻzbekiston taraqqiyoti tadqiqotlari instituti, “Yuksalish” umummilliy harakati, “Taraqqiyot strategiyasi” markazi bilan birgalikda 2026-yil 1-avgustga qadar har bir sohada amalga oshirilayotgan islohotlar, ularning natijalari va erishilgan yutuqlarga bagʻishlangan “Mustaqillik zafarnomasi” maxsus kitob-albomini tayyorlasin.
6. Yoshlar ishlari agentligi, Respublika Maʼnaviyat va maʼrifat markazi 2026-yil aprel oyidan ijtimoiy tarmoqlarda #Mustaqillik35, #Uzb35 xeshteglari ostida targʻibot aksiyalarini (fleshmoblar, podkastlar, viktorina va boshqalar) boshlasin.
7. Kinematografiya agentligi, Oʻzbekiston Milliy teleradiokompaniyasi, Oʻzbekiston milliy media birlashmasi 2026-yil aprel oyidan boshlab “35 yillik Istiqlol yilnomasi” ruknida mustaqilligimizning tarixiy bosqichlari, erishilgan yutuqlar va bunyodkorlik ishlarini yorituvchi turkum hujjatli filmlar, koʻrsatuvlar tayyorlash va telekanallarda namoyish etilishini taʼminlasin.
8. Oliy Majlis Qonunchilik palatasi va Senati, Adliya vazirligi hamda Qonunchilik va huquqiy siyosat institutining 2026-yil avgust oyida Toshkent shahrida “Mustaqil Oʻzbekiston — 35 yillik taraqqiyot yoʻli: islohotlar, natijalar va istiqbollar” mavzusida xalqaro ilmiy-amaliy konferensiyani oʻtkazish toʻgʻrisidagi taklifiga rozilik berilsin.
9. Millatlararo munosabatlar va xorijdagi vatandoshlar masalalari boʻyicha qoʻmita “Vatandoshlar” jamoat fondi, Respublika Maʼnaviyat va maʼrifat markazi, Tashqi ishlar vazirligi, Yozuvchilar uyushmasi bilan birgalikda 2026-yil avgust-sentabr oylarida xorijdagi vatandoshlar va oʻzbek diasporasi vakillari ishtirokida “Mustaqil Oʻzbekiston — gʻururim, iftixorim” shiori ostida madaniy-maʼrifiy tadbirlar tashkil etsin.
10. Markaziy bank 2026-yil 1-sentabrga qadar “Mustaqillikning 35 yilligi” esdalik oltin tangasini zarb etish choralarini koʻrsin.
11. Oʻzbekiston mahallalari uyushmasi, Transport vazirligi 2026-yil 1-mayga qadar tegishlicha yangi tashkil etilgan mahallalardan hamda temir yoʻl stansiyalaridan biriga “Mustaqillikning 35 yilligi” nomini berish boʻyicha takliflarni kiritsin.
12. Belgilab qoʻyilsinki, oʻtkaziladigan bayram tadbirlari:
(a) Qoraqalpogʻiston Respublikasi va viloyatlarda — tegishli mahalliy budjetlarning qoʻshimcha manbalari hamda homiylik mablagʻlari hisobidan;
(b) Toshkent shahrida — Respublika komissiyasi tomonidan tasdiqlangan xarajatlar smetasiga muvofiq Oʻzbekiston Respublikasining respublika budjeti va Toshkent shahar mahalliy budjeti mablagʻlari hisobidan teng ulushlarda moliyalashtiriladi.
13. Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligiga yurtimiz mustaqilligi, Yangi Oʻzbekistonning rivojlanish yoʻli va xalqimizning birdamligi haqida turkum materiallar tayyorlash va tarqatish tavsiya etilsin.
14. Respublika komissiyasi mazkur qaror ijrosini nazorat qilish, har oyda Oʻzbekiston Respublikasi Prezidenti Administratsiyasiga axborot kiritib borish, zarur hollarda, qoʻshimcha chora-tadbirlar koʻrishni taʼminlasin.
15. Ushbu qarorning ijrosini nazorat qilish Oʻzbekiston Respublikasi Bosh vaziri A.N Aripov zimmasiga yuklansin.
Oʻzbekiston Respublikasi Prezidentining 2026-yil 1-apreldagi PQ-120-son qaroriga 1-ILOVA
Oʻzbekiston Respublikasi davlat mustaqilligining 35 yilligini nishonlashning gʻoyaviy-badiiy
I. Muqaddima
Ushbu konsepsiya Oʻzbekiston Respublikasi davlat mustaqilligining 35 yillik bayrami (keyingi oʻrinlarda — Mustaqillik bayrami)ning gʻoyaviy-badiiy mazmunini kuchaytirishga, shu orqali mamlakatimizda amalga oshirilayotgan islohotlarning mazmun-mohiyatini keng targʻib qilish, istiqlol gʻoyalarini aholi, ayniqsa, yoshlar ongiga singdirish, fuqarolarda Vatan taqdiri va kelajagi uchun daxldorlik hamda masʼuliyat tuygʻusini mustahkamlashga xizmat qiladi.
II. Konsepsiyaning maqsad va vazifalari
Mazkur Konsepsiya maqsad va vazifalari Mustaqillik bayramini munosib nishonlash, uning gʻoyaviy mazmunini boyitish va keng jamoatchilik oʻrtasida samarali targʻibot ishlarini tashkil etishdan iborat.
Mustaqillik bayramining bosh gʻoyasi — “Yagona Vatan, yagona xalq boʻlib, yangi hayot va kelajak yarataylik!”.
Ushbu gʻoya jamiyatda milliy birdamlik va fuqarolik hamjihatligini kuchaytirish, turli millat va elat vakillari oʻrtasida oʻzaro hurmat, bagʻrikenglik va ijtimoiy hamkorlik muhitini shakllantirish, yosh avlodni vatanparvarlik va yuksak fuqarolik masʼuliyati ruhida tarbiyalash, milliy qadriyatlarning tiklanishi, mintaqaviy yakdillik va global hamkorlikdagi yutuqlarni ifodalaydi.
III. Mustaqillik bayramining bosh gʻoyasini keng jamoatchilikka yetkazish
Jahondagi geosiyosiy vaziyat va mamlakatimizning maʼnaviy-gʻoyaviy moʻljallaridan kelib chiqib, Mustaqillik bayrami munosabati bilan oʻtkaziladigan targʻibot va madaniy-maʼrifiy tadbirlarning syujet va ssenariylarida quyidagi gʻoyalar aks etishi maqsadga muvofiq:
Yangi Oʻzbekiston suveren taraqqiyot yoʻlidan ildam va ogʻishmay borayotganligi;
jahondagi tinchlik inqirozi sharoitida mustaqillik — milliy oʻzlik va davlatchilik asosi ekanligi;
Yangi Oʻzbekistondagi keng koʻlamli islohotlar Uchinchi Renessans yaratuvchilarini yuzaga chiqarishga qaratilganligi;
Yangi Oʻzbekistonning global siyosatning subyekti sifatidagi roli mustahkamlanib borayotganligi.
1. Yangi Oʻzbekiston suveren taraqqiyot yoʻlidan ildam va ogʻishmay borayotganligi
Mazkur gʻoya quyidagi vosita va shakllarda yetkaziladi:
har bir islohot “Inson qadri uchun” gʻoyasiga tayangan holda amalga oshirilayotganligi yuzasidan ochiq muloqotlar tashkil qilish;
iqtisodiy islohotlarning insonlar taqdirida aks etayotganligiga oid infografikalar, taqdimotlar, qiyosiy tahliliy hujjatli filmlar yaratish va namoyish etish;
islohotlar natijasida hayoti oʻzgargan fuqarolar ishtirokida media loyihalarni amalga oshirish;
hududlar kesimida “Kecha va bugun” formatida taqdimotlar oʻtkazish;
ommaviy axborot vositalari, raqamli platformalar va ijtimoiy tarmoqlarda muntazam targʻibot kampaniyasini amalga oshirish.
2. Jahondagi tinchlik inqirozi sharoitida mustaqillik — milliy oʻzlik va davlatchilik asosi ekanligi
Mazkur gʻoya quyidagi vosita va shakllarda yetkaziladi:
milliy qadriyat va anʼanalarni asrab-avaylash, davlatchilik tamoyillarini targʻib qilish, maʼrifiy va huquqiy savodxonlikni oshirish, milliy birlik va fuqarolik hamjihatligini mustahkamlash har qachongidan muhim ahamiyat kasb etishini milliy festivallar, xalq sayillari, madaniy-maʼrifiy tadbirlar, “Uch avlod” uchrashuvlari, koʻrgazmalar, tanlovlar, forumlar orqali keng jamoatchilikka yetkazish;
yurtimizning tinchligi va chegaralari daxlsizligini taʼminlashga xizmat qiluvchi mudofaa salohiyatini mustahkamlash borasidagi islohotlarni koʻcha yurishlari, filmlar, reportajlar, ruhlantiruvchi roliklar, koʻrgazmali chiqishlar orqali namoyish etish;
fuqarolarning oilaviy bayramlari oʻtkaziladigan joylarni, mahallalarda fuqarolarning xonadonlarini, tadbirkorlik subyektlari binolari va ularga tutash boʻlgan hududlarni davlat bayrogʻi bilan bezashni targʻib etish va shart-sharoitlar yaratish.
3. Yangi Oʻzbekistondagi keng koʻlamli islohotlar Uchinchi renessans yaratuvchilarini yuzaga chiqarishga qaratilganligi
Mazkur gʻoya quyidagi vosita va shakllarda yetkaziladi:
yoshlar uchun barcha sharoitlar yaratilayotganligi, ularning erishayotgan yutuqlari millatimiz qalbida iftixor va fidoyilik tuygʻusini shakllantirayotganligi tufayli yoshlarni keng jamoatchilikka Uchinchi renessans bunyodkorlari sifatida taqdim etish;
yoshlar va ijtimoiy faol qatlamlar oʻrtasida integratsiyani kengaytirish, ularning maʼnaviy-maʼrifiy va intellektual salohiyatni rivojlantirishga qaratilgan interaktiv treninglar, onlayn kurslar va mahorat darslari tashkil etish;
umumtaʼlim maktablari va oliy taʼlim muassasalari Yangi Oʻzbekistonning Uchinchi renesans yaratuvchilari qiyofasini oʻzida aks ettiruvchi ilmiy-ommabop, sport, novatorlik hamda volontyorlik loyihalarini tashkil etish;
maktabgacha taʼlim muassasalarida davlat ramzlarini yosh avlod ongida mustahkamlash maqsadida bayroq va gerbni chizish, madhiya kuylash, vatanni ardoqlash ruhidagi multiplikatsion asarlar namoyishini tashkil etish;
maktab oʻquvchilarining yozgi taʼtilini mazmunli tashkil etish boʻyicha dasturlarda mustaqillikka bagʻishlangan viktorinalar, koʻrik-tanlovlar, sport musobaqalarini tashkil etish, vatanparvarlik gʻoyalarini tarannum etuvchi konsert dasturlari va badiiy kechalar uyushtirish.
4. Yangi Oʻzbekistonning global siyosatning subyekti sifatidagi roli mustahkamlanib borayotganligi
Mazkur gʻoya quyidagi vosita va shakllarda yetkaziladi:
millatlararo hamkorlik, birdamlik va bagʻrikenglik muhitini rivojlantirishga qaratilgan loyihalarni amalga oshirish;
turli millat va diniy konfessiya vakillarining ijtimoiy hamjihatlik va doʻstlik tajribalarini media va sanʼat orqali keng jamoatchilikka yetkazish;
badiiy va hujjatli filmlar, animatsiyalar, podkastlar va ijodiy loyihalar orqali tinchlik gʻoyalarini targʻib qilish.
IV. Mustaqillik bayramining gʻoyaviy taʼsirini oshirish uchun quyidagi ramzdan foydalanish maqsadga muvofiq:
Milliy bayrogʻimiz ranglari aks etgan, Humo qushi silueti bilan uygʻunlashtirilgan “35” raqamidan asosiy ramz sifatida foydalanish tavsiya etiladi.
Mazkur ramz quyidagi vosita va shakllarda yetkaziladi:
1-iyundan — 1-oktabrga qadar “35” raqami ramzidan barcha davlat, nodavlat telekanallar, bosma nashrlar va LED ekranlarda leybl sifatida foydalanish;
Mustaqillikning 35 yilligi haqida sheʼr va qoʻshiqlar tanlovini tashkil qilish, televideniye va ijtimoiy tarmoqlarda yoritish;
bayram tadbirlari ishtirokchilari koʻksiga “35” raqami ramzini taqish;
bayram munosabati bilan shahar va qishloqlardagi guzarlar, davlat tashkilotlari binolari, markaziy koʻchalar, xiyobonlar va istirohat bogʻlarini bezatishda “35” raqami ramzidan foydalanish.
V. Mustaqillik bayramining gʻoyaviy taʼsirini oshirish uchun quyidagi shiorlardan foydalanish tavsiya etiladi:
“Vatan manfaati — xalq manfaati!”
(aholi vakillari ishtirokida oʻtkaziladigan madaniy-maʼrifiy tadbirlar, uchrashuvlar, muloqotlarda foydalanish tavsiya etiladi);
“Yangi Oʻzbekiston — ezgu maqsad, yangi harakat!”
(tuman (shahar)lardagi istirohat bogʻlarida oʻtkaziladigan umummilliy xalq sayillarida foydalanish tavsiya etiladi);
“Yangi Oʻzbekiston — Uchinchi Renessans sari!”
(Mustaqillik bayramini tarannum etuvchi ijodiy tanlovlar, fleshmoblar oʻtkazishda, qisqa metrajli filmlar va videokontentlar tayyorlashda foydalanish tavsiya etiladi);
“Mustaqillik — 35 yillik sharafli yoʻl!”
(Markaziy Osiyo xalqlarining birligini mustahkamlashga qaratilgan mintaqaviy yakdillikka oid tadbirlar hamda xorijdagi vatandoshlar bilan oʻtkaziladigan Mustaqillik bayrami tadbirlarida foydalanish tavsiya etiladi);
“Bir Vatan — bir taqdir!”
(bayram arafasida tashkil etiladigan oʻzaro yordam, ijtimoiy koʻmak va mehr-muruvvat aksiyalarida foydalanish tavsiya etiladi);
“Yagona xalq, yagona Vatan, yagona maqsad!”
(milliy qadriyatlarni tiklash va yosh avlodga yetkazishga bagʻishlangan madaniy tadbir va aksiyalarda foydalanish tavsiya etiladi);
“Mustaqil Oʻzbekiston — gʻururim, iftixorim!”
(xorijdagi vatandoshlar ishtirokida madaniy-maʼrifiy tadbirlar tashkil etishda foydalanish tavsiya etiladi).
Oʻzbekiston Respublikasi Prezidentining 2026-yil 1-apreldagi PQ-120-son qaroriga 2-ILOVA
Oʻzbekiston Respublikasi davlat mustaqilligining 35 yillik bayrami munosabati bilan “Yagona Vatan, yagona xalq boʻlib, yangi hayot va kelajak yaratamiz!” degan bosh gʻoyani oʻzida mujassam etgan tashkiliy-amaliy, maʼnaviy-maʼrifiy hamda targʻibot-tashviqot chora-tadbirlari
T/r Chora-tadbirlar nomi Moliyalashtirish manbasi Masʼul ijrochilar 1. Davlat mustaqilligining 35 yilligiga bagʻishlangan Toshkent shahridagi asosiy bayram tadbiriga , shuningdek, Qoraqalpogʻiston Respublikasi, viloyatlar, tuman (shahar)lar, mahallalar, qishloq va ovullarda, vazirlik va idoralar tizimida bayram tadbirlariga puxta tayyorgarlik koʻrish va uni oʻtkazish. Respublika budjeti va Toshkent shahar mahalliy budjeti mablagʻlari, mahalliy budjetlarning qoʻshimcha manbalari, homiylik xayriyalari Madaniyat vazirligi, Oʻzbekiston mahallalari uyushmasi, Respublika Maʼnaviyat va maʼrifat markazi, Yozuvchilar uyushmasi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Yurtimizning tinchligi va chegaralar daxlsizligini taʼminlashga xizmat qiluvchi mudofaa salohiyatini mustahkamlash borasidagi islohotlarni koʻcha yurishlari, filmlar, reportajlar, ruhlantiruvchi roliklar, koʻrgazmali chiqishlar orqali namoyish etishga qaratilgan maxsus dastur ishlab chiqish va amalga oshirish. Ijrochilarning budjetdan tashqari mablagʻlari, mahalliy budjetlarning qoʻshimcha manbalari Mudofaa vazirligi, Milliy gvardiya, Favqulodda vaziyatlar vazirligi, Ichki ishlar vazirligi, Oʻzbekiston Milliy teleradiokompaniyasi 3. Taʼlim muassasalarida quyidagilarni nazarda tutuvchi dastur ishlab chiqish va amalga oshirish: maktabgacha taʼlim muassasalarida bayroq va gerbni chizish, madhiya kuylash, Vatanni ardoqlash ruhidagi multiplikatsion asarlar namoyishini tashkil etish; umumtaʼlim maktablari va oliy oʻquv yurtlarida Yangi Oʻzbekistonning Uchinchi renesans yaratuvchilari qiyofasini oʻzida aks ettiruvchi ilmiy-ommabop, sport, novatorlik hamda volontyorlik loyihalarini tashkil etish; oʻquvchilarning yozgi taʼtilini mazmunli tashkil etish boʻyicha dasturlarda mustaqillikka bagʻishlangan viktorinalar, koʻrik-tanlovlar, sport musobaqalarini tashkil etish, vatanparvarlik gʻoyalarini tarannum etuvchi konsert dasturlari va badiiy kechalar uyushtirish. Ijrochilarning budjetdan tashqari mablagʻlari, mahalliy budjetlarning qoʻshimcha manbalari Maktabgacha va maktab taʼlimi vazirligi, Oliy taʼlim fan va innovatsiyalar vazirligi, Yoshlar ishlari agentligi, Oʻzbekiston kasaba uyushmalari federatsiyasi 4. Markaziy koʻchalar, xiyobonlar, istirohat bogʻlari, bozorlar, yirik savdo markazlari, mahallalar, shuningdek, vazirliklar, idoralar va ularning hududiy tuzilmalari binolarini Mustaqillik bayrami shukuhi, uning mazmun-mohiyati va ahamiyatini tarannum etuvchi tasviriy targʻibot vositalari va milliy bezaklar bilan bezatish. Ijrochilarning budjetdan tashqari mablagʻlari, mahalliy budjetlarning qoʻshimcha manbalari, homiylik xayriyalari “Tasviriy oyina” ijodiy uyushmasi, vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 5. Temir yoʻl vokzallari, aeroportlar, shaharlararo harakatlanuvchi avtobuslar va jamoat transportlarini “35 yillik sharafli yoʻl” gʻoyasi ostida mustaqillikni tarannum etuvchi milliy va zamonaviy bezaklar bilan bezash. Ijrochilarning budjetdan tashqari mablagʻlari va homiylik xayriyalari Transport vazirligi, “Oʻztemiryoʻlyoʻlovchi” AJ, “Temiryoʻlekspress” AJ, “Uzbekistan Airways” AJ, “Uzbekistan Airports” AJ, “Toshkent metropoliteni” DUK 6. Hududlarda “Yashil makon” umummilliy loyihasi doirasida “35 yilga — 35 koʻchat” aksiyasini tashkil etish. Ijrochilarning budjetdan tashqari mablagʻlari va homiylik xayriyalari Ekologiya va iqlim oʻzgarishi milliy qoʻmitasi, Yoshlar ishlari agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 7. Mustaqillik va suverenitet gʻoyalarini, Yangi Oʻzbekiston bunyodkorlari qiyofasini oʻzida aks ettiruvchi “Vatan fidoyilari” monumentining eskiz loyihasini tayyorlash. Budjetdan ajratilgan va budjetdan tashqari mablagʻlar, homiylik xayriyalari Badiiy akademiya, Madaniyat vazirligi, Yozuvchilar uyushmasi, Respublika Maʼnaviyat va maʼrifat markazi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 8. Vatanparvarlik ruhidagi yoshlarbop “Vatan” qoʻshiqlar toʻplamini yaratish. Ijrochilarning budjetdan tashqari mablagʻlari Respublika Maʼnaviyat va maʼrifat markazi, Yozuvchilar uyushmasi, Madaniyat vazirligi 9. Ikkinchi jahon urushi qatnashchilari va faxriylari, keksa avlod vakillari, ijtimoiy koʻmakka muhtoj insonlarning holidan xabar olish, ularni qoʻllab-quvvatlash maqsadida “Ezgulik karvoni” xayriya aksiyasini oʻtkazish. Ijrochilarning budjetdan tashqari mablagʻlari, mahalliy budjetlarning qoʻshimcha manbalari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Ijtimoiy himoya milliy agentligi, Respublika Maʼnaviyat va maʼrifat markazi, Madaniyat vazirligi, Sport vazirligi 10. Har bir sohada amalga oshirilayotgan islohotlar, ularning natijalari va erishilgan yutuqlarga bagʻishlangan “Mustaqillik zafarnomasi” maxsus kitob-albomini tayyorlash. Budjetdan ajratilgan va budjetdan tashqari mablagʻlar, homiylik xayriyalari Respublika Maʼnaviyat va maʼrifat markazi, Yangi Oʻzbekiston taraqqiyoti tadqiqotlari instituti, “Yuksalish” umummilliy harakati, “Taraqqiyot strategiyasi” markazi 11. Toshkent shahrida “Mustaqil Oʻzbekiston — 35 yillik taraqqiyot yoʻli: islohotlar, natijalar va istiqbollar” mavzusida xalqaro ilmiy-amaliy konferensiya oʻtkazish. Ijrochilarning budjetdan tashqari mablagʻlari, homiylik xayriyalari Oliy Majlis Qonunchilik palatasi va Senati, Adliya vazirligi, Qonunchilik va huquqiy siyosat instituti, Oʻzbekistondagi Islom sivilizatsiyasi markazi 12. Hududlarda arzonlashtirilgan qishloq xoʻjaligi va oziq-ovqat mahsulotlari yarmarkalari, koʻchma savdo doʻkonlarini tashkil etish. Mahalliy budjetning qoʻshimcha manbalari va homiylik xayriyalari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 13. “Mustaqillikning 35 yilligi” oltin esdalik tangasini zarb etish. Budjetdan ajratilgan mablagʻlar Markaziy bank 14. Mamlakatimizdagi mobil aloqa operatorlari orqali abonentlarga “Mustaqillikning 35 yilligi muborak boʻlsin!” matnli SMS-tabriklar joʻnatish. Raqamli texnologiyalarni rivojlantirish jamgʻarmasi mablagʻlari Raqamli texnologiyalar vazirligi, Respublika Maʼnaviyat va maʼrifat markazi 15. Yangi tashkil etilgan mahallalardan biriga hamda temir yoʻl stansiyalaridan biriga “Mustaqillikning 35 yilligi” nomini berish boʻyicha taklif tayyorlash. - Oʻzbekiston mahallalari uyushmasi, Transport vazirligi 16. Qoraqalpogʻiston Respublikasi, viloyatlar va Toshkent shahrida “ Yagona Vatan, yagona xalq boʻlib, yangi hayot va kelajak yaratamiz!” degan bosh gʻoyani oʻzida mujassam etgan “Mustaqillik toʻyi” (festivali) tadbirlarini oʻtkazish. Mahalliy budjetning qoʻshimcha manbalari va homiylik mablagʻlari Respublika Maʼnaviyat va maʼrifat markazi, Madaniyat vazirligi, Yozuvchilar uyushmasi, Millatlararo munosabatlar va xorijdagi vatandoshlar masalalari boʻyicha qoʻmita, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 17. “Ayol qadri ulugʻlangan yurt” shiori ostida hududlarda bayram festivallarini tashkil etish. Ijrochilarning budjetdan tashqari mablagʻlari va homiylik xayriyalari Oila va xotin-qizlar qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 18. “Mustaqillikning 35 yillik shukuhi” mavzusida ijodkor ayollar bayram kechalarini tashkil etish. Ijrochilarning budjetdan tashqari mablagʻlari va homiylik xayriyalari Oila va xotin-qizlar qoʻmitasi, Yozuvchilar uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 19. Xorijdagi vatandoshlar va oʻzbek diasporasi vakillari ishtirokida “Mustaqil Oʻzbekiston — gʻururim, iftixorim” shiori ostida madaniy-maʼrifiy tadbirlar tashkil etish. Ijrochilarning budjetdan tashqari mablagʻlari va homiylik xayriyalari Millatlararo munosabatlar va xorijdagi vatandoshlar masalalari boʻyicha qoʻmita, “Vatandoshlar” jamoat fondi, Respublika Maʼnaviyat va maʼrifat markazi, Tashqi ishlar vazirligi, Yozuvchilar uyushmasi 20. Haftaning shanba va yakshanba kunlari Qoraqalpogʻiston Respublikasi, viloyatlar va Toshkent shahridagi istirohat bogʻlarida umummilliy xalq sayillari ni oʻtkazish. Budjetdan ajratilgan va budjetdan tashqari mablagʻlar, homiylik xayriyalari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Madaniyat vazirligi, Millatlararo munosabatlar va xorijdagi vatandoshlar masalalari boʻyicha qoʻmita 21. Hududlar, ayniqsa, mahallalarda sportning turli yoʻnalishlari va milliy xalq oʻyinlari boʻyicha “Mustaqillik kubogi” sport musobaqalarini oʻtkazish. Budjetdan tashqari mablagʻlar va homiylik xayriyalari Oʻzbekiston mahallalari uyushmasi, Sport vazirligi, Yoshlar ishlari agentligi 22. Respublikaning taniqli ijodkorlari ishtirokida vatanga muhabbatni tarannum etuvchi “Soʻz” madaniy-maʼrifiy loyihasini amalga oshirish. Budjetdan tashqari mablagʻlar va homiylik xayriyalari Respublika Maʼnaviyat va maʼrifat markazi, Madaniyat vazirligi, Yozuvchilar uyushmasi 23. “Adabiy doʻstlik — abadiy doʻstlik” shiori ostida yurtimizda istiqomat qiluvchi turli millat ijodkorlari ishtirokida “Doʻrmon bahori” anʼanaviy xalqaro adabiy forumini oʻtkazish. Budjetdan tashqari mablagʻlar va homiylik xayriyalari Yozuvchilar uyushmasi, Jurnalistlar uyushmasi, Millatlararo munosabatlar va xorijdagi vatandoshlar masalalari boʻyicha qoʻmita 24. Oʻzbekiston Respublikasi davlat mustaqilligining oʻttiz besh yilligiga bagʻishlab: “Yangi Oʻzbekiston taronasi” nomli nazm va navo kechalari; “Bir Vatan — turli millat ohangida” nomli eng yaxshi qoʻshiqlar tanlovi; “Sharafli yoʻl” mavzusida yosh jurnalistlar va blogerlar oʻrtasida ijodiy videoroliklar tanlovi; #MustaqilOʻzbekiston xeshtegi ostida qisqa metrajli filmlar va videokontentlar tanlovini oʻtkazish. Budjetdan ajratilgan va budjetdan tashqari mablagʻlar, homiylik xayriyalari Madaniyat vazirligi, Jurnalistlar uyushmasi, Yoshlar ishlari agentligi, Oʻzbekiston Milliy teleradiokompaniyasi, Kinematografiya agentligi, Millatlararo munosabatlar va xorijdagi vatandoshlar masalalari boʻyicha qoʻmita 25. Milliy filmlar orqali aholida shukronalik kayfiyatini oshirish va vatanparvarlik tuygʻusini kuchaytirish maqsadida hududlarda “Mustaqillik kinokarvoni” tadbirlarini oʻtkazish. Budjetdan ajratilgan va budjetdan tashqari mablagʻlar, homiylik xayriyalari Respublika Maʼnaviyat va maʼrifat markazi, Kinematografiya agentligi, Madaniyat vazirligi, Oʻzbekiston mahallalari uyushmasi, Yoshlar ishlari agentligi 26. Aholi gavjum maskanlar va jamoat joylarida “Vatan simfoniyasi” fleshmoblarini oʻtkazish. Budjetdan ajratilgan va budjetdan tashqari mablagʻlar, homiylik xayriyalari Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 27. Tashkilotlar, idoralar va taʼlim muassasalarida “Mustaqillik soati” oʻquvlarini tashkil etish. Budjetdan ajratilgan va budjetdan tashqari mablagʻlar Respublika Maʼnaviyat va maʼrifat markazi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi 28. Respublikadagi barcha teatrlarda shukronalik va vatanparvarlik ruhini beruvchi eng yaxshi spektakllar namoyishini tashkil etish. Budjetdan ajratilgan va budjetdan tashqari mablagʻlar Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 29. Mustaqillikni tarannum etuvchi milliy kontentlar tayyorlash va media platformalarga joylashtirish. Budjetdan ajratilgan va budjetdan tashqari mablagʻlar OAV uchun kontent tayyorlash markazi, Yoshlar ishlari agentligi, Respublika Maʼnaviyat va maʼrifat markazi, vazirlik va idoralar 30. “35 yillik mustaqillik yilnomasi” ruknida mustaqilligimizning tarixiy bosqichlari, erishilgan yutuqlar va bunyodkorlik ishlarini yorituvchi turkum hujjatli filmlar, koʻrsatuvlar tayyorlash va telekanallarda namoyish etish. Budjetdan ajratilgan va budjetdan tashqari mablagʻlar Kinematografiya agentligi, Oʻzbekiston milliy teleradiokompaniyasi, Oʻzbekiston milliy media birlashmasi 31. Fuqarolarning xonadonlari, oilaviy bayramlar oʻtkaziladigan joylari, mahallalar, tadbirkorlik subyektlari binolari va ularga tutash boʻlgan hududlarni davlat bayrogʻi bilan bezashni targʻib etish va shart-sharoitlar yaratish choralarini koʻrish. Mablagʻ talab etilmaydi Oʻzbekiston mahallalari uyushmasi, Respublika Maʼnaviyat va maʼrifat markazi, Savdo-sanoat palatasi
Oʻzbekiston Respublikasi Prezidentining 2026-yil 1-apreldagi PQ-120-son qaroriga 3-ILOVA
Oʻzbekiston Respublikasi davlat mustaqilligining 35 yilligini keng nishonlashga tayyorgarlik koʻrish va uni oʻtkazish boʻyicha respublika komissiyasi
1. A. Aripov — Oʻzbekiston Respublikasi Bosh vaziri, Respublika komissiyasi raisi 2. G. Umerova — Prezident Administratsiyasi Kreativ iqtisodiyot va turizm boʻyicha departamenti boshligʻi, Respublika komissiyasi raisi oʻrinbosari 3. X. Sultonov — Oʻzbekiston Respublikasi Prezidentining maslahatchisi — Spichrayteri 4. R. Davletov — Oʻzbekiston Respublikasi Prezidentining maslahatchisi 5. Z. Maxkamova — Bosh vazir oʻrinbosari 6. O. Nazarbekov — madaniyat vaziri, Respublika komissiyasi raisi oʻrinbosari 7. Sh. Umurzakov — Toshkent shahar hokimi 8. B. Kurbanov — Davlat xavfsizlik xizmati raisi 9. N. Yoʻldoshev — Bosh prokuror 10. A. Tashkulov — adliya vaziri 11. E. Karimova — maktabgacha va maktab taʼlimi vaziri 12. K. Sharipov — oliy taʼlim, fan va innovatsiyalar vaziri 13. A. Ikramov — sport vaziri 14. B. Zaxidov — kambagʻallikni qisqartirish va bandlik vaziri 15. A. Xudayarov — sogʻliqni saqlash vaziri 16. Sh. Shermatov — raqamli texnologiyalar vaziri 17. B. Saidov — tashqi ishlar vaziri 18. Sh. Xalmuxamedov — mudofaa vaziri 19. A. Tashpulatov — ichki ishlar vaziri 20. A. Ikramov — favqulodda vaziyatlar vaziri 21. B. Tashmatov — Milliy gvardiya qoʻmondoni 22. I. Norqulov — iqtisodiyot va moliya vazirining birinchi oʻrinbosari 23. K. Kuranbayev — Oʻzbekiston mahallalari uyushmasi raisi 24. Q. Rafiqov — Oʻzbekiston kasaba uyushmalari federatsiyasi raisi 25. Sh. Ayupov — Fanlar akademiyasi prezidenti 26. Q. Sariyev — Millatlararo munosabatlar va xorijdagi vatandoshlar masalalari boʻyicha qoʻmita raisi 27. S. Toshboyev — Din ishlari boʻyicha qoʻmita raisi 28. A. Saʼdullayev — Yoshlar ishlari agentligi direktori 29. A. Djurabayev — Oʻzbekiston Milliy teleradiokompaniyasi raisi 30. A. Koʻchimov — Oʻzbekiston Milliy axborot agentligi bosh direktori 31. A. Nuridinov — Oʻzbekiston Badiiy akademiyasi raisi 32. O. Hasanov — Respublika Maʼnaviyat va maʼrifat markazi rahbari 33. S. Saidov — Oʻzbekiston Yozuvchilar uyushmasi raisi 34. S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi 35. Sh. Rizayev — Kinematografiya agentligi bosh direktori v.b. 36. R. Abdullayev — Oʻzbekiston kompozitorlari va bastakorlari uyushmasi raisi 37. O. Tojiyev — Oʻzbekiston milliy media birlashmasi raisi 38. Sh. Oripov — Oʻzbekiston Jurnalistlar uyushmasi raisi v.b. 39. N. Xoliqnazarov — Oʻzbekiston musulmonlari idorasi raisi 40. B. Xasanov — “Shahidlar xotirasi” jamoat fondi raisi 41. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari 42. B. Sayomov — Prezident Administratsiyasi masʼul xodimi 43. S. Bobojonov — Prezident Administratsiyasi masʼul xodimi 44. F. Qosimov — Vazirlar Mahkamasi departament mudiri, Respublika komissiyasi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 1-aprel,
PQ-120-son
Президента Республики Узбекистан
Постановление
О подготовке и проведении широкого празднования 35-й годовщины государственной независимости Республики Узбекистан
Национальный суверенитет и государственная независимость являются самым главным условием и гарантом политического, социального, экономического и культурного прогресса любой страны. Это — решающие факторы для обретения государством как субъектом международного права достойного места в мировом сообществе, обеспечения мирной и благополучной жизни народа, защиты всех его интересов.
Национальная независимость — подлинное проявление воли нашего мужественного и стойкого народа, воплощение надежд и чаяний героических предков, боровшихся за независимость, основа нашей благородной работы по строительству Нового Узбекистана, величайшая и священная ценность, которую мы должны сохранить и передать будущим поколениям.
Наш путь развития, основанный на Конституции в новой редакции и Стратегии «Узбекистан — 2030», воплотивших в себе политико-правовые гарантии принципов национального суверенитета и государственной независимости страны, служит прочной опорой в возвеличивании чести и достоинства человека, его жизненных интересов, укреплении атмосферы дружбы и согласия в нашем многонациональном обществе, сохранении национальных традиций и обычаев, обеспечении мира и стабильности в стране, укреплении ее обороноспособности, развитии в регионе отношений добрососедства и укреплении международного авторитета Родины.
Учитывая неоценимое значение национальной независимости для истории государственности, нашей сегодняшней и будущей жизни, в целях достойного празднования 35-й годовщины государственной независимости Республики Узбекистан на высоком уровне в соответствии с нынешним огромным потенциалом и авторитетом Нового Узбекистана в мировом сообществе постановляю:
1. Утвердить:
(а) концепцию и программу, отражающие главную идею «Единой Родиной, единым народом мы построим новую жизнь, новое будущее!», согласно приложениям №№ 1 * и 2 * ;
(б) состав Республиканской комиссии по подготовке и проведению празднования 35-й годовщины государственной независимости Республики Узбекистан согласно приложению № 3 * .
2. Республиканской комиссии (А. Арипов) реализовать меры:
(а) в целях достойного празднования 35-й годовщины независимости в Республике Каракалпакстан, городе Ташкенте, областных и районных центрах (городах), во всех махаллях, селах и аулах, а также в системе министерств и ведомств — по обеспечению разработки и исполнения программ мероприятий в соответствии с содержанием и основными направлениями концепции.
При этом особое внимание уделить следующим приоритетным направлениям:
(i) широкому освещению огромных возможностей и достижений, созданных в результате реформ, осуществляемых в Новом Узбекистане;
(ii) демонстрации роста благосостояния населения в результате ускоренного устойчивого развития экономики страны;
(iii) освещению реформ по укреплению оборонного потенциала страны, служащих обеспечению мира и неприкосновенности границ;
(iv) значению успехов и результатов, достигнутых благодаря независимости в развитии национальных ценностей, государственности, институтов гражданского общества, в том числе системы махалли;
(v) обеспечению интересов старшего поколения, женщин и социально уязвимых слоев населения, формированию необходимых условий для получения молодежью знаний и профессий, реализации их предпринимательских инициатив и талантов как «созидателей Нового Узбекистана»;
(vi) разъяснению необходимости сохранения и укрепления атмосферы межнациональной дружбы и межрелигиозной толерантности как священного долга всех граждан;
(vii) обеспечению активного вовлечения в праздничные мероприятия молодежи, всех социальных и этнических групп соотечественников;
(б) по созданию художественно-творческих групп из числа деятелей науки, образования, культуры, литературы и искусства, спортсменов, представителей общественности и проведению по всей республике с их участием в течение апреля — сентября мероприятий Фестиваля независимости, включающих в себя масштабные духовно-просветительские мероприятия и социальные проекты;
(в) привлечению известных сценаристов и режиссеров, поэтов и писателей, певцов и композиторов, балетмейстеров, художников сцены, талантливых молодых исполнителей к подготовке главного праздничного мероприятия, проводимого в городе Ташкенте;
(г) организации на высоком уровне в преддверии 35-й годовщины независимости торжественных церемоний открытия крупных промышленных, культурных, образовательных и спортивных объектов страны.
3. Ответственным за подготовку и проведение основного праздничного мероприятия в городе Ташкенте определить Министерство культуры.
4. Академии художеств, Министерству культуры, Союзу писателей, Республиканскому центру духовности и просветительства в срок до 1 июня 2026 года разработать и внести в Кабинет Министров эскизный проект символического монумента «Ватан фидойилари», воплощающего идеи национальной независимости и суверенитета, образы созидателей Нового Узбекистана.
Принять к сведению, что этот монумент будет установлен в центральной части парков общенационального единства, возводимых в 2026 — 2030 годах в Республике Каракалпакстан, областях, районах и городах.
5. Республиканскому центру духовности и просветительства совместно с Институтом исследований развития Нового Узбекистана, Общенациональным движением «Юксалиш» и Центром «Стратегия развития» в срок до 1 августа 2026 года подготовить специальную книгу-альбом «Мустакиллик зафарномаси» («Летопись независимости»), посвященную реформам в каждой сфере, их результатам и достижениям.
6. Агентству по делам молодежи, Республиканскому центру духовности и просветительства с апреля 2026 года запустить в социальных сетях пропагандистские акции (флешмобы, подкасты, викторины и другие) под хэштегами #Mustaqillik35, #Uzb35.
7. Агентству кинематографии, Национальной телерадиокомпании Узбекистана, Национальной медиаассоциации Узбекистана начиная с апреля 2026 года под рубрикой «35 йиллик Истиқлол йилномаси» («Хроника 35 лет Независимости») обеспечить подготовку и показ на телеканалах цикла документальных фильмов и передач, освещающих исторические этапы нашей независимости, достижения и созидательную работу народа.
8. Согласиться с предложением Законодательной палаты и Сената Олий Мажлиса, Министерства юстиции и Института законодательства и правовой политики о проведении в августе 2026 года в городе Ташкенте международной научно-практической конференции на тему «Независимый Узбекистан — 35-летний путь развития: реформы, результаты и перспективы».
9. Комитету по вопросам межнациональных отношений и соотечественников за рубежом совместно с Общественным фондом «Ватандошлар», Республиканским центром духовности и просветительства, Министерством иностранных дел, Союзом писателей в августе-сентябре 2026 года организовать культурно-просветительские мероприятия под девизом «Моя гордость — независимый Узбекистан» с участием соотечественников и представителей узбекской диаспоры за рубежом.
10. Центральному банку в срок до 1 сентября 2026 года принять меры по чеканке памятной золотой монеты «Мустакилликнинг 35 йиллиги».
11. Ассоциации махаллей Узбекистана, Министерству транспорта в срок до 1 мая 2026 года внести предложения о присвоении соответственно одной из вновь образованных махаллей и одной из железнодорожных станций названия «Мустакилликнинг 35 йиллиги».
12. Установить, что проводимые праздничные мероприятия финансируются:
(а) в Республике Каракалпакстан и областях — за счет дополнительных источников соответствующих местных бюджетов и спонсорских средств;
(б) в городе Ташкенте — в равных долях за счет средств республиканского бюджета Республики Узбекистан и местного бюджета города Ташкента согласно смете расходов, утверждаемой Республиканской комиссией.
13. Рекомендовать Национальной телерадиокомпании Узбекистана, Национальному информационному агентству Узбекистана, Информационному агентству «Дунё» подготовить и распространить цикл материалов о независимости нашей страны, пути развития Нового Узбекистана и единстве нашего народа.
14. Республиканской комиссии обеспечить контроль за исполнением настоящего постановления, ежемесячное внесение информации в Администрацию Президента Республики Узбекистан, при необходимости принятие дополнительных мер.
15. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
1 апреля 2026 г.,
№ ПП-120