📅 2026-yil 7-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 7 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 апреля 2026 г. · Постановления Президента
Официальный текст. Официальный документ. Редакционные примечания не включены.
📅 7 April 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Қуролли Кучлар тизимида республика китобхонлик танловини ташкил этиш чора-тадбирлари тўғрисида
Қуролли Кучлар тизимида китобхонлик маданиятини кенг оммалаштириш ва шахсий таркибнинг китоб ўқишга бўлган қизиқишини қўллаб-қувватлаш ҳамда рағбатлантириш мақсадида қарор қиламан:
1. Мудофаа вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Ўзбекистон Республикаси Президенти давлат хавфсизлик хизмати, Миллий гвардия, Электрон технологияларни ривожлантириш маркази, Иқтисодиёт ва молия вазирлиги ҳузуридаги Божхона қўмитаси (кейинги ўринларда — вазирлик ва идоралар), Ёшлар ишлари агентлиги ҳамда Республика Маънавият ва маърифат марказининг 2026 йилдан бошлаб ҳар йили:
(а) алоҳида-алоҳида муддатли ҳарбий хизматчилар, контракт бўйича ҳарбий хизматчилар, олий ҳарбий ва олий ҳарбийлаштирилган таълим муассасалари курсантлари (кейинги ўринларда — курсантлар) ҳамда ҳарбий-академик лицейлар ўқувчилари (кейинги ўринларда — ўқувчилар) ўртасида «Маънавият қалқони» республика китобхонлик танловини (кейинги ўринларда — китобхонлик танлови) тўрт босқичда ўтказиш;
(б) китобхонлик танловининг республика босқичида вазирлик ва идораларнинг муддатли ҳарбий хизматчилари, контракт бўйича ҳарбий хизматчилари, курсантлари ҳамда ўқувчилари орасидан:
(i) биринчи ўринни эгаллаган жами тўрт нафар ғолибнинг ҳар бирини Олий Бош қўмондоннинг бош соврини — электромобиль ҳамда диплом билан тақдирлаш;
(ii) иккинчи ўринни эгаллаган жами тўрт нафар совриндорнинг ҳар бирини базавий ҳисоблаш миқдорининг 100 баробари миқдорида бирйўла тўланадиган пул мукофоти ҳамда диплом билан тақдирлаш;
(iii) учинчи ўринни эгаллаган жами тўрт нафар совриндорнинг ҳар бирини базавий ҳисоблаш миқдорининг 70 баробари миқдорида бирйўла тўланадиган пул мукофоти ҳамда диплом билан тақдирлаш;
(в) китобхонлик танловининг республика босқичида биринчи, иккинчи ва учинчи ўринларни эгаллаган муддатли ҳарбий хизматчиларнинг хизмат муддатини рағбатлантириш тариқасида бир ойга қисқартириш тўғрисидаги таклифларига розилик берилсин.
2. Қуйидагилар китобхонлик танловининг асосий вазифалари этиб белгилансин:
(а) «Ўзбекистон — 2030» стратегияси доирасида мамлакатда амалга оширилаётган ислоҳотларнинг мустаҳкам кафолатларидан бирига айланиб бораётган Қуролли Кучларни чинакам маърифат масканига айлантириш;
(б) вазирлик ва идораларнинг ҳарбий хизматчилари, курсантлари ва ўқувчиларининг мутолаа маданиятини ошириш орқали уларнинг китоб ўқишга бўлган қизиқиши, ватанпарварлик туйғулари ҳамда жанговар руҳини кучайтириш;
(в) вазирлик ва идораларнинг ҳарбий хизматчилари, курсантлари ва ўқувчиларининг маънавий-ахлоқий тайёргарлигини янги босқичга олиб чиқиш;
(г) вазирлик ва идораларнинг ҳарбий хизматчилари, курсантлари ва ўқувчиларининг касбий, интеллектуал ҳамда маънавий салоҳиятини ошириб бориш.
3. Ўзбекистон Республикаси Қуролли Кучлари тизимида «Маънавият қалқони» республика китобхонлик танловини ташкил этиш ва уни юқори савияда ўтказиш бўйича ташкилий қўмита (кейинги ўринларда — Ташкилий қўмита) таркиби иловага мувофиқ тасдиқлансин.
4. Белгилаб қўйилсинки:
(а) китобхонлик танлови қуйидаги тартибда ўтказилади:
(i) биринчи босқич — ҳарбий қисмлар, олий ҳарбий ва олий ҳарбийлаштирилган таълим муассасалари ҳамда ҳарбий-академик лицейларда;
(ii) иккинчи босқич — ҳарбий округ (бирлашма, бошқарма, қўшилма)ларда;
(iii) учинчи босқич — вазирлик ва идораларда;
(iv) тўртинчи босқич — республика миқёсида;
(б) китобхонлик танлови рўйхати Ташкилий қўмита томонидан тасдиқланадиган бадиий адабиётлар доирасида ўтказилади;
(в) китобхонлик танлови республика босқичининг:
(i) ташкилий-амалий масалалари — вазирлик ва идоралар, Ёшлар ишлари агентлиги, Ўзбекистон миллий ахборот агентлиги томонидан;
(ii) илмий-ижодий масалалари — Республика Маънавият ва маърифат маркази, Ўзбекистон Ёзувчилар уюшмаси, Олий таълим, фан ва инновациялар вазирлиги, Алишер Навоий номидаги Тошкент давлат ўзбек тили ва адабиёти университети томонидан ҳал этилади.
5. Ташкилий қўмита:
(а) бир ой муддатда китобхонлик танловини ташкил этиш ва ўтказиш тартиби тўғрисидаги низомни тасдиқласин;
(б) китобхонлик танловини юқори савияда ташкил этиш ва ўтказиш бўйича зарур чора-тадбирларни амалга оширсин.
6. 14 январь — Ватан ҳимоячилари куни байрами арафасида китобхонлик танловининг:
(а) ғолиб ва совриндорларига:
(i) биринчи ўрин учун электромобиллар ва дипломлар Олий Бош қўмондон номидан мудофаа вазири томонидан;
(ii) иккинчи ва учинчи ўринлар учун бирйўла тўланадиган пул мукофотлари ҳамда дипломлар Олий Бош қўмондон номидан вазирлик ва идоралар раҳбарлари томонидан топширилади;
(б) ғолиб ва совриндорлари бўлмаган бошқа иштирокчилари (бундан муддатли ҳарбий хизматчилар, курсантлар ва ўқувчилар мустасно) Ўзбекистон Республикаси Қуролли Кучларининг «Маънавий-маърифий ишлар аълочиси» кўкрак нишони билан вазирлик ва идоралар раҳбарияти томонидан тақдирланади.
7. Белгилансинки, китобхонлик танловининг:
(а) биринчи, иккинчи ва учинчи босқичлари ғолибларини рағбатлантириш билан боғлиқ харажатлар тегишлича вазирлик ва идораларнинг бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобидан;
(б) республика босқичида биринчи, иккинчи ва учинчи ўринларни эгаллаган ғолиблар ва совриндорларни тақдирлаш билан боғлиқ харажатлар ушбу ғолиблар ва совриндорлар хизмат қилаётган ва ўқиётган вазирлик ва идораларнинг бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади.
8. Ўзбекистон Миллий телерадиокомпанияси ва Ўзбекистон Миллий ахборот агентлигига Мудофаа вазирлиги, Ёшлар ишлари агентлиги ҳамда Республика Маънавият ва маърифат маркази билан биргаликда китобхонлик танловининг мазмун-моҳиятини оммавий ахборот воситаларида кенг ёритиб бориш тавсия этилсин.
9. Мудофаа вазирлиги манфаатдор вазирлик ва идоралар билан биргаликда уч ой муддатда ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Ушбу қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2026 йил 7 апрелдаги ПҚ-128-сон қарорига ИЛОВА
Ўзбекистон Республикаси Қуролли Кучлар тизимида «Маънавият қалқони» республика китобхонлик танловини ташкил этиш ва уни юқори савияда ўтказиш бўйича ташкилий қўмита
1. Ш.Г. Халмухамедов — мудофаа вазири, Ташкилий қўмита раиси 2. А.З. Саъдуллаев — Ёшлар ишлари агентлиги директори, Ташкилий қўмита раиси ўринбосари 3. О.А. Хасанов — Республика Маънавият ва маърифат маркази раҳбари, Ташкилий қўмита раиси ўринбосари 4. С.С. Саидов — Ўзбекистон Ёзувчилар уюшмаси раиси 5. Д.Н. Саттаров — ички ишлар вазири ўринбосари — Маънавий-маърифий ишлар ва кадрлар билан таъминлаш департаменти бошлиғи 6. Н.Б. Кадиров — фавқулодда вазиятлар вазири ўринбосари — Маънавий-маърифий ишлар ва кадрлар билан таъминлаш департаменти бошлиғи 7. Б.А. Шаякубов — Давлат хавфсизлик хизмати раиси ўринбосари 8. З.А. Абдуллаев — Ўзбекистон Республикаси Президенти давлат хавфсизлик хизмати раиси ўринбосари 9. С.Д. Мамаюсупов — Миллий гвардия қўмондонининг тарбиявий ишлар, кадрлар ва ёшлар масалалари бўйича ўринбосари 10. А.Ш. Бабажанов — Электрон технологияларини ривожлантириш маркази раҳбари ўринбосари 11 У.Р. Саломов — олий таълим, фан ва инновациялар вазири ўринбосари 12. О.Б. Чориев — Божхона қўмитаси раиси ўринбосари 13. Б.М. Ахмедов — маданият вазирининг биринчи ўринбосари 14. А.К. Кўчимов — Ўзбекистон Миллий ахборот агентлиги бош директори 15. А.А. Джурабаев — Ўзбекистон Миллий телерадиокомпанияси раиси 16. Х.Х. Салимов — Ўзбекистон Журналистлар уюшмаси раиси ўринбосари 17. И.М. Мирзаалиев — Мудофаа вазирлиги ҳузуридаги Жамоатчилик кенгаши раиси
Ўзбекистон Республикасининг Президенти Ш. МИРЗИЁЕВ
Тошкент ш.,
2026 йил 7 апрель,
ПҚ- 128 -сон
Oʻzbekiston Respublikasi Prezidentining
qarori
TARKIBI
Qurolli Kuchlar tizimida respublika kitobxonlik tanlovini tashkil etish chora-tadbirlari toʻgʻrisida
Qurolli Kuchlar tizimida kitobxonlik madaniyatini keng ommalashtirish va shaxsiy tarkibning kitob oʻqishga boʻlgan qiziqishini qoʻllab-quvvatlash hamda ragʻbatlantirish maqsadida qaror qilaman:
1. Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Oʻzbekiston Respublikasi Prezidenti davlat xavfsizlik xizmati, Milliy gvardiya, Elektron texnologiyalarni rivojlantirish markazi, Iqtisodiyot va moliya vazirligi huzuridagi Bojxona qoʻmitasi (keyingi oʻrinlarda — vazirlik va idoralar), Yoshlar ishlari agentligi hamda Respublika Maʼnaviyat va maʼrifat markazining 2026-yildan boshlab har yili:
(a) alohida-alohida muddatli harbiy xizmatchilar, kontrakt boʻyicha harbiy xizmatchilar, oliy harbiy va oliy harbiylashtirilgan taʼlim muassasalari kursantlari (keyingi oʻrinlarda — kursantlar) hamda harbiy-akademik litseylar oʻquvchilari (keyingi oʻrinlarda — oʻquvchilar) oʻrtasida “Maʼnaviyat qalqoni” respublika kitobxonlik tanlovini (keyingi oʻrinlarda — kitobxonlik tanlovi) toʻrt bosqichda oʻtkazish;
(b) kitobxonlik tanlovining respublika bosqichida vazirlik va idoralarning muddatli harbiy xizmatchilari, kontrakt boʻyicha harbiy xizmatchilari, kursantlari hamda oʻquvchilari orasidan:
(i) birinchi oʻrinni egallagan jami toʻrt nafar gʻolibning har birini Oliy Bosh qoʻmondonning bosh sovrini — elektromobil hamda diplom bilan taqdirlash;
(ii) ikkinchi oʻrinni egallagan jami toʻrt nafar sovrindorning har birini bazaviy hisoblash miqdorining 100 barobari miqdorida biryoʻla toʻlanadigan pul mukofoti hamda diplom bilan taqdirlash;
(iii) uchinchi oʻrinni egallagan jami toʻrt nafar sovrindorning har birini bazaviy hisoblash miqdorining 70 barobari miqdorida biryoʻla toʻlanadigan pul mukofoti hamda diplom bilan taqdirlash;
(v) kitobxonlik tanlovining respublika bosqichida birinchi, ikkinchi va uchinchi oʻrinlarni egallagan muddatli harbiy xizmatchilarning xizmat muddatini ragʻbatlantirish tariqasida bir oyga qisqartirish toʻgʻrisidagi takliflariga rozilik berilsin.
2. Quyidagilar kitobxonlik tanlovining asosiy vazifalari etib belgilansin:
(a) “Oʻzbekiston — 2030” strategiyasi doirasida mamlakatda amalga oshirilayotgan islohotlarning mustahkam kafolatlaridan biriga aylanib borayotgan Qurolli Kuchlarni chinakam maʼrifat maskaniga aylantirish;
(b) vazirlik va idoralarning harbiy xizmatchilari, kursantlari va oʻquvchilarining mutolaa madaniyatini oshirish orqali ularning kitob oʻqishga boʻlgan qiziqishi, vatanparvarlik tuygʻulari hamda jangovar ruhini kuchaytirish;
(v) vazirlik va idoralarning harbiy xizmatchilari, kursantlari va oʻquvchilarining maʼnaviy-axloqiy tayyorgarligini yangi bosqichga olib chiqish;
(g) vazirlik va idoralarning harbiy xizmatchilari, kursantlari va oʻquvchilarining kasbiy, intellektual hamda maʼnaviy salohiyatini oshirib borish.
3. Oʻzbekiston Respublikasi Qurolli Kuchlari tizimida “Maʼnaviyat qalqoni” respublika kitobxonlik tanlovini tashkil etish va uni yuqori saviyada oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.
4. Belgilab qoʻyilsinki:
(a) kitobxonlik tanlovi quyidagi tartibda oʻtkaziladi:
(i) birinchi bosqich — harbiy qismlar, oliy harbiy va oliy harbiylashtirilgan taʼlim muassasalari hamda harbiy-akademik litseylarda;
(ii) ikkinchi bosqich — harbiy okrug (birlashma, boshqarma, qoʻshilma)larda;
(iii) uchinchi bosqich — vazirlik va idoralarda;
(iv) toʻrtinchi bosqich — respublika miqyosida;
(b) kitobxonlik tanlovi roʻyxati Tashkiliy qoʻmita tomonidan tasdiqlanadigan badiiy adabiyotlar doirasida oʻtkaziladi;
(v) kitobxonlik tanlovi respublika bosqichining:
(i) tashkiliy-amaliy masalalari — vazirlik va idoralar, Yoshlar ishlari agentligi, Oʻzbekiston milliy axborot agentligi tomonidan;
(ii) ilmiy-ijodiy masalalari — Respublika Maʼnaviyat va maʼrifat markazi, Oʻzbekiston Yozuvchilar uyushmasi, Oliy taʼlim, fan va innovatsiyalar vazirligi, Alisher Navoiy nomidagi Toshkent davlat oʻzbek tili va adabiyoti universiteti tomonidan hal etiladi.
5. Tashkiliy qoʻmita:
(a) bir oy muddatda kitobxonlik tanlovini tashkil etish va oʻtkazish tartibi toʻgʻrisidagi nizomni tasdiqlasin;
(b) kitobxonlik tanlovini yuqori saviyada tashkil etish va oʻtkazish boʻyicha zarur chora-tadbirlarni amalga oshirsin.
6. 14-yanvar — Vatan himoyachilari kuni bayrami arafasida kitobxonlik tanlovining:
(a) gʻolib va sovrindorlariga:
(i) birinchi oʻrin uchun elektromobillar va diplomlar Oliy Bosh qoʻmondon nomidan mudofaa vaziri tomonidan;
(ii) ikkinchi va uchinchi oʻrinlar uchun biryoʻla toʻlanadigan pul mukofotlari hamda diplomlar Oliy Bosh qoʻmondon nomidan vazirlik va idoralar rahbarlari tomonidan topshiriladi;
(b) gʻolib va sovrindorlari boʻlmagan boshqa ishtirokchilari (bundan muddatli harbiy xizmatchilar, kursantlar va oʻquvchilar mustasno) Oʻzbekiston Respublikasi Qurolli Kuchlarining “Maʼnaviy-maʼrifiy ishlar aʼlochisi” koʻkrak nishoni bilan vazirlik va idoralar rahbariyati tomonidan taqdirlanadi.
7. Belgilansinki, kitobxonlik tanlovining:
(a) birinchi, ikkinchi va uchinchi bosqichlari gʻoliblarini ragʻbatlantirish bilan bogʻliq xarajatlar tegishlicha vazirlik va idoralarning budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobidan;
(b) respublika bosqichida birinchi, ikkinchi va uchinchi oʻrinlarni egallagan gʻoliblar va sovrindorlarni taqdirlash bilan bogʻliq xarajatlar ushbu gʻoliblar va sovrindorlar xizmat qilayotgan va oʻqiyotgan vazirlik va idoralarning budjetdan tashqari mablagʻlari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
8. Oʻzbekiston Milliy teleradiokompaniyasi va Oʻzbekiston Milliy axborot agentligiga Mudofaa vazirligi, Yoshlar ishlari agentligi hamda Respublika Maʼnaviyat va maʼrifat markazi bilan birgalikda kitobxonlik tanlovining mazmun-mohiyatini ommaviy axborot vositalarida keng yoritib borish tavsiya etilsin.
9. Mudofaa vazirligi manfaatdor vazirlik va idoralar bilan birgalikda uch oy muddatda ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Ushbu qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2026-yil 7-apreldagi PQ-128-son qaroriga ILOVA
Oʻzbekiston Respublikasi Qurolli Kuchlar tizimida “Maʼnaviyat qalqoni” respublika kitobxonlik tanlovini tashkil etish va uni yuqori saviyada oʻtkazish boʻyicha tashkiliy qoʻmita
1. Sh.G. Xalmuxamedov — mudofaa vaziri, Tashkiliy qoʻmita raisi 2. A.Z. Saʼdullayev — Yoshlar ishlari agentligi direktori, Tashkiliy qoʻmita raisi oʻrinbosari 3. O.A. Xasanov — Respublika Maʼnaviyat va maʼrifat markazi rahbari, Tashkiliy qoʻmita raisi oʻrinbosari 4. S.S. Saidov — Oʻzbekiston Yozuvchilar uyushmasi raisi 5. D.N. Sattarov — ichki ishlar vaziri oʻrinbosari — Maʼnaviy-maʼrifiy ishlar va kadrlar bilan taʼminlash departamenti boshligʻi 6. N.B. Kadirov — favqulodda vaziyatlar vaziri oʻrinbosari — Maʼnaviy-maʼrifiy ishlar va kadrlar bilan taʼminlash departamenti boshligʻi 7. B.A. Shayakubov — Davlat xavfsizlik xizmati raisi oʻrinbosari 8. Z.A. Abdullayev — Oʻzbekiston Respublikasi Prezidenti davlat xavfsizlik xizmati raisi oʻrinbosari 9. S.D. Mamayusupov — Milliy gvardiya qoʻmondonining tarbiyaviy ishlar, kadrlar va yoshlar masalalari boʻyicha oʻrinbosari 10. A.Sh. Babajanov — Elektron texnologiyalarini rivojlantirish markazi rahbari oʻrinbosari 11 U.R. Salomov — oliy taʼlim, fan va innovatsiyalar vaziri oʻrinbosari 12. O.B. Choriyev — Bojxona qoʻmitasi raisi oʻrinbosari 13. B.M. Axmedov — madaniyat vazirining birinchi oʻrinbosari 14. A.K. Koʻchimov — Oʻzbekiston Milliy axborot agentligi bosh direktori 15. A.A. Djurabayev — Oʻzbekiston Milliy teleradiokompaniyasi raisi 16. X.X. Salimov — Oʻzbekiston Jurnalistlar uyushmasi raisi oʻrinbosari 17. I.M. Mirzaaliyev — Mudofaa vazirligi huzuridagi Jamoatchilik kengashi raisi
Oʻzbekiston Respublikasining Prezidenti Sh. MIRZIYOYEV
Toshkent sh.,
2026-yil 7-aprel,
PQ- 128 -son
Президента Республики Узбекистан
Постановление
О мерах по организации республиканского конкурса чтения в системе Вооруженных Сил
В целях широкой популяризации культуры чтения в системе Вооруженных Сил, а также поддержки и поощрения интереса личного состава к чтению постановляю:
1. Согласиться с предложениями Министерства обороны, Министерства внутренних дел, Министерства по чрезвычайным ситуациям, Службы государственной безопасности, Государственной службы безопасности Президента Республики Узбекистан, Национальной гвардии, Центра развития электронных технологий, Таможенного комитета при Министерстве экономики и финансов (далее — министерства и ведомства), а также Агентства по делам молодежи и Республиканского центра духовности и просветительства, предусматривающими ежегодно начиная с 2026 года:
(а) проведение четырехэтапного Республиканского конкурса чтения «Маънавият қалқони» (далее — конкурс чтения) отдельно среди военнослужащих срочной службы, военнослужащих по контракту, между курсантами высших военных и высших военизированных образовательных учреждений (далее — курсанты), а также среди учащихся военно-академических лицеев (далее — учащиеся);
(б) награждение на республиканском этапе конкурса чтения из числа военнослужащих срочной службы, военнослужащих по контракту, курсантов и учащихся министерств и ведомств:
(i) каждого из всех четырех победителей, занявших первое место, Главным призом Верховного Главнокомандующего — электромобилем и дипломом;
(ii) каждого из всех четырех победителей, занявших второе место, — единовременным денежным вознаграждением в 100-кратном размере базовой расчетной величины и дипломом;
(iii) каждого из всех четырех победителей, занявших третье место, — единовременным денежным вознаграждением в 70-кратном размере базовой расчетной величины и дипломом;
(в) сокращение в порядке поощрения на один месяц срока службы военнослужащих срочной службы, занявших первое, второе и третье место на республиканском этапе конкурса чтения.
2. Определить основными задачами конкурса чтения:
(а) трансформацию Вооруженных Сил, превращающихся в один из надежных гарантов реформ, осуществляемых в стране в рамках Стратегии «Узбекистан — 2030», в подлинный «центр духовности»;
(б) усиление интереса к чтению, чувства патриотизма и боевого духа военнослужащих, курсантов и учащихся министерств и ведомств путем повышения их культуры чтения;
(в) поднятие на новый уровень духовно-нравственной подготовки военнослужащих, курсантов и учащихся министерств и ведомств;
(г) повышение профессионального, интеллектуального и духовного потенциала военнослужащих, курсантов и учащихся министерств и ведомств.
3. Утвердить состав Организационного комитета по организации и проведению на высоком уровне Республиканского конкурса чтения в системе Вооруженных Сил Республики Узбекистан «Маънавият қалқони» (далее — Организационный комитет) согласно приложению * .
4. Установить, что:
(а) конкурс чтения проводится в следующем порядке:
(i) первый этап — в воинских частях, высших военных и высших военизированных образовательных учреждениях, а также военно-академических лицеях;
(ii) второй этап — в военных округах (объединениях, управлениях, соединениях);
(iii) третий этап — в министерствах и ведомствах;
(iv) четвертый этап — на республиканском уровне;
(б) конкурс чтения проводится в рамках художественной литературы, перечень которой утверждается Организационным комитетом;
(в) на республиканском этапе конкурса чтения:
(i) организационно-практические вопросы решаются министерствами и ведомствами, Агентством по делам молодежи, а также Национальным информационным агентством Узбекистана;
(ii) научные и творческие вопросы решаются Республиканским центром духовности и просветительства, Союзом писателей Узбекистана, Министерством высшего образования, науки и инноваций, а также Ташкентским государственным университетом узбекского языка и литературы имени Алишера Навои.
5. Организационному комитету:
(а) в месячный срок утвердить Положение о порядке организации и проведения конкурса чтения;
(б) осуществить необходимые меры по организации и проведению конкурса чтения на высоком уровне.
6. В преддверии 14 января — Дня защитников Родины:
(а) победителям и призерам конкурса чтения:
(i) занявшим первое место — от имени Верховного Главнокомандующего министром обороны вручаются электромобили и дипломы;
(ii) занявшим второе и третье места — от имени Верховного Главнокомандующего руководителями министерств и ведомств вручаются единовременное денежное вознаграждение и диплом;
(б) другие участники конкурса чтения, не признанные победителями и призерами (за исключением военнослужащих срочной службы, курсантов и учащихся), награждаются руководством министерств и ведомств нагрудным знаком Ўзбекистон Республикаси Қуролли Кучларининг «Маънавий-маърифий ишлар аълочиси».
7. Определить, что расходы, связанные с:
(а) поощрением победителей первого, второго и третьего этапов конкурса чтения осуществляются за счет внебюджетных средств соответствующих министерств и ведомств, а также иных источников, не запрещенных актами законодательства;
(б) награждением победителей и призеров республиканского этапа конкурса чтения, занявших первое, второе и третье места, осуществляются за счет внебюджетных средств министерств и ведомств, в которых проходят службу и обучаются эти победители и призеры, а также иных источников, не запрещенных актами законодательства.
8. Рекомендовать Национальной телерадиокомпании Узбекистана и Национальному информационному агентству Узбекистана совместно с Министерством обороны, Агентством по делам молодежи, а также Республиканским центром духовности и просветительства широко освещать в средствах массовой информации суть и содержание конкурса чтения.
9. Министерству обороны совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
7 апреля 2026 г.,
№ ПП- 128