📅 2026-yil 7-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 7 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 апреля 2026 г. · Постановления Президента
Официальный текст. Официальный документ. Редакционные примечания не включены.
📅 7 April 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолини асосий турдаги озиқ-овқат маҳсулотлари билан таъминлашни қўллаб-қувватлашнинг қўшимча чора-тадбирлари тўғрисида
Жорий логистика ва етказиб бериш занжирларидаги узилишлар шароитида мамлакатимизда озиқ-овқат хавфсизлигини таъминлаш, ижтимоий аҳамиятга эга асосий озиқ-овқат маҳсулотлари нархларида кескин тебранишларнинг олдини олиш, ички истеъмол бозорида мол ва қўй гўшти нархлари барқарорлигини сақлаш ҳамда тўлиқ занжирда гўшт маҳсулотларини ишлаб чиқариш имкониятларини кенгайтириш учун вақтинчалик, шаффоф ва тенг шартларда қўлланадиган чораларни жорий этиш мақсадида қарор қиламан:
I. Янги молиявий қўллаб-қувватлаш механизмларини жорий этиш
1. Қишлоқ хўжалиги вазирлиги ҳамда Иқтисодиёт ва молия вазирлигининг гўшт маҳсулотлари нархлари барқарорлигини таъминлашга қаратилган қуйидаги йўналишларда Ўзбекистон Республикаси республика бюджетидан вақтинчалик субсидиялар ажратиш тўғрисидаги таклифи маъқуллансин:
(а) 2026 йил 1 апрелдан 2027 йил 1 июнга қадар тадбиркорлик субъектларига мол ва қўй гўштини импорт қилишда, уларни ҳаво транспортида ташиш харажатларининг 50 фоизи, бироқ ҳар бир килограмм гўшт учун 1,2 АҚШ долларидан ошмаган миқдорда;
(б) 2026 йил 1 апрелдан 2026 йил 31 декабрга қадар хорижий давлатлардан ҳаво транспорти орқали импорт қилинган наслдор қорамол қийматининг 10 фоизи, бироқ ҳар бир бош қорамол учун 4 миллион сўмдан ошмаган миқдорда.
2. Белгилансинки, мазкур қарорга мувофиқ субсидиялар Аграр соҳада тўловлар агентлиги томонидан молиялаштирилади.
II. Қарор ижросини ташкил этиш, таъминлаш ва назорат
3. Иқтисодиёт ва молия вазирлиги мазкур қарорга мувофиқ субсидиялар билан боғлиқ харажатларни молиялаштириш учун Қишлоқ хўжалиги вазирлиги ва Аграр соҳада тўловлар агентлигининг ҳисоб-китобларига асосан жорий йилда Ўзбекистон Республикаси республика бюджетининг 2026 йил харажатларидан мақбуллаштириш белгиланган маблағлар ҳисобидан босқичма-босқич 300 миллиард сўм қўшимча маблағ ажратсин.
4. Қишлоқ хўжалиги вазирлиги Иқтисодиёт ва молия вазирлиги ҳамда Аграр соҳада тўловлар агентлиги билан биргаликда бир ҳафта муддатда қуйидагиларни Вазирлар Маҳкамасига киритсин:
(а) субсидияларни ажратиш тартибларини;
(б) қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисидаги таклифларни.
5. Мазкур қарор ижросини самарали ташкил қилишга масъул ва шахсан жавобгар этиб Бош вазир ўринбосарлари Ж.А. Қўчқоров ва Ж.А. Ходжаев ҳамда қишлоқ хўжалиги вазири И.Ю. Абдурахмонов белгилансин.
6. Қарор ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 7 апрель,
ПҚ-130-сон
Oʻzbekiston Respublikasi Prezidentining
Qarori
Aholini asosiy turdagi oziq-ovqat mahsulotlari bilan taʼminlashni qoʻllab-quvvatlashning qoʻshimcha chora-tadbirlari toʻgʻrisida
Joriy logistika va yetkazib berish zanjirlaridagi uzilishlar sharoitida mamlakatimizda oziq-ovqat xavfsizligini taʼminlash, ijtimoiy ahamiyatga ega asosiy oziq-ovqat mahsulotlari narxlarida keskin tebranishlarning oldini olish, ichki isteʼmol bozorida mol va qoʻy goʻshti narxlari barqarorligini saqlash hamda toʻliq zanjirda goʻsht mahsulotlarini ishlab chiqarish imkoniyatlarini kengaytirish uchun vaqtinchalik, shaffof va teng shartlarda qoʻllanadigan choralarni joriy etish maqsadida qaror qilaman:
I. Yangi moliyaviy qoʻllab-quvvatlash mexanizmlarini joriy etish
1. Qishloq xoʻjaligi vazirligi hamda Iqtisodiyot va moliya vazirligining goʻsht mahsulotlari narxlari barqarorligini taʼminlashga qaratilgan quyidagi yoʻnalishlarda Oʻzbekiston Respublikasi respublika budjetidan vaqtinchalik subsidiyalar ajratish toʻgʻrisidagi taklifi maʼqullansin:
(a) 2026-yil 1-apreldan 2027-yil 1-iyunga qadar tadbirkorlik subyektlariga mol va qoʻy goʻshtini import qilishda, ularni havo transportida tashish xarajatlarining 50 foizi, biroq har bir kilogramm goʻsht uchun 1,2 AQSH dollaridan oshmagan miqdorda;
(b) 2026-yil 1-apreldan 2026-yil 31-dekabrga qadar xorijiy davlatlardan havo transporti orqali import qilingan nasldor qoramol qiymatining 10 foizi, biroq har bir bosh qoramol uchun 4 million soʻmdan oshmagan miqdorda.
2. Belgilansinki, mazkur qarorga muvofiq subsidiyalar Agrar sohada toʻlovlar agentligi tomonidan moliyalashtiriladi.
II. Qaror ijrosini tashkil etish, taʼminlash va nazorat
3. Iqtisodiyot va moliya vazirligi mazkur qarorga muvofiq subsidiyalar bilan bogʻliq xarajatlarni moliyalashtirish uchun Qishloq xoʻjaligi vazirligi va Agrar sohada toʻlovlar agentligining hisob-kitoblariga asosan joriy yilda Oʻzbekiston Respublikasi respublika budjetining 2026-yil xarajatlaridan maqbullashtirish belgilangan mablagʻlar hisobidan bosqichma-bosqich 300 milliard soʻm qoʻshimcha mablagʻ ajratsin.
4. Qishloq xoʻjaligi vazirligi Iqtisodiyot va moliya vazirligi hamda Agrar sohada toʻlovlar agentligi bilan birgalikda bir hafta muddatda quyidagilarni Vazirlar Mahkamasiga kiritsin:
(a) subsidiyalarni ajratish tartiblarini;
(b) qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi takliflarni.
5. Mazkur qaror ijrosini samarali tashkil qilishga masʼul va shaxsan javobgar etib Bosh vazir oʻrinbosarlari J.A. Qoʻchqorov va J.A. Xodjayev hamda qishloq xoʻjaligi vaziri I.Yu. Abduraxmonov belgilansin.
6. Qaror ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 7-aprel,
PQ-130-son
Президента Республики Узбекистан
Постановление
О дополнительных мерах по поддержке обеспечения населения основными видами продовольственных товаров
В целях обеспечения продовольственной безопасности в стране в условиях текущих сбоев в логистике и цепочках поставок, предотвращения резких колебаний цен на основные социально значимые продукты питания, поддержания стабильности цен на говядину и баранину на внутреннем потребительском рынке, а также внедрения временных, прозрачных и применяемых в равных условиях мер для расширения возможностей производства мясной продукции в полной цепочке постановляю:
I. Внедрение новых механизмов финансовой поддержки
1. Одобрить предложение Министерства сельского хозяйства и Министерства экономики и финансов о выделении из республиканского бюджета Республики Узбекистан временных субсидий в следующих направлениях по обеспечению стабильности цен на мясную продукцию:
(а) на срок с 1 апреля 2026 года по 1 июня 2027 года года субъектам предпринимательства при импорте говядины и баранины в размере 50 процентов расходов на их транспортировку воздушным транспортом, но не более 1,2 доллара США за каждый килограмм мяса;
(б) на срок с 1 апреля 2026 года по 31 декабря 2026 года в размере 10 процентов стоимости за каждое поголовье племенного крупного рогатого скота, импортированного из зарубежных государств воздушным транспортом, но не превышающем 4 миллионов сумов за каждое поголовье.
2. Определить, что субсидии в соответствии с настоящим постановлением финансируются Агентством по платежам в аграрной сфере.
II. Организация, обеспечение и контроль исполнения постановления
3. Министерству экономики и финансов на основании расчетов Министерства сельского хозяйства и Агентства по платежам в аграрной сфере для финансирования расходов, связанных с субсидиями согласно настоящему постановлению, выделить в текущем году поэтапно дополнительные средства в размере 300 миллиардов сумов за счет средств республиканского бюджета Республики Узбекистан, определенных к оптимизации из расходов на 2026 год.
4. Министерству сельского хозяйства совместно с Министерством экономики и финансов, Агентством по платежам в аграрной сфере в недельный срок внести в Кабинет Министров:
(а) порядок выделения субсидий;
(б) предложения об изменениях и дополнениях в акты законодательства, вытекающих из настоящего постановления.
5. Возложить на заместителей Премьер-министра Д.А. Кучкарова и Ж.А. Ходжаева, министра сельского хозяйства И.Ю. Абдурахмонова персональную ответственность за эффективную организацию исполнения настоящего постановления.
6. Ежемесячное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 апреля 2026 г.,
№ ПП-130