UzbekAI

Ўзбекистон Республикаси Президентининг

Фармони

ТАЛАБЛАР

«Менинг боғим» лойиҳаларини шакллантириш ва амалга оширишда жамоатчилик ҳамда халқ вакиллари иштирокини кенгайтиришга оид чора-тадбирлар тўғрисида

Ўзбекистон Республикаси Президентининг Ўзбекистон халқи ва Олий Мажлисга Мурожаатномасида белгиланган вазифалар ижросини ташкил этиш ҳамда ҳудудларда «Менинг боғим» лойиҳаларини амалга оширишда Олий Мажлис Қонунчилик палатаси депутатлари ва жамоатчилик ташаббускорлигини қўллаб-қувватлаш мақсадида қарор қиламан:

I. Асосий вазифалар

1. «Менинг боғим» лойиҳаларини ташкил этиш жараёнларини такомиллаштириш, уларни амалга оширишда янги механизмларни жорий қилишнинг асосий вазифалари этиб қуйидагилар белгилансин:

(а) «Менинг боғим» лойиҳалари танловида ғолиб бўлмаган лойиҳаларни сайловчилар манфаатлари ва ҳудуднинг экологик ҳолатидан келиб чиққан ҳолда Олий Мажлис Қонунчилик палатаси депутатлари (кейинги ўринларда — депутатлар) томонидан ғолиб деб эълон қилиш амалиётини йўлга қўйиш;

(б) «Менинг боғим» лойиҳаларини ҳудуднинг тупроқ-иқлим шароити ва сув таъминотига мос равишда шакллантириш тизимини жорий қилиш;

(в) «Менинг боғим» лойиҳалари доирасида яшил боғлар ва яшил жамоат паркларида дарахтлар ва ўсимликларни экиш, уларни доимий парваришлаш, барпо этилган объектлар ҳолатини сифатли сақлашнинг янги амалиётини киритиш.

II. « Менинг боғим» лойиҳаларини шакллантириш жараёнларида Олий Мажлис Қонунчилик палатаси депутатлари иштирокини йўлга қўйиш

2. Олий Мажлис Қонунчилик палатаси, Экология ва иқлим ўзгариши миллий қўмитаси (кейинги ўринларда — Экология қўмитаси), Иқтисодиёт ва молия вазирлиги, Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри Кенгашларининг:

(а) «Очиқ бюджет» ахборот порталидаги танловда ғолиб бўлмаган камида битта «Менинг боғим» лойиҳасини депутатлар томонидан тегишли сайлов округидаги сайловчилар манфаатлари ва ҳудуднинг экологик ҳолатидан келиб чиқиб, ғолиб деб эълон қилиш амалиётини йўлга қўйиш;

(б) Олий Мажлис Қонунчилик палатасининг Ташаббусли бюджет жараёнларида парламент назоратини амалга ошириш бўйича комиссияси томонидан мазкур жараёнларни мувофиқлаштириш, «Менинг боғим» лойиҳаларнинг молиялаштирилиши ва амалга оширилиши устидан парламент назоратини олиб боришни ташкил этиш тўғрисидаги таклифлари маъқуллансин.

3. Олий Мажлис Қонунчилик палатаси таклифларини маъқуллаш доирасида шундай тартиб ўрнатилсинки, унга мувофиқ 2026/2027 йилги мавсумдан бошлаб:

(а) «Менинг боғим» лойиҳалари (кейинги ўринларда — лойиҳалар) доирасида яшил боғлар ва яшил жамоат паркларини ташкил қилиш учун ҳар йили Давлат бюджетидан ажратиладиган маблағларни тақсимлаш қуйидаги тартибда амалга оширилади:

(i) 60 фоиз маблағлар — «Очиқ бюджет» ахборот портали (кейинги ўринларда — портал) орқали жамоатчилик фикри асосида шаклланган лойиҳаларни молиялаштириш учун;

(ii) 40 фоиз маблағлар — депутатлар томонидан тегишли сайлов округида ғолиб бўлмаган, лекин сайловчилар манфаатларини инобатга олган ҳолда ғолиб деб эълон қилинган лойиҳаларни молиялаштириш учун;

(б) порталда депутатлар ташаббуслари асосида молиялаштириладиган лойиҳалар учун алоҳида саҳифа ташкил этилиб, шу турдаги барча лойиҳаларнинг жамоатчилик учун очиқ рўйхати юритилади;

(в) депутатлар томонидан ғолиб деб эълон қилинган лойиҳалар порталдаги «Депутат ташаббуси» саҳифасига электрон рақамли имзо билан тасдиқлаш орқали киритилади ва бу лойиҳаларни молиялаштириш учун асос ҳисобланади.

4. Белгилансинки:

(а) портал орқали шакллантириладиган лойиҳалар ва ҳар бир депутат томонидан бир мавсумда камида битта ғолиб деб эълон қилинадиган лойиҳани молиялаштириш учун ажратиладиган маблағлар базавий ҳисоблаш миқдорининг бир минг бараваригача миқдорни ташкил этади;

(б) депутатлар ташаббуси асосида молиялаштириладиган лойиҳалар учун қўйиладиган талаблар Жамоатчилик фикри асосида ишлаб чиқилган «Менинг боғим» лойиҳаларини шакллантириш ва молиялаштириш тартиби тўғрисида низомда назарда тутилган мезонлар асосида белгиланади;

(в) бир лойиҳа доирасида яшил боғлар ва яшил жамоат паркларини ташкил этишга бир гектаргача ўлчамдаги ер майдони ажратилади.

5. Янги жорий этилаётган амалиётни дастлабки босқичда эксперимент тариқасида синаб кўриш мақсадида 2025/2026 йилги мавсумда портал орқали ўтказилган танловда етарлича овоз йиғилмагани сабабли ғолиб аниқланмаган туман ва шаҳарлардаги лойиҳаларни депутатлар томонидан сайлов округларидаги сайловчилар манфаатларини инобатга олган ҳолда ғолиб деб эълон қилишга розилик берилсин.

III. «Менинг боғим» лойиҳаларини шакллантириш, саралаб олиш, яшил боғлар ва яшил жамоат паркларини барпо этиш ҳамда уларни сақлаш жараёнларини янада такомиллаштириш

6. Шундай тартиб ўрнатилсинки, унга мувофиқ лойиҳаларни шакллантириш жараёнлари қуйидаги тартибда амалга оширилади:

(а) Кадастр агентлиги ҳар йили 1 сентябрга қадар республиканинг барча туман (шаҳар) ҳокимликлари тасарруфидаги бўш ер участкалари, улар майдони ва манзили ҳақидаги маълумотларни инвентаризациядан ўтказиб, натижаларини Экология қўмитасига тақдим этади;

(б) Экология қўмитаси ҳар йили 20 декабрга қадар:

(i) Қишлоқ хўжалиги вазирлиги ва Сув хўжалиги вазирлиги билан биргаликда тақдим этилган ер майдонларининг тупроқ таркибини ўрганади ва суғориш манбалари мавжудлигини аниқлаган ҳолда кўчат экиш учун яроқли майдонлар рўйхатини шакллантиради;

(ii) яшил боғлар ва яшил жамоат паркларини ташкил этишга мақбул ерларни аниқлаштириб, рўйхатини порталга киритади;

(в) депутатлар лойиҳа учун бўш турган ер участкалари рўйхатини шакллантиришда ўзининг тегишли ҳудуддаги сайловчилари манфаатларидан келиб чиқиб иштирок этиши мумкин бўлади;

(г) лойиҳалар доирасида яшил боғлар ва яшил жамоат паркларини барпо этиш бўйича овоз бериш жараёнларини ташкил этиш қонунчиликда белгиланган тартибга мувофиқ амалга оширилади.

7. «Менинг боғим» лойиҳалари доирасида яшил боғлар ва яшил жамоат паркларини барпо этиш учун танланадиган ер майдонларига қўйиладиган талаблар иловага мувофиқ тасдиқлансин.

8. Белгилансинки:

(а) аҳоли томонидан яшил боғлар ва яшил жамоат паркларини ташкил қилиш бўйича майдон манзили ҳамда расмларини кўрсатган ҳолда ташаббус билдириш амалиёти сақлаб қолинади;

(б) мазкур масалалар бўйича аҳоли тарафидан ташаббус билдирилганда Экология қўмитаси томонидан 5 кун муддатда портал орқали ташаббус муаллиф(лар)ига:

(i) тегишли ер участкасида ташаббусни амалга ошириш имкониятлари (бўш турганлиги, аукционга чиқарилганлиги ёки қишлоқ хўжалигига мўлжалланганлиги каби маълумотлар) ва мақсадга мувофиқлиги (иқлим ва ҳудуднинг ўзига хослиги) ҳақида хабар берилади;

(ii) ташаббусни амалга ошириш имконияти мавжуд бўлмаган ёки мақсадга мувофиқ бўлмаган ҳолларда улар истиқомат қиладиган ёки рўйхатда турадиган ҳудудда овоз беришга чиқарилган ер участкалари ҳақида маълумот берилади;

(в) лойиҳаларнинг туман (шаҳар)лар кесимидаги рўйхати овоз бериш жараёнларига 15 кун қолганда жамоатчилик учун эълон қилинади ва рўйхатга аҳоли томонидан илгари сурилган ҳамда овозга чиқариш мақсадга мувофиқ деб топилган лойиҳалар ҳам киритилади;

(г) лойиҳалар учун ер участкалари рўйхатини шакллантиришда, биринчи навбатда, тегишли туман (шаҳар)лар марказидаги, аҳоли доимий гавжум бўлган ҳудудлардаги ҳамда кўп хонадонли уйлар атрофидаги бўш турган ер майдонларига эътибор қаратилади;

(д) лойиҳалар доирасида яшил боғлар ва яшил жамоат паркларини ташкил этиш учун ажратилган ер майдонларидан бошқа мақсадларда фойдаланиш тақиқланади;

(ж) тегишли лойиҳа етарлича овоз йиға олмаганда, депутат томонидан ғолиб деб эълон қилиш учун етарли асослар бўлмаганда ёки лойиҳа қиймати ажратилган суммадан кам бўлган тақдирда, иқтисод қилинган маблағлар «Яшил макон» умуммиллий лойиҳаси доирасида манзилли кўкаламзорлаштириш инвестиция дастуридаги, шу жумладан, тегишли ҳудуддаги бошқа лойиҳаларга йўналтирилади;

(з) ер майдонларига қўйиладиган талаблар доирасида зарур инфратузилмани яратиш туман (шаҳар) ҳокимликлари зиммасига юклатилади.

9. 2025/2026 йилги мавсумдан бошлаб:

(а) ғолиб лойиҳалар доирасида яшил боғлар ва яшил жамоат паркларини яратиш, парваришлаш, ўсимликлар касаллиги ва зараркунандаларга қарши курашиш тадбирлари Ўрмон ва яшил ҳудудларни кўпайтириш, чўлланишга қарши курашиш агентлиги тизими ташкилотлари томонидан амалга оширилади;

(б) экилган дарахт ва бута кўчатларини парваришлаш, касаллик ва зараркунандаларга қарши курашиш тадбирларини ташкил этишда тегишли туман (шаҳар) ободонлаштириш бўлимлари шартнома асосида тасдиқланган лойиҳа-смета ҳужжатлари доирасида жалб қилиниши мумкин.

10. Қуйидагилар:

(а) Иқтисодиёт ва молия вазирлиги (А. Хайдаров) бир ой муддатда лойиҳа доирасида порталнинг «Депутат ташаббуси» саҳифаси депутатларнинг шахсий электрон кабинетлари билан интеграция қилинишини таъминласин;

(б) Кадастр агентлиги бир ой муддатда туман (шаҳар) ҳокимликлари тасарруфида бўш турган ер участкалари, уларнинг майдони ва манзили ҳақидаги маълумотлар бўйича ахборот тизими «Яшил макон» электрон платформаси ва депутатларнинг шахсий электрон кабинетларига интеграция қилинишини таъминласин;

(в) Сув хўжалиги вазирлиги (Ш. Хамраев), Тоғ-кон саноати ва геология вазирлиги (Б. Исламов) лойиҳаларнинг экологик ҳолатини баҳолашда Экология қўмитасининг сўровига асосан икки ҳафта муддатда тегишли ҳудудда сув таъминоти тўғрисидаги ҳаққоний маълумотларни тақдим этиб борсин.

IV. Фармон ижросини ташкил этиш, таъминлаш ва назорат

11. Ҳисоб палатаси 2026 йил 1 майдан бошлаб ҳудудларда қонунчилик ҳужжатлари ва топшириқлар ижросини ўрганиб бориш бўйича ишчи гуруҳлар орқали ғолиб бўлган лойиҳаларни қонунчиликка асосан молиялаштириш ва уларнинг самарадорлигини таъминлаш жараёнлари устидан қатъий назорат ўрнатсин ва ҳар йил якуни бўйича Ўзбекистон Республикаси Президенти Администрациясига ахборот киритиб борсин.

12. Белгилансинки, 2026/2027 йилги мавсумдан бошлаб Экология қўмитаси ҳар ярим йилда туман (шаҳар)лар кесимида ғолиб бўлган лойиҳалар доирасида яшил боғлар ва яшил жамоат парклари ташкил этилиши ва парваришлаш жараёнлари юзасидан оммавий ахборот воситалари ҳамда жамоатчиликка ахборот бериб боради, маълумотларни расмлар билан бирга расмий веб-сайт ва ижтимоий тармоқлардаги саҳифалар орқали эълон қилиб боради.

13. Экология қўмитаси манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

14. Ўзбекистон Миллий ахборот агентлиги ва Ўзбекистон Миллий телерадиокомпанияси маҳаллий давлат ҳокимияти органлари билан биргаликда лойиҳалар доирасида амалга оширилаётган ишлар бўйича маълумотларни кенг жамоатчиликка мунтазам равишда етказишни ташкиллаштирсин.

15. Ушбу Фармоннинг ижросини самарали ташкил қилишга масъул ва шахсан жавобгар этиб Бош вазир ўринбосари А. Раматов ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.

16. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 7 апрелдаги ПФ-56-сон Фармонига ИЛОВА

«Менинг боғим» лойиҳалари доирасида яшил боғлар ва яшил жамоат паркларини барпо этиш учун танланадиган ер майдонларига қўйиладиган

1. Ер майдонининг ўлчами 1 гектаргача бўлиши.

2. Аҳоли яшаш ҳудудига яқинлиги — Ер майдони аҳоли яшаш пунктлари ва унга туташ бўлган ҳудудларда бўлиши.

3. Рельефнинг қулайлиги — ер майдонлари текис, қурилиш ва кўкаламзорлаштириш ишларини олиб боришга яроқли бўлиши, ер тупроғи унумдор, шўрланмаган, кўчат экиш учун яроқли бўлиши, ер майдони табиий офатлар хавфи юқори бўлган ҳудудларда жойлашмаган бўлиши.

4. Экологик хавфсизлик — ер майдони саноат корхоналари, чиқиндилар полигони, автотрассалар ва бошқа ифлосланиш манбаларидан хавфсиз масофада жойлашган бўлиши керак.

5. Суғориш тизимини ташкил этиш имконияти мавжудлиги — суғориш учун ерости ёки ерусти сув манбаларига уланиш имконияти мавжуд бўлиши шарт.

6. Ҳуқуқий мақомининг аниқлиги — ер участкаси маҳаллий ҳокимлик захирасида бўлиши ҳамда баҳсли ҳолатларга эга бўлмаслиги шарт.

7. Муҳандислик коммуникацияларига яқинлик — электр таъминоти, сув тармоқлари ва ёритиш тизимларини ўрнатиш имконияти мавжуд бўлиши талаб этилади.

8. Магистрал муҳандислик тармоқларига яқин жойлашмаган бўлиши — газ, нефть, юқори кучланишли электр тармоқлари, магистрал сув қувурлари ҳудудидан ўтмаган бўлиши шарт.

9. Қурилиш чиқиндилари билан ифлосланмаган бўлиши — ер сатҳида бетон, асфальт, металл ва бошқа қурилиш чиқиндилари мавжуд бўлмаслиги лозим.

10. Мавжуд дарахтларни кесиш талаб этилмаслиги — лойиҳани амалга ошириш мавжуд соғлом дарахтларни йўқ қилишни тақозо этмаслиги шарт.

11. Ер майдонлари ўтган йилларда лойиҳа бўйича яшил боғ ва яшил жамоат парклари барпо қилинмаган маҳаллалар ҳудудларидан танланиши.

12. Ер майдонларини «Янги Ўзбекистон» массивлари ҳамда кўп хонадонли турар жой мажмуалари ҳудудларидан танлашга устуворлик берилиши.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 7 апрель,

ПФ- 56 -сон

(Қонунчилик маълумотлари миллий базаси, 08.04.2026 й., 06/26/56/0324-сон)

lex.uz

Oʻzbekiston Respublikasi Prezidentining

Farmoni

TALABLAR

“Mening bogʻim” loyihalarini shakllantirish va amalga oshirishda jamoatchilik hamda xalq vakillari ishtirokini kengaytirishga oid chora-tadbirlar toʻgʻrisida

Oʻzbekiston Respublikasi Prezidentining Oʻzbekiston xalqi va Oliy Majlisga Murojaatnomasida belgilangan vazifalar ijrosini tashkil etish hamda hududlarda “Mening bogʻim” loyihalarini amalga oshirishda Oliy Majlis Qonunchilik palatasi deputatlari va jamoatchilik tashabbuskorligini qoʻllab-quvvatlash maqsadida qaror qilaman:

I. Asosiy vazifalar

1. “Mening bogʻim” loyihalarini tashkil etish jarayonlarini takomillashtirish, ularni amalga oshirishda yangi mexanizmlarni joriy qilishning asosiy vazifalari etib quyidagilar belgilansin:

(a) “Mening bogʻim” loyihalari tanlovida gʻolib boʻlmagan loyihalarni saylovchilar manfaatlari va hududning ekologik holatidan kelib chiqqan holda Oliy Majlis Qonunchilik palatasi deputatlari (keyingi oʻrinlarda — deputatlar) tomonidan gʻolib deb eʼlon qilish amaliyotini yoʻlga qoʻyish;

(b) “Mening bogʻim” loyihalarini hududning tuproq-iqlim sharoiti va suv taʼminotiga mos ravishda shakllantirish tizimini joriy qilish;

(v) “Mening bogʻim” loyihalari doirasida yashil bogʻlar va yashil jamoat parklarida daraxtlar va oʻsimliklarni ekish, ularni doimiy parvarishlash, barpo etilgan obyektlar holatini sifatli saqlashning yangi amaliyotini kiritish.

II. “ Mening bogʻim” loyihalarini shakllantirish jarayonlarida Oliy Majlis Qonunchilik palatasi deputatlari ishtirokini yoʻlga qoʻyish

2. Oliy Majlis Qonunchilik palatasi, Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi), Iqtisodiyot va moliya vazirligi, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahri Kengashlarining:

(a) “Ochiq budjet” axborot portalidagi tanlovda gʻolib boʻlmagan kamida bitta “Mening bogʻim” loyihasini deputatlar tomonidan tegishli saylov okrugidagi saylovchilar manfaatlari va hududning ekologik holatidan kelib chiqib, gʻolib deb eʼlon qilish amaliyotini yoʻlga qoʻyish;

(b) Oliy Majlis Qonunchilik palatasining Tashabbusli budjet jarayonlarida parlament nazoratini amalga oshirish boʻyicha komissiyasi tomonidan mazkur jarayonlarni muvofiqlashtirish, “Mening bogʻim” loyihalarning moliyalashtirilishi va amalga oshirilishi ustidan parlament nazoratini olib borishni tashkil etish toʻgʻrisidagi takliflari maʼqullansin.

3. Oliy Majlis Qonunchilik palatasi takliflarini maʼqullash doirasida shunday tartib oʻrnatilsinki, unga muvofiq 2026/2027-yilgi mavsumdan boshlab:

(a) “Mening bogʻim” loyihalari (keyingi oʻrinlarda — loyihalar) doirasida yashil bogʻlar va yashil jamoat parklarini tashkil qilish uchun har yili Davlat budjetidan ajratiladigan mablagʻlarni taqsimlash quyidagi tartibda amalga oshiriladi:

(i) 60 foiz mablagʻlar — “Ochiq budjet” axborot portali (keyingi oʻrinlarda — portal) orqali jamoatchilik fikri asosida shakllangan loyihalarni moliyalashtirish uchun;

(ii) 40 foiz mablagʻlar — deputatlar tomonidan tegishli saylov okrugida gʻolib boʻlmagan, lekin saylovchilar manfaatlarini inobatga olgan holda gʻolib deb eʼlon qilingan loyihalarni moliyalashtirish uchun;

(b) portalda deputatlar tashabbuslari asosida moliyalashtiriladigan loyihalar uchun alohida sahifa tashkil etilib, shu turdagi barcha loyihalarning jamoatchilik uchun ochiq roʻyxati yuritiladi;

(v) deputatlar tomonidan gʻolib deb eʼlon qilingan loyihalar portaldagi “Deputat tashabbusi” sahifasiga elektron raqamli imzo bilan tasdiqlash orqali kiritiladi va bu loyihalarni moliyalashtirish uchun asos hisoblanadi.

4. Belgilansinki:

(a) portal orqali shakllantiriladigan loyihalar va har bir deputat tomonidan bir mavsumda kamida bitta gʻolib deb eʼlon qilinadigan loyihani moliyalashtirish uchun ajratiladigan mablagʻlar bazaviy hisoblash miqdorining bir ming baravarigacha miqdorni tashkil etadi;

(b) deputatlar tashabbusi asosida moliyalashtiriladigan loyihalar uchun qoʻyiladigan talablar Jamoatchilik fikri asosida ishlab chiqilgan “Mening bogʻim” loyihalarini shakllantirish va moliyalashtirish tartibi toʻgʻrisida nizomda nazarda tutilgan mezonlar asosida belgilanadi;

(v) bir loyiha doirasida yashil bogʻlar va yashil jamoat parklarini tashkil etishga bir gektargacha oʻlchamdagi yer maydoni ajratiladi.

5. Yangi joriy etilayotgan amaliyotni dastlabki bosqichda eksperiment tariqasida sinab koʻrish maqsadida 2025/2026-yilgi mavsumda portal orqali oʻtkazilgan tanlovda yetarlicha ovoz yigʻilmagani sababli gʻolib aniqlanmagan tuman va shaharlardagi loyihalarni deputatlar tomonidan saylov okruglaridagi saylovchilar manfaatlarini inobatga olgan holda gʻolib deb eʼlon qilishga rozilik berilsin.

III. “Mening bogʻim” loyihalarini shakllantirish, saralab olish, yashil bogʻlar va yashil jamoat parklarini barpo etish hamda ularni saqlash jarayonlarini yanada takomillashtirish

6. Shunday tartib oʻrnatilsinki, unga muvofiq loyihalarni shakllantirish jarayonlari quyidagi tartibda amalga oshiriladi:

(a) Kadastr agentligi har yili 1-sentabrga qadar respublikaning barcha tuman (shahar) hokimliklari tasarrufidagi boʻsh yer uchastkalari, ular maydoni va manzili haqidagi maʼlumotlarni inventarizatsiyadan oʻtkazib, natijalarini Ekologiya qoʻmitasiga taqdim etadi;

(b) Ekologiya qoʻmitasi har yili 20-dekabrga qadar:

(i) Qishloq xoʻjaligi vazirligi va Suv xoʻjaligi vazirligi bilan birgalikda taqdim etilgan yer maydonlarining tuproq tarkibini oʻrganadi va sugʻorish manbalari mavjudligini aniqlagan holda koʻchat ekish uchun yaroqli maydonlar roʻyxatini shakllantiradi;

(ii) yashil bogʻlar va yashil jamoat parklarini tashkil etishga maqbul yerlarni aniqlashtirib, roʻyxatini portalga kiritadi;

(v) deputatlar loyiha uchun boʻsh turgan yer uchastkalari roʻyxatini shakllantirishda oʻzining tegishli hududdagi saylovchilari manfaatlaridan kelib chiqib ishtirok etishi mumkin boʻladi;

(g) loyihalar doirasida yashil bogʻlar va yashil jamoat parklarini barpo etish boʻyicha ovoz berish jarayonlarini tashkil etish qonunchilikda belgilangan tartibga muvofiq amalga oshiriladi.

7. “Mening bogʻim” loyihalari doirasida yashil bogʻlar va yashil jamoat parklarini barpo etish uchun tanlanadigan yer maydonlariga qoʻyiladigan talablar ilovaga muvofiq tasdiqlansin.

8. Belgilansinki:

(a) aholi tomonidan yashil bogʻlar va yashil jamoat parklarini tashkil qilish boʻyicha maydon manzili hamda rasmlarini koʻrsatgan holda tashabbus bildirish amaliyoti saqlab qolinadi;

(b) mazkur masalalar boʻyicha aholi tarafidan tashabbus bildirilganda Ekologiya qoʻmitasi tomonidan 5 kun muddatda portal orqali tashabbus muallif(lar)iga:

(i) tegishli yer uchastkasida tashabbusni amalga oshirish imkoniyatlari (boʻsh turganligi, auksionga chiqarilganligi yoki qishloq xoʻjaligiga moʻljallanganligi kabi maʼlumotlar) va maqsadga muvofiqligi (iqlim va hududning oʻziga xosligi) haqida xabar beriladi;

(ii) tashabbusni amalga oshirish imkoniyati mavjud boʻlmagan yoki maqsadga muvofiq boʻlmagan hollarda ular istiqomat qiladigan yoki roʻyxatda turadigan hududda ovoz berishga chiqarilgan yer uchastkalari haqida maʼlumot beriladi;

(v) loyihalarning tuman (shahar)lar kesimidagi roʻyxati ovoz berish jarayonlariga 15 kun qolganda jamoatchilik uchun eʼlon qilinadi va roʻyxatga aholi tomonidan ilgari surilgan hamda ovozga chiqarish maqsadga muvofiq deb topilgan loyihalar ham kiritiladi;

(g) loyihalar uchun yer uchastkalari roʻyxatini shakllantirishda, birinchi navbatda, tegishli tuman (shahar)lar markazidagi, aholi doimiy gavjum boʻlgan hududlardagi hamda koʻp xonadonli uylar atrofidagi boʻsh turgan yer maydonlariga eʼtibor qaratiladi;

(d) loyihalar doirasida yashil bogʻlar va yashil jamoat parklarini tashkil etish uchun ajratilgan yer maydonlaridan boshqa maqsadlarda foydalanish taqiqlanadi;

(j) tegishli loyiha yetarlicha ovoz yigʻa olmaganda, deputat tomonidan gʻolib deb eʼlon qilish uchun yetarli asoslar boʻlmaganda yoki loyiha qiymati ajratilgan summadan kam boʻlgan taqdirda, iqtisod qilingan mablagʻlar “Yashil makon” umummilliy loyihasi doirasida manzilli koʻkalamzorlashtirish investitsiya dasturidagi, shu jumladan, tegishli hududdagi boshqa loyihalarga yoʻnaltiriladi;

(z) yer maydonlariga qoʻyiladigan talablar doirasida zarur infratuzilmani yaratish tuman (shahar) hokimliklari zimmasiga yuklatiladi.

9. 2025/2026-yilgi mavsumdan boshlab:

(a) gʻolib loyihalar doirasida yashil bogʻlar va yashil jamoat parklarini yaratish, parvarishlash, oʻsimliklar kasalligi va zararkunandalarga qarshi kurashish tadbirlari Oʻrmon va yashil hududlarni koʻpaytirish, choʻllanishga qarshi kurashish agentligi tizimi tashkilotlari tomonidan amalga oshiriladi;

(b) ekilgan daraxt va buta koʻchatlarini parvarishlash, kasallik va zararkunandalarga qarshi kurashish tadbirlarini tashkil etishda tegishli tuman (shahar) obodonlashtirish boʻlimlari shartnoma asosida tasdiqlangan loyiha-smeta hujjatlari doirasida jalb qilinishi mumkin.

10. Quyidagilar:

(a) Iqtisodiyot va moliya vazirligi (A. Xaydarov) bir oy muddatda loyiha doirasida portalning “Deputat tashabbusi” sahifasi deputatlarning shaxsiy elektron kabinetlari bilan integratsiya qilinishini taʼminlasin;

(b) Kadastr agentligi bir oy muddatda tuman (shahar) hokimliklari tasarrufida boʻsh turgan yer uchastkalari, ularning maydoni va manzili haqidagi maʼlumotlar boʻyicha axborot tizimi “Yashil makon” elektron platformasi va deputatlarning shaxsiy elektron kabinetlariga integratsiya qilinishini taʼminlasin;

(v) Suv xoʻjaligi vazirligi (Sh. Xamrayev), Togʻ-kon sanoati va geologiya vazirligi (B. Islamov) loyihalarning ekologik holatini baholashda Ekologiya qoʻmitasining soʻroviga asosan ikki hafta muddatda tegishli hududda suv taʼminoti toʻgʻrisidagi haqqoniy maʼlumotlarni taqdim etib borsin.

IV. Farmon ijrosini tashkil etish, taʼminlash va nazorat

11. Hisob palatasi 2026-yil 1-maydan boshlab hududlarda qonunchilik hujjatlari va topshiriqlar ijrosini oʻrganib borish boʻyicha ishchi guruhlar orqali gʻolib boʻlgan loyihalarni qonunchilikka asosan moliyalashtirish va ularning samaradorligini taʼminlash jarayonlari ustidan qatʼiy nazorat oʻrnatsin va har yil yakuni boʻyicha Oʻzbekiston Respublikasi Prezidenti Administratsiyasiga axborot kiritib borsin.

12. Belgilansinki, 2026/2027-yilgi mavsumdan boshlab Ekologiya qoʻmitasi har yarim yilda tuman (shahar)lar kesimida gʻolib boʻlgan loyihalar doirasida yashil bogʻlar va yashil jamoat parklari tashkil etilishi va parvarishlash jarayonlari yuzasidan ommaviy axborot vositalari hamda jamoatchilikka axborot berib boradi, maʼlumotlarni rasmlar bilan birga rasmiy veb-sayt va ijtimoiy tarmoqlardagi sahifalar orqali eʼlon qilib boradi.

13. Ekologiya qoʻmitasi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Oʻzbekiston Milliy axborot agentligi va Oʻzbekiston Milliy teleradiokompaniyasi mahalliy davlat hokimiyati organlari bilan birgalikda loyihalar doirasida amalga oshirilayotgan ishlar boʻyicha maʼlumotlarni keng jamoatchilikka muntazam ravishda yetkazishni tashkillashtirsin.

15. Ushbu Farmonning ijrosini samarali tashkil qilishga masʼul va shaxsan javobgar etib Bosh vazir oʻrinbosari A. Ramatov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

16. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 7-apreldagi PF-56-son Farmoniga ILOVA

“Mening bogʻim” loyihalari doirasida yashil bogʻlar va yashil jamoat parklarini barpo etish uchun tanlanadigan yer maydonlariga qoʻyiladigan

1. Yer maydonining oʻlchami 1 gektargacha boʻlishi.

2. Aholi yashash hududiga yaqinligi — Yer maydoni aholi yashash punktlari va unga tutash boʻlgan hududlarda boʻlishi.

3. Relyefning qulayligi — yer maydonlari tekis, qurilish va koʻkalamzorlashtirish ishlarini olib borishga yaroqli boʻlishi, yer tuprogʻi unumdor, shoʻrlanmagan, koʻchat ekish uchun yaroqli boʻlishi, yer maydoni tabiiy ofatlar xavfi yuqori boʻlgan hududlarda joylashmagan boʻlishi.

4. Ekologik xavfsizlik — yer maydoni sanoat korxonalari, chiqindilar poligoni, avtotrassalar va boshqa ifloslanish manbalaridan xavfsiz masofada joylashgan boʻlishi kerak.

5. Sugʻorish tizimini tashkil etish imkoniyati mavjudligi — sugʻorish uchun yerosti yoki yerusti suv manbalariga ulanish imkoniyati mavjud boʻlishi shart.

6. Huquqiy maqomining aniqligi — yer uchastkasi mahalliy hokimlik zaxirasida boʻlishi hamda bahsli holatlarga ega boʻlmasligi shart.

7. Muhandislik kommunikatsiyalariga yaqinlik — elektr taʼminoti, suv tarmoqlari va yoritish tizimlarini oʻrnatish imkoniyati mavjud boʻlishi talab etiladi.

8. Magistral muhandislik tarmoqlariga yaqin joylashmagan boʻlishi — gaz, neft, yuqori kuchlanishli elektr tarmoqlari, magistral suv quvurlari hududidan oʻtmagan boʻlishi shart.

9. Qurilish chiqindilari bilan ifloslanmagan boʻlishi — yer sathida beton, asfalt, metall va boshqa qurilish chiqindilari mavjud boʻlmasligi lozim.

10. Mavjud daraxtlarni kesish talab etilmasligi — loyihani amalga oshirish mavjud sogʻlom daraxtlarni yoʻq qilishni taqozo etmasligi shart.

11. Yer maydonlari oʻtgan yillarda loyiha boʻyicha yashil bogʻ va yashil jamoat parklari barpo qilinmagan mahallalar hududlaridan tanlanishi.

12. Yer maydonlarini “Yangi Oʻzbekiston” massivlari hamda koʻp xonadonli turar joy majmualari hududlaridan tanlashga ustuvorlik berilishi.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 7-aprel,

PF- 56 -son

(Qonunchilik maʼlumotlari milliy bazasi, 08.04.2026-y., 06/26/56/0324-son)

lex.uz

Президента Республики Узбекистан

Указ

О мерах по расширению участия общественности и представителей народа в формировании и реализации проектов «Менинг боғим»

В целях организации исполнения задач, определенных в Послании Президента Республики Узбекистан народу Узбекистана и Олий Мажлису, а также поддержки инициативности депутатов Законодательной палаты Олий Мажлиса и общественности в реализации проектов «Менинг боғим» постановляю:

I. Основные задачи

1. Определить основными задачами совершенствования процессов организации проектов «Менинг боғим», внедрения новых механизмов их реализации:

(а) налаживание практики объявления депутатами Законодательной палаты Олий Мажлиса (далее — депутаты) в качестве победителя проектов, не победивших в конкурсе проектов «Менинг боғим», исходя из интересов избирателей и экологического состояния территории;

(б) внедрение системы формирования проектов «Менинг боғим» в соответствии с почвенно-климатическими условиями и водоснабжением территории;

(в) введение новой практики посадки, постоянного ухода за деревьями и растениями в зеленых садах и зеленых общественных парках, а также качественного содержания состояния созданных объектов в рамках проектов «Менинг боғим».

II. Налаживание участия депутатов Законодательной палаты Олий Мажлиса в процессах формирования проектов «Менинг боғим»

2. Одобрить предложения Законодательной палаты Олий Мажлиса, Национального комитета по экологии и изменению климата (далее — Комитет по экологии), Министерства экономики и финансов, Жокаргы Кенеса Республики Каракалпакстан, Кенгашей народных депутатов областей и города Ташкента, включающие:

(а) внедрение практики объявления депутатами в качестве победителя не менее одного проекта «Менинг боғим», не победившего в конкурсе на информационном портале «Открытый бюджет», исходя из интересов избирателей соответствующего избирательного округа и экологического состояния территории;

(б) координацию Комиссией Законодательной палаты Олий Мажлиса по осуществлению парламентского контроля в процессах инициативного бюджета указанных процессов, организацию осуществления парламентского контроля за финансированием и реализацией проектов «Менинг боғим».

3. Установить порядок, в соответствии с которым в рамках одобрения предложений Законодательной палаты Олий Мажлиса начиная с сезона 2026/2027 года:

(а) распределение средств Государственного бюджета, ежегодно выделяемых для создания зеленых садов и зеленых общественных парков в рамках проектов «Менинг боғим» (далее — проекты), осуществляется в следующем порядке:

(i) 60 процентов средств — на финансирование проектов, сформированных на основе общественного мнения посредством информационного портала «Открытый бюджет» (далее — портал);

(ii) 40 процентов средств — на финансирование проектов, не победивших в соответствующем избирательном округе, но объявленных депутатами в качестве победителя с учетом интересов избирателей;

(б) на портале создается отдельная страница для проектов, финансируемых на основе инициатив депутатов, на которой ведется открытый для общественности перечень всех проектов данного вида;

(в) проекты, объявленные депутатами в качестве победителя, размещаются на странице «Инициатива депутата» портала путем утверждения электронной цифровой подписью, и это является основанием для финансирования проектов.

4. Установить, что:

(а) размер средств, выделяемых для финансирования проектов, сформированных посредством портала, и не менее одного проекта, объявленного в качестве победителя каждым депутатом в одном сезоне, составляет до тысячекратного размера базовой расчетной величины;

(б) требования, предъявляемые к проектам, финансируемым на основе инициативы депутатов, определяются по критериям, предусмотренным Положением о порядке формирования и финансирования проектов «Менинг боғим», разработанных на основе общественного мнения;

(в) для создания зеленых садов и зеленых общественных парков в рамках одного проекта выделяется земельная площадь размером до одного гектара.

5. В целях тестирования внедряемой новой практики на начальном этапе в порядке эксперимента согласиться с предложением об объявлении депутатами в качестве победителя проектов в районах и городах, по которым победитель не был выявлен по причине недобора достаточного количества голосов на конкурсе, проведенном посредством портала в сезоне 2025/2026 года, исходя из интересов избирателей в избирательных округах.

III. Дальнейшее совершенствование процессов формирования, отбора проектов «Менинг боғим», создания и содержания зеленых садов и зеленых общественных парков

6. Установить порядок, в соответствии с которым процессы формирования проектов осуществляются следующим образом:

(а) Агентство по кадастру ежегодно до 1 сентября проводит инвентаризацию данных по пустующим земельным участкам, находящимся в распоряжении хокимиятов всех районов и городов республики, их площади и адресу, и представляет результаты инвентаризации в Комитет по экологии;

(б) Комитет по экологии ежегодно до 20 декабря:

(i) совместно с Министерством сельского хозяйства и Министерством водного хозяйства изучает состав почвы предоставленных земельных площадей и формирует перечень пригодных площадей для посадки саженцев с выявлением наличия источников орошения;

(ii) определяет земельные площади, оптимальные для создания зеленых садов и зеленых общественных парков, размещает их перечень на портале;

(в) депутаты исходя из интересов своих избирателей на соответствующей территории могут участвовать в формировании перечня пустующих земельных участков для проектов;

(г) организация процессов голосования по созданию зеленых садов и зеленых общественных парков осуществляется в соответствии с порядком, установленным законодательством.

7. Утвердить Требования, предъявляемые к земельным площадям, отбираемым для создания зеленых садов и зеленых общественных парков в рамках проектов «Менинг боғим», согласно приложению * .

8. Определить, что:

(а) практика выдвижения населением инициатив о создании зеленых садов и зеленых общественных парков с указанием адреса и предъявлением снимков площади сохраняется;

(б) при выдвижении населением инициатив по указанным вопросам Комитет по экологии в пятидневный срок посредством портала:

(i) информирует авторов инициативы о целесообразности (специфике климата и территории) и возможности реализации инициативы на соответствующем земельном участке (сведения о пустующем состоянии, выставлении на аукцион либо сельскохозяйственном назначении);

(ii) представляет авторам инициативы сведения по земельным участкам, выставленным на голосование, на территории его проживания либо регистрации в случае отсутствия возможности либо нецелесообразности реализации инициативы;

(в) перечень проектов в разрезе районов (городов) публикуется за 15 дней до начала процессов голосования и в данный перечень включаются также проекты, выдвинутые населением и признанные целесообразными к выставлению на голосование;

(г) при формировании перечня земельных участков для проектов в первую очередь внимание уделяется пустующим земельным площадям в центральной части соответствующих районов (городов), на территориях с наибольшей численностью населения, а также вблизи многоквартирных домов;

(д) использование земельных площадей, выделенных для создания зеленых садов и зеленых общественных парков в рамках проектов, в иных целях запрещается;

(ж) в случае недобора необходимого количества голосов, отсутствия достаточных оснований для объявления депутатами соответствующего проекта в качестве победителя, а также если стоимость проекта ниже объема выделенных средств, сэкономленные средства перенаправляются на другие проекты в рамках Общенационального проекта «Яшил макон», Инвестиционной программы адресного озеленения, в том числе на соответствующей территории;

(з) создание необходимой инфраструктуры в рамках требований, предъявляемых к земельным площадям, возлагается на хокимияты районов (городов).

9. Начиная с сезона 2025/2026 года:

(а) мероприятия по созданию зеленых садов и зеленых общественных парков в рамках проектов-победителей, уходу за ними, борьбе с болезнями растений и вредителями проводятся организациями системы Агентства по лесоразведению и увеличению зеленых зон, борьбе с опустыниванием;

(б) к проведению мероприятий по уходу за посаженными саженцами деревьев и кустарников, борьбе с болезнями растений и вредителями могут привлекаться отделы благоустройства соответствующих районов (городов) на договорной основе в рамках утвержденной проектно-сметной документации.

10. Нижеследующим:

(а) Министерству экономики и финансов (А. Хайдаров) в рамках проекта в месячный срок обеспечить интеграцию страницы «Инициатива депутата» портала с персональным электронным кабинетом депутатов;

(б) Агентству по кадастру в месячный срок обеспечить интеграцию информационной системы данных по пустующим земельным участкам, находящимся в распоряжении хокимиятов районов (городов), их площади и адресу с электронной платформой «Яшил макон» и персональным электронным кабинетом депутатов;

(в) Министерству водного хозяйства (Ш. Хамраев), Министерству горнодобывающей промышленности и геологии (Б. Исламов) на основании запроса Комитета по экологии в двухнедельный срок представить достоверную информацию о водоснабжении на соответствующих территориях для оценки экологического состояния проектов.

IV. Организация, обеспечение и контроль исполнения Указа

11. Счетной палате начиная с 1 мая 2026 года установить строгий контроль за процессами финансирования на основании законодательства и обеспечения эффективности проектов-победителей посредством рабочих групп по изучению исполнения актов законодательства и поручений в регионах и регулярно представлять в Администрацию Президента Республики Узбекистан информацию по итогам каждого года.

12. Установить, что начиная с сезона 2026/2027 года Комитет по экологии каждые полгода информирует средства массовой информации и общественность о ходах создания зеленых садов и зеленых общественных парков в рамках проектов-победителей и организации процессов ухода за ними в разрезе районов (городов), публикует соответствующую информацию вместе с фотоприложением на официальном веб-сайте и на страницах в социальных сетях.

13. Комитету по экологии совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

14. Национальному информационному агентству Узбекистана и Национальной телерадиокомпании Узбекистана совместно с органами государственной власти на местах организовать регулярное доведение до сведения широкой общественности информации о работах, проводимых в рамках проектов.

15. Возложить на заместителя Премьер-министра А. Раматова, а также Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего Указа.

16. Обсуждение хода исполнения настоящего Указа, а также осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

7 апреля 2026 г.,

№ УП-56

(Национальная база данных законодательства, 08.04.2026 г., № 06/26/56/0324)

lex.uz