📅 2026-yil 7-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 7 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 апреля 2026 г. · Постановления Президента
Официальный текст. Официальный документ. Редакционные примечания не включены.
📅 7 April 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Республикаси Қуролли Кучлари сафида муддатли ҳарбий хизматни ўташ нуфузи ва жозибадорлигини ошириш бўйича навбатдаги чора-тадбирлар тўғрисида
Ўзбекистон Республикаси Қуролли Кучлари сафида муддатли ҳарбий хизматни ўташ нуфузи ва жозибадорлигини ошириш, муддатли ҳарбий хизматчиларнинг жамиятда мустаҳкам ўрин эгаллашига ҳар томонлама кўмаклашиш ҳамда уларнинг касб ўрганиш ва таълим олишга бўлган қизиқиш ҳамда интилишларини қўллаб-қувватлаш мақсадида қарор қиламан:
I. Муддатли ҳарбий хизматчилар ва ҳарбий хизматни ўтаган ёшларга бериладиган имтиёз ва кафолатлар
1. Белгилансинки, Ўзбекистон Республикаси Қуролли Кучлари (кейинги ўринларда — Қуролли Кучлар) сафига муддатли ҳарбий хизматни ўташ учун чақирилган фуқаролар учун қуйидаги имтиёз ва кафолатлар берилади:
(а) 2026/2027 ўқув йилидан бошлаб:
(i) муддатли ҳарбий хизматни ўтаётган аскарларга (кейинги ўринларда — аскарлар) хизматни ўташ даврида олий таълим ташкилотлари бакалавриатининг масофавий таълим шаклига абитуриент сифатида рўйхатдан ўтиш, кириш имтиҳонларида иштирок этиш ва натижасига кўра ўқишга киришга рухсат берилади. Бунда олий таълим ташкилотларига тўлов-контракт асосида ўқишга қабул қилинган аскарларга қонунчиликда белгиланган тартибда имтиёзли таълим кредити ажратилади;
(ii) муддатли ҳарбий хизматни ўташ даврида олий таълим ташкилотларига ўқишга қабул қилинган аскарлар олий таълим ташкилотларининг ҳарбий тайёргарлик ўқув марказларида ўқиган талабаларга тенглаштирилади ва ўқишни тамомлагандан сўнг уларга белгиланган тартибда «захирадаги лейтенант» ҳарбий унвони берилади;
(iii) муддатли ҳарбий хизматни намунали ўтаган, республика ва халқаро спорт мусобақаларида ёки фан олимпиадаларида 1-ўринни қўлга киритган аскарлар орасидан 100 нафари танлов асосида сараланиб, олий ҳарбий ва олий ҳарбийлаштирилган таълим муассасаларига дастлабки саралаш ва махсус касбий танлов натижаларига кўра тест синовларисиз ёки якка тартибдаги якуний суҳбатсиз белгиланган йиллик квота доирасида тўғридан-тўғри ўқишга қабул қилинади.
Бунда танлов асосида саралаб олинадиган 100 нафар аскарлар тегишли вазирлик ва идоралар ўртасида улар таркибида муддатли ҳарбий хизматни ўтаётган аскарларнинг умумий сонига мутаносиб равишда тақсимланади ҳамда ўзлари муддатли ҳарбий хизматни ўтаётган (ўтаган) вазирлик ва идоралар таркибидаги ҳамда улар учун офицерларни тайёрловчи олий ҳарбий таълим муассасаларига ўқишга қабул қилинади;
(iv) муддатли ҳарбий хизматни ўташ даврида Олимпия ва Осиё ўйинлари дастурларига киритилган спорт турлари бўйича республика ҳамда халқаро мусобақаларда 1-ўринни қўлга киритган аскарлар Ўзбекистон давлат жисмоний тарбия ва спорт университетига (мос йўналишларга) кириш синовларисиз давлат гранти асосида ўқишга қабул қилинади;
(v) аскарларнинг қизиқиши ва қобилиятидан келиб чиқиб, ҳарбий қисмлар (муассасалар)да (кейинги ўринларда — ҳарбий қисм) касбга ўқитиш бўйича гуруҳлар шакллантирилади ҳамда аскарларни камида битта касбга ўқитиш бўйича олти ойгача бўлган муддатда ўқув курслари ташкил этилади. Бунда ўқув курсини муваффақиятли тамомлаган аскарларга давлат намунасидаги сертификат берилади;
(vi) муддатли ҳарбий хизматни ўтаб бўлган ҳамда хизматдан бўшатилган йилда олий таълим ташкилотларида ўқиш истагини билдирган ёшларга хорижий тил ва фан сертификати харажатлари «Ёшлар дафтари»га киритилган ёшларни қўллаб-қувватлаш жамғармалари маблағлари ҳисобидан қоплаб берилади;
(vii) муддатли ҳарбий хизматни ўтаб бўлган ва хусусий секторда фаолият юритиш истагини билдирган ёшларга касб-ҳунарга ўқиш харажатлари ваучер асосида белгиланган тартибда Бандликка кўмаклашиш давлат жамғармаси маблағлари ҳисобидан қоплаб берилади;
(viii) муддатли ҳарбий хизматни ўтаб бўлган ҳамда тадбиркорлик билан шуғулланиш истагида бўлган ёшларга кредит фоизи харажатлари қонунчиликда белгиланган тартибда қоплаб берилади;
(б) 2027 йил 1 апрелдан бошлаб муддатли ҳарбий хизматни ўтаган ёшларга давлат органлари ва ташкилотларига ишга киришда тест синовлари натижаларига кўра ўзлари тўплаган баллнинг 10 фоизи миқдорида қўшимча балл шаклидаги имтиёз берилади.
2. Шундай тартиб ўрнатилсинки, унга мувофиқ:
(а) 2026 йил май ойидан бошлаб аскарлар ўртасида сўровнома ўтказиш орқали уларнинг орасидан касб эгаллаш ва олий таълим ташкилотига ўқишга кириш истагини билдирган номзодлар аниқланади;
(б) аскарларни касбга ўқитишни самарали ташкил этиш мақсадида ҳарбий қисмларга яқин ҳудуддаги техникумларга ушбу ҳарбий қисмлар бириктирилади. Бунда аскарларни касбга ўқитишга техникумларнинг педагог кадрлари жалб қилинади;
(в) 2026 йил 1 майдан бошлаб аскарларни касбга ўқитишга жалб этилган педагогларга машғулотларни ўтказганлик учун соатбай асосида иш ҳақи тўланади;
(г) аскарларга олий таълим ташкилотларига ўқишга кириш учун тест синовлари умумий тартибда, ҳар йил Ўзбекистон Республикаси таълим ташкилотларига қабул қилиш бўйича давлат комиссияси қарори асосида белгиланадиган муддатларда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан амалга оширилади.
II. Ташкилий механизмлар
3. Мудофаа вазирлиги Олий таълим, фан ва инновациялар вазирлиги ҳузуридаги Касбий таълим агентлиги, Қуролли Кучлар таркибига кирувчи ҳамда бошқа манфаатдор вазирлик ва идоралар билан биргаликда:
(а) бир ой муддатда аскарлар касбга ўқитиш курсларида ўқитиладиган касблар рўйхатини тасдиқласин;
(б) икки ой муддатда белгиланган касбларнинг ўқув дастурларини ишлаб чиқсин ва белгиланган тартибда тасдиқласин;
(в) 2026 йил 1 майдан бошлаб аскарларни улар танлаган касблар бўйича ўқитишни йўлга қўйсин;
(г) аскарларга олий таълим ташкилотларига ўқишга киришга тайёргарлик кўриш учун зарур шарт-шароитлар яратиб бериш чораларини кўрсин.
4. Олий таълим, фан ва инновациялар вазирлиги ҳузуридаги Касбий таълим агентлиги Қуролли Кучлар таркибига кирувчи вазирлик ва идоралар буюртмалари асосида касбга ўқитиш бўйича ўқув курсларини муваффақиятли тамомлаган аскарларга давлат намунасидаги сертификат берилишини таъминласин.
5. Камбағалликни қисқартириш ва бандлик вазирлиги 2026 йил 1 майдан бошлаб муддатли ҳарбий хизматни ўтаб бўлган ҳамда хусусий секторда фаолият юритмоқчи бўлган ёшларни, шунингдек, аскарларни ҳарбий қисмларда касбга ўқитиш харажатларини Бандликка кўмаклашиш давлат жамғармаси маблағлари ҳисобидан қоплаб бериш амалиётини йўлга қўйсин.
6. Ёшлар ишлари агентлиги 2026 йил 1 июлдан бошлаб муддатли ҳарбий хизматни ўтаб бўлган ҳамда олий таълим ташкилотларида ўқиш истагини билдирган ёшларга хорижий тил ва фан сертификати харажатларини «Ёшлар дафтари»га киритилган ёшларни қўллаб-қувватлаш жамғармалари маблағлари ҳисобидан қоплаб бериш амалиётини йўлга қўйсин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари:
(а) бир ой муддатда Қуролли Кучлар таркибига кирувчи вазирлик ва идоралар буюртмалари асосида ҳарбий қисмларни аскарларни касбга ўқитиш бўйича зарур бўлган моддий-техник база билан;
(б) аскарларни касбга ўқитиш даврида талаб қилинадиган жиҳозлар, хомашё ва материаллар етказиб берилишини таъминласин.
8. Қуролли Кучлар таркибига кирувчи вазирлик ва идоралар аскарларнинг кейинчалик доимий бандлигини таъминлаш мақсадида муддатли ҳарбий хизматни ўташ даврида касбга ўқитиш бўйича ўқув курсларини якунлаб, давлат намунасидаги сертификатга эга бўлган аскарлар тўғрисидаги маълумотларни ҳарбий хизмат тугашидан камида бир ой олдин Камбағалликни қисқартириш ва бандлик вазирлиги ҳамда Миграция агентлигига тақдим этиб борсин.
9. Камбағалликни қисқартириш ва бандлик вазирлиги муддатли ҳарбий хизматни тамомлаган ҳамда давлат намунасидаги сертификатга эга бўлган ёшларнинг доимий бандлигини таъминлаш чораларини кўрсин.
10. Миграция агентлиги муддатли ҳарбий хизматни тамомлаган ҳамда давлат намунасидаги сертификатга эга бўлган ёшларнинг бандлигини таъминлаш мақсадида уларни хусусий бандлик агентликлари орқали хорижий иш берувчиларнинг бўш иш ўринлари бўйича танловларига жалб қилиш чораларини кўрсин.
11. Иқтисодиёт ва молия вазирлиги:
(а) 2026 йил 1 сентябрдан бошлаб муддатли ҳарбий хизматни ўташ даврида олий таълим ташкилотларига тўлов-контракт асосида ўқишга қабул қилинган аскарларга қонунчиликда белгиланган тартибда ўқишнинг биринчи йили учун Таълим кредитини молиялаштириш жамғармаси маблағлари ҳисобидан таълим кредити ажратилишини;
(б) муддатли ҳарбий хизматни тамомлагандан сўнг бир йил мобайнида тадбиркорлик билан шуғулланиш истагида бўлган ёшларга тадбиркорликни бошлаш учун тижорат банкларининг миллий валютада Марказий банк асосий ставкасининг икки бараваридан ошмаган ставкада ажратиладиган кредитларининг 5 млрд сўмгача қисми бўйича фоиз харажатларининг асосий ставкадан 4 фоиз пункт юқори қисми, бироқ 6 фоиздан ошмаган миқдорда «Тадбиркорликни ривожлантириш компанияси» АЖ томонидан Кредит фоиз харажатларини компенсация қилиш жамғармаси маблағлари ҳисобидан қоплаб берилишини таъминласин.
Бунда ушбу компенсация кичик тадбиркорлик субъектларига барқарорлик рейтинги ва ҳудуд тоифасидан қатъи назар, уч йил муддатга «2+1» тамойили асосида дастлабки икки йилга тақдим этилади, товар (иш, хизмат)ларни реализация қилишдан тушган йиллик тушум аввалги йилнинг мос даврига нисбатан 15 фоиз ва ундан ортиқ миқдордан ошган тақдирда, учинчи йил давомида ҳар ойда тўлаб борилади.
12. Мудофаа вазирлиги икки ой муддатда:
(а) манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин;
(б) Қуролли Кучлар таркибига кирувчи вазирлик ва идоралар, Камбағалликни қисқартириш ва бандлик вазирлиги, Иқтисодиёт ва молия вазирлиги, Олий таълим, фан ва инновациялар вазирлиги ҳамда Ёшлар ишлари агентлиги билан биргаликда мазкур қарорга мувофиқ аскарларни ҳарбий қисмларда касбга ўқитиш харажатларини Бандликка кўмаклашиш давлат жамғармасидан қоплаб бериш тартибини назарда тутувчи идоравий норматив ҳужжат ишлаб чиқсин ва тасдиқласин.
13. Мазкур қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 7 апрель,
ПҚ-134-сон
Oʻzbekiston Respublikasi Prezidentining
qarori
Oʻzbekiston Respublikasi Qurolli Kuchlari safida muddatli harbiy xizmatni oʻtash nufuzi va jozibadorligini oshirish boʻyicha navbatdagi chora-tadbirlar toʻgʻrisida
Oʻzbekiston Respublikasi Qurolli Kuchlari safida muddatli harbiy xizmatni oʻtash nufuzi va jozibadorligini oshirish, muddatli harbiy xizmatchilarning jamiyatda mustahkam oʻrin egallashiga har tomonlama koʻmaklashish hamda ularning kasb oʻrganish va taʼlim olishga boʻlgan qiziqish hamda intilishlarini qoʻllab-quvvatlash maqsadida qaror qilaman:
I. Muddatli harbiy xizmatchilar va harbiy xizmatni oʻtagan yoshlarga beriladigan imtiyoz va kafolatlar
1. Belgilansinki, Oʻzbekiston Respublikasi Qurolli Kuchlari (keyingi oʻrinlarda — Qurolli Kuchlar) safiga muddatli harbiy xizmatni oʻtash uchun chaqirilgan fuqarolar uchun quyidagi imtiyoz va kafolatlar beriladi:
(a) 2026/2027 oʻquv yilidan boshlab:
(i) muddatli harbiy xizmatni oʻtayotgan askarlarga (keyingi oʻrinlarda — askarlar) xizmatni oʻtash davrida oliy taʼlim tashkilotlari bakalavriatining masofaviy taʼlim shakliga abituriyent sifatida roʻyxatdan oʻtish, kirish imtihonlarida ishtirok etish va natijasiga koʻra oʻqishga kirishga ruxsat beriladi. Bunda oliy taʼlim tashkilotlariga toʻlov-kontrakt asosida oʻqishga qabul qilingan askarlarga qonunchilikda belgilangan tartibda imtiyozli taʼlim krediti ajratiladi;
(ii) muddatli harbiy xizmatni oʻtash davrida oliy taʼlim tashkilotlariga oʻqishga qabul qilingan askarlar oliy taʼlim tashkilotlarining harbiy tayyorgarlik oʻquv markazlarida oʻqigan talabalarga tenglashtiriladi va oʻqishni tamomlagandan soʻng ularga belgilangan tartibda “zaxiradagi leytenant” harbiy unvoni beriladi;
(iii) muddatli harbiy xizmatni namunali oʻtagan, respublika va xalqaro sport musobaqalarida yoki fan olimpiadalarida 1-oʻrinni qoʻlga kiritgan askarlar orasidan 100 nafari tanlov asosida saralanib, oliy harbiy va oliy harbiylashtirilgan taʼlim muassasalariga dastlabki saralash va maxsus kasbiy tanlov natijalariga koʻra test sinovlarisiz yoki yakka tartibdagi yakuniy suhbatsiz belgilangan yillik kvota doirasida toʻgʻridan-toʻgʻri oʻqishga qabul qilinadi.
Bunda tanlov asosida saralab olinadigan 100 nafar askarlar tegishli vazirlik va idoralar oʻrtasida ular tarkibida muddatli harbiy xizmatni oʻtayotgan askarlarning umumiy soniga mutanosib ravishda taqsimlanadi hamda oʻzlari muddatli harbiy xizmatni oʻtayotgan (oʻtagan) vazirlik va idoralar tarkibidagi hamda ular uchun ofitserlarni tayyorlovchi oliy harbiy taʼlim muassasalariga oʻqishga qabul qilinadi;
(iv) muddatli harbiy xizmatni oʻtash davrida Olimpiya va Osiyo oʻyinlari dasturlariga kiritilgan sport turlari boʻyicha respublika hamda xalqaro musobaqalarda 1-oʻrinni qoʻlga kiritgan askarlar Oʻzbekiston davlat jismoniy tarbiya va sport universitetiga (mos yoʻnalishlarga) kirish sinovlarisiz davlat granti asosida oʻqishga qabul qilinadi;
(v) askarlarning qiziqishi va qobiliyatidan kelib chiqib, harbiy qismlar (muassasalar)da (keyingi oʻrinlarda — harbiy qism) kasbga oʻqitish boʻyicha guruhlar shakllantiriladi hamda askarlarni kamida bitta kasbga oʻqitish boʻyicha olti oygacha boʻlgan muddatda oʻquv kurslari tashkil etiladi. Bunda oʻquv kursini muvaffaqiyatli tamomlagan askarlarga davlat namunasidagi sertifikat beriladi;
(vi) muddatli harbiy xizmatni oʻtab boʻlgan hamda xizmatdan boʻshatilgan yilda oliy taʼlim tashkilotlarida oʻqish istagini bildirgan yoshlarga xorijiy til va fan sertifikati xarajatlari “Yoshlar daftari”ga kiritilgan yoshlarni qoʻllab-quvvatlash jamgʻarmalari mablagʻlari hisobidan qoplab beriladi;
(vii) muddatli harbiy xizmatni oʻtab boʻlgan va xususiy sektorda faoliyat yuritish istagini bildirgan yoshlarga kasb-hunarga oʻqish xarajatlari vaucher asosida belgilangan tartibda Bandlikka koʻmaklashish davlat jamgʻarmasi mablagʻlari hisobidan qoplab beriladi;
(viii) muddatli harbiy xizmatni oʻtab boʻlgan hamda tadbirkorlik bilan shugʻullanish istagida boʻlgan yoshlarga kredit foizi xarajatlari qonunchilikda belgilangan tartibda qoplab beriladi;
(b) 2027-yil 1-apreldan boshlab muddatli harbiy xizmatni oʻtagan yoshlarga davlat organlari va tashkilotlariga ishga kirishda test sinovlari natijalariga koʻra oʻzlari toʻplagan ballning 10 foizi miqdorida qoʻshimcha ball shaklidagi imtiyoz beriladi.
2. Shunday tartib oʻrnatilsinki, unga muvofiq:
(a) 2026-yil may oyidan boshlab askarlar oʻrtasida soʻrovnoma oʻtkazish orqali ularning orasidan kasb egallash va oliy taʼlim tashkilotiga oʻqishga kirish istagini bildirgan nomzodlar aniqlanadi;
(b) askarlarni kasbga oʻqitishni samarali tashkil etish maqsadida harbiy qismlarga yaqin hududdagi texnikumlarga ushbu harbiy qismlar biriktiriladi. Bunda askarlarni kasbga oʻqitishga texnikumlarning pedagog kadrlari jalb qilinadi;
(v) 2026-yil 1-maydan boshlab askarlarni kasbga oʻqitishga jalb etilgan pedagoglarga mashgʻulotlarni oʻtkazganlik uchun soatbay asosida ish haqi toʻlanadi;
(g) askarlarga oliy taʼlim tashkilotlariga oʻqishga kirish uchun test sinovlari umumiy tartibda, har yil Oʻzbekiston Respublikasi taʼlim tashkilotlariga qabul qilish boʻyicha davlat komissiyasi qarori asosida belgilanadigan muddatlarda Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan amalga oshiriladi.
II. Tashkiliy mexanizmlar
3. Mudofaa vazirligi Oliy taʼlim, fan va innovatsiyalar vazirligi huzuridagi Kasbiy taʼlim agentligi, Qurolli Kuchlar tarkibiga kiruvchi hamda boshqa manfaatdor vazirlik va idoralar bilan birgalikda:
(a) bir oy muddatda askarlar kasbga oʻqitish kurslarida oʻqitiladigan kasblar roʻyxatini tasdiqlasin;
(b) ikki oy muddatda belgilangan kasblarning oʻquv dasturlarini ishlab chiqsin va belgilangan tartibda tasdiqlasin;
(v) 2026-yil 1-maydan boshlab askarlarni ular tanlagan kasblar boʻyicha oʻqitishni yoʻlga qoʻysin;
(g) askarlarga oliy taʼlim tashkilotlariga oʻqishga kirishga tayyorgarlik koʻrish uchun zarur shart-sharoitlar yaratib berish choralarini koʻrsin.
4. Oliy taʼlim, fan va innovatsiyalar vazirligi huzuridagi Kasbiy taʼlim agentligi Qurolli Kuchlar tarkibiga kiruvchi vazirlik va idoralar buyurtmalari asosida kasbga oʻqitish boʻyicha oʻquv kurslarini muvaffaqiyatli tamomlagan askarlarga davlat namunasidagi sertifikat berilishini taʼminlasin.
5. Kambagʻallikni qisqartirish va bandlik vazirligi 2026-yil 1-maydan boshlab muddatli harbiy xizmatni oʻtab boʻlgan hamda xususiy sektorda faoliyat yuritmoqchi boʻlgan yoshlarni, shuningdek, askarlarni harbiy qismlarda kasbga oʻqitish xarajatlarini Bandlikka koʻmaklashish davlat jamgʻarmasi mablagʻlari hisobidan qoplab berish amaliyotini yoʻlga qoʻysin.
6. Yoshlar ishlari agentligi 2026-yil 1-iyuldan boshlab muddatli harbiy xizmatni oʻtab boʻlgan hamda oliy taʼlim tashkilotlarida oʻqish istagini bildirgan yoshlarga xorijiy til va fan sertifikati xarajatlarini “Yoshlar daftari”ga kiritilgan yoshlarni qoʻllab-quvvatlash jamgʻarmalari mablagʻlari hisobidan qoplab berish amaliyotini yoʻlga qoʻysin.
7. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:
(a) bir oy muddatda Qurolli Kuchlar tarkibiga kiruvchi vazirlik va idoralar buyurtmalari asosida harbiy qismlarni askarlarni kasbga oʻqitish boʻyicha zarur boʻlgan moddiy-texnik baza bilan;
(b) askarlarni kasbga oʻqitish davrida talab qilinadigan jihozlar, xomashyo va materiallar yetkazib berilishini taʼminlasin.
8. Qurolli Kuchlar tarkibiga kiruvchi vazirlik va idoralar askarlarning keyinchalik doimiy bandligini taʼminlash maqsadida muddatli harbiy xizmatni oʻtash davrida kasbga oʻqitish boʻyicha oʻquv kurslarini yakunlab, davlat namunasidagi sertifikatga ega boʻlgan askarlar toʻgʻrisidagi maʼlumotlarni harbiy xizmat tugashidan kamida bir oy oldin Kambagʻallikni qisqartirish va bandlik vazirligi hamda Migratsiya agentligiga taqdim etib borsin.
9. Kambagʻallikni qisqartirish va bandlik vazirligi muddatli harbiy xizmatni tamomlagan hamda davlat namunasidagi sertifikatga ega boʻlgan yoshlarning doimiy bandligini taʼminlash choralarini koʻrsin.
10. Migratsiya agentligi muddatli harbiy xizmatni tamomlagan hamda davlat namunasidagi sertifikatga ega boʻlgan yoshlarning bandligini taʼminlash maqsadida ularni xususiy bandlik agentliklari orqali xorijiy ish beruvchilarning boʻsh ish oʻrinlari boʻyicha tanlovlariga jalb qilish choralarini koʻrsin.
11. Iqtisodiyot va moliya vazirligi:
(a) 2026-yil 1-sentabrdan boshlab muddatli harbiy xizmatni oʻtash davrida oliy taʼlim tashkilotlariga toʻlov-kontrakt asosida oʻqishga qabul qilingan askarlarga qonunchilikda belgilangan tartibda oʻqishning birinchi yili uchun Taʼlim kreditini moliyalashtirish jamgʻarmasi mablagʻlari hisobidan taʼlim krediti ajratilishini;
(b) muddatli harbiy xizmatni tamomlagandan soʻng bir yil mobaynida tadbirkorlik bilan shugʻullanish istagida boʻlgan yoshlarga tadbirkorlikni boshlash uchun tijorat banklarining milliy valyutada Markaziy bank asosiy stavkasining ikki baravaridan oshmagan stavkada ajratiladigan kreditlarining 5 mlrd soʻmgacha qismi boʻyicha foiz xarajatlarining asosiy stavkadan 4 foiz punkt yuqori qismi, biroq 6 foizdan oshmagan miqdorda “Tadbirkorlikni rivojlantirish kompaniyasi” AJ tomonidan Kredit foiz xarajatlarini kompensatsiya qilish jamgʻarmasi mablagʻlari hisobidan qoplab berilishini taʼminlasin.
Bunda ushbu kompensatsiya kichik tadbirkorlik subyektlariga barqarorlik reytingi va hudud toifasidan qatʼi nazar, uch yil muddatga “2+1” tamoyili asosida dastlabki ikki yilga taqdim etiladi, tovar (ish, xizmat)larni realizatsiya qilishdan tushgan yillik tushum avvalgi yilning mos davriga nisbatan 15 foiz va undan ortiq miqdordan oshgan taqdirda, uchinchi yil davomida har oyda toʻlab boriladi.
12. Mudofaa vazirligi ikki oy muddatda:
(a) manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin;
(b) Qurolli Kuchlar tarkibiga kiruvchi vazirlik va idoralar, Kambagʻallikni qisqartirish va bandlik vazirligi, Iqtisodiyot va moliya vazirligi, Oliy taʼlim, fan va innovatsiyalar vazirligi hamda Yoshlar ishlari agentligi bilan birgalikda mazkur qarorga muvofiq askarlarni harbiy qismlarda kasbga oʻqitish xarajatlarini Bandlikka koʻmaklashish davlat jamgʻarmasidan qoplab berish tartibini nazarda tutuvchi idoraviy normativ hujjat ishlab chiqsin va tasdiqlasin.
13. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 7-aprel,
PQ-134-son
Президента Республики Узбекистан
Постановление
Об очередных мерах по повышению престижа и привлекательности прохождения срочной военной службы в рядах Вооруженных Сил Республики Узбекистан
В целях повышения престижа и привлекательности прохождения срочной военной службы в рядах Вооруженных Сил Республики Узбекистан, оказания всестороннего содействия военнослужащим срочной службы в обретении прочного места в обществе, поддержки их интересов и устремлений к освоению профессий и получению образования постановляю:
I. Льготы и гарантии, предоставляемые военнослужащим срочной службы и молодежи, проходившей военную службу
1. Установить, что гражданам, призванным на срочную военную службу в ряды Вооруженных Сил Республики Узбекистан (далее — Вооруженные Силы), предоставляются следующие льготы и гарантии:
(а) начиная с 2026/2027 учебного года:
(i) в период прохождения срочной военной службы солдатам, проходящим срочную военную службу (далее — солдаты), разрешается регистрация в качестве абитуриента на дистанционную форму обучения бакалавриата организаций высшего образования, участие во вступительных экзаменах и, по результатам, поступление на учебу. При этом солдатам, принятым на обучение в высшие образовательные организации на основе платного контракта, выделяется льготный образовательный кредит в установленном законодательством порядке;
(ii) солдаты, принятые на учебу в высшие образовательные организации в период прохождения ими срочной военной службы, приравниваются к студентам, прошедшим обучение в учебных центрах военной подготовки высших образовательных организаций, и им после окончания учебы в установленном порядке присваивается воинское звание «лейтенант запаса»;
(iii) солдаты в количестве 100 человек, отобранные на конкурсной основе среди солдат, показавших образцовую службу в период срочной военной службы, занявших 1-е место на республиканских и международных спортивных соревнованиях и предметных олимпиадах, принимаются на учебу в высшие военные и высшие военизированные образовательные учреждения по результатам предварительного отбора и специального профессионального конкурса напрямую без тестовых испытаний или индивидуального итогового собеседования в рамках установленных годовых квот.
При этом солдаты в количестве 100 человек, отобранные на конкурсной основе, распределяются среди соответствующих министерств и ведомств пропорционально общей численности солдат, проходящих срочную военную службу в их составе, и принимаются на учебу в высшие военные образовательные учреждения в составе министерств и ведомств, в которых они проходят (прошли) срочную военную службу, и осуществляющих подготовку для них офицеров;
(iv) солдаты, занявшие 1-е место на республиканских и международных соревнованиях по видам спорта, включенным в программу Олимпийских и Азиатских игр, в период прохождения срочной военной службы, принимаются на учебу в Узбекский государственный университет физической культуры и спорта (на соответствующие направления) без вступительных экзаменов на основе государственного гранта;
(v) в воинских частях (учреждениях) (далее — воинские части) исходя из интересов и способностей солдат формируются группы обучения профессиям и организовываются учебные курсы по обучению солдат не менее 1 профессии сроком до 6 месяцев. При этом солдатам, успешно окончившим учебные курсы, выдается сертификат государственного образца;
(vi) расходы на получение сертификата по иностранным языкам и предметам молодым людям, отслужившим срочную военную службу и изъявившим желание учиться в высших образовательных организациях в год увольнения со службы, компенсируются за счет фондов поддержки молодежи, включенной в «Молодежную тетрадь»;
(vii) расходы по обучению профессиям молодых людей, отслуживших срочную военную службу и изъявивших желание осуществлять деятельность в частном секторе, компенсируются в установленном порядке за счет средств Государственного фонда содействия занятости на ваучерной основе;
(viii) процентные расходы по кредитам молодым людям, отслужившим срочную военную службу и выразившим желание заняться предпринимательством, компенсируются в установленном законодательством порядке;
(б) начиная с 1 апреля 2027 года молодым людям, отслужившим срочную военную службу, при поступлении на работу в государственные органы и организации предоставляется льгота в виде прибавки дополнительных баллов в размере 10 процентов от набранных ими баллов по результатам тестовых испытаний.
2. Установить порядок, в соответствии с которым:
(а) начиная с мая 2026 года путем анкетирования среди солдат выявляются кандидаты, желающие овладеть профессией и поступить на учебу в высшую образовательную организацию;
(б) в целях эффективной организации обучения солдат профессиям их воинские части прикрепляются к техникумам, расположенным вблизи воинских частей. При этом к обучению профессиям солдат привлекаются педагогические кадры техникумов;
(в) начиная с 1 мая 2026 года оплата труда педагогов, привлеченных к обучению профессиям солдат, за проведение занятий осуществляется на почасовой основе;
(г) тестовые испытания по приему на учебу в высшие образовательные организации солдат проводятся в общем порядке Агентством по оценке знаний и квалификаций при Министерстве высшего образования, науки и инноваций в сроки, определяемые ежегодно на основании решения Государственной комиссии по приему в образовательные организации Республики Узбекистан.
II. Организационные механизмы
3. Министерству обороны совместно с Агентством профессионального образования при Министерстве высшего образования, науки и инноваций, министерствами и ведомствами, входящими в состав Вооруженных Сил, и другими заинтересованными министерствами и ведомствами:
(а) в месячный срок утвердить перечень профессий для обучения солдат на курсах по обучению профессиям;
(б) в двухмесячный срок разработать и в установленном порядке утвердить учебные программы определенных профессий;
(в) начиная с 1 мая 2026 года наладить обучение солдат выбранным профессиям;
(г) принять меры по созданию необходимых условий для подготовки к поступлению солдат в высшие образовательные организации.
4. Агентству профессионального образования при Министерстве высшего образования, науки и инноваций на основании заявок министерств и ведомств, входящих в состав Вооруженных Сил, обеспечить выдачу солдатам, успешно окончившим учебные курсы по обучению профессиям, сертификата государственного образца.
5. Министерству занятости и сокращения бедности внедрить с 1 мая 2026 года практику компенсации расходов по обучению профессиям молодым людям, отслужившим срочную военную службу и изъявившим желание осуществлять деятельность в частном секторе, а также солдатам в воинских частях, за счет средств Государственного фонда содействия занятости.
6. Агентству по делам молодежи внедрить с 1 июля 2026 года практику компенсации расходов на получение сертификата по иностранным языкам и предметам молодым людям, отслужившим срочную военную службу и изъявившим желание учиться в высших образовательных организациях, за счет фондов поддержки молодежи, включенной в «Молодежную тетрадь».
7. Совету Министров Республики Каракалпакстан, хокимиятам областей и города Ташкента:
(а) в месячный срок по заявкам министерств и ведомств, входящих в состав Вооруженных Сил, обеспечить воинские части материально-технической базой, необходимой для обучения профессиям солдат;
(б) наладить поставку оборудования, сырья и материалов, требуемых в период обучения профессиям солдат.
8. Министерствам и ведомствам, входящим в состав Вооруженных Сил, в целях обеспечения последующей постоянной занятости солдат представлять Министерству занятости и сокращения бедности и Агентству миграции сведения по солдатам, окончившим учебные курсы по обучению профессиям и получившим сертификат государственного образца в период прохождения срочной военной службы, не менее чем за один месяц до окончания срока военной службы.
9. Министерству занятости и сокращения бедности принять меры по обеспечению постоянной занятости молодых людей, отслуживших срочную военную службу и получивших сертификат государственного образца.
10. Агентству миграции в целях обеспечения занятости молодых людей, отслуживших срочную военную службу и получивших сертификат государственного образца, принять меры по привлечению их к конкурсам на вакантные рабочие места зарубежных работодателей посредством частных агентств занятости.
11. Министерству экономики и финансов обеспечить:
(а) выделение с 1 сентября 2026 года солдатам, принятым на учебу в высшие образовательные организации на платно-контрактной основе в период прохождения срочной военной службы, образовательного кредита для первого года обучения за счет средств Фонда по финансированию образовательных кредитов в порядке, установленном законодательством;
(б) компенсацию акционерным обществом «Компания по развитию предпринимательства» за счет средств Фонда компенсации процентных расходов по кредитам части процентных расходов, превышающей основную ставку Центрального банка на 4 процентных пункта, но в размере, не превышающем 6 процентов по части до 5 млрд сумов кредитов коммерческих банков в национальной валюте, выделяемых по ставке, не превышающей двукратного размера основной ставки, для начала предпринимательской деятельности молодым людям, желающим заняться предпринимательством в течение одного года после прохождения срочной военной службы.
При этом данная компенсация предоставляется субъектам малого предпринимательства на срок три года на основе принципа «2+1», на первые два года независимо от рейтинга устойчивости и категории территории, если сумма годового поступления от реализации товара (работы, услуги) превысила сумму за соответствующий период прошлого года на 15 процентов и более — выплачивается ежемесячно на протяжении третьего года.
12. Министерству обороны в двухмесячный срок:
(а) совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления;
(б) совместно с министерствами и ведомствами, входящими в состав Вооруженных Сил, Министерством занятости и сокращения бедности, Министерством экономики и финансов, Министерством высшего образования, науки и инноваций и Агентством по делам молодежи разработать и утвердить ведомственный нормативный акт, предусматривающий порядок возмещения расходов на профессиональное обучение солдат в воинских частях за счет Государственного фонда содействия занятости в соответствии с настоящим постановлением.
13. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
7 апреля 2026 г.,
№ ПП-134